BTV NEWS

មន្ត្រីជាន់ខ្ពស់ក្រសួងអភិវឌ្ឍន៍ជនបទ ចុះត្រួតពិនិត្យ និងវាយតម្លៃលើការងារស្ថាបនាផ្លូវ នៅទីតាំងដីសម្បទានសង្គមកិច្ច ខេត្តឧត្តរមានជ័យ

គណបក្សនយោបាយសម្ព័ន្ធភាព បង្ហាញជំហររបស់ខ្លួនក្នុងការចូលរួមដោះស្រាយបញ្ហារួមសម្រាប់ជាតិ

កម្ពុជានឹងមានវត្តមានរោងចក្រដំឡើងរថយន្តអគ្គិសនីថ្មីមួយទៀត នៅក្នុងតំបន់សេដ្ឋកិច្ចពិសេស ខេត្តពោធិ៍សាត់ ខណៈត្រឹមឆ្នាំ២០២៥ កំណើនរថយន្តអគ្គិសនីចុះបញ្ជីមានចំនួន ៦,១២៩គ្រឿង កើនឡើង ១៧២% បើធៀបឆ្នាំ២០២៤

ទូតចិនអបអរការដាក់ឱ្យពលរដ្ឋឆ្លងកាត់ស្ពានមិត្តភាពកម្ពុជា-ចិន មេគង្គក្រចេះនៅដើមខែក្រោយ ខណៈមិត្តចិនប្រកាសបន្តពង្រីកការសាងសង់ស្ពាន និងផ្លូវនៅកម្ពុជាឥតឈប់ឈរ

នយោបាយ និង ការអភិវឌ្ឍន៍

សារព័ត៌មានធំៗរបស់អាមេរិក ប្រាប់លោក Joe Biden ថា ដល់ពេលត្រូវឈប់ហើយ

ស្របពេលមានការស្រែកហ៊ោចំអកលើការជជែកដេញដោលជុំដំបូងរបស់លោកJoe Biden ជាមួយ លោក Donald Trump សំឡេងមួយហាក់បីដូចជាបន្លឺឡើងខ្លាំងជាងអ្នកផ្សេងទៀត។ នៅម៉ោង ៦និង១៥នាទីល្ងាចថ្ងៃសុក្រ សប្ដាហ៍មុន ប្រមាណ ១៩ ម៉ោងបន្ទាប់ពីបេក្ខជនប្រធានាធិបតីទាំងពីរបានចាកចេញពីវេទិកានៅទីក្នុងអាត្លង់តា កាលពីល្ងាចកន្លងទៅ សារព័ត៌មាន New York Times បានចេញផ្សាយបទពិចារណកថាទៅដល់អ្នកជាវសារព័ត៌មាននេះតាម Online ដោយនិយាយថា លោកBiden គួរតែដកខ្លួនទៅបើស្រឡាញ់ជាតិ។ ការវិនិច្ឆ័យនេះគឺធ្ងន់ធ្ងរណាស់។ ប្រធានាធិបតីសហរដ្ឋអាមេរិក ដែលបានប្រកែកដោយបង្ខំ បានបង្ហាញស្ថានភាពដ៏គួរឱ្យព្រួយបារម្ភអំពីភាពទន់ខ្សោយវ័យចំណាសរបស់លោក អ្វីដែលល្អបំផុតដែលលោកអាចធ្វើបានសម្រាប់ប្រទេសដែលលោកបានបម្រើអស់រយៈពេលជាងកន្លះសតវត្សគឺការដកខ្លួនចេញពី ការប្រកួតប្រជែង និងអនុញ្ញាតឱ្យគណបក្សប្រជាធិបតេយ្យរបស់លោក ជ្រើសរើសបេក្ខជនផ្សេងទៀត។ ការសម្រេចចិត្តរបស់កាសែត New York Times ក្លាយជាកាសែតជាតិដំបូងគេចាប់តាំងពីការជជែកដេញដោលរបស់ លោក Biden ដើម្បីអំពាវនាវឱ្យមាន គូប្រជែងខ្លាំងជាងនេះ ទប់ទល់នឹងលោកTrump។អ្នកសរសេរបទពិចារណកថាបង្ហាញក្ដីអាណិតចំពោះលោក Biden ដោយជំរុញឱ្យលោកឈប់ដកខ្លួនចេញពីការប្រកួតប្រជែងតំណែងប្រធានាធិបតីទៀតទៅ។ ទាំងក្រុមប្រឹក្សាភិបាលវិចារណកថា និងអ្នកសរសេរអត្ថបទជាច្រើន មានបំណងចង់សរសើរដល់អាជីពជាច្រើនទសវត្សរ៍របស់លោក Biden ក្នុងការការពារព្រលឹងជាតិ៕

មនុស្ស៥នាក់ស្លាប់ និង៦០នាក់រងរបួស ក្នុងការផ្ទុះឧស្ម័នធម្មជាតិនៅខេត្ត Izmir ប្រទេសទួរគី

