BTV NEWS

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

សម្ដេចតេជោ ហ៊ុន សែន ដាក់បញ្ជាឱ្យសាលារាជធានីភ្នំពេញ និងសមត្ថកិច្ចអនុវត្តវិធានការបិទខ្ទប់ឱ្យបានហ្មត់ចត់

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានដាក់បញ្ជាផ្ទាល់មាត់ដាច់ខាតទៅសាលារាជធានីភ្នំពេញ និងកម្លាំងមានសមត្ថកិច្ចគ្រប់លំដាប់ថ្នាក់ ឱ្យអនុវត្តឱ្យខានតែបាននូវវិធានការបិទខ្ទប់រាជធានីភ្នំពេញ និងក្រុងតាខ្មៅ។សម្ដេចតេជោនាយករដ្ឋមន្ត្រីកម្ពុជា បានចេញបញ្ជាផ្ទាល់មាត់បែបនេះតាមរយៈសារជាសំឡេង ត្រូវបានបញ្ជូនចេញតាមតេឡេក្រាមទៅកាន់ជនរួមជាតិនៅល្ងាចថ្ងៃនេះ។ សម្ដេចតេជោ ហ៊ុន សែន មានប្រសាសន៍ថា៖ «សូមសាលារាជធានីភ្នំពេញក៏ដូចជាកម្លាំងប្រដាប់អាវុធគ្រប់ប្រភេទ ពិនិត្យបញ្ហានេះឱ្យបានហ្មត់ចត់ ដើម្បីជៀសវាងការចម្លងចេញ-ចូលពីខេត្តមកទីក្រុង ហើយពីទីក្រុងទៅកាន់ខេត្ត»។ ប្រមុខរាជរដ្ឋាភិបាលបានបញ្ជាក់បន្ថែមថា៖ «ឥឡូវ បញ្ជាដាច់ណាត់ដាច់ខាតមិនឱ្យមានមនុស្សចេញពីទីក្រុងភ្នំពេញ ហើយក៏មិនអនុញ្ញាតឱ្យមនុស្សដែលទៅស្រុក ហើយត្រឡប់មកវិញដើម្បីចូលទីក្រុងភ្នំពេញទេ»។ សម្ដេចតេជោ ហ៊ុន សែន បានសង្កត់ធ្ងន់ថា វិធានការបិទខ្ទប់រាជធានីភ្នំពេញ និងក្រុងតាខ្មៅរយៈពេល ១៤ថ្ងៃនេះ គឺដើម្បីកាត់ផ្ដាច់ការចម្លងមេរោគកូវីដ១៩ ពីផ្ទះមួយទៅផ្ទះមួយ និងកាត់ផ្ដាច់ការចម្លងពីរាជធានីភ្នំពេញទៅខេត្ត និងការចម្លងពីខេត្តចូលមករាជធានីភ្នំពេញ។សម្ដេចតេជោ ហ៊ុន សែន បញ្ជាក់ថា វិធានការបិទខ្ទប់អាចនឹងអូសបន្លាយពេលថែមទៀត ហើយខេត្តមួយចំនួនក៏អាចដាក់ឱ្យស្ថិតក្រោមវិធានការបិទខ្ទប់ផងដែរ ប្រសិនបើរាជធានីភ្នំពេញ និងក្រុងតាខ្មៅរយៈពេល ១៤ថ្ងៃនៅតែពុំអាចទប់ស្កាត់ការឆ្លងរីករាលដាលកាន់តែខ្លាំងនៃមេរោគកូវីដ១៩នោះ។ កាលពីរាត្រីថ្ងៃទី១៤ ខែមេសា ប្រមុខរាជរដ្ឋាភិបាលបានសម្រេចឱបិទខ្ទប់ភូមិសាស្ត្ររាជធានីភ្នំពេញទាំងមូល និងក្រុងតាខ្មៅរបស់ខេត្តកណ្ដាលផងដែររយៈពេល ១៤ថ្ងៃចាប់ពីថ្ងៃទី១៥ រហូតដល់ថ្ងៃទី២៨ ខែមេសានេះ ដើម្បីទប់ស្កាត់ការឆ្លងរីករាលដាលនៃមេរោគកូវីដ១៩ ដែលគេមើលឃើញថា បានកើនឡើងដល់ចំនួន ៥.៤៨០នាក់ហើយមកដល់ថ្ងៃនេះ៕អត្ថបទ៖ សុខធី

សម្ដេចតេជោ ហ៊ុន សែន ចេញបញ្ជាបន្ថែមទៀតទៅអាជ្ញាធរឱ្យអនុវត្តវិធានការបិទខ្ទប់«ពលរដ្ឋនៅផ្ទះណា គឺនៅផ្ទះនោះ»

