BTV NEWS

សម្តេចធិបតី ហ៊ុន ម៉ាណែត ចេញសារាចរផ្អាកការប្រារព្ធព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៦ នៅរាជធានីភ្នំពេញ តែនៅបណ្តាខេត្តអាចប្រារព្ធធ្វើបានធម្មតា

សម្ដេចតេជោ គាំទ្រកម្ពុជា-វៀតណាម ចៀសវាងកុំឱ្យមានការប្រើប្រាស់កម្លាំងនៅក្នុងប្រទេសមួយ ប្រឆាំងនឹងប្រទេសណាមួយទៀត

សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីសន្តិសុខសាធារណៈវៀតណាម ចូលជួបសម្តែងការគួរសម

សម្តេចធិបតីលើកទឹកចិត្តឱ្យក្រសួងមហាផ្ទៃកម្ពុជា ក្រសួងសន្តិសុខសាធារណៈឡាវ និងក្រសួងនគរបាលវៀតណាម បន្តពង្រឹងកិច្ចសហប្រតិបត្តិការឱ្យកាន់តែរីកចម្រើនបន្ថែមទៀត

ព័ត៌មានសំខាន់ៗ

លោក Putin និយាយថា ប្រតិបត្តិការយោធានៅអ៊ុយក្រែនដំណើរការល្អ

រុស្ស៊ី៖ ប្រធានាធិបតីរុស្ស៊ីលោក Vladimir Putin កាលពីថ្ងៃពុធបាននិយាយឡើងវិញ នូវហេតុផលរបស់លោកសម្រាប់ប្រតិបត្តិការពិសេសនៅអ៊ុយក្រែន ដោយដាក់កំហុសលើទីក្រុងគីវចំពោះការបំផ្លាញកិច្ចព្រមព្រៀងទីក្រុង Minsk ប្រទេសបេឡារុស។លោក Putin បាននិយាយថា អាជ្ញាធរទីក្រុងគីវមិនត្រឹមតែមិនអើពើ និងបំផ្លាញការអនុវត្តន៍កញ្ចប់វិធានការទីក្រុង Minsk សម្រាប់ការដោះស្រាយវិបត្តិដោយសន្តិវិធីប៉ុណ្ណោះទេ ប៉ុន្តែកាលពីចុងឆ្នាំមុន ពួកគេថែមទាំងបដិសេធជាសាធារណៈក្នុងការអនុវត្តកិច្ចព្រមព្រៀង។ លោក Putin និយាយថា ប្រតិបត្តិការយោធានៅអ៊ុយក្រែនកំពុងធ្វើឡើងដោយជោគជ័យ ស្របតាមផែនការដែលបានអនុម័តជាមុន ហើយរាល់កិច្ចការដែលបានកំណត់នឹងត្រូវដោះស្រាយ។លោក Putin បាននិយាយថា យើងនឹងធានាបាននូវសុវត្ថិភាពប្រទេសរុស្ស៊ី និងប្រជាជនរបស់យើងដោយភាពជឿជាក់ ហើយនឹងមិនអនុញ្ញាតឱ្យអ៊ុយក្រែនធ្វើជាស្ពានឆ្លង សម្រាប់សកម្មភាពឈ្លានពានមកលើប្រទេសរបស់យើងឡើយ។ ជាមួយគ្នានេះលោក Putin បាននិយាយថា គោលដៅមិនមែនជាការកាន់កាប់អ៊ុយក្រែននោះទេ។ លោក Putin បានចាត់ទុកការបង្កកផ្នែក នៃប្រាក់បម្រុងប្តូរប្រាក់បរទេសរបស់ធនាគាររុស្ស៊ីថា ខុសច្បាប់៕អត្ថបទ៖ ប៊ុនថន

លោក Zelenskyy និយាយទៅកាន់សភាអាមេរិកថា យើងត្រូវការអ្នកពេលនេះ

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បានរំលឹកការចងចាំនៃកំពង់ផែ Pearl Harbor និងការវាយប្រហារភេរវកម្មថ្ងៃទី១១ ខែកញ្ញា ឆ្នាំ២០០១ ក្នុងការអំពាវនាវកាលពីថ្ងៃពុធដល់សភាសហរដ្ឋអាមេរិកឱ្យខិតខំបន្ថែមទៀត ដើម្បីជួយប្រទេសអ៊ុយក្រែនប្រឆាំងរុស្ស៊ី។លោក Zelenskyy ដែលបានផ្សាយបន្តផ្ទាល់ទៅកាន់សមាជិកសភានៅលើអេក្រង់ធំ បានទទួលស្គាល់ថាតំបន់គ្មានការហោះហើរដែលលោកស្វែងរកការបិទជើងមេឃ ចំពោះការវាយប្រហារតាមអាកាសលើប្រទេសរបស់លោកប្រហែលជាមិនកើតឡើងនោះទេ។ លោក Biden បានជំទាស់លើចំណាត់ការនេះ ព្រមទាំងច្រានចោលការយល់ព្រមឱ្យសហរដ្ឋអាមេរិក ឬ NATO បញ្ជូនយន្តហោះចម្បាំង MiG ពីប្រទេសប៉ូឡូញទៅអ៊ុយក្រែន។ ជំនួសមកវិញលោក Zelenskyy បានអង្វរសុំជំនួយយោធាបន្ថែមទៀតដើម្បីបញ្ឈប់ការវាយលុករបស់រុស្ស៊ី។ជាលើកដំបូងក្នុងការថ្លែងសុន្ទរកថាជាសាធារណៈទៅកាន់មេដឹកនាំពិភពលោក លោកបានបង្ហាញនៅក្នុងសាលប្រជុំរបស់សមាជិកសភា នូវវីដេអូក្រាហ្វិកនៃការបំផ្លាញដែលប្រទេសរបស់លោកបានរងទុក្ខក្នុងសង្គ្រាម រួមជាមួយនឹងរូបភាពនៃភាពសោកសៅការស្លាប់ និងរងរបួសរបស់ជនស៊ីវិល។ លោក Zelenskyy បាននិយាយថា យើងត្រូវការអ្នកនៅពេលនេះ។ ខ្ញុំអំពាវនាវសុំឱ្យអ្នកខិតខំជួយយើងបន្ថែមទៀត។ ប្រធានាធិបតីសហរដ្ឋអាមេរិកលោក Joe Biden មិនបានផ្តល់ការយល់ព្រមចំពោះតំបន់គ្មានការហោះហើរ ឬការផ្ទេរយន្តហោះយោធាពីប្រទេសជិតខាងប៉ូឡូញ ខណៈសហរដ្ឋអាមេរិកព្យាយាមជៀសវាងការប្រឈមមុខដាក់គ្នា ដោយផ្ទាល់ជាមួយរុស្ស៊ីដែលមានអាវុធនុយក្លេអ៊ែរ៕អត្ថបទ៖ ប៊ុនថន

