នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គ​ណៈប្រតិភូនៃសន្និសីទប្រធានសភានៃអន្តរសភា វាយតម្លៃ​ខ្ពស់ចំពោះជោគជ័យនៃ «សន្និសីទប្រធានសភានៃអន្តរសភា លើកទី២»​ នៅកម្ពុជា
ប្រធានរដ្ឋសភាម៉ាឡេស៊ី ប្ដេជ្ញាបន្តលើកកម្ពស់កិច្ចសហប្រតិបត្តិការទ្វេភាគីជាមួយកម្ពុជាឱ្យកាន់តែរីកចម្រើន និងរឹងមាំ
ព្រីតថេន​ នឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា​
គណៈប្រតិភូសមាជិកសភាសហរដ្ឋអាម៉េរិក នឹងបន្តគាំទ្ររដ្ឋាភិបាលសហរដ្ឋអាម៉េរិក ក្នុងការជំរុញកិច្ចសហប្រតិបត្តិការ កម្ពុជា-សហរដ្ឋអាម៉េរិក ឱ្យកាន់តែរីកចម្រើន និងទូលំទូលាយបន្ថែមទៀត

នយោបាយ​ និង ការអភិវឌ្ឍន៍

សម្ភារៈសិក្សាមួយចំនួនត្រូវបានប្រគល់ជូនកុមារជាង៤០០នាក់ នៅខេត្តកែបក្នុងទិវាកុមារកម្ពុជា

2021/11/13 08:02:34 pm        499
Facebook Telegram Linkin
កែប៖ សាលាគោលដៅចំនួន៣ត្រូវបានមន្ទីរការងារ និងបណ្តុះបណ្តាលវិជ្ជាជីវៈ រៀបចំចែកសម្ភារៈសិក្សាជូនកុមារា កុមារី ចំនួន៤៨៨នាក់ ក្នុងឱកាសអបអរសាទរខួបលើកទី៧២ ទិវាកុមារ១មិថុនា ទិវាពិភពលោកប្រឆាំងពលកម្មកុមារ១២មិថុនា និងទិវាកុមារកម្ពុជា នៅល្ងាចថ្ងៃទី១២ ខែ វិច្ឆិកា ឆ្នាំ២០២១ ក្នុងនោះមានសាលាបឋមសិក្សា សាលាបឋមសិក្សា ហ៊ុន សែន ភ្នំលាវ សាលាបឋមសិក្សាត្រពាំងឈូក និងសាលាបឋមសិក្សា ហ៊ុន សែន កែវក្រសាំង។ លោក ស្រី សាម៉ន ប្រធានមន្ទីរការងារ និងបណ្តុះបណ្តាលវិជ្ជាជីវៈ បានលើកឡើងថា ទិវាកុមារ​អន្តរជាតិ ១មិថុនា ទិវាពិភពលោកប្រឆាំងពលកម្មកុមារ១២មិថុនា និងទិវាកុមារកម្ពុជា ត្រូវបាន ប្រារព្ធឡើងជារៀងរាល់ឆ្នាំ ចាប់តំាងពីក្រោយ ថ្ងៃរំដោះ ៧មករា ឆ្នាំ១៩៧៩ រហូតមកដល់ពេលនេះ គឺដើម្បីរំលឹកដល់ការអនុវត្តនៅសិទ្ធិជាមូលដ្ឋានរបស់កុមារ ជាពិសេសនោះ ក្នុងគោលបំណង​បញ្ឈប់ការ​ប្រើប្រាស់ពលកម្មកុមារនៅតាម សហគ្រាស ​គ្រឹះស្ថាននានា​ វិស័យនេសាទសមុទ្រ និងស្រែអំបិលជាដើម។ឯកឧត្តម សោម ពិសិដ្ឋ បានលើកឡើងថា ប្រទេសកម្ពុជា បានឆ្លងកាត់ មហាវិនាសកម្ម​ដ៏ធ្ងន់ធ្ងរ ដែល​បង្ករឡើង ដោយរបបប្រល័យពូជសាសន៍ ​ប៉ុលពតបានកាប់សម្លាប់​ប្រជាជនកុមារ រាប់លាននាក់ និងបំផ្លាញហេដ្ឋា​រចនា​សម្ព័ន្ធ​ខ្ទេចខ្ទី​ស្ទើរគ្មានសល់។បច្ចុប្បន្នរាជរដ្ឋាភិបាលបានខិតខំកសាង​ប្រទេសជាតិឡើងវិញធ្វើឲ្យប្រជាពលរដ្ឋ មាន​​សិទ្ធិសេរីភាព សន្តិភាព ជាពិសេសសិទ្ធិកុមារកម្ពុជាត្រូវបានលើកកម្ពស់។ កុមារដែលបានចុះឈ្មោះ ចូលរៀន​មានការ​កើនឡើងពីមួយឆ្នាំទៅមួយឆ្នាំ ​ថែមទំាងទទួល​បានសិទ្ធិជាមូលដ្ឋាន ទំាងបួន​របស់​កុមារ ដែលមានសិទ្ធិរស់រានមានជីវិត សិទ្ធិអភិវឌ្ឍន៍ សិទ្ធិទទួលបាននូវការការពារ និងសិទ្ធិចូលរួម ។ ឯកឧត្តម បានបន្តទៀតថា កន្លងមកមានការរីករាលដាលនៃជំងឺកូវីដ១៩ ​ពេញពិភពលោក ដែល​ធ្វើ​ឲ្យ​ការសិក្សារបស់កុមារទាំងអស់ត្រូវបានផ្អាក និងប្តូរមកសិក្សាតាមប្រព័ន្ធអនឡាញវិញ ទោះ​យ៉ាងនេះ​ក្តីការសិក្សាតាមប្រព័ន្ធអនឡាញកុមារមិនអាចទទួល​បាននៅ​ចំណេះដឹងពេញ​លេញ​នោះទេ។ តែនៅចុងឆ្នាំ២០២១នេះ ​សាលារៀនអាចដំណើរការឡើងវិញ​ ដោយគោរពតាម​ការ​ណែនាំ​របស់ក្រសួងសុខាភិបាល ទាំងអស់នេះ គឺបង្ហាញអំពើការយកចិត្តទុកដាក់​របស់​រាជរដ្ឋា​ភិបាល​លើកុមារនៅកម្ពុជា ​ព្រោះកុមារជាគឺជាទំពាំងល្អ​ដែលកំពុងពេញក្រេបយកនៅជីវជាតិ ហេតុដូច្នេះ យើងត្រូវតែនាំគ្នាជំនៈតស៊ូរាល់​ឧបសគ្គ​គ្រប់បែបយ៉ាង​ដើម្បីជំរុញ​កុមារ​អោយ​ក្លាយ​ទៅ​ជាឬស្សីល្អ៕

សម្ដេច ស ខេង ៖ ក្រុមការងារក្រសួងមហាផ្ទៃ កំពុងចុះអធិការកិច្ចលើបញ្ហាអ្នកទោស​នៅ​ស្ទឹងត្រែង​រត់គេចខ្លួន