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានបញ្ជាក់ឡើងវិញពីការអនុវត្តវិធានបិទខ្ទប់ឱ្យបានតឹងរឹង ដោយសម្ដេចសង្កត់ធ្ងន់ថា «នៅផ្ទះណា គឺនៅផ្ទះនោះ ហើយហាមចេញ និងហាមចូលរាជធានីភ្នំពេញ»។សម្ដេចតេជោ ហ៊ុន សែន បានបញ្ជាក់ឡើងវិញពីការអនុវត្តវិធានការតឹងរឹងបែបនេះ នៅក្នុងសារជាសំឡេងដែលត្រូវបានបញ្ជូនតាមប្រព័ន្ធតេឡេក្រាមនៅល្ងាចថ្ងៃទី១៦ ខែមេសានេះ។សម្ដេចតេជោ ហ៊ុន សែន មានប្រសាសន៍ថា៖ «ខ្ញុំករុណាខ្ញុំសូមយកឱកាសនេះបញ្ជាក់ទៅអាជ្ញាធរគ្រប់ជាន់ថ្នាក់ដើម្បីបញ្ជាក់សារជាថ្មីម្ដងទៀត។សម្រាប់ពលរដ្ឋរបស់យើងពេលនេះ នៅផ្ទះណា គឺនៅផ្ទះនោះ នៅភូមិណា គឺនៅភូមិនោះ នៅស្រុកណា គឺនៅស្រុកនោះ នៅទីកន្លែងណា គឺនៅកន្លែងនោះក្នុងរយៈពេល ១៤ថ្ងៃ»។ប្រមុខរាជរដ្ឋាភិបាល បានដាក់បញ្ជាឱ្យអនុវត្តវិធានការបិទខ្ទប់ឱ្យបានតឹងរឹងបែបនេះ បន្ទាប់ពីពលរដ្ឋមួយចំនួន បានធ្វើដំណើរចាកចេញពីរាជធានីភ្នំពេញទៅដល់ខេត្តព្រៃវែង និងខេត្តក្រចេះ ដែលត្រូវបានរកឃើញឆ្លងកូវីដ១៩។រាជរដ្ឋាភិបាល បានសម្រេចបិទខ្ទប់រាជធានីភ្នំពេញ និងក្រុងតាខ្មៅរយៈពេល ១៤ថ្ងៃចាប់ពីថ្ងៃទី១៥ រហូតដល់ថ្ងៃទី២៨ ខែមេសានេះ ដើម្បីទប់ស្កាត់ការឆ្លងរីករាលដាលនៃមមេរោគកូវីដ-១៩៕

សម្ដេចតេជោ ហ៊ុន សែន៖ វិធានការបិទខ្ទប់អាចនឹងអូសបន្លាយពេល បើពុំអាចទប់ស្កាត់ការឆ្លងរាលដាលនៃមេរោគកូវីដ១៩

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានសង្កត់ធ្ងន់ថា ការបិទខ្ទប់រាជធានីភ្នំពេញ និងក្រុងតាខ្មៅ អាចនឹងត្រូវពន្យារពេលវេលាបន្ថែមទៀត ប្រសិនបើការបិទខ្ទប់ភូមិសាស្ត្រទាំងពីរនេះនាពេលនេះ នៅតែមិនអាចទប់ស្កាត់ការឆ្លងរីករាលដាលនៃមេរោគកូវីដ១៩។ប្រមុខរាជរដ្ឋាភិបាល បានថ្លែងសង្កត់ធ្ងន់បែបនេះ នៅក្នុងសារជាសំឡេងដែលត្រូវបានផ្ញើចេញតាមប្រព័ន្ធតេឡេក្រាមនៅល្ងាចថ្ងៃនេះ ដែលលោកបានដាក់បញ្ជាផ្ទាល់មាត់បន្ថែមទៀតទៅអាជ្ញាធរគ្រប់ជាន់ថ្នាក់ឱ្យពង្រឹងវិធានការបិទខ្ទប់។សម្ដេចតេជោ ហ៊ុន សែន មានប្រសាសន៍ថា៖ «ខ្ញុំព្រះករុណខ្ញុំសូមបញ្ជាក់ជូនថា ប្រសិនបើ ១៤ថ្ងៃហើយ បងប្អូនយើងនៅតែបំពាន ហើយសភាពការណ៍មិនថយចុះ ខ្ញុំព្រះករុណាខ្ញុំនឹងអូសបន្លាយពេលនៃការបិទទីក្រុងភ្នំពេញ និងក្រុងតាខ្មៅរបស់ខេត្តកណ្ដាល។ អាចនឹងបិទខេត្តមួយចំនួនទៀតយោងទៅលើការចាំបាច់»។សម្ដេចតេជោ ហ៊ុន សែន បានបញ្ជាក់ថា ការទប់ស្កាត់ការឆ្លងរីករាលដាលនៃមេរោគកូវីដ១៩នៅអំឡុងពេលបិទខ្ទប់នេះ ទាមទារឱ្យមានការចូលអនុវត្តពីសំណាក់ប្រជាពលរដ្ឋទូទៅ និងមានការអនុវត្តយ៉ាងម៉ឺងម៉ាត់នូវវិធានការនេះពីសំណាក់អាជ្ញាធរមានសមត្ថកិច្ចមាននគរបាល និងកម្លាំងកងរាជអាវុធហត្ថ។ប្រមុខរាជរដ្ឋាភិបាលបញ្ជាក់ថា ប្រសិនបើគ្មានការចូលពីពលរដ្ឋក្នុងការទប់ស្កាត់ ហើយសមត្ថកិច្ចគ្មានការអនុវត្តវិធានការនេះឱ្យបាត់ម៉ឺងម៉ាត់ទេ ការទប់ស្កាត់ការឆ្លងរីករាលដាលនៃមេរោគកូវីដ១៩អំឡុងពេល ១៤ថ្ងៃនេះ អាចនឹងមិនទទួលបានជោគជ័យនោះឡើយ។ប្រមុខរាជរដ្ឋាភិបាលកម្ពុជា បានសម្រេចឱ្យបិទខ្ទប់ភូមិសាស្ត្ររាជធានីភ្នំពេញទាំងមូល និងក្រុងតាខ្មៅរបស់ខេត្តកណ្ដាល ដើម្បីទប់ស្កាត់ការឆ្លងរីករាលដាលនៃមេរោគកូវីដ១៩ ដែលមកដល់ថ្ងៃនេះ ចំនួនមនុស្សឆ្លងមេរោគកូវីដ១៩បានកើនឡើងដល់ ៥ ៤៨០នាក់ហើយ៕

