BTV NEWS

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត

សម្ដេចធិបតី៖ ភាពជោគជ័យរបស់អ្នកដឹកនាំអង្គភាពមួយ គឺការធានាឱ្យអង្គភាពនោះមានសមត្ថភាពបន្តដំណើរការ និងការរីកចម្រើន ទោះបីជាក្នុងពេលអវត្តមានរបស់ខ្លួនក៏ដោយ

សម្តេចធិបតី ហ៊ុន ម៉ាណែត ថ្លែងអបអរសាទរចំពោះកម្ពុជា ទទួលបានចំណាត់ថ្នាក់លេខ១ ជាប្រទេសដែលមាន និរន្តរភាពដី និងធនធាន ល្អបំផុតនៅលើពិភពលោកប្រចាំឆ្នាំ ២០២៦

ព័ត៌មានសំខាន់ៗ

ករណីឆ្លងវីរុស COVID-19 ប្រចាំថ្ងៃនៅរុស្ស៊ីកើនឡើងជាង ១១ម៉ឺននាក់

រុស្ស៊ី៖ ចំនួនអ្នកឆ្លងវីរុសថ្មីនៅប្រទេសរុស្សីប្រចាំថ្ងៃបានកើនឡើងដល់ជាង ១២១,០០០នាក់កាលពីថ្ងៃអាទិត្យ ជាកាកើនឡើងប្រាំបីដងប្រៀបធៀបទៅនឹងកាលពីដើមខែដោយសារតែវីរុសបម្លែងខ្លួនថ្មី omicron ដែលឆ្លងរីករាលដាលពេញប្រទេស។ ក្រុមការងារទប់ស្កាត់វីរុសឆ្លងរបស់រដ្ឋបានរាយការណ៍ពីករណីឆ្លងថ្មីចំនួន ១២១,២៨៨ករណីក្នុងរយៈពេល ២៤ម៉ោងកន្លងទៅនេះជាកម្រិតខ្ពស់ ខណៈ ៨,០០០ករណីត្រូវបានកត់ត្រានៅមួយថ្ងៃមុននោះ។តួលេខនៃករណីឆ្លងរបស់ប្រទេសបានកើនឡើងចាប់តាំងពីដើមខែមករា នៅពេលដែលករណីថ្មីប្រមាណ ១៥,០០០នាក់ក្នុងមួយថ្ងៃត្រូវបានកត់ត្រា។ ក្រុមការងារប្រឆាំងវីរុសបាននិយាយថា មនុស្ស ៦៦៨នាក់បានស្លាប់ដោយសារវីរុស COVID-19 នៅថ្ងៃម្សិលមិញដែលនាំឱ្យចំនួនអ្នកស្លាប់សរុបនៅប្រទេសរុស្សីកើនឡើងដល់ ៣៣០,៧២៨នាក់ជាចំនួនច្រើនបំផុតនៅទ្វីបអឺរ៉ុប ហើយមានករណីឆ្លងសរុប ១១,៧៣៧,០០៧ករណី។ ទោះបីជាមានករណីឆ្លងកើនឡើងក៏ដោយ អាជ្ញាធរបានជៀសវាងការដាក់វិធានការរឹតត្បិតធំៗណាមួយ ក្នុងការទប់ស្កាត់ការកើនឡើងនេះ និងបាននិយាយថា ប្រព័ន្ធសុខាភិបាលកំពុងទប់ស្កាត់លំហូរនៃអ្នកជំងឺ។ កាលពីដើមខែនេះ សភាបានបន្ថែមពេលដោយគ្មានកំណត់ក្នុងការដាក់វិធានការលើអ្នកមិនចាក់វ៉ាក់សាំង ក្នុងចំណោមប្រជាជនរុស្ស៊ីដែលស្ទាក់ស្ទើរក្នុងការចាក់វ៉ាក់សាំងបង្ការ។នៅក្នុងសប្តាហ៍នេះ មន្ត្រីក្រសួងសុខាភិបាលបានកាត់បន្ថយរយៈពេលនៃការដាក់ឲ្យធ្វើចត្តាឡីស័ក ដែលត្រូវការសម្រាប់អ្នកដែលបានប៉ះពាល់ជាមួយអ្នកជំងឺ COVID-19 ពី ១៤ថ្ងៃមកនៅត្រឹមតែ ៧ថ្ងៃដោយមិនផ្តល់ការពន្យល់ណាមួយសម្រាប់ការផ្លាស់ប្តូរវិធានការនោះទេ។ ប្រទេសរុស្ស៊ីមានវិធានការបិទខ្ទប់តែម្តងប៉ុណ្ណោះកាលពីឆ្នាំ២០២០ ទោះបីជាប្រជាជនរុស្សីជាច្រើនត្រូវបានបញ្ជាឱ្យសម្រាក ពីរយៈពេលមួយសប្តាហ៍កាលពីខែតុលាឆ្នាំមុនក្នុងពេលមានការកើនឡើងករណីឆ្លង និងស្លាប់ត្រូវបានរាយការណ៍៕អត្ថបទ៖ ប៊ុនថន

អង្គការសហប្រជាជាតិនិយាយថា ទាហានជាកុមាររបស់ក្រុមឧទ្ទាមហួទីរាប់រយនាក់បានស្លាប់ក្នុងសង្គ្រាមយេមែន

