BTV NEWS

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

សម្ដេចធិបតី៖ កម្ពុជាជាសមាជិក WTO មិនអាចហាមឃាត់ការនាំចូលទំនិញពីប្រទេសដទៃបានទេ

សម្ដេចធិបតី៖ ឆ្នាំ២០២៩ កម្ពុជានឹងចាកចេញពីប្រទេសអភិវឌ្ឍន៍តិចតួចបន្តដំណើរទៅកាន់ប្រទេសអភិវឌ្ឍន៍

ព័ត៌មានសំខាន់ៗ

សម្តេចតេជោ ហ៊ុន សែន នាយករដ្ឋមន្រ្តី ទទួលបានការស្វាគមន៍យ៉ាងកក់ក្តៅដោយបងប្អូនខ្មែរអាមេរិក

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី និងគណៈប្រតិភូ ត្រូវបានទទួលស្វាគមន៍យ៉ាងកក់ក្តៅដោយបងប្អូនខ្មែរអាមេរិកាំងនៅ Willard intercontinental hotel, Washington DC , USA។គួរបញ្ជាក់ថា សម្តេចតេជោ ហ៊ុន សែន នាយករដ្ឋមន្រ្តីកម្ពុជា និងប្រតិភូ បានអញ្ជេីញដល់អាកាសយានដ្ឋាន Joint Base Andrews នៃទីក្រុងវ៉ាស៊ីនតោន សហរដ្ឋអាមេរិក ប្រកបដោយសុវត្ថិភាព នៅម៉ោង 7:33pm ថ្ងៃទី១០ ខែឧសភា ឆ្នាំ២០២២ (ម៉ោងនៅក្រុងវ៉ាស៊ីនតោន ត្រូវនឹងព្រឹកថ្ងៃទី១១ ខែឧសភា ឆ្នាំ២០២២ ម៉ោងនៅកម្ពុជា)៕

សម្តេចតេជោ ហ៊ុន សែន ដឹកនាំប្រតិភូ អញ្ជេីញដល់អាកាសយានដ្ឋាន Joint Base Andrews ទីក្រុងវ៉ាស៊ីនតោនហើយ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជា និងប្រតិភូ បានអញ្ជេីញដល់អាកាសយានដ្ឋាន Joint Base Andrews នៃទីក្រុងវ៉ាស៊ីនតោន សហរដ្ឋអាមេរិក ប្រកបដោយសុវត្ថិភាព នៅម៉ោង 7:33pm ថ្ងៃទី១០ ខែឧសភា ឆ្នាំ២០២២ (ម៉ោងនៅក្រុងវ៉ាស៊ីនតោន ត្រូវនឹងព្រឹកថ្ងៃទី១១ ខែឧសភា ឆ្នាំ២០២២ ម៉ោងនៅកម្ពុជា)។

ក្រុមគ្រួសារធ្វើបុណ្យ៧ថ្ងៃឧទ្ទិសកុសលផលបុណ្យជូនដល់ដួងវិញ្ញាណក្ខន្ធសព សម្តេចឧត្តមទេពញាណ ហ៊ុន ណេង

កំពង់ចាម៖ នៅរសៀលថ្ងៃទី ១០ ខែឧសភា ឆ្នាំ ២០២២ នេះ លោកជំទាវ លាង វួចឆេង ជាភរិយា និងសម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ត្រូវជាប្អូនថ្លៃ ព្រមទាំងញាតិមិត្ត និងក្រុមគ្រួសារ បាននិមន្តព្រះសង្ឃប្រារព្ធពិធីសូត្រមន្ត ចម្រើនព្រះបរិត្ត និងសម្តែងធម្មទេសនា ក្នុងពិធីបុណ្យ៧ថ្ងៃ ដើម្បីឧទ្ទិសកុសលផលបុណ្យជូនដល់ដួងវិញ្ញាណក្ខន្ធសព សម្តេចឧត្តមទេពញាណ ហ៊ុន ណេង ដែលបាន ចែកឋានទៅកាន់លោកខាងមុខហើយនោះ សូមមកទទួលនូវមនុញ្ញផលតាមរយៈពិធីសាសនា និងបានសោយសុខក្នុងឋានសុគតិភពកុំបីឃ្លៀងឃ្លាតឡើយ៕

