BTV NEWS

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

ថវិកា២០០លានរៀលជាអំណោយដ៏មហាសប្បុរសរបស់មហាឧបាសិក ប៊ុន ស៊ាងលី ត្រូវបានប្រគល់ជូនមន្ទីរពេទ្យគន្ធបុប្ផា

ភ្នំពេញ ៖ ថវិកាចំនួន ២០០លានរៀល ឬខ្ទង់ ៥ម៉ឺនដុល្លារ ដែលជាអំណោយដ៏មហាសប្បុរសរបស់អ្នកឧកញ៉ាព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី មាតាបង្កើតរបស់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ត្រូវបាននាំយកទៅប្រគល់ជូនមន្ទីរពេទ្យគន្ធបុប្ផានៅថ្ងៃនេះ។អំណោយជាថវិកានេះ ត្រូវបានលោកជំទាវ ប៊ុន សុថា ប្អូនស្រីពៅរបស់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន តំណាងរបស់សម្ដេចទាំងពីរ នាំយកទៅប្រគល់ជូនមូលនិធិគន្ធបុប្ផាកម្ពុជានៅព្រឹកថ្ងៃនេះ ដោយមានតំណាងមូលនិធិគន្ធបុប្ផាកម្ពុជា ឯកឧត្ដម ចន ណារិទ្ធ និងតំណាងមន្ទីរពេទ្យគន្ធបុប្ផា លោកវេជ្ជបណ្ឌិត ដេនីស ឡូរ៉ង់ (Denis Laurent)។លោកជំទាវ ប៊ុន សុថា មានប្រសាសន៍ថា អំណោយដ៏មហាសប្បុរសនេះ គឺជាការចូលរួមចំណែកជួយទ្រទ្រង់ដល់ការផ្ដល់សេវាព្យបាលដល់កុមារកម្ពុជា ដែលប្រឈមមុខនឹងជំងឺផ្សេងៗ។លោកជំទាវបានមានប្រសាសន៍បន្តថា អំណោយជាថវិកានេះ បានមកពីបច្ច័យនៃមហាបុណ្យកុសលរបស់អ្នកឧកញ៉ាព្រឹទ្ធមហាឧសិកាធម្មញ្ញាណវិវឌ្ឍនា ប៊ុន ស៊ាងលី សម្រាប់ទុកបរិច្ចាគដល់មន្ទីរពេទ្យគន្ធបុប្ផា។បើតាមលោកជំទាវ ប៊ុន សុថា អំណោយមហាសប្បុរសរបស់អ្នកឧកញ៉ាព្រឹទ្ធមហាឧសិកាធម្មញ្ញាណវិវឌ្ឍនា ប៊ុន ស៊ាងលី ត្រូវបានប្រគល់ជូនដល់មន្ទីរពេទ្យគន្ធាបុប្ផាចំនួន ២លើកហើយ ក្នុងនោះអំណោយជាថវិកាលើកទី១មានចំនួន ៥ម៉ឺនដុល្លារផងដែរ។ប្រធានលេខាធិការដ្ឋានមូលនិធិគន្ធបុប្ផា ឯកឧត្ដម ចន ណារិទ្ធ បានថ្លែងអំណរគុណចំពោះសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន និងសម្ដេចតេជោ ហ៊ុន សែន នាយករដ្ឋមន្ត្រីកម្ពុជា និងក្រុមគ្រួសារ ដែលនាំយកអំណោយជាថវិកានេះប្រគល់ជូនដល់មូលនិធិគន្ធបុប្ផា និងតែងតែគិតគូដល់ចិរភាពនៃមន្ទីរពេទ្យគន្ធបុប្ផា ដើម្បីផ្ដល់ការព្យាបាលជូនដល់កុមារកម្ពុជាទូទាំងប្រទេស។ឯកឧត្ដម ចន ណារិទ្ធ ក៏បានបួងសួងដល់ទេវតាជួយប្រសិទ្ធពរជ័យដល់ដួងវិញ្ញាណក្ខន្ធអ្នកឧកញ៉ាមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី សូមបានស្ថិតក្នុងទីឋានដ៏បរមសុខ៕អត្ថបទ ៖ សុខធី

WHO៖ អត្ថប្រយោជន៍វ៉ាក់សាំងបង្ការ COVID-19 របស់ក្រុមហ៊ុន AstraZeneca មានច្រើនជាងហានិភ័យ

ស្វីស៖ លោក រ៉ូហ្គេរីយ៉ូ ហ្គាស្ប៉ា ប្រធាននិយតកម្មអង្គការសុខភាពពិភពលោក (WHO) បាននិយាយកាលពីថ្ងៃអង្គារថា អង្គការរបស់លោករំពឹងថា គ្មានហេតុផលត្រូវផ្លាស់ប្ដូរការវាយតម្លៃចុងក្រោយរបស់ខ្លួនថា អត្ថប្រយោជន៍វ៉ាក់សាំងបង្ការជំងឺ COVID-19 របស់ក្រុមហ៊ុន AstraZeneca ដែលជាក្រុមហ៊ុនសហការរួមគ្នារវាងអង់គ្លេស និងស៊ុយអែតមានច្រើនជាងហានិភ័យនោះទេ។លោក ហ្គាស្ប៉ា បាននិយាយថា អង្គការ WHO កំពុងសិក្សាយ៉ាងយកចិត្តទុកដាក់លើទិន្នន័យចុងក្រោយគេជាមួយនឹងអឺរ៉ុប និងក្រុមនិយតករផ្សេងទៀត ក្រោយមានរបាយការណ៍ពីបញ្ហាឈាមកក នៅក្នុងចំណោមមនុស្សដែលទទួលបានវ៉ាក់សាំងខាងលើ។ មន្ត្រីជាន់ខ្ពស់មួយរូបរបស់និយតករឱសថអឺរ៉ុបបាននិយាយថា មាននូវការផ្សារភ្ជាប់ច្បាស់លាស់រវាងវ៉ាក់សាំងបង្ការជំងឺ COVID-19 របស់ក្រុមហ៊ុន AstraZeneca និងបញ្ហាឈាមកកដ៏កម្រនៅក្នុងខួរក្បាល ថ្វីត្បិតតែមូលហេតុដោយផ្ទាល់នៅមិនទាន់បានដឹងក៏ដោយ។ ទីភ្នាក់ងារឱសថអឺរ៉ុប (EMA) បាននិយាយនៅក្នុងសេចក្ដីថ្លែងការណ៍ ក្រោយសេចក្តីអធិប្បាយរបស់លោក ម៉ាកូ កាវ៉ាលឺរី ប្រធានក្រុមវាយតម្លៃវ៉ាក់សាំងថា ពួកគេនៅពិនិត្យមើលវ៉ាក់សាំងមួយនេះ ហើយរំពឹងថានឹងប្រកាសឲ្យដឹងពីលទ្ធផលរកឃើញនៅថ្ងៃពុធ ឬនៅថ្ងៃព្រហស្បតិ៍ស្អែក។លោក ហ្គាស្ប៉ា បន្តទៀតថា អង្គការ WHO រំពឹងថានឹងឈានដល់ការវាយតម្លៃថ្មីនៅថ្ងៃពុធ ឬថ្ងៃព្រហស្បតិ៍ ក្រោយជំនួបរបស់ក្រុមប្រឹក្សាសុវត្ថិភាពឱសថ ប៉ុន្តែពួកគេគ្មានជំនឿថា មានហេតុផលត្រូវផ្លាស់ប្ដូរសេចក្តីណែនាំរបស់ពួកគេដែលថា អត្ថប្រយោជន៍របស់វ៉ាក់សាំង មានច្រើនជាងហានិភ័យនោះទេ។ លោកបាននិយាយប្រាប់សន្និសីទសារព័ត៌មាន នៅទីក្រុងហ្សឺណែវ ប្រទសស្វីសថា អ្វីដែលយើងអាចនិយាយបាន គឺការវាយតម្លៃដែលយើងមានសម្រាប់ពេលនេះ គឺការវាយតម្លៃថា អត្ថប្រយោជន៍-ហានិភ័យសម្រាប់វ៉ាក់សាំងនៅតែវិជ្ជមានដដែល ៕អត្ថបទ៖ សារ៉ាត់

