BTV NEWS

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

មនុស្ស ១២នាក់ស្លាប់រួមទាំងកុមារ ១០នាក់នៅរដ្ឋ Alabama ដោយសារតែព្យុះត្រូពិកសម្ពាធទាប Claudette

អាមេរិក៖ ព្យុះត្រូពិកសម្ពាធទាប Claudette បានឆក់យកជីវិតមនុស្ស ១២នាក់នៅរដ្ឋ Alabama ខណៈព្យុះបានបោកបក់ពាសពេញភាគអាគ្នេយ៍សហរដ្ឋអាមេរិក បណ្ដាលឱ្យមានទឹកជំនន់ភ្លាមៗ និងព្យុះកួចដែលបំផ្លាញផ្ទះសម្បែងរាប់សិបខ្នង។ នៅមានមនុស្សមួយចំនួនទៀតក៏ត្រូវបានរងរបួសដែរ។យោងតាមអាជ្ញាធរការិយាល័យ Butler County Coroner លោក Wayne Garlock បានអោយដឹងថា មនុស្ស ១០នាក់ក្នុងនោះមានកុមារ ៩នាក់បានស្លាប់កាលពីថ្ងៃសៅរ៍ ទី១៩ ខែមិថុនា នៅក្នុងគ្រោះថ្នាក់រថយន្តបុកគ្នាជាច្រើនគ្រឿង នៅចម្ងាយប្រហែល ៥៥គីឡូម៉ែត្រខាងត្បូងទីក្រុង Montgomery នៅលើផ្លូវឆ្លងកាត់រដ្ឋលេខ ៦៥។ លោកបាននិយាយថា យានជំនិះទាំងនេះទំនងជារថយន្តកែច្នៃររត់លើផ្លូវសើម ដែលមានកុមារជិះចំនួន ៨នាក់មានអាយុចាប់ពី ៤ ទៅ ១៧ឆ្នាំបានស្លាប់នៅក្នុងរថយន្តមួយ ដែលជាកម្មសិទ្ធិរបស់យុវជនម្នាក់ដែលប្រតិបត្តិការដោយក្លឹបអាឡាបាម៉ា ដោយសារតែបណ្ដោយឲ្យក្មេងជិះ។លោក Garlock បានប្រាប់ភ្នាក់ងារព័ត៌មានក្នុងស្រុកថា មនុស្ស ២នាក់បានស្លាប់នៅក្នុងយានយន្តដាច់ដោយឡែកពីគ្នាគឺលោក Cody Fox អាយុ ២៩ឆ្នាំ និងកូនស្រីអាយុ ៩ខែរបស់លោកឈ្មោះ Ariana អ្នកទាំងពីររស់នៅក្នុងតំបន់ Marion County រដ្ឋ Tennessee៕អត្ថបទ៖ សុខមាន

មេរោគ COVID-19 បំប្លែងថ្មី Delta ក្លាយជាបញ្ហាធំជាសកល

WHO៖ ប្រធានអ្នកវិទ្យាសាស្ត្ររបស់អង្គការសុខភាពពិភពលោកនិយាយថា មេរោគបំប្លែងថ្មី Delta នៃមេរោគកូរ៉ូណា ដែលត្រូវបានកំណត់ដំបូងនៅក្នុងប្រទេសឥណ្ឌា បានក្លាយជាមេរោគបំប្លែងថ្មីមានការព្រួយបារម្ភខ្លាំងជាសកល។ចក្រភពអង់គ្លេសបានរាយការណ៍ ការកើនឡើងការឆ្លងមេរោគបំប្លែងថ្មី Delta ខណៈមន្ត្រីសុខាភិបាលសាធារណៈកំពូលរបស់អាល្លឺម៉ង់បានព្យាករណ៍ថា វានឹងក្លាយជាមេរោគបំប្លែងថ្មីលើសលប់លឿនបំផុត ទោះបីមានការកើនឡើងអត្រានៃការចាក់វ៉ាក់សាំងក៏ដោយ។ វិមានក្រឹមឡាំងបានដាក់កំហុសនៃការកើនឡើងករណីវីរុស Covid-19 លើភាពស្ទាក់ស្ទើរក្នុងការឲ្យមានវ៉ាក់សាំង បន្ទាប់ពីកំណត់ត្រាឆ្លងថ្មីក្នុងទីក្រុងមូស្គូភាគច្រើនឆ្លងវីរុសបំប្លែងថ្មី Delta ដែលបង្កើនការព្រួយបារម្ភចំពោះរលកទី៣។មេរោគបំប្លែងថ្មីត្រូវបានលើកឡើងមកនិយាយដោយក្រុមហ៊ុន CureVac ខណៈក្រុមហ៊ុនអាល្លឺម៉ង់មួយនេះបានរាយការណ៍ថា វ៉ាក់សាំងរបស់ខ្លួនបង្ហាញប្រសិទ្ធភាព ៤៧% ក្នុងការការពារវីរុសបំប្លែងនេះ។ អង្គការសុខភាពពិភពលោកនិយាយថា ប្រទេសអាហ្វ្រិកនៅតែជាតំបន់មួយនៃក្តីបារម្ភ ខណៈដំណើរការចាក់វ៉ាក់សាំងមានចំនួនតិចបំផុត ដូចជាករណីថ្មីៗនៅប្រទេសណាំមីប៊ី សេរ៉ាលីអូន និងរវ៉ាន់ដា ដែលបានកើនឡើងការឆ្លងទ្វេដងកាលពីសប្ដាហ៍មុន៕អត្ថបទ៖ ប៊ុនថន

