BTV NEWS

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

សម្តេចតេជោ ហ៊ុន សែន ឧបត្ថម្ភថវិកា ជូនទៅខេត្តជាប់ព្រំដែនកម្ពុជា-ថៃ និងវៀតណាម ចំនួន២២ខេត្ត

ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានឧបត្ថម្ភថវិកាបន្ថែមចំនួន២៨១០លានរៀល (២,៨១០,០០០,០០០រៀល) ជូនទៅបណ្តាខេត្តជាប់ព្រំដែនកម្ពុជា-ថៃ និងវៀតណាម ចំនួន២២ខេត្ត ដើម្បីរៀបចំាចាត់ចែងធ្វើចត្តាឡីស័ក ចាប់ពីថ្ងៃទី២៤ រហូតដល់ថ្ងៃទី៣០ ខែឧសភា ឆ្នាំ២០២១។ បើយោងតាមការបញ្ជាក់របស់លោកជំទាវ វេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល និងជាប្រធានក្រុមការងារប្រតិបត្តិការបច្ចេកទេស និងផ្គត់ផ្គង់នៃគណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ-១៩ ប្រាប់BTV ព័ត៌មាននារសៀលថ្ងៃទី២៤ ខែឧសភានេះថា ដោយទទួលបានការយកចិត្តទុកដាក់ខ្ពស់ពីសម្តេចតេជោ ហ៊ុន សែន និងទទួលបានការឧបត្ថម្ភថវិកាបន្ថែម ជូនបណ្តាខេត្តចំនួន២២ ដូចខាងក្រោម៖១.ខេត្តបាត់ដំបង ទទួលបានថវិកា២៧០លានរៀល២.ខេត្តបន្ទាយមានជ័យ ទទួលបានថវិកា៣៥០លានរៀល៣.ខេត្តឧត្តរមានជ័យ ទទួលបានថវិកា ៥០លានរៀល៤.ខេត្តប៉ៃលិន ទទួលបានថវិកា ៤០លានរៀល៥.ខេត្តពោធិ៍សាត់ ទទួលបានថវិកា ៣៥០លានរៀល៦.ខេត្តព្រះវិហារ ទទួលបានថវិកា ៣០លានរៀល៧.ខេត្តកណ្តាល ទទួលបានថវិកា ១៥០លានរៀល៨.ខេត្តស្វាយរៀង ទទួលបានថវិកា ៥០លានរៀល៩.ខេត្តព្រៃវែង ទទួលបានថវិកា ២៨០លានរៀល១០.ខេត្តត្បូងឃ្មុំ ទទួលបានថវិកា ៦០លានរៀល១១.ខេត្តក្រចេះ ទទួលបានថវិកា ៤០លានរៀល១២.ខេត្តរតនគិរី ទទួលបានថវិកា ២០លានរៀល១៣.ខេត្តកំពត ទទួលបានថវិកា ១០លានរៀល១៤.ខេត្តតាកែវ ទទួលបានថវិកា ៦០លានរៀល១៥.ខេត្តកំពង់ចាម ទទួលបានថវិកា ៣៥០លានរៀល១៦.ខេត្តកំពង់ឆ្នាំង ទទួលបានថវិកា ៤០លានរៀល១៧.ខេត្តកែប ទទួលបានថវិកា ១០លានរៀល១៨.ខេត្តកំពង់ស្ពឺ ទទួលបានថវិកា ២៥០លានរៀល១៩.ខេត្តកំពង់ធំ ទទួលបានថវិកា ១៨០លានរៀល២០.ខេត្តស្ទឹងត្រែង ទទួលបានថវិកា ១០លានរៀល២១.ខេត្តព្រះសីហនុ ទទួលបានថវិកា ៦០លានរៀល២២.ខេត្តសៀមរាប ទទួលបានថវិកា ១៥០លានរៀល។ ទន្ទឹមនឹងនោះសម្រាប់ខេត្តជាប់ព្រំដែនកម្ពុជា-ថៃ-វៀតណាម ទាំង២២ខេត្តនេះ មានអ្នកកំពុងធ្វើចត្តាឡីស័ក ចំនួនសរុប ៧២១៣៦នាក់៕អត្ថបទ ៖ រដ្ឋា

មនុស្ស ១៥នាក់ស្លាប់ និងមនុស្សជាច្រើននាក់ទៀតបាត់បង់ទីលំនៅបន្ទាប់ពីការផ្ទុះភ្នំភ្លើងនៅកុងហ្គោ

