BTV NEWS

ផ្ទះទេវតាទី៣៣៥ មួយខ្នងទៀត ដោយមានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវត្រូវបានលោកជំទាវ ហ៊ុន ម៉ាណា ប្រគល់ជូនលោកយាយចាស់ជរានៅខេត្តតាកែវ

ព្រះករុណាព្រះមហាក្សត្រ និងសម្ដេចព្រះមហាក្សត្រីនឹងយាងនិវត្តន៍មកកាន់មាតុប្រទេសវិញក្នុងពេលឆាប់ៗក្រោយព្រះរាជសុខភាពមានភាពប្រសើរឡើងវិញ

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

ព័ត៌មានសំខាន់ៗ

អ៊ុយក្រែននិយាយថា ទាហានរុស្ស៊ីជាង ១០ម៉ឺននាក់កំពុងប្រយុទ្ធនៅអ៊ុយក្រែន

អ៊ុយក្រែន៖ ប្រធានសន្តិសុខអ៊ុយក្រែនបាននិយាយកាលពីថ្ងៃសុក្រថា ការប្រយុទ្ធទ្រង់ទ្រាយធំៗនៅក្នុងប្រទេសអ៊ុយក្រែនកំពុងកើតឡើងនៅតំបន់ Donbas ជាបេះដូងឧស្សាហកម្មនៅភាគខាងកើត ដោយរុស្ស៊ីកំពុងដាក់ពង្រាយទាហានកាន់តែច្រើនឡើងៗចូលមកក្នុងប្រទេសជារៀងរាល់ថ្ងៃ។ លោក Oleksiy Danilov មន្ត្រីក្រុមប្រឹក្សាសន្តិសុខ និងការពារជាតិអ៊ុយក្រែនបាននិយាយថា កងទ័ពរុស្ស៊ីជាង ១០ម៉ឺននាក់បច្ចុប្បន្នកំពុងប្រយុទ្ធនៅក្នុងប្រទេសអ៊ុយក្រែន រួមទាំងទាហានស៊ីឈ្នួលមកពីប្រទេសស៊ីរី និងលីប៊ី។ លោកនិយាយថា តំបន់ Donetsk, Luhansk និង Kharkiv គឺជាចំណុចក្តៅចម្បងនៃការប្រយុទ្ធគ្នា ហើយការប្រយុទ្ធក៏កំពុងបន្តនៅភាគខាងត្បូងប្រទេសអ៊ុយក្រែន។ លោក Danilov និយាយថា អង្គភាពយោធារបស់រុស្ស៊ីមួយចំនួនបានចាកចេញពីទីក្រុងយុទ្ធសាស្ត្រ Mariupol ដែលត្រូវបានប្រកាសថា រំដោះដោយវិមានក្រឹមឡាំងកាលពីថ្ងៃព្រហស្បតិ៍ ហើយពេលនេះកំពុងឆ្ពោះទៅភាគខាងកើតប្រទេស ដើម្បីចូលរួមក្នុងការប្រយុទ្ធនៅទីនោះ។ខណៈទាហានអ៊ុយក្រែនជាប់នៅក្នុងរោងចក្រ Azovstal លោក Danilov បាននិយាយថា ទីក្រុងគីវអាចបញ្ជូនអាវុធទៅដល់រោងចក្រស្លដែក Azovstal ជាទីតាំងលាក់ខ្លួនរបស់កងកម្លាំងអ៊ុយក្រែននៅទីក្រុង Mariupol ដោយឧទ្ធម្ភាគចក្រនៅពេលយប់។ លោកនិយាយថា ទាហានត្រូវការគ្រាប់រំសេវ ថ្នាំពេទ្យ អាហារ ទឹកបរិភោគ ប៉ុន្តែនៅពេលដែលវីរបុរសទាំងនេះត្រូវបានសួរថា តើឧទ្ធម្ភាគចក្រគួរនាំយកអ្វីទៅខ្លះគ្រាប់រំសេវ អាហារ ឬទឹក ពួកគេបានសុំឱ្យនាំយកតែគ្រាប់រំសេវប៉ុណ្ណោះ។ លោក Danilov បានជំរុញឱ្យដៃគូប្រទេសលោកខាងលិចរបស់អ៊ុយក្រែន ពន្លឿនការបញ្ជូនសព្វាវុធមកកាន់ប្រទេសនេះ ព្រោះជាការពិតយើងមិនអាចប្រៀបធៀបជាមួយរុស្ស៊ីបានទេទាក់ទងនឹងកម្លាំង៕អត្ថបទ៖ ប៊ុនថន

អាមេរិកព្រមានរុស្ស៊ី ប្រសិនបើប្រើប្រាស់អាវុធនុយក្លេអ៊ែរនៅអ៊ុយក្រែន

សហរដ្ឋអាមេរិក៖ អនុរដ្ឋមន្ត្រីការបរទេសសហរដ្ឋអាមេរិកលោកស្រី Wendy Sherman បានព្រមានអំពីផលវិបាកធ្ងន់ធ្ងរ ប្រសិនបើរុស្ស៊ីប្រើប្រាស់អាវុធនុយក្លេអ៊ែរក្នុងសង្គ្រាមរបស់ខ្លួនជាមួយអ៊ុយក្រែន។ ថ្លែងនៅទីក្រុងប្រ៊ុចសែល ប្រទេសប៊ែលហ្សិក ក្នុងសន្និសីទសារព័ត៌មានរួមជាមួយលោក Stefano Sannino អគ្គលេខាធិការទទួលបន្ទុកសេវាសកម្មភាពខាងក្រៅសហភាពអឺរ៉ុប លោកស្រី Sherman បានច្រានចោលទស្សនដែលថា សហរដ្ឋអាមេរិកមិនបានបញ្ជូនកងទ័ពចូលទៅក្នុងប្រទេសអ៊ុយក្រែន ដោយសារតែការគំរាមកំហែងនៃអាវុធនុយក្លេអ៊ែររបស់រុស្ស៊ី។ លោកស្រីបានអះអាងថា សហរដ្ឋអាមេរិកជឿជាក់ថា ខ្លួនគាំទ្រអ៊ុយក្រែនដើម្បីការពារខ្លួន ប៉ុន្តែប្រសិនបើលោក Vladimir Putin សម្រេចចិត្តប្រើអាវុធប្រភេទនេះនោះនឹងមានផលវិបាកធ្ងន់ធ្ងរ ហើយគ្មានការងឿងឆ្ងល់នោះទេថា វានឹងផ្លាស់ប្ដូរពិភពលោកតាមរបៀបសំខាន់ៗ ហើយយើងសង្ឃឹមថា លោក Putin មិនប្រើប្រាស់អាវុធនេះនោះទេ។ លោកស្រី Sherman និយាយអំពីការគាំទ្ររបស់ប្រទេសចិនចំពោះលោក Putin ហើយបាននិយាយថា ទាំងសហរដ្ឋអាមេរិក និងសហភាពអឺរ៉ុបបានដឹងច្បាស់អំពីការឆ្លើយតបរបស់ប្រទេសនេះចំពោះការវាយលុករបស់រុស្ស៊ី៕អត្ថបទ៖ ប៊ុនថន

