BTV NEWS

វិស័យធំៗចំនួន៦ នឹងជួយគាំទ្រសេដ្ឋកិច្ចកម្ពុជាឆ្នាំ២០២៥ ឱ្យសម្រេចបានលើសពី ៦%

សម្តេចតេជោ ហ៊ុន សែន និងសម្តេចធិបតី ហ៊ុន ម៉ាណែត ផ្ញើសារអបអរសាទរទិវាវប្បធម៌ជាតិ ៣មីនា

រដ្ឋមន្ត្រីក្រសួងវប្បធម៌ «រាជរដ្ឋាភិបាលនៅគ្រប់អាណត្តិ តែងតែផ្តល់អាទិភាពខ្ពស់ ដល់ស្ថានភាពស្ត្រី លើគ្រប់រូបភាព»

អាកាសចរណ៍ស៊ីវិលបើកកិច្ចប្រជុំបូកសរុបវឌ្ឍនភាពការសាងសង់អាកាសយានដ្ឋានអន្តរជាតិ តេជោ

វប្បធម៌ និងទេសចរណ៍

អបអរសាទរ! កម្ពុជាទទួលជ័យលាភីសរុប ១៧ ពីការអនុវត្តស្តង់ដាទេសចរណ៍អាស៊ានឆ្នាំ២០២៣

ឥណ្ឌូនេស៊ី៖ កម្ពុជាទទួលជ័យលាភី និងពានរង្វាន់សរុបចំនួន១៧ ពីការអនុវត្តស្តង់ដាទេសចរណ៍អាស៊ានឆ្នាំ២០២៣ ក្នុងនោះមានរង្វាន់ផ្ទះស្នាក់ស្តង់ដាអាស៊ានចំនួន៥ រង្វាន់សហគមន៍ទេសចរណ៍ស្តង់ដាអាស៊ានចំនួន៣ រង្វាន់បង្គន់អនាម័យសាធារណៈស្តង់ដាអាស៊ានចំនួន៥ និងរង្វាន់សេវាស្ប៉ាស្តង់ដាអាស៊ានចំនួន៤។ គួរជម្រាបថា ក្នុងវេទិកាទេសចរណ៍អាស៊ាន២០២៣ ដែលប្រព្រឹត្តទៅនាថ្ងៃទី៥ ខែកុម្ភៈ ឆ្នាំ២០២៣ នៅទីក្រុងយុក្យាការតា ប្រទេសឥណ្ឌូនេស៊ី អាស៊ានបានផ្តល់ពានរង្វាន់ស្តង់ដាទេសចរណ៍អាស៊ាន២០២៣ ចំនួន១៥៨ លើការអនុវត្តស្ដង់ដា៖១. ផ្ទះស្នាក់ស្តង់ដាអាស៊ានចំនួន៤៣២. សហគមន៍ទេសចរណ៍ស្តង់ដាអាស៊ានចំនួន២៩៣. បង្គន់អនាម័យសាធារណៈស្តង់ដាអាស៊ានចំនួន៤៨៤. សេវាស្ប៉ាស្តង់ដាអាស៊ានចំនួន៣៨។ឯកឧត្ដម ថោង រដ្ឋសក្តិ អគ្គនាយកអភិវឌ្ឍន៍ទេសចរណ៍ និងសហប្រតិបត្តិការអន្តរជាតិ នៃក្រសួងទេសចរណ៍បានឱ្យដឹងថា «នាឱកាសនោះដែរ អាស៊ានក៏បានប្រគល់ជូនម្ចាស់ទីតាំងទេសចរណ៍នៅកម្ពុជានូវជ័យលាភីចំនួន១៧ ដែលមានទីតាំងនៅក្នុងរាជធានី-ខេត្តចំនួន៨»។ ឯកឧត្ដម ថោង រដ្ឋសក្តិ បានបន្តថា តំណាងជ័យលាភីកម្ពុជាដែលបានឡើងទទួលពានរង្វាន់នោះ រួមមាន៖ តំណាងម្ចាស់សហគមន៍ ម្ចាស់គម្រោង មន្ត្រីមន្ទីរទេសចរណ៍ មន្ត្រីរាជធានី-ខេត្ត ក្រោមការដឹកនាំដោយលោកអភិបាលរងមកពីរាជធានីភ្នំពេញ ខេត្តកោះកុង ខេត្តកំពត ខេត្តព្រះសីហនុ ខេត្តកំពង់ស្ពឺ និងខេត្តកំពង់ធំ។ ឯកឧត្ដម ថោង រដ្ឋសក្តិ បានបញ្ជាក់ថា ជ័យលាភី និងពានរង្វាន់ដែលម្ចាស់ទីតាំងនៅកម្ពុជាទទួលបាននោះរួមមាន៖១. រង្វាន់ផ្ទះស្នាក់ស្តង់ដាអាស៊ានចំនួន៥៖ ផ្ទះស្នាក់ Eagle ផ្ទះស្នាក់ Black Bear និងផ្ទះស្នាក់ Mien Mien ក្នុងខេត្តកោះកុង ផ្ទះស្នាក់ត្រពាំងសង្កែក្នុងខេត្តកំពត និងផ្ទះស្នាក់សំបូរព្រៃគុកក្នុងខេត្តកំពង់ធំ។២. រង្វាន់សហគមន៍ទេសចរណ៍ស្តង់ដាអាស៊ានចំនួន៣៖ សហគមន៍អេកូទេសចរណ៍ត្រពាំងសង្កែ ក្នុងខេត្តកំពត សហគមន៍អេកូទេសចរណ៍កោះហានក្នុងខេត្តស្ទឹងត្រែង និងសហគមន៍អេកូទេសចរណ៍អន្លង់ធំក្នុងខេត្តសៀមរាប។៣. រង្វាន់បង្គន់អនាម័យសាធារណៈស្តង់ដាអាស៊ានចំនួន៥៖ បង្គន់អនាម័យសាធារណៈ Aeon Mall Phnom Penh ក្នុងរាជធានីភ្នំពេញ បង្គន់អនាម័យសាធារណៈលេខ៤ ក្នុងខេត្តព្រះសីហនុ បង្គន់អនាម័យសាធារណៈស្រះស្រង់ ក្នុងគ្រឹះស្ថានអង្គរ បង្គន់អនាម័យសាធារណៈ PTT ក្នុងខេត្តកោះកុង និងបង្គន់អនាម័យសាធារណៈស្តុបពេជ្រនិល ក្នុងខេត្តកំពង់ស្ពឺ។៤. រង្វាន់សេវាស្ប៉ាស្តង់ដាអាស៊ាន ចំនួន៤៖ សេវាស្ប៉ា SPA Temple ក្នុងសណ្ឋាគារកាំបូឌា រាជធានីភ្នំពេញ សេវាស្ប៉ា JIVAPITA SPA ក្នុងសណ្ឋាគារ Royal Residence ភ្នំពេញ សេវាស្ប៉ា SO SPA with LÓCCITANCE ក្នុងសណ្ឋាគារ Sofitel Angkor Phokeethra Golf & Spa Resort ខេត្តសៀមរាប និងសេវាស្ប៉ា SPA at Naga World ក្នុងសណ្ឋាគារ Naga World ភ្នំពេញ។ឯកឧត្ដមអគ្គនាយកបានបន្តទៀតថា តាមរយៈការទទួលជ័យលាភីរង្វាន់ស្តង់ដាទេសចរណ៍អាស៊ាន២០២៣នេះ ក៏ដូចជាការអភិវឌ្ឍហេដ្ឋារចសម្ពន្ធជាច្រើន និងការរៀបចំព្រឹត្តិការណ៍ធំៗប្រកបដោយជោគជ័យខ្ពស់កន្លងមកនៅកម្ពុជា បានបញ្ជាក់ឱ្យឃើញកាន់តែច្បាស់ថាកម្ពុជាមានផលិតផល និងគោលដៅទេសចរណ៍ទាក់ទាញច្រើនសម្រាប់ទៅលេងកម្សាន្តប្រកបដោយភាពងាយស្រួល កក់ក្តៅ សុវត្ថិភាព ស្អាត និងបៃតង ស្របពេលជាមួយដែលកម្ពុជាកំពុងផ្សព្វផ្សាយពីឆ្នាំទស្សនាកម្ពុជាឆ្នាំ២០២៣ Visit Cambodia 2023 និងកំពុងត្រៀមខ្លួនឆ្ពោះទៅការរៀបចំព្រឹត្តិការកីឡាស៉ីហ្គេម និងអាស៊ានប៉ារ៉ាហ្គេម ឆ្នាំ២០២៣នេះ ដែលជាព្រឹត្តិការណ៍កីឡាដ៏ធំនៅកម្ពុជា ខណៈចលនាទេសចរណ៍ក្នុងស្រុកកំពុងបន្តងើបឡើង ដែលជាសញ្ញាណមួយផ្តល់នូវទំនុកចិត្ត និងការទាក់ទាញភ្ញៀវទេសចរអន្តរជាតិមកទស្សនាកម្សាន្តនៅកម្ពុជាបានកាន់តែច្រើនថែមទៀតនាពេលខាងមុខ។សូមបញ្ជាក់ថា ជ័យលាភីរង្វាន់ស្តង់ដាទេសចរណ៍អាស៊ានឆ្នាំ២០២៤ នឹងគ្រោងរៀបចំឡើងនៅទីក្រុងវៀងចន្ទន៍ ប្រទេសឡាវ ដែលជាប្រទេសម្ចាស់ផ្ទះបន្ទាប់ក្រោមប្រធានបទ៖ ទេសចរណ៍ប្រកបដោយគុណភាព និងការទទួលខុសត្រូវ - ចីរភាពអនាគតអាស៊ាន (Quality and Responsible Tourism - Sustaining ASEAN Future)៕