រាជរដ្ឋាភិបាលកម្ពុជា និងក្រុមហ៊ុនសម្ព័ន្ធទូរទស្សន៍កម្ពុជា ចុះកិច្ចព្រមព្រៀងបង្កើត «ថ្នាលទូរទស្សន៍ឌីជីថលកម្ពុជា»

ភ្នំពេញ៖ ប្រទេសកម្ពុជាបានកសាងប្រវត្តិសាស្ត្រថ្មីបន្ថែមទៀត ក្នុងវិស័យសោតទស្សន៍ និងផ្សព្វផ្សាយ នាថ្ងៃទី១៧ ខែមីនា ឆ្នាំ២០២២នេះ រាជរដ្ឋាភិបាលកម្ពុជាតំណាងដោយក្រសួងសេដ្ឋកិច្ច និងហិរញ្ញវត្ថុ បានចុះហត្ថលេខាលើកិច្ចព្រមព្រៀងម្ចាស់ភាគហ៊ុន ជាមួយក្រុមហ៊ុនសម្ព័ន្ធទូរទស្សន៍កម្ពុជា ឯ.ក ដើម្បីបង្កើតក្រុមហ៊ុនថ្នាលទូរទស្សន៍ឌីជីថលកម្ពុជា។ពិធីចុះហត្ថលេខាលើកិច្ចព្រមព្រៀងនេះ ប្រព្រឹត្តទៅក្រោមអធិបតីភាពឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ , ចុះហត្ថលេខាដោយ ឯកឧត្តមបណ្ឌិត អៀង ស៊ុនលី រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ តំណាងរបស់ភាគីរាជរដ្ឋាភិបាលកម្ពុជា និង តំណាងសម្ព័ន្ធទូរទស្សន៍កម្ពុជាឯ.ក មាន លោកជំទាវ ហ៊ុន ម៉ាណា អគ្គនាយិកានៃក្រុមហ៊ុនទូរទស្សន៍បាយ័នគ្រុប , អ្នកឧកញ្ញ៉ា គិត ម៉េង នៃក្រុមហ៊ុន CBS និងលោកឧកញ៉ា អ៊ឹង ឆៃងួន នៃក្រុមហ៊ុនទូរទស្សន៍ហង្សមាសគ្រុប។ពិធីចុះហត្ថលេខាលើ “កិច្ចព្រមព្រៀងម្ចាស់ភាគហ៊ុនរវាងរាជរដ្ឋាភិបាលកម្ពុជា តំណាងដោយក្រសួងសេដ្ឋកិច្ច និងហិរញ្ញវត្ថុ និងក្រុមហ៊ុនសម្ព័ន្ធទូរទស្សន៍កម្ពុជា ឯ.ក ដើម្បីបង្កើតក្រុមហ៊ុនថ្នាលទូរទស្សន៍ឌីជីថលកម្ពុជា ឯ.ក” គឺជាបង្គោលចរដ៏សំខាន់មួយ ដែលឆ្លុះបញ្ចាំងអំពីវិវឌ្ឍនាការដ៏ជឿនលឿនរបស់ស្ថានភាពសង្គម-សេដ្ឋកិច្ចកម្ពុជា ជាពិសេស វិស័យឌីជីថល នៅក្រោមដំបូលសន្តិភាពនៃការដឹកនាំដ៏ឈ្លៀសវៃរបស់ សម្តេចតេជោនាយករដ្ឋមន្រ្តី ។ កិច្ចសហការរវាងរាជរដ្ឋាភិបាល និង ក្រុមហ៊ុនសម្ព័ន្ធទូរទស្សន៍កម្ពុជា ឯ.ក នៅក្នុងការបង្កើតក្រុមហ៊ុនថ្នាលទូរទស្សន៍ឌីជីថលកម្ពុជា ឯ.ក នេះ គឺជាតថភាព ដែលបង្ហាញអំពីសារសំខាន់នៃភាពជាដៃគូស្អិតរមួតរវាងរដ្ឋ និងឯកជន នៅក្នុងដំណើរការអភិវឌ្ឍប្រទេសកម្ពុជា ។ឯកឧត្តម អៀង ស៊ុនលី រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ តំណាងរបស់ភាគីរាជរដ្ឋាភិបាលកម្ពុជា បានលើកឡើងថា ស្របតាមផែនការរំដោះបន្ទារហ្វ្រេកង់ស៍របស់រាជរដ្ឋាភិបាល ថ្នាលទូរទស្សន៍ឌីជីថលកម្ពុជានេះនឹងអនុញ្ញាតឱ្យ ក្រុមហ៊ុនទូរទស្សន៍អាណាឡូកឯកជន ផ្លាស់ប្តូរការផ្សាយពីប្រព័ន្ធអាណាឡូកទៅជាប្រព័ន្ធឌីជីថល ដែលមានគុណភាពខ្ពស់ ក្នុងការបញ្ជូនរូបភាព និងសម្លេងទៅកាន់ទស្សនិកជន នៅទូទាំងព្រះរាជាណាចក្រកម្ពុជា, រាជរដ្ឋាភិបាល នឹងមានលទ្ធភាពរំដោះយកបន្ទារហ្វ្រេកង់ស៍ពីក្រុមហ៊ុនទូរទស្សន៍អាណាឡូកឯកជន ជាពិសេស បន្ទារហ្វ្រេកង់ស៍ តំបន់ ៧០០ MHz ដើម្បីប្រគល់ជូនក្រសួងប្រៃសណីយ៍ និងទូរគមនាគមន៍ ចាត់ចែងប្រើប្រាស់ក្នុងវិស័យទូរគមនាគមន៍ ដូចជា ប្រព័ន្ធ 5G ដែលមានគុណប្រយោជន៍ផ្នែកសេដ្ឋកិច្ចកម្រិតខ្ពស់ធៀបនឹងការប្រើប្រាស់ក្នុងវិស័យសោតទស្សន៍ ។ក្នុងឱកាសនោះ ក្រុមហ៊ុនសម្ព័ន្ធទូរទស្សន៍កម្ពុជាឯ.ក បានបញ្ជាក់ថា ក្រុមហ៊ុនទាំងបីដែលបានរួមគ្នា ជាសម្ព័ន្ធទូរទស្សន៍កម្ពុជានេះ និងតាមរយៈការចុះកិច្ចព្រមព្រៀងជាមួយរដ្ឋាភិបាលនៅថ្ងៃនេះ ក៏នឹងសហការគ្នាអោយសម្រេចបានតាម ការកំណត់របស់រាជរដ្ឋាភិបាលផងដែរ។សូមបញ្ជាក់ថា ក្រុមហ៊ុនចម្រុះរវាងរដ្ឋនិងឯកជននេះ បង្កើតឡើងសម្រាប់គ្រប់គ្រង "ថ្នាលទូរទស្សន៍ឌីជីថលកម្ពុជា” ដើម្បីធ្វើឲ្យព្រះរាជាណាចក្រកម្ពុជា ឈានទៅសម្រេចឲ្យបានតាមអនុសាសន៍របស់សហភាពទូរគមនាគមន៍អន្តរជាតិ (ITU) និយាយជារួម និងនិយាយដោយឡែក ស្របតាមយុទ្ធសាស្ត្ររបស់រាជរដ្ឋា ភិបាលកម្ពុជា ដែលបានកំណត់យកឆ្នាំ២០២៣ ជាកាលបរិច្ឆេទនៃការដាក់ឲ្យដំណើរការថ្នាលទូរទស្សន៍ឌីជីថលកម្ពុជា ដោយតម្រូវឲ្យក្រុមហ៊ុនទូរទស្សន៍អាណាឡូកឯកជនទាំងអស់ មកប្រើប្រាស់សេវាថ្នាលទូរទស្សន៍ឌីជីថលកម្ពុជា និងបន្តការផ្សាយព្រមគ្នា ជាប្រព័ន្ធអាណាឡូក និងប្រព័ន្ធឌីជីថលស្របគ្នាមុននឹងដល់ដំណាច់ឆ្នាំ២០២៥ ដែលជាកាលបរិច្ឆេទសម្រាប់បិទការផ្សាយទូរទស្សន៍តាមប្រព័ន្ធអាណាឡូកជាស្ថាពរ៕ អត្ថបទ៖ ស៊ុន រ៉ាឌី

