BTV NEWS

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

ចំនួនអ្នកស្លាប់ដោយសារបាក់រលំអគារនៅរដ្ឋ Florida កើនឡើងដល់ ១២នាក់ និង ១៤៩នាក់បាត់ខ្លួន

អាមេរិក៖ អភិបាលរដ្ឋបាននិយាយថា សាកសពមួយទៀតត្រូវបានរកឃើញពីគំនរបាក់បែកនៃប៉មអគារខុនដូរដ្ឋ Florida កាលពីថ្ងៃអង្គារ ទី២៩ ខែមិថុនា ដែលនាំឲ្យចំនួនអ្នកស្លាប់ក្នុងហេតុការណ៍បាក់រលំអគារបានកើនឡើងដល់ ១២នាក់ និង ១៤៩នាក់នៅតែបាត់ខ្លួន។ហេតុការណ៍នៃគ្រោះមហន្តរាយចុងក្រោយ ដែលទីបំផុតអាចចាត់ថ្នាក់ជាឧបទ្ទវហេតុដួលរលំអគារដ៏ធ្ងន់ធ្ងរបំផុតនៅក្នុងប្រវត្តិសាស្ត្រអាមេរិក មិនត្រូវបានកំណត់អត្តសញ្ញាណភ្លាមៗដោយអភិបាលក្រុង Miami លោកស្រី Daniella Levine Cava ទេ អំឡុងពេលសន្និសីទសារព័ត៌មាននៅពេលរសៀល។ ក្រុមអ្នកស៊ើបអង្កេតមិនទាន់បានកំណត់នៅឡើយទេ ពីដើមហេតុនាំឲ្យផ្នែកសំខាន់នៃអគារមានអាយុកាល ៤០ឆ្នាំដួលរលំភ្លាមៗ។ការយកចិត្តទុកដាក់ដំបូងបានផ្តោតលើកង្វះរចនាសម្ព័ន្ធ ដែលត្រូវបានរៀបរាប់លម្អិតនៅក្នុងរបាយការណ៍វិស្វករឆ្នាំ២០១៨។ ប្រព័ន្ធផ្សព្វផ្សាយបានរាយការណ៍ថា កាលពីខែមេសា ឆ្នាំ២០២១ ប្រធានសមាគមខុនដូបានព្រមានអ្នកស្រុកថា ការប្រះខូចបេតុងកាន់តែធ្ងន់ធ្ងរទៅៗ ហើយបានជំរុញឱ្យពួកគេបង់ប្រាក់ប្រហែល ១៥លានដុល្លារក្នុងការវាយតម្លៃដែលត្រូវការសម្រាប់ធ្វើការជួសជុល៕អត្ថបទ៖ សុខមាន

កាកបាទក្រហមលើកឡើងថា ស្ថានភាព COVID-19 នៅប្រទេសឥណ្ឌូនេស៊ីជិតដល់មហន្តរាយហើយ

ឥណ្ឌូនេស៊ី៖ កាកបាទក្រហមបាននិយាយកាលពីថ្ងៃអង្គារថា ការកើនឡើងករណីឆ្លងជំងឺCOVID-19 របស់ប្រទេសឥណ្ឌូនេស៊ី គឺជិតដល់ចំណុចគ្រោះមហន្តរាយហើយ ខណៈការឆ្លងវីរុសបម្លែងខ្លួនថ្មី Delta រាលដាលកាន់តែច្រើន និងពេញមន្ទីរពេទ្យនៅក្នុងការរីករាលដាលដ៏ធ្ងន់ធ្ងរបំផុត នៅអាស៊ីអាគ្នេយ៍មួយនេះ។ប្រទេសឥណ្ឌូនេស៊ីបានរាយការណ៍ករណីឆ្លងជំងឺ COVID-19 ប្រចាំថ្ងៃខ្ពស់បំផុតដែលមានជាង ២ម៉ឺននាក់នៅក្នុងប៉ុន្មានថ្ងៃថ្មីៗនេះ នៅក្នុងរលកថ្មីនៃការឆ្លងដែលបង្កឡើងដោយវីរុសបម្លែងខ្លួនថ្មី ដែលមានសមត្ថភាពចម្លងខ្ពស់ និងការកើនឡើងយ៉ាងឆាប់រហ័ស បន្ទាប់ពីខែតមអាហាររបស់អ៊ីស្លាមសាសនិក។ តម្លៃអុកស៊ីសែននៅរដ្ឋធានីរបស់ឥណ្ឌូនេស៊ីបានកើនឡើងទ្វេដង ហើយក្រុមហ៊ុនផ្គត់ផ្គង់មួយចំនួនបានរាយការណ៍ អំពីការខ្វះខាតកាលពីថ្ងៃអង្គារ បន្ទាប់ពីមានការកើនឡើងករណីឆ្លងជំងឺ COVID-19។ លោក Jan Gelfand ប្រធានប្រតិភូសហព័ន្ធអន្តរជាតិកាកបាទក្រហម និងអឌ្ឍចន្ទក្រហម (IFRC) ឥណ្ឌូនេស៊ីបាននិយាយថា "ជារៀងរាល់ថ្ងៃយើងកំពុងមើលឃើញវីរុសបម្លែងខ្លួនថ្មី Delta កំពុងរុញប្រទេសឥណ្ឌូនេស៊ីឲ្យខិតចូលកាន់តែជិតទៅនឹងមហន្តរាយជំងឺ COVID-19 ដោយជំរុញឲ្យមានការចែកចាយវ៉ាក់សាំងសកលទូលំទូលាយ។មន្ទីរពេទ្យនានាក្នុងតំបន់មួយចំនួន ដែលត្រូវបានចាត់ថ្នាក់ជាតំបន់ក្រហមបានរាយការណ៍ថា មានអ្នកជំងឺចូលសម្រាកព្យាបាលច្រើនលើសចំណុះ រួមទាំងរដ្ឋធានីហ្សាកាតាដែលមានគ្រែដាច់ដោយឡែកពីគ្នា ៩៣% ត្រូវបានពេញដោយអ្នកជំងឺកាលពីថ្ងៃអាទិត្យ។ គិតត្រឹមព្រឹកថ្ងៃពុធនេះ ប្រទេសឥណ្ឌូនេស៊ីមានករណីឆ្លងជំងឺ COVID-19 ចំនួន ២,១៥៦,៤៦៥នាក់ និងស្លាប់ចំនួន ៥៨,០២៤នាក់៕អត្ថបទ៖ សុខមាន

