BTV NEWS

អាគារសិក្សា២ខ្នងមាន១០បន្ទប់ បូកនឹងបន្ទប់ទឹក១ខ្នងមាន៤បន្ទប់ និងដងទង់ជាតិ ជាអំណោយដ៏ថ្លៃថ្លារបស់សម្ដេចតេជោ ហ៊ុន សែន, សម្ដេចកិតិ្តព្រឹទ្ធបណ្ឌិត, សម្ដេចធិបតី និងលោកជំទាវបណ្ឌិត ត្រូវបានលោកជំទាវ ហ៊ុន ម៉ាណា អញ្ជើញបញ្ចុះបឋមសិលាសាងសង់ នៅឃុំដូង ស្រុកប្រាសាទបល្ល័ង្គ

សម្តេចធិបតី ហ៊ុន ម៉ាណែត ចេញសារាចរផ្អាកការប្រារព្ធព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៦ នៅរាជធានីភ្នំពេញ តែនៅបណ្តាខេត្តអាចប្រារព្ធធ្វើបានធម្មតា

សម្ដេចតេជោ គាំទ្រកម្ពុជា-វៀតណាម ចៀសវាងកុំឱ្យមានការប្រើប្រាស់កម្លាំងនៅក្នុងប្រទេសមួយ ប្រឆាំងនឹងប្រទេសណាមួយទៀត

សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីសន្តិសុខសាធារណៈវៀតណាម ចូលជួបសម្តែងការគួរសម

ព័ត៌មានសំខាន់ៗ

សម្តេចតេជោ ហ៊ុន សែន អញ្ជើញទៅគោរពវិញ្ញាណក្ខន្ធសពនាយឧត្តមសេនីយ៍ សុខ សារឿន

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៅរសៀលថ្ងៃទី២៤កុម្ភៈនេះ បានអញ្ជើញដឹកនាំប្រតិភូរាជរដ្ឋាភិបាលមួយចំនួន ទៅគោរពវិញ្ញាណក្ខន្ធសពរបស់ នាយឧត្តមសេនីយ៍ សុខ សារឿន រដ្ឋលេខាធិការក្រសួងការពារជាតិ ដែលទទួលមរណភាព កាលពីថ្ងៃទី២៣កុម្ភៈម្សិលមិញនេះ ដោយរោគាពាធ។គួរបញ្ជាក់ដែរថា ភ្លាមៗនោះ សម្តេចតេជោ នាយករដ្ឋមន្ត្រី ក៏បានផ្ញើលិខិតសំដែងនូវការក្ដុកក្ដួលនិងសោកស្តាយជាមួយក្រុមគ្រួសារ នៃសពគឺលោកជំទាវ សុខ លាង ។លិខិតមានខ្លឹមសារយ៉ាងដូច្នេះ៖ លោកជំទាវជាទីរាប់អាន! ភរិយាខ្ញុំ និងរូបខ្ញុំបានទទួលដំណឹងដ៏ក្រៀមក្រំ និងសោកស្ដាយរកអ្វីមកប្រៀបផ្ទឹមពុំបាន ដោយទទួលដំណឹងថា ឯកឧត្តមនាយឧត្តមសេនីយ៍ សុខ សារឿន រដ្ឋលេខាធិការក្រសួងការពាជាតិ ដែលត្រូវជា ស្វាមីលោកជំទាវបានទទួលមរណភាព នាវេលាម៉ោង ១០:៤៥ នាទីព្រឹក នៅថ្ងៃពុធ ៧រោច ខែមាឃ ឆ្នាំឆ្លូវ ត្រីស័ក ពស ២៥៦៥ ត្រូវ នឹងថ្ងៃទី២៣ ខែ កុម្ភៈ ឆ្នាំ២០២២ ក្នុងជន្មាយុ ៧៩ ឆ្នាំ ដោយរោគាពាធ ។មរណភាពរបស់ឯកឧត្តម គឺជាការបាត់បងស្វាមី បិតា ជីតាដែលប្រកបដោយព្រហ្មវិហារធម៌ និងជាការបាត់បង់នូវមិត្តរួមអាវុធតស៊ូរំដោះជាតិចេញពីរបបប្រល័យពូជសាសន៍ ប៉ុល ពត និងបានរួមសុខរួមទុក្ខជាមួយគ្នាក្នុងការបំរើជាតិ និងប្រជាជនកម្ពុជារហូតដល់ថ្ងៃអវសាននៃជីវិត ។ក្នុងឱកាសប្រកបដោយសមានទុក្ខដ៏ក្រៀមក្រំបំផុតនេះ ភរិយា និងរូបខ្ញុំ សូមចូលរួមចែករំលែក នូវមរណទុក្ខដោយក្តីស្រណោះ និងការអាឡោះអាល័យជាមួយលោកជំទាវ និងបុត្រាបុត្រី ព្រមទាំងបងប្អូន កូនក្មួយទាំងអស់នៃសព ដោយសេចក្តីសង្វេគជាទីបំផុត ។ភរិយា និងរូបខ្ញុំ សូមឧទ្ទិសបួងសួងដល់ដួងវិញ្ញាណក្ខន្ធឯកឧត្តមនាយឧត្តមសេនីយ៍ សុខ សារឿន បានឆាប់ចាប់កំណើតក្នុងសុគតិភពគ្រប់ៗជាតិកុំបីឃ្លៀងឃ្លាតឡើយ ។ សូមលោកជំទាវទទួលនូវការរំលែកទុក្ខដ៏ក្រៀមក្រំបំផុតពីភរិយាខ្ញុំ និងរូបខ្ញុំ ។គួររម្លឹកផងដែរថា ឯកឧត្តម សុខ សារឿន អតីតគឺជាមេរបស់សម្តេចតេជោ នៅក្នុងសម័យតស៊ូ៕អត្ថបទ៖ មុត សុទ្ធ

លោក Putin បាននិយាយនៅថ្ងៃព្រហស្បតិ៍នេះថា កងកម្លាំងរុស្ស៊ីនឹងបើកប្រតិបត្តិការសឹកពិសេសក្នុងប្រទេសអ៊ុយក្រែនភាគខាងកើត

