BTV NEWS

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត

សម្ដេចធិបតី៖ ភាពជោគជ័យរបស់អ្នកដឹកនាំអង្គភាពមួយ គឺការធានាឱ្យអង្គភាពនោះមានសមត្ថភាពបន្តដំណើរការ និងការរីកចម្រើន ទោះបីជាក្នុងពេលអវត្តមានរបស់ខ្លួនក៏ដោយ

ព័ត៌មានសំខាន់ៗ

ក្រុមហ៊ុនផលិតវ៉ាក់សាំង Pfizer៖ វ៉ាក់សាំងបង្ការវីរុសបម្លែងខ្លួនថ្មី Omicron នឹងរួចរាល់ក្នុងពេល ១០០ថ្ងៃ

អាមេរិក៖ ប្រធានក្រុមហ៊ុនផលិតឱសថយក្សរបស់សហរដ្ឋអាមេរិក Pfizer និយាយថា ក្រុមហ៊ុនអាចមានវ៉ាក់សាំងថ្មីសម្រាប់បង្ការវីរុសកូរ៉ូណាបម្លែងខ្លួនថ្មី Omicron ក្នុងរយៈពេលតិចជាង ១០០ថ្ងៃ។លោក Albert Bourla នាយកប្រតិបត្តិរបស់ក្រុមហ៊ុន Pfizer បានបញ្ជាក់នៅក្នុងបទសម្ភាសន៍ ជាមួយបណ្ដាញទូរទស្សន៍អាមេរិកកាលពីថ្ងៃចន្ទថា ប្រសិនបើវ៉ាក់សាំងបង្ការវីរុសបច្ចុប្បន្នការពារបានតិចជាងនោះ Pfizer ត្រូវការបង្កើតវ៉ាក់សាំងថ្មីមួយទៀត។ លោកបានគូសបញ្ជាក់ថា ក្រុមហ៊ុនបានចាប់ផ្ដើមការងារសម្រាប់ការផលិតវ៉ាក់សាំងនេះរួចហើយ។ នាយកប្រតិបត្តិក៏បាននិយាយផងដែរថា ក្រុមហ៊ុន Pfizer បានផលិតវ៉ាក់សាំងរួចហើយសម្រាប់ទប់ទល់នឹងវីរុសបម្លែងខ្លួនថ្មីប្រភេទ Beta និង Delta ប៉ុន្តែវ៉ាក់សាំងទាំងនោះមិនត្រូវបានគេប្រើប្រាស់ទេ ព្រោះវ៉ាក់សាំងដើមនៅតែមានប្រសិទ្ធភាពនៅឡើយ។លោកបានបន្តថា វ៉ាក់សាំងប្រឆាំងនឹងវីរុសបម្លែងខ្លួនថ្មី Omicron នឹងត្រូវបានប្រើលុះត្រាតែក្រុមហ៊ុនមើលឃើញថា វ៉ាក់សាំងបច្ចុប្បន្នលែងមានប្រសិទ្ធភាព។ លោក Bourla ក៏បាននិយាយអំពីថ្នាំគ្រាប់សម្រាប់លេបផងដែរដែល Pfizer កំពុងផលិតដើម្បីព្យាបាលវីរុស COVID-19។ លោកបាននិយាយថា លោកមានការជឿជាក់ខ្ពស់ថា វានឹងមានប្រសិទ្ធភាពក្នុងការព្យាបាលវីរុសបម្លែងខ្លួនថ្មី Omicron។ អគ្គនាយកក្រុមហ៊ុន Pfizer ជឿជាក់ថា ការព្យាបាលវីរុស Covid-19 ដោយថ្នាំគ្រាប់នឹងមានប្រសិទ្ធភាពប្រឆាំងវីរុសបម្លែងខ្លួនថ្មី Omicron នេះ៕អត្ថបទ៖ សុខមាន

WHO ព្រមានពីការប្រឈមខ្ពស់នៃការឆ្លងវីរុស COVID-19 បម្លែងខ្លួនថ្មី Omicron នៅទូទាំងពិភពលោក