មន្ត្រីការទូតជាន់ខ្ពស់របស់ពិភពលោកជួបជុំគ្នានៅទីក្រុងវីយែនពិភាក្សាកិច្ចព្រមព្រៀងនុយក្លេអ៊ែរអ៊ីរ៉ង់

អូទ្រីស៖ គណៈប្រតិភូមកពីទីក្រុងវ៉ាស៊ីនតោន និងទីក្រុងតេអេរ៉ង់បានជួបគ្នាដោយប្រយោល ពិភាក្សាលើកិច្ចព្រមព្រៀងនុយក្លេអ៊ែរអ៊ីរ៉ង់ ខណៈដែលសហរដ្ឋអាមេរិកមិនរំពឹងថា នឹងទទួលបានលទ្ធផលជាផ្លែផ្កាភ្លាមៗនោះ។កាលពីថ្ងៃអង្គារ ប្រទេសម្ចាស់ហត្ថលេខីដែលសេសសល់ នៅក្នុងកិច្ចព្រមព្រៀងនុយក្លេអ៊ែរឆ្នាំ ២០១៥ បានជួបជុំគ្នានៅក្នុងទីក្រុងវីយែន ប្រទេសអូទ្រីស សម្រាប់កិច្ចពិភាក្សាជុំដំបូង ចាប់តាំងពីប្រធានាធិបតីសហរដ្ឋអាមេរិក លោក ចូ បៃដិន ឡើងកាន់អំណាច។ គណៈប្រតិភូសហរដ្ឋអាមេរិកមិនបានចូលរួមដោយផ្ទាល់នោះទេ។ មន្ត្រីការទូតជាន់ខ្ពស់មកពីរុស្ស៊ី ចិន បារាំង អង់គ្លេស និងអាល្លឺម៉ង់បានជួបប្រជុំជាមួយសមភាគីអ៊ីរ៉ង់ សម្រាប់ការពិគ្រោះយោបល់ដែលមានគោលដៅ ត្រួសត្រាយផ្លូវឲ្យទីក្រុងវ៉ាស៊ីនតោនវិលត្រឡប់ មកកាន់កិច្ចព្រមព្រៀងនុយក្លេអ៊ែរអ៊ីរ៉ង់។ ទីក្រុងតេអេរ៉ង់បាននិយាយនៅមុនជំនួបនេះថា មាននូវការប្រាស្រ័យទាក់ទងគ្នាដោយប្រយោលរវាងមន្ត្រីការទូតអ៊ីរ៉ង់ និងសហរដ្ឋអាមេរិក ក្នុងនាមមិនមែនជាប្រទេសម្ចាស់ហត្ថលេខីនៃកិច្ចព្រមព្រៀងមួយនេះ ប៉ុន្តែពួកគេនឹងរក្សាបច្ចុប្បន្នភាព ពេលដែលកិច្ចប្រជុំនៅតែបន្តទៅមុខ។លោក អាលី រ៉ាប៊ីអេ អ្នកនាំពាក្យរដ្ឋាភិបាលអ៊ីរ៉ង់ នៅថ្ងៃអង្គារបានស្វាគមន៍សេចក្តីអធិប្បាយកាលពីពេលកន្លងទៅ របស់ទីក្រុងវ៉ាស៊ីនតោនថា ពួកគេអាចនឹងដកទណ្ឌកម្មសេដ្ឋកិច្ចចេញពីអ៊ីរ៉ង់។ លោក រ៉ាប៊ីអេ បាននិយាយថា ពួកយើងយល់ឃើញថា ជំហរមួយនេះប្រាកដនិយម និងជោគជ័យ។ វានឹងអាចចាប់ផ្ដើមកែកុនរឿងរ៉ាវអាក្រក់ ដែលបានបញ្ចប់វិស័យការទូតរវាងប្រទេសទាំង២។ ខណៈពេលនោះដែរ អ្នកនាំពាក្យក្រសួងការបរទេសសហរដ្ឋអាមេរិក លោក ណេដ ប្រាយ បាននិយាយប្រាប់ក្រុមអ្នកសារព័ត៌មានថា កិច្ចប្រជុំដំបូងធ្វើឡើងដោយប្រទេសជាដៃគូសហរដ្ឋអាមេរិកនៅទីក្រុងវីយែន ពាក់ព័ន្ធនឹងបញ្ហាអ៊ីរ៉ង់គឺជាជំហានស្ថាបនា និងស្វាគមន៍ បើទោះបីវាជាកិច្ចប្រជុំដោយប្រយោលក៏ដោយ។ សូមបញ្ជាក់ថា អ៊ីរ៉ង់បានឈានដល់កិច្ចព្រមព្រៀងនុយក្លេអ៊ែរ ជាមួយប្រទេសមហាអំណាច ៥+១ (អាមេរិក រុស្ស៊ី ចិន បារាំង អង់គ្លេស + អាល្លឺម៉ង់) កាលពីឆ្នាំ២០១៥ ប៉ុន្តែអតីតលោកប្រធានាធិបតី ដូណាល់ ត្រាំ បានដកអាមេរិកចេញពីកិច្ចព្រមព្រៀងមួយនេះវិញ កាលពីឆ្នាំ២០១៨ កន្លងទៅ៕អត្ថបទ៖ សារ៉ាត់

