BTV NEWS

សម្តេចតេជោ ហ៊ុន សែន ជួបពិភាក្សាការងារតាមប្រព័ន្ធវីដេអូជាមួយប្រធានរដ្ឋសភា អាស៊ែបៃហ្សង់

គណៈប្រតិភូនៃសន្និសីទប្រធានសភានៃអន្តរសភា វាយតម្លៃខ្ពស់ចំពោះជោគជ័យនៃ «សន្និសីទប្រធានសភានៃអន្តរសភា លើកទី២» នៅកម្ពុជា

ប្រធានរដ្ឋសភាម៉ាឡេស៊ី ប្ដេជ្ញាបន្តលើកកម្ពស់កិច្ចសហប្រតិបត្តិការទ្វេភាគីជាមួយកម្ពុជាឱ្យកាន់តែរីកចម្រើន និងរឹងមាំ

ព្រីតថេន នឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

ឯកឧត្តម ហ៊ុន ម៉ានី សាកសួរសុខទុក្ខ និងជូនអំណោយដល់លោកគ្រូ-អ្នកគ្រូ និងសិល្បករ នៃក្រសួងវប្បធម៌ និងវិចិត្រសិល្បៈ

ភ្នំពេញ ៖ ឯកឧត្តម ហ៊ុន ម៉ានី បានផ្ដាំផ្ញើលោកគ្រូ-អ្នកគ្រូ និងសិល្បករ សិល្បការិនី ទាំងអស់គ្នា ឲ្យមានការយកចិត្តទុកដាក់ខ្ពស់ លើការរក្សាសុវត្ថិភាពក្នុងដំណាក់កាលការរីករាលដាលជំងឺកូវីដ១៩ ដោយត្រូវអនុវត្តឱ្យបានខ្ជាប់ខ្ជួន តាមការណែនាំរបស់ក្រសួងសុខាភិបាល និងរាជរដ្ឋាភិបាល។ឯកឧត្តម ហ៊ុន ម៉ានី ប្រធានគណៈកម្មការអប់រំយុវជនកីឡាធម្មការកិច្ចការសាសនាវប្បធម៌ និងទេសចរណ៍នៃរដ្ឋសភា រួមជាមួយឯកឧត្តម អនុប្រធាន ឯកឧត្តមលេខាធិការ និងសហការីនៃគណៈកម្មការ ថ្លែងក្នុងឱកាសអញ្ជើញជួបសំណេះសំណាល សួរសុខទុក្ខ លោកគ្រូអ្នកគ្រូជាសាស្ត្រាចារ្យសិល្បៈបុរាណ និងសិល្បករ សិល្បការិនី នៃក្រសួងវប្បធម៌ និងវិចិត្រសិល្បៈ នាព្រឹកថ្ងៃទី១២ ខែឧសភា ឆ្នាំ២០២១។ក្នុងនោះ ឯកឧត្តម ហ៊ុន ម៉ានី ក៏បានថ្លែងអំណរគុណ ចំពោះទំហំចិត្តនៃការលះបង់ ខិតខំប្រឹងប្រែងរបស់លោកគ្រូ អ្នកគ្រូ កន្លងមកក្នុងការបង្ហាត់បង្រៀន និងកិច្ចការរៀបចំចងក្រងឯកសារសិល្បៈបុរាណសម្រាប់ទុកជាមរតកចំណេះជំនាញបន្តដល់កូនចៅជំនាន់ក្រោយ ជាពិសេសសិល្បករ សិល្បការីនី។ ឯកឧត្តម ក៏បានបង្ហាញនូវការសហការ គាំទ្រ របស់គណៈកម្មការទី៧ ចំពោះក្រសួងវប្បធម៌ និងវិចិត្រសិល្បៈ លើការងារជំរុញលើកកម្ពស់ស្មារតី ឆន្ទៈ និងទឹកចិត្តយុវជនឱ្យមានការស្រលាញ់ ការពារសិល្បៈវប្បធម៌ខ្មែរ អោយគង់វង្សជានិរន្តរតទៅ។ទន្ទឹមនឹងការសួរសុខទុក្ខ ឯកឧត្តមប្រធានគណៈកម្មការ ក៏បានប្រគល់កញ្ចប់អំណោយជាសម្ភារៈ អនាម័យ គ្រឿងបរិភោគ ម៉ាស់ និងថវិកា ជូនដល់សាស្ត្រាចារ្យសិល្បៈ សិល្បករ សិល្បការិនី ដែលមានវត្តមានផ្ទាល់ក្នុងកម្មវិធី និងសិល្បករ សិល្បការិនីផ្សេងទៀតសរុបចំនួន ៣៦៨ នាក់ ផងដែរ៕

ថាមពលអគ្គិសនីប្រើប្រាស់ ដោយការដុតធ្យូងថ្ម ក្នុងស្រុកត្រពាំងប្រាសាទ គ្រោងនឹងដំណើរ ក្នុងពេលឆាប់ៗខាងមុខនេះ

