BTV NEWS

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត

សម្ដេចធិបតី៖ ភាពជោគជ័យរបស់អ្នកដឹកនាំអង្គភាពមួយ គឺការធានាឱ្យអង្គភាពនោះមានសមត្ថភាពបន្តដំណើរការ និងការរីកចម្រើន ទោះបីជាក្នុងពេលអវត្តមានរបស់ខ្លួនក៏ដោយ

ព័ត៌មានសំខាន់ៗ

សម្តេចតេជោ ហ៊ុន សែន អញ្ជើញគោរពវិញ្ញាណក្ខន្ធ សពឯកឧត្តមបណ្ឌិត ងួន ញិល អនុប្រធានទី១ នៃរដ្ឋសភា

ភ្នំពេញ៖ នៅព្រឹកថ្ងៃទី៦ ខែវិច្ឆិកា ឆ្នាំ២០២១ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានអញ្ជើញចូលរួមរំលែកទុក្ខ និងគោរពវិញ្ញាណក្ខន្ធ ឯកឧត្តមកិត្តិនីតិ កោសលបណ្ឌិត ងួន ញិល អនុប្រធានទី១ នៃរដ្ឋសភា ដែលបានទទួលមរណភាព កាលពីថ្ងៃសុក្រ ថ្ងៃទី០៥ ខែវិច្ឆិកា ឆ្នាំ២០២១ វេលាម៉ោង ១០:៣៦ នាទីព្រឹក ក្នុងជន្មាយុ ៧៩ឆ្នាំ ដោយរោគាពាធ។សម្តេចតេជោនាយករដ្ឋមន្ត្រី ពិតជាមានសេចក្តីក្តុកក្តួលរំជួលចិត្តឥតឧបមា ដោយបានទទួលដំណឹងពីការមរណភាពរបស់ ឯកឧត្តមបណ្ឌិត ងួន ញិល នាពេលនេះ។ សម្តេចតេជោ នាយករដ្ឋមន្ត្រី បានសម្តែងនូវការសោកស្ដាយ ស្រណោះអាឡោះអាល័យ និងក្តីសង្វេគស្ទើររកទីបំផុតគ្មាន ព្រោះថាការបាត់បង់ ឯកឧត្តមកិត្តិនីតិ កោសលបណ្ឌិត ងួន ញិល គឺជាការបាត់បង់នូវលោកឪពុក និងជីតា ប្រកបដោយសង្គហធម៌ ព្រហ្មវិហារធម៌ មិនចេះរីងស្ងួត ពិសេសក៏ជាការបាត់បង់ដ៏ធំធេងនូវឥស្សរជននយោបាយខ្មែរដ៏ឆ្នើមមួយរូប ដែលពោរពេញដោយឆន្ទៈមនសិកាក្នុងការបម្រើបុព្វហេតុជាតិ ជាតិ សាសនា ព្រះមហាក្សត្រ គ្រប់កាលៈទេសៈ ព្រមទាំងបានរួមចំណែកយ៉ាងសកម្មក្នុងការលើកកម្ពស់តម្លៃនៃនីតិរដ្ឋប្រកបដោយ ឧត្តមគតិខ្ពង់ខ្ពស់ជាអនេកប្បការ។សម្តេចសូមឧទ្ទិសបួងសួងដល់ដួងវិញ្ញាណក្ខន្ធសព ឯកឧត្តមកិត្តិនីតិកោសល បណ្ឌិត ងួន ញិល សូមឆាប់បានយោនយកកំណើតកើត ក្នុងសុគតិភពគ្រប់ៗជាតិកុំបីឃ្លៀងឃ្លាតឡើយ៕

អង់គ្លេសអនុញ្ញាតឲ្យប្រើឱសថរបស់ក្រុមហ៊ុន Merck ព្យាបាលជំងឺ COVID-19

អង់គ្លេស៖ ចក្រភពអង់គ្លេសកាលពីថ្ងៃព្រហស្បតិ៍ បានផ្តល់ការអនុញ្ញាតតាមលក្ខខណ្ឌសម្រាប់ឱសថប្រឆាំងវីរុស COVID-19 របស់ក្រុមហ៊ុន Merck ជាឱសថគ្រាប់ដំបូងដែលត្រូវបានបង្ហាញដើម្បីព្យាបាលជំងឺ COVID-19 ដោយជោគជ័យ។ អង់គ្លេសគឺជាប្រទេសដំបូងគេដែលអនុម័តឱសថសម្រាប់ការព្យាបាលនេះ ទោះបីជាវាមិនច្បាស់ភ្លាមៗថា ឱសថគ្រាប់នេះនឹងអាចប្រើបានក្នុងរយៈពេលលឿនប៉ុណ្ណាក៏ដោយ។ឱសថគ្រាប់នេះត្រូវបានផ្តល់អាជ្ញាប័ណ្ណ សម្រាប់មនុស្សពេញវ័យដែលមានអាយុចាប់ពី ១៨ឆ្នាំឡើងទៅដែលបានសាកល្បងលើអ្នកជំងឺវិជ្ជមានវីរុស COVID-19 និងមានកត្តាហានិភ័យតិចបំផុតសម្រាប់ការវិវត្តទៅជាជំងឺធ្ងន់ធ្ងរ។ ឱសថនេះត្រូវបានគេស្គាល់ឈ្មោះថា Molnupiravir ត្រូវលេប ២ដងក្នុង ១ថ្ងៃសម្រាប់រយៈពេល ៥ថ្ងៃដោយអ្នកជំងឺនៅផ្ទះមានជំងឺ COVID-19 កម្រិតស្រាលទៅមធ្យម។ ក្រុមហ៊ុន Merck បានប្រកាសលទ្ធផលបឋមកាលពីខែមុន ដែលបង្ហាញពីឱសថរបស់ខ្លួនកាត់បន្ថយការចូលសម្រាកព្យាបាលនៅមន្ទីរពេទ្យ និងការស្លាប់បានពាក់កណ្ដាលក្នុងចំណោមអ្នកជំងឺ ដែលមានរោគសញ្ញាដំបូងនៃជំងឺកូវីដ-១៩។ ឱសថ Molnupiravir កំពុងរង់ចាំការពិនិត្យឡើងវិញជាមួយនិយ័តករនៅសហរដ្ឋអាមេរិក សហភាពអឺរ៉ុប និងទីភ្នាក់ងារនៃបណ្ដាប្រទេសផ្សេងទៀត៕អត្ថបទ៖ ប៊ុនថន

កម្ពុជាឈរនៅលំដាប់ទី៥ លើពិភពលោក និងស្ថិតនៅលំដាប់លេខ១នៅតំបន់អាស៊ីប៉ាស៊ីហ្វិកដែលមានអត្រាខ្ពស់លើការចាក់វ៉ាក់សាំងកូវីដ-១៩ ដល់ប្រជាពលរដ្ឋ

ប្រទេសកម្ពុជាឈរនៅលំដាប់ទី៥ លើពិភពលោក និងស្ថិតនៅលំដាប់លេខ១នៅតំបន់អាស៊ីប៉ាស៊ីហ្វិកដែលមានអត្រាខ្ពស់លើការចាក់វ៉ាក់សាំងកូវីដ-១៩ ដល់ប្រជាពលរដ្ឋ នេះបើយោងប្រភពពី Our World in Data។ក្នុងអំឡុងបរិបទកូវីដ១៩នេះ ប្រទេសនានាលើពិភពលោក បាននឹងកំពុងចាក់វ៉ាក់សាំងកូវីដ១៩ដល់ប្រជាពលរដ្ឋខ្លួន ដើម្បីបង្កើនភាពសាំក្នុងសហគមន៍ បើតាមប្រភពពីOur World In Data បង្ហាញថា លើពិភពលោកប្រទេសដែលបានចាក់វ៉ាក់សាំង និងមានអត្រាខ្ពស់បើធៀបនឹងពលរដ្ឋក្នុងប្រទេសខ្លួនគឺ ទី១ សហភាព អារ៉ាប់រួម , ទី២ ប្រទេសប៉ទុយហ្គាល់ ទី៣ប្រទេសគុយបា ទី៤ ប្រទេសឈីលី និងទី៥ ប្រទេសកម្ពុជា។ ចំណែកនៅតំបន់អាស៊ីប៉ាស៊ីហ្វិកកម្ពុជាឈរលើលេខរៀងទី១ ខណៈដែលសឹង្ហបុរី លេខ២ , ទី៣ កូរ៉េខាងត្បូង ,ទី៤ប្រទេសព្រុយណេ និង ទី៥ប្រទេសជប៉ុន។សូមបញ្ជាក់ថា ប្រភពពី Our World In Data បានកត់ត្រាត្រឹមថ្ងៃទី៣ ខែវិច្ឆិកា ឆ្នាំ២០២១ ពីអត្រាចាក់វ៉ាក់សាំងនៅកម្ពុជា មានចំនួន៨២ភាគរយនៃប្រជាជនសរុប ប៉ុន្តែបើយោងតាមរបាយការណ៍គណៈកម្មការចំពោះកិច្ចចាក់វ៉ាក់សាំងកូវីដ១៩ ក្របខណ្ឌទូទាំងប្រទេស បានបង្ហាញថា ត្រឹមថ្ងៃទី៤ វិច្ឆិកា ម្សិលមិញកម្ពុជាចាក់វ៉ាក់សាំងកូវីដ១៩ ដល់ពលរដ្ឋខ្លួនបានចំនួន៨៦,៨៧ភាគរយ នៃប្រជាជនសរុប១៦លាននាក់ និងចាក់ជូនពលរដ្ឋពីអាយុ៥ឆ្នាំឡើងទៅ៕

WHO ព្រមានថា អឺរ៉ុបគឺជាចំណុចឆ្លងរាលដាលខ្លាំងនៃវីរុស COVID-19 ជាថ្មី

អឺរ៉ុប៖ អឺរ៉ុបកំពុងប្រឈមនឹងការហក់ឡើងជាថ្មីដ៏គួរឱ្យព្រួយបារម្ភក្នុងករណីឆ្លងវីរុស Covid-19 នេះបើយោងតាមលោកវេជ្ជបណ្ឌិត Hans Kluge របស់អង្គការសុខភាពពិភពលោកដែលបានព្រមានថា តំបន់នេះក្លាយជាចំណុចឆ្លងរាលដាលខ្លាំងជាថ្មីនៃជំងឺរាតត្បាតសកល។ លោក Kluge នាយកប្រចាំតំបន់របស់អង្គការសុខភាពពិភពលោកប្រចាំទ្វីបអឺរ៉ុប ដែលរួមមានប្រទេសចំនួន ៥៣ នៅទូទាំងទ្វីបអឺរ៉ុប និងអាស៊ីកណ្ដាលបាននិយាយថា ចំនួនករណីឆ្លងថ្មីប្រចាំថ្ងៃគឺជិតដល់កម្រិតខ្ពស់បំផុតហើយ។លោកបាននិយាយនៅក្នុងសន្និសីទសារព័ត៌មានកាលពីថ្ងៃព្រហស្បតិ៍ថា សព្វថ្ងៃនេះគ្រប់ប្រទេសទាំងអស់នៅអឺរ៉ុប និងអាស៊ីកណ្តាលកំពុងប្រឈមនឹងការគំរាមកំហែងពិតប្រាកដនៃការហក់ឡើងវិញនៃករណីឆ្លងវីរុស Covid-19 ឬកំពុងប្រយុទ្ធប្រឆាំងនឹងវីរុសនេះរួចស្រាប់ទៅហើយ។ ល្បឿនឆ្លងបច្ចុប្បន្ននៅទូទាំង ៥៣ប្រទេសគឺជាការព្រួយបារម្ភខ្លាំងបំផុត។ លោក Kluge បាននិយាយថា កាលពីសប្តាហ៍មុនករណីឆ្លងថ្មីជិត ១.៨លាននាក់ និងការស្លាប់ថ្មីចំនួន ២៤,០០០នាក់ត្រូវបានរាយការណ៍នៅតំបន់អឺរ៉ុប និងអាស៊ីកណ្ដាលរបស់អង្គការសុខភាពពិភពលោកបានមើលឃើញការឆ្លងកើនឡើង ៦% និងការស្លាប់ថ្មីកើនឡើង ១២% បើធៀបនឹងសប្តាហ៍មុន។លោកបាននិយាយថា តំបន់នេះមាន ៥៩% នៃករណីឆ្លងទាំងអស់នៅទូទាំងពិភពលោក និង ៤៨% នៃអ្នកស្លាប់ដែលបានរាយការណ៍កាលពីសប្តាហ៍មុន។ លោក Kluge បាននិយាយថា ប្រសិនបើតំបន់នេះនៅតែបន្តលើគន្លងនេះ ការព្យាករណ៍ដែលអាចទុកចិត្តបានព្យាករណ៍ថា អាចនឹងមានអ្នកស្លាប់ទាក់ទងនឹងវីរុស Covid-19 ជាង ៥០០,០០០នាក់ផ្សេងទៀតនៅក្នុងតំបន់នេះត្រឹមខែកុម្ភៈ ឆ្នាំ២០២២ ហើយប្រទេសចំនួន ៤៣ ក្នុងតំបន់នឹងប្រឈមទៅនឹងភាពតានតឹងខ្លាំង ចំពោះបញ្ហាខ្វះគ្រែមន្ទីរពេទ្យនៅពេលណាមួយក្នុងរយៈពេលដូចគ្នា៕អត្ថបទ៖ សុខមាន

WHO អនុម័តឲ្យប្រើប្រាស់បន្ទាន់នូវវ៉ាក់សាំងបង្ការវីរុស COVID-19 ផលិតក្នុងស្រុកដំបូងរបស់ប្រទេសឥណ្ឌា

WHO៖ កាលពីថ្ងៃពុធ ទី៣ ខែវិច្ឆិកា អង្គការសុខភាពពិភពលោក (WHO) បាននិយាយថា ខ្លួនបានអនុម័តវ៉ាក់សាំងបង្ការវីរុស COVID-19 របស់ក្រុមហ៊ុន Bharat Biotech របស់ក្រុមហ៊ុនផលិតឱសថឥណ្ឌា សម្រាប់ការប្រើប្រាស់ជាបន្ទាន់ដោយត្រួសត្រាយផ្លូវសម្រាប់វ៉ាក់សាំងផលិតក្នុងស្រុក ដើម្បីត្រូវបានទទួលយកជាវ៉ាក់សាំងដែលមានសុពលភាពនៅក្នុងប្រទេសក្រីក្រជាច្រើន។ការចុះបញ្ជីការប្រើប្រាស់បន្ទាន់នឹងអនុញ្ញាតឱ្យក្រុមហ៊ុន Bharat Biotech ដឹកជញ្ជូនវ៉ាក់សាំងដែលគេស្គាល់ថា Covaxin ទៅកាន់ប្រទេសដែលពឹងផ្អែកលើការណែនាំរបស់អង្គការសុខភាពពិភពលោក សម្រាប់ការសម្រេចចិត្តផ្នែកនិយតកររបស់ពួកគេ។ វាក៏អាចជួយប្រជាជនឥណ្ឌារាប់លាននាក់ដែលបានទទួលបានវ៉ាក់សាំងនេះ ឱ្យអាចធ្វើដំណើរទៅក្រៅប្រទេសផងដែរ។ អង្គការសុខភាពពិភពលោកបានសរសេរនៅលើបណ្ដាញសង្គម tweeter ថា ក្រុមប្រឹក្សាបច្ចេកទេសរបស់ខ្លួនបានសម្រេចថា អត្ថប្រយោជន៍របស់វ៉ាក់សាំង Covaxin មានវិសាលភាពលើសពីហានិភ័យ ហើយថាវាបានបំពេញតាមបទដ្ឋានរបស់អង្គការសុខភាពពិភពលោក សម្រាប់ការការពារប្រឆាំងនឹងវីរុស COVID-19។នៅក្នុងការអនុម័តនោះ វ៉ាក់សាំងនេះត្រូវបានផ្ដល់អនុសាសន៍ឲ្យចាក់ ២ដូសដែលដូសនីមួយៗមានគម្លាតពីគ្នា ៤សប្ដាហ៍ និងចាក់បានគ្រប់វ័យចាប់ពី ១៨ឆ្នាំឡើងទៅ។ វ៉ាក់សាំងនេះត្រូវបានរដ្ឋាភិបាលអនុម័ត ឲ្យប្រើប្រាស់នៅក្នុងប្រទេសឥណ្ឌាកាលពីខែមករា ខណៈដែលវ៉ាក់សាំងនេះស្ថិតនៅដំណាក់កាលសាកល្បងដំណាក់កាលទី៣ នៅឡើយដែលបង្កឲ្យមានការព្រួយបារម្ភ និងការរិះគន់។ ក្រុមហ៊ុន Bharat Biotech ដែលបានផលិតវ៉ាក់សាំងនេះធ្លាប់បានបញ្ជាក់ថា វ៉ាក់សាំងនេះមានប្រសិទ្ធភាព ៧៨% ក្នុងការទប់ស្កាត់ការចម្លងវីរុស COVID-19៕អត្ថបទ៖ សុខមាន

មនុស្ស ២៥នាក់ស្លាប់ក្នុងការវាយប្រហាររបស់ក្រុមរដ្ឋអ៊ីស្លាមលើមន្ទីរពេទ្យយោធាក្រុងកាប៊ុល

អាហ្វហ្គានីស្ថាន៖ ក្រុមមន្ត្រីនិយាយថា មនុស្សយ៉ាងហោចណាស់ ២៥នាក់បានស្លាប់ និងជាង ៥០នាក់រងរបួសនៅពេលដែលក្រុមខ្មាន់កាំភ្លើងបានវាយប្រហារទៅលើមន្ទីរពេទ្យយោធាដ៏ធំបំផុតរបស់ប្រទេសអាហ្វហ្គានីស្ថាន បន្ទាប់ពីការផ្ទុះដ៏ខ្លាំងក្លាចំនួនពីរនៅទីតាំងកណ្ដាលទីក្រុងកាប៊ុល។អ្នកនាំពាក្យក្រុមតាលីបង់លោក Zabihullah Mujahid បាននិយាយថា ការបំផ្ទុះបានវាយប្រហារច្រកចូលមន្ទីរពេទ្យ Sardar Mohammad Daud Khan ដែលមានគ្រែចំនួន ៤០០ ហើយត្រូវបានបន្តដោយការវាយប្រហារដោយក្រុមខ្មាន់កាំភ្លើងរដ្ឋអ៊ីស្លាម ដែលពួកគេទាំងអស់ត្រូវបានសម្លាប់ក្នុងរយៈពេល ១៥នាទី។ លោកបាននិយាយថា កងកម្លាំងពិសេសតាលីបង់ដែលមកដល់កន្លែងកើតហេតុ ដោយឧទ្ធម្ភាគចក្របានរារាំងក្រុមខ្មាន់វាយប្រហារមិនឱ្យចូលទៅក្នុងមន្ទីរពេទ្យ ដោយខ្មាន់ទាំងអស់ត្រូវបានសម្លាប់នៅច្រកចូល ឬនៅទីធ្លាមន្ទីរពេទ្យ។ មុននេះអ្នកនាំពាក្យម្នាក់ទៀតបាននិយាយថា ខ្មាន់វាយប្រហារម្នាក់ក្នុងចំណោមក្រុមខ្មាន់វាយប្រហារទាំងនោះត្រូវបានចាប់ខ្លួនទាំងរស់។ការបំផ្ទុះចុងក្រោយនេះបានបន្ថែមទៅលើបញ្ជីចំនួនការវាយប្រហារ និងការសម្លាប់ដែលកំពុងកើនឡើងចាប់តាំងពីក្រុមតាលីបង់ដណ្ដើមបានជ័យជម្នះទាំងស្រុង លើរដ្ឋាភិបាលដែលគាំទ្រដោយប្រទេសលោកខាងលិចកាលពីខែសីហា ដោយធ្វើឱ្យប៉ះពាល់ដល់ការធានាអះអាងរបស់ពួកគេក្នុងការស្ដារសន្តិសុខឡើងវិញ ដល់ប្រទេសអាហ្វហ្គានីស្ថានបន្ទាប់ពីសង្គ្រាមរាប់ទសវត្សរ៍។ គួររម្លឹកថា នៅពេលក្រុមនេះបានដណ្ដើមកាន់កាប់ប្រទេសអាហ្វហ្គានីស្ថានជាថ្មី ក្រុមនេះបានអះអាងថា ខ្លួននឹងមិនឲ្យប្រទេសអាហ្វហ្គានីស្ថានក្លាយជាមូលដ្ឋានសម្រាប់វាយប្រហារភេរវកម្មលើប្រទេសណាមួយឡើយ និងធានាថានឹងមិនឲ្យមានការវាយប្រហារណាមួយកើតឡើងនៅក្នុងប្រទេសនេះឡើយ៕អត្ថបទ៖ សុខមាន

មេដឹកនាំពិភពលោកជាង ១០០ប្រទេសសន្យាបញ្ចប់ការបំផ្លាញព្រៃឈើនៅត្រឹមឆ្នាំ២០៣០

UN៖ មេដឹកនាំជាង ១០០ប្រទេសនឹងប្ដេជ្ញាបញ្ឈប់ និងស្រោចស្រង់ព្រៃឈើដែលបានបាត់បង់ និងការរិចរិលដីនៅត្រឹមឆ្នាំ២០៣០ នៅក្នុងកិច្ចព្រមព្រៀងនៃកិច្ចប្រជុំកំពូលរបស់អង្គការសហប្រជាជាតិ ស្ដីពីបម្រែបម្រួលអាកាសធាតុលើកទី២៦ ឬ COP26 ដំណាក់កាលដំបូង។លោកនាយករដ្ឋមន្ត្រី Boris Johnson នឹងរៀបចំព្រឹត្តិការណ៍មួយនៅឯមជ្ឈមណ្ឌល SEC Campus ក្នុងទីក្រុង Glasgow នៃដែនដីស្កុតឡិនរបស់អង់គ្លេសនៅថ្ងៃអង្គារនេះ ជាទីដែលមេដឹកនាំដែលប្រទេសរបស់ពួកគេមានចំនួន ៨៥% នៃព្រៃឈើពិភពលោកនឹងធ្វើការសន្យាដែលត្រូវបានគាំទ្រដោយមូលនិធិសាធារណៈ និងឯកជនជិត ១៤ពាន់លានផោន។ បណ្ដាប្រទេសដែលលាតសន្ធឹងពីព្រៃភាគខាងជើងនៃប្រទេសកាណាដា និងរុស្ស៊ីរហូតទៅដល់ព្រៃទាក់ទាញទឹកភ្លៀងត្រូពិកនៃប្រទេសប្រេស៊ីល កូឡុំប៊ី ឥណ្ឌូនេស៊ី និងសាធារណរដ្ឋប្រជាធិបតេយ្យកុងហ្គោនឹងគាំទ្រសេចក្តីប្រកាសរបស់មេដឹកនាំ Glasgow ស្តីពីការប្រើប្រាស់ព្រៃឈើ និងដី។ ព្រៃឈើសរុបរួមគ្នាសម្រាប់តំបន់នេះមានផ្ទៃដីជាង ១៣លានគីឡូម៉ែត្រក្រឡា។ទោះជាយ៉ាងណាក៏ដោយ មេដឹកនាំពិភពលោកត្រូវបានជំរុញឱ្យបន្តទៅមុខជាជាងការកាប់បំផ្លាញព្រៃឈើ ដោយអះអាងថា ជម្រកទាំងអស់ត្រូវតែត្រូវបានទទួលការការពារ ប្រសិនបើគោលដៅអាកាសធាតុឆ្នាំ២០៣០ នឹងសម្រេចបាន។ ព្រៃឈើស្រូបយកប្រហែលមួយភាគបីនៃការបូនឌីអ៊ុកស៊ីត ឬ CO2 សកលដែលបានបញ្ចេញពីការដុតឥន្ធនៈហ្វូស៊ីលជារៀងរាល់ឆ្នាំ ប៉ុន្តែការបាត់បង់ព្រៃឈើក្នុងមួយនាទីស្មើនឹងទំហំតារាងបាល់ទាត់ចំនួន ២៧តារាង៕អត្ថបទ៖ សុខមាន

ចិន និងរុស្ស៊ីកំពុងជំរុញឲ្យដកទណ្ឌកម្មរបស់អង្គការសហប្រជាជាតិដែលដាក់លើកូរ៉េខាងជើង

UN៖ ប្រទេសចិន និងរុស្ស៊ីកំពុងជំរុញក្រុមប្រឹក្សាសន្តិសុខអង្គការសហប្រជាជាតិ ឲ្យបន្ធូរបន្ថយទណ្ឌកម្មលើប្រទេសកូរ៉េខាងជើងដោយដកការប៉ុនប៉ងនៃការដាក់ទណ្ឌកម្មកាលពីឆ្នាំ២០១៩ ឡើងវិញ ដើម្បីដកបម្រាមលើការនាំចេញរូបចម្លាក់ អាហារសមុទ្រ និងវាយនភណ្ឌរបស់ទីក្រុងព្យុងយ៉ាង ហើយរួមបញ្ចូលទាំងការដកបម្រាមឲ្យកូរ៉េខាងជើងអាចនាំចូលប្រេងចម្រាញ់រួច សម្រាប់បម្រើសេចក្ដីត្រូវការរបស់ប្រជាជន។នៅក្នុងសេចក្តីពង្រាងសម្រេចដែលយកមកចាត់ការឡើងវិញ ដែលសារព័ត៌មាន Reuters ទទួលបានកាលពីថ្ងៃចន្ទ ប្រទេសចិន និងរុស្ស៊ីចង់ឱ្យក្រុមប្រឹក្សាដែលមានសមាជិក ១៥ប្រទេសដកចេញទណ្ឌកម្មទាំងនោះ "ដោយមានចេតនាលើកកម្ពស់ជីវភាពរស់នៅរបស់ប្រជាជនស៊ីវិល" នៅក្នុងរដ្ឋឯកោនៅអាស៊ីមួយនេះ។ កូរ៉េខាងជើងបានរងទណ្ឌកម្មរបស់អង្គការសហប្រជាជាតិចាប់តាំងពីឆ្នាំ២០០៦ មកលើកម្មវិធីនុយក្លេអ៊ែរ និងមីស៊ីលបាលីស្ទីករបស់ខ្លួន។ សេចក្តីព្រាងសម្រេចនេះក៏រួមបញ្ចូលនូវវិធានការផ្សេងទៀត ដែលស្នើឡើងដំបូងដោយរុស្ស៊ី និងចិនកាលពីជិត ២ឆ្នាំមុន រួមទាំងការដកបម្រាមលើជនជាតិកូរ៉េខាងជើងដែលធ្វើការនៅបរទេស និងការលើកលែងគម្រោងសហប្រតិបត្តិការផ្លូវដែក និងផ្លូវអន្តរកូរ៉េពីការដាក់ទណ្ឌកម្មនោះ។អ្នកការទូតជាច្រើនរូបរបស់អង្គការសហប្រជាជាតិដែលសុំមិនបញ្ចេញឈ្មោះបាននិយាយថា ការព្រាងសេចក្តីសម្រេចដែលបានធ្វើឡើងវិញនេះនឹងរកបានការគាំទ្រតិចតួចណាស់។ ក្នុងឆ្នាំ២០១៩ រុស្ស៊ី និងចិនបានបើកការចរចាក្រៅផ្លូវការចំនួន ២ជុំលើសេចក្តីព្រាងសេចក្តីសម្រេចនេះ ប៉ុន្តែមិនដែលបានកំណត់ជាផ្លូវការសម្រាប់ការបោះឆ្នោតនោះទេ៕អត្ថបទ៖ សុខមាន

បុរសម្នាក់ស្លៀកពាក់ជា Joker ប្រដាប់ដោយកាំបិតចាក់មនុស្ស ១៧នាក់ឲ្យរងរបួសនៅជប៉ុន

ជប៉ុន៖ នគរបាល និងសាក្សីបាននិយាយថា បុរសម្នាក់ស្លៀកពាក់ឈុតតួអង្គ Joker ហើយកាន់កាំបិតបានចាក់អ្នកដំណើរយ៉ាងហោចណាស់ម្នាក់នៅលើរថភ្លើងក្នុងទីក្រងតូក្យូ មុនពេលចាប់ផ្ដើមដុតភ្លើងបណ្ដាលឲ្យអ្នកដំណើរមួយចំនួនរងរបួស និងធ្វើឲ្យមនុស្សស្លន់ស្លោរត់គេចខ្លួន រហូតដល់មានអ្នកខ្លះលោតចេញតាមបង្អួចរថភ្លើងទៀតផង។នាយកដ្ឋានពន្លត់អគ្គិភ័យទីក្រុងតូក្យូបាននិយាយថា អ្នកដំណើរ ១៧នាក់បានរងរបួសក្នុងនោះមាន ៣នាក់ធ្ងន់ធ្ងរ។ នាយកដ្ឋានពន្លត់អគ្គិភ័យបាននិយាយថា មិនមែនពួកគេនៅលើរថភ្លើងទាំងអស់ត្រូវបានចាក់ទេ ហើយភាគច្រើននៃអ្នករបួសផ្សេងទៀតមិនធ្ងន់ធ្ងរនោះទេ។ ស្នងការនគរបាលក្រុងតូក្យូបាននិយាយនៅថ្ងៃចន្ទនេះថា កា្មន់វាយប្រហារដែលនគរបាលកំណត់អត្តសញ្ញាណឈ្មោះថា Kyota Hattori អាយុ ២៤ឆ្នាំត្រូវបានចាប់ខ្លួននៅនឹងកន្លែងកើតហេតុ បន្ទាប់ពីការវាយប្រហារកាលពីថ្ងៃអាទិត្យ ហើយកំពុងត្រូវបានស៊ើបអង្កេតលើការសង្ស័យនៃការប៉ុនប៉ងមនុស្សឃាត។នគរបាលបាននិយាយថា ក្មាន់វាយប្រហារជិះរថភ្លើងលឿនលឿនឆ្ពោះទៅកាន់ស្ថានីយរថភ្លើង Shinjuku ទីក្រុងតូក្យូភ្លាមៗនោះបានដកកាំបិត និងចាក់អ្នករួមដំណើរម្នាក់ដែលមានអាយុ ៧០ឆ្នាំចំដើមទ្រូងខាងស្តាំ។ ព័ត៌មានលម្អិតអំពីរបួសរបស់អ្នកដំណើរ ១៦នាក់ផ្សេងទៀតកំពុងត្រូវបានស៊ើបអង្កេតនៅឡើយ៕អត្ថបទ៖ សុខមាន

ប្រមុខការទូតអាមេរិកប៉ះទង្គិចជាមួយចិនជុំវិញការគាំទ្ររបស់សហរដ្ឋអាមេរិកចំពោះកោះតៃវ៉ាន់

អាមេរិក៖ រដ្ឋមន្ត្រីការបរទេសអាមេរិកបានប៉ះទង្គិចជាមួយសមភាគីចិនដោយនិយាយថា សហរដ្ឋអាមេរិកនឹងផ្តល់ឲ្យកោះតៃវ៉ាន់នូវមធ្យោបាយការពារខ្លួនឯង ខណៈដែលចិនបានព្រមានថា សហរដ្ឋអាមេរិកត្រូវតែបញ្ចប់ការជ្រៀតជ្រែករបស់ខ្លួននៅលើកោះនេះ។ លោក Antony Blinken ក៏បានជំរុញឱ្យប្រទេសចិនគោរពតាមការទទួលខុសត្រូវរបស់ខ្លួន លើភាពអាសន្នអាកាសធាតុដោយចង្អុលបង្ហាញថា ខ្លួនជាអ្នកបញ្ចេញកាបូនធំជាងគេ។កិច្ចប្រជុំរយៈពេលមួយម៉ោងនៅក្រៅកិច្ចប្រជុំកំពូល G20 នៅទីក្រុងរ៉ូមត្រូវបានក្រុមមន្ត្រីសហរដ្ឋអាមេរិកហៅថា "មានភាពស្មោះត្រង់" ប៉ុន្តែបានលិចចេញជាផ្លែផ្កា ហើយនឹងជួយដាក់ចេញនូវគោលការណ៍គ្រឹះសម្រាប់កិច្ចប្រជុំកំពូលតាមវីដេអូ រវាងប្រធានាធិបតីសហរដ្ឋអាមេរិកលោក Joe Biden និងមេដឹកនាំចិនលោក Xi Jinping នៅចុងឆ្នាំនេះ។ ការសន្យារបស់ Blinken ក្នុងការជួយការពារកោះតៃវ៉ាន់បានកើតឡើងមួយសប្តាហ៍ បន្ទាប់ពីលោក Biden បាននិយាយថា សហរដ្ឋអាមេរិកអាចគាំទ្រឯករាជ្យភាពរបស់កោះតៃវ៉ាន់ដោយយោធា ហើយលោក Blinken បានអំពាវនាវឱ្យកោះតៃវ៉ាន់ត្រូវបានទទួលស្គាល់នៅក្នុងស្ថាប័ននានា របស់អង្គការសហប្រជាជាតិ។ក្រោយមកសេតវិមានបានបដិសេធការចោទប្រកាន់ដែលថា លោក Biden មានបំណងរំលោភលើគោលនយោបាយអព្យាក្រឹតភាពយូរអង្វែងលើឋានៈរបស់តៃវ៉ាន់។ ជំនួបរវាងលោក Wang Yi និង លោក Blinken គឺជាលើកដំបូងចាប់តាំងពីការប្រឈមដាក់គ្នាដ៏តានតឹង នៅរដ្ឋអាឡាស្កាកាលពីខែខែមីនា ក្នុងអំឡុងពេលដែលគណៈប្រតិភូចិនបានស្តីបន្ទោសភាគីអាមេរិក នៅចំពោះមុខកាមេរ៉ាទូរទស្សន៍។ ក្រសួងការបរទេសបាននិយាយថា លោក Blinken ធ្វើឱ្យវា "ច្បាស់លាស់" ដែលទីក្រុងវ៉ាស៊ីនតោនប្រឆាំងនឹងការផ្លាស់ប្ដូរឯកតោភាគីណាមួយ ពីសំណាក់ទីក្រុងប៉េកាំងចំពោះស្ថានភាពបច្ចុប្បន្ននៅកោះតៃវ៉ាន់៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ក្រុមសិទ្ធិមនុស្ស៖ កិច្ចព្រមព្រៀងលីបង់-អ៊ីស្រាអែល ជាការក្បត់ជនរងគ្រោះនៃឧក្រិដ្ឋកម្មសង្គ្រាម

គណៈកម្មការអឺរ៉ុប ស្នើគម្រោងការពារជាតិឆ្លងព្រំដែនធំៗចំនួនប្រាំ

ក្រុមប្រទេសគាំទ្រអ៊ុយក្រែន ប្តេជ្ញាគាំទ្រយ៉ាងខ្លាំងនៅក្នុងកិច្ចប្រជុំកំពូលសម្ព័ន្ធយោធាណាតូ

ស្វីសទម្លាក់អាល់ហ្សេរី ២-០ ជាជ័យជម្នះវគ្គចាញ់ធ្លាក់នៅ World Cup លើកដំបូងក្នុងរយៈពេល ៨៨ ឆ្នាំ

សពលោក Khamenei ត្រូវបានដាក់តម្កល់នៅរដ្ឋធានីតេអេរ៉ង់ ខណៈអ៊ីរ៉ង់ចាប់ផ្តើមពិធីបុណ្យ ១សប្តាហ៍

មន្ត្រី ក.ប.ប វិភាគឃើញសាច់បង្កក ៤៨គំរូ ដែលសមត្ថកិច្ចចម្រុះពិនិត្យប៉ុន្មានថ្ងៃមុន មានកត្តាហានិភ័យប៉ះពាល់សុខភាព

អ្នកនាំពាក្យក្រសួងព័ត៌មាន៖ ការពង្រឹងសុវត្ថិភាពឌីជីថល គឺជាកត្តាចម្បងក្នុងការប្រយុទ្ធប្រឆាំងព័ត៌មានក្លែងក្លាយ

កាកបាទក្រហមកម្ពុជា បណ្តុះបណ្តាលយុវជន ជាង១០០នាក់ លើច្បាប់មនុស្សធម៌ និងការកសាងសន្តិភាព

ផ្ទាំងទឹកនៅប្រទេសស្វីស ឆ្ពោះទៅរកការបំបែកកំណត់ត្រាមួយទៀត ក្រោយរលកកម្តៅខែមិថុនា

លោក Merz បញ្ជាក់ថា អាល្លឺម៉ង់អាចការពារការជំរុញការចំណាយយោធា ជាការឆ្លើយតបទៅនឹងលោក Trump

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្តេចតេជោ ហ៊ុន សែន អញ្ជើញគោរពវិញ្ញាណក្ខន្ធ សពឯកឧត្តមបណ្ឌិត ងួន ញិល អនុប្រធានទី១ នៃរដ្ឋសភា

អង់គ្លេសអនុញ្ញាតឲ្យប្រើឱសថរបស់ក្រុមហ៊ុន Merck ព្យាបាលជំងឺ COVID-19

WHO ព្រមានថា អឺរ៉ុបគឺជាចំណុចឆ្លងរាលដាលខ្លាំងនៃវីរុស COVID-19 ជាថ្មី

WHO អនុម័តឲ្យប្រើប្រាស់បន្ទាន់នូវវ៉ាក់សាំងបង្ការវីរុស COVID-19 ផលិតក្នុងស្រុកដំបូងរបស់ប្រទេសឥណ្ឌា

មនុស្ស ២៥នាក់ស្លាប់ក្នុងការវាយប្រហាររបស់ក្រុមរដ្ឋអ៊ីស្លាមលើមន្ទីរពេទ្យយោធាក្រុងកាប៊ុល

មេដឹកនាំពិភពលោកជាង ១០០ប្រទេសសន្យាបញ្ចប់ការបំផ្លាញព្រៃឈើនៅត្រឹមឆ្នាំ២០៣០

ចិន និងរុស្ស៊ីកំពុងជំរុញឲ្យដកទណ្ឌកម្មរបស់អង្គការសហប្រជាជាតិដែលដាក់លើកូរ៉េខាងជើង

បុរសម្នាក់ស្លៀកពាក់ជា Joker ប្រដាប់ដោយកាំបិតចាក់មនុស្ស ១៧នាក់ឲ្យរងរបួសនៅជប៉ុន

ប្រមុខការទូតអាមេរិកប៉ះទង្គិចជាមួយចិនជុំវិញការគាំទ្ររបស់សហរដ្ឋអាមេរិកចំពោះកោះតៃវ៉ាន់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្តេចតេជោ ហ៊ុន សែន អញ្ជើញគោរពវិញ្ញាណក្ខន្ធ សពឯកឧត្តមបណ្ឌិត ងួន ញិល អនុប្រធានទី១ នៃរដ្ឋសភា

អង់គ្លេស​អនុញ្ញាត​ឲ្យ​ប្រើ​ឱសថ​របស់​ក្រុមហ៊ុន Merck ព្យាបាល​ជំងឺ COVID-19

WHO ព្រមាន​ថា ​អឺរ៉ុប​គឺជា​ចំណុច​ឆ្លង​រាលដាល​ខ្លាំង​នៃ​វីរុស COVID-19 ជាថ្មី​

មេដឹកនាំ​ពិភពលោក​ជាង​ ១០០​ប្រទេស​សន្យា​បញ្ចប់​ការបំផ្លាញ​ព្រៃឈើ​នៅ​ត្រឹម​ឆ្នាំ​២០៣០

ចិន និង​រុស្ស៊ី​កំពុង​ជំរុញ​ឲ្យ​ដក​ទណ្ឌកម្ម​របស់​អង្គការសហប្រជាជាតិ​ដែល​ដាក់​លើ​កូរ៉េខាងជើង​

​បុរស​ម្នាក់​ស្លៀកពាក់​ជា Joker ប្រដាប់​ដោយ​កាំបិត​ចាក់​មនុស្ស ​១៧​នាក់​ឲ្យ​រង​របួស​នៅ​ជប៉ុន

ប្រមុខ​ការទូត​អាមេរិក​ប៉ះទង្គិច​ជាមួយ​ចិន​ជុំវិញ​ការ​គាំទ្រ​របស់​សហរដ្ឋ​អាមេរិក​ចំពោះ​កោះ​តៃវ៉ាន់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អង់គ្លេសអនុញ្ញាតឲ្យប្រើឱសថរបស់ក្រុមហ៊ុន Merck ព្យាបាលជំងឺ COVID-19

WHO ព្រមានថា អឺរ៉ុបគឺជាចំណុចឆ្លងរាលដាលខ្លាំងនៃវីរុស COVID-19 ជាថ្មី

មេដឹកនាំពិភពលោកជាង ១០០ប្រទេសសន្យាបញ្ចប់ការបំផ្លាញព្រៃឈើនៅត្រឹមឆ្នាំ២០៣០

ចិន និងរុស្ស៊ីកំពុងជំរុញឲ្យដកទណ្ឌកម្មរបស់អង្គការសហប្រជាជាតិដែលដាក់លើកូរ៉េខាងជើង

បុរសម្នាក់ស្លៀកពាក់ជា Joker ប្រដាប់ដោយកាំបិតចាក់មនុស្ស ១៧នាក់ឲ្យរងរបួសនៅជប៉ុន

ប្រមុខការទូតអាមេរិកប៉ះទង្គិចជាមួយចិនជុំវិញការគាំទ្ររបស់សហរដ្ឋអាមេរិកចំពោះកោះតៃវ៉ាន់