លោក ហ៊ុន ម៉ាណែត សម្ពោធដាក់ឱ្យប្រើប្រាស់ជាផ្លូវការអគារសិក្សា និងសមិទ្ធផលនានានៅវិទ្យាល័យ ប៊ុន រ៉ានី ហ៊ុនសែន អម្ពរវ័នជំនីក ស្រុកក្រូចឆ្មារ

ត្បូងឃ្មុំ៖ លោក ហ៊ុន ម៉ាណែត តំណាងសម្តេចតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញសម្ពោធដាក់ឱ្យប្រើប្រាស់ជាផ្លូវការអគារសិក្សា ១ខ្នង កម្ពស់ ២ជាន់ ១០បន្ទប់ និងសមិទ្ធផលនានា នៅវិទ្យាល័យ ប៊ុន រ៉ានី ហ៊ុនសែន អម្ពរវ័នជំនីក ស្ថិតក្នុងភូមិស្វាយដំណាក់ ឃុំជំនីក ស្រុកក្រូចឆ្មារ ខេត្តត្បូងឃ្មុំ នៅព្រឹកថ្ងៃទី១០ ខែឧសភា ឆ្នាំ២០២២។លោក ហ៊ុន ម៉ាណែត សូមអបអរសាទរចំពោះសមិទ្ធផលដែលកើតមានទ្បើងជាបន្តបន្ទាប់នៅក្នុងវិទ្យាល័យ ប៊ុន រ៉ានី ហ៊ុនសែន អម្ពវ័នជំនីក ហើយសំណង់អគារ និងហេដ្ឋារចនាសម្ព័ន្ធដ៏រឹងមាំទាំងនេះ នឹងស្ថិតស្ថេរ នៅគង់វង្សយូរអង្វែងត ជាប្រយោជន៍ក្នុងការបណ្តុះបណ្តាលកូនចៅប្រជាពលរដ្ឋក្នុងមូលដ្ឋាននេះឱ្យមានអនាគតរុងរឿងខ្ពង់ខ្ពស់គ្រប់ៗគ្នា។លោកបន្តថា នៅក្នុងវិស័យអប់រំ ក្រៅពីរាជរដ្ឋាភិបាល មានតួអង្គបីសំខាន់គឺ៖ ទី១. មាតាបិតា អាណាព្យាបាល ជាអ្នកមានគុណូបការៈក្នុងការផ្គត់ផ្គង់ទំនុកបម្រុងគ្រប់បែបយ៉ាងឱ្យកូនចៅរបស់ខ្លួនបានរៀនសូត្រខ្ពង់ខ្ពស់ និងការអប់រំណែនាំឱ្យមានសីលធម៌ និងចរិយាសម្បត្តិល្អ។ ទី២. លោកគ្រូអ្នកគ្រូ ដែលបានខិតខំប្រឹងប្រែងយកអស់សមត្ថភាព និងលទ្ធភាពក្នុងការអប់រំបង្ហាត់បង្រៀនកុលបុត្រ កុលធីតា ឱ្យទទួលបានពុទ្ធិជ្រៅជ្រះ ក្លាយខ្លួនជាបញ្ញាវ័ន្ត និងជាធនធានមនុស្សដ៏មានតម្លៃសម្រាប់សង្គមគ្រួសារ និងសង្គមជាតិទាំងមូល។ ទី៣. សិស្សានុសិស្សគ្រប់រូប ដែលជាទំពាំងស្នងឫស្សីពោរពេញចំណេះដឹង ជំនាញ និងគុណធម៌ ជាមួយនឹងភាពអំណត់អត់ធន់ក្នុងការសិក្សារៀនសូត្រ ក៏ដូចជាការចូលរួមក្នុងកិច្ចការសង្គមនានា ស័ក្តិសមជាសសរទ្រូងដ៏រឹងមាំរបស់ប្រទេសជាតិ។លោកសូមអរគុណប្រជាពលរដ្ឋនៅស្រុកក្រូចឆ្មារ ក៏ដូចជានៅទូទាំងខេត្តត្បូងឃ្មុំ ដែលតែងតែគាំទ្រ និងផ្តល់ទំនុកចិត្តលើ សម្តេចតេជោ និង គណបក្សប្រជាជនកម្ពុជា តរៀងមក ជាពិសេសការផ្តល់យុត្តិធម៌ចំពោះ សច្ចភាព និងការខិតខំប្រឹងប្រែងកន្លងមករបស់ថ្នាក់ដឹកនាំគណបក្ស និងក្រុមការងារចុះជួយមូលដ្ឋានគ្រប់យន្តការ ដើម្បីធ្វើយ៉ាងឱ្យប្រជាពលរដ្ឋបានរស់នៅក្នុងសេចក្តីសុខសាន្ត និងមានជីវភាពរុងរឿង៕