2021/11/13 07:16:22 pm        458
Facebook Telegram Linkin
ភ្នំពេញ ៖ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅយប់ថ្ងៃទី១២ ខែវិច្ឆិកា ឆ្នាំ២០២១នេះ បានថ្លែងថា បច្ចុប្បន្នក្រុមការងារ នៃក្រសួងមហាផ្ទៃ កំពុងចុះធ្វើអធិការកិច្ច លើបញ្ហាអ្នកទោសជាឧក្រិដ្ឋជន ដែលលួចរត់ចេញពន្ធនាគារ នៅខេត្តស្ទឹងត្រែង ។ តាមរយៈបណ្ដាញសង្គមហ្វេសប៊ុក សម្ដេចក្រឡាហោម មានប្រសាសន៍ថា ជាលទ្ធផល គិតត្រឹម​ថ្ងៃទី១២ ខែវិច្ឆិកា សមត្ថកិច្ចបានចាប់ខ្លួនជនជាប់ចំនួន ៥នាក់ មកវិញហើយ នៅក្នុងចំណោម​ជនជាប់ឃុំចំនួន៧នាក់ ដែលបានវាយ​ទម្លុះ​ជញ្ជាំង​ពន្ធនាគារ លួចរត់គេច​ខ្លួនកាលពីយប់ថ្ងៃទី៨ ខែវិច្ឆិកា ។សម្ដេចបន្ថែមថា “ទន្ទឹមនឹងនេះទណ្ឌិត ២នាក់ ជាជនជាតិឡាវដែលមានបទល្មើសគ្រឿងញៀន ក៏សមត្ថកិច្ចកំពុងតែស្វែងរកចាប់ខ្លួនមកវិញដែរ ។ ជាមួយគ្នានេះខ្ញុំក៏បានចាត់ចែងឲ្យ​មាន​ការ​ធ្វើអធិការកិច្ច ប្រកបដោយការទទួលខុសត្រូវ ចំពោះបញ្ហាដែលបានកើតឡើង គឺធ្វើឲ្យជនជាប់ឃុំ​រត់រួច​ពី​ពន្ធនាគារ ដែលពេលនេះក្រុមការងារកំពុងតែធ្វើកិច្ចការនេះ” ។រដ្ឋមន្ត្រីក្រសួងមហាផ្ទៃ បានបន្តទៀតថា លទ្ធផលប្រតិបត្តិការនេះ ពិតជាកើតឡើងបានដោយ​សារ​តែមានការចូលរួមរបស់ពលរដ្ឋជួយស្រាវជ្រាវ ​និងរាយការណ៍ជូនសមត្ថកិច្ចឈានទៅដល់ការ​ចាប់​បានមកវិញនូវទណ្ឌិត ​ដែលសុទ្ធជាឧក្រិដ្ឋជនគ្រឿងញៀនទាំងនេះ ​ដោយលទ្ធផលនេះ បាន​បង្ហាញថា គ្រប់សកម្មភាពសង្គមអាចសម្រេចបាន ដោយសារតែមានការចូលរួមរបស់ប្រជាពលរដ្ឋ ហើយវាជាមោទនភាព ​ដែលលទ្ធផលនេះ បានបង្ហាញថា ពលរដ្ឋពិតជាមានការយល់ដឹង និង​ចូលរួមក្នុងគោលនយោបាយភូមិឃុំមានសុវត្ថិភាព ក៏ដូចជាការថែររក្សាសន្តិសុខ សុវត្ថិភាពសង្គមផងដែរ ។សម្ដេចក្រឡាហោម បានបន្ថែមថា “ក្នុងនាមថ្នាក់ដឹកនាំក្រសួងមហាផ្ទៃ និងខ្លួនខ្ញុំផ្ទាល់ដែល​ទទួល​ខុសត្រូវ ថែរក្សា សន្តិសុខ សុវត្ថិភាព សណ្តាប់ធ្នាប់សង្គម ខ្ញុំសូមសម្ដែនូវការកោតសរសើរ ដល់​សមត្ថកិច្ចពាក់ព័ន្ធទាំងអស់ ​ដែលបានខ្នះខ្នែងធ្វើកិច្ចប្រតិបត្តការ ប្រកបដោយវិជ្ជាជីវៈ និងស្មារតី​ទទួលខុសត្រូវខ្ពស់ និងបងប្អូនប្រជាពលរដ្ឋទាំងអស់ ​ដែលបានចូលរួមក្នុងប្រតិបត្តិការនេះ ហើយ​សង្ឃឹមថា ការចាប់ខ្លួនទណ្ឌិត ២នាក់ទៀត នឹងសម្រេចបាននាពេលឆាប់ៗខាងមុខនេះ។ ក្នុងឱកាសនេះខ្ញុំក៏សូមអំពាវនាវ ​ដល់បងប្អូនជនរួមជាតិ គ្រប់មជ្ឈដ្ឋានសូមបន្តគាំទ្រ និង​ចូលរួមអនុវត្តគោលនយោបាយភូមិឃុំមានសុវត្ថិភាព ក៏ដូចជាការគាំទ្រនិងចូលរួមបន្ត អនុវត្តតាម ពាក្យស្លោកជាតិប្រយុទ្ធប្រឆាំងគ្រឿងញៀន ៣កុំ ១រាយការណ៍ ទាំងអស់គ្នា ដើម្បីសុវត្ថិភាព និងភាពសុខសាន្តក្នុងសង្គមជាតិយើង” ។គួរបញ្ជាក់ថា អ្នកទោសចាប់បានវិញទាំង៥នាក់ គឺជនជាតិឡាវចំនួន ២នាក់ និងជនជាតិ ខ្មែរចំនួន ៣នាក់ ទី១. ឈ្មោះ ទូច វ៉ាត់ ភេទប្រុស អាយុ៣៨ឆ្នាំ ជនជាតិខ្មែរ បទល្មើសសមគំនិតក្នុង​អំពើ​ជួញដូរ និងប្រើប្រាស់ដោយខុសច្បាប់នូវសារធាតុញៀន មានកម្រិតទោស៣០ឆ្នាំ, ទី២. ឈ្មោះ វ៉ា ភូ ភេទប្រុស អាយុ២៨ឆ្នាំ ជនជាតិខ្មែរ បទល្មើសជួញដូរដោយខុសច្បាប់នូវសារធាតុញៀន និង​មាន​កម្រិតទោស២០ឆ្នាំ, ទី៣. ឈ្មោះ ភិត ងិន ភេទប្រុស អាយុ៤០ឆ្នាំ ជនជាតិឡាវ បទល្មើសប៉ុនប៉ង​ជួញដូរ​ដោយខុសច្បាប់នូវសារធាតុញៀន កម្រិតទោស៤ឆ្នាំ, ទី៤. ឈ្មោះ ចាក លីប៊ីតាលី ភេទប្រុស អាយុ២៨ឆ្នាំ ជនជាតិឡាវ ​បទល្មើសជួញដូរដោយខុសច្បាប់នូវសារធាតុញៀន កម្រិតទោស​អស់​មួយជីវិត និងទី៥. ឈ្មោះ ហន វិមាន ភេទប្រុស អាយុ២១ឆ្នាំ ​ជនជាតិខ្មែរ មានបទល្មើស លួចមាន​ស្ថានទម្ងន់ ទោសដោយសារការប្រើទារុណកម្ម និងមានកំរិតទោស២៧ឆ្នាំ ៕

