BTV NEWS

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

ការវាយប្រហារតាមអាកាសរបស់អ៊ីស្រាអែលសម្លាប់មនុស្ស ៤២នាក់នៅតំបន់ហ្គាហ្សា ខណៈប្រមុខ UN ជំរុញឲ្យបញ្ឈប់ជម្លោះនេះ

ហ្គាហ្សា៖ ការវាយប្រហារតាមអាកាសរបស់អ៊ីស្រាអែល បានសម្លាប់ពលរដ្ឋប៉ាឡេស្ទីនចំនួន ៤២នាក់នៅក្នុងតំបន់ហ្គាហ្សាកាលពីថ្ងៃអាទិត្យ ជាចំនួនអ្នកស្លាប់ច្រើនបំផុតប្រចាំថ្ងៃក្នុងរយៈពេលជិត ១សប្ដាហ៍នៃការប៉ះទង្គិចដ៏ខ្លាំងក្លា ខណៈដែលជំនួបពិភាក្សារបស់ក្រមប្រឹក្សាសន្តិសុខអង្គការសហប្រជាជាតិបានបរាជ័យ ទោះបីជាសកលលោកបង្ហាញក្ដីបារម្ភពីជម្លោះដែលចេះតែរីកធំក៏ដោយ។ក្រុមអ្នកសារព័ត៌មាន AFP បាននិយាយថា យន្តហោះចម្បាំងរបស់អ៊ីស្រាអែលនៅតែបន្តវាយសន្ធាប់ លើតំបន់ព័ទ្ធជុំវិញប៉ាឡេស្ទីនទាំងយប់អធ្រាត្រថ្ងៃអាទិត្យឈានចូលថ្ងៃចន្ទនេះ ដោយបើកការវាយប្រហារតាមអាកាសរាប់សិបលើក នៅទូទាំងដែនដីមានដង់ស៊ីតេប្រជាជនដ៏ច្រើនក្នុងពេលប៉ុន្មាននាទី និងបណ្ដាលឲ្យដាច់ចរន្តអគ្គិសនី។ ទាហានអ៊ីស្រាអែលបាននិយាយថា នៅព្រឹកព្រលឹមថ្ងៃចន្ទនេះយន្តហោះចម្បាំងរបស់ខ្លួន បានវាយប្រហារយ៉ាងខ្លាំងដាក់គោលដៅលើតំបន់ហ្គាហ្សា។ អគ្គលេខាធិការអង្គការសហប្រជាជាតិ លោក Antonio Guterres បានអំពាវនាវឲ្យបញ្ចប់ភ្លាមៗនូវអំពើហិង្សា និងបានព្រមានពីសន្តិសុខដ៏ធ្ងន់ធ្ងរ និងវិបត្តិមនុស្សធម៌។ ទាហានអ៊ីស្រាអែលនិយាយថា រ៉ូកែតប្រមាណ ៣.០០០គ្រាប់ត្រូវបានបាញ់ផ្លោង ចាប់តាំងពីល្ងាចថ្ងៃចន្ទសប្ដាហ៍មុនចេញពីតំបន់ហ្គាហ្សាចូលទៅទឹកដីអ៊ីស្រាអែល ជាអត្រាខ្ពស់បំផុតដែលមិនធ្លាប់បានកត់ត្រា។ យោងតាមទាហានខាងលើឲ្យដឹងថា រ៉ូកែតប្រហែល ៣៥០គ្រាប់បានធ្លាក់ក្នុងតំបន់ឆ្នេរ ខណៈដែលប្រព័ន្ធស្ទាក់ចាប់មីស៊ីល Iron Dome ចាប់បានជាង ១.០០០គ្រាប់៕អត្ថបទ៖ សុខមាន

ក្រុមប្រឹក្សាសន្តិសុខ UN នឹងជួបប្រជុំគ្នាជាថ្មីទៀតស្ដីពីអំពើហិង្សារវាងអ៊ីស្រាអែល និងប៉ាឡេស្ទីន បន្ទាប់ពីអាមេរិករារាំង

