BTV NEWS

សម្តេចធិបតី ហ៊ុន ម៉ាណែត ចេញសារាចរផ្អាកការប្រារព្ធព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៦ នៅរាជធានីភ្នំពេញ តែនៅបណ្តាខេត្តអាចប្រារព្ធធ្វើបានធម្មតា

សម្ដេចតេជោ គាំទ្រកម្ពុជា-វៀតណាម ចៀសវាងកុំឱ្យមានការប្រើប្រាស់កម្លាំងនៅក្នុងប្រទេសមួយ ប្រឆាំងនឹងប្រទេសណាមួយទៀត

សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីសន្តិសុខសាធារណៈវៀតណាម ចូលជួបសម្តែងការគួរសម

សម្តេចធិបតីលើកទឹកចិត្តឱ្យក្រសួងមហាផ្ទៃកម្ពុជា ក្រសួងសន្តិសុខសាធារណៈឡាវ និងក្រសួងនគរបាលវៀតណាម បន្តពង្រឹងកិច្ចសហប្រតិបត្តិការឱ្យកាន់តែរីកចម្រើនបន្ថែមទៀត

ព័ត៌មានសំខាន់ៗ

ជំនួយផ្នែកវេជ្ជសាស្ត្រ និងអាហារចំនួន ២០០តោនបានមកដល់អ៊ុយក្រែន

អ៊ុយក្រែន៖ ក្បួនរថយន្តដឹកជំនួយមនុស្សធម៌ ២០០តោនពីគណៈកម្មាធិការកាកបាទក្រហមអន្តរជាតិ (ICRC) និងដៃគូពាក់ព័ន្ធផ្សេងទៀតបានមកដល់ទីក្រុង Vinittsya របស់អ៊ុយក្រែនកាលពីថ្ងៃអង្គារ។ រថយន្តដឹកទំនិញទាំង ១១គ្រឿងដែលបញ្ជូនដោយកាកបាទក្រហមអាល្លឺម៉ង់ និងដៃគូសកម្មភាពកាកបាទក្រហម និងអឌ្ឍចន្ទក្រហមបានបញ្ជូនសម្ភារៈដែលនឹងត្រូវចែកចាយនៅទូទាំងប្រទេសអ៊ុយក្រែន។ក្នុងចំណោមជំនួយដែលបានដឹកជញ្ជូននោះ មានសម្ភារៈពេទ្យសម្រាប់ការរងរបួសដោយសង្គ្រាម កញ្ចប់សង្គ្រោះបន្ទាន់ និងការផ្គត់ផ្គង់ទឹក និងអនាម័យ។ នៅឃ្លាំងមួយក្នុងក្រុង Vinnytsia លោក Florian Seriex អ្នកនាំពាក្យរបស់គណៈកម្មាធិការកាកបាទក្រហមអន្តរជាតិ នៅក្នុងប្រទេសអ៊ុយក្រែននិយាយថា ជំនួយនេះគឺតិចតួចទាក់ទងទៅនឹង តម្រូវការដែលយើងសង្កេតឃើញនាពេលបច្ចុប្បន្ននៅអ៊ុយក្រែន។ ប្រជាជនត្រូវការអាហារ ប្រជាជនត្រូវការទឹក ប្រជាជនត្រូវការនៅកន្លែងដែលមានសុវត្ថិភាពជាងអ្វីទាំងអស់។ជំនួយនេះនឹងត្រូវបញ្ជូនទៅកាន់តំបន់នានារបស់អ៊ុយក្រែន អាស្រ័យលើលក្ខខណ្ឌសន្តិសុខ ការដំណើរការ និងទីកន្លែងចាំបាច់នៃការភៀសខ្លួនរបស់ជនស៊ីវិលច្រើនបំផុត។ គណៈកម្មាធិការកាកបាទក្រហមអន្តរជាតិបាននឹងកំពុងធ្វើការនៅក្នុងប្រទេសអ៊ុយក្រែន ដើម្បីជួយដល់អ្នកដែលរងផលប៉ះពាល់ដោយជម្លោះចាប់តាំងពីឆ្នាំ២០១៤ មក៕អត្ថបទ៖ ប៊ុនថន

