BTV NEWS

ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត

សម្ដេចធិបតី៖ ភាពជោគជ័យរបស់អ្នកដឹកនាំអង្គភាពមួយ គឺការធានាឱ្យអង្គភាពនោះមានសមត្ថភាពបន្តដំណើរការ និងការរីកចម្រើន ទោះបីជាក្នុងពេលអវត្តមានរបស់ខ្លួនក៏ដោយ

សម្តេចធិបតី ហ៊ុន ម៉ាណែត ថ្លែងអបអរសាទរចំពោះកម្ពុជា ទទួលបានចំណាត់ថ្នាក់លេខ១ ជាប្រទេសដែលមាន និរន្តរភាពដី និងធនធាន ល្អបំផុតនៅលើពិភពលោកប្រចាំឆ្នាំ ២០២៦

សម្ដេចតេជោ ហ៊ុន សែន៖ «យោងតាមការប្រែប្រួលនៃភូមិសាស្ត្របាល់ទាត់ ពេលណាមួយប្រទេសក្រីក្រ ប្រជាជនតិចនឹងលើកពានបាល់ទាត់ពិភពលោកជាក់ជាមិនខាន»

ព័ត៌មានសំខាន់ៗ

WHO៖ ការផលិតវ៉ាក់សាំងនៅអាហ្វ្រិកខាងត្បូងគឺជាគន្លឹះក្នុងការប្រយុទ្ធប្រឆាំងវីរុស

អាហ្វ្រិកខាងត្បូង៖ ប្រធានអង្គការសុខភាពពិភពលោក ដែលបានមកធ្វើទស្សនកិច្ចកាលពីថ្ងៃសុក្រនិយាយថា កិច្ចខិតខំប្រឹងប្រែងរបស់ប្រទេសអាហ្វ្រិកខាងត្បូងក្នុងការផលិតវ៉ាក់សាំង គឺជាគន្លឹះក្នុងការជួយទ្វីបអាហ្វ្រិកឱ្យកាន់តែមានការគ្រប់គ្រាន់ដោយខ្លួនឯង ក្នុងការផ្តល់វ៉ាក់សាំងដើម្បីប្រយុទ្ធប្រឆាំងវីរុស COVID-19 និងជំងឺជាច្រើនទៀត។លោកវេជ្ជបណ្ឌិត Tedros Ghebreyesus អគ្គនាយកអង្គការសុខភាពពិភពលោកបានធ្វើទស្សនកិច្ចនៅទីក្រុង Cape Town ដើម្បីពិនិត្យមើលទីតាំងចំនួនបីដែលនឹងចាប់ផ្តើមការងារដើម្បីផលិតវ៉ាក់សាំង។ លោក Tedros បាននិយាយក្នុងអំឡុងសន្និសីទសារព័ត៌មានថា ជាងពាក់កណ្តាលនៃចំនួនប្រជាជនពិភពលោកបច្ចុប្បន្ននេះបានចាក់វ៉ាក់សាំងពេញលេញ ខណៈ ៨៤% នៃចំនួនប្រជាជននៅទ្វីបអាហ្វ្រិកនៅមិនទាន់ទទួលបានការចាក់វ៉ាក់សាំងសូម្បីតែដូសទី១។ លោក Tedros និយាយថា មានតម្រូវការបន្ទាន់ដើម្បីបង្កើនការផលិតវ៉ាក់សាំងក្នុងស្រុក នៅក្នុងប្រទេសដែលមានប្រាក់ចំណូលទាប និងមធ្យម។ លោកមានផែនការពិនិត្យមើលមន្ទីរពិសោធន៍ Afrigen ឧបត្ថមគាំទ្រពី អង្គការសុខភាពពិភពលោកសម្រាប់ការផលិតវ៉ាក់សាំង COVID-19 ដំបូង។មន្ទីរពិសោធន៍កំពុងចម្លងវ៉ាក់សាំង Moderna ដោយប្រើប្រាស់បច្ចេកវិទ្យាវ៉ាក់សាំង mRNA។ មន្ទីរពិសោធន៍ Afrigen មានការគាំទ្រពីអង្គការសុខភាពពិភពលោក និងដៃគូមួយចំនួនទៀត រួមទាំងរដ្ឋាភិបាលប្រទេសអាហ្វ្រិកខាងត្បូង បារាំង និងបែលហ្ស៊ិក។ លោក Tedros និយាយថា វាត្រូវបានគេរំពឹងថា ការសាកល្បងព្យាបាលសម្រាប់ជម្រើសវ៉ាក់សាំង ដែលត្រូវបានបង្កើតឡើងដោយមន្ទីរពិសោធន៍ Afrigen នឹងចាប់ផ្តើមនៅឆ្នាំ២០២២ នេះ ហើយសង្ឃឹមថា ការអនុម័តសម្រាប់ការប្រើប្រាស់របស់វានឹងត្រូវបានផ្តល់ឱ្យនៅឆ្នាំ២០២៤៕អត្ថបទ៖ ប៊ុនថន