សម្ដេចតេជោ ហ៊ុន សែន កោតសរសើររដ្ឋមន្ត្រី ជា សុផារ៉ា ដែលបានផ្ដល់វ៉ាក់សាំងទៅដល់បុគ្គលិកថែសួន និងអនាម័យ

ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានកោតសរសើរដល់ឯកឧត្ដមឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ សម្រាប់កិច្ចខិតខំប្រឹងប្រែងកៀរគរមន្ត្រីរាជការ និងបុគ្គលិកក្រោមឱវាទក្រសួង ឱ្យចាក់វ៉ាក់សាំងលើសពីចំនួនកំណត់។សម្ដេចតេជោ ហ៊ុន សែន បានកោតសរសើរដល់ឯកឧត្ដម ជា សុផារ៉ា ដោយផ្ទាល់មាត់បែបនេះនៅក្នុងសារជាសំឡេងមួយដែលត្រូវបានផ្ញើចេញតាមប្រព័ន្ធបញ្ចូនសារតេឡេក្រាមនៅយប់នេះ។សម្ដេចតេជោ ហ៊ុន សែន មានប្រសាសន៍ថា៖ «តែមានក្រសួងមួយគឺក្រសួងរៀបចំដែនដី នគរូបនីយកម្ម និងសំណង់របស់ឯកឧត្ដមឧបនាយករដ្ឋមន្ត្រី ជា សុផារ៉ា គឺបែរជាចាក់វ៉ាក់សាំងលើសចំនួន ដោយសារតែមន្ត្រីជាប់កិច្ចសន្យា អ្នកថែសួន អ្នកធ្វើអនាម័យ ក៏មកសុំចាក់វ៉ាក់សាំងដែរ។សម្ដេចមានប្រសាសន៍បន្តថា៖ «នេះគឹជាការលើកទឹកចិត្តដ៏អស្ចារ្យមួយដែលខ្ញុំយកឱកាសនេះកោតសរសើរ។ ឯកឧត្ដម ជា សុផារ៉ា មានការព្រួយបារម្ភថា ចាក់វ៉ាក់សាំងលើសចំនួន តែខ្ញុំប្រាប់ថា នេះគឺជាកាយវិការដ៏ល្អដែលសូម្បីតែអ្នកថែសួន សូម្បីតែអ្នកធ្វើអនាម័យនៅក្រសួងរៀបចំដែនដី នគរូបនីយកម្ម និងសំណង់ ដែលត្រូវបានចាក់ទាំងអ្នកបម្រើការបែបនេះ»។ចំណែកឯកងទ័ពស្ថិតក្រោមក្រសួងការពារជាតិវិញ សម្ដេចតេជោ ហ៊ុន សែន មានប្រសាសន៍ផងដែរថា បានចាក់ស្ទើរតែទាំងអស់ហើយនៅក្រោមការដឹកនាំដ៏ម៉ឺងម៉ាត់ដោយសម្ដេចពិជ័យសេនា ទៀ បាញ់ ដែលជារដ្ឋមន្ត្រីក្រសួងការពារជាតិ។បើតាមតួលេខរបស់ក្រសួងសុខាភិបាលគិតត្រឹមថ្ងៃទី៤ ខែមេសានេះ ពលរដ្ឋកម្ពុជាសរុបដល់ទៅ ៤១៨ ៥៦៩នាក់ហើយនៅទូទាំងប្រទេស បានទទួលវ៉ាក់សាំងនៅក្រោមយុទ្ធនាការចាក់វ៉ាក់សាំងរបស់រាជរដ្ឋាភិបាល ក្នុងនោះមានទាំងការចាក់វ៉ាក់សាំងស៊ីណូហ្វាម វ៉ាក់សាំងស៊ីណូវ៉ាក់ និងវ៉ាក់សាំងកូវីស៊ែលផងដែរ៕

សម្ដេចតេជោ ហ៊ុន សែន ព្រមានដកការងារពីមន្ត្រី និងកម្លាំងប្រដាប់អាវុធរូបណាខកខានចាក់វ៉ាក់សាំងដោយចេតនា

ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន មានប្រសាសន៍នៅយប់នេះថា មន្ត្រីរាជការស៊ីវិល និងកងកម្លាំងប្រដាប់អាវុធ នឹងប្រឈមមុខនឹងការបាត់បង់ការងារនាពេលខាងមុខ ប្រសិនបើពួកគេមិនបានចាក់វ៉ាក់សាំងបង្ការមេរោគកូវីដ១៩ទេនោះ។សម្ដេចតេជោនាយករដ្ឋមន្ត្រីកម្ពុជា បានមានប្រសាសន៍សង្កត់ធ្ងន់បែបនេះនៅក្នុងសារសំឡេងរបស់លោកដែលត្រូវបានបញ្ជូនចេញនៅយប់នេះតាមប្រព័ន្ធបញ្ជូនសារតេឡេក្រាម។សម្ដេចតេជោ ហ៊ុន សែន ថ្លែងថា៖ «ខ្ញុំសូមបញ្ជាក់ជូនទៅមន្ត្រីរាជការដែលមិនចង់ចាក់វ៉ាក់សាំងឱ្យបានជ្រាបថា នៅពេលណាដែលគ្រប់ស្ថាប័នចាក់បានពី ៧០ភាគរយឡើងលើ មន្ត្រីដែលមិនបានចាក់វ៉ាក់សាំង ប្រហែលជាមិនអាចចូលធ្វើការបានទេ សូមដេកផ្ទះចុះ ហើយបើថ្នាក់ដែលត្រូវចូលប្រជុំ ក៏មិនចាំបាច់ឱ្យប្រធានស្ថាប័នអញ្ចើញចូលរួមដែរ ទុកឱ្យដេកផ្ទះនោះទៅ ព្រោះគ្រាន់តែវ៉ាក់សាំងចាក់ដើម្បីការពារជីវិតខ្លួនឯង និងចូលរួមការពារប្រយុទ្ធនឹងកូវីដ១៩ ធ្វើមិនបានផង តើចាំបាច់បន្តធ្វើជាទាហាន ជាប៉ូលិស ឬក៏ធ្វើជាមន្ត្រីរាជការធ្វើអ្វីតទៅទៀត គ្មានការចាំបាច់ទេ»។សម្ដេចតេជោមានប្រសាសន៍បន្តថា៖ «អ៊ីចឹង ខ្ញុំសូមបញ្ជាក់សារជាថ្មីឱ្យក្រសួងស្ថាប័នបូកសរុបមន្ត្រីរបស់ខ្លួនមានប៉ុន្មានភាគរយដែលបានចាក់រួចហើយ ហើយនៅសល់ប៉ុន្មាន។ អ្នកដែលមិនបានចាក់បន្ទាប់ពីដូសទីពីរនៃអ្នកបានទទួលហើយ។ អ្នកមិនទាន់បានចាក់ គប្បីកុំឱ្យចូលមកក្រសួងដែលនាំជំងឺចូលមកកាន់ក្រសួងរបស់ខ្លួន ទុកឱ្យគាត់ដេកនៅផ្ទះរង់ចាំចាក់វ៉ាក់សាំងហើយសិនចាំចូលមកក៏មិនទាន់យឺតពេល»។សម្ដេចតេជោ ហ៊ុន សែន បានព្រមានថា ប្រសិនបើមន្ត្រីរាជការ និងកងកម្លាំងប្រដាប់អាវុធណាដែលខកខានមិនបានចាក់វ៉ាក់សាំងដោយចេតនា នឹងត្រូវអនុញ្ញាតដាក់ឱ្យទំនេរពីការងារ ហើយក្រសួង និងស្ថាប័ននោះ នឹងជ្រើសរើសមន្ត្រីថ្មីយកមកជំនួសវិញ។សម្ដេចតេជោ ហ៊ុន សែន មានប្រសាសន៍បន្តថា៖ «យើងសុខចិត្តឱ្យពួកគាត់នៅផ្ទះ។ យើងសុខចិត្តឱ្យពួកគាត់ចាកចេញពីការងារ ហើយយើងជ្រើសរើសមន្ត្រីថ្មីចូលធ្វើការជំនួសវិញ ព្រោះបញ្ហានេះជាបញ្ហាសុខភាពសាធារណៈ»។សម្ដេចតេជោបានដាក់បញ្ជាទៅថ្នាក់ដឹកនាំនៅថ្នាក់ក្រោមជាតិឱ្យត្រួតពិនិត្យកិច្ចការនេះឱ្យបានត្រឹមត្រូវ ដើម្បីបញ្ចៀសការគេចវេសណាមួយពីសំណាក់មន្ត្រីស៊ីវិល និងកងកម្លាំងប្រដាប់អាវុធមួយចំនួន ដែលសម្ដេចចាត់ទុកទង្វើគេចវេសនោះថា «មិនត្រឹមតែបំផ្លាជីវិតរបស់ពួកគាត់ប៉ុណ្ណោះទេ ក៏ប៉ុន្តែ បានចូលរួមចំណែកបំផ្លាញជីិវិតអ្នកដទៃនៅតាមស្ថាប័នដែលខ្លួនធ្វើការ»។សម្រាប់មន្ត្រីរាជការស៊ីវិល និងកងកម្លាំងប្រដាប់ណាដែលខកខានមិនបានចាក់វ៉ាក់សាំង សម្ដេចតេជោតម្រូវឱ្យមានការបញ្ជាក់ដោយត្រឹមត្រូវដែលចេញដោយប្រធានមន្ទីរសុខាភិបាលខេត្តនីមួយៗនៅទូទាំងប្រទេស ដើម្បីធានាថា គ្មានការស៊ុំគ្រលំគ្នាណាមួយកើតឡើងនោះឡើយ។បើតាមតួលេខរបស់ក្រសួងសុខាភិបាលគិតត្រឹមថ្ងៃទី៤ ខែមេសានេះ ពលរដ្ឋកម្ពុជាសរុបដល់ទៅ ៤១៨ ៥៦៩នាក់ហើយនៅទូទាំងប្រទេស បានទទួលវ៉ាក់សាំងនៅក្រោមយុទ្ធនាការចាក់វ៉ាក់សាំងរបស់រាជរដ្ឋាភិបាល ក្នុងនោះមានទាំងការចាក់វ៉ាក់សាំងស៊ីណូហ្វាម វ៉ាក់សាំងស៊ីណូវ៉ាក់ និងវ៉ាក់សាំងកូវីស៊ែលផងដែរ៕

រាជរដ្ឋាភិបាល៖យើងត្រូវគ្រប់គ្រងស្ថានភាពកូវីដ១៩នៅភ្នំពេញនិងខេត្តកណ្តាលឲ្យទាល់តែបាននាពេលខាងមុខ