អាមេរិកនិយាយថា ប្រជាជនរុស្សី ១៥.០០០នាក់ត្រូវបានឃុំខ្លួនពីបទប្រឆាំងសង្គ្រាម

សហរដ្ឋអាមេរិក៖ ក្រសួងការបរទេសសហរដ្ឋអាមេរិកបានរិះគន់ ការបង្ក្រាបរបស់រុស្ស៊ីលើក្រុមបាតុករ និងអ្នកសារព័ត៌មានដោយនិយាយថា ប្រជាជនរុស្សី ១៥.០០០នាក់ត្រូវបានអាជ្ញាធរឃុំខ្លួនដោយសារការប្រឆាំង ចំពោះការវាយលុករបស់រុស្ស៊ីលើអ៊ុយក្រែន។អ្នកនាំពាក្យក្រសួងការបរទេសលោក Ned Price បាននិយាយថា ទោះបីជាមានការបង្ក្រាបរបស់លោក ពូទីន លើប្រព័ន្ធផ្សព្វផ្សាយសេរី និងការបន្តការកុហក់របស់រដ្ឋាភិបាលរបស់លោកក៏ដោយ យើងបានឃើញប្រជាជនរុស្ស៊ីជាច្រើននាក់ក្លាហានក្រោកឈរឡើងប្រឆាំងសង្គ្រាមរបស់លោក ពូទីន រួមទាំងទូរទស្សន៍រដ្ឋផងដែរ។ លោក Ned Price បាននិយាយសំដៅទៅលើបុគ្គលិកទូរទស្សន៍រដ្ឋរុស្ស៊ី ដែលបានចូលទៅរំខានកម្មវិធីព័ត៌មានផ្សាយផ្ទាល់កាលពីថ្ងៃចន្ទ ដោយកាន់បដាធំមួយសរសេរថា គ្មានសង្គ្រាម និងប្រជាជនរុស្ស៊ីប្រឆាំងសង្គ្រាម។ បុគ្គលិកម្នាក់ឈ្មោះ Marina Ovsyannikova បម្រើការនៅប៉ុស្តិ៍ Channel One គ្រប់គ្រងដោយរដ្ឋរបស់រុស្ស៊ី ត្រូវបានតុលាការរុស្ស៊ីបង្គាប់ឱ្យបង់ប្រាក់ពិន័យកាលពីថ្ងៃអង្គារ។ទីក្រុងមូស្គូបានខិតខំយ៉ាងខ្លាំងដើម្បីកាត់ផ្តាច់ប្រភពឯករាជ្យនៃព័ត៌មានអំពីសង្គ្រាម។ លោក Price និយាយថា ប្រជាជនរុស្ស៊ីមានសិទ្ធិដឹងអំពីជនរងគ្រោះរាប់ពាន់នាក់ ដែលកងកម្លាំងសហព័ន្ធរុស្ស៊ីកំពុងទទួលរងនៅពេលនេះក្នុងប្រទេសអ៊ុយក្រែន ក៏ដូចជាការស្លាប់ និងរងរបួសរបស់ជនស៊ីវិល និងការបំផ្លាញយ៉ាងធំនៃហេដ្ឋារចនាសម្ព័ន្ធស៊ីវិលដែលលោក ពូទីន កំពុងធ្វើបាបប្រជាជនអ៊ុយក្រែន។ លោក Ned Price បានចូលរួមរំលែកទុក្ខបន្ទាប់ពីអ្នកសារព័ត៌មានពីរនាក់បម្រើការឱ្យសារព័ត៌មាន Fox News ត្រូវបានសម្លាប់ និងម្នាក់ទៀតរបួសធ្ងន់នៅក្នុងប្រទេសអ៊ុយក្រែន នៅពេលដែលរថយន្តពួកគេកំពុងធ្វើដំណើរនៅខាងក្រៅទីក្រុងគីវ បានរងការបាញ់ប្រហារ៕អត្ថបទ៖ ប៊ុនថន