អង្គការសហប្រជាជាតិអំពាវនាវឲ្យមានការហាមឃាត់អាវុធប្រឆាំងយោធាមីយ៉ាន់ម៉ា

UN៖ មហាសន្និបាតអង្គការសហប្រជាជាតិ បានអនុម័តដំណោះស្រាយការថ្កោលទោសរបបយោធាមីយ៉ាន់ម៉ា ដែលបានផ្ដួលរំលំរដ្ឋាភិបាលជាប់ឆ្នោតរបស់ប្រទេសកាលពីថ្ងៃទី១ ខែកុម្ភៈ។ ទន្ទឹមមនឹងនេះ អង្គការសហប្រជាជាតិបានអំពាវនាវ ឲ្យមានការដោះលែងអ្នកជាប់ឃុំនយោបាយ រួមទាំងមេដឹកនាំជាប់ឆ្នោតលោកស្រី អ៊ុង សានស៊ូជី ព្រមទាំងបញ្ចប់អំពើហិង្សាលើអ្នកតវ៉ាដោយសន្តិវិធី។បេសកជនពិសេសអង្គការសហប្រជាជាតិ ប្រចាំសហភាពមីយ៉ាន់ម៉ា លោកស្រី Christine Schraner Burgener និយាយទៅកាន់មហាសន្និបាតថា ហានិភ័យនៃសង្គ្រាមទ្រង់ទ្រាយធំមានពិតប្រាកដ ខណៈឱកាសក្នុងការវិលត្រឡប់របបយោធា ដែលបានធ្វើរដ្ឋប្រហារដណ្ដើមអំណាចគឺមានតិច។ ការអំពាវនាវរបស់អង្គការសហប្រជាជាតិ ត្រូវបានគាំទ្រដោយបណ្ដាប្រទេសចំនួន ១១៩ ហើយមានតែប្រទេសបេឡារុសមួយគត់ដែលបោះឆ្នោតប្រឆាំង ខណៈ ៣៦ប្រទេសផ្សេងទៀតអនុបវាទរួមមានទាំងប្រទេសរុស្សី និងប្រទេសចិន ដែលជាប្រទេសផ្គត់ផ្គង់អាវុធដ៏ធំរបស់យោធាមីយ៉ាន់ម៉ា។ បណ្ដាប្រទេសអនុបវាទនិយាយថា វិបត្តិគឺជាបញ្ហាផ្ទៃក្នុងរបស់សហភាពមីយ៉ាន់ម៉ា ខណៈបណ្ដាប្រទេសដ៏ទៃទៀតនិយាយថា ដំណោះស្រាយមិនបានដោះស្រាយការបង្ក្រាបដ៏ឃោរឃៅរបស់យោធា លើជនមូស្លីមរ៉ូហ៊ីងយ៉ារយៈពេល ៤ឆ្នាំមកនេះ ដែលបានបង្ខំឲ្យប្រជាជនរាប់លាននាក់រត់ភៀសខ្លួនចេញពីប្រទេស។ ឯកអគ្គរដ្ឋទូតអង្គការសហប្រជាជាតិរបស់សហភាពមីយ៉ាន់ម៉ា ដែលតំណាងឲ្យរដ្ឋាភិបាលស៊ីវិលជាប់ឆ្នោតនិយាយថា លោកខកចិត្តរយៈពេល យូរអង្វែង សម្រាប់មហាសន្និបាតអង្គការសហប្រជាជាតិ ដើម្បីអនុម័តដំណោះស្រាយ៕អត្ថបទ៖ ប៊ុនថន