ព្រះសង្ឃ និងពុទ្ធបរិស័ទចូលរួមដង្ហែក្បួនអបអរពិធីបុណ្យមាឃបូជានៅក្រុងសៀមរាប

សៀមរាប៖ ព្រះសង្ឃ និងពុទ្ធបរិស័ទ ក៏ដូចជាសិស្សានុសិស្ស លោកគ្រូ អ្នកគ្រូប្រមាណ ៣ពាន់អង្គ/នាក់ នៅរសៀលថ្ងៃទី៥ ខែកុម្ភៈ ឆ្នាំ២០២៣ នេះបានចូលរួមដង្ហែក្បួនប្រារព្ធពិធីបុណ្យមាឃបូជានៅទីក្រុងសៀមរាប។ ការដង្ហែនេះធ្វើឡើដោយថ្មើរជើង ចេញពីវត្តដំណាក់ក្នុងសង្កាត់សាលាកំរើកឆ្ពោះទៅកាន់ផ្លូវតាមស្ទឹងសៀមរាប និងតាមបណ្ដាផ្លូវសំខាន់ៗមួយចំនួនទៀតនៅតំបន់ផាប់ស្រ្តីតផ្សារចាស់ ដើម្បីបង្ហាញដល់សាធារណ:ជនឲ្យបានដឹងពិធីមាឃបូជា ជាពិធីបុណ្យមួយដែលមានសារៈសំខាន់នៅក្នុងព្រះពុទ្ធសាសនា៕

នាវាទេសចរណ៍ខ្នាតយក្សមួយ ចូលចតនៅកំពង់ផែក្រុងព្រះសីហនុ ទស្សនកិច្ចវឌ្ឍនភាពខេត្ដព្រះសីហនុ

ព្រះសីហនុ៖ នាយប៉ុស្តិ៍នគរបាលច្រកទ្វារកំពង់ផែអន្តរជាតិខេត្តព្រះសីហនុ បានឱ្យដឹងថា នាវាទេសចរណ៍មួយគ្រឿង ឈ្មោះ SEABOURN ENCORE សញ្ជាតិ BAHAMAS ដែលមាននាវិកសរុបចំនួន ៤៣២នាក់ (ស្រី៩៣) ដឹកភ្ញៀវទេសចរចម្រុះ ជាតិសាសន៍ (៥០សញ្ជាតិ) និងមានភ្ញៀវសរុបចំនួន ៣៩៥នាក់ (ស្រី២០០) បានធ្វើដំណើរពីប្រទេសថៃ ចូលមកសុំចត នៅកំពង់ផែស្វយ័តអន្ដរជាតិក្រុងព្រះសីហនុ ថ្ងៃទី២៩ ខែធ្នូ ឆ្នាំ២០២២ ដើម្បីធ្វើទសនកិច្ចនៅក្រុងព្រះសីហនុ ហើយនាវានេះ នឹងចាកចេញទៅវិញបន្ដឆ្ពោះទៅប្រទេសវៀតណាម នៅថ្ងៃដដែលនេះ៕

