BTV NEWS

សម្តេចធិបតី ហ៊ុន ម៉ាណែត ចេញសារាចរផ្អាកការប្រារព្ធព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៦ នៅរាជធានីភ្នំពេញ តែនៅបណ្តាខេត្តអាចប្រារព្ធធ្វើបានធម្មតា

សម្ដេចតេជោ គាំទ្រកម្ពុជា-វៀតណាម ចៀសវាងកុំឱ្យមានការប្រើប្រាស់កម្លាំងនៅក្នុងប្រទេសមួយ ប្រឆាំងនឹងប្រទេសណាមួយទៀត

សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីសន្តិសុខសាធារណៈវៀតណាម ចូលជួបសម្តែងការគួរសម

សម្តេចធិបតីលើកទឹកចិត្តឱ្យក្រសួងមហាផ្ទៃកម្ពុជា ក្រសួងសន្តិសុខសាធារណៈឡាវ និងក្រសួងនគរបាលវៀតណាម បន្តពង្រឹងកិច្ចសហប្រតិបត្តិការឱ្យកាន់តែរីកចម្រើនបន្ថែមទៀត

ព័ត៌មានសំខាន់ៗ

អាមេរិកបានលើកឡើងពីការព្រួយបារម្ភអំពីការចងសម្ព័ន្ធមិត្តរវាងចិន និងរុស្ស៊ីក្នុងការចរចាដ៏តានតឹង

សហរដ្ឋអាមេរិក៖ ទីប្រឹក្សាសន្តិសុខជាតិអាមេរិកលោក Jake Sullivan បានលើកឡើងពីការព្រួយបារម្ភកាលពីថ្ងៃចន្ទ អំពីកិច្ចសហប្រតិបត្តិការរបស់ចិនជាមួយនឹងការលុកលុយរបស់រុស្ស៊ី លើប្រទេសអ៊ុយក្រែននៅក្នុងកិច្ចប្រជុំរយៈពេល ៧ម៉ោងជាមួយអ្នកការទូតជាន់ខ្ពស់របស់ប្រទេសចិនគឺលោក Yang Jiechi។លោក Sullivan បានជួបជាមួយលោក Yang សមាជិកការិយាល័យនយោបាយនៅទីក្រុងរ៉ូមរបស់ប្រទេសអ៊ីតាលី បន្ទាប់ពីមានសេចក្តីរាយការណ៍ដោយប្រព័ន្ធផ្សព្វផ្សាយជាច្រើនថា រុស្ស៊ីបានស្នើសុំយុទ្ធោបករណ៍ពីប្រទេសចិន និងជំនួយសេដ្ឋកិច្ចបន្ថែមដើម្បីទប់ទល់នឹងទណ្ឌកម្ម។ ក្នុងជំនួបទល់មុខគ្នា ទីប្រឹក្សាសន្តិសុខជាតិរបស់ប្រធានាធិបតីអាមេរិកលោក Joe Biden បានព្រមានមន្ត្រីជាន់ខ្ពស់របស់ចិនរូបនេះ អំពីការគាំទ្ររបស់ចិនចំពោះរុស្ស៊ីក្នុងការឈ្លាន ពានអ៊ុយក្រែន ទោះបីជាវិមានក្រឹមឡាំងបានបដិសេធរបាយការណ៍ថា ខ្លួនមិនបានស្នើសុំយុទ្ធោបករណ៍ពីចិនសម្រាប់ប្រើប្រាស់ក្នុងសង្គ្រាមនេះក៏ដោយ។ ចំណែកអ្នកនាំពាក្យក្រសួងការបរទេសចិនលោក Zhao Lijian បានប្រាប់ក្រុមអ្នកសារព័ត៌មានកាលពីថ្ងៃចន្ទថា ប្រទេសចិនបានដើរតួនាទីស្ថាបនាក្នុងការជំរុញឲ្យមានសន្តិភាព និងអំពាវនាវឲ្យមានការចរចា៕អត្ថបទ៖ សុខមាន

