BTV NEWS

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត

សម្ដេចធិបតី៖ ភាពជោគជ័យរបស់អ្នកដឹកនាំអង្គភាពមួយ គឺការធានាឱ្យអង្គភាពនោះមានសមត្ថភាពបន្តដំណើរការ និងការរីកចម្រើន ទោះបីជាក្នុងពេលអវត្តមានរបស់ខ្លួនក៏ដោយ

ព័ត៌មានសំខាន់ៗ

ប្រមុខអង្គការសហប្រជាជាតិព្រមានថា ជនជាតិអាហ្វហ្គានីស្ថានរាប់លាននាក់ប្រឈមនឹងការអត់បាយស្លាប់

អាហ្វហ្គានីស្ថាន៖ ប្រមុខអង្គការសហប្រជាជាតិបានព្រមានថា ជនជាតិអាហ្វហ្គានីស្ថានរាប់លាននាក់ប្រឈមនឹងការអត់បាយស្លាប់ ដោយជំរុញឲ្យសហគមន៍អន្តរជាតិផ្ដល់មូលនិធិដល់ការអំពាវនាវស្វែងរកថវិការជំនួយមនុស្សធម៌ ៥ពាន់លានដុល្លារអាមេរិក បញ្ចេញទ្រព្យសម្បត្តិរបស់អាហ្វហ្គានីស្ថានដែលបានបង្កក និងចាប់ផ្ដើមប្រព័ន្ធធានាគាររបស់ខ្លួនដើម្បីបញ្ចៀសការដួលរលំសេដ្ឋកិច្ច និងសង្គម។លោក Antonio Guterres អគ្គលេខាធិការអង្គការសហប្រជាជាតិ បានប្រាប់ក្រុមអ្នកសារព័ត៌មានកាលពីថ្ងៃព្រហស្បតិ៍ថា សីតុណ្ហភាពត្រជាក់ និងការបង្កកទ្រព្យសម្បត្តិគឺជាការរួមបញ្ចូលគ្នាដ៍សាហាវសម្រាប់ប្រជាជនអាហ្វហ្គានីស្ថាន ហើយច្បាប់ និងលក្ខខណ្ឌដែលរារាំងប្រាក់មិនឲ្យប្រើប្រាស់ដើម្បីសង្គ្រោះជីវិត និងសេដ្ឋកិច្ចត្រូវតែត្រូវបានផ្អាកក្នុងស្ថានភាពអាសន្ននេះ។ សេដ្ឋកិច្ចដែលពឹងផ្អែកលើជំនួយបរទេសរបស់អាហ្វហ្គានីស្ថានបានទ្រុឌទ្រោមរួចស្រាប់ទៅហើយ នៅពេលដែលក្រុមតាលីបង់បានរឹបអូសអំណាចកាលពីពាក់កណ្ដាលខែសីហា ស្របពេលការចាកចេញយ៉ាងចលាចលរបស់កងទ័ពអាមេរិក និងណាតូបន្ទាប់ពីធ្វើសង្គ្រារយៈពេល ២០ឆ្នាំនៅក្នុងប្រទេសនេះ។សហគមន៍អន្តរជាតិបានបង្កកទ្រព្យសម្បត្តិបរទេសរបស់អាហ្វហ្គានីស្ថាន និងបញ្ឈប់ការគាំទ្រសេដ្ឋកិច្ច និងមិនចង់ធ្វើការជាមួយក្រុមតាលីបង់ដោយសារតែសកម្មភាពសាហាវព្រៃផ្សៃរបស់ពួកគេ ក្នុងការគ្រប់គ្រងកាលពីឆ្នាំ១៩៩៦ ដល់២០០១ និងមិនឲ្យក្មេងស្រីមានឱកាសទទួលបានការសិក្សាអប់រំ និងមិនឲ្យស្ត្រីចេញទៅធ្វើការជាដើម។ អង្គការសហប្រជាជាតិបាននិយាយថា ជនជាតិអាហ្វហ្គានីស្ថានប្រមាណជាង ៨លាន ៧សែននាក់កំពុងស្ថិតនៅមាត់ជ្រោះនៃការអត់បាយស្លាប់៕អត្ថបទ៖ សុខមាន

WHO៖ ករណីឆ្លងវីរុសបម្លែងខ្លួនថ្មី Omicron ស្ថិតនៅតារាងលើគេ ខណៈការឆ្លងថ្មីសកលសាងកំណត់ត្រាថ្មី