កុងហ្គោ៖ ប្រជាពលរដ្ឋនៅក្នុងសាធារណរដ្ឋប្រជាធិបតេយ្យកុងហ្គោ បានត្រឡប់ទៅកាន់លំនៅឋានដែលត្រូវបានបំផ្លិចបំផ្លាញ បន្ទាប់ពីភ្នំភ្លើងដ៏ធំមួយបានផ្ទុះ ហើយក្រុមគ្រួសារជាច្រើនកំពុងតាមរកមនុស្សជាទីស្រឡាញ់ ដែលកំពុងបាត់ខ្លួន។ភ្នំភ្លើង Nyiragongo បានធ្វើឲ្យផ្ទៃមេឃក្លាយជាពណ៌ក្រហមឆ្អិនឆ្អៅ និងបានព្រួសកម្ទេចផេះចូលក្នុងទន្លេកាលពីថ្ងៃសៅរ៍ ប៉ុន្តែបានឈប់ភ្លាមៗនៅទីក្រុងហ្គោម៉ា ដែលមានប្រជាជនជាង ២លាននាក់នៅភាគខាងត្បូងភ្នំភ្លើង។ យ៉ាងហោចណាស់មានមនុស្ស ១៥នាក់ត្រូវគេបញ្ជាក់ថាបានស្លាប់ ប៉ុន្តែចំនួននេះទំនងជានឹងកើនឡើង ខណៈក្រុមមន្ត្រីនៅតែបន្តតាមស្វែងរកក្នុងតំបន់នានា ដែលរងផលប៉ះពាល់ខ្លាំង។ មនុស្សចំនួន ៩នាក់ក្នុងចំណោមជនរងគ្រោះបានស្លាប់ក្នុងគ្រោះថ្នាក់ចរាចរណ៍ ខណៈដែលមនុស្សកំពុងរត់ភៀសខ្លួន។អ្នកនាំពាក្យរដ្ឋាភិបាល លោក Patrick Muyaya បាននិយាយនៅថ្ងៃច័ន្ទនេះថា មនុស្សចំនួន ៤នាក់ផ្សេងទៀតបានស្លាប់ ខណៈពួកគេព្យាយាមរត់គេចពីពន្ធនាគារមួយកន្លែង ស្របពេលមនុស្ស ២នាក់ទៀតត្រូវបានភ្លើងឆេះស្លាប់។ យោងតាមអង្គការ Unicef ដែលបាននិយាយថា មជ្ឈមណ្ឌលមួយចំនួននឹងត្រូវបង្កើតឡើង ដើម្បីជួយដល់អនីតិជនដែលគ្មានក្រុមគ្រួសារនៅជាមួយ៖ កុមារជាង ១៧០នាក់ត្រូវគេបារម្ភថាអាចនឹងកំពុងបាត់ខ្លួន និង ១៥០នាក់ទៀតបានបែកចេញពីក្រុមគ្រួសារ៕អត្ថបទ៖ សុខមាន

មនុស្ស ១៤នាក់ស្លាប់នៅពេលមានឧបទ្ទវហេតុធ្លាក់ឡានខ្សែកាប្លិ៍លើភ្នំនៅប្រទេសអ៊ីតាលី

អ៊ីតាលី៖ មនុស្ស ១៤នាក់រួមទាំងកុមារម្នាក់បានស្លាប់ និងកុមារម្នាក់រងរបួសធ្ងន់ បន្ទាប់ពីឡានខ្សែកាប្លិ៍មួយបានធ្លាក់លើភ្នំមួយជិតបឹង Lake Maggiore ក្នុងប្រទេសអ៊ីតាលីភាគខាងជើងកាលពីថ្ងៃអាទិត្យ។ឧបទ្ទវហេតុនេះបានកើតឡើងលើសេវាចម្លងអ្នកដំណើរមួយ ចេញពីរមណីយដ្ឋានទីក្រុង Stresa ក្បែរភ្នំ Mottarone នៅក្នុងតំបន់ Piedmont។ ក្រសួងការបរទេសអ៊ីស្រាអែលនិយាយថា ជនជាតិអ៊ីស្រាអែល ៥នាក់ស្ថិតក្នុងចំណោមអ្នកស្លាប់ទាំងអស់។ ជនរងគ្រោះភាគច្រើនបានស្លាប់នៅកន្លែងកើតហេតុ ខណៈដែលចំនួនអ្នកស្លាប់បានកើនឡើងជាបន្តបន្ទាប់ កាលពីរសៀលថ្ងៃអាទិត្យ ខណៈដែលក្រុមអ្នកសង្គ្រោះតាមរុករកក្នុងបំណែកបែកបាក់។ក្រុមមន្ត្រីនិយាយថា អ្នកនៅរស់រានមានជីវិត ២នាក់ជាកុមារអាយុ ៥ឆ្នាំ និង ៩ឆ្នាំត្រូវបានដឹកតាមយន្តហោះទៅកាន់មន្ទីរពេទ្យក្នុងទីក្រុង Turin ប៉ុន្តែកុមារដែលមានអាយុច្រើនជាងគេបានស្លាប់នៅពេលបន្ទាប់។ រីឯកុមារដែលអាយុតិចជាងគេ ដែលជាជនជាតិអ៊ីស្រាអែលផងដែរនោះ កំពុងសង្គ្រោះបន្ទាន់ និងស្ថិតនៅក្នុងស្ថានភាពធ្ងន់ធ្ងរ៕អត្ថបទ៖ សុខមាន