មនុស្ស ៤នាក់ស្លាប់ និង ៩៤នាក់រងរបួសដោយការរញ្ជួយដីកម្រិត ៧.៤រ៉ិចទ័រវាយប្រហារប្រទេសជប៉ុន

ជប៉ុន៖ យោងតាមរដ្ឋាភិបាលក្នុងតំបន់បានឱ្យដឹងថា យ៉ាងហោចណាស់មនុស្ស ៤ស្លាប់ និង ៩៤នាក់ផ្សេងទៀតបានរងរបួសបន្ទាប់ពីរញ្ជួយដីកម្រិត ៧.៤រ៉ិចទ័របានវាយប្រហារភាគឦសានប្រទេសជប៉ុន កាលពីល្ងាចថ្ងៃពុធ។ ការរញ្ជួយបានកើតឡើងនៅម៉ោងប្រហែល ២៣:៣៦នាទីម៉ោងក្នុងតំបន់ដោយមានជម្រៅ ៦០គីឡូម៉ែត្រ។រញ្ជួយដីខ្លាំងបានកើតឡើងនៅក្នុងតំបន់ភាគឦសាន និងភាគខាងកើតរបស់ប្រទេស ជាពិសេសនៅក្នុងខេត្ត Miyagi និង Fukushima។ ការព្រមានអំពីរលកយក្សស៊ូណាមិដែលមានកម្ពស់រហូតដល់ ១ម៉ែត្រត្រូវបានចេញទៅកាន់តំបន់ឆ្នេរក្នុងខេត្ត Miyagi និង Fukushima ដោយប្រជាជនត្រូវបានជំរុញឱ្យនៅឆ្ងាយពីឆ្នេរសមុទ្រ។ ប្រតិបត្តិកររថភ្លើងនិយាយថា ការរំខានដល់ការដឹកជញ្ជូនត្រូវបានគេរាយការណ៍ បន្ទាប់ពីមានការរញ្ជួយដី ខណៈរថភ្លើងល្បឿនលឿន Tohoku Shinkansen បានរអិលធ្លាក់ចេញពីផ្លូវ ប៉ុន្តែអ្នកដំណើរ ១០០នាក់នៅលើនោះមិនរងរបួសនោះទេ។ ទីក្រុងតូក្យូបានឃើញការរញ្ជួយខ្លាំង ហើយការដាច់ចរន្តអគ្គិសនីត្រូវបានរាយការណ៍ នៅក្នុងតំបន់ខ្លះនៃទីក្រុង និងតំបន់ក្បែរនោះបន្ទាប់ពីរញ្ជួយដី។ ក្រុមហ៊ុនថាមពលអគ្គិសនីទីក្រុងតូក្យូ និងក្រុមហ៊ុនបណ្ដាញថាមពលអគ្គិសនី Tohoku និយាយថា លំនៅឋានប្រមាណ ២.២លានខ្នងគ្មានថាមពលប្រើប្រាស់ ដែលក្នុងនោះមានគ្រួសារប្រហែល ៧០០,០០០គ្រួសាររស់នៅក្នុងទីក្រុងតូក្យូ។ នាយករដ្ឋមន្ត្រីជប៉ុនលោក Fumio Kishida បាននិយាយនៅក្នុងសន្និសីទសារព័ត៌មាននៅព្រឹកថ្ងៃព្រហស្បតិ៍នេះថា រោងចក្រថាមពលនុយក្លេអ៊ែរនៅទូទាំងប្រទេសជប៉ុន បានមើលឃើញថាគ្មានភាពខុសប្រក្រតីណាមួយឡើយបន្ទាប់ពីការរញ្ជួយដី ហើយរាល់ការព្រមានអំពីរលកយក្សស៊ូណាមិ ដែលបង្កឡើងដោយការរញ្ជួយដីត្រូវបានដកចេញនៅព្រឹកថ្ងៃព្រហស្បតិ៍នេះ៕អត្ថបទ៖ ប៊ុនថន