យេមែន៖ អង្គការសហប្រជាជាតិបាននិយាយថា កុមារជិត ១,៥០០នាក់ដែលត្រូវបានជ្រើសរើសដោយក្រុមឧទ្ទាមហួទីរបស់ប្រទេសយេមែន បានស្លាប់ក្នុងការវាយប្រយុទ្ធគ្នាកាលពីក្នុងឆ្នាំ២០២០ និងរាប់រយនាក់ទៀតបានស្លាប់ក្នុងឆ្នាំបន្ទាប់។ នៅក្នុងរបាយការណ៍មួយផ្ញើទៅកាន់ក្រុមប្រឹក្សាសន្តិសុខអង្គការសហប្រជាជាតិ ក្រុមអ្នកជំនាញបាននិយាយថា ក្រុមឧទ្ទាមនៅតែបន្តជ្រើសរើសកុមារធ្វើជាកងទ័ពដោយប្រើប្រាស់ជំរំរដូវក្ដៅ និងព្រះវិហារដើម្បីផ្សព្វផ្សាយមនោគមន៍វិទ្យា។ របាយការណ៍ទាំងនោះបានបន្ថែមថា ការវាយប្រហារតាមអាកាសទៅលើក្រុមឧទ្ទាម ពីសំណាក់កងកម្លាំងដឹកនាំដោយអារ៉ាប៊ីសាអ៊ូឌីត នៅតែបង្កឲ្យជនស៊ីវិលបាត់បង់អាយុជីវិតកាន់តែច្រើន។ កុមារជាង ១០,០០០នាក់បានស្លាប់នៅក្នុងសង្គ្រាមដែលបានចាប់ផ្ដើមកាលពីឆ្នាំ២០១៥។ មនុស្សពេញវ័យរាប់ម៉ឺននាក់ក៏បានស្លាប់ផងដែរដោយសារការវាយប្រយុទ្ធគ្នាដោយផ្ទាល់ ខណៈដែលប្រជាពលរដ្ឋរាប់លាននាក់បានភៀសខ្លួន និងកំពុងស្ថិតនៅមាត់ជ្រោះនៃគ្រោះទុរ្ភឹក្ស។នៅក្នុងរបាយការណ៍កម្រាស់ ៣០០ទំព័រ ក្រុមប្រឹក្សាសន្តិសុខនេះបាននិយាយថា ខ្លួនបានទទួលបញ្ជីឈ្មោះកុមារចំនួន ១,៤០៦នាក់ដែលត្រូវបានក្រុមឧទ្ទាមហួទីជ្រើសរើសជាទាហានដែលបានស្លាប់នៅសមរភូមិក្នុងឆ្នាំ២០២០ និងកុមារចំនួន ៥៦២នាក់នៅចន្លោះខែមករា និងឧសភានៅឆ្នាំបន្ទាប់។ ទីភ្នាក់ងារសារព័ត៌មាន AP បានដកស្រង់សម្ដីអ្នកជំនាញជាសមាជិកក្រុមប្រឹក្សាសន្តិសុខចំនួន ៤រូបដោយនិយាយថា កុមារទាំងនោះត្រូវបានបង្ហាត់បង្រៀនឲ្យប្រកាន់ភ្ជាប់ នូវពាក្យស្លោករបស់ក្រុមហួទីមានដូចជា៖ សងសឹកសហរដ្ឋអាមេរិក សងសឹកអ៊ីស្រាអែល ជេរដៀលជនជាតិជ្វីស និងនាំភាពជោគជ័យមកឲ្យអ៊ីស្លាមជាដើម៕អត្ថបទ៖ សុខមាន

របាយការណ៍អង្គការសហប្រជាជាតិនិយាយថា ក្រុមតាលីបង់បានសម្លាប់អតីតមន្ត្រីអាហ្វហ្គានីស្ថានជាច្រើននាក់

អាហ្វហ្គានីស្ថាន៖ របាយការណ៍មួយរបស់អង្គការសហប្រជាជាតិដែលសារព័ត៌មាន Reuters ទទួលបានបាននិយាយថា ក្រុមតាលីបង់ និងសម្ព័ន្ធមិត្តរបស់ខ្លួនត្រូវគេជឿថា បានសម្លាប់ក្រុមអតីតមន្ត្រីអាហ្វហ្គានីស្ថានជាច្រើននាក់ រួមមានសមាជិកកងកម្លាំងសន្តិសុខ និងមនុស្សផ្សេងទៀតដែលធ្លាប់បានធ្វើការជាមួយអង្គភាពជាប់ពាក់ព័ន្ធ នឹងយោធាអន្តរជាតិចាប់តាំងពីសហរដ្ឋអាមេរិកដកកងទ័ពចេញ។របាយការណ៍របស់អគ្គលេខាធិការអង្គការសហប្រជាជាតិ លោក Antonio Guterres ផ្ញើជូនក្រុមប្រឹក្សាសន្តិសុខអង្គការសហប្រជាជាតិ មានភ្ជាប់ជាមួយនូវរូបភាពនៃស្ថានភាពរស់នៅដ៏លំបាកវេទនា សម្រាប់ពលរដ្ឋអាហ្វហ្គានីស្ថានចំនួន ៣៩លាននាក់ ទោះបីជាការវាយប្រយុទ្ធគ្នាជាមួយក្រុមតាលីបង់ដែលដណ្ដើមកាន់កាប់ប្រទេសនេះ បានបញ្ចប់ទៅកាលពីខែសីហាក៏ដោយ។ លោក Guterres បាននិយាយថា ប្រព័ន្ធសង្គមដ៏ស្មុគស្មាញ និងសេដ្ឋកិច្ចកំពុងដួលរលំទាំងស្រុង។របាយការណ៍នេះបានបង្ហាញពីការព្រួយបារម្ភចុងក្រោយបំផុត ក្នុងការព្រមានជាបន្តបន្ទាប់ដែលប្រមុខអង្គការសហប្រជាជាតិ ធ្លាប់បានបញ្ចេញក្នុងរយៈពេលប៉ុន្មានខែថ្មីៗនេះអំពីវិបត្តិសេដ្ឋកិច្ច និងមនុស្សធម៌កាន់តែធ្ងន់ធ្ងរ បន្ទាប់ពីក្រុមតាលីបង់បានដណ្ដើមកាន់កាប់រដ្ឋធានីកាប៊ុល ខណៈដែលកងទ័ពបរទេសដឹកនាំដោយសហរដ្ឋអាមេរិកបានចាកចេញ ហើយម្ចាស់ជំនួយអន្តរជាតិបានកាត់ផ្ដាច់ជំនួយហិរញ្ញវត្ថុ ដល់ប្រទេសដែលពឹងផ្អែកលើជំនួយបរទេសមួយនេះ។ ខណៈដែលវិបត្តិសេដ្ឋកិច្ច និងមនុស្សធម៌នៅប្រទេសអាងហ្វហ្គានីស្ថានកាន់តែធ្ងន់ធ្ងរខ្លាំង មនុស្សកំពុងត្រូវបង្ខំចិត្តលក់សរីរាង្គ និងកូនៗរបស់ពួកគេដើម្បីរស់៕អត្ថបទ៖ សុខមាន