កម្ពុជារកឃើញមនុស្ស៥៥៦នាក់ទៀតឆ្លងមេរោគកូវីដ-១៩ ខណៈអ្នកជំងឺ៦៥៨នាក់ទៀតបានជាសះស្បើយឡើងវិញ

ភ្នំពេញ៖ ក្រសួងសុខាភិបាលបានប្រកាសនៅថ្ងៃនេះពីការរកឃើញមនុស្សដល់ទៅ ៥៥៦នាក់ទៀត បានឆ្លងមេរោគកូវីដ-១៩ ខណៈអ្នកជំងឺកូវីដ-១៩ចំនួន ៦៥៨នាក់បន្ថែមទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបានបញ្ជាក់ថា អ្នកជំងឺកូវីដ-១៩ចំនួន ៣នាក់ទៀត បានស្លាប់បាត់បង់ជីវិត ដែលនាំឱ្យតួលេខអ្នកស្លាប់សរុបកើនឡើងដល់ ១៧៩នាក់គិតចាប់ពីពេលដែលកម្ពុជាបានប្រកាសពីករណីស្លាប់ជាផ្លូវការលើកដំបូងកាលពីថ្ងៃទី១១ ខែមីនាកន្លងមក។ក្រសួងសុខាភិបាលក៏បានបញ្ជាក់ផងដែរថា មនុស្ស ៥៥៦នាក់ទៀត ត្រូវបានរកឃើញឆ្លងមេរោគកូវីដ-១៩នៅទូទាំងប្រទេសកាលពីថ្ងៃម្សិលមិញនេះ ដែលក្នុងនោះករណីឆ្លងថ្មីដល់ទៅ ៥៤០នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ហើយ ១៦នាក់ទៀត គឺជាករណីនាំចូល។បើតាមក្រសួងសុខាភិបាល កម្ពុជាបានរកឃើញមនុស្សសរុបដល់ទៅ ២៥ ៧៦១នាក់ហើយបានឆ្លងមេរោគកូវីដ-១៩នៅទូទាំងប្រទេសគិតចាប់តាំងពីពេលដែលកម្ពុជាបានប្រកាសពីការរកឃើញករណីឆ្លងលើកដំបូងកាលពីចុងខែមករាឆ្នាំមុនមក។ក្រសួងសុខាភិបាលបានឱ្យដឹងទៀតថា អ្នកជំងឺកូវីដ-១៩សរុប ១៨ ៣៥៩នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មីចំនួន ៦៥៨នាក់ដែលក្រសួងប្រកាសនៅថ្ងៃនេះផងដែរ៕

ចំនួនអ្នកស្លាប់ដោយសារជំងឺ COVID-19 នៅឥណ្ឌាកើនឡើងដល់ជាង ៣០ម៉ឺននាក់ ខណៈជំងឺរាតត្បាតនៅតែបន្ត

ឥណ្ឌា៖ ចំនួនអ្នកស្លាប់ទាក់ទងនឹងជំងឺ Covid-19 នៅក្នុងប្រទេសឥណ្ឌាបានហក់ឡើងដល់ជាង ៣០ម៉ឺននាក់ ខណៈដែលប្រទេសនេះបន្តប្រយុទ្ធប្រឆាំង នឹងជំងឺរាតត្បាតសកលនេះ។ ប្រទេសឥណ្ឌាបានកត់ត្រាករណីឆ្លងសរុបជាង ២៦លាននាក់គឺឈរលំដាប់លេខ២ បន្ទាប់ពីសហរដ្ឋអាមេរិក ហើយពេលនេះក្លាយជាចំណុចកណ្ដាល នៃជំងឺរាតត្បាតសកលនេះ។ប្រទេសនេះឈរនៅលំដាប់ថ្នាក់ទី៣ ក្នុងពិភពលោកដែលមានចំនួនអ្នកស្លាប់ជាង ៣០ម៉ឺននាក់ ដោយឈរនៅបន្ទាប់ពីសហរដ្ឋអាមេរិក និងប្រេស៊ីល។ រលកទី២ ដ៏ខ្លាំងក្លានៅក្នុងរយៈពេលប៉ុន្មានសប្ដាហ៍ថ្មីៗនេះ បានបណ្ដាលឲ្យបប៉ះពាក់ធ្ងន់ធ្ងរដល់ប្រព័ន្ធថែទាំងសុខភាពរបស់ប្រទេសនេះ ដោយមន្ទីរពេទ្យជាច្រើនកំពុងព្យាយាម ដោះស្រាយលំហូរចូលអ្នកជំងឺដ៏ច្រើន និងត្រូវការឱសថជាចាំបាច់ ព្រមទាំងអស់អុកស៊ីសែន។ កាលពីថ្ងៃអាទិត្យ ប្រទេសនេះបានរាយការណ៍ករណីឆ្លងថ្មីនៃជំងឺ COVID-19 ចំនួន ២៤០,៨៤២នាក់នៅទូទាំងប្រទេសក្នុងពេលជាង ២៤ម៉ោង ជាចំនួនករណីឆ្លងថ្មីប្រចាំថ្ងៃទាបបំផុតក្នុងរយៈពេលជាង ១ខែមកនេះ និងមានអ្នកស្លាប់ចំនួន ៣,៧៤១នាក់ផងដែរ។ ទោះយ៉ាងណារដ្ឋធានី New Delhi របស់ឥណ្ឌានឹងបន្ធូរបន្ថយវិធានការរឹតត្បិតទប់ស្កាត់វីរុស COVID-19 នៅសប្ដាហ៍ក្រោយ ប្រសិនបើករណីឆ្លងថ្មីនៅបន្តធ្លាក់ចុះក្នុងរដ្ឋធានីមួយនេះ៕អត្ថបទ៖ សុខមាន