ការខូចខាតធ្ងន់ធ្ងរ និងការភៀសខ្លួនកាន់តែច្រើន ខណៈសង្គ្រាមនៅអ៊ុយក្រែនមានអាយុកាល ៣សប្ដាហ៍ពេញ

អ៊ុយក្រែន៖ ខណៈដែលការវាយប្រហាររបស់រុស្ស៊ីទៅលើប្រទេសអ៊ុយក្រែន បានឈានចូលដល់រយៈពេល ៣សប្ដាហ៍ពេញ ការឡោមព័ទ្ធបានរឹតរ៉ឹងកាន់តែខ្លាំងនៅជុំវិញរដ្ឋធានី Kyiv, Mariupol, Chernihiv, និងទីក្រុង Kharkiv ហើយកងទ័ពរុស្ស៊ីបានបាញ់មីស៊ីលចូលទៅក្នុងតំបន់ជាយក្រុងនានា ដោយបានដាក់គោលដៅទៅលើមន្ទីរពេទ្យ សាលារៀន និងប្លុកអគារអឹផាតមិនខ្ពស់ៗ។អង្គការសហប្រជាជាតិនិយាយថា នៅពេលនេះពលរដ្ឋអ៊ុយក្រែនជាង ៣លាននាក់ក្លាយជាជនភៀសខ្លួន និង ២លាននាក់កំពុងត្រូវបានភៀសខ្លួននៅក្នុងប្រទេស។ ចំណែកក្រុមមន្ត្រីអ៊ុយក្រែននិយាយថា អាចមានជនស៊ីវិលរាប់ពាន់នាក់បានស្លាប់រួចទៅហើយ។ គ្រាប់បែកក៏បានធ្លាក់ចំកណ្ដាលរដ្ឋធានី Kyiv ពេញមួយសប្ដាហ៍ផងដែរ ខណៈដែលទាហានរុស្ស៊ីទំនងជាមិនអាចរុលទៅមុខ ដោយបានត្រឹមតែបាញ់មីស៊ីលពីចម្ងាយដី ១៥គីឡូម៉ែត្រតែប៉ុណ្ណោះ។ក្រុមមន្ត្រីក្នុងតំបន់និយាយថា កងកម្លាំងរុស្ស៊ីបានទម្លាក់គ្រាប់បែកលើមហោស្រពភាពយន្ត ជាទីដែលជនស៊ីវិលកំពុងស្នាក់នៅក្នុងជម្រកបណ្ដោះអាសន្នក្នុងទីក្រុងរងការហ៊ុមព័ទ្ធ Mariupol។ លោក Oleksiy Kuleba ប្រធានតំបន់រដ្ឋធានី Kyiv បាននិយាយលើកញ្ចក់ទូរទស្សន៍អ៊ុយក្រែនថា ទាហានរុស្ស៊ីកំពុងកែប្រែជីវភាពរបស់យើងឲ្យធ្លាក់ចូលក្នុងឋាននរក។ មនុស្សត្រូវអង្គុយក្នុងបន្ទប់ក្រោមដីទាំងយប់ ទាំងថ្ងៃ ដោយគ្មានអាហារ ទឹក និងអគ្គិសនី៕អត្ថបទ៖ សុខមាន

