BTV NEWS

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត

សម្ដេចធិបតី៖ ភាពជោគជ័យរបស់អ្នកដឹកនាំអង្គភាពមួយ គឺការធានាឱ្យអង្គភាពនោះមានសមត្ថភាពបន្តដំណើរការ និងការរីកចម្រើន ទោះបីជាក្នុងពេលអវត្តមានរបស់ខ្លួនក៏ដោយ

ព័ត៌មានសំខាន់ៗ

WHO ព្រមានថា ពិភពលោកអាចប្រឈមនឹងកង្វះស៊ីរ៉ាំង និងវ៉ាក់សាំង

WHO៖ ទីប្រឹក្សាជាន់ខ្ពស់របស់អង្គការសុខភាពពិភពលោកបាននិយាយកាលពីថ្ងៃអង្គារថា ពិភពលោកមិនត្រឹមតែប្រឈមនឹងកង្វះវ៉ាក់សាំងដើម្បីប្រយុទ្ធប្រឆាំងនឹងវីរុស COVID-19 ប៉ុណ្ណោះទេ ប៉ុន្តែថែមទាំងអាចនឹងប្រឈមនឹងការខ្វះខាតចន្លោះពី ១ ទៅ ២ពាន់លានស៊ីរ៉ាំងដែលត្រូវការសម្រាប់ចាក់។លោកស្រី Lisa Hedman ទីប្រឹក្សាជាន់ខ្ពស់របស់អង្គការសុខភាពពិភពលោក ស្ដីពីការទទួលបានផលិតផលសុខភាពបាននិយាយនៅក្នុងសន្និសីទសារព័ត៌មាន របស់អង្គការសហប្រជាជាតិនៅទីក្រុងហ្សឺណែវថា កង្វះស៊ីរ៉ាំងគឺជាអកុសល គឺជាលទ្ធភាពពិតប្រាកដ។ លោកស្រីបាននិយាយថា ស្របពេលដែលសមត្ថភាពផលិតសកលប្រហែល ៦ពាន់លានស៊ីរ៉ាំងក្នុងមួយឆ្នាំ វាច្បាស់ណាស់ថា ការខ្វះខាតជាង ១ពាន់លានស៊ីរ៉ាំងនៅឆ្នាំ២០២២ អាចកើតឡើង ប្រសិនបើយើងបន្តធ្វើតាមធម្មតាដូចបច្ចុប្បន្ន ដោយលោកស្រីពន្យល់ថា ប្រសិនបើមានកិច្ចខិតខំប្រឹងប្រែងចំនួននៃកង្វះខាតអាចមានត្រឹម ២លានប៉ុណ្ណោះ។លោកស្រី Hedman បានបន្ថែមថា នៅឆ្នាំនេះមានចំនួនជិត ២ដងនៃចំនួនការវ៉ាក់សាំងធម្មតាដែលត្រូវបានចែកចាយជារៀងរាល់ឆ្នាំ ដែលមានន័យថា ចំនួនស៊ីរ៉ាំងប្រើសម្រាប់ចាក់វ៉ាក់សាំងកើនឡើងខ្ពស់ទ្វេដង។ លោកស្រីបាននិយាយថា មានប្រភេទស៊ីរ៉ាំងផ្សេងទៀតដែលលើសពីសមត្ថភាពផលិតនោះ ប៉ុន្តែប្រសិនបើយើងផ្លាស់ប្ដូរសមត្ថភាពពីប្រភេទស៊ីរ៉ាំងមួយទៅប្រភេទមួយទៀត ឬព្យាយាមបង្កើនសមត្ថភាពផលិតសម្រាប់ស៊ីរ៉ាំងចាក់ថ្នាំបង្ការឯកទេស វាត្រូវការពេលវេលា និងការវិនិយោគ៕អត្ថបទ៖ សុខមាន