សម្ដេចតេជោ ជាមហាកិត្តិយសរបស់កម្ពុជាដែលបានទទួលពានរង្វាន់សន្តិភាពពិភពលោកនៅថ្ងៃនេះ

សេអ៊ូល៖ ខណៈពេលបាន និងកំពុងមានវត្តមាននៅទីក្រុងសេអ៊ូលប្រទេសកូរ៉េខាងត្បូង នៅព្រឹកថ្ងៃទី១២កុម្ភៈនេះ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាមានមហាកិត្តិយសដ៏ក្រៃលែង បានអញ្ជើញឡើងទទួលនូវជ័យលាភីពានរង្វាន់កិត្តិយសពិសេសរបស់ស្ថាបនិកឆ្នាំ២០២២ នៃពានរង្វាន់សន្តិភាពស៊ុនហាក់ដែលជាមហាកិត្តិយសទាំងសម្រាប់រូបសម្ដេច ក្រុមគ្រួសារ និងប្រជាជាតិកម្ពុជាទាំងមូល។ ដើម្បីទទួលបានព័ត៌មានថ្មី រហ័ស សូមចុច Join Channel Telegram BTV Newsក្នុងពិធីដ៏មហោឡារិកបន្ទាប់ពីបានអញ្ជើញឡើងទទួលដោយផ្ទាល់នូវជ័យលាភីពានរង្វាន់សន្តិភាពស៊ុនហាក់នេះ សម្ដេចតេជោប្រមុខនៃរាជរដ្ឋាភិបាលកម្ពុជា និងក្នុងឋានៈជាសហប្រធានកិច្ចប្រជុំកំពូលពិភពលោក ស្តីពីសន្តិភាពនៅឧបទ្វីបកូរ៉េ សម្ដេចបានមានប្រសាសន៍បង្ហាញអំពីប្រវត្តិដ៏ជូរចត់ដោយយកជីវិតធ្វើដើមទុនក្នុងការតស៊ូរំដោះប្រទេសជាតិ នៅគ្រប់ដំណាក់កាល និងការតស៊ូស្វែងរកសន្តិភាព ជាពិសេសតាមរយៈគោលនយោបាយ ឈ្នះ ឈ្នះ របស់សម្ដេចដែលនាំឲ្យកម្ពុជាទទួលបាននូវផលប្រយោជន៍ជាកាលានុវត្តភាព សម្រាប់ការអភិវឌ្ឍប្រទេសជាតិក្រោមដំបូល នៃសន្តិភាពដោយសម្ដេចបានមានប្រសាសន៍ថា គ្មានសន្តិភាព គ្មានការអភិវឌ្ឍ គ្មានសន្តិភាព គ្មានការគោរពសិទ្ធិមនុស្ស និងលទ្ធិប្រជាធិបតេយ្យ។សម្ដេចបន្តថា រាជរដ្ឋាភិបាលរបស់កម្ពុជាបានយកសន្តិភាពជាអតិភាព ដោយបានបញ្ជូនកងទ័ពជាងរាប់ពាន់នាក់ទៅចូលរួមប្រតិបត្តិការរក្សាសន្តិភាព និងបោសសំអាតមីនរបស់អង្គការសហប្រជាជាតិ នៅអាហ្វ្រិក និងមជ្ឈិមបូព៌ាដែលពេលនេះកំពុងមានវត្តមាននៅម៉ាលី អាហ្វ្រិកកណ្ដាល ស៊ូដង់និងលីបង់ ដើម្បីរួមចំណែកក្នុងការចូលរួមរក្សាសន្តិភាពនៅបណ្ដាប្រទេសទាំងនោះ។ សម្ដេចបន្តថាទោះបីប្រទេសកម្ពុជាតូចក៏ដោយ កម្ពុជាក៏បានចូលរួមចំណែកក្នុងដំណើរការស្វែងរកសន្តិភាព សម្រាប់តំបន់ និងពិភពលោក ដោយសុឆន្ទៈ និងការទទួលខុសត្រូវនិងភាពស្មោះត្រង់។សូមបញ្ជាក់ថា ពានរង្វាន់សន្តិភាពនេះគឺជាការទទួលស្គាល់ភាពជាអ្នកដឹកនាំដ៏អស្ចារ្យរបស់សម្ដេចតេជោអស់រយៈពេលជាច្រើនឆ្នាំ ក្នុងនាមជានាយករដ្ឋមន្ត្រី នៃព្រះរាជាណាចក្រកម្ពុជា និងការចូលរួមចំណែករបស់សម្ដេចចំពោះសន្តិភាពស្ថិរភាព និងការអភិវឌ្ឍសេដ្ឋកិច្ច នៅកម្ពុជា និងតំបន់ទាំងមូល។ ពានរង្វាន់សន្តិភាពស៊ុនហាក់ គឺជាពានរង្វាន់សន្តិភាពដ៏មានកិត្យានុភាពបំផុតមួយរបស់ពិភពលោក បង្កើតឡើងដើម្បីទទួលស្គាល់ “ បុគ្គល និងស្ថាប័នដែលបានបម្រើដល់មនុស្សជាតិដែលជាគំរូមួយ ក្នុងការ ធ្វើឱ្យពិភពលោកកាន់តែប្រសើរឡើង សម្រាប់មនុស្សជំនាន់ក្រោយ”។ ក្រៅពីសម្ដេចតេជោ ហ៊ុន សែន គណៈកម្មាធិការក៏បានផ្ដល់ជ័យលាភីពានរង្វាន់សន្តិភាពស៊ុនហាក់ឆ្នាំ២០២២ ដល់ជ័យលាភី ២រូបទៀត រួមមាន (១) លោកស្រី Dame Sarah Catherine Gilbert សាស្ត្រាចារ្យផ្នែក វ៉ាក់សាំងនៃវិទ្យាស្ថាន Jenner នៃសាកលវិទ្យាល័យ Oxford ដែលជាអ្នកវិទ្យាសាស្ត្រសហការបង្កើត វ៉ាក់សាំង AstraZeneca និង (2) សម្ព័ន្ធភាពវ៉ាក់សាំងកូវីដ (Gavi, Vaccine Alliance) ដែលជាយន្តការសហប្រតិបត្តិការអន្តរជាតិដ៏ធំបំផុត ដែលបានរួមចំណែកដល់ការកែលម្អសុខភាពទូទៅរបស់មនុស្សជាតិ តាមរយៈការផ្តល់វ៉ាក់សាំងដល់កុមារ នៅក្នុងប្រទេសដែលមានចំណូលទាប៕ អត្ថបទ៖ មុត សុទ្ធ

ទាំងរុស្ស៊ី ទាំងអ៊ុយក្រែន និងសម្ព័ន្ធណាតូបង្កើនសកម្មភាពសមយុទ្ធយោធា ខណៈមានភាពតានតឹងខ្លាំង