កូរ៉េខាងជើងបានបាញ់សាកល្បងមីស៊ីលធំបំផុតចាប់តាំងពីឆ្នាំ២០១៧ មក

កូរ៉េខាងជើង៖ កូរ៉េខាងជើងបានបាញ់សាកល្បងនូវអ្វីដែលត្រូវគេគិតថា ជាការបាញ់ដ៏ធំបំផុតរបស់ខ្លួនចាប់តាំងពីឆ្នាំ២០១៧។ ខ្លួនបាននិយាយថា មីស៊ីលបាលីស្ទីកនោះគឺជាមីស៊ីលរយៈចំងាយមធ្យមប្រភេទ Hwasong-12។ ប្រទេសជប៉ុន និងកូរ៉េខាងត្បូងបាននិយាយថា មីស៊ីលនោះរត់បានក្នុងរយៈកម្ពស់ ២ពាន់គីឡូម៉ែត្រមុនពេលធ្លាក់ចូលក្នុងសមុទ្រជប៉ុន។ ប្រទេសទាំង២ បានថ្កោលទោសការបាញ់នោះដែលជាការបាញ់សាកល្បងលើកទី៧ កាលពីថ្ងៃអាទិត្យម្សិលមិញនៅក្នុងខែនេះ។អង្គការសហប្រជាជាតិបានហាមប្រាមកូរ៉េខាងជើងមិនឲ្យបាញ់សាកល្បងមីស៊ីលបាលីស្ទីក និងអាវុធនុយក្លេអ៊ែរឡើយ និងបានដាក់ទណ្ឌកម្មយ៉ាងតឹងរ៉ឹងថែមទៀតផង។ ប៉ុន្តែប្រទេសនៅអាស៊ីខាងកើតមួយនេះតែងផ្គើនជាធម្មតា ហើយមេដឹកនាំ Kim Jong-un បានប្ដេជ្ញាពង្រឹងវិស័យការពារជាតិរបស់លោក។ ទីភ្នាក់ងារសារព័ត៌មានរដ្ឋកូរ៉េខាងជើង KCNA បាននិយាយថា មីស៊ីលនេះត្រូវបានបាញ់ចេញដើម្បីផ្ទៀងផ្ទាត់ពីសមត្ថភាពជាក់លាក់របស់វា ហើយមិនមានសេចក្ដីរាយការណ៍ពីវត្តមានរបស់លោក Kim នៅទីតាំងបាញ់នោះទេ។ ទីភ្នាក់ងារសារព័ត៌មានដដែលនេះបានបន្ថែមថា មីស៊ីលនេះត្រូវបានបាញ់ពីតំបន់ភាគខាងពាយ័ព្យទៅកាន់ភាគខាងកើតនៃសមុទ្ររបស់កូរ៉េ ដែលធ្វើឲ្យប្រទេសជិតខាងរបស់ខ្លួនព្រួយបារម្ភពីសន្តិសុខ៕អត្ថបទ៖ សុខមាន