អភិបាលរងខេត្តឧត្តរមានជ័យ ៖ ស្រ្តីគឺជាឆ្អឹងខ្នងដ៏សំខាន់ក្នុងអភិវឌ្ឃន៍ការងារសង្គម

2021/11/13 06:47:20 pm        580
Facebook Telegram Linkin
ឧត្តរមានជ័យ៖ ថ្លែងបែបនេះ ខណៈដែលលោកជំទាវ មុំ ពុទ្ធីតា អភិបាលរងខេត្តឧត្តរមានជ័យ អញ្ជើញចូលរួមបើកកិច្ចប្រជុំពិភាក្សាជាមួយថ្នាក់ដឹកនាំស្រ្តីស្តីពីការងារបញ្ជ្រាបយេនឌ័រ ដល់ស្រ្តី ដើម្បីបង្កើនភាពអង់អាចក្លាហានដល់ស្រ្តីនៅថ្នាក់ក្រោមជាតិ ឲ្យមានភាពរឹងមាំតម្លាភាព នឹងមានប្រសិទ្ធភាពខ្ពស់។លោកជំទាវ មុំ ពុទ្ធីតា អភិបាលរងខេត្តឧត្តរមានជ័យ មានប្រសាសន៍ថា ក្នុងកិច្ចប្រជុំនេះដែរ គឺផ្តោតសំខាន់លើការងារពង្រឹង និងបញ្ជ្រាបបញ្ហាយេនឌ័រលើស្រ្តីនៅថ្នាក់ក្រោមជាតិឲ្យបានខ្ពស់ និងទូលំទូលាយ ដើម្បីបង្កើនភាពរឹងមាំដល់ស្រ្តីគ្រប់រូប​អាចជួយការងារដល់​សង្គម​ដូចបុរសៗ​ផងដែរ។លោកជំទាវអភិបាលរងខេត្តបានបន្តថា ដើម្បីធ្វើឲ្យស្រ្តីយើងមានសមត្ថិភាពគ្រប់គ្រាន់ក្នុងការងារ​សង្គម​និងអាចក្លាយជាថ្នាក់ដឹកនាំ​ដ៏ល្អ​គប្បី​យើងត្រូវអនុវត្តការងារ​បញ្ជ្រាប​ផ្នែក​យេនឌ័រ​លើការ​ផ្សព្វផ្សាយ​ឲ្យបានច្រើន​ ដើម្បីឲ្យស្រ្តីទាំងអស់​មានភាពរឹងមាំ​អង់អាច​នឹងការយល់​ដឹង​ពី​បញ្ហាបញ្ជ្រាប​យេនឌ័រ​ ហើយអ្វីដែលសំខាន់នោះ​ស្រ្តីអាចជាឆ្អឹង​ខ្នង​ដ៏សំខាន់របស់សង្គមជាតិ​ នឹងជាបេក្ខភាពមួយដ៏សំខាន់ដើម្បីឈរឈ្មោះបោះឆ្នោត ក្រុមប្រឹក្សា ឃុំ/សង្កាត់ សំរាប់​អាណត្តិទី៥ នេះផងដែរ៕អត្ថបទ ៖ ឃិនសារិទ្ធ

គណៈកម្មាធិការជាតិនៃសមាគមច្បាប់អាស៊ានកម្ពុជា ធ្វើម្ចាស់ផ្ទះនៃកិច្ចប្រជុំក្រុមប្រឹក្សា​ភិបាល​លើកទី​៤២

2021/11/12 09:27:43 pm        476
Facebook Telegram Linkin
ភ្នំពេញ ៖ គណៈកម្មាធិការជាតិនៃសមាគមច្បាប់អាស៊ានកម្ពុជា ដោយទទួលបានការឯកភាពពី សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅថ្ងៃទី១១ ខែវិច្ឆិកា ឆ្នាំ២០២១ បានធ្វើជាម្ចាស់ផ្ទះនៃកិច្ចប្រជុំក្រុមប្រឹក្សាភិបាលលើកទី៤២ នៃសមាគមច្បាប់អាស៊ាន តាមកម្មវិធី ZOOM។កិច្ចប្រជុំនេះ បានធ្វើឡើងក្រោមអធិបតីភាព ឯកឧត្តម លី ច័ន្ទតុលា ប្រធានគណៈកម្មាធិការជាតិ​នៃសមាគមច្បាប់អាស៊ានកម្ពុជា អមដោយអនុប្រធានអចិន្រ្តៃយ៍ ​និងសមាជិក សមាជិកា​នៃគណៈកម្មាធិការជាតិ​នៃ​សមាគម​ច្បាប់អាស៊ានកម្ពុជា ​ប្រធានលេខាធិការដ្ឋានអចិន្រ្តៃយ៍ ព្រមទាំង​សមាជិក ​សមាជិកានៃលេខាធិការដ្ឋានអចិន្រ្តៃយ៍ទាំងអស់។ឯកឧត្តម លី ច័ន្ទតុលា ប្រធានគណៈកម្មាធិការជាតិនៃសមាគមច្បាប់អាស៊ានកម្ពុជា បាន​លើក​ឡើងថា ដោយសារតែការឆ្លងរាលដាលនៃជំងឺកូវីដ-១៩ ​ជាលក្ខណៈសកល កម្ពុជាបានក្លាយ​ជា​ប្រទេសដំបូងគេក្នុងប្រវត្តិសាស្រ្តនៃសមាគមច្បាប់អាស៊ានក្នុងការរៀបចំកិច្ចប្រជុំក្រុមប្រឹក្សាភិបាលនៃសមាគមច្បាប់អាស៊ាន តាមកម្មវិធី ZOOM ដែលកន្លងមកតែងតែប្រារព្ធធ្វើឡើងតាមវេន​នៃប្រទេសនីមួយៗដោយផ្ទាល់។កិច្ចប្រជុំក្រុមប្រឹក្សាភិបាលលើកទី៤២ នៃសមាគមច្បាប់អាស៊ាន បានពិនិត្យ និងសម្រេចលើ​កិច្ច​ការងារ ផ្ទៃក្នុងសមាគមមួយចំនួនពាក់ព័ន្ធសកម្មភាពការងាររបស់សមាគមក្នុងឆ្នាំ២០២០ និង​ឆ្នាំ២០២១ ព្រមទាំងលើកទិសដៅការងារបន្តសម្រាប់អនុវត្តក្នុងឆ្នាំ២០២២ ដែលក្នុងនោះក៏មានការ​ត្រៀមខ្លួន​របស់សមាគមច្បាប់អាស៊ានចូលរួមក្នុងយន្តការនានា​ នៃកិច្ចប្រជុំអាស៊ាន​ក្នុង​ឋានៈជាសមាគម​ឯករាជ្យផងដែរ។ក្នុងនាមជាម្ចាស់ផ្ទះ រៀបចំ ឯកឧត្តមលី ច័ន្ទតុលា ប្រធានគណៈកម្មាធិការជាតិនៃសមាគមច្បាប់​អាស៊ាន​កម្ពុជា បានគូសបញ្ជាក់ថា ​រាជរដ្ឋាភិបាលនៃព្រះរាជាណាចក្រកម្ពុជា បាននិង​កំពុង​បំពេញ​ការងារយ៉ាង សកម្ម ក្នុងកំណែទម្រង់ច្បាប់ ​ដើម្បីបន្តធានាឱ្យមានកំណើនសេដ្ឋកិច្ច ការវិនិយាគ​ក្នុងស្រុក ​ការលើកកម្ពស់និងការការពារសិទ្ធិមនុស្ស ​ការការពារបរិស្ថាន ការពង្រឹងយន្តការ​ដោះស្រាយ​ជម្លោះក្រៅប្រព័ន្ធ និងការដោះស្រាយវិវាទដីធ្លីប្រកបដោយប្រសិទ្ធភាព​ ជាពិសេស ពង្រឹង​នូវប្រតិបត្តិការជំនួញដោយធ្វើយ៉ាងណា ​ធ្វើឱ្យមានសុខដុមនីយកម្មនៃច្បាប់នៅក្នុងតំបន់ និងលើឆាកអន្តរជាតិ។ឯកឧត្តម លី ច័ន្ទតុលា បានជម្រាបដល់អង្គពិធីអំពីការត្រៀមខ្លួនរួចជាស្រេច​របស់កម្ពុជា​ក្នុងការ​ធ្វើជាប្រធានអាស៊ាន ឆ្នាំ២០២២ ​និងធ្វើជាម្ចាស់ផ្ទះនៃវេទិកាទេសចរណ៍អាស៊ាន ​នៅថ្ងៃទី១៦ ដល់ថ្ងៃទី២២ ខែមករា ឆ្នាំ២០២២ ខាងមុខនេះ ​ហើយ​ឯកឧត្តមបានប្រកាសអញ្ជើញថ្នាក់ដឹកនាំ និងសមាជិកនៃសមាគមច្បាប់អាស៊ានទាំងអស់ចូលរួម​ និងមកទេសចរនៅកម្ពុជា ក្នុងនាម​ជាមហាគ្រួសារនៃសមាគមច្បាប់អាស៊ាន។គូសបញ្ជាក់ថា សមាគមច្បាប់ អាស៊ាន ត្រូវបានបង្កើតឡើងក្នុងឆ្នាំ១៩៧៩ ​នៅទីក្រុងហ្សាកាតា ប្រទេស ឥណ្ឌូនេស៊ី ក្នុងគោលបំណងលើកកម្ពស់ទំនាក់ទំនងនិង កិច្ចសហប្រតិបត្តិការក្នុងវិស័យ​ច្បាប់នៃបណ្តាប្រទេសអាស៊ាន។ ប្រទេសអាស៊ានចំនួន ០៩ បានក្លាយជាសមាជិកនៃសមាគមច្បាប់អាស៊ាននេះ ​ហើយកម្ពុជា បាន​ក្លាយជាសមាជិកក្នុងឆ្នាំ២០១៧ តាមរយៈអនុក្រឹត្យលេខ១២៤ អនក្រ.បក ចុះថ្ងៃទី០៣ ខែសីហា ឆ្នាំ២០១៧ ដែលសម្តេចតេជោ នាយករដ្ឋ មន្ត្រីបានកំណត់ឈ្មោះថា គណៈកម្មាធិការជាតិ​នៃ​សមាគមច្បាប់​អាស៊ានកម្ពុជា​ ដែលមានប្រធានគណៈមេធាវីជាប្រធាន។កិច្ចប្រជុំក្រុមប្រឹក្សាភិបាលនៃសមាគមច្បាប់អាស៊ាន ប្រព្រឹត្តិធ្វើឡើងជារៀងរាល់ឆ្នាំតាមវេន។ ស្មារតីកិច្ចប្រជុំលើកទី៤១ នៃក្រុមប្រឹក្សាភិបាល សមាគមច្បាប់អាស៊ាន នៅភូកេតប្រទេសថៃ បានសម្រេចជ្រើសយកកម្ពុជាតាមវេនដែលនឹងត្រូវទទួលជាម្ចាស់ផ្ទះរៀបចំកិច្ចប្រជុំលើកទី៤២ នៃក្រុមប្រឹក្សាភិបាល សមាគមច្បាប់អាស៊ាននៅក្នុងឆ្នាំ២០២០ ប៉ុន្តែដោយសារក្នុងឆ្នាំ២០២០ មាន​ការឆ្លងរាលដាលខ្លាំងនៃជំម្ងឺកូវីដ-១៩​ ជាលក្ខណៈសកល​ធ្វើឱ្យសមាគមច្បាប់អាស៊ាន សម្រេច​ពន្យារកិច្ចប្រជុំនេះមកឆ្នាំ២០២១ វិញ ​ដោយធ្វើតាមកម្មវិធី ZOOM៕