UN៖ ក្រុមអ្នកការទូតបាននិយាយកាលពីថ្ងៃព្រហស្បតិ៍ថា ក្រុមប្រឹក្សាសន្តិសុខអង្គការសហប្រជាជាតិនឹងរៀបចំជំនួបតាម Video នៅថ្ងៃអាទិត្យចុងសប្ដាហ៍នេះ ដើម្បីដោះស្រាយអំពើហិង្សាដែលកំពុងឡើងកម្ដៅរវាងអ៊ីស្រាអែល និងពលរដ្ឋប៉ាឡេស្ទីន។ប្រភពដដែលបាននិយាយថា សហរដ្ឋអាមេរិកដែលបានរារាំងជំនួប ដែលដើមឡើយគ្រោងនឹងប្រព្រឹត្តទៅនៅថ្ងៃសុក្រនេះ និងបានស្នើឲ្យមានជំនួបនៅដើមសប្ដាហ៍ក្រោយ បានព្រមព្រៀងឲ្យមានសម័យប្រជុំដែលស្នើដោយប្រទេសទុយនីស៊ី, ន័រវែស និងចិននៅថ្ងៃអាទិត្យចុងសប្ដាហ៍នេះវិញ។ កាលពីព្រឹកថ្ងៃព្រហស្បតិ៍ សហរដ្ឋអាមេរិកបានលើកឡើងថា ខ្លួនចង់បានការផ្ដល់ពេលវេលាសម្រាប់ផ្នែកការទូត។ រដ្ឋមន្ត្រីក្រសួងការបរទេសអាមេរិក លោក Antony Blinken ដែលត្រូវបានសួរពីការលុបចោលសម័យប្រជុំនៅថ្ងៃសុក្រនេះ បាននិយាយថា សហរដ្ឋអាមេរិកមិនបានរារាំងជំនួបទេ តែចង់ឲ្យលើកទៅធ្វើនៅពេលក្រោយ។ លោក Blinken បានប្រាប់ក្រុមអ្នកយកសារព័ត៌មាននៅក្នុងទីក្រុង Washington ថា យើងមិនចង្អៀតចង្អល់ ហើយក៏គាំទ្រឲ្យបើកកិច្ចពិភាក្សាដោយចំហ នៅឯអង្គការសហប្រជាជាតិដែរ។ប៉ុន្តែរដ្ឋបាលរបស់លោកប្រធានាធិបតី Joe Biden ក៏បានបង្ហាញក្ដីបារម្ភផងដែរជុំវិញការស្លាប់ និងរបួសជនស៊ីវិល ហើយកាលពីពេលថ្មីៗនេះបានជំរុញឲ្យអ៊ីស្រាអែល បញ្ឈប់ការបណ្ដេញពលរដ្ឋប៉ាឡេស្ទីននៅក្នុងទីក្រុង Jerusalem ជាមូលហេតុជំរុញឲ្យមានជម្លោះផ្ទុះឡើងភ្លាមៗ។ យោធាអ៊ីស្រាអែលបាននិយាយនៅក្នុងសេចក្ដីថ្លែងការណ៍មួយ នៅព្រឹកថ្ងៃសុក្រនេះថា ការវាយប្រហារពីលើអាកាស និងលើដីគោកកំពុងសម្រុកខ្លាំង លើតំបន់ព័ទ្ធជុំវិញដែលគ្រប់គ្រងដោយក្រុមហាម៉ាស់។ ជាការឆ្លើយតប គ្រាប់រ៉ូកែតជាច្រើនក៏ត្រូវបានបាញ់ចេញពីតំបន់ហ្គាហ្សាផងដែរ៕អត្ថបទ៖ សុខមាន

ក្រុមហាម៉ាស់បន្តបាញ់រ៉ូកែតសន្ធាប់ពីតំបន់ហ្គាហ្សាលើអ៊ីស្រាអែល ខណៈអ្នកស្លាប់កើនឡើងជាង ១០០នាក់

អ៊ីស្រាអែល៖ ក្រុមហាម៉ាស់បានបាញ់រ៉ូកែតធុនធ្ងន់ជាច្រើនគ្រាប់ ចូលជ្រៅទៅក្នុងប្រទេសអ៊ីស្រាអែលកាលពីថ្ងៃព្រហស្បតិ៍ ខណៈដែលអ៊ីស្រាអែលបានវាយកម្ទេចតំបន់ហ្គាហ្សា ដោយការវាយប្រហារតាមអាកាសកាន់តែច្រើន និងបានកោះហៅទាហានបម្រុងចំនួន ៩០០០នាក់បន្ថែមទៀត។ក្រុមហាម៉ាស់បាននិយាយថា ខ្លួនបានបាញ់រ៉ូកែតដ៏មានឥទ្ធិពលបំផុតឈ្មោះ Ayyash ចូលទៅមូលដ្ឋានទ័ពអាកាស Ramon ចម្ងាយ ១៨០គីឡូម៉ែត្រពីតំបន់ហ្គាហ្សា ជាទីដែលជើងហោះហើរមួយចំនួនត្រូវបានបង្វែរទិសដៅ ចេញពីអាកាសយានដ្ឋានអន្តរជាតិ Ben Gurion។ មនុស្សជាង ១០៣នាក់បានស្លាប់នៅតំបន់ហ្គាហ្សា និង ៧នាក់បានស្លាប់នៅអ៊ីស្រាអែល។ ចំនួនអ្នកស្លាប់កើនឡើងរួមទាំងកុមារ ២៧នាក់ និងស្ត្រី ១១នាក់ ខណៈដែលមនុស្ស ៥៨០នាក់ត្រូវបានរបួសដោយការវាយប្រហារតាមអាកាស និងការបាញ់ផ្លោងគ្រាប់កាំភ្លើងត្បាល់របស់អ៊ីស្រាអែល ទៅលើតំបន់ព័ទ្ធជុំវិញឆ្នេរសមុទ្រប៉ាឡេស្ទីនចាប់តាំងពីថ្ងៃចន្ទ។ ភាពតានតឹងដែលចេះតែកើនឡើងឥតឈប់ឈរបានកើតឡើង ស្របពេលដែលក្រុមអ្នកចរចាអេហ្ស៊ីបបានជួបពិភាក្សាដោយផ្ទាល់ជាមួយភាគីទាំងពីរ ដោយបានបង្កើនកិច្ចប្រឹងប្រែងក្នុងការសម្របសម្រួល។ទោះបីជាមានការអំពាវនាវពីក្រុមអ្នកសម្របសម្រួលក៏ដោយ ក៏ពួកសកម្មប្រយុទ្ធនៅតំបន់ហ្គាហ្សាបានបាញ់រ៉ូកែតប្រមាណ ១០០គ្រាប់ស្ទើរតែដំណាលគ្នា ដែលបង្កើនការវាយឆ្មក់តាមអាកាសនៅជុំវិញភាគខាងត្បូង និងកណ្ដាលអ៊ីស្រាអែល។ មិនមានសេចក្ដីរាយការណ៍អំពីការខូចខាត ឬគ្រោះថ្នាក់ភ្លាមៗទេ ប៉ុន្តែការវាយឆ្មក់តាមអាកាសបានកើតឡើង ក្នុងគោលបំណងបង្ហាញថា ឃ្លាំងអាវុធរបស់ក្រុមហាម៉ាសនៅតែពេញ សូម្បីតែបន្ទាប់ពីការវាយប្រហារតាមអាកាស ៣យប់ និងការស្លាប់មេដឹកនាំហាម៉ាស់ជាច្រើននាក់ ដែលពាក់ព័ន្ធនឹងកម្មវិធីរ៉ូកែតនេះក៏ដោយ៕អត្ថបទ៖ សុខមាន