លោក Putin ព្រមានប្រឆាំងនឹងក្រុមជនក្បត់ជាតិរុស្ស៊ីដែលគាំទ្រលោកខាងលិច

រុស្ស៊ី៖ លោកប្រធានាធិបតី Vladimir Putin កាលពីថ្ងៃពុធបានចេញការព្រមានដ៏ចាស់ដៃ ទៅកាន់ក្រុមជនក្បត់ជាតិរុស្ស៊ីដែលលោកបាននិយាយថា បណ្ដាប្រទេសលោកខាងលិចចង់ប្រើរនុកក្នុង ដើម្បីកម្ទេចប្រទេសនេះ។មេដឹកនាំវិមានក្រឹមឡាំងរូបនេះ បានវាយប្រហារជនជាតិរុស្ស៊ីដែលលោកបាននិយាយថា ជាក្រុមដែលឱបដៃឱបជើងប្រទេសលោកខាងលិចជាងរុស្ស៊ី និងបានលើកឡើងថា ប្រជាជនរុស្ស៊ីនឹងអាចប្រាប់ភ្លាមៗពីភាពខុសប្លែកគ្នារវាងជនក្បត់ជាតិ និងអ្នកស្នេហាជាតិ។ លោកបានប្រាប់ក្រុមរដ្ឋមន្ត្រីរដ្ឋាភិបាលក្នុងរយៈពេល ៣សប្តាហ៍នៃសង្គ្រាមរបស់រុស្ស៊ីជាមួយអ៊ុយក្រែនថា ពិតណាស់បណ្ដាប្រទេសលោកខាងលិច នឹងព្យាយាមភ្នាល់លើអ្វីដែលគេហៅថារនុកក្នុង លើក្រុមជនក្បត់ជាតិ លើអ្នកដែលរកប្រាក់របស់ពួកគេនៅទីនេះ ប៉ុន្តែរស់នៅទីនោះ។ លោក Putin និយាយថា បណ្ដាប្រទេសលោកខាងលិចកំពុងព្យាយាមបំបែកបំបាក់ប្រទេសរុស្ស៊ី និងដុតបញ្ឆេះឲ្យមានការប្រឈមដាក់គ្នាខាងស៊ីវិល ដោយពឹងជំនួយពីក្រុមរនុកក្នុងរបស់ខ្លួន។លោក Vladimir Putin និយាយថា ប្រទេសរបស់លោកនឹងដើរដល់គោលដៅរបស់ខ្លួន ក្នុងប្រទេសអ៊ុយក្រែន។ លោកថា ប្រទេសរុស្ស៊ីបានត្រៀមខ្លួនរួចរាល់ក្នុងការពិភាក្សាពីរដ្ឋអព្យាក្រឹត្យសម្រាប់អ៊ុយក្រែន ក្នុងសង្គ្រាមមានអាយុកាល ៣សប្ដាហ៍មកនេះដែលបានសម្លាប់មនុស្សរាប់ពាន់នាក់ និងបានបង្ខំឲ្យជនជាតិអ៊ុយក្រែនរាប់លាននាក់ភៀសខ្លួនចេញពីប្រទេសរបស់ពួកគេ៕អត្ថបទ៖ សុខមាន

រុស្ស៊ីវាយប្រហារដោយពាក្យសម្ដីលើលោក Biden ឆ្លើយតបទៅនឹងការហៅលោក Putin ថាជាឧក្រិដ្ឋជនសង្គ្រាម

រុស្ស៊ី៖ វិមានក្រឹមឡាំងបាននិយាយកាលពីថ្ងៃពុធថា ការសំដៅរបស់លោកប្រធានាធិបតីអាមេរិក Joe Biden ដល់មេដឹកនាំរុស្ស៊ីថាជាឧក្រិដ្ឋជនសង្គ្រាម ជុំវិញប្រតិបត្តិការយោធារបស់លោកនៅក្នុងប្រទេសអ៊ុយក្រែន គឺជារឿងមិនអាចទទួលយកបាន និងមិនអាចអត់ឱនឲ្យបាន។យោងតាមទីភ្នាក់ងារសារព័ត៌មានរដ្ឋ TASS និង Ria Novosti អ្នកនាំពាក្យវិមានក្រឹមឡាំងលោក Dmitry Peskov និយាយថា យើងជឿថា វោហារសាស្ត្របែបនេះគឺជារឿងមិនអាចទទួលយកបាន និងមិនអាចអត់ឱនឲ្យបានសម្រាប់ប្រមុខរដ្ឋ ដែលគ្រាប់បែករបស់ខ្លួនបានសម្លាប់មនុស្សរាប់ម៉ឺននាក់នៅទូទាំងពិភពលោក។ ថ្លែងប្រាប់ក្រុមអ្នកសារព័ត៌មាននៅសេតវិមានកាលពីថ្ងៃពុធ លោកប្រធានាធិបតីអាមេរិក Joe Biden បានហៅមេដឹកនាំរុស្ស៊ីលោក Vladimir Putin ចំៗថាជាឧក្រិដ្ឋជនសង្គ្រាម ក្នុងទង្វើមួយដែលទំនងជានឹងបង្កឲ្យមានភាពតានតឹង ខាងផ្នែកការទូតកាន់តែតឹងតែងជាងមុនទៀត។ នេះគឺជាលើកទី១ ហើយដែលលោក Biden បានប្រើភាសាបែបនេះក្នុងការថ្កោលទោសលោក Putin ហើយក្រោយមកសេតវិមានបាននិយាយថា ពាក្យសម្ដីនេះស្ដែងចេញពីបេះដូងរបស់លោកពិតៗ៕អត្ថបទ៖ សុខមាន

តុលាការរបស់អង្គការសហប្រជាជាតិបង្គាប់ឲ្យរុស្ស៊ីបញ្ឈប់ការវាយលុកលើអ៊ុយក្រែន

UN៖ តុលាការយុត្តិធម៌អន្តរជាតិ (ICJ) បានបញ្ជាឲ្យរុស្ស៊ីបញ្ឈប់សកម្មភាពយោធានៅក្នុងប្រទេសអ៊ុយក្រែនភ្លាមៗ ដោយនិយាយថា ខ្លួនបារម្ភយ៉ាងខ្លាំងចំពោះការប្រើកម្លាំងរបស់ទីក្រុង Moscow។ សហព័ន្ធរុស្ស៊ីត្រូវផ្អាកភ្លាមៗនូវប្រតិបត្តិការយោធាដែលលោក Putin បានបញ្ជាឲ្យបើកការវាយលុកកាលពីថ្ងៃទី២៤ ខែកុម្ភៈ ២០២២ លើទឹកដីអ៊ុយក្រែន ដោយចៅក្រមនៅតុលាការកំពូលរបស់អង្គការសហប្រជាជាតិបាននិយាយថា ការបញ្ជាឲ្យបញ្ឈប់នេះកើតចេញពីការសម្រេចចិត្ត ១៣ទល់នឹង ២សំឡេងកាលពីថ្ងៃពុធ។ ក្រុមចៅក្រមបានបន្ថែមថា រុស្ស៊ីក៏ត្រូវតែធានាផងដែរថា កងកម្លាំងផ្សេងទៀតដែលស្ថិតក្រោមការគ្រប់គ្រងរបស់ខ្លួន ឬគាំទ្រដោយក្រុង Moscow មិនគួរបន្តប្រតិបត្តិការយោធានេះទៀតឡើយ។ ទោះសេចក្ដីសម្រេចរបស់តុលាការនេះជាចំណងផ្លូវច្បាប់ក៏ដោយ ក៏ពុំមានន័យដោយផ្ទាល់ក្នុងការអនុវត្តន៍ទៅលើក្រុមទាំងនោះ និងរឿងក្ដីជាច្រើនទៀតដែលប្រទេសនានាមិនដែលខ្វល់ខ្វាយក្នុងអតីតកាល៕ អត្ថបទ៖ សុខមាន