ក្រសួងទេសចរណ៍ណែនាំអាជីវកម្មក្លឹបកម្សាន្តរង្គសាល KTV ត្រៀមខ្លួន ខណៈថ្ងៃបើកមិនទាន់​ប្រកាស​ផ្លូវការ

2021/11/12 09:05:35 pm        681
Facebook Telegram Linkin
ភ្នំពេញ ៖ នៅពេលនេះ ក្រសួងទេសចរណ៍បានរៀបចំបទដ្ឋានគតិយុត្តស្តីពី វិធានសុវត្ថិភាពទេសចរណ៍ និងនីតិវិធីប្រតិបត្តិស្តង់ដារ​អប្បបរមា SOP តាមគន្លងប្រក្រតីភាពថ្មី រួចហើយ ដើម្បីអនុញ្ញាតឲ្យអាជីវកម្មម៉ាស្សាអាជីវកម្មខារ៉ាអូខេ និងអាជីកម្មក្លឹបកម្សាន្ត រង្គសាល ឌីស្កូតែក អនុវត្តន៍ និងត្រៀមបើកដំណើរការឡើងវិញនៅថ្ងៃខាងមុខ។នៅក្នុងកិច្ចប្រជុំផ្សព្វផ្សាយ បទដ្ឋានគិតយុត្តស្តីពីវិធានសុវត្ថិភាពទេសចរណ៍ និងនីតិវិធីប្រតិបត្តិ​ស្តង់ដារ​អប្បបរមា SOP តាម​គន្លង​ប្រក្រតីភាពថ្មីសម្រាប់អាជីវកម្មម៉ាស្សាអាជីវកម្មខារ៉ាអូខេ និង​អាជីកម្មក្លឹបកម្សាន្តរង្គសាល​ ឌីស្កូតែក សម្រាប់​ត្រៀម​បើក​ដំណើរ​ការ​ឡើង​វិញ​ នៅថ្ងៃទី១២ ខែវិច្ឆិកា ឆ្នាំ២០២១នេះ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ ថ្លែងថា មកដល់ពេលនេះ គ្រប់​អាជីវកម្មដ្ឋាន ម៉ាស្សា ខារ៉ាអូខេ និង​ក្លឹប​កម្សាន្ត​រង្គសាល ឌីស្កូតែក នៅមិនទាន់អនុញ្ញាត​អោយ​បើកឡើងវិញទេ ប៉ុន្តែ​នៅ​ពេល​នេះ​អាជីវ​កម្មដ្ឋានទាំងនេះ ​ក៏ត្រូវរៀបចំទីតាំងផងដែរ ដើម្បីត្រៀមបើកនៅថ្ងៃខាងមុខនេះ។ឯកឧត្តម រដ្ឋមន្ត្រី បន្តថា ទោះយ៉ាងណា គ្រប់គ្រប់អាជីវកម្មដ្ឋានម៉ាស្សា ខារ៉ាអូខេ និងក្លឹបកម្សាន្ត​រង្គសាល ឌីស្កូតែក​នានា មុននឹងបើកដំណើរការ ​គឺត្រូវស្នើសុំរដ្ឋបាលរាជធានីខេត្ត ដោយមានមន្ត្រី​ជំនាញ​ទេសចរណ៍ចុះទៅត្រួតពិនិត្យ ​និង​វាយ​តម្លៃ​ទីតាំង​អាជីវកម្ម ដោយត្រូវរៀបចំអនុវត្ត​តាម​នីតិវិធីប្រតិបត្តិស្តង់ដារអប្បបរមា SOP​ ឲ្យ​បានត្រឹមត្រូវជាមុនសិន ទើបយើង​អនុញ្ញាត​ឱ្យ​បើក ហើយ​អាជីវកម្មណាដែលអនុវត្តមិនបានល្អ ​អាជ្ញាធរមូលដ្ឋានត្រូវឲ្យ​រៀបចំអោយបិទវិញផងដែរ។មកដល់ពេលនេះ រាជរដ្ឋាភិបាលនៅមិនទាន់បានកំណត់ថ្ងៃអោយបានច្បាស់លាស់​អំពី​ការ​ប្រកាស​បើកអាជីវកម្មដ្ឋានម៉ាស្សាអាជីវកម្មខារ៉ាអូខេ និង​អាជីកម្មក្លឹបកម្សាន្តរង្គសាល ​ឌីស្កូតែកជាផ្លូវការ​នោះទេ ​ប៉ុន្តែប្រសិនបើក្រោយថ្ងៃទី៣០ ​ខែវិច្ឆិកា ឆ្នាំ២០២១ ស្ថានភាពការរាតត្បាតកូវីដ១៩ នៅតែ​បន្តការធូរស្រាលខ្លាំង ​គឺរាជរដ្ឋាភិបាលអាចនឹងប្រកាសបើក។នៅក្នុងសេចក្តីណែនាំស្តីពីដាក់ឲ្យអនុវត្តវិធានសុវត្ថិភាពទេសចរណ៍សម្រាប់​អាជីវកម្ម​ម៉ាស្សា​អាជីវកម្ម​ខារ៉ាអូខេ ​និង​អាជីវ​កម្ម​ក្លឹបកម្សាន្តរង្គសាល ​ឌីស្កូតែកនេះ ក្រសួងបានណែនាំអោយ​អនុវត្ត​លើកាងារចំនួន៦ចំណុចរួមមាន ៖១៖ អាជីវកម្មក្លឹបកម្សាន្តរង្គសាល-ឌីស្កូតែក ត្រូវរៀបចំផែនការកែតម្រូវសម្បទាអាជីវកម្មរបស់​ខ្លួន​ឱ្យ​ស្របនឹងលក្ខខណ្ឌតម្រូវ។ ២៖ ត្រូវ​រៀប​ចំឱ្យ​មានផែនការសកម្មភាពច្បាស់លាស់ ក្នុងការ​ចូលរួម​ទប់ស្កាត់ការឆ្លងរាលដាលជំងឺកូវីដ-១៩ និង​ត្រូវ​គិតគូរ​អំពី​បញ្ហា​សុវត្ថិភាព​ភ្ញៀវ សុវត្ថិភាពបុគ្គលិក និង​សុវត្ថិភាពសង្គមជាតិជាអាទិភាព។ ៣៖ អាជីវកម្ម ត្រូវរៀបចំឱ្យ​មានការបណ្ដុះបណ្ដាល​បុគ្គលិក​ជា​ប្រចាំ ​អំពីខ្លឹមសារវិធានការទប់ស្កាត់ការឆ្លងរាលដាលជំងឺកូវីដ-១៩​ និងបដិសណ្ឋារកិច្ចល្អ ដើម្បីការពង្រឹងគុណភាពសេវាកម្ម​ឱ្យ​បាន​ល្អ។ ៤៖ អាជីវកម្ម ត្រូវអនុវត្តឱ្យបាន​ខ្ជាប់ខ្ជួន នូវវិធាន​ការ​ទាំងឡាយ ដែលដាក់ចេញដោយក្រសួងសុខាភិបាល ​និងវិធានសុវត្ថិភាព​ទេស​ចរណ៍​របស់​ក្រសួងទេសចរណ៍ ។ ៥៖ ត្រូវចូលរួមជាមួយរាជរដ្ឋាភិបាល ក្នុងការអនុវត្តគោលនយោបាយនានា ក្នុង​ការ​ទប់​ស្កាត់​ការ​ឆ្លង​រាលដាលជំងឺកូវីដ-១៩ ពិសេសគាំទ្រដល់គោលនយោបាយចាក់វ៉ាក់សាំង​របស់រាជរដ្ឋាភិបាល ​ឱ្យបានគ្រប់ចំនួន​ដូស​តាម​ការ​កំណត់​របស់​ក្រសួងសុខាភិបាល។ ៦៖ អាជីវកម្មក្លឹបកម្សាន្តរង្គសាល-ឌីស្កូតែក ត្រូវអនុវត្ត​និងប្រើ​ប្រាស់​ឱ្យ​បាន​ត្រឹម​ត្រូវ​នូវ​គ្រប់​ប្រព័ន្ធ​បច្ចេកវិទ្យា​ដែលបានដាក់ឱ្យអនុវត្តកន្លង​មកដោយរាជរដ្ឋាភិបាល ​និងក្រសួង​ស្ថាប័ន​ពាក់ព័ន្ធ រួមមាន ការស្កេន QR Code ទប់ស្កាត់​កូវីដ​-១៩ ​និងប្រព័ន្ធ Telegram BOT គ្រប់គ្រងទិន្នន័យ​ភ្ញៀវ​ក្នុង​ឧស្សាហកម្មទេសចរណ៍ជាដើម៕អត្ថបទ ស៊ុម សុខជា 

