BTV NEWS

សមត្ថកិច្ចចម្រុះបង្ក្រាបករណីបង្ខាំងមនុស្ស និងឆែកឆេរទីតាំងសង្ស័យ Online Scam សង្គ្រោះជនរងគ្រោះម្នាក់ និងឃាត់ខ្លួនជនសង្ស័យជាជនជាតិបង់ក្លាដេសដូចគ្នាចំនួន២នាក់នៅខណ្ឌសែនសុខ

ជនជាតិចិន ៣២៣នាក់ទៀត ត្រូវបានបណ្ដេញចេញពីកម្ពុជា ពាក់ព័ន្ធករណីឆបោកតាមប្រព័ន្ធអនឡាញ (Online Scams)

តុលាការចេញដីការឃុំខ្លួនជនជាតិចិន២នាក់ ជាមេខ្លោងពាក់ព័ន្ធករណីឆបោកជាក្រុមដោយមានការចាត់តាំង (Online Scam) ដាក់ពន្ធនាគារ

បង្ក្រាបករណី Online Scam ក្នុងបុរីប៉េងហួតច្បារអំពៅ ឃាត់ខ្លួនជនសង្ស័យជាបរទេសជាង ៨០នាក់

សន្តិសុខ និង សង្គម

ក្រុមមន្ត្រី៖ ការវាយប្រហាររបស់រុស្ស៊ីលើទីក្រុងខាគីវ និងតំបន់ជុំវិញ បានសម្លាប់មនុស្សម្នាក់ និង២៤នាក់រងរបួស

មន្ត្រីក្នុងតំបន់ បាននិយាយថា ការវាយប្រហាររបស់រុស្សី នៅថ្ងៃបុណ្យរំលឹកកំណើតព្រះយេស៊ូគ្រិស្តរស់ឡើងវិញ កាលពីថ្ងៃអាទិត្យ បានសម្លាប់ស្រ្តីម្នាក់ ដែលកប់នៅក្រោមគំនរបាក់បែក និង ២៤នាក់រងរបួស នៅក្នុងទីក្រុងខាគីវ (Kharkiv) ភាគឦសាននៃប្រទេសអ៊ុយក្រែន និងតំបន់ជុំវិញនោះ។អភិបាលតំបន់ លោក Oleh Syniehubov ដែលបានសរសេរនៅលើកម្មវិធីផ្ញើសារ Telegram បាននិយាយថា មនុស្ស ៦នាក់ បានរងរបួសនៅក្នុងការវាយប្រហារដោយយានដ្រូននៅពេលយប់ទៅលើសង្កាត់ អូស្នូវយ៉ានស្គី Osnovyanskyi នៃទីក្រុងខាគីវដែលជាទីក្រុងធំទី២ របស់ប្រទេសអ៊ុយក្រែន។រដ្ឋអាជ្ញាក្នុងតំបន់ខាគីវ បាននិយាយថា មនុស្ស ១៥នាក់ទៀត បានរងរបួសនៅក្នុងការវាយប្រហារមួយនៅថ្ងៃដដែល ដោយទម្លាក់គ្រាប់បែកពីលើអាកាសទៅលើភាគកណ្តាលទីក្រុងនេះ។លោក Natalia Avilova-Patrikeyeva បាននិយាយនៅខាងក្រៅអគារផ្ទះល្វែងមួយ ដែលមានឡៅតឿ និងបង្អួចបែកបាក់ខ្ទេចខ្ទាំថា៖«លើកក្រោយវាអាចត្រូវចំផ្ទះរបស់ខ្ញុំ។ ហេតុអ្វីបានជាវាត្រូវចំទីនេះ? អ្នកណានៅទីនេះ? ហើយវាបានកើតនៅថ្ងៃដ៏ពិសិដ្ឋបែបនេះ។ «ខ្ញុំគិតថា យ៉ាងហោចណាស់នៅថ្ងៃនេះ វានឹងនៅស្ងប់ស្ងាត់។ នៅម៉ោង៤ ព្រឹក ក៏មាការវាយប្រហារដែរ។ ខ្ញុំមិនបានគេងទេ គឺខ្ញុំមិនបានគេងទាល់តែសោះ»។បន្ទាប់ពីពាក់កណ្តាលអធ្រាត្រ ទូរទស្សន៍សាធារណៈ Suspilne បានរាយការណ៍ពីការដាច់ចរន្តអគ្គិសនីនៅក្នុងផ្នែកខ្លះនៃតំបន់ខាគីវ ។ ទូរទស្សន៍ ក៏បានឲ្យដឹងទៀតថា មានការដាច់ចរន្តអគ្គិសនី នៅក្នុងតំបន់ Sumy ដែលនៅជាប់គ្នា បន្ទាប់ពីមានរបាយការណ៍ពីការវាយប្រហារដោយយានដ្រូន និងមានការផ្ទុះជាច្រើន។តំបន់ខាគីវ បានទប់ទល់នឹងការវាយលុករបស់រុស្ស៊ីរយៈពេលមួយសប្តាហ៍ នៅក្នុងថ្ងៃដំបូងនៃខែកុម្ភៈឆ្នាំ ២០២២ ការលុកលុយរបស់រុស្ស៊ី ហើយបានក្លាយជាគោលដៅនៃការវាយប្រហារញឹកញាប់ ក្នុងប៉ុន្មាន សប្តាហ៍ថ្មីៗនេះ។

មេដឹកនាំហាម៉ាស បានលាក់ខ្លួននៅក្នុងតំបន់ហ្កាហ្សា ដោយប្រើចំណាប់ថ្នូរដែលប្រើជាខែលការពារមនុស្ស