ពិព័រណ៌ សំណង់បេតិកភណ្ឌ និងការរៀបចំក្រុង នៅបាត់ដំបង

ភ្នំពេញ៖ នៅរសៀលថ្ងៃទី២៨ ខែធ្នូ ឆ្នាំ២០២២នេះ សាកលវិទ្យាល័យភូមិន្ទវិចិត្រសិល្បៈ នៃក្រសួងវប្បធម៌ និងវិចិត្រសិល្បៈ នៃព្រះរាជាណាចក្រកម្ពុជា សហការជាមួយស្ថាប័ន២ មកពីសាកលវិទ្យាល័យ ទូលូ ហ្សង់ហ្សូរ៉េស និងសាលាជាតិជាន់ខ្ពស់ស្ថាបត្យកម្មទូលូ នៃសាធារណរដ្ឋបារាំង បើកការតាំងពិព័រណ៌ សំណង់បេតិកភណ្ឌ និងការរៀបចំក្រុង នៅបាត់ដំបង រហូតដល់ខែមករា ឆ្នាំ២០២៣។លោកសាស្ត្រាចារ្យ ព្រាប ចាន់ម៉ារ៉ា ព្រឹទ្ធបុរសរង មហាវិទ្យាល័យបុរាណវិទ្យា នៃសាកលវិទ្យាល័យភូមិន្ទវិចិត្រសិល្បៈ ប្រាប់BTV ព័ត៌មាន នាថ្ងៃនេះថា ពិព័រណ៌ និយាយពីការសិក្សាទៅលើសំណង់បេតិកភណ្ឌ និងការរៀបចំក្រុងក្នុងខេត្តបាត់ដំបងនេះ បានផលប្រយោជន៍ធំសម្រាប់សាកលវិទ្យាល័យភូមិន្ទវិចិត្រសិល្បៈ ដោយហេតុថានៅទីនេះ មានមហាវិទ្យាល័យបុរាណវិទ្យា ដែលជាមហាវិទ្យាល័យមួយ បានសិក្សាស្រាវជ្រាវពីការងារបេតិកភណ្ឌ និងមហាវិទ្យាល័យស្ថាបត្យកម្ម និងនគរូបនីយវិទ្យា ជាអ្នកសិក្សាស្រាវជ្រាវ ផ្នែកសំណង់ ស្ថាបត្យកម្ម ការរៀបចំក្រុង។ ដូច្នេះពិព័រណ៌នេះ បាននាំមកនូវផលប្រយោជន៍ជាច្រើនសម្រាប់សិស្ស និសិ្សត ក៏ដូចជាសាកលវិទ្យាល័យទាំងមូល ក្នុងការបណ្តុះបណ្តាលធនធានមនុស្ស ផ្នែកបុរាណវិទ្យា និងស្ថាបត្យកម្ម ដែលសិក្សាលើបេតិកភណ្ឌ។ ដូច្នេះការតាំងពិព័រណ៌នាឱកាសនេះជាស្នាដៃមួយភាគធំ នៃគម្រោងសិក្សាស្រាវជ្រាវរួមគ្នាជាមួយសាកលវិទ្យាល័យទូលូ និងសាកលវិទ្យាល័យភូមិន្ទវិចិត្រសិល្បៈ។លោកសាស្ត្រាចារ្យ ព្រាប ចាន់ម៉ារ៉ា បានបញ្ជាក់ទៀតថា តាមរយៈការតាំងពិព័រណ៌នេះ ជាសារមួយ សម្រាប់ផ្តល់ព័ត៌មានជូនដល់សិស្ស និស្សិត និងលើកទឹកចិត្តដល់ប្អូនៗជំនាន់ក្រោយ សូមឲ្យមានការចាប់អារម្មណ៍ ទៅវិស័យសិក្សាស្រាវជ្រាវ ផ្នែកបុរាណវិទ្យា ផ្នែកស្ថាបត្យកម្ម ផ្នែកការរៀបចំក្រុង និងការអភិរក្ស អភិវឌ្ឍន៍។ ពិព័រណ៌នេះ ក៏ជាការដាស់សតិអារម្មណ៍ និងសុំឲ្យប្អូនៗសិស្សានុសិស្ស និស្សិត ប្រឹងប្រែងរៀនសូត្រ និងត្រូវចាប់អារម្មណ៍ទៅលើវិស័យបេតិកភណ្ឌ ហើយវិស័យបេតិកភណ្ឌវប្បធម៌នេះហើយ ដែលជួយជំរុញឲ្យការសិក្សារបស់យើងកាន់តែភ្លឺស្វាង និងជាផ្នែកមួយជំរុញដល់ការអភិរក្ស និងអភិវឌ្ឍន៍ និងជាគោលនយោបាយមួយរបស់សង្គមជាតិ ដើម្បីទាក់ទាញឲ្យមានការលូតលាស់ផ្នែកទេសចរណ៍វប្បធម៌៕ អត្ថបទ៖ រដ្ឋា

ស្ថាប័នរដ្ឋចំនួន២ សហការបើកដំណើការវិទ្យាល័យចំណេះទូទៅបច្ចេកទេសផ្នែកទេសចរណ៍ ៤វិទ្យាល័យ