ប្រជាជនជ្វីសក្នុងទីក្រុងញូវយ៉ក, ឈីកាហ្គោ និងប្រជាជនមូស្លីមសេណេហ្គាល់តវ៉ាប្រឆាំងប្រទេសអ៊ីស្រាអែល

អាមេរិក៖ ទោះបីជាបទឈប់បាញ់រវាងប្រទេសអ៊ីស្រាអែល និងក្រុមហាម៉ាស់ចូលជាធរមានក៏ដោយ បាតុកម្មបានធ្វើឡើងនៅក្នុងបណ្ដាប្រទេសជាច្រើន ដូចជានៅទីក្រុងញូវយ៉ក ប្រជាជនអាមេរិក-ជ្វីសបានប្រមូលផ្តុំគ្នាកាលពីយប់ថ្ងៃសុក្រ ដើម្បីតវ៉ាប្រឆាំងសកម្មភាពរបស់ប្រទេសអ៊ីស្រាអែលក្នុងសង្គ្រាមរយៈពេល ១១ថ្ងៃដែលបានធ្វើឲ្យមនុស្សជាង ២៣០នាក់ស្លាប់ភាគច្រើនជាប្រជាជនប៉ាឡេស្ទីន។លោក Asaf Calderon អ្នករៀបចំសំរាប់សំឡេងប្រជាជនជ្វីសដើម្បីសន្តិភាព ជាអង្គការមួយគាំទ្រទណ្ឌកម្មសហរដ្ឋអាមេរិកលើប្រទេសអ៊ីស្រាអែលនិយាយថា មានប្រជាជនជ្វីស និងប្រជាជនជ្វីស-អាមេរិកកាន់តែច្រើនឡើងៗ ដែលក្រោកឈរប្រឆាំងការគាបសង្កត់របស់អ៊ីស្រាអែលលើប្រជាជនប៉ាឡេស្ទីន។ រីឯនៅក្នុងទីក្រុងឈីកាហ្គោវិញ អ្នកតវ៉ាគាំទ្រប្រជាជនប៉ាឡេស្ទីនរាប់ពាន់នាក់ បានធ្វើការតវ៉ាតាមដងផ្លូវនៅទីប្រជុំជនទីក្រុង។ ក្រុមចម្រុះដើម្បីយុត្តិធម៌នៅរដ្ឋប៉ាឡេស្ទីនក្នុងទីក្រុងឈីកាហ្គោ បានធ្វើការតវ៉ារយៈពេល ១ថ្ងៃបន្ទាប់ពីប្រទេសអ៊ីស្រាអែល និងក្រុមហាម៉ាស់បានប្រកាសបទឈប់បាញ់ ដើម្បីបញ្ចប់សង្គ្រាមរយៈពេល ១១ថ្ងៃដែលបង្កឲ្យមានការបំផ្លាញជាច្រើនក្នុងតំបន់ហ្កាហ្សា។ជាមួយគ្នានេះដែរ ប្រជាជនសេណេហ្គាល់រាប់រយនាក់ បានប្រមូលផ្តុំគ្នានៅទីក្រុងដាកា ដើម្បីបង្ហាញសាមគ្គីភាពជាមួយប្រជាជនប៉ាឡេស្ទីន និងតវ៉ាប្រឆាំងប្រទេសអ៊ីស្រាអែល។ ដោយមានកាន់ទង់ជាតិប៉ាឡេស្ទីន និងបដាដែលមានពាក្យស្លោកប្រឆាំងប្រទេសអ៊ីស្រាអែល បាតុករបានថ្កោលទោសការវាយប្រហាររបស់អ៊ីស្រាអែល នៅលើតំបន់ហ្គាហ្សា។ បាតុករម្នាក់និយាយថា ថ្ងៃនេះប្រជាជនសេណេហ្កាល់មិនគួរនៅផ្ទះទេ។ ការតវ៉ានេះត្រូវបានរៀបចំឡើងដោយសម្ព័ន្ធភាពជាតិ ដើម្បីបុព្វហេតុប៉ាឡេស្ទីននៅប្រទេសសេណេហ្គាល់៕អត្ថបទ៖ ប៊ុនថន