WHO៖ ប្រមុខអង្គការសុខភាពពិភពលោកគឺលោកវេជ្ជបណ្ឌិត Tedros Adhanom Ghebreyesus បានប្រាប់សន្និសីទសារព័ត៌មានកាលពីថ្ងៃពុធថា ករណីឆ្លងថ្មីខ្ពស់បំផុតនៃវីរុស Covid-19 ចំនួន ១៥លាននាក់ត្រូវបានរាយការណ៍នៅទូទាំងពិភពលោកក្នុងពេលតែ ១សប្ដាហ៍ប៉ុណ្ណោះ ខណៈវីរុសបម្លែងខ្លួនថ្មី Omicron បាននាំមុខវីរុសបម្លែងខ្លួនថ្មី Delta យ៉ាងឆាប់រហ័ស ជាវីរុសបម្លែងខ្លួនថ្មីដ៏លេចធ្លោនៅទូទាំងសកលលោក ហើយយើងបានដឹងថានេះគឺជាការប៉ាន់ប្រមាណ។លោកស្រី Van Kerkhove ប្រធានបច្ចេកទេសទទួលបន្ទុកវីរុស Covid-19 របស់អង្គការសុខភាពពិភពលោកបាននិយាយថា ករណីឆ្លងវីរុសកាន់តែខ្ពស់កំពុងដាក់បន្ទុកលើប្រព័ន្ធថែទាំសុខភាព។ ទោះបីថា វីរុសបម្លែងខ្លួនថ្មី Omicron បង្កឲ្យសភាពធូរស្រាលជាងវីរុសបម្លែងខ្លួនថ្មីប្រភេទ delta ក៏ដោយ តែនៅតែមានអ្នកជំងឺចូលសម្រាកព្យាបាលនៅមន្ទីរពេទ្យ។ វីរុសបម្លែងខ្លួនថ្មីនេះនៅតែជំរុញឲ្យបញ្ជូនអ្នកជំងឺចូលក្នុងបន្ទប់សង្គ្រោះបន្ទាន់ និងចាំបាច់មានការមើលថែ និងការព្យាបាលយ៉ាងយកចិត្តទុកដាក់។ ហើយវានៅតែបណ្ដាលឲ្យមានមនុស្សស្លាប់។សហរដ្ឋអាមេរិកបានមើលឃើញការហក់ឡើងករណីឆ្លងថ្មីខ្ពស់បំផុតដល់ ៤.៦លាននាក់ក្នុងរយៈពេល ១សប្ដាហ៍គិតត្រឹមថ្ងៃអាទិត្យចុងសប្ដាហ៍មុន ជាការកើនឡើង ៧៣% ខ្ពស់ជាងរយៈពេល ១សប្ដាហ៍កន្លងទៅធៀបទៅនឹង ៥៥% នៃការកើនឡើងករណីឆ្លងសកលក្នុងពេលវេលាដូចគ្នា នេះបើយោងតាមរបាយការណ៍ស្ដីពីជំងឺឆ្លងប្រចាំសប្ដាហ៍ របស់អង្គការសុខភាពពិភពលោកដែលបានចេញផ្សាយកាលពីថ្ងៃអង្គារ។ ក្នុងរយៈពេល ២៤ម៉ោងគិតត្រឹមថ្ងៃពុធ ទី១២ ខែមករា ឆ្នាំ២០២២ នេះមានករណីឆ្លងថ្មីខ្ពស់បំផុតចំនួន ៣,១៤៥,៩១៦នាក់ និងស្លាប់ថ្មីចំនួន ៨,០៣២នាក់៕អត្ថបទ៖ សុខមាន

សហរដ្ឋអាមេរិកដាក់ទណ្ឌកម្មលើកូរ៉េខាងជើងដោយសារការបាញ់សាកល្បងមីស៊ីលបាលីស្ទីក

សហរដ្ឋអាមេរិក៖ ក្រសួងរតនាគារសហរដ្ឋអាមេរិកកាលពីថ្ងៃពុធ បានដាក់ទណ្ឌកម្មលើជនជាតិកូរ៉េខាងជើងចំនួន ៥នាក់សម្រាប់អ្វីដែលខ្លួននិយាយថា ពួកគេទាំងនោះមានតួនាទីទិញទំនិញ សម្រាប់ផលិតអាវុធប្រល័យលោករបស់កូរ៉េខាងជើង និងកម្មវិធីទាក់ទងនឹងមីស៊ីលបាលីស្ទីក។ក្រសួងរតនាគារខាងលើបាននិយាយក្នុងសេចក្ដីថ្លែងការណ៍ថា សកម្មភាពរបស់ខ្លួនមានឡើងបន្ទាប់ពីការបាញ់មីស៊ីលបាលីស្ទីកចំនួន ៦លើកចាប់តាំងពីខែកញ្ញា ឆ្នាំ២០២១ ដោយប្រទេសកូរ៉េខាងជើង ដោយកត់សម្គាល់ថា ពួកគេបានរំលោភលើសេចក្ដីសម្រេចនានារបស់ក្រុមប្រឹក្សាសន្តិសុខអង្គការសហប្រជាជាតិ។ អនុរដ្ឋមន្ត្រីក្រសួងរតនាគារអាមេរិកទទួលបន្ទុកឃ្លាំមើលអំពើភេរវកម្ម និងចារកម្មហិរញ្ញវត្ថុ លោក Brian E Nelson បាននិយាយនៅក្នុងសេចក្ដីថ្លែងការណ៍ថា ចំណាត់ការថ្ងៃនេះដែលជាផ្នែកមួយនៃកិច្ចខិតខំប្រឹងប្រែង ដែលនៅតែបន្តរបស់សហរដ្ឋអាមេរិកក្នុងការទប់ទល់ទៅនឹងអាវុធប្រល័យលោក និងកម្មវិធីមីស៊ីលបាលីស្ទីករបស់កូរ៉េខាងជើង កំណត់គោលដៅបន្តលើការប្រើប្រាស់តំណាងក្រៅប្រទេសដែលកូរ៉េខាងជើង កំពុងធ្វើដើម្បីទិញទំនិញខុសច្បាប់សម្រាប់ការផលិតអាវុធ។ការបាញ់មីស៊ីលចុងក្រោយបំផុតរបស់កូរ៉េខាងជើង គឺជាភស្តុតាងបន្ថែមទៀតបញ្ជាក់ថា ខ្លួននៅតែបន្តជំរុញកម្មវិធីដែលត្រូវបានហាមប្រាម ទោះបីជាមានការអំពាវនាវឲ្យមានការចរចាខាងការទូត និងការរំសាយអាវុធនុយក្លេអ៊ែរពីសហគមន៍អន្តរជាតិក៏ដោយ។ ក្នុងចំណោមអ្នកដែលរងទណ្ឌកម្មទាំងនោះ មានជនជាតិកូរ៉េខាងជើងម្នាក់ដែលរស់នៅក្នុងប្រទេសរុស្ស៊ី ដែលក្រសួងរតនាគារអាមេរិកនិយាយថា បានទិញសម្ភារៈពីប្រទេសរុស្ស៊ីឲ្យទៅកូរ៉េខាងជើង ក៏ដូចជាជនជាតិកូរ៉េខាងជើងដែលមានមូលដ្ឋាននៅក្នុងប្រទេសចិនចំនួន ៤នាក់ទៀតដែលត្រូវបានចោទប្រកាន់ពីបទទិញទំនិញពីប្រទេសចិន សម្រាប់កម្មវិធីអាវុធរបស់កូរ៉េខាងជើង៕អត្ថបទ៖ សុខមាន