មេភេរវករដែលនៅពីក្រោយការសម្លាប់រង្គាលរបស់ក្រុមហាម៉ាសលើមនុស្សជិត ១.២០០ នាក់ រួមទាំងជនជាតិអាមេរិកជាង ៣០នាក់ ត្រូវបានគេជឿថា កំពុងប្រើចំណាប់ថ្នូរ ជាខែលការពារមនុស្ស ដើម្បីរារាំងទាហានអ៊ីស្រាអែលដែលស្វែងរកចាប់ខ្លួនលោក នៅក្នុងផ្លូវរូងក្រោមដីជ្រៅ នៅតំបន់ហ្កាហ្សា។ក្នុងបទសម្ភាសន៍ជាមួយសារព័ត៌មាន Sky News Australia កាលពីថ្ងៃព្រហស្បតិ៍ ព័ត៌មានដ៏គួរឲ្យភ្ញាក់ផ្អើលអំពីមេដឹកនាំក្រុមហាម៉ាស លោក យ៉ាយ៉ា អាល់ស៊ីនវ៉ា ( Yahya Sinwar) ត្រូវបានបង្ហាញដោយ លោកឧត្តមសេនីយ៍ Jack Keane អ្នកវិភាគយុទ្ធសាស្ត្រជាន់ខ្ពស់របស់បណ្តាញសារព័ត៌មាន FOX News Channel និងជាអតីតនាយរងសេនាធិការកងទ័ពអាមេរិក។ លោក Keane បាននិយាយថា ប្រភពរបស់ខ្ញុំប្រាប់ខ្ញុំថា លោក ស៊ីនវ៉ា ដែលជាមេដឹកនាំលេខនៃអង្គការហាម៉ាស នៅតំបន់ហ្កាហ្សា មានចំណាប់ថ្នូរ ពី ១៥ ទៅ ២០នាក់ ដែលការពារគាត់និងគ្រួសាររបស់គាត់”។ នោះហើយជាមូលហេតុដែលពួកគេមានចំណាប់ថ្នូរទាំងនេះ ដើម្បីធានាការរស់រានមានជីវិតរបស់ពួកគេ។ អ៊ីស្រាអែល ពិតជាត្រឹមត្រូវក្នុងការដាក់សម្ពាធយោធាលើពួកគេ ដើម្បីបង្ខំឲ្យមានការដោះលែងចំណាប់ថ្នូរ។ការលាតត្រដាងរបស់លោក Keane ស្របគ្នានឹងសេចក្តីថ្លែងការណ៍របស់ទីប្រឹក្សាសន្តិសុខជាតិអ៊ីស្រាអែល លោក Tzachi Hanegbi ក្នុងបទសម្ភាសន៍ជាមួយសារព័ត៌មានអ៊ីស្រាអែល Channel 12 កាលពីថ្ងៃសៅរ៍ថា កងកម្លាំងការពារអ៊ីស្រាអែល (IDF) ស្ទើរតែបានសម្លាប់លោក ស៊ីនវ៉ា ទៅហើយ ។ លោក Hanegbi បាននិយាយថា លោក ស៊ីនវា «កំពុងរស់នៅក្នុងស្ថានភាពភាពមិនប្រាកដប្រជា» ហើយថា គាត់នឹងអាចមិនរស់រានមានជីវិតបានយូរទេ ដោយសារការប្រឈមមុខគ្នា ជាមួយកងកម្លាំងអ៊ីស្រាអែល»។