ឧត្តរមានជ័យ ៖ រោងចក្រផលិត ថាមពលអគ្គិសនី ដោយការ ដុតធ្យូងថ្ម ដែលមានកម្លាំងរហូតដល់ទៅ២៦៥ មេហ្គាវ៉ាត់ របស់ក្រុមហ៊ុនHan Seng Coal Mine Co Ltd មានទីតាំងស្ថិតនៅក្នុងស្រុកត្រពាំងប្រាសាទ ខេត្តឧត្តរមានជ័យ គ្រោងនឹងដំណើរប្រើប្រាស់ក្នុងពេលឆាប់ៗខាងមុខនេះ ក្នុងការចែកចាយប្រភពចរន្តអគ្គិសនីជូនដល់ប្រជាពលរដ្ឋ ក្នុងខេត្តឧត្តរមានជ័យ។លោក ឌី រ៉ាដូ អភិបាលរងខេត្តឧត្តរមានជ័យទទួលបន្ទុករ៉ែថាមពល បានឲ្យដឹងថា ការវិនិយោគលើរោងចក្រផលិតថាមពលអគ្គិសនី ដោយការប្រើពីការដុតធ្យូងថ្ម ដែលមានកម្លាំង២៦៥ មេហ្គាវ៉ាត់ នៅក្នុងស្រុកត្រពាំងប្រាសាទខេត្តឧត្តរមានជ័យ ចំណាយថវិកាសាងសងរហូតដល់ទៅ២៩៤,៣ លាន ដុល្លារ គ្រោងដំណើរការនៅចុងឆ្នាំ២០២១ ដោយប្រើប្រាស់ប្រភេទរ៉ែ ធ្យូងថ្មដែលមានប្រភពនៅក្នុងស្រុកត្រពាំងប្រាសាទខេត្តឧត្តរមានជ័យស្រាប់។លោក បន្តថា គម្រោងរោងចក្រដុតធ្យូងថ្មនេះ គឺបានរួមចំណែកយ៉ាងសំខាន់ក្នុងការបង្កើនការងារ សម្រាប់ប្រជាពលរដ្ឋក្នុងខេត្តឧត្តរមានជ័យ នឹងអាចជួយដល់ការផ្គត់ផ្គង់ប្រភពថាមពល អគ្គិសនី ចូលទៅក្នុងបណ្តាញជាតិផងដែរ។ កត្តាទាំងអស់នេះហើយ ដែលធ្វើឲ្យយើងទទួលបានប្រភពថាមពលអគ្គិសនី ដែលប្រើប្រាស់ដោយការដុតធ្យូងថ្ម អាចប្រើប្រាស់បានគ្រប់គ្រាន់ សម្រាប់តម្រូវក្នុងស្រុក នឹងអាចផ្តល់ជាប្រយោជន៍ដល់ប្រជាពលរដ្ឋមានការងារធ្វើ ក្នុងស្រុកលើវិស័យមួយនេះបានយ៉ាងប្រសើរ ជៀសវាងការចំណាកស្រុកផងដែរ៕អត្ថបទ ៖ សារិទ្ធ

មន្ត្រីជំនាញល្បាត ប្រទះឃើញដើមភ្លៅនាង មានសាច់សរលោង ដ៏ទាក់ទាញ ក្នុងនៅដែនជម្រកសត្វព្រៃលំផាត

មណ្ឌលគិរី ៖ ដើមភ្លៅនាង ជាច្រើនដើមត្រូវបានមន្ត្រីឧទ្យានុរក្សល្បាតប្រទះឃើញនៅដែនជម្រកសត្វព្រៃលំផាតក្នុងស្រុកកោះញែក ខេត្តមណ្ឌលគិរី ដើមភ្លៅនាងមានភាពទាក់ទាញជាខ្លាំង ព្រោះដើមឈើប្រភេទនេះ មានសាច់សរលោង ស្រលូនឡើងទៅលើ ខុសប្លែកពីប្រភេទដើមឈើដទៃទៀត ។លោក កែវ សុភគ៌ ប្រធានមន្ទីរបរិស្ថានខេត្តមណ្ឌលគិរី បានឲ្យដឹងថា ដើមភ្លៅនាងជាប្រភេទរុក្ខជាតិក្នុងព្រៃដែលពើបប្រទះឃើញនៅក្នុងតំបន់ព្រៃអភិរក្សលំផាត់ស្ថិតនៅក្នុងស្រុកកោះញែក ខេត្តមណ្ឌលគិរី។ ប្រភេទឈើនេះ មានដុះដោយដុំដោយកន្លែងនៅក្នុងតំបន់ព្រៃអភិរក្សលំផាត់ ដែលកន្លែងខ្លះ មានប្រហែល២០ ឬ៣០ដើម និងកន្លែងខ្លះអាចមានដល់៥០ដើម ។ លោក ប្រធានមន្ទីរ បានបន្ថែមថា ដើមឈើនេះ វាទាក់ទាញអារម្មណ៍យើងត្រង់ថា វារលូននិងស្រលូនល្អប្រៀបដូចជាភ្លៅមនុស្ស ។លោកប្រធានមន្ទីរ បានបន្ថែមទៀតថា នៅពេលដែលយើងធ្វើដំណើរបានមកដល់ ឬជួបដើមភ្លៅនាងធ្វើឲ្យអារម្មណ៍យើងហាក់សប្បាយរីករាយ និងបាត់ភាពនឿយហត់បានមួយចំណែកផងដែរ។ ម្នាក់ៗតែងតែថតរូបដើមភ្លៅនាងដើម្បីយកទៅបង្ហាញឱ្យអ្នកផងបានស្គាល់ ឬក៏យកទៅចែករំលែកនៅក្នុងបណ្ដាញសង្គមហ្វេសប៊ុក ។ លោកប្រធានមន្ទីរ បន្ថែមថា មនុស្សជាច្រើនចង់ឃើញដោយផ្ទាល់អំពីដើមភ្លៅនាងនេះ។ លោក បន្តថា តំបន់អភិរក្សលំផាត់សំបូរទៅដោយធនធានធម្មជាតិ និងរុក្ខជាតិច្រើនប្រភេទ ហើយបច្ចុប្បន្ននេះ កំពុងត្រូវបានគាំពារនិងថែរក្សាដោយមន្ត្រីឧទ្យាននុរក្ស នៃមន្ទីរបរិស្ថានខេត្តមណ្ឌលគិរី ។ លោក កែវ សុភគ៌ ដែលតែងតែចំណាយពេលវេលានៅជាមួយធម្មជាតិនៃតំបន់ការពារលំផាត់ បាននិយាយថា ដើមភ្លៅនាងទាក់ទាញការចាប់អារម្មណ៍ពីប្រជាពលរដ្ឋក៏ដូចជាមហាជនទូទៅនៅពេលដែលឃើញសម្រស់របស់វា ។ លោកថា ស្ថិតនៅក្នុងតំបន់អភិរក្សលំផាត់នោះដើមភ្លៅនាងមានមិនច្រើនពេកទេ ។ យ៉ាងណាក៏ដោយក្រុមមន្ត្រីឧទ្យានុរក្សមន្ទីរ បរិស្ថានខេត្តមណ្ឌលគិរី នឹងថែរក្សាគាំពារដើមភ្លៅនាងនេះឱ្យមាននិរន្តរភាពដើម្បីជាប្រយោជន៍ឱ្យប្រជាពលរដ្ឋខ្មែរបានឃើញនៅពេលអនាគតពោលគឺហើយរំពឹងថា ដើមភ្លៅនាងមិនផុតពូជនោះឡើយ៕អត្ថបទ ៖ ភីរុណ