អ៊ុយក្រែន៖ ស្របពេលមានភាពតានតឹងខ្លាំងជុំវិញសកម្មភាពយោធា ក៏ដូចជាការដាក់ពង្រាយកងកម្លាំងរាប់ម៉ឺននាក់របស់រុស្ស៊ីនៅជិតព្រំដែនប្រទេសអ៊ុយក្រែន ក្ដីបារម្ភចេះតែកើនឡើងជារៀងរាល់ថ្ងៃ ទាំងនៅក្នុងប្រទេសអ៊ុយក្រែនខ្លួនឯង ទាំងប្រទេសលោកខាងលិចពិសេសសហរដ្ឋអាមេរិក។រយៈពេលប៉ុន្មានសប្ដាហ៍ថ្មីនេះគេមើលឃើញថា ទាំងរុស្ស៊ី ទាំងអ៊ុយក្រែន និងសម្ព័ន្ធមិត្តណាតូបានបង្កើនសកម្មភាពយោធារៀងៗខ្លួនតាមរយៈសមយុទ្ធ។ កាលពីថ្ងៃព្រហស្បតិ៍ ប្រទេសរុស្ស៊ី និងបេឡារុស្សបានចាប់ផ្ដើមល្បែងសង្គ្រាមទ្រង់ទ្រាយធំ នៅទឹកដីបេឡារុស្សរយៈពេល ១០ថ្ងៃ ខណៈដែលលោកខាងលិចព្រួយបារម្ភកាន់តែខ្លាំង និងនៅតែបន្តព្រមានរុស្ស៊ី ចំពោះសកម្មភាពយោធារបស់ខ្លួននៅជិតព្រំដែនអ៊ុយក្រែន ដែលអាចឈានដល់ការវាយប្រហារណាមួយនៅពេលណាមួយ។ រុស្ស៊ីបានបន្តបញ្ជូនកងទ័ពរបស់ខ្លួនយ៉ាងច្រើន រួមទាំងយុទ្ធោបករណ៍ផងដែរទៅកាន់ប្រទេសបេឡារុស្ស ដែលរួមមានទាំងការពង្រាយរថក្រោះ កាំភ្លើងធំដែលអាចបាញ់បានឆ្ងាយ និងយន្តហោះចម្បាំងទំនើបៗ។ ចំណែកកងកម្លាំងអ៊ុយក្រែនវិញក៏បានធ្វើសមយុទ្ធផងដែរនៅតំបន់ Donbas ភាគខាងកើតកាលពីថ្ងៃព្រហស្បតិ៍។កាលពីសប្ដាហ៍មុន កងកម្លាំងអ៊ុយក្រែនបានបង្កើនសកម្មភាពហ្វឹកហាត់ជាច្រើន ជាការត្រៀមសម្រាប់ការទប់ទល់ការវាយប្រហារណាមួយនៅជិតខ្សែត្រៀម ជាប់ជាមួយប្រទេសបេឡារុស្ស។ ក្រៅតែពីការធ្វើសមយុទ្ធនៅលើដីគោក អ៊ុយក្រែនក៏បាធ្វើសមយុទ្ធតាមអាកាសផងដែរដោយប្រើឧទ្ធម្ភាគចក្រ ដើម្បីវាយប្រហារគោលដៅ។ ប្រទេសរុស្ស៊ីបានបន្តធ្វើសមយុទ្ធទ្រង់ទ្រាយធំតាំងពីសប្ដាហ៍មុនមកម្ល៉េះ ដោយមានទាំងការធ្វើសមយុទ្ធដែនទឹកនៅក្នុងសមុទ្រអាត្លង់ទិក និងសមុទ្រខ្មៅជាដើម។ រីឯអង្គការណាតូវិញក៏នៅតែបន្តធ្វើសមយុទ្ធយោធាជាមួយសម្ព័ន្ធមិត្តរបស់ខ្លួនដែរ ទាំងនៅក្នុងសមុទ្រមេឌីទែរ៉ាណេ និងសមុទ្រអាឌ្រៀទិក ស្របពេលភាពតានតឹងនៅក្នុងអឺរ៉ុបខាងកើតកញ្ជ្រោលឡើងខ្លាំង ដោយសារការដាក់ពង្រាយកងទ័ពរបស់រុស្ស៊ីនៅជិតព្រំដែនអ៊ុយក្រែន៕អត្ថបទ៖ សុខមាន

លោកខាងលិចព្រមានពីពេលវេលាគ្រោះថ្នាក់បំផុត ខណៈរុស្ស៊ីធ្វើសមយុទ្ធទ្រង់ទ្រាយធំនៅបេឡារុស្ស

អង់គ្លេស៖ ចក្រភពអង់គ្លេសបាននិយាយកាលពីថ្ងៃព្រហស្បតិ៍ថា លោកខាងលិចអាចនឹងប្រឈមពេលវេលាគ្រោះថ្នាក់បំផុតក្នុងការជាប់គាំងរបស់ខ្លួន ជាមួយក្រុងមូស្គូក្នុងពេលប៉ុន្មានថ្ងៃខាងមុខ ខណៈដែលរុស្ស៊ីបានធ្វើសមយុទ្ធយោធាទ្រង់ទ្រាយធំនៅក្នុងប្រទេសបេឡារុស្ស និងសមុទ្រខ្មៅ ក្រោយកងទ័ពរបស់ខ្លួនបានបង្កើនការដាក់ពង្រាយនៅជិតប្រទេសអ៊ុយក្រែន។ភាពតានតឹងនៅតែឡើងកម្ដៅខ្លាំង ខណៈដែលអ៊ុយក្រែនក៏កំពុងបង្កើតល្បែងសង្គ្រាមផងដែរ ប៉ុន្តែក្រុមមេដឹកនាំគ្រប់ភាគីទាំងអស់បានផ្ដល់សញ្ញាថា ពួកគេរំពឹងថាផ្លូវខាងការទូតនៅតែអាចទម្លាយ នូវអ្វីដែលលោកនាយករដ្ឋមន្ត្រីអង់គ្លេស Boris Johnson ហៅថា ជាវិបត្តិសន្តិសុខដ៏ធំបំផុតរយៈពេលជាច្រើនទសវត្សរ៍មកនេះរបស់តំបន់អឺរ៉ុប។ ប្រទេសរុស្ស៊ី និងបេឡារុស្សបានចាប់ផ្ដើមសមយុទ្ធយោធារួមគ្នារយៈពេល ១០ថ្ងៃ ស្របពេលមានក្ដីបារម្ភថា រុស្ស៊ីនឹងឈ្លានពានអ៊ុយក្រែននៅថ្ងៃណាមួយ រហូតមានការព្រមានពីសហរដ្ឋអាមេរិកនៅសប្ដាហ៍នេះថា រុស្ស៊ីអាចចូលលុកលុយអ៊ុយក្រែនក្នុងពេល ៧២ម៉ោង។ បេឡារុស្សគឺជាសម្ព័ន្ធមិត្តជិតស្និទ្ធរបស់រុស្ស៊ី និងមានព្រំដែនជាប់ជាមួយអ៊ុយក្រែនដែរ។ចំណែកប្រទេសបារាំងវិញបានហៅសមយុទ្ធដែលគេជឿថា ជាការបញ្ជូនកងទ័ពដ៏ច្រើនបំផុតរបស់រុស្ស៊ីទៅកាន់បេឡារុស្ស ចាប់តាំងពីសង្គ្រាមត្រជាក់មកគឺជាកាយវិការហិង្សា។ រីឯអ៊ុយក្រែនវិញនិយាយថា រុស្ស៊ី និងបេឡារុស្សកំពុងបង្កើនសម្ពាធចិត្តវិទ្យា។ ខណៈដែលកំពុងជួបពិភាក្សាជាមួយបណ្ដាមេដឹកនាំតំបន់បាល់ទិក អធិការបតីអាល្លឺម៉ង់ថ្មីគឺលោក Olaf Scholz បានបញ្ជូនការព្រមានដ៏ខ្លាំងក្លាទៅកាន់រុស្ស៊ី ជុំវិញភាពតានតឹងដែលចេះតែរីកធំអំពីវិបត្តិអ៊ុយក្រែន។ លោកថា រុស្ស៊ីមិនគួរមើលស្រាលការរួបរួមគ្នា និងការប្ដេជ្ញាចិត្តរបស់យើងឡើយ។ យើងបារម្ភពីសម្ព័ន្ធមិត្តរបស់យើងខ្លាំងណាស់។ យើងចង់បានសន្តិភាព៕អត្ថបទ៖ សុខមាន