រុស្ស៊ី៖ ប្រធានាធិបតីរុស្ស៊ីលោក Vladimir Putin បានប្រកាសប្រតិបត្តិការយោធាពិសេសនៅក្នុងប្រទេសអ៊ុយក្រែននៅថ្ងៃព្រហស្បតិ៍នេះ និងបានអំពាវនាវឲ្យកងទ័ពនៅទីនោះទម្លាក់អាវុធចុះ ជាការផ្គើនទៅនឹងការអត់ធ្មត់របស់លោកខាងលិច និងការអំពាវនាវរបស់សកលលោកថា កុំបង្កសង្គ្រាម។ លោក Putin បានធ្វើសេចក្ដីថ្លែងការណ៍គួរឲ្យភ្ញាក់ផ្អើលមួយតាមកញ្ចក់ទូរទស្សន៍ ដើម្បីប្រកាសពីចេតនារបស់លោក។លោកបាននិយាយភ្លាមៗមុនម៉ោង ៦ព្រឹកម៉ោងនៅក្នុងទីក្រុងមូស្គូថា ខ្ញុំបានធ្វើការសម្រេចចិត្តអំពីប្រតិបត្តិការយោធា ខណៈលោកប្ដេជ្ញាសងសឹកទៅនឹងអ្នកដែលជ្រៀតជ្រែតកិច្ចការរបស់លោក។ លោកក៏បានអំពាវនាវផងដែរដល់យោធាអ៊ុយក្រែនឲ្យទម្លាក់អាវុធចុះ។ សេចក្ដីថ្លែងការណ៍របស់លោកមានឡើងបន្ទាប់ពីវិមានក្រឹមឡាំងបាននិយាយថា ក្រុមមេដឹកនាំឧទ្ទាមនៅក្នុងប្រទេសអ៊ុយក្រែនភាគខាងកើត បានស្នើក្រុងមូស្គូឲ្យជួយខាងយោធាទប់ទល់នឹងទីក្រុងគៀវ។ ជាការឆ្លើយតប ប្រធានាធិបតីអ៊ុយក្រែនលោក Volodymyr Zelensky បានអំពាវនាវទាំងកណ្ដាលអធ្រាត្រដល់រុស្ស៊ីកុំឲ្យគាំទ្រឲ្យមានសង្គ្រាមដ៏ធំនៅអឺរ៉ុប៕អត្ថបទ៖ សុខមាន

បាតុកម្មនៅទីក្រុងប៉ារីស ប៊ែរឡាំង និងគៀវជុំវិញសកម្មភាពរុស្ស៊ីលើអ៊ុយក្រែន

អឺរ៉ុប៖ ក្រុមបាតុករបានប្រមូលផ្តុំគ្នានៅខាងក្រៅស្ថានទូតរុស្ស៊ីនៅទីក្រុងប៉ារីស ដើម្បីប្រឆាំងនឹងការឈ្លានពានដែលកំពុងបន្តរបស់វិមានក្រឹមឡាំង នៅតាមព្រំដែនជាមួយអ៊ុយក្រែន។ សកម្មជននយោបាយ និងសមាជិកសហគមន៍អ៊ុយក្រែន ហ្សកហ្ស៊ី និងបេឡារុស្សត្រូវបានគេឃើញកាន់ទង់ជាតិរៀងៗខ្លួនក្នុងបាតុកម្ម។ក្រុមបាតុករបានចោទប្រកាន់លោក ពូទីន ថា មានបំណងបញ្ចប់លទ្ធិប្រជាធិបតេយ្យ និងអធិបតេយ្យភាពរបស់អ៊ុយក្រែន។ ទន្ទឹមនឹងនេះ ក្រុមអ្នកតវ៉ាបានបង្ហាញក្តីសង្ឃឹមថា ទណ្ឌកម្មសេដ្ឋកិច្ចកាន់តែខ្លាំងនឹងផ្ញើសារទៅកាន់មេដឹកនាំរុស្ស៊ី។ នៅប្រទេសអាល្លឺម៉ង់ មនុស្សរាប់រយនាក់បានប្រមូលផ្តុំគ្នានៅខាងក្រៅស្ថានទូតរុស្ស៊ីក្នុងទីក្រុងប៊ែរឡាំង ដើម្បីតវ៉ាប្រឆាំងនឹងការឈ្លានពានរបស់រុស្ស៊ីលើអ៊ុយក្រែន។ ក្នុងចំណោមអ្នកតវ៉ាទាំងនោះលោក Alexei Ustenko ជាជនជាតិអ៊ុយក្រែនរស់នៅក្នុងទីក្រុងប៊ែរឡាំងនិយាយថា អឺរ៉ុប និងអាមេរិកមិនបានឆ្លើយតបខ្លាំងគ្រប់គ្រាន់នៅឡើយ ចំពោះសកម្មភាពរបស់ប្រធានាធិបតីរុស្ស៊ីលោក វ្ល៉ាឌីមៀ ពូទីន។ អ្នកតវ៉ានិយាយថា ទណ្ឌកម្មគឺជាឧបករណ៍សំខាន់របស់ប្រទេសលោកខាងលិចសម្រាប់រុញច្រានទៅវិញ ខណៈលោក ពូទីន បានអនុញ្ញាតឱ្យទាហានឆ្លងកាត់ព្រំដែនអ៊ុយក្រែន ចូលទៅក្នុងតំបន់គ្រប់គ្រងដោយក្រុមផ្តាច់ខ្លួនគាំទ្រដោយរុស្ស៊ី និងបានទទួលស្គាល់ឯករាជ្យភាពរបស់តំបន់ក្រុមឧទ្ទាម។នៅក្នុងប្រទេសអ៊ុយក្រែន ក្រុមអ្នកតវ៉ាបានធ្វើបាតុកម្មនៅខាងក្រៅស្ថានទូតរុស្ស៊ីក្នុងទីក្រុងគៀវ បន្ទាប់ពីការបញ្ជារបស់ប្រធានាធិបតីរុស្ស៊ីលោក វ្ល៉ាឌីមៀ ពូទីន ក្នុងការពង្រាយកងទ័ពទៅកាន់តំបន់ផ្តាច់ខ្លួននៅភាគខាងកើតអ៊ុយក្រែន។ មេដឹកនាំប្រទេសលោកខាងលិចបានព្រមានជាយូរមកហើយថា ទីក្រុងមូស្គូនឹងស្វែងរកការបិទបាំងក្នុងការឈ្លានពានប្រទេសអ៊ុយក្រែន ហើយគ្រាន់តែជាលេសបង្ហាញឲ្យឃើញនៅពេលដែលលោក ពូទីន ទទួលស្គាល់ឯករាជ្យភាពតំបន់ផ្តាច់ខ្លួនចំនួន ២ នៅភាគខាងកើតអ៊ុយក្រែន ជាកន្លែងដែលកងទ័ពរដ្ឋាភិបាលបានប្រយុទ្ធជាមួយពួកឧទ្ទាមគាំទ្រដោយរុស្ស៊ី នៅក្នុងជម្លោះដែលបានសម្លាប់មនុស្សជាង ១៤,០០០នាក់៕អត្ថបទ៖ ប៊ុនថន