ឥណ្ឌារាយការណ៍ករណីស្លាប់ជាង ៤ពាន់នាក់រយៈពេល ២ថ្ងៃជាប់គ្នា

ឥណ្ឌា៖ ប្រទេសឥណ្ឌាបានកត់ត្រាចំនួនអ្នកស្លាប់ជាង ៤ពាន់នាក់រយៈពេល ២ថ្ងៃជាប់គ្នាកាលពីថ្ងៃព្រហស្បតិ៍ ខណៈការឆ្លងនៅតែនៅត្រឹងក្នុងរង្វង់ក្រោម ៤សែននាក់រយៈពេល ៤ថ្ងៃជាប់គ្នា ទោះបីជាវីរុសនេះកាន់តែឆ្លងរាលដាលខ្លាំងដល់តំបន់ជនបទនានា ជាទីដែលករណីឆ្លងពុំបានរាយការណ៍ដោយសារតែកង្វះការធ្វើតេស្ត។ក្រុមអ្នកជំនាញនៅតែមិនទាន់ប្រាកដថា នៅពេលណាចំនួនទាំងនោះនឹងស្ថិតនៅចំណុចកំពូល ហើយក្ដីបារម្ភចេះតែកើនឡើងអំពីការឆ្លងវីរុសបម្លែងខ្លួនថ្មី ដែលកំពុងឆ្លងរាតត្បាតខ្លាំងនៅឥណ្ឌា និងទូទាំងពិភពលោក។ យោងតាមទិន្នន័យក្រសួងសុខាភិបាលឥណ្ឌា មានករណីឆ្លងថ្មីនៃជំងឺ COVID-19 ចំនួន ៣៦២,៧២៧នាក់ក្នុងរយៈពេល ២៤ម៉ោង ខណៈអ្នកស្លាប់បានឡើងដល់ ៤,១២០នាក់។ គិតត្រឹមព្រឹកថ្ងៃសុក្រនេះ ប្រទេសឥណ្ឌាមានករណីឆ្លងចំនួន ២៤,០៤៦,១២០នាក់ និងស្លាប់ចំនួន ២៦២,៣៥០នាក់៕អត្ថបទ៖ សុខមាន