សម្ដេចតេជោ ហ៊ុន សែន៖ ទិវាកាកបាទក្រហម-អឌ្ឍចន្ទក្រហម ៨ឧសភា ឆ្នាំនេះ កាកបាទក្រហមកម្ពុជា ប្រមូលមូលនិធិបានជាង ១៦លានដុល្លារ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីប្រកាសថា ទិវាកាកបាទក្រហម-អឌ្ឍចន្ទក្រហម ៨ឧសភា ខួបលើកទី១៥៩ ឆ្នាំ២០២២នេះ កាកបាទក្រហមកម្ពុជា ប្រមូលមូលនិធិពីការបរិច្ចាគរបស់សប្បុរសជនជាតិ និងអន្តរជាតិ បានជាង ១៦លានដុល្លារសហរដ្ឋអាមេរិក ដែលជាចំនួនមួយដ៏ច្រើនក្នុងពេលវេលា នៃដំណាក់កាលវិបត្តិកូវីដ-១៩។តាមរយៈសារសំឡេងនៅរសៀលថ្ងៃទី១០ឧសភានេះ សម្តេចតេជោ ហ៊ុន សែន បានក្រាបបង្គំទូលថ្វាយអំណរ ព្រះរាជគុណ ថ្វាយព្រះករុណា ព្រះមហាក្សត្រ និងហ្លួងម៉ែ ព្រមទាំងសប្បុរជនជាតិ-អន្តរជាតិ ដែលបានប្រោសព្រះរាជទាន ព្រះរាជទ្រព្យ និងបរិច្ចាគថវិកា ដើម្បីចូលរួមសកម្មភាពមនុស្សធម៌ជាមួយកាកបាទក្រហមកម្ពុជា តាមរយៈទិវាពិភពលោកកាកបាទក្រហម អឌ្ឍចន្ទក្រហម ៨ឧសភា ឆ្នាំ២០២២នេះ។

សម្ដេចតេជោ ហ៊ុន សែន និងគណៈប្រតិភូ បានអញ្ជើញដល់ព្រលានយន្តហោះក្រុងសេអ៊ូលហើយ

សម្តេចតេជោ ហ៊ុន សែន នាយករដ្ឋមន្ត្រី បានផ្ញើសារពិសេសតាមTelegramដោយបញ្ជាក់ថា នៅវេលាម៉ោងជាង ២រសៀល ថ្ងៃទី១០ ខែឧសភានេះ គណៈប្រតិភូកម្ពុជា បានធ្វើចុះចតនៅទីក្រុងសេអ៊ូល នៃសាធារណរដ្ឋកូរ៉េ ដើម្បីចាក់សាំងយន្តហោះ មុននឹងបន្តដំណើរទៅកាន់រដ្ឋអាឡាស្កា និងទៅវ៉ាស៊ីនតោន ទឹកដីសហរដ្ឋអាមេរិក។