មនុស្ស ៦៣នាក់ស្លាប់ក្នុងការផ្ទុះសារធាតុគីមីនៅប្រទេសបួគីណាហ្វាសូ

បួគីណាហ្វាសូ៖ ប្រព័ន្ធផ្សព្វផ្សាយរដ្ឋ និងសាក្សីបានរាយការណ៍ថា ការផ្ទុះដ៏ខ្លាំងនៅជិតទីតាំងអាជីវកម្មរ៉ែមាសមួយកន្លែងនៅភាគនិរតីប្រទេសបួគីណាហ្វាសូ បណ្តាលមនុស្សយ៉ាងហោចណាស់ ៦៣នាក់ស្លាប់ និងជាង ១០០នាក់ផ្សេងទៀតរងរបួស។ វីដេអូបានបង្ហាញឲ្យឃើញសាកសពនៅលើដីគ្របក្រណាត់ និងផ្លាស្ទីកបន្ទាប់ពីការផ្ទុះ។ ប្រព័ន្ធផ្សព្វផ្សាយ RTB បានរាយការណ៍ថា ចំនួនអ្នកស្លាប់បណ្តោះអាសន្នត្រូវបានផ្តល់ដោយអាជ្ញាធរក្នុងតំបន់។ការផ្ទុះនេះត្រូវបានគេជឿថា បណ្តាលមកពីសារធាតុគីមីប្រើសម្រាប់រក្សាគុណភាពមាស ដែលស្តុកទុកនៅទីតាំងនោះ។ បួគីណាហ្វាសូគឺជាប្រទេសផលិតមាសដែលរីកចម្រើនលឿនបំផុតនៅទ្វីបអាហ្វ្រិក ហើយបច្ចុប្បន្នជាប្រទេសធំជាងគេទី៥ នៅលើទ្វីបនេះដោយការនាំចេញមាសសំខាន់បំផុតរបស់ប្រទេស។ ឧស្សាហកម្មរ៉ែមាសបានជួលបុគ្គលិកប្រមាណ ១.៥លាននាក់ ហើយមានតម្លៃប្រហែល ២ពាន់លានដុល្លារក្នុងឆ្នាំ២០១៩។ យោងតាមវិទ្យាស្ថានសម្រាប់ការសិក្សាសន្តិសុខ មានមូលដ្ឋាននៅអាហ្វ្រិកខាងត្បូងបានឲ្យដឹងថា មាសភាគច្រើនកំពុងត្រូវបាននាំទៅកាន់ប្រទេសជិតខាងដូចជាតូហ្គោ, បេណាំង, នីហ្សេរ និងហ្គាណា។អណ្តូងរ៉ែខ្នាតតូចជាច្រើនត្រូវបានគេរាយការណ៍ថា ប្រើប្រាស់ដោយក្រុមជីហាដមានទំនាក់ទំនងជាមួយក្រុមអាល់កៃដា និងក្រុមរដ្ឋឥស្លាមដែលបានធ្វើការវាយប្រហារនៅក្នុងប្រទេសចាប់តាំងពីឆ្នាំ២០១៦។ ក្រុមនេះត្រូវបានគេរាយការណ៍ថា បានរៃអង្គាសប្រាក់ដោយការយកពន្ធលើអ្នករុករករ៉ែ ហើយថែមទាំងប្រើប្រាស់ទីតាំងអណ្តូងរ៉ែសម្រាប់ជ្រើសរើសអ្នកប្រយុទ្ធ និងស្វែងរកទីតាំងលាក់ខ្លួន៕អត្ថបទ៖ ប៊ុនថន

ជំនួបរវាងលោក Biden និងលោក Putin ត្រូវបានផ្អាក ខណៈជំនួបរវាងប្រមុខការទូតត្រូវលុបចោលដែរ

សហរដ្ឋអាមេរិក៖ អ្នកនាំពាក្យសេតវិមានលោកស្រី Jen Psaki បានប្រាប់ក្រុមអ្នកយកព័ត៌មានកាលពីថ្ងៃអង្គារថា រាល់ផែនការសម្រាប់កិច្ចប្រជុំរវាងលោកប្រធានាធិបតី Biden និងលោកប្រធានាធិបតីរុស្ស៊ី Vladimir Putin ត្រូវបានផ្អាក។ លោកស្រី Psaki មិនបានច្រានចោលការប្រជុំដែលកើតឡើងនៅពេលអនាគតនោះទេ ប៉ុន្តែបាននិយាយថា លោក Biden នឹងមិនជួបជាមួយលោក Putin លុះត្រាតែរុស្ស៊ីបន្ធូរបន្ថយស្ថានការណ៍ក្នុងប្រទេសអ៊ុយក្រែនដោយការដកកងទ័ព។លោកស្រីបានប្រាប់អ្នកយកព័ត៌មានក្នុងអំឡុងសន្និសីទសារព័ត៌មានខ្លីមួយថា យើងនឹងមិនបិទទ្វារទាំងស្រុងចំពោះផ្នែកការទូតនោះទេ ប៉ុន្តែទោះយ៉ាងណាលោកស្រីបានបន្ថែមថា ការទូតមិនអាចជោគជ័យបានទេ លុះត្រាតែរុស្ស៊ីផ្លាស់ប្តូរជំហរ។ ការអត្ថាធិប្បាយនេះពុំមានការភ្ញាក់ផ្អើលខ្លាំងណាស់ណាទេ។ ប៉ុន្មាននាទីមុន ប្រមុខការទូតអាមេរិកលោក Antony Blinken បាននិយាយថា លោកកំពុងលុបចោលកិច្ចប្រជុំជាមួយរដ្ឋមន្ត្រីការបរទេសរុស្ស៊ីលោក Sergey Lavrov ដែលបានគ្រោងទុកជាបណ្តោះអាសន្នសម្រាប់ថ្ងៃព្រហស្បតិ៍ស្អែកនេះ៕អត្ថបទ៖ សុខមាន

តុលាការអង្គការសហប្រជាជាតិបើកសវនាការក្នុងករណីប្រល័យពូជសាសន៍លើជនជាតិភាគតិចរ៉ូហ៊ីងយ៉ា