ប្រមុខ UN និងក្រុមសមាជិកអំពាវនាវឲ្យបញ្ឈប់ភាពតានតឹងក្នុងជម្លោះនៅមជ្ឈិមបូព៌ា

UN៖ អគ្គលេខាធិការអង្គការសហប្រជាជាតិ លោក Antonio Guterres កាលពីថ្ងៃពុធបានអំពាវនាវឲ្យបញ្ឈប់ភាពតានតឹងរវាងអ៊ីស្រាអែល និងប៉ាឡេស្ទីន និងសម្រាប់ការចាប់ផ្ដើមឡើងវិញនូវដំណើរការសន្តិភាពតំបន់មជ្ឈិមបូព៌ា។សមាជិកក្រុមប្រឹក្សាសន្តិសុខអង្គការប្រជាកាលពីថ្ងៃពុធនោះដែរ បានជំរុញដល់ភាគីពាក់ព័ន្ធទាំអស់នៅក្នុងជម្លោះអ៊ីស្រាអែល និងប៉ាឡេស្ទីនដើម្បីបញ្ឈប់ភាពតានតឹង និងមានទំនួលខុសត្រូវ។ ក្រុមមេដឹកនាំទាំងនោះក៏បានអំពាវនាវជាថ្មីទៀតផងដែរ ឲ្យបញ្ឈប់អំពើហិង្សាដែលចេះតែរីកធំ និងជឿជាក់ថា ទាំងពលរដ្ឋអ៊ីស្រាអែល ទាំងពលរដ្ឋប៉ាឡេស្ទីនសុទ្ធតែមានសិទ្ធិរស់នៅប្រកបដោយសុវត្ថិភាព និងសន្តិសុខ។ លោកបានថ្លែងបែបនេះនៅក្នុងទីក្រុងម៉ូស្គូ អំឡុងសន្និសីទសារព័ត៌មានជាមួយរដ្ឋមន្ត្រីការបរទេសរុស្ស៊ី លោក Sergey Lavrov។ លោក Guterres បាននិយាយថា រឿងសំខាន់ដំបូងបង្អស់គឺត្រូវតែបញ្ឈប់ការបង្ហូរឈាម ដោយបន្ថែមថា ដំណោះស្រាយរដ្ឋ២ គឺជាវិធីតែមួយគត់សម្រាប់ពលរដ្ឋអ៊ីស្រាអែល និងប៉ាឡេស្ទីន។លោក Lavrov បាននិយាយថា ពួកលោកបានព្រមព្រៀងគ្នាលើភាពចាំបាច់ ក្នុងការកោះប្រជុំក្រុមអ្នកសម្របសម្រួលអន្តរជាតិក្វាថេតរវាងរុស្ស៊ី សហរដ្ឋអាមេរិក អង្គការសហប្រជាជាតិ និងសហភាពអឺរ៉ុប ដើម្បីជួយបញ្ចប់ការប៉ះទង្គិចគ្នាទាំងឡាយ។ ជំនួបនេះមានឡើង ខណៈការប៉ះទង្គិចគ្នារវាងអ៊ីស្រាអែល និងក្រុមសកម្មប្រយុទ្ធអ៊ីស្លាមប៉ាឡេស្ទីន នៅតែបន្តកាន់តែខ្លាំងក្លា។ បណ្ដាមេដឹកនាំក្រុមហាម៉ាស់នៅតំបន់ហ្គាហ្សា បានបាញ់រ៉ូកែតរាប់រយគ្រាប់ស្រោចទៅលើអ៊ីស្រាអែលនៅទូទាំងទីក្រុង Tel Aviv ដែលជាដែនដីធំបំផុតរបស់អ៊ីស្រាអែល ព្រមទាំងទីក្រុងមួយចំនួនទៀតផងដែរ៕អត្ថបទ៖ សុខមាន

សម្ដេចប្រមុខរាជរដ្ឋាភិបាលចូលរួមសាទរ ចំពោះពិធីស្រាយបួសរបស់សាសនិកអ៊ិស្លាម

ភ្នំពេញ ៖ តាមរយៈហ្វេសប៊ុកនៅយប់ថ្ងៃទី១២ឧសភានេះក្នុងនាមរាជរដ្ឋាភិបាលនៃព្រះរាជាណាចក្រកម្ពុជា សម្តេចតេជោ និងសម្តេចកិត្តិព្រឹទ្ធបណ្ឌិតជាភរិយា បានបង្ហាញការចូលរួមអបអរសាទរ និង សូមជូនពរជ័យ សិរីសួស្ដី សុភមង្គល បវរមហាប្រសើរ ជូនដល់បងប្អូនសាសនិកខ្មែរឥស្លាមកម្ពុជា ក្នុង និងក្រៅប្រទេស រួមទាំងបងប្អូនសាសនិកឥស្លាមនៅទូទាំងសាកលលោកផងដែរ ដែលបានបញ្ចប់នូវពិធីអំណត់បួសខែរ៉ាម៉ាឌនប្រកបដោយជោគជ័យ ហេីយនឹងរីករាយស្វាគមន៍ថ្ងៃបុណ្យរ៉យ៉ាហ្វ៊ីទ្រី នៅថ្ងៃព្រហស្បតិ៍ ទី១ ខែស្ហាវ៉ាល់ ឆ្នាំ១៤៤២ មូហាំម៉ាត់សករាជ ត្រូវនឹងថ្ងៃ ២ កេីត ខែជេស្ឋ ឆ្នាំឆ្លូវ ត្រីស័ក ព.ស.២៥៦៥ ដែលត្រូវនឹងថ្ងៃទី ១៣ ខែ ឧសភា ឆ្នាំ២០២១។សម្តេចបានផ្ញើនូវក្តីនឹករលឹក និង អរគុណយ៉ាងជ្រាលជ្រៅបំផុតចំពោះបងប្អូនខ្មែរឥស្លាមកម្ពុជា ដែលបានចូលរួមថែរក្សាសុខសន្តិភាព រួមគ្នាជាមួយនឹងប្រជាជនកម្ពុជា ដែលប្រកាន់យកសាសនាផ្សេងៗ ហើយមានជំនឿជឿជាក់លើការដឹកនាំរបស់សម្តេច និងគណបក្សប្រជាជនកម្ពុជា តាំងពីដើមតរៀងមក ជាពិសេសបានចូលរួមចំណែកជាមួយរាជរដ្ឋាភិបាល ក្នុងការទប់ស្កាត់ការឆ្លងរីករាលដាលជំងឺរាតត្បាតកូវីដ-១៩ ដោយគោរពអនុវត្តបានយ៉ាងខ្ជាប់ខ្ជួនទៅតាមច្បាប់ សេចក្តីសម្រេច សារាចរណែនាំ និងវិធានការនានារបស់រាជរដ្ឋាភិបាល ។ នៅក្នុងពេលវេលាដែលប្រទេស យើងកំពុងតែប្រយុទ្ធ ប្រឆាំងជម្ងឺឆ្លង កូវិដ-១៩ ដ៍កាចសាហាវនេះសម្តេចក៏សូមអំពាវនាវ ឱ្យបងប្អូនបង្កេីនការប្រុងប្រយ័ត្ន ទ្វេដង និងអនុវត្តតាមឱ្យបានខ្ជាប់ខ្ជួននូវរាល់វិធានការនានារបស់រាជរដ្ឋាភិបាល ក្នុងការការពារពីជំងឺកូវីដ-១៩នេះ ទោះបីក្នុងកាលៈទេសៈណាក៏ដោយ ជាពិសេសព្រឹត្តិការណ៍សហគមន៍ ២០ កុម្ភៈ ដែលបានឆក់យកជីវិតមនុស្សចំនួន ១៣៦ នាក់រួចមកហេីយ នៅប្រទេសកម្ពុជា យើងគិតត្រឹមថ្ងៃទី ១២ ខែឧសភា ឆ្នាំ២០២១ គឺយើងមិនត្រូវមានការធ្វេសប្រហែស និងមើលស្រាលចំពោះជំងឺឆ្លងដ៏កាចសាហាវនេះ នោះឡើយ ដោយត្រូវអនុវត្តវិធានការ សុខាភិបាល ៣ការពារ ៣កុំ ជាប់ជានិច្ច ។ សូមបងប្អូនអញ្ជើញទៅចូលរួមយុទ្ធនាក្នងការចាក់វ៉ាក់សាំងប្រឆាំងកូវីដ-១៩ ដើម្បីបងប្អូន គ្រួសារបងប្អូន និង ជាតិរបស់យើង សម្តេចបន្តថាសម្តេច និង ភរិយា សូមបួងសួងអោយបងប្អូនទាំងអស់ ទទួលបាន នូវសេចក្កីសុខ ស្លាម៉ាត់ ករុណារ៉ស់ម៉ាត់ ចំរើនព្ហារ៉កាត់ សុភមង្គល ក្ដីមេត្តាករុណា និងអាណិត ស្រឡាញ់ ពីអល់ឡោះគ្រប់ៗគ្នា និង សុំអោយអល់ឡោះ ទទួលយកនូវកុសលផល បុណ្យទាំងឡាយនៃខែបួសរ៉ម៉ាឌនដែលបងប្អូនបានប្រតិបត្តិកុំបីខានឡើយ ៕អត្ថបទ ៖ ឌីន