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជាបានប្រកាស់ថា គោលការខាងមុខទៀត គណកម្មការវ៉ាងសាំងប្រឆាំងនឹងជំងឺកូវីដ១៩ ត្រូវតែគ្រប់គ្រងស្ថានភាពជំងឺកូវីដ១៩នេះ នៅរាជធានីភ្នំពេញ និងខេត្តកណ្តាលឲ្យទាល់តែបាន បើទោះបីជាបច្ចុប្បន្ននេះ រាជធានី-ខេត្តទាំងពីរនេះបានកំពុងតែដំណើរការចាក់វ៉ាស់សាំងយ៉ាងណាក៏ដោយនោះ ប៉ុន្តែវាមិនទាន់ឆ្លើយតបនឹងសាំរបស់មេរោគដ៏កាចសាហាវនេះបាននៅឡើយនោះទេ។ ថ្លែងតាមរយៈសារអេឡិចត្រូនិច (តេលេក្រាម) នាល្ងាចថ្ងៃទី៦ ខែមេសា ឆ្នាំ២០២១នេះសម្តេចតេជោ ហ៊ុន សែន បានលើកឡើងថា ពេលវ៉ាក់សាំងថ្មីមកដល់ប្រទេសកម្ពុជាភ្លាមនោះ គណកម្មការចំពោះកិច្ចនៃការចាក់វ៉ាក់សាំងគឺត្រូវតែផ្តល់ការចាក់មនុស្សនៅក្នុងរាជធានីភ្នំពេញ និងខេត្តកណ្តាលទាំងអស់មិនថាមនុស្សនោះមកពីណានោះទេ ដើម្បីធ្វើយ៉ាងណាគ្រប់គ្រងស្ថានភាពនៃការរីករាលដាលនូវមេរោគកូវីដ១៩នេះឲ្យបាន និងមិនត្រូវធ្វេសប្រហែសចំពោះរាជធានីភ្នំពេញ និងខេត្តកណ្តាលនេះបន្តទៀតបាននោះឡើយ។ជាមួយគ្នានោះដែរ សម្តេចតេជោ ហ៊ុន សែន ក៏បានបញ្ជាដល់គណកម្មការចំពោះកិច្ចឲ្យមានការសហការគ្នាជាមួយក្រសួងសុខាភិបាល សាលារាជធានីភ្នំពេញ និងរដ្ឋបាលខេត្តកណ្តាលធ្វើស្ថិតិឲ្យបានច្បាស់លាស់ចំពោះអ្នករស់នៅផ្លូវជាតិលេខ៣ និងផ្លូវជាតិលេខ៤ ជាពិសេសបងប្អូនកម្មករ-កម្មការិនីនៅតាមបណ្តារោងចក្រសហគ្រាស់នៃផ្លូវជាតិទាំងនោះ ដោយត្រូវធ្វើការចាក់ជូនពួកគាត់ជាអាទិភាពផងដែរក្រោយវ៉ាក់សាំងថ្មីមកដល់ ហើយសម្តេចរំពឹងថា បន្ទាប់ពីចាក់ដល់ពួកគាត់ហើយនឹងមិនសូវមានហានិភ័យខ្ពស់បន្តទៀតចំពោះការចម្លងគ្នាទៅវិញទៅមករវាងរាជធានីភ្នំពេញ ទៅបណ្តាខេត្ត និងពីទីប្រជុំជនទៅកាន់កន្លែងជនបទជាដើមនោះ។ តាមរយៈសារអេឡិចត្រូនិចនេះដដែលនេះដែរ សម្តេចតេជោ ហ៊ុន សែន ក៏បានលើកឡើងផងដែរថា ព្រឹត្តិការណ៍នៃការចាក់វ៉ាក់សាំងនាពេលនេះ គឺជាគោលការណ៍ស្ម័គ្រចិត្ត ហើយនាពេលខាងមុខឆាប់ៗនេះ សម្តេចតេជោ បារម្ភថាវានឹងក្លាយជាវ៉ាក់សំាងកតព្វកិច្ច ដោយមានន័យថាប្រសិនបើបុគ្គលណាមិនមានការចាក់វ៉ាក់សាំង នឹងមិនអាចទទួលបានការងារធ្វើនៅតាមបណ្តាក្រុមហ៊ុនឯកជន ឬស្ថានប័នរដ្ឋ ឬពេលចេញទៅក្រៅប្រទេស ប្រទេសគេនឹងមិនឲ្យចូលជាដើមនោះ ជាក់ស្តែងដូចនៅប្រទេសឥណ្ឌូនេស៊ី នាពេលនេះគឺគេត្រូវបានអនុវត្តន៍រួចទៅហើយចំពោះវ៉ាក់សាំងកតព្វកិច្ចនេះ ដោយមិនបានចាក់នឹងត្រូវអត់មានការងារធ្វើ៕អត្ថបទ ៖ បាន ចក

មនុស្ស ២៥នាក់ស្លាប់ក្នុងហេតុការណ៍នាវាដឹកអ្នកដំណើរបុកជាមួយនាវាដឹកប្រេងនៅបង់ក្លាដែស

បង់ក្លាដែស៖ ក្រុមមន្ត្រីបាននិយាយកាលពីថ្ងៃចន្ទថា ក្រុមជួយសង្គ្រោះបានស្រង់សាកសពមនុស្សយ៉ាងហោច ២៥នាក់ចេញពីទន្លេនៅក្រៅរដ្ឋធានីប្រទេសបង់ក្លាដែស ក្រោយនាវាចម្លង បុកជាមួយនាវាដឹកប្រេង។ ពួកគេបានអះអាងថា នាវាចម្លង ML Rabit Al Hasan បានលិចកាលពីយប់ថ្ងៃអាទិត្យ ក្រោយបុកជាមួយនាវាដឹកប្រេងនៅក្នុងទន្លេស៊ីតាឡាក់យ៉ា ស្ថិតក្នុងស្រុកណារ៉ាយ៉ាន់ហ្គាន់នៅក្រៅរដ្ឋធានីដាកា។លោក អ៊ឺសាដ ហូសាំង មន្ត្រីការពារជនស៊ីវិល និងពន្លត់អគ្គិភ័យបាននិយាយថា ក្រុមការងារសង្គ្រោះបានស្រង់សាកសពមនុស្ស ៥នាក់ទាំងយប់ និងរកឃើញសាកសពមនុស្ស ២០នាក់ផ្សេងទៀតនៅថ្ងៃចន្ទ។ ចំណែកឯមនុស្ស ៩នាក់ផ្សេងទៀតកំពុងបាត់ខ្លួន។ លោកបន្តថា នាវាចម្លង ២ជាន់បានធ្វើដំណើរឆ្ពោះទៅកាន់ស្រុកមាន់ហ្ស៊ីហ្គាន់ ជាមួយនឹងអ្នកដំណើរជាង ៥០នាក់ពេលដែលឧប្បត្តិហេតុកើតឡើង។ ក្រុមអាជ្ញាធរបានដាក់បន្ទុកលើនាវាដឹកប្រេងថា ជាអ្នកបើកបុកនាវាចម្លង និងបានបញ្ជាឲ្យបើកការស៊ើបអង្កេតលើមូលហេតុ ដែលនាំឲ្យហេតុការណ៍អាក្រក់នេះកើតឡើង។ សូមបញ្ជាក់ថា ឧប្បត្តិហេតុលិចនាវាចម្លងបានក្លាយជារឿងធម្មតា ទៅហើយនៅក្នុងប្រទេសបង់ក្លាដែស ដោយសារតែការផ្ទុកអ្នកដំណើរលើសចំណុះ និងច្បាប់ទម្លាប់ធូររលង់នៅពាសពេញ ១៣០ទន្លេ៕អត្ថបទ៖ សារ៉ាត់