លោក Guterres ព្រួយបារម្ភអំពីការកើនឡើងដែលអាចកើតមាននៃសង្គ្រាមអ៊ុយក្រែន

ម៉ុលដូវ៉ា៖ អគ្គលេខាធិការអង្គការសហប្រជាជាតិលោក Antonio Guterres បានថ្លែងក្នុងអំឡុងដំណើរទស្សនកិច្ចផ្លូវការទៅកាន់ប្រទេសម៉ុលដូវ៉ា ដែលមិនមែនជាសមាជិក NATO កាលពីថ្ងៃចន្ទថា ផលវិបាកនៃសង្គ្រាមរបស់រុស្ស៊ីមកលើអ៊ុយក្រែនដែលកំពុងកើនឡើងគឺគួរឱ្យព្រួយបារម្ភខ្លាំង។ លោក Guterres ដែលបានមកដល់រដ្ឋធានី Chisinau ប្រទេសម៉ុលដូវ៉ាកាលពីថ្ងៃចន្ទ បានថ្លែងនៅក្នុងសន្និសីទសារព័ត៌មានរួមគ្នាជាមួយនាយករដ្ឋមន្ត្រីលោកស្រី Natalia Gavrilita ថា ផលប៉ះពាល់នៃសង្គ្រាមរបស់រុស្ស៊ីនៅប្រទេសជិតខាងអ៊ុយក្រែនគឺធំធេង និងរាលដាល។ ដំណើរទស្សនកិច្ចរបស់ប្រមុខអង្គការសហប្រជាជាតិទៅកាន់ប្រទេសម៉ុលដូវ៉ា ជាប្រទេសក្នុងចំណោមប្រទេសក្រីក្របំផុតមួយរបស់អឺរ៉ុប ដែលមានប្រជាជនប្រមាណ ២.៦លាននាក់ធ្វើឡើងបន្ទាប់ពីមានឧប្បត្តិហេតុមិនច្បាស់លាស់ជាបន្តបន្ទាប់ ដែលបានធ្វើឲ្យរង្គោះរង្គើតំបន់ផ្តាច់ខ្លួន Transnistria គាំទ្ររុស្ស៊ីរបស់ប្រទេសម៉ុលដូវ៉ា ដែលធ្វើឲ្យមន្ត្រីនៅទីក្រុង Chisinau មានការប្រុងប្រយ័ត្នខ្ពស់។ កាលពីថ្ងៃសុក្រសប្តាហ៍មុន នគរបាលនៅតំបន់ Transnistria បាននិយាយថា គ្រាប់ផ្ទុះត្រូវបានទម្លាក់ចេញពីយានដ្រូនដែលបន្សល់ទុកនូវរណ្ដៅមានជម្រៅ ១ម៉ែត្រនៅជិតភូមិមួយ។លោក Guterres និយាយថា លោកមានការព្រួយបារម្ភខ្លាំងអំពីការបន្ត និងការរីករាលដាលដែលអាចកើតមានពីសង្គ្រាមដែលរុស្ស៊ីកំពុងធ្វើនៅក្នុងប្រទេសអ៊ុយក្រែន ហើយអធិបតេយ្យភាព និងបូរណភាពទឹកដីរបស់ប្រទេសម៉ុលដូវ៉ាមិនត្រូវមានការគំរាមកំហែង ឬបំផ្លាញឡើយ។ តំបន់ Transnistria ជាដែនដីតូចមួយមានប្រជាជនប្រមាណ ៤៧០,០០០នាក់ស្ថិតនៅក្រោមការគ្រប់គ្រងរបស់អាជ្ញាធរផ្តាច់ខ្លួន ចាប់តាំងពីសង្គ្រាមឆ្នាំ១៩៩២ ជាមួយប្រទេសម៉ុលដូវ៉ា។ រុស្ស៊ីបានដាក់កងទ័ពប្រមាណ ១.៥០០នាក់ក្នុងតំបន់ផ្តាច់ខ្លួននេះដែលបង្ហាញថាជាកងរក្សាសន្តិភាព៕អត្ថបទ៖ ប៊ុនថន