មន្រ្តីជំនាញ៖ បច្ចុប្បន្នការចាក់វ៉ាក់សាំងដូសជំរុញ មានល្បឿនលឿន បន្ទាប់ពីគ្រូពេទ្យស្ពាយវ៉ាក់សាំងចាក់តាមខ្នងផ្ទះ និងទីប្រជុំជន

មណ្ឌលគិរី៖ មន្រ្តីជំនាញនៃក្រសួងសុខាភិបាល នៅថ្ងៃទី២៣ ខែមេសានេះ បានឱ្យដឹងថា បច្ចុប្បន្នដំណើការចាក់វ៉ាក់សាំងដូសជំរុញ ជូនប្រជាពលរដ្ឋមានល្បឿនលឿន បន្ទាប់ពីក្រុមគ្រូពេទ្យ សហការណ៍ជាមួយអាជ្ញាធរមូលដ្ឋានស្ពាយវ៉ាក់សាំងចាក់តាមខ្នងផ្ទះ និងទីប្រជុំជន។ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស និងលោកស្រីវេជ្ជបណ្ឌិត លី អាយលែនតំណាងអង្គការសុខភាពពិភពលោក ប្រចាំប្រទេសកម្ពុជា និងមន្រ្តីពាក់ព័ន្ឋមួយចំនួនទៀត នៅព្រឹកថ្ងៃទី២៣ ខែមេសានេះ បានបន្តអញ្ចើញចុះពិនិត្យមើលទីតាំងចាក់វ៉ាក់សាំងកូវីដ នៅមណ្ឌលសុខភាពអូអាម ស្ថិតនៅខេត្តមណ្ឌលគិរី។លោកជំទាវវេជ្ជបណ្ឌិតឱ វណ្ណឌីន មានប្រាសន៍ប្រាប់ក្រុមអ្នកសារព័ត៌មានថា បច្ចុប្បន្នដំណើរការចាក់វ៉ាក់សាំងវ៉ាក់សាំងកូវីដ-១៩ ដូសជំរុញ ជូនប្រជាពលរដ្ឋមានល្បឿនលឿនគួរអោយកត់សំគាល់ បន្ទាប់ពីក្រុមគ្រូពេទ្យនៃក្រសួងសុខាភិបាល សម្ព័ន្ធគ្រូពេទ្យសហភាពសហព័ន្ធយុវជនកម្ពុជា ក្រុមគ្រូពេទ្យស្ម័គ្រចិត្តសម្តេចវិបុលសេនាភក្តីសាយ ឈុំ និងក្រុមគ្រូពេទ្យនៃក្រសួងការពារជាតិជាដើមនោះ បានស្ពាយវ៉ាក់សាំងទៅចាក់ដល់ខ្នងផ្ទះ និងទីប្រជុំជន ដែលប្រជាពលរដ្ឋរស់នៅ។ លើសពីនេះ លោកជំទាវវេជ្ជបណ្ឌិត បន្តក្រើនរម្លឹកដល់ប្រជាពលរដ្ឋមិនទាន់ចាក់វ់ាក់សាំង សូមរួសរាន់ទៅទទួលការចាក់វ៉ាក់សាំងកូវីដ ជាពិសេសដូសជំរុញ ដើម្បីបង្កើនអង់ទីគ័រក្នុងសារពាង្គកាយ ទប់ទល់នឹងការវាយលុកពីជំងឺកូវីដ។ការចាក់វ៉ាក់សាំងកូវីដ-១៩ ស្រោចលើប្រជាពលរដ្ឋ ត្រូវបានរាជរដ្ឋាភិបាលកម្ពុជា ចាត់ទុកជាយុទ្ធសាស្រ្តចម្បងមួយ ដើម្បីទប់ស្កាត់ការរីករាលដាលជំងឺកូវីដ-១៩ ខណៈបច្ចុប្បន្នប្រទេសកម្ពុជាបើកដំណើរសេដ្ឋកិច្ចធម្មតា ជាមួយជំងឺកូវីដ។គិតត្រឹមថ្ងៃទី២៣ខែមេសានេះ ប្រទេសកម្ពុជារកវ៉ាក់សាំងកូវីដបានជិត៥០លានដូស រាប់បញ្ជូលទាំងការបញ្ជាទិញពីប្រទេសចិន ជំនួយតាមរយៈយន្តការកូវ៉ាក់ និងបណ្តាប្រទេសផ្សេងៗមួយចំនួនទៀត សម្រាប់ប្រើប្រាស់ក្នុងយុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនពលរដ្ឋអាយុពី៣ឆ្នាំឡើង ចាប់ពីដូសទី១ ដល់ទី៤។ អត្ថបទ៖ទូច សោភ័ណ