លោក Xi Jinping ថ្លែងពីភាពស្មោះស្ម័គ្រ ខណៈបក្សកុំម្មុយនីសចិនត្រៀមប្រារព្ធខួបទី ១០០ឆ្នាំ

ចិន៖ ប្រធានាធិបតីចិន លោក Xi Jinping នៅថ្ងៃអង្គារនេះបានជំរុញដល់សមាជិកបក្សកុំម្មុយនីសចិនទាំងអស់បន្តភាពស្មោះត្រង់ និងបន្តបម្រើប្រជាពលរដ្ឋ ខណៈលោកបានប្រគល់មេដាយកិត្តិយសថ្មីដល់សមាជិក ២៩រូបជាផ្នែកមួយនៃការប្រារព្ធលើកទី ១០០ឆ្នាំនៃការបង្កើតបក្សកាន់អំណាចនេះ។ពិធីប្រគល់មេដាយកិត្តិយសនេះបានធ្វើឡើងនៅក្នុងសាលអគាររដ្ឋ Great Hall របស់ទីក្រុងប៉េកាំង ជាមួយពិធីត្រែទ័ព និងត្រូវបានផ្សាយផ្ទាល់តាមកញ្ចក់ទូរទស្សន៍រដ្ឋ ខណៈគណបក្សនេះត្រៀមប្រារព្ធខួបលើកទី១០០ នៅថ្ងៃព្រហស្បតិ៍សប្ដាហ៍នេះ។ ពិធីប្រគល់មេដាយថ្ងៃទី១ ខែកក្កដាបានប្រកាសកាលពីឆ្នាំ២០១៧ និងបានធ្វើឡើងលើកដំបូងនៅថ្ងៃអង្គារនេះ គឺជាផ្នែកមួយនៃកិច្ចខិតខំប្រឹងប្រែងរបស់លោក Xi ក្នុងការកសាងកេរ្តិ៍ឈ្មោះជាគណបក្សនយោបាយដ៏មានឥទ្ធិពលមួយ ក្នុងចំណោមបក្សនយោបាយដ៏មានឥទ្ធិពលបំផុតលើពិភពលោក។លោកប្រធានាធិបតីចិនបានជំរុញសមាជិកទាំងអស់ ឲ្យបន្តភាពស្មោះស្ម័គ្រជារៀងរហូត និងស្រឡាញ់គណបក្ស និងប្រជាជន ចិត្តមួយថ្លើមមួយ ដោយប្រែក្លាយវាទៅជាសកម្មភាពពាក់លីគ្រប់យ៉ាង សូម្បីជីវិតដ៏មានតម្លៃរបស់អ្នកចំពោះគណបក្ស និងប្រជាជន៕អត្ថបទ៖ សុខមាន

បេសកកម្មរក្សាសន្តិភាពរបស់ UN អាចបិទសកម្មភាពរបស់ខ្លួន បើថវិកា ៦ពាន់លានដុល្លារមិនត្រូវបានអនុម័ត

UN៖ ក្រុមមន្ត្រី និងអ្នកការទូតប្រចាំអង្គការសហប្រជាជាតិ កាលពីថ្ងៃចន្ទបាននិយាយថា បេសកកម្មរក្សាសន្តិភាពសកលរបស់អង្គការនេះអាចនឹងបិទ ប្រសិនបើមហាសន្និបាតអង្គការសហប្រជាជាតិ ពុំឈានដល់កិច្ចព្រមព្រៀងលើកញ្ចប់ថវិកាចំនួន ៦ពាន់លានដុល្លារអាមេរិក។តាមរបាយការណ៍របស់សារព័ត៌មាន Reuters ក្រុមអ្នកការទូតកំពុងស្ដីបន្ទោសពីនីតិវិធីការចរចា ការរៀបចំដំណើរការ និងការពិភាក្សាដែលធ្វើឲ្យប្រទេសចិន ប្រឆាំងមហាអំណាចលោកខាងលិច ដែលមិនអាចឈានដល់កិច្ចព្រមព្រៀងក្នុងការផ្ដល់មូលនិធិ។ ប្រធានទទួលបន្ទុករៀបចំយុទ្ធសាស្ត្រគោលនយោបាយ និងផែនការរបស់អង្គការសហប្រជាជាតិ លោកស្រី Catherine Pollard បានប្រាប់ក្រុមអ្នកយកសារព័ត៌មានថា លោកស្រីបានណែនាំបេសកកម្មរក្សាសន្តិភាពចំនួន១២ របស់អង្គការសហប្រជាជាតិឲ្យត្រៀមផែនការទុកជាមុន ក្នុងករណីដែលកញ្ចប់ថវិកានឹងមិនត្រូវបានអនុម័តទាន់ពេលវេលា នៅថ្ងៃព្រហស្បតិ៍សប្ដាហ៍នេះ។យោងតាមលោកស្រី Pollard ប្រសិនបើកាលកំណត់អនុម័តកញ្ចប់ថវិកាត្រូវខកខាន អញ្ចឹងអង្គការសហប្រជាជាតិអាចចំណាយត្រឹមតែ ការពារទ្រព្យសម្បត្តិរបស់អាមេរិក និងធានាបាននូវការការពារបុគ្គលិករបស់ខ្លួន និងកងកម្លាំងរក្សាសន្តិភាពតែប៉ុណ្ណោះ៕អត្ថបទ៖ សុខមាន