លោក Zelenskyy បង្ហាញការខកចិត្តលើការចូលជាសមាជិកភាពរបស់ណាតូ

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បានទទួលស្គាល់ថា បំណងរបស់ប្រទេសអ៊ុយក្រែនសម្រាប់ការចូលជាសមាជិកអង្គការណាតូមិនប្រាកដប្រជានោះទេ ដោយនិយាយថា ប្រទេសរបស់លោកត្រូវពឹងផ្អែកលើខ្លួនឯង និងជំនួយរបស់ដៃគូ។លោកបានអំពាវនាវដល់មេដឹកនាំអឺរ៉ុបខាងជើងសុំអាវុធបន្ថែម ដើម្បីប្រយុទ្ធប្រឆាំងការវាយលុករបស់រុស្ស៊ីមកលើប្រទេសរបស់លោក។ លោក Zelenskyy និយាយទៅកាន់មេដឹកនាំកងកម្លាំងបរទេសចម្រុះ (JEF) តាមរយៈបណ្ដាញវីដេអូថា យោធាអ៊ុយក្រែនកំពុងប្រើប្រាស់អាវុធកើនឡើងឆាប់រហ័ស និងយុទ្ធោបករណ៍ផ្សេងទៀតដែលប្រទេសលោកខាងលិចបានបញ្ជូនមកប្រទេសរបស់លោក។ លោក Zelenskyy បាននិយាយលើកឡើងសាជាថ្មីចំពោះការខកចិត្តរបស់លោកជាមួយអង្គការណាតូ ជុំវិញការបដិសេធរបស់អង្គការនេះក្នុងការអនុវត្តន៍តំបន់គ្មានការហោះហើរលើប្រទេសអ៊ុយក្រែន ខណៈលោកបានថ្លែងនៅក្នុងកិច្ចប្រជុំមេដឹកនាំ កងកម្លាំងបរទេសចម្រុះក្នុងទីក្រុងឡុងដ៏។កងកម្លាំងបរទេសចម្រុះដឹកនាំដោយចក្រភពអង់គ្លេស គឺជាក្រុមមួយនៃបណ្ដាប្រទេសអាត្លង់ទិកខាងជើងចំនួន ១០ ប្រទេសត្រូវបានបង្កើតឡើងដើម្បីឆ្លើយតបរហ័សទៅនឹងវិបត្តិអន្តរជាតិ។ ក្រុមនេះរួមមានទាំងសមាជិកអង្គការណាតូ ដូចជាអង់គ្លេស និងរដ្ឋតំបន់បាល់ទិក ព្រមទាំងប្រទេសមិនមែនអង្គការណាតូដូចជាស៊ុយអែត និងហ្វាំងឡង់៕អត្ថបទ៖ ប៊ុនថន

អង្គការសហប្រជាជាតិនិយាយថា មនុស្សជាង ៣លាននាក់បានភៀសខ្លួនចេញពីអ៊ុយក្រែនដោយសារតែសង្គ្រាមនៅតែបន្ត

អ៊ុយក្រែន៖ យោងតាមទិន្នន័យរបស់អង្គការសហប្រជាជាតិ ការវាយប្រហាររបស់រុស្ស៊ី និងភ្លើងសង្គ្រាមដែលនៅតែបន្តឥតឈប់ឈរបានបង្ខំឲ្យមនុស្សជាង ៣លាននាក់រត់ចោលប្រទេសរបស់ពួកគេស្វែងរកកន្លែងមានសុវត្ថិភាព។ទាំងទីភ្នាក់ងារទទួលបន្ទុកជនភៀសខ្លួនរបស់អង្គការសហប្រជាជាតិ ទាំងអង្គការទេសន្តរប្រវេសន៍អន្តរជាតិបានប៉ាន់ប្រមាណថា ចំនួនជនស៊ីវិលកំពុងរត់គេចខ្លួនអាចឡើងដល់ ៤ ទៅ ៥លាននាក់។ យោងតាមទីភ្នាក់ងារមនុស្សធម៌របស់អង្គការសហប្រជាជាតិ បន្ថែមពីលើជនភៀសខ្លួនជិត ៣លាននាក់ ជនភៀសខ្លួនជិត ២លាននាក់កំពុងភៀសខ្លួនចេញពីលំនៅឋានរបស់ពួកគេនៅក្នុងប្រទេស។អង្គការសហប្រជាជាតិបាននិយាយថា ពេលនេះគឺជាវិបត្តិជនភៀសខ្លួនដែលកំពុងហក់ឡើងខ្ពស់ លឿនបំផុតនៅអឺរ៉ុបចាប់តាំងពីសង្គ្រាមលោកលកទី២ មក។ លោក Filippo Grandi ឧត្ដមស្នងការជាន់ខ្ពស់ទទួលបន្ទុកជនភៀសខ្លួនរបស់អង្គការសហប្រជាជាតិ បានរៀបរាប់ពីសង្គ្រាមឥតឈប់ឈរនេះថា ត្រូវតែបញ្ឈប់សោកនាដកម្មនេះ៕អត្ថបទ៖ សុខមាន

លោក Zelensky និយាយថា ជំហរអ៊ុយក្រែន និងរុស្ស៊ីក្នុងការចរចាស្ដាប់ទៅកាន់តែប្រាកដនិយម