សម្តេចតេជោ ហ៊ុន សែន ជួបពិភាក្សាទ្វេភាគីជាមួយនាយករដ្ឋមន្ត្រីឡាវ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានជួបពិភាក្សាទ្វេភាគីជាមួយ ឯកឧត្តម ផនខាំ វីផាវ៉ាន់ នាយករដ្ឋមន្រ្តី នៃសាធារណរដ្ឋប្រជាធិបតេយ្យប្រជាមានិតឡាវ នៅព្រឹកថ្ងៃទី២៣ ខែមេសា ឆ្នាំ២០២២ ក្នុងសម្ពេចស្នាក់នៅប្រទេសជប៉ុន ដើម្បីចូលរួមកិច្ចប្រជុំកំពូលលើកទី៤ ស្តីពីបញ្ហាទឹក នៅតំបន់អាស៊ី-ប៉ាស៊ីហ្វីក ។កិច្ចជំនួបនេះ ដើម្បីពង្រឹងទំនាក់ទំនងរវាងប្រទេសទាំងពីរ។

សម្តេចតេជោ ហ៊ុន សែន អញ្ជើញទៅដល់អាកាសយានដ្ឋាន Aso Kumamuto ទីក្រុងគូម៉ាម៉ូតូ ប្រទេសជប៉ុនប្រកបដោយសុវត្ថិភាព

ភ្នំពេញ៖ ដើម្បីចូលរួមកិច្ចប្រជុំកំពូលលើកទី៤ ស្តីពីបញ្ហាទឹក នៅតំបន់អាស៊ី-ប៉ាស៊ីហ្វីក នៅទីក្រុងគូម៉ាម៉ូតូ ប្រទេសជប៉ុន នៅថ្ងៃទី២៣មេសា សម្តេចតេជោ ហ៊ុន សែន នាយករដ្ឋមន្រ្តី និងគណៈប្រតិភូជាន់ខ្ពស់រាជរដ្ឋាភិបាលកម្ពុជា បានអញ្ជើញទៅដល់ទីក្រុង Kumamuto ប្រទេសជប៉ុន ប្រកបដោយសុវត្ថិភាព កាលពីវេលាម៉ោង១៤ និង១៥នាទី ម៉ោងនៅទីក្រុងតូក្យូ ប្រទេសជប៉ុន ត្រូវនិងម៉ោង១២និង១៥ ម៉ោងនៅរាជធានីភ្នំពេញ បានអញ្ជើញដល់ប្រទេសជប៉ុនប្រកបដោយសុវត្ថិភាព ដើម្បីចូលរួមកិច្ចប្រជុំកំពូលលើកទី៤ ស្តីពីបញ្ហាទឹក នៅតំបន់អាស៊ី-ប៉ាស៊ីហ្វីក ដែលគ្រោងធ្វើឡើងនៅថ្ងៃទី២៣មេសាស្អែក។ នៅអាកាសយានដ្ឋាន Aso Kumamuto ទីក្រុង Kumamuto ប្រទេសជប៉ុន វត្តមាននៃការអញ្ជើញដល់របស់សម្តេចតេជោនាយករដ្ឋមន្រ្តី និងគណៈប្រតិភូជាន់ខ្ពស់ រាជរដ្ឋាភិបាលកម្ពុជា ត្រូវបានការធ្វើគារវកិច្ចស្វាគមន៍យ៉ាងកក់ក្តៅបំផុត ពីឯកឧត្តម មិកាមិ ម៉ាសាហ៊ីរ៉ូ ឯកអគ្គរាជទូតវិសាមញ និងពេញសមត្ថភាព នៃប្រទេសជប៉ុន ប្រចាំកម្ពុជា, ឯកឧត្តម ទុយ រី ឯកអគ្គរាជទូតវិសាមញ និងពេញសមត្ថភាព នៃព្រះរាជាណាចក្រកម្ពុជា ប្រចាំប្រទេសជប៉ុន ឯកឧត្តម អូនីស៊ិ កាហ្សឺកហ្វូមិ អភិបាល ក្រុងគូម៉ាម៉ូតូ ឯកឧត្តមអនុរដ្ឋមន្រ្តី ក្រសួងដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ជប៉ុន ព្រមទាំងវត្តមាន ឯកឧត្តម លោកជំទាវ ជាឥស្សរជនជាន់ខ្ពស់រដ្ឋាភិបាលជប៉ុន ខេត្តគូម៉ាម៉ូតូ និងឥស្សរជនការទូត នៃព្រះរាជាណាចក្រកម្ពុជា ប្រចាំប្រទេសជប៉ុន ជាច្រើនរូប។ដោយឡែកនៅសណ្ឋាគារ Kumamoto Castle វត្តមាននៃការអញ្ជើញដល់របស់សម្តេចតេជោ និងគណៈប្រតិភូជាន់ខ្ពស់រាជរដ្ឋាភិបាលកម្ពុជា ត្រូវបានការធ្វើគារវកិច្ចស្វាគមន៍យ៉ាងស្និទ្ធស្នាលរ៉ាក់ទាក់បំផុត ពីសិស្ស និស្សិត កម្មសិក្សាការី និងបងប្អូនសហគមន៍ខ្មែរ ដែលកំពុងសិក្សា ធ្វើការ និងស្នាក់នៅប្រទេសជប៉ុន ប្រមាណ ជាង១០០នាក់។ សម្តេចតេជោនាយករដ្ឋមន្រ្តី បានសំដែងនូវសេចក្តីសប្បាយរីករាយដោយបានជួបដោយផ្ទាល់ ជាមួយបងប្អូនកូនក្មួយចៅៗ ជាសិស្ស និស្សិត កម្មសិក្សាការី និងបងប្អូនសហគមន៍ខ្មែរ ដែលកំពុងសិក្សា ធ្វើការ និងស្នាក់នៅប្រទេសជប៉ុន ដែលនេះបង្ហាញឲ្យឃើញពីការគោរពស្រឡាញ់ រវាងថ្នាក់ដឹកនាំនិងប្រជាពលរដ្ឋខ្លួន ដែលកំពុងឃ្លាតឆ្ងាយពីមាតុ ប្រទេស ទៅបំពេញការសិក្សា រកស៊ីទទួលទាន ស្នាក់នៅប្រទេសជប៉ុន។តាមទូរលេខដែលបញ្ជាក់ដោយក្រសួងការបរទេស បានឲ្យដឹងថា នៅកម្ពុជាមានជនជាតិជប៉ុនស្នាក់នៅប្រទេសកម្ពុជា មានចំនួន ៤ ២១៦នាក់ គិតត្រឹមខែមករាឆ្នាំ២០២១ ដោយឡែកសិស្ស និស្សិត កម្ពុជាសិក្សាអាហារូបករណ៍បង់ថ្លៃ នៅប្រទេសជប៉ុនចំនួន ៦៩៣នាក់ និងមានពលរដ្ឋកម្ពុជារស់នៅ និងប្រកបរបរអាជីវកម្មនៅក្នុងប្រទេសជប៉ុន មានចំនួន ៥ ២០៣នាក់ គិតត្រឹមខែមិថុនាឆ្នាំ២០២០។ តាមកម្មវិធីដែលបានគ្រោងទុក សម្តេចតេជោនាយករដ្ឋមន្រ្តី និងអញ្ជើញកិច្ចប្រជុំកំពូលលើកទី៤ ស្តីពីបញ្ហាទឹក នៅតំបន់អាស៊ី-ប៉ាស៊ីហ្វីក នៅទីក្រុងគូម៉ាម៉ូតូ ប្រទេសជប៉ុន នៅថ្ងៃទី២៣មេសា ជាមួយប្រមុខរដ្ឋាភិបាល នៃប្រទេសជប៉ុន ប្រទេសទូវ៉ាលូ ឡាវ នេប៉ាល់ និងបណ្តារដ្ឋមន្រ្តី មកពីប្រទេសក្នុងតំបន់អាស៊ី ប៉ាស៊ីហ្វីក ជាច្រើនរូបទៀត។ជាមួយគ្នានេះ សម្តេចតេជោ និងជួបសន្ទនាការងារទ្វេភាគី ជាមួយសមភាគីជប៉ុន ឯកឧត្តម គីស៊ីដា ហ្វីមីអូ នាយករដ្ឋមន្រ្តីជប៉ុន ហើយនៅក្នុងជំនួបទ្វេភាគីនោះ ប្រមុខរដ្ឋាភិបាលនៃប្រទេសទាំងពីរកម្ពុជា ជប៉ុន និងធ្វើជាសាក្សីនៃពិធីចុះហត្ថលេខាលើអនុស្សារណៈ នៃការយោគយល់គ្នា រវាងក្រសួងធនធានទឹក និងឧតុនិយម នៃព្រះរាជាណាចក្រកម្ពុជា ជាមួយនិងក្រសួងដែនដី ហេដ្ឋារចនាសម្ព័ន្ធដឹកជញ្ជូន និងទេសចរណ៍ជប៉ុន ដែលចុះហត្ថលេខារវាង ឯកឧត្តម លឹម គានហោ រដ្ឋមន្រ្តីក្រសួង ធន ធានទឹក និងឧតុនិយមកម្ពុជា ជាមួយឯកឧត្តម សាយតុ តេត្យុអុ (Saito Tetsuo) រដ្ឋមន្រ្តីក្រសួងដែនដី ហេដ្ឋារចនាសម្ព័ន្ធដឹកជញ្ជូន និងទេសចរណ៍ជប៉ុន។ ជាមួយគ្នានេះ សម្តេចតេជោ និងជួបសន្ទនាការងារទ្វេភាគីជាមួយ ឯកឧត្តម ផនខាំ វីផាវ៉ាន់ នាយករដ្ឋមន្រ្តី នៃសាធារណរដ្ឋប្រជាធិបតេយ្យប្រជាមានិតឡាវ និងជួបសន្ទានជាមួយ ឯកឧត្តមអភិបាលខេត្តគួម៉ាម៉ូតូ និងបណ្តាមេដឹកនាំក្រុមហ៊ុនធំៗ របស់ប្រទេសជប៉ុនផងដែរ៕