កម្ពុជារកឃើញមនុស្ស ២៦២នាក់ទៀតឆ្លងកូវីដ១៩ ដែលសុទ្ធតែពាក់ព័ន្ធនឹងព្រឹត្តិការណ៍២០កុម្ភៈ

ភ្នំពេញ៖ ក្រសួងសុខាភិបាលប្រកាសនៅថ្ងៃនេះថា មនុស្ស ២៦២នាក់ទៀតត្រូវបានរកឃើញឆ្លងមេរោគកូវីដ១៩ ដែលសុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈទាំងអស់។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលនិយាយថា ករណីឆ្លងថ្មីទាំងនោះ ត្រូវបានរកឃើញនៅរាជធានីភ្នំពេញដល់ទៅ ២៣២នាក់, ខេត្តព្រះសីហនុ ១២នាក់, ខេត្តកណ្ដាល ៤នាក់, ខេត្តតាកែវ ២នាក់, ខេត្តសៀមរាប ២នាក់, ខេត្តពោធិ៍សាត់ ២នាក់, ខេត្តកំពង់ចាម ២នាក់, ខេត្តព្រៃវែង ២នាក់, ខេត្តត្បូងឃ្មុំ ១នាក់, ខេត្តស្វាយរៀង ១នាក់, ខេត្តកំពង់ស្ពឺ ១នាក់ និងខេត្តកំពង់ធំ ១នាក់។ គិតត្រឹមថ្ងៃនេះ កម្ពុជារកឃើញមនុស្សដល់ទៅ ៥.៤៨០នាក់បានឆ្លងមេរោគកូវីដ១៩ នៅទូទាំងប្រទេស គិតចាប់តាំងពីពេលកម្ពុជារកឃើញករណីឆ្លងលើកដំបូងកាលពីចុងខែមករា ឆ្នាំ២០២០មក។ ក្រសួងសុខាភិបាលក៏បានបញ្ជាក់ផងដែរថា អ្នកជំងឺកូវីដ១៩ ចំនួន ៧៤នាក់ទៀតត្រូវបានព្យាបាលជាសះស្បើយ ដែលនាំឱ្យចំនួនអ្នកជាសះស្បើយសរុបកើនដល់ ២.៣៩៣នាក់ ខណៈអ្នកជំងឺ ៣.០៤៤នាក់ទៀតកំពុងស្ថិតក្រោមការព្យាបាលបន្តនៅឡើយ៕ អត្ថបទ៖ សុខធី

សម្ដេចតេជោនឹងប្ដូរថ្ងៃចាក់វ៉ាក់សាំងដូសទី២ ដោយសារជាប់រវល់កិច្ចប្រជុំអាស៊ាននៅឥណ្ឌូនេស៊ី