លោក Antonio Guterres ត្រូវបានតែងតាំងជាអគ្គលេខាធិការ UN សម្រាប់អាណត្តិទី២

UN៖ មហាសន្និបាតអង្គការសហប្រជាជាតិ (UNGA) កាលពីថ្ងៃសុក្របានតែងតាំងលោក Antonio Guterres ជាអគ្គលេខាធិការអង្គការសហប្រជាជាតិ សម្រាប់អាណត្តិទី២ ក្នុងរយៈពេល ៥ឆ្នាំដោយចាប់ផ្ដើមពីថ្ងៃទី១ ខែមករា ឆ្នាំ២០២២។ ប្រធានសម័យប្រជុំមហាសន្និបាតអង្គការសហប្រជាជាតិលើកទី៧៥ លោក Volkan Bozkir បានប្រកាសការតែងតាំងនេះជាផ្លូវការក្នុងមហាសន្និបាត។ថ្លែងទៅកាន់ក្រុមអ្នកសារព័ត៌មានបន្ទាប់ពីការតែងតាំង លោក Guterres និយាយថា លោកនឹងទទួលយកការទទួលខុសត្រូវក្នុងការបម្រើការ ជាអគ្គលេខាធិការក្នុងអាណត្តិទី២ ជាមួយនឹងការអរគុណ និងការប្តេជ្ញាចិត្តខ្ពស់ក្នុងការធ្វើការជាមួយគ្នា ដើម្បីជំរុញធម្មនុញ្ញអង្គការសហប្រជាជាតិ។ ក្នុងពិធីស្បថចូលកាន់តំណែងនៅសាលមហាសន្និបាត លោក Guterres បាននិយាយថា ខ្ញុំដឹងច្បាស់អំពីទំនួលខុសត្រូវធំធេង ដែលអ្នកបានប្រគល់ដល់ខ្ញុំនៅគ្រាលំបាកក្នុងប្រវត្តិសាស្ត្រ។ យើងកំពុងស្ថិតនៅផ្លូវលើបំបែក ហើយមានជម្រើសជាច្រើននៅពីមុខយើង។ ដោយបញ្ជាក់ពីការរីករាលដាលវីរុស Covid-19 បានបង្ហាញពីតម្រូវការដាច់ខាតសម្រាប់សកម្មភាពសមូហភាព លោក Guterres បានសន្យាថា នឹងបន្តជួយដល់ការរៀបចំផែនការពិភពលោកឱ្យរួចផុតពីរោគរាតត្បាត។អ្នកនយោបាយជនជាតិព័រទុយហ្កាល់អាយុ ៧២ឆ្នាំរូបនេះបានកាន់តំណែងជាប្រធានអង្គការសហប្រជាជាតិតាំងពីឆ្នាំ២០១៧។ អាណត្តិទី២ របស់លោកក្នុងនាមជាអគ្គលេខាធិការអង្គការសហប្រជាជាតិទី៩ នឹងចាប់ផ្ដើមនៅថ្ងៃទី១ ខែមករា ឆ្នាំ២០២២។ ប្រធានាធិបតីចិន លោក Xi Jinping បានផ្ញើសារអបអរសាទរដល់ប្រមុខអង្គការសហប្រជាជាតិ និងប្រធានាធិបតីព័រទុយ ហ្កាល់ លោក Marcelo Rebelo de Sousa ជុំវិញការជាប់ឆ្នោតជាថ្មីរបស់លោក Guterres។ នៅក្នុងសារលោក Xi បាននិយាយថា ក្នុងនាមជាអង្គការអន្តរជាតិ អន្តររដ្ឋាភិបាលដែលមានលក្ខណៈជាអ្នកតំណាង និងជាអ្នកផ្តល់សិទ្ធិអំណាចបំផុត អង្គការសហប្រជាជាតិដើរតួនាទីយ៉ាងសំខាន់ក្នុងកិច្ចការអន្តរជាតិ៕អត្ថបទ៖ ប៊ុនថន

កូរ៉េខាងត្បូងសន្យាផ្តល់ថវិកា ២០០លានដុល្លារអាមេរិកដល់កិច្ចប្រឹងប្រែងផ្គត់ផ្គង់វ៉ាក់សាំង COVID-19 ជាអន្តរជាតិ