ធនាគារពិភពលោកប៉ាន់ប្រមាណថា ការខូចខាតដោយសារសង្គ្រាមនៅអ៊ុយក្រែនស្មើទំហំទឹកប្រាក់ ៦០ពាន់លានដុល្លារអាមេរិក

អ៊ុយក្រែន៖ ប្រធានធនាគារពិភពលោកគឺលោក David Malpass បាននិយាយកាលពីថ្ងៃព្រហស្បតិ៍ថា ការខូចខាតទៅលើអគារ និងហេដ្ឋារចនាសម្ព័ន្ធរបស់អ៊ុយក្រែន ដោយសារការវាយលុករបស់រុស្ស៊ីបានឡើងដល់ ៦០ពាន់លានដុល្លារអាមេរិក ហើយចំនួននេះនឹងកើនឡើងថែមទៀតព្រោះថា សង្គ្រាមនៅតែបន្តនៅឡើយ។ លោក Malpass បានប្រាប់សន្និសីទព័ត៌មានធនាគារពិភពលោក ស្ដីពីភាពចាំបាច់ក្នុងការផ្ដល់ជំនួយហិរញ្ញវត្ថុសម្រាប់អ៊ុយក្រែនថា ការប៉ាន់ប្រមាណដំណាក់កាលដំបូងលើតម្លៃនៃការខូចខាតទំហំតូច មិនទាន់រាប់បញ្ចូលការខាតបង់ផ្នែកសេដ្ឋកិច្ចដែលចេះតែកើនឡើង ដោយសារសង្គ្រាមលើអ៊ុយក្រែននេះទេ។ លោក Malpass បាននិយាយថា ពិតណាស់សង្គ្រាមនៅតែបន្ត ដូច្នេះការខូចខាតនឹងកើនឡើងថែមទៀត៕អត្ថបទ៖ សុខមាន

លោក Putin អះអាងជ័យជម្នះលើក្រុង Mariupol ខណៈអាមេរិកគ្រោងបញ្ជូនអាវុធ និងថវិកាបន្ថែមទៀតឲ្យអ៊ុយក្រែន