ជនភៀសខ្លួនចាកចេញពីអ៊ុយក្រែនកើនឡើងដល់ជាង ២លាន ៨សែននាក់ ខណៈរុស្ស៊ីបន្តវាយប្រហារ

អ៊ុយក្រែន៖ ប្រជាពលរដ្ឋដែលកំពុងភៀសខ្លួនដោយសារអសន្តិសុខ នៅក្នុងប្រទេសអ៊ុយក្រែនភាគខាងលិច បានចូលរួមជាមួយមនុស្សរាប់រយនាក់កំពុងឆ្លងចូលតំបន់អឺរ៉ុបកាលពីថ្ងៃចន្ទ បន្ទាប់ពីប្រទេសរុស្ស៊ីបានវាយប្រហារលើមូលដ្ឋានទ័ពអ៊ុយក្រែន ជិតព្រំដែនប្រទេសប៉ូឡូញដែលជាសមាជិករបស់អង្គការណាតូ។អ៊ុយក្រែននិយាយថា កងទ័ពចំនួន ៣៥នាក់បានស្លាប់នៅមូលដ្ឋានទ័ពកាលពីថ្ងៃអាទិត្យ។ ចំណែកក្រុង Moscow បាននិយាយថា ទាហានស៊ីឈ្នួលបរទេសចំនួន ១៨០នាក់បានស្លាប់ និងគ្រឿងសព្វាវុធបរទេសយ៉ាងច្រើនត្រូវបានកម្ទេច។ ព័ត៌មានរបស់អង្គការសហប្រជាជាតិបានបញ្ជាក់កាលពីថ្ងៃចន្ទថា ជនភៀសខ្លួនដែលកំពុងរត់គេចចេញពីប្រទេសអ៊ុយក្រែន ចាប់តាំងពីរុស្ស៊ីវាយប្រហារកាលពីថ្ងៃទី២៤ ខែកុម្ភៈបានហក់ឡើងដល់ជាង ២លាន ៨សែននាក់ ជាអ្វីដែលបានក្លាយជាគ្រោះមហន្តរាយជនភៀសខ្លួន កំពុងកើនឡើងលឿនបំផុតរបស់អឺរ៉ុបចាប់តាំងពីសង្គ្រាមលោកលើកទី២ មក។ក្រុមមន្ត្រីសហភាពអឺរ៉ុបបាននិយាយថា អ្នករត់គេចពីសង្គ្រាមចេញពីប្រទេសអ៊ុយក្រែនអាចកើនឡើងដល់ ៥លាននាក់ ខណៈដែលក្រុមមន្ត្រីផ្សេងទៀតបានដាក់ចំនួនខ្ពស់ជាងនេះ។ ការវាយប្រយុទ្ធគ្នានៅតែបន្តជុំវិញទីក្រុងសំខាន់ៗជាច្រើនរបស់ប្រទេសអ៊ុយក្រែន រួមទាំងរដ្ឋធានីគីវផងដែរ។ កាលពីថ្ងៃចន្ទអ៊ុយក្រែននិយាយថា ខ្លួនមានបំណងជម្លៀសជនស៊ីវិលតាមច្រករបៀងមនុស្សចំនួន ១០៕អត្ថបទ៖ សុខមាន

អ្នកតវ៉ាប្រឆាំងនឹងសង្គ្រាមម្នាក់ក្នុងបន្ទប់ផ្សាយបានរំខានដល់ការផ្សាយផ្ទាល់របស់ទូរទស្សន៍រដ្ឋរុស្ស៊ី

រុស្ស៊ី៖ អ្នកតវ៉ាប្រឆាំងនឹងសង្គ្រាមម្នាក់បានរំខានដល់ការផ្សាយផ្ទាល់កម្មវិធីព័ត៌មាន នៅលើកញ្ចក់ទូរទស្សន៍រដ្ឋរុស្ស៊ី Channel One កាលពីថ្ងៃចន្ទ ដោយកាន់បដានៅពីក្រោយអ្នកអត្ថាធិប្បាយក្នុងបន្ទប់ផ្សាយ និងស្រែកពាក្យស្លោកប្រឆាំងនឹងសង្គ្រាមនៅក្នុងប្រទេសអ៊ុយក្រែន។បដានោះបានសរសេរជាភាសាអង់គ្លេស និងរុស្ស៊ីមានន័យថា គ្មានសង្គ្រាម បញ្ឈប់សង្គ្រាម កុំជឿការឃោសនា ពួកគេកំពុងកុហកអ្នកនៅទីនេះ និងឃ្លាមួយទៀតដែលទំនងជាសរសេរថា ជនជាតិរុស្ស៊ីប្រឆាំងនឹងសង្គ្រាមត្រូវបានបាំងដោយផ្នែក។ សកម្មភាពខុសប្រក្រតីកម្រកើតមាននេះបានកើតឡើងនៅថ្ងៃទី១៩ នៃសង្គ្រាមដែលបានចាប់ផ្ដើមនៅពេលដែលរុស្ស៊ីបានចូលលុកលុយអ៊ុយក្រែនកាលពីថ្ងៃទី២៤ ខែកុម្ភៈ ជាអ្វីដែលលោកប្រធានាធិបតីរុស្ស៊ីហៅថា ជាប្រតិបត្តិការយោធាពិសេស។ដោយកំពុងកាន់បដាសរសេរថា បញ្ឈប់សង្គ្រាម និងចូរនិយាយថាទេចំពោះសង្គ្រាម គេបានលឺសំឡេងស្រែករបស់អ្នកតវ៉ាជាស្ត្រីម្នាក់ ខណៈអ្នកអត្ថាធិប្បាយព័ត៌មាននៅបន្តនិយាយនៅមុខកាមេរ៉ា។ ស្ត្រីរូបនោះត្រូវគេស្គាល់ឈ្មោះថា Marina Ovsyannikova ជាបុគ្គលិកកាត់តព័ត៌មាននៅក្នុងស្ថានីយទូរទស្សន៍នេះ៕អត្ថបទ៖ សុខមាន