ក្រសួងការពារជាតិរុស្ស៊ីនិយាយថា ប្រព័ន្ធមីស៊ីលបានមកដល់ប្រទេសបេឡារុស្ស

រុស្ស៊ី៖ ក្រសួងការពារជាតិរុស្ស៊ីបានបញ្ចេញវីដេអូ ដែលបង្ហាញពីអ្វីដែលក្រសួងបាននិយាយថា ប្រព័ន្ធមីស៊ីល S-400 បានមកដល់ប្រទេសបេឡារុស្សក្នុងពេលមានសមយុទ្ធយោធារុស្ស៊ី-បេឡារុស្សនាពេលខាងមុខ។ វិមានក្រឹមឡាំងបានផ្លាស់ប្តូរកងទ័ពពីតំបន់ស៊ីបេរី និងចុងបូព៌ាទៅកាន់ប្រទេសបេឡារុស្សសម្រាប់ការធ្វើសមយុទ្ធរួមគ្នា។ ការដាក់ពង្រាយនេះបានបន្ថែមទៅលើការបង្កើនកងទ័ពរបស់រុស្ស៊ីនៅជិតប្រទេសអ៊ុយក្រែន ដោយជំរុញឱ្យមានការព្រួយបារម្ភពីប្រទេសលោកខាងលិច ចំពោះការឈ្លានពានដែលអាចកើតមាន។ ប្រទេសលោកខាងលិចបានអំពាវនាវឱ្យរុស្ស៊ីដកទ័ពប្រមាណ ១០ម៉ឺននាក់មកវិញពីតំបន់ជិតប្រទេសអ៊ុយក្រែន ប៉ុន្តែវិមានក្រឹមឡាំងបានឆ្លើយតបថា រុស្សីនឹងដាក់ពង្រាយកងទ័ពនៅគ្រប់ទីកន្លែងដែលខ្លួនត្រូវការនៅក្នុងទឹកដីរបស់រុស្ស៊ី។ ជាមួយគ្នានេះ នាវាកងទ័ពជើងទឹករុស្ស៊ី ៣គ្រឿងបន្ថែមទៀតបានធ្វើដំណើរឆ្លងកាត់ប្រទេសទួរគីកាលពីថ្ងៃពុធ ដើម្បីមកចូលរួមក្នុងសមយុទ្ធយោធានៅសមុទ្រខ្មៅ។ ក្រសួងការពារជាតិរុស្ស៊ីបាននិយាយថា នាវាធំៗចំនួន ៦គ្រឿងកំពុងធ្វើដំណើរពីសមុទ្រមេឌីទែរ៉ាណេទៅកាន់សមុទ្រខ្មៅ ជាកន្លែងដែលពួកគេនឹងចូលរួមក្នុងសមយុទ្ធដែលកំពុងដំណើរការ។នាវារុស្ស៊ី ៣គ្រឿងដំបូងបានឆ្លងកាត់ច្រកសមុទ្រ Dardanelles និង Bosporus របស់ប្រទេសទួរគីកាលពីថ្ងៃអង្គារ។ មន្ត្រីសហរដ្ឋអាមេរិកនិយាយថា ការគំរាមលុកលុយរបស់រុស្ស៊ីនៅប្រទេសអ៊ុយក្រែន គឺធ្ងន់ធ្ងរជាងពេលណាណាទាំងអស់ដែលបានកើតមានឡើង ក្នុងអំឡុងពេលជិតមួយទសវត្សរ៍មកនេះ។ ទីប្រឹក្សាសន្តិសុខជាតិរបស់សេតវិមានបានព្រមានថា ការឈ្លានពានអាចកើតឡើងនៅថ្ងៃណាមួយ ហើយប្រធានាធិបតីលោកJoe Biden បាននិយាយថា វាជាភាពវៃឆ្លាតសម្រាប់ប្រជាជនអាមេរិក ក្រៅពីអ្នកការទូតសំខាន់ៗក្នុងការចាកចេញពីប្រទេសអ៊ុយក្រែន និងបានបញ្ជាឱ្យដាក់ពង្រាយកងទ័ព ១,៧០០នាក់ទៅកាន់ប្រទេសប៉ូឡូញដែលនៅជិតខាង៕អត្ថបទ៖ ប៊ុនថន

WHO៖ ឧបសគ្គធំក្នុងការបញ្ចប់ជំងឺរាតត្បាតគឺការធានាបានការធ្វើតេស្ត ចាក់វ៉ាក់សាំង និងព្យាបាល

WHO៖ អគ្គនាយកអង្គការសុខភាពពិភពលោក (WHO) លោក Tedros Adhanom Ghebreyesus និយាយថា ឧបសគ្គធំបំផុតដែលយើងប្រឈមមុខទៅនឹងការបញ្ចប់ជំងឺរាតត្បាត ជាភាពអាសន្នសុខភាពសកលគឺការធានាឱ្យប្រជាជនទាំងអស់ នៅគ្រប់ប្រទេសមានលទ្ធភាពទទួលបានការធ្វើតេស្ត ចាក់វ៉ាក់សាំង និងការព្យាបាល។លោក Tedros និយាយថា អាស្រ័យលើកន្លែងដែលអ្នករស់នៅ អ្នកអាចគិតថាជំងឺរាតត្បាត COVID-19 ជិតចប់ហើយ ឬវាអាចមានអារម្មណ៍ថា វីរុសឆ្លងកាន់តែអាក្រក់បំផុត។ ប៉ុន្តែទោះជាអ្នករស់នៅទីណាក៏ដោយវីរុស COVID-19 មិនបានបញ្ចប់ជាមួយយើងនោះទេ។ ជំងឺគ្មានព្រំដែន ហើយដូចដែលយើងទាំងអស់គ្នាដឹងអំពីវីរុសបម្លែងខ្លួនថ្មី Omicron អារម្មណ៍សុវត្ថិភាពណាមួយអាចផ្លាស់ប្តូរភ្លាមៗ។ យើងដឹងថា វីរុសនេះនឹងនៅតែបន្តវិវត្ត ប៉ុន្តែយើងនៅតែបន្តការពារ។ កន្លែងដែលប្រជាជនមានសិទ្ធិទទួលបានការធ្វើតេស្ត ចាក់វ៉ាក់សាំង និងការព្យាបាល វីរុសនេះនឹងអាចត្រូវបានគ្រប់គ្រង ហើយកន្លែងដែលពួកគេមិនទទួលបានវីរុសនៅតែបន្តរីករាលដាល វិវត្ត និងសម្លាប់មនុស្ស។ដោយចូលរួមក្នុងសន្និសីទតាមរយៈ Video conference ប្រធានាធិបតីអាហ្វ្រិកខាងត្បូងលោក Cyril Ramaphosa បាននិយាយថា គម្លាតមូលនិធិមានមិនគ្រប់គ្រាន់ បើប្រៀបធៀបទៅនឹងអ្វីដែលប្រទេសអភិវឌ្ឍន៍បានចំណាយ លើការឆ្លើយតបក្នុងស្រុករបស់ពួកគេ។ លោកនិយាយថា ការផ្តល់មូលនិធិនេះគឺមានសារៈសំខាន់ ប្រសិនបើយើងចង់សម្រេចបាននូវគោលដៅសកល សម្រាប់ការទទួលបានវ៉ាក់សាំង ការធ្វើតេស្ត ការព្យាបាល និងការបញ្ចប់ជំងឺរាតត្បាតនៅឆ្នាំ២០២២ នេះ៕អត្ថបទ៖ ប៊ុនថន