អាជ្ញាធរជាតិអប្សរាបន្តកែលម្អផ្លូវក្នុងរមណីយដ្ឋានអង្គរ

2021/11/12 07:38:32 pm        530
Facebook Telegram Linkin
សៀមរាប ៖ នៅចុងឆ្នាំ២០២១ អាជ្ញាធរជាតិអប្សរាកំពុងបន្តជួសជុលកែលម្អផ្លូវថ្នល់មួយចំនួន ក្នុងរមណីយដ្ឋានអង្គរ ជាពិសេសផ្លូវក្នុងវង់តូចចាប់ពីមុខព្រះលានជល់ដំរីរហូតដល់ស្រះស្រង់ និងបរិវេណប្រាសាទអង្គរវត្ត។លោក យិត ចាន់ដារដ្ឋ អគ្គនាយករងអាជ្ញាធរជាតិអប្សរា មានប្រសាសន៍នៅថ្ងៃនេះថា ការងារ​កែលម្អផ្លូវថ្នល់ខាងលើនេះ រួមមានការអ៊ុតបេតុងកៅស៊ូផ្លូវ (AC) និងការចាក់បេតុង​សងខាង​ការពារ​ផ្លូវថ្នល់ប្រវែងសរុបជិត ៩គីឡូម៉ែត្រ។ លោកបន្ថែមថា គម្រោងស្តារហេដ្ឋារចនាសម្ព័ន្ធផ្លូវឡើងវិញនេះ មិនត្រឹមតែគិតទៅលើគុណភាព​ខ្ពស់​ប្រើប្រាស់បានយូរអង្វែងប៉ុណ្ណោះទេ ថែមទាំង​ផ្តោត​ខ្លាំង​ទៅលើសោភណភាព​តាមដងផ្លូវផងដែរ។លោកអគ្គនាយករង បញ្ជាក់ថា ​ការរៀបចំកែលម្អនេះ ក៏ដើម្បីត្រៀមទទួលភ្ញៀវទេសចរមក​ទស្សនា​រមណីយដ្ឋានអង្គរឆាប់ៗ នាដើមឆ្នាំ២០២២ខាងមុខ ស្របតាមការរៀបចំ​របស់​រាជ​រដ្ឋាភិបាល ហើយក៏ជាផ្នែកមួយដើម្បីជួយសម្រួលដល់ការធ្វើដំណើរ​របស់​បងប្អូន​ប្រជាពលរដ្ឋ និងភ្ញៀវទេសចរឱ្យទទួលបានអារម្មណ៍​ស្រស់ស្រាយ ​សុវត្ថិភាព ​ និងផាសុកភាពលើសពីមុន ព្រមទាំងបង្ហាញអំពីភាពរីកចម្រើនដែលអាជ្ញាធរជាតិអប្សរា​កំពុងធ្វើក្នុងតំបន់រមណីយដ្ឋានអង្គរ៕

សាលារាជធានីអះអាងពីការអនុវត្តអនាម័យខ្ជាប់ខ្ជួន ខណៈសេវាដឹកអ្នកដំណើររដ្ឋមិនសូវមានអ្នកជិះ