មូលដ្ឋាន Yavoriv ត្រូវបានវាយប្រហារដោយមីស៊ីលរុស្ស៊ី

អ៊ុយក្រែន៖ ការបាញ់មីស៊ីលជាបន្តបន្ទាប់របស់រុស្ស៊ីបានវាយលុក លើមូលដ្ឋានហ្វឹកហ្វឺនយោធាមួយនៅជិតព្រំដែនភាគខាងលិចប្រទេសអ៊ុយក្រែន ជាមួយសមាជិកណាតូប្រទេសប៉ូឡូញបណ្តាលឲ្យមនុស្ស ៣៥នាក់ស្លាប់ និង ១៣៤នាក់រងរបួសក្នុងការវាយប្រហារដោយមីស៊ីលរបស់រុស្ស៊ី។ការវាយប្រហារនេះបានធ្វើឡើង បន្ទាប់ពីមានការគម្រាមកំហែងរបស់រុស្សីលើគោលដៅ ដឹកជញ្ជូនអាវុធបរទេសជួយដល់អ្នកប្រយុទ្ធអ៊ុយក្រែនការពារប្រទេសរបស់ពួកគេ ប្រឆាំងការឈ្លានពានរបស់រុស្ស៊ី។ យោងតាមអភិបាលក្រុង Lviv ភាគខាងលិចរបស់ប្រទេសអ៊ុយក្រែនបានឱ្យដឹងថា មីស៊ីលរុស្ស៊ីជាង ៣០គ្រាប់បានកំណត់គោលដៅលើទីតាំងហ្វឹកហាត់មានចម្ងាយតិចជាង ២៥គីឡូម៉ែត្រពីចំណុចព្រំដែនជិតបំផុតជាមួយប្រទេសប៉ូឡូញ។ ប្រទេសប៉ូឡូញគឺជាទីតាំងសំខាន់សម្រាប់បញ្ជូនជំនួយយោធា របស់ប្រទេសលោកខាងលិចទៅកាន់ប្រទេសអ៊ុយក្រែន។ ចាប់តាំងពីរុស្ស៊ីបានវាយលុកអ៊ុយក្រែន ទីក្រុង Lviv ភាគច្រើនបានរួចផុតពីទំហំនៃការបំផ្លាញ ហើយក្លាយជាគោលដៅសម្រាប់ប្រជាជនដែលរត់គេចពីទីក្រុងដែលត្រូវបានបាញ់ផ្លោង និងសម្រាប់ជនភៀសខ្លួនជិត ២.៦លាននាក់ដែលបានភៀសខ្លួនចេញពីប្រទេស។មជ្ឈមណ្ឌលហ្វឹកហ្វឺននៅទីក្រុង Yavoriv ត្រូវបានគេស្គាល់ថាជាមជ្ឈមណ្ឌលរក្សាសន្តិភាព និងសន្តិសុខអន្តរជាតិត្រូវបានគេប្រើប្រាស់ជាយូរមកហើយ ដើម្បីបណ្តុះបណ្តាលបុគ្គលិកយោធាអ៊ុយក្រែន ជាញឹកញាប់ជាមួយគ្រូបង្ហាត់មកពីសហរដ្ឋអាមេរិក និងបណ្តាប្រទេសណាតូផ្សេងទៀត។ មជ្ឈមណ្ឌលនេះក៏ត្រូវបានបានរៀបចំធ្វើសមយុទ្ធអន្តរជាតិរបស់អង្គការណាតូផងដែរ។ ទីតាំងនេះ ជាអ្វីដែលមានការតវ៉ារបស់រុស្ស៊ីជាយូរមកហើយថា សម្ព័ន្ធមិត្តណាតូនៃប្រទេសសមាជិកចំនួន ៣០ កំពុងធ្វើដំណើរទៅជិតព្រំដែនរបស់រុស្ស៊ី។ រុស្ស៊ីបានទាមទារឲ្យអ៊ុយក្រែនបោះបង់ចោលមហិច្ឆតាចូលជាសមាជិកណាតូ៕អត្ថបទ៖ ប៊ុនថន

អាមេរិកនិយាយថា រុស្ស៊ីបានស្នើសុំជំនួយយោធាពីប្រទេសចិនក្នុងសង្គ្រាមនៅអ៊ុយក្រែន

សហរដ្ឋអាមេរិក៖ មន្ត្រីជាន់ខ្ពស់អាមេរិកមួយរូបបានប្រាប់សារព័ត៌មាន CNN ថា ប្រទេសរុស្ស៊ីបានស្នើសុំជំនួយយោធាពីចិនក្នុងសង្គ្រាមនៅអ៊ុយក្រែន រួមមានយានដ្រូន ខណៈខ្លួននៅតែបន្តឈ្លានពានដោយគ្មានមូលហេតុ។ ជំនួយដ៏ធំពីប្រទេសចិននឹងក្លាយជាកម្លាំងដ៏សំខាន់នៅក្នុងការឈ្លានពានរបស់រុស្ស៊ី ហើយនឹងធ្វើឲ្យកងកម្លាំងអ៊ុយក្រែនបាត់បង់សមត្ថភាពក្នុងការឈរជើងនៅក្នុងប្រទេសនេះ។នៅពេលត្រូវបានសួរអំពីរបាយការណ៍នៃសំណើរបស់ប្រទេសរុស្ស៊ី ចំពោះជំនួយយោធានេះលោក Liu Pengyu អ្នកនាំពាក្យស្ថានទូតចិនក្នុងសហរដ្ឋអាមេរិក បាននិយាយនៅក្នុងសេចក្ដីថ្លែងការណ៍ថា លោកមិនដែលបានលឺពីដំណឹងនេះទេ។ លោក Liu បានបង្ហាញក្ដីបារម្ភអំពីស្ថានភាពរបស់ប្រទេសអ៊ុយក្រែន ដោយហៅការលើកឡើងនោះថា ជារឿងខកចិត្តខ្លាំងបំផុត និងបាននិយាយថា ប្រទេសចិន និងបន្តផ្ដល់ជំនួយមនុស្សធម៌ដល់អ៊ុយក្រែន។ លោក Liu បាននិយាយថា ចំណុចជាអាទិភាពធំបំផុតនៅពេលនេះ គឺត្រូវទប់ស្កាត់ស្ថានភាពដែលកំពុងតានតឹងនេះ កុំឲ្យរីកកាន់តែធំថែមទៀតរហូតគ្រប់គ្រងលែងបាន ប្រទេសចិនអំពាវនាវឲ្យមានការអត់ធ្មត់ឲ្យបានច្រើនបំផុត និងទប់ស្កាត់កុំឲ្យមានវិបត្តិមនុស្សធម៌ធ្ងន់ធ្ងរ។ ស្ថានទូតរុស្ស៊ីនៅក្នុងសហរដ្ឋអាមេរិកមិនបានឆ្លើយតបភ្លាមៗទេ ចំពោះការស្នើសុំសេចក្ដីអត្ថាធិប្បាយពីសារព័ត៌មាន CNN៕អត្ថបទ៖ សុខមាន