ភ្នំពេញ៖ នៅសប្តាហ៍ក្រោយនេះ ក្រសួងទេសចរណ៍ និងក្រសួងអប់រំយុវជន និងកីឡានឹងបើកដំណើរការវិទ្យាល័យចំណេះទូទៅបចេ្ចកទេសចំនួន ៤វិទ្យាល័យ ដែលការបើកវិទ្យាល័យនេះនឹងបើកឱកាសឲ្យសិស្សានុសិស្សដែលសិក្សាចប់ថ្នាក់ទី៩ ឡើងទៅគឺអាចជ្រើសរើសចាប់យកជំនាញវិជ្ជាជីវៈបចេ្ចកទេសផ្នែកទេសចរណ៍មួយ សម្រាប់សិក្សាបន្ថែមលើកម្មវិធីសិក្សាចំណេះទូទៅរបស់ក្រសួងអប់រំរហូតដល់ថ្នាក់ទី១២។ បើតាមឯកឧត្តម ទ្រី ឈីវ ទីប្រឹក្សាទេសចរណ៍បានថ្លែងប្រាប់ BTV នៅថ្ងៃទី២៤ ខែធ្នូនេះថា ចាប់ពីឆ្នាំ២០២៣ នេះ ក្រសួងទេសចរណ៍ និងក្រសួងអប់រំយុវជន និងកីឡានឹងចាប់ផ្តើមបើកដំណើរការសាកល្បង វិទ្យាល័យចំណេះទូទៅ បច្ចេកទេសផ្នែកទេសចរណ៍ចំនួន ៤វិទ្យាល័យដំបូងគេរួមមាន៖ វិទ្យាល័យកំពុងឈើទាលនៅតំបន់ប្រាសាទសំបូរព្រៃគុហ៍ខេត្តកំពង់ធំ, មជ្ឈមណ្ឌលកម្ពុជា-ជប៉ុននៅខេត្តសៀមរាប, សាលាសន្តប៉ូលនៅខេត្តតាកែវ និងវិទ្យាល័យជម្ពូវ័ន្តនៅរាធានីភ្នំពេញ។ ឯកឧត្តម ទ្រី ឈីវ បញ្ជាក់ថា សម្រាប់សិស្សានុសិស្សដែលចូលសិក្សាចាប់យកជំនាញវិជ្ជាជីវៈទេសចរណ៍ចាប់ពីថ្នាក់ទី៩ ហើយសិក្សាបានចំនួន ៣ឆ្នាំចប់គឺគាត់អាចប្រឡងយកទទួលសញ្ញាបត្រមធ្យមសិក្សាបច្ចេកទេស ផ្នែកជំនាញទេសចរណ៍ទទួលស្គាល់តាមស្តង់អាស៊ាន ហើយមានតម្លៃស្មើនឹងសញ្ញាបត្របាក់ឌុប។ ឯកឧត្តមបន្តថា តាមរយៈបង្កើតវិទ្យាល័យចំណេះទូទៅបច្ចេកទេសនេះ នឹងបើកឱកាសសិស្សានុសិស្សដែលរៀបចំចប់ថ្នាក់ទី១២ ឬសិស្សានុសិស្សមានសញ្ញាបត្របាក់ឌុប និងមិនមានសញ្ញាបត្របាក់ឌុបគឺអាចចូលបម្រើការងារនានាក្នុងវិស័យទេសចរណ៍ ឬអាចបង្កើតមុខរបរមួយដើម្បីរកចំណូលបាន។ សូមបញ្ជាក់ថា បច្ចុប្បន្នក្រសួងទេសចរណ៍មានសាលារដ្ឋ សាលាអង្គការ និងសាលាឯកជនបានផ្តល់បណ្តុះបណ្តាលជំនាញវិជ្ជាជីវៈនានា ក្នុងវិស័យទេសចរណ៍ចំនួនជាង ២០កន្លែង ក្នុងនោះមានជំនាញវិជ្ជាជីវៈ ៧០មុខជំនាញមានទទួលស្គាល់តាមស្តង់ដារអាស៊ាន ហើយសិស្សមិនមានសញ្ញាបត្របាក់ឌុបក៏អាចចូលសិក្សាបាន៕ អត្ថបទ៖ ស៊ុម សុខជា

ឆ្នាំ២០២២ នេះច្រកទ្វារព្រំដែនបាវិតមានភ្ញៀវជាតិ និងអន្តរជាតិចូលមកកម្ពុជាជាង ៥សែននាក់

ស្វាយរៀង៖ ក្នុងរយៈពេល ១២ខែ ឆ្នាំ២០២២នេះ ច្រកទ្វារព្រំដែនអន្តរជាតិបាវិតខេត្តស្វាយរៀងមានអ្នកដំណើរចេញ-ចូលមកកម្ពុជាសរុបជាង ៥សែន ៣ម៉ឺននាក់មកពី ១២៩សញ្ជាតិ ហើយតួលេខនេះបើប្រៀបធៀបឆ្នាំ២០២១ មានភ្ញៀវកើនឡើងជាង ៨០ភាគរយ។ នេះបើតាមមន្ត្រីជំនួយការច្រកទ្វារព្រំដែនអន្តរជាតិបាវិតខេត្តស្វាយរៀង លោក ពុធ សុភាកែវ បានប្រាប់ទូរទស្សន៍ BTV កាលថ្ងៃទី២៣ ខែធ្នូ ឆ្នាំ២០២២។ លោក ពុធ សុភាកែវ បានបញ្ជាក់ថា ចាប់ពីខែមករាដល់ខែធ្នូ ឆ្នាំ២០២២នេះ មន្ត្រីច្រកទ្វារព្រំដែនអន្តរជាតិបាវិតបានធ្វើការសម្របសម្រួលជូនអ្នកដំណើរចេញសរុប ៤សែន ៧ម៉ឺន ៨ពាន់ ៥០០នាក់ មាន ១២១សញ្ជាត្តិ បើប្រៀបធៀបទៅនឹងរយៈពេល ១២ខែ ឆ្នាំ២០២១ មានការកើនឡើង ក្នុងនោះភ្ញៀវបរទេសចេញសរុប ៣សែន ៩ម៉ឺន ១ពាន់ ៦៦៨នាក់ មាន ១២០សញ្ជាតិ និងពលរដ្ឋខ្មែរធ្វើដំណើរចេញទៅប្រទេសផ្សេងៗមានចំនួនជាង ៤ម៉ឺននាក់។ លោកបានបញ្ជាក់ថា កត្តាដែលភ្ញៀវបរទេសបានចូលមកកម្ពុជាច្រើននៅក្នុងរយៈពេល ១២ខែ ឆ្នាំ២០២២នេះ បើតាមការសន្និដ្ឋានគឺភ្ញៀវមានទំនប់ចិត្តលើការដឹកនាំរបស់រាជរដ្ឋាភិបាល បង្កឲ្យមានសន្តិសុខល្អ ពិសេសរាជរដ្ឋាភិបាលបានធ្វើការបញ្ចៀស និងទប់ស្កាត់ជំងឺកូវីដ១៩ ចម្លងចូលសហគមន៍ និងពលរដ្ឋតាមរយៈការចាក់ស្រោចវ៉ាក់សាំងការពារជំងឺកូវីដ១៩ នៅទូទាំងប្រទេស រួមនឹងអនុវត្តវិធានការក្រសួងសុខាភិបាល និងការណែនាំបន្ថែមរបស់សម្ដេចអគ្គមហាសេនាបតីតេជោ ហ៊ុន សែន ៣ការពារ និង៣កុំ ទើបមានភ្ញៀវសម្រុកចូលមកលេងកម្សាន្តនៅកម្ពុជាច្រើនបែបនេះ៕ អត្ថបទ៖ ភា សារិត