ប្រធានាធិបតីអ៊ុយក្រែនព្យាយាមបន្ថយការព្រួយបារម្ភពីសង្គ្រាម

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បានព្យាយាមកាត់បន្ថយការព្រួយបារម្ភនៃសង្គ្រាមរវាងប្រទេសរបស់លោក និងប្រទេសរុស្ស៊ី ដោយបានថ្លែងនៅក្នុងសន្និសីទសារព័ត៌មានថា លោកមិនជឿថា ស្ថានភាពបច្ចុប្បន្ននេះកាន់តែអាក្រក់ជាងកាលពីដើមឆ្នាំ២០២១ នោះទេ នៅពេលដែលរុស្ស៊ីចាប់ផ្តើមពង្រាយកងទ័ពនៅលើព្រំដែនរវាងប្រទេសទាំងពីរ។រុស្ស៊ីនិយាយថា ខ្លួននឹងមិនចាប់ផ្តើមសង្គ្រាមនៅប្រទេសអ៊ុយក្រែនទេ ប៉ុន្តែបានព្រមានថា សហរដ្ឋអាមេរិក និងអង្គការណាតូបានព្រងើយកន្តើយទៅនឹងការទាមទាររបស់ខ្លួន។ វិមានក្រឹមឡាំងបាននិយាយថា លោកប្រធានាធិបតី Vladimir Putin បាននិយាយទៅកាន់ប្រធានាធិបតីបារាំងលោក Emmanuel Macron ថា ប្រទេសលោកខាងលិចមិនបានពិចារណាលើលក្ខខណ្ឌសំខាន់ៗរបស់រុស្ស៊ី ក្នុងការឲ្យបញ្ឈប់ការពង្រីកខ្លួនបន្ថែមរបស់អង្គការណាតូ និងបញ្ឈប់ការដាក់ពង្រាយអាវុធសម្ព័ន្ធមិត្តនៅជិតព្រំដែនរុស្ស៊ី និងការរំកិលកងកម្លាំងរបស់ខ្លួនពីអឺរ៉ុបខាងកើត។ សហរដ្ឋអាមេរិក និងអង្គការណាតូបានច្រានចោលការទាមទារទាំងនោះជាផ្លូវការក្នុងសប្តាហ៍នេះ ទោះបីជាទីក្រុងវ៉ាស៊ីនតោនបានគូសបញ្ជាក់អំពីតំបន់ដែលការពិភាក្សាអាចធ្វើទៅបានក៏ដោយ ដោយផ្តល់ក្តីសង្ឃឹមថាអាចមានមធ្យោបាយដើម្បី បញ្ចៀសសង្គ្រាម។ទោះជាយ៉ាងណា ប្រធានាធិបតីសហរដ្ឋអាមេរិកលោក Joe Biden បានព្រមានប្រធានាធិបតីអ៊ុយក្រែនលោក Volodymyr Zelenskyy ថា មានលទ្ធភាពច្បាស់ដែលរុស្ស៊ីអាចចាត់វិធានការយោធា មកលើអតីតរដ្ឋសូវៀតនៅក្នុងខែកុម្ភៈ។ ប៉ុន្តែរុស្ស៊ីបានបដិសេធម្តងហើយម្តងទៀតថា គ្មានផែនការបែបនេះទេ។ លោកប្រធានាធិបតី Zelenskyy បានព្យាយាមកាត់បន្ថយការព្រួយបារម្ភនៃសង្គ្រាមដោយបាននិយាយថា ការប្រកាសអាសន្នរបស់ប្រទេសលោកខាងលិចអំពីការឈ្លានពាន បានជំរុញអ្នកវិនិយោគនៅក្នុងទីផ្សារហិរញ្ញវត្ថុរបស់ប្រទេសនេះឱ្យដកប្រាក់ចេញ៕អត្ថបទ៖ ប៊ុនថន

អាមេរិក និងរុស្ស៊ីព្រមានគ្នាជុំវិញវិបត្តិអ៊ុយក្រែន ខណៈរុស្ស៊ីត្រៀមធ្វើសមយុទ្ធជាមួយបេឡារុស្ស

អ៊ុយក្រែន៖ ស្ថានភាពនៅតំបន់ព្រំដែនរវាងរុស្ស៊ី និងអ៊ុយក្រែនពុំមានសញ្ញាថមថយឡើយ ទោះមានជំនួបជាច្រើនលើកកាលពីពេលថ្មីៗនៅខែនេះក៏ដោយ។ សហរដ្ឋអាមេរិក និងរុស្ស៊ីនៅតែបន្តការព្រមានគ្នាទៅវិញទៅមក និងចោទប្រកាន់គ្នាទៅវិញទៅមកផងដែរ ជាក់ស្ដែងនៅសប្ដាហ៍នេះ វិមានក្រឹមឡាំងបានចង្អុលមុនក្រុងវ៉ាស៊ីនតោថា បានដុតបញ្ឆេះស្ថានភាពឲ្យកាន់តែតានតឹងពាក់ព័ន្ធវិបត្តិអ៊ុយក្រែន។លោក Joe Biden ប្រធានាធិបតីសហរដ្ឋអាមេរិកតែងគំរាម និងព្រមានរុស្ស៊ីដដែលលើលោកប្រធានាធិបតីរុស្ស៊ី Vladimir Putin ថា សហរដ្ឋអាមេរិកនឹងដាក់ទណ្ឌកម្មធ្ងន់ធ្ងរលើសេដ្ឋកិច្ច និងហិរញ្ញវត្ថុ និងលើលោក Putin ផ្ទាល់តែម្ដង ហើយថាបើរុស្ស៊ីបើកភ្លើងខៀវឲ្យឈ្លានពានអ៊ុយក្រែនមែននោះ រុស្ស៊ីនឹងជួបគ្រោះមហន្តរាយដ៏ធ្ងន់ធ្ងរបំផុត។ កាលពីជំនួបកន្លងទៅតាមទូរស័ព្ទ លោកប្រធានាធិបតីរុស្ស៊ីក៏បានព្រមានលោកប្រធានាធិបតី Joe Biden ផងដែរថា ទំនាក់ទំនងរវាងប្រទេសទាំង ២ អាចដួលរលំ ប្រសិនបើអាមេរិកដាក់ទណ្ឌកម្មលើរុស្ស៊ីព្រោះតែសកម្មភាពរបស់ខ្លួននៅអ៊ុយក្រែន។ ខណៈភាពតានតឹងជាមួយអ៊ុយក្រែនកំពុងពុះកញ្ជ្រោលខ្លាំង ប្រទេសរុស្ស៊ីបានប្រកាសថា ខ្លួននឹងធ្វើសមយុទ្ធយោធារួមគ្នាជាមួយបេឡារុសនៅខែក្រោយ។មុនសមយុទ្ធចូលមកដល់រុស្ស៊ីបានបញ្ជូនកងទ័ព និងយោទ្ធោបករណ៍ជាបណ្ដើរៗទៅកាន់ប្រទេសបេឡារុស្ស ដែលធ្វើឲ្យលោកខាងលិច និងសហរដ្ឋអាមេរិកបារម្ភកាន់តែខ្លាំងថា សកម្មភាពនោះនឹងនាំទៅរកការឈ្លានពានចូលអ៊ុយក្រែនយ៉ាងពិតប្រាកដ ទោះបីជារុស្ស៊ីបានបញ្ជាក់ហើយបញ្ជាក់ទៀតថា ខ្លួនគ្មានគម្រោងវាយប្រហារឬឈ្លានពានចូលអ៊ុយក្រែនទេយ៉ាងណាក៏ដោយ។ ឆ្លើយតបទៅនឹងការអំពាវនាវរបស់ប្រធានាធិបតីអ៊ុយក្រែន សហរដ្ឋអាមេរិកបានដឹកជញ្ជូនជំនួយយោធាទៅកាន់ប្រទេសអ៊ុយក្រែន។ មិនមែនមានតែអាមេរិកទេ កាលពីសប្ដាហ៍មុនចក្រភពអង់គ្លេសក៏បានដឹកជញ្ជូនជំនួយយោធា ទៅកាន់ប្រទេសអ៊ុយក្រែនដែរ៕អត្ថបទ៖ សុខមាន