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសថា សម្ដេចនឹងដូរថ្ងៃចាក់វ៉ាក់សាំងដូសទី២ ខណៈគម្រោងចាក់តាមការណែនាំរបស់ក្រសួងសុខាភិបាលនៃដូសទី២ នេះនឹងត្រូវប្រព្រឹត្តិទៅថ្ងៃទី២៩ ខែមេសា ប៉ុន្តែដោយភារកិច្ចខានមិនបានក្នុងការចូលរួមកិច្ចប្រជុំអាស៊ាននាថ្ងៃទី២៤ ខែមេសានេះនៅប្រទេសឥណ្ឌូនេស៊ីនោះ សម្ដេចសម្រេចចិត្តដូរមកចាក់នូវថ្ងៃទី២០ ខែមេសាវិញ។តាមរយៈហ្វេសបុកផ្ទាល់របស់សម្តេចនាព្រឹកថ្ងៃទី១៦ ខែមេសា ឆ្នាំ២០២១នេះ សម្ដេចតេជោ ហ៊ុន សែន បានលើកឡើងថា «ដោយភារកិច្ចខានមិនបានក្នុងការចូលរួមប្រជុំអាស៊ាននាថ្ងៃទី២៤ មេសា ២០២១ ខាងមុខនៅរដ្ឋធានីហ្សាកាតាប្រទេសឥណ្ឌូណេស៊ី។ កិច្ចការដែលខ្ញុំត្រូវធ្វើដើម្បីការពារការឆ្លងកូវីដ-១៩ ស្របតាមវិធានការសុខាភិបាល ដំបូងខ្ញុំត្រូវចាក់វ៉ាក់សាំងដូសទី២ នៅថ្ងៃទី២០ មេសា ២០២១ ដែលមុននោះគ្រោងចាក់នៅថ្ងៃទី២៩ មេសា ២០២១។ ថ្ងៃទី២៣ មេសា ២០២១ ត្រូវយកសំណាកពិនិត្យ ដើម្បីទទួលលិខិតបញ្ជាក់សម្រាប់ឲ្យអាជ្ញាធរសុខាភិបាលឥណ្ឌូណេស៊ី»។ សម្តេចតេជោ ហ៊ុន សែន បានបញ្ជាក់បន្ថែមថា ព្រឹកថ្ងៃទី២៤ មេសា ២០២១ ចេញដំណើរទៅហ្សាកាតា។ ពេលទៅដល់ត្រូវយកសំណាកពិនិត្យម្តងទៀត ហើយពេលរសៀលការប្រជុំចាប់ផ្ដើម ពេលចប់មិនថាថ្ងៃ ឬយប់សម្តេចត្រូវត្រឡប់មកវិញ ហើយពេលមកដល់ព្រលានយន្តហោះអន្តរជាតិភ្នំពេញ សម្តេចត្រូវយកសំណាកពិនិត្យម្តងទៀត។ មកដល់ផ្ទះសម្ដេចត្រូវធ្វើចត្តាឡីស័ក ១៤ថ្ងៃជាមួយនឹងការពិនិត្យសំណាក ២ ទៅ ៣ដងទៀតនោះ។សម្តេចបានបន្ថែមទៀតថា «ដើម្បីធានាសុវត្ថិភាពសម្រាប់ភរិយា កូន និងចៅ ខ្ញុំត្រូវឲ្យភរិយាខ្ញុំនាំកូន និងចៅទៅសម្រាកនៅទីកន្លែងផ្សេង។ សមាជិកប្រតិភូដែលធ្វើដំណើរជាមួយខ្ញុំ ត្រូវយកសំណាក និងធ្វើចត្តាឡីស័ក ១៤ថ្ងៃដូចគ្នា។ មានអ្នកឲ្យយោបល់ខ្ញុំថា ដោយសារខ្ញុំចាក់វ៉ាក់សាំងរួចហើយ ខ្ញុំគួរធ្វើចត្តាឡីស័ក ៧ថ្ងៃបានហើយ តែខ្ញុំបានប្រាប់ទៅពួកគាត់វិញថា ខ្ញុំចង់ធ្វើឲ្យប្រាកដថា ខ្ញុំមិនមានវិជ្ជមានកូវីដ-១៩ នោះទេព្រោះខ្ញុំត្រូវធ្វើការជាមួយមនុស្សច្រើនគ្នា ពិសេសចៅៗរបស់ខ្ញុំទាំងតូចទាំងធំតែងមកលេងច្របាច់ជើង និងគេងលើគ្រែព្រមទាំងរត់លេងក្នុងបន្ទប់របស់ជីតា»៕អត្ថបទ៖ បាន ចក់

ក្រសួងសុខាភិបាលប្រកាសថា បុរសជនជាតិខ្មែរ២រូបទៀតស្លាប់ដោយសារកូវីដ១៩នៅល្ងាចថ្ងៃព្រហស្បតិ៍

