BTV NEWS

គណៈប្រតិភូនៃសន្និសីទប្រធានសភានៃអន្តរសភា វាយតម្លៃខ្ពស់ចំពោះជោគជ័យនៃ «សន្និសីទប្រធានសភានៃអន្តរសភា លើកទី២» នៅកម្ពុជា

ប្រធានរដ្ឋសភាម៉ាឡេស៊ី ប្ដេជ្ញាបន្តលើកកម្ពស់កិច្ចសហប្រតិបត្តិការទ្វេភាគីជាមួយកម្ពុជាឱ្យកាន់តែរីកចម្រើន និងរឹងមាំ

ព្រីតថេន នឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

គណៈប្រតិភូសមាជិកសភាសហរដ្ឋអាម៉េរិក នឹងបន្តគាំទ្ររដ្ឋាភិបាលសហរដ្ឋអាម៉េរិក ក្នុងការជំរុញកិច្ចសហប្រតិបត្តិការ កម្ពុជា-សហរដ្ឋអាម៉េរិក ឱ្យកាន់តែរីកចម្រើន និងទូលំទូលាយបន្ថែមទៀត

នយោបាយ និង ការអភិវឌ្ឍន៍

ការប្រឡងឌីប្លូមចាប់ផ្ដើមថ្ងៃនេះ ដោយអនុវត្តតាមវិធានការតឹងរឹង និងវិធានសុខាភិបាល

ភ្នំពេញ ៖ ការប្រឡងសញ្ញាបត្រឌីប្លូមសម្រាប់សិស្សថ្នាក់ទី៩ បានចាប់ផ្ដើមទូទាំងប្រទេស នៅថ្ងៃទី ១៥ ខែវិច្ឆិកា ឆ្នាំ២០២១នេះ។ ថ្ងៃចាប់ផ្ដើមដំបូង គឺសង្កេតឃើញសាលារៀន ដាក់ចេញនូវវិធានការតឹងរឹង ដើម្បីធានាគុណភាពនៃការប្រឡង និងមានការដាក់ចេញនូវវិធានការសុខាភិបាល ដើម្បីការពារពីជំងឺកូវីដ-១៩ផងដែរ។ថ្ងៃទី ១៥-១៦ ខែវិច្ឆិកា ឆ្នាំ២០២១ ជាកាលបរិច្ឆេទប្រឡងសញ្ញាបត្រឌីប្លូម សម្រាប់សិស្សថ្នាក់ទី ៩ទូទាំងប្រទេស។ ការប្រឡងនេះ ក្រសួងអប់រំ នៅតែបន្តអនុវត្តន៍គោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន ស្របនឹងវិធានការសុវត្ថិភាពសុខភាព។ជាក់ស្ដែងសម្រាប់វិទ្យាល័យបាក់ទូក ក្នុងថ្ងៃប្រឡងដំបូងនេះ គឺមានការអនុវត្តទាំងវិធានការសុខាភិបាល និងការរឹតត្បឹតមិនអនុញ្ញាតឱ្យ បេក្ខជនប្រឡង នាំយកសំណៅឯកសារ កាតាប ទូរស័ព្ទដៃ រឺគ្រឿងអេឡិចត្រូនិក ចូលបន្ទប់ប្រឡងនោះទេ។ របស់ដែលបេក្ខជនអាចយកចូលបន្ទប់ប្រឡង គឺមានតែប៊ិច បន្ទាត់ ក្រដាសសៀវភៅ និងទឹកអាល់កុលប៉ុណ្ណោះ។ចំពោះការចូលមកទីធ្លាសាលា បេក្ខជនទាំងអស់គឺត្រូវតែពាក់ម៉ាសការពារ វាស់កម្ដៅ លាងដៃនឹងទឹកអាល់កុល ដោយមានក្រុមការងារយុវជន របស់សាលាប្រចាំការនៅច្រកចូល ជួយណែនាំនិងត្រួតពិនិត្យ។ ខណៈពេលម៉ោងប្រឡងវិញ ក្រុមការងារយុវជនរបស់សាលា ក៏បានដើរត្រួតពិនិត្យនៅតាមបន្ទប់ប្រឡងនីមួយៗ ដើម្បីធានាសណ្ដាប់ធ្នាប់ និងទប់ស្កាត់ភាពមិនប្រក្រតីណាមួយកើតឡើងផងដែរ។សម្រាប់បេក្ខជនប្រឡង ពួកគាត់ក៏ពេញចិត្ត ចំពោះការរៀបចំរបស់សាលាផងដែរ។ ពួកគាត់ជឿជាក់ថា ពួកគាត់មានសមត្ថភាពគ្រប់គ្រាន់ ដើម្បីអាចប្រឡងជាប់ ព្រោះពួកគាត់បានខិតខំសិក្សាជាច្រើនសម្រាប់ការប្រឡងមួយនេះ។ការប្រឡងថ្នាក់ទី៩នេះ ក្រសួងអប់រំប្រគល់សិទ្ធិអំណាច និងការទទួលខុសត្រូវទាំងស្រុង ជូនគ្រឹះស្ថានមធ្យមសិក្សានីមួយៗរៀបចំការប្រឡង ចាប់តាំងពីការរៀបចំប្រធានវិញ្ញាសារ ដំណើរការសំណេរ កំណែ ស្រង់ បូកពិន្ទុ និងប្រកាសលទ្ធផលនៅតាមគ្រឹះស្ថានសិក្សានីមួយៗ។ ចំពោះមុខវិជ្ជាដែលត្រូវប្រឡងមានដូចជា តែងសេចក្ដី ការសរសេរតាមអាន គណិតវិទ្យា រូបវិទ្យា គីមីវិទ្យា ជីវវិទ្យា ផែនដី និងបរិស្ថានវិទ្យា។អ្នកនាំពាក្យក្រសួងអប់រំ ក៏ធ្លាប់បានបញ្ជាក់ដែរថា ទិន្នន័យបឋមសម្រាប់ការប្រឡងឌីប្លូម គឺមានបេក្ខជនសរុប ៖ ១៦២ ៥៨៩ នាក់ (នារី ៨៧ ៨៧១នាក់) មណ្ឌលប្រឡងចំនួន ១៧២២ និងមានបន្ទប់ប្រឡងចំនួន ៧៣២៧បន្ទប់៕អត្ថបទ៖ គឹមហុក

ទេសរដ្ឋមន្រ្តី លី ធុជ អនុញ្ញាតឲ្យឯកអគ្គរដ្ឋទូតសឹង្ហបុរីប្រចាំនៅកម្ពុជា ចូលជួបស្វែងយល់អំពីវិស័យសកម្មភាពមីននៅកម្ពុជា