រោងចក្រក្នុងតំបន់លឿង អនុវត្តរបៀបធ្វើការងារតាមបែបថ្មីបានល្អ តាមការណែនាំរបស់អាជ្ញាធរមូលដ្ឋាន

កណ្ដាល ៖ បន្ទាប់ពីប្រមុខថ្នាក់ដឹកនាំរាជរដ្ឋាភិបាល បានប្រកាសបញ្ចប់ការបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅ ខេត្តកណ្តាល មកអាជ្ញាធរមូលដ្ឋានក៏បានប្រកាសអោយគ្រប់រោងចក្រ ទាំងអស់នៅក្នុងតំបន់លឿង គឺអាចបើកដំណើរការឡើងវិញបាន ប៉ុន្តែត្រូវអនុវត្តតាមគោលដៅណែនាំថ្មី របស់រាជរដ្ឋាភិបាល ដោយត្រូវប្តូរវេន កាត់បន្ថយកម្មករនិយោជិកចូលបម្រើអោយបានពាក់កណ្តាល ដើម្បីធានាបានការរក្សាកន្លាតទប់ស្កាត់ការឆ្លងកូវីដ១៩។បើតាមលោកស្រី អ៊ុក លីឡា ជំនួយការធនធានមនុស្ស នៅរោងចក្រ ប្រូពិសិដ្ឋ ក្រុងតាខ្មៅ ខេត្តកណ្តាល បានថ្លែងថា បន្ទាប់ពីរាជរដ្ឋាភិបាលបានបញ្ចប់ការបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅមក អាជ្ញាធរបានអនុវត្តអោយរោងចក្រចាប់ផ្តើមបើកដំណើរឡើងវិញបាន ហើយរោងចក្រប្រូពិសិដ្ឋនេះ គឺបានចាប់ផ្តើមតាំងពីថ្ងៃទី៦ ខែឧសភា មកដល់ពេលនេះគឺបានបើកដំណើរការបានចំនួន៥ថ្ងៃហើយ។លោកស្រី បន្តថា សម្រាប់ការងារបើកដំណើរការរោងចក្រគឺយើងត្រូវអនុវត្តរបៀបធ្វើការងារតាមបែបថ្មី តាមគោលការណ៍ណែនាំរបស់អាជ្ញាធរមូលដ្ឋាននេះ ថ្វីត្បិត តែមានការប៉ះពាល់ ដល់សង្វាក់ផលិតកម្មរោងចក្របន្តិចមែន តែការធ្វើការងារតាមរបៀបថ្មីនេះ គឺអាចធានាបានការទប់ស្កាត់ ការរាតត្បាតមេរោគកូវីដ១៩ ពោលគឺការប្តូរវេន និងអនុញ្ញាតអោយកម្មករនិយោជិតចូលបម្រើការងារនៅត្រឹម៥០% ចំនួន២សប្តាហ៍ម្តងនេះ គឺ បានធ្វើអោយកន្លែងធ្វើការងារមានការរក្សាគន្លាតពីកម្មករទៅកម្មករម្នាក់ទៀត ជាដើម។សម្រាប់ការបើកដំណើរការរោងចក្រឡើងវិញនេះ គ្រប់កម្មករកម្មការិនី ទាំងអស់ហាក់មានយល់ដឹងដោយខ្លួនឯងច្រើន ពោលគឺមានការផ្លាស់ប្តូរទំលាប់ចូលធ្វើការងារតាមរបៀបថ្មី ពោល គឺកម្មករកម្មការិនីម្នាក់ៗមានការប្រុងប្រយ័ត្ន មានដាក់ដបទឹកអាកុលជែលដាកជាប់នៅក្នុងខ្លួន មានការពាក់ម៉ាស់ត្រឹមត្រូវ មានការរក្សាគន្លាតគ្នា និងមានការវ៉ាស់កំដៅជាប់ជាប្រចាំផងដែរមុនពេលចូលនិងចេញពីធ្វើការងារ។សូមបញ្ជាក់ថា យោងតាមសេចក្តីជូនដំណឹងរបស់ក្រសួងការងារលេខ២២/២១នោះដែរ ក៏បានបញ្ជាក់ថា សម្រាប់ការបើកប្រាក់ឈ្នួលរបស់បងប្អូនកម្មករនិយោជិកនៅតាមរោងចក្រ ដែលបានបើកដំណើរការឡើងវិញនេះដែរ គឺគ្រប់ម្ចាស់ឬនាយករោងចក្រ សហគ្រាសត្រូវបើកប្រាក់ឈ្នួលសម្រាប់ខែមេសា ចំនួន៥០% និងប្រាក់ឧបត្ថម្ភនានាទៀតដែលបានពន្យាពេលនៅក្នុងអំឡុងពេលបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅ កន្លងទៅ គឺត្រូវចាប់ផ្តើមបើកជូនកម្មករនិយោជិកមិនអោយហួសថ្ងៃទី១៤ ខែឧសភានេះឡើយ ។ ចំពោះបងប្អូនកម្មករដែលកំពុងស្ថិតក្នុងតំបន់ក្រហម ឬ តំបន់លឿងទុំ គឺសូមម្ចាស់ ឬនាយករោងចក្រ ពិចារណារកវិធីបើកប្រាក់ឈ្នួល និងប្រាក់ឧបត្ថម្ភនោះតាមប្រព័ន្ធធនាគារជូនកម្មករនិយោជិកផងដែរ៕អត្ថបទ ស៊ុម សុខជា