UN៖ សវនាការរយៈពេល ៤ថ្ងៃក្នុងសំណុំរឿងការបង្ក្រាបដ៏ឃោរឃៅពីសំណាក់យោធាសហភាពមីយ៉ាន់ម៉ាឆ្នាំ២០១៧ លើជនជាតិភាគតិចរ៉ូហ៊ីងយ៉ាបានបើកកាលពីរសៀលថ្ងៃចន្ទ នៅឯតុលាការយុត្តិធម៌អន្តរជាតិ (ICJ)។ ក្រុមអ្នកតំណាងមកពីសហភាពមីយ៉ាន់ម៉ាគ្រោងនឹងថ្លែងទៅកាន់ក្រុមចៅក្រម ដើម្បីបញ្ជាក់ពីមូលហេតុដែលពួកគេជឿថា ករណីសំណុំរឿងដែលត្រូវបានដាក់ជូនតុលាការដោយប្រទេសអាហ្វ្រិក ហ្គំប៊ី តំណាងឲ្យបណ្ដាប្រទេសមូស្ល៊ីមគួរតែត្រូវបានទម្លាក់ចោល។ប្រទេសហ្គំប៊ីបានដាក់ពាក្យបណ្ដឹងនៅឯតុលាការយុត្តិធម៌អន្តរជាតិកាលពីឆ្នាំ២០១៩ ដោយចោទប្រកាន់ប្រទេសមីយ៉ាន់ម៉ាពីបទប្រព្រឹត្តិអំពើប្រល័យពូជសាសន៍ លើជនជាតិភាគតិចមូស្ល៊ីមរ៉ូហ៊ីងយ៉ា។ ក្រុមមេធាវីតំណាងឲ្យរបបសឹកមីយ៉ាន់ម៉ាបានព្យាយាមច្រានចោលករណីចោទប្រកាន់នេះ នៅឯតុលាការកំពូលរបស់អង្គការសហប្រជាជាតិដោយទាត់ចោលថា ខ្វះយុត្តាធិការ ឬភាពស្របច្បាប់។ លោក Ko Ko Hlaing រដ្ឋមន្ត្រីទទួលបន្ទុកកិច្ចកិច្ចសហប្រតិបត្តិការអន្តរជាតិ ដែលតំណាងឱ្យប្រទេសមីយ៉ាន់ម៉ាបានប្រាប់តុលាការថា បញ្ហាប្រឈមផ្លូវច្បាប់ចំពោះយុត្តាធិការរបស់តុលាការ និងការទទួលយកសំណុំរឿងនេះ រួមទាំងថាវាមិនគួរបន្តទៅមុខទៀតឡើយ ព្រោះសំណុំរឿងនេះត្រូវបាននាំមកដោយប្រទេសហ្គំប៊ី ក្នុងនាមជាអង្គការសហប្រតិបត្តិការអ៊ីស្លាមកិច្ច។ មេធាវីលោក Christopher Staker បានប្រកែកថា តុលាការអាចត្រឹមតែស្ដាប់សំណុំរឿងរវាងរដ្ឋនានាតែប៉ុណ្ណោះ ហើយថា ប្រទេសហ្គំប៊ីបានកំពុងធ្វើសកម្មភាពជាអ្នកតំណាងឲ្យអង្គការមូស្ល៊ីម។ ហើយក្រុមតុលាការសម្រាប់ប្រទេសហ្គំប៊ីគ្រោងនឹងឆ្លើយតបនៅថ្ងៃពុធស្អែកនេះ៕អត្ថបទ៖ សុខមាន

សម្តេចតេជោ ប្រាប់ឱ្យអ្នកវិភាគមួយចំនួនដែលមិនយល់ដឹងពីកំពង់ផែទឹកជ្រៅខេត្តព្រះសីហនុឈប់និយាយបំភ័ន្តសភាពការណ៍ទៅ

ភ្នំពេញ៖ ក្នុងឱកាសអញ្ជើញជាអធិបតីដ៏ខ្ពង់ខ្ពស់ក្នុងពិធីបើកការដ្ឋានសាងសង់ស្ថានីយប្រព្រឹត្តកម្មទឹកកខ្វក់ជើងឯក ដែលមានទីតាំងស្ថិតនៅក្នុងខណ្ឌមានជ័យ រាជធានីភ្នំពេញ នាព្រឹកថ្ងៃទី២២ កុម្ភៈនេះ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា មានប្រសាសន៍ឱ្យពួកអ្នកវិភាគនយោបាយមួយចំនួនឈប់និយាយបង្វែរសភាពការណ៍ពិត ពីរឿងកំពង់ផែទឹកជ្រៅ ខេត្តព្រះសីហនុថា អន្ទាក់បំណុលរបស់ចិនទៀតទៅ។ កំពង់ផែទឹកជ្រៅខេត្តព្រះសីហនុ ដែលបាននឹងកំពុងធ្វើអាជីវកម្មសព្វថ្ងៃ គឺជាការជួយទំនុកបម្រុងពីប្រទេសជប៉ុន។ សម្តេចបន្តថា កំពង់ផែទឹកជ្រៅ ខេត្តព្រះសីហនុ ត្រូវបានរ៉ាប់រង និងការជួយទំនុកបម្រុងពីរដ្ឋាភិបាលជប៉ុន ដូច្នេះសម្ដេចមិនគិតថា អ្នកដែលបាននិយាយថាអន្ទាក់បំណុលរបស់ចិនលើបញ្ហាកំពង់ផែព្រះសីហនុ ដូចដែលគេនិយាយប្រៀបធៀបទៅនឹងអន្ទាក់បំណុលរបស់ចិននៅស្រីលង្កានោះវាមិនមែនជាការពិតព្រោះកំពង់ផែទឹកជ្រៅ នៅខេត្តព្រះសីហនុ ដែលកំពុងធ្វើពាណិជ្ជកម្មសព្វថ្ងៃនេះ ត្រូវរ៉ាប់រងទទួលឲ្យប្រាក់កម្ចី និងជំនួយពីប្រទេសជប៉ុនទៅវិញទេ។ ជាមួយនឹងការអភិវឌ្ឍរីកចម្រើនមកដល់សព្វថ្ងៃនេះសម្ដេចតេជោបានមានប្រសាសន៍ថាកម្ពុជាគឺតែងតែនឹកឃើញទៅដល់ការរួមចំណែក នៃដៃគូអភិវឌ្ឍរបស់ប្រទេសទាំងអស់ ក៏ដូចជាស្ថាប័នហិរញ្ញវត្ថុអន្តរជាតិ ក្នុងនោះមួយចំណែកធំក៏បានមកអំពីការចូលរួមឧបត្ថម្ភគាំទ្រពីជប៉ុន ក្នុងគ្រាដំបូងដែលផ្ដល់ជំនួយច្រើនជាងគេក្នុងកាលៈទេសៈនោះ។ ឥឡូវទំនាក់ទំនងរបស់យើងកាន់តែស៊ីជម្រៅពីមួយថ្ងៃទៅមួយថ្ងៃ សហប្រតិបត្តិការរបស់យើងកាន់តែធំ ហើយយើងមិនមែនគ្រាន់តែរង់ចាំជំនួយពីជប៉ុននោះទេអ្វីដែលសំខាន់ គឺយើងប្រឹងប្រែងទាញអ្នកវិនិយោគជប៉ុនទាំងឡាយមកកាន់ព្រះរាជាណាចក្រកម្ពុជា៕ អត្ថបទ៖ មុត សុទ្ធ

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីបើកការដ្ឋានសាងសង់ស្ថានីយប្រព្រឹត្តកម្មទឹកកខ្វក់បឹងជើងឯក