2021/11/12 07:30:17 pm        464
Facebook Telegram Linkin
ភ្នំពេញ ៖ អ្នកនាំពាក្យសាលារាជធានីភ្នំពេញ អះអាងថា ចំពោះសេវាដឹកអ្នកដំណើរសាធារណៈតាមរថយន្តក្រុង និងកាណូត ត្រូវបានអនុវត្តវិធានការអនាម័យខ្ជាប់ខ្ជួនការពារពីការឆ្លងជំងឺកូវីដ១៩ ខណៈអ្នកដំណើរមិនសូវមានជិះច្រើននៅឡើយ។បន្ទាប់ពីសេវារថយន្តក្រុង និងកាណូតក្នុងរាជធានីភ្នំពេញបានបើកដំណើរឡើងវិញ ជិតរយៈពេល២​សប្តាហ៍ នៅថ្ងៃទី១២ ខែវិច្ឆិកា ឆ្នាំ២០២១នេះ លោក ម៉េត មាសភក្តី អ្នកនាំពាក្យ​សាលារាជ​ធានី​ភ្នំពេញ ​បានឲ្យដឹងថា ក្រោយពីចាប់ដំណើរការឡើងវិញ​នូវសេវារថយន្តក្រុង និងកាណូតមក សកម្មភាពនៃការធ្វើដំណើរទៅលើមធ្យោបាយទាំង២នេះ នៅមិនទាន់មានវិលមកប្រក្រតីភាព ១០០ភាគរយនៅឡើយទេ បើធៀបនឹងចំនួនអ្នកធ្វើដំណើរតាមមធ្យោបាយផ្ទាល់​ខ្លួន​របស់​បងប្អូន​ប្រជាពលរដ្ឋ។ក្នុងនោះជុំវិញការអនុវត្តវិធានការសុវត្ថិភាពជូនអ្នកដំណើរ លោក ម៉េត មាសភក្តី បន្តថា ក្នុងមធ្យោបាយនីមួយៗ មានការអនុវត្តត្រឹមត្រូវ និងខ្ជាប់ខ្ជួននូវអនាម័យ ​ដូចជាពិនិត្យកម្តៅ បាញ់អាកុល ពាក់ម៉ាស ​និងការអង្គុយរបស់អ្នកដំណើរទាំងអស់ត្រូវរក្សាគម្លាតជាដើម។ដោយឡែក អ្នកបើកបររថយន្តក្រុង បានលើកឡើងថា គិតចាប់ពីដំណើរសេវាសាធារណៈមក មិន​ទាន់មានអ្នកដំណើរទូទៅជិះច្រើនដូចពេលមុននៅឡើយទេ ដោយសារអ្នកដំណើរមួយចំនួននៅ​ព្រួយ​បារម្ភការឆ្លងជំងឺកូវីដ១៩។ ប៉ុន្តែទោះបីជាយ៉ាងណាពួកគាត់អះអាងថា គ្រប់អ្នកដំណើរទាំង​អស់​បានឆ្លងកាត់ការពិនិត្យ ​និងណែនាំយ៉ាងម៉ឺងម៉ាត់បំផុត។គួរបញ្ជាក់ថា បន្ទាប់ពីការដាក់ឱ្យដំណើរការសាកល្បងសេវាដឹកជញ្ជូនសាធារណៈរថយន្តក្រុង និងកាណូតឡើងវិញ តាំងពីថ្ងៃទី០២ ខែវិច្ឆិកាមក សេវាទាំង២នេះបានគិតកម្រៃសេវាធម្មតា​ចាប់ពីថ្ងៃទី០៨ ខែវិច្ឆិកា ឆ្នាំ២០២១ ​ប៉ុន្តែក៏លើកលែងមិនគិតថ្លៃសេវាចំពោះព្រះសង្ឃ ​ចាស់ជរា កុមារកម្ពស់ក្រោម១ម៉ែត្រ ​សិស្ស-និស្សិត កម្មករ-កម្មការិនី កីឡាករ-កីឡាការិនី ​និងគ្រូបង្រៀន។ ក្នុងនោះមានខ្សែរត់ដូចជា ខ្សែទី១ ចេញពីស្ថានីយចំណតរថយន្តក្រុងព្រែកព្នៅ ដល់ស្ថានីយ​ចំណតរថយន្តក្រុងវាលស្បូវ, ខ្សែទី២ ចេញពីស្ថានីយចំណត​រថយន្តក្រុងរង្វង់មូល​គួចកាណុង ដល់​ស្ថានីយចំណតរថយន្តក្រុងស្ពានព្រែកសំរោង​ ក្រុងតាខ្មៅ, ខ្សែទី៣ ចេញពី​ស្ថានីយចំណតរថយន្តក្រុង សួនឫស្សីកែវ​ ដល់ស្ថានីយចំណតរថយន្តក្រុងបុរីសន្តិភាព២ តាមមហាវិថីសហព័ន្ធរុស្ស៊ី, ខ្សែទី៤A ​ចេញពីស្ថានីយចំណតរថយន្តក្រុង ​សួនឫស្សីកែវ ដល់​ស្ថានីយចំណតរថយន្តក្រុងបុរីសន្តិភាព២តាមមហាវិថីសហព័ន្ធរុស្ស៊ី ​និងខ្សែទី៤B ចេញ​ពី​ស្ថានីយចំណតរថយន្តក្រុងសួនឫស្សីកែវ ដល់ស្ថានីយ​ចំណតរថយន្តក្រុងបុរីសន្តិភាព២ តាមមហាវិថីចោមចៅ, ចំពោះកាណូត​ គឺចេញពីស្ថានីយ​ ចំណតសួនឫស្សីកែវ ដល់​ស្ថានីយចំណតក្រុងតាខ្មៅ៕អត្ថបទ ៖ សេក ឧត្តម 

អាជ្ញាធររាជធានីភ្នំពេញ ពន្លឿនចុះត្រួតពិនិត្យអាជីវកម្មដ្ឋានទេសចរណ៍ឡើងវិញ និងត្រៀមបើកទេសចរណ៍វ៉ាក់សាំង