អង្គការសហប្រជាជាតិនិយាយថា ជនស៊ីវិលជិត ៦០០នាក់បានស្លាប់នៅអ៊ុយក្រែនចាប់តាំងពីផ្ទុះសង្គ្រាម

អ៊ុយក្រែន៖ ការិយាល័យសិទ្ធិមនុស្សរបស់អង្គការសហប្រជាជាតិនិយាយថា ជនស៊ីវិលយ៉ាងហោចណាស់ ៥៩៦នាក់បានស្លាប់នៅក្នុងប្រទេសអ៊ុយក្រែនចាប់តាំងពីចាប់ផ្ដើមផ្ទុះសង្គ្រាម និងយ៉ាងហោចណាស់មនុស្ស ១,០៦៧នាក់រងរបួស។ការិយាល័យនៃឧត្ដមស្នងការជាន់ខ្ពស់សិទ្ធិមនុស្ស របស់អង្គការសហប្រជាជាតិបាននិយាយកាលពីថ្ងៃអាទិត្យថា ក្នុងចំណោមអ្នកស្លាប់ទាំងនោះមាន ៤៣នាក់ជាកុមារ និង ៥៧នាក់ផ្សេងទៀតរងរបួស។ ការិយាល័យដែលមានមូលដ្ឋាននៅក្នុងទីក្រុងហ្សឺណែវមួយនេះបានកត់ត្រាអ្នកស្លាប់ចំនួន ៥៧៩នាក់ និង ១,០០២នាក់រងរបួសកាលពីមួយថ្ងៃមុន។ អង្គការនេះបាននិយាយថា អ្នករងគ្រោះជាជនស៊ីវិលដែលបានកត់ត្រាច្រើនបំផុត គឺបណ្ដាលមកពីគ្រឿងផ្ទុះដែលមានផលប៉ះពាល់ធ្ងន់ធ្ងរដូចជា ការបាញ់ផ្លោងពីគ្រាប់កាំភ្លើងធំ និងការវាយប្រហារដោយមីស៊ីលជាដើម។ក្នុងសកម្មភាពវាយប្រហារថ្មីៗចុងក្រោយពីសំណាក់រុស្ស៊ីលើអ៊ុយក្រែន អង្គភាពផ្ដល់សេវាសង្គ្រោះបន្ទាន់អ៊ុយក្រែនបាននិយាយថា មនុស្សម្នាក់បានស្លាប់ និងម្នាក់ទៀតរងរបួសដោយសារតែការវាយប្រហារដោយគ្រាប់កាំភ្លើងធំ ទៅលើអគារលំនៅឋានកម្ពស់ ៩ជាន់ក្នុងទីក្រុង Chernihiv៕អត្ថបទ៖ សុខមាន

អ្នកតវ៉ាប្រឆាំងសង្គ្រាមជាង ៧០០នាក់ត្រូវបានចាប់ខ្លួននៅទូទាំងប្រទេសរុស្ស៊ី

រុស្ស៊ី៖ មនុស្សជាង ៧៥០នាក់ត្រូវបានចាប់ខ្លួននៅក្នុងទីក្រុងជាច្រើនទូទាំងប្រទេសរុស្ស៊ី ដោយសារតែការតវ៉ាប្រឆាំងទៅនឹងការឈ្លានពានរបស់ក្រុង Moscow លើប្រទេសអ៊ុយក្រែន ដែលពេលនេះបានឈានចូលដល់សប្ដាហ៍ទី៣ ហើយ។ក្រុមឃ្លាំមើលការតវ៉ាឯករាជ្យ OVD-Info បាននិយាយថា នគរបាលបានចាប់ខ្លួនមនុស្សចំនួន ៧៥៦នាក់អំឡុងការតវ៉ានានាក្នុងទីក្រុងចំនួន ៣៧ របស់ប្រទេសរុស្ស៊ី។ ចាប់តាំងពីលោកប្រធានាធិបតីរុស្ស៊ី Vladimir Putin បានបញ្ជាឲ្យចូលវាយប្រហារលើអ៊ុយក្រែនទាំងតាមដីគោក អាកាស និងផ្លូវទឹកកាលពីថ្ងៃ ទី២៤ខែកុម្ភៈមក ក្រុម OVD-Info បានរាយការណ៍ថា មានមនុស្សជាង ១៤,០០០នាក់ត្រូវបានចាប់ខ្លួនជាប់ពាក់ព័ន្ធនឹងសកម្មភាពប្រឆាំងទៅនឹងសង្គ្រាម។រហូតមកដល់ពេលនេះមនុស្សជាង ១៧០នាក់នៅតែត្រូវបានឃុំខ្លួននៅឡើយទេ។ វិមានក្រឹមឡាំងបានអនុម័តច្បាប់មួយឲ្យចូលជាធរមានកាលពីថ្ងៃទី៤ ខែមីនាពីបទឧក្រិដ្ឋចំពោះការរាយការណ៍ និងការតវ៉ាផ្សេងៗអំពីសង្គ្រាមឯករាជ្យដោយផ្ដន្ទាទោសជាប់ពន្ធនាគាររហូតដល់ ១៥ឆ្នាំ៕អត្ថបទ៖ សុខមាន