ភ្នំពេញ ៖ នាព្រឹកថ្ងៃទី១៥ ខែវិច្ឆិកា ឆ្នាំ២០២១ នៅទីស្នាក់ការអាជ្ញាធរមីន ឯកឧត្តម ទេសរដ្ឋមន្រ្តី លី ធុជ អនុប្រធានទី១អាជ្ញាធរមីន បានអនុញ្ញាតឲ្យលោកស្រី Teo Lay Cheng ឯកអគ្គរដ្ឋទូតសឹង្ហបុរីប្រចាំនៅកម្ពុជា ចូលជួបពិភាក្សា និងស្វែងយល់អំពីវិស័យសកម្មភាពមីននៅកម្ពុជា។ក្នុងឱកាសនោះ ឯកឧត្តម ទេសរដ្ឋមន្រ្តី លី ធុជ បានថ្លែងអំណរគុណយ៉ាងជ្រាលជ្រៅ និងវាយតម្លៃខ្ពស់ជូនចំពោះរដ្ឋាភិបាលនៃប្រទេសសឹង្ហបុរី ដែលបានចូលរួមគាំទ្រជួយដល់កម្ពុជា ក្នុងការកសាងសមត្ថភាពដល់មន្រ្តីរាជការ រួមមានការរៀបចំគោលនយោបាយ ការផ្តល់អាហារូបករណ៍ និងការផ្លាស់ប្តូរបទពិសោធន៍ និងជួយដល់វិស័យសកម្មភាពមីនតាមរយៈការធ្វើជាប្រធានគណៈកម្មាធិការអចិន្ត្រៃយ៍នៃមជ្ឈមណ្ឌលតំបន់អាស៊ានសម្រាប់សកម្មភាពមីន (ARMAC) ក្នុងឆ្នាំ២០១៨។ឯកឧត្តម ទេសរដ្ឋមន្រ្តី បានបញ្ជាក់ប្រាប់ជូនលោកស្រីឯកអគ្គរដ្ឋទូតថា ថ្មីៗនេះ បន្ទាប់ពីទទួលការអនុញ្ញាតដ៏ខ្ពង់ខ្ពស់ពីសម្តេចតេជោ នាយករដ្ឋមន្រ្តី អាជ្ញាធរមីន បានចាប់ផ្តើមអនុវត្តយន្តការភូមិអស់ការគម្រាមដោយសារមីន ហើយបានទទួលជោគជ័យនៅភូមិមួយក្នុងខេត្តកែប ព្រមទាំងគ្រោងនឹងអនុវត្តន៍នៅតាមភូមិផ្សេងៗទៀតនៅទូទាំងប្រទេស តាមរយៈការចលនាកៀរគរធនធានឧបត្ថម្ភគាំទ្រដល់ការងារបោសសម្អាតមីន និងគ្រាប់មិនទាន់ផ្ទុះ ពីវិស័យឯកជន និងសប្បុរសជននានា ដែលមានបំណងចង់ចូលរួមជាមួយរាជរដ្ឋាភិបាលកម្ពុជា ក្នុងការបញ្ចប់ការគំរាមកំហែងដោយសារមីនតាមភូមិ។ជាមួយគ្នានេះ ឯកឧត្តម ទេសរដ្ឋមន្រ្តី បានបង្ហាញពីបំណងចង់ឃើញប្រទេសសឹង្ហបុរី ចូលរួមឧបត្ថម្ភគាំទ្រដល់ការអនុវត្តយន្តការភូមិអស់ការគំរាមដោយសារមីន ដើម្បីឈានឆ្ពោះទៅរកកម្ពុជាមួយដែលគ្មានមីនឆ្នាំ២០២៥ និងការចូលរួមកសាងសមត្ថភាពផ្នែករៀបចំគោលនយោបាយ និងអភិបាលកិច្ចដល់មន្ត្រីអាជ្ញាធរមីន៕

ក្រុមអាជីវករផ្សារកំពង់ប្រណាកខេត្ដព្រះវិហារ សប្បាយចិត្ដក្រោយពីការអភិវឌ្ឍន៍ និងការពារសន្ដិសុខសណ្ដាប់ធ្នាប់ត្រឹមត្រូវ

ព្រះវិហារ ៖ ក្រុមអាជីវករផ្សារកំពង់ប្រណាក ក្រុងព្រះវិហារ បានសម្ដែងការសប្បាយចិត្ដ ក្រោយពីមានការកែលំអរផ្សារនេះ ឱ្យមានសោភណ្ឌភាពល្អ ការពារសន្ដិសុខសណ្ដាប់ធ្នាប់ត្រឹមត្រូវ ព្រមទាំងមានការរីកចំរើនលើវិស័យហេដ្ឋារចនាសម្ព័ន្ធផ្លូវថ្នល់ ប្រពន្ធលូទឹកបានល្អប្រសើរថែមទៀតផង ។ក្រុមអាជីវករផ្សារកំពង់ប្រណាក ស្ថិតនៅក្រុងព្រះវិហារ ពួកគាត់បានឱ្យដឹងថា ចាប់ពីដើមឆ្នាំ២០២១នេះ ផ្សារកំពង់ប្រណាក ត្រូវបានអាជ្ញាធរខេត្ដព្រះវិហារកែលំអររូបរាងជាថ្មី ទាំងក្នុងបរិវេណផ្សារ នៅជំវិញផ្សារ ដូចជាផ្លូវក្នុងផ្សារ រៀបចំឱ្យផ្លូវដើរធំទូលាយ ពីចន្លោះតូបនីមួយៗ បំពាក់ដោយភ្លើងសូឡានៅក្នុងផ្សារ បំពាក់ឧបករណ៍បំពងសំឡេង ដើម្បីងាយស្រួលប្រកាសអាសន្នផងដែរ ។ជាងនោះទៅទៀត នៅជុំវិញបរិវេណផ្សារ មិនមានការលក់ដូរអនាធិបេតេយ្យ អមដោយសន្ដិសុខយាមកាមត្រឹមត្រូវ ហេដ្ឋារចនាផ្លូវថ្នល់ធំទូលាយប្រព័ន្ធលូទឹក ប្រព័ន្ធភ្លើងគ្រប់គ្រាន់ ។ជាពិសេសទៅទៀត មានរៀបឱ្យមានការចតម៉ូតូឌុប ឬផាស់អាប់មានលក្ខណៈងាយស្រួលថែមទៀតផង។ពួកគាត់ បានបន្ដថា ការលក់ដូរកន្លងមក មានភាពអនាធិបតេយ្យនៅខាងក្រៅផ្សារ ដែលធ្វើឱ្យអ្នកលក់ខាងក្នុងផ្សារមិនមានអតិថិជនមិនចូលដល់ក្នុងផ្សារ ។ពួកគាត់ បន្ថែមថា ក្រោយពេលមានការកែលំអរផ្សារឡើងវិញ ជាពិសេសមានសន្ដិសុខយាមកាម២៤ម៉ោង ពួកគាត់មានទំនុកចិត្ដនិងលែងមានការបារម្ភពីអសន្ដិសុខទៀតហើយ។លោក យឹម បញ្ញា នាយករងទីចាត់ការហិរញ្ញវត្ថុរបស់រដ្ឋបាលខេត្ដព្រះវិហារ បានឲ្យដឹងថា ការកែលំអរផ្សារកំពង់ប្រណាកនាពេលនេះ គោលបំណងលើកសោភណភាពផ្សារព្រមទាំងធ្វើយ៉ាងណាឱ្យមានភាពងាយស្រួលការលក់ដូររបស់អាជីវករ និងងាយស្រួលការធ្វើចរាចរណ៍នៅជុំវិញផ្សារ។ជាមួយគ្នានោះ ក៏ជាការលើកមុខមាត់ខេត្ដព្រះវិហារ បានមួយកំរិតថែមទៀតផង ព្រោះវាមិនធ្វើឱ្យប៉ះពាល់ដល់អ្នកទេសចរផងដែរ។លោក បានបន្ដថា ក្រោយពីអាជ្ញាធរបានរៀបចំផ្សារកំពង់ប្រណាកនេះរួចមក ផ្សារនេះការលក់ដូររបៀបរៀបរយ មានកន្លែងឱ្យពលរដ្ឋដែលគ្មានតូបលក់ដូរបានល្អប្រសើរមានទីកន្លែងចំណតរងចាំ តាមបណ្ដាផ្លូវនូវជុំវិញ បំពាក់ភ្លើងសូឡា ផ្លូវបេតុងជំវិញផ្សារ មិនមានការលក់ដូរក្រៅផ្សារទៀតឡើយ។លោកថា អាជ្ញាធរនឹងខិតខំអភិវឌ្ឍន៍តម្រូវចិត្ដអ្នកអាជីវករថែមទៀត។លោក យឹម បញ្ញា ក៏សូមអរគុណប្រមុខរាជរដ្ឋាភិបាលកម្ពុជាដែលមានសម្ដេចតេជោ ហ៊ុន សែន នាយករដ្ឋមន្ដ្រី បានសម្រេចផ្ដល់ថវិកាសម្រាប់ធ្វើការអភិវឌ្ឍន៍ផ្លូវបេតុងជុំវិញខេត្តព្រះវិហារ តាមការស្នើសុំរបស់ឯកឧត្តម ប្រាក់ សុវណ្ណ អភិបាលខេត្តព្រះវិហារ ហើយយកផ្លូវនេះជាផ្លូវមានអាទិភាព ។ជាមួយនឹងការផ្ដល់ឲ្យ ឯកឧត្តម អភិបាលខេត្តព្រះវិហារ ក៏មានចំណាត់ការបន្ថែមកែប្រែផ្សារឲ្យអាជីវករលក់ដូរមានសណ្ដាប់ធ្លាប់របៀបរៀបរយផងដែរ។បើតាមលោក យឹម បញ្ញា កិច្ចសន្យាគម្រោងអភិវឌ្ឍន៍ផ្សារកំពុងប្រណាករបស់លោកស្រី ហេង សាវី មានរយៈពេល១៦ឆ្នាំ ដោយចាប់ពីឆ្នាំ២០១៣កន្លងមក នៅលើផ្ទៃដីជាងមួយហិកតា ស្ថិតនៅក្រុងព្រះវិហារ៕

កម្ពុជា ត្រៀមខ្លួនរួចរាល់ក្នុងការធ្វើជាម្ចាស់ផ្ទះនៃមហោស្រពវប្បធម៌អាស៊ី-អឺរ៉ុប នៅចុងខែនេះ