WHO៖ ប្រមុខអង្គការសុខភាពពិភពលោក (WHO) បាននិយាយថា ការគំរាមកំហែងដែលបង្កឡើងដោយវីរុសបម្លែងខ្លួនថ្មី Omicron បានប្រែប្រួលយ៉ាងឆាប់រហ័សបង្ហាញពីស្ថានភាពគ្រោះថ្នាក់ និងមិនច្បាស់លាស់ដែលពិភពលោកកំពុងស្ថិតនៅក្នុងដំណាក់នេះ ខណៈលោកបានព្រមានថា ជំងឺរាតត្បាតសកលនេះនឹងមិនបញ្ចប់ទេ រហូតដល់គ្រប់ប្រទេសទាំងអស់ទទួលបានវ៉ាក់សាំង។នៅក្នុងការអត្ថាធិប្បាយសំខាន់ៗដំបូងរបស់លោក ចាប់តាំងពីវីរុសបម្លែងខ្លួនថ្មីនេះបានផ្ទុះឡើងកាលពីសប្ដាហ៍មុន លោកវេជ្ជបណ្ឌិត Tedros Adhanom Ghebreyesus បាននិយាយថា វាបង្ហាញពីការលំបាកក្នុងការកម្ចាត់វីរុសនេះឲ្យរលាយបាត់ភ្លាមៗ។ ថ្លែងក្នុងសម័យប្រជុំពិសេសនៃមហាសន្និបាតសុខភាពពិភពលោក លោកបាននិយាយថា ការផ្ទុះឡើងនៃវីរុសបម្លែងខ្លួនថ្មី Omicron បានក្លាយជាការរម្លឹកថា វីរុស Covid-19 មិនត្រូវបានបញ្ចប់ទៅដោយមានត្រឹមតែយើងនោះទេ។ កាលពីព្រឹកថ្ងៃចន្ទ WHO បាននិយាយថា វីរុសបម្លែងខ្លួនថ្មី Omicron ទំនងជារីករាលដាលជាអន្តរជាតិដែលបង្កហានិភ័យជាសកលខ្ពស់ នៃការកើនឡើងករណីឆ្លងដែលអាចមានផលវិបាកធ្ងន់ធ្ងរនៅក្នុងតំបន់មួយចំនួន។ ទីភ្នាក់ងារអង្គការសហប្រជាជាតិបានជំរុញឱ្យរដ្ឋសមាជិកចំនួន ១៩៤ របស់ខ្លួនពន្លឿនការចាក់វ៉ាក់សាំងបង្ការដល់ក្រុមដែលមានអាទិភាពខ្ពស់ ហើយនៅក្នុងការរំពឹងទុកនៃការកើនឡើងចំនួនករណីឆ្លង ដើម្បីធានាឱ្យមានផែនការកាត់បន្ថយការឆ្លង ដើម្បីរក្សាឲ្យបាននូវការផ្ដល់សេវាសុខភាពសំខាន់ៗ។ករណីឆ្លងត្រូវបានគេរាយការណ៍រួចហើយក្នុងប្រទេសមួយចំនួនរួមមានកាណាដា អង់គ្លេស ព័រទុយហ្គាល់ បែលហ្សិក អាល្លឺម៉ង់ អូស្ត្រាលី ហូឡង់ និងប្រទេសជាច្រើនទៀតរួមទាំងក្នុងទ្វីបអាហ្វ្រិក។ វីរុសបម្លែងខ្លួនថ្មីនេះបានជំរុញឱ្យចក្រភពអង់គ្លេស សហភាពអឺរ៉ុប និងសហរដ្ឋអាមេរិក ចេញបម្រាមធ្វើដំណើរលើបណ្តាប្រទេសនៅអាហ្វ្រិកភាគខាងត្បូង ជាការសម្រេចចិត្តមួយដែលត្រូវបានរិះគន់ដោយប្រធានាធិបតីអាហ្វ្រិកខាងត្បូងលោក Cyril Ramaphosa ដែលលោកយល់ថា ទង្វើនេះមិនខុសអីពីការដាក់ទណ្ឌកម្មនោះទេ៕អត្ថបទ៖ សុខមាន

ពិភពលោកប្រញាប់ប្រញាល់ហាមប្រាមការហោះហើរចេញពីអាហ្វ្រិកខាងត្បូង ខណៈវីរុសបម្លែងខ្លួនថ្មីឆ្លងខ្លាំង

ពិភពលោក៖ គោលដៅទេសចរណ៍សំខាន់ៗរួមមានសហភាពអឺរ៉ុប ជប៉ុន អូស្ត្រាលី សហរដ្ឋអាមេរិក និងកាណាដាបានប្រញាប់ប្រញាល់បិទជើងហោះហើរពីបណ្ដាប្រទេសនៅអាហ្វ្រិក បន្ទាប់ពីការរកឃើញវីរុសបម្លែងខ្លួន Omicron ដោយអនុវត្តន៍វិធានការឆ្លើយតបគ្រាអាសន្នកាលពីកន្លងទៅ ដែលបង្កឱ្យមានការបង្កកជាសកលសម្រាប់ការធ្វើដំណើរ។ល្បឿនដែលការរឹតបន្តឹងថ្មីត្រូវបានអនុវត្តន៍ ត្រឹមតែប៉ុន្មានម៉ោងប៉ុណ្ណោះបន្ទាប់ពីក្រុមអាជ្ញាធរសុខាភិបាលអាហ្វ្រិកខាងត្បូង បានប្រកាសពីការរកឃើញវីរុសបម្លែងខ្លួនថ្មីនេះ មានន័យថាអ្នកដំណើរបានឃើញខ្លួនឯងជាប់គាំងដោយគ្មានការព្រមាន។ ខណៈដែលក្រុមអ្នកវិទ្យាសាស្ត្រនៅអាហ្វ្រិកខាងត្បូង គឺជាមនុស្សដំបូងគេដែលកំណត់អត្តសញ្ញាណប្រភេទថ្មីនេះ គេមិនច្បាស់តើថាវីរុសនោះផ្ទុះឡើងនៅទីនោះ ឬត្រូវបាននាំចូលមកពីប្រទេសផ្សេងនោះទេ។ ទោះបីជាមានការហាមឃាត់ក៏ដោយ វីរុសបម្លែងខ្លួនថ្មីនេះត្រូវបានរកឃើញរួចទៅហើយនៅក្នុងប្រទេសជាច្រើន។ ករណីឆ្លងភាគច្រើនដែលបានរកឃើញ គឺនៅលើអ្នកដំណើរដែលត្រឡប់មកពីតំបន់នោះ។ អ្នកដំណើរយ៉ាងហោចណាស់ ១៣នាក់មកពីអាហ្វ្រិកខាងត្បូងបានធ្វើតេស្តវិជ្ជមានវីរុសបម្លែងខ្លួនថ្មីនេះ បន្ទាប់ពីចុះចតនៅអាកាសយានដ្ឋាន Schiphol ក្នុងទីក្រុង Amsterdam ប្រទេសហូឡង់កាលពីថ្ងៃសុក្រ។ ការរកឃើញបានកើតឡើង បន្ទាប់ពីប្រទេសហូឡង់បានអនុវត្តន៍ការរឹតត្បិតលើការធ្វើដំណើរថ្មី ស្របពេលមានការព្រួយបារម្ភអំពីការប្រែប្រួលដ៏ខ្លាំងក្លានៃវីរុសកូរ៉ូណាថ្មីនេះ។ករណីឆ្លងចំនួនពីរដែលបានរកឃើញនៅក្នុងចក្រភពអង់គ្លេស ត្រូវបានទាក់ទងទៅនឹងការធ្វើដំណើរទៅកាន់អាហ្វ្រិកភាគខាងត្បូង។ ការឆ្លង ១ករណីនៃវីរុសបម្លែងខ្លួនថ្មី Omicron ត្រូវបានរកឃើញនៅលើអ្នកដំណើរដែលបានមកពីទីក្រុងណៃរ៉ូប៊ី ទៅកាន់សាធារណរដ្ឋឆេក។ ក្រសួងសុខាភិបាលនៃរដ្ឋ New South Wales បាននិយាយកាលពីថ្ងៃអាទិត្យថា ករណីឆ្លងវីរុសបម្លែងខ្លួនថ្មី Omicron ចំនួន ២ ត្រូវបានរកឃើញនៅក្នុងប្រទេសអូស្ត្រាលី លើអ្នកដំណើរមកពីតំបន់អាហ្វ្រិកភាគខាងត្បូងដែលបានមកដល់ទីក្រុងស៊ីដនី។ ខណៈដែលប្រទេសអាល្លឺម៉ង់បញ្ជាក់ពីករណីឆ្លងវីរុសនេះចំនួន ២នាក់ ហើយអ៊ីតាលីបញ្ជាក់ថាមានករណីឆ្លងវីរុស Omicron នេះមួយករណីក្នុងការធ្វើដំណើរចូលមកពីប្រទេសម៉ូហ្សំប៊ិក៕អត្ថបទ៖ សុខមាន