លោក Zelenskyy និយាយថា ការចរចាពិបាកណាស់ ហើយសង្គ្រាមលោកលើកទី៣ អាចបានចាប់ផ្ដើមរួចទៅហើយ

អ៊ុយក្រែន៖ លោកប្រធានាធិបតីអ៊ុយក្រែន Volodymyr Zelenskyy បាននិយាយកាលពីថ្ងៃពុធថា សង្គ្រាមលោកលើកទី៣ អាចបានចាប់ផ្ដើមរួចទៅហើយ ខណៈលោកបានលើកឡើងនៅក្នុងបទសម្ភាសន៍មួយជាមួយទូរទស្សន៍ NBC News និងអ្នកសម្របសម្រួលកម្មវិធីនេះគឺលោក Lester Holt។លោក Zelenskyy បានកំពុងឆ្លើយតបទៅនឹងសំណួរមួយពីអ្នកសម្របសម្រួលកម្មវិធីព័ត៌មាន NBC Nightly News អំពីថា តើលោកមានការបារម្ភ ឬទេអំពីក្ដីកង្វល់ចេញពីរដ្ឋបាលលោក Biden ដែលថា ចំណាត់ការជាក់លាក់អាចបង្កឲ្យមាជម្លោះរវាងអាវុធនុយក្លេអ៊ែរ ដែលអាចផ្ទុះជាសង្គ្រាមលោកលើកទី៣ នោះ។ ប្រធានាធិបតីអ៊ុយក្រែនរូបនេះបាននិយាយនៅក្នុងការអត្ថាធិប្បាយដែលត្រូវបានបកប្រែថា គ្មាននរណាម្នាក់ដឹងទេថា តើវាអាចបានចាប់ផ្ដើមរួចហើយ ឬនៅ ហើយអ្វីជាទំនួលខុសត្រូវនៃសង្គ្រាមនេះ ក្នុងករណីដែលប្រទេសអ៊ុយក្រែននឹងត្រូវដួលរលំ។ លោកប្រធានាធិបតី Joe Biden បានប្រកាសថា សហរដ្ឋអាមេរិកនឹងបញ្ជូនជំនួយយោធាក្នុងទំហំទឹកប្រាក់ចំនួន ៨០០លានដុល្លារអាមេរិកបន្ថែមទៀតទៅកាន់អ៊ុយក្រែន រួមទាំងអាវុធប្រឆាំងយន្តហោះ និងរថក្រោះ ព្រមទាំងយានដ្រូនជាច្រើនគ្រឿងទៀតផងដែរ។លោកក៏បានហៅលោក Vladimir Putin ថា ជាឧក្រិដ្ឋជនសង្គ្រាមផងដែរនៅក្នុងការថ្កោលទោសដ៏ខ្លាំងបំផុតលើមេដឹកនាំរុស្ស៊ី ចាប់តាំងពីការចាប់ផ្ដើមវាយប្រហារកាលពីថ្ងៃទី២៤ ខែកុម្ភៈមក។ សូមរម្លឹកថា កាលពីថ្ងៃពុធដដែលនោះដែរ ប្រធានាធិបតីអ៊ុយក្រែនលោក Volodymyr Zelenskiy ធ្លាប់បាននិយាយថា ការចរចាស្វែងរកសន្តិភាពស្ដាប់ទៅទំនងជាមានភាពប្រាកដនិយមជាងមុន ប៉ុន្តែនៅត្រូវការពេលវេលាថែមទៀត៕អត្ថបទ៖ សុខមាន