រុស្ស៊ី៖ លោកប្រធានាធិបតីរុស្ស៊ី Vladimir Putin បានអះអាងជ័យជម្នះក្នុងសមរភូមិសង្គ្រាមដ៏ធំបំផុត នៅអ៊ុយក្រែនកាលពីថ្ងៃព្រហស្បតិ៍ដោយអះអាងថា ទីក្រុងកំពង់ផែ Mariupol ត្រូវដណ្ដើមបានបន្ទាប់ពីការឡោមព័ទ្ធជិត ២ខែ។ លោក Putin អះអាងជ័យជម្នះលើក្រុង Mariupol តែនឹងមិនវាយលុកទៅលើក្រុមលាក់ខ្លួនអ៊ុយក្រែនទេ។ ទោះយ៉ាងណាក៏ដោយ ក្រុមយុទ្ធជនអ៊ុយក្រែន និងជនស៊ីវិលរាប់រយនាក់នៅតែកំពុងលាក់ខ្លួន នៅក្នុងលេណដ្ឋានរាប់សិបកន្លែងក្នុងរោងចក្រដែកថែបដ៏ធំ។ លោក Putin បានបញ្ជាឲ្យទាហានរបស់លោកបិទច្រកបរិវេណនោះ ដូច្នេះពួកគេនឹងមិនអាចគេចខ្លួនបានទេសូម្បីតែរុយមួយក្បាលក៏ដោយ។ អ៊ុយក្រែននិយាយថា លោក Putin ចង់បញ្ចៀសការប៉ះទង្គិចចុងក្រោយជាមួយកងកម្លាំងរបស់ខ្លួនក្នុងទីក្រុងនេះ ដោយសារតែលោកខ្វះកម្លាំងវាយផ្ដួលពួកគេ។ក្រសួងការបរទេសអាមេរិកនិយាយថា ខ្លួនយល់ថា កងកម្លាំងអ៊ុយក្រែននៅតែបន្តការវាយប្រយុទ្ធដណ្ដើមដែនដីរបស់ពួកគេមកវិញនៅក្នុងទីក្រុង Mariupol។ យ៉ាងណាក៏ដោយ សហរដ្ឋអាមេរិកបានច្រានចោលពីការប្រកាសជ័យជម្នះរបស់លោក Putin លើទីក្រុង Mariupol។ លោកប្រធានាធិបតីអាមេរិក Joe Biden បានអនុម័តកញ្ចប់ជំនួយយោធាចំនួន ៨០០លានដុល្លារអាមេរិកបន្ថែមទៀតសម្រាប់ប្រទេសអ៊ុយក្រែន រួមទាំងកាំភ្លើងធំធុនធ្ងន់ ខណៈប្រទេសនេះរងការវាយប្រហារថ្មីពីរុស្ស៊ីនៅក្នុងតំបន់ភាគខាងកើត៕អត្ថបទ៖ សុខមាន

សម្តេចតេជោ ហ៊ុន សែន អញ្ជើញទៅចូលរួមកិច្ចប្រជុំកំពូលស្តីពីបញ្ហាទឹកតំបន់អាស៊ី-ប៉ាស៊ីហ្វិកលើកទី៤ នៅប្រទេសជប៉ុន