ខួប១៧ឆ្នាំ នៃការដាក់បញ្ចូលល្ខោនស្រមោលស្បែកធំ ក្នុងបញ្ជីបេតិកភណ្ឌវប្បធម៌អរូបី នៃមនុស្សជាតិរបស់អង្គការយូណេស្កូ

ភ្នំពេញ៖ ព្រះរាជាណាចក្រកម្ពុជា អបអរសាទរខួប១៧ឆ្នាំ នៃការដាក់បញ្ចូលល្ខោនស្រមោលស្បែកធំ ក្នុងបញ្ជីបេតិកភណ្ឌវប្បធម៌អរូបី នៃមនុស្សជាតិ របស់អង្គការយូណេស្កូ ២៥ វិចិ្ឆកា ២០០៥-២៥ វិចិ្ឆកា ២០២២។សិល្បៈល្ខោនស្បែកធំ មានប្រវត្តិ និងអាយុកាលជាយូរលង់ណាស់មកហើយលើទឹកដី នៃព្រះរាជាណាចក្រកម្ពុជា ត្រូវបានសកលលោកទទួលស្គាល់ និងឲ្យតម្លៃថា ជាសម្បត្តិមនុស្សជាតិដ៏អស្ចារ្យ និងបានដាក់បញ្ចូល ជាបេតិកភណ្ឌពិភពលោក ខាងបេតិកភណ្ឌបញ្ចេញសំឡេង និងអរូបីរបស់មនុស្សជាតិ ក្នុងឆ្នាំ២០០៥ របស់អង្គការយូណេស្កូ នេះជាមោទនភាពជាតិមួយ ដ៏ត្រចះត្រចង់មិនអាចកាត់ថ្លៃបាន។បើតាមលោក ឈាង ឆដាភ័ក្រ្ត ប្រធាននាយកដ្ឋានស្តីទី នៃនាយកដ្ឋានសិល្បៈទស្សនីយភាព នៃក្រសួងវប្បធម៌ និងវិចិត្រសិល្បៈ ប្រាប់BTV ព័ត៌មាន ថា ថ្ងៃនេះពិតជាអស្ចារ្យណាស់សម្រាប់ប្រជាជាតិយើង ដែលជាប្រទេសមួយសម្បូរទៅដោយវប្បធម៌ ហើយថ្ងៃនេះជាខួប លើកទី១៧ នៃការដាក់បញ្ចូលល្ខោនស្រមោលស្បែកធំ ដែលបានចុះក្នុងបញ្ជីសម្បតិ្តបេតិកភណ្ឌអរូបី នៃមនុស្សជាតិរបស់អង្គការ យូណេស្កូ នេះជាកិតិ្តយសមួយដ៏ធំធេង ក្នុងនាមជាប្រជាជនខ្មែរ ហើយក្នុងនាមក្រសួងវប្បធម៌ ជាពិសេសរាជរដ្ឋាភិបាលខិតខំប្រឹងប្រែងដាក់សម្បតិ្តបេតិកភណ្ឌ ក្នុងបញ្ជីរបស់អង្គការយូណេស្កូ។ចំណែកលោកសាស្រ្តាចារ្យ សេង សំអាន ទីប្រឹក្សាអមក្រសួងវប្បធម៌ និងវិចិត្រសិល្បៈ ក៏បានរំលឹកឡើងវិញថា ល្ខោនស្រមោលស្បែកធំ ជាមរតកអរូបីរបស់ប្រជាជនកម្ពុជា តាំងពីបុរាណកាលមក ជាពិសេសសម័យអង្គរ មហារុងរឿង។ ល្ខោនស្រមោលស្បែកធំ ជាប្រភេទល្ខោនសក្ការ។ជាចុងក្រោយលោក ប្រធាននាយកដ្ឋានស្តីទី នៃនាយកដ្ឋានសិល្បៈទស្សនីយភាព បញ្ជាក់ថា មែនទែនទៅយុវជន ភាគីច្រើនបានគាំទ្រគ្រប់ទម្រង់សិល្បៈ ប៉ុន្តែសុំឲ្យពួកគាត់គាំទ្រឲ្យបានច្រើនជាងនេះបន្ថែមទៀត។ ព្រោះថាសិល្បៈវប្បធម៌ ដើរទៅមុខ និងរីកចម្រើនបាន មិនអាចកាត់ផ្តាច់ពីទស្សនិកជនបាននោះទេ ជាពិសេសគឺយុវជនតែម្តង។ ដូច្នេះយុវជនត្រូវងាកមកគាំទ្រសិល្បៈវប្បធម៌របស់ខ្លួន ចំនុចសំខាន់គឺវប្បធម៌យើង ជាតិយើង គ្មានអ្នកណាគាំទ្រ ក្រៅពីខ្លួនយើងនោះទេ៕ អត្ថបទ៖ រដ្ឋា

បុណ្យសមុទ្រនៅកម្ពុជាឆ្នាំនេះ មានប្រតិភូក្លិបឆ្នេរសមុទ្រស្អាតបំផុតលើពិភពលោកចូលរួមប្រមាណ ៣០ ប្រទេស