កម្ពុជាផ្ដល់វ៉ាក់សាំងដល់ពលរដ្ឋជាង១លាន៨២ម៉ឺននាក់ នៅទូទាំងប្រទេស រយៈពេល៣ខែមកនេះ

ភ្នំពេញ៖ ក្រសួងសុខាភិបាល បានឱ្យដឹងថា ពលរដ្ឋជាង ១លាន ៨សែននាក់ហើយ បានទទួលវ៉ាក់សាំងនៅក្នុងយុទ្ធនាការចាក់វ៉ាក់សាំងទូទាំងប្រទេស របស់រាជរដ្ឋាភិបាល។ក្នុងរបាយការណ៍របស់ខ្លួនក្រសួងសុខាភិបាល បានឱ្យដឹងថា ប្រជាពលរដ្ឋជាង ១លាន ៨២ម៉ឺននាក់ហើយ បានទទួលវ៉ាក់សាំងដែលផ្ដល់ឱ្យដោយក្រសួងសុខាភិបាល និងក្រសួងការពារជាតិនៅក្នុងរយៈពេល ៣ខែកន្លងមកនេះ។រាជរដ្ឋាភិបាលកម្ពុជា បានចាប់ផ្ដើមយុទ្ធនាការចាក់វ៉ាក់សាំងទូទាំងប្រទេសកាលពីថ្ងៃទី១០ ខែកុម្ភៈកន្លងមកនេះ ហើយគិតនៅត្រឹមថ្ងៃទី១០ ខែឧសភាម្សិលមិញនេះ យុទ្ធនាការនេះ បានបន្តដំណើរការអស់រយៈពេល ៩០ថ្ងៃ ឬ៣ខែមកហើយ។បើតាមរបាយការណ៍របស់ក្រសួងសុខាភិបាល ប្រជាពលរដ្ឋជិត ៩០ម៉ឺននាក់ បានទទួលវ៉ាក់សាំងចិនស៊ីណូវ៉ាក់ ហើយប្រជាពលរដ្ឋជាង ៧៧ម៉ឺននាក់ បានទទួលវ៉ាក់សាំងចិនស៊ីណូហ្វាម ខណៈដែលវ៉ាក់សាំងខូវីហ្ស៊ែល ត្រូវបានចាក់ជូនប្រជាពលរដ្ឋបានជាង ១៥ម៉ឺននាក់។ក្រសួងសុខាភិបាលបានឱ្យដឹងទៀតថា ប្រជាពលរដ្ឋជាង ១លាន ១១ម៉ឺននាក់ហើយ បានទទួលការចាក់វ៉ាក់សាំងទាំងពីរដូសរួចរាល់ហើយនៅក្នុងរយៈពេល ៣ខែមកនេះ។បើតាមតួលេខកត់ត្រាដោយក្រសួងសុខាភិបាល ប្រជាពលរដ្ឋដល់ទៅជិត ២លាននាក់បានចុះឈ្មោះស្ម័គ្រចិត្តចាក់វ៉ាក់សាំងដែលផ្ដល់ជូនដោយរាជរដ្ឋាភិបាលនៅក្នុងយុទ្ធនាការចាក់វ៉ាក់សាំងទូទាំងប្រទេសនេះ ប៉ុន្តែ ប្រជាពលរដ្ឋដល់ទៅជាង ៦ម៉ឺន ៤ពាន់នាក់ មិនត្រូវបានអនុញ្ញាតឱ្យចាក់វ៉ាក់សាំងនោះឡើយ ដោយសារមូលហេតុបញ្ហាសុខភាព៕

អាជ្ញាធររាជធានីភ្នំពេញ ប្រជុំពិភាក្សាដើម្បីកំណត់បង្រួមទីតាំងបិទខ្ទប់ នាថ្ងៃទី១២ឧសភា

ភ្នំពេញ ៖ អាជ្ញាធររាជធានីភ្នំពេញប្រជុំដើម្បីកំណត់ទីតាំង នៃការបង្រួមតំបន់បិទខ្ទប់ ឱ្យមកនៅរួមតូច ដើម្បីកាត់បន្ថយការលំបាកជូនប្រជាពលរដ្ឋ នៅថ្ងៃ១២ ឧសភាខាងមុខនេះ។ក្នុងកិច្ចប្រជុំតាមវីដេអូបន្តផ្ទាល់នៅរសៀលថ្ងៃទី១០ ខែឧសភា ឆ្នាំ២០២១ ដើម្បីពិនិត្យ ពិភាក្សា និងកំណត់ទីតាំងឱ្យបានច្បាស់លាស់ មុនការសម្រេចដាក់តំបន់ដែលត្រូវបង្រួមការបិទខ្ទប់ឱ្យមានប្រសិទ្ធភាព ដែលអាចជឿទុកចិត្តបាន នាថ្ងៃ១២ ខែឧសភា ខាងមុខនេះ ឯកឧត្ដម ឃួង ស្រេង អភិបាលរាជធានីភ្នំពេញ បានធ្វើការណែនាំឱ្យអាជ្ញាធរខណ្ឌទាំង១៤ ត្រូវយកចិត្តទុកដាក់ឱ្យបានម៉ត់ចត់បំផុត គឺមិនអនុញ្ញាតឱ្យមានករណីប្រជាពលរដ្ឋនៅតំបន់លឿង ចូលទៅតំបន់លឿងទុំ និងតំបន់ក្រហមជាដាច់ខាត ដើម្បីកំណត់ទីតាំងតំបន់ប្រឈមនោះមក នៅរួមតូច ដូច្នេះអាជ្ញាធរត្រូវសិក្សាកំណត់ឱ្យបានច្បាស់ មុននៃការកំណត់ពណ៌តំបន់នីមួយៗ ឱ្យនៅរួមតូចនេះ។ក្នុងកិច្ចប្រជុំនោះ គ្រប់ខណ្ឌទាំង១៤ បានឡើងរាយការណ៍ពីស្ថានភាពនៃការគ្រប់គ្រងកូវីដ-១៩នៅក្នុងមូលដ្ឋានរបស់ខ្លួនរៀងៗខ្លួន ដោយតំបន់ខ្លះដែលធ្លាប់ជាតំបន់ក្រហម និង តំបន់លឿងទុំ បានស្នើឱ្យប្រែក្លាយមកជាតំបន់លឿង ដោយតំបន់នោះមិនមានការរីករាលដាលជំងឺកូវីដ-១៩ បន្តទៀត ។តំបន់ខ្លះទៀតសូមឱ្យនៅរក្សាជាតំបន់ក្រហម ឬ តំបន់លឿងទុំដដែល។ ប៉ុន្តែទោះបីជាយ៉ាងណាក្តី ក្នុងតំបន់មួយចំនួន មិនត្រូវបានបិទខ្ទប់ ភូមិ សង្កាត់នោះទេ គឺគ្រាន់តែបិទខ្ទប់ផ្ទះ ឬទីតាំងដែលមានវិជ្ជមានកូវីដ-១៩តែប៉ុណ្ណោះ៕អត្ថបទ ៖ ប្រាក់ វ៉ាន់ដា