អង្គការសហប្រជាជាតិស្វែងរកថវិកា ៥ពាន់លានដុល្លារសម្រាប់ប្រទេសអាហ្វហ្គានីស្ថាន

អាហ្វហ្គានីស្ថាន៖ អង្គការសហប្រជាជាតិបានអំពាវនាវរកថវិកាចំនួន ៥ពាន់លានដុល្លារអាមេរិកកាលពីថ្ងៃអង្គារដើម្បីជួយដល់ប្រទេសអាហ្វហ្គានីស្ថាន និងប្រទេសជិតខាង ខណៈដែលប្រទេសនេះមានស្ថិរភាពពីជម្លោះជាច្រើនទសវត្សរ៍ បន្ទាប់ពីការកាន់កាប់របស់ក្រុមតាលីបង់កាលពីខែសីហា។ អង្គការសហប្រជាជាតិបានព្រមានថា ប្រជាជនពាក់កណ្តាលប្រទេសប្រឈមនឹងភាពអត់ឃ្លានធ្ងន់ធ្ងរ ដោយកុមាររាប់លាននាក់បានចាកចេញពីសាលារៀន ហើយកសិករកំពុងតស៊ូក្នុងការកើតមានគ្រោះរាំងស្ងួត។ការអំពាវនាវពីការិយាល័យអង្គការសហប្រជាជាតិសំរាប់ការសម្របសម្រួលកិច្ចការមនុស្សធម៌ (OCHA) និងទីភ្នាក់ងារជនភៀសខ្លួន UNHCR បង្ហាញពីបំណងរបស់ស្ថាប័នពិភពលោក ដើម្បីជួយជនស៊ីវិលនៅក្នុងប្រទេសមួយដែលពេលនេះគ្រប់គ្រងដោយក្រុមសកម្មប្រយុទ្ធ ខណៈប្រទេសម្ចាស់ជំនួយលោកខាងលិចជាច្រើនធ្លាប់បានវាយប្រយុទ្ធ ហើយនៅតែប្រឆាំង។ ក្រុមចម្រុះអន្តរជាតិដឹកនាំដោយសហរដ្ឋអាមេរិកបានចាកចេញពីប្រទេសអាហ្វហ្គានីស្ថាន ក្នុងភាពវឹកវរនៅពេលដែលក្រុមតាលីបង់បានវាយលុកប្រទេសនេះ ហើយបានដណ្តើមអំណាចមកវិញដែលខ្លួនធ្លាប់កាន់កាប់។អង្គការសហប្រជាជាតិសំរាប់ការសម្របសម្រួលកិច្ចការមនុស្សធម៌ (OCHA) បាន ព្រមានអំពីមហន្តរាយដែលកំពុងកើតមាននៅក្នុងប្រទេសអាហ្វហ្គានីស្ថាន ហើយបាននិយាយថា មនុស្ស ២៣លាននាក់ត្រូវការជំនួយមនុស្សធម៌ ឬច្រើនជាងពាក់កណ្តាលនៃចំនួនប្រជាជនរបស់ប្រទេស។ អង្គការនេះនិយាយថា កុមាររហូតដល់ ១លាននាក់ដែលមានអាយុក្រោម ៥ឆ្នាំនឹងប្រឈមមុខកង្វះអាហារូបត្ថម្ភធ្ងន់ធ្ងរ និងមានហានិភ័យ ប្រសិនបើពួកគេមិនទទួលបានជំនួយ។ នេះគឺជាការអំពាវនាវដ៏ធំបំផុតមិនធ្លាប់មានសម្រាប់ជំនួយមនុស្សធម៌ក្នុងប្រទេសតែមួយ ហើយវាមានចំនួន ៣ដងនៃចំនួនដែលត្រូវការ៕អត្ថបទ៖ ប៊ុនថន