ការផ្ទុះឧស្ម័នធម្មជាតិនៅក្នុងខេត្ត Izmir ភាគខាងលិចប្រទេសទួរគី កាលពីថ្ងៃអាទិត្យ បានបណ្តាលឲ្យមនុស្ស៥នាក់ស្លាប់ និងយ៉ាងហោចណាស់៦០នាក់ផ្សេងទៀតរងរបួស។ យោងតាមប្រព័ន្ធផ្សព្វផ្សាយ TRT គ្រប់គ្រងដោយរដ្ឋ បានរាយការណ៍ថា ការផ្ទុះបានកើតឡើងនៅក្នុងទីតាំងអាជីវកម្មមួយកន្លែង នៅជាន់ផ្ទាល់ដី នៃអគារមួយក្នុងស្រុក Torbali ។យោងតាមសារព័ត៌មាន TRT បាននិយាយថា យ៉ាងហោចណាស់អ្នករបួស១០នាក់ កំពុងស្ថិតក្នុងស្ថានភាពធ្ងន់ធ្ងរ។ អភិបាលខេត្ត Izmir លោក Suleyman Elban បានប្រាប់សារព័ត៌មាន TRT ថា ការផ្ទុះនេះ បានបំផ្លាញអគារចំនួន ១១ កន្លែង នៅក្នុងតំបន់ជុំវិញនោះ។ លោក Elban និយាយថា ជាវិធានការប្រុងប្រយ័ត្នជាមុន ការផ្គត់ផ្គង់ឧស្ម័នត្រូវបានកាត់ផ្តាច់ ហើយអ្នកនៅក្នុងតំបន់នោះ កំពុងត្រូវបានជម្លៀសចេញ។ កងកម្លាំងសន្តិសុខរបស់យើង បានចាត់វិធានការចាំបាច់ជាច្រើន។រដ្ឋមន្ត្រីក្រសួងយុត្តិធម៌ លោក Yilmaz Tunc បាននិយាយនៅលើបណ្តាញ X ដែលគេស្គាល់កាលពីពេលមុន Twitter ថា ការស៊ើបអង្កេតមួយត្រូវបានចាប់ផ្តើមសម្រាប់ស្វែងរកមូលហេតុនៃការផ្ទុះនេះ ដោយមានការសម្របសម្រួលពីរដ្ឋអាជ្ញាសាធារណៈពីររូប។

ប្រធានាធិបតីកេនយ៉ា ប្តេជ្ញាប្រកាន់ខ្ជាប់នីតិរដ្ឋ ក្នុងអំឡុងពេលមានភាពវឹកវរ និងមានផែនការកាត់បន្ថយការចំណាយ

ប្រធានាធិបតីប្រទេសកេនយ៉ា លោក William Ruto បាននិយាយកាលពីថ្ងៃអាទិត្យថា លោកនឹងប្រកាន់ខ្ជាប់នីតិរដ្ឋ និងការពារប្រជាជនទាំងអស់ ក្នុងពេលមានការតវ៉ា ទាមទារឲ្យលោកលាលែងពីតំណែង ខណៈលោក ក៏បានប្រកាសពីផែនការកាត់បន្ថយការចំណាយយ៉ាងច្រើន ដើម្បីបង្ហាញពី «ការពិតថ្មី» បន្ទាប់ពីបានដកសេចក្តីស្នើច្បាប់ហិរញ្ញវត្ថុដែលមានភាពចម្រូងចម្រាស់។នៅក្នុងបទសម្ភាសន៍តាមទូរទស្សន៍ លោក Ruto បានថ្កោលទោសការបាត់បង់អាយុជីវិតក្នុងអំឡុងពេលបាតុកម្មប្រឆាំងសេចក្តីស្នើច្បាប់កាលពីពេលថ្មីៗនេះ ដែលរួមមានការដំឡើងពន្ធដែលពុំមានការគាំទ្រច្រើន ប៉ុន្តែបាននិយាយថា លោកក៏ត្រូវតែការពារប្រជាជនស្លូតត្រង់ពីអ្វីដែលលោកនិយាយថា «ឧក្រិដ្ឋជន» ទាញយកផលប្រយោជន៍ពីភាពវឹកវរ។យ៉ាងហោចណាស់មនុស្ស២៥នាក់ បានស្លាប់នៅក្នុងការប៉ះទង្គិចគ្នាជាមួយនគរបាលក្នុងអំឡុងពេលការតវ៉ា រយៈពេលពីរសប្តាហ៍កន្លងទៅនេះ។ សកម្មជន បានផ្សព្វផ្សាយការអំពាវនាវឱ្យធ្វើកូដកម្មបន្ថែមទៀត និងការមិនគោរពតាមរដ្ឋប្បវេណី លុះត្រាតែលោក Ruto លាលែងពីតំណែង ដោយចោទប្រកាន់លោកថា ពុំបានការពារប្រជាជនកេនយ៉ា។ដើម្បីកាត់បន្ថយការចំណាយ បន្ទាប់ពីការបោះបង់វិធានការពន្ធដែលមានបំណងប្រមូលប្រាក់ចំនួន២,៦៨ ពាន់លានដុល្លារ លោក Ruto បានប្រកាសពីការលុបចោលការិយាល័យរបស់ស្រ្តីទីមួយ និងស្ត្រីទីពីរ ពីឆ្នាំថវិកាថ្មី ដែលចាប់ផ្តើមនៅថ្ងៃអាទិត្យ។ការដកចេញសេចក្តីស្នើច្បាប់ ធ្វើឱ្យកម្មវិធីប្រាក់កម្ចីចំនួន៣,៦ពាន់លានដុល្លាររបស់ប្រទេសកេនយ៉ា ជាមួយនឹងមូលនិធិរូបិយវត្ថុអន្តរជាតិ(IMF) មានហានិភ័យ។ IMF ទាមទារឱ្យមានការពិនិត្យឡើងវិញជាទៀងទាត់អំពីកំណែទម្រង់ មុននឹងបញ្ចេញកញ្ចប់ថវិកា។

