BTV NEWS

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត

សម្ដេចធិបតី៖ ភាពជោគជ័យរបស់អ្នកដឹកនាំអង្គភាពមួយ គឺការធានាឱ្យអង្គភាពនោះមានសមត្ថភាពបន្តដំណើរការ និងការរីកចម្រើន ទោះបីជាក្នុងពេលអវត្តមានរបស់ខ្លួនក៏ដោយ

សម្តេចធិបតី ហ៊ុន ម៉ាណែត ថ្លែងអបអរសាទរចំពោះកម្ពុជា ទទួលបានចំណាត់ថ្នាក់លេខ១ ជាប្រទេសដែលមាន និរន្តរភាពដី និងធនធាន ល្អបំផុតនៅលើពិភពលោកប្រចាំឆ្នាំ ២០២៦

ព័ត៌មានសំខាន់ៗ

របាយការណ៍៖ កូរ៉េខាងជើងបាញ់មីស៊ីល ២គ្រាប់ដែលទំនងជាមីស៊ីលតម្រង់គោលដៅ

កូរ៉េខាងជើង៖ សារព័ត៌មានកូរ៉េខាងត្បូង Yonhap បានរាយការណ៍ដោយយោងតាមប្រភពពីយោធាថា នៅថ្ងអង្គារនេះកូរ៉េខាងជើងបានបាញ់អាវុធដែលទំនងជាមីស៊ីលតម្រង់គោលដៅចំនួន ២គ្រាប់ចូលទៅក្នុងសមុទ្រក្បែរតំបន់ឆ្នេររបស់ខ្លួន ក្រោយការបាញ់សាកល្បងជាបន្តបន្ទាប់នៃមីស៊ីលបាលីស្ទីកដែលត្រូវបានហាមប្រាមកាលពីដើមខែនេះ។សារព័ត៌មាន Yonhap បានបន្ថែមថា យោធាកូរ៉េខាងត្បូងកំពុងវាយតម្លៃការបាញ់នៅថ្ងៃអង្គារនេះ ដើម្បីកំណត់ពីឈ្មោះ ឬប្រភេទនៃអាវុធនោះ។ ទីភ្នាក់ងារសារព័ត៌មាន NK News ក៏បានរាយការណ៍ផងដែរថា មានមីស៊ីលតម្រង់គោលដៅចំនួន ២គ្រាប់ត្រូវបានបាញ់។ អគ្គសេនាធិការចម្រុះរបស់កូរ៉េខាងត្បូងពុំបានបញ្ជាក់ភ្លាមៗទេ ទៅនឹងរបាយការណ៍នោះ។ គួរឲ្យដឹងថា មីស៊ីលតម្រង់គោលដៅដែលបានបាញ់នេះ មិនត្រូវបានហាមប្រាមក្រោមទណ្ឌកម្មរបស់អង្គការសហប្រជាជាតិទេ។ កាលពីប៉ុន្មានសប្ដាហ៍ថ្មីៗនេះ កូរ៉េខាងជើងបានផ្គើនទៅនឹងការថ្កោលទោសពីអន្តរជាតិ និងបានបាញ់សាកល្បងមីស៊ីលបាលីស្ទីកចំនួន ៤លើក៕អត្ថបទ៖ សុខមាន