ព្យុះ Ana សម្លាប់មនុស្សរាប់សិបនាក់នៅប្រទេសអាហ្វ្រិកខាងត្បូង

អាហ្វ្រិកខាងត្បូង៖ អាហ្វ្រិកខាងត្បូងបានរងការវាយប្រហារដោយទឹកជំនន់បណ្ដាលឲ្យមនុស្សជាង ៧០នាក់ស្លាប់នៅទូទាំងតំបន់បង្កដោយព្យុះត្រូពិច Ana។ ប្រទេសម៉ាដាហ្គាស្កាបានឃើញមនុស្សស្លាប់យ៉ាងតិច ៤៨នាក់ និងមនុស្ស ១៣០.០០០នាក់ត្រូវបានបង្ខំឱ្យភៀសខ្លួនចេញពីលំនៅឋានរបស់ពួកគេទៅកាន់ទីជម្រកបណ្តោះអាសន្ន។ប្រទេសម៉ូហ្សំប៊ិកបានរាយការណ៍ថាមានអ្នកស្លាប់ចំនួន ១៨នាក់។ ប៉ុន្តែមន្ត្រីនៅទីនោះនិយាយថា ចំនួនពិតនៅមិនទាន់ដឹងនៅឡើយ ខណៈមនុស្ស ២០.០០០នាក់រងផលប៉ះពាល់ដោយទឹកជំនន់។ ស្នងការទទួលបន្ទុកគ្រោះមហន្តរាយម៉ាឡាវីបាននិយាយថា អាហារ និងទីជម្រកគឺត្រូវការបន្ទាន់បន្ទាប់ពីការបំផ្លាញបង្កឡើងដោយព្យុះត្រូពិក Ana។ យ៉ាងហោចណាស់មនុស្ស ១៩នាក់ស្លាប់ដែលត្រូវបានបញ្ជាក់ដោយអាជ្ញាធរ ខណៈមនុស្សជាង ១៩០នាក់ផ្សេងទៀតត្រូវបានរាយការណ៍ថារងរបួសធ្ងន់នៅក្នុងស្រុកចំនួន១៥ បន្ទាប់ពីរយៈពេលជាង ១សប្តាហ៍មានភ្លៀងធ្លាក់ខ្លាំង។យោងតាមក្រសួងកិច្ចការគ្រប់គ្រងគ្រោះមហន្តរាយបានឲ្យដឹងថា ប្រជាជនជាង ២០០,០០០នាក់មកពីគ្រួសារចំនួន ៤៨,០០០គ្រួសារបានទទួលរងផលប៉ះពាល់ ហើយជាច្រើនគ្រួសារទៀតផ្លាស់ទីលំនៅ។ ស្នងការទទួលបន្ទុកកិច្ចការគ្រប់គ្រងគ្រោះមហន្តរាយនិយាយថា តាមការព្យាករណ៍ពីការិយាល័យសេវាកម្មឧតុនិយមភ្លៀងនឹងនៅតែបន្តធ្លាក់ ហើយប្រជាជនត្រូវការទីកន្លែងដើម្បីស្នាក់នៅ ប៉ុន្តែយើងត្រូវការអាហារដើម្បីផ្តល់ឲ្យប្រជាជនទាំងអស់ដែលកំពុងនៅក្នុងជំរំ។ កិច្ចប្រឹងប្រែងក្នុងការដឹកជញ្ជូនគ្រឿងផ្គត់ផ្គង់អាហារ ទៅកាន់តំបន់រងផលប៉ះពាល់ត្រូវបានរារាំងដោយទឹកជំនន់៕អត្ថបទ៖ ប៊ុនថន

វិបត្តិអ៊ុយក្រែនទាញលោក Biden និងលោក Putin ឲ្យធ្លាក់ចូលជម្លោះផ្ទាល់ខ្លួន ខណៈអាមេរិកព្យាយាមរារាំងការឈ្លានពានរបស់រុស្ស៊ី