ទឹកជំនន់ និងបំណាក់ដីសម្លាប់មនុស្សជាង ១០០នាក់នៅឥណ្ឌូនេស៊ី និងទីម័រឡេស្តេ

ឥណ្ឌូនេស៊ី៖ មនុស្សយ៉ាងហោច ១១៣នាក់បានស្លាប់ក្រោយទឹកជំនន់ និងហេតុការណ៍បំណាក់ដីនៅប្រទេសឥណ្ឌូនេស៊ី និងទីម័រឡេស្តេកាលពីថ្ងៃអាទិត្យកន្លងទៅ។ ភ្លៀងធ្លាក់ខ្លាំង ធ្វើឲ្យមានការខូចខាតទ្រង់ទ្រាយធំ នៅប្រទេសជិតខាងអាស៊ីអាគ្នេយ៍ទាំង ២ នេះក្នុងនោះទឹកបានហូរប្រៀបអាងស្តុបទឹក ធ្វើឲ្យជន់លិចផ្ទះសម្បែងប្រជាពលរដ្ឋរាប់ម៉ឺនខ្នង។ តំបន់រងគ្រោះ មានចាប់ពីកោះផ្ល័ររ៉េស ស្ថិតនៅភាគខាងកើតឥណ្ឌូនេស៊ីរហូតដល់ទីម័រឡេស្តេ។នៅក្នុងប្រទេសឥណ្ឌូនេស៊ី មនុស្ស ៨៦នាក់បានស្លាប់ ក្នុងនោះមនុស្សរាប់សិបនាក់ផ្សេងទៀតកំពុងបាត់ខ្លួន។ ក្រុមមន្ត្រីបានព្រមានថា ចំនួនមនុស្សស្លាប់អាចនឹងកើនឡើងបន្ថែមទៀត។ លោក រ៉ាឌីតយ៉ា ដ្យាទី អ្នកនាំពាក្យទីភ្នាក់ងារកាត់បន្ថយគ្រោះមហន្តរាយឥណ្ឌូនេស៊ី បាននិយាយប្រាប់ក្រុមអ្នកសារព័ត៌មានថា ដីភក់ និងអាកាសធាតុអាក្រក់បានក្លាយជាការងារលំបាកដ៏ធ្ងន់ធ្ងរមួយ ហើយគំនរកម្ទេចកម្ទីបានរារាំង ដល់ប្រតិបត្តិការរបស់ក្រុមរុករក និងក្រុមការងារសង្គ្រោះ។ ប្រធានទីភ្នាក់ងារគ្រោះមហន្តរាយ កោះផ្ល័រ៉េសខាងកើតបាននិយាយថា ពួកយើងសង្ស័យថា មនុស្សជាច្រើននាក់បានកប់ក្នុងបំណាក់ដី ប៉ុន្តែនៅពេលនេះពួកយើងមិនទាន់ច្បាស់នោះទេថា តើមនុស្សប៉ុន្មាននាក់កំពុងបាត់ខ្លួន។លោកបន្តថា មនុស្សជាច្រើនបានជម្លៀសខ្លួន ប៉ុន្តែអ្នកខ្លះបន្តស្នាក់នៅក្នុងផ្ទះ ពួកគេត្រូវការថ្នាំពេទ្យ ស្បៀងអាហារ និងភួយ។ ដោយឡែកមនុស្សយ៉ាងហោច ២៧នាក់បានស្លាប់ផងដែរនៅទីម័រឡេស្តេ ដែលភាគច្រើននៃករណីស្លាប់កើតឡើងក្នុងរដ្ឋធានីឌីលី។ ខណៈពេលនោះដែរ នាយករដ្ឋមន្ត្រីឥណ្ឌូនេស៊ី លោក ចូកូ វីដូដូ បានសម្ដែងនូវមរណទុក្ខដល់ក្រុមគ្រួសារជនរងគ្រោះ និងជំរុញឲ្យពលរដ្ឋទាំងអស់ អនុវត្តន៍តាមការណែនាំរបស់ក្រុមមន្ត្រី អំឡុងពេលជួបស្ថានភាពអាកាសធាតុដ៏អាក្រក់បែបនេះ៕អត្ថបទ៖ សារ៉ាត់

សម្ដេចតេជោគ្រោងនឹងដាក់ឲ្យមានការព្យាបាលកូវីដ-១៩ នៅតាមផ្ទះ ប្រសិនបើចំនួនអ្នកឆ្លងមានការកើនឡើងច្រើនទៅៗ

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី បានស្នើឲ្យគណ:កម្មការអន្តរក្រសួងប្រឆាំងកូវីដ-១៩ ត្រៀមរៀបចំក្រុមប្រតិបត្តិសម្រាប់ឈានទៅព្យាបាលកូវីដ-១៩ នៅតាមផ្ទះ ដូចបណ្ដាប្រទេសធំៗមួយចំនួន ដែលមានអ្នកឆ្លងកូវីដកើនឡើងច្រើនហួស ពីចំនួនគ្រូពេទ្យដែលអាចទទួលព្យាបាលបាន ដោយយើងទទួលយកទៅព្យាបាលនៅមន្ទីរពេទ្យ ចំពោះតែអ្នកជំងឺធ្ងន់ប៉ុណ្ណោះ។តាមរយៈសារបន្ទាន់ថ្មីនេះ សម្ដេចបានមានប្រសាសន៍ថា ការត្រៀមបែបនេះក្នុងករណីមានអ្នកជាតិច តែអ្នកឆ្លងច្រើន ដូច្នេះវិធីដោះស្រាយមានតែទុកអ្នកដែលមានវិជ្ជមានកូវីដ ប៉ុន្តែស្រាលទុកព្យាបាលនៅតាមផ្ទះទៅវិញ ប៉ុន្តែត្រូវតែមានការវិនិច្ឆ័យឲ្យបានច្បាស់ ដែលការវិនិច្ឆ័យនោះ បើតាមយោបល់សម្ដេចស្ថិតនៅលើចំណុច២ នោះអ្នកដែលត្រូវទុកនៅតាមផ្ទះត្រូវតែមានជំងឺស្រាល និងមានផ្ទះសមរម្យដែលអាចព្យាបាលបាន។ រីឯអ្នកជំងឺធ្ងន់ត្រូវតែនាំយកមកកាន់មន្ទីរពេទ្យ។ មួយវិញទៀតអ្នកជំងឺស្រាល ប៉ុន្តែផ្ទះរបស់គាត់មានទំហំតូច ដែលអាចឆ្លងរាលដាលដល់ទៅកាន់គ្រួសារ ក៏ត្រូវតែនាំគាត់មកកាន់មន្ទីរពេទ្យដែរ។ សម្ដេចគិតថា យ៉ាងហោចណាស់យើងក៏មាន ៥០% នៃអ្នកជំងឺដែលមានលទ្ធភាព និងចង់ព្យាបាលនៅតាមផ្ទះផងដែរ ដោយយើងគ្រាន់តែរៀបចំនូវក្រុមប្រតិបត្តិដើម្បីតម្រូវថា តើអ្នកជំងឺត្រូវធ្វើដូចម្ដេច សហគមន៍ អាជ្ញាធរមូលដ្ឋានត្រូវជួយមើលថែទាំគាត់របៀបម៉េច ដើម្បីកុំឲ្យគាត់ចេញក្រៅផ្ទះ។ក្រុមគ្រូពេទ្យត្រូវទៅព្យាបាលគាត់ត្រូវធ្វើរបៀបម៉េច រួមនឹងការងារដទៃទៀតដែលមានការពាក់ព័ន្ធ។ សម្ដេចគិតថា យើងនឹងអាចឈានទៅដល់ដំណាក់កាលនោះ ក្នុងករណីដែលព្រឹត្តិការណ៍ ២០កុម្ភៈ មិនមានការថមថយដូចក្នុងពេលនេះ ជាពិសេសក្នុងពេលដែលវាបាននឹងកំពុងកើតនៅភ្នំពេញនេះ។ ចំពោះអ្នកដែលនឹងត្រូវព្យាបាលតាមផ្ទះ ក៏ត្រូវសម្រួលរៀបចំជូនពួកគាត់ ដើម្បីពួកគាត់រស់នៅបានស្រួល ក្រៅពីការព្យាបាលអាចជួយឧបត្ថម្ភដល់ពួកគាត់ តាមរបៀបដូចធ្វើចត្តាឡីស័កដោយក្នុង ១ថ្ងៃជូន ២ម៉ឺនរៀលសម្រាប់ហូបចុកនានា ដើម្បីឲ្យអ្នកផ្ទះគាត់ជួយរៀបចំម្ហូបអាហារជូនពួកគាត់ ដើម្បីបំប៉នសម្រាប់ការព្យាបាល៕អត្ថបទ៖ មុតសុទ្ធ