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskiy បាននិយាយនៅថ្ងៃពុធនេះថា ការចរចាស្វែងរកសន្តិភាពស្ដាប់ទៅទំនងជាមានភាពប្រាកដនិយមជាងមុន ប៉ុន្តែនៅត្រូវការពេលវេលាថែមទៀត ខណៈដែលការវាយប្រហារតាមអាកាសរបស់រុស្ស៊ីបានសម្លាប់មនុស្ស ៥នាក់នៅក្នុងរដ្ឋធានីគីវ (Kyiv) និងចំនួនជនភៀសខ្លួនរត់គេចចេញពីការវាយប្រហាររបស់ទីក្រុង Moscow បានហក់ឡើងដល់ ៣លាននាក់។មន្ត្រីអ៊ុយក្រែនបានលើកឡើងពីក្តីសង្ឃឹមថា សង្គ្រាមអាចបញ្ចប់ឆាប់ជាងការរំពឹងទុកប្រហែលជាត្រឹមខែឧសភា ដោយនិយាយថា ទីក្រុង Moscow អាចនឹងឈានដល់លក្ខខណ្ឌនានា ជាមួយនឹងការបរាជ័យរបស់ខ្លួនក្នុងការលើកបន្តុបរដ្ឋាភិបាលថ្មីដោយការប្រើកម្លាំង និងការបាត់បង់កម្លាំងកងទ័ពថ្មី។ លោក Zelenskiy បាននិយាយក្នុងវីដេអូមុនការចាប់ផ្ដើមការចរចាជុំបន្ទាប់ថា ជំនួបនានានឹងបន្តហើយក្រុមមន្ត្រីរបស់លោកបានប្រាប់លោកថា គោលជំហរនានាក្នុងអំឡុងការចរចាស្ដាប់ទៅហាក់ដូចជាប្រាកដនិយមខ្លាំងជាងមុន។ ប៉ុន្តែនៅតែត្រូវការពេលវេលាសម្រាប់ការសម្រេចចិត្តនានា ផ្ដោតលើផលប្រយោជន៍របស់អ៊ុយក្រែន។ទោះយ៉ាងណាអ្នកនាំពាក្យវិមានក្រឹមឡាំងលោក Dmitry Peskov បាននិយាយថា វាហាក់ដូចជាឆាប់រហ័សពេកក្នុងការព្យាករណ៍ពីភាពរីកចម្រើនក្នុងការចរចាទាំងនោះ។ ការងារនេះលំបាកណាស់ ហើយនៅក្នុងស្ថានភាពបច្ចុប្បន្ននេះវិញច្បាស់ណាស់ថា ការចរចាដែលកំពុងបន្តទៅមុខគឺអាចមានចំណុចវិជ្ជមានច្រើន៕អត្ថបទ៖ សុខមាន

លោក Biden អនុម័តថវិកាចំនួន ១៣.៦ពាន់លានដុល្លារអាមេរិកជាជំនួយដល់អ៊ុយក្រែន

សហរដ្ឋអាមេរិក៖ កាលពីថ្ងៃអង្គារលោកប្រធានាធិបតីសហរដ្ឋអាមេរិក បានចុះហត្ថលេខាលើច្បាប់ស្ដីពីការកញ្ចប់ថវិកាជំនួយសង្គ្រោះសម្រាប់ឆ្នាំ២០២២ ដែលផ្តល់មូលនិធិដល់រដ្ឋាភិបាលសហព័ន្ធរបស់សហរដ្ឋអាមេរិក ហើយថែមទាំងផ្តល់ជំនួយដល់អ៊ុយក្រែន ខណៈមានវិបត្តិផងដែរ។ច្បាប់នេះនឹងផ្ដល់មូលនិធិដល់រដ្ឋាភិបាលសហព័ន្ធចាប់ពីថ្ងៃទី៣០ ខែតុលា ឆ្នាំ២០២២ ហើយមូលនិធិនេះនឹងផ្ដល់កញ្ចប់ថវិកាចំនួន ១៣.៦ពាន់លានដុល្លារអាមេរិកសម្រាប់ប្រើប្រាស់ជាជំនួយមនុស្សធម៌ សេដ្ឋកិច្ច និងជាជំនួយការពារជាតិទៅដល់ប្រទេសអ៊ុយក្រែន។ លោក Biden បាននិយាយថា ច្បាប់នេះបញ្ជូនសារមួយថា គណបក្សសាធារណៈរដ្ឋ និងគណបក្សប្រជាធិបតេយ្យអាចមកជាមួយគ្នា ដើម្បីទទួលយកសមិទ្ធផលដែលបានបញ្ចប់ និងបំពេញទំនួលខុសត្រូវរបស់ពួកគេក្នុងការធ្វើឲ្យរដ្ឋាភិបាលរឹងមាំ និងបម្រើដល់ផលប្រយោជន៍ពលរដ្ឋអាមេរិក។ ក្នុងការអត្ថាធិប្បាយរបស់លោកមុនការចុះហត្ថលេខាលើកញ្ចប់ថវិកាចំណាយ លោក Biden បានបញ្ជាក់ថា សហរដ្ឋអាមេរិកបានផ្ដល់ជូនរួចមកហើយនូវថវិការាប់ពាន់លានដុល្លារអាមេរិកជាជំនួយខាងយោធា និងសន្តិសុខដោយផ្ទាល់ដល់កងកម្លាំងអ៊ុយក្រែន៕អត្ថបទ៖ សុខមាន

រុស្ស៊ីនឹងចំណាយប្រាក់រូប្លិ៍ចំនួនមួយកោដិដើម្បីជ្រែងទប់សេដ្ឋកិច្ចក្រោមទណ្ឌកម្មធ្ងន់ធ្ងរ