ក្រុមប្រឹក្សាសន្តិសុខអង្គការសហប្រជាជាតិនឹងជួបប្រជុំគ្នានៅថ្ងៃពុធនេះស្ដីពីវិបត្តិមជ្ឈិមបូព៌ា

UN៖ ប្រភពនានាពីអ្នកការទូតបាននិយាយកាលពីថ្ងៃអង្គារថា ក្រុមប្រឹក្សាសន្តិសុខអង្គការសហប្រជាជាតិនឹងរៀបចំជំនួបបន្ទាន់មួយនៅថ្ងៃពុធនេះ ជុំវិញភាពរំជើបរំជួលដ៏ខ្លាំងក្លាកំពុងផ្ទុះឡើងរវាងអ៊ីស្រាអែល និងប៉ាឡេស្ទីន ដែលជាសម័យប្រជុំលើកទី២ របស់ខ្លួនក្នុងរយៈពេល ៣ថ្ងៃ។កិច្ចប្រជុំបិទទ្វារនេះធ្វើឡើងតបតាមសំណើ របស់ប្រទេសទុយនីស៊ី ន័រវែស និងចិន។ ជំនួបលើកដំបូងដែលធ្វើឡើងកាលពីថ្ងៃច័ន្ទ បានបញ្ចប់ទៅដោយពុំមានសេចក្ដីថ្លែងការណ៍រួម ដោយសហរដ្ឋអាមេរិកបានបង្ហាញជំហរស្ទាក់ស្ទើរ ក្នុងការទទួលយកសេចក្ដីថ្លែងការណ៍ព្រៀង ដែលបានជំទាស់ដោយប្រទេសន័រវែសនៅត្រង់ចំណុចនេះ។ អត្ថបទដែលសារព័ត៌មាន AFP ទទួលបាន នឹងអំពាវនាវឲ្យអ៊ីស្រាអែលបញ្ឈប់សកម្មភាព សាងសង់តំបន់លំនៅឋាន ការវាយកម្ទេចសំណង់ និងការបណ្ដេញពលរដ្ឋប៉ាឡេស្ទីន រួមទាំងនៅក្នុងទីក្រុង Jerusalem ខាងកើតផងដែរ។នៅក្នុងសេចក្ដីថ្លែងការណ៍របស់ក្រុមសមាជិក ក្រុមប្រឹក្សាសន្តិសុខអង្គការសហប្រជាជាតិ ក៏បានបង្ហាញក្ដីបារម្ភយ៉ាងខ្លាំងផងដែរ ចំពោះភាពតានតឹង និងអំពើហិង្សាចេះតែរីកធំនៅក្នុងតំបន់គ្រប់គ្រងដោយអ៊ីស្រាអែល West Bank និងទីក្រុង Jerusalem ខាងកើត ដែលអ៊ីស្រាអែលបានបញ្ចូលជាឧបសម្ព័ន្ធ និងចាត់ទុកជាផ្នែកនៃរដ្ឋធានីរបស់ខ្លួន៕អត្ថបទ៖ សុខមាន