សាលារាជធានីភ្នំពេញ សម្រេចលុបចោលបម្រាមគោចរនៅ«តំបន់លឿង»ហើយចាប់ពីថ្ងៃស្អែកនេះតទៅ

ភ្នំពេញ៖ សាលារាជធានីភ្នំពេញសម្រេចដកបម្រាមគោចរវិញហើយហើយអនុញ្ញាតឱ្យហាងអាហារអាចដំណើរការអាជីវកម្មបាននៅក្នុង«តំបន់លឿង» ចាប់ពីថ្ងៃស្អែកនេះតទៅ។ក្នុងសេចក្ដីសម្រេចនៅល្ងាចថ្ងៃនេះ សាលារាជធានីភ្នំពេញ បានបញ្ជាក់ថា បានសម្រេចបិទបញ្ចប់បម្រាមគោចរ និងអនុញ្ញាតឱ្យអាជីវកម្មមួយចំនួនអាចបើកដំណើរការឡើងវិញបាននៅក្នុង«តំបន់លឿង»ចាប់ពីម៉ោងសូន្យឈានចូលថ្ងៃទី២២ ខែឧសភា។ក្នុងសេចក្ដីសម្រេចដដែលនេះ សាលារាជធានីភ្នំពេញ បានអនុញ្ញាតឱ្យគ្រប់ទីផ្សារ អាជីវកម្មអាហារទាំងអស់អាចបើកដំណើរការជាប្រក្រតីឡើងវិញ។ចំណែកឯបម្រាមហាមឃាត់ការលក់ដូរគ្រឿងស្រវឹងនៅរាជធានីភ្នំពេញ ក៏ត្រូវបានលុបចោលវិញដែរ។ទោះជាយ៉ាងណា សាលារាជធានីភ្នំពេញក្រើនរំលឹកឱ្យប្រតិបត្តិតាមវិធានការសុវត្ថិភាព និងវិធានការសុខាភិបាល ដើម្បីបង្ការការឆ្លងរីករាលដាលនៃមេរោគកូវីដ-១៩។សាលារាជធានីភ្នំពេញនៅមិនទាន់អនុញ្ញាតឱ្យដំណើរការឡើងវិញនោះឡើយនូវការងារ និងអាជីវកម្មកម្សាន្តនានា៕

ប្រមុខ UN ស្វាគមន៍បទឈប់បាញ់ក្នុងជម្លោះតំបន់ហ្គាហ្សា ខណៈលោក Biden ថាជាឱកាសដ៏ពិតប្រាកដ

UN៖ អគ្គលេខាធិការអង្គការសហប្រជាជាតិ លោក Antonio Guterres កាលពីថ្ងៃព្រហស្បតិ៍ បានស្វាគមន៍បទឈប់បាញ់ក្នុងជម្លោះរវាងអ៊ីស្រាអែល និងក្រុមហាម៉ាស។ លោក Guterres បានជំរុញឲ្យភាគីទាំង២ ស្រុះស្រួលបញ្ឈប់ការវាយប្រយុទ្ធគ្នា។ប្រមុខអង្គការសហប្រជាជាតិរូបនេះបាននិយាយថា លោកសង្កត់ធ្ងន់ថា ក្រុមមេដឹកនាំអ៊ីស្រាអែល និងប៉ាឡេស្ទីនមានទំនួលខុសត្រូវលើសពីការស្ដារ ស្ថានការណ៍វិលទៅរកភាពស្ងប់ស្ងាត់ដើម្បីចាប់ផ្ដើមការសន្ទនាដ៏ស៊ីជម្រៅ ក្នុងការដោះស្រាយឫសគុលមូលហេតុនៃជម្លោះនេះ។ លោក Guterres បានថ្លែងភ្លាមៗបន្ទាប់ពីអ៊ីស្រាអែល និងក្រុមហាម៉ាសបានប្រកាសបទឈប់បាញ់ ដែលបានចូលជាធរមាននៅម៉ោង ២ព្រឹកថ្ងៃសុក្រម៉ោងនៅមជ្ឈិមបូព៌ា ដើម្បីបញ្ចប់សង្គ្រាមរយៈពេល ១១ថ្ងៃដែលបានបណ្ដាលឲ្យមានការបំផ្លិចបំផ្លាញយ៉ាងធ្ងន់ធ្ងរ នៅក្នុងតំបន់ហ្គាហ្សា និងឆក់យកជីវិតមនុស្សរាប់រយនាក់។ចំណែកលោកប្រធានាធិបតីអាមេរិក Joe Biden កាលពីថ្ងៃព្រហស្បតិ៍បានសារទរបទឈប់បាញ់ ដែលពិភពលោកចង់បានក្នុងសង្គ្រាមរវាងអ៊ីស្រាអែល និងក្រុមហាម៉ាស ដោយនិយាយថា លោកបានមើលឃើញឱកាសដ៏ពិតប្រាកដ ឆ្ពោះទៅគោលដៅកាន់តែធំនៃការកសាងសន្តិភាពយូរអង្វែងនៅមជ្ឈិមបូព៌ា។ លោកជឿជាក់ថា ពលរដ្ឋប៉ាឡេស្ទីន និងអ៊ីស្រាអែលសមនឹងទទួលបានសុវត្ថិភាពក្នុងការរស់នៅប្រកបដោយភាពស្មើគ្នា និងធានាបានវិធានការនានានៃភាពរីកចម្រើននៃសេរីភាព ភាពរុងរឿង និងលទ្ធិប្រជាធិបតេយ្យ៕ អត្ថបទ៖ សុខមាន