ប្រធានអង្គការសុខភាពពិភពលោកព្រមានការពិភាក្សាអំពីការបញ្ចប់ជំងឺរាតត្បាត

WHO៖ ប្រធានអង្គការសុខភាពពិភពលោកបានព្រមានថា លក្ខខណ្ឌនៅតែជាគំរូសម្រាប់វីរុសបម្លែងខ្លួនថ្មីនៃវីរុសឆ្លង COVID-19 ដែលលេចចេញកាន់តែច្រើនឡើង ហើយវាជាគ្រោះថ្នាក់ក្នុងការសន្មតថាវីរុសរាតត្បាតបញ្ចប់។ លោក Tedros Adhanom Ghebreyesus និយាយថា ដំណាក់កាលធ្ងន់ធ្ងរនៃជំងឺរាតត្បាតអាចនៅតែបញ្ចប់វាបាននៅឆ្នាំនេះ ប្រសិនបើគោលដៅសំខាន់ៗមួយចំនួនត្រូវបានបំពេញ។ប្រធានអង្គការសុខភាពពិភពលោកបានដាក់ចេញគោលដៅ និងកង្វល់ជាច្រើននៅក្នុងផ្នែកសុខភាពពិភពលោក ជុំវិញបញ្ហាដូចជាការកាត់បន្ថយការប្រើប្រាស់ថ្នាំជក់ ការប្រយុទ្ធប្រឆាំងភាពធនចំពោះការព្យាបាលប្រឆាំងមេរោគ និងហានិភ័យនៃបម្រែបម្រួលអាកាសធាតុលើសុខភាពមនុស្ស។ ទោះជាយ៉ាងណាលោកបាននិយាយថា ការបញ្ចប់ដំណាក់កាលស្រួចស្រាវនៃជំងឺរាតត្បាត ត្រូវតែនៅជាអាទិភាពរួម។ លោក Tedros បានទទូចថា យើងអាចបញ្ចប់វីរុស COVID-19 ជាការសង្គ្រោះបន្ទាន់ផ្នែកសុខភាពសកល ហើយយើងអាចធ្វើវាបាននៅឆ្នាំនេះដោយឈានទៅដល់គោលដៅ ដូចជាគោលដៅរបស់អង្គការសុខភាពពិភពលោក ក្នុងការចាក់វ៉ាក់សាំង ៧០% នៃចំនួនប្រជាជនក្នុងប្រទេសនីមួយៗនៅពាក់កណ្តាលឆ្នាំនេះ ជាមួយនឹងការផ្តោតលើមនុស្សដែលមានហានិភ័យខ្ពស់បំផុតនៃវីរុស COVID-19 និងជំរុញការធ្វើតេស្តដើម្បីតាមដានវីរុស និងវីរុសបម្លែងខ្លួនថ្មីដែលកំពុងលេចចេញ។លោកនិយាយថា វាជាការពិតដែលយើងនឹងរស់នៅជាមួយវីរុស COVID សម្រាប់អនាគតដ៏ខ្លីខាងមុខ ប៉ុន្តែការរៀនរស់នៅជាមួយវីរុស COVID-19 មិនអាចមានន័យថា យើងទទួលយកអ្នកស្លាប់ជិត ៥ម៉ឺននាក់ក្នុងមួយសប្តាហ៍ពីជំងឺដែលអាចការពារ និងព្យាបាលបាននោះទេ។ លោក Tedros បានអំពាវនាវឱ្យមានការពង្រឹងអង្គការសុខភាពពិភពលោក និងការបង្កើនមូលនិធិសម្រាប់ស្ថាប័នដើម្បីជួយទប់ទល់វិបត្តិសុខភាព៕អត្ថបទ៖ ប៊ុនថន

យោធាបួគីណាហ្វាសូដណ្ដើមអំណាចក្នុងរដ្ឋប្រហារដោយចាប់ខ្លួនប្រធានាធិបតី និងរំលាយរដ្ឋាភិបាល

បួគីណាហ្វាសូ៖ កងទ័ពរបស់ប្រទេសបួគីណាហ្វាសូ (Burkina Faso) បាននិយាយថា ខ្លួនបានគ្រប់គ្រងប្រទេសស្ថិតក្នុងតំបន់អាហ្វ្រិកខាងលិចមួយនេះកាលពីថ្ងៃចន្ទ ដោយបានចាប់ខ្លួនប្រធានាធិបតីលោក Roch Kabore រំលាយរដ្ឋាភិបាល និងសភា ព្យួររដ្ឋធម្មមនុញ្ញ និងបិទព្រំដែនប្រទេសរបស់ខ្លួន។ រដ្ឋប្រហារនេះត្រូវបានប្រកាសនៅលើកញ្ចក់ទូរទស្សន៍រដ្ឋដោយឣនុសេនីយឯក Sidsore Kader Ouedraogo ដែលនិយាយថា យោធាបានរឹបអូសអំណាចជាការឆ្លើយតបទៅនឹងស្ថានភាពសន្តិសុខ ដែលចេះតែធ្ងន់ធ្ងរទៅនៅក្នុងប្រទេស និងអសមត្ថភាពរបស់រដ្ឋាភិបាលក្នុងការបង្រួបបង្រួមប្រជាជន។ ពួកគេពុំបាននិយាយពីកន្លែងឃុំខ្លួនរបស់ប្រធានាធិបតី Kabore ទេ ប៉ុន្តែបាននិយាយថា រូបលោកមានសុវត្ថិភាព។ របបយោធាថ្មីបាននិយាយថា ខ្លួនបានរំលាយរដ្ឋធម្មនុញ្ញ និងសភាជាតិរបស់ប្រទេសបួគីណាហ្វាសូ និងអនុវត្តន៍បម្រាមគោចរពីម៉ោង ៩យប់ដល់ម៉ោង ៥ព្រឹក។ គេបានមើលឃើញពីភាពវឹកវរខ្លាំងក្រោយការតវ៉ាដ៏រំជើបរំជួល ដោយក្រុមអ្នកប្រឆាំងរដ្ឋប្រហារ បានដុតរនាំងបិទផ្លូវនៅតាមផ្លូវនានា ក្នុងរដ្ឋធានីរបស់ប្រទេសបួគីណាហ្វាសូកាលពីថ្ងៃអាទិត្យ មួយថ្ងៃមុនទាហានរឹបអូសដណ្ដើមអំណាច៕អត្ថបទ៖ សុខមាន