ភ្នំពេញ៖ នៅព្រឹកថ្ងៃទី២២ ខែកុម្ភៈ ឆ្នាំ២០២២ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងលោក មីកាមិ ម៉ាសាហ៉ីរុ ឯកអគ្គរដ្ឋទូតជប៉ុនប្រចាំកម្ពុជា អញ្ជើញជាអធិបតីភាពក្នុងពិធីបើកការដ្ឋានសាងសង់ស្ថានីយប្រព្រឹត្តកម្មទឹកកខ្វក់បឹងជើងឯក នៅភូមិព្រែកតាគង់១ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។ ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV News ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន នាយករដ្ឋមន្ត្រី៖ -សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានបន្តថ្លែងអំណរគុណដល់ប្រជាជន និងរដ្ឋាភិបាលជប៉ុនដែលបានផ្តល់ជំនួយឥតសំណង នូវការសាងសង់ស្ថានីយប្រព្រឹត្តកម្មទឹកកខ្វក់បឹងជើងឯក និងសមិទ្ធផលជាច្រើនទៀតនាពេលកន្លងទៅ។- សម្តេចតេជោ ហ៊ុន សែន នាយករដ្ឋមន្ត្រី បានសម្តែងមោទនភាពចំពោះកម្ពុជា ក្រោមកិច្ចខិតខំប្រឹងប្រែង និងការផ្តល់ជំនួយរបស់ជប៉ុន ដែលបានស្តារឡើងវិញទាំងសេដ្ឋកិច្ច ហេដ្ឋានរចនាសម្ព័ន្ធផ្សេងៗ។- សម្តេចតេជោ ហ៊ុន សែន ប្រកាសថា នៅឆ្នាំក្រោយនេះ គឺនៅឆ្នាំ២០២៣ កម្ពុជានឹងប្រារព្ធចំណងមិត្តភាពកម្ពុជា-ជប៉ុន លើកទី៧០ ដែលជាចំណងមិត្តភាពប្រកបដោយមោទនភាព និងកិច្ចខិតខំប្រឹងប្រែង ដើម្បីបន្តជួយដល់ប្រទេសកម្ពុជាលើគ្រប់វិស័យ។- សម្តេចតេជោ ហ៊ុន សែន បានបញ្ជាក់ជាថ្មីម្តងទៀតថា ការរីកចំរើនរបស់កម្ពុជាមិនអាចកាត់ផ្តាច់ពីការរួមចំណែកពីប្រទេសជាមិត្តបាននោះឡើយ ដូចជាប្រទេសជប៉ុនជាដើម ដោយរហូតមកដល់ពេលនេះជប៉ុន បានជួយដល់កម្ពុជាស្ទើតែគ្រប់វិស័យនោះ។- សម្តេចតេជោ ហ៊ុន សែន បានបញ្ជាក់ថា ប្រទេសជប៉ុនបានដើរតួនាទីជាសហប្រធាន ដើម្បីជួយស្តារ និងអភិវឌ្ឍន៍ប្រទេសកម្ពុជា ដែលពេលនោះកម្ពុជាក៏បានយល់ និងដឹង កាន់តែខ្លាំងពីទឹកចិត្តរបស់រដ្ឋាភិបាល និងប្រជាជនជប៉ុន មកលើរដ្ឋាភិបាល និងប្រជាជនកម្ពុជា។- សម្តេចតេជោ ហ៊ុន សែន ប្រកាសថា កំពង់ផែទឹកជ្រៅរបស់កម្ពុជា មិនមែនជាអន្ទាក់បំណុលរបស់ចិនដូចការអះអាង និងការវិភាគដ៏អគតិរបស់ក្រុមមួយចំនួននោះទេ ។ អ្វីៗ និងសមិទ្ធផលកំពង់ផែកម្ពុជា គឺជាកិច្ចខិតខំប្រឹងរបស់ជប៉ុនផងដែរ មិនមែនតែចិននោះទេ។- សម្តេចតេជោ ហ៊ុន សែន ប្រកាសថា អ្នកវិភាគខ្លះអន់ជាងតិរច្ឆានទៅទៀត។ តិរច្ឆាន គង់ចាំសំបុករបស់វា។-សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានមានប្រសាសន៍ថា ទំនាក់ទំនងរវាងកម្ពុជា និងជប៉ុនកាន់តែរីកជ្រៅទៅៗពីមួយថ្ងៃទៅមួយថ្ងៃ ប៉ុន្តែកម្ពុជាមិនត្រូវរងចាំតែជំនួយរបស់រដ្ឋាភិបាលជប៉ុនប៉ុណ្ណោះទេ គឺត្រូវខិតខំប្រឹងប្រែងកែនអ្នកវិនិយោគជប៉ុន ឲ្យមកធ្វើការវិនិយោគនៅកម្ពុជាបន្ថែមទៀតផងដែរ។- សម្តេចតេជោ ហ៊ុន សែន ប្រកាសដោយមោទនភាពចំពោះដំណើរទស្សនកិច្ចរបស់លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងទ័ពជើងគោក នៅប្រទេសជប៉ុន ដែលជប៉ុនបានយកចិត្តទុកដាក់ និងផ្តល់អោយមានជំនួបជាច្រើននៅទីនោះ ក្នុងនោះមានជំនួយជាមួយនាយករដ្ឋមន្ត្រីជប៉ុនផងដែរ។- សម្តេចតេជោ ហ៊ុន សែន បានរំលឹកអតីតកាល ក្រោយកម្ពុជាបែកពីជំនាន់ប៉ុលពត ដែលកាលនោះ គឺជាការប្រឹងប្រែងរស់ដោយប្រដាបត្រដួសបំផុត។ មកដល់ពេលបច្ចុប្បន្ននេះ កម្ពុជាសំបូរគ្រប់យ៉ាង រួមទាំងអាហារហុបចុក ដែលនាំអោយកម្ពុជាមានវិបត្តិរឿងសំរាម និងសំណល់អាហារ ដែលទាមទារអោយយើង រកកន្លែងទុកដាក់វាអោយបានត្រឹមត្រូវ។-សម្តេចតេជោ ហ៊ុន សែន រិះគន់ចំពោះបងប្អូនប្រជាពលរដ្ឋមួយចំនួនទទួលទានអាហារហើយ យកសំរាមបោះចោលពាសវាលពាសកាល ខណៈមានធុងសំរាមនៅក្បែរហើយ។- សម្តេចតេជោអំពាវនាវដល់បងប្អូនទាំងអស់ចូលរួមអនាម័យ និងសំអាតបរិស្ថានទាំងអស់គ្នា ដើម្បីទីក្រុងស្អាត។- សម្តេចតេជោ ហ៊ុន សែន ប្រកាសថា នាពេលខាងមុខនេះ សម្តេចនឹងក្លាយជាឪរបស់នាយករដ្ឋមន្ត្រី និងជាបន្តបន្ទាប់ ក្លាយជាជីតារបស់នាយករដ្ឋមន្ត្រី។-សម្តេចតេជោ ហ៊ុន សែន បានបញ្ជាក់ថា ប្រសិនបើកូនសម្តេចប្រព្រឹត្តិនូវអំពើអាក្រក់ សម្តេចមិនគាំទ្រឲ្យធ្វើជាបេក្ខភាពនាយករដ្ឋមន្រ្តីនាពេលអនាគតនោះទេ ហើយសម្តេចមិនបណ្តោយឲ្យគណបក្សប្រជាជនកម្ពុជារលាយដោយសារតែកូនសម្តេចនោះដែរ។- សម្តេចតេជោ ហ៊ុន សែន ប្រកាសថា ត្រង់នរណាបង្អាប់ បន្ទាបបន្ថោក កូនៗរបស់សម្តេចយ៉ាងណាក៏ដោយ តែសម្តេចមិនអាចមើលងាយ បន្ទាបបន្ថោកកូនៗនរណាឡើយ មានតែការលើកទឹកចិត្តអោយពួកគេមានការរីកចម្រើន ដើម្បីរួមគ្នាជួយអភិវឌ្ឍន៍ប្រទេសជាតិ។-សម្តេចតេជោ ហ៊ុន សែន បានបញ្ជាក់យ៉ាងច្បាស់ថា មិនថាអ្នកណា ឬប្រទេសណានោះឡើយ ប្រសិនបើមកបញ្ចុះបញ្ចូលសម្តេចឲ្យមកបង្រួបបង្រួមគ្នាជាមួយអ្នកដែលចោទ និងប្រមាថសម្តេចរឿងប្រពន្ធកូនសម្តេចនោះ មិនអាចទៅរួចនោះឡើយ។- សម្តេចតេជោ ហ៊ុន សែន បានប្រកាសសារជាថ្មីមិនអត់អោនអោយនរណាក៏ដោយ ដែលប្រមាថប្រពន្ធកូនសម្តេច ថាជាប្រពន្ធកូនរបស់មេដឹកនាំវៀតណាម ដែលជាការប្រមាថដោយអគតិ និងអមនុស្សធម៌បំផុត អាក្រក់ធអាក្រីបំផុត។- សម្តេចតេជោ ហ៊ុន សែន ប្រកាសអំពាវនាវដល់ប្រជាពលរដ្ឋទូទាំងប្រទេស ជាពិសេសប្រជាពលរដ្ឋរស់នៅរាជធានីភ្នំពេញ រួមគ្នាប្រយុទ្ធប្រឆាំងជំងឺកូវីដ-១៩ ជាពិសេសមេរោគកូវីដ-១៩បំប្លែងខ្លួនថ្មី អូមីក្រុង ដែលរយៈពេលប៉ុន្មានថ្ងៃជាប់ៗគ្នានេះ ករណីស្លាប់បានកើតឡើងជាបន្តបន្ទាប់។-សម្តេចតេជោ ហ៊ុន សែន បានបញ្ជាក់ថា ក្នុងរយៈពេលបីថ្ងៃជាប់ៗគ្នានេះកម្ពុជាយើងមានអ្នកស្លាប់ដោយសារមេរោគកូវីដ១៩បំប្លែងខ្លួនថ្មី ប្រភេទអូមីក្រុងចំនួន៧នាក់ហើយ ខណៈអត្រានៃការឆ្លងក៏បានកើនឡើងជាបន្តបន្ទាប់ផងដែរនោះ។- សម្តេចតេជោ ហ៊ុន សែន ប្រកាសថា កម្ពុជាមិនមានតម្រូវការណាមួយដើម្បីបិទទីក្រុង ឬបិទគោលដៅណាមួយ ដើម្បីកាត់បន្ថយការឆ្លងរីករាលដាលជំងឺកូវីដ-១៩នោះទេ ។ ការបិទកន្លងមកដោយសារកម្ពុជាមិនទាន់បានចាក់វ៉ាក់សាំងគ្រប់គ្រាន់នៅឡើយ។-សម្តេចតេជោ ហ៊ុន សែន បានបញ្ជាក់ថា ការទប់ស្កាតបាន ឬមិនបានចំពោះមេរោគកូវីដ១៩មិនអាស្រ័យលើវិធានការរបស់រាជរដ្ឋាភិបាលតែឯកឯងនោះទេ គឺចាំបាច់បំផុតមានការចូលរួមពីបងប្អូនប្រ ជាពលរដ្ឋគ្រប់រូប ដូច្នេះបងប្អូនទាំងអស់គប្បីបន្តចូលរួមអនុវត្តន៍ឲ្យបានទាំងអស់គ្នា។- សម្តេចតេជោ ហ៊ុន សែន ប្រកាសអំពាវនាវដល់លក់ថ្នាំពេទ្យ ដែលទទួលបានការអនុញ្ញាតពីក្រសួងសុខាភិបាល សូមកុំមានការដំឡើងថ្លៃស្រេចតែចិត្ត ហើយសម្តេចក៏សូមអំពាវនាវដល់ក្រសួងសុខាភិបាល ត្រូវចុះពិនិត្យកន្លែងលក់ថ្នាំពេទ្យ ដើម្បីកុំឲ្យ មានការលក់ថ្នាំក្លែងក្លាយដល់ប្រជាពលរដ្ឋ។- សម្តេចតេជោ ហ៊ុន សែន ប្រកាសថ្លែងអំណរគុណដល់បណ្តាប្រទេសនានា រួមទាំងជប៉ុន ដែលបានគាំទ្រសម្តេចក្នុងដំណើរបេសកកម្មទៅកាន់សហភាពមីយ៉ាន់ម៉ា ដោយសម្តេចប្រកាសអំពាវនាវដល់គ្រប់ភាគីទាំងអស់នៅមីយ៉ានម៉ា សូមមានការអត់ធ្មត់ក្នុងកម្រិតខ្ពស់ ដើម្បីឈានទៅដល់ការនិយាយគ្នាដោយសន្តិវិធី និងសន្តិភាព។- សម្តេចតេជោ ហ៊ុន សែន ប្រកាសថា យើងមិនអាចយកសង្គ្រាម ដើម្បីបញ្ចប់សង្គ្រាមនោះឡើយ មានតែការចរចាតាមផ្លូវនយោបាយតែប៉ុណ្ណោះ ដែលជាបទពិសោធន៍ជាក់ស្តែងសម្រាប់ការស្វែងរកសន្តិភាពនៅកម្ពុជា ប្រកបដោយភាគជោគជ័យ។- សម្តេចតេជោ ហ៊ុន សែន ប្រកាសថា ការស្វែងរកសន្តិភាពសម្រាប់ជាតិសាសន៍មួយ វាមិនមែនជារឿងងាយស្រួល និងទៅព្រឹក បានផលល្ងាចនោះទេ។ កិច្ចការនេះជារឿងធំ ដែលទាមទារអោយយើងមានការអត់ធ្មត់ និងដោះស្រាយគ្នាប្រកបដោយការយកចិត្តទុកដាក់ខ្ពស់បំផុត។- សម្តេចតេជោ ហ៊ុន សែន ប្រកាសឲ្យមានមន្ទីរពេទ្យជាក់លាក់មួយ ដើម្បីព្យាបាលជំងឺកូវីដ-១៩ ទោះពេលខាងមុខស្ថានភាពកូវីដ-១៩ បានធូរស្រាលក៏ដោយ ដែលមន្ទីរពេទ្យនោះមានសមត្ថភាពព្យាបាលអ្នកជំងឺចំនួន ១ម៉ឺននាក់ និងរំដោះស្តាតអូឡាំពិកឲ្យកីឡាករហ្វិកហាត់ត្រៀមស៊ីហ្គេម២០២៣។- សម្តេចតេជោ ហ៊ុន សែន ប្រកាសថា កូនសម្តេចម្នាក់ និងចៅៗសម្តេចចំនួន ៥នាក់ បានឆ្លងជំងឺកូវីដ-១៩ ប្រភេទអូមីក្រុង ខណៈដែលចៅទី២១របស់សម្តេច ដែលបានឆ្លងកន្លងមក បានជាសះស្បើយ និងបន្តជាសះស្បើយជាបន្តបន្ទាប់។ សង្កថាសម្តេចចប់នៅវេលាម៉ោង៩ និង៣៩នាទី