ការធ្វើមិនបានល្អក្នុងការជជែកដេញដោលរបស់លោក Biden ធ្វើឱ្យអ៊ីស្រាអែល ព្រួយបារម្ភ

ពលរដ្ឋអ៊ីស្រាអែល បានសម្តែងការព្រួយបារម្ភកាន់តែខ្លាំងឡើងកាលពីថ្ងៃអាទិត្យ (៣០ មិថុនា) ថាភាពរអាក់រអួលក្នុងការជជែកដេញដោលរបស់លោកប្រធានាធិបតី ចូ បៃដិន (Joe Biden) អាចជំរុញកម្លាំងចិត្តសត្រូវនៅមជ្ឈិមបូព៌ារបស់ប្រទេសនេះ ចំពោះអ្វីដែលមនុស្សជាច្រើនចាត់ទុកថាជាពេលវេលាដ៏សំខាន់សម្រាប់ការដឹកនាំរបស់សហរដ្ឋអាមេរិក នៅក្នុងតំបន់។បណ្ដាអ្នកអត្ថាធិប្បាយអ៊ីស្រាអែល មកពីគ្រប់មជ្ឈដ្ឋាននយោបាយបានព្រមានថា អ៊ីរ៉ង់ និងក្រុមប្រយុទ្ធតំណាងរបស់ខ្លួន អាចព្យាយាមទាញយកប្រយោជន៍ពីភាពទន់ខ្សោយរបស់លោក បៃដិន នៅពេលដែលអ៊ីស្រាអែល ប្រយុទ្ធនឹងក្រុមហាម៉ាស នៅតំបន់ហ្កាហ្សាស្ទ្រីប ហើយកំពុងថ្លឹងថ្លែងលើការរំពឹងទុកនៃជម្លោះពេញលេញជាមួយក្រុម ហេសបូឡា (Hezbollah) នៅលីបង់។ក្រុមមន្ត្រីអាមេរិកបាននិងកំពុងធ្វើការដើម្បីស្វែងរកដំណោះស្រាយការទូតចំពោះភាពតានតឹងរវាងអ៊ីស្រាអែល និងក្រុមហេសបូឡា ក្នុងការប៉ុនប៉ងដើម្បីបញ្ចៀសសង្គ្រាមក្នុងតំបន់កាន់តែទូលំទូលាយ ដែលពួកគេបារម្ភថាអាចអូសទាញទាំងអ៊ីរ៉ង់ និងសហរដ្ឋអាមេរិក។សារព័ត៌មានជាច្រើនរបស់អ៊ីស្រាអែល កាលពីថ្ងៃអាទិត្យ បានចុះផ្សាយការជជែកដេញដោលរបស់លោក បៃដិន នៅលើទំព័រមុខរបស់ខ្លួន ដែលនាំឱ្យមានការវែកញែកកាន់តែខ្លាំងនៅរដ្ឋជ្វីហ្វមួយនេះ។ ខណៈដែលក្រុមស្ដាំនិយមរបស់ស្រាអែល មួយចំនួនបានចំអកការជជែកដេញដោលរបស់លោក បៃដិន ហើយសង្ឃឹមថានឹងលោក ដូណាល់ ត្រាំ (Donald Trump) ទទួលជ័យជម្នះ អ្នកវិភាគម្នាក់ឈ្មោះ អាមូស ហារ៉ែល (Amos Harel) បាននិយាយថា នោះគឺជាការបង្ហាញពីការរមិលគុណ បន្ទាប់ពីប្រធានាធិបតីអាមេរិករូបនេះបានឈរនៅខាងអ៊ីស្រាអែល ហើយបានផ្គត់ផ្គង់សព្វាវុធក្នុងបរិមាណដ៏ច្រើន៕