ភ្នំពេញ ៖ រាជរដ្ឋាភិបាលកម្ពុជា នឹងធ្វើជាម្ចាស់ផ្ទះរៀបចំកិច្ចប្រជុំកំពូលអាស៊ី-អឺរ៉ុប លើកទី១៣ (ASEM13)។ ក្នុងឱកាសដែរក្រេសួងវប្បធម៌ និងវិចិត្រសិល្បៈ សហការជាមួយសហភាពអឺរ៉ុប(EU) និងមូលនិធិអាស៊ី អឺរ៉ុប នឹងរៀបចំមហោស្រពវប្បធម៌អាស៊ី អឺរ៉ុប ដែលជាព្រឹតិ្តការណ៍អមផ្លូវ ការមួយ ក្នុងចំណោមព្រឹតិ្តការណ៍អមផ្សេងៗទៀត នៃ ASEM13 ដោយបង្ហាញពីភាពចម្រុះនៃវប្បធម៌ និងការ ផ្លាស់ប្តូរសិល្បៈរវាងអាស៊ី និងអឺរ៉ុប។ក្នុងសនិ្នសីទសារព័ត៌មាននាព្រឹកថ្ងៃទី១៥ ខែវិចិ្ឆកា ឆ្នាំ២០២១នេះ ដែលរៀបចំដោយក្រសួងវប្បធម៌ និងវិចិត្រសិល្បៈ ស្តីពីមហោស្រពវប្បធម៌អាស៊ី-អឺរ៉ុប ក្រោមប្រធានបទ «អាស៊ី និង អឺរ៉ុប៖ ចំណងវប្បធម៌» “Asia and Europe: Cultures Connect” ដែលជាព្រឹត្តិការណ៍អមនៃកិច្ចប្រជុំកំពូលអាស៊ី-អឺរ៉ុប លើកទី១៣ ឆ្នាំ២០២១។ ឯកឧត្តម គឹម ពីនន់ អនុរដ្ឋលេខាធិការក្រសួងវប្បធម៌ និងវិចិត្រសិល្បៈ បានលើកឡើងថា មហោស្រពវប្បធម៌អាស៊ី-អឺរ៉ុប ក្រោមប្រធានបទ «អាស៊ី និង អឺរ៉ុប៖ ចំណងវប្បធម៌» ការច្នៃប្រឌិត និងភាពចម្រុះ នៃវប្បធម៌អាស៊ី និងអឺរ៉ុប ត្រូវបានប្រារព្ធឡើងជារៀងរាល់ឆ្នាំ នៅក្នុងមហោស្រពវប្បធម៌អាស៊ី និងអឺរ៉ុប ជាមួយនឹងសិល្បៈទស្សនីយភាពច្រើនទម្រង់ ការតាំងពិព័រណ៍ ការចាក់បញ្ចាំងខ្សែភាពយន្ត និងកិច្ចពិភាក្សា។ តាមរយៈតន្រ្តី របាំ ល្ខោន អក្សរសិល្ប៍ ស្ថាបត្យកម្ម វិចិត្រសិល្បៈ និងភាពយន្ត បាននាំមកនូវកិច្ចសន្ទនាកាន់តែប្រសើរឡើងរវាងប្រទេសទាំង៥១ នៅអាស៊ី និងអឺរ៉ុប ដែលជាចំណងទំនាក់ទំនង នៃទ្វីបទាំងពីរ។ទន្ទឹមគ្នានោះដែរលោក ទិហាមៀ ហ្ស៊ីកា អនុប្រធានបេសកកម្មការទូត ប្រធានផ្នែកកិច្ចការនយោបាយ និងព័ត៌មាន នៃប្រតិភូសហភាពអឺរ៉ុប ប្រចាំព្រះរាជាណាចក្រកម្ពុជា បានមានប្រសាសន៍ថា ព្រឹត្តិការណ៍មហោស្រពនេះ គឺជាការរឹតចំណងនូវសាមគ្គីភាពរវាងប្រទេស នៃទ្វីបទាំងពីរ ដែលជម្រុញឲ្យកិច្ចសហប្រតិបតិ្តការកាន់តែមានភាពប្រសើរឡើងរវាងប្រជាជននៃទ្វីបទាំងពីរ។ អ្វីដែលយើងសម្រេចបាននាពេលសព្វថ្ងៃនេះ គឺមានភាពគួរឲ្យកត់សម្គាល់។ នៅក្នុងឆ្នាំនេះ សហភាពអឺរ៉ុប បានធ្វើការរៀបចំនូវព្រឹតិ្តការណ៍មហោស្រពវប្បធម៌ អាស៊ី និងអឺរ៉ុប ឆ្នាំ២០២១ ក្រោមប្រធានបទ «អាស៊ី និង អឺរ៉ុប៖ ចំណងវប្បធម៌» “Asia and Europe: Cultures Connect” ដែលត្រូវបានរៀបចំឡើងដោយក្រសួងវប្បធម៌ និងវិចិត្រសិល្បៈនៃព្រះរាជាណាចក្រកម្ពុជា។ ហើយយើងសង្កេតឃើញថាភាពសម្បូរបែបនៃវប្បធម៌ដ៏ចម្រុះរវាងប្រទេសនៅតំបន់អឺរ៉ុប និងអាស៊ី ដែលរួមបញ្ចូលនូវភាពច្នៃប្រឌិតផ្សេងៗរវាងសិល្បករនៃទ្វីបទាំងពីរ។ ហើយសកម្មភាពនៅក្នុងមហោស្រពនេះ គឺមានដំណាក់រួម ក្នុងពេលជាមួយគ្នា នៅទីក្រុងព្រុចសែល ក្នុងទ្វីបអឺរ៉ុប ចាប់ពីថ្ងៃទី១៥ រហូតដល់ថ្ងៃទី២៦ ខែវិចិ្ឆកា ឆ្នាំ២០២១ ហើយក៏នៅក្នុងព្រះរាជាណាចក្រកម្ពុជាដោយផ្ទាល់ផងដែរ ចាប់ពីថ្ងៃទី២២ រហូតដល់ថ្ងៃទី២៦ ខែវិចិ្ឆកា ឆ្នាំ២០២១ ដែលមានព្រឹតិ្តការណ៍តាមរយៈកម្មវិធីប្រព័ន្ធអនឡាញន៍។ជាមួយគ្នានោះដែរ លោក ឯក ប៊ុនថា អគ្គនាយករងតំណាងអគ្គនាយកបច្ចេកទេសវប្បធម៌ ទទួលរួមលើកិច្ចការទស្សនីភាព ពិពរណ៍ និងភាពយន្ត បានបញ្ជាក់ថា ក្នុងរយៈពេល៥ថ្ងៃ នៃមហោស្រព ចាប់ពីថ្ងៃទី២២ ដល់ថ្ងៃទី២៦ ខែវិចិ្ឆកា ឆ្នាំ២០២១ ព្រឹតិ្តការណ៍សិល្បៈតំណាងឲ្យដៃគូអាស៊ី និងអឺរ៉ុប ជាង២០ រួមមាន ការសំដែងរបាំ និងល្ខោន ការប្រគុំតន្រី្ត សិល្បៈសូនរូប ការតាំងពិព័រណ៍ និងវេទិកា ពិភាក្សាជាមួយសិល្បករ និងត្រូវបានបង្ហាញជាផ្លូវការលើគេហទំព័រ WWW.ASEMculturalfestival. com ។ កម្មវិធីផ្ទាល់នៅនឹងកន្លែងនៃមហោស្រពនេះរួមមាន ការតាំងពិព័រណ៍សិល្បៈចំនួន៦គម្រោង ដែលរៀបចំនៅសារមនី្ទរជាតិ និងការបញ្ចាំងខ្សែភាពយន្តចំនួន០៤ នៅរោងភាពយន្តMajor Cineplex នៅរាជធានីភ្នំពេញ។សូមបញ្ជាក់ផងដែរថា កិច្ចប្រជុំកំពូលអាស៊ី-អឺរ៉ុប គឺជាវេទិការអន្តររដ្ឋាភិបាលមួយ ដែលត្រូវបានបង្កើតឡើងក្នុងឆ្នាំ១៩៩៦ ដើម្បីលើកកម្ពស់កិច្ចសន្ទនា និងកិច្ចសហប្រតិបតិ្តការរវាងអាស៊ី និងអឺរ៉ុប។ បច្ចុប្បន្នមានប្រទេសដៃគូចំនួន៥១ ដែលក្នុងនោះមាន៣០ ជាប្រទេសអឺរ៉ុប និង២១ ជាប្រទេសអាស៊ី រួមជាមួយនឹងសហភាពអឺរ៉ុប និងលេខាធិការដ្ឋានអាស៊ាន ដែលបង្កើតបានជាដៃគូសរុបចំនួន៥៣៕អត្ថបទ ៖ រដ្ឋា

ជំនន់ទឹកភ្លៀងវាយប្រហារស្រុករុក្ខគិរី បង្ខំឱ្យពលរដ្ឋ១០០គ្រួសារ ភៀសខ្លួនទៅរកទីទួលសុវត្ថិភាព