រុស្ស៊ី៖ នាយករដ្ឋមន្ត្រីរុស្ស៊ីលោក Mikhail Mishustin បាននិយាយកាលពីថ្ងៃអង្គារថា គម្រោងទប់ជ្រែងសេដ្ឋកិច្ចរបស់រុស្ស៊ីត្រូវបានប៉ាន់ប្រមាណប្រហែល ១កោដិរូប្លិ៍ជារូបិយប័ណ្ណរុស្ស៊ី ឬស្មើ ៩.១ពាន់លានដុល្លារអាមេរិក។ លោកបានថ្លែងបែបនេះនៅជំនួបជាមួយគណៈកម្មការរដ្ឋាភិបាលស្ដីពីបញ្ហាសេដ្ឋកិច្ច។លោក Mishustin បាននិយាយថា ទំហំទឹកប្រាក់សរុបនៃមូលនិធិនេះមានប្រមាណ ១កោដិរូប្លិ៍។ ការបិទខ្ទប់ដ៏ធំមួយត្រូវបានប៉ះពាល់ដល់ការនាំចូល ដូច្នេះក្រុមហ៊ុនទាំងឡាយ និងប្រជាជនអាចរក្សាបាននូវលទ្ធភាពអតិបរមាដែលអាចទទួលបានធនធាន និងទំនិញចាំបាច់នៅក្រោមលក្ខខណ្ឌបច្ចុប្បន្ន។ រដ្ឋាភិបាលបានស្នើឲ្យមានវិធានការរួមគ្នាជាមួយបណ្ដាដៃគូរបស់ប្រទេសរុស្ស៊ី ក្នុងសហភាពសេដ្ឋកិច្ចអឺរ៉ុបអាស៊ី ដែលរួមទាំងការបង្កើនការកំណត់ជាអតិបរមាសម្រាប់ការនាំចូលដោយសេរី។ រុស្ស៊ីបានរងទណ្ឌកម្មស្ទើរគ្រប់ផ្នែកទាំងអស់យ៉ាងធ្ងន់ធ្ងរ ទាក់ទងការចូលលុកលុយប្រទេសអ៊ុយក្រែន។ ចក្រភពអង់គ្លេស សហភាពអឺរ៉ុប និងសហរដ្ឋអាមេរិកបានដាក់ទណ្ឌកម្មលើសមាជិកសភារបបដឹកនាំរបស់រុស្ស៊ីរាប់រយនាក់ និងមេដឹកនាំធុរកិច្ចធំៗមានទ្រព្យសម្បត្តិស្ដុកស្ដម្ភ ដែលត្រូវគេគិតថាមានទំនាក់ទំនងជិតស្និទ្ធជាមួយវិមានក្រឹមឡាំង៕អត្ថបទ៖ សុខមាន

រដ្ឋមន្ត្រីការបរទេសអឺរ៉ុបពិភាក្សាអំពីផលប៉ះពាល់ហិរញ្ញវត្ថុនៃសង្គ្រាមនៅអ៊ុយក្រែន

អឺរ៉ុប៖ រដ្ឋមន្ត្រីហិរញ្ញវត្ថុតំបន់អឺរ៉ុបបានជួបប្រជុំគ្នានៅទីក្រុងព្រុចសែលកាលពីថ្ងៃចន្ទ ដើម្បីពិភាក្សាអំពីផលប៉ះពាល់លើហិរញ្ញវត្ថុនៃសង្គ្រាមរវាងប្រទេសរុស្ស៊ី និងអ៊ុយក្រែន។ ស្នងការអឺរ៉ុបទទួលបន្ទុកកិច្ចការសេដ្ឋកិច្ចលោក Paolo Gentiloni បាននិយាយថា យើងដឹងថា ផលប៉ះពាល់នេះនឹងមិនត្រូវធ្វេសប្រហែសឡើយ។លោកនិយាយថា វានឹងជាផលប៉ះពាល់ធ្ងន់ធ្ងរដោយសារតែការកើនឡើងនៃតម្លៃទំនិញ ដោយសារតែផលវិបាកនៃអតិផរណាលើវត្ថុធាតុដើមមួយចំនួន និងដោយសារតែតម្លៃសារពើពន្ធ ដែលរដ្ឋជាសមាជិកនឹងដោះស្រាយសម្រាប់តម្លៃថាមពល និងសម្រាប់វិបត្តិជនភៀសខ្លួន។ លោក Valdis Dombrovskis អនុប្រធានគណៈកម្មការអឺរ៉ុបបាននិយាយថា បញ្ជីឈ្មោះបុគ្គលរុស្ស៊ីដែលប្រឈមមុខទៅនឹងការដាក់ទណ្ឌកម្មផ្ទាល់ខ្លួន កំពុងត្រូវបានបន្ថែមជាបន្តបន្ទាប់៕អត្ថបទ៖ ប៊ុនថន