ទីក្រុងមួយចំនួនរបស់ប្រទេសចិនស្ថិតក្នុងការបិទខ្ទប់ និងបន្តធ្វើតេស្តទ្រង់ទ្រាយធំ

ចិន៖ ទីក្រុងមួយរបស់ប្រទេសចិនស្ថិតក្នុងការបិទខ្ទប់ បានប្រមូលសំណាកច្រើនជាង ១លាននៅក្នុងប្រតិបត្តិការធ្វើតេស្តរកវីរុសឆ្លងទ្រង់ទ្រាយធំ ខណៈដែលទីក្រុងនេះប្រយុទ្ធប្រឆាំងទៅនឹងវីរុសបម្លែងខ្លួនថ្មី Delta។ យោងតាមការផ្សាយរបស់ទូរទស្សន៍រដ្ឋ CCTV បានឲ្យដឹងថា Yuzhou ជាទីក្រុងមួយនៅខេត្ត Henan ភាគកណ្ដាលប្រទេសចិនបានរាយការណ៍ពីករណីថ្មីដែលបានបញ្ជាក់ចំនួន ៧៤ករណី ដោយបានជំរុញឱ្យចំនួនអ្នកឆ្លងកើនឡើងដល់ ២៣៤ករណីក្នុងរយៈពេលតែពីរបីថ្ងៃប៉ុណ្ណោះ។ទូរទស្សន៍រដ្ឋ CCTV បានរាយការណ៍ថា ទីក្រុងបានបញ្ចប់ការធ្វើតេស្តចំនួន ៧ជុំ ហើយបានចាប់ផ្តើមជុំទី៨ នៅព្រឹកថ្ងៃអង្គារក្នុងចំណោមប្រជាជននៅក្នុងតំបន់រឹតត្បិតមួយចំនួន។ របស់របរប្រើប្រាស់ប្រចាំថ្ងៃកំពុងត្រូវបានបញ្ជូនទៅកាន់ក្រុង Yuzhou និងចែកចាយទៅកាន់អ្នកស្រុកដែលត្រូវបានស្នើសុំឱ្យស្នាក់នៅតែក្នុងលំនៅឋាន។ ប្រជាជន ១៣លាននាក់ផ្សេងទៀតត្រូវបានបិទខ្ទប់នៅក្នុងទីក្រុង Xi'an និង ៥.៥លាននាក់នៅទីក្រុង Anyang ជាមួយនឹងវិធានការរឹតត្បិតដែលបានដាក់ទៅលើទីក្រុងកំពង់ផែ Tianjin ធ្វើដំណើរប្រហែលមួយម៉ោងពីទីក្រុងប៉េកាំងដែលនឹងធ្វើជាម្ចាស់ផ្ទះកីឡាអូឡាំពិករដូវរងាចាប់ពីថ្ងៃទី៤ ខែកុម្ភៈ។ទីក្រុង Tianjin និង Anyang បានរាយការណ៍ពីករណីឆ្លងក្នុងស្រុកនៃវីរុសបម្លែងខ្លួនថ្មី Omicron។ ការធ្វើតេស្តទ្រង់ទ្រាយធំកំពុងត្រូវបានអនុវត្ត ខណៈមានការផ្ទុះឡើងវីរុសឆ្លងនៅជុំវិញប្រទេស។ ការខិតជិតមកដល់នៃកីឡាអូឡាំពិករដូវរងា និងការលេចឡើងនៃវីរុសបម្លែងខ្លួនថ្មី Omicron បាននាំមកនូវវិធានការបិទខ្ទប់នៅទូទាំងទីក្រុងឡើងវិញ ក្នុងគោលបំណងដើម្បីលុបបំបាត់ការផ្ទុះឡើវីរុស និងការពារពីការរាលដាលទៅកាន់ទីក្រុងផ្សេងទៀតរបស់ប្រទេសចិន។ រហូតមកដល់ពេលនេះទីក្រុងចំនួន ៣ របស់ប្រទេសចិនបានបិទខ្ទប់ដោយសារតែការផ្ទុះឡើងនៃវីរុសឆ្លងថ្មីៗ ដែលធ្វើឲ្យចំនួនអ្នកត្រូវស្នាក់នៅក្នុងលំនៅឋានមានដល់ប្រមាណ ២០លាននាក់៕អត្ថបទ៖ ប៊ុនថន

WHO៖ វាឆាប់ពេកដែលត្រូវចាត់ទុកវីរុស COVID-19 ថាដូចជាជំងឺផ្ដាសាយធំ ខណៈវីរុសបម្លែងខ្លួនថ្មី Omicron រាតត្បាតខ្លាំង

WHO៖ អង្គការសុខភាពពិភពលោកបាននិយាយកាលពីថ្ងៃអង្គារថា វីរុស COVID-19 បម្លែងខ្លួនថ្មី Omicron កំពុងចម្លងពលរដ្ឋអឺរ៉ុបជាងពាក់កណ្តាល ប៉ុន្តែគេនៅមិនទាន់បានមើលឃើញថា វាដូចជាជំងឺផ្ដាសាយធំនោះទេ។ លោក Hans Kluge នាយកប្រចាំតំបន់អឺរ៉ុបរបស់អង្គការសុខភាពពិភពលោកបានប្រាប់សន្និសីទសារព័ត៌មានថា សហភាពអឺរ៉ុបបានមើលឃើញករណីឆ្លងថ្មីជាង ៧លាននាក់ក្នុងសប្ដាហ៍ដំបូងនៃឆ្នាំ២០២២ ជាង ២ដងលើសរយៈពេល ២សប្ដាហ៍កន្លងទៅ។លោក Kluge បាននិយាយដោយសំដៅដល់មជ្ឈមណ្ឌលស្រាវជ្រាវនៅសាកលវិទ្យា Washington ថា នៅអត្រានេះវិទ្យាស្ថាន Health Metrics and Evaluation បានព្យាករណ៍ថា ចំនួនប្រជាជនជាង ៥០% នៅក្នុងតំបន់នេះនឹងឆ្លងវីរុសបម្លែងខ្លួនថ្មី Omicron ក្នុងរយៈពេលចន្លោះពី ៦ ទៅ ៨សប្ដាហ៍ទៀត។ នាយកប្រចាំតំបន់អឺរ៉ុបរូបនេះបានថ្លែងថា ប្រទេសចំនួន ៥០ ក្នុងចំណោមប្រទេស ៥៣ នៅអឺរ៉ុប និងអាស៊ីកណ្ដាលមានករណីឆ្លងវីរុសបម្លែងខ្លួនថ្មីនេះកាន់តែច្រើនឡើង។ ទោះយ៉ាងណាក៏ដោយភស្តុតាងកំពុងបង្ហាញថា វីរុសបម្លែងខ្លួនថ្មី Omicron កំពុងប៉ះពាល់ដល់ដំណើរផ្លូវដង្ហើមផ្នែកខាងលើខ្លាំងជាងសួត ដែលបណ្ដាលឲ្យមានរោគសញ្ញាស្រាលជាងពពួកវីរុសបម្លែងខ្លួនមុនៗ។ ប៉ុន្តែអង្គការសុខភាពពិភពលោកបានព្រមានថា ចាំបាច់ត្រូវមានការសិក្សាបន្ថែមទៀត ដើម្បីបញ្ជាក់ពីភស្តុតាងនេះឲ្យបានច្បាស់លាស់៕អត្ថបទ៖ សុខមាន