ការអបអរសាទរផ្ទុះឡើងទូទាំងតំបន់ហ្គាហ្សា ខណៈបទឈប់បាញ់បានចូលជាធរមាន

ហ្គាហ្សា៖ សំឡេងហ៊ោកញ្ជ្រៀវ និងកញ្ចែបានលាន់លឺរំពងនៅទូទាំងទីក្រុងហ្គាហ្សានៅព្រឹកព្រលឹមថ្ងៃសុក្រ ត្រូវនឹងយប់ថ្ងៃព្រហស្បតិ៍ម៉ោងសកល ខណៈបទឈប់បាញ់មួយរវាងអ៊ីស្រាអែល និងក្រុមហាម៉ាសបានចូលជាធរមាន។នៅទូទាំងតំបន់ហ្គាហ្សា ប្រជាពលរដ្ឋបាននាំគ្នាទៅកាន់តាមដងផ្លូវនានា ដើម្បីអបអរសាទរការបញ្ចប់អរិភាព បន្ទាប់ពីជម្លោះរយៈពេល ១១ថ្ងៃដែលបានបណ្ដាលឲ្យមនុស្សរាប់រយនាក់ស្លាប់។ បទឈប់បាញ់នេះបានចាប់ផ្ដើមនៅម៉ោង ២០និង០០នាទីត្រូវនឹងម៉ោង ២៣និង០០នាទីថ្ងៃព្រហស្បតិ៍ម៉ោងសកល បន្ទាប់ពីទាំងភាគីអ៊ីស្រាអែល និងក្រុមហាម៉ាស់បានទទួលយកសំណើរបស់អេហ្ស៊ីបដើម្បីបញ្ចប់អំពើហិង្សា។ យោងតាមក្រសួងសុខាភិបាលហ្គាហ្សាឲ្យដឹងថា ពលរដ្ឋប៉ាឡេស្ទីនយ៉ាងហោចណាស់ ២៣០នាក់បានស្លាប់រួមទាំងកុមារ ៦៥នាក់ និងស្ត្រី ៣៩នាក់អំឡុងជម្លោះ ខណៈដែលមានមនុស្ស ១,៧១០នាក់រងរបួស។ មនុស្ស ១២នាក់បានស្លាប់នៅអ៊ីស្រាអែល រួមទាំងក្មេងប្រុសអាយុ ៥ឆ្នាំ និងក្មេងស្រីអាយុ ១៦ឆ្នាំបានស្លាប់។ ទាំងអ៊ីស្រាអែល ទាំងក្រុមហាម៉ាស់ដែលគ្រប់គ្រងតំបន់ហ្គាហ្សា បានទទួលយកកិច្ចព្រមព្រៀងសម្របសម្រួលឲ្យមានបទឈប់បាញ់ ដោយប្រទេសអេហ្ស៊ីបនៅម៉ោង ២និង០០នាទីថ្ងៃសុក្រម៉ោងនៅមជ្ឈិមបូព៌ា ដើម្បីបញ្ចប់ជម្លោះដ៏បង្ហូរឈាមរយៈពេល ១១ថ្ងៃ។ការិយាល័យរបស់នាយករដ្ឋមន្ត្រីអ៊ីស្រាអែល Benjamin Netanyahu បានប្រកាសថា គណៈរដ្ឋមន្ត្រីទទួលបន្ទុកផ្នែកសន្តិសុខបានអនុម័តកាលពីរាត្រីថ្ងៃព្រហស្បតិ៍ លើបទឈប់បាញ់សម្របសម្រួលដោយអេហ្ស៊ីបជាមួយក្រុមហាម៉ាសនៅតំបន់ហ្គាហ្សា។ ការសម្រេចចិត្តនេះមានឡើងបន្ទាប់ពីការពិភាក្សារយៈពេល ២ម៉ោងកន្លះ និងបានអនុម័តជាឯកច្ឆ័នដោយក្រុមរដ្ឋមន្ត្រី នេះបើយោងតាមសេចក្ដីថ្លែងការណ៍ របស់ការិយាល័យនាយករដ្ឋមន្ត្រីអ៊ីស្រាអែល៕អត្ថបទ៖ សុខមាន

អ្នកស្លាប់ដោយសារព្យុះស៊ីក្លូន Tauktae កើនឡើងដល់ ៩១នាក់ បន្ទាប់ពីព្យុះដ៏ខ្លាំងក្លាវាយប្រហារឥណ្ឌា