ទាហានរុស្ស៊ីបាញ់ប្រហើរក្បាលក្រុមអ្នកតវ៉ាក្នុងទីក្រុង Kherson របស់អ៊ុយក្រែន និងចាប់ខ្លួនមនុស្សរាប់សិបនាក់

អ៊ុយក្រែន៖ កម្លាំងទាហានរុស្ស៊ីបានបាញ់គ្រាប់កាំភ្លើងពិតប្រហើរពីលើក្បាល របស់ប្រជាពលរដ្ឋដែលជាអ្នកតវ៉ានៅទីក្រុង Kherson របស់ប្រទេសអ៊ុយក្រែនដែលបានចេញតវ៉ានៅតាមដងផ្លូវនានា ប្រឆាំងទៅនឹងការគ្រប់គ្រងទីក្រុងនេះដោយកម្លាំងប្រដាប់អាវុធរុស្ស៊ី ខណៈប្រធានាធិបតីអ៊ុយក្រែនព្រមានថា លោក Vladimir Putin មានផែនការកែប្រែទីក្រុង Kherson ទៅជាសាធារណរដ្ឋផ្ដាច់ខ្លួន។ក្រុមបាតុករដ៏ក្លាហ៊ានអ៊ុយក្រែនបានចេញតវ៉ាជាថ្មីទៀតតាមដងផ្លូវនានានៅទីក្រុង Kherson កាលពីថ្ងៃអាទិត្យ ប្រឆាំងទៅនឹងកងកម្លាំងរុស្ស៊ីដែលកំពុងគ្រប់គ្រងទីក្រុងនេះ ទោះបីជាមានការប៉ុនប៉ងជាថ្មីក្នុងការបង្ក្រាបស្មារតីរបស់ប្រជាពលរដ្ឋ ដែលបច្ចុប្បន្នកំពុងរស់នៅក្រោមការគ្រប់គ្រងរបស់រុស្ស៊ីក៏ដោយ។ វីដេអូបានបង្ហាញពីក្រុមបាតុករកំពុងហៅក្រុមអ្នកឈ្លានពានរុស្ស៊ីថា ជាពួកហ្វាស៊ីស ខណៈពួកគេបានដើរព័ទ្ធជុំវិញរថយន្តដែលមានសរសេរអក្សរ 'Z' ពណ៌សនៅពីចំហៀងរថយន្ត ជាសញ្ញាបញ្ជាក់ពីនិមិត្តនៃការប្រែក្លាយយ៉ាងលឿននៃការគាំទ្រលោក Putin។ ទាហានរុស្ស៊ីបានបាញ់ឡើងលើអាកាស ដើម្បីព្យាយាមបំបែកក្រុមបាតុករចេញពីរថយន្តរបស់ពួកគេ។ ក្រុមមេបញ្ជាការអ៊ុយក្រែនបាននិយាយកាលពីសប្ដាហ៍មុនថា នគរបាលយោធារុស្ស៊ីបានចាប់ខ្លួនក្រុមសកម្មជន ៤០០នាក់បន្ទាប់ពីពួកគេចេញតវ៉ាប្រឆាំងការឈ្លានពានរបស់រុស្ស៊ី៕អត្ថបទ៖ សុខមាន

រុស្ស៊ីពឹងផ្អែកលើចិនជួយសម្រាលទណ្ឌកម្ម ខណៈអាមេរិកព្រមានក្រុងប៉េកាំង

រុស្ស៊ី៖ រុស្ស៊ីនិយាយថា ខ្លួនកំពុងពឹងផ្អែកលើជំនួយរបស់ចិនដើម្បីទប់ទល់នឹងទណ្ឌកម្មសេដ្ឋកិច្ចដ៏ធ្ងន់ធ្ងរ ដែលត្រូវបានដាក់ដោយបណ្ដាប្រទេសលោកខាងលិចជុំវិញសង្គ្រាមនៅអ៊ុយក្រែន ខណៈសហរដ្ឋអាមេរិកបានព្រមានក្រុងប៉េកាំងកុំឲ្យផ្ដល់មធ្យោបាយគេចផុតពីស្ថានភាពយ៉ាប់យ៉ឺនទាំងឡាយ។ រដ្ឋមន្ត្រីក្រសួងហិរញ្ញវត្ថុរុស្ស៊ីលោក Anton Siluanov បាននិយាយថា ទណ្ឌកម្មនេះបានធ្វើឲ្យរុស្ស៊ីមិនអាចទទួលបានប្រាក់ចំនួន ៣០០ពាន់លានដុល្លារនៃទឹកប្រាក់សរុប ៦៤០ពាន់លានដុល្លារអាមេរិកជាមាសសុទ្ធ និងទុនប្ដូរប្រាក់បរទេសបម្រុង ហើយបានបន្ថែមថា មានសម្ពាធលើក្រុងប៉េកាំងដើម្បីឲ្យបិទច្រកបន្ថែមទៀត។ លោកបាននិយាយកាលពីថ្ងៃអាទិត្យថា យើងមានចំណែកនៃមាស និងទុនប្ដូរប្រាក់បរទេសបម្រុងរបស់យើងជារូបិយប័ណ្ណចិនគឺប្រាក់យ័ន (yuan)។ ហើយយើងបានមើលឃើញថា អ្វីដែលជាសម្ពាធកំពុងត្រូវបានដាក់ដោយបណ្ដាប្រទេសលោកខាងលិចលើចិន គឺដើម្បីកំណត់ការធ្វើពាណិជ្ជកម្មទៅវិញទៅមកជាមួយចិន។ ជារួមពិតជាមានសម្ពាធក្នុងការរឹតត្បិតមធ្យោបាយចូលទៅយកប្រាក់បម្រុងទាំងនោះ។ប៉ុន្តែខ្ញុំគិតថា មិត្តភាពរបស់យើងជាមួយចិននឹងនៅតែអនុញ្ញាត ឲ្យយើងរក្សាបាននូវកិច្ចសហប្រតិបត្តិការ ដែលយើងទទួលបានដែលមិនត្រឹមតែការរក្សាបានទំនាក់ទំនងល្អប៉ុណ្ណោះទេ ថែមទាំងបានបង្កើនបរិស្ថានល្អ ជាទីដែលបណ្ដាទីផ្សាររបស់លោកខាងលិចកំពុងតែបិទទៀតផង។ សហរដ្ឋអាមេរិកបានព្រមានថា ប្រទេសចិននឹងប្រឈមនឹងផលវិបាក បើប្រទេសនេះជួយរុស្ស៊ីឲ្យគេចផុតពីទណ្ឌកម្មដែលត្រូវបានដាក់ជុំវិញបញ្ហាអ៊ុយក្រែន៕អត្ថបទ៖ សុខមាន