ការកាត់ក្តីលើបណ្ដឹងអភ័យឯកសិទ្ធិលោក Trump ទំនងជាកើតឡើងក្រោយការបោះឆ្នោតអាមេរិក

កិច្ចប្រឹងប្រែងរបស់លោក ដូណាល់ ត្រាំ (Donald Trump) ក្នុងការទាមទារអភ័យឯកសិទ្ធិព្រហ្មទណ្ឌពីការកាត់ទោស ជុំវិញសំណុំរឿងព្យាយាមបង្វែរលទ្ធផលឆ្នោតឆ្នាំ២០២០ នឹងត្រូវសម្រេចនៅថ្ងៃចន្ទ (០១ កក្កដា) នេះដោយតុលាការកំពូលអាមេរិក។ ប៉ុន្តែទោះជាមានការសម្រេចបែបណាក៏ដោយ តុលាការបានជួយអតីតប្រធានាធិបតីរូបនេះរួចទៅហើយ ក្នុងកិច្ចខិតខំប្រឹងប្រែងរបស់លោក ដើម្បីបញ្ចៀសការកាត់ក្តី នៅមុនការបោះឆ្នោតថ្ងៃទី០៥ ខែវិច្ឆិកា។សេចក្តីសម្រេចរបស់តុលាការនឹងត្រូវដាក់ចេញក្នុងពេល ២០ សប្តាហ៍បន្ទាប់ពីលោកបានស្វែងរកការដោះស្រាយពីក្រុមយុត្តិធម៌។ ពេលវេលានៃសេចក្តីសម្រេចនេះទំនងជាមិនទុកពេលគ្រប់គ្រាន់សម្រាប់គណៈវិនិច្ឆ័យក្នុងការសម្រេចសាលក្រម មុនពេលប្រជាជនអាមេរិកទៅបោះឆ្នោតនោះទេ។សាស្ត្រាចារ្យច្បាប់នៃសាកលវិទ្យាល័យ ចច វ៉ាស៊ីនតោន (George Washington) លោក រ៉ាដដល អេឡាយសុន (Randall Eliason) អតីតរដ្ឋអាជ្ញាសហព័ន្ធបាននិយាយថា «ការពន្យារពេលដ៏យូរនេះ ធ្វើឱ្យវាស្ទើរតែមិនអាចទៅរួចទេក្នុងការយកសំណុំរឿងទៅកាត់ទោសមុនការបោះឆ្នោត។ តុលាការគួរតែសម្រេចឱ្យលឿនជាងនេះ»។លោក ត្រាំ កំពុងប្រជែងនឹងលោកប្រធានាធិបតី ចូ បៃដិន (Joe Biden) នៅក្នុងឈរឈ្មោះតទល់គ្នាម្ដងទៀតនៃការបោះឆ្នោត។ លោកគឺជាអតីតប្រធានាធិបតីអាមេរិកដំបូងគេដែលត្រូវបានកាត់ទោសព្រហ្មទណ្ឌ។ ប្រសិនបើលោកទទួលបានតំណែងជាប្រធានាធិបតីឡើងវិញ លោក ត្រាំ អាចព្យាយាមបង្ខំឱ្យបញ្ចប់សំណុំរឿងរបស់រដ្ឋអាជ្ញាពិសេស ឬអាចលើកលែងទោសឱ្យខ្លួនឯងសម្រាប់បទព្រហ្មទណ្ឌសហព័ន្ធណាមួយ៕

ការបោះឆ្នោតអ៊ីរ៉ង់ បង្ហាញពីការធ្លាក់ចុះនៃការគាំទ្ររបស់អ្នកបោះឆ្នោតចំពោះបេក្ខជនប្រធានាធិបតី

ក្រុមអ្នកវិភាគបាននិយាយថា ការបោះឆ្នោតជុំទីមួយនៃការបោះឆ្នោតប្រធានាធិបតី របស់ប្រទេសអ៊ីរ៉ង់ បានបង្ហាញពីការថយចុះនៃការគាំទ្រសម្រាប់ទាំងអ្នកនយោបាយកំណែទម្រង់ និងអ្នកអភិរក្សនិយម ទោះបីជាពលរដ្ឋបោះឆ្នោតមួយចំនួនកំពុងជំរុញឱ្យមានការផ្លាស់ប្តូរដោយវិធីសាស្រ្តគាំទ្របេក្ខជនកំណែទម្រង់តែមួយគត់នៅក្នុងបេក្ខភាពប្រធានាធិបតីក៏ដោយ ។លោក ម៉ាស៊ូដ ប៉េហ្ស៊ិសឃិន (Masoud Pezeshkian) ដែលអ្នកនយោបាយកំណែទម្រង់ និងប្រកាន់ជំហរកណ្ដាល រួមជាមួយនឹងបេក្ខជនអភិរក្សនិយមជ្រុល លោក សៃអ៊ីត ចាលីលី (Saeed Jalili) បាននាំមុខក្នុងការបោះឆ្នោតដែលបានធ្វើឡើងកាលពីថ្ងៃសុក្រ សប្ដាហ៍មុន ដើម្បីជំនួសតំណែងប្រធានាធិបតីអភិរក្សនិយមជ្រុល លោក អ៊ីប្រាហ៊ីម រ៉េស៊ី (Ebrahim Raisi) ដែលបានស្លាប់នៅក្នុងការធ្លាក់ឧទ្ធម្ភាគចក្រកាលពីខែមុន។លោក អាលី វែស (Ali Vaez) មកពីវិទ្យាស្ថានស្រាវជ្រាវវិបត្តិអន្តរជាតិ បាននិយាយថា ការបោះឆ្នោតកាលពីថ្ងៃសុក្រ ដែលមានអ្នកទៅបោះឆ្នោតតិចជាប្រវត្តិសាស្ត្រនោះ «បង្ហាញយ៉ាងច្បាស់ថា មូលដ្ឋានក្រុមកំណែទម្រង់ និងក្រុមអភិរក្សនិយម បានធ្លាក់ចុះគួរឱ្យកត់សម្គាល់»។ក្នុងចំណោមអ្នកមានសិទ្ធិបោះឆ្នោតចំនួន ៦១ លាននាក់ មានតែប្រហែល ៤០ ភាគរយប៉ុណ្ណោះបានបោះឆ្នោត ដែលជាកំណត់ត្រានៃចំនួនអ្នកទៅបោះឆ្នោតទាបបំផុតនៅក្នុងសាធារណរដ្ឋអ៊ីស្លាម ដែលមនុស្សមួយចំនួនបានបាត់បង់ជំនឿលើដំណើរការនេះ ខណៈសន្លឹកឆ្នោតជាងមួយលានសន្លឹកត្រូវបានបំផ្លាញ៕