ករណីឆ្លងវីរុស COVID-19 នៅសហរដ្ឋអាមេរិកបានកើនឡើងជាង ៧១លាននាក់

សហរដ្ឋអាមេរិក៖ យោងតាមមជ្ឈមណ្ឌលប្រព័ន្ធវិទ្យាសាស្ត្រ និងវិស្វកម្មនៅសាកលវិទ្យាល័យ Johns Hopkins បានឲ្យដឹងថា ចំនួនសរុបនៃករណីឆ្លងវីរុស COVID-19 ដែលបានបញ្ជាក់នៅក្នុងសហរដ្ឋអាមេរិកមាន ៧១.៩២៥,៩៣១លាននាក់ និងមានចំនួនអ្នកស្លាប់ ៨៨៩,១៩៧នាក់។សហរដ្ឋអាមេរិកបានបន្តនាំមុខគេលើពិភពលោក ទាំងករណីឆ្លងដែលត្រូវបានបញ្ជាក់អំពីវីរុស COVID-19 និងអ្នកស្លាប់ដែលពាក់ព័ន្ធទៅនឹងវីរុស។ សហរដ្ឋអាមេរិកបានឃើញការកើនឡើងនៃវីរុស COVID-19 ថ្មីចាប់តាំងពីពាក់កណ្ដាលខែធ្នូដោយសារវីរុសបម្លែងខ្លួនថ្មី Omicron ដែលឆ្លងខ្ពស់។ យោងតាមការរាយការណ៍របស់ក្រុមហ៊ុនប្រព័ន្ធផ្សព្វផ្សាយអាមេរិក (ABC) បានឲ្យដឹងថា ចំនួនករណីដែលបានបញ្ជាក់នៅក្នុងសហរដ្ឋអាមេរិកបានកើនឡើងនាពេលថ្មីៗនេះ។ កាលពីខែមុន ប្រទេសនេះបានកត់ត្រាករណីដែលបានបញ្ជាក់ថ្មីប្រមាណ ១៨.២លានករណី។ វាមានរយៈពេលត្រឹមតែ ១២ថ្ងៃសម្រាប់សហរដ្ឋអាមេរិកដែលបានបន្ថែមករណីឆ្លងវីរុស COVID-19 ថ្មីជាង ១០លានករណីចាប់ពីថ្ងៃទី៩ ខែមករាដល់ថ្ងៃទី២១ ខែមករា ហើយការកើនឡើងចំនួន ១០លានករណីចុងក្រោយនៃករណីថ្មីនេះ បើគិតពីរយៈពេលជិតមួយខែមានចំនួនសរុបរហូត ៥០លានករណីត្រូវបានកត់ត្រាចាប់តាំងពីថ្ងៃទី១៣ ខែធ្នូមក។ថ្មីៗនេះ ខណៈការរាលដាលយ៉ាងឆាប់រហ័សនៃវីរុសបម្លែងខ្លួនថ្មី Omicron ចំនួននៃករណីថ្មីដែលត្រូវបានបញ្ជាក់ប្រចាំថ្ងៃនៅក្នុងសហរដ្ឋអាមេរិក បានឈានដល់កម្រិតខ្ពស់ថ្មីម្តងហើយម្តងទៀត។ សមាគមមន្ទីរពេទ្យរដ្ឋវ៉ាស៊ីនតោនបានចេញការអំពាវនាវបន្ទាន់ ដល់សាធារណជនឲ្យចាត់វិធានការចាក់វ៉ាក់សាំង និងពាក់ម៉ាស់ ដើម្បីជួយសម្រាលសម្ពាធលើប្រព័ន្ធសុខាភិបាលដែលហួសបន្ទុករបស់រដ្ឋ ដោយសារកើនឡើងជំងឺរាតត្បាតខ្លាំង៕អត្ថបទ៖ ប៊ុនថន

ប្រមុខការទូតអាមេរិកសន្យាឆ្លើយតបចាស់ដៃ បើមានការចូលឈ្លានពានរបស់រុស្ស៊ីបន្ថែមទៀតលើអ៊ុយក្រែន