កូរ៉េខាងត្បូង៖ សម្ព័ន្ធភាពសកលសម្រាប់វ៉ាក់សាំង និងការចាក់វ៉ាក់សាំង (GAVI) និយាយកាលពីថ្ងៃសុក្រថា ប្រទេសកូរ៉េខាងត្បូងសន្យាផ្តល់ថវិកាចំនួន ២០០លានដុល្លារអាមេរិកដល់កម្មវិធីវ៉ាក់សាំងរបស់មជ្ឈមណ្ឌល COVAX ដែលកំពុងផ្គត់ផ្គង់វ៉ាក់សាំងសម្រាប់បណ្ដាប្រទេសមានប្រាក់ចំណូលទាប។មជ្ឈមណ្ឌល COVAX ដែលគាំទ្រដោយសម្ព័ន្ធភាពសកល (GAVI) និងអង្គការសុខភាពពិភពលោក (WHO) មានគោលបំណងធានាបាននូវវ៉ាក់សាំងចំនួន ២ពាន់លានដូសនៅចុងឆ្នាំ ២០២១។ សេចក្ដីថ្លែងការណ៍របស់សម្ព័ន្ធភាពសកល (GAVI) និយាយថា ប្រធានាធិបតីកូរ៉េខាងត្បូងលោក Moon Jae-in បាននិយាយនៅក្នុងសេចក្ដីថ្លែងការណ៍ថា សាធារណរដ្ឋកូរ៉េសន្យាផ្តល់ការរួមចំណែកសរុបចំនួន ១០០លានដុល្លារអាមេរិកនៅឆ្នាំនេះ ហើយនៅឆ្នាំ២០២២ ចំនួន ១០០លានដុល្លារទៀតជាទម្រង់នៃការរួមបញ្ចូលគ្នានូវហិរញ្ញវត្ថុ និងជាការចូលរួមចំណែកដ៏ប្រសើរ។ ខណៈពេលដែលប្រទេសអ្នកមានដែលមានយុទ្ធនាការចាក់វ៉ាក់សាំងដល់ប្រជាជនយ៉ាងច្រើននោះ ពិភពលោកភាគច្រើននឹងនៅឆ្ងាយពីក្តីបារម្ភនៃរលកបន្ថែមទៀត ដែលអាចបង្កឡើងដោយវីរុសបំប្លែងថ្មី។ទន្ទឹមនឹងនេះ មេដឹកនាំមកពីក្រុមប្រទេសមានឧស្សាហកម្មរីកចម្រើន (G7) បានព្រមព្រៀងគ្នាកាលពីចុងសប្ដាហ៍មុន ក្នុងការសន្យាផ្តល់នូវវ៉ាក់សាំងចំនួន ៨៧០លានដូស ដោយមានគោលបំណងផ្តល់ឲ្យយ៉ាងហោចណាស់ពាក់កណ្ដាល នៃដូសវ៉ាក់សាំងនៅចុងឆ្នាំនេះ។ លោក Tedros Adhanom Ghebreyesus អគ្គនាយកអង្គការសុខភាពពិភពលោក បានស្វាគមន៍ចំពោះការជួយផ្គត់ផ្គង់នេះ ប៉ុន្តែបាននិយាយថា ត្រូវការដូសវ៉ាក់សាំងជាច្រើនទៀតដែលចាំបាច់ និងឆាប់រហ័ស៕អត្ថបទ៖ ប៊ុនថន

ចំនួនអ្នកស្លាប់ដោយសារជំងឺ COVID-19 លើពិភពលោកបានកើនឡើងជាង ៤លាននាក់

ពិភពលោក៖ យោងតាមសារព័ត៌មាន Reuters ចំនួនអ្នកស្លាប់ទាក់ទងនឹងវីរុសកូរ៉ូណា នៅទូទាំងពិភពលោកបានហក់ឡើងជាង ៤លាននាក់កាលពីថ្ងៃព្រហស្បតិ៍ ខណៈដែលប្រទេសជាច្រើនកំពុងស្វះស្វែងធានាឲ្យបានវ៉ាក់សាំងគ្រប់គ្រាន់ សម្រាប់ចាក់ដល់ពលរដ្ឋរបស់ខ្លួន។ខណៈចំនួនករណីឆ្លង និងស្លាប់ថ្មីបានធ្លាក់ចុះនៅក្នុងប្រទេសមួយចំនួន ដូចជាសហរដ្ឋ អាមេរិក ចក្រភពអង់គ្លេសជាដើមនោះ ប្រទេសមួយចំនួនបានខ្វះវ៉ាក់សាំង ខណៈវីរុសបម្លែងខ្លួនថ្មី Delta ក្លាយជាវីរុសឆ្លងរាតត្បាតខ្លាំងនៅជុំវិញពិភពលោក។ យោងតាមការវិភាគរបស់សារព័ត៌មាន Reuters អ្នកស្លាប់ដោយសារជំងឺ COVID-19 បានហក់ឡើងជាង ២លាននាក់ត្រឹមរយៈពេលជាង ១ឆ្នាំ ខណៈចំនួន ២លាននាក់ទៀតត្រូវបានកត់ត្រាក្នុងរយៈពេលត្រឹមតែ ១៦៦ថ្ងៃ។ប្រទេសចំនួន ៥ ដែលមានមនុស្សស្លាប់សរុបខ្ពស់បំផុតគឺសហរដ្ឋអាមេរិក ប្រេស៊ីល ឥណ្ឌា រុស្ស៊ី និងម៉ិកស៊ិកស្មើប្រហែល ៥០% នៃចំនួនអ្នកស្លាប់ទាំងអស់ក្នុងពិភពលោក ខណៈដែលប្រទេសប៉េរូ ហុងគ្រី បូស្នៀ សាធារណៈរដ្ឋឆែក និងដែនដីហ្គីប្រាលតា មានអត្រាស្លាប់ខ្ពស់បំផុតគិតតាមចំនួនប្រជាជនសរុបរបស់ខ្លួន៕អត្ថបទ៖ សុខមាន