UN ចោទអ៊ីស្រាអែលពីការច្រានចោលឲ្យមានដំណើរការផ្តល់ជំនួយនៅហ្កាហ្សា

មន្ត្រីជាន់ខ្ពស់របស់អង្គការសហប្រជាជាតិ កាលពីថ្ងៃអាទិត្យទី៥ ឧសភា បានចោទប្រកាន់អ៊ីស្រាអែលពីការបន្តបដិសេធដំណើរការផ្តល់ជំនួយមនុស្សធម៌របស់អង្គការសហប្រជាជាតិនៅក្នុងតំបន់ហ្កាហ្សាស្ទ្រីប ជាកន្លែងដែលប្រធានស្បៀងអាហាររបស់អង្គការសហប្រជាជាតិ បានព្រមានថា គ្រោះទុរ្ភិក្សពេញលេញ បានកើតមាននៅភាគខាងជើងតំបន់ហ៊ុមព័ទ្ធដែលមានប្រជាជន ២,៣ លាននាក់។ខណៈ ពុំមែនជាការប្រកាសអំពីគ្រោះទុរ្ភិក្សផ្លូវការ នាយកប្រតិបត្តិកម្មវិធីស្បៀងអាហារពិភពលោក លោក Cindy McCain បាននិយាយនៅក្នុងបទសម្ភាសន៍មួយថា ដោយផ្អែកលើភាពភ័យខ្លាចគ្រោះទុរ្ភិក្សនៅភាគខាងជើង វាក៏កំពុងឆ្ពោះទៅភាគខាងត្បូងផងដែរ។ COGAT ជាទីភ្នាក់ងាររបស់ក្រសួងការពារជាតិអ៊ីស្រាអែល ដែលមានភារកិច្ចសម្របសម្រួលការបញ្ជូនជំនួយទៅក្នុងដែនដីប៉ាឡេស្ទីនបាននិយាយឲ្យដឹងថា អ៊ីស្រាអែល បានបន្តបង្កើនកិច្ចខិតខំប្រឹងប្រែងរបស់ខ្លួនក្នុងការជម្រុញការផ្តល់ជំនួយទៅដល់តំបន់ហ្កាហ្សា។ នៅក្នុងកិច្ចពិភាក្សា រវាងអ្នកតំណាងអ៊ីស្រាអែល និងអង្គការសហប្រជាជាតិ រួមមានអង្គគារ WFP គ្មានអង្គភាពណាមួយបង្ហាញពីហានិភ័យនោះទេ។ ដោយកត់សម្គាល់ពីស្ថានភាពប្រសើរឡើង អង្គការអន្តរជាតិ បាននិយាយកាលពីសប្តាហ៍មុនថា បរិមាណនៃជំនួយដែលត្រូវបានដឹកជញ្ជូន ទៅកាន់ភាគខាងជើងតំបន់ហ្កាហ្សា ត្រូវបានកាត់បន្ថយចាប់តាំងពីបរិមាណមានកម្រិតខ្ពស់ពេកទាក់ទងទៅនឹងចំនួនប្រជាជន។ ប្រធានទីភ្នាក់ងារជនភៀសខ្លួនប៉ាឡេស្ទីន(UNRWA) លោក Philippe Lazzarini កាលពីថ្ងៃអាទិត្យ បានចោទប្រកាន់អ៊ីស្រាអែលថា បានបន្តបដិសេធដំណើរការផ្តល់ជំនួយរបស់អង្គការសហប្រជាជាតិនៅតំបន់ហ្កាហ្សា ខណៈដែលទីភ្នាក់ងារនេះ ព្យាយាមបញ្ចៀសគ្រោះទុរ្ភិក្ស។ លោក Lazzarini បានបង្ហោះលើបណ្តាញXថា «ត្រឹមតែពីរសប្តាហ៍ចុងក្រោយនេះ យើងបានកត់ត្រាឧបទ្ទវហេតុចំនួន១០លើក ពាក់ព័ន្ធទៅនឹងការបាញ់ប្រហារលើក្បួនរថយន្ត ការចាប់ខ្លួនបុគ្គលិកអង្គការសហប្រជាជាតិ រួមមានការគំរាមកំហែងដោយអាវុធ និងការពន្យាពេលយ៉ាងយូរនៅប៉ុស្តិ៍ត្រួតពិនិត្យ ដែលបង្ខំឱ្យក្បួនរថយន្តត្រូវធ្វើដំណើរក្នុងពេលយប់ងងឹត ឬផ្អាកដំណើរ។ លោក Lazzarini ក៏បានអំពាវនាវឱ្យ ក្រុមហាម៉ាស និងក្រុមប្រដាប់អាវុធផ្សេងទៀត បញ្ឈប់ការវាយប្រហារណាមួយនៅច្រកឆ្លងកាត់មនុស្សធម៌ ជៀសវាងការបង្វែរជំនួយ និងធ្វើឱ្យប្រាកដថា ជំនួយបានទៅដល់អ្នកដែលត្រូវការទាំងអស់។

គ្រាប់រ៉ូក្កែតពីប្រទេសលីបង់ វាយប្រហារទីក្រុងភាគខាងជើងប្រទេសអ៊ីស្រាអែល

យោងតាមប្រព័ន្ធផ្សព្វផ្សាយរបស់ប្រទេសអ៊ីស្រាអែល បានឲ្យដឹងថា គ្រាប់រ៉ូក្កែតចំនួន២០គ្រាប់ ត្រូវបានបាញ់ចេញពីប្រទេសលីបង់ ឆ្ពោះទៅកាន់ទីក្រុងភាគខាងជើងរបស់ប្រទេសអ៊ីស្រាអែល កាលពីថ្ងៃអាទិត្យ ដោយគ្រាប់រ៉ូក្កែតមួយចំនួន បានធ្លាក់ទៅលើលំនៅឋាន និងអគារលំនៅឋានជាច្រើនខ្នង។ ក្រុមអ្នកពន្លត់អគ្គីភ័យកំពុងធ្វើការដើម្បីពន្លត់ភ្លើងនៅទីតាំងជាច្រើនកន្លែងក្នុងទីក្រុង Kiryat Shmona ជាទីក្រុងរបស់អ៊ីស្រាអែល ជាប់ព្រំដែនជាមួយប្រទេសលីបង់ ដែលបានជម្លៀសប្រជាជនភាគច្រើនរបស់ខ្លួន បន្ទាប់ពីការវាយប្រហាររបស់ក្រុមហាម៉ាស កាលពីថ្ងៃទី៧ ខែតុលា នៅអ៊ីស្រាអែលភាគខាងត្បូង។ប្រភពព័ត៌មានពីអង្គភាពការពារស៊ីវិល និងសន្តិសុខ បាននិយាយថា នៅក្នុងសេចក្តីថ្លែងការណ៍មួយ ក្រុមហេសបូឡា បាននិយាយថា ខ្លួនបានបាញ់គ្រាប់រ៉ូក្កែត Katyusha រាប់សិបគ្រាប់ ទៅកាន់ទីក្រុង Kiryat Shmona របស់អ៊ីស្រាអែល ជាទីក្រុងនៅភាគខាងជើង ជិតព្រំដែនប្រទេសលីបង់ ជាការសងសឹក។ ក្រោយមក ការវាយប្រហារតាមអាកាសរបស់អ៊ីស្រាអែល កាលពីថ្ងៃអាទិត្យ បានសម្លាប់សមាជិកគ្រួសារ ៤នាក់ នៅក្នុងលំនៅឋានមួយក្នុងភូមិព្រំដែននៅប្រទេសលីបង់ភាគខាងត្បូង។ការវាយប្រហារតាមអាកាស និងការបាញ់ផ្លោង បានកើតឡើងម្តងម្កាល ប៉ុន្តែភាគីទាំងសងខាងបានដកខ្លួនចេញពីសង្រ្គាមពេញបន្ទុក។