បាត់ដំបង ៖ អភិបាលស្រុករុក្ខគិរី ខេត្តបាត់ដំបង លោកស្រី ប៊ិន បូឡែន បានឲ្យដឹងថា ប្រជាពលរដ្ឋជិត១០០គ្រួសារ ត្រូវបានជម្លៀសទៅកាន់ទីទួលសុវត្ថិភាព ដោយសារជំនន់ទឹកភ្លៀង។នៅថ្ងៃទី១៥ ខែវិច្ឆិកា ឆ្នាំ២០២១នេះ លោកស្រី ប៊ិន បូឡែន បានបញ្ជាក់ថា “ក្រុមការងារបាន ជម្លៀសប្រជាពលរដ្ឋ៩៨គ្រួសារ ក្នុងភូមិឈូក ភូមិកម្រែង និងភូមិច្រាំងខ្ពស់ ទៅកាន់ទីទួលសុវត្ថិភាព ដោយសារបញ្ហាជំនន់ទឹកភ្លៀង ដែលបានធ្វើឲ្យលិចលង់ផ្លូវថ្នល់ ស្ពាន និងប៉ះពាល់ដល់ទំនប់សម្រាប់ទប់ ទឹកមួយចំនួន។ តែមកដល់ពេលនេះ ពលរដ្ឋពីរភូមិបានវិលត្រឡប់ទៅផ្ទះវិញហើយ ដែលមានភូមិកម្រែង និងភូមិច្រាំងខ្ពស់ ដោយឡែកនៅភូមិឈូក ត្រង់ចំណុចបឹងតាសុខ ប្រជាពលរដ្ឋ បន្តនៅទីទួលសុវត្ថិភាព ចំនួន៦៥គ្រួសារ។បន្ថែមពីលើនេះ ជំនន់ទឹកភ្លៀងនេះក៏មានការជន់លិចកំណាត់ផ្លូវ និងប៉ះពាល់ដល់ផ្ទះប្រជាពលរដ្ឋ មួយចំនួន ស្ថិតក្នុងឃុំជ្រៃ ស្រុកមោងឫស្សីផងដែរ។កាលពីថ្ងៃទី១៤ ខែវិច្ឆិកានេះ អភិបាលស្រុករុក្ខគិរី បានជូនដំណឹង ដល់ប្រជាពលរដ្ឋរស់នៅតាម បណ្ដោយដងស្ទឹង នៅក្នុងស្រុករុក្ខគិរី និងស្រុកមោងឫស្សី ឱ្យមានការប្រុងប្រយ័ត្នខ្ពស់ ចំពោះការហក់ឡើងយ៉ាងគំហុកនូវទឹកក្នុងទំនប់អាងបាសាក់៕អត្ថបទ៖ នឿត សុភក្ត្រ

អំណោយរបស់ឯកឧត្ដម ហ៊ុន ម៉ាណែត ត្រូវបានឧបត្ថម្ភដល់អតីតយុទ្ធជន និងពលរដ្ឋខ្វះខាត

កំពង់ធំ ៖ មេបញ្ជាការតំបន់ប្រតិបត្តិការសឹករងកំពង់ធំ បន្តនាំយកអំណោយឯកឧត្តមបណ្ឌិត ហ៊ុន ម៉ាណែត និង លោកជំទាវ ពេជ្រ ចន្ទមុន្នី ទៅឧបត្ថម្ភជូនក្រុមគ្រួសារអតីតយុទ្ធជន និងប្រជាពលរដ្ឋ ដែលមានជីវភាពលំបាកខ្វះខាត ដើម្បីជួយទ្រទ្រង់ជីវភាពប្រចាំថ្ងៃ។នៅថ្ងៃទី១៤ ខែវិច្ឆិកា ឆ្នាំ២០២១ ឧត្តមសេនីយ៍ទោ សោម ស៊ុន មេបញ្ជាការតំបន់ ប្រតិបត្តិការសឹក រងកំពង់ធំ បានបន្តដឹកនាំសហការី រួមជាមួយអាជ្ញាធរដែនដី នាំយកអំណោយរបស់ ឯកឧត្តមឧត្តម សេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក និងលោកជំទាវ ពេជ្រ ចន្ទមុន្នី ទៅឧបត្ថម្ភជូនគ្រួសារអតីតយុទ្ធជន និងប្រជាពលរដ្ឋ ដែលមានជីវភាពលំបាកខ្វះខាតចំនួន១០គ្រួសារថ្មីទៀត ដែលរស់នៅភូមិក្រចាប់ សង្កាត់អាចារ្យលាក់ ក្រុងស្ទឹងសែន ខេត្តកំពង់ធំ។ក្នុងឱកាសជួបសំណេះសំណាលជាមួយក្រុមគ្រួសារអតីតយុទ្ធជន និងប្រជាពលរដ្ឋនៅពេលនេះ ឧត្តមសេនីយ៍ទោ សោម ស៊ុន បានពាំនាំនូវការផ្តាំផ្ញើសាកសួរសុខទុក្ខពីសំណាក់សម្តេចតេជោ ហ៊ុន សែន នាយករដ្ឋមន្រ្តី និងសម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ដែលជានិច្ចកាល សម្តេចទាំងទ្វេរ តែងតែគិតគូយកចិត្តទុកដាក់ពីជីវភាពរស់នៅ និងដោះស្រាយនូវរាល់ការលំបាកខ្វះខាត ជូនក្រុមគ្រួសារអតីតយុទ្ធជន ក៏ដូចជាប្រជាពលរដ្ឋនៅគ្រប់ទីកន្លែង ពិសេសក្នុងកាលៈទេសៈ ដែលប្រទេសជាតិ កំពុងរងផលប៉ះពាល់ដោយសារការឆ្លងរាលដាលជំងឺកូវីដ-១៩។ ឧត្តមសេនីយ៍ទោ បានបញ្ជាក់ថា ដោយសារបច្ចុប្បន្នស្ថានភាពកូវីដ-១៩ មានភាពធូរស្រាល អត្រាឆ្លង និងការទទួលមរណភាពមានការថយចុះ ដោយសារពលរដ្ឋស្ទើរទាំងអស់ បានចាក់វ៉ាក់សាំង ដូច្នេះរាជរដ្ឋាភិបាល បានសម្រេចបើកប្រទេសជាតិឲ្យដំណើរការឡើងវិញលើគ្រប់វិស័យ ដោយតម្រូវឲ្យពលរដ្ឋទាំងអស់រៀនរស់តាមគន្លងថ្មី នៃបរិបទកូវីដ-១៩ ដោយត្រូវអនុវត្តឲ្យបានត្រឹមត្រូវនូវវិធានការ ៣ការពារ និង៣កុំ កុំបីមានការធ្វេសប្រហែសឡើយ ហើយក៏បានអំពាវនាវដល់ប្រជាពលរដ្ឋ និងក្រុមគ្រួសារអតីត យុទ្ធជនទាំងអស់ ត្រូវខិតខំប្រឹងប្រែង ប្រកបមុខរបរចិញ្ចឹមជីវិតដោយសុច្ចរិតទៀងត្រង់ និងគោរពច្បាប់។ឧត្ដមសេនីយ៍ទោ សោម ស៊ុន បានបញ្ជាក់ថា អំណោយដែលបានចែកជូនបងប្អូនប្រជាពលរដ្ឋ និង ក្រុមគ្រួសារអតីតយុទ្ធជននាពេលនេះ ជាអំណោយរបស់ ឯកឧត្តមឧត្តមសេនីយ៍ឯក ហ៊ុន ម៉ាណែត និង លោកជំទាវ ពេជ្រ ចន្ទមុន្នី ដែលបានផ្ដល់តាមរយៈមេបញ្ជាការតំបន់ប្រតិបត្តិការសឹករងកំពង់ធំ មានដូច ជាអង្ករ ២៥គីឡូក្រាម មី ទឹកត្រី និងត្រីខកំប៉ុង សម្រាប់ជួយដោះស្រាយបញ្ហាជីវភាពបានមួយគ្រាផងដែរ ដោយមិនទុកឲ្យពលរដ្ឋណាម្នាក់ដាច់ពោះស្លាប់ ដោយមិនបានដឹង មិនបានដោះស្រាយនោះឡើយ៕អត្ថបទ៖ លី សាងស៊ីន