ឯកឧត្ដម ហ៊ុន ម៉ាណែត លើកឡើងថា អាជីពជាយោធិន ជាអាជីពដ៏ថ្លៃថ្នូរ

កំពង់ស្ពឺ ៖ ក្នុងពិធីសម្ពោធដាក់ឱ្យប្រើប្រាស់សមិទ្ធផលដែលត្រូវបានកសាងក្នុងឆ្នាំ២០២០-២០២១ នៅក្នុងសាលានាយទាហានសកម្ម ក្នុងខេត្តកំពង់ស្ពឺ នាថ្ងៃទី១៦ ខែមីនា ឆ្នាំ២០២២ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានមានប្រ សាសន៍ថា អាជីពជាយោធិន ជាអាជីពដ៏ថ្លៃថ្នូរ និងជាអាជីពដែលមានការបូជាលះបង់ខ្ពស់បំផុតស ម្រាប់បុព្វហេតុជាតិ មាតុភូមិ ជាពិសេសការពារបូរណភាពទឹកដី និងសុខសន្តិភាពជូនប្រជាជនយើង។ ហេតុនេះ សូមប្អូនៗនិស្សិតនាយទាហានសកម្មទាំងអស់ បន្តប្រឹងប្រែងរៀនសូត្រ ចាប់យកចំណេះ និ ងសមត្ថភាព ជាពិសេសស្មារតីឆន្ទៈ និងការទទួលខុសត្រូវក្នុងនាមជានាយទាហាន ដើម្បីចេញទៅបន្តជួយកសាងដឹកនាំកងទ័ពយើងតទៅមុខទៀត។ ឯកឧត្ដមបន្តថា សាលាជាមជ្ឈមណ្ឌលសំខាន់ណាស់ក្នុងការបណ្តុះបណ្តាលធនធានមនុស្ស ជាពិសេ សសាលានាយទាហានតែម្តង ដើម្បីកសាងកម្លាំងនាយទាហានប្រកបដោយគុណភាព និងសមត្ថភាពជាក់ស្តែងអាចធ្វើការបានច្បាស់លាស់ ដែលជាឆ្អឹងខ្នងនៃកងទ័ព។ ការគិតគូរអំពីការពង្រឹងសាលាហ្វឹ កហ្វឺន ត្រូវផ្តោតទាំងលើការងារអភិវឌ្ឍ និងការងារអភិរក្ស។ ការងារអភិវឌ្ឍសំដៅដល់ការធ្វើទំនើបកម្មទាំងផ្នែករឹង និងផ្នែកទន់ ដែលរួមមានការកសាងហេដ្ឋារចនាសម្ព័ន្ធ, ការកែសម្រួលប្រព័ន្ធការងារគ្រប់ គ្រង និងកម្មវិធីសិក្សា និងការបំពាក់សម្ភារជាដើម។ រីឯការងារអភិរក្សវិញ សំដៅដល់ការរក្សាឱ្យបានដាច់ខាតនូវស្មារតីឆន្ទៈស្មោះត្រង់ដាច់ខាតចំពោះជាតិ សាសនា ព្រះមហាក្សត្រ គោរពរដ្ឋធម្មនុញ្ញ និងការពាររាជរដ្ឋាភិបាលស្របច្បាប់ ក៏ដូចជាការធានាឱ្យបាននូវនិមិត្តរូបរួម និងសមិទ្ធផលផ្ទាល់របស់ខ្លួនយើង ដែលផ្សារភ្ជាប់ទៅនឹងអត្តសញ្ញាណជាតិខ្មែរ ទោះបីពេលខ្លះ យើងត្រូវរៀនសូត្រ និងដកស្រង់ច្នៃប្រឌិតយោងតាមបទពិសោធន៍អន្តរជាតិក៏ដោយ។ក្នុងពិធីនោះដែរ ឯកឧត្ដមក៏បានគោរពថ្លែងអំណរគុណ និងកតញ្ញុតាចំពោះសម្តេចតេជោនាយករដ្ឋមន្ត្រី និង សម្តេចកិត្តិព្រឹទ្ធបណ្ឌិត ដោយជានិច្ចជាកាលលោកទាំងពីរ តែងបានយកចិត្តទុកដាក់ និងគិតគូរអំពីសុខទុក្ខរបស់យោធិន និងគ្រួសារយោធិននៅគ្រប់បណ្តាកងឯកភាពនៃកងយោធពលខេមរភូមិ ន្ទ ហើយតែងបានជួយឧបត្ថម្ភគាំទ្រគ្រប់បែបយ៉ាងទាំងផ្នែកស្មារតី ថវិកា និងសម្ភារ ដើម្បីជួយសម្រួលដល់ការបំពេញការងារប្រចាំថ្ងៃ, ការហ្វឹកហ្វឺនរៀនសូត្រ, ការបំពាក់សម្ភារបរិក្ខារផ្សេងៗ, ការលើកស្ទួ យជីវភាពសុខមាលភាពកងទ័ព និងគ្រួសារកងទ័ពតាមរយៈការកសាងជំរំជម្រកស្នាក់នៅ និងការដោះស្រាយប្រាក់ហូបប្រចាំថ្ងៃជាដើម រហូតយោធិនយើងប្រសិទ្ធនាមថាជា «អគ្គភស្តុភារជាន់ខ្ពស់» ដែលតែងតែយកចិត្តទុកដាក់គិតសព្វគិតគ្រប់ ដោយសារខ្លួនសម្តេចទាំងពីរផ្ទាល់ ក៏ធ្លាប់ជាយោធិនដែលឆ្លងកាត់ការលំបាកសព្វបែបយ៉ាងនៅក្នុងភ្នក់ភ្លើងសង្គ្រាម។ ការរួមចំណែករបស់ថ្នាក់ដឹកនាំក្រសួង-ស្ថាប័នយោធា ស៊ីវិល និងសប្បុរសជនទាំងអស់ ក៏បានស្តែងឱ្យឃើញផងដែរ នូវកិច្ចខិតខំប្រឹងប្រែងរួមគ្នា ដោយឈរលើបុព្វហេតុរួម គឺការកសាងមូលដ្ឋាននៃកិច្ចការពារជាតិ និងប្រជាជន ដើម្បីធានាបាននូវការការពារបូរណភាពទឹកដី សុខសន្តិភាព ស្ថិរភាព និងឱកាសសម្រាប់ការអភិវឌ្ឍជាតិប្រកបដោយនិរន្តរភាព៕ ដោយ៖ គង់ ឌិន

បណ្ដាញសង្គម

ព័ត៌មានថ្មីៗ

មេដឹកនាំកូរ៉េខាងជើង Kim Jong Un សរសើរ «ឆន្ទៈដ៏រឹងមាំ» ក្នុងការអភិវឌ្ឍទំនាក់ទំនងជាមួយលោក Xi Jinping

ព្រះមហាក្សត្រ៖ រដ្ឋសភាបានបំពេញតួនាទី ភារកិច្ចស្នូលរបស់ខ្លួនប្រកបដោយស្មារតីទទួលខុសត្រូវខ្ពស់សម្រេចបានលទ្ធផលយ៉ាងច្រើនសន្ធឹកសន្ធាប់ ជាឧត្តមប្រយោជន៍ជូនជាតិមាតុភូមិ និងប្រជាជន

ព្រះមហាក្សត្រ អំពាវនាវដល់ជនរួមជាតិបន្តរួបរួមគ្នាគាំទ្ររដ្ឋាភិបាលក្នុងការការពារអធិបតេយ្យ និងទឹកដី

រដ្ឋសភាបើកសម័យប្រជុំលើកទី៦ នីតិកាលទី៧ ជាផ្លូវការ ជាមួយរបៀបវារៈគន្លឹះចំនួនពីរ

អង្គការសហប្រជាជាតិ៖ ការផ្ទុះឡើងនៃជំងឺអេបូឡាអាចធ្វើឱ្យទ្វីបអាហ្វ្រិកខាតបង់រហូតដល់ ៣,៦ ពាន់លានដុល្លារ