រុស្ស៊ីទទួលស្គាល់ថា ខ្លួនប្រឈមនឹងការដួលរលំសេដ្ឋកិច្ចដោយសារសង្គ្រាមរបស់លោក Putin

រុស្ស៊ី៖ ឯកសារថតចម្លងបែកធ្លាយនៃការព្យាករណ៍ផ្ទាល់របស់វិមានក្រឹមឡាំងបានបង្ហាញថា សេដ្ឋកិច្ចរបស់ប្រទេសរុស្ស៊ីបានធ្លាក់ចូលក្នុងវិបត្តិធ្ងន់ធ្ងរបំផុតក្នុងរយៈពេលជិត ៣ទសវត្សរ៍មកនេះ ខណៈដែលប្រទេសនេះត្រូវបានប៉ះពាល់ដោយសារទណ្ឌកម្មពីបណ្ដាប្រទេសលោកខាងលិច។ក្រសួងហិរញ្ញវត្ថុរុស្ស៊ីកំពុងព្យាករណ៍ការធ្លាក់ចុះ ១២% ក្នុង GDP នៅឆ្នាំនេះជាការធ្លាក់ចុះធំបំផុតចាប់តាំងពីឆ្នាំ១៩៩៤ នៅពេលប្រទេសនេះកំពុងផ្លាស់ប្ដូរទៅរករបបមូលធននិយម ក្រោមការដឹកនាំរបស់លោក Boris Yeltsin ជាប្រធានាធិបតីដំបូងគេក្រោយការដួលរលំសហភាពសូវៀត។ ឯកសារចម្លងលេចធ្លាយនេះនឹងដាក់សម្ពាធបន្ថែមទៀតលើលោក Vladimir Putin ដែលបានចូលរួមជាអធិបតីក្នុងទម្រង់ថ្មី នៃក្បួនព្យុហយាត្រាទិវាជ័យជម្នះប្រចាំឆ្នាំរបស់រុស្ស៊ី ដែលបង្ហាញពីការបញ្ចប់សង្គ្រាមលោកលើកទី២ នៅអឺរ៉ុប។ប្រទេសរុស្ស៊ីត្រូវបានគ្របសង្កត់ដោយទណ្ឌកម្មធ្ងន់ធ្ងរ ក្រោយការចូលលុកលុយប្រទេសអ៊ុយក្រែនដែលនឹងត្រូវរងសម្ពាធបន្ថែមទៀត ខណៈទីក្រុងព្រូសសែលពិភាក្សាបម្រាមលើការនាំចូលប្រេងពីប្រទេសនេះ៕អត្ថបទ៖ សុខមាន

រដ្ឋមន្ត្រីក្រសួងវប្បធម៌ និងវិចិត្រសិល្បៈ ស្នើភាគីពាក់ព័ន្ធ ឬបុគ្គលជាអ្នកផលិតមាតិកាកម្សាន្តលើបណ្តាញសង្គមប្រកាន់ភ្ជាប់នូវវប្បធម៌អហិង្សា