2021/11/11 10:14:54 pm        675
Facebook Telegram Linkin
ភ្នំពេញ ៖ មន្ត្រីជំនាញនៃរដ្ឋបាលរាជធានីភ្នំពេញ បាននិងកំពុងពន្លឿនការចុះត្រួតពិនិត្យ និងវាយតម្លៃការអនុវត្តស្តង់ដាSOPនោះ លើគ្រប់មូលដ្ឋានអាជីវកម្មទេសចរណ៍ ដើម្បីធានាផ្តល់សេវាប្រកបដោយសុវត្ថិភាព និងត្រៀមបើកទេសចរណ៍វ៉ាក់សាំងនាពេលខាងមុខ។ក្នុងឱកាសចុះត្រួតពិនិត្យវាយតម្លៃការអនុវត្តវិធានសុវត្ថិភាពទេសចរណ៍ជំហ៊ានទី២ និង​និតិវិធី​ស្តង់ដារ​ប្រតិបត្តិ​អប្ប​បរមា SOP នៅភោជនីយដ្ឋានឌឹដ្រាម លោកស្រី ហង្ស ស័ករ៉ូហ្សា អនុប្រធានមន្ទីរទេសចរណ៍រាជធានីភ្នំពេញ ​បាន​ថ្លែង​​ប្រាប់ BTV នៅថ្ងៃទី១១ ​ខែវិច្ឆិកានេះថា កន្លងមកថ្មីៗនេះ រដ្ឋបាលសាលារាជធានីភ្នំពេញ ​បានប្រកាសផ្សព្វផ្សាយ​ប្រកាស​អនុវត្ត​នីតិវិធី​ស្តង់ដារប្រតិបត្តិអប្បបរមា SOPនេះរួចហើយ​ ទៅដល់បណ្តាថ្នាក់ដឹកនាំនៅតាមបណ្តាខ័ណ្ឌទាំង១៤ និង​បណ្តា​ម្ចាស់ និង​តំណាង​ម្ចាស់អាជីវកម្មទេសចរណ៍​ប្រមាណពី ២០០ទៅ៣០០អាជីវកម្ម នៅ​ក្នុងរាជធានី​ភ្នំពេញ​រួច​ហើយ។លោក បន្តថា ដើម្បីជម្រុញការអនុវត្តស្តង់ដារSOPនោះអោយបានល្អប្រសើរថែមទៀត នៅក្នុង​អំឡុងពេលនេះ មន្ទីរ​ទេសចរណ៍ ​ដែលជាសេនាធិការរបស់រដ្ឋបាលរាជធានីភ្នំពេញ បាន​បែងចែក​ក្រុមជាច្រើន ​ដើម្បីចុះត្រួតពិនិត្យ តាម​ដាន​បន្ថែម ​រួចហើយធ្វើការវាយតម្លៃ ផ្តល់​ឡាបែល​បញ្ជាក់​ពី​ការអនុវត្តបានល្អតាមគោលការណ៍ណែនាំរបស់រាជរដ្ឋាភិបាល ​និងរដ្ឋបាលរាជ​ធានី​ភ្នំពេញ ដើម្បីធ្វើអោយមូលដ្ឋានអាជីវកម្មស្អាត អនាម័យ ​មិនបង្ក​បញ្ហាប្រឈមការ​ឆ្លង​មេរោគ​កូវីដ-១៩។លោកបន្តថា ជារួមនៅក្នុងដំណើរការចុះត្រួតពិនិត្យតាមដានការបើកអាជីវកម្មទេសចរណ៍នេះ ប្រសិនបើអាជីវកម្ម​មូលដ្ឋាន​ណា អនុវត្តមិនបានពេញលេញ ឬមិនបានធ្វើតាម​សូចនាករ​ណាមួយ នៅក្នុងវិធានសុវត្ថិភាពទេសចរណ៍ជំហ៊ានទី២ និង​នីតិវិធី​ស្តង់ដារ​ប្រតិបត្តិអប្បបរមា SOP គឺ​រដ្ឋបាលរាជធានីភ្នំពេញមិនអនុញ្ញាតអោយបើកដំណើរការអាជីវកម្មនោះទេ។បើតាមលោកស្រី កូវ មួយគាង តំណាងម្ចាស់ភោជនីយដ្ឋានឌឹដ្រាម បានថ្លែងថា ​ដើម្បីបាន​អាជីវ​កម្ម​បើក​ដំណើរ​ឡើង​វិញនេះ​ នៅក្នុងបរិបទកូវីដ១៩​ គឺហាងបានខិតខំរៀបចំបើក ដោយ​អនុវត្តតាម​នីតិវិធីស្តង់ដារប្រតិបត្តិអប្បបរមា SOP ​នៅ​លើ​គ្រប់​ចំណុច​ទាំងអស់ ហើយការបើកហាង​តាម​របៀបនេះ​ គឺ​ជាចំណែកមួយ​ក្នុង​ការ​បង្កើត​ភាព​ទាក់​ទាញ​ភ្ញៀវ​ចូល​ទទួល​ប្រកប​ដោយ​សុវត្ថិភាព ​ផង និង​រួមចំណែក​ជាមួយរាជរដ្ឋាភិបាលកាត់ផ្តាច់ខ្សែចំលង​មេរោគកូវីដ១៩ នៅក្នុង​សហ​គមន៍​ផងដែរ។សូមបញ្ជាក់ថា នៅក្នុងសេចក្តីសម្រេចរបស់ក្រសួងទេសចរណ៍ ​អនុវត្តវិធានសុវត្ថិភាពទេសចរណ៍ និងនីតិវិធីស្តង់​ដារ​ប្រតិបត្តិ​អប្បបរមា SOP នេះ មកដល់ពេលនេះ គឺបានអនុវត្តឲ្យ​អាជីវកម្ម​ទេសចរណ៍ធំៗចំនួន៥ ប្រភេទបើកដំណើរការ ​ហើយ​​អាជីវកម្ម​ទេសចរណ៍ទាំង​នោះរួមមាន៖ ១.អាជីវកម្មសេវាកម្មស្នាក់នៅទេសចរណ៍ ២.អាជីវកម្មភោជនីយដ្ឋាន-អាហារដ្ឋាន​ទេសចរណ៍ ៣.អាជីវកម្មរមណីយដ្ឋានទេសចរណ៍ និង៤. សហគមន៍ទេសចរណ៍ និងអេកូទេសចរណ៍ និងទី៥ ចុង​ក្រោយ​អាជីវកម្ម​បៀរហ្កាឌិន៕អត្ថបទ ស៊ុម សុខជា

លោកជំទាវ ឱ វណ្ណឌីន៖ អ្នកជាពីជំងឺកូវីដ-១៩ ត្រូវ​រួសរាន់​ទៅ​ចាក់វ៉ាក់សាំង​ដើម្បីបង្កើតកងការពារ

2021/11/11 10:00:48 pm        397
Facebook Telegram Linkin
​ភ្នំពេញ ៖ ​ជាថ្មីម្តងទៀត មន្រ្តីជាន់ខ្ពស់នៃក្រសួងសុខាភិបាល នៅថ្ងៃនេះ បានអំពាវនាវដល់អ្នក ដែលបានជាសះស្បើយពីជំងឺកូវីដ-១៩ សូមរួសរាន់ទៅចាក់វ៉ាក់សាំង ដើម្បីបង្កើតកងការពារក្នុងខ្លួនប្រាណ។លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិកាក្រសួងសុខាភិបាល និងប្រជាប្រេធានគណៈ កម្មការចំពោះកិច្ចចាក់វ៉ាក់សាំងបង្ការជំងឺកូវីដ-១៩ ក្នុងក្របខណ្ឌទូទាំងប្រទេស នៅព្រឹកថ្ងៃទី១១ ខែវិច្ឆិកា នេះ បានអញ្ជើញចុះពិនិត្យទីតាំងចាក់វ៉ាក់សាំងកូវីដ-១៩ នៅតាមមណ្ឌលសុខាភាព​សាធារណៈមួយចំនួន ក្នុងខេត្តកំពង់ធំ និងការផ្តល់សេវាសុខាភិបាលជូនប្រជាជពលរដ្ឋក្នុង​មូលដ្ឋាន។ នៅក្នុងឱកាសនេះ លោកជំទាវ បានក្រើនរំលឹកដល់អ្នកជាពីជំងឺកូវីដ-១៩ សូមរួសរាន់ទៅ​ទទួលការ​ចាក់​វ៉ាក់សាំង​ ដើម្បីបង្កើត កងការពារក្នុងខ្លួនទប់ទល់ទៅនឹងមេរោគកូវីដ-១៩ ទៅពេលអនាគត។នៅកម្ពុជា ការចាក់វ៉ាក់សាំង គឺជាមធ្យោបាយមួយ ក្នុងចំណោមវិធានការសុខាភិបាលចាំបាច់ដទៃ ទៀត ដែលនឹងបង្ការការរាតត្បាត ការចម្លងជំងឺកូវីដ-១៩ និងកាត់បន្ថយផលប៉ះពាល់ នៃជំងឺកូវីដ-១៩ ទៅ លើវិស័យសេដ្ឋកិច្ច និងសង្គម។ បច្ចុប្បន្ន ដំណើការចាក់វ៉ាក់សាំងនៅកម្ពុជា មានល្បឿនលឿនជាងផែនការ មេ ដែលបានគ្រោងទុក ៕អត្ថបទ៖ ទូច សោភ័ណ

ប្រមុខការទូតកម្ពុជា៖ កិច្ចប្រជុំកំពូលអាស៊ី-អឺរ៉ុប ជាការប្រមូលផ្តុំការងារការទូតដ៏ធំ​ក្នុង​ប្រវត្តិសាស្រ្តកម្ពុជា