រដ្ឋមន្ត្រីអ៊ីស្រាអែល៖ ក្រុមហាម៉ាស មិនចាប់អារម្មណ៍ទៅនឹងបទឈប់បាញ់ទេ ដោយគំរាមវាយប្រហារក្រុង Rafah

រដ្ឋមន្ត្រីការពារជាតិរបស់ប្រទេសអ៊ីស្រាអែល លោក Yoav Gallant បាននិយាយកាលពីថ្ងៃអាទិត្យ ថាក្រុមហាម៉ាស ហាក់ដូចជាពុំមានភាពហ្មត់ចត់ចំពោះការឈានដល់បទឈប់បាញ់នោះទេ។ យើងបានកំណត់សញ្ញានៃការព្រមានដែលថា ក្រុមហាម៉ាស ពិតជាពុំមានបំណងឈានទៅរកកិច្ចព្រមព្រៀងណាមួយជាមួយយើងនោះទេ។ នេះមានន័យថា យើងនឹងចាប់ផ្តើមសកម្មភាពយោធា នៅទីក្រុង Rafah និងនៅតំបន់ហ្កាហ្សាស្ទ្រីបទាំងមូល នៅពេលខាងមុខដ៏ឆាប់នេះ។លោក Gallant បាននិយាយ ក្នុងអំឡុងពេលដំណើរទស្សនកិច្ចទៅកាន់តំបន់ហ្កហ្សាស្ត្រីប ភាគកណ្តាល ជាកន្លែងដែលលោក បានជួបជាមួយទាហានអ៊ីស្រាអែល និងបានពិនិត្យមើលតំបន់នោះ។អ៊ីស្រាអែល បានព្រមានជាច្រើនខែមកហើយថា ខ្លួនមានផែនការបញ្ជូនកងទ័ព ចូលទៅក្នុងទីក្រុង Rafah ភាគខាងត្បូងជាប់ព្រំដែនជាមួយប្រទេសអេហ្ស៊ីប ជាទីដែលជនភៀសខ្លួនហ្កាហ្សា ជាងមួយលាននាក់ បានភៀសខ្លួនទៅទីនោះ។ អ៊ីស្រាអែល ជឿថា ក្រុមអ្នកប្រយុទ្ធហាម៉ាសរាប់ពាន់នាក់ បានលាក់ខ្លួននៅក្នុងទីក្រុង រួមជាមួយចំណាប់ខ្មាំងរាប់សិបនាក់។ការិយាល័យមនុស្សធម៌របស់អង្គការសហប្រជាជាតិ បាននិយាយកាលពីថ្ងៃសុក្រថា ការវាយលុកបែបនេះ នឹងធ្វើឱ្យជីវិតមនុស្សរាប់សែននាក់ប្រឈមទៅនឹងហានិភ័យ និងជាការបង្អាក់ដ៏ធំលើប្រតិបត្តិការផ្តល់ជំនួយនៅតំបន់ហ៊ុមព័ទ្ធទាំងមូលនេះ។ទស្សនវិស័យសម្រាប់បទឈប់បាញ់នៅតំបន់ហ្កាហ្សា ហាក់មានភាពយឺតយ៉ាវ កាលពីថ្ងៃអាទិត្យ ខណៈដែលក្រុមហាម៉ាស បានលើកឡើងជាថ្មីនូវការទាមទាររបស់ខ្លួនសម្រាប់ការបញ្ចប់សង្គ្រាមជាថ្នូរទៅនឹងការដោះលែងចំណាប់ខ្មាំង ហើយនាយករដ្ឋមន្ត្រីអ៊ីស្រាអែល លោក Benjamin Netanyahu បានច្រានចោលទាំងស្រុង ហើយភាគីទាំងពីរ បានស្តីបន្ទោសគ្នាទៅវិញទៅមកចំពោះភាពជាប់គាំងនេះ។