ប្រធានអង្គការសហប្រជាជាតិព្រមាននៅសន្និសីទសន្តិសុខលើបញ្ហារុស្សី-អ៊ុយក្រែន

អាល្លឺម៉ង់៖ ប្រធានអង្គការសហប្រជាជាតិលោក Antonio Guterres បានទទូចកាលពីថ្ងៃសុក្រថា គ្មានជម្រើសក្រៅពីផ្នែកការទូតដើម្បីដោះស្រាយវិបត្តិអ៊ុយក្រែន-រុស្ស៊ីនោះទេ។ លោក Guterres បាននិយាយនៅក្នុងសន្និសិទសន្តិសុខទីក្រុង Munich ប្រចាំឆ្នាំ បន្ទាប់ពីសុន្ទរកថារបស់ប្រធានសន្និសីទលោក Wolfgang Ischinger។លោក Guterres និយាយថា លោកមានការព្រួយបារម្ភខ្លាំងអំពីភាពតានតឹងដែលកើនឡើង និងការកើនឡើងការរំពឹងទុកអំពីជម្លោះយោធានៅអឺរ៉ុប។ លោកនៅតែគិតថា វានឹងមិនកើតឡើងនោះទេ ប៉ុន្តែប្រសិនបើវាកើតឡើង វានឹងបង្កមហន្តរាយ។ បញ្ហាទាំងអស់រួមទាំងភាពតានតឹងត្រូវតែដោះស្រាយតាមរយៈក្របខណ្ឌការទូត ហើយវាដល់ពេលដែលត្រូវដោះស្រាយដើម្បីធ្វើឲ្យស្ថានការណ៍ធូស្រាល។ លោក Ischinger បានបង្ហាញការសោកស្តាយរបស់លោក ដែលរដ្ឋាភិបាលរុស្ស៊ីបានសម្រេចមិនបញ្ជូនមន្ត្រីណាម្នាក់មកកាន់ទីក្រុង Munich ចូលរួមកិច្ចប្រជុំក្នុងឆ្នាំនេះ ប៉ុន្តែបាននិយាយថា ទ្វារនៅតែបើកចំហ។ ការជួបប្រជុំនេះត្រូវបានប្រើប្រាស់ក្នុងរយៈពេលប៉ុន្មានឆ្នាំថ្មីៗនេះ ដោយមេដឹកនាំទាំងសហរដ្ឋអាមេរិក និងរុស្ស៊ី។អនុប្រធានាធិបតីសហរដ្ឋអាមេរិកលោកស្រី Kamala Harris ត្រូវបានចាត់តាំងគោលនយោបាយការបរទេសនៅក្នុងអំឡុងពេលចុងសប្តាហ៍នេះនៅទីក្រុង Munich ជាកន្លែងដែលលោកស្រីនឹងព្យាយាមរក្សាសម្ព័ន្ធមិត្តអឺរ៉ុប ដែលរួបរួមក្នុងពេលមានការព្រួយបារម្ភកាន់តែខ្លាំង ចំពោះការគំរាមឈ្លានពានរបស់រុស្ស៊ីមកលើប្រទេសអ៊ុយក្រែន។ លោកស្រីនឹងចូលរួមសន្និសីទនេះ ខណៈដែលប្រធានាធិបតីលោក Joe Biden និងមេដឹកនាំប្រទេសលោកខាងលិចផ្សេងទៀតបានព្រមានថា ការគំរាមកំហែងនៃការលុកលុយនៅតែមានកម្រិតខ្ពស់ ទោះបីជាប្រធានាធិបតីរុស្ស៊ីលោក Vladimir Putin និយាយថា លោកបានប្តេជ្ញាចិត្តក្នុងការចរចាបន្ថែមទៀតក៏ដោយ៕អត្ថបទ៖ ប៊ុនថន

WHO អំពាវនាវឲ្យពង្រឹងតួនាទី ខណៈអាមេរិកស្នើឲ្យមានមូលនិធិថ្មីទប់ស្កាត់វីរុសរាតត្បាតសកល

WHO៖ ប្រមុខទីភ្នាក់ងារអង្គការសុខភាពពិភពលោកបាននិយាយថា កិច្ចខិតខំប្រឹងប្រែងទាំងឡាយដើម្បីពង្រឹងសន្តិសុខសុខភាពសកល ក្នុងវិបត្តិសុខភាពនាពេលអនាគតនឹងទទួលបានជោគជ័យ ប្រសិនបើតួនាទីរបស់អង្គការសុខភាពពិភពលោកត្រូវបានលើកស្ទួយផងដែរនោះ ខណៈដែលម្ចាស់ជំនួយដ៏ធំបំផុតរបស់ខ្លួនគឺក្រុងវ៉ាស៊ីនតោន បានស្នើឲ្យមានមូលនិធិថ្មីទប់ស្កាត់វីរុសរាតត្បាតសកល។ថ្លែងតាមវីដេអូដែលបានចែករំលែកជាមួយសារព័ត៌មាន Reuters នៅឯជំនួប G-20 ថ្នាក់មេដឹកនាំហិរញ្ញវត្ថុនៅក្នុងរដ្ឋធានីចាកាតារបស់ប្រទេសឥណ្ឌូនេស៊ី លោកវេជ្ជបណ្ឌិត Tedros កំពុងឆ្លើយតបទៅនឹងសំណើផ្ដួចផ្ដើមឡើង ឲ្យមានមូលនិធិសុខភាពសកលដោយឡែកមួយទៀត ដែលទទួលខុសត្រូវលើការផ្ដល់មូលនិធិវ៉ាក់សាំង និងតម្រូវការវេជ្ជសាស្ត្រដទៃទៀតបន្ទាន់។ ច្បាស់ណាស់ថា ស្ថិតនៅចំចំណុចកណ្ដាលនៃការរៀបចំនេះ ពិភពលោកត្រូវការការផ្ដល់ហិរញ្ញប្បទានរឹងមាំ និងយូរអង្វែងដល់អង្គការសុខភាពពិភពលោកតាមរយៈការផ្ដល់អាណត្តិពិសេស ជំនាញបច្ចេកទេសពិសេស និងភាពស្របច្បាប់សកលពិសេស។ លោកថា កិច្ចខិតខំប្រឹងប្រែងទាំងឡាយ ដើម្បីធ្វើឲ្យប្រសើរឡើងនូវអភិបាលកិច្ចល្អ ប្រព័ន្ធ និងផ្នែកហិរញ្ញវត្ថុនៃសន្តិសុខសុខភាពសកលអាចទទួលបានជោគជ័យ ប្រសិនបើមាការជួយជ្រោមជ្រែងពេញលេញដល់អង្គការសុខភាពពិភពលោក៕ អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