ការអាក់ខានផ្គត់ផ្គង់អុកស៊ីសែនបណ្ដាលឲ្យអ្នកជំងឺ COVID-19 ចំនួន ១១នាក់ស្លាប់នៅប្រទេសឥណ្ឌា

ឥណ្ឌា៖ អ្នកជំងឺ COVID-19 ចំនួន ១១នាក់បានស្លាប់កាលពីថ្ងៃចន្ទ បន្ទាប់ពីការផ្គត់ផ្គង់អុកស៊ីសែនត្រូវបានកាត់ផ្ដាច់ ប៉ុន្តែជាឧទាហរណ៍មួយនៃការកើនឡើង ករណីឆ្លងវីរុសកូរ៉ូណានៅក្នុងប្រទេសឥណ្ឌា។ប្រទេសឥណ្ឌាបានមើលឃើញ ការផ្ទុះករណីឆ្លងខ្ពស់នៃវីរុសកូរ៉ូណា។ កាលពីថ្ងៃអង្គាររដ្ឋាភិបាលបានប្រកាសករណីឆ្លងថ្មីជិត ៣៣០,០០០នាក់ និងស្លាប់ចំនួន ៣,៨៧៦នាក់។ សារព័ត៌មានក្នុងស្រុកបានរាយការណ៍ថា ការផ្គត់ផ្គង់អុកស៊ីសែនបានធ្លាក់ចុះក្រោមកម្រិតផ្គត់ផ្គង់ទូទៅ នៅមន្ទីរពេទ្យមួយក្នុងភាគខាងត្បូងរដ្ឋ Andhra Pradesh ដែលបណ្ដាលឲ្យមនុស្ស ១១នាក់ស្លាប់។ ក្រុមមន្ត្រីមន្ទីរពេទ្យត្រូវគេរាយការណ៍បានពន្យល់ថា សម្ពាធអុកស៊ីសែនបានធ្លាក់ចុះរយៈពេល២ ឬ ៣នាទី ខណៈដែលធុងអុកស៊ីសែនត្រូវបានដាក់ជំនួស។កង្វះអុកស៊ីសែន និងភាពច្របូកច្របល់អំពីទីកន្លែងដែលអ្នកជំងឺអាចស្លាប់ មុនពេលត្រូវបានទទួលបានការព្យាបាលត្រឹមត្រូវ។ មន្ទីរពេទ្យចល័ត BKC jumbo ដ៏ធំមួយក្នុងចំណោមមជ្ឈមណ្ឌលព្យាបាលអ្នកជំងឺ COVID-19 ធំបំផុតនៅក្នុងទីក្រុង Mumbai មើលទៅហាក់ដូចជា បន្ទប់សង្គ្រាម ដោយមានក្រុមអ្នកជំនាញនៅបន្តតាមដាន យ៉ាងយកចិត្តទុកដាក់លើអាការៈអ្នកជំងឺ ដែលកំពុងតតាំងទៅនឹងស្ថានភាពយ៉ាប់យ៉ឺន និងស្ទើតែជាសត្រូវដ៏កាចសាហាវ៕អត្ថបទ៖ សុខមាន

ក្រុមហាម៉ាស់វាយប្រហារដោយគ្រាប់រ៉ូកែតដាក់គោលដៅលើទីក្រុង Tel Aviv បន្ទាប់ពីអ៊ីស្រាអែលវាយឆ្មក់កម្ទេចប៉មតំបន់ហ្គាហ្សា