ភ្នំពេញ៖ ក្រសួងសុខាភិបាលបានប្រកាសនៅយប់ថ្ងៃនេះថា បុរសជនជាតិខ្មែរ ២នាក់ទៀតបានស្លាប់ដោយសារកូវីដ១៩នៅល្ងាចថ្ងៃនេះ ដែលនាំឱ្យចំនួនមនុស្សស្លាប់ដោយសារមេរោគផ្លូវដង្ហើមមួយនេះ កើនដល់ ៣៨នាក់ហើយ។ក្នុងសេចក្ដីប្រកាសព័ត៌មានចេញនៅយប់ឈានចូលថ្ងៃទី១៦ ខែមេសា ក្រសួងសុខាភិបាលនិយាយថា បុរសជនជាតិខ្មែរម្នាក់អាយុ ៦៥ឆ្នាំ ដែលរស់នៅក្នុងស្រុកសំរោងទង ខេត្តកំពង់ស្ពឺ បានស្លាប់បាត់បង់ជីវិតនៅម៉ោង ៤ល្ងាចថ្ងៃទី១៥ ខែមេសា នៅឯមន្ទីរពេទ្យមិត្តភាពខ្មែរ-សូវៀត។បើតាមក្រសួងសុខាភិបាល បុរសរូបនេះ ត្រូវបានបញ្ជូនទៅសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត នៅព្រឹកថ្ងៃទី១៥ ខែមេសា ជាមួយស្ថានភាពហត់ខ្លាំង ហើយលទ្ធផលតេស្តសំណាករបស់បុរសនេះ បង្ហាញថា គាត់បានឆ្លងមេរោគកូវីដ១៩។ចំណែកឯបុរសម្នាក់ទៀតអាយុ ៧៧ឆ្នាំ ដែលមានទីលំនៅក្នុងខណ្ឌដូនពេញ រាជធានីភ្នំពេញ ត្រូវបានក្រសួងបញ្ជាក់ថា បានស្លាប់បាត់បង់ជីវិតនៅម៉ោងជិត ៧យប់ថ្ងៃទី១៥ ខែមេសា នៅឯមន្ទីរពេទ្យមិត្តភាពខ្មែរ-សូវៀតផងដែរ។បើតាមក្រសួងសុខាភិបាល បុរសវ័យ ៧៧ឆ្នាំរូបនេះ ត្រូវបានបញ្ជូនទៅសម្រាកព្យាបាលនៅមន្ទីរពេទ្យកាលពី ១០ថ្ងៃមុន ក្រោយពីគាត់ត្រូវបានរកឃើញឆ្លងមេរោគកូវីដ១៩។ក្រសួងសុខាភិបាលបញ្ជាក់ថា បុរសទាំងពីររូបនេះ បាត់ស្លាប់បាត់បង់ជីវិត ក្រោយពីសួតរបស់ពួកគាត់រលាកធ្ងន់ធ្ងរដោយសារការវាយប្រហារពីមេរោគកូវីដ១៩។កម្ពុជាមានមនុស្សស្លាប់ដោយសារជំងឺកូវីដ១៩សរុប ៣៨នាក់ហើយគិតចាប់ពីករណីស្លាប់លើកដំបូងត្រូវបានប្រកាសជាផ្លូវការកាលពីថ្ងៃទី១១ ខែមីនាកន្លងមកនេះ៕

កម្ពុជារកឃើញមនុស្ស ៣៤៤នាក់ទៀតឆ្លងកូវីដ១៩ នាំឱ្យចំនួនឆ្លងសរុបកើនឡើងលើស៥ពាន់ករណីនៅថ្ងៃនេះ

ភ្នំពេញ៖ ក្រសួងសុខាភិបាលបានប្រកាសនៅថ្ងៃនេះថា មនុស្សដល់ទៅ ៣៤៤នាក់ ត្រូវបានរកឃើញឆ្លងមេរោគកូវីដ១៩ ដែលនាំឱ្យចំនួនឆ្លងសរុបកើនឡើងលើស ៥ពាន់នាក់ហើយ។ក្នុងសេចក្ដីប្រកាសព័ត៌មាន ក្រសួងសុខាភិបាលបាននិយាយថា ករណីឆ្លងថ្មីដល់ទៅ ៣៣៩នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ខណៈករណីឆ្លងថ្មី ៥នាក់ទៀត គឺជាករណីនាំចូល ក្នុងនោះមានពលករខ្មែរ ១នាក់វិលត្រឡប់មកពីប្រទេសថៃផងដែរ។ក្រសួងសុខាភិបាល បញ្ជាក់ថា ករណីឆ្លងក្នុងសហគមន៍ថ្មីទាំង ៣៣៩នាក់នេះ ត្រូវបានរកឃើញនៅរាជធានីភ្នំពេញ ២៤៣នាក់ ខេត្តស្វាយរៀង ៧១នាក់ ខេត្តកណ្ដាល ៨នាក់ ខេត្តព្រះសីហនុ ៦នាក់ ខេត្តកោះកុង ៥នាក់ ខេត្តតាកែវ ៣នាក់ ខេត្តក្រចេះ ២នាក់ ខេត្តសៀមរាប ១នាក់។គិតត្រឹមថ្ងៃនេះ កម្ពុជារកឃើញមនុស្សដល់ទៅ ៥ ២១៨នាក់ហើយបានឆ្លងមេរោគកូវីដ១៩នៅទូទាំងប្រទេសចាប់តាំងពីចុងខែមករាឆ្នាំ២០២០មក ក្នុងនោះមនុស្សដល់ទៅ ៤ ៦៧៦នាក់ បានឆ្លងមេរោគនេះពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ។ទន្ទឹមគ្នានេះ អ្នកជំងឺកូវីដ១៩ដល់ទៅ ២ ៣១៩នាក់ ត្រូវបានព្យាបាលជាសះស្បើយពីជំងឺកូវីដ១៩ ក្នុងនោះមានទាំងអ្នកជាសះស្បើយ ២៩នាក់ទៀត ដែលក្រសួងប្រកាសនៅថ្ងៃនេះ ខណៈអ្នកជំងឺ ២ ៨៥៨នាក់ទៀត កំពុងស្ថិតក្រោមការព្យាបាលបន្ត៕