លោកជំទាវ ហ៊ុន ម៉ាណា អញ្ជើញប្រគល់អំណោយអណ្តូងទឹកស្អាតចំនួន៥ និងប្រគេនទេយ្យវត្ថុដល់វត្តចំនួន៦ក្នុងខេត្តកំពត

កំពត ៖ នៅព្រឹកថ្ងៃអាទិត្យទី១៣ ខែមីនា ឆ្នាំ២០២២នេះ លោកជំទាវ ហ៊ុន ម៉ាណា អគ្គនាយិកាវិទ្យុ និងទូរទស្សន៍បាយ័ន បានអញ្ជើញដឹកនាំក្រុមការងារចុះប្រគល់អំណោយអណ្ដូងទឹកស្អាតចំនួន៥ ដល់ប្រជាពលរដ្ឋក្នុងស្រុកដងទង់ខេត្តកំពត។ អណ្ដូងទឹកដែលមានលេខរៀងពី ១០០ ដល់១០៤នេះ ជាអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ដល់ជូនបងប្អូនប្រជាពលរដ្ឋនៅក្នុងស្រុកដងទង់ខេត្តកំពតប្រើប្រាស់តាមតម្រូវការ នារដូវប្រាំងចូលមកដល់នេះ។ នៅក្នុងពិធីប្រគល់អណ្ដូងទឹកនេះ នៅតាមទីតាំងអណ្ដូងទឹកនីមួយៗលោកជំទាវ ហ៊ុន ម៉ាណា បានសំណេះសំណាលជាមួយបងប្អូនប្រជាពលរដ្ឋ ដែលទទួលអាស្រ័យផលអណ្ដូងទឹកនេះ ព្រមទាំងបានពាំនាំនូវការផ្ដាំផ្ញើសួរសុខទុក្ខពីសំណាក់សម្ដេចតេជោ និងសម្ដេចកិត្តព្រឹទ្ធបណ្ឌិត ទៅដល់បងប្អូនប្រជាពលរដ្ឋទាំងអស់ផងដែរ។ លោកជំទាវបានមានប្រសាសន៍ថា សម្ដេចតេជោ និងសម្ដេចកិត្តិព្រឹទ្ធបណ្ឌិត តែងតែគិតគូរអំពីសុខទុក្ខបងប្អូនប្រជាពលរដ្ឋគ្រប់ទីកន្លែង ជាពិសេសតាមរយៈការផ្ដល់អំណោយជាអណ្តូងទឹកនេះ ជាការរួមចំណែកយ៉ាងសំខាន់ក្នុងការដោះស្រាយការលំបាករបស់ប្រជាពលរដ្ឋ ទាក់ទងទៅនឹងការខ្វះខាតទឹកប្រើប្រាស់ នារដូវប្រាំងនេះ ដើម្បីឱ្យបងប្អូនប្រជាពលរដ្ឋបានប្រើប្រាស់ក្នុងជីវភាពប្រចាំថ្ងៃ កាត់បន្ថយការលំបាកដោយសារអត់ទឹកប្រើប្រាស់។ នាឱកាសនោះផងដែរលោកជំទាវក៏បានចែកជូននូវអំណោយកំដរដៃរបស់សម្ដេចតេជោ និងសម្ដេចកិត្តិព្រឹទ្ធបណ្ឌិតដល់បងប្អូនប្រជាពលរដ្ឋដែលបានចូលរួមអបអរសាទរនៅក្នុងពិធីប្រគល់អណ្ដូងទឹកគ្រប់ទីតាំងទាំង៥។ នៅក្នុងឱកាសកាសនោះ ដោយមើលឃើញពីការលំបាករបស់ប្រជាពលរដ្ឋ១គ្រួសាររស់នៅផ្ទះចាស់តូច ចង្អៀតនោះ លោកជំទាវក៏សម្រេចសាងសង់ផ្ទះទេវតា១ខ្នងជូនគ្រួសាររបស់គាត់ផងដែរ និងករណីមួយទៀត ដោយទឹកចិត្តអាណិតអាសូរចំពោះប្អូនស្រី ឈ្មោះ កៅ ស្រីណែត អាយុ២៨ឆ្នាំ មានជំងឺទឹកនោមប្រៃ ដោយត្រូវដូរឈាមជាប្រជាប្រចាំខែនោះ លោកជំទាវក៏បានផ្តល់ថវិកាចំនួន៣០០០ដុល្លារ សម្រាប់ដោះស្រាយការលំបាក ក្នុងជីវភាពរបស់ប្អូនស្រី ជាពិសេសក្នុងការដូរឈាមជាប្រចាំខែនោះ។ បន្ទាប់មក ចប់ពិធីប្រគល់អណ្ដូងទឹកស្អាតចំនួន៥ លោកជំទាវ ហ៊ុន ម៉ាណា ក៏បានដឹកនាំក្រុមការងារអញ្ជើញទៅប្រគេនទេយ្យវត្ថុ ដែលមានស្បៀងអាហារ គ្រឿងឧបភោគ-បរិភោគ និងសម្ភារៈប្រើប្រាស់ជាច្រើនមុខរបស់អ្នកឧកញ៉ា ព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី ប្រគេនដល់ដល់វត្តចំនួន៦ជាបន្តទៀត ដែលស្ថិតនៅក្នុង ស្រុកទឹកឈូខេត្តកំពត ហើយពិធីប្រគល់ទៅវត្ថុនេះធ្វើឡើងនៅទីវត្តអារាម វត្តជុំគ្រៀល ក្នុងភូមិកំពង់កណ្ដាល ឃុំជុំគ្រៀល ស្រុកទឹកឈូ ខេត្តកំពត។ វត្តដែលទទួលបាននៅទេយ្យវត្ថុទាំង៦វត្តនោះរួមមាន វត្តជុំគ្រៀល , វត្តត្រើយកោះវត្តពិជ័យឧត្តុង្គ, វត្តពោធិ៍ ,វត្តអង្គ និងវត្តកូនសត្វ។ លោកជំទាវ បានមានប្រសាសន៍ទូលប្រគេនដល់ព្រះសង្ឃថា ជានិច្ចកាលសម្តេចទាំងទ្វេតែងតែគិតគូរអំពីទុក្ខលំបាករបស់ព្រះសង្ឃគ្រប់ព្រះអង្គតាមទីអារាមនានាក្នុងប្រទេសកម្ពុជា ហើយការនាំយកទេយ្យវត្ថុមកប្រគេនជូននៅពេលនេះ អាចជួយសម្រាលនូវការលំបាករបស់ព្រះសង្ឃគ្រប់អង្គបានមួយរយៈផងដែរ ជាពិសេសនៅក្នុងវិបត្តិកូវីដ១៩នេះ ។ ទេយ្យទានក្នុងមួយវត្តទទួលបាន៖០១-អង្ករ១តោន ០២-ត្រីខ ចំនួន១កេស មាន១០យួរ០៣-មីចំនួន៥កេសធំ(៣០កេសតូច)០៤- ត្រីងៀតចំនួន ១០ គីឡូ០៥- សាច់ក្រកចំនួន១០ គីឡូ០៦- សាច់ជ្រូផាត់ចំនួន១០ គីឡូ០៧- ទឹកដោះគោខាប់ ចំនួន២កេស ០៨- កាហ្វេ ចំនួន ៥កញ្ចប់ធំ ០៩- តែ ចំនួន ២គីឡូក្រាម១០- ស្ករសចំនួន១បេ ១១- អំបិលចំនួន១បេ១២- ប៊ីចេងចំនួន១បេ ១៣- ទឹកត្រីចំនួន៥យួ ១៤- ទឹកស៊ីអ៊ីវចំនួន៥យួរ ១៥- សាប៊ូដុំ ចំនួន ៣០ ដុំតូច១៦- ច្រាស និងថ្នាំដុសធ្មេញ ចំនួន១០០ឈុត១៧- វីតាមីនសេ ចំនួន ១០ ប្រអប់ ១៨- ប្រេងកូឡា ចំនួន ៥ ដុំ ១៩- ប្រេងខ្យល់ ចំនួន៥ដុំ ២០- ម៉ាស ចំនួន២០ប្រអប់ មាន១០០០ម៉ាស ២១- អាល់កុលសម្លាប់មេរោគ ចំនួន៤កាន ២២- ដបសំរាប់ដាក់អាល់កុល ចំនួន១០ ដប២៣- ស្លាដក់ចំនួន១៨៤កញ្ចប់២៤- ថវិកា ចំនួន២លានរៀល៕

បណ្ដាញសង្គម

ព័ត៌មានថ្មីៗ

កម្មវិធីស្បៀងអាហារពិភពលោក រកជំនួយ៥០លានដុល្លារសម្រាប់ជំនួយសង្គ្រោះគ្រោះរញ្ជួយដីនៅវ៉េណេស៊ុយអេឡា

Spurs ព្រមព្រៀងផ្ទេរ Mateus Fernandes ពី West Ham តម្លៃបំបែកកំណត់ត្រាក្លិប ៨៥ លានផោន

មេដឹកនាំអ៊ីស្រាអែល៖ខ្លួននឹងមិនចាកចេញពីលីបង់ទេ ដរាបណាក្រុមហេសបូឡានៅតែជាការគំរាមកំហែង

អ្នកវិភាគ៖ មន្ត្រីជាន់ខ្ពស់អ៊ីរ៉ង់ ស្ទាក់ស្ទើរក្នុងការបង្ហាញខ្លួននៅទីក្រុងដូហា ជុំវិញការពន្យារពេលអនុវត្តMoU

Tuchel ព្រមានអង់គ្លេសកុំមើលស្រាលកុងហ្គោមុនជំនួបវគ្គ ៣២ ក្រុមចុងក្រោយបាល់ទាត់ពិភពលោក