កម្ពុជាត្រៀមរួចរាល់ ដើម្បីទទួលអ្នកដំណើរពីបរទេសដែលចាក់វ៉ាក់សាំងរួច ដោយគ្មានការធ្វើចត្តាឡីស័ក

ភ្នំពេញ ៖ បន្ទាប់ពីមានការកែសម្រួលសារជាថ្មីលើកលែងការធ្វើចត្តាឡីស័ក ទៅលើអ្នកដំណើរទូទៅមកពីក្រៅប្រទេស ក្រោយពីចាក់វ៉ាក់សាំងពេញលេញនោះ មន្រ្តីអន្តោប្រវេសន៍នៃអាកាសយានដ្ឋានអន្តរជាតិភ្នំពេញ បានឲ្យដឹងថា កម្ពុជាត្រៀមរួចរាល់ចំពោះលំហូរអ្នកដំណើរចូលកម្ពុជា ដោយពិនិត្យលើការចាក់វ៉ាក់សាំងពេញលេញ និងឯកសារធ្វើតេស្តរកជំងឺកូវីដមុនចូលកម្ពុជាតែប៉ុណ្ណោះ។ថ្លែងប្រាប់BTV នៅថ្ងៃទី១៥ ខែវិច្ឆិកា ឆ្នាំ២០២១នេះ លោកឧត្តមសេនីយ៍ត្រី ថោង សុផាត នាយរងប៉ុស្តិ៍ច្រកទ្វារអាកាសយានដ្ឋានអន្តរជាតិភ្នំពេញ បានឲ្យដឹងថា បន្ទាប់ពីទទួលបានការណែនាំពីសម្តេចតេជោ ហ៊ុន សែន កាលពីថ្ងៃទី១៤ ខែវិច្ឆិកា ជុំវិញការសម្រេចអនុញ្ញាតឲ្យអ្នកដំណើរទាំងជនជាតិខ្មែរ និងជនជាតិបរទេសទាំងដែលធ្វើដំណើរចូលកម្ពុជា ហើយបានចាក់វ៉ាក់សាំងពេញលេញ (២ដូស) គឺមិនតម្រូវឲ្យធ្វើចត្តាឡីស័ក មន្រ្តីអន្តោប្រវេសន៍ ដែលឈរជើងនៅអាកាសយានដ្ឋានអន្តរជាតិចាប់ពីថ្ងៃនេះតទៅ បាននិងកំពុងអនុវត្តជាផ្លូវការទៅលើអ្នកដំណើរទាំងអស់ដែលចូលកម្ពុជាគឺការពិនិត្យទៅលើប័ណ្ណចាក់វ៉ាក់សាំងពេញលេញ និងការធ្វើតេស្តរកជំងឺកូវីដមុន៧២ម៉ោង ទើបអនុញ្ញាតឲ្យអ្នកដំណើរឆ្លងដែន និងធ្វើតេស្តរហ័សម្តងទៀតដោយក្រុមគ្រូពេទ្យសុខាភិបាលប្រចាំនៅអាកាសយានដ្ឋានអន្តរជាតិភ្នំពេញ។លោកឧត្តមសេនីយ៍ត្រី ថោង សុផាត បានបញ្ជាក់ថា បន្ទាប់ពីអ្នកដំណើរបានអនុវត្តតាមការកែសម្រួលថ្មី ក៏ដូចជាធ្វើតេស្តរហ័សរួចរាល់នោះ អ្នកដំណើរនឹងអាចចេញពីច្រកដំណើរចូលកម្ពុជាដូចពេលមុនមានជំងឺកូវីដ១៩។ទន្ទឹងគ្នានេះ ឯកឧត្តម ស៊ីន ចាន់សិរីវុត្ថា អនុរដ្ឋលេខាធិការ និងជាអ្នកនាំពាក្យរដ្ឋលេខាធិការដ្ឋានអាកាសចរស៊ីវិល បានថ្លែងថា ក្នុងនាមអាកាសចរស៊ីវិលនឹងអនុវត្តតាមការណែនាំរបស់ប្រមុខរាជរដ្ឋាភិបាល ដោយសហការសម្របសម្រួលជាមួយមន្រ្តីពាក់ព័ន្ធ ក្នុងពេលនីតិវិធីមួយចំនួនរបស់អ្នកដំណើរទាំងការធ្វើដំណើរ និងការមកដល់កម្ពុជាត្រូវបានកាត់បន្ថយ។ ឯកឧត្តម បន្តថា ការសម្រេចនេះ ជាការផ្តល់នូវភាពងាយស្រួលសម្រាប់អ្នកដំណើរចូលមកកម្ពុជាផងដែរ៕អត្ថបទ ៖ សេក ឧត្តម

គ្រួសារសពស្លាប់ដោយសារកូវីដ-១៩ ចំនួន២១នាក់ ទទួលបានថវិកាពីសម្ដេចតេជោ និងសម្ដេចកិត្តិព្រឹទ្ធបណ្ឌិត

ភ្នំពេញ៖ លោក សុខ ពេញវុធ អភិបាលនៃគណៈអភិបាលខណ្ឌដូនពេញ បាននាំយក ថវិកាឧបត្ថម្ភរបស់សម្តេចតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន តាមរយៈឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ ប្រគល់ជូនគ្រួសារសព ដែលស្លាប់ដោយសារកូវីដ-១៩ ចំនួន ២១នាក់ កាលពីថ្ងៃម្សិលមិញនេះ ។ក្នុងឱកាសាលោក សុខ ពេញវុធ បានផ្តាំផ្ញើសួរសុខទុក្ខ និងចូលរួមរំលែកទុក្ខពីសំណាក់ សម្តេចតេជោ និងសម្តេចកិត្តិព្រឹទ្ធបណ្ឌិត នូវសេចក្តីទុក្ខដ៏ក្រៀមក្រំ សោកស្តាយ និងអាលោះអាល័យជាទីបំផុត និងសូមបួងសួងដល់ដួងវិញ្ញាណក្ខន្ធរបស់បងប្អូនប្រជាពលរដ្ឋដែលបានទទួលមរណភាព បានសោយសុខក្នុងទីឋានសុគតិភព។លោកអភិបាល បានជូនពរដល់ប្រជាពលរដ្ឋជាសាច់ញាតិគ្រួសារសព មានសុខភាបល្អ ជៀសឆ្ងាយពីជំងឺកូវីដ-១៩ ជាពិសេសចូលរួមអនុវត្ត ៣កុំ ៣ការពារ ឱ្យបានគ្រប់ៗគ្នា។សូមបញ្ជាក់ថា អំណោយដែលប្រគល់នាពេលនេះ ក្នុង០១គ្រួសារ ទទួលបានថវិកាចំនួន ២,០០០,០០០រៀល ៕អត្ថបទ៖ កុម្ភះ