សហរដ្ឋអាមេរិក៖ រដ្ឋមន្ត្រីការបរទេសអាមេរិកលោក Antony Blinken កាលពីថ្ងអាទិត្យបានព្រមានពីការឆ្លើយតបភ្លាមៗ និងធ្ងន់ធ្ងរពីសហរដ្ឋអាមេរិក និងសម្ព័ន្ធមិត្តអឺរ៉ុបរបស់ខ្លួន បើមានការឈ្លានពានណាមួយបន្ថែមទៀតពីកងកម្លាំងរបស់រុស្ស៊ីចូលអ៊ុយក្រែន។ នៅពេលត្រូវបានសួរដោយពិធីការិនីលោកស្រី Dana Bash ក្នុងកម្មវិធី "State of the Union" របស់ទូរទស្សន៍ CNN ថា តើសហរដ្ឋអាមេរិកនឹងមានទណ្ឌកម្មឆ្លើយតបវិញបែបណា បើមានការឈ្លានពានទ្រង់ទ្រាយធំពីសំណាក់រុស្ស៊ីមែននោះ លោក Blinken បានសង្កត់ធ្ងន់ថា ការឈ្លានពានណាមួយពីសំណាក់ទីក្រុងមូស្គូ ដែលអាស្រ័យទៅលើទំហំនឹងត្រូវជួបការឆ្លើយតបដ៏ខ្លាំងក្លា។ ក្នុងជំនួបទល់មុខគ្នាកាលពីថ្ងៃសុក្រ ទី២១ ខែមករាសប្ដាហ៍មុននៅក្នុងទីក្រុងហ្សឺណែវ ប្រទេសស្វីស ប្រមុខការទូតអាមេរិកលោក Antony Blinken បានប្រាប់សមភាគីរុស្ស៊ីរបស់លោកគឺលោក Sergey Lavrov សហរដ្ឋអាមេរិកបានប្ដេជ្ញារួចហើយថានឹងរួមគ្នាឆ្លើយតបភ្លាមៗ បើរុស្ស៊ីសម្រេចចិត្តក្នុងការឈ្លានពានអ៊ុយក្រែន។កាលពីថ្ងៃពុធសប្ដាហ៍មុននោះដែរ លោកប្រធានាធិបតីសហរដ្ឋអាមេរិក Joe Biden បានព្រមានថា រុស្ស៊ីនឹងប្រឈមគ្រោះមហន្តរាយ ប្រសិនបើហ៊ានឈ្លានពានអ៊ុយក្រែន។ យោធាអ៊ុយក្រែនកាលពីថ្ងៃសៅរ៍ចុងសប្ដាហ៍កន្លងទៅនេះ បានបញ្ចេញរូបភាពវីដេអូជាអ្វីដែលខ្លួននិយាយថា ការដឹកជញ្ជួនជំនួយយោធាលើកដំបូងរបស់សហរដ្ឋអាមេរិក បានមកដល់អកាសយានដ្ឋាន Boryspil ស្របពេលភាពតានតឹងកើនឡើងជាមួយរុស្ស៊ី៕អត្ថបទ៖ សុខមាន

WHO៖ ការឆ្លងរាលដាល COVID-19 នៅតំបន់អឺរ៉ុបអាចឈានដល់ចំណុចបញ្ចប់នៅពេលករណីឆ្លងវីរុសបម្លែងថ្មី Omicron ស្រុតចុះ

អឺរ៉ុប៖ ប្រធានអង្គការសុខភាពពិភពលោកប្រចាំតំបន់អឺរ៉ុបបាននិយាយកាលពីថ្ងៃអាទិត្យថា វីរុសបម្លែងខ្លួនថ្មី Omicron បានរុញច្រានវីរុសរាតត្បាតសកល COVID-19 ទៅរកដំណាក់កាលថ្មី និងអាចឈានដល់ចំណុចបញ្ចប់នៅក្នុងតំបន់អឺរ៉ុប។លោក Hans Kluge បានប្រាប់សារព័ត៌មាន AFP ក្នុងបទសម្ភាសន៍មួយថា គេអាចជឿទុកចិត្តបានថា តំបន់នេះកំពុងបោះជំហានទៅរកចំណុចបញ្ចប់នៃវីរុសរាតត្បាតសកល ដោយបន្ថែមថា វីរុសបម្លែងខ្លួនថ្មី Omicron អាចឆ្លងដល់ ៦០% នៃប្រជាពលរដ្ឋអឺរ៉ុបនៅត្រឹមខែមីនាខាងមុខ។ នៅពេលករណីឆ្លងវីរុសបម្លែងខ្លួនថ្មី Omicron ដែលចេះតែកើនឡើងនាពេលបច្ចុប្បន្ន និងកំពុងរីករាលដាលនៅទូទាំងទ្វីបអឺរ៉ុបបានធ្លាក់ចុះ ភាពស៊ាំជាសកលនឹងមានរយៈពេលជាច្រើនសប្តាហ៍ ឬច្រើនខែដោយសារប្រសិទ្ធភាពវ៉ាក់សាំង ឬព្រោះតែមនុស្សមានភាពស៊ាំដោយសារតែការឆ្លង ហើយក៏នឹងកាត់បន្ថយការឆ្លងបានផងដែរ។លោក Kluge បាននិយាយថា យើងរំពឹងថានឹងមានភាពស្ងប់ស្ងាត់មួយមុនពេលវីរុស COVID-19 អាចត្រលប់មកវិញនៅចុងឆ្នាំនេះ ប៉ុន្តែជំងឺរាតត្បាតសកលនេះអាចនឹងមិនវិលត្រលប់មកវិញទេ។ ចំណែកអ្នកវិទ្យាសាស្ត្រជាន់ខ្ពស់អាមេរិកលោក Anthony Fauci ក៏បានបង្ហាញសុទ្ធិដ្ឋិនិយមស្រដៀងគ្នានេះដែរកាលពីថ្ងៃអាទិត្យ ដោយលោកបានប្រាប់កម្មវិធីប្រចាំសប្ដាហ៍នេះរបស់ស្ថានីយ៍ទូរទស្សន៍ ABC News ថា ករណីឆ្លងវីរុស COVID-19 កំពុងធ្លាក់ចុះជាបណ្ដើរៗនៅក្នុងតំបន់មួយចំនួនរបស់សហរដ្ឋអាមេរិក៕អត្ថបទ៖ សុខមាន