ប្រធានាធិបតីអ៊ុយក្រែន បង្ហើបពី «ផែនការទូលំទូលាយ» នៅចុងឆ្នាំដើម្បីបញ្ចប់ជម្លោះ

ប្រធានាធិបតីអ៊ុយក្រែន លោក វ្ល៉ូឌីមី ហ៊្សេឡិនស្គី (Volodymyr Zelenskyy) បានចង្អុលបង្ហាញថា ផែនការបញ្ចប់ជម្លោះជាមួយរុស្ស៊ី នឹងត្រូវបានរៀបចំនៅចុងឆ្នាំនេះ។ លោកបាននិយាយកាលពីថ្ងៃសុក្រ (២៨ មិថុនា) សប្ដាហ៍មុននៅក្នុងទីក្រុងគីវ ថា «វាមានសារៈសំខាន់ខ្លាំងណាស់សម្រាប់ពួកយើងដើម្បីបង្ហាញពីផែនការបញ្ចប់សង្រ្គាមដែលនឹងត្រូវបានគាំទ្រដោយបណ្ដាប្រទេសភាគច្រើននៃពិភពលោក»។លោក ហ៊្សេឡិនស្គី បានសង្កត់ធ្ងន់លើសារៈសំខាន់នៃការទប់ទល់នឹងប្រតិបត្តិការយោធារបស់រុស្ស៊ី ដោយប្រើប្រាស់កម្លាំងតបត ខណៈពេលដែលរៀបចំផែនការសម្រាប់សន្តិភាព។ លោកបានបន្ថែមថា «ការមានភាពរឹងមាំលើសមរភូមិ និងការបង្កើតផែនការសន្តិភាពលម្អិតច្បាស់លាស់» គួរត្រូវបានធ្វើឡើងស្របគ្នា។ប្រធានាធិបតីអ៊ុយក្រែន រូបនេះមិនបាននិយាយលម្អិតអំពីផែនការដែលគ្រោងទុកនោះទេ។ មានការរំពឹងទុកថា ផែនការនេះអាចជំរុញឱ្យមានការពិភាក្សានៅឯការកិច្ចប្រជុំលើកទីពីរ នាពេលខាងមុខរបស់បណ្ដាមេដឹកនាំអន្តរជាតិស្តីពីការនាំយកសន្តិភាពឱ្យដល់អ៊ុយក្រែន។ ជាមួយគ្នានេះ រុស្ស៊ីកំពុងទាមទារឱ្យអ៊ុយក្រែនដកកងកម្លាំងរបស់ខ្លួនចេញពីតំបន់ទាំងបួនដែលទីក្រុងមូស្គូ បានដាក់បញ្ចូលជាឯកតោភាគីជាលក្ខខណ្ឌសម្រាប់ការចាប់ផ្តើមណាមួយនៃកិច្ចចរចាសន្តិភាព ដោយនោះជាជំហរដែលទីក្រុងគីវ ជំទាស់៕

សម្តេចធិបតី៖ ការបើកការដ្ឋានសាងសង់គម្រោងព្រែកជីកហ្វូណនតេជោ នៅថ្ងៃ៥សីហា គឺចំថ្ងៃខួបកំណើតសម្តេចតេជោ