សហរដ្ឋអាមេរិក៖ សហរដ្ឋអាមេរិកបានបញ្ជូនសារដ៏ច្បាស់បំផុតថា វិស័យសេដ្ឋកិច្ចដ៏សំខាន់របស់រុស្ស៊ី ព្រមទាំងមេដឹកនាំរុស្ស៊ីខ្លួនឯងផងគឺលោក Vladimir Putin អាចប្រឈមនឹងទណ្ឌកកម្មដ៏ធ្ងន់ធ្ងរបំផុតដែលរុស្ស៊ីមិនធ្លាប់ជួប ប្រសិនបើឈ្លានពានអ៊ុយក្រែន។ កាលពីថ្ងៃអង្គារសប្ដាហ៍នេះលោកប្រធានាធិបតីសហរដ្ឋអាមេរិក Joe Biden បានបញ្ជាក់ថា សមភាគីរុស្ស៊ីអាចប្រឈមនឹងការដាក់ទណ្ឌកម្មផ្ទាល់ខ្លួន បើក្រុងមូស្គូបើកភ្លើងខៀវឲ្យកងកម្លាំងរបស់ខ្លួនចូលឈ្លានពានអ៊ុយក្រែន។រុស្ស៊ីមានកងទ័ពប្រមាណ ១០ម៉ឺននាក់ និងយុទ្ធោបករណ៍ប្រចាំការនៅទីតាំងផ្សេងៗគ្នានៅតាមព្រំដែនជាមួយអ៊ុយក្រែន និងដែលធ្វើឲ្យសហរដ្ឋអាមេរិក និងសម្ព័ន្ធមិត្តលោកខាងលិចបារម្ភកាន់តែខ្លាំងថា រុស្ស៊ីកំពុងរៀបផែនការឈ្លានពាន បើទោះបីជាក្រុងមូស្គូច្រានចោលដដែលៗក៏ដោយ។ សហរដ្ឋអាមេរិក ចក្រភពអង់គ្លេស និងសហភាពអឺរ៉ុបបាននិយាយរួចមកហើយថា ប្រទេសរុស្ស៊ីនឹងទទួលរងទណ្ឌកម្មថ្មីទៀតលើបុគ្គល និងវិស័យសេដ្ឋកិច្ចសំខាន់ៗរបស់ខ្លួន បើឈ្លានពានអ៊ុយក្រែនមែននោះ។ រុស្ស៊ីធ្លាប់បានទទួលរងការដាក់ទណ្ឌកម្មរួចទៅហើយទៅលើវិស័យជាច្រើនដូចជា៖ ថាមពល ហិរញ្ញវត្ថុ និងវិស័យការពារជាតិដោយសារតែយកតំបន់គ្រីមៀ (Crimea) របស់អ៊ុយក្រែនដាក់បញ្ចូលជាឧបសម្ព័ន្ធកាលពីឆ្នាំ២០១៤៕អត្ថបទ៖ សុខមាន

ប្រមុខ WHO និយាយថា ពិភពលោកអាចបញ្ចប់គ្រាអាសន្ននៃវីរុស COVID-19 នៅឆ្នាំនេះ

WHO៖ ប្រមុខអង្គការសុខភាពពិភពលោកបាននិយាយថា ភពផែនដីនេះអាចបញ្ចប់គ្រាអាសន្នបង្កឡើងដោយវីរុសរាតត្បាតសកល Covid-19 នៅឆ្នាំនេះ ទោះបីជាវីរុសនេះបានសម្លាប់មនុស្សគ្រប់គ្នារៀងរាល់ ១២វិនាទីកាលពីសប្ដាហ៍មុនក៏ដោយ។ លោកវេជ្ជបណ្ឌិត Tedros Adhanom Ghebreyesus បានប្រាប់គណៈកម្មការប្រតិបត្តិរបស់ទីភ្នាក់ងារសុខភាពរបស់អង្គការសហប្រជាជាតិថា យើងអាចបញ្ចប់វីរុសរាតត្បាតសកល Covid-19 ដែលគ្រាអាសន្នសុខភាពសាធារណៈសកល ហើយយើងអាចបញ្ចប់បាននៅឆ្នាំនេះ។លោកបានព្រមានថា ដើម្បីបញ្ចប់វាបានប្រទេសនានាចាំបាច់ត្រូវធ្វើការឲ្យកាន់តែសកម្មភាពថែមទៀត ដើម្បីធានាឲ្យបាននូវសមភាពវ៉ាក់សាំង និងការព្យាបាល ការតាមដានវីរុស និងវីរុសបម្លែងខ្លួនថ្មី និងបន្តការអនុវត្តន៍វិធានការរឹតត្បិត។ អង្គការសុខភាពពិភពលោកបានទទូចដដែលៗជាច្រើនខែមកហើយថា សូមឲ្យបណ្ដាប្រទេសលើពិភពលោកបង្កើនការបរិច្ចាគវ៉ាក់សាំងដល់ប្រទេសក្រីក្រ ដោយអំពាវនាវដល់ប្រទេសទាំងអស់ចាក់វ៉ាក់សាំងឲ្យបានយ៉ាងហោចណាស់ ៧០% នៃចំនួនប្រជាជនរបស់ខ្លួននៅពាក់កណ្ដាលឆ្នាំនេះ។លោក Tedros និយាយថា ចំនួនពាក់កណ្ដាលនៃរដ្ឋជាសមាជិករបស់អង្គការសុខភាពពិភពលោក ពុំបានឈានដល់គោលដៅដែលធ្លាប់បានសន្យានៃការចាក់វ៉ាក់សាំង ៤០% ដល់ប្រជាពលរដ្ឋរបស់ខ្លួននៅដំណាច់ឆ្នាំ២០២២ នេះទេ ហើយ ៨៥% នៃប្រជាជននៅក្នុងអាហ្វ្រិកមិនទាន់ទទួលបានវ៉ាក់សាំងសូម្បីមួយដូស។ លោកថា យើងមិនអាចបញ្ចប់ដំណាក់កាលគ្រាអាសន្ននៃជំងឺរាតត្បាតសកលនេះបានទេ លុះត្រាយើងបានឈានដល់ចំណុចនេះ៕អត្ថបទ៖ សុខមាន