សហរដ្ឋអាមេរិកបំបែកកំណត់ត្រាដោយមានអ្នកជំងឺ COVID-19 ចូលសម្រាកព្យាបាលនៅមន្ទីរពេទ្យជាង ១៣ម៉ឺននាក់

សហរដ្ឋអាមេរិក៖ យោងតាមសារព័ត៌មាន Reuters កាលពីថ្ងៃចន្ទសហរដ្ឋអាមេរិកមានចំនួនអ្នកជំងឺ COVID-19 ចូលសម្រាកព្យាបាលនៅក្នុងមន្ទីរពេទ្យខ្ពស់មិនធ្លាប់មាន ដោយបានបំបែកកំណត់ត្រាផងដែរដែលកាលពីចុងខែធ្នូ ឆ្នាំ២០២១ មានអ្នកជំងឺចូលសម្រាកព្យាបាលនៅមន្ទីរពេទ្យខ្ពស់បំផុតត្រឹមតែងជាង ១០ម៉ឺននាក់ប៉ុណ្ណោះ ខណៈការឆ្លងបណ្ដាលមកពីវីរុសបម្លែងខ្លួនថ្មី Omicron បានប៉ះពាល់ខ្លាំងលើប្រព័ន្ធសុខភាពនៅក្នុងរដ្ឋមួយចំនួន។មនុស្សចំនួន ១៣២,៦៤៦នាក់បានចូលសម្រាកព្យាបាលនៅមន្ទីរពេទ្យដោយសារឆ្លងជំងឺ COVID-19 ជាចំនួនហក់ឡើងខ្ពស់បំផុតលើសពីចំនួន ១៣២,០៥១នាក់ដែលបានបង្កើតកំណត់ត្រាកាលពីខែមករាឆ្នាំមុន។ ចំនួនអ្នកជំងឺចូលសម្រាកព្យាបាលនៅមន្ទីរពេទ្យបានកើនឡើងខ្ពស់ជាលំដាប់ចាប់តាំងពីខែធ្នូមក ជាការកើនឡើងទ្វេដងកាលពី ៣សប្ដាហ៍មុន ខណៈវីរុសបម្លែងខ្លួនថ្មី Omicron ដែលមានសមត្ថភាពចម្លងលឿនជាងវីរុសបម្លែងខ្លួនថ្មី Delta ក្លាយជាវីរុសឆ្លងថ្មីដ៏មានឥទ្ធិពលនៅក្នុងសហរដ្ឋអាមេរិក។យោងតាមការវិភាគរបស់សារព័ត៌មាន Reuters នៅរដ្ឋ Delaware, Illinois, Maine, Maryland, Missouri, Ohio, Pennsylvania, Puerto Rico, កោះ U.S. Virgin Islands, រដ្ឋ Vermont, Virginia, ទីក្រុងWashington D.C., និងរដ្ឋ Wisconsin បានរាយការណ៍ចំនួនអ្នកជំងឺ COVID-19 ចូលសម្រាកព្យាបាលនៅមន្ទីរពេទ្យដល់កម្រិតខ្ពស់បំផុតនាពេលថ្មីៗនេះ។ យោងតាមសារព័ត៌មាន world ometer គិតត្រឹមព្រឹកថ្ងៃអង្គារនេះ សហរដ្ឋអាមេរិកមានករណីឆ្លងវីរុស COVID-19 សរុបចំនួន ៦២,៥៣០,៥៤៥នាក់បន្ទាប់ពីមានករណីឆ្លងថ្មី ៦៣០,៨០៦នាក់ និងស្លាប់សរុប ៨៦១,២៧៧នាក់បន្ទាប់ពីមានការស្លាប់ថ្មីចំនួន ៩៥៤នាក់៕អត្ថបទ៖ សុខមាន

ប្រមុខរាជរដ្ឋាភិបាលជំរុញឱ្យបង្កើតល្បឿនចាក់វ៉ាក់សាំងដូសទី៣ ដើម្បីទប់ស្កាត់ការឆ្លងរាលដាលនៃកូវីដ-១៩ប្រភេទអូមីក្រុងក្នុងសហគមន៍