សេតវិមាននឹងពិចារណាពីជំនួបរវាងលោក Biden និងលោក Xi Jinping

អាមេរិក៖ មន្ត្រីជាន់ខ្ពស់មួយរូបបាននិយាយកាលពីថ្ងៃព្រហស្បតិ៍ថា សេតវិមាននឹងពិចារណាការរៀបចំជំនួបពិភាក្សារវាងលោកប្រធានាធិបតី Joe Biden និងសមភាគីចិនរបស់លោកគឺលោក Xi Jinping ខណៈប្រទេសទាំង២ មានភាពចម្រូងចម្រាសលើបញ្ហាជាច្រើន រួមទាំងបញ្ហាសិទ្ធិមនុស្ស។ទីប្រឹក្សាសន្តិសុខជាតិរបស់លោក Biden គឺលោក Jake Sullivan បាននិយាយថា មេដឹកនាំទាំង២ គ្រោងនឹងសម្រេចថា តើទំនាក់ទំនងរវាងប្រទេសទាំង២ ស្ថិតនៅត្រង់ចំណុចណា។ ទីក្រុងប៉េកាំងបានបង្ហាញការមិនពេញចិត្ត ចំពោះសេចក្ដីថ្លែងការណ៍រួមដែលបានចេញតាមការទាមទាររបស់លោក Biden ដោយក្រុមមេដឹកនាំនៃក្រុមប្រទេសទាំង៧ ឬ (G7) កាលពីថ្ងៃអាទិត្យ។ ជំនួបនោះបានស្តីបន្ទោសប្រទេសចិន អំពីសិទ្ធិមនុស្សនៅក្នុងតំបន់ស៊ីនជាំង និងទីក្រុងហុងកុងរបស់ខ្លួន ខណៈទាមទារឲ្យមានការស៊ើបអង្កេតយ៉ាងពេញលេញ និងហ្មត់ចត់អំពីប្រភពដើមនៃវីរុសកូរ៉ូណានៅក្នុងប្រទេសចិន។លោក Sullivan បានប្រាប់ក្រុមអ្នកសារព័ត៌មាន នៅសន្និសីទសារព័ត៌មានតាម Video ថា មិនយូរទៀតទេ យើងនឹងអង្គុយធ្វើការដោយស្មើភាព សម្រាប់ប្រធានាធិបតីទាំង២។ វាអាចជាការសន្ទនាតាមទូរស័ព្ទ វាអាចជាជំនួបក្នុងពេលមានជំនួបកំពូលអន្តរជាតិ ឬអាចនៅពេលណាមួយផ្សេងទៀត។ ទាំងលោក Biden ទាំងលោក Xi ត្រូវគេរំពឹងថានឹងចូលរួមជំនួប G20 នៅខែតុលា ដែលរៀបចំឡើងដោយប្រទេសអ៊ីតាលី ដែលអាចជាវេទិកាសម្រាប់ជំនួបនោះ។ យ៉ាងណា លោក Sullivan ពុំបានផ្ដល់ការសម្រេចចុងក្រោយណាមួយនោះទេ៕អត្ថបទ៖ សុខមាន

លោក Putin កោតសរសើរលទ្ធផលជំនួបកំពូល និងហៅលោក Biden ថា ជាអ្នកចរចាប្រកាន់ជំហរតឹងរ៉ឹង

រុស្ស៊ី៖ លោកប្រធានាធិបតីរុស្ស៊ី Vladimir Putin កាលពីថ្ងៃព្រហស្បតិ៍បានកោតសរសើរលទ្ធផល នៃកិច្ចប្រជុំកំពូលរបស់លោកជាមួយប្រធានាធិបតីអាមេរិកលោក Joe Biden ហើយបានហៅលោកថា ជាអ្នកចរចាវាងវៃ និងហ្មត់ចត់។មេដឹកនាំទាំងពីរបានបញ្ចប់កិច្ចពិភាក្សារយៈពេល ៣ម៉ោងកាលពីថ្ងៃពុធនៅឯវីឡាដ៏ប្រណីតមួយទល់មុខបឹងហ្សឺណែវ ដោយផ្លាស់ប្ដូរការបង្ហាញការគោរពគ្នាទៅវិញទៅមក ប៉ុន្តែបានបង្ហាញនូវទស្សនៈខ្វែងគំនិតគ្នាយ៉ាងខ្លាំង ទៅលើការវាយប្រហារតាមប្រព័ន្ធបច្ចេកវិទ្យា ជម្លោះនៅអ៊ុយក្រែន ជម្លោះនយោបាយ និងបញ្ហាផ្សេងៗទៀត។ ក្នុងពេលជាមួយគ្នានោះ មេដឹកនាំទាំង២ បានប្រកាសពីកិច្ចព្រមព្រៀង ឈានដល់ការបញ្ជូនឯកអគ្គរដ្ឋទូតរបស់ខ្លួន ទៅកាន់ប្រទេសទាំង២ និងរៀបចំផែនការពិភាក្សាបន្ថែមទៀត ស្ដីពីការគ្រប់គ្រងអាវុធ និងសន្តិសុខប្រព័ន្ធបច្ចេកវិទ្យា។ លោក Putin ដែលបានសាទរលោក Biden ថា ជាអ្នកអន្តរការីពោរពេញដោយបទពិសោធន៍ និងមានលក្ខណៈស្ថាបនា នៅក្នុងសន្និសីទសារព័ត៌មានមួយនៅទីក្រុងហ្សឺណែវ បានផ្តល់ការកោតសរសើរដល់មេដឹកនាំសហរដ្ឋអាមេរិក កាលពីថ្ងៃព្រហស្បតិ៍នៅក្នុង video call ជាមួយនិស្សិតបញ្ចប់ការសិក្សា នៅសាលាគ្រប់គ្រងរបស់រដ្ឋាភិបាល។លោក Putin បាននិយាយថា លោកដឹងរឿងនេះច្បាស់ណាស់។ លោកផ្ដោតលើការងារខ្លាំងណាស់ ហើយដឹងថា អ្វីដែលលោកចង់សម្រេចបាន។ ហើយលោកធ្វើការងារនោះប្រកបដោយស្មារតីវាងវៃ។ លោកបានច្រានចោលនូវអ្វីដែលលោកបានពិពណ៌នាថា ជាការប៉ុនប៉ងតាមប្រព័ន្ធផ្សព្វផ្សាយក្នុងការវាយប្រហារលោក Biden ថា ជាមនុស្សចាស់ទន់ខ្សោយដោយបញ្ជាក់ថា ប្រធានាធិបតីអាមេរិកវ័យ ៧៨ឆ្នាំរូបនេះមានជំហររឹងមាំ សូម្បីតែនៅក្នុងកិច្ចប្រជុំជាមួយរូបលោក និងជំនួបដែលបានបញ្ចប់ដំណើរទស្សនកិច្ចនៅអឺរ៉ុបសម្រាប់លោក Biden ដែលរួមមានកិច្ចប្រជុំកំពូល G-7 និង NATO៕អត្ថបទ៖ សុខមាន