2021/11/11 09:31:00 pm        528
Facebook Telegram Linkin
ភ្នំពេញ ៖ ឯកឧត្តមឧបនាយករដ្ឋមន្រ្តី ប្រាក់ សុខុន រដ្ឋមន្រ្តីក្រសួងការបរទេស និងសហប្រតិបតិ្តការអន្តរជាតិ បានថ្លែងថា ក្នុងពេលកម្ពុជាធ្វើជាម្ចាស់ផ្ទះនៃកិច្ចប្រជុំកំពូលអាស៊ី-អឺរ៉ុប លើកទី១៣ គឺជាការប្រមូលផ្តុំការងារការទូតដ៏ធំក្នុងប្រវត្តិសាស្រ្តកម្ពុជា។ការថ្លែងរបស់ប្រមុខការទូតកម្ពុជាបែបនេះ បានធ្វើឡើងក្នុងកម្មវិធីផ្សព្វផ្សាយសៀវភៅសិក្សា​ស្រាវ​ជ្រាវ​គាំទ្រ​កិច្ចប្រជុំកំពូលអាស៊ី-អឺរ៉ុប លើកទី១៣ ​ក្រោមប្រធានបទ កិច្ចសហប្រតិបត្តិការពហុភាគី​និយម ដើម្បីអនាគតដែលមានភាពធន់ចីរភាព និងផ្អែកលើច្បាប់សម្រាប់ASEM ។ ពិធីនេះ ធ្វើឡើងក្រោមអធិបតីភាព ឯកឧត្តមឧបនាយករដ្ឋមន្រ្តី ប្រាក់ សុខុន និងមានការចូលរួមពី​តំណាង​ក្រសួងស្ថាប័នពាក់ព័ន្ធ និងតំណាងទូតមួយចំនួនប្រចាំកម្ពុជាផងដែរ។នាឱកាសនោះ ឯកឧត្តម ប្រាក់ សុខុន មានប្រសាសន៍ថា ​ការធ្វើជាម្ចាស់ផ្ទះកិច្ចប្រជុំកំពូល ASEM13 ក្នុងអំឡុងពេលនៃជំងឺរាតត្បាតនេះ គឺជាឱកាសពិសេសសម្រាប់កម្ពុជាដើម្បីលើក​កម្ពស់​កិច្ចប្រជុំកំពូលនេះ ឱ្យក្លាយជាវេទិកាមួយសម្រាប់ថ្នាក់ដឹកនាំ​ ASEM ទាំងអស់ ដោះស្រាយបញ្ហា​ប្រឈម​នៅក្នុងតំបន់ ​និងសកលមានជាអាទិ៍ ៖ បញ្ហាសុខភាពសាធារណៈ ការប្រែប្រួលអាកាសធាតុ កំណែទម្រង់អង្គការពាណិជ្ជកម្មពិភពលោក (WTO) បញ្ហាការងាររបស់យុវជន និងយេនឌ័រជាដើម ក្នុងចំណោម បញ្ហាប្រឈមជាច្រើនទៀត។ឯកឧត្តម ប្រាក់ សុខុន បានសង្កត់ធ្ងន់ថា ការទទួលធ្វើជាម្ចាស់ផ្ទះរបស់កម្ពុជាក្នុងកិច្ចប្រជុំ​កំពូល​អាស៊ី-អឺរ៉ុប នាពេលខាងមុខនឹងនាំដល់ការប្រមូលផ្តុំការងារការទូត​ដ៏ធំ​នៅ​ក្នុង​ប្រវត្តិសាស្រ្ត​របស់​កម្ពុជា ។ទន្ទឹមគ្នានេះ ឯកឧត្តម ប្រាក់ សុខុន បានលើកឡើងអំពីការចេញនូវសៀវភៅសិក្សាស្រាវជ្រាវ​គាំទ្រ​កិច្ចប្រជុំកំពូលអាស៊ី-អឺរ៉ុប លើកទី១៣នេះ​ បាន​ទទួល​ការគាំទ្រយ៉ាងពេញទំហឹងពី​សម្តេច​តេជោ ​ហ៊ុន សែន នាយករដ្ឋមន្រ្តី​ ដោយផ្តោតសំខាន់ទៅលើកិច្ចសហប្រតិបត្តិការពហុភាគីនិយម ដើម្បីធានាយ៉ាងណាឲ្យអាស៊ី និងអឺរ៉ុប ទទួល​បាននូវអនាគតមួយប្រកបដដោយភាពធន់ ស្ថិតស្ថេរ និងផ្អែកទៅលើច្បាប់។ឯកឧត្តម ប្រាក់ សុខុន បានបន្ថែមថា សៀវភៅនេះបានរួម​បញ្ចូល​នូវការគិតគូដ៏ហ្មត់ចត់តាមរយៈ អត្ថបទនានា​ ដែលផ្តោតលើទិដ្ឋភាពសំខាន់ៗ ​ដោយរាប់ចាប់ពីការតភ្ជាប់ផ្នែក​នយោបាយ​ និងរូបវ័ន្ត កិច្ច​សហប្រតិបត្តិការសេដ្ឋកិច្ច ​និងហិរញ្ញវត្ថុ ​ការតភ្ជាប់រវាងស្ថាប័ន និងប្រជាជនរហូតដល់ការ​អភិវឌ្ឍ​​ប្រកបដោយចីរភាព។ សៀវភៅនេះ​ទៀតសោត​ ក៏ផ្តល់នូវគំនិតល្អៗ​ជាច្រើន ​ដើម្បីជំរុញ ASEM ឆ្ពោះទៅកាន់កិច្ចប្រជុំកំពូលនាពេលខាងមុខ៕អត្ថបទ៖ ឧត្តម+សុភ័ណ

បណ្ដាញសង្គម

ព័ត៌មានថ្មីៗ

លោក Trump ប្រកាសពីកិច្ចព្រមព្រៀងភាគហ៊ុនដ៏​ធំរបស់អាមេរិក ក្នុងធនធាន​ប្រេង​របស់វ៉េណេស៊ុយអេឡា
08/29/2026 04:08 PM
Facebook Telegram Linkin
សង្គ្រាមបង្ក​ផល​ប៉ះពាល់​អវិជ្ជមានលើ​​សេដ្ឋកិច្ចអ៊ីរ៉ង់ ខណៈសហរដ្ឋអាមេរិកបង្កើនទណ្ឌកម្ម
08/29/2026 04:08 PM
Facebook Telegram Linkin
អាជ្ញាធររៀបចំឱ្យអាជីវករដែលរងផលប៉ះពាល់ដោយគ្រោះអគ្គីភ័យនៅផ្សារនាគមាស អាចចូលទៅលក់នៅក្នុងទីតាំងអតីតដីមជ្ឈមណ្ឌលម៉ង់ឌីយ៉ាល់ជាបណ្តោះអាសន្នសិន
08/29/2026 03:08 PM
Facebook Telegram Linkin
របាយការណ៍៖ សង្គ្រាម​អ៊ីរ៉ង់​ធ្វើ​ឱ្យ​​ស្តុក​យោធា​របស់​អាមេរិកថយ​ចុះ​ ដោយ​បន្ថយ​សមត្ថភាព​ការពារ​​សកល​
08/29/2026 02:08 PM
Facebook Telegram Linkin
ពលរដ្ឋ៖ កេរ្ដិ៍ឈ្មោះកម្ពុជា នឹងកាន់តែល្អបន្ទាប់ពីជោគជ័យ កម្ទេចមជ្ឈមណ្ឌលឆបោកតាមប្រព័ន្ធបច្ចេកវិទ្យា
08/29/2026 11:08 AM
Facebook Telegram Linkin
ប្រជាពលរដ្ឋ ១,៧២៦គ្រួសារ ដែលរងផលប៉ះពាល់ដោយជំនន់ទឹកទន្លេមេគង្គ នៅស្រុកត្បូងឃ្មុំ ទទួលបានអំណោយមនុស្សធម៌ ដើម្បីសម្រាលការលំបាក
08/29/2026 10:08 AM
Facebook Telegram Linkin
មេដឹកនាំរុស្ស៊ី ចិន និងអ៊ីរ៉ង់ នឹងចូលរួមកិច្ចប្រជុំកំពូលនៅប្រទេសកៀហ្ស៊ីស៊ីស្ថាន
08/29/2026 10:08 AM
Facebook Telegram Linkin
UN បង្កើនជំនួយដល់ប្រទេសនេប៉ាល់ ខណៈជាង២ម៉ឺនគ្រួសារត្រូវការស្បៀងអាហារក្នុងពេលមហន្តរាយទឹកជំនន់
08/29/2026 10:08 AM
Facebook Telegram Linkin
ភ្លៀង និងហានិភ័យផ្សេងៗនៃទឹកជំនន់បន្ថែមទៀតធ្វើស្មុគស្មាញដល់ការជួយសង្គ្រោះរបស់ចិន នៅតំបន់ទីបេ
08/29/2026 10:08 AM
Facebook Telegram Linkin
ជំនាញមេកានិករថយន្តសម័យ ជំរុញឱ្យយុវជនក្លាយជាពលកម្មជំនាញជាន់ខ្ពស់ និងជាម្ចាស់អាជីវកម្ម
08/29/2026 09:08 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.