និស្សិតគាំទ្រអ៊ីស្រាអែល និងគាំទ្រប៉ាឡេស្ទីន តវ៉ានៅសាកលវិទ្យាល័យ DePaul

និស្សិតនៅសាកលវិទ្យាល័យ DePaul ក្នុងទីក្រុង Chicago រដ្ឋ Illinois បានធ្វើបាតុកម្ម កាលពីថ្ងៃអាទិត្យ ដើម្បីបង្ហាញពីការគាំទ្ររបស់ពួកគេសម្រាប់ទាំងខាងអ៊ីស្រាអែល និងខាងប៉ាឡេស្ទីន ក្នុងសង្គ្រាមនៅតំបន់ហ្សា។មន្ត្រីនគរបាលនៅទីក្រុង Chicago ត្រូវបានដាក់ពង្រាយ ហើយមន្ត្រីសាកលវិទ្យាល័យ បានណែនាំដល់មហាវិទ្យាល័យ និស្សិត និងសមាជិកសហគមន៍ ឱ្យជៀសវាងទៅកាន់តំបន់នោះ។សាកលវិទ្យាល័យ DePaul គឺជាសាកលវិទ្យាល័យកាតូលិកធំបំផុតរបស់សហរដ្ឋអាមេរិក ដែលមាននិស្សិតថ្នាក់បរិញ្ញាបត្រប្រមាណ ១៤.៥០០នាក់ និស្សិតបញ្ចប់ការសិក្សាចំនួន ៧.០០០នាក់ និងនិស្សិតច្បាប់ចំនួន៨០០នាក់។ការតវ៉ានៅបរិវេណសាកលវិទ្យាល័យ បានលេចចេញជាចំណុចរសើបខាងនយោបាយ ក្នុងអំឡុងឆ្នាំបោះឆ្នោតនៅសហរដ្ឋអាមេរិកដ៏ចម្រូងចម្រាស ខណៈប្រធានាធិបតីគណបក្សប្រជាធិបតេយ្យ លោក Joe Biden ស្វែងរកអាណត្តិទីពីរនៅក្នុងតំណែង។ នគរបាល បានចាប់ខ្លួនមនុស្សជាង ២.០០០នាក់ក្នុងអំឡុងពេលតវ៉ានៅបរិវេណសាកលវិទ្យាល័យជាច្រើននៅជុំវិញប្រទេស។យោងតាមមន្ត្រីសុខាភិបាលនៅក្នុងតំបន់ហ៊ុមព័ទ្ធប៉ាឡេស្ទីន ដែលគ្រប់គ្រងដោយក្រុមហាម៉ាស បានឲ្យដឹងថា ប្រជាជនប៉ាឡេស្ទីនជាង ៣៤.៦០០ នាក់ត្រូវបានសម្លាប់នៅក្នុងប្រតិបត្តិការយោធារបស់អ៊ីស្រាអែលនៅតំបន់ហ្កាហ្សា។ សង្គ្រាម បានចាប់ផ្តើម នៅពេលដែលក្រុមសកម្មប្រយុទ្ធហាម៉ាស បានវាយប្រហារប្រទេសអ៊ីស្រាអែល កាលពីថ្ងៃទី៧ ខែតុលា ដោយបានសម្លាប់មនុស្សប្រហែល ១.២០០ នាក់ និងចាប់ជាចំណាប់ខ្មាំងចំនួន២៥២នាក់ផ្សេងទៀត ដែលក្នុងនោះ១៣៣ នាក់ ត្រូវបានគេជឿថានៅតែជាប់ឃុំនៅក្នុងតំបន់ហ្កាហ្សា។

បង់ក្លាដែស បើកសាលារៀនឡើងវិញ ខណៈសីតុណ្ហភាពធ្លាក់ចុះ

សាលារៀនក្នុងប្រទេសបង់ក្លាដែស បានបើកដំណើរការឡើងវិញកាលពីថ្ងៃអាទិត្យ ហើយថ្នាក់រៀនកំពុងបន្តនៅចុងសប្តាហ៍បន្ទាប់ពីរលកកម្ដៅក្ដៅខ្លាំងមួយសប្តាហ៍មុនដែលបានផ្អាកថ្នាក់រៀន ខណៈ ប្រទេសនេះបានទទួលរងសីតុណ្ហភាពក្ដៅបំផុត កើនឡើងលើសពី៤០ អង្សារសេ។ ប្រទេសបង់ក្លាដែសបានសម្រេចបើកសាលារៀនឡើងវិញសម្រាប់សិស្សប្រហែល ៣៣ លាននាក់ ស្របពេលមានសម្ពាធក្នុងការរៀបចំសិស្សសម្រាប់ការប្រឡង ខណៈរលកកម្ដៅដ៏ធ្ងន់ធ្ងរបំផុតក្នុងរយៈពេល៧ទសវត្សរ៍ បានបញ្ជូនសីតុណ្ហភាពឡើងដល់ ៤៣,៨ អង្សាសេ កាលពីសប្តាហ៍មុន។មនុស្សជាច្រើនបានស្លាប់នៅទូទាំងតំបន់នេះ ហើយអ្នកជំនាញបានព្រមានថា កម្ដៅអាចធ្វើឲ្យមានវិសមភាពកាន់តែធ្ងន់ធ្ងរ ពង្រីកគម្លាតនៃការសិក្សារវាងប្រទេសកំពុងអភិវឌ្ឍន៍ និងប្រទេសអភិវឌ្ឍន៍នៅតំបន់ត្រូពិច។ក្រសួងអប់រំបាននិយាយថា ប្រទេសបង់ក្លាដែស ដែលប្រារព្ធពិធីសប្តាហ៍ការងារអ៊ីស្លាមចាប់ពីថ្ងៃអាទិត្យដល់ថ្ងៃព្រហស្បតិ៍ សប្ដាហ៍នេះ នឹងបិទថ្នាក់រៀននៅរៀងរាល់ថ្ងៃសៅរ៍រហូតដល់មានការជូនដំណឹងបន្ថែម។ អាណាព្យាបាលសិស្សបានស្វាគមន៍ចំពោះការសម្រេចចិត្តនេះ។ក្រុមអ្នកវិទ្យាសាស្ត្របាននិយាយថា បម្រែបម្រួលអាកាសធាតុកំពុងបណ្តាលឱ្យមានរលកកម្ដៅញឹកញាប់ ធ្ងន់ធ្ងរ និងយូរជាងក្នុងអំឡុងរដូវក្តៅ៕

ក្រុមហាម៉ាស៖ ការចរចាបទឈប់បាញ់ចុងក្រោយបំផុតបានបញ្ចប់ហើយខណៈ អ៊ីស្រាអែលប្តេជ្ញាបន្តប្រតិបត្តិការយោធាក្នុងពេលដ៏ខ្លី