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន ជំរុញទៅអាជ្ញាធរមូលដ្ឋាន និងក្រសួងសុខាភិបាល ឱ្យពន្លឿនការចាក់វ៉ាក់សាំងដូសជំរុញ ឬដូសទី៣ដល់ប្រជាពលរដ្ឋទូទាំងប្រទេស ខណៈដែលមេរោគកូវីដ-១៩ប្រភេទអូមីក្រុង កំពុងរីករាលដាលក្នុងសហគមន៍។ក្នុងសារជាសំឡេងតាមតេឡេក្រាមនៅល្ងាចថ្ងៃនេះ សម្ដេចតេជោ ហ៊ុន សែន បានឱ្យដឹងថា កម្ពុជាបានរកឃើញមនុស្ស ៣៤នាក់បន្ថែមទៀត បានឆ្លងមេរោគកូវីដ-១៩ប្រភេទអូមីក្រុង ក្នុងនោះ ២០នាក់ គឺជាករណីនាំចូលពីក្រៅប្រទេស ខណៈ ១៤នាក់ទៀត គឺជាករណីឆ្លងក្នុងសហគមន៍។បើតាមសារជាសំឡេងដដែលនេះ សម្ដេចតេជោ ហ៊ុន សែន បានណែនាំទៅក្រសួងសុខាភិបាលឱ្យត្រៀមវ៉ាក់សាំងឱ្យបានគ្រប់គ្រាន់ និងប្រមូលផ្ដុំគ្រូពេទ្តទាំងអស់ សម្រាប់យុទ្ធនាការចាក់វ៉ាក់សាំងដូសទី៣នេះ។ប្រមុខរាជរដ្ឋាភិបាលកម្ពុជា ក៏បានណែនាំទៅដល់អាជ្ញាធរមូលដ្ឋានទូទាំងប្រទេស ឱ្យខិតខំប្រមូលប្រជាពលរដ្ឋទៅទទួលវ៉ាក់សាំងដូសជំរុញនេះ ឱ្យបានឆាប់តាមតែអាចធ្វើទៅបាន។សម្ដេចតេជោ ហ៊ុន សែន បញ្ជាក់ផងដែរថា ការចាក់ដូសទី៣ ឬដូសជំរុញនេះ គឺជាជម្រើសដ៏ល្អបំផុតសម្រាប់ទប់ស្កាត់ការរីកដាលនៃមេរោគកូវីដ-១៩ប្រភេទអូមីក្រុងនៅក្នុងសហគមន៍។សម្ដេចតេជោ ហ៊ុន សែន បានជំរុញឱ្យបង្កើនល្បឿនយុទ្ធនាការចាក់វ៉ាក់សាំងដូសទី៣បែបនេះ ដើម្បីទប់ស្កាត់កុំឱ្យវិលលត្រឡប់ទៅក្នុងការបិទខ្ទប់ប្រភេទឡើងវិញ៕

ភ្ញៀវទេសចរជាង ២០នាក់បានស្លាប់ដោយសារព្រិលនៅប្រទេសប៉ាគីស្ថាន

ប៉ាគីស្ថាន៖ ប្រភពពីនគរបាលបាននិយាយថា យ៉ាងហោចណាស់អ្នកទេសចរ ២២នាក់បានស្លាប់នៅក្នុងសីតុណ្ហភាពត្រជាក់ បន្ទាប់ពីជាប់គាំងក្នុងព្រិលធ្លាក់ខ្លាំងនៅទីក្រុង Murree ភាគខាងជើងប្រទេសប៉ាគីស្ថាន។ រថយន្តជាង ១,០០០គ្រឿងបានជាប់គាំងនៅក្នុងទីក្រុងរមណីយដ្ឋានតំបន់ភ្នំ បន្ទាប់ពីការបិទផ្លូវដោយព្រិលធ្លាក់ខ្លាំង និងដើមឈើដួលរលំកាលពីចុងសប្តាហ៍កន្លងទៅនេះ។រដ្ឋាភិបាលក្នុងតំបន់បានបិទផ្លូវទាំងអស់ឡើងលើភ្នំ បន្ទាប់ពីព្រិលធ្លាក់ដោយអនុញ្ញាតឱ្យមានតែរថយន្តសង្គ្រោះប៉ុណ្ណោះឆ្លងកាត់។ អាជ្ញាធរ និងយោធាប៉ាគីស្ថានបានបញ្ជូនក្រុមជួយសង្គ្រោះ ដើម្បីស្វែងរកអ្នកទេសចរដែលជាប់គាំងនៅតំបន់ភ្នំ ដែលគ្របដណ្តប់ដោយព្រិលបន្ទាប់ពីព្យុះព្រិល។ អ្នកទេសចរម្នាក់និយាយថា យោធាប៉ាគីស្ថានបានជួយយើងយ៉ាងច្រើន។ ពួកគេមិនត្រឹមតែផ្តល់ឱ្យយើងនូវអាហារ និងកន្លែងស្នាក់នៅប៉ុណ្ណោះទេ ពួកគេថែមទាំងបានជួយរើរថយន្តរបស់យើងចេញពីព្រិល។ អ្នកទេសចរដែលជាប់គាំងច្រើននាក់ត្រូវបានបញ្ជូនទៅកាន់មន្ទីរពេទ្យ ដើម្បីព្យាបាលដោយក្រុមអ្នកជួយសង្គ្រោះមកពីសមាគមអឌ្ឍចន្ទក្រហមប៉ាគីស្ថាន។ វេជ្ជបណ្ឌិតមកពីមន្ទីរពេទ្យ Abbasi បាននិយាយថា យើងបានព្យាបាលអ្នកជំងឺប្រមាណ ៥០នាក់ដែលមិនស្រួលខ្លួនដោយសារអាកាសធាតុត្រជាក់ យើងបានផ្តល់ឱ្យពួកគេនូវអុកហ្សីសែន និងការព្យាបាលផ្សេងទៀត ហើយពួកគេភាគច្រើនបានចាកចេញបន្ទាប់ពីរោគសញ្ញាបានធូរស្រាល។នគរបាលក្នុងតំបន់បាននិយាយថា ព្យុះបានបន្សល់ទុកព្រិលកម្ពស់ជាង ១.២ម៉ែត្រនៅលើដី ជាអ្វីដែលមិនធ្លាប់បានឃើញពីមុនមក។ លើសពីនេះ លំហូរចូលនៃភ្ញៀវទេសចរបានធ្វើឱ្យលើសចំណុះនៃសណ្ឋាគារក្នុងស្រុក ធ្វើឱ្យមនុស្សជាច្រើនចំណាយពេលពេញមួយយប់នៅក្នុងរថយន្ត ហើយភ្ញៀវមួយចំនួនបានស្លាប់ដោយសារការពុលសារធាតុកាបូន។ នាយករដ្ឋមន្ត្រីប៉ាគីស្ថានលោក Imran Khan បាននិយាយថា លោកបានបញ្ជាឱ្យមានការស៊ើបអង្កេតលើឧបទ្ទវហេតុនេះ ហើយបានបញ្ជាឱ្យអាជ្ញាធរមូលដ្ឋានអនុវត្តការគ្រប់គ្រងតឹងរ៉ឹង ដើម្បីទប់ស្កាត់សោកនាដកម្មបែបនេះកុំឱ្យកើតឡើងម្តងទៀត៕អត្ថបទ៖ ប៊ុនថន