អ្នកឧកញ៉ា និងឧកញ៉ាកម្ពុជា ១២៦នាក់ រួមគ្នាឧបត្ថម្ភថវិកា និងសម្ភារៈ ដល់កងទ័ពជើងគោក និងសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA)

ភ្នំពេញ៖ នៅព្រឹកថ្ងៃអង្គារ ទី១១ ខែឧសភា ឆ្នាំ២០២១ ក្រុមសប្បុរសជនដែលជាអ្នកឧកញ៉ា និងឧកញ៉ាកម្ពុជា ចំនួន ១២៦នាក់ បានរួបរួមគ្នាបរិច្ចាគជាថវិកាសរុប $1,095,334.00 (មួយលានប្រាំបួនម៉ឺនប្រាំពាន់បីរយសាមសិបបួនដុល្លារអាមេរិក) និងសម្ភារៈ មួយចំនួនទៀតរួមមាន ៖ ម៉ាស់ ១០ម៉ឺន, អាល់កុល ៣.៦០០លីត្រ, សាប៊ូលាងដៃ ៦.០០០លីត្រ, ត្រីខ ៥០កេស, ទឹកសុទ្ធ ១០.០០០យួរ/កេស និងចេក ទុំ២០កេស ជូនដល់កងទ័ពជើងគោក នៃកងយោធពលខេមរភូមិន្ទ និងសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) សម្រាប់ជាការរួមចំណែកជួយគាំទ្រដល់ប្រតិបត្តិការប្រយុទ្ធប្រឆាំង នឹងជំងឺកូវីដ-១៩។នៅក្នុងឱកាសទទួលថវិកា និងសម្ភារខាងលើនេះ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក និងក្នុងនាមជាប្រធានក្រុមប្រឹក្សាភិបាលនៃសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ក៏ដូចជាជំនួសមុខជូនលោកជំទាវ ពេជ ចន្ទមុន្នី ប្រធានដឹកនាំក្រុមគ្រូពេទ្យសម្តេចតេជោ ប្រឆាំងកូវីដ-១៩ បានថ្លែងអំណរគុណយ៉ាងជ្រាលជ្រៅ និងការកោតសរសើរចំពោះការផ្តួចផ្តើម និងសមានចិត្តរបស់សប្បុរសជនទាំង ១២៦រូប ដែលបានរួបរួមគ្នាឧបត្ថម្ភគាំទ្រដល់កងទ័ព ក៏ដូចជាសមាគមនៅក្នុងបេសកកម្មប្រយុទ្ធប្រឆាំងនឹងជំងឺកូវីដ-១៩ ដែលកំពុងឆ្លងរីករាលដាលនៅក្នុងប្រទេស។ឯកឧត្តម ក៏បានលើកឡើងថា ការងារប្រយុទ្ធប្រឆាំងជំងឺកូវីដ-១៩ នៅកម្ពុជា គឺជាកិច្ចការរួមមួយដែលគ្រប់ភាគីពាក់ព័ន្ធចាំបាច់ត្រូវចូលរួមជាមួយក្រសួងសុខាភិបាល ដែលក្នុងនោះ កងទ័ពក៏បានរួមចំណែកនៅក្នុងកិច្ចការធំៗជាច្រើន ទាំងការអនុវត្តវិធានការបិទខ្ទប់តាមសេចក្តីសម្រេចរបស់រាជរដ្ឋាភិបាល, ការរៀបចំមន្ទីរពេទ្យ-មណ្ឌលព្យាបាលជំងឺកូវីដ-១៩ និងការចុះចែកស្បៀងអាហារជាបន្តបន្ទាប់ដល់ប្រជាពលរដ្ឋនៅក្នុងតំបន់បិទខ្ទប់។ ក្រៅពីនេះ កងទ័ពក៏បានចូលរួមក្នុងយុទ្ធនាការចុះចាក់វ៉ាក់សាំងជូនប្រជាពលរដ្ឋនៅតាមតំបន់ក្រហមក្នុងរាជធានីភ្នំពេញ ដោយបានប្រើប្រាស់កម្លាំងសរុប ៣.៣០៥នាក់មកពីបណ្តា ២០អង្គភាព ហើយក្នុងនោះកងទ័ពជើងគោកក៏បានបញ្ចេញកម្លាំងប្រមាណជាង ៨០០នាក់ រួមជាមួយសម្ភារ និងមធ្យោបាយ ចុះជួយចាក់វ៉ាក់សាំងជូនប្រជាពលរដ្ឋទៅតាមផែនការផងដែរ។ គិតមកដល់ពេលនេះ ក្រុមការងារនៃកងយោធពលខេមរភូមិន្ទ បានចាក់វ៉ាក់សាំងជូនប្រជាពលរដ្ឋនៅតំបន់ក្រហមសម្រេចបានជិត ៤០ម៉ឺននាក់ ស្មើនឹង ៥០% លើផែនការរួមប្រមាណ ៨០ម៉ឺននាក់។ឯកឧត្តម ក៏បានជម្រាបជូនសប្បុរសជនផងដែរថា នៅក្នុងប្រតិបត្តិការកន្លងមកនេះ កងទ័ពជើងគោក ក៏ដូចជាសមាគមបានខិតខំបំពេញភារកិច្ចដោយប្រើប្រាស់ធនធាន និងលទ្ធភាពរបស់ខ្លួនដែលមានក្នុងដៃ ដើម្បីឆ្លើយតបនឹងស្ថានភាពផ្ទុះឡើងជាក់ស្តែង ខណៈលទ្ធភាពធានាតាមផែនការនៅមានកម្រិត។ ដូចនេះ ការរួមចំណែកឧបត្ថម្ភដ៏ថ្លៃថ្លានេះ នឹងបានជួយសម្រួល និងផ្តល់លទ្ធភាពបន្ថែមមួយកម្រិតទៀតដល់ក្រុមការងារ ដើម្បីបន្តបេសកកម្មរបស់ខ្លួន។ ចំពោះថវិកាដែលផ្តល់ជូននេះ គឺ៥០% នឹងបែកចែកដល់សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) និង ៥០% ទៀត រួមជាមួយសម្ភារៈ នឹងផ្តល់មកឲ្យខាងកងទ័ព ដើម្បីបន្តប្រតិបត្តិការប្រយុទ្ធប្រឆាំងជំងឺកូវីដ-១៩។អ្នកឧកញ៉ា លី យ៉ុង ផាត់ និងអ្នកឧកញ៉ា គិត ម៉េង តំណាងឱ្យសប្បុរសជនជាអ្នកឧកញ៉ា និងឧកញ៉ាកម្ពុជាទាំង១២៦ រូប បានសម្តែងនូវចំណាប់អារម្មណ៍ពេញចិត្ត និងគោរពកោតសរសើរចំពោះការលះបង់របស់ ឯកឧត្តម ហ៊ុន ម៉ាណែត និងលោកជំទាវ និងការខិតខំពុះពាររបស់ក្រុមគ្រូពេទ្យ ក៏ដូចជាកងកម្លាំងរបស់យើងទាំងអស់នៅក្នុងការទប់ស្កាត់ការរាតត្បាត នៃជំងឺកូវីដ-១៩ ក្នុងពេលដ៏លំបាកចំពោះមុខនេះ។ជាចុងក្រោយតាមរយៈអ្នកឧកញ៉ា លី យ៉ុងផាត់ និងតំណាងសប្បុរសជនទាំង ០៩រូបទៀត ឯកឧត្តម ឧត្តមសេនីយ៍ឯក ហ៊ុន ម៉ាណែត បានផ្ដាំផ្ញើនូវការថ្លែងអំណរគុណយ៉ាងជ្រាលជ្រៅបំផុតជូនសប្បុរសជនជាអ្នកឧកញ៉ា និងឧកញ៉ាកម្ពុជាទាំង ១២៦ រូប ចំពោះការឧបត្ថម្ភគាំទ្រដល់បេសកកម្មជួយដ៏មានសារៈសំខាន់បំផុតនេះ៕