WHO បញ្ជាក់ថា ខ្លួនមិនទាន់ដឹងច្បាស់ថា តើវីរុសបម្លែងខ្លួន Omicron បង្កជាជំងឺធ្ងន់ធ្ងរកម្រិតណានោះទេ

WHO៖ អង្គការសុខភាពពិភពលោក (WHO) បាននិយាយកាលពីថ្ងៃអាទិត្យ ទី២៨ ខែវិច្ឆិកាថា ខ្លួនមិនទាន់ច្បាស់ថា តើវីរុស COVID-19 បម្លែងខ្លួនថ្មីអូមីក្រុង (Omicron) មានសមត្ថភាពឆ្លងខ្លាំងជាងប៉ុណ្ណា បើប្រៀបធៀបទៅនឹងវីរុសបម្លែងខ្លួនថ្មី SARS-CoV-2 ផ្សេងទៀត ឬថាតើវីរុសនោះបណ្តាលឱ្យមានជំងឺធ្ងន់ធ្ងរកម្រិតណានោះទេ។អង្គការនេះបាននិយាយថា ទិន្នន័យបឋមបង្ហាញថា មានការកើនឡើងអត្រានៃអ្នកជំងឺចូលសម្រាកព្យាបាលនៅមន្ទីរពេទ្យ នៅអាហ្វ្រិកខាងត្បូង ប៉ុន្តែនេះអាចបណ្ដាលមកពីការកើនឡើងនៃចំនួនមនុស្សឆ្លង ជាជាងលទ្ធផលនៃការឆ្លងជាក់លាក់នៃវីរុសបម្លែងខ្លួនថ្មី Omicron។ អង្គការសុខភាពពិភពលោកបានចុះបញ្ជីវីរុសបម្លែងខ្លួនថ្មី Omicron ថាជាវីរុសគួរឲ្យបារម្ភ និងបាននិយាយថា ខ្លួនអាចប្រើពេលច្រើនសប្ដាហ៍ទំរាំដឹងថា វាមានការប្រែប្រួលសំខាន់ៗអ្វីខ្លះក្នុងការចម្លង ភាពធ្ងន់ធ្ងរ ឬផលប៉ះពាល់ដល់វ៉ាក់សាំងបង្ការវីរុស COVID-19 ការធ្វើតេស្ត និងការព្យាបាល។ ទោះជាយ៉ាងណាក៏ដោយនៅក្នុងសេចក្ដីថ្លែងការណ៍មួយ ទីភ្នាក់ងារនេះបានរំលឹកឡើងវិញថា ភស្តុតាងបឋមបង្ហាញថា អាចមានហានិភ័យខ្ពស់នៃការឆ្លងឡើងវិញពីវីរុសបម្លែងខ្លួនថ្មីនេះ។WHO បាននិយាយថា ខ្លួនកំពុងធ្វើការជាមួយក្រុមអ្នកជំនាញបច្ចេកទេស ដើម្បីស្វែងយល់ពីផលប៉ះពាល់ធ្ងន់ធ្ងរលើវិធានការទប់ស្កាត់ ដែលមានស្រាប់ប្រឆាំងនឹងជំងឺ COVID-19 រួមទាំងវ៉ាក់សាំងផងដែរ។ អង្គការសុខភាពពិភពលោកបាននិយាយថា បច្ចុប្បន្នមិនមានព័ត៌មានណាមួយនៅឡើយទេ ដែលបង្ហាញថារោគសញ្ញាដែលទាក់ទងនឹងវីរុសបម្លែងខ្លួនថ្មី Omicron មានភាពខុសប្លែកគ្នាពីវីរុសបម្លែងខ្លួនថ្មីផ្សេងទៀត។ គិតត្រឹមថ្ងៃចន្ទដើមសប្ដាហ៍នេះវីរុសបម្លែងខ្លួនថ្មី Omicron ត្រូវបានរកឃើញ និងឆ្លងរាលដាលដល់ប្រទេស និងដែនដីចំនួន ៩ ហើយ អូស្ត្រាលី អ៊ីតាលី អាល្លឺម៉ង់ ហូឡង់ អង់គ្លេស អ៊ីស្រាអែល ហុងកុង បូស្វាណា និងបែលហ្ស៊ិក៕អត្ថបទ៖ សុខមាន

លោកជំទាវ ហ៊ុន ម៉ាណា អញ្ជើញប្រគល់ផ្ទះទេវតាចំនួន ០១ខ្នងជូនទុរគតជន ជនចាស់ជរាគ្មានទីពឹង និងប្រគេនទេយ្យវត្ថុដល់វត្តចំនួន៥ និងផ្ដល់អំណោយដល់មណ្ឌលកុមារកំព្រាក្នុងខេត្តកំពង់ចាម