កម្ពុជា-ស្លូវេនី ប្ដេជ្ញាធ្វើឱ្យកិច្ចប្រជុំកំពូលអាស៊ី-អឺរ៉ុបទទួលជោគជ័យ

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៅល្ងាចថ្ងៃទី៩វិច្ឆិកានេះបានទទួលជួបពិភាក្សាការងារជាមួយឯកឧត្តម ជេណេស ចេនហ្សា នាយករដ្ឋមន្ត្រី នៃសាធារណរដ្ឋស្លូវេនីនិងជាប្រធានប្ដូរវេនសហភាពអឺរ៉ុប ក៏ដូចជាអ្នកសម្រួលរវាងអាស៊ីអឺរ៉ុប ហៅកាត់អាសឹមនិងអាស៊ានផងដែរ។ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោបានប្រាប់ដល់ក្រុមអ្នកព័ត៌មានថា ក្នុងក្របខ័ណ្ខទ្វេភាគី សម្តេចតេជោនិងឯកឧត្តម ជេណេស ចេនហ្សា បានឯកភាពគ្នាជម្រុញពង្រឹងនិងពង្រីកកិច្ចសហប្រតិបត្តិការលើវិស័យដែលមានសក្តានុពលសម្រាប់ប្រទេសទាំងពីរ រួមមានវិស័យសេដ្ឋកិច្ចពាណិជ្ជកម្ម ទេសចរណ៍ សុខាភិបាល និងវិស័យដទៃទៀត រួមទាំងការផ្លាស់ប្ដូរដំណើរទស្សនកិច្ចរវាងប្រទេសទាំងពីរផង ដើម្បីជំរុញការងារនេះឲ្យទទួលបានជោគជ័យ។សម្ដេចតេជោនិងឯកឧត្តម ចេន ហ្សា បានឯកភាពគ្នាប្រគល់ការងារជូនក្រសួងការបរទេសទាំងពីរ ដើម្បីពិនិត្យនិងសហការគ្នាធ្វើយ៉ាងណារៀបចំការលើកលែងទិដ្ឋាការសម្រាប់អ្នកការទូតនិងសម្រាប់អ្នកធ្វើដំណើរផ្លូវការរវាងប្រទេសទាំងពីរ។ក្នុងក្របខណ្ឌពហុភាគីក្នុងនាមជាប្រធានអាស៊ាននិងប្រធានប្ដូរវេននៃសហភាពអឺរ៉ុបសម្ដេចតេជោនិងឯកឧត្តម ចេន ហ្សា បានឯកភាពគ្នាពង្រឹងកិច្ចសហប្រតិបត្តិការក្នុងការប្រយុទ្ធប្រឆាំងនឹងកូវីដ-១៩ជំរុញកិច្ចចរចារពាណិជ្ជកម្មសេរីរវាងអាស៊ាននិងអឺរ៉ុបនិងសហការធ្វើយ៉ាងណាឲ្យដំណើរការកិច្ចប្រជុំកំពូ លអាស៊ីអឺរ៉ុបនាពេលខាងមុខទទួលបានជោគជ័យ។ឯកឧត្តម ចេន ហ្សា បានគោរពអញ្ជើញសម្តេចតេជោដើម្បីទៅធ្វើការទស្សនាកិច្ចនៅប្រទេសស្លូវេនី ហើយសម្ដេចក៏បានទទួលយកនូវការអញ្ជើញនេះ ហើយសម្តេចបានជម្រាបជូនឯកឧត្តមនាយករដ្ឋមន្ត្រីស្លូវេនីថា សម្តេចនឹងអញ្ជើញទៅបំពេញទស្សនកិច្ចនៅប្រទេសស្លូវេនីនៅដើមឆ្នាំក្រោយ៕ អត្ថបទ ៖ មុត សុទ្ធ

ប្រធានទីភ្នាក់ងារផ្ដល់ជំនួយរបស់អង្គការសហប្រជាជាតិនិយាយថា មីយ៉ាន់ម៉ាកាន់តែយ៉ាប់យ៉ឺន

មីយ៉ាន់ម៉ា៖ ប្រធានទីភ្នាក់ងារផ្ដល់ជំនួយរបស់អង្គការសហប្រជាជាតិលោក Martin Griffiths បានព្រមានកាលពីថ្ងៃចន្ទ ទី៨ ខែវិច្ឆិកាថា ស្ថានភាពមនុស្សធម៌ក្នុងសហភាពមីយ៉ាន់ម៉ាកាន់តែយ៉ាប់យ៉ឺន ខណៈមនុស្សជាង ៣លាននាក់ដែលត្រូវការជំនួយសង្គ្រោះជីវិតដោយសារជម្លោះដែលចេះតែកើនឡើង និងសេដ្ឋកិច្ចបរាជ័យ។ក្រុមប្រឹក្សាសន្តិសុខអង្គការសហប្រជាជាតិក៏បានជួបប្រជុំគ្នាដោយបិទទ្វារកាលពីថ្ងៃចន្ទផងដែរ ដើម្បីពិភាក្សាអំពីបញ្ហានៅក្នុងសហភាពមីយ៉ាន់ម៉ា។ កិច្ចប្រជុំនេះធ្វើឡើងចំថ្ងៃខួបលើកទីមួយ នៃការជាប់ឆ្នោតឡើងវិញរបស់រដ្ឋាភិបាលលោកស្រី អ៊ុងសាន ស៊ូជី ដែលត្រូវបានយោធាទម្លាក់ចេញពីតំណែងដោយរដ្ឋប្រហារកាលពីថ្ងៃទី១ ខែកុម្ភៈ។ អ្នកនាំពាក្យអង្គការសហប្រជាជាតិលោក Stephane Dujarric បាននិយាយកាលពីថ្ងៃចន្ទថា ការស្ទង់មតិទាំងនោះត្រូវបានចាត់ទុកថា សេរី និងយុត្តិធម៌ ដោយក្រុមអ្នកសង្កេតការណ៍ក្នុងស្រុក និងអន្តរជាតិ។ អង្គការសហប្រជាជាតិអំពាវនាវជាថ្មីដល់យោធាឱ្យគោរពឆន្ទៈរបស់ប្រជាជន និងទាញប្រទេសឱ្យដើរលើគន្លងឆ្ពោះទៅកាន់ការផ្លាស់ប្ដូរប្រជាធិបតេយ្យឡើងវិញ។ ឯកអគ្គរដ្ឋទូតរងអង្គការសហប្រជាជាតិរបស់ចក្រភពអង់គ្លេសលោក James Kariuki បានប្រាប់អ្នកសារព័ត៌មានថា ចក្រភពអង់គ្លេសបានស្នើឲ្យមានកិច្ចប្រជុំក្រុមប្រឹក្សានេះ ព្រោះយើងមានការព្រួយបារម្ភជាពិសេសអំពីការបង្កើនសកម្មភាពយោធានៅភាគពាយព្យនៃប្រទេស ហើយយើងមានការព្រួយបារម្ភថា ទង្វើនេះឆ្លុះបញ្ចាំងពីសកម្មភាពដែលយើងបានឃើញកាលពី ៤ឆ្នាំមុន មុនពេលអំពើឃោរឃៅដែលបានប្រព្រឹត្តនៅក្នុងរដ្ឋរ៉ាក់ឃីន លើជនជាតិភាគតិចរ៉ូហ៊ីងយ៉ា។សហភាពមីយ៉ាន់ម៉ាកំពុងប្រឈមនឹងការចោទប្រកាន់ពីបទប្រល័យពូជសាសន៍ នៅតុលាការយុត្តិធម៌អន្តរជាតិជុំវិញការបង្ក្រាបដោយយោធាឆ្នាំកាលពីឆ្នាំ២០១៧ លើជនជាតិភាគតិចរ៉ូហ៊ីងយ៉ា ដែលបានបង្ខំមនុស្សជាង ៧៣០,០០០នាក់ឱ្យភៀសខ្លួនចូលទៅក្នុងប្រទេសជិតខាងបង់ក្លាដែស។ មីយ៉ាន់ម៉ាបានបដិសេធការប្រព្រឹត្តិអំពើប្រល័យពូជសាសន៍ ហើយនិយាយថា កងកម្លាំងប្រដាប់អាវុធរបស់ខ្លួនបានដាក់គោលដៅដោយស្របច្បាប់ លើពួកសកម្មប្រយុទ្ធដែលបានវាយប្រហារលើប៉ុស្តិ៍នគរបាល៕អត្ថបទ៖ សុខមាន