ក្រុមសកម្មប្រយុទ្ធហាម៉ាស បាននិយាយកាលពីថ្ងៃអាទិត្យថា កិច្ចចរចាបទឈប់បាញ់ចុងក្រោយនៃតំបន់ហ្កាហ្សាបានបញ្ចប់ក្នុងទីក្រុងគែរ (Cairo)ប្រទេសអេហ្ស៊ីប បន្ទាប់ពីការពិភាក្សាស៊ីជម្រៅ និងហ្មត់ចត់ ដោយបញ្ជាក់ឡើងវិញនូវការទាមទារសំខាន់ៗដែលអ៊ីស្រាអែល បានច្រានចោលម្តងទៀត។ បន្ទាប់ពីមានសញ្ញានៃការរីកចម្រើនថ្មីៗនេះ ទស្សនវិស័យហាក់មានភាពស្រពិចស្រពិល ខណៈនាយករដ្ឋមន្ត្រី Benjamin Netanyahu បានប្តេជ្ញាថានឹងទប់ទល់សម្ពាធអន្តរជាតិដែលកំពុងព្យាយាមបញ្ឈប់សង្គ្រាមនេះ។រដ្ឋមន្ត្រីក្រសួងការពារជាតិ Yoav Gallant បានអះអាងថា ក្រុមហាម៉ាស មិនប្រាកដប្រជាចំពោះកិច្ចព្រមព្រៀងនោះទេ ហើយបានព្រមានអំពី ប្រតិបត្តិការដ៏ខ្លាំងក្លាមួយនាពេលអនាគតដ៏ខ្លីនៅទីក្រុងរ៉ាហ្វា(Rafah) និងកន្លែងផ្សេងទៀតនៅទូទាំងដែនដីហែកហួរដោយសង្រ្គាមហ្កាហ្សា។ប៉ុន្តែប្រព័ន្ធផ្សព្វផ្សាយរបស់អ៊ីស្រាអែលបានរាយការណ៍ថា ប្រធាន CIA អាមេរិក លោក William Burns ដែលជាអ្នកសម្របសម្រួលដ៏សំខាន់ក្នុងកិច្ចចរចា នឹងជួបជាមួយលោក Netanyahu នៅថ្ងៃចន្ទនេះ ។ មន្ត្រីម្នាក់ដែលដឹងពីបញ្ហានេះបានប្រាប់សារព័ត៌មាន AP ថាលោក Burns កំពុងធ្វើដំណើរទៅជួបនាយករដ្ឋមន្ត្រីកាតា រួមទាំងអេហ្ស៊ីបជាអន្តរការីក្នុងការដោះស្រាយជាមួយក្រុមហាម៉ាស។ គេមិនច្បាស់ថាតើការធ្វើដំណើរជាបន្តបន្ទាប់ទៅអ៊ីស្រាអែលដែលបានគ្រោងទុកនឹងកើតឡើងឬអត់។អ៊ីស្រាអែលមិនបានបញ្ជូនគណៈប្រតិភូទៅកិច្ចពិភាក្សាចុងក្រោយនេះទេ។ ប្រព័ន្ធផ្សព្វផ្សាយរដ្ឋអេហ្ស៊ីបបានរាយការណ៍ថា គណៈប្រតិភូហាម៉ាសបានទៅពិភាក្សាក្នុងប្រទេសកាតា ជាកន្លែងដែលក្រុមការងារនេះមានការិយាល័យនយោបាយ ហើយនឹងត្រឡប់ទៅទីក្រុងគែរវិញសម្រាប់ការចរចាបន្ថែមនៅថ្ងៃអង្គារសប្ដាហ៍នេះ៕