កំពង់ចាម ៖ លោកជំទាវ ហ៊ុន ម៉ាណា អគ្គនាយិកា វិទ្យុ និងទូរទស្សន៍បាយ័ន និងជាប្រធានកម្មវិធីផ្ទះទេវតា បានដឹកនាំក្រុមការងារ អញ្ជើញចុះប្រគល់ផ្ទះទេវតាចំនួន០១ខ្នងជាបន្តទៀត ជូនដល់ទុរគតជន ជនចាស់ជរាគ្មានទីពឹង នៅខេត្តកំពង់ចាម នាព្រឹកថ្ងៃទី២៧ ខែវិច្ឆិកា ឆ្នាំ២០២១ នេះ។ លោកជំទាវ ហ៊ុន ម៉ាណា បាននាំយកនូវប្រសាសន៍ផ្តាំផ្ញើសាកសួរសុខទុក្ខពីសំណាក់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលជានិច្ចកាល សម្តេចទាំងពីរតែងគិតគូរអំពីសុខទុក្ខដល់ពុកម៉ែ បងប្អូនគ្រប់ទីកន្លែង និងគ្រប់ពេលវេលា។ផ្ផ្ទះទំហំ៦×៧ម៉ែត្រ សង់ជូនលោកតា ម៉ុម លឹមអាយុ ៨៧ឆ្នាំ និងលោកយាយ ព្រំ សាន់ អាយុ ៧៦ឆ្នាំ រស់នៅភូមិត្រពាំងទូក ឃុំជ្រៃវៀន ស្រុកព្រៃឈរ ខេត្តកំពង់ចាម។ ផ្ទះនេះជាអំណោយកេរ្តិ៍មរកតរបស់ អ្នកឧកញ៉ា ព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី។ បន្ថែមលើអំណោយផ្ទះខាងលើ លោកតា និងលោកយាយក៏បានទទួលអំណោយពីសម្តេចតេជោ និងសម្តេចកិត្តិព្រឹទ្ធបណ្ឌិត បន្ថែមទៀតរួមមាន សម្ភារៈប្រើប្រាស់ក្នុងផ្ទះ គ្រឿងឧបភោគ-បរិភោគ ជាច្រើនមុខ និងថវិកាមួយចំនួនទៀតផងដែរ។ ជាមួយគ្នានេះ លោកជំទាវ ហ៊ុន ម៉ាណា និងក្រុមការងារ ក៏បានចែកអំណោយ ជូនដល់លោកយាយ លោកតា និងក្មួយៗសិស្សានុសិស្សដែលបានចូលរួមពិធីប្រគល់ផ្ទះទេវតានេះដែរ អំណោយរួមមាន៖ សម្ភារសិក្សា, នំកញ្ចប់, សំលៀកបំពាក់, ជែលលាងដៃ, សាប៊ូលាងដៃ និងថវិកាមួយចំនួន។ចប់ពិធីប្រគល់ផ្ទះទេវតា លោកជំទាវក៏បានអញ្ជើញប្រគេនទេយ្យវត្ថុ ដែលមានស្បៀងអាហារ គ្រឿងឧបភោគ-បរិភោគ និងសម្ភារៈប្រើប្រាស់ជាច្រើនមុខរបស់អ្នកឧកញ៉ា ព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី ប្រគេនដល់ដល់វត្តចំនួន៥ផងដែរ។ លោកជំទាវ បានមានប្រសាសន៍ថា ជានិច្ចកាលសម្តេចទាំងទ្វេតែងតែគិតគូរអំពីទុក្ខលំបាករបស់ព្រះសង្ឃគ្រប់ព្រះអង្គតាមទីអារាមនានាក្នុងប្រទេសកម្ពុជា ហើយការនាំយកទេយ្យវត្ថុមកប្រគេនជូននៅពេលនេះ អាចជួយសម្រាលនូវការលំបាករបស់ព្រះសង្ឃគ្រប់អង្គបានមួយរយៈផងដែរ ជាពិសេសនៅក្នុងវិបត្តិកូវីដ១៩នេះ ។ទេយ្យវត្ថុក្នុងមួយវត្តទទួលបាន៖០១-អង្ករ១តោន០២-ត្រីខ ចំនួន១កេស មាន១០យួរ០៣-មីចំនួន៥កេសធំ០៤- ត្រីងៀតចំនួន ១០ គីឡូ០៥- សាច់ក្រកចំនួន១០ គីឡូ០៦- សាច់ក្រកចំនួន១០ គីឡូ០៧- ទឹកដោះគោខាប់ ចំនួន២កេស០៨- កាហ្វេ ចំនួន ៥កញ្ចប់ធំ០៩- តែ ចំនួន ២គីឡូក្រាម១០- ស្ករសចំនួន១បេ១១- អំបិលចំនួន១បេ១២- ប៊ីចេងចំនួន១បេ១៣- ទឹកត្រីចំនួន៥យួ១៤- ទឹកស៊ីអ៊ីវចំនួន៥យួរ១៥- សាប៊ូដុំ ចំនួន ៣០ ដុំតូច១៦- ច្រាស និងថ្នាំដុសធ្មេញ ចំនួន១០០ឈុត១៧- វីតាមីនសេ ចំនួន ១០ ប្រអប់១៨- ប្រេងកូឡា ចំនួន ៥ ដុំ១៩- ប្រេងខ្យល់ ចំនួន៥ដុំ២០- ម៉ាស ចំនួន២០ប្រអប់ មាន១០០០ម៉ាស២១- អាល់កុលសម្លាប់មេរោគ ចំនួន៤កាន២២- ដបសំរាប់ដាក់អាល់កុល ចំនួន១០ ដប២៣- ស្លាដក់ចំនួន៤៩២៤- ថវិកា ចំនួន២លានរៀល។បន្ទាប់មកទៀតនៅថ្ងៃដដែលនេះផងដែរ ជំទាវក៏បានអញ្ជើញសួរសុខទុក្ខ និងផ្ដល់អំណោយរបស់លោកជំទាវផ្ទាល់ នឹងឯកឧត្តម ឌី វិជ្ជា ជូនចំពោះមណ្ឌលកុមារកំព្រា ស្ថិតនៅភូមិនាងគង្ហីង សង្កាត់សំបួរមាស ក្រុងកំពង់ចាម ខេត្តកំពង់ចាម។លោកជំទាវបានរៀបចំអាហាថ្ងៃត្រង់មួយពេលសម្រាប់កុមារកំព្រាទាំងអស់ ព្រមទាំងចែកនូវកាតាបម្នាក់១ និងមានសម្ភារសិក្សាមួយចំនួនផងដែរ។ ក្នុងមណ្ឌលនេះមានកុមារកំព្រាចំនួន៦០ នាក់ បុគ្គលិកចំនួន១២ នាក់ ហើយ អំណោយដែលផ្ដល់ជូនមណ្ឌលកុមារកំព្រានេះរួមមាន៖១-អង្ករ៦បេ២-ត្រីខ២០យួរ៣-ទឹកដោះគោខាប់២កេស៤-ត្រីងៀត៣គីឡូ៥-សាច់ក្រក៣គីឡូ៦-សាច់ជ្រូកផាត់៣គីឡូ៥-ប៊ីចេង៥គីឡូ៦-ទឹកត្រី៨យួរ៧-ទឹកស៊ីអ៊ីវ ៨យួរ៨-ម៉ាស២០ប្រអប់ មាន1000ម៉ាស៩-ថ្នាំវីតាមីនសេ៧២ប្រអប់១០-ថ្នាំពេទ្យ៧២ប្រអប់១១-សាប៊ូ៧២ដុំ១២-មី៨កេសធំ១៣-ច្រាស និងថ្នាំដុសធ្មេញ៧២ឈុត១៤-កាបូបសិក្សា៦០កាបូប១៥-ថវិកា២លានរៀល៕