នៅថ្ងៃទី៧ខែវិច្ឆិកាឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានបើកកិច្ចប្រជុំត្រួតពិនិត្យវឌ្ឍនភាពការងារត្រៀមរៀបចំពិធីបុណ្យសមុទ្រលើកទី៩ ជុំទី៣នៅខេត្តព្រះសីហនុ និងរៀបចំមហាសន្និបាតក្លឹបឆ្នេរសមុទ្រស្អាតបំផុតលើពិភពលោកនៅសាលាខេត្តព្រះសីហនុ។ នៅក្នុងកិច្ចប្រជុំនេះបានបង្ហាញពីខេត្តព្រះសីហនុត្រៀមរួចរាល់ក្នុងការរៀបចំបុណ្យសមុទ្រ និងមហាសន្និបាតក្លឹបឆ្នេរស្អាតពិភពលោក ដែលមានប្រតិភូជាន់ខ្ពស់ជិត ៣០ប្រទេសចូលរួម។លោក ឡុង ឌីម៉ង អភិបាលរងខេត្តព្រះសីហនុបានឱ្យដឹងថា នៅសល់ប្រមាណ១ខែទៀតប៉ុណ្ណោះ ព្រឹត្តិការណ៍បុណ្យសមុទ្រលើកទី៩ ជុំទី៣នៅខេត្តព្រះសីហនុនឹងដំណើរការចាប់ពីថ្ងៃទី៩ដល់ទី១១ ខែធ្នូ ហើយមហាសន្និបាតក្លឹបឆ្នេរសមុទ្រស្អាតបំផុតលើពិភពលោក ក៏នឹងដំណើរការចាប់ពីថ្ងៃទី៩ ដល់ទី១៤ ខែធ្នូ ឆ្នាំ២០២២ ដែលជិតនឹងឈានចូលមកដល់ផងដែរ។ លោកបន្ថែមថា រហូតមកពេលនេះ មានប្រតិភូជាតិអន្តរជាតិមកពីបណ្តាប្រទេសជិត២៥ហើយ បានឆ្លើយតបថាគេនឹងអញ្ជើញចូលរួមក្នុងនោះប្រតិភូក្លឹបឆ្នេរស្អាតលើពិភពលោកនឹងចូលរួមជិត១៥ប្រទេស ស្នើនឹង២៨ឆ្នេរស្អាត សរុប១២០រូប។លោក ឡុង ឌីម៉ង់ បន្តថា តាមការលើកឡើងរបស់ឯកឧត្ដមអភិបាលខេត្តព្រះសីហនុបានឱ្យដឹងថា មកដល់ពេលនេះ ខេត្តបានត្រៀមខ្លួនរួចរាល់ដើម្បីទទួលប្រតិភូជាតិអន្តរជាតិចូលរួមព្រឹត្តិការណ៍បុណ្យសមុទ្រ និងព្រឹត្តិការណ៍ក្លឹបឆ្នេរស្អាតបំផុតលើពិភពលោក ក្នុងនោះការងាររៀបចំសន្តិសុខសណ្តាប់ធ្នាប់ ការធ្វើបដិសណ្ឋារកិច្ចប្រតិភូជាន់ខ្ពស់ ការរៀបចំសោភ័ណភាព រៀបចំប្រគំដន្ត្រីច្រើនកន្លែង ដើម្បីចញ្ចៀសភាពចង្អៀតណែនហ្វូងមនុស្ស និងការរត់ជាន់គ្នា និងការរៀបចំទីតាំងស្នាក់នៅបោះតង់ សណ្ឋា គារ សម្រាប់មហាជនចូលរួមជាច្រើនទៀត ដែលនឹងអញ្ជើញចូលរួមកម្សាន្តសប្បាយផងដែរ ។ក្នុងកិច្ចប្រជុំនេះ ឯកឧត្តមរដ្ឋមន្ត្រី ថោង ខុន បានមានប្រសាសន៍ថា កិច្ចប្រជុំត្រៀមរៀបចំព្រឹត្តិការណ៍បុណ្យសមុទ្រ ដោយមានកម្ពុជាទទួលធ្វើម្ចាស់ផ្ទះរៀបចំមហាសន្និបាតក្លឹបឆ្នេរស្អាតជាងគេបំផុតលើពិ ភពលោក រំពឹងថា នឹងមានប្រតិភូជាន់ខ្ពស់ជាតិអន្តរជាតិប្រមាណជាង១៣០០រូប មកពីបណ្តាប្រទសប្រមាណ២៥ចូលរួម ហើយយើងក៏រំពឹងថា នឹងមានមហាជនចូលរួមប្រមាណរាប់ម៉ឺននាក់ផ្សេងៗទៀតដែរ។ឯកឧត្តមរដ្ឋមន្ត្រីបន្តថា បុណ្យសមុទ្រនៅខេត្តព្រះសីហនុឆ្នាំនេះ មានស្តង់តាំងពិព័រណ៌ប្រមាណជាង៣៥០ស្តង់ ក្នុងនោះ ៥០ស្តង់មានស្តង់ក្រសួងស្ថានប័ន ស្តង់ក្លឹបឆ្នេរស្អាត ស្តង់ផលិតផលក្នុងស្រុក ស្តង់វិស័យទេសចរណ៍កម្ពុជា ស្តង់ស្ថានទូតបរទេស គ្រឿងអេឡិចត្រូនិច ស្តង់បង្ហាញភូមិម្ហូបអាហារ វីថី អាហារ ស្តង់អាហារខ្មែរ ស្តង់សហគ្រាស សំភារៈគ្រឿចក្រ សំលៀកបំពាក់នានាជាច្រើនទៀត អមដោយព្រឹត្តិការណ៍បាញ់កាំជ្រួច ប្រគំដន្ត្រីខ្នាតធំ ប្រកួតកីឡា៦ប្រភេទ និងមានកម្មវិធីកម្សាន្តសប្បាយតូចៗជាច្រើនទៀត៕ អត្ថបទ៖ ស៊ុម សុខជា

ភ្ញៀវទេសចរច្រើនកុះករសម្រុកចូលមកលេងខេត្ដព្រះសីហនុរហូតដល់កកស្ទះចរាចរណ៍

ព្រះសីហនុ៖ ចាប់តាំងពីពេលដែលផ្លូវល្បឿនលឿនភ្នំពេញ-ព្រះសីហនុបានបើកឲ្យដំណើរការសាកល្បងប្រើប្រាស់មិនគិតលុយរយៈពេលមួយខែ នៅចុងសប្តាហ៍ថ្ងៃទី១៥-១៦ ខែតុលា ឆ្នាំ២០២២ មានភ្ញៀវទេសចរធ្វើដំណើរចូលមកលេងលម្ហែកម្សាន្ដនៅក្រុងព្រះសីហនុច្រើនកុះករ ធ្វើឱ្យមានការកកស្ទះចរាចរណ៍ដោយអន្លើៗ ដូចជាមុខផ្សារលើក្រុងព្រះសីហនុ ឆ្នេរអូរឈើទាល ឆ្នេរអូរត្រេះ។ល។