រុស្ស៊ីនៅតែបន្តសម្រុកវាយប្រហារតាមអាកាសលើទីក្រុងនានារបស់អ៊ុយក្រែនដែលជាសុបិនអាក្រក់សម្រាប់ជនស៊ីវិល

អ៊ុយក្រែន៖ កងកម្លាំងរុស្ស៊ីនៅតែបន្តសម្រុកវាយប្រហារតាមអាកាសឥតឈប់ឈរ ទៅលើទីក្រុងសំខាន់ៗរបស់អ៊ុយក្រែន ខណៈប្រជាជនអ៊ុយក្រែនជិត ៣លាននាក់បានរត់ភៀសខ្លួនចេញពីប្រទេស ដែលកាកបាទក្រហមហៅស្ថានភាពសម្រាប់អ្នកដែលរងគ្រោះពីការវាយប្រហារទាំងនោះថា មិនខុសអំពីសុបិនអាក្រក់នោះទេ។ខណៈការវាយប្រហារតាមអាកាស និងការបាញ់គ្រាប់ផ្លោងរបស់រុស្ស៊ីនៅតែបន្តស្រោច លើតំបន់អគារលំនៅឋានទូទាំងប្រទេស ក្រុមរដ្ឋអាជ្ញាអ៊ុយក្រែននិយាយថា នៅពេលនេះមានកុមារចំនួន ៩០នាក់បានស្លាប់ក្នុងជម្លោះនេះ។ អង្គការសហប្រជាជាតិនិយាយថា ខ្លួនបានបញ្ជាក់ថាមានជនស៊ីវិលចំនួន ៦៣៦នាក់បានស្លាប់ ប៉ុន្តែចំនួនពិតប្រាកដនឹងមានខ្ពស់ជាងនេះ។ ក្រុមអាជ្ញាធរនិយាយថា ការវាយប្រហារតាមអាកាសជាច្រើនបានធ្លាក់ចំអគារលំនៅឋានប្រជាពលរដ្ឋនៅក្នុងរដ្ឋធានី Kyiv របស់អ៊ុយក្រែន និងទីក្រុងធំបំផុតទី២ Kharkiv កាលពីថ្ងៃចន្ទដោយបានសម្លាប់មនុស្សយ៉ាងហោចណាស់ ៣នាក់ និងរាប់សិបនាក់ផ្សេងទៀតរងរបួស។នៅក្នុងទីក្រុង Kharkiv មនុស្ស ២នាក់បានស្លាប់ដោយសារការវាយប្រហារដោយកាំភ្លើងធំនៅតាមផ្លូវ និងក្មេងប្រុសអាយុ ១៥ឆ្នាំម្នាក់ទៀតបានស្លាប់ដោយសារត្រូវគ្រាប់ បន្ទាប់ពីគ្រាប់ផ្លោងធ្លាក់ចំសាលាមត្តេយ្យជិតទីក្រុង Chuguiv នៅចម្ងាយប្រហែល ៤០គីឡូម៉ែត្រភាគអាគ្នេយ៍ទីក្រុង Kharkiv៕អត្ថបទ៖ សុខមាន

លោក Biden កំពុងពិចារណាធ្វើដំណើរទៅអឺរ៉ុបដើម្បីបង្ហាញការគាំទ្រដល់អ៊ុយក្រែន

សហរដ្ឋអាមេរិក៖ យោងតាមមន្ត្រីរដ្ឋបាលចំនួន ២រូប សេតវិមានកំពុងពិចារណាឲ្យមានដំណើររបស់លោកប្រធានាធិបតី Joe Biden ទៅកាន់អឺរ៉ុបក្នុងពេលប៉ុន្មានសប្ដាហ៍ខាងមុខ ជាការបង្ហាញការគាំទ្រដល់ប្រទេសអ៊ុយក្រែន និងបណ្ដាសម្ព័ន្ធមិត្តរបស់ខ្លួន។ក្រុមមន្ត្រីបានព្រមានថា ដំណើរនេះមិនទាន់ត្រូវបានបញ្ជាក់នៅឡើយទេ ហើយក៏អាចនឹងមិនធ្វើឡើងបាន អាស្រ័យទៅលើស្ថានភាពការវាយលុករបស់រុស្ស៊ី ប្រសិនបើដំណើរនោះប្រព្រឹត្តទៅបានអាចនឹងមានចំណុចសំចតសម្រាប់លោក Biden នៅក្នុងទីក្រុង Brussels ជាមូលដ្ឋានសម្ព័ន្ធយោធាណាតូ និងសហភពអឺរ៉ុប។ សេតវិមានបានផ្ដោតលើការរួបរួមសម្ព័ន្ធមិត្តដើម្បីគាំទ្ររដ្ឋធានី Kyiv និងធ្វើឲ្យទីក្រុង Moscow ឯកា ខណៈមានការលុកលុករបស់លោកប្រធានាធិបតីរុស្ស៊ី Vladimir Putin លើអ៊ុយក្រែន។ចាប់តាំងពីរុស្ស៊ីចាប់ផ្ដើមវាយប្រហារដោយគ្មានហេតុផលលើអ៊ុយក្រែនកាលពីថ្ងៃទី២៤ ខែកុម្ភៈ លោក Biden បានដើរតួនាទីដឹកនាំការបង្រួបបង្រួមសមាជិកណាតូ និងប្រទេស G-7 ដើម្បីប្រឆាំងនឹងលោកប្រធានាធិបតីរុស្ស៊ី Vladimir Putin ដោយការដាក់ទណ្ឌកម្មចម្រុះផ្នែកសេដ្ឋកិច្ច និងការរារាំងខាងយោធា៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