អ្នកវិទ្យាសាស្ត្រអាហ្វ្រិកខាងត្បូងរកឃើញវីរុសបម្លែងខ្លួនប្រភេទថ្មី

អាហ្វ្រិកខាងត្បូង៖ រដ្ឋមន្ត្រីក្រសួងសុខាភិបាលលោក Joe Phaahla បានប្រកាសកាលពីថ្ងៃព្រហស្បតិ៍ថា វីរុសបម្លែងខ្លួនថ្មី COVID-19 ត្រូវបានរកឃើញនៅក្នុងប្រទេសអាហ្វ្រិកខាងត្បូង ដែលអ្នកវិទ្យាសាស្ត្រនិយាយថា ជាការព្រួយបារម្ភដោយសារតែចំនួននៃការប្រែប្រួលខ្ពស់របស់វា និងការរាលដាលឆាប់រហ័សក្នុងចំណោមមនុស្សវ័យក្មេងនៅក្នុងខេត្ត Gauteng ជាខេត្តដែលមានប្រជាជនច្រើនបំផុតរបស់ប្រទេស។លោក Phaahla បាននិយាយនៅក្នុងសន្និសីទសារព័ត៌មានតាមអ៊ិនធឺណិតថា ប្រទេសអាហ្វ្រិកខាងត្បូងបានឃើញការកើនឡើងយ៉ាងខ្លាំងនៃករណីឆ្លងថ្មីៗ។ រដ្ឋមន្ត្រីសុខាភិបាលបានពន្យល់ថា ខណៈដែលដំបូងពួកគេជឿថា ចំនួនករណីឆ្លងកើនឡើងអាចបណ្ដាលមកពីការប្រមូលផ្តុំគ្នានៅសាកលវិទ្យាល័យ ក្រោយមកអ្នកវិទ្យាសាស្ត្របានជូនដំណឹងទៅអាជ្ញាធរថា ពួកគេកំពុងសង្កេតមើលអ្វីដែលមើលទៅដូចជាវីរុសបម្លែងខ្លួនថ្មី។ លោកបាននិយាយថា វីរុសបម្លែងខ្លួនថ្មីដែលបច្ចុប្បន្នត្រូវបានកំណត់ថាជាវីរុស B.1.1.529 ក៏ត្រូវបានរកឃើញផងដែរនៅក្នុងប្រទេស Botswana, ប្រទេសអាហ្វ្រិកភាគខាងត្បូង និងទីក្រុងហុងកុង នៅលើអ្នកធ្វើដំណើរមកពីប្រទេសអាហ្វ្រិកខាងត្បូង។ ការិយាល័យប្រចាំតំបន់របស់អង្គការសុខភាពពិភពលោក បាននិយាយកាលពីថ្ងៃព្រហស្បតិ៍ថា ប្រទេសអាហ្វ្រិកកំពុងមើលឃើញការកើនឡើងនៃការដឹកជញ្ជូនវ៉ាក់សាំងទៅកាន់ទ្វីបនេះ ប៉ុន្តែមានតែបុគ្គលិកសុខាភិបាលម្នាក់ក្នុងចំណោមបួននាក់ប៉ុណ្ណោះ ដែលបានចាក់វ៉ាក់សាំងពេញលេញបង្ការវីរុស COVID-19។ហេតុផលសាមញ្ញបំផុតសម្រាប់អត្រាការចាក់វ៉ាក់សាំងទាប ក្នុងចំណោមបុគ្គលិកសុខាភិបាលនៅលើទ្វីបដែលមានប្រជាជនប្រមាណ ១.២ពាន់លាននាក់ មានការស្ទាក់ស្ទើរក្នុងការចាក់វ៉ាក់សាំងបង្ការ និងការមិនអាចរកបានសេវាផ្តល់វ៉ាក់សាំង ជាពិសេសនៅតំបន់ជនបទ។ វាជាភាពផ្ទុយគ្នាផ្ទាល់ជាមួយនឹងស្ថានភាពក្នុងប្រទេសអភិវឌ្ឍន៍។ ការសិក្សាថ្មីរបស់អង្គការសុខភាពពិភពលោកបានរកឃើញថា ជាង ៨០% នៃបុគ្គលិកសុខាភិបាល និងក្រុមថែទាំនៅក្នុងប្រទេសរកប្រាក់ចំណូលបានខ្ពស់បំផុតចំនួន ២២ប្រទេសភាគច្រើនបានចាក់វ៉ាក់សាំងពេញលេញ៕អត្ថបទ៖ ប៊ុនថន