ព្រះករុណាព្រះមហាក្សត្រ និង សម្តេចព្រះមហាក្សត្រី សព្វព្រះរាជហឫទ័យព្រះបរមរាជានុញ្ញាត ជូនសម្តេចតេជោ ហ៊ុន សែន នាយករដ្ឋមន្ត្រី និង ឯកឧត្តម ហ៊ុន ម៉ាណែត ចូលក្រាបថ្វាយបង្គំគាល់ នៅព្រះបរមរាជវាំង

នៅវេលារសៀលថ្ងៃទី ២២ ខែមករា ឆ្នាំ ២០២២ ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និង សម្តេចព្រះមហាក្សត្រី នរោត្តមមុនិនាថសីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គទាំងទ្វេបានសព្វព្រះរាជហឫទ័យព្រះបរមរាជានុញ្ញាត ជូនសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និង ឯកឧត្តម ហ៊ុន ម៉ាណែត ចូលក្រាបថ្វាយបង្គំគាល់ នៅព្រះមហាប្រាសាទខេមរិន្ទ ក្នុងព្រះបរមរាជវាំង។

អង្គការសុខភាពពិភពលោកជំរុញឱ្យបន្ធូរបន្ថយវិធានការរឹតត្បិតការធ្វើដំណើរពីអាហ្វ្រិក

អាហ្វ្រិក៖ មន្ត្រីជាន់ខ្ពស់របស់អង្គការសុខភាពពិភពលោកបានជំរុញឱ្យប្រទេសនានា បន្ធូរបន្ថយវិធានការរឹតត្បិតលើការធ្វើដំណើរពីទ្វីបអាហ្វ្រិក ដោយលើកឡើងពីការថយចុះយ៉ាងខ្លាំងនៃចំនួនអ្នកឆ្លងវីរុសកូរ៉ូណាថ្មីនៅទ្វីបនេះ។ នាយកប្រចាំតំបន់របស់អង្គការសុខភាពពិភពលោក (WHO) ប្រចាំទ្វីបអាហ្វ្រិកលោកស្រី Matshidiso Moeti បាននិយាយនៅក្នុងសន្និសីទសារព័ត៌មានកាលពីថ្ងៃព្រហស្បតិ៍ថា ទ្វីបនេះកំពុងមើលឃើញការថយចុះគួរឱ្យកត់សម្គាល់ នៅក្នុងករណីឆ្លងវីរុសថ្មីជាលើកដំបូងចាប់តាំងពីការចាប់ផ្តើម នៃរលកដែលជំរុញដោយវីរុសបម្លែងខ្លួនថ្មី Omicron។លោកស្រី Moeti បាននិយាយថា ប្រទេសអាហ្វ្រិកខាងត្បូងដែលវីរុសបម្លែងខ្លួនថ្មី Omicron ត្រូវបានរកឃើញដំបូងបានកត់ត្រានិន្នាការធ្លាក់ចុះនៃករណីឆ្លងថ្មី។ ប៉ុន្តែលោកស្រីបានព្រមានថា ករណីឆ្លងបានកើនឡើងនៅអាហ្វ្រិកខាងជើង។ ការរាលដាលនៃវីរុសបម្លែងខ្លួនថ្មី Omicron នៅក្នុងទ្វីបអាហ្វ្រិកបានជំរុញឱ្យប្រទេសនានា ដាក់កម្រិតលើការធ្វើដំណើរពីប្រទេសនៅទ្វីបអាហ្វ្រិក និងដាក់ឱ្យធ្វើចត្តាឡីស័កលើអ្នកធ្វើដំណើរមកដល់ពីទ្វីបនេះក្នុងរយៈពេលយូរ។ លោកស្រី Moeti បានអំពាវនាវឱ្យមានការបន្ធូរបន្ថយវិធានការដោយលើកហេតុផលថា វិធានការទាំងនេះលែងជាហេតុផលទៀតហើយ ខណៈវីរុសបម្លែងខ្លួនថ្មី Omicron បានរាលដាលនៅជុំវិញពិភពលោក។ ជាគោលការណ៍ រដ្ឋាភិបាលជប៉ុនបានហាមប្រាមការចូលមកថ្មីរបស់ជនបរទេស ដើម្បីទប់ស្កាត់ការរាលដាលវីរុស Omicron។ វិធានការតម្រូវឱ្យប្រជាជនជប៉ុនដែលត្រឡប់មកពីក្រៅប្រទេស ធ្វើចត្តាឡីស័កនៅកន្លែងដែលបានកំណត់រយៈពេល ៣ ទៅ ១០ថ្ងៃ។ អ្នកមកដល់ពីប្រទេសអាហ្វ្រិកចំនួន ១១ប្រទេសរួមទាំងអាហ្វ្រិកខាងត្បូងត្រូវតែស្នាក់នៅ ក្នុងទីតាំងធ្វើចត្តាឡីស័ករយៈពេល ១០ថ្ងៃ។ ពាណិជ្ជករជប៉ុននៅអាហ្វ្រិកកំពុងអំពាវនាវឱ្យរដ្ឋាភិបាលពិនិត្យឡើងវិញ នូវរយៈពេលនៃការធ្វើចត្តាឡីស័ក៕អត្ថបទ៖ ប៊ុនថន