ព្រះមហាក្សត្រស្តេចយាងនិវត្តមកដល់កម្ពុជាវិញហើយ

ភ្នំពេញ ៖ នៅព្រឹកថ្ងៃទី១៥វិច្ឆិកានេះ ព្រះករុណាព្រះមហាក្សត្រ បានស្តេចយាងនិវត្តមកដល់កម្ពុជាវិញហើយ ប្រកបដោយព្រះរាជសុវត្ថិភាព បន្ទាប់ពីបានស្តេចយាងទៅកាន់ទីក្រុងប៉ារីស ប្រទេសបារាំង តបតាមការយាងរបស់លោកជំទាវ អូដ្រេយ អាហ្សូឡេយ (Audrey Azoulay) អគ្គនាយិកានៃអង្គការអប់រំវិទ្យាសាស្ត្រ និងវប្បធម៌របស់អង្គការសហប្រជាជាតិ (យូណេស្កូ) កាលពីព្រឹកថ្ងៃទី១០វិច្ឆិកា ដើម្បីទៅចូលរួមក្នុងមហាសន្និបាតលើកទី៤១ របស់អង្គការយូណេស្កូ ។ ក្នុងឱកាសខួបលើក ទី៧៥នៃអង្គការនេះ ដែលនឹងប្រព្រឹត្តទៅនៅទីក្រុងប៉ារីស សាធារណរដ្ឋបារាំង ពីថ្ងៃទី១០ ដល់ថ្ងៃទី១៤ ខែវិច្ឆិកានោះ។សូមរម្លឹកថា នៅថ្ងៃទី១២ ខែវិច្ឆិកា ឆ្នាំ២០២១ ជាមួយនឹងវត្តមានរបស់ប្រមុខរដ្ឋ និងរដ្ឋាភិបាលជា ច្រើនរូប ព្រះករុណា ព្រះបាទ សម្តេចព្រះបរមនាថ នរោត្តម សីហមុនី នឹងថ្លែងព្រះរាជសុន្ទរកថា នៅក្នុងពិធីបើកសម័យប្រជុំជាផ្លូវការនៃមហាសន្និបាត ដោយផ្តោតលើសមិទ្ធផល សំខាន់ៗនៃអង្គការយូណេស្កូ នៅក្នុងប្រទេសកម្ពុជា។ចាប់តាំងពីត្រូវបានបង្កើតឡើងនៅឆ្នាំ១៩៤៥ អង្គការយូណេស្កូ បានរួមចំណែកយ៉ាងសំខាន់ ដល់ការលើកតម្កើងវិស័យអប់រំ វិទ្យាសាស្ត្រ វប្បធម៌ និងការប្រាស្រ័យទាក់ទងគ្នានៅក្នុងពិភពលោក តាមរយៈកម្មវិធីកិច្ចសហប្រតិបត្តិការពហុភាគី។វត្តមានអញ្ជើញដង្ហែអង្គព្រះមហាក្សត្រដល់អាកាសយានដ្ឋានអន្តរជាតិភ្នំពេញ មានវត្តមានថ្នាក់ដឹកនាំជាន់ខ្ពស់គឺសម្តេចវិបុលសេនាភក្តី ប្រធានព្រឹទ្ធសភា សម្តេចពញាចក្រី ប្រធានរដ្ឋសភា សម្តេចតេជោ នាយករដ្ឋមន្ត្រី ព្រមជាមួយវត្តមានសម្តេច ឯកឧត្តម លោកជំទាវ ជាថ្នាក់ដឹកនាំជាឥស្សរជនសំខាន់ៗ មួយចំនួនទៀត៕អត្ថបទ មុត សុទ្ធ

ប្រធានក្រុមការងារថ្នាក់ជាតិ ណែនាំឲ្យសមាជិកទាំងអស់ត្រៀមលក្ខណៈ ដើម្បីការដំណើរការបោះឆ្នោត ក្រុមប្រឹក្សាឃុំ-សង្កាត់អាណត្តិទី៥

ត្បូងឃ្មុំ ៖ ប្រធានក្រុមការងារថ្នាក់ជាតិ បានផ្ដាំផ្ញើទៅកាន់សមាជិកសមាជិការបស់គណបក្សប្រជាជនថា ការបោះឆ្នោតនៅពេលខាងមុខនេះ ពីមួយអាណត្តិទៅមួយអាណត្តិត្រូវមានការផ្លាស់ប្តូរ មនុស្សដែលមានសមត្ថភាព ចំណេះដឹង ជាពិសេសអ្នកដែលអាចបន្តវេននៅតាមមូលដ្ឋាន ដើម្បីឲ្យបំរើសេវាសាធារណៈកាន់តែល្អប្រសើរឡើង។ឯកឧត្ដម វង សូត ប្រធានក្រុមការងារថ្នាក់ជាតិ ចុះជួយស្រុកពញាក្រែក ខេត្តត្បូងឃ្មុំ ថ្លែងនៅថ្ងៃទី១៣ ខែវិច្ឆិកានេះ ក្នុងពិធីបោះឆ្នោតស្ទាបស្ទង់ក្រុមប្រឹក្សាឃុំ និងមានការចូលរួមពីប្រធានក្រុមការងារចុះជួយឃុំទាំង៨ ក្នុងស្រុកពញាក្រែក ខេត្តត្បូងឃ្មុំ ។ឯកឧត្ដម វង សូត បានផ្តោតសំខាន់ឲ្យប្រធានគណបក្សប្រជាជនកម្ពុជា តាមឃុំសង្កាត់នីមួយៗ និងភូមិត្រូវពិនិត្យមើលបេក្ខជនរបស់ខ្លួន ក្នុងការឈរឈ្មោះ សម្រាប់ជ្រើសរើសក្រុមប្រឹក្សា ឃុំសង្កាត់ អាណត្តិទី៥ ខាងមុខនេះ ហើយត្រូវពិនិត្យមើលឈ្មោសមាជិកសមាជិកា របស់គណបក្សប្រជាជនកម្ពុជា តាមភូមិឃុំ ឲ្យមានឈ្មោះក្នុងបញ្ជីបោះឆ្នោតឲ្យបានគ្រប់ៗគ្នា ហើយប្រសិនបើករណីពួកគាត់ពុំមានឯកសារគ្រប់គ្រាន់ត្រូវជួយផ្សព្វផ្សាយណែនាំសហការជាមួយអាជ្ញាធរមូលដ្ឋាន។ ឯកឧត្ដម ប្រធានក្រុមការងារថ្នាក់ជាតិ បានជម្រុញដល់អាជ្ញាធរទាំងអស់ត្រូវយកចិត្តទុកដាក់ការពារ ទប់ស្កាត់ ការឆ្លងរីករាលដាលជម្ងឺកូវីដ -១៩ ព្រោះថាកូវីដមិនភ្លេចយើងទេ ដោយត្រូវបន្តអនុវត្តន៍ ៣កុំ និង៣ការពារនិងត្រូវរៀនរស់តាមគន្លងថ្មី៕