ឥណ្ឌារាយការណ៍ករណីឆ្លងថ្មីនៃវីរុស COVID-19 ជាង ៦ម៉ឺននាក់ ដែលនាំឲ្យអ្នកឆ្លងសរុបឡើងជាង ២៩លាននាក់

ឥណ្ឌា៖ ក្រសួងសុខាភិបាលសហព័ន្ធបាននិយាយថា ករណីឆ្លងជំងឺ COVID-19 នៅក្នុងប្រទេសឥណ្ឌាបានកើនឡើងដល់ ២៩,៧០០,៣១៣នាក់នៅថ្ងៃព្រហស្បតិ៍នេះ បន្ទាប់ពីមានករណីឆ្លងថ្មីចំនួន ៦៧,២០៨នាក់ត្រូវបានកត់ត្រាក្នុងរយៈពេល ២៤ម៉ោង។ចំណែកអ្នកជំងឺជាង ២,៣៣០នាក់ទៀតបានស្លាប់ចាប់តាំងពីព្រឹកថ្ងៃពុធ ដែលនាំឲ្យអ្នកស្លាប់សរុបកើនឡើងដល់ ៣៨១,៩០៣នាក់។ នេះជាថ្ងៃទី១០ ជាប់ៗគ្នា នៅពេលមានការឆ្លងតិចជាង ១០ម៉ឺននាក់ត្រូវបានកត់ត្រាទូទាំងប្រទេស បន្ទាប់ពីបានហក់ឡើងដល់ចំណុចកំពូលជាង ៤០ម៉ឺននាក់ក្នុងរយៈពេលប៉ុន្មានថ្ងៃកាលពីខែមេសា និងឧសភា។ មនុស្សសរុបចំនួន ២៨,៤៩១,៦៧០នាក់បានជាសះស្បើយ និងត្រូវបានអនុញ្ញាតឲ្យចាកចេញពីមន្ទីរពេទ្យនៅទូទាំងប្រទេស បន្ទាប់ពីមានអ្នកជំងឺចំនួន ១០៣,៥៧០នាក់ត្រូវបានអនុញ្ញាតឲ្យចេញពីមន្ទីរពេទ្យកាលពីព្រឹកថ្ងៃពុធ៕អត្ថបទ៖ សុខមាន