ពលរដ្ឋថ្លែងអំណរគុណ និងជឿជាក់លើរដ្ឋាភិបាល ក្នុងការខិតខំស្វះស្វែងទិញវ៉ាក់សាំងដើម្បីចាក់ការពារជំងឺឆ្លងកូវីដ១៩

ភ្នំពេញ ៖ ខណៈថ្ងៃទី ១១ខែឧសភានេះ វ៉ាក់សាំង Sinovac ចំនួន៥០ម៉ឺនដូស ដែលកម្ពុជា បានបញ្ជាទិញ បានមកដល់កម្ពុជា សម្រាប់ចាក់ជូនពលរដ្ឋជាបន្តបន្ទាប់ទៀតនោះ សម្រាប់ប្រជាពលរដ្ឋដែលមកទទួលការចាក់វ៉ាក់សាំងកូវីដ-១៩ នៅតាមមណ្ឌលចាក់វ៉ាក់សាំងនៅព្រឹកនេះ បានបង្ហាញនូវការថ្លែងអំណរគុណដល់រាជរដ្ឋាភិបាលកម្ពុជា ក្នុងការស្វះស្វែងរកវ៉ាក់សាំង ហើយពួកគាត់សង្ឃឹមថា ក្រោយពីប្រជាពលរដ្ឋកាន់តែច្រើនបានចាក់វ៉ាក់សាំងរួចរាល់ នោះស្ថានការណ៍ប្រទេសជាតិការរស់នៅប្រកបរបរចិញ្ចឹមជីវិត នឹងវិលទៅភាពល្អប្រសើរវិញ។បច្ចុប្បន្ននេះ កម្ពុជាមានវត្តមានវ៉ាក់សាំងចំនួន ៣ប្រភេទ ដែលបាននឹងកំពុងចាក់ជូនប្រជាពលរដ្ឋ។ វ៉ាក់សាំងទាំង ៣ ប្រភេទនោះ រួមមាន វ៉ាក់សាំង Sinopharm វ៉ាក់សាំង Sinovac និងវ៉ាក់សាំង AstraZeneca Covishield។ រាជរដ្ឋាភិបាលកម្ពុជាបាននឹងកំពុងពន្លឿនយុទ្ធនាការវ៉ាក់សាំងកូវីដ-១៩ ទូទាំងប្រទេស ជាពិសេសក្នុងភូមិសាស្ត្ររាជធានីភ្នំពេញ ដែលមានករណីឆ្លងច្រើន។ ក្រោមកិច្ចខិតខំនេះ តាមរបាយការណ៍របស់ក្រសួងសុខាភិបាល បង្ហាញថា គិតមកត្រឹមថ្ងៃទី១០ ខែឧសភាឆ្នាំ ២០២១នេះ កម្ពុជាបានចាក់វ៉ាក់សាំងកូវីដ-១៩ដល់ប្រជាពលរដ្ឋចំនួន ១ ៨២៥ ៤៨៨ នាក់ ស្របពេលដែលយុទ្ធនាការនៅតែបន្ត និងចំនួនវ៉ាក់សាំងបាននឹងកំពុងមកដល់ជាបន្តបន្ទាប់ទៀតផងដែរ៕អត្ថបទ ៖ គឹមហុក

សម្ដេចតេជោ បានអះអាងជាថ្មីពីការ ចាក់វ៉ាក់សាំងជូនពលរដ្ឋ១០លាននាក់ ដើម្បីបង្កើនភាពស៊ាំ

ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអះអាងជាថ្មី អំពីការចាក់វ៉ាក់ សាំងជូនប្រជាពលរដ្ឋឱ្យបាន១០លាននាក់ ក្នុងចំណោមប្រជាពលរដ្ឋទូទាំងប្រទេស ដើម្បីបង្កើតភាពស៊ាំ ទប់ទល់នឹងការឆ្លងជំងឺកូវីដ១៩។ខណៈនៅព្រឹកថ្ងៃទី១១ ខែឧសភា នេះ វ៉ាក់សាំងកូវីដ១៩ ប្រភេទស៊ីណូវ៉ាក់ (Sinovac) ចំនួន៥០ ម៉ឺនដូស បន្ថែមទៀត ដែលរាជរដ្ឋាភិបាលកម្ពុជា បានបញ្ជាទិញពីរដ្ឋាភិបាលចិន បានដឹកមកដល់ប្រទេស កម្ពុជានោះ សម្ដេចតេជោ ហ៊ុន សែន តាមរយៈទំព័រសង្គមហ្វេសប៊ុក បានបញ្ជាក់ថា វ៉ាក់សាំង ជាផ្នែកដ៏សំ ខាន់ក្នុងប្រតិបត្តិការប្រយុទ្ធប្រឆាំងជំងឺកូវីដ១៩ និងជួយការពារសុខភាពរបស់ប្រជាពលរដ្ឋ ពីការវាយ ប្រហារដោយជំងឺនេះ។សម្ដេចតេជោ បានបញ្ជាក់ទៀតថា រាជរដ្ឋាភិបាលកម្ពុជា បានដាក់ចេញយុទ្ធសាស្ត្រចាក់វ៉ាក់សាំង ឱ្យបានលឿន តាមដែលអាចធ្វើទៅបាន ជូនដល់ប្រជាពលរដ្ឋ។ រាជរដ្ឋាភិបាល បាននឹងកំពុងស្វះស្វែងរក វ៉ាក់សាំង ហើយបាននាំមកដល់ជាបន្តបន្ទាប់ ដើម្បីចាក់ជូនប្រជាពលរដ្ឋឱ្យបានជាង១០លាននាក់ ដើម្បី បង្កើតភាពស៊ាំ និងដើម្បីទប់ស្កាត់ការចម្លងរាលដាលដល់ប្រជាពលរដ្ឋទូទាំងប្រទេស។សម្ដេចតេជោ នាយករដ្ឋមន្ត្រី បានបញ្ជាក់បន្ថែមថា វ៉ាក់សាំងកូវីដ១៩ ដែលកំពុងទទួលបាន ហើយ កំពុងដំណើរការជូនប្រជាពលរដ្ឋនេះ គឺភាគច្រើនបំផុតជារបស់ប្រទេសចិន។ វ៉ាក់សាំងស៊ីណូវ៉ាក់ ៥០ម៉ឺន ដូស ដែលបានដឹកមកដល់កម្ពុជានៅព្រឹកថ្ងៃនេះ គឺជាវ៉ាក់សាំងលើកទី៣ហើយ ដែលរាជរដ្ឋាភិបាលកម្ពុជា បានបញ្ជាទិញ ខណៈជើងទី១ មានចំនួន១.៥លានដូស បានដឹកមកដល់កម្ពុជា កាលពីថ្ងៃទី២៦ ខែមីនា និងជើងទី២ មានចំនួន៥០ម៉ឺនដូស ដឹកមកដល់កម្ពុជា នៅថ្ងៃទី១៧ ខែមេសា។មកទល់ពេលនេះ កម្ពុជា ទទួលបានវ៉ាក់សាំងជាង៤លានដូសរួចមកហើយ រួមមាន ៖ ស៊ីណូហ្វាម (Sinopharm) ដែលជាជំនួយរបស់រដ្ឋាភិបាលចិន ១.៧លានដូស, វ៉ាក់សាំងស៊ីណូវ៉ាក់ (Sinovac) ទិញ ពីចិន ២លានដូស និងវ៉ាក់សាំងអាស្ត្រាហ្សេនីកា (AstraZeneca) ៣២៤,០០០ដូស ជាជំនួយរបស់ខូវ៉ាក់ តាមរយៈអង្គការសុខភាពពិភពលោក (WHO) ៕អត្ថបទ៖ មុត សុទ្ធ

វ៉ាក់សាំងស៊ីណូវ៉ាក់ចំនួន ៥សែនដូសទៀត បានមកដល់កម្ពុជាហើយនៅព្រឹកនេះ

ភ្នំពេញ៖ វ៉ាក់សាំងចិនស៊ីណូវ៉ាក់ចំនួន ៥សែនដូសដែលកម្ពុជាបានបញ្ជាទិញពីប្រទេសចិននោះ ត្រូវបានដឹកជញ្ជូនមកដល់កម្ពុជាហើយនៅព្រឹកថ្ងៃនេះ។ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានបញ្ជាក់កាលពីសប្ដាហ៍មុនថា វ៉ាក់សាំងស៊ីណូវ៉ាក់ដែលមកដល់កម្ពុជានៅថ្ងៃនេះ នឹងត្រូវប្រើប្រាស់សម្រាប់ចាក់ជូនប្រជាពលរដ្ឋនៅក្នុងតំបន់ក្រហមនៅក្នុងរាជធានីភ្នំពេញ និងក្រុងតាខ្មៅ ដើម្បីបង្កើនភាពស៊ាំរបស់ពួកគាត់។សម្ដេចតេជោ ហ៊ុន សែន ក៏បានឱ្យដឹងផងដែរថា វ៉ាក់សាំងស៊ីណូវ៉ាក់ចំនួន ៥សែនដូសទៀតដែលកម្ពុជាបញ្ជាទិញពីចិននោះ នឹងមកដល់កម្ពុជានៅថ្ងៃទី១៥ ខែឧសភានេះ។វ៉ាក់សាំងចិនស៊ីណូវ៉ាក់ចំនួន ២លានដូសដែលកម្ពុជាបញ្ជាទិញនាពេលកន្លងមក ត្រូវបានដឹកជញ្ជូនមកដល់កម្ពុជារួចមកហើយ ហើយការមកដល់នៃវ៉ាក់សាំងស៊ីណូវ៉ាក់នៅថ្ងៃនេះ នាំឱ្យកម្ពុជាទទួលបានវ៉ាក់សាំងស៊ីណូវ៉ាក់សរុបដល់ទៅ ២លាន ៥សែនដូសរួចហើយ។គិតមកដល់ថ្ងៃនេះ កម្ពុជាទទួលបានវ៉ាក់សាំង ៣ប្រភេទសរុប ៤ ៧២៤ ០០០ដូស ក្នុងនោះមានវ៉ាក់សាំងស៊ីណូវ៉ាក់ ២.៥លានដូស វ៉ាក់ស៊ីណូហ្វាម ១.៧លានដូស និងវ៉ាក់សាំង Covishield ៣២៤ ០០០ដូស៕

បណ្ដាញសង្គម

ព័ត៌មានថ្មីៗ

មន្ត្រី៖ មានឱកាសខ្ពស់ ដែលកម្មករជាប់ក្នុងរោងចក្រវារីអគ្គិសនីរបស់នេប៉ាល់ នៅមានជីវិត