អ្នកស្លាប់ដោយជំនន់ទឹកភ្លៀងនៅប្រេស៊ីល កើនឡើងដល់ ៧៨ នាក់ និងច្រើននាក់នៅបាត់ខ្លួន

អាជ្ញាធរតំបន់ បាននិយាយកាលពីថ្ងៃអាទិត្យថា ចំនួនអ្នកស្លាប់ដោយសារភ្លៀងធ្លាក់ខ្លាំង ដែលបានបណ្តាលឱ្យមានទឹកជំនន់នៅភាគខាងត្បូងរដ្ឋ រីអូហ្គ្រង់ដេ ដូស៊ុល(Rio Grande do Sul) របស់ប្រទេសប្រេស៊ីល បានកើនឡើងដល់យ៉ាងហោចណាស់ ៧៨នាក់ និងមនុស្សច្រើននាក់ទៀតនៅបាត់ខ្លួន ខណៈជាង ១១៥.០០០នាក់ បានភៀសខ្លួនចេញពីលំនៅឋាន។ប្រធានាធិបតី លោក Luiz Inacio Lula da Silva បានមកដល់រដ្ឋ Rio Grande do Sul កាលពីព្រឹកថ្ងៃអាទិត្យ ជាមួយសមាជិកគណៈរដ្ឋមន្ត្រីរបស់លោក ដើម្បីពិភាក្សាអំពីកិច្ចខិតខំប្រឹងប្រែងជួយសង្គ្រោះ និងការស្តារឡើងវិញជាមួយអាជ្ញាធរតំបន់។ អភិបាលរដ្ឋ លោក អេដ្យួអាដូ ឡេតេ(Eduardo Leite) បាននិយាយថា វាគឺជាសេណារីយ៉ូសង្រ្គាម ហើយនឹងត្រូវការវិធានការនៅក្រោយសង្គ្រាម។ក្រុមអ្នកស្ម័គ្រចិត្ត ដែលប្រើប្រាស់ទូក ម៉ូតូទឹក និងហែលទឹក បានជួយក្នុងកិច្ចខិតខំប្រឹងប្រែងសង្គ្រោះ ។ នៅក្នុងរដ្ឋធានី ប៉តូ អាលីក្រេ(Porto Alegre) របស់រដ្ឋ អ្នកស្មគ្រចិត្តម្នាក់ និយាយថា លោក និងមិត្តភក្តិបីនាក់ទៀត បានប្រើប្រាស់ម៉ូតូទឹក ដើម្បីជួយសង្រ្គោះមនុស្សប្រហែល៥០នាក់ពីទឹកជំនន់ចាប់តាំងពីថ្ងៃសុក្រសប្តាហ៍កន្លងទៅនេះ នៅលើកោះជាផ្នែករបស់ទីក្រុង។ ចំនួនអ្នកស្លាប់នៅតែអាចកើនឡើងច្រើន ខណៈមនុស្ស ១០៥ នាក់ ត្រូវបានរាយការណ៍ថានៅតែបាត់ខ្លួនកាលពីថ្ងៃអាទិត្យ នេះបើយោងតាមអាជ្ញាធរការពារស៊ីវិលរបស់រដ្ឋ។ យោងតាមអាជ្ញាធរបានឱ្យដឹងថា ទឹកជំនន់នាំមកដោយព្យុះក្នុងរយៈពេលប៉ុន្មានថ្ងៃចុងក្រោយនេះ បានធ្វើឲ្យប៉ះពាល់ដល់ជាងពីរភាគបីនៃក្រុងជិត៥០០នៅក្នុងរដ្ឋនេះ ដែលមានព្រំដែនជាប់ជាមួយប្រទេសអ៊ុយរ៉ាហ្គាយ និងអាហ្សង់ទីន។ទឹកជំនន់បានបំផ្លាញផ្លូវថ្នល់ និងស្ពាន ក្នុងទីក្រុង ហើយទឹកភ្លៀងក៏បានបង្កឱ្យមានបំណាក់ដី និងការបាក់ធ្លាយផ្នែកមួយចំនួននៃទំនប់វារីអគ្គិសនីតូចមួយផងដែរ។ អាជ្ញាធរនិយាយថា មនុស្សជាង ៤០០.០០០នាក់ គ្មានអគ្គិសនីប្រើប្រាស់កាលពីល្ងាចថ្ងៃអាទិត្យ ខណៈជិតមួយភាគបីនៃចំនួនប្រជាជនក្នុងរដ្ឋនេះគឺគ្មានទឹកប្រើប្រាស់។

ការតវ៉ារបស់និស្សិតប្រឆាំងការវាយលុករបស់អ៊ីស្រាអែលនៅហ្កាហ្សា កំពុងរាលដាលក្នុងពិភពលោក