សម្ដេចតេជោ ហ៊ុន សែន៖ ការបិទខ្ទប់រាជធានីភ្នំពេញ និងក្រុងតាខ្មៅ គឺដើម្បីទប់ស្កាត់ការឆ្លងរីករាលដាលនៃកូវីដ១៩

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានថ្លែងសារពិសេសនៅយប់នេះបញ្ជាក់ថា គោលបំណងពិតនៃការបិទខ្ទប់រាជធានីភ្នំពេញ និងក្រុងតាខ្មៅ គឺដើម្បីទប់ស្កាត់ការឆ្លងរីករាលដាលនៃមេរោគកូវីដ១៩។សម្ដេចតេជោ ហ៊ុន សែន មានប្រសាសន៍បែបនេះនៅក្នុងសារជាសំឡេងរយៈពេល ២៨នាទី ដែលត្រូវបានផ្ញើចេញតាមបណ្ដាញទំនាក់ទំនងសង្គមតេឡេក្រាមនៅយប់នេះ។សម្ដេចតេជោ ហ៊ុន សែន មានប្រសាសន៍ថា៖ «គោលបំណងនៃការបិទ គឺដើម្បីប្រយុទ្ធប្រឆាំងជាមួយនឹងការឆ្លងរីករាលដាលនៃកូវីដ១៩ ហើយការបិទនេះទៀតសោត ក៏មិនមែនជាដំណើរការដើម្បីធ្វើឱ្យប្រជាជនស្លាប់ ឬរងទុក្ខលំបាកនោះដែរ»។សម្ដេចតេជោ ហ៊ុន សែន បានទទួលស្គាល់ពីផលប៉ះពាល់នៃការដាក់ចេញវិធានការនេះ ប៉ុន្តែ សម្ដេចបញ្ជាក់ថា «ទោះបីថា ផលប៉ះពាល់វាកើតមាន ក៏ប៉ុន្តែ យើងក៏បានគិតទុកធ្វើយ៉ាងណាឱ្យប្រជាជនយើងអាចមានជីវភាពជាប្រក្រតី ទោះបីបញ្ហាមួយចំនួនត្រូវបានធ្វើ»។សម្ដេចតេជោ ហ៊ុន សែន បានថ្លែងសារពិសេសបែបនេះភ្លាមៗក្រោយពីលោកបានសម្រេចឱ្យបិទខ្ទប់ភូមិសាស្ត្ររាជធានីភ្នំពេញទាំងមូល និងក្រុងតាខ្មៅ ដែលត្រូវចាត់ទុកជាភូមិសាស្ត្រតែមួយជាមួយរាជធានីភ្នំពេញ។ក្នុងសេចក្ដីសម្រេចនោះ រាជរដ្ឋាភិបាលបានហាមឃាត់បុគ្គលគ្រប់រូបមិនឱ្យធ្វើដំណើរចាកចេញពីលំនៅឋាន ឬទីសំណាក់បច្ចុប្បន្នរបស់ពួកគាត់ឡើយ ប្រសិនបើគ្មានការចាំបាច់៕

មនុស្សម្នាក់ស្លាប់ និងនគរបាលម្នាក់របួសក្នុងការបាញ់ប្រហារនៅវិទ្យាល័យមួយក្នុងទីក្រុង Knoxville