អ៊ីរ៉ង់៖ ពិធីបុណ្យសពរបស់អតីតមេដឹកនាំកំពូលលោក Khamenei នឹងចាប់ផ្តើមនៅថ្ងៃទី៤ ខែកក្កដា

តម្លៃប្រេងកើនឡើង ខណៈការបែកបាក់នៃការចរចារវាងអ៊ីរ៉ង់-អាមេរិកបង្កើនការព្រួយបារម្ភអំពីការផ្គត់ផ្គង់

អ្នកគាំទ្រម៉ិកស៊ិកជូនដំណើរក្រុមជម្រើសជាតិអ៊ីរ៉ង់ក្រោយបញ្ចប់បេសកកម្មបាល់ទាត់ពិភពលោក

ហុងគ្រី និងស្លូវ៉ាគី គ្របដណ្ដប់ដោយកំណត់ត្រាសីតុណ្ហភាពថ្មីខណៈរលកកម្ដៅធ្ងន់ធ្ងរវាយប្រហារពាសពេញអឺរ៉ុបកណ្តាល

Haaland ស៊ុតគ្រាប់ជ័យជម្នះឱ្យន័រវេសឈ្នះកូតឌីវ័រឡើងវគ្គ ១៦ ក្រុមចុងក្រោយបាល់ទាត់ពិភពលោក

អឹមអូអាយ កំពង់ដេវ៉ា ចុះកុងត្រា ៣រដូវកាលជាមួយកីឡាករវ័យក្មេង ៣រូប បង្ហាញពីចក្ខុវិស័យវែងឆ្ងាយរបស់ក្លិប

ឧបនាយករដ្ឋមន្ត្រី ប្រាក់ សុខុន ដឹកនាំសន្និសីទវិសាមញ្ញថ្នាក់រដ្ឋមន្ត្រីហ្វ្រង់កូហ្វូនី លើកទី៤៧ នៅទីក្រុងប៉ារីស មានការចូលរួមផ្ទាល់ និងតាមអនឡាញពីសំណាក់រដ្ឋមន្ត្រីការបរទេស និងរដ្ឋមន្ត្រីទទួលបន្ទុកកិច្ចការហ្វ្រង់កូហ្វូនីប្រទេសសមាជិក ៥៣ប្រទេស

មេដឹកនាំកូរ៉េខាងជើង Kim Jong Un សរសើរ «ឆន្ទៈដ៏រឹងមាំ» ក្នុងការអភិវឌ្ឍទំនាក់ទំនងជាមួយលោក Xi Jinping

ព្រះមហាក្សត្រ៖ រដ្ឋសភាបានបំពេញតួនាទី ភារកិច្ចស្នូលរបស់ខ្លួនប្រកបដោយស្មារតីទទួលខុសត្រូវខ្ពស់សម្រេចបានលទ្ធផលយ៉ាងច្រើនសន្ធឹកសន្ធាប់ ជាឧត្តមប្រយោជន៍ជូនជាតិមាតុភូមិ និងប្រជាជន

ព្រះមហាក្សត្រ អំពាវនាវដល់ជនរួមជាតិបន្តរួបរួមគ្នាគាំទ្ររដ្ឋាភិបាលក្នុងការការពារអធិបតេយ្យ និងទឹកដី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ជំនួយផ្នែកវេជ្ជសាស្ត្រ និងអាហារចំនួន ២០០តោនបានមកដល់អ៊ុយក្រែន