អាមេរិក និងសម្ព័ន្ធមិត្តឈូងសមុទ្រ ដាក់ទណ្ឌកម្មលើស្ថាប័នហិរញ្ញវត្ថុមានទំនាក់ទំនងជាមួយក្រុមហេសបូឡា

សិស្សជាង៣០នាក់នៅតែបាត់ខ្លួន បន្ទាប់ពីការវាយប្រហារនៅសាលារៀនប្រទេសនីហ្សេរីយ៉ា

បារាំងឡើងវគ្គ ១៦ក្រុម Mbappe ក្លាយជាកីឡាករស៊ុតបញ្ចូលទីច្រើនជាងគេក្នុងវគ្គចាញ់-ធ្លាក់ World Cup

នាយករដ្ឋមន្ត្រីអង់គ្លេស បង្ហាញការជំរុញវិស័យការពារជាតិ២០ពាន់លានដុល្លារក្នុងផែនការវិនិយោគដែលត្រូវបានពន្យារពេលជាយូរមក

លោកជំទាវបណ្ឌិត ពេជ ចន្ទមុន្នី៖ គិតត្រឹមថ្ងៃទី៣០មិថុនា មូលនិធិគន្ធបុប្ផាទទួលបានថវិកាបរិច្ចាគប្រមាណ ៦ ៣៨២ ០០០ ដុល្លារពីសប្បុរសជនជាង ៣៥ ម៉ឺននាក់ក្នុងយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អាមេរិកបានលើកឡើងពីការព្រួយបារម្ភអំពីការចងសម្ព័ន្ធមិត្តរវាងចិន និងរុស្ស៊ីក្នុងការចរចាដ៏តានតឹង

ជនភៀសខ្លួនចាកចេញពីអ៊ុយក្រែនកើនឡើងដល់ជាង ២លាន ៨សែននាក់ ខណៈរុស្ស៊ីបន្តវាយប្រហារ

អ្នកតវ៉ាប្រឆាំងនឹងសង្គ្រាមម្នាក់ក្នុងបន្ទប់ផ្សាយបានរំខានដល់ការផ្សាយផ្ទាល់របស់ទូរទស្សន៍រដ្ឋរុស្ស៊ី

មូលដ្ឋាន Yavoriv ត្រូវបានវាយប្រហារដោយមីស៊ីលរុស្ស៊ី

អាមេរិកនិយាយថា រុស្ស៊ីបានស្នើសុំជំនួយយោធាពីប្រទេសចិនក្នុងសង្គ្រាមនៅអ៊ុយក្រែន

អង្គការសហប្រជាជាតិនិយាយថា ជនស៊ីវិលជិត ៦០០នាក់បានស្លាប់នៅអ៊ុយក្រែនចាប់តាំងពីផ្ទុះសង្គ្រាម

អ្នកតវ៉ាប្រឆាំងសង្គ្រាមជាង ៧០០នាក់ត្រូវបានចាប់ខ្លួននៅទូទាំងប្រទេសរុស្ស៊ី

ទាហានរុស្ស៊ីបាញ់ប្រហើរក្បាលក្រុមអ្នកតវ៉ាក្នុងទីក្រុង Kherson របស់អ៊ុយក្រែន និងចាប់ខ្លួនមនុស្សរាប់សិបនាក់

រុស្ស៊ីពឹងផ្អែកលើចិនជួយសម្រាលទណ្ឌកម្ម ខណៈអាមេរិកព្រមានក្រុងប៉េកាំង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ជនភៀសខ្លួន​ចាកចេញ​ពី​អ៊ុយ​ក្រែ​ន​កើន​ឡើង​ដល់​ជាង ​២​លាន ​៨​សែន​នាក់ ខណៈ​រុស្ស៊ី​បន្ត​វាយ​ប្រហារ​

មូលដ្ឋាន Yavoriv ត្រូវបាន​វាយប្រហារ​ដោយ​មី​ស៊ី​ល​រុស្ស៊ី​

អាមេរិក​និយាយថា រុស្ស៊ី​បានស្នើ​សុំ​ជំនួយ​យោធា​ពី​ប្រទេស​ចិន​ក្នុង​សង្គ្រាម​នៅ​អ៊ុយ​ក្រែ​ន​

អ្នក​តវ៉ា​ប្រឆាំង​សង្គ្រាម​ជាង​ ៧០០​នាក់​ត្រូវ​បាន​ចាប់ខ្លួន​នៅ​ទូទាំង​ប្រទេស​រុស្ស៊ី​

រុស្ស៊ី​ពឹងផ្អែក​លើ​ចិន​ជួយ​សម្រាល​ទណ្ឌកម្ម ខណៈ​អាមេរិក​ព្រមាន​ក្រុង​ប៉េកាំង​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ជនភៀសខ្លួនចាកចេញពីអ៊ុយក្រែនកើនឡើងដល់ជាង ២លាន ៨សែននាក់ ខណៈរុស្ស៊ីបន្តវាយប្រហារ

មូលដ្ឋាន Yavoriv ត្រូវបានវាយប្រហារដោយមីស៊ីលរុស្ស៊ី

អាមេរិកនិយាយថា រុស្ស៊ីបានស្នើសុំជំនួយយោធាពីប្រទេសចិនក្នុងសង្គ្រាមនៅអ៊ុយក្រែន

អ្នកតវ៉ាប្រឆាំងសង្គ្រាមជាង ៧០០នាក់ត្រូវបានចាប់ខ្លួននៅទូទាំងប្រទេសរុស្ស៊ី

រុស្ស៊ីពឹងផ្អែកលើចិនជួយសម្រាលទណ្ឌកម្ម ខណៈអាមេរិកព្រមានក្រុងប៉េកាំង