លោក Trump និយាយថា អាមេរិកនិងអ៊ីរ៉ង់ចុះសម្រុងគ្នាខ្លាំងណាស់

ភ្លៀងធ្លាក់ខ្លាំងបង្កការជន់លិចនៅទីក្រុងមជ្ឈមណ្ឌលហិរញ្ញវត្ថុម៉ុមបៃប្រទេសឥណ្ឌា

អាហ្វ្រិកខាងត្បូងអះអាងថា មនុស្សជាង ៩០០នាក់ ត្រូវបានចាប់ខ្លួន អំឡុងបាតុកម្មប្រឆាំងអន្តោប្រវេសន៍

UN ៖ ការរីករាលដាលឆ្លងជំងឺអេបូឡា អាចនឹងធ្វើឲ្យអាហ្វ្រិកខាតបង់ប្រាក់ ៣,៦ ពាន់លានដុល្លារ

ក្រុមជួយសង្រ្គោះស្វែងរកអ្នកជាប់ខ្លួនក្រោយប្លុកអគារផ្ទះល្វែងបាក់នៅទីក្រុងអាតែន ប្រទេសក្រិក

ទិន្នន័យអង្គការណាសាបង្ហាញថា អគារប្រហែល ៥៨.៨៧០ខ្នង រងការខូចខាតក្នុងការរញ្ជួយដីនៅវេណេស៊ុយអេឡា

មនុស្ស ១២នាក់ស្លាប់ ក្រោយទឹកជំនន់វាយប្រហារតំបន់ជាច្រើនរបស់ហ្គាណា

ក្មេងៗ ១៤នាក់ស្លាប់ ក្នុងហេតុកាណ៍បាក់ដំបូលមជ្ឈមណ្ឌលសិក្សានៅប៉ាគីស្ថាន

លោក Trumpរាយការណ៍ប្រាក់ចំណូលជាង១,៤ពាន់លានដុល្លារពីការបណ្តាក់ទុនគ្រីបតូ

មេដឹកនាំបេឡារុសបំពេញទស្សនកិច្ចទៅកាន់ឥណ្ឌូនេស៊ី ជាផ្នែកមួយនៃដំណើរទស្សនកិច្ចនៅអាស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្តេចតេជោ ហ៊ុន សែន អញ្ជើញទៅគោរពវិញ្ញាណក្ខន្ធសពនាយឧត្តមសេនីយ៍ សុខ សារឿន

បាតុកម្មនៅទីក្រុងប៉ារីស ប៊ែរឡាំង និងគៀវជុំវិញសកម្មភាពរុស្ស៊ីលើអ៊ុយក្រែន

មនុស្ស ៦៣នាក់ស្លាប់ក្នុងការផ្ទុះសារធាតុគីមីនៅប្រទេសបួគីណាហ្វាសូ

ជំនួបរវាងលោក Biden និងលោក Putin ត្រូវបានផ្អាក ខណៈជំនួបរវាងប្រមុខការទូតត្រូវលុបចោលដែរ

តុលាការអង្គការសហប្រជាជាតិបើកសវនាការក្នុងករណីប្រល័យពូជសាសន៍លើជនជាតិភាគតិចរ៉ូហ៊ីងយ៉ា

ប្រធានអង្គការសហប្រជាជាតិព្រមាននៅសន្និសីទសន្តិសុខលើបញ្ហារុស្សី-អ៊ុយក្រែន

WHO អំពាវនាវឲ្យពង្រឹងតួនាទី ខណៈអាមេរិកស្នើឲ្យមានមូលនិធិថ្មីទប់ស្កាត់វីរុសរាតត្បាតសកល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្តេចតេជោ ហ៊ុន សែន អញ្ជើញ​ទៅ​គោរព​វិញ្ញាណក្ខន្ធ​សពនាយឧត្តមសេនីយ៍ សុខ​ សារឿន

បាតុកម្ម​នៅ​ទីក្រុង​ប៉ារីស ប៊ែ​រ​ឡាំង និង​គៀវ​ជុំវិញ​សកម្មភាព​រុស្ស៊ី​លើ​អ៊ុយ​ក្រែ​ន

មនុស្ស ៦៣​នាក់​ស្លាប់​ក្នុង​ការ​ផ្ទុះ​សារធាតុ​គីមី​នៅ​ប្រទេស​បួ​គី​ណា​ហ្វា​សូ

ជំនួប​រវាង​លោក Biden និង​លោក Putin ត្រូវ​បាន​ផ្អាក ខណៈ​ជំនួប​រវាង​ប្រមុខ​ការទូត​ត្រូវ​លុប​ចោល​ដែរ

តុលាការ​អង្គការ​សហប្រជាជាតិ​បើក​សវនាការ​ក្នុង​ករណី​ប្រល័យ​ពូជសាសន៍​លើ​ជន​ជាតិ​ភាគ​តិច​រ៉ូហ៊ីងយ៉ា

ប្រធាន​អង្គការសហប្រជាជាតិ​ព្រមាន​នៅ​សន្និសីទ​សន្តិសុខ​លើ​បញ្ហា​រុស្សី​-​អ៊ុយ​ក្រែ​ន​

WHO អំពាវនាវ​ឲ្យ​ពង្រឹង​តួនាទី ខណៈ​អាមេរិក​ស្នើ​ឲ្យ​មាន​មូលនិធិ​ថ្មី​ទប់ស្កាត់​វីរុស​រាតត្បាត​សកល​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សម្តេចតេជោ ហ៊ុន សែន អញ្ជើញទៅគោរពវិញ្ញាណក្ខន្ធសពនាយឧត្តមសេនីយ៍ សុខ សារឿន

បាតុកម្មនៅទីក្រុងប៉ារីស ប៊ែរឡាំង និងគៀវជុំវិញសកម្មភាពរុស្ស៊ីលើអ៊ុយក្រែន

មនុស្ស ៦៣នាក់ស្លាប់ក្នុងការផ្ទុះសារធាតុគីមីនៅប្រទេសបួគីណាហ្វាសូ

ជំនួបរវាងលោក Biden និងលោក Putin ត្រូវបានផ្អាក ខណៈជំនួបរវាងប្រមុខការទូតត្រូវលុបចោលដែរ

តុលាការអង្គការសហប្រជាជាតិបើកសវនាការក្នុងករណីប្រល័យពូជសាសន៍លើជនជាតិភាគតិចរ៉ូហ៊ីងយ៉ា

ប្រធានអង្គការសហប្រជាជាតិព្រមាននៅសន្និសីទសន្តិសុខលើបញ្ហារុស្សី-អ៊ុយក្រែន

WHO អំពាវនាវឲ្យពង្រឹងតួនាទី ខណៈអាមេរិកស្នើឲ្យមានមូលនិធិថ្មីទប់ស្កាត់វីរុសរាតត្បាតសកល