ប្រមុខរាជរដ្ឋាភិបាលកម្ពុជាបញ្ជាក់ថា តំបន់អាស៊ី និងអឺរ៉ុប រឹតតែត្រូវការភាពជាដៃនឹងគ្នាបន្ថែមទៀត ក្រោយវិបត្តិកូវីដ-១៩

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានថ្លែងថា តំបន់អាស៊ី និងអឺរ៉ុប រឹតតែត្រូវការការពង្រឹងបន្ថែមនូវភាពជាដៃគូជាមួយគ្នា ដើម្បីរក្សាកំណើនជាសកល នៅក្រោយវិបត្តិកូវីដ-១៩។សម្ដេចតេជោ ហ៊ុន សែន បានថ្លែងបែបនេះនៅក្នុងសុន្ទរកថារបស់សម្ដេចដែលថ្លែងបើកវេទិកាកិច្ចប្រជុំមេដឹកនាំអាស៊ី-អឺរ៉ុប ដែលកម្ពុជាធ្វើជាម្ចាស់ផ្ទះនៃវេទិកានេះ និងត្រូវបានរៀបចំធ្វើឡើងពីចម្ងាយតាមប្រព័ន្ធវីដេអូអនឡាញ។សម្ដេចតេជោ ហ៊ុន សែន ថ្លែងថា៖ «ជាការពិត នៅលើពិភពលោកក្រោយវិបត្តិជំងឺកូវីដ-១៩ យើងពិតជាមានសេចក្ដីត្រូវការក្នុងការពង្រឹងបន្ថែមទៀតនូវភាពជាដៃគូអាស៊ី-អឺរ៉ុប ក្នុងគោលដៅរក្សាបាននូវពហុភាគីនិយមដ៏រឹងមាំមួយ ដែលនឹងនាំមកនូវកំណើនជាសកល មិនត្រឹមតែមានចីរភាពប៉ុណ្ណោះទេ ប៉ុន្តែ ថែមទាំងមានការចែករំលែកផងដែរ»។ប្រមុខរាជរដ្ឋាភិបាលកម្ពុជា បានបញ្ជាក់បន្ថែមថា តំបន់អាស៊ី និងអឺរ៉ុប រឹតតែត្រូវគោរពតាមគោលការណ៍ស្នូលរបស់ខ្លួនថែមទៀត ដោយថា តំបន់ទាំងពីរនេះកំពុងជួបប្រទះបញ្ហាប្រឈមជាច្រើនដែលទាមទារឱ្យមានកិច្ចខិតខំប្រឹងប្រែង និងការឆ្លើយតបរួមគ្នា។សម្ដេចតេជោ ហ៊ុន សែន បញ្ជាក់ឡើងវិញថា វេទិកាមេដឹកនាំអាស៊ី-អឺរ៉ុបនេះ បានលើកកម្ពស់ភាពជាដៃគូរវាងប្រទេសនានានៅទ្វីបទាំងពីរ ដោយឈរលើគោលការណ៍ស្នួលរបស់ខ្លួន រួមមាន ភាពមិនផ្លូវការ ភាពបត់បែនបាន ការគោរពគ្នាទៅវិញទៅមក ក្នុងស្មារតីកុងសុងស៊ីស និងភាពជាដៃគូស្មើភាព៕អត្ថបទ ៖ សុធី

កម្ពុជាចាប់ផ្ដើមបើកវេទិកាកិច្ចប្រជុំមេដឹកនាំអាស៊ី-អឺរ៉ុបលើកទី១៣តាមប្រព័ន្ធវីដេអូពីចម្ងាយ

ភ្នំពេញ៖ កិច្ចប្រជុំអាស៊ី-អឺរ៉ុបលើកទី១៣ បានចាប់ផ្ដើមហើយនៅរសៀលថ្ងៃនេះ ដោយកម្ពុជាធ្វើជាម្ចាស់ផ្ទះនៃវេទិកានេះ ដែលត្រូវបានរៀបចំឡើងពីចម្ងាយតាមប្រព័ន្ធវីដេអូអនឡាញ។ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានដឹកនាំវេទិកាមេដឹកនាំអាស៊ី-អឺរ៉ុបលើកទី១៣នេះ។ការពិត វេទិកាមេដឹកនាំអាស៊ី-អឺរ៉ុបលើកទី១៣នេះ ត្រូវរៀបចំធ្វើឡើងនៅឆ្នាំ២០២០កន្លងទេ ប៉ុន្តែ ត្រូវបានលើកពេលរហូតមកដល់ចុងឆ្នាំ២០២១នេះ ដោយសារតែការឆ្លងរីករាលដាលនៃមេរោគកូវីដ-១៩៕