WHO ជំរុញឲ្យអ្នកចាក់វ៉ាក់សាំងរួចបន្តពាក់ម៉ាស់ ខណៈមានក្ដីបារម្ភពីជំងឺបម្លែងខ្លួនថ្មី Delta

WHO៖ ក្រុមមន្ត្រីអង្គការសុខភាពពិភពលោក បារម្ភពីការបន្ធូរបន្ថយវិធានការក្នុងការទប់ស្កាត់ការឆ្លងរាលដាលវីរុសកូរ៉ូណា ខណៈការឆ្លងវីរុសបម្លែងខ្លួនថ្មីដ៏សាហាវបំផុតបានហក់ឡើង បានជំរុញពលរដ្ឋដែលទទួលបានវ៉ាក់សាំងគ្រប់ដូសឲ្យបន្តពាក់ម៉ាស់ និងរក្សាវិធានសុខភាពផ្សេងទៀតដើម្បីបង្ការការឆ្លងវីរុសនេះ។ម្យ៉ាងវិញទៀត មជ្ឈមណ្ឌលគ្រប់គ្រង និងបង្ការជំងឺឆ្លងបានប្រាប់ប្រជាពលរដ្ឋអាមេរិក ដែលបានចាក់វ៉ាក់សាំងគ្រប់ដូសរួចរាល់កាលពីខែឧសភាពថា ពួកគេមិនចាំបាច់ពាក់ម៉ាស់នៅក្នុងតំបន់រស់នៅរបស់ពួកគេទេ ឬត្រូវរក្សាគម្លាតចម្ងាយ ៦ហ្វីតពីគ្នា។ ទីភ្នាក់ងារនេះក៏បានបន្ធូរបន្ថយការណែនាំអំពីការធ្វើតេស្ត និងការដាក់ខ្លួនឯងឲ្យនៅដាច់ដោយឡែកផងដែរ បន្ទាប់ពីសង្ស័យថា មានការប៉ះពាល់នឹងវីរុស។ ដោយត្រូវបានសួរកាលពីថ្ងៃចន្ទ អំពីវិធានការប្រុងប្រយ័ត្នថ្មីបង្ហាញដោយអង្គការសុខភាពពិភពលោក ដែលជាអង្គការសុខភាពសាធារណៈធំបំផុតរបស់ពិភពលោក អ្នកនាំពាក្យមជ្ឈមណ្ឌលគ្រប់គ្រង និងបង្ការជំងឺឆ្លងបានចង្អុលបង្ហាញពីការណែនាំ ឲ្យបន្តអនុវត្តន៍វិធានការដែលមានស្រាប់៕អត្ថបទ៖ សុខមាន

ចំនួនអ្នកស្លាប់ដោយសារបាក់អគារនៅទីក្រុង Miami កើនឡើងដល់ ១១នាក់ និងជាង ១៥០នាក់បាត់ខ្លួន

អាមេរិក៖ មានការសួរដេញដោលកាន់តែច្រើនឡើងកាលពីថ្ងៃចន្ទថា តើអគារលំនៅឋានមួយនៅតំបន់ Miami អាចដួលរលំយ៉ាងឆាប់រហ័ស និងធ្ងន់ធ្ងរកាលពីសប្ដាហ៍មុនដោយរបៀបណា ខណៈដែលចំនួនអ្នកស្លាប់បានកើនឡើងដល់ ១១នាក់ និងជាង ១៥០នាក់នៅតែបាត់ខ្លួន ហើយក្រុមគ្រួសារដែលអស់សង្ឃឹមបារម្ភថា រឿងអាក្រក់បំផុតនឹងកើតឡើង។ក្រុមអ្នកសង្គ្រោះនៅតែមានក្ដីសង្ឃឹមថា ពួកគេនឹងរកឃើញអ្នកនៅរស់រានមានជីវិត ខណៈការជីកកាយតាមគំនរថ្មតាមផ្នែកនៃអគារខុនដូ ដែលបាក់រលំនៅខាងក្រៅទីក្រុង Miami បានឈានចូលដល់ថ្ងៃទី៥។ ក្រុមអ្នកជំនាញកំពុងពិនិត្យមើលគុណវិបត្តិធំៗ ដែលអាចកើតមាន នៅក្នុងរចនាសម្ព័ន្ធអគារប៉មនៅទីក្រុង Surfside ជិតឆ្នេរ Miami ដែលបានក្លាយជាគំនរបាក់បែកកាលពីព្រឹកព្រលឹមថ្ងៃព្រហស្បតិ៍។ក្រុមជួយសង្គ្រោះមកពីរដ្ឋ Florida និងនៅបរទេសបានបន្តកាយកម្ទេចកំទី តាមរកជាសញ្ញារបស់អ្នកនៅរស់រានមានជីវិតក្រោមកំដៅថ្ងៃ និងសន្សើមធ្លាក់ខ្លាំង ខណៈដែលក្រុមសង្គ្រោះបានព្យាយាមស្វែងរករយៈពេលជាច្រើនម៉ោង ក្ដីសង្ឃឹមក៏កាន់តែអស់ទៅ៕អត្ថបទ៖ សុខមាន

សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ផ្តល់អំណោយដល់បងប្អូនប្រកបរបរធាក់ស៊ីក្លូចំនួន៣០០នាក់

ភ្នំពេញ ៖ ដើម្បីជួយសម្រួលដល់ជីវភាពរបស់បងប្អូនអ្នកប្រកបរបរធាក់ស៊ីក្លូនៅក្នុងអំឡុងពេលនៃវិបត្តិកូវីដ-១៩នោះ នៅព្រឹកថ្ងៃទី២៧ ខែមិថុនា ឆ្នាំ២០២១ សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន តាមរយៈលោកជំទាវ ហ៊ុន ម៉ាណា អគ្គនាយិកាវិទ្យុ-ទូរទស្សន៍បាយ័ន បានផ្ដល់អំណោយដល់បងប្អូនអ្នកប្រកបរបរស៊ីក្លូនៅរាជធានីភ្នំពេញចំនួន៣០០នាក់ ដែលពិធីប្រគល់អំណោយនេះធ្វើឡើងនៅស្ថានីយទូរទស្សន៍បាយ័នបឹងស្នោរ ដោយ មានការរៀបចំជូនដោយលោក ជិន ប៊ុនធឿន រួមជាមួយនឹងក្រុមការងារមួយចំនួនទៀត។ក្នុងឱកាសនោះ លោក ជិន ប៊ុនធឿន បានផ្ដាំផ្ញើសួរសុខទុក្ខពីថ្នាក់ដឹកនាំទៅដល់បងប្អូនអ្នកធាក់ស៊ីក្លូ ជាពិសេសសម្តេចតេជោ ហ៊ុន សែន និងសម្ដេចគតិព្រឹទ្ធបណ្ឌិត ដែលតែងតែគិតគូរអំពីសុខទុក្ខបងប្អូនអ្នកធាក់ស៊ីក្លូគ្រប់ពេលវេលា ។ លោកក៏បានក្រើនរម្លឹកដល់បងប្អូនដែលប្រកបរបរធាក់ស៊ីក្លូ ដែលភាគច្រើនមានវ័យចំណាស់ ឱ្យថែរក្សាសុខភាពពិសេសការពារខ្លួនពីការរីករាលដាលនៃជំងឺកូវីដ-១៩ ។ បងប្អូនអ្នកធាក់ស៊ីក្លូទាំងអស់ពិតជាសប្បាយរីករាយ និងអរគុណដល់ទាំងទ្វេ ដែលតែងតែគិតគូរចំពោះពួកគាត់ជាពិសេសតាមរយៈការបង្កើតមូលនិធិត្រីចក្រក្រយានធ្វើឲ្យពួកគាត់បានកាត់បន្ថយការលំបាកក្នុងជីវភាពមួយផ្នែកធំ។ គួររំលឹកថា កន្លងមកនេះ សម្តេចតេជោ ហ៊ុន សែន នាយក រដ្ឋមន្ត្រីកម្ពុជា បានង្កើនមូលនិធិនេះត្រីចក្រក្រយានឡើង ជាពិសេសសម្រាប់បងប្អូនអ្នកធាក់ស៊ីក្លូនេះតែម្តង ដែលមូលនិធិនេះអ្នកធាក់ស៊ីក្លូបាន ទទួលបាន ប្រយោជន៍ ជាច្រើន ដូចជា ការទទួលបាន ប្រាក់ឧបត្ថម្ភ ៧០០០រៀលក្នុងមួយថ្ងៃ (បើកប្រាក់នេះ ១០ថ្ងៃ ម្តង ) ការទទួលបានសេវាព្យាបាលពីមន្ទីរពេទ្យរដ្ឋ ដោយឥតគិតថ្លៃ និងផលប្រយោជន៍ផ្សេងទៀត ដូចជាប្រាក់ឧបត្ថម្ភក្នុងថ្ងៃបុណ្យជាតិធំៗ និងពេលចូលនិវត្តន៍ជាដើម។ សម្រាប់អំណោយដែលផ្ដល់ជូននាពេលនេះក្នុងម្នាក់ៗ ទទួលបាន: ០១- អង្ករចំនួន ១បេស្មើនឹង២៥ គីឡូក្រាម០២- ត្រីខចំនួន២យួរ ស្មើនឹង២០កំប៉ុង ០៣- មីចំនួន៣កេសតូច ០៤- ភេសជ្ជៈខារ៉ាបាវចំនួន៦កំប៉ុង០៥- ទឹកសុទ្ធអរុណាចំណុះ៣៥០ml ចំនួន១ កេស ០៦- ក្រមា១ ០៧- ភួយ ១០៨- មុង ១០៩- ស្បែកជើងមួយគូ១០-ថ្នាំវីតាមីនសេចំនួនមួយទីប១១- ថ្នាំពេទ្យចំនួនមួយប្រអប់ ១២- ប្រេងកូឡាចំនួនមួយដប ១៣- ប្រេងខ្យល់ ១ដប ១៤- ម៉ាសចំនួនមួយប្រអប់១៥- ច្រាស និងថ្នាំដុសធ្មេញមួយឈុត ១៦- ជេលលាងដៃចំនួន១ដប១៧-សាប៊ូ១ ដុំ១៨- ថវិកាចំនួន៥ ម៉ឺនរៀល៕