សហរដ្ឋអាមេរិក៖ មនុស្សម្នាក់ត្រូវបានសម្លាប់ នៅវិទ្យាល័យមួយក្នុងទីក្រុង Knoxville រដ្ឋ Tennessee សហរដ្ឋអាមេរិកកាលពីថ្ងៃច័ន្ទ ទី១២ ខែមេសា និងមន្ត្រីនគរបាលម្នាក់បានរងរបួស នៅពេលដែលនគរបាលបានប្រឈមជាមួយ នឹងជនសង្ស័យប្រដាប់អាវុធម្នាក់។ការបាញ់ប្រហារដែលបានកើតឡើងនៅម៉ោងប្រហែល ៣ និង ១៥នាទីរសៀលម៉ោងក្នុងស្រុកនៅសាលារៀន Austin-East Magnet ភាគខាងកើតទីក្រុង Knoxville ជាអំពើហិង្សាប្រដាប់អាវុធចុងក្រោយបង្អស់នៅសហរដ្ឋអាមេរិក ចាប់តាំងពីពាក់កណ្ដាលខែមីនា។ នគរបាលទីក្រុង Knoxville បាននិយាយថា មន្ត្រីដែលត្រូវបានវាយប្រហារដោយកាំភ្លើង ត្រូវបានគេរំពឹងថាមិនគ្រោះថ្នាក់ដល់ជីវិតទេ។ ក្រុមអ្នកស៊ើបអង្កេតមិនទាន់បានកំណត់អត្តសញ្ញាណជនសង្ស័យ ឬជនរងគ្រោះភ្លាមៗទេ ដោយគ្រាន់តែបានបញ្ជាក់ថា អ្នកស្លាប់ទាំង ២នាក់គឺជាបុរស។ គេមិនទាន់ដឹងច្បាស់ទេថា តើសាលារៀន Austin-East Magnet បានបើកទ្វារឡើងវិញ ឬយ៉ាងណា៕ អត្ថបទ៖ សុខមាន

ប្រមុខអង្គការ WHO និយាយថា ជំងឺរាតត្បាតសកល COVID-19 មិនងាយនឹងបញ្ចប់ទេ

WHO៖ ប្រមុខអង្គការសុខភាពពិភពលោក (WHO) លោក Tedros Adhanom Ghebreyesus បាននិយាយកាលពីថ្ងៃច័ន្ទថា ភាពច្របូកច្របល់ និងការភ្លេចខ្លួនក្នុងការដោះស្រាយបញ្ហាជំងឺ COVID-19 មានន័យថា ជំងឺរាតត្បាតសកលគឺមិនងាយនឹងបញ្ចប់ទេ ប៉ុន្តែវាអាចត្រូវបានគ្រប់គ្រងក្នុងរយៈពេលប៉ុន្មានខែ តាមរយៈវិធានការសុខភាពសាធារណៈផ្សេងៗ។លោក Tedros បានប្រាប់សន្និសីទសារព័ត៌មានថា "យើងក៏ចង់ឃើញសង្គម និងសេដ្ឋកិច្ចបើកឡើងវិញដែរ ហើយការធ្វើដំណើរ និងពាណិជ្ជកម្មកំពុងបន្តឡើងវិញ"។ ប៉ុន្តែឥឡូវនេះបន្ទប់សង្គ្រោះបន្ទាន់យ៉ាងច្រើន នៅក្នុងប្រទេសជាច្រើនកំពុងដាក់អ្នកជំងឺពេញ និងប្រជាជនកំពុងតែស្លាប់ ហើយរឿងនេះពិតជាអាចចៀសបាន។ ប្រទេសឥណ្ឌាបាននាំមុខប្រេស៊ីល ក្លាយជាប្រទេសដែលមានចំនួនអ្នកឆ្លងខ្ពស់បំផុតលំដាប់ទី២ នៅលើពិភពលោកបន្ទាប់ពីសហរដ្ឋអាមេរិក ស្របពេលដែលប្រទេសនេះបានប្រយុទ្ធនឹងរលកទី២ ដ៏ធំដោយបានផ្ដល់វ៉ាក់សាំងបង្ការប្រហែល ១០៥លានដូសក្នុងចំណោមប្រជាជនចំនួន ១,៤ពាន់លាននាក់៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

លោកស្រីនាយករដ្ឋមន្រ្តី Frederiksen ៖ ដាណឺម៉ាកត្រៀមខ្លួនរួចរាល់ក្នុងការការពាររាល់មីលីម៉ែត្រនៃទឹកដីណាតូ

មេបញ្ជាការកងកម្លាំងយានដ្រូនអះអាងថា អ៊ុយក្រែនវាយប្រហារនាវាដឹកប្រេងស្រមោល ៩គ្រឿងរបស់រុស្ស៊ី

ប្រធានាធិបតីលីបង់ រំពឹងថា ទទួលបានលទ្ធផលវិជ្ជមាន ពីកិច្ចប្រជុំនាពេលខាងមុខជាមួយលោក Trump