អេស្តូនីជ្រើសរើសមន្ត្រីទទួលពាក្យបណ្ដឹងពលរដ្ឋ លោកស្រី Madise ជាប្រធានាធិបតីបន្ទាប់របស់ប្រទេស

លោក Tusk ព្រមានថា ប៉ុន្មនានខែខាងមុខ អាចសម្រេចអនាគតរបស់អ៊ុយក្រែន និងសន្តិសុខរបស់អឺរ៉ុប

មនុស្ស ១០នាក់បាត់ខ្លួន ខណៈនាវាដឹកទំនិញទួរគីលិច បន្ទាប់ពីបុកគ្នានៅឆ្នេរសមុទ្រក្បែរទីក្រុងអ៊ីស្តង់ ប៊ុល

រដ្ឋមន្ត្រីការបរទេស៖ ក្រសួងការបរទេសអាល្លឺម៉ង់កោះអញ្ជើញបេសកជនរុស្ស៊ីជុំវិញឧប្បត្តិហេតុដ្រូននៅទីក្រុង Leipzig

សារព័ត៌មាន៖ អ៊ីស្រាអែលនឹងវាយប្រហារទីតាំងនុយក្លេអ៊ែររបស់អ៊ីរ៉ង់ ប្រសិនបើទីក្រុងតេអេរ៉ង់បង្កើនភាពតានតឹង

លោក Putin បញ្ជាក់ថា រុស្ស៊ីកំពុងជោគជ័យ នៅសមរភូមិ ហើយនឹងមិនចរចាជាមួយ «ភេរវករ» ទេ

របាយការណ៍៖ ការរីកចម្រើនមីស៊ីលរបស់អ៊ីរ៉ង់ធ្វើឲ្យមូលដ្ឋានទ័ពអាមេរិកនៅទូទាំងមជ្ឈិមបូព៌ា ស្ថិតនៅក្រោមសម្ពាធកាន់តែខ្លាំងឡើង

លោក Trump បញ្ជាក់ថា មិនបង្ខំអ៊ីរ៉ង់ឱ្យចូលតុចរចា និងអំពាវនាវឱ្យប្រជាជនអ៊ីរ៉ង់ «ក្រោកតស៊ូ»

ក្រសួងអធិការកិច្ច បង្ហាញសមិទ្ធផលក្នុងនីតិកាលទី៧ នៃរដ្ឋសភា គិតត្រឹមឆមាសទី១ ឆ្នាំ២០២៦ ដោយបានចុះធ្វើអធិការកិច្ច ២,៨០៧ អង្គភាព និងដោះស្រាយបណ្តឹងបញ្ចប់ ១៨៨ ករណី ក្នុងឱកាសជួបពិភាក្សាការងារជាមួយគណៈកម្មការទី១ នៃរដ្ឋសភា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

មន្ត្រីជំនាញល្បាត ប្រទះឃើញដើមភ្លៅនាង មានសាច់សរលោង ដ៏ទាក់ទាញ ក្នុងនៅដែនជម្រកសត្វព្រៃលំផាត

រោងចក្រក្នុងតំបន់លឿង អនុវត្តរបៀបធ្វើការងារតាមបែបថ្មីបានល្អ តាមការណែនាំរបស់អាជ្ញាធរមូលដ្ឋាន

កម្ពុជាផ្ដល់វ៉ាក់សាំងដល់ពលរដ្ឋជាង១លាន៨២ម៉ឺននាក់ នៅទូទាំងប្រទេស រយៈពេល៣ខែមកនេះ

អាជ្ញាធររាជធានីភ្នំពេញ ប្រជុំពិភាក្សាដើម្បីកំណត់បង្រួមទីតាំងបិទខ្ទប់ នាថ្ងៃទី១២ឧសភា

សម្ដេចតេជោ បានអះអាងជាថ្មីពីការ ចាក់វ៉ាក់សាំងជូនពលរដ្ឋ១០លាននាក់ ដើម្បីបង្កើនភាពស៊ាំ

វ៉ាក់សាំងស៊ីណូវ៉ាក់ចំនួន ៥សែនដូសទៀត បានមកដល់កម្ពុជាហើយនៅព្រឹកនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

កម្ពុជា​ផ្ដល់​វ៉ាក់សាំង​ដល់​ពលរដ្ឋ​ជាង​១លាន​៨២​ម៉ឺន​នាក់ ​នៅ​ទូទាំង​ប្រទេស​ រយៈ​ពេល​៣​ខែ​មក​នេះ

អាជ្ញាធរ​រាជធានី​ភ្នំពេញ​ ប្រជុំ​ពិភាក្សា​ដើម្បី​កំណត់​បង្រួម​ទីតាំង​បិទ​ខ្ទប់​ នា​ថ្ងៃទី​១២​ឧសភា​

សម្ដេច​តេ​ជោ​ បាន​អះអាង​ជាថ្មី​ពី​ការ ចាក់​វ៉ាក់សាំង​ជូន​ពលរដ្ឋ​១០​លាន​នាក់ ​ដើម្បី​បង្កើន​ភាពស៊ាំ​

វ៉ាក់សាំង​ស៊ីណូវ៉ាក់​ចំនួន​ ៥​សែន​ដូស​ទៀត ​បាន​មក​ដល់​កម្ពុជា​ហើយ​នៅ​ព្រឹក​នេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

កម្ពុជាផ្ដល់វ៉ាក់សាំងដល់ពលរដ្ឋជាង១លាន៨២ម៉ឺននាក់ នៅទូទាំងប្រទេស រយៈពេល៣ខែមកនេះ

អាជ្ញាធររាជធានីភ្នំពេញ ប្រជុំពិភាក្សាដើម្បីកំណត់បង្រួមទីតាំងបិទខ្ទប់ នាថ្ងៃទី១២ឧសភា

សម្ដេចតេជោ បានអះអាងជាថ្មីពីការ ចាក់វ៉ាក់សាំងជូនពលរដ្ឋ១០លាននាក់ ដើម្បីបង្កើនភាពស៊ាំ

វ៉ាក់សាំងស៊ីណូវ៉ាក់ចំនួន ៥សែនដូសទៀត បានមកដល់កម្ពុជាហើយនៅព្រឹកនេះ