អាមេរិកនិយាយថា ប្រជាជនរុស្សី ១៥.០០០នាក់ត្រូវបានឃុំខ្លួនពីបទប្រឆាំងសង្គ្រាម

លោក Zelenskyy បង្ហាញការខកចិត្តលើការចូលជាសមាជិកភាពរបស់ណាតូ

អង្គការសហប្រជាជាតិនិយាយថា មនុស្សជាង ៣លាននាក់បានភៀសខ្លួនចេញពីអ៊ុយក្រែនដោយសារតែសង្គ្រាមនៅតែបន្ត

លោក Zelensky និយាយថា ជំហរអ៊ុយក្រែន និងរុស្ស៊ីក្នុងការចរចាស្ដាប់ទៅកាន់តែប្រាកដនិយម

លោក Biden អនុម័តថវិកាចំនួន ១៣.៦ពាន់លានដុល្លារអាមេរិកជាជំនួយដល់អ៊ុយក្រែន

រុស្ស៊ីនឹងចំណាយប្រាក់រូប្លិ៍ចំនួនមួយកោដិដើម្បីជ្រែងទប់សេដ្ឋកិច្ចក្រោមទណ្ឌកម្មធ្ងន់ធ្ងរ

រដ្ឋមន្ត្រីការបរទេសអឺរ៉ុបពិភាក្សាអំពីផលប៉ះពាល់ហិរញ្ញវត្ថុនៃសង្គ្រាមនៅអ៊ុយក្រែន

រុស្ស៊ីនៅតែបន្តសម្រុកវាយប្រហារតាមអាកាសលើទីក្រុងនានារបស់អ៊ុយក្រែនដែលជាសុបិនអាក្រក់សម្រាប់ជនស៊ីវិល

លោក Biden កំពុងពិចារណាធ្វើដំណើរទៅអឺរ៉ុបដើម្បីបង្ហាញការគាំទ្រដល់អ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ជំនួយ​ផ្នែក​វេជ្ជសាស្ត្រ និង​អាហារ​ចំនួន ២០០​តោន​បាន​មក​ដល់​អ៊ុយ​ក្រែ​ន​

អាមេរិក​និយាយ​ថា​ ប្រជាជន​រុស្សី ១៥.០០០​នាក់​ត្រូវ​បាន​ឃុំខ្លួន​ពី​បទ​ប្រឆាំង​សង្គ្រាម​

លោក Zelenskyy បង្ហាញ​ការ​ខក​ចិត្ត​លើ​ការ​ចូល​ជា​សមាជិក​ភាព​របស់​ណាតូ​

លោក Zelensky និយាយ​ថា ​ជំហរ​អ៊ុយ​ក្រែ​ន និង​រុស្ស៊ី​ក្នុង​ការចរចា​ស្ដាប់​ទៅ​កាន់តែ​ប្រាកដនិយម

លោក Biden អនុម័ត​ថវិកា​ចំនួន​ ១៣.៦​ពាន់​លាន​ដុល្លារ​អាមេរិក​ជា​ជំនួយ​ដល់​អ៊ុយ​ក្រែ​ន​

រដ្ឋមន្ត្រី​ការបរទេស​អឺរ៉ុប​ពិភាក្សា​អំពី​ផល​ប៉ះពាល់​ហិរញ្ញវត្ថុ​នៃ​សង្គ្រាម​នៅ​អ៊ុយ​ក្រែ​ន​

លោក Biden កំពុង​ពិចារណា​ធ្វើដំណើរ​ទៅ​អឺរ៉ុប​ដើម្បី​បង្ហាញ​ការ​គាំទ្រ​ដល់​អ៊ុយ​ក្រែ​ន​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ជំនួយផ្នែកវេជ្ជសាស្ត្រ និងអាហារចំនួន ២០០តោនបានមកដល់អ៊ុយក្រែន

អាមេរិកនិយាយថា ប្រជាជនរុស្សី ១៥.០០០នាក់ត្រូវបានឃុំខ្លួនពីបទប្រឆាំងសង្គ្រាម

លោក Zelenskyy បង្ហាញការខកចិត្តលើការចូលជាសមាជិកភាពរបស់ណាតូ

លោក Zelensky និយាយថា ជំហរអ៊ុយក្រែន និងរុស្ស៊ីក្នុងការចរចាស្ដាប់ទៅកាន់តែប្រាកដនិយម

លោក Biden អនុម័តថវិកាចំនួន ១៣.៦ពាន់លានដុល្លារអាមេរិកជាជំនួយដល់អ៊ុយក្រែន

រដ្ឋមន្ត្រីការបរទេសអឺរ៉ុបពិភាក្សាអំពីផលប៉ះពាល់ហិរញ្ញវត្ថុនៃសង្គ្រាមនៅអ៊ុយក្រែន

លោក Biden កំពុងពិចារណាធ្វើដំណើរទៅអឺរ៉ុបដើម្បីបង្ហាញការគាំទ្រដល់អ៊ុយក្រែន