អ៊ីស្រាអែល៖ ក្រុមសកម្មប្រយុទ្ធប៉ាឡេស្ទីនហាម៉ាស់ បានបាញ់រ៉ូកែតជាច្រើនគ្រាប់ទៅលើមជ្ឈមណ្ឌលសេដ្ឋកិច្ច Tel Aviv របស់អ៊ីស្រាអែលកាលពីថ្ងៃអង្គារ ជាការសងសឹកចំពោះការវាយប្រហារតាមអាកាសរបស់អ៊ីស្រាអែល ដែលបានបំផ្លាញប៉មអគារមួយនៅតំបន់ហ្គាហ្សា ខណៈដែលពួកសត្រូវបានវាយប្រហារដោយកាំភ្លើងដ៏ខ្លាំងក្លាបំផុត រយៈពេលជាច្រើនឆ្នាំមកនេះ។ លំនៅឋាន និងយានយន្តជាច្រើនគ្រឿងត្រូវបានបំផ្លាញនៅទីប្រជុំជន Rishon Letzion របស់អ៊ីស្រាអែលកាលពីយប់ថ្ងៃអង្គារ បន្ទាប់ពីតំបន់នេះបានរងការវាយប្រហារពីគ្រាប់រ៉ូកែត ដែលបាញ់ចេញពីតំបន់ហ្គាហ្សា។ ភាពតានតឹងកើនឡើងភ្លាមៗ ដែលបង្កឡើងដោយអំពើហិង្សានៅទីក្រុង Jerusalem បានសម្លាប់ប្រជាជនប៉ាឡេស្ទីនយ៉ាងហោចណាស់ ៣៥នាក់នៅតំបន់ហ្គាហ្សាដែលត្រូវបានបិទ និងជនជាតិអ៊ីស្រាអែល ៣នាក់ និងរាប់រយនាក់ទៀតរងរបួស។ រដ្ឋមន្ត្រីក្រសួងការពារជាតិ លោក Benny Gantz បានព្រមានថា នេះគ្រាន់តែជាការចាប់ផ្ដើម នៃការវាយប្រហារតាមអាកាសរបស់អ៊ីស្រាអែលប៉ុណ្ណោះ។ មេដឹកនាំក្រុមហាម៉ាស់ លោក Ismail Haniyeh បានប្ដេជ្ញាថា "ប្រសិនបើអ៊ីស្រាអែលចង់បង្កើនភាពតានតឹង យើងនឹងត្រៀមខ្លួនទប់ទល់។ប្រេសិតអង្គការសហប្រជាជាតិសម្រាប់សន្តិភាពមជ្ឈិមបូព៌ា លោក Tor Wennesland បានព្រមានថា អ៊ីស្រាអែល និងក្រុមប្រដាប់អាវុធប៉ាឡេស្ទីនហាម៉ាស់ កំពុងឆ្ពោះទៅរកសង្គ្រាមទ្រង់ទ្រាយធំ។ ក្នុងតំបន់ដែលមានមនុស្សរស់នៅច្រើន ហ៊ុមព័ទ្ធដោយអ៊ីស្រាអែលនៅតំបន់ហ្គាហ្សា កុមារចំនួន ១០នាក់ និងស្ត្រីម្នាក់ក្នុងចំណោមមនុស្សជាច្រើន ដែលត្រូវបានសម្លាប់ចាប់តាំងពីយប់ថ្ងៃចន្ទ។ មនុស្សចំនួន ២០៣នាក់ផ្សេងទៀតត្រូវបានគេរាយការណ៍ថា បានរងរបួសពីការវាយប្រហារតាមអាកាសដែលនៅតែបន្តរបស់អ៊ីស្រាអែល ដែលមនុស្សជាច្រើនកំពុងត្រូវបានជួយសង្គ្រោះចេញពីគំនរបែកបាក់នៃអគារ៕អត្ថបទ៖ សុខមាន

ក្រុមប្រឹក្សាសន្តិសុខ UN រៀបចំជំនួបបន្ទាន់ស្ដីពីវិបត្តិទីក្រុង Jerusalem ប៉ុន្តែគ្មានសេចក្ដីថ្លែងការណ៍ភ្លាមៗ

UN៖ ក្រុមប្រឹក្សាសន្តិសុខអង្គការសហប្រជាជាតិ បានរៀបចំកិច្ចប្រជុំបន្ទាន់មួយកាលពីថ្ងៃចន្ទ ស្ដីពីភាពរំជើបរំជួលនៅក្នុងទីក្រុង Jerusalem ប៉ុន្តែពុំបានចេញសេចក្ដីថ្លែងការណ៍ភ្លាមៗ ដោយក្នុងនោះក្រុមអ្នកការទូតនិយាយថា សហរដ្ឋអាមេរិកបានជឿថា ការអត្ថាធិប្បាយសាធារណៈនានានឹងគ្មានប្រយោជន៍។ក្រុមអ្នកការទូតនិយាយថា ការចរចាផ្សេងបានបន្តក្នុងប្រទេសចំនួន ១៥ នៅក្រុមប្រឹក្សាសន្តិសុខអង្គការសហប្រជាជាតិ ស្ដីពីអត្ថបទមួយដែលអាចត្រូវបានរារាំងពីពង្រាងបឋម ដែលត្រូវបានស្នើដោយប្រទេសន័រវែស។ ជំនួបក្រុមប្រឹក្សាសន្តិសុខនេះមានឡើង បន្ទាប់ពីទីប្រឹក្សាសន្តិសុខជាតិអាមេរិក លោក Jake Sullivan បានសន្ទនាតាមទូរស័ព្ទជាមួយសមភាគីអ៊ីស្រាអែល និងបានបង្ហាញក្ដីបារម្ភយ៉ាងខ្លាំងអំពីសកម្មភាពហិង្សាដ៏ខ្លាំងក្លា របស់អ៊ីស្រាអែលលើពលរដ្ឋប៉ាឡេស្ទីននៅទីក្រុងពិសិដ្ឋ ដែលជំរុញឲ្យភាពតានតឹងឡើងកម្ដៅកាន់តែខ្លាំង៕ អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

មេដឹកនាំអ៊ុយក្រែន៖ ណាតូ គួរតែអនុញ្ញាតឱ្យទីក្រុងគីវ ចូលរួមដើម្បីធ្វើឱ្យក្រុមប្រទេសទាំងអស់កាន់តែរឹងមាំ

ស្វ៊ីស ឈ្នះកូឡុំប៊ីដោយបាល់ ១១ម៉ែត្រកាត់សេចក្តីឡើងវគ្គ ៨ ក្រុមចុងក្រោយ World Cup លើកដំបូងក្នុងរយៈពេល ៧២ ឆ្នាំ