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា ថ្ងៃបើកការដ្ឋានសាងសង់នូវគម្រោង «ព្រែកជីកហ្វូណនតេជោ» ថ្ងៃទី៥ ខែសីហា ឆ្នាំ២០២៤ខាងមុខនេះ គឺចំថ្ងៃខួបកំណើតរបស់សម្តេចតេជោ ហ៊ុន សែន អតីតនាយករដ្ឋមន្រ្តីនៃកម្ពុជា ដែលជាអ្នកផ្ដួចផ្ដើមនៃការសាងសង់នូវ គម្រោងជាប្រវត្តិសាស្រ្តមួយនេះ។ក្នុងឱកាសអញ្ជើញជាអធិបតីក្នុងពិធីទិវាមច្ឆជាតិ ១កក្កដា លើកទី១៩ នៅបឹងធំ ភូមិកំពង់សំណាញ់ ឃុំមៀន ស្រុកព្រៃឈរ នៅខេត្តកំពង់ចាម នាថ្ងៃទី១ ខែកក្កដា ឆ្នាំ២០២៤នេះ សម្តេចធិបតី ហ៊ុន ម៉ាណែត បានបញ្ជាក់ថា គម្រោងព្រែកជីកហ្វូណនតេជោ មិនមែនជាគម្រោងផ្តាច់មុខរបស់បុគ្គលណា មួយនោះឡើយ គឺជាគម្រោងរបស់ប្រជាជន និងប្រទេសកម្ពុជាទាំងមូល ហើយសម្តេចពិតជាសប្បាយរីក រាយនិងថ្លែងអំណរគុណយ៉ាងខ្លាំងដល់បងប្អូនប្រជាពលរដ្ឋខ្មែរមកពីគ្រប់ទិសទី ដែលបានប្រកាសគាំទ្រ នូវគម្រោងនេះឲ្យក្លាយទៅជាជាតិនិយមមួយដើម្បីផលប្រយោជន៍រួមរបស់ប្រទេសជាតិ លើកលែងតែក្រុម ពួកប្រឆាំងជ្រុលនិយមមួយក្តាប់តូចតែប៉ុណ្ណោះ។សូមបញ្ជាក់ថា គម្រោងព្រែកជីកហ្វូណនតេជោមានអត្ថប្រយោជន៍ ដ៏មហាសាលសម្រាប់កម្ពុជាពោលគឺ វាអាចកាត់បន្ថយរយៈពេលចម្ងាយ និងតម្លៃនៃការដឹកជញ្ជូនដែលអំណោយផលដល់ភាពប្រកួតប្រជែងនៃទំនិញកម្ពុជា។ អាចបង្កើតតំបន់ពាណិជ្ជកម្ម មជ្ឈមណ្ឌលភស្តុភារកម្ម និងការអភិវឌ្ឍផែរណបថ្មីៗជាច្រើន។ ក្រៅពីនោះ ព្រែកជីកនេះក៏អំណោយផលដល់ការអភិវឌ្ឍកសិកម្ម ប្រព័ន្ធធារាសាស្ត្រ វារីវប្បកម្ម និងការចិញ្ចឹមសត្វផងដែរ។ ព្រែកជីកនេះក៏នឹងជួយគាំទ្រដល់ការអភិវឌ្ឍប៉ូលសេដ្ឋកិច្ចទី៤របស់កម្ពុជា ដោយបង្កើតការងារបន្ថែមនៅកំពង់ផែស្វយ័តក្រុងព្រះសីហនុ កំពង់ផែស្វយ័តភ្នំពេញ និងកំពង់ផែផ្សេងៗទៀត ថែមទាំងជួយជំរុញការអភិវឌ្ឍផ្នែកនគរូបនីយកម្ម ក៏ដូចជាផ្នែកអចលនទ្រព្យ។ នៅមានផលប្រយោជន៍ជាច្រើនទៀតដែលពលរដ្ឋរស់នៅតាមដងព្រែកទទួលបាន។ ផលប្រយោជន៍ដ៏មហិមានេះហើយ ដែលជំរុញឱ្យប្រជាពលរដ្ឋខ្មែរគ្រប់ទិសទីផ្តល់ការគាំទ្រ ដោយឥតរារែករហូតដល់សព្វថ្ងៃនេះចំពោះ គម្រោងដ៏មានអត្ថ ប្រយោជន៍របស់ជាតិទាំងមូលមួយនេះ។សម្តេចធិបតី ហ៊ុន ម៉ាណែត នាយករដ្ឋមន្រ្តី បានអះអាងថា គម្រោងយក្ស និងជាប្រវត្តិសាស្រ្តមួយ នេះពុំមែនបានផលប្រយោជន៍តែបងប្អូននៅតាមខេត្ត ដែលជាប់នឹងគម្រោងព្រែកជីកហ្វូណនតេជោនេះទេ ពោលគឺបានគ្រប់ប្រជាពលរដ្ឋទាំងអស់នៅទូទាំងប្រទេស សូម្បីតែប្រជាពលរដ្ឋនៅខេត្តកំពង់ចាម ក៏ទទួលបានផលប្រយោជន៍ផងដែរ៕ អត្ថបទបាន ចក

សម្តេចធិបតី៖ ដរាបណាបក្សប្រជាជន បន្តដឹកនាំប្រទេស នឹងមិនយកពន្ធដីកសិកម្មពីកសិករជានិច្ច

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាសថា ដរាបណាគណបក្សប្រជាជនកម្ពុជា ទទួលបានការគាំទ្រពីបងប្អូនប្រជាពលរដ្ឋឲ្យបន្តដឹកនាំប្រទេសនោះ គឺរាជរដ្ឋាភិបាលនឹងបន្ត មិនយកពន្ធដីកសិកម្មពីបងប្អូនកសិករជានិច្ច រួមទាំងការលើកលែងពន្ធសម្ភារកសិកម្មផងដែរ។ក្នុងឱកាសអញ្ជើញជាអធិបតីក្នុងពិធីទិវាមច្ឆជាតិ ១កក្កដា លើកទី១៩ នៅបឹងធំ ភូមិកំពង់សំណាញ់ ឃុំមៀន ស្រុកព្រៃឈរ នៅខេត្តកំពង់ចាម នាថ្ងៃទី១ ខែកក្កដា ឆ្នាំ២០២៤នេះ សម្តេចធិបតី ហ៊ុន ម៉ាណែត បានបញ្ជាក់ថា រាជរដ្ឋាភិបាលអាណត្តិទី៧នេះ នឹងបន្តពីរាជរដ្ឋាភិបាលអាណត្តិមុនៗ ដាក់ចេញនូវគោលនយោបាយជាបន្តបន្ទាប់ ដើម្បីលើកស្ទួយកសិកម្ម ខណៈវិស័យកសិកម្មជាផ្នែកមួយ នៃការលើកស្ទួយដល់សេដ្ឋកិច្ចកម្ពុជា។ សម្តេច បានបន្ថែមទៀតថា បងប្អូនប្រជាពលរដ្ឋបន្តបោះឆ្នោតជូនគណបក្សប្រជាជនកម្ពុជា ឲ្យដឹកនាំប្រទេសជាបន្តទៀតនោះ គឺរាជរដ្ឋាភិបាលនឹងបន្តលើកលែងពន្ធដីកសិកម្មជារៀងរហូត។សម្តេចធិបតី ហ៊ុន ម៉ាណែត នាយករដ្ឋមន្រ្តី ក៏បានប្រកាសថា រាជរដ្ឋាភិបាល នឹងបន្តរកដំណោះស្រាយបញ្ហាមួយចំនួនរបស់បងប្អូនកសិករ ក្នុងនោះដៃម្ខាងត្រូវធានាតម្លៃគិតគូរពីចំណូលរបស់កសិករ និងដៃម្ខាងទៀតត្រូវធានាមិនឱ្យទំនិញឡើងថ្លៃ ដែលជាការធ្វើឲ្យប៉ះពាល់ដល់ការចំណាយរបស់អ្នកទិញ។ ដោយត្រង់ន័យនេះ សម្ដេចធិបតី បានលើកឡើងថា ដើម្បីធានាលើរឿងទាំងពីរនេះ រាជរដ្ឋាភិបាលត្រូវមានដំណោះស្រាយ លើតម្លៃផលិតរបស់កសិករ តាមរយៈការបន្ថយពន្ធអាករ និងការនាំចូលគ្រឿងចក្រកសិកម្មជាដើម៕អត្ថបទបាន ចក់