WHO៖ វីរុស COVID-19 បម្លែងថ្មី BA.2 សាខា Omircon នឹងកើនឡើងនៅទូទាំងពិភពលោក

WHO៖ អង្គការសុខភាពពិភពលោករំពឹងថា វីរុស COVID-19 បម្លែងខ្លួនថ្មី BA.2 សាខារបស់វីរុស Omircon នឹងកើនឡើងខ្ពស់នៅទូទាំងពិភពលោក ទោះបីជាមិនទាន់មានការបញ្ជាក់ឲ្យបានច្បាស់ថា សាខាវីរុសបម្លែងខ្លួនថ្មីនេះអាចចម្លងទៅមនុស្ស ដែលធ្លាប់បានឆ្លងវីរុសបម្លែងខ្លួនថ្មី Omicron។លោកស្រី Maria Van Kerkhove មន្ត្រីជាន់ខ្ពស់ខាងបច្ចេកទេសនៃជំងឺ Covid-19 របស់អង្គការសុខភាពពិភពលោកបាននិយាយកាលពីថ្ងៃអង្គារថា ទីភ្នាក់ងារសុខភាពសកលកំពុងតាមដានសាខាវីរុសបម្លែងខ្លួនថ្មី Omicron ចំនួន ៤ប្រភេទផ្សេងៗគ្នា។ លោកស្រីនិយាយថា សាខាវីរុស Omicron ប្រភេទ BA.2 ដែលមានសមត្ថភាពចម្លងខ្លាំងជាងសាខាវីរុស BA.1 ដែលកំពុងឆ្លងខ្លាំងនាពេលបច្ចុប្បន្នទំនងជានឹងឆ្លងខ្ពស់ជាងធម្មតា។ ថ្លែងក្នុងអំឡុងសួរ និងឆ្លើយសំណួរផ្សាយផ្ទាល់លើបណ្ដាញសង្គម របស់អង្គការសុខភាពពិភពលោកកាលពីថ្ងៃអង្គារថា វីរុសបម្លែងខ្លួនថ្មីប្រភេទ BA.2 ដែលជាសាខាថ្មីរបស់វីរុសបម្លែងខ្លួនថ្មី Omicron មានសមត្ថភាពចម្លងខ្លាំងជាងសាខាវីរុសបម្លែងខ្លួនថ្មីប្រភេទ BA.1។ដូចនេះយើងរំពឹងថា នឹងបានមើលឃើញសាខាវីរុសបម្លែងខ្លួនថ្មី BA.2 នឹងកើនឡើងនៅជុំវិញពិភពលោក។ លោកស្រី Van Kerkhove បាននិយាយថា បច្ចុប្បន្នអង្គការសុខភាពពិភពលោកកំពុងតាមដានវីរុស BA.2 ដើម្បីដឹងថា តើសាខាវីរុសបម្លែងខ្លួនថ្មីប្រភេទនេះ បណ្ដាលឲ្យមានករណីឆ្លងថ្មីកើនឡើងខ្ពស់កម្រិតណានៅក្នុងប្រទេសជាច្រើន ដែលបានមើលឃើញពីករណីឆ្លងហក់ឡើងខ្ពស់ និងការធ្លាក់ចុះខ្លាំងនៃករណីឆ្លងវីរុសបម្លែងខ្លួនថ្មី Omicron៕ អត្ថបទ៖ សុខមាន

យោធាមីយ៉ាន់ម៉ាអញ្ជើញក្រុមប្រដាប់អាវុធជនជាតិភាគតិចចូលតុចរចាស្វែងរកសន្តិភាព

មីយ៉ាន់ម៉ា៖ យោធាមីយ៉ាន់ម៉ាកាលពីពេលថ្មីៗនេះ បានអញ្ជើញក្រុមអង្គការប្រដាប់អាវុធជនជាតិភាគតិចមួយចំនួន លើកលែងតែក្រុមដែលខ្លួនធ្លាប់ប្រកាសជាក្រុមភេរវករ ឲ្យចូលតុចរចាស្វែងរកសន្តិភាពជុំដំបូងដែលគ្រោងនឹងធ្វើឡើងនៅថ្ងៃសៅរ៍សប្ដាហ៍នេះ។ នេះបើយោងតាមសេចក្ដីរាយការណ៍ព័ត៌មាន Irrawaddy របស់សហភាពមីយ៉ាន់ម៉ា។ការផ្ដល់នេះមានឡើង ខណៈខ្លួនព្យាយាមគ្រប់គ្រងប្រទេសរយៈពេល ១ឆ្នាំបន្ទាប់ពីរដ្ឋប្រហារកាលពីថ្ងៃទី២ ខែកុម្ភៈ ឆ្នាំ២០២១ និងប្រឈមទៅនឹងការប៉ះទង្គិចគ្នាកាន់តែខ្លាំងនៅទូទាំងប្រទេស ជាមួយកងកម្លាំងតស៊ូជនស៊ីវិល និងក្រុមប្រដាប់អាវុធជនជាតិភាគតិចជាច្រើន។ ការស្រាវជ្រាវចុងក្រោយបំផុតបានបង្ហាញថា ចាប់តាំងពីការដណ្ដើមអំណាចមក ប្រទេសនៅតំបន់អាស៊ីអាគ្នេយ៍មួយនេះបានមើលឃើញ ការវាយប្រយុទ្ធគ្នាដ៏ខ្លាំងក្លាកើនឡើងរវាងយោធារបស់ខ្លួន និងក្រុមប្រដាប់អាវុធជនស៊ីវិលនានា។ ក្រុមឃ្លាំមើលទីតាំងជម្លោះប្រដាប់អាវុធ និងគម្រោងទិន្នន័យព្រឹត្តិការណ៍បាននិយាយថា មនុស្សប្រមាណ ១២,០០០នាក់ត្រូវបានសម្លាប់ក្នុងអំពើហិង្សានយោបាយ ចាប់តាំងពីរដ្ឋប្រហារយោធាដោយមានការប៉ះទង្គិចគ្នាកំពុងកើនឡើងចាប់តាំងពីខែសីហាមក៕អត្ថបទ៖ សុខមាន