ចិនប្រកាន់យកតួនាទីរក្សាសន្តិភាពអង្គការសហប្រជាជាតិ និងកិច្ចប្រឹងប្រែងនៅមជ្ឈិមបូព៌ា

ចិន៖ រដ្ឋមន្ត្រីការបរទេសចិន លោក វ៉ាង យី បាននិយាយថា ប្រទេសចិននៅតែប្ដេជ្ញាចិត្តយ៉ាងខ្លាំង ចំពោះកិច្ចខិតខំប្រឹងប្រែងលើការរក្សាសន្តិភាព របស់អង្គការសហប្រជាជាតិដោយមានកងទ័ព និងនគរបាលចិនជាង ២.៤០០នាក់បច្ចុប្បន្នកំពុងបំពេញបេសកកម្មផ្សេងៗ។នៅក្នុងកិច្ចប្រជុំមួយដើម្បីប្រារព្ធខួបលើកទី៥០ របស់សាធារណរដ្ឋប្រជាមានិតចិន ចូលទៅក្នុងអង្គការសហប្រជាជាតិ លោក វ៉ាង យី បាននិយាយថា ប្រទេសចិនធ្វើបានល្អនូវការសន្យារបស់ខ្លួន ក្នុងការបង្កើតកងកម្លាំងរក្សាសន្តិភាពប្រចាំការចំនួន ៨.០០០នាក់ និងមន្ត្រីនគរបាលចំនួន ៣០០នាក់ដែលត្រៀមបញ្ជូនចេញ នៅពេលណាមួយដែលចាំបាច់ត្រូវការការពារសន្តិភាព។ សាធារណរដ្ឋប្រជាមានិតចិន ត្រូវបានទទួលយកចូលទៅក្នុងស្ថាប័នពិភពលោក នៅថ្ងៃទី២៥ ខែមិថុនា ឆ្នាំ១៩៧១ ដោយមានការគាំទ្រពីប្រទេសកំពុងអភិវឌ្ឍន៍ និងប្លុកសូវៀត។ លោក វ៉ាង យី បាននិយាយថា ប្រទេសចិនបញ្ជូនកងរក្សាសន្តិភាពទៅក្នុងវិស័យនេះ ច្រើនជាងសមាជិកក្រុមប្រឹក្សាសន្តិសុខអចិន្ត្រៃយ៍ដទៃទៀត ហើយបានផ្តល់ថវិកាចំនួនច្រើនបំផុតទី២ សម្រាប់ប្រតិបត្តិការនេះបន្ទាប់ពីសហរដ្ឋអាមេរិក។ទន្ទឹមនឹងនេះប្រទេសចិនបានបដិសេធចំពោះអំណាចវាតទីនិយម ទោះបើជាប្រទេសនេះបានរក្សាការអះអាងរបស់ខ្លួននូវទឹកដីនៅសមុទ្រចិនខាងត្បូង ជាមួយនឹងការសាងសង់កោះសិប្បនិម្មិត ការប្រយុទ្ធគ្នានៅតាមព្រំដែនជាមួយប្រទេសឥណ្ឌា និងការប្តេជ្ញាយកកោះតៃវ៉ាន់ និងការយកមកគ្រប់គ្រងកោះនៅសមុទ្រចិនខាងកើត ដែលកាន់កាប់ដោយប្រទេសជប៉ុនក៏ដោយ។ ខណៈដែលប្រទេសចិនអាចប្រមូលបានការគាំទ្រ យ៉ាងទូលំទូលាយក្នុងចំណោមប្រទេសកំពុងអភិវឌ្ឍន៍ ខណៈសហរដ្ឋអាមេរិក និងប្រទេសលោកខាងលិចផ្សេងទៀត បានបង្កើនការប្រុងប្រយ័ត្នកាន់តែខ្លាំងឡើង ចំពោះឥទ្ធិពលរបស់ប្រទេសចិននៅអង្គការសហប្រជាជាតិ ជាពិសេសក្នុងការរិះគន់ការធ្វើឲ្យស្ងប់ស្ងាត់ នៃកំណត់ត្រាសិទ្ធិមនុស្សរបស់ខ្លួន និងគ្រប់គ្រងកិច្ចខិតខំប្រឹងប្រែងរបស់អង្គការសុខភាពពិភពលោក ក្នុងការស៊ើបអង្កេតប្រភពដើមនៃជំងឺរាតត្បាត COVID-19៕អត្ថបទ៖ ប៊ុនថន