មនុស្សរាប់ពាន់នាក់ចេញធ្វើបាតុកម្មទាមទារឱ្យជនអន្តោប្រវេសន៍ខុសច្បាប់ចាកចេញពីអាហ្វ្រិកខាងត្បូង

បាក់ដំបូលមជ្ឈមណ្ឌលសិក្សានៅប្រទេសប៉ាគីស្ថាន បណ្តាលឲ្យកុមារ ១៤ នាក់ស្លាប់

ទួរគីនិយាយថា ណាតូកំពុងសម្របខ្លួនទៅនឹងទស្សនសន្តិសុខ ហើយសហរដ្ឋអាមេរិកមិនដកខ្លួនចេញទេ

អ៊ីរ៉ង់ថាខ្លួននឹងមិនជួបបេសកជនអាមេរិកទេ ដែលធ្វើឲ្យប៉ះពាល់ដល់ការរំពឹងទុកសម្រាប់កិច្ចព្រមព្រៀងសន្តិភាព

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោក Putin និយាយថា ប្រតិបត្តិការយោធានៅអ៊ុយក្រែនដំណើរការល្អ

លោក Zelenskyy និយាយទៅកាន់សភាអាមេរិកថា យើងត្រូវការអ្នកពេលនេះ

មនុស្ស ៤នាក់ស្លាប់ និង ៩៤នាក់រងរបួសដោយការរញ្ជួយដីកម្រិត ៧.៤រ៉ិចទ័រវាយប្រហារប្រទេសជប៉ុន

ការខូចខាតធ្ងន់ធ្ងរ និងការភៀសខ្លួនកាន់តែច្រើន ខណៈសង្គ្រាមនៅអ៊ុយក្រែនមានអាយុកាល ៣សប្ដាហ៍ពេញ

លោក Putin ព្រមានប្រឆាំងនឹងក្រុមជនក្បត់ជាតិរុស្ស៊ីដែលគាំទ្រលោកខាងលិច

រុស្ស៊ីវាយប្រហារដោយពាក្យសម្ដីលើលោក Biden ឆ្លើយតបទៅនឹងការហៅលោក Putin ថាជាឧក្រិដ្ឋជនសង្គ្រាម

តុលាការរបស់អង្គការសហប្រជាជាតិបង្គាប់ឲ្យរុស្ស៊ីបញ្ឈប់ការវាយលុកលើអ៊ុយក្រែន

លោក Zelenskyy និយាយថា ការចរចាពិបាកណាស់ ហើយសង្គ្រាមលោកលើកទី៣ អាចបានចាប់ផ្ដើមរួចទៅហើយ

ឯកឧត្ដម ហ៊ុន ម៉ាណែត លើកឡើងថា អាជីពជាយោធិន ជាអាជីពដ៏ថ្លៃថ្នូរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោក Putin និយាយ​ថា ប្រតិបត្តិការ​យោធា​នៅ​អ៊ុយ​ក្រែ​ន​ដំណើរ​ការ​ល្អ​

លោក Zelenskyy និយាយ​ទៅកាន់​សភា​អាមេរិក​ថា យើង​ត្រូវការ​អ្នក​ពេលនេះ

មនុស្ស ​៤​នាក់​ស្លាប់ និង ៩៤​នាក់​រងរបួស​ដោយការ​រញ្ជួយ​ដីកម្រិត ៧.៤រ៉ិច​ទ័​រ​វាយប្រហារ​ប្រទេស​ជប៉ុន

លោក Putin ព្រមាន​ប្រឆាំង​នឹង​ក្រុម​ជន​ក្បត់ជាតិ​រុស្ស៊ី​ដែល​គាំទ្រ​លោក​ខាង​លិច

រុស្ស៊ី​វាយប្រហារ​ដោយ​ពាក្យសម្ដី​លើ​លោក Biden ឆ្លើយតប​ទៅ​នឹង​ការ​ហៅ​លោក Putin ​ថា​ជា​ឧក្រិដ្ឋជន​សង្គ្រាម​

តុលាការ​របស់​អង្គការសហប្រជាជាតិ​បង្គាប់​ឲ្យ​រុស្ស៊ី​បញ្ឈប់​ការ​វាយ​លុក​លើ​អ៊ុយ​ក្រែ​ន

លោក Zelenskyy និយាយ​ថា ការចរចា​ពិបាក​ណាស់ ហើយ​សង្គ្រាម​លោក​លើក​ទី​៣​ អាច​បាន​ចាប់ផ្ដើម​រួច​ទៅ​ហើយ

ឯកឧត្ដម ហ៊ុន ម៉ាណែត លើកឡើងថា អាជីពជាយោធិន ជាអាជីពដ៏ថ្លៃថ្នូរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Putin និយាយថា ប្រតិបត្តិការយោធានៅអ៊ុយក្រែនដំណើរការល្អ

លោក Zelenskyy និយាយទៅកាន់សភាអាមេរិកថា យើងត្រូវការអ្នកពេលនេះ

មនុស្ស ៤នាក់ស្លាប់ និង ៩៤នាក់រងរបួសដោយការរញ្ជួយដីកម្រិត ៧.៤រ៉ិចទ័រវាយប្រហារប្រទេសជប៉ុន

លោក Putin ព្រមានប្រឆាំងនឹងក្រុមជនក្បត់ជាតិរុស្ស៊ីដែលគាំទ្រលោកខាងលិច

រុស្ស៊ីវាយប្រហារដោយពាក្យសម្ដីលើលោក Biden ឆ្លើយតបទៅនឹងការហៅលោក Putin ថាជាឧក្រិដ្ឋជនសង្គ្រាម

តុលាការរបស់អង្គការសហប្រជាជាតិបង្គាប់ឲ្យរុស្ស៊ីបញ្ឈប់ការវាយលុកលើអ៊ុយក្រែន

លោក Zelenskyy និយាយថា ការចរចាពិបាកណាស់ ហើយសង្គ្រាមលោកលើកទី៣ អាចបានចាប់ផ្ដើមរួចទៅហើយ