ក្រឡាប់លិចទូកជនអន្តោប្រវេសន៍ក្នុងផ្លូវទឹកអង់គ្លេសសម្លាប់មនុស្ស ២៧នាក់

អង់គ្លេស៖ មនុស្សយ៉ាងហោចណាស់ ២៧នាក់ដែលបានធ្វើដំណើរទៅកាន់ចក្រភពអង់គ្លេស បានលង់ទឹកស្លាប់នៅក្នុងផ្លូវទឹកអង់គ្លេសដែលខណ្ឌចែករវាងអង់គ្លេស និងបារាំងជិតទីក្រុងកាឡៃប្រទេសបារាំង បន្ទាប់ពីទូករបស់ពួកគេក្រឡាប់លិច។ អង្គការទេសន្តប្រវេសន៍អន្តជាតិបាននិយាយថា នេះគឺជាការបាត់បង់អាយុជីវិតមនុស្សដ៏ច្រើនបំផុតនៅក្នុងផ្លូវទឹក ចាប់តាំងពីខ្លួនបានចាប់ផ្ដើមប្រមូលទិន្នន័យកាលពីឆ្នាំ២០១៤។គេនៅមិនទាន់ដឹងទេថា តើក្រុមជនរងគ្រោះទាំងនោះមកពីណា។ លោកនាយករដ្ឋមន្ត្រីអង់គ្លេស Boris Johnson បាននិយាយថា លោកតក់ស្លុតណាស់ចំពោះអ្វីដែលបានកើតឡើង ដោយបន្ថែមថា ចក្រភពអង់គ្លេសនឹងស្វែងរកប្រភពដើម្បីបញ្ឈប់ក្រុមជួញដូរមនុស្ស។ រដ្ឋមន្ត្រីក្រសួងមហាផ្ទៃបារាំងលោក Gerald Darmanin បាននិយាយថា ស្ត្រី ៥នាក់ និងក្មេងស្រីម្នាក់ស្ថិតក្នុងចំណោមអ្នកស្លាប់ទាំងនោះ។ លោកក៏បាននិយាយផងដែរថា មនុស្ស ២នាក់ត្រូវបានជួយសង្គ្រោះ និងម្នាក់កំពុងបាត់ខ្លួន។ ដំបូងមានសេចក្ដីរាយការណ៍ថា មនុស្ស ៣១នាក់ស្លាប់ ប៉ុន្តែត្រូវបានកែមក ២៧នាក់វិញ។ លោកបានបន្ថែមថា មនុស្ស ៤នាក់ត្រូវបានចាប់ខ្លួនជិតព្រំដែនបែលហ្ស៊ិក ដែលលោកថា យើងសង្ស័យថា ពួកគេជាប់ពាក់ព័ន្ធដោយផ្ទាល់ទៅនឹងការឆ្លងដែនពិសេស។វិមាននាយករដ្ឋមន្ត្រី Downing Street បាននិយាយថា កាលពីល្ងាចថ្ងៃពុធលោក Johnson និងប្រធានាធិបតីបារាំង Emmanuel Macron បានព្រមព្រៀងបង្កើនកិច្ចខិតខំប្រឹងប្រែងរួមគ្នាទប់ស្កាត់ការឆ្លងដែន និងបញ្ឈប់ក្រុមអន្ធពាលដែលរុញជីវិតមនុស្សជាច្រើនឲ្យធ្លាក់ក្នុងគ្រោះថ្នាក់។ ក្រោយហេតុការណ៍លិចទូកនេះ ក្រុមសកម្មជន និងសមាជិកសមាគមការពារសិទ្ធិជនអន្តោប្រវេសន៍ បានប្រមូលផ្ដុំគ្នាកាលពីយប់ថ្ងៃពុធនៅខាងក្រៅកំពុងផែក្រុងកាឡៃភាគខាងជើងប្រទេសបារាំង៕អត្ថបទ៖ សុខមាន

WHO៖ វ៉ាក់សាំងបង្ការវីរុស COVID-19 កាត់បន្ថយករណីឆ្លងបានប្រហែល ៤០%

WHO៖ អង្គការសុខភាពពិភពលោក (WHO) បាននិយាយកាលពីថ្ងៃពុធ (២៤ វិច្ឆិកា) ថា វ៉ាក់សាំងបង្ការជំងឺ COVID-19 កាត់បន្ថយការឆ្លងវីរុសបម្លែងខ្លួនថ្មីដែលមានសមត្ថភាពឆ្លងខ្លាំង Delta ប្រហែល ៤០% ដោយព្រមានថា មនុស្សចេះតែគិតថាវ៉ាក់សាំងអាចធានាសុវត្ថិភាពបាន។ប្រមុខអង្គការសុខភាពពិភពលោក លោក Tedros Adhanom Ghebreyesus បាននិយាយថា មនុស្សជាច្រើនដែលបានចាក់វ៉ាក់សាំងរួចបានគិតខុសថា ការចាក់វ៉ាក់សាំងនេះមានន័យថា ពួកគេលែងត្រូវការការប្រុងប្រយ័ត្នផ្សេងទៀតហើយ។ អង្គការសុខភាពពិភពលោកកាលពីថ្ងៃពុធបានព្រមាន រដ្ឋាភិបាលកុំឱ្យពឹងផ្អែកលើវ៉ាក់សាំងតែមួយមុខ ដើម្បីដោះស្រាយការកើនឡើងនៃអត្រាឆ្លងវីរុស COVID-19 ខណៈការឆ្លងនៅតែបន្តកើនឡើងនៅទូទាំងទ្វីបអឺរ៉ុប ក្នុងបណ្ដាប្រទេសដែលមានអត្រាវ៉ាក់សាំងខ្ពស់។ មនុស្សដែលមានប្រព័ន្ធការពារពេញលេញត្រូវតែប្រកាន់ខ្ជាប់នូវវិធានការដើម្បីជៀសវាងការឆ្លងវីរុស ហើយរួចផុតពីការឆ្លងបាន។ លោក Tedros បានទទូចដោយពន្យល់ពីរបៀបដែលវ៉ាក់សាំងមិនមានប្រសិទ្ធភាព ប្រឆាំងនឹងការឆ្លងវីរុសបម្លែងខ្លួនថ្មី Delta។លោក Tedros បានប្រាប់អ្នកយកព័ត៌មានថា យើងមានការព្រួយបារម្ភអំពីការយល់ខុសលើសុវត្ថិភាពដែលថា វ៉ាក់សាំងបានបញ្ចប់ជំងឺរាតត្បាតសកល ហើយអ្នកដែលត្រូវបានចាក់វ៉ាក់សាំងបង្ការរួចហើយ មិនត្រូវការការប្រុងប្រយ័ត្នផ្សេងទៀតទេ។“វ៉ាក់សាំងជួយជីវិតមនុស្ស ប៉ុន្តែមិនអាចការពារការឆ្លងបានពេញលេញទេ។ ទិន្នន័យបង្ហាញថា មុនពេលការមកដល់នៃវីរុសបម្លែងខ្លួនថ្មី Delta វ៉ាក់សាំងកាត់បន្ថយការឆ្លងប្រហែល ៦០%។ ជាមួយនឹងវីរុស Delta វាបានធ្លាក់ចុះដល់ប្រហែល ៤០%៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