លោក Biden ជួបមេដឹកនាំអាហ្វហ្គានីស្ថាន ខណៈការដកកងទ័ពនៅតែបន្ដ

អាមេរិក៖ ប្រធានាធិបតីសហរដ្ឋអាមេរិក លោក Joe Biden បានស្វាគមន៍មេដឹកនាំកំពូលអាហ្វហ្គានីស្ថានមកកាន់សេតវិមាន ក្នុងការបង្ហាញការគាំទ្រដល់រដ្ឋាភិបាលរបស់ពួកគេ ក្នុងពេលមានការកើនឡើងអំពើហិង្សាពីក្រុមតាលីបង់ ខណៈសហរដ្ឋអាមេរិកពន្លឿនការដកកងទ័ពរបស់ខ្លួន ដើម្បីបញ្ចប់សង្គ្រាមយូរបំផុតរបស់សហរដ្ឋអាមេរិក។លោក Biden បានទទូចថា ភាពជាដៃគូរវាងប្រទេសអាហ្វហ្គានីស្ថាន និងសហរដ្ឋអាមេរិកមិនទាន់បញ្ចប់ទេ។ វានឹងមាននិរន្តរភាព ហើយអ្នកដឹងហើយថា កងទ័ពរបស់យើងអាចនឹងចាកចេញ ប៉ុន្តែការគាំទ្រសម្រាប់ប្រទេសអាហ្វហ្គានីស្ថានមិនត្រូវបានបញ្ចប់ឡើយ។ ប្រធានាធិបតីអាហ្វហ្គានីស្ថាន លោក Ashraf Ghani បាននិយាយថា ការសម្រេចចិត្តរបស់ប្រធានាធិបតី Biden មានលក្ខណៈជាប្រវត្តិសាស្ត្រ។ យើងមកទីនេះដើម្បីគោរព និងគាំទ្រការសម្រេចចិត្តនេះ។ លោក Ghani និងលោក Abdullah Abdullah ប្រធានក្រុមប្រឹក្សាជាន់ខ្ពស់សម្រាប់ការផ្សះផ្សាជាតិ បានជួបជាមួយរដ្ឋមន្ត្រីក្រសួងការពារជាតិ លោក Lloyd Austin នៅមន្ទីរបញ្ចកោណមុនពេលជួបជាមួយ លោក Biden នៅសេតវិមាន។ លោក Ghani បានជួបជាមួយសភាតំណាងរាស្ត្រ លោកស្រី Nancy Pelosi និងជួបជាមួយសមាជិកសភាមកពីគណបក្សសាធារណរដ្ឋផងដែរ។ដំណើរទស្សនកិច្ចរបស់មេដឹកនាំអាហ្វហ្គានីស្ថានទៅកាន់ទីក្រុងវ៉ាស៊ីនតោន ធ្វើឡើងនៅពេលរដ្ឋបាល លោក Biden កំពុងបង្កើនផែនការដកកងទ័ព មុនថ្ងៃផុតកំណត់របស់ប្រធានាធិបតីនៅថ្ងៃទី១១ ខែកញ្ញា ដើម្បីបញ្ចប់សង្គ្រាមដែលមានអាយុកាលជិត ២០ឆ្នាំដែលបាននាំមកនូវការចំណាយដ៏ច្រើន។ យោងតាមក្រសួងការពារជាតិបានឲ្យដឹងថា កងទ័ពសហរដ្ឋអាមេរិកច្រើនជាង ២.៤០០នាក់ត្រូវបានសម្លាប់ និង ២០.០០០នាក់បានរងរបួសនៅក្នុងសង្គ្រាមចាប់តាំងពីឆ្នាំ២០០១។ ការរងទុក្ខកាន់តែធ្ងន់ធ្ងរសម្រាប់ប្រទេសអាហ្វហ្គានីស្ថាន ដោយការប៉ាន់ស្មានបង្ហាញថា ទាហានអាហ្វហ្គានីស្ថានជាង ៦៦.០០០នាក់ត្រូវបានសម្លាប់ និងជាង ២,៧លាននាក់ត្រូវបង្ខំចិត្តភៀសខ្លួនចេញពីប្រទេសរបស់ពួកគេ ដែលភាគច្រើនទៅកាន់ប្រទេសអ៊ីរ៉ង់។ក្រុមមន្ត្រីសហរដ្ឋអាមេរិកបានប្រាប់សារព័ត៌មាន The Associated Press ថា កងទ័ពសហរដ្ឋអាមេរិកប្រមាណ ៦៥០នាក់នឹងនៅតែស្ថិតនៅក្នុងប្រទេសអាហ្វហ្គានីស្ថាន ដើម្បីផ្ដល់សន្តិសុខដល់ក្រុមអ្នកការទូត បន្ទាប់ពីកម្លាំងយោធាអាមេរិកដ៏ច្រើនបានបញ្ចប់ការដកទ័ពរបស់ខ្លួន ដែលគ្រោងនឹងធ្វើនៅក្នុងរយៈពេល ២សប្ដាហ៍ទៀត៕អត្ថបទ៖ ប៊ុនថន