ភ្នំពេញ៖ លោកជំទាវបណ្ឌិតសភាចារ្យ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ បានស្នើដល់ភាគីពាក់ព័ន្ធទាំងអស់ ពិសេសក្រុម ឬបុគ្គល ជាអ្នកផលិតមាតិកាកម្សាន្តលើបណ្តាញ សង្គម ត្រូវខិតខំបន្ថែមទៀត ក្នុងការបញ្ចូលខ្លឹមសារអប់រំខ្លីៗ ទាក់ទងនឹងការលើក កម្ពស់សីល ធម៌ សង្គម និងតម្លៃស្ត្រី ទៅក្នុងបណ្តាភាពយន្ត ចម្រៀង ភាពយន្តខ្នាតធំ ភាពយន្តភាគ ឬវីដេអូរបស់ខ្លួន ហើយសូមប្រកាន់ភ្ជាប់នូវវប្បធម៌អហិង្សា និងលើកកម្ពស់ការរស់នៅប្រកបដោយភាពស៊ីវីល័យ ឱ្យសាកសមជាប្រទេសមានសុខសន្តិភាព និងការអភិវឌ្ឍ។ថ្លែងក្នុងពិធីបើកសិក្ខាសាលាស្តីពី « តួនាទីផលិតករ សិល្បករ រួមចំណែកក្នុងការ លើកកម្ពស់ សីលធម៌សង្គម និងទប់ស្កាត់អំពើហិង្សាលើស្ត្រីនិងកុមារ តាមរយៈវីដេអូខ្លី» នៅទីស្ដីការក្រសួងវប្បធម៌និងវិចិត្រសិល្បៈ នា ថ្ងៃទី១០ ខែឧសភា ឆ្នាំ២០២២នេះ លោកជំទាវបណ្ឌិតសភាចារ្យ ភឿង សកុណា បានលើកឡើងថា បច្ចុប្បន្នវិស័យភាពយន្ត នៅកម្ពុជា មានការរីកលូតលាស់គួរជាទីមោទនៈ ក្នុងនោះការផលិតវីដេអូកម្សាន្តនៅលើបណ្ដាញ សង្គមនានា ជាលក្ខណៈ ក្រុមឬបុគ្គល ក៏មានច្រើនគួរឱ្យកត់សម្គាល់។ ការផលិតភាពយន្តខ្លី ឬវីដេអូខ្លីទាំងនេះ គឺដើម្បីបម្រើដល់ការកម្សាន្តដល់មនុស្សគ្រប់វ័យ តែមានភាពយន្ត និងវីដេអូមួយចំនួនបានបង្កើត ឱ្យមាន វប្បធម៌ហិង្សា ការសងសឹក ការប្រើប្រាស់គ្រឿងស្រវឹង គ្រឿងញៀន និងអំពើហិង្សា ក្នុងទម្រង់ធ្ងន់ធ្ងរ ដែលជាវប្បធម៌មួយមិនល្អ នាំអោយក្មេងៗជំនាន់ក្រោយបែរជាយកមកចម្លង និងអនុវត្តតាម។លោកជំទាវ ក៏បានឃើញពីការខិតខំប្រឹងប្រែងរបស់ផលិតករ អ្នកនិពន្ធ ម្ចាស់ផលិតកម្ម និងអ្នកផលិតមាតិកាកម្សាន្តលើបណ្ដាញសង្គមជាច្រើន ដែលបានផលិត ភាពយន្ត ឬវីដេអូដែលមានការបញ្ចូលខ្លឹមសារអប់រំ លើកកម្ពស់តម្លៃស្រ្តី និងទប់ស្កាត់ហិង្សា លើកុមារជាដើម តែនៅក្នុងកម្រិតមួយដែលមានចំនួនតិចនៅឡើយ ដែលទាមទារឱ្យយើងត្រូវរកប្រភពធនធានច្រើនក្នុងការយកមកផលិត ព្រោះផលិតករគាត់ផលិតអាស្រ័យលើទីផ្សារ និងចំណូល ត្រលប់មកវិញ។លោកជំទាវ បានណែនាំ និងសូម ផ្ដល់ជាអនុសាសន៍មួយចំនួនដូចខាងក្រោម អង្គភាពពាក់ព័ន្ធក្រោមឱវាទក្រសួង វប្បធម៌និង វិចិត្រ សិល្បៈត្រូវតាមដានលើមាតិកា ខ្លឹមសារ រូបភាព និងការសម្ដែងតាមកម្មវិធីនានា ក៏ដូចជា ប្រព័ន្ធផ្សព្វផ្សាយគ្រប់រូបភាព និងការសម្ដែងផ្ទាល់ ដែលមានលក្ខណៈអាសអាភាស ប៉ះពាល់ដល់សីលធម៌សង្គម និងតម្លៃស្ត្រី, ត្រូវចាត់វិធានការរដ្ឋបាលនានា ក្នុងគោលដៅអប់រំណែនាំដល់ក្រុមគោលដៅ ឬបុគ្គល ដែលបង្កហេតុ, ក្នុងករណីមិនរៀងចាល អង្គភាព ឬមន្ទីរ ត្រូវធ្វើរបាយការណ៍បញ្ជូនមកក្រសួង ដើម្បីក្រសួងស្នើសុំកិច្ចសហការជាមួយក្រសួង-ស្ថាប័នមានសមត្ថកិច្ចផ្សេងទៀតចាត់វិធានការបន្ត។ លោកទាវជំរុញផលិតករ អ្នកនិពន្ធ សិល្បករ សិល្បការិនី អ្នកផលិតមាតិ ការសម្សាន្ត លើបណ្ដាញ សង្គម ត្រូវបញ្ជ្រាបខ្លឹមសារអប់រំក្នុងភាពយន្ត ឬវីដេអូ ដើម្បីចូលរួមទប់ស្កាត់ ការប្រើប្រាស់ អំពើ ហិង្សា លើ ស្ត្រីនិងកុមារ, ប្រកាន់ភ្ជាប់នូវសីលធម៌ វិជ្ជាជីវៈរបស់ខ្លួន ក្នុងការផលិតស្នាដៃដើម្បីយក ទៅផ្សព្វផ្សាយ នៅតាមបណ្ដាញសង្គម, ត្រូវបង្កប់ន័យអប់រំដល់ទស្សនិកជន អ្នកគាំទ្រ ជាពិសេសយុវជន និងកុមារ, ត្រូវបញ្ឈប់រាល់ខ្លឹមសារ ឬរូបភាព ដែលបង្កឱ្យមានការប៉ះពាល់ដល់ សីលធម៌សង្គម ប្រពៃណី ទំនៀមទម្លាប់ និងតម្លៃស្ត្រី, ត្រូវបង្កើតស្នាដៃដែលមានផលវិជ្ជមានដល់បុគ្គល ក្រុម សហគមន៍ និងសង្គមជាតិផងដែរ៕ (អត្ថបទ និងរូបភាប៖ ហួត រដ្ឋា)

