BTV NEWS

សម្តេចតេជោ ហ៊ុន សែន ជួបពិភាក្សាការងារតាមប្រព័ន្ធវីដេអូជាមួយប្រធានរដ្ឋសភា អាស៊ែបៃហ្សង់

គណៈប្រតិភូនៃសន្និសីទប្រធានសភានៃអន្តរសភា វាយតម្លៃខ្ពស់ចំពោះជោគជ័យនៃ «សន្និសីទប្រធានសភានៃអន្តរសភា លើកទី២» នៅកម្ពុជា

ប្រធានរដ្ឋសភាម៉ាឡេស៊ី ប្ដេជ្ញាបន្តលើកកម្ពស់កិច្ចសហប្រតិបត្តិការទ្វេភាគីជាមួយកម្ពុជាឱ្យកាន់តែរីកចម្រើន និងរឹងមាំ

ព្រីតថេន នឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

ពលរដ្ឋរងគ្រោះដោយខ្យល់កន្ត្រាក់១១គ្រួសារ នៅស្រុកមុខកំពូល ទទួលបានអំណោយពីកាកបាទក្រហម

កណ្ដាល ៖ ប្រជាពលរដ្ឋរងគ្រោះដោយសារខ្យល់កន្ត្រាក់ ចំនួន១១គ្រួសារ នៅក្នុងស្រុកមុខកំពូល បានទទួលអំណោយមនុស្សធម៌ របស់សាខាកាកបាទក្រហម ខេត្តកណ្ដាល។ឯកឧត្ដម គង់ សោភ័ណ្ឌ អភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជា ខេត្តកណ្ដាល កាលពីម្សិលមិញ បាននាំយកអំណោយមនុស្សធម៌របស់កាកបាទក្រហមកម្ពុជា ប្រគល់ជូន ប្រជាពលរដ្ឋ១១គ្រួសារ ដែលរងគ្រោះដោយខ្យល់កន្ត្រាក់ ក្នុងនោះគ្រួសាររលំផ្ទះទាំងស្រុង ចំនួន៣គ្រួ សារ របើកដំបូលធ្ងន់ធ្ងរ ចំនួន៦គ្រួសារ និងរបើកដំបូលដោយអន្លើ ចំនួន២គ្រួសារ ក្នុងស្រុកមុខកំពូល។ឯកឧត្ដម បានពាំនាំនូវការផ្ដាំផ្ញើសាកសួរសុខទុក្ខ ពីសំណាក់សម្ដេចគតិព្រឹទ្ធបណ្ឌិត ប៊ុន រ៉ានី ហ៊ុន សែន និងសម្ដេចតេជោ នាយករដ្ឋមន្ត្រី ដោយក្ដីនឹករលឹក និងអាណិតអាសូរពន់ពេក។ឯកឧត្តម បន្តថា កាកបាទក្រហមកម្ពុជា ដែលមាន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជាប្រធាន សម្ដេចតែងគិតគូរជានិច្ច អំពីសុខទុក្ខរបស់ប្រជាពលរដ្ឋទូទៅ នៅគ្រប់ពេលវេលា ពិសេសក្នុងកាលៈទេសៈដែលប្រទេសកម្ពុជា កំពុងប្រយុទ្ធប្រឆាំង នឹងជំងឺដ៏កាចសាហាវ (កូវីដ-១៩)។ សម្ដេច ថែមទាំងបានណែនាំជាប្រចាំដល់មន្ត្រីកាកបាទក្រហមនៅថ្នាក់មូលដ្ឋានទាំងអស់ ត្រូវពិនិត្យមើលពីជីវភាពរស់