លោកTrump៖ អាមេរិកនឹងដកទណ្ឌកម្មលើប្រទេសទួរគី ហើយអាចលក់យន្តហោះចម្បាំង F-35

អាហ្សង់ទីន វាយបកយកឈ្នះអេហ្ស៊ីបមិនគួរឱ្យជឿឡើងវគ្គ៨ ក្រុមចុងក្រោយ World Cup 2026

វិមានក្រឹមឡាំងនិយាយថា រុស្ស៊ីកំពុងតាមដានកិច្ចប្រជុំកំពូលណាតូយ៉ាងដិតដល់

តម្លៃប្រេងរបស់សហរដ្ឋអាមេរិក បានកើនឡើងបន្ទាប់ពីយោធាប្រទេសនេះបើកការវាយប្រហារលើប្រទេសអ៊ីរ៉ង់

ណាតូ បង្ហាញកិច្ចព្រមព្រៀងអាវុធតម្លៃរាប់សិបពាន់លានដុល្លារ ខណៈលោក Trump មានអារម្មណ៍ខកចិត្ត

សម្តេចតេជោ ហ៊ុន សែន បន្តជួបសំណេះសំណាលជាមួយក្រុមប្រឹក្សា និងមន្ត្រីនៃមន្ទីរអង្គភាពនានាជុំវិញខេត្តរតនគិរី

អាមេរិកបើកការវាយប្រហារលើអ៊ីរ៉ង់ បន្ទាប់ពីនាវាដឹកប្រេងត្រូវបានវាយប្រហារនៅច្រកសមុទ្រ Hormuz

ក្រុមជួយសង្រ្គោះ ជម្លៀសភ្ញៀវទេសចរបរទេស អ្នកស្រុក ក្រោយទឹកជំនន់វាយប្រហារទីក្រុង Lonavala របស់ឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ក្រុមហាម៉ាស់បន្តបាញ់រ៉ូកែតសន្ធាប់ពីតំបន់ហ្គាហ្សាលើអ៊ីស្រាអែល ខណៈអ្នកស្លាប់កើនឡើងជាង ១០០នាក់

ឥណ្ឌារាយការណ៍ករណីស្លាប់ជាង ៤ពាន់នាក់រយៈពេល ២ថ្ងៃជាប់គ្នា

ប្រមុខ UN និងក្រុមសមាជិកអំពាវនាវឲ្យបញ្ឈប់ភាពតានតឹងក្នុងជម្លោះនៅមជ្ឈិមបូព៌ា

សម្ដេចប្រមុខរាជរដ្ឋាភិបាលចូលរួមសាទរ ចំពោះពិធីស្រាយបួសរបស់សាសនិកអ៊ិស្លាម

ក្រុមប្រឹក្សាសន្តិសុខអង្គការសហប្រជាជាតិនឹងជួបប្រជុំគ្នានៅថ្ងៃពុធនេះស្ដីពីវិបត្តិមជ្ឈិមបូព៌ា

ការអាក់ខានផ្គត់ផ្គង់អុកស៊ីសែនបណ្ដាលឲ្យអ្នកជំងឺ COVID-19 ចំនួន ១១នាក់ស្លាប់នៅប្រទេសឥណ្ឌា

ក្រុមប្រឹក្សាសន្តិសុខ UN រៀបចំជំនួបបន្ទាន់ស្ដីពីវិបត្តិទីក្រុង Jerusalem ប៉ុន្តែគ្មានសេចក្ដីថ្លែងការណ៍ភ្លាមៗ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ឥណ្ឌា​រាយការណ៍​ករណី​ស្លាប់​ជាង ​៤​ពាន់​នាក់​រយៈពេល ​២​ថ្ងៃ​ជាប់​គ្នា

ប្រមុខ ​UN និង​ក្រុម​សមាជិក​អំពាវនាវ​ឲ្យ​បញ្ឈប់​ភាព​តានតឹង​ក្នុង​ជម្លោះ​នៅ​មជ្ឈិមបូព៌ា

សម្ដេចប្រមុខរាជរដ្ឋាភិបាលចូលរួមសាទរ ចំពោះពិធីស្រាយបួសរបស់សាសនិកអ៊ិស្លាម

ការ​អាក់​ខាន​ផ្គត់ផ្គង់​អុកស៊ីសែន​បណ្ដាល​ឲ្យ​អ្នកជំងឺ COVID-19 ចំនួន ១១​នាក់​ស្លាប់​នៅ​ប្រទេស​ឥណ្ឌា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ឥណ្ឌារាយការណ៍ករណីស្លាប់ជាង ៤ពាន់នាក់រយៈពេល ២ថ្ងៃជាប់គ្នា

ប្រមុខ UN និងក្រុមសមាជិកអំពាវនាវឲ្យបញ្ឈប់ភាពតានតឹងក្នុងជម្លោះនៅមជ្ឈិមបូព៌ា

ការអាក់ខានផ្គត់ផ្គង់អុកស៊ីសែនបណ្ដាលឲ្យអ្នកជំងឺ COVID-19 ចំនួន ១១នាក់ស្លាប់នៅប្រទេសឥណ្ឌា