ឥណ្ឌា៖ ចំនួនមនុស្សស្លាប់ដោយសារព្យុះស៊ីក្លូនដ៏មានឥទ្ធិពល នៅតំបន់ឆ្នេរភាគខាងលិចរបស់ប្រទេសឥណ្ឌាបានកើនឡើងដល់ ៩១នាក់ ហើយអង្គភាពកងទ័ពជើងទឹកកំពុងស្វែងរកមនុស្ស ៤៩នាក់ផ្សេងទៀតកំពុងបាត់ខ្លួននៅសមុទ្រ បន្ទាប់ពីនាវាដឹកកម្មករក្បែរឆ្នេរសមុទ្របានលិចដោយសារព្យុះ។ព្យុះស៊ីក្លូន Tauktae ដែលបានបណ្ដាលឲ្យមានការបំផ្លិចបំផ្លាញយ៉ាងធ្ងន់ធ្ងរ បន្ទាប់ពីបានបោកបក់ចេញពីសមុទ្រអារ៉ាប់កាលពីថ្ងៃចន្ទ គឺជាព្យុះចុងក្រោយដែលក្រុមអ្នកជំនាញនិយាយថា ជាព្យុះដ៏ធំបំផុតមិនធ្លាប់មានក្នុងចំណោមព្យុះជាច្រើនក្នុងតំបន់ ដោយសារតែកត្តាបម្រែបម្រួលអាកាសធាតុ។ ក្រសួងការពារជាតិឥណ្ឌានិយាយកាលពីរាត្រីថ្ងៃពុធថា នាវាជាច្រើនគ្រឿងរបស់អង្គភាពកងទ័ពជើងទឹក យន្តហោះរុករក និងឧទ្ធម្ភាគចក្របានរួមគ្នាសង្គ្រោះមនុស្សជាង ៦០០នាក់ បន្ទាប់ពីរលកកម្ពស់ ៨ម៉ែត្របានវាយបោកច្រាំងសមុទ្រ។ ប៉ុន្តែសាកសពចំនួន ២៦នាក់ក៏ត្រូវបានរកឃើញផងដែរ ខណៈយន្តហោះ និងឧទ្ធម្ភាគចក្រជាច្រើនគ្រឿងនៅតែបន្តរុករកកម្មករចំនួន ៤៩នាក់កំពុងបាត់ខ្លួនពីនាវាមួយ ក្នុងចំណោមនាវាមួយចំនួនដែលបានក្រឡាប់លិចដោយសារព្យុះនេះ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ក្រុមជួយសង្រ្គោះ ជម្លៀសភ្ញៀវទេសចរបរទេស អ្នកស្រុក ក្រោយទឹកជំនន់វាយប្រហារទីក្រុង Lonavala របស់ឥណ្ឌា

UN៖ ករណីឆ្លងជំងឺអេបូឡានៅកុងហ្គោ កើនឡើងជាង ១.៥៦០នាក់ ស្របពេលវិបត្តិជម្លៀសខ្លួនកាន់តែអាក្រក់

នាវាដឹកប្រេង ២គ្រឿងរងការវាយប្រហារនៅច្រកសមុទ្រ Hormuz ខណៈមនុស្សរាប់លាននាក់កាន់ទុក្ខលោក Khamenei

រយៈពេល ១ពាន់ថ្ងៃនៃអំពើប្រល័យពូជសាសន៍អ៊ីស្រាអែលនៅតំបន់ហ្កាហ្សា

ការតម្រង់ជួរយ៉ាងវែងនៅតាមស្ថានីយប្រេងក្នុងទីក្រុង Omsk ក្រោយអ៊ុយក្រែនវាយប្រហាររោងចក្រចម្រាញ់ប្រេងធំបំផុតរបស់រុស្ស៊ី

អាមេរិក និងអង្គការណាតូ ប្រកាសកិច្ចព្រមព្រៀងការពារជាតិក្នុងកិច្ចប្រជុំកំពូលនៅទីក្រុង Ankara

ពលរដ្ឋអ៊ីរ៉ង់កាន់បដាគំរាមលោក Trumpនៅពិធីបុណ្យសពអតីតមេដឹកនាំ Khamenei

វិមានក្រឹមឡាំងសង្ឃឹមថា កិច្ចខិតខំសន្តិភាពរបស់អាមេរិកនៅអ៊ុយក្រែន នឹងជោគជ័យ

មនុស្សម្នាក់ស្លាប់ និង ៧នាក់បាត់ខ្លួន ក្រោយបំណាក់ដីនៅរដ្ឋ Kerala ប្រទេសឥណ្ឌា

ពលរដ្ឋហ្កាហ្សាសង្ឃឹមថា ការរំសាយស្ថាប័នក្រុមហាម៉ាស នឹងជំរុញឲ្យមានកសាងតំបន់ឡើងវិញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្តេចតេជោ ហ៊ុន សែន ឧបត្ថម្ភថវិកា ជូនទៅខេត្តជាប់ព្រំដែនកម្ពុជា-ថៃ និងវៀតណាម ចំនួន២២ខេត្ត