កម្មវិធីល្ខោនខ្មែរ ៖ រកឃើញហើយ កូនក្រុមទាំង៣ក្រុម របស់គ្រូបង្វឹកនីមួយៗ នៃកម្មវិធីល្ខោនខ្មែរ រដូវកាលទី១

បន្ទាប់ពីទទួលបានបេក្ខជនផ្លូវការទាំង១២ក្រុម កាលពីសប្ដាហ៍កន្លងទៅ ពេលនេះកម្មវិធីល្ខោនខ្មែរ បានឈានមកដល់វគ្គជួបជាមួយគណៈកម្មការហើយ។គណៈកម្មការមេប្រយោគទាំងបួន នឹងដើរតួនាទីជាគ្រូបង្វឹក ដែលនឹងបង្ហាត់បង្រៀនកូនក្រុមរបស់ខ្លួន ដែលក្នុងនោះគ្រូបង្វឹកមួយរូបៗនឹងទទួលបានកូនក្រុមម្នាក់ ៣ក្រុមស្មើៗគ្នា។ ក្នុងនោះ៖ -កូនក្រុមរបស់លោកជំទាវសាស្ត្រាចារ្យ សុទ្ធ សុម៉ាលី មាន៖ (១). ក្រុមពន្លកថ្មីនៃវប្បធម៌ (២).ក្រុម ល្ខោនបុរាណស្រីវត្តកៀនស្វាយក្រៅ និង (៣). ក្រុម យុវជនមន្ទីវប្បធម៌ និងវិចិត្រសិល្បៈរាជធានីភ្នំពេញ។-កូនក្រុមរបស់លោកស្រីសាស្ត្រាចារ្យ សំ សត្យា មាន៖ (១). ក្រុម មន្ទីរវប្បធម៌ និងវិចិត្រសិល្បៈខេត្តបន្ទាយមានជ័យ (២). ក្រុម រស្មីនៃវប្បធម៌ (៣). ក្រុម ក្រឹស្ណរៈ។-កូនក្រុមរបស់ឯកឧត្តមសាស្ត្រាចារ្យ ព្រឿង ឈៀង មាន៖ (១). ក្រុម មន្ទីវប្បធម៌ និងវិចិត្រសិល្បៈខេត្តសៀមរាប (២).ក្រុម សិល្បៈបុរាណយុវជនល្ខោនខោល និងរបាំបុរាណជំនាន់ថ្មី (៣). ក្រុម ស្រលាញ់វប្បធម៌នៃ ស.ស.យ.ក ខេត្តកំពង់ស្ពឺ ។-កូនក្រុមរបស់លោកស្រីព្រឹទ្ធាចារ្យ ប៉ែន សុខហួន មាន៖ (១). ក្រុម នារីអង្គរ (២). ក្រុម វិទ្យាស្ថានគរុកោសល្យរាជធានីភ្នំពេញ (៣). ក្រុម ក្លឹបបណ្ដុះបណ្ដាលសិល្បៈវប្បធម៌ខ្មែរអង្គរខេត្តសៀមរាប។សូមបញ្ជាក់ផងដែរថា នៅវគ្គបន្ទាប់ កូនក្រុមរួមគ្រូ នឹងធ្វើការប្រកួតជាមួយគ្នាទៅវិញទៅមក ពោលគឺមិនប្រកួតឆ្លងក្រុមដែលមានគ្រូបង្វឹកផ្សេងៗនោះឡើយ។ មិនតែប៉ុណ្ណោះ គ្រូបង្វឹកទាំងអស់នឹងធ្វើការវាយតម្លៃទៅតាមការបញ្ចេញសមត្ថភាពជាក់ស្ដែង ហើយក្នុងនោះគ្រូបង្វឹកនីមួយៗនឹងសម្រេចចិត្តរើសបេក្ខជនតែ ២ ក្រុមប៉ុណ្ណោះ រីឯ ១ក្រុមទៀតនឹងត្រូវចាកចេញពីកម្មវិធី។ កម្មវិធីល្ខោនខ្មែរ រដូវកាលទី១ មានចាក់បញ្ចាំងនៅលើកញ្ចក់ទូរទស្សន៍ BTV រៀងរាល់ថ្ងៃសៅរ៍ វេលាម៉ោង ៦ ល្ងាចតទៅ។ ហើយក៏មានការចាក់ផ្សាយលើទំព័រហ្វេសប៊ុកផ្លូវការរបស់សហភាពសហព័ន្ធយុវជនកម្ពុជា ខេត្តស្វាយរៀងផងដែរ៕ “មិនត្រឹមតែជាការចូលរួមប្រកួត តែយើងទាំងគ្នា ចូលរួមគាំទ្រ អភិរក្ស និងលើកស្ទួយសិល្បៈបុរាណខ្មែរ”

បណ្ដាញសង្គម

ព័ត៌មានថ្មីៗ

ក្រសួងពាណិជ្ជកម្ម៖ គ្រាប់ស្វាយចន្ទីររបស់កម្ពុជាកំពុងមានទីផ្សារនៅប្រទេសជប៉ុន

សហគមន៍កសិកម្មទំនើប «បន្លែផ្ទះសំណាញ់ត្រាំកក់» ចុះកិច្ចព្រមព្រៀងទទួលអំណោយជាផ្ទះសំណាញ់១០០ខ្នង

រដ្ឋមន្រ្តីក្រសួងអប់រំ៖ជំនឿជាកត្តាមួយជំរុញឲ្យមនុស្សពីសម័យបុរាណអាចសាងសង់ប្រាសាទផ្សេងៗបាន

នគរបាលថៃ៖ មជ្ឈមណ្ឌលឆបោកនៅតាមព្រំដែនថៃ-មីយ៉ាន់ម៉ា នៅបន្តប្រតិបត្តិការជាមួយមនុស្សរហូតដល់ ១០ម៉ឺននាក់