អឺរ៉ុបព្រមានលោក Putin ពីការរងទណ្ឌកម្មធ្ងន់ធ្ងរ បើនៅតែបន្តព្យាយាមបំបែកបំបាក់អឺរ៉ុប

អឺរ៉ុប៖ ប្រធានប្លុកសហភាពអឺរ៉ុបបានព្រមានកាលពីថ្ងៃព្រហស្បតិ៍ថា សហភាពអឺរ៉ុបនឹងវាយបកទៅរុស្ស៊ីដោយការដាក់ទណ្ឌកម្មយ៉ាងធ្ងន់ធ្ងរលើផ្នែកសេដ្ឋកិច្ច និងហិរញ្ញវត្ថុ បើហ៊ានឈ្លានពានអ៊ុយក្រែន ខណៈដែលប្រមុខការទូតអាមេរិកបានរិះគន់ក្រុងម៉ូស្គូថា បានច្រានចោលឆន្ទៈស្មោះត្រង់ក្នុងកិច្ចខិតខំប្រឹងប្រែងខាងការទូត ដើម្បីដោះស្រាយវិបត្តិនេះ។នៅក្នុងសុន្ទរកថាដោយសេរីមុនកិច្ចចរចាវិបត្តិចុងក្រោយរវាងលោកខាងលិច និងទីក្រុងមូស្គូ លោកស្រី Ursula von der Leyen បានសន្យាថា សហភាពអឺរ៉ុបនឹងមិនព្រងើយកន្តើយឡើយ ហើយទុកឲ្យទីក្រុង Kiev កាន់អាវុធដោយខ្លួនឯងប្រឆាំងនឹងការឈ្លានពានរបស់រុស្ស៊ី ដែលចេះតែកើនឡើង។ លោកស្រីបាននិយាយថា ទីក្រុង Brussels បានត្រៀមខ្លួនយ៉ាងពេញលេញក្នុងការឆ្លើយតប ទៅនឹងការវាយប្រហារណាមួយពីសំណាក់រុស្ស៊ីមកលើប្រទេសជិតខាង ដែលជាអតីតសហភាពសូវៀតរបស់ខ្លួន ដោយបន្ថែមថាលោក Putin មានបំណងបំបែកបំបាក់ទំនាក់ទំនងរបស់សហភាពអឺរ៉ុប។ ប្រធានគណៈកម្មការសហភាពអឺរ៉ុបរូបនេះបាននិយាយថា ប្លុកដែលមានសមាជិក ២៧ប្រទេសនេះកំពុងមើលឃើញការប៉ុនប៉ងរបស់រុស្ស៊ីក្នុងការបំបែកបំបាក់ និងកាប់ចិញ្ច្រាំទ្វីបនេះជាផ្នែកតូចៗដោយសំអាងលើឥទ្ធិពលរបស់ខ្លួន៕អត្ថបទ៖ សុខមាន