សម្ដេចតេជោ ហ៊ុន សែន នាយករដ្ឋមន្ត្រីកម្ពុជា ផ្ញើសារអបអរសាទរអតីតនាយករដ្ឋមន្ត្រីវៀតណាម ដែលបច្ចុប្បន្នត្រូវបានតែងតាំងជាប្រធានាធិបតីវៀតណាម

ភ្នំពេញ៖ នៅក្នុងលិខិតសម្តេចតេជោ ហ៊ុន សែន ផ្ញើជូនលោក ង្វៀន សួនហ៊្វុក ប្រធានរដ្ឋសាធារណរដ្ឋសង្គមនិយមវៀតណាម ហាណូយ នៅថ្ងៃទី៥ ខែមេសា ឆ្នាំ២០២១ នេះបានឲ្យដឹងថា ក្នុងនាមរាជរដ្ឋាភិបាល និងប្រជាជននៃព្រះរាជាណាចក្រកម្ពុជា និងខ្លួនខ្ញុំផ្ទាល់ ខ្ញុំសូមផ្ញើជូន ឯកឧត្ដមនូវការអបអរសាទរយ៉ាងជ្រាលជ្រៅអស់ពីដួងចិត្ត ចំពោះការតែងតាំងឯកឧត្ដម ជាប្រធានាធិបតីវៀតណាម។ការទទួលបាននូវតំណែងដ៏ឧត្ដុង្គឧត្ដម និងស័ក្ដិសមបំផុតសម្រាប់ឯកឧត្ដម បានបង្ហាញអំពីជំនឿជឿជាក់ និងទំនុកចិត្តយ៉ាងខ្លាំងរបស់បក្សកុម្មុយនិស្ត និងប្រជាជនវៀតណាមទាំងមូល មកលើភាពជាអ្នកដឹកនាំដ៏វាងវៃរបស់ឯកឧត្ដម។ ខ្ញុំជឿជាក់យ៉ាងមុតមាំថា ក្រោមការគ្រប់គ្រង និងការដឹកនាំដ៏ឈ្លាសវៃរបស់ឯកឧត្តម សាធារណរដ្ឋសង្គមនិយមវៀតណាមនឹងបន្តទទួលបាន នូវការរីកចម្រើនផ្នែកសេដ្ឋកិច្ច និងសង្គមកាន់តែធំធេងថែមទៀត ឈានទៅសម្រេចបាននូវគោលដៅក្លាយទៅជាប្រទេសអភិវឌ្ឍន៍នៅឆ្នាំ២០៤៥ និងបន្តបំពេញតួនាទីដ៏សកម្មទាំងនៅលើឆាកតំបន់ និងអន្តរជាតិ។ ខ្ញុំសូមសម្ដែងនូវអំណរអរគុណដ៏ស្មោះជូនចំពោះឯកឧត្ដម ដែលបានថែរក្សាពូនផ្តុំនូវចំណងមិត្តភាពជាប្រពៃណី និងធ្វើឲ្យកាន់តែសំបូរបែបនូវកិច្ចសហប្រតិបត្តិការ ដ៏ជិតស្និទ្ធរបស់ប្រទេសយើងទាំងពីរ នៅក្នុងអាណត្តិឯកឧត្ដមជានាយករដ្ឋមន្ត្រី។ ខ្ញុំជឿជាក់ថា ទោះបីជានៅក្នុងពេលបច្ចុប្បន្ននេះ យើងមានតួនាទីផ្សេងគ្នាក៏ដោយ ទំនាក់ទំនងដ៏ស្និទ្ធស្នាលរបស់យើងនឹងនៅតែរឹងមាំ និងបន្តជាកត្តាជំរុញកិច្ចសហប្រតិបត្តិការ រវាងប្រទេសយើងទាំងពីរឱ្យកាន់តែមានវិសាលភាពធំធេងជាងមុន។ខ្ញុំសូមអះអាងជាថ្មីនូវការប្តេជ្ញាចិត្តដ៏មុតមាំ នឹងធ្វើការយ៉ាងជិតស្និទ្ធជាមួយនឹងអ្នកបន្តវេន របស់ឯកឧត្ដម ដើម្បីលើកកម្ពស់ភាពជាដៃគូយូរអង្វែង ផ្អែកលើស្មារតីភាពជាអ្នកជិតខាងល្អ សាមគ្គីភាព ការយោគយល់គ្នា និងកិច្ចសហប្រតិបត្តិការ ដែលមានផលប្រយោជន៍ទៅវិញទៅមក ជាពិសេសការជម្នះបាននូវបញ្ហាប្រឈមនានា ដែលមិនធ្លាប់បានជួបប្រទះកន្លងមក បណ្ដាលមកពីការរាតត្បាតនៃជំងឺកូវីដ-១៩ ដើម្បីរួមចំណែកដល់សន្តិភាព ស្ថិរភាព ការអភិវឌ្ឍន៍ប្រកបដោយចិរភាព និងវិបុលភាពរបស់ប្រជាជាតិយើងទាំងពីរ តំបន់ និងសកលលោកទាំងមូល។ ខ្ញុំសូម ឯកឧត្ដម ទទួលនូវការរាប់អានដ៏ជ្រាលជ្រៅ និងសូមជូនពរឯកឧត្ដម មានសុខភាពល្អ សុភមង្គល និងបន្តទទួលបានជោគជ័យថែមទៀត នៅក្នុងភារកិច្ចថ្មីដ៏ឧត្ដុង្គឧត្ដមរបស់ឯកឧត្តម៕ អត្ថបទ៖ វង្ស សុភាព