សាកសពត្រូវបានទាញចេញពីក្នុងអណ្តូងទឹក នៅតំបន់ដណ្តើមបានមកវិញរបស់ប្រទេសស៊ូដង់

ឯកឧត្តមសាស្ត្រាចារ្យ ឈាង រ៉ា ធ្វើបាឋកថាលើភាពជាអ្នកដឹកនាំស្តីពី «រូបធាតុនិយមបដិសំយោគ ឬ សម្ភារនិយមវិចារវិទ្យា»

លោកជំទាវវេជ្ជបណ្ឌិត យក់ សម្បត្តិ បើកសន្និបាតការងារកំចាត់រោគរបេងទូទាំងប្រទេសលើកទី២៨ ប្រចាំឆ្នាំ២០២៤ និងទិសដៅឆ្នាំ២០២៥

ប្រភព៖ ឥណ្ឌាស្នើឲ្យសហរដ្ឋអាមេរិកដាក់ក្រុមសាសនា Sikh ក្នុងបញ្ជីអង្គការភេរវជន

មនុស្ស ៣នាក់ ត្រូវបានគេជឿថា ស្លាប់ នៅស្វីស ខណៈយន្តហោះទៅពីដាណឺម៉ាក ធ្លាក់

អេហ្ស៊ីបថ្កោលទោសការវាយប្រហារចុងក្រោយរបស់អ៊ីស្រាអែលដែលបានសម្លាប់មនុស្សជាង ៤០០នាក់នៅតំបន់ហ្កាហ្សា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

វប្បធម៌ និងទេសចរណ៍

អបអរសាទរ! កម្ពុជាទទួលជ័យលាភីសរុប ១៧ ពីការអនុវត្តស្តង់ដាទេសចរណ៍អាស៊ានឆ្នាំ២០២៣

ព្រះសង្ឃ និងពុទ្ធបរិស័ទចូលរួមដង្ហែក្បួនអបអរពិធីបុណ្យមាឃបូជានៅក្រុងសៀមរាប

នាវាទេសចរណ៍ខ្នាតយក្សមួយ ចូលចតនៅកំពង់ផែក្រុងព្រះសីហនុ ទស្សនកិច្ចវឌ្ឍនភាពខេត្ដព្រះសីហនុ

ពិព័រណ៌ សំណង់បេតិកភណ្ឌ និងការរៀបចំក្រុង នៅបាត់ដំបង

ស្ថាប័នរដ្ឋចំនួន២ សហការបើកដំណើការវិទ្យាល័យចំណេះទូទៅបច្ចេកទេសផ្នែកទេសចរណ៍ ៤វិទ្យាល័យ

ឆ្នាំ២០២២ នេះច្រកទ្វារព្រំដែនបាវិតមានភ្ញៀវជាតិ និងអន្តរជាតិចូលមកកម្ពុជាជាង ៥សែននាក់

បុណ្យសមុទ្រនៅកម្ពុជាឆ្នាំនេះ មានប្រតិភូក្លិបឆ្នេរសមុទ្រស្អាតបំផុតលើពិភពលោកចូលរួមប្រមាណ ៣០ ប្រទេស

ភ្ញៀវទេសចរច្រើនកុះករសម្រុកចូលមកលេងខេត្ដព្រះសីហនុរហូតដល់កកស្ទះចរាចរណ៍

កម្មវិធីល្ខោនខ្មែរ ៖ រកឃើញហើយ កូនក្រុមទាំង៣ក្រុម របស់គ្រូបង្វឹកនីមួយៗ នៃកម្មវិធីល្ខោនខ្មែរ រដូវកាលទី១

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

វប្បធម៌ និងទេសចរណ៍

អបអរសាទរ​! កម្ពុជា​ទទួល​ជ័យលាភី​សរុប​ ១៧ ពី​ការអនុវត្ត​ស្តង់ដា​ទេសចរណ៍​អាស៊ាន​ឆ្នាំ​២០២៣

ព្រះសង្ឃ និងពុទ្ធបរិស័ទចូលរួមដង្ហែក្បួនអបអរពិធីបុណ្យមាឃបូជានៅក្រុងសៀមរាប

នាវាទេសចរណ៍ខ្នាតយក្សមួយ ចូលចតនៅកំពង់ផែក្រុងព្រះសីហនុ ទស្សនកិច្ចវឌ្ឍនភាពខេត្ដព្រះសីហនុ

ពិព័រណ៌ សំណង់បេតិកភណ្ឌ និងការរៀបចំក្រុង នៅបាត់ដំបង

ស្ថាប័នរដ្ឋ​ចំនួន​២ សហការ​បើក​ដំណើ​ការ​វិទ្យាល័យ​ចំណេះ​ទូទៅ​បច្ចេកទេស​ផ្នែក​ទេសចរណ៍​ ៤​វិទ្យាល័យ​

ឆ្នាំ​២០២២​ នេះ​ច្រក​ទ្វារ​ព្រំដែន​បាវិត​មាន​ភ្ញៀវ​ជាតិ និង​អន្តរជាតិ​ចូល​មក​កម្ពុ​ជាជាង ​៥​សែន​នាក់​

បុណ្យសមុទ្រនៅកម្ពុជាឆ្នាំនេះ មានប្រតិភូក្លិបឆ្នេរសមុទ្រស្អាតបំផុតលើពិភពលោកចូលរួមប្រមាណ ៣០ ប្រទេស

ភ្ញៀវទេសចរច្រើនកុះករសម្រុកចូលមកលេងខេត្ដព្រះសីហនុរហូតដល់កកស្ទះចរាចរណ៍

កម្មវិធីល្ខោនខ្មែរ ៖ រកឃើញហើយ កូនក្រុមទាំង៣ក្រុម របស់គ្រូបង្វឹកនីមួយៗ នៃកម្មវិធីល្ខោនខ្មែរ រដូវកាលទី១

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អបអរសាទរ! កម្ពុជាទទួលជ័យលាភីសរុប ១៧ ពីការអនុវត្តស្តង់ដាទេសចរណ៍អាស៊ានឆ្នាំ២០២៣

ស្ថាប័នរដ្ឋចំនួន២ សហការបើកដំណើការវិទ្យាល័យចំណេះទូទៅបច្ចេកទេសផ្នែកទេសចរណ៍ ៤វិទ្យាល័យ

ឆ្នាំ២០២២ នេះច្រកទ្វារព្រំដែនបាវិតមានភ្ញៀវជាតិ និងអន្តរជាតិចូលមកកម្ពុជាជាង ៥សែននាក់