ពិធីសំណេះសំណាលជាមួយក្រុមការងារផលិតភាពយន្តភាគ និងតួសំដែងរឿង«កូនប្រុសក្រោមពន្លឺព្រះចន្ទពេញបូណ៌មី»

ភ្នំពេញ ៖ នៅថ្ងៃទី ៨ ខែកុម្ភៈ ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រ កម្ពុជា បានអញ្ចើញជួបសំណេះសំណាលជាមួយក្រុមការងារ និងតួសម្តែងខ្សែភាពយន្តរឿង«កូនប្រុសក្រោមពន្លឺព្រះចន្ទពេញបូរណ៌មី» ។ នេះជាការជួបសំណេះសំណាលលើទី២ បន្ទាប់ពីការ ប្រារព្ធពិធីក្រុងពាលី និងជួបសំណេះសំណាល កាលពីថ្ងៃទី១៣ធ្នូ ឆ្នាំ២០២១ កន្លងទៅ ដើម្បីធ្វើ ការបញ្ជាក់ដោយបំពេញបន្ថែមអំពីខ្លឹមសារ និងទិដ្ឋភាពទាំងឡាយនៃទំនាក់ទំនងក្នុងផ្ទៃរឿងនេះ ទាំងមូល។ខ្សែភាពយន្តភាគរឿង «កូនប្រុសក្រោមពន្លឺព្រះចន្ទពេញបូរណ៌មី» ដែលគ្រោងផលិតភាពជាយន្តភាគ ចំនួន៤៤ភាគ ត្រូវបានពង្រីកនូវសេណារីយូបន្ថែម ដោយកើនឡើងដល់ ៥២ភាគ ដោយសារ ត្រូវបញ្ជូលនូវតួអង្គប្រវត្តិសាស្រ្តមួយចំនួន និងឈុតឆាកថ្មីៗបន្ថែមខ្លះទៀត ក្រោយទទួលបានអនុសាសន៍ណែនាំដ៏ខ្ពង់ខ្ពស់ពីសម្តេចអគ្គមហាសេនាបតីតេជោ ហ៊ុន សែន ដែលធ្វើឲ្យអត្ថបទភាព យន្តនេះកាន់តែមានខ្លឹមសារជាងមុន។ នេះបើតាមការបញ្ជាក់ពីលោក ហ៊ុយ វាសនា អ្នកដឹកនាំ រឿង និងជាអនុប្រធានគណៈកម្មការផលិត។ ភាពយឺតយ៉ាវនៃការថត ដែលគ្រោងអនុវត្តក្នុងខែមករា ដោយសា ទី១ បណ្តាមកពីបញ្ហាជំងឺកូវីដ១៩ និងទី២ គឺពាក់ព័ន្ធទៅនិងតួអង្គប្រវត្តិសាស្រ្តខ្លះ ដែលត្រូវបំពេញបន្ថែម និងសម្ភារៈមួយចំនួនត្រូវស្វែងរក។លោក ហ៊ុយ វាសនា បានបញ្ជាក់ថា ការងារផលិតថតភាពយន្តភាគ នឹងចាប់ផ្តើមដំណើរការរបស់ខ្លួន នៅថ្ងៃទី១៥ ខែកុម្ភៈឆ្នាំ២០២២តទៅ ដោយក្រុមការងារ និងសិល្បៈករ សិល្បៈការិនីទាំងអស់ បានរួមគំនិតគ្នា ជាធ្លុងមួយ ដើម្បីផលិតខ្សែភាពយន្តភាគប្រវត្តិសាស្រ្តមួយនេះ គោរពជូនសម្តេចទាំងទ្វេឲ្យបានសម្រេចជោគជ័យ ១០០ភាគរយ។ថ្លែងទៅកាន់ក្រុមការងារ និងតួសំដែងទាំងអស់ សម្តេចតេជោ ហ៊ុន សែន បានណែនាំឲ្យខិតខំស្វែង យល់ សិក្សាស្រាវជ្រាវឲ្យកាន់តែស៊ីជំរៅ ទាក់ទិនទៅនឹងអ្វីដែលកើតមាននៅក្នុងដំណើររឿងដែលជា ប្រវត្តិសាស្រ្ត និងជីវិតពិតរបស់សម្តេច ដោយត្រូវច្បាស់លាស់ទាំងស្ថានភាពជាក់ស្តែង ក្នុងដំណាក់ កាលនីមូយៗ រួមទាំងពេលវេលា ទីកន្លែង និងពិសេសផ្អែកលើភស្តុតាងជាក់ស្តែងមួយចំនួន ។សម្តេចតេជោ ហ៊ុន សែន បានយកឪកាសនេះ រម្លឹកនូវប្រវត្តិពិត និងចំនុចសំខាន់ៗនៃដំណើរជីវិត ដែលសម្តេចបានឆ្លងកាត់ចាប់ពីក្មេងវ័យ រហូតដល់យុវវ័យ និងរៀបរាប់ពីអ្វីដែលសម្តេចទាំងទ្វេ បាន ហែលឆ្លងជាមួយនឹងដំណើរដ៏សែនកម្សត់វេទនា ខ្លោចផ្សារ ស្ទើរពិពណ៌នាពុំបាន ដើម្បីឲ្យអ្នកដឹកនាំ និងតួអង្គនីមួយៗបានយល់ដឹងបន្ថែម ហើយរៀបចំបានល្អត្រឹមត្រូវទៅតាមបច្ចេកទេសថត និង សម្តែង។នៅក្នុងពិធីសំណេះសំណាលនោះ សម្តេចតេជោនាយករដ្ឋមន្រ្តី បានជូនពរដល់ក្រុមការងារ ក៏ដូចជាតួសំដែងសិល្បៈករ សិល្បៈការនីទាំងអស់ ទទួលបានជោគជ័យក្នុងការថតខ្សែភាពយន្តភាគ រឿង កូនប្រុសក្រោមពន្លឺព្រះចន្ទពេញបូរណ៌មី បានចប់សព្វគ្រប់ទៅតាមពេលវេលាដែលបានគ្រោងទុក។សូមបញ្ជាក់ថា ៖ ចំពោះការចំណាយលើការផលិត ខ្សែភាពយន្តភាគរឿង កូនប្រុសក្រោមពន្លឺព្រះចន្ទពេញបូរណ៌មី នេះ គឺបានទទួលនូវការឧបត្ថម្ភថវិកាពីបណ្តាសប្បុរសជននានា ដែលបង្ហាញនូវ ការតបស្នងចំពោះគុណតម្លៃដ៏ធំធេងពុំអាចកាត់ថ្លៃបាន ក្នុងអតីតកាល នោះគឺការហ៊ានធ្វើពលិកម្ម ដើម្បីបុព្វហេតុជាតិមាតុភូមិ ព្រមទាំងស្នាដៃ និងការខិតខំប្រឹងប្រែងក្នុងការដឹកនាំប្រទេសឈានមក រកការរីកចំរើននាពេលបច្ចុប្បន្ន។ ចំណែកសម្ភារៈបច្ចេកទេសបម្រើដល់ការផលិតគឺ ឧបត្ថម្ភគាំទ្រ ដោយលោកជំទាវ ហ៊ុន ម៉ាណា អគ្គនាយិកានៃអគ្គនាយកដ្ឋានវិទ្យុ និងទូរទស្សន៍បាយ័ន ខណៈ ដែលភាពយន្តខ្នាតធំមួយនេះក៏នឹងត្រូវចាក់ ផ្សាយតាមរយៈកញ្ចក់ទូរទស្សន៍បាយ័ន បន្ទាប់ពីបញ្ចប់ ការផលិតរួចរាល់ជាស្ថាពរ៕អត្ថបទ ៖ រក្សា