WHO៖ ករណីឆ្លងជំងឺ COVID-19 នៅអាហ្វ្រិកកើនឡើងខ្ពស់បំផុត ស្របពេលមានការឆ្លងរលកទី៣

WHO៖ អង្គការសុខភាពពិភពលោកបាននិយាយកាលពីថ្ងៃព្រហស្បតិ៍ថា ចំនួនករណីឆ្លងជំងឺ COVID-19 នៅក្នុងទ្វីបអាហ្វ្រិកបានកើនឡើងខ្ពស់មិនធ្លាប់មាន ខណៈទ្វីបមួយនេះព្យាយាមទប់ទល់នឹងរលកទី៣ ដែលបានបង្កឲ្យមានការគំរាមធ្ងន់ធ្ងរ ចំពោះហេដ្ឋារចនាសម្ព័ន្ធសុខភាពសាធារណៈ។លោកស្រី Matshidiso Moeti ប្រធានអង្គការសុខភាពពិភពលោក ប្រចាំតំបន់អាហ្វ្រិកបាននិយាយថា ទ្វីបនេះកំពុងព្យាយាមទប់ទល់ និងការឆ្លងហក់ឡើងខ្ពស់នៃជំងឺ COVID-19 ដែលបង្កឡើងពីការបន្ធូរបន្ថយវិធានការទប់ស្កាត់នានា អាកាសធាតុត្រជាក់ និងវត្តមានវីរុសបម្លែងខ្លួនថ្មី។ លោកស្រីបាននិយាយថា ទ្វីបនេះអាចលុបបំបាត់លទ្ធផលអាក្រក់បំផុតបាន ខណៈព្យាយាមទប់ទល់នឹងការឆ្លងជំងឺ COVID-19 នៃរលកទី៣ តាមរយៈរឹតបន្តឹងលើវិធានសុខភាពសាធារណៈ និងការបង្កើនល្បឿនយុទ្ធនាការចាក់វ៉ាក់សាំង។ស្ថិតិបានមកពីមជ្ឈមណ្ឌលគ្រប់គ្រង និងបង្ការជំងឺឆ្លងអាហ្វ្រិកបានបង្ហាញថា ទ្វីបនេះមានករណីឆ្លងសរុបចំនួន ៥,២៨៨,៣២៣នាក់ និងស្លាប់ចំនួន ១៣៩,២២៦នាក់គិតត្រឹមថ្ងៃព្រហស្បតិ៍។ ប្រទេសចំនួន៥ រួមមានអាហ្វ្រិកខាងត្បូង ម៉ារ៉ុក ទុយនីស៊ី អេហ្ស៊ីប និងអេត្យូពីមានចំនួន ៦២% នៃករណីឆ្លងទាំងអស់ដែលបានរាយការណ៍នៅក្នុងទ្វីបនេះ ខណៈវីរុសបម្លែងខ្លួនចំនួន ៣ប្រភេទជំរុញការឆ្លងរាលដាលកាន់តែលឿន៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ក្រុមជួយសង្រ្គោះ ជម្លៀសភ្ញៀវទេសចរបរទេស អ្នកស្រុក ក្រោយទឹកជំនន់វាយប្រហារទីក្រុង Lonavala របស់ឥណ្ឌា

UN៖ ករណីឆ្លងជំងឺអេបូឡានៅកុងហ្គោ កើនឡើងជាង ១.៥៦០នាក់ ស្របពេលវិបត្តិជម្លៀសខ្លួនកាន់តែអាក្រក់

នាវាដឹកប្រេង ២គ្រឿងរងការវាយប្រហារនៅច្រកសមុទ្រ Hormuz ខណៈមនុស្សរាប់លាននាក់កាន់ទុក្ខលោក Khamenei

រយៈពេល ១ពាន់ថ្ងៃនៃអំពើប្រល័យពូជសាសន៍អ៊ីស្រាអែលនៅតំបន់ហ្កាហ្សា

ការតម្រង់ជួរយ៉ាងវែងនៅតាមស្ថានីយប្រេងក្នុងទីក្រុង Omsk ក្រោយអ៊ុយក្រែនវាយប្រហាររោងចក្រចម្រាញ់ប្រេងធំបំផុតរបស់រុស្ស៊ី

អាមេរិក និងអង្គការណាតូ ប្រកាសកិច្ចព្រមព្រៀងការពារជាតិក្នុងកិច្ចប្រជុំកំពូលនៅទីក្រុង Ankara

ពលរដ្ឋអ៊ីរ៉ង់កាន់បដាគំរាមលោក Trumpនៅពិធីបុណ្យសពអតីតមេដឹកនាំ Khamenei

វិមានក្រឹមឡាំងសង្ឃឹមថា កិច្ចខិតខំសន្តិភាពរបស់អាមេរិកនៅអ៊ុយក្រែន នឹងជោគជ័យ

មនុស្សម្នាក់ស្លាប់ និង ៧នាក់បាត់ខ្លួន ក្រោយបំណាក់ដីនៅរដ្ឋ Kerala ប្រទេសឥណ្ឌា

ពលរដ្ឋហ្កាហ្សាសង្ឃឹមថា ការរំសាយស្ថាប័នក្រុមហាម៉ាស នឹងជំរុញឲ្យមានកសាងតំបន់ឡើងវិញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ចំនួនអ្នកស្លាប់ដោយសារបាក់រលំអគារនៅរដ្ឋ Florida កើនឡើងដល់ ១២នាក់ និង ១៤៩នាក់បាត់ខ្លួន

កាកបាទក្រហមលើកឡើងថា ស្ថានភាព COVID-19 នៅប្រទេសឥណ្ឌូនេស៊ីជិតដល់មហន្តរាយហើយ

លោក Xi Jinping ថ្លែងពីភាពស្មោះស្ម័គ្រ ខណៈបក្សកុំម្មុយនីសចិនត្រៀមប្រារព្ធខួបទី ១០០ឆ្នាំ

បេសកកម្មរក្សាសន្តិភាពរបស់ UN អាចបិទសកម្មភាពរបស់ខ្លួន បើថវិកា ៦ពាន់លានដុល្លារមិនត្រូវបានអនុម័ត