បណ្ដាញសង្គម

ព័ត៌មានថ្មីៗ

អ៊ូហ្គង់ដា បញ្ជូនក្រុមវេជ្ជសាស្រ្តទៅជួយកុងហ្គោដោះស្រាយការរីករាលដាលឆ្លងជំងឺអេបូឡា

ពលរដ្ឋអ៊ីរ៉ង់អំពាវនាវឲ្យបិទច្រកសមុទ្រ Hormuzទាំងស្រុង ក្រោយការវាយប្រហាររបស់អាមេរិក

យន្តហោះដឹកទំនិញមានយានិក ៥នាក់នៅលើយន្តហោះ បាត់ការទាក់ទងនៅជិតទីក្រុង Karachi ប្រទេសប៉ាគីស្ថាន

លោក Trump៖ សហរដ្ឋអាមេរិកប្រហែលជានឹងវាយប្រហារអ៊ីរ៉ង់យ៉ាងខ្លាំងក្លាម្ដងទៀត យប់ថ្ងៃពុធនេះ

ប្រភព៖ លោក Trump បានប្រាប់មេដឹកនាំណាតូថា លោកចង់បន្តវត្តមានអាមេរិក នៅក្នុងសម្ព័ន្ធភាព

មេដឹកនាំទួរគីជំរុញឱ្យសម្ព័ន្ធមិត្តណាតូលុបការរឹតបន្តឹងឧស្សាហកម្មការពារជាតិ នៅឯកិច្ចប្រជុំកំពូល

សហភាពអឺរ៉ុបជំរុញឱ្យគ្រប់ភាគីគោរពបទឈប់បាញ់ជាមួយអ៊ីរ៉ង់ ក្នុងពេលមានអរិភាពថ្មី

រុស្ស៊ីព្យាយាមបង្អាក់ប្រព័ន្ធ Starlink របស់លោក Musk ដើម្បីទប់ទល់យានដ្រូនអ៊ុយក្រែន

លោកស្រីនាយករដ្ឋមន្រ្តី Frederiksen ៖ ដាណឺម៉ាកត្រៀមខ្លួនរួចរាល់ក្នុងការការពាររាល់មីលីម៉ែត្រនៃទឹកដីណាតូ

មេបញ្ជាការកងកម្លាំងយានដ្រូនអះអាងថា អ៊ុយក្រែនវាយប្រហារនាវាដឹកប្រេងស្រមោល ៩គ្រឿងរបស់រុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ថវិកា២០០លានរៀលជាអំណោយដ៏មហាសប្បុរសរបស់មហាឧបាសិក ប៊ុន ស៊ាងលី ត្រូវបានប្រគល់ជូនមន្ទីរពេទ្យគន្ធបុប្ផា

WHO៖ អត្ថប្រយោជន៍វ៉ាក់សាំងបង្ការ COVID-19 របស់ក្រុមហ៊ុន AstraZeneca មានច្រើនជាងហានិភ័យ

មន្ត្រីការទូតជាន់ខ្ពស់របស់ពិភពលោកជួបជុំគ្នានៅទីក្រុងវីយែនពិភាក្សាកិច្ចព្រមព្រៀងនុយក្លេអ៊ែរអ៊ីរ៉ង់

សម្ដេចតេជោ ហ៊ុន សែន កោតសរសើររដ្ឋមន្ត្រី ជា សុផារ៉ា ដែលបានផ្ដល់វ៉ាក់សាំងទៅដល់បុគ្គលិកថែសួន និងអនាម័យ

សម្ដេចតេជោ ហ៊ុន សែន ព្រមានដកការងារពីមន្ត្រី និងកម្លាំងប្រដាប់អាវុធរូបណាខកខានចាក់វ៉ាក់សាំងដោយចេតនា

រាជរដ្ឋាភិបាល៖យើងត្រូវគ្រប់គ្រងស្ថានភាពកូវីដ១៩នៅភ្នំពេញនិងខេត្តកណ្តាលឲ្យទាល់តែបាននាពេលខាងមុខ

មនុស្ស ២៥នាក់ស្លាប់ក្នុងហេតុការណ៍នាវាដឹកអ្នកដំណើរបុកជាមួយនាវាដឹកប្រេងនៅបង់ក្លាដែស

ទឹកជំនន់ និងបំណាក់ដីសម្លាប់មនុស្សជាង ១០០នាក់នៅឥណ្ឌូនេស៊ី និងទីម័រឡេស្តេ

សម្ដេចតេជោគ្រោងនឹងដាក់ឲ្យមានការព្យាបាលកូវីដ-១៩ នៅតាមផ្ទះ ប្រសិនបើចំនួនអ្នកឆ្លងមានការកើនឡើងច្រើនទៅៗ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

WHO៖ អត្ថប្រយោជន៍​វ៉ាក់សាំង​បង្ការ​ COVID-19​ របស់​ក្រុមហ៊ុន AstraZeneca មាន​ច្រើនជាង​ហានិភ័យ​

រាជរដ្ឋាភិបាល៖យើងត្រូវគ្រប់គ្រងស្ថានភាពកូវីដ១៩នៅភ្នំពេញនិងខេត្តកណ្តាលឲ្យទាល់តែបាននាពេលខាងមុខ

មនុស្ស​ ២៥​នាក់​ស្លាប់​ក្នុង​ហេតុការណ៍​នាវា​ដឹកអ្នកដំណើរ​បុក​ជាមួយ​នាវា​ដឹក​ប្រេង​នៅ​បង់​ក្លា​ដែ​ស​

ទឹក​ជំនន់ និង​បំណាក់​ដី​សម្លាប់​មនុស្ស​ជាង ​១០០​នាក់​នៅ​ឥណ្ឌូនេស៊ី និង​ទី​ម័​រ​ឡេ​ស្តេ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

WHO៖ អត្ថប្រយោជន៍វ៉ាក់សាំងបង្ការ COVID-19 របស់ក្រុមហ៊ុន AstraZeneca មានច្រើនជាងហានិភ័យ

មនុស្ស ២៥នាក់ស្លាប់ក្នុងហេតុការណ៍នាវាដឹកអ្នកដំណើរបុកជាមួយនាវាដឹកប្រេងនៅបង់ក្លាដែស

ទឹកជំនន់ និងបំណាក់ដីសម្លាប់មនុស្សជាង ១០០នាក់នៅឥណ្ឌូនេស៊ី និងទីម័រឡេស្តេ