បណ្ដាញសង្គម

ព័ត៌មានថ្មីៗ

សង្គ្រាមបង្កផលប៉ះពាល់អវិជ្ជមានលើសេដ្ឋកិច្ចអ៊ីរ៉ង់ ខណៈសហរដ្ឋអាមេរិកបង្កើនទណ្ឌកម្ម

អាជ្ញាធររៀបចំឱ្យអាជីវករដែលរងផលប៉ះពាល់ដោយគ្រោះអគ្គីភ័យនៅផ្សារនាគមាស អាចចូលទៅលក់នៅក្នុងទីតាំងអតីតដីមជ្ឈមណ្ឌលម៉ង់ឌីយ៉ាល់ជាបណ្តោះអាសន្នសិន

របាយការណ៍៖ សង្គ្រាមអ៊ីរ៉ង់ធ្វើឱ្យស្តុកយោធារបស់អាមេរិកថយចុះ ដោយបន្ថយសមត្ថភាពការពារសកល

ពលរដ្ឋ៖ កេរ្ដិ៍ឈ្មោះកម្ពុជា នឹងកាន់តែល្អបន្ទាប់ពីជោគជ័យ កម្ទេចមជ្ឈមណ្ឌលឆបោកតាមប្រព័ន្ធបច្ចេកវិទ្យា

ប្រជាពលរដ្ឋ ១,៧២៦គ្រួសារ ដែលរងផលប៉ះពាល់ដោយជំនន់ទឹកទន្លេមេគង្គ នៅស្រុកត្បូងឃ្មុំ ទទួលបានអំណោយមនុស្សធម៌ ដើម្បីសម្រាលការលំបាក

មេដឹកនាំរុស្ស៊ី ចិន និងអ៊ីរ៉ង់ នឹងចូលរួមកិច្ចប្រជុំកំពូលនៅប្រទេសកៀហ្ស៊ីស៊ីស្ថាន

UN បង្កើនជំនួយដល់ប្រទេសនេប៉ាល់ ខណៈជាង២ម៉ឺនគ្រួសារត្រូវការស្បៀងអាហារក្នុងពេលមហន្តរាយទឹកជំនន់

ភ្លៀង និងហានិភ័យផ្សេងៗនៃទឹកជំនន់បន្ថែមទៀតធ្វើស្មុគស្មាញដល់ការជួយសង្គ្រោះរបស់ចិន នៅតំបន់ទីបេ

ជំនាញមេកានិករថយន្តសម័យ ជំរុញឱ្យយុវជនក្លាយជាពលកម្មជំនាញជាន់ខ្ពស់ និងជាម្ចាស់អាជីវកម្ម

ប៉ុស្តិ៍សុខភាពសម្ដេចព្រះរាជគ្រូ បួរ គ្រី ព្រះករុណាព្រះមហាក្សត្រសីហមុនី ពិនិត្យព្យាបាលភ្នែកដោយឥតគិតថ្លៃដល់ពលរដ្ឋ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ការប្រឡងឌីប្លូមចាប់ផ្ដើមថ្ងៃនេះ ដោយអនុវត្តតាមវិធានការតឹងរឹង និងវិធានសុខាភិបាល

កម្ពុជា ត្រៀមខ្លួនរួចរាល់ក្នុងការធ្វើជាម្ចាស់ផ្ទះនៃមហោស្រពវប្បធម៌អាស៊ី-អឺរ៉ុប នៅចុងខែនេះ

ជំនន់ទឹកភ្លៀងវាយប្រហារស្រុករុក្ខគិរី បង្ខំឱ្យពលរដ្ឋ១០០គ្រួសារ ភៀសខ្លួនទៅរកទីទួលសុវត្ថិភាព

អំណោយរបស់ឯកឧត្ដម ហ៊ុន ម៉ាណែត ត្រូវបានឧបត្ថម្ភដល់អតីតយុទ្ធជន និងពលរដ្ឋខ្វះខាត

កម្ពុជាត្រៀមរួចរាល់ ដើម្បីទទួលអ្នកដំណើរពីបរទេសដែលចាក់វ៉ាក់សាំងរួច ដោយគ្មានការធ្វើចត្តាឡីស័ក

គ្រួសារសពស្លាប់ដោយសារកូវីដ-១៩ ចំនួន២១នាក់ ទទួលបានថវិកាពីសម្ដេចតេជោ និងសម្ដេចកិត្តិព្រឹទ្ធបណ្ឌិត

ព្រះមហាក្សត្រស្តេចយាងនិវត្តមកដល់កម្ពុជាវិញហើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ការប្រឡងឌីប្លូមចាប់ផ្ដើមថ្ងៃនេះ ដោយអនុវត្តតាមវិធានការតឹងរឹង និងវិធានសុខាភិបាល

កម្ពុជា ត្រៀមខ្លួនរួចរាល់ក្នុងការធ្វើជាម្ចាស់ផ្ទះនៃមហោស្រពវប្បធម៌អាស៊ី-អឺរ៉ុប នៅចុងខែនេះ

ជំនន់ទឹកភ្លៀងវាយប្រហារស្រុករុក្ខគិរី បង្ខំឱ្យពលរដ្ឋ១០០គ្រួសារ ភៀសខ្លួនទៅរកទីទួលសុវត្ថិភាព

អំណោយរបស់ឯកឧត្ដម ហ៊ុន ម៉ាណែត ត្រូវបានឧបត្ថម្ភដល់អតីតយុទ្ធជន និងពលរដ្ឋខ្វះខាត

គ្រួសារសពស្លាប់ដោយសារកូវីដ-១៩ ចំនួន២១នាក់ ទទួលបានថវិកាពីសម្ដេចតេជោ និងសម្ដេចកិត្តិព្រឹទ្ធបណ្ឌិត

ព្រះមហាក្សត្រស្តេចយាងនិវត្តមកដល់កម្ពុជាវិញហើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