ទណ្ឌកម្មបានបង្ខំឲ្យរុស្ស៊ីកាត់បន្ថយផលិតផលប្រេងរបស់ខ្លួន ១លានបារ៉ែលក្នុងមួយថ្ងៃ

រុស្ស៊ី៖ យោងតាមលោក Mike Muller ដែលជាប្រធានទីភ្នាក់ងារថាមពល Vitol អាស៊ី ដែលជាពាណិជ្ជករប្រេងឆៅឯករាជ្យធំបំផុតរបស់ពិភពលោក ការដាក់ទណ្ឌកម្មប្រឆាំងនឹងរុស្ស៊ីបានកាត់បន្ថយការផលិតប្រេងឆៅ ១លានបារ៉ែលចេញពីការផលិតរបស់ខ្លួនជារៀងរាល់ថ្ងៃ ប៉ុន្តែនោះគ្រាន់តែជាការធ្លាក់ចុះតិចតួច បើប្រៀបធៀបទៅនឹងផលប៉ះពាល់ដែលបានព្យាករណ៍។ រុស្ស៊ីកំពុងផលិតប្រេងឆៅបានប្រហែល ១១លានបារ៉ែលក្នុងមួយថ្ងៃរហូតដល់ថ្ងៃដែលខ្លួនបានលុកលុយអ៊ុយក្រែនកាលពីចុងខែកុម្ភៈ។ ក្នុងនោះបាននាំចេញប្រមាណ ៧លានបារ៉ែលក្នុងមួយថ្ងៃ។ ប៉ុន្តែការដាក់ទណ្ឌកម្ម និងពហិការផលិតផលរបស់ខ្លួនបានរំខានដល់ពាណិជ្ជកម្ម និងកាត់បន្ថយតម្រូវការ ដោយបង្ខំឲ្យរុស្ស៊ីកាត់បន្ថយការផ្គត់ផ្គង់របស់ខ្លួន។ សហភាពអឺរ៉ុបក៏កំពុងរៀបចំផែនការលើបម្រាមនាំចូលប្រេងឆៅពីរុស្ស៊ីទាំងស្រុងផងដែរ។ រុស្ស៊ីរកចំណូលបាន ៦៦ពាន់លានដុល្លារពីការនាំចេញឥន្ធនៈហ្វូស៊ីលក្នុងរយៈពេល ២ខែចាប់តាំងពីចូលវាយប្រហារអ៊ុយក្រែន នេះបើយោងតាមរបាយការណ៍របស់មជ្ឈមណ្ឌលស្រាវជ្រាវថាមពល និងខ្យល់ស្អាតដែលចេញផ្សាយកាលពីសប្តាហ៍មុន។ ប្រហែលពាក់កណ្ដាលនៃប្រាក់ចំណូលចំនួន ១៤៧ពាន់លានដុល្លារដែលខ្លួនបានកត់ត្រាគឺសម្រាប់តែក្នុងឆ្នាំ២០២១ ប៉ុណ្ណោះ ខណៈតម្លៃថាមពលបានហក់ឡើងនៅឆ្នាំនេះ។ លោក Muller បាននិយាយនៅក្នុងបណ្ដាញសង្គមថា នៅមានប្រទេសជាច្រើននៅអាស៊ី អាហ្វ្រិក និងអាមេរិកឡាទីនដែលមិនបានដាក់ទណ្ឌកម្មប្រឆាំងនឹងរុស្ស៊ី៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

អ៊ីរ៉ង់ ព្រមាននាវាកុំឱ្យឆ្លងកាត់ច្រកសមុទ្រ Hormuz ដែលខ្លួនពេញចិត្តជ្រើសរើសផ្លូវនេះ