សមាជិកជាន់ខ្ពស់នៃបក្សប្រជាធិបតេយ្យ ច្រានចោលការជំនួសតំណែងបេក្ខជនរបស់លោក Biden

បណ្ដាសមាជិកជាន់ខ្ពស់នៃគណបក្សប្រជាធិបតេយ្យ កាលពីថ្ងៃអាទិត្យ (៣០ មិថុនា) បានច្រានចោលលទ្ធភាពនៃការជំនួសបេក្ខភាពលោកប្រធានាធិបតី ចូ បៃដិន (Joe Biden) ដែលត្រូវបានតែងតាំងជាបេក្ខជនប្រធានាធិបតីពីបក្សប្រជាធិបតេយ្យ បន្ទាប់ពីលោកធ្វើមិនបានល្អក្នុងការជជែកដេញដោល ហើយបានអំពាវនាវឱ្យសមាជិកគណបក្សផ្តោតលើផលវិបាកនៃអាណត្តិប្រធានាធិបតីលើកទីពីររបស់លោក ដូណាល់ ត្រាំ (Donald Trump) ជំនួសវិញ។បន្ទាប់ពីមានការវែកញែកជាច្រើនថ្ងៃអំពីរាត្រីដ៏រអាក់រអួលរបស់លោក បៃដិន នៅលើវេទិកាជជែកដេញដោលជាមួយលោក ត្រាំ បណ្ដាមេដឹកនាំគណបក្សប្រជាធិបតេយ្យបានច្រានចោលយ៉ាងម៉ឺងម៉ាត់ចំពោះការអំពាវនាវឱ្យគណបក្សពួកគេជ្រើសរើសបេក្ខជនប្រធានាធិបតីវ័យក្មេងសម្រាប់ការបោះឆ្នោតនៅថ្ងៃទី០៥ ខែវិច្ឆិកា។ ការអំពាវនាវឱ្យលោក បៃដិន ចុះចេញពីតំណែងបានបន្តចាប់តាំងពីថ្ងៃព្រហស្បតិ៍ សប្ដាហ៍មុនមក ហើយការស្ទង់មតិក្រោយការជជែកដេញដោលរបស់សារព័ត៌មាន ស៊ីប៊ីអេស (CBS) បានបង្ហាញពីការកើនឡើង ១០ ពិន្ទុនៅក្នុងចំនួនសមាជិកបក្សប្រជាធិបតេយ្យ ដែលជឿថាលោក បៃដិន មិនគួរឈរឈ្មោះជាប្រធានាធិបតីទៀតទេ ដោយទទួលបាន ៤៦ ភាគរយពីចំនួន ៣៦ ភាគរយកាលពីខែកុម្ភៈ។ប៉ុន្តែបណ្ដាមេដឹកនាំបក្សប្រជាធិបតេយ្យបានច្រានចោលលើកង្វល់ទាំងនោះ។ មេដឹកនាំគណបក្សប្រជាធិបតេយ្យ លោក ហាឃីម ជេសហ្វ្រីស៍ (Hakeem Jeffries) ដែលអាចក្លាយជាប្រធានសភានៅឆ្នាំក្រោយ ប្រសិនបើបក្សលោកអាចគ្រប់គ្រងសភាក្នុងខែវិច្ឆិកា បានទទួលស្គាល់ថាលោក បៃដិន បានទទួលរងនូវជំហានថយក្រោយតិចតួច ប៉ុន្តែនោះគឺជា «ការដកថយសម្រាប់វាយលុក» ប៉ុណ្ណោះ៕

បណ្ដាញសង្គម

ព័ត៌មានថ្មីៗ

តម្លៃប្រេងឆៅធ្លាក់ចុះជាង ១០ ភាគរយ ខណៈច្រកសមុទ្រហ័រមូសបើកដំណើរការឡើងវិញ

ពលរដ្ឋលីបង់ភៀសខ្លួនពីសង្គ្រាមសម្រុកវិលត្រឡប់ទៅភាគខាងត្បូងវិញនៅថ្ងៃទីពីរនៃបទឈប់បាញ់ជាមួយអ៊ីស្រាអែល

អ្នកស្រុក Manipur របស់ឥណ្ឌាប្រមូលផ្ដុំដោយកាន់គប់ភ្លើង ជុំវិញការផ្ទុះដ៏សាហាវដែលបានសម្លាប់កុមារពីរនាក់