រុស្ស៊ីចង្អុលមុខក្រុងវ៉ាស៊ីនតោនថា ជាអ្នកដុតបញ្ឆេះឲ្យមានភាពតានតឹងនៅអ៊ុយក្រែន

រុស្ស៊ី៖ អ្នកនាំពាក្យវិមានក្រឹមឡាំងលោក Dmitry Peskov បាននិយាយកាលពីថ្ងៃអង្គារថា ប្រទេសរុស្ស៊ីកំពុងឃ្លាំមើលស្ថានភាពពោពេញដោយក្ដីបារម្ភយ៉ាងខ្លាំង ចំពោះការដាក់ពង្រាយកងទ័ពអាមេរិកប្រមាណ ៨,៥០០នាក់ទៅកាន់អឺរ៉ុបខាងកើត។សារព័ត៌មាន TASS របស់រដ្ឋាភិបាលរុស្ស៊ីបានរាយការណ៍ថា ខណៈដែលប្រទេសរុស្ស៊ីបានដាក់ពង្រាយកងទ័ពប្រមាណ ១០ម៉ឺននាក់នៅតាមបណ្ដោយព្រំដែនជាមួយអ៊ុយក្រែន ដែលនាំឲ្យមានការបារម្ភកាន់តែខ្លាំងថានឹងមានការចូលឈ្លានពានណាមួយលោក Peskov បាននិយាយថា ក្រុងវ៉ាស៊ីនតោនកំពុងដុតបញ្ឆេះឲ្យមានភាពតានតឹងកើនឡើងកាន់តែខ្លាំង។ អ្នកនាំពាក្យវិមានក្រឹមឡាំងរូបនេះ បានជំរុញធ្វើយ៉ាងណាកុំឲ្យសកម្មភាពរបស់ក្រុងវ៉ាស៊ីនតោន ប៉ះពាល់ដល់ដំណើរការចរចាជាមួយសហរដ្ឋអាមេរិក ស្ដីពីការទាមទាឲ្យមានការធានាសន្តិសុខរបស់ក្រុងមូស្គូ ដែលសម្ព័ន្ធមិត្តលោកខាងលិចបានហៅថាជាការទាមទារដែលមិនអាចទៅរួច។លោកប្រធានាធិបតីអាមេរិក Joe Biden និងលោកប្រធានាធិបតីរុស្ស៊ី Vladimir Putin ចោទប្រកាន់គ្នាពីការបង្ករឿងទៅវិញទៅមកកាលពីថ្ងៃអង្គារ ដោយវិមានក្រឹមឡាំងបានចាក់ផ្សាយការធ្វើសមយុទ្ធយោធាជុំថ្មី ដោយមានការវាយប្រហារនៅឆ្ងាយពីព្រំដែនរបស់អ៊ុយក្រែន ហើយក្រុងវ៉ាស៊ីនតោនកំពុងប្រញាប់ប្រញាល់ដឹកជញ្ជូនអាវុធទៅកាន់ទីក្រុងគៀវ ខណៈមានការលើកឡើងថា ទាហានអាមេរិករាប់ពាន់នាក់អាចនឹងដាក់ពង្រាយក្នុងពេលឆាប់ៗ ដើម្បីពង្រឹងវិស័យការពារជាតិរបស់សម្ព័ន្ធមិត្តក្នុងតំបន់អឺរ៉ុបខាងកើត៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ប្រជាជនអ៊ីរ៉ង់ ប្រមូលផ្តុំគ្នានៅតាមដងផ្លូវទីក្រុងតេអេរ៉ង់ មុនពិធីបុណ្យសពរបស់លោក Khamenei

រុស្ស៊ី និងអ៊ុយក្រែន ប្ដេជ្ញាបង្កើនការប្រយុទ្ធគ្នា ក្រោយការវាយុប្រហារដ៏សាហាវបំផុតលើរដ្ឋធានីគីវនៅឆ្នាំនេះ

ហាត់១ បាន ២ សម្រាប់គ្រូ និងសិស្សក្លិបគុនខ្មែរដូនតា ក្រោយបញ្ចប់ការហ្វឹកហាត់ជាមួយអ្នកជំនាញឃីកបុកស៊ីងអន្ដរជាតិ

ព័រទុយហ្កាល់វាយបកយកឈ្នះក្រូអាស៊ីចុងម៉ោងឡើងវគ្គ ១៦ ក្រុមចុងក្រោយ

[UPDATE] ចំនួនអ្នកស្លាប់ពីការរញ្ជួយដីនៅវ៉េណេស៊ុយអេឡាឡើងដល់ជាង២.៥០០ នាក់ខណៈរដ្ឋាភិបាលរងសម្ពាធពីការរិះគន់