លោក Putin ទទួលស្គាល់ពីកង្វះប្រេងឥន្ធនៈ បន្ទាប់ពីការវាយប្រហាររបស់អ៊ុយក្រែន

WHO៖ រលកកម្ដៅនៅអឺរ៉ុប ជាប់ពាក់ព័ន្ធនឹងការស្លាប់មនុស្ស១.៣០០នាក់ខណៈអាល្លឺម៉ង់ឡើងដល់កំណត់ត្រា ៤១.៧ អង្សាសេ

មន្ត្រីអាមេរិកនិយាយថា អ៊ីរ៉ង់ និងអាមេរិក បានយល់ព្រមបញ្ឈប់ការវាយប្រហារ និងបន្តការចរចា

មន្ត្រីជំនាញកិច្ចការព្រំដែន៖ ទោះបីថៃប្រើផែនទីណាក៏ដោយក៏មិនអាចបញ្ជាក់ថា ប្រាសាទខ្នារជារបស់ថៃដែរ

ក្រសួងពាណិជ្ជកម្ម ចុះបញ្ជីជាផ្លូវការផលិតផល “ទុរេនបែកអន្លូង” ជាម៉ាកសមូហភាព (Collective Mark) លើកកម្ពស់អត្តសញ្ញាណផលិតផលខ្មែរ និងពង្រឹងការការពារកម្មសិទ្ធិបញ្ញា

សមត្ថកិច្ចចុះត្រួតពិនិត្យពីរទីតាំងនៅក្រុងប៉ោយប៉ែតរកឃើញជនជាតិឥណ្ឌូនេស៊ីចំនូន៨១នាក់រស់នៅប្រមូលផ្តុំ

សម្ដេចព្រះមហាសង្ឃរាជ បួរ គ្រី យាងបើកកម្មវិធីការពារនិក្ខេបបទ និងប្រឡងបញ្ចប់ថ្នាក់បរិញ្ញាបត្រជាន់ខ្ពស់ នៅពុទ្ធិកសាកលវិទ្យាល័យព្រះសីហមុនីរាជា

សម្តេចកិត្តិសង្គហបណ្ឌិត ម៉ែន សំអន អញ្ជើញប្រគេនទៀនព្រះវស្សា និងទេយ្យវត្ថុដល់ព្រះសង្ឃចំនួន ៥វត្ត នៅខេត្តក្រចេះ

សម្ដេចធិបតី អញ្ជើញត្រួតពិនិត្យ និងសួរសុខទុក្ខយោធិនក្នុងអង្គភាពបញ្ជាការដ្ឋានជាតិកម្លាំងពិសេសប្រឆាំងភេរវកម្ម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្តេចតេជោ ហ៊ុន សែន នាយករដ្ឋមន្រ្តី ទទួលបានការស្វាគមន៍យ៉ាងកក់ក្តៅដោយបងប្អូនខ្មែរអាមេរិក

សម្តេចតេជោ ហ៊ុន សែន ដឹកនាំប្រតិភូ អញ្ជេីញដល់​អាកាសយានដ្ឋាន Joint Base Andrews ទីក្រុងវ៉ាស៊ីនតោនហើយ

ក្រុមគ្រួសារធ្វើបុណ្យ៧ថ្ងៃឧទ្ទិសកុសលផលបុណ្យជូនដល់ដួងវិញ្ញាណក្ខន្ធសព សម្តេចឧត្តមទេពញាណ ហ៊ុន ណេង

សម្ដេចតេជោ​ ហ៊ុន​ សែន​ និងគណៈប្រតិភូ បានអញ្ជើញដល់ព្រលានយន្តហោះ​ក្រុងសេអ៊ូលហើយ

លោក Guterres ព្រួយបារម្ភ​អំពី​ការ​កើន​ឡើង​ដែល​អាច​កើតមាន​នៃ​សង្គ្រាម​អ៊ុយ​ក្រែ​ន​

រុស្ស៊ី​ទទួល​ស្គាល់​ថា ​ខ្លួន​ប្រឈម​នឹង​ការ​ដួល​រលំ​សេដ្ឋកិច្ច​ដោយសារ​សង្គ្រាម​របស់​លោក Putin

ទណ្ឌកម្ម​បាន​បង្ខំ​ឲ្យ​រុស្ស៊ី​កាត់បន្ថយ​ផលិតផល​ប្រេង​របស់​ខ្លួន​ ១​លាន​បារ៉ែល​ក្នុង​មួយថ្ងៃ​