ទីភ្នាក់ងារអង្គការសហប្រជាជាតិនិយាយថា ពលរដ្ឋប៉ាឡេស្ទីននៅលីបង់ត្រូវការមូលនិធិ

លីបង់៖ ទីភ្នាក់ងារអង្គការសហប្រជាជាតិមួយបានអំពាវនាវ ដល់សហគមន៍អន្តរជាតិឱ្យជួយផ្តល់មូលនិធិប្រាក់រាប់លានដុល្លារ ដើម្បីជួយធ្វើឲ្យប្រសើរឡើងជីវភាពរស់នៅរបស់ពលរដ្ឋប៉ាឡេស្ទីន នៅក្នុងប្រទេសលីបង់ដែលរងគ្រោះដោយវិបត្តិ។ទីភ្នាក់ងារសម្រាប់ជនភៀសខ្លួនប៉ាឡេស្ទីន ឬ UNRWA កំពុងស្នើសុំបន្ថែមថវិកាចំនួន ៨៧.៥លានដុល្លារអាមេរិកដើម្បីផ្តល់ជំនួយជាសាច់ប្រាក់ដល់ជនភៀសខ្លួនប៉ាឡេស្ទីន សម្រាប់ពលរដ្ឋក្រីក្រក្នុងការចំណាយលើមន្ទីរពេទ្យ ក៏ដូចជាមធ្យោបាយធ្វើដំណើរសម្រាប់កុមារ ដើម្បីឱ្យពួកគេអាចទៅសាលារៀនបាន។ ទីភ្នាក់ងារសម្រាប់ជនភៀសខ្លួនប៉ាឡេស្ទីន (UNRWA) និយាយថា ជនភៀសខ្លួនប៉ាឡេស្ទីនជាង ២១០,០០០នាក់ស្ថិតក្នុងចំណោមអ្នកដែលងាយរងគ្រោះបំផុត ហើយទំនិញប្រើប្រាស់ជាមូលដ្ឋានមួយចំនួនមិនអាចរកបានសម្រាប់ពលរដ្ឋជាច្រើន ខណៈប្រទេសលីបង់ធ្លាក់ចូលទៅក្នុងការដួលរលំសេដ្ឋកិច្ចកាន់តែខ្លាំង។ ទីភ្នាក់ងារនិយាយថា ជនភៀសខ្លួនប៉ាឡេស្ទីនជាង ៥៨% នៅទីនេះបានកាត់បន្ថយចំនួនអាហារដែលពួកគេបរិភោគជារៀងរាល់ថ្ងៃ។អ្នកសម្របសម្រួលផ្នែកមនុស្សធម៌ របស់អង្គការសហប្រជាជាតិរបស់ប្រទេសលីបង់លោក Najat Rochdi បាននិយាយថា ភាពតានតឹងកំពុងកើនឡើង ខណៈក្រុមគ្រួសារជាច្រើនបង្កើនសម្ពាធលើទីភ្នាក់ងារ ដើម្បីឲ្យផ្តល់សេវាទៀងទាត់ព្រមទាំងបង្កើនជំនួយសង្គ្រោះ ក្នុងពេលមានការធ្លាក់ថ្លៃខ្លាំងនៃប្រាក់ផោនប្រទេសលីបង់។ វិបត្តិរបស់ប្រទេសលីបង់បានផ្ទុះឡើងក្នុងខែតុលា ឆ្នាំ២០១៩ ដែលមានឫសគល់ពីអំពើពុករលួយ និងការគ្រប់គ្រងមិនត្រឹមត្រូវ ដែលបានធ្វើឱ្យប្រជាជនរាប់ម៉ឺននាក់គ្មានការងារធ្វើ ហើយជិត ៨០% នៃចំនួនប្រជាជនរបស់ប្រទេសជិត ៧លាននាក់រួមទាំងជនភៀសខ្លួនប្រទេសស៊ីរី និងប៉ាឡេស្ទីនប្រមាណ ១.៥លាននាក់រស់នៅក្នុងភាពក្រីក្រ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

សម្តេចប្រធានរដ្ឋសភា៖ ទំនាក់ទំនងស្មោះត្រង់ និងជឿជាក់រវាងកម្ពុជា-ជប៉ុន ផ្តល់នូវសមិទ្ធផល និងផ្លែផ្កាជាក់ស្តែងជូនប្រជាពលរដ្ឋកម្ពុជា

សម្ដេចធិបតី ហ៊ុន ម៉ាណែត តែងប្រាប់មិត្តបរទេសថាកម្ពុជាប្រើយន្តការ UNCLOS មកពីថៃដកខ្លួនឯកតោភាគីពី MoU 2001

អគ្គមេបញ្ជាការនៃកងទ័ពម៉ាឡេស៊ី នឹងដឹកនាំគណៈប្រតិភូមកទស្សនកិច្ចនៅតាមបណ្ដោយព្រំដែនកម្ពុជា-ថៃនៅសប្តាហ៍ក្រោយ

អង្គការWFP៖ ភាពអត់ឃ្លាននៅភាគខាងជើងប្រទេសនីហ្សេរីយ៉ា ឈានដល់កម្រិតអាក្រក់បំផុត

សារព័ត៌មានរដ្ឋស៊ីរី៖ ការផ្ទុះនៅហាងកាហ្វេក្នុងទីក្រុងដាម៉ាស បណ្តាលឲ្យមនុស្សស្លាប់និងរបួសច្រើននាក់

ការវិលត្រឡប់របស់កុងហ្គោនៅ World Cup រំឭកអនុស្សាវរីយ៍ឆ្នាំ១៩៧៤ និងស្ដារមោទនភាពជាតិឡើងវិញ

ប្រទេសបារ៉ែន ថ្កោលទោសការវាយប្រហាររបស់អ៊ីរ៉ង់ នៅមុនកិច្ចប្រជុំក្រុមប្រឹក្សាសន្តិសុខ

មនុស្សរាប់ពាន់នាក់ត្រូវបានជម្លៀសចេញ ខណៈចំហេះព្រៃឆេះរាលដាលនៅជិតកំពង់ផែ ប្រទេសបារាំង

សហព័ន្ធគុនខ្មែរ កោះប្រជុំសាលាគុន និងក្លិបទូទាំងប្រទេស ដើម្បីពង្រឹងតួនាទីភារកិច្ច ឆ្លើយតបសន្ទុះរីកចម្រើន

របៀបធ្វើសង្គ្រាមអាមេរិក-អ៊ីរ៉ង់ អាចជំរុញឱ្យប្រទេសឈូងសមុទ្រធ្វើពិពិធកម្មសម្ព័ន្ធភាពសន្តិសុខ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