WHO៖ បួនសប្ដាហ៍ចុងក្រោយនេះអ្នកស្លាប់កើនឡើងខ្លាំងនៅជុំវិញពិភពលោក

ពិភពលោក៖ យោងតាមអង្គការសុខភាពពិភពលោក (WHO) បាននិយាយថា ក្នុងរយៈពេល ៤សប្ដាហ៍ចុងក្រោយនេះ យើងបានឃើញអ្នកស្លាប់កើនឡើងខ្លាំងនៅជុំវិញពិភពលោក។ វាជារឿងសំខាន់ដែលយើងមិនត្រឹមតែត្រូវបង្កើនការផ្តោត លើការចាក់វ៉ាក់សាំងបង្ការដើម្បីការពារអាយុជីវិតប្រជាជនប៉ុណ្ណោះទេ ប៉ុន្តែវាថែមទាំងកាត់បន្ថយការរាលដាលករណីឆ្លងវីរុស។ លោកស្រីវេជ្ជបណ្ឌិត Maria Van Kerkhove អ្នកដឹកនាំបច្ចេកទេសវីរុស COVID-19 របស់អង្គការសុខភាពពិភពលោកបានផ្តល់បច្ចុប្បន្នភាពវីដេអូស្តីពីស្ថានភាពវីរុស COVID-19 នៅទូទាំងពិភពលោក រួមទាំងព័ត៌មានអំពីវីរុសបម្លែងខ្លួនថ្មី Omicron នៃក្តីបារម្ភ។ លោកស្រីបានពន្យល់ថា វីរុសកំពុងរាលដាលជុំវិញពិភពលោកយ៉ាងឆាប់រហ័សក្នុងកម្រិតមិនគួឲ្យជឿ។ ហើយយើងត្រូវកាត់បន្ថយឱកាសសម្រាប់អ្នកឆ្លង ព្រោះអ្នកឆ្លងមានហានិភ័យក្នុងការវិវត្តន៍ទៅជាជំងឺធ្ងន់ធ្ងរ។ នៅទូទាំងពិភពលោកក្នុងអំឡុងសប្តាហ៍នៃថ្ងៃទី៣១ ខែមករាដល់ថ្ងៃទី០៦ ខែកុម្ភៈ ឆ្នាំ២០២២ ចំនួនករណីថ្មីនៃវីរុស COVID-19 បានធ្លាក់ចុះបើប្រៀបធៀបទៅនឹងករណីដែលបានរាយការណ៍ក្នុងសប្តាហ៍មុន ខណៈដែលចំនួនអ្នកស្លាប់ថ្មីបានកើនឡើងជិត ៧%។គិតត្រឹមថ្ងៃទី៧ ខែកុម្ភៈ ឆ្នាំ២០២២ ករណីដែលបានបញ្ជាក់មានជាង ៣៩៧លានករណី និងអ្នកស្លាប់ជាង ៥.៧លាននាក់ត្រូវបានរាយការណ៍នៅទូទាំងពិភពលោក។ អង្គការសុខភាពពិភពលោកកំពុងធ្វើការជាមួយអ្នកវិទ្យាសាស្ត្ររាប់ពាន់នាក់ ដើម្បីសិក្សាអំពីវីរុសបម្លែងខ្លួនថ្មី Omicron និងតំណពូជរបស់វាទាក់ទងនឹងការចម្លង ភាពធ្ងន់ធ្ងរ និងផលប៉ះពាល់៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

រដ្ឋមន្ត្រីក្រសួងការងារ ដឹកនាំកិច្ចប្រជុំក្រុមប្រឹក្សាភិបាល ប.ស.ស. លើកទី៥ អាណត្តិទី២ ពិនិត្យផែនការយុទ្ធសាស្ត្រ របាយការណ៍សំខាន់ៗ និងដោះស្រាយបញ្ហាប្រឈមបង្កើនប្រសិទ្ធភាពការងារ

ពលរដ្ឋអ៊ីរ៉ង់និយាយថា ជីវិតរស់នៅប្រចាំថ្ងៃល្អប្រសើរជាងមុន តែសម្ពាធនៅតែកើតមាន

កម្ពុជា-ហ្វីលីពីន វាយតម្លៃខ្ពស់ចំពោះភាពរីកចម្រើននៃកិច្ចសហប្រតិបត្តិទ្វេភាគី

ប្រភព៖ មនុស្ស ១៥នាក់រងរបួស ខណៈ ៥នាក់មានស្ថានភាពធ្ងន់ធ្ងរ ក្នុងហេតុការណ៍ផ្ទុះ នៅទីក្រុងដាម៉ាស

ជប៉ុនព្រមានពីទឹកជំនន់ និងបំណាក់ដី នៅតំបន់ភាគខាងកើត និងខាងលិច អំឡុងពេលភ្លៀងធ្លាក់ខ្លាំង