ពិធីអបអរសាទរបុណ្យចូលឆ្នាំថ្មីប្រពៃណីខ្មែរ រៀបចំដោយសមាគមនិស្សិតខ្មែរនៅប្រទេសជប៉ុន

អាមេរិកបន្តលើកលែងទណ្ឌកម្មប្រេងរុស្ស៊ី ក្រោយមានសម្ពាធពីប្រទេសដែលកំពុងដោះស្រាយវិបត្តិតម្លៃប្រេងក្នុងពេលមានសង្គ្រាមអ៊ីរ៉ង់

អ៊ីរ៉ង់គំរាមបិទច្រកសមុទ្រហ័រមូស (Hormuz) ប្រសិនបើអាមេរិកនៅតែបន្តបិទកំពង់ផែរបស់ខ្លួន

លោក Trump និយាយថាបទឈប់បាញ់អ៊ីរ៉ង់អាចបញ្ចប់ប្រសិនបើគ្មានកិច្ច្រមព្រៀងណាមួយសម្រេចបានត្រឹមថ្ងៃពុធ

អ៊ីរ៉ង់និយាយថា ការផ្ទេរអ៊ុយរ៉ាញ៉ូមដែលចម្រាញ់រួចទៅឲ្យអាមេរិក ពុំមែនជាជម្រើសទេ

សហរដ្ឋអាមេរិក គ្រោងអនុវត្តដំណើរការប្រព័ន្ធសងប្រាក់ដំឡើងពន្ធវិញនៅថ្ងៃទី២០ ខែមេសា

TOP STORY | ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គបានសព្វព្រះរាជហឫទ័យ នឹងព្យាបាលដោយវះកាត់ នៅក្នុងមន្ទីរពេទ្យរដ្ឋធានីប៉េកាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សារព័ត៌មានធំៗរបស់អាមេរិក ប្រាប់លោក Joe Biden ថា ដល់ពេលត្រូវឈប់ហើយ

មនុស្ស៥នាក់ស្លាប់ និង៦០នាក់រងរបួស ក្នុងការផ្ទុះឧស្ម័នធម្មជាតិនៅខេត្ត Izmir ប្រទេសទួរគី

ការធ្វើមិនបានល្អក្នុងការជជែកដេញដោលរបស់លោក Biden ធ្វើឱ្យអ៊ីស្រាអែល ព្រួយបារម្ភ

ការកាត់ក្តីលើបណ្ដឹងអភ័យឯកសិទ្ធិលោក Trump ទំនងជាកើតឡើងក្រោយការបោះឆ្នោតអាមេរិក

ការបោះឆ្នោតអ៊ីរ៉ង់ បង្ហាញពីការធ្លាក់ចុះនៃការគាំទ្ររបស់អ្នកបោះឆ្នោតចំពោះបេក្ខជនប្រធានាធិបតី

ប្រធានាធិបតីអ៊ុយក្រែន បង្ហើបពី «ផែនការទូលំទូលាយ» នៅចុងឆ្នាំដើម្បីបញ្ចប់ជម្លោះ

សម្តេចធិបតី៖ ការបើកការដ្ឋានសាងសង់គម្រោងព្រែកជីកហ្វូណនតេជោ នៅថ្ងៃ៥សីហា គឺចំថ្ងៃខួបកំណើតសម្តេចតេជោ

សម្តេចធិបតី៖ ដរាបណាបក្សប្រជាជន បន្តដឹកនាំប្រទេស នឹងមិនយកពន្ធដីកសិកម្មពីកសិករជានិច្ច

សមាជិកជាន់ខ្ពស់នៃបក្សប្រជាធិបតេយ្យ ច្រានចោលការជំនួសតំណែងបេក្ខជនរបស់លោក Biden

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សារព័ត៌មានធំៗរបស់អាមេរិក ប្រាប់លោក Joe Biden ថា ដល់ពេលត្រូវឈប់ហើយ

មនុស្ស៥នាក់ស្លាប់ និង៦០នាក់រងរបួស ក្នុងការផ្ទុះឧស្ម័នធម្មជាតិនៅខេត្ត Izmir ប្រទេសទួរគី

ការធ្វើមិនបានល្អក្នុងការជជែកដេញដោលរបស់លោក Biden ធ្វើឱ្យអ៊ីស្រាអែល ព្រួយបារម្ភ

ការកាត់ក្តីលើបណ្ដឹងអភ័យឯកសិទ្ធិលោក Trump ទំនងជាកើតឡើងក្រោយការបោះឆ្នោតអាមេរិក

ការបោះឆ្នោតអ៊ីរ៉ង់ បង្ហាញពីការធ្លាក់ចុះនៃការគាំទ្ររបស់អ្នកបោះឆ្នោតចំពោះបេក្ខជនប្រធានាធិបតី

ប្រធានាធិបតីអ៊ុយក្រែន បង្ហើបពី «ផែនការទូលំទូលាយ» នៅចុងឆ្នាំដើម្បីបញ្ចប់ជម្លោះ

សម្តេចធិបតី៖ ការបើកការដ្ឋានសាងសង់គម្រោងព្រែកជីកហ្វូណនតេជោ នៅថ្ងៃ៥សីហា គឺចំថ្ងៃខួបកំណើតសម្តេចតេជោ

សម្តេចធិបតី៖ ដរាបណាបក្សប្រជាជន បន្តដឹកនាំប្រទេស នឹងមិនយកពន្ធដីកសិកម្មពីកសិករជានិច្ច

សមាជិកជាន់ខ្ពស់នៃបក្សប្រជាធិបតេយ្យ ច្រានចោលការជំនួសតំណែងបេក្ខជនរបស់លោក Biden

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