មនុស្ស ១៩នាក់ស្លាប់ក្នុងអគ្គិភ័យឆេះអគារអឹផាតមិននៅក្នុងទីក្រុង New York សហរដ្ឋអាមេរិក

សហរដ្ឋអាមេរិក៖ មនុស្សយ៉ាងហោចណាស់ ១៩នាក់រួមទាំងកុមារ ៩នាក់បានស្លាប់បន្ទាប់ពីអគ្គិភ័យឆាបឆេះអគារអឹផាតមិននៅទីក្រុង New York សហរដ្ឋអាមេរិក។ យោងតាម Eric Adams អភិបាលក្រុង New York ឲ្យដឹងថា មនុស្ស ៣២នាក់ត្រូវបានបញ្ជូនទៅកាន់មន្ទីរពេទ្យក្នុងនោះអ្នករងរបួសមួយចំនួនមានស្ថានភាពធ្ងន់ធ្ងរ។ប្រធានអង្គភាពពន្លត់អគ្គិភ័យលោក Daniel Nigro បាននិយាយថា ពួកលោកបានរកឃើញជនរងគ្រោះនៅគ្រប់ជាន់ទាំងអស់នៃអគារកម្ពស់ ១៩ជាន់ ដោយនិយាយថា មានផ្សែងច្រើនខុសពីធម្មតា។ លោកថា ប្រជាពលរដ្ឋខ្លះមិនអាចគេចចេញពីអគ្គិភ័យបានដោយសារតែផ្សែងខ្លាំងពេក។ លោកបានប្រាប់សារព័ត៌មាន NBC News គេមិនធ្លាប់ឃើញចំនួនអ្នកស្លាប់ច្រើនបែបនេះទេនៅក្នុងទីក្រុង New York ក្នុងរយៈពេល ៣០ឆ្នាំមកនេះ។ ហេតុការណ៍នេះកើតឡើងប៉ុន្មានថ្ងៃ បន្ទាប់ពីមានអគ្គិភ័យឆាបឆេះអគារអឹផាតមិនមួយនៅក្នុងទីក្រុង Philadelphia សម្លាប់មនុស្ស ១២នាក់រួមទាំងកុមារ ៨នាក់កាលពីសប្ដាហ៍មុន។ ក្រុមមន្ត្រីនិយាយថា អគ្គិភ័យកាលពីថ្ងៃអាទិត្យបានឆាបឆេះនៅក្នុងអគារអឹផាតមិនមួយដែលបានកើតឡើងនៅជាន់ទី២ និងទី៣ នៅអគារអឹផាតមិន Bronx នៅម៉ោងប្រហែល ១១:០០នាទី៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

រដ្ឋមន្រ្តីសុខាភិបាល៖«ការលើកកម្ពស់អាហារូបត្ថម្ភអ្នកជំងឺ ក្នុងស្តង់ដាមន្ទីរពេទ្យ គឺជាផ្នែកមួយនាំឱ្យការព្យាបាលកាន់តែមានប្រសិទ្ធភាពខ្ពស់»

កាកបាទក្រហមកម្ពុជា នាំយកអំណោយមនុស្សធម៌ដ៏ថ្លៃថ្លារបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចែកជូនប្រជាពលរដ្ឋងាយរងគ្រោះបំផុត ៨០០គ្រួសារ នៅស្រុកក្រូចឆ្មារ ខេត្តត្បូងឃ្មុំ

ទួរគីហៅអ៊ីស្រាអែលថា ជា «បញ្ហាសម្រាប់ពិភពលោកទាំងមូល»