ក្រុមជួយសង្រ្គោះបន្តរកឃើញសាកសព ខណៈមនុស្សស្លាប់ក្នុងការវាយប្រហាររបស់រុស្ស៊ីលើទីក្រុងគីវ កើនឡើងដល់ ២០នាក់

ហ៊្សកដានី បញ្ជូនជំនួយមនុស្សធម៌ទៅកាន់ប្រទេសវេណេស៊ុយអេឡា ក្រោយការរញ្ជួយដីសម្លាប់មនុស្សជាង ២ពាន់នាក់

លីទុយអានីចាត់វិធានការបញ្ចប់ការហាមឃាត់អាវុធនុយក្លេអ៊ែរ ខណៈ «ស្ថានភាពកាន់តែអាក្រក់ទៅៗ»

រុស្ស៊ី បញ្ជាក់ថា អឺរ៉ុបកំពុងបង្កើនភាពតានតឹងតាមរយៈយោធូបនីយកម្ម ហើយថា នឹងចាត់វិធានការសន្តិសុខបន្ថែម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

WHO៖ ការផលិតវ៉ាក់សាំងនៅអាហ្វ្រិកខាងត្បូងគឺជាគន្លឹះក្នុងការប្រយុទ្ធប្រឆាំងវីរុស

សម្ដេចតេជោ ជាមហាកិត្តិយសរបស់កម្ពុជាដែលបានទទួលពានរង្វាន់សន្តិភាពពិភពលោកនៅថ្ងៃនេះ

ទាំងរុស្ស៊ី ទាំងអ៊ុយក្រែន និងសម្ព័ន្ធណាតូបង្កើនសកម្មភាពសមយុទ្ធយោធា ខណៈមានភាពតានតឹងខ្លាំង

លោកខាងលិចព្រមានពីពេលវេលាគ្រោះថ្នាក់បំផុត ខណៈរុស្ស៊ីធ្វើសមយុទ្ធទ្រង់ទ្រាយធំនៅបេឡារុស្ស

ក្រសួងការពារជាតិរុស្ស៊ីនិយាយថា ប្រព័ន្ធមីស៊ីលបានមកដល់ប្រទេសបេឡារុស្ស

WHO៖ ឧបសគ្គធំក្នុងការបញ្ចប់ជំងឺរាតត្បាតគឺការធានាបានការធ្វើតេស្ត ចាក់វ៉ាក់សាំង និងព្យាបាល

WHO៖ វីរុស COVID-19 បម្លែងថ្មី BA.2 សាខា Omircon នឹងកើនឡើងនៅទូទាំងពិភពលោក

យោធាមីយ៉ាន់ម៉ាអញ្ជើញក្រុមប្រដាប់អាវុធជនជាតិភាគតិចចូលតុចរចាស្វែងរកសន្តិភាព

ពិធីសំណេះសំណាលជាមួយក្រុមការងារផលិតភាពយន្តភាគ និងតួសំដែងរឿង«កូនប្រុសក្រោមពន្លឺព្រះចន្ទពេញបូណ៌មី»

WHO៖ បួនសប្ដាហ៍ចុងក្រោយនេះអ្នកស្លាប់កើនឡើងខ្លាំងនៅជុំវិញពិភពលោក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

WHO៖ ការផលិត​វ៉ាក់សាំង​នៅ​អាហ្វ្រិក​ខាងត្បូង​គឺជា​គន្លឹះ​ក្នុង​ការ​ប្រយុទ្ធ​ប្រឆាំង​វីរុស

សម្ដេចតេជោ ជាមហាកិត្តិយសរបស់កម្ពុជា​ដែលបានទទួលពានរង្វាន់​សន្តិភាពពិភពលោកនៅថ្ងៃនេះ

ក្រសួងការពារជាតិ​រុស្ស៊ី​និយាយ​ថា ប្រព័ន្ធ​មី​ស៊ី​ល​បាន​មកដល់​ប្រទេស​បេឡា​រុស្ស

WHO៖ ឧបសគ្គ​ធំ​ក្នុង​ការ​បញ្ចប់​ជំងឺ​រាតត្បាត​គឺ​ការធានា​បានការ​ធ្វើតេស្ត ចាក់​វ៉ាក់សាំង និង​ព្យាបាល​

WHO៖ វីរុស COVID-19 ប​ម្លែ​ង​ថ្មី ​BA.2 សាខា Omircon នឹង​កើន​ឡើង​នៅ​ទូទាំង​ពិភពលោក

យោធា​មី​យ៉ាន់​ម៉ា​អញ្ជើញ​ក្រុម​ប្រដាប់​អាវុធ​ជនជាតិភាគតិច​ចូល​តុ​ចរចា​ស្វែងរក​សន្តិភាព

ពិធីសំណេះសំណាលជាមួយក្រុមការងារផលិតភាពយន្តភាគ និងតួសំដែងរឿង«កូនប្រុសក្រោមពន្លឺព្រះចន្ទពេញបូណ៌មី»

WHO៖ បួន​សប្ដាហ៍​ចុងក្រោយ​នេះ​អ្នក​ស្លាប់​កើន​ឡើង​ខ្លាំង​នៅ​ជុំវិញ​ពិភពលោក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

WHO៖ ការផលិតវ៉ាក់សាំងនៅអាហ្វ្រិកខាងត្បូងគឺជាគន្លឹះក្នុងការប្រយុទ្ធប្រឆាំងវីរុស

សម្ដេចតេជោ ជាមហាកិត្តិយសរបស់កម្ពុជាដែលបានទទួលពានរង្វាន់សន្តិភាពពិភពលោកនៅថ្ងៃនេះ

ក្រសួងការពារជាតិរុស្ស៊ីនិយាយថា ប្រព័ន្ធមីស៊ីលបានមកដល់ប្រទេសបេឡារុស្ស

WHO៖ ឧបសគ្គធំក្នុងការបញ្ចប់ជំងឺរាតត្បាតគឺការធានាបានការធ្វើតេស្ត ចាក់វ៉ាក់សាំង និងព្យាបាល

WHO៖ វីរុស COVID-19 បម្លែងថ្មី BA.2 សាខា Omircon នឹងកើនឡើងនៅទូទាំងពិភពលោក

យោធាមីយ៉ាន់ម៉ាអញ្ជើញក្រុមប្រដាប់អាវុធជនជាតិភាគតិចចូលតុចរចាស្វែងរកសន្តិភាព

WHO៖ បួនសប្ដាហ៍ចុងក្រោយនេះអ្នកស្លាប់កើនឡើងខ្លាំងនៅជុំវិញពិភពលោក