ភ្នំពេញ៖ តមតាមការអញ្ជើញរបស់ឯកឧត្តម គីស៊ីដា ហ៊្វីមីអូ នាយករដ្ឋមន្ត្រីជប៉ុន និងគណៈកម្មាធិការ ប្រតិបត្តិចម្រុះនៃកិច្ចប្រជុំកំពូលលើកទី៤ ស្តីពីបញ្ហាទឹកនៅតំបន់អាស៊ី-ប៉ាស៊ីហ្វិក នៅព្រឹកថ្ងៃទី២២ ខែមេសានេះ សម្តេចតេជោ ហ៊ុន សែន នាយករដ្ឋមន្ត្រី បានដឹកនាំគណៈប្រតិភូជាន់ខ្ពស់អញ្ជើញទៅចូលរួមកិច្ចប្រជុំកំពូលស្តីពីបញ្ហាទឹកនៅតំបន់អាស៊ី-ប៉ាស៊ីហ្វិក (APWS) លើកទី៤ ដែលប្រារព្ធធ្វើឡើងនៅទីក្រុង Kumamoto ប្រទេសជប៉ុន។កិច្ចប្រជុំកំពូលលើកទី៤ ស្តីពីបញ្ហាទឹកក្នុងតំបន់អាស៊ី-ប៉ាស៊ីហ្វិក នឹងត្រូវធ្វើឡើងក្រោមមូលបទ ទឹកសម្រាប់ការអភិវឌ្ឍប្រកបដោយចីរភាព៖ ឧត្តមានុវត្តន៍ និងអ្នកបន្តវេនជំនាន់ក្រោយដែលនឹងធ្វើឡើងចាប់ពីថ្ងៃទី២៣ ដល់២៤ មេសា ។កិច្ចប្រជុំនេះធ្វើឡើងក្នុងគោលបំណងចែករំលែកទស្សនទាន ការប្រមើមើលទៅមុខនៃដំណោះស្រាយ និងការអនុវត្តជូនចំពោះប្រមុខរដ្ឋ ប្រមុខរដ្ឋាភិបាល ដែលគាំទ្រដល់ការសម្រេចចិត្តជាគោលនយោបាយ ក្នុងការពន្លឿនសកម្មភាពឲ្យសម្រេចបាននូវការលូតលាស់ប្រកបដោយគុណភាព ឆ្ពោះទៅកាន់សង្គមមួយដែលមានភាពធន់ ប្រកបដោយបរិយាប័ន្ន និងដោយចីរភាព ដោយដោះស្រាយនូវរាល់បញ្ហាដែលពាក់ព័ន្ធនឹងទឹក ក្រោយពេលដែលស្ថានភាពជម្ងឺកូវីដ-១៩ បានប្រសើរឡើងវិញ ក្នុងតំបន់អាស៊ី-បាស៊ីហ្វិក។ឯកឧត្តម ស្រុី ថាមរុង្គ រដ្ឋមន្ត្រីប្រតិភូអមនាយករដ្ឋមន្ត្រីបានបញ្ជាក់យ៉ាងដូច្នេះថា ទឹកជាបញ្ហាដែលមិនអាចខ្វះបាននិងមិនអាចកាត់ផ្តាច់ពីបញ្ហាស្បៀងដែលថ្នាក់ដឹកនាំនឹងជជែកពិភាក្សាផ្លាស់ប្តូរមតិយោបល់គ្នា ដើម្បីការអភិវឌ្ឍដោយចីរភាព។ អញ្ជើញអម សម្តេចតេជោនាយករដ្ឋមន្ត្រី នៅក្នុងកិច្ចប្រជុំកំពូលខាងលើ រួមមាន ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងមន្ត្រីជាន់ខ្ពស់នៃ រាជរដ្ឋាភិបាលកម្ពុជាមួយចំនួនទៀតផងដែរ ។នៅថ្ងៃទី២៣ ខែមេសា ឆ្នាំ២០២២ នៅចំពោះមុខប្រមុខរាជ/រដ្ឋាភិបាល និងឥស្សរជន នយោបាយ ព្រមទាំងតំណាងអង្គការជាតិ និងអង្គការអន្តរជាតិជាច្រើនរូប សម្តេចតេជោនាយករដ្ឋមន្ត្រី នឹងអញ្ជើញថ្លែងសុន្ទរកថាគន្លឹះនៅក្នុងកិច្ចប្រជុំកំពូល ដោយផ្តោតលើសារសំខាន់នៃទឹក និងបញ្ហានានាពាក់ព័ន្ធនឹងទឹក ក៏ដូចជាតម្រូវការចាំបាច់ក្នុងការធ្វើការជាមួយគ្នា ដើម្បីគ្រប់គ្រង ធនធានដ៏ចាំបាច់។ក្រៅពីនេះ សម្តេចតេជោនាយករដ្ឋមន្ដ្រី និងឯកឧត្តម គីស៊ីដា ហ្វឺមីអូ នាយករដ្ឋមន្ត្រីជប៉ុននឹង មានកិច្ចប្រជុំទ្វេភាគី ដើម្បីពង្រឹង និងលើកកម្ពស់បន្ថែមទៀតនូវទំនាក់ទំនង និងកិច្ចសហប្រតិបត្តិការ រវាងប្រទេសទាំងពីរ។ នាយករដ្ឋមន្ត្រីទាំងពីរ ក៏នឹងធ្វើជាអធិបតីដ៏ខ្ពង់ខ្ពស់ក្នុងពិធីចុះហត្ថលេខាលើ អនុស្សារណៈនៃកិច្ចសហប្រតិបត្តិការរវាងក្រសួងធនធានទឹក និងឧតុនិយមកម្ពុជា និងក្រសួងដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ជប៉ុន ផងដែរ។សម្តេចតេជោនាយករដ្ឋមន្រ្តី ក៏រំពឹងថា នឹងជួបពិភាក្សាការងារទ្វេភាគីជាមួយឯកឧត្តម ផនខាំ វីផាវ៉ាន់ នាយករដ្ឋមន្ត្រី នៃសាធារណរដ្ឋប្រជាធិបតេយ្យប្រជាមានិតឡាវ និងទទួល ការជួបសម្តែងការគួរសម ពីសំណាក់ឥស្សរជននយោបាយ និងធុរជន ជប៉ុនមួយចំនួនផងដែរ។គួរបញ្ជាក់ថា អតីតនាយករដ្ឋមន្ត្រីជប៉ុន បានស្វះស្វែងបង្កើតឱកាសមួយសម្រាប់ប្រមុខរដ្ឋ និងរដ្ឋាភិបាលក្នុងតំបន់អាស៊ី-ប៉ាស៊ីហ្វិក ដើម្បីជួបផ្ទាល់ និងពិភាក្សាអំពីបញ្ហាទឹក។ដោយ ផ្អែកលើការឯកភាពគ្នានេះ ចាប់តាំងពីឆ្នាំ ២០០៧ មក មានកិច្ចប្រជុំកំពូលស្តីពីបញ្ហាទឹក ក្នុងតំបន់អាស៊ី-ប៉ាស៊ីហ្វិក ចំនួន៣លើករួចមកហើយ។ លើកទី១ ធ្វើឡើងនៅខែធ្នូ ឆ្នាំ២០០៧ ក្នុងប្រទេសជប៉ុនក្រោមមូលបទ សន្តិសុខទឹក៖ ភាពជាមេដឹកនាំ និងការបេ្តជ្ញាចិត្ត, លើកទី២ ធ្វើឡើងនៅខែឧសភា ឆ្នាំ២០១៣ ក្នុងប្រទេសថៃ ក្រោមមូលបទ សន្តិសុខទឹក៖ ភាពជាមេដឹកនាំ និងការបេ្តជ្ញាចិត្ត ដោយផ្តោតលើបញ្ហាប្រឈមគ្រោះមហន្តរាយពីទឹក និងលើកទី៣ ធ្វើឡើងនៅខែមេសា ឆ្នាំ២០១៧ ក្នុងប្រទេសមីយ៉ាន់ម៉ា ក្រោមមូលបទសន្តិសុខទឹកសម្រាប់ការអភិវឌ្ឍដោយចីរភាព៕