សិស្សមន្រ្តីជាន់ខ្ពស់ជំនាន់ទី១៣ និងសិស្សមន្រ្តីក្រមការជំនាន់ទី១២ ចុះទស្សនកិច្ចសិក្សាទៅកាន់អង្គភាពផ្តល់សេវាសាធារណៈគំរូ ចំនួន ៤ទីតាំងផ្សេងគ្នា

អេស្ប៉ាញយកឈ្នះអូទ្រីស ៣-០ បញ្ចប់ការរង់ចាំជ័យជម្នះក្នុងវគ្កចាញ់-ធ្លាក់ World Cup ជាលើកដំបូងតាំងពីឆ្នាំ ២០១០

រលកកម្ដៅដ៏គ្រោះថ្នាក់ គំរាមដល់ការប្រារព្ធពិធីអបអរសាទរទិវាឯករាជ្យជាតិអាមេរិកថ្ងៃទី៤ កក្កដាខាងមុខ

ក្នុងឆមាសទី១ ឆ្នាំ២០២៦ មន្រ្តីក្រសួងបរិស្ថានបានអនុវត្តច្បាប់ បង្ក្រាបបទល្មើសធនធានធម្មជាតិសរុប ៩៦៧ករណី នៅទូទាំងប្រទេស

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ករណីឆ្លងវីរុស COVID-19 ប្រចាំថ្ងៃនៅរុស្ស៊ីកើនឡើងជាង ១១ម៉ឺននាក់

អង្គការសហប្រជាជាតិនិយាយថា ទាហានជាកុមាររបស់ក្រុមឧទ្ទាមហួទីរាប់រយនាក់បានស្លាប់ក្នុងសង្គ្រាមយេមែន

របាយការណ៍អង្គការសហប្រជាជាតិនិយាយថា ក្រុមតាលីបង់បានសម្លាប់អតីតមន្ត្រីអាហ្វហ្គានីស្ថានជាច្រើននាក់

កូរ៉េខាងជើងបានបាញ់សាកល្បងមីស៊ីលធំបំផុតចាប់តាំងពីឆ្នាំ២០១៧ មក

ប្រធានាធិបតីអ៊ុយក្រែនព្យាយាមបន្ថយការព្រួយបារម្ភពីសង្គ្រាម

អាមេរិក និងរុស្ស៊ីព្រមានគ្នាជុំវិញវិបត្តិអ៊ុយក្រែន ខណៈរុស្ស៊ីត្រៀមធ្វើសមយុទ្ធជាមួយបេឡារុស្ស

ព្យុះ Ana សម្លាប់មនុស្សរាប់សិបនាក់នៅប្រទេសអាហ្វ្រិកខាងត្បូង

ប្រមុខ WHO និយាយថា ពិភពលោកអាចបញ្ចប់គ្រាអាសន្ននៃវីរុស COVID-19 នៅឆ្នាំនេះ

រុស្ស៊ីចង្អុលមុខក្រុងវ៉ាស៊ីនតោនថា ជាអ្នកដុតបញ្ឆេះឲ្យមានភាពតានតឹងនៅអ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ករណីឆ្លងវីរុស COVID-19 ប្រចាំថ្ងៃ​នៅ​រុស្ស៊ី​កើន​ឡើង​ជាង ១១​ម៉ឺន​នាក់​

កូរ៉េខាងជើង​បាន​បាញ់​សាកល្បង​មី​ស៊ី​ល​ធំ​បំផុត​ចាប់​តាំង​ពី​ឆ្នាំ​២០១៧ ​មក

ប្រធានាធិបតី​អ៊ុយ​ក្រែ​ន​ព្យាយាម​បន្ថយ​ការ​ព្រួយបារម្ភ​ពី​សង្គ្រាម

ព្យុះ Ana សម្លាប់​មនុស្ស​រាប់​សិប​នាក់​នៅ​ប្រទេស​អាហ្វ្រិក​ខាងត្បូង

ប្រមុខ ​WHO និយាយ​ថា ពិភពលោក​អាច​បញ្ចប់​គ្រាអាសន្ន​នៃ​វីរុស COVID-19 នៅ​ឆ្នាំនេះ​

រុស្ស៊ី​ចង្អុលមុខ​ក្រុង​វ៉ាស៊ីនតោន​ថា​ ជា​អ្នក​ដុត​បញ្ឆេះ​ឲ្យ​មាន​ភាព​តានតឹង​នៅ​អ៊ុយ​ក្រែ​ន​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ករណីឆ្លងវីរុស COVID-19 ប្រចាំថ្ងៃនៅរុស្ស៊ីកើនឡើងជាង ១១ម៉ឺននាក់

កូរ៉េខាងជើងបានបាញ់សាកល្បងមីស៊ីលធំបំផុតចាប់តាំងពីឆ្នាំ២០១៧ មក

ប្រធានាធិបតីអ៊ុយក្រែនព្យាយាមបន្ថយការព្រួយបារម្ភពីសង្គ្រាម

ព្យុះ Ana សម្លាប់មនុស្សរាប់សិបនាក់នៅប្រទេសអាហ្វ្រិកខាងត្បូង

ប្រមុខ WHO និយាយថា ពិភពលោកអាចបញ្ចប់គ្រាអាសន្ននៃវីរុស COVID-19 នៅឆ្នាំនេះ

រុស្ស៊ីចង្អុលមុខក្រុងវ៉ាស៊ីនតោនថា ជាអ្នកដុតបញ្ឆេះឲ្យមានភាពតានតឹងនៅអ៊ុយក្រែន