WHO៖ សហរដ្ឋអាមេរិកគួរតែទទួលយកការព្រមានពីការផ្ទុះឡើងវិញនៃករណីឆ្លងវីរុស COVID-19 នៅអឺរ៉ុប

អាមេរិក៖ ករណីឆ្លងវីរុសកូរ៉ូណាបាននឹងកំពុងហក់ឡើងវិញនៅទូទាំងអឺរ៉ុប រួមទាំងកន្លែងខ្លះដែលគេគិតថាអាចគ្រប់គ្រងបានល្អ។ មន្ត្រីជាន់ខ្ពស់ផ្នែកសុខភាពពិភពលោកម្នាក់បានប្រាប់ទូរទស្សន៍ CBS News ថា ទំនោរបង្ហាញថាជោគជ័យថ្ងៃនេះ មិនមានន័យថាជោគជ័យនៅថ្ងៃស្អែកនោះទេ ហើយសហរដ្ឋអាមេរិកគួរតែយកចិត្តទុកដាក់ឲ្យមែនទែន។ទ្វីបអឺរ៉ុបបានមើលឃើញការកើនឡើងជាង ៥០% នៃករណីឆ្លងថ្មីក្នុងរយៈពេល ១ខែចុងក្រោយនេះ ហើយអង្គការសុខភាពពិភពលោកបានព្រមានថា ទ្វីបនេះអាចនឹងមានអ្នកស្លាប់កន្លះលាននាក់ទៀតនៅខែកុម្ភៈ។ អ្នកឆ្លើយឆ្លងព័ត៌មានបរទេសជាន់ខ្ពស់របស់ទូរទស្សន៍ CBS News លោក Charlie D'Agata បាននិយាយថា មន្ត្រីជាន់ខ្ពស់រូបនេះបានបង្ហាញពីក្ដីបារម្ភ និងបានប្រាប់លោកថាមាន "ក្តីបារម្ភយ៉ាងធ្ងន់ធ្ងរ" ខណៈដែលអឺរ៉ុបកំពុងស្ថិតនៅក្រោមការគ្របដណ្ដប់ជាថ្មីទៀតដោយសារវីរុស COVID-19។ លោកវេជ្ជបណ្ឌិត Hans Kluge នាយកប្រចាំតំបន់របស់អង្គការសុខភាពពិភពលោកប្រចាំទ្វីបអឺរ៉ុបបានប្រាប់ CBS News ថា ប្រសិនបើអ្នកក្រឡេកមើលរយៈពេល ៤សប្ដាហ៍ចុងក្រោយនេះការចូលសម្រាកព្យាបាលនៅមន្ទីរពេទ្យបានកើនឡើងទ្វេដង។លោកបាននិយាយថា ការចាក់វ៉ាក់សាំងបង្ការបានឡើងខ្ពស់នៅក្នុងតំបន់មួយចំនួននៃទ្វីបអឺរ៉ុប ហើយក្នុងពេលជាមួយគ្នានោះដែរមានការបន្ធូរបន្ថយវិធានការសុខភាពសាធារណៈ និងសង្គម ដែលជាកត្តាជំរុញឲ្យយើងមើលឃើញថានឹងមានរលកទី៤។ គិតត្រឹមព្រឹកថ្ងៃអង្គារនេះសហរដ្ឋអាមេរិកមានករណីឆ្លងវីរុស COVID-19 សរុបចំនួន ៤៧,៤១៣,៣៥១នាក់បន្ទាប់ពីមានករណីឆ្លងថ្មីចំនួន ៣៩,២៤៥នាក់បន្ថែមទៀត ខណៈអ្នកស្លាប់មានចំនួន ៧៧៥,៩១៦នាក់បន្ទាប់ពីមានអ្នកស្លាប់ថ្មីចំនួន ៣២០នាក់៕អត្ថបទ៖ សុខមាន

សម្តេចកិត្តិព្រឹទ្ធបណ្ឌិត សម្រេចផ្តល់អំណោយជូនពលរដ្ឋរងគ្រោះទឹកជំនន់ជិត ៣ពាន់គ្រួសារ

ភ្នំពេញ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៅថ្ងៃទី0៨ ខែវិច្ឆិកា ឆ្នាំ២០២១នេះ បានសម្រេចផ្តល់អំណោយជាស្បៀងជូនដល់ប្រជាពលរដ្ឋរងគ្រោះដោយទឹកជំនន់ និងងាយរងគ្រោះបំផុតសរុបចំនួន ២.៧៨៦គ្រួសារ (ក្នុងនោះ ខេត្តរតនគិរី ១.៣៦៧គ្រួសារ, ខេត្តកំពង់ធំ ៧៧៧គ្រួសារ, ខេត្តបាត់ដំបង ៦៤២គ្រួសារ) ដោយក្នុងគ្រួសារនីមួយៗទទួលបាន អង្ករ ២៥គីឡូក្រាម មី១កេស និងត្រីខ ១០កំប៉ុង។សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នឹងចាត់ឱ្យមន្ត្រីទីស្នាក់ការកណ្តាល និងសាខាកាកបាទក្រហមកម្ពុជាខេត្ត ចុះនាំយកអំណោយទាំងនេះចែកជូនប្រជាពលរដ្ឋទាំងអស់ទៅតាមកាលបរិច្ឆេទសមស្របឆាប់ៗនេះ៕

កងកម្លាំងសន្តិសុខស៊ូដង់ចាប់ខ្លួនមនុស្សរាប់សិបនាក់ ខណៈកូដកម្មប្រឆាំងរដ្ឋប្រហារចាប់ផ្ដើម

ស៊ូដង់៖ កងកម្លាំងសន្តិសុខស៊ូដង់បានឃុំខ្លួនបាតុកររាប់សិបនាក់ និងបានបាញ់ឧស្ម័នបង្ហៀរទឹកភ្នែកនៅឯការប្រមូលផ្តុំប្រឆាំងរដ្ឋប្រហារជាច្រើន ខណៈដែលបាតុករនៅក្នុងទីក្រុងជាច្រើន បានចូលរួមការអំពាវនាវឲ្យមានចលនាបះបោរស៊ីវិលរយៈពេលពីរថ្ងៃ និងយុទ្ធនាការកូដកម្មប្រឆាំងនឹងការកាន់កាប់អំណាចពីសំណាក់យោធាកាលពីខែមុន។ក្រុមបាតុករប្រឆាំងរដ្ឋប្រហាររាប់រយនាក់បានប្រមូលផ្តុំគ្នាកាលពីថ្ងៃអាទិត្យនៅក្នុងរដ្ឋធានី Khartoum ក៏ដូចជានៅក្នុងទីក្រុងភ្លោះរបស់ខ្លួន Omdurman និងទីក្រុង Wad Madani រហូតដល់ភាគខាងត្បូង និងទីក្រុង Atbara ភាគខាងជើង។ យោធាស៊ូដង់ដឹកនាំដោយឧត្តមសេនីយ Abdel Fattah al-Burhan បានដណ្តើមអំណាចនៅថ្ងៃទី២៥ ខែតុលា រំលាយរដ្ឋបាលអន្តរកាល និងចាប់ខ្លួនមន្ត្រីរដ្ឋាភិបាល និងអ្នកនយោបាយរាប់សិបនាក់។ ចាប់តាំងពីពេលនោះមក សហគមន៍អន្តរជាតិបានពន្លឿនកិច្ចខិតខំប្រឹងប្រែងសម្របសម្រួល ដើម្បីស្វែងរកច្រកចាកចេញពីវិបត្តិដែលគំរាមកំហែងដល់អស្ថិរភាពបន្ថែមទៀតនៅក្នុងតំបន់ Horn នៃទ្វីបអាហ្វ្រិក។មេទ័ពស៊ូដង់លោកឧត្តមសេនីយ Abdel Fattah al-Burhan បាននិយាយថា លោកនឹងមិនចូលរួមក្នុងរដ្ឋាភិបាលណាមួយ ដែលកើតឡើងក្រោយរយៈពេលអន្តរកាល ហើយបានបដិសេធថា កងទ័ពមិនទទួលខុសត្រូវចំពោះការស្លាប់របស់បាតុករ ដែលប្រមូលផ្តុំគ្នាប្រឆាំងនឹងការកាន់កាប់ដោយយោធានោះទេ៕អត្ថបទ៖ សុខមាន

សម្ដេចតេជោ៖ «កុំខ្វល់ពីរឿងការរិះគន់ចំពោះការអភិវឌ្ឍ […] ក្រុមអ្នករិះគន់គឺជាពួកច្រណែនប៉ុណ្ណោះ យើងត្រូវបន្តអភិវឌ្ឍបន្ថែមទៀត»

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានមានប្រសាសន៍បញ្ជាក់ថា ពេលនេះកុំខ្វល់អំពីរឿងការរិះគន់ចំពោះការអភិវឌ្ឍ ជាពិសេសគឺនៅក្នុងរាជធានីភ្នំពេញតែម្តង ខណៈក្រុមអ្នកដែលរិះគន់នោះគឺជាពួកច្រណែនតែប៉ុណ្ណោះ ដូច្នេះយើងនាំ គ្នាបន្តអភិវឌ្ឍន៍បន្ថែមទៀត ដើម្បីភាពរីកចំរើនរបស់ជាតិនោះ។សម្ដេចតេជោ បានថ្លែងបែបនេះក្នុងឱកាសដែលសម្ដេចអញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធអគារទីស្តីការក្រសួងរៀបចំដែនដី នគរូបនីយកម្ម និងសំណង់ នៅព្រឹកថ្ងៃទី០៨ ខែវិច្ឆិកា ឆ្នាំ២០២១នេះ។សម្តេចតេជោ ហ៊ុន សែន បានមានប្រសាសន៍ដែរថា អគារក្រសួងរៀបចំដែនដី នគរូបនីយកម្មនិងសំណង់ ជាសមិទ្ធផលមួយ ដែលបង្ហាញពីគុណតម្លៃ នៃការដឹកនាំរបស់រាជរដ្ឋាភិបាលកម្ពុជា ក្នុងការលើកម្ពស់តម្លៃស្ថាបត្យកម្ម ដែលជាស្នាដៃផ្ទាល់របស់កូនខ្មែរ ហើយក៏បានបង្ហាញនូវសមត្ថភាពរបស់រាជរដ្ឋាភិបាលលើការគ្រប់គ្រង និងប្រើប្រាស់ថវិកាជាតិ ដើម្បីបង្កើតនូវសមិទ្ធផលជាទីមោទនភាពសម្រាប់ជាតិផងដែរ។សម្តេចតេជោ ហ៊ុន សែន បានប្រកាសថា ពេលនេះកុំខ្វល់អំពីរឿងការរិះគន់ចំពោះការអភិវឌ្ឍ ជាពិសេសគឺនៅក្នុងរាជធានីភ្នំពេញតែម្តង ខណៈក្រុមអ្នកដែលរិះគន់នោះ គឺជាពួកច្រណែនតែប៉ុណ្ណោះ ដូច្នេះយើងនាំ គ្នាបន្តអភិវឌ្ឍន៍បន្ថែមទៀត ដើម្បីភាពរីកចំរើនរបស់ជាតិនោះ។

ករណីឆ្លងសកលនៃវីរុស COVID-19 កើនឡើងដល់ជាង ២៥០លាននាក់ ខណៈកំណើនវីរុស Delta ចាប់ផ្ដើមធ្លាក់ចុះ

ពិភពលោក៖ ករណីឆ្លង COVID-19 នៅទូទាំងពិភពលោកបានឈានដល់ជាង ២៥០លាននាក់កាលពីថ្ងៃអាទិត្យ ខណៈការកើនឡើងពីករណីឆ្លងវីរុសបម្លែងខ្លួនថ្មី Delta បានធូរស្រាល ហើយការធ្វើពាណិជ្ជកម្ម និងទេសចរណ៍ជាធម្មតាបានចាប់ផ្ដើមឡើងវិញ ទោះបីជាប្រទេសមួយចំនួននៅអឺរ៉ុបខាងកើតកំពុងជួបប្រទះការផ្ទុះឡើង ដោយមានករណីឆ្លងខ្ពស់បំផុតក៏ដោយ។ក្នុងរយៈពេល ៣ខែចុងក្រោយនេះចំនួនករណីឆ្លងជាមធ្យមប្រចាំថ្ងៃបានធ្លាក់ចុះ ៣៦% នេះបើយោងតាមការវិភាគរបស់សារព័ត៌មាន Reuters។ ការវិភាគបានបង្ហាញថា ទោះបីជាការរីករាលដាលបានថយចុះក៏ដោយ ក៏វីរុសនេះនៅតែកំពុងឆ្លងដល់មនុស្ស ៥០លាននាក់រៀងរាល់ ៩០ថ្ងៃដោយសារវីរុសបម្លែងខ្លួនថ្មី Delta ដែលមានសមត្ថឆ្លងរហ័ស។ វីរុស COVID-19 បានឆ្លងរាលដាលដល់មនុស្សជាង ៥០លាននាក់ជាលើកដំបូងក្នុងរយៈពេលជិត ១ឆ្នាំ។ ក្រុមអ្នកជំនាញផ្នែកសុខភាពមានសុទិដ្ឋិនិយមថា ប្រទេសជាច្រើនលែងសូវអើពើនឹងជំងឺរាតត្បាតសកលដ៏អាក្រក់បំផុតដោយសារសំអាងលើវ៉ាក់សាំង និងការប៉ះពាល់ដោយធម្មជាតិ ទោះបីជាពួកគេព្រមានថាអាកាសធាតុត្រជាក់ខ្លាំង និងការជួបជុំថ្ងៃឈប់សម្រាកនាពេលខាងមុខអាចបង្កឲ្យករណីឆ្លងហក់ឡើងក៏ដោយ។លោកស្រី Maria Van Kerkhove អ្នកឯកទេសខាងជំងឺរាតត្បាតសកលឈានមុខ របស់អង្គការសុខភាពពិភពលោកបានប្រាប់សារព័ត៌មាន Reuters ថា យើងគិតថាចន្លោះពេលនេះដល់ដំណាច់ឆ្នាំ២០២២ គឺជាចំណុចដែលយើងអាចគ្រប់គ្រងលើវីរុសនេះបាន ជាទីដែលយើងអាចកាត់បន្ថយជំងឺធ្ងន់ធ្ងរ និងការស្លាប់បានយ៉ាងច្រើន។ យោងតាមការវិភាគរបស់សារព័ត៌មាន Reuters ការឆ្លងនៅតែកើនឡើងនៅក្នុងប្រទេសចំនួន ៥៥ ក្នុងចំណោម ២៤០ប្រទេសដោយក្នុងនោះមានប្រទេសរុស្ស៊ី អ៊ុយក្រែន និងក្រិកនៅ ឬជិតកម្រិតកំណត់ត្រាខ្ពស់បំផុតនៃករណីឆ្លង ដែលបានរាយការណ៍ចាប់តាំងពីជំងឺរាតត្បាតបានចាប់ផ្ដើមកាលពី ២ឆ្នាំមុន៕អត្ថបទ៖ សុខមាន

អង្គការសហប្រជាជាតិថ្កោលទោសការប្រើប្រាស់កម្លាំងហួសហេតុនៅប្រទេសស៊ូដង់

ស៊ូដង់៖ មន្ត្រីសិទ្ធិមនុស្សជាន់ខ្ពស់របស់អង្គការសហប្រជាជាតិ កាលពីថ្ងៃសុក្របានថ្កោលទោសចំពោះសកម្មភាពរបស់មេដឹកនាំយោធានៅក្នុងប្រទេសស៊ូដង់ បន្ទាប់ពីការធ្វើរដ្ឋប្រហារកាលពីខែមុន។ ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សលោកស្រី Michelle Bachelet បាននិយាយថា ការប្រើប្រាស់កម្លាំងហួសហេតុដោយកងកម្លាំងសន្តិសុខ បានបណ្ដាលឲ្យមនុស្សយ៉ាងហោចណាស់ ១៣នាក់ស្លាប់ និងជាង ៣០០នាក់រងរបួស។លោកស្រីបានថ្លែងសុន្ទរកថាក្នុងកិច្ចប្រជុំបន្ទាន់ របស់ក្រុមប្រឹក្សាសិទ្ធិមនុស្សអង្គការសហប្រជាជាតិក្នុងទីក្រុងហ្សឺណែវ។ លោកស្រី Bachelet បានសម្ដែងការព្រួយបារម្ភអំពីការចាប់ខ្លួន និងការបាត់ខ្លួនជាច្រើននាក់នៃអង្គការសង្គមស៊ីវិល និងមេដឹកនាំការតវ៉ា អ្នកសារព័ត៌មាន និងសកម្មជន។ ការជជែកដេញដោលរបស់ក្រុមប្រឹក្សាសិទ្ធិមនុស្សបានធ្វើឡើង ស្របពេលដែលអង្គការសហប្រជាជាតិនៅតែទទួលស្គាល់ឯកអគ្គរដ្ឋទូតមកពីរដ្ឋាភិបាលស៊ូដង់ ដែលត្រូវបានបណ្ដេញចេញពីតំណែងជាអ្នកតំណាងផ្លូវការ របស់ប្រទេសនៅទីក្រុងហ្សឺណែវ។ លោកស្រី Bachelet បាននិយាយដោយយោងទៅលើការគ្រប់គ្រងរយៈពេល ៣០ឆ្នាំរបស់ប្រទេសស៊ូដង់ដោយអតីតមេដឹកនាំផ្ដាច់ការលោក Omar al-Bashir ថា ព្រឹត្តិការណ៍ចាប់តាំងពីរដ្ឋប្រហារបានរំលឹកឡើងវិញ នូវទំព័រដ៏សោកសៅមួយនៅក្នុងប្រវត្តិសាស្ត្ររបស់ប្រទេស នៅពេលដែលសេរីភាពនៃការបញ្ចេញមតិត្រូវបានរារាំង ហើយសិទ្ធិមនុស្សត្រូវបានគាបសង្កត់៕អត្ថបទ៖ ប៊ុនថន

អង្គការសហប្រជាជាតិដាក់សម្ពាធស៊ើបអង្កេតលើសហភាពមីយ៉ាន់ម៉ា

មីយ៉ាន់ម៉ា៖ ប្រធានអង្គការយន្តការស៊ើបអង្កេតឯករាជ្យសហភាពមីយ៉ាន់ម៉ាលោក Nichols Koumjian បាននិយាយកាលពីថ្ងៃសុក្រថា ការពិតបង្ហាញពីការវាយប្រហារយ៉ាងទូលំទូលាយ និងជាប្រព័ន្ធទៅលើប្រជាជនស៊ីវិល ដែលជាឧក្រិដ្ឋកម្មប្រឆាំងមនុស្សជាតិប្រព្រឹត្តដោយកងកម្លាំងសន្តិសុខសហភាពមីយ៉ាន់ម៉ា បន្ទាប់ពីរដ្ឋប្រហារកាលពីខែកុម្ភៈ។លោក Koumjian បាននិយាយថា យើងនឹងបន្តប្រមូលភស្តុតាងហើយវិភាគវាដើម្បីបំពេញកាតព្វកិច្ចរបស់យើង ដូច្នេះនៅថ្ងៃណាមួយអ្នកទទួលខុសត្រូវសម្រាប់ឧក្រិដ្ឋកម្មអន្តរជាតិធ្ងន់ធ្ងរ នៅក្នុងសហភាពមីយ៉ាន់ម៉ានឹងត្រូវយកមកកាត់ទោស។ លោកបានពន្យល់ថា នៅក្នុងខែដំបូង ឬបន្តបន្ទាប់នេះ កងកម្លាំងសន្តិសុខបានអនុវត្តការឆ្លើយតបតាមវិធានការ សំដៅទៅរកបាតុកម្មប្រឆាំងរដ្ឋប្រហារ។ ទោះជាយ៉ាងណា ក្រោយរដ្ឋប្រហារយើងបានឃើញការកើនឡើងអំពើហិង្សា និងវិធីសាស្ត្រហិង្សាជាច្រើនទៀតដែលបានប្រើដើម្បីបង្ក្រាបក្រុមបាតុករ ហើយការបង្ក្រាបបានកើតឡើងនៅកន្លែងផ្សេងៗគ្នាក្នុងពេលតែមួយ ដែលក្រុមស៊ើបអង្កេតរបស់យើងបានមើលឃើញថា ក្រុមពិសេសត្រូវបានកំណត់គោលដៅជាពិសេសការចាប់ខ្លួន និងការឃុំខ្លួនដែលហាក់មិនមានដំណើរការត្រឹមត្រូវតាមច្បាប់។អ្នកដែលត្រូវឃុំខ្លួនទាំងនេះ រួមមានទាំងអ្នកសារព័ត៌មាន បុគ្គលិកពេទ្យ និងអ្នកប្រឆាំងនយោបាយ។ ដោយត្រូវបានបង្កើតឡើងក្នុងខែកញ្ញា ឆ្នាំ២០១៨ ដោយក្រុមប្រឹក្សាសិទ្ធិមនុស្សអង្គការយន្តការស៊ើបអង្កេតឯករាជ្យ សម្រាប់សហភាពមីយ៉ាន់ម៉ាមានកាតព្វកិច្ចក្នុងការបង្រួបបង្រួម អភិរក្ស និងវិភាគភស្តុតាងនៃឧក្រិដ្ឋកម្មអន្តរជាតិធ្ងន់ធ្ងរបំផុត និងការបំពានច្បាប់អន្តរជាតិ ដែលបានប្រព្រឹត្តនៅក្នុងសហភាពមីយ៉ាន់ម៉ាចាប់តាំងពីឆ្នាំ២០១១ និងដើម្បីរៀបចំឯកសារជួយដល់ដំណើរការឧក្រិដ្ឋកម្មឯករាជ្យណាមួយ ស្របតាមស្តង់ដារច្បាប់អន្តរជាតិ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ស្វីសទម្លាក់អាល់ហ្សេរី ២-០ ជាជ័យជម្នះវគ្គចាញ់ធ្លាក់នៅ World Cup លើកដំបូងក្នុងរយៈពេល ៨៨ ឆ្នាំ

សពលោក Khamenei ត្រូវបានដាក់តម្កល់នៅរដ្ឋធានីតេអេរ៉ង់ ខណៈអ៊ីរ៉ង់ចាប់ផ្តើមពិធីបុណ្យ ១សប្តាហ៍

មន្ត្រី ក.ប.ប វិភាគឃើញសាច់បង្កក ៤៨គំរូ ដែលសមត្ថកិច្ចចម្រុះពិនិត្យប៉ុន្មានថ្ងៃមុន មានកត្តាហានិភ័យប៉ះពាល់សុខភាព

អ្នកនាំពាក្យក្រសួងព័ត៌មាន៖ ការពង្រឹងសុវត្ថិភាពឌីជីថល គឺជាកត្តាចម្បងក្នុងការប្រយុទ្ធប្រឆាំងព័ត៌មានក្លែងក្លាយ

កាកបាទក្រហមកម្ពុជា បណ្តុះបណ្តាលយុវជន ជាង១០០នាក់ លើច្បាប់មនុស្សធម៌ និងការកសាងសន្តិភាព

ផ្ទាំងទឹកនៅប្រទេសស្វីស ឆ្ពោះទៅរកការបំបែកកំណត់ត្រាមួយទៀត ក្រោយរលកកម្តៅខែមិថុនា

លោក Merz បញ្ជាក់ថា អាល្លឺម៉ង់អាចការពារការជំរុញការចំណាយយោធា ជាការឆ្លើយតបទៅនឹងលោក Trump

បុគ្គលិកសន្តិសុខស៊ីរី ៣រូបរងរបួស ដោយសារវាយប្រហារនៅជិតក្រុងដាម៉ាស ខណៈអ្នកប្រព្រឹត្តិស្លាប់

ក្រុមតាំងលំនៅនិគមន៍អ៊ីស្រាអែល ដណ្តើមក្តីស្រមៃជនប៉ាឡេស្ទីនក្នុងការមានផ្ទះសម្បែងនឹងគេនៅតំបន់វ៉េសប៊ែង

EU «ថ្កោលទោសយ៉ាងខ្លាំង» ចំពោះការវាយប្រហារបណ្ដាលឲ្យមានអ្នកស្លាប់ច្រើន នៅទីក្រុងដាម៉ាស

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

WHO ព្រមានថា ពិភពលោកអាចប្រឈមនឹងកង្វះស៊ីរ៉ាំង និងវ៉ាក់សាំង

កម្ពុជា-ស្លូវេនី ប្ដេជ្ញាធ្វើឱ្យកិច្ចប្រជុំកំពូលអាស៊ី-អឺរ៉ុបទទួលជោគជ័យ

ប្រធានទីភ្នាក់ងារផ្ដល់ជំនួយរបស់អង្គការសហប្រជាជាតិនិយាយថា មីយ៉ាន់ម៉ាកាន់តែយ៉ាប់យ៉ឺន

WHO៖ សហរដ្ឋអាមេរិកគួរតែទទួលយកការព្រមានពីការផ្ទុះឡើងវិញនៃករណីឆ្លងវីរុស COVID-19 នៅអឺរ៉ុប

សម្តេចកិត្តិព្រឹទ្ធបណ្ឌិត សម្រេចផ្តល់អំណោយជូនពលរដ្ឋរងគ្រោះទឹកជំនន់ជិត ៣ពាន់គ្រួសារ

កងកម្លាំងសន្តិសុខស៊ូដង់ចាប់ខ្លួនមនុស្សរាប់សិបនាក់ ខណៈកូដកម្មប្រឆាំងរដ្ឋប្រហារចាប់ផ្ដើម

ករណីឆ្លងសកលនៃវីរុស COVID-19 កើនឡើងដល់ជាង ២៥០លាននាក់ ខណៈកំណើនវីរុស Delta ចាប់ផ្ដើមធ្លាក់ចុះ

អង្គការសហប្រជាជាតិថ្កោលទោសការប្រើប្រាស់កម្លាំងហួសហេតុនៅប្រទេសស៊ូដង់

អង្គការសហប្រជាជាតិដាក់សម្ពាធស៊ើបអង្កេតលើសហភាពមីយ៉ាន់ម៉ា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

WHO ព្រមាន​ថា ពិភពលោក​អាច​ប្រឈម​នឹង​កង្វះ​ស៊ីរ៉ាំង និង​វ៉ាក់សាំង​

កម្ពុជា-ស្លូវេនី ប្ដេជ្ញាធ្វើឱ្យកិច្ចប្រជុំកំពូលអាស៊ី-អឺរ៉ុបទទួលជោគជ័យ

ប្រធាន​ទីភ្នាក់ងារ​ផ្ដល់​ជំនួយ​របស់​អង្គការសហប្រជាជាតិ​និយាយ​ថា មី​យ៉ាន់​ម៉ា​កាន់តែ​យ៉ាប់យ៉ឺន​

WHO៖ សហរដ្ឋអាមេរិក​គួរតែ​ទទួល​យក​ការ​ព្រមាន​ពី​ការ​ផ្ទុះ​ឡើងវិញ​នៃ​ករណី​ឆ្លង​វីរុស COVID-19 នៅ​អឺរ៉ុប​

សម្តេចកិត្តិព្រឹទ្ធបណ្ឌិត សម្រេចផ្តល់អំណោយជូនពលរដ្ឋរងគ្រោះទឹកជំនន់ជិត ៣ពាន់គ្រួសារ

កងកម្លាំង​សន្តិសុខ​ស៊ូដង់​ចាប់ខ្លួន​មនុស្ស​រាប់​សិប​នាក់​ ខណៈ​កូដកម្ម​ប្រឆាំង​រដ្ឋប្រហារ​ចាប់ផ្ដើម​

ករណី​ឆ្លង​សកល​នៃ​វីរុស COVID-19 កើន​ឡើង​ដល់​ជាង​ ២៥០​លាន​នាក់ ខណៈ​កំណើន​វីរុស Delta ចាប់ផ្ដើម​ធ្លាក់​ចុះ

អង្គការ​សហប្រជាជាតិ​ថ្កោល​ទោស​ការ​ប្រើ​ប្រាស់​កម្លាំង​ហួស​ហេតុ​នៅ​ប្រទេស​ស៊ូដង់

អង្គការសហប្រជាជាតិ​ដាក់​សម្ពាធ​ស៊ើបអង្កេត​លើ​សហភាព​មី​យ៉ាន់​ម៉ា​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

WHO ព្រមានថា ពិភពលោកអាចប្រឈមនឹងកង្វះស៊ីរ៉ាំង និងវ៉ាក់សាំង

ប្រធានទីភ្នាក់ងារផ្ដល់ជំនួយរបស់អង្គការសហប្រជាជាតិនិយាយថា មីយ៉ាន់ម៉ាកាន់តែយ៉ាប់យ៉ឺន

WHO៖ សហរដ្ឋអាមេរិកគួរតែទទួលយកការព្រមានពីការផ្ទុះឡើងវិញនៃករណីឆ្លងវីរុស COVID-19 នៅអឺរ៉ុប

កងកម្លាំងសន្តិសុខស៊ូដង់ចាប់ខ្លួនមនុស្សរាប់សិបនាក់ ខណៈកូដកម្មប្រឆាំងរដ្ឋប្រហារចាប់ផ្ដើម

ករណីឆ្លងសកលនៃវីរុស COVID-19 កើនឡើងដល់ជាង ២៥០លាននាក់ ខណៈកំណើនវីរុស Delta ចាប់ផ្ដើមធ្លាក់ចុះ

អង្គការសហប្រជាជាតិថ្កោលទោសការប្រើប្រាស់កម្លាំងហួសហេតុនៅប្រទេសស៊ូដង់

អង្គការសហប្រជាជាតិដាក់សម្ពាធស៊ើបអង្កេតលើសហភាពមីយ៉ាន់ម៉ា