ចិនបាញ់បង្ហោះយានផ្ទុកអវកាសយានិក ៣រូបឡើងទៅកាន់ទីអវកាសដោយជោគជ័យ

ចិន៖ នៅព្រឹកថ្ងៃព្រហស្បតិ៍នេះ ប្រទេសចិនបានបាញ់បង្ហោះយាន Shenzhou-12 មានអវកាសយានិក ៣រូបដោយជោគជ័យ ដែលជាបេសកកម្មមានផ្ទុកដោយអវកាសយានិកដំបូង អំឡុងពេលសាងសង់ស្ថានីយអវកាសរបស់ប្រទេសចិន។អនុប្រធានបេសកកម្មយោធាកណ្ដាល លោក Xu Qiliang បានជួប និងជូនដំណើរអវកាសយានិកទាំង ៣នាក់មានលោក Nie Haisheng, Liu Boming និង Tang Hongbo នៅមូលដ្ឋានបាញ់បង្ហោះផ្កាយរណប Jiuquan មុនពេលបាញ់បង្ហោះ ដែលលោកបានជូនពរឲ្យបេសកកម្មទទួលបានជោគជ័យ និងត្រឡប់មកវិញដោយសុវត្ថិភាពតាមផែនការ។ អវកាសយានិកចិនទាំង ៣រូបបានចេញដំណើរទៅកាន់ទីតាំងបាញ់បង្ហោះ បន្ទាប់ពីទទួលបទបញ្ជាពីបញ្ជាការកម្មវិធីអវកាសរបស់ប្រទេសចិន លោក Li Shangfu។ អវកាសយានិកទាំង ៣រូបបានទទួលបានការសាទរពីប្រជាជនជាច្រើន ដែលបានមកជួបជុំគ្នាពេលជូនដំណើរពួកគេ។ការបាញ់បង្ហោះយានផ្ទុកអវកាសយានិកទាំង ៣រូបនេះត្រូវបានធ្វើឡើងនៅអំឡុងម៉ោងជាង ៩ព្រឹកថ្ងៃព្រហស្បតិ៍នេះ (ម៉ោងនៅទីក្រុងប៉េកាំង) ចេញពីមូលដ្ឋានបាញ់បង្ហោះ Jiuquan ភាគពាយព្យប្រទេសចិន។ អវកាសយានិកទាំង ៣រូបដែលត្រូវជាក្រុមដំបូងគេនៃបេសកកម្មនេះ នឹងត្រូវស្នាក់នៅក្នុងបន្ទប់ស្ថានីយអវកាសចិន ដែលកំពុងស្ថិតក្នុងដំណាក់កាលសាងសង់រយៈពេល ៣ខែ។ យានអវកាស Shenzhou-12 ត្រូវបានផ្តាច់ខ្លួនចេញពីគ្រាប់រ៉ុក្កែត Long March-2F Y12 នៅក្រោយរយៈពេល ៥៧៣វិនាទីនៃការបាញ់បង្ហោះចេញពីផ្ទៃផែនដី។ យាន Shenzhou-12 និងអវកាសយានិក ៣រូបនេះត្រូវបំពេញបេសកកម្ម ដើម្បីកសាងស្ថានីយអវកាសថ្មីឲ្យរួចរាល់នៅអំឡុងចុងឆ្នាំ២០២២៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ក្រុមជួយសង្រ្គោះ ជម្លៀសភ្ញៀវទេសចរបរទេស អ្នកស្រុក ក្រោយទឹកជំនន់វាយប្រហារទីក្រុង Lonavala របស់ឥណ្ឌា

UN៖ ករណីឆ្លងជំងឺអេបូឡានៅកុងហ្គោ កើនឡើងជាង ១.៥៦០នាក់ ស្របពេលវិបត្តិជម្លៀសខ្លួនកាន់តែអាក្រក់

នាវាដឹកប្រេង ២គ្រឿងរងការវាយប្រហារនៅច្រកសមុទ្រ Hormuz ខណៈមនុស្សរាប់លាននាក់កាន់ទុក្ខលោក Khamenei

រយៈពេល ១ពាន់ថ្ងៃនៃអំពើប្រល័យពូជសាសន៍អ៊ីស្រាអែលនៅតំបន់ហ្កាហ្សា

ការតម្រង់ជួរយ៉ាងវែងនៅតាមស្ថានីយប្រេងក្នុងទីក្រុង Omsk ក្រោយអ៊ុយក្រែនវាយប្រហាររោងចក្រចម្រាញ់ប្រេងធំបំផុតរបស់រុស្ស៊ី

អាមេរិក និងអង្គការណាតូ ប្រកាសកិច្ចព្រមព្រៀងការពារជាតិក្នុងកិច្ចប្រជុំកំពូលនៅទីក្រុង Ankara

ពលរដ្ឋអ៊ីរ៉ង់កាន់បដាគំរាមលោក Trumpនៅពិធីបុណ្យសពអតីតមេដឹកនាំ Khamenei

វិមានក្រឹមឡាំងសង្ឃឹមថា កិច្ចខិតខំសន្តិភាពរបស់អាមេរិកនៅអ៊ុយក្រែន នឹងជោគជ័យ

មនុស្សម្នាក់ស្លាប់ និង ៧នាក់បាត់ខ្លួន ក្រោយបំណាក់ដីនៅរដ្ឋ Kerala ប្រទេសឥណ្ឌា

ពលរដ្ឋហ្កាហ្សាសង្ឃឹមថា ការរំសាយស្ថាប័នក្រុមហាម៉ាស នឹងជំរុញឲ្យមានកសាងតំបន់ឡើងវិញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មនុស្ស ១២នាក់ស្លាប់រួមទាំងកុមារ ១០នាក់នៅរដ្ឋ Alabama ដោយសារតែព្យុះត្រូពិកសម្ពាធទាប Claudette