ចិនប្រឈមនឹងការមកដល់របស់ព្យុះ Bavi ដែលជាព្យុះទី ២ ក្នុងរយៈពេល១សប្តាហ៍

អាល្លឺម៉ង់បន្ទោសអ៊ីរ៉ង់ ចំពោះការបង្កើនភាពតានតឹងជាមួយអាមេរិក និងជំរុញឱ្យមានការទូត

យន្តហោះឈ្លបយកការណ៍របស់ណាតូហោះហើរជុំវិញតំបន់ Kaliningrad ពីរថ្ងៃជាប់ៗគ្នា

នាយករដ្ឋមន្ត្រី៖ ប៊ុលហ្គារីបានអស់អាវុធសម្រាប់ផ្តល់ឲ្យអ៊ុយក្រែន

អេស្ប៉ាញបដិសេធការគំរាមពាណិជ្ជកម្មរបស់លោក Trump និងថា ទំនាក់ទំនងទ្វេភាគីជាប្រយោជន៍ប្រទេសទាំង២

ពលរដ្ឋរស់នៅលើកោះតៃវ៉ាន់ត្រៀមខ្លួនការមកដល់របស់ព្យុះទីហ្វុង Bavi

ប្រធានផ្នែកសមុទ្ររបស់ UN៖ នាវិកចំនួន ៦.០០០នាក់ «នៅតែជាប់» ក្នុងឈូងសមុទ្រ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្ដេចតេជោ ហ៊ុន សែន ដាក់បញ្ជាឱ្យសាលារាជធានីភ្នំពេញ និងសមត្ថកិច្ចអនុវត្តវិធានការបិទខ្ទប់ឱ្យបានហ្មត់ចត់

សម្ដេចតេជោ ហ៊ុន សែន ចេញបញ្ជាបន្ថែមទៀតទៅអាជ្ញាធរឱ្យអនុវត្តវិធានការបិទខ្ទប់«ពលរដ្ឋនៅផ្ទះណា គឺនៅផ្ទះនោះ»

សម្ដេចតេជោ ហ៊ុន សែន៖ វិធានការបិទខ្ទប់អាចនឹងអូសបន្លាយពេល បើពុំអាចទប់ស្កាត់ការឆ្លងរាលដាលនៃមេរោគកូវីដ១៩

កម្ពុជារកឃើញមនុស្ស ២៦២នាក់ទៀតឆ្លងកូវីដ១៩ ដែលសុទ្ធតែពាក់ព័ន្ធនឹងព្រឹត្តិការណ៍២០កុម្ភៈ

សម្ដេចតេជោនឹងប្ដូរថ្ងៃចាក់វ៉ាក់សាំងដូសទី២ ដោយសារជាប់រវល់កិច្ចប្រជុំអាស៊ាននៅឥណ្ឌូនេស៊ី

ក្រសួងសុខាភិបាលប្រកាសថា បុរសជនជាតិខ្មែរ២រូបទៀតស្លាប់ដោយសារកូវីដ១៩នៅល្ងាចថ្ងៃព្រហស្បតិ៍

កម្ពុជារកឃើញមនុស្ស ៣៤៤នាក់ទៀតឆ្លងកូវីដ១៩ នាំឱ្យចំនួនឆ្លងសរុបកើនឡើងលើស៥ពាន់ករណីនៅថ្ងៃនេះ

មនុស្សម្នាក់ស្លាប់ និងនគរបាលម្នាក់របួសក្នុងការបាញ់ប្រហារនៅវិទ្យាល័យមួយក្នុងទីក្រុង Knoxville

ប្រមុខអង្គការ WHO និយាយថា ជំងឺរាតត្បាតសកល COVID-19 មិនងាយនឹងបញ្ចប់ទេ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

កម្ពុជារកឃើញមនុស្ស ៣៤៤នាក់ទៀតឆ្លងកូវីដ១៩ នាំឱ្យចំនួនឆ្លងសរុបកើនឡើងលើស៥ពាន់ករណីនៅថ្ងៃនេះ

មនុស្ស​ម្នាក់​ស្លាប់ និង​នគរបាល​ម្នាក់​របួស​ក្នុង​ការ​បាញ់​ប្រហារ​នៅ​វិទ្យាល័យ​មួយ​ក្នុង​ទីក្រុង Knoxville

ប្រមុខ​អង្គការ WHO និយាយ​ថា ជំងឺ​រាតត្បាត​សកល COVID-19 មិន​ងាយ​នឹង​បញ្ចប់​ទេ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មនុស្សម្នាក់ស្លាប់ និងនគរបាលម្នាក់របួសក្នុងការបាញ់ប្រហារនៅវិទ្យាល័យមួយក្នុងទីក្រុង Knoxville

ប្រមុខអង្គការ WHO និយាយថា ជំងឺរាតត្បាតសកល COVID-19 មិនងាយនឹងបញ្ចប់ទេ