របាយការណ៍៖ កូរ៉េខាងជើងបាញ់មីស៊ីល ២គ្រាប់ដែលទំនងជាមីស៊ីលតម្រង់គោលដៅ

ប្រធានអង្គការសុខភាពពិភពលោកព្រមានការពិភាក្សាអំពីការបញ្ចប់ជំងឺរាតត្បាត

យោធាបួគីណាហ្វាសូដណ្ដើមអំណាចក្នុងរដ្ឋប្រហារដោយចាប់ខ្លួនប្រធានាធិបតី និងរំលាយរដ្ឋាភិបាល

ករណីឆ្លងវីរុស COVID-19 នៅសហរដ្ឋអាមេរិកបានកើនឡើងជាង ៧១លាននាក់

ប្រមុខការទូតអាមេរិកសន្យាឆ្លើយតបចាស់ដៃ បើមានការចូលឈ្លានពានរបស់រុស្ស៊ីបន្ថែមទៀតលើអ៊ុយក្រែន

WHO៖ ការឆ្លងរាលដាល COVID-19 នៅតំបន់អឺរ៉ុបអាចឈានដល់ចំណុចបញ្ចប់នៅពេលករណីឆ្លងវីរុសបម្លែងថ្មី Omicron ស្រុតចុះ

អង្គការសុខភាពពិភពលោកជំរុញឱ្យបន្ធូរបន្ថយវិធានការរឹតត្បិតការធ្វើដំណើរពីអាហ្វ្រិក

អឺរ៉ុបព្រមានលោក Putin ពីការរងទណ្ឌកម្មធ្ងន់ធ្ងរ បើនៅតែបន្តព្យាយាមបំបែកបំបាក់អឺរ៉ុប

ទីភ្នាក់ងារអង្គការសហប្រជាជាតិនិយាយថា ពលរដ្ឋប៉ាឡេស្ទីននៅលីបង់ត្រូវការមូលនិធិ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

របាយការណ៍​៖ កូរ៉េខាងជើង​បាញ់​មី​ស៊ី​ល​ ២​គ្រាប់​ដែល​ទំនងជា​មី​ស៊ី​ល​តម្រង់​គោលដៅ

ប្រធាន​អង្គការ​សុខភាព​ពិភពលោក​ព្រមាន​ការពិភាក្សា​អំពី​ការ​បញ្ចប់​ជំងឺ​រាតត្បាត​

យោធាបួ​គី​ណាហ្វា​សូដណ្ដើម​អំណាច​ក្នុង​រដ្ឋប្រហារ​ដោយ​ចាប់ខ្លួន​ប្រធានាធិបតី និង​រំលាយ​រដ្ឋាភិបាល

ករណី​ឆ្លង​វីរុស COVID-19 នៅ​សហរដ្ឋអាមេរិក​បាន​កើន​ឡើង​ជាង​ ៧១​លាននាក់

អង្គការ​សុខភាព​ពិភពលោក​ជំរុញឱ្យ​បន្ធូរបន្ថយ​វិធានការ​រឹតត្បិត​ការធ្វើដំណើរ​ពី​អាហ្វ្រិក​

អឺរ៉ុប​ព្រមាន​លោក Putin ពី​ការ​រង​ទណ្ឌកម្ម​ធ្ងន់ធ្ងរ បើ​នៅតែ​បន្ត​ព្យាយាម​បំបែកបំបាក់​អឺរ៉ុប​

ទីភ្នាក់ងារ​អង្គការសហប្រជាជាតិ​និយាយ​ថា ពលរដ្ឋ​ប៉ា​ឡេ​ស្ទី​ន​នៅ​លី​បង់​ត្រូវការ​មូលនិធិ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

របាយការណ៍៖ កូរ៉េខាងជើងបាញ់មីស៊ីល ២គ្រាប់ដែលទំនងជាមីស៊ីលតម្រង់គោលដៅ

ប្រធានអង្គការសុខភាពពិភពលោកព្រមានការពិភាក្សាអំពីការបញ្ចប់ជំងឺរាតត្បាត

យោធាបួគីណាហ្វាសូដណ្ដើមអំណាចក្នុងរដ្ឋប្រហារដោយចាប់ខ្លួនប្រធានាធិបតី និងរំលាយរដ្ឋាភិបាល

ករណីឆ្លងវីរុស COVID-19 នៅសហរដ្ឋអាមេរិកបានកើនឡើងជាង ៧១លាននាក់

អង្គការសុខភាពពិភពលោកជំរុញឱ្យបន្ធូរបន្ថយវិធានការរឹតត្បិតការធ្វើដំណើរពីអាហ្វ្រិក

អឺរ៉ុបព្រមានលោក Putin ពីការរងទណ្ឌកម្មធ្ងន់ធ្ងរ បើនៅតែបន្តព្យាយាមបំបែកបំបាក់អឺរ៉ុប

ទីភ្នាក់ងារអង្គការសហប្រជាជាតិនិយាយថា ពលរដ្ឋប៉ាឡេស្ទីននៅលីបង់ត្រូវការមូលនិធិ