មេរោគ COVID-19 បំប្លែងថ្មី Delta ក្លាយជាបញ្ហាធំជាសកល

អង្គការសហប្រជាជាតិអំពាវនាវឲ្យមានការហាមឃាត់អាវុធប្រឆាំងយោធាមីយ៉ាន់ម៉ា

លោក Antonio Guterres ត្រូវបានតែងតាំងជាអគ្គលេខាធិការ UN សម្រាប់អាណត្តិទី២

កូរ៉េខាងត្បូងសន្យាផ្តល់ថវិកា ២០០លានដុល្លារអាមេរិកដល់កិច្ចប្រឹងប្រែងផ្គត់ផ្គង់វ៉ាក់សាំង COVID-19 ជាអន្តរជាតិ

ចំនួនអ្នកស្លាប់ដោយសារជំងឺ COVID-19 លើពិភពលោកបានកើនឡើងជាង ៤លាននាក់

សេតវិមាននឹងពិចារណាពីជំនួបរវាងលោក Biden និងលោក Xi Jinping

លោក Putin កោតសរសើរលទ្ធផលជំនួបកំពូល និងហៅលោក Biden ថា ជាអ្នកចរចាប្រកាន់ជំហរតឹងរ៉ឹង

ឥណ្ឌារាយការណ៍ករណីឆ្លងថ្មីនៃវីរុស COVID-19 ជាង ៦ម៉ឺននាក់ ដែលនាំឲ្យអ្នកឆ្លងសរុបឡើងជាង ២៩លាននាក់

ចិនបាញ់បង្ហោះយានផ្ទុកអវកាសយានិក ៣រូបឡើងទៅកាន់ទីអវកាសដោយជោគជ័យ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

មនុស្ស​ ១២​នាក់​ស្លាប់រួម​ទាំង​កុមារ ១០​នាក់​នៅ​រដ្ឋ​ Alabama​ ដោយសារតែ​ព្យុះ​ត្រូ​ពិ​ក​សម្ពាធ​ទាប Claudette

មេរោគ​ COVID-19 បំប្លែង​ថ្មី Delta ក្លាយ​ជា​បញ្ហា​ធំ​ជាស​កល​

អង្គការ​សហប្រជាជាតិ​អំពាវនាវ​ឲ្យ​មានការ​ហាមឃាត់​អាវុធ​ប្រឆាំង​យោធា​មី​យ៉ាន់​ម៉ា​

លោក Antonio Guterres ត្រូវ​បាន​តែង​តាំង​ជា​អគ្គលេខាធិការ​ UN សម្រាប់​អាណត្តិ​​ទី​២

ចំនួន​អ្នក​ស្លាប់​ដោយសារ​ជំងឺ ​COVID-19 លើ​ពិភព​លោក​បាន​កើន​ឡើង​ជាង ​៤​លាន​នាក់​

សេត​វិមាន​នឹង​ពិចារណា​ពី​ជំនួប​រវាង​លោក Biden និង​លោក Xi Jinping

លោក Putin កោត​សរសើរ​លទ្ធផល​ជំនួប​កំពូល និង​ហៅ​លោក Biden ថា​ ជា​អ្នក​ចរចា​ប្រកាន់​ជំហរ​តឹងរ៉ឹង

ចិន​បាញ់​បង្ហោះ​យាន​ផ្ទុក​អវកាស​យានិក ​៣​រូប​ឡើង​ទៅ​កាន់​ទី​អវកាស​ដោយ​ជោគជ័យ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មនុស្ស ១២នាក់ស្លាប់រួមទាំងកុមារ ១០នាក់នៅរដ្ឋ Alabama ដោយសារតែព្យុះត្រូពិកសម្ពាធទាប Claudette

មេរោគ COVID-19 បំប្លែងថ្មី Delta ក្លាយជាបញ្ហាធំជាសកល

អង្គការសហប្រជាជាតិអំពាវនាវឲ្យមានការហាមឃាត់អាវុធប្រឆាំងយោធាមីយ៉ាន់ម៉ា

លោក Antonio Guterres ត្រូវបានតែងតាំងជាអគ្គលេខាធិការ UN សម្រាប់អាណត្តិទី២

ចំនួនអ្នកស្លាប់ដោយសារជំងឺ COVID-19 លើពិភពលោកបានកើនឡើងជាង ៤លាននាក់

សេតវិមាននឹងពិចារណាពីជំនួបរវាងលោក Biden និងលោក Xi Jinping

លោក Putin កោតសរសើរលទ្ធផលជំនួបកំពូល និងហៅលោក Biden ថា ជាអ្នកចរចាប្រកាន់ជំហរតឹងរ៉ឹង

ចិនបាញ់បង្ហោះយានផ្ទុកអវកាសយានិក ៣រូបឡើងទៅកាន់ទីអវកាសដោយជោគជ័យ