អ្នកនាំពាក្យក្រសួងព័ត៌មាន៖ ការពង្រឹងសុវត្ថិភាពឌីជីថល គឺជាកត្តាចម្បងក្នុងការប្រយុទ្ធប្រឆាំងព័ត៌មានក្លែងក្លាយ

កាកបាទក្រហមកម្ពុជា បណ្តុះបណ្តាលយុវជន ជាង១០០នាក់ លើច្បាប់មនុស្សធម៌ និងការកសាងសន្តិភាព

ផ្ទាំងទឹកនៅប្រទេសស្វីស ឆ្ពោះទៅរកការបំបែកកំណត់ត្រាមួយទៀត ក្រោយរលកកម្តៅខែមិថុនា

លោក Merz បញ្ជាក់ថា អាល្លឺម៉ង់អាចការពារការជំរុញការចំណាយយោធា ជាការឆ្លើយតបទៅនឹងលោក Trump

បុគ្គលិកសន្តិសុខស៊ីរី ៣រូបរងរបួស ដោយសារវាយប្រហារនៅជិតក្រុងដាម៉ាស ខណៈអ្នកប្រព្រឹត្តិស្លាប់

ក្រុមតាំងលំនៅនិគមន៍អ៊ីស្រាអែល ដណ្តើមក្តីស្រមៃជនប៉ាឡេស្ទីនក្នុងការមានផ្ទះសម្បែងនឹងគេនៅតំបន់វ៉េសប៊ែង

EU «ថ្កោលទោសយ៉ាងខ្លាំង» ចំពោះការវាយប្រហារបណ្ដាលឲ្យមានអ្នកស្លាប់ច្រើន នៅទីក្រុងដាម៉ាស

កងទ័ពជើងទឹកអង់គ្លេស សាកល្បងយានដ្រូនមានសមត្ថភាពវាយប្រហារចេញពីនាវា

មន្រ្តីជាន់ខ្ពស់រួមទាំងប្រធានាធិបតីអ៊ីរ៉ង់ ចូលរួមពិធីលាគ្នាចុងក្រោយ សម្រាប់អតីតមេដឹកនាំកំពូល Khamenei

អង្គការសហប្រជាជាតិ ព្រមានអំពីការមានបាតុភូតអែលនីញ៉ូដ៏ខ្លាំងក្លា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ក្រុមហ៊ុនផលិតវ៉ាក់សាំង Pfizer៖ វ៉ាក់សាំងបង្ការវីរុសបម្លែងខ្លួនថ្មី Omicron នឹងរួចរាល់ក្នុងពេល ១០០ថ្ងៃ

WHO ព្រមានពីការប្រឈមខ្ពស់នៃការឆ្លងវីរុស COVID-19 បម្លែងខ្លួនថ្មី Omicron នៅទូទាំងពិភពលោក

ពិភពលោកប្រញាប់ប្រញាល់ហាមប្រាមការហោះហើរចេញពីអាហ្វ្រិកខាងត្បូង ខណៈវីរុសបម្លែងខ្លួនថ្មីឆ្លងខ្លាំង

WHO បញ្ជាក់ថា ខ្លួនមិនទាន់ដឹងច្បាស់ថា តើវីរុសបម្លែងខ្លួន Omicron បង្កជាជំងឺធ្ងន់ធ្ងរកម្រិតណានោះទេ

អ្នកវិទ្យាសាស្ត្រអាហ្វ្រិកខាងត្បូងរកឃើញវីរុសបម្លែងខ្លួនប្រភេទថ្មី

កម្ពុជាចាប់ផ្ដើមបើកវេទិកាកិច្ចប្រជុំមេដឹកនាំអាស៊ី-អឺរ៉ុបលើកទី១៣តាមប្រព័ន្ធវីដេអូពីចម្ងាយ

ក្រឡាប់លិចទូកជនអន្តោប្រវេសន៍ក្នុងផ្លូវទឹកអង់គ្លេសសម្លាប់មនុស្ស ២៧នាក់

WHO៖ វ៉ាក់សាំងបង្ការវីរុស COVID-19 កាត់បន្ថយករណីឆ្លងបានប្រហែល ៤០%

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

WHO ព្រមាន​ពី​ការ​ប្រឈម​ខ្ពស់​នៃ​ការ​ឆ្លង​វីរុស COVID-19 ប​ម្លែ​ង​ខ្លួន​ថ្មី Omicron នៅ​ទូទាំង​ពិភព​លោក

អ្នកវិទ្យាសាស្ត្រ​អាហ្វ្រិក​ខាងត្បូង​រក​ឃើញ​វីរុស​បម្លែងខ្លួន​ប្រភេទ​ថ្មី

ក្រឡាប់​លិច​ទូក​ជនអន្តោប្រវេសន៍​ក្នុង​ផ្លូវទឹក​អង់គ្លេស​សម្លាប់​មនុស្ស​ ២៧​នាក់

WHO៖ វ៉ាក់សាំង​បង្ការ​វីរុស COVID-19 កាត់​បន្ថយ​ករណី​ឆ្លង​បាន​ប្រហែល​ ៤០%

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

WHO ព្រមានពីការប្រឈមខ្ពស់នៃការឆ្លងវីរុស COVID-19 បម្លែងខ្លួនថ្មី Omicron នៅទូទាំងពិភពលោក

អ្នកវិទ្យាសាស្ត្រអាហ្វ្រិកខាងត្បូងរកឃើញវីរុសបម្លែងខ្លួនប្រភេទថ្មី

ក្រឡាប់លិចទូកជនអន្តោប្រវេសន៍ក្នុងផ្លូវទឹកអង់គ្លេសសម្លាប់មនុស្ស ២៧នាក់

WHO៖ វ៉ាក់សាំងបង្ការវីរុស COVID-19 កាត់បន្ថយករណីឆ្លងបានប្រហែល ៤០%