មនុស្ស ១៥នាក់ស្លាប់ និងមនុស្សជាច្រើននាក់ទៀតបាត់បង់ទីលំនៅបន្ទាប់ពីការផ្ទុះភ្នំភ្លើងនៅកុងហ្គោ

មនុស្ស ១៤នាក់ស្លាប់នៅពេលមានឧបទ្ទវហេតុធ្លាក់ឡានខ្សែកាប្លិ៍លើភ្នំនៅប្រទេសអ៊ីតាលី

កម្ពុជារកឃើញមនុស្ស៥៥៦នាក់ទៀតឆ្លងមេរោគកូវីដ-១៩ ខណៈអ្នកជំងឺ៦៥៨នាក់ទៀតបានជាសះស្បើយឡើងវិញ

ចំនួនអ្នកស្លាប់ដោយសារជំងឺ COVID-19 នៅឥណ្ឌាកើនឡើងដល់ជាង ៣០ម៉ឺននាក់ ខណៈជំងឺរាតត្បាតនៅតែបន្ត

ប្រជាជនជ្វីសក្នុងទីក្រុងញូវយ៉ក, ឈីកាហ្គោ និងប្រជាជនមូស្លីមសេណេហ្គាល់តវ៉ាប្រឆាំងប្រទេសអ៊ីស្រាអែល

សាលារាជធានីភ្នំពេញ សម្រេចលុបចោលបម្រាមគោចរនៅ«តំបន់លឿង»ហើយចាប់ពីថ្ងៃស្អែកនេះតទៅ

ប្រមុខ UN ស្វាគមន៍បទឈប់បាញ់ក្នុងជម្លោះតំបន់ហ្គាហ្សា ខណៈលោក Biden ថាជាឱកាសដ៏ពិតប្រាកដ

ការអបអរសាទរផ្ទុះឡើងទូទាំងតំបន់ហ្គាហ្សា ខណៈបទឈប់បាញ់បានចូលជាធរមាន

អ្នកស្លាប់ដោយសារព្យុះស៊ីក្លូន Tauktae កើនឡើងដល់ ៩១នាក់ បន្ទាប់ពីព្យុះដ៏ខ្លាំងក្លាវាយប្រហារឥណ្ឌា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្តេចតេជោ ហ៊ុន សែន ឧបត្ថម្ភថវិកា ជូនទៅខេត្តជាប់ព្រំដែនកម្ពុជា-ថៃ និងវៀតណាម ចំនួន២២ខេត្ត

មនុស្ស​ ១៤​នាក់​ស្លាប់​នៅ​ពេល​មាន​ឧបទ្ទវហេតុ​ធ្លាក់​ឡាន​ខ្សែកាប្លិ៍​លើ​ភ្នំ​នៅ​ប្រទេស​អ៊ីតាលី

ចំនួន​អ្នក​ស្លាប់​ដោយសារ​ជំងឺ COVID-19 នៅ​ឥណ្ឌាកើន​ឡើង​ដល់​ជាង​ ៣០​ម៉ឺន​នាក់ ខណៈ​ជំងឺ​រាតត្បាត​នៅ​តែ​បន្ត​

សាលា​រាជ​ធានី​ភ្នំពេញ​ សម្រេច​លុប​ចោល​​បម្រាម​គោចរ​នៅ​«តំបន់​លឿង»​ហើយ​ចាប់​ពី​ថ្ងៃ​ស្អែក​នេះ​ត​ទៅ

ប្រមុខ​ UN ​ស្វាគមន៍​បទ​ឈប់​បាញ់​ក្នុង​ជម្លោះ​តំបន់​ហ្គា​ហ្សា ខណៈ​លោក​ Biden ថាជា​ឱកាស​ដ៏​ពិតប្រាកដ​

ការ​អបអរសាទរ​ផ្ទុះឡើង​ទូទាំង​តំបន់​ហ្គា​ហ្សា ខណៈ​បទ​ឈប់​បាញ់​បាន​ចូល​ជា​ធរមាន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មនុស្ស ១៤នាក់ស្លាប់នៅពេលមានឧបទ្ទវហេតុធ្លាក់ឡានខ្សែកាប្លិ៍លើភ្នំនៅប្រទេសអ៊ីតាលី

ចំនួនអ្នកស្លាប់ដោយសារជំងឺ COVID-19 នៅឥណ្ឌាកើនឡើងដល់ជាង ៣០ម៉ឺននាក់ ខណៈជំងឺរាតត្បាតនៅតែបន្ត

សាលារាជធានីភ្នំពេញ សម្រេចលុបចោលបម្រាមគោចរនៅ«តំបន់លឿង»ហើយចាប់ពីថ្ងៃស្អែកនេះតទៅ

ប្រមុខ UN ស្វាគមន៍បទឈប់បាញ់ក្នុងជម្លោះតំបន់ហ្គាហ្សា ខណៈលោក Biden ថាជាឱកាសដ៏ពិតប្រាកដ

ការអបអរសាទរផ្ទុះឡើងទូទាំងតំបន់ហ្គាហ្សា ខណៈបទឈប់បាញ់បានចូលជាធរមាន