រដ្ឋមន្ត្រីការបរទេសស៊ីរីនិយាយថា ស៊ីរីមិនមានបំណងធ្វើអន្តរាគមន៍យោធានៅប្រទេសលីបង់ទេ

ជនអន្តោប្រវេសន៍ប្រមាណ ៦០០.០០០នាក់នៅអេស្ប៉ាញ បានដាក់ពាក្យសុំឋានៈស្របច្បាប់

កម្ពុជាបញ្ជាក់ប្រាប់ប្រធាន ICRC ចំពោះជំហរយ៉ាងម៉ឺងម៉ាត់ក្នុងការដោះស្រាយបញ្ហាព្រំដែនដោយសន្តិវិធី ផ្អែកលើច្បាប់អន្តរជាតិជាមួយប្រទេសថៃ

ក្រុមភ្នំពេញក្រោន ស្ថិតក្នុងពូលB នៃវគ្គជម្រុះបឋមពានបាល់ទាត់នារីទ្វីបអាស៊ី ឆ្នាំ២០២៦/២៧

ក្រសួងការពារជាតិ៖ កងកម្លាំងប្រដាប់អាវុធរុស្ស៊ីបានវាយប្រហារគោលដៅយោធាអ៊ុយក្រែនជាង ១៥០កន្លែង

UNICEF៖ កុមារលីបង់ប្រហែល ១០ម៉ឺននាក់ ប្រឈមនឹងការខកខានមិនចូលរៀនក្នុងឆ្នាំសិក្សាថ្មី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ប្រមុខអង្គការសហប្រជាជាតិព្រមានថា ជនជាតិអាហ្វហ្គានីស្ថានរាប់លាននាក់ប្រឈមនឹងការអត់បាយស្លាប់

WHO៖ ករណីឆ្លងវីរុសបម្លែងខ្លួនថ្មី Omicron ស្ថិតនៅតារាងលើគេ ខណៈការឆ្លងថ្មីសកលសាងកំណត់ត្រាថ្មី

សហរដ្ឋអាមេរិកដាក់ទណ្ឌកម្មលើកូរ៉េខាងជើងដោយសារការបាញ់សាកល្បងមីស៊ីលបាលីស្ទីក

អង្គការសហប្រជាជាតិស្វែងរកថវិកា ៥ពាន់លានដុល្លារសម្រាប់ប្រទេសអាហ្វហ្គានីស្ថាន

ទីក្រុងមួយចំនួនរបស់ប្រទេសចិនស្ថិតក្នុងការបិទខ្ទប់ និងបន្តធ្វើតេស្តទ្រង់ទ្រាយធំ

WHO៖ វាឆាប់ពេកដែលត្រូវចាត់ទុកវីរុស COVID-19 ថាដូចជាជំងឺផ្ដាសាយធំ ខណៈវីរុសបម្លែងខ្លួនថ្មី Omicron រាតត្បាតខ្លាំង

សហរដ្ឋអាមេរិកបំបែកកំណត់ត្រាដោយមានអ្នកជំងឺ COVID-19 ចូលសម្រាកព្យាបាលនៅមន្ទីរពេទ្យជាង ១៣ម៉ឺននាក់

ភ្ញៀវទេសចរជាង ២០នាក់បានស្លាប់ដោយសារព្រិលនៅប្រទេសប៉ាគីស្ថាន

មនុស្ស ១៩នាក់ស្លាប់ក្នុងអគ្គិភ័យឆេះអគារអឹផាតមិននៅក្នុងទីក្រុង New York សហរដ្ឋអាមេរិក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សហរដ្ឋអាមេរិក​ដាក់ទណ្ឌកម្ម​លើ​កូរ៉េខាងជើង​ដោយសារ​ការ​បាញ់​សាកល្បង​មី​ស៊ី​ល​បាលី​ស្ទីក​

អង្គការ​សហប្រជាជាតិ​ស្វែងរក​ថវិកា ៥​ពាន់​លាន​ដុល្លារ​សម្រាប់​ប្រទេស​អា​ហ្វ​ហ្គា​នី​ស្ថាន​

ទីក្រុង​មួយ​ចំនួន​របស់​ប្រទេស​ចិន​ស្ថិត​ក្នុង​ការ​បិទ​ខ្ទប់ និងបន្ត​ធ្វើតេស្ត​ទ្រង់ទ្រាយ​ធំ​

ភ្ញៀវ​ទេសចរ​ជាង​ ២០​នាក់​បាន​ស្លាប់​ដោយ​សារ​ព្រិល​នៅ​ប្រទេស​ប៉ាគីស្ថាន​

មនុស្ស​ ១៩​នាក់​ស្លាប់​ក្នុង​អគ្គិភ័យ​ឆេះ​អគារ​អឹ​ផាត​មិន​នៅ​ក្នុង​ទីក្រុង New York សហរដ្ឋអាមេរិក​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សហរដ្ឋអាមេរិកដាក់ទណ្ឌកម្មលើកូរ៉េខាងជើងដោយសារការបាញ់សាកល្បងមីស៊ីលបាលីស្ទីក

អង្គការសហប្រជាជាតិស្វែងរកថវិកា ៥ពាន់លានដុល្លារសម្រាប់ប្រទេសអាហ្វហ្គានីស្ថាន

ទីក្រុងមួយចំនួនរបស់ប្រទេសចិនស្ថិតក្នុងការបិទខ្ទប់ និងបន្តធ្វើតេស្តទ្រង់ទ្រាយធំ

ភ្ញៀវទេសចរជាង ២០នាក់បានស្លាប់ដោយសារព្រិលនៅប្រទេសប៉ាគីស្ថាន

មនុស្ស ១៩នាក់ស្លាប់ក្នុងអគ្គិភ័យឆេះអគារអឹផាតមិននៅក្នុងទីក្រុង New York សហរដ្ឋអាមេរិក