ការតវ៉ារបស់ក្រុមចលនានិស្សិតប្រឆាំងការវាយលុករបស់យោធាអ៊ីស្រាអែលលើតំបន់ហ្កាហ្សា បន្ទាប់ពីការវាយប្រហារមិនធ្លាប់មាន កាលពីថ្ងៃទី ៧ខែតុលាឆ្នា២០២៣ ពី សំណាក់ក្រុមហាម៉ាស លើប្រទេសអ៊ីស្រាអែល បានរីករាលដាលដល់ប្រទេសជាច្រើនក្នុងពិភពលោក។ ក្រុមបាតុករបានប្រមូលផ្តុំគ្នានៅក្នុងបរិវេណសាកលវិទ្យាល័យយ៉ាងហោចណាស់ ៤០ របស់សហរដ្ឋអាមេរិក ចាប់តាំងពីថ្ងៃទី ១៧ ខែមេសា ដែលជារឿយៗបានបោះជំរំតង់ដើម្បីតវ៉ាប្រឆាំងនឹងចំនួនអ្នកស្លាប់ដែលកំពុងកើនឡើងនៅក្នុងដែនដីហ្កាហ្សាស្ទ្រីប។យោងតាមប្រព័ន្ធផ្សព្វផ្សាយអាមេរិកបានឱ្យដឹងថា មនុស្សជិត ២.០០០នាក់ ត្រូវបានឃុំខ្លួន នៅក្នុងបាតុកម្មដែលរំឮកដល់ការតវ៉ាប្រឆាំងនឹងសង្រ្គាមវៀតណាម។ក្នុងរយៈពេលប៉ុន្មានថ្ងៃថ្មីៗនេះ នគរបាលបានបង្ខំឱ្យរុះរើកន្លែងអង្គុយរបស់និស្សិតជាច្រើន រួមទាំងកន្លែងអង្គុយតវ៉ានៅសាកលវិទ្យាល័យញូវយ៉ក តាមសំណើរបស់អ្នកគ្រប់គ្រងរបស់សាលាទាំងនោះ។ ចំណែកក្រុមនិស្សិតសាកលវិទ្យាល័យ ដាកា(Dhaka) រាប់រយនាក់បានដុតរូបតំណាងលោកនាយករដ្ឋមន្ត្រីអ៊ីស្រាអែល Benjamin Netanyahu អំឡុងបាតុកម្មគាំទ្រប៉ាឡេស្ទីនក្នុងរដ្ឋធានីរបស់បង់ក្លាដែសកាលពីថ្ងៃអាទិត្យ ៥ ឧសភា។ក្រុមបាតុករក៏បានថ្កោលទោសការចាប់ខ្លួន និងវាយឆ្មក់របស់នគរបាលនាពេលថ្មីៗនេះនៅសាកលវិទ្យាល័យនានាទូទាំងសហរដ្ឋអាមេរិក ជាទីដែលចលនាបាតុករគាំទ្រប៉ាឡេស្ទីនបានបោះជំរំនៅតាមបរិវេណជាច្រើនដែលអំពាវនាវឱ្យមានបទឈប់បាញ់នៅក្នុងសង្គ្រាមអ៊ីស្រាអែលនៅលើតំបន់ហ្កាហ្សា។នគរបាកាលបារាំងកាលពីចុងសប្ដាហ៍ បានជម្លៀសក្រុមអ្នកតវ៉ាចេញពីកន្លែងអង្គុយតវ៉ាគាំទ្រតំបន់ហ្កាហ្សា នៅសាកលវិទ្យាល័យ សាយអិនស៊ីស ផូ(Sciences Po) ក្នុងទីក្រុងប៉ារីស ដែលជាសាលាវិទ្យាសាស្ត្រនយោបាយដ៏ធំរបស់ប្រទេសនេះ។ ក្រុមមន្ត្រីនិយាយថា មនុស្ស ៩១ នាក់ត្រូវបានចាប់ខ្លួន។ចំណែកនៅប្រទេសអាល្លឺម៉ង់វិញ នគរបាល បានធ្វើអន្តរាគមន៍កាលពីចុងសប្ដាហ៍នេះ ដើម្បីជម្លៀសក្រុមអ្នកតវ៉ាចេញពីបរិវេណសាកលវិទ្យាល័យ ហាំបូលធ៍ (Humboldt)នៅកណ្តាលទីក្រុងប៊ែរឡាំង។រីឯ នៅប្រទេសកាណាដា វិញ ក្រុមនិស្សិតបានចេញតវ៉ាប្រឆាំងនឹងសង្គ្រាមនៅហ្កាហ្សាក្នុងទីក្រុងមួយចំនួនរួមមាន ទីក្រុង ម៉ុងរ៉េអាល់ អូតាវ៉ា តូរ៉ុនតូ និងវ៉ានខូវើ ជាដើម។ ជាមួយគ្នានោះនៅក្នុងប្រទេសអៀរឡង់ ក្រុមនិស្សិតនៅសាកលវិទ្យាល័យ ទ្រីនីទី ខូលីជ ដាប់ប្លីន (Trinity College Dublin) បានចាប់ផ្តើមតវ៉ាអង្គុយកាលពីចុងសប្ដាហ៍នេះ និងហៅការតវ៉ានេះថាជា ជំរំសាមគ្គីជាមួយប៉ាឡេស្ទីន៕

បណ្ដាញសង្គម

ព័ត៌មានថ្មីៗ

អនុប្រធានទី១ គ.ជ.គ.ម បន្តចុះសម្របសម្រួលរៀបចំឱ្យប្រជាពលរដ្ឋភៀសសឹកចូលទៅស្នាក់នៅមណ្ឌលសុវត្ថិភាពថ្មី

រដ្ឋមន្រ្តីក្រសួងបរិស្ថានបានណែនាំឱ្យមន្ទីរបរិស្ថានខេត្តមណ្ឌលគិរីបន្តសហការជាមួយអ្នកពាក់ព័ន្ធនិងដៃគូពង្រឹងការគ្រប់គ្រងធនធានធម្មជាតិ ការកាពារភ្លើងឆេះព្រៃ ការពង្រឹងការអនុវត្តច្បាប់ និងការលើកកម្ពស់ជីវភាព របស់ប្រជាពលរដ្ឋនៅតាមសហគមន៍មូលដ្ឋាន

ឯកឧត្តម ហ៊ុន ម៉ានី អញ្ជើញជាអធិបតីក្នុងពិធីបញ្ចុះខណ្ឌសីមាព្រះវិហារថ្មី នៅវត្តព្រៃជុំ ខេត្តកំពង់ស្ពឺ

ចាប់ពីថ្ងៃទី២៥ដល់២៨ ខែកុម្ភៈកម្ពុជាបណ្ដេញចេញជនបរទេសចំនួន ១,៥០១នាក់ចេញពាក់ព័ន្ធករណី Online Scams និងលួចឆ្លងដែន ស្នាក់ធ្វើការងារខុសច្បាប់

តើអ្នកណាអាចឡើងដឹកនាំអ៊ីរ៉ង់ បន្ទាប់ពីការស្លាប់របស់មេដឹកនាំកំពូល Ayatollah Ali Khamenei?

អាមេរិក ប្រើសព្វាវុធទំនើបៗ រួមទាំងដ្រូនអត្តឃាត និងមីស៊ីល Tomahawk ក្នុងការវាយប្រហារលើអ៊ីរ៉ង់

ទូរទស្សន៍រដ្ឋ ៖ប្រធានាធិបតីអ៊ីរ៉ង់ និងមន្ត្រី ២ រូប នឹងដឹកនាំការផ្ទេរអំណាចបន្ទាប់ពីការស្លាប់របស់លោក Khamenei

ទូតកម្ពុជាប្រចាំប្រទេសកូរ៉េ នាំយកមូលនិធិមនុស្សធម៌ របស់សហគមន៍ខ្មែរនៅកូរ៉េ ចែកជូនជនភៀសសឹក និងគ្រួសារវីរកងទ័ព

ហេតុអ្វីបានជាសហរដ្ឋអាមេរិក វាយប្រហារអ៊ីរ៉ង់?

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877