រុស្ស៊ីអះអាងថា ខ្លួនបាញ់សាកល្បងមីស៊ីល ICBM ឈ្មោះ SARMAT ថ្មីដោយជោគជ័យ

រុស្ស៊ី៖ យោធារុស្ស៊ីបាននិយាយកាលពីថ្ងៃពុធថា ខ្លួនបានបាញ់ដោយជោគជ័យនូវការសាកល្បងដំបូងនៃមីស៊ីលបាលីស្ទីកអន្តរទ្វីបថ្មី ជាអាវុធមួយប្រភេទដែលប្រធានាធិបតីលោក Vladimir Putin និយាយថា នឹងធ្វើឱ្យប្រទេសលោកខាងលិចគិតឡើងវិញ មុនពេលមានចេតនាឈ្លានពានណាមួយមកលើរុស្ស៊ី។ក្រសួងការពារជាតិរុស្ស៊ីបាននិយាយថា មីស៊ីលបាលីស្ទីកអន្តរទ្វីប Sarmat ត្រូវបានបាញ់បង្ហោះកាលពីថ្ងៃពុធពីទីតាំងបាញ់បង្ហោះតំបន់ Plesetsk នៅភាគខាងជើងប្រទេសរុស្ស៊ី ហើយក្បាលគ្រាប់ដែលបាញ់បានទៅដល់គោលដៅដោយជោគជ័យនៅឧបទ្វីប Kamchatka ភាគខាងកើត។ ក្រសួងនិយាយថា ការបាញ់បង្ហោះទទួលបានជោគជ័យយ៉ាងពេញលេញ ដោយបង្ហាញពីលក្ខណៈរបស់មីស៊ីលក្នុងគ្រប់ដំណាក់កាល នៃការហោះហើររបស់វា។លោក Putin បានថ្លែងទៅកាន់កងទ័ពក្នុងសន្ទរកថាតាមទូរទស្សន៍ថា ខ្ញុំអបអរអ្នក លើការបាញ់សាកល្បងដោយជោគជ័យនៃមីស៊ីលបាលីស្ទីកអន្តរទ្វីប Sarmat។ អាវុធតែមួយពិតប្រាកដនេះ នឹងពង្រឹងការប្រយុទ្ធដ៏មានសក្ដានុពលនៃកងកម្លាំងប្រដាប់អាវុធរបស់យើង មានការធានាដែលអាចទុកចិត្តបានចំពោះសន្តិសុខរបស់រុស្ស៊ី ពីការគំរាមពីខាងក្រៅប្រទេស៕អត្ថបទ៖ ប៊ុនថន

ប្រមុខអង្គការសហប្រជាជាតិបានស្នើឲ្យលោក Putin និងលោក Zelenskyy ទទួលរូបលោកដាច់ដោយឡែកពីគ្នា

UN៖ អគ្គលេខាធិការអង្គការសហប្រជាជាតិលោក Antonio Guterres បានស្នើដល់ប្រធានាធិបតីរុស្ស៊ីលោក Vladimir Putin និងប្រធានាធិបតីអ៊ុយក្រែនលោក Volodymyr Zelenskyy ទទួលដំណើរទស្សនកិច្ចរបស់រូបលោកដាច់ដោយឡែកពីគ្នា ដើម្បីពិភាក្សាពីជំហាននានាឈានឆ្ពោះទៅរកសន្តិភាព ក្រោយការវាយប្រហាររបស់ទីក្រុង Moscow ចូលប្រទេសជិតខាងរបស់ខ្លួន។ អ្នកនាំពាក្យអង្គការសហប្រជាជាតិលោក Stephane Dujarric បាននិយាយថា លិខិតដាច់ដោយឡែកពីគ្នាត្រូវបានប្រគល់ជូនបេសកកម្មអចិន្ត្រៃយ៍របស់ប្រទេសរុស្ស៊ី និងអ៊ុយក្រែនកាលពីរសៀលថ្ងៃអង្គារស្នើឲ្យលោក Putin ទទួលដំណើររបស់លោក Guterres ទៅកាន់ក្រុង Moscow និងលោក Zelenskyy ឲ្យទទួលយកដំណើររបស់លោកនៅក្នុងរដ្ឋធានី Kyiv។ លោក Dujarric បាននិយាយក្នុងសេចក្ដីថ្លែងការណ៍មួយថា អគ្គលេខាធិការអង្គការសហប្រជាជាតិរូបនេះបាននិយាយថា ក្នុងពេលវេលាដ៏គ្រោះថ្នាក់ និងលំបាកខ្លាំងបែបនេះ លោកចង់ពិភាក្សាពីជំហាននានាបន្ទាន់ដើម្បីនាំសន្តិភាពឲ្យប្រទេសអ៊ុយក្រែន និងអនាគតនៃពហុភាគីនិយមផ្អែកលើជំពូកនៃអង្គការសហប្រជាជាតិ និងច្បាប់អន្តរជាតិ។គួររម្លឹកថា កាលពីថ្ងៃអង្គារអគ្គលេខាធិការអង្គការសហប្រជាជាតិលោក Antonio Guterres បានអំពាវនាវសុំឲ្យផ្អាកការប្រយុទ្ធគ្នានៅក្នុងប្រទេសអ៊ុយក្រែន អំឡុងសប្ដាហ៍បរិសុទ្ធនៃគ្រិស្តសាសនិកនិកាយអូថូដុក (Orthodox Christians' Holy Week) សម្រាប់គ្រិស្តសាសនិកដែលជាពេលវេលាបួងសួងពិធីបុណ្យ Easter ទទូចឲ្យផ្អាករយៈពេល ៤ថ្ងៃដើម្បីអនុញ្ញាតឲ្យមានការដឹកជញ្ជូនជំនួយមនុស្សធម៌ និងការជម្លៀសប្រជាពលរដ្ឋចេញពីតំបន់ដែលកំពុងមានការវាយប្រយុទ្ធគ្នាដ៏ខ្លាំងក្លា៕ អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ក្រសួងឧស្សាហកម្មបើកយុទ្ធនាការអភិវឌ្ឍន៍សហគ្រាស និងអនុលោមភាពផលិតផល លើកកម្ពស់ សហគ្រាសក្នុងស្រុក

រលករញ្ជួយកម្រិត ៤,៦រ៉ិចទ័រ បានអង្រួនទីក្រុង Caracas ខណៈប្រតិបត្តិការរុករកបន្តសម្រាប់អ្នករស់រាន

ប៉ូឡូញបញ្ជាទិញនាវាមុជទឹក ៣គ្រឿងពីក្រុមហ៊ុន Saab របស់ស៊ុយអែត ក្នុងតម្លៃជាង ៤,៨ពាន់លានដុល្លារ

ទីក្រុងគីវរបស់អ៊ុយក្រែនមើលឃើញសីតុណ្ហភាពកើនឡើងដល់ ៣៤អង្សាសេ ខណៈរលកកម្តៅវាយប្រហារអឺរ៉ុប

កង្វះខាតប្រេងជំរុញឲ្យពលរដ្ឋរស់នៅទីក្រុង Rostov របស់រុស្ស៊ី ដើរទៅធ្វើការ ឬឈប់ធ្វើការ

ពលរដ្ឋហ្កាហ្សារៀបចំពិធីបុណ្យសពសម្រាប់ជនប៉ាឡេស្ទីនត្រូវបានសម្លាប់នៅក្នុងការវាយប្រហាររបស់អ៊ីស្រាអែលជន

មនុស្ស ៣ស្លាប់ ក្រោយជញ្ជាំងស្ថិតក្រោមការសាងសង់បាក់រលំនៅភាគពាយ័ព្យប្រទេសឥណ្ឌា

លោក Macronជួបស្តេចស៊ូតង់អូម៉ង់ នៅទីក្រុងប៉ារីសជាទីដែលរដ្ឋាភិបាលទាំង ២ចុះហត្ថលេខាកិច្ចព្រមព្រៀងសហប្រតិបត្តិការ

វិមានក្រឹមឡាំង៖ គោលជំហររបស់រុស្ស៊ីចំពោះលក្ខខណ្ឌកិច្ចព្រមព្រៀងសន្តិភាពអ៊ុយក្រែនមិនផ្លាស់ប្តូរចាប់តាំងពីឆ្នាំ ២០២៤

តំបន់ភាគអាគ្នេយ៍អឺរ៉ុបមានអារម្មណ៍ថា រងឥទ្ធិពលពីរលកកម្តៅ ខណៈភ្លើងឆេះព្រៃឆាបឆេះឡើង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អ៊ុយក្រែននិយាយថា ទាហានរុស្ស៊ីជាង ១០ម៉ឺននាក់កំពុងប្រយុទ្ធនៅអ៊ុយក្រែន

អាមេរិកព្រមានរុស្ស៊ី ប្រសិនបើប្រើប្រាស់អាវុធនុយក្លេអ៊ែរនៅអ៊ុយក្រែន

សម្តេចតេជោ ហ៊ុន សែន ជួបពិភាក្សាទ្វេភាគីជាមួយនាយករដ្ឋមន្ត្រីឡាវ

សម្តេចតេជោ ហ៊ុន សែន អញ្ជើញទៅដល់អាកាសយានដ្ឋាន Aso Kumamuto ទីក្រុងគូម៉ាម៉ូតូ ប្រទេសជប៉ុនប្រកបដោយសុវត្ថិភាព

លោក Putin អះអាងជ័យជម្នះលើក្រុង Mariupol ខណៈអាមេរិកគ្រោងបញ្ជូនអាវុធ និងថវិកាបន្ថែមទៀតឲ្យអ៊ុយក្រែន

រុស្ស៊ីអះអាងថា ខ្លួនបាញ់សាកល្បងមីស៊ីល ICBM ឈ្មោះ SARMAT ថ្មីដោយជោគជ័យ

ប្រមុខអង្គការសហប្រជាជាតិបានស្នើឲ្យលោក Putin និងលោក Zelenskyy ទទួលរូបលោកដាច់ដោយឡែកពីគ្នា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អ៊ុយ​ក្រែ​ន​និយាយ​ថា ទាហាន​រុស្ស៊ី​ជាង ១០​ម៉ឺន​នាក់​កំពុង​ប្រយុទ្ធ​នៅ​អ៊ុយ​ក្រែ​ន

អាមេរិក​ព្រមាន​រុស្ស៊ី ប្រសិនបើ​ប្រើប្រាស់​អាវុធ​នុយក្លេអ៊ែរ​នៅ​អ៊ុយ​ក្រែ​ន​

សម្តេចតេជោ ហ៊ុន សែន​​ ជួបពិភាក្សាទ្វេភាគីជាមួយនាយករដ្ឋមន្ត្រីឡាវ

សម្តេចតេជោ ហ៊ុន សែន អញ្ជើញទៅដល់អាកាសយានដ្ឋាន Aso Kumamuto ទីក្រុងគូម៉ាម៉ូតូ ប្រទេសជប៉ុន​ប្រកប​ដោយ​សុវត្ថិភាព

លោក Putin អះអាង​ជ័យជម្នះ​លើ​ក្រុង Mariupol ខណៈ​អាមេរិក​គ្រោង​បញ្ជូន​អាវុធ និង​ថវិកា​បន្ថែម​ទៀត​ឲ្យ​អ៊ុយ​ក្រែ​ន​

រុស្ស៊ី​អះ​អាង​ថា ខ្លួន​បាញ់​សាកល្បង​មីស៊ីល ICBM ឈ្មោះ SARMAT ថ្មី​ដោយ​ជោគ​ជ័យ​

ប្រមុខ​អង្គការសហប្រជាជាតិ​បាន​ស្នើ​ឲ្យ​លោក Putin និង​លោក Zelenskyy ទទួល​រូបលោក​ដាច់​ដោយ​ឡែក​ពី​គ្នា​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អ៊ុយក្រែននិយាយថា ទាហានរុស្ស៊ីជាង ១០ម៉ឺននាក់កំពុងប្រយុទ្ធនៅអ៊ុយក្រែន

អាមេរិកព្រមានរុស្ស៊ី ប្រសិនបើប្រើប្រាស់អាវុធនុយក្លេអ៊ែរនៅអ៊ុយក្រែន

សម្តេចតេជោ ហ៊ុន សែន ជួបពិភាក្សាទ្វេភាគីជាមួយនាយករដ្ឋមន្ត្រីឡាវ

សម្តេចតេជោ ហ៊ុន សែន អញ្ជើញទៅដល់អាកាសយានដ្ឋាន Aso Kumamuto ទីក្រុងគូម៉ាម៉ូតូ ប្រទេសជប៉ុនប្រកបដោយសុវត្ថិភាព

លោក Putin អះអាងជ័យជម្នះលើក្រុង Mariupol ខណៈអាមេរិកគ្រោងបញ្ជូនអាវុធ និងថវិកាបន្ថែមទៀតឲ្យអ៊ុយក្រែន

រុស្ស៊ីអះអាងថា ខ្លួនបាញ់សាកល្បងមីស៊ីល ICBM ឈ្មោះ SARMAT ថ្មីដោយជោគជ័យ

ប្រមុខអង្គការសហប្រជាជាតិបានស្នើឲ្យលោក Putin និងលោក Zelenskyy ទទួលរូបលោកដាច់ដោយឡែកពីគ្នា