WHO ជំរុញឲ្យអ្នកចាក់វ៉ាក់សាំងរួចបន្តពាក់ម៉ាស់ ខណៈមានក្ដីបារម្ភពីជំងឺបម្លែងខ្លួនថ្មី Delta

ចំនួនអ្នកស្លាប់ដោយសារបាក់អគារនៅទីក្រុង Miami កើនឡើងដល់ ១១នាក់ និងជាង ១៥០នាក់បាត់ខ្លួន

សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ផ្តល់អំណោយដល់បងប្អូនប្រកបរបរធាក់ស៊ីក្លូចំនួន៣០០នាក់

ចិនប្រកាន់យកតួនាទីរក្សាសន្តិភាពអង្គការសហប្រជាជាតិ និងកិច្ចប្រឹងប្រែងនៅមជ្ឈិមបូព៌ា

លោក Biden ជួបមេដឹកនាំអាហ្វហ្គានីស្ថាន ខណៈការដកកងទ័ពនៅតែបន្ដ

WHO៖ ករណីឆ្លងជំងឺ COVID-19 នៅអាហ្វ្រិកកើនឡើងខ្ពស់បំផុត ស្របពេលមានការឆ្លងរលកទី៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ចំនួន​អ្នក​ស្លាប់​ដោយ​សារ​បាក់​រលំ​អគារ​នៅ​រដ្ឋ Florida​ ​កើន​ឡើង​ដល់ ​១២​នាក់ និង​ ១៤៩​នាក់​បាត់​ខ្លួន​

កាក​បាទក្រហម​លើក​ឡើង​ថា ស្ថានភាព COVID-19 នៅ​ប្រទេស​ឥណ្ឌូនេស៊ី​ជិត​ដល់​មហន្តរាយ​ហើយ​

លោក Xi Jinping ថ្លែង​ពី​ភាព​ស្មោះស្ម័គ្រ ខណៈ​បក្ស​កុំ​ម្មុយ​នី​ស​ចិន​ត្រៀម​ប្រារព្ធ​ខួប​ទី​ ១០០​ឆ្នាំ​

WHO ជំរុញ​ឲ្យ​អ្នក​ចាក់​វ៉ាក់សាំង​រួច​បន្ត​ពាក់​ម៉ាស់ ខណៈ​មាន​ក្ដី​បារម្ភ​ពី​ជំងឺ​ប​ម្លែ​ង​ខ្លួន​ថ្មី Delta

ចំនួន​អ្នក​ស្លាប់​ដោយសារ​បាក់​អគារ​នៅ​ទីក្រុង Miami កើន​ឡើង​ដល់ ​១១​នាក់ និង​ជាង​ ១៥០​នាក់​បាត់​ខ្លួន​

សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ផ្តល់អំណោយដល់បងប្អូនប្រកបរបរធាក់ស៊ីក្លូចំនួន៣០០នាក់

ចិន​ប្រកាន់​យក​តួនាទី​រក្សា​សន្តិភាព​អង្គការ​សហប្រជាជាតិ ​និង​កិច្ច​ប្រឹងប្រែង​នៅ​មជ្ឈិមបូព៌ា

លោក Biden ជួប​មេដឹកនាំ​អា​ហ្វ​ហ្គា​នី​ស្ថាន ខណៈ​ការ​ដក​កង​ទ័ព​នៅ​តែ​បន្ដ​

WHO​៖ ​ករណី​ឆ្លង​ជំងឺ COVID-19 នៅ​អាហ្វ្រិក​កើន​ឡើ​ងខ្ពស់​បំផុត​ ស្រប​ពេល​មាន​ការ​ឆ្លង​រលក​ទី​៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ចំនួនអ្នកស្លាប់ដោយសារបាក់រលំអគារនៅរដ្ឋ Florida កើនឡើងដល់ ១២នាក់ និង ១៤៩នាក់បាត់ខ្លួន

កាកបាទក្រហមលើកឡើងថា ស្ថានភាព COVID-19 នៅប្រទេសឥណ្ឌូនេស៊ីជិតដល់មហន្តរាយហើយ

លោក Xi Jinping ថ្លែងពីភាពស្មោះស្ម័គ្រ ខណៈបក្សកុំម្មុយនីសចិនត្រៀមប្រារព្ធខួបទី ១០០ឆ្នាំ

WHO ជំរុញឲ្យអ្នកចាក់វ៉ាក់សាំងរួចបន្តពាក់ម៉ាស់ ខណៈមានក្ដីបារម្ភពីជំងឺបម្លែងខ្លួនថ្មី Delta

ចំនួនអ្នកស្លាប់ដោយសារបាក់អគារនៅទីក្រុង Miami កើនឡើងដល់ ១១នាក់ និងជាង ១៥០នាក់បាត់ខ្លួន

ចិនប្រកាន់យកតួនាទីរក្សាសន្តិភាពអង្គការសហប្រជាជាតិ និងកិច្ចប្រឹងប្រែងនៅមជ្ឈិមបូព៌ា

លោក Biden ជួបមេដឹកនាំអាហ្វហ្គានីស្ថាន ខណៈការដកកងទ័ពនៅតែបន្ដ

WHO៖ ករណីឆ្លងជំងឺ COVID-19 នៅអាហ្វ្រិកកើនឡើងខ្ពស់បំផុត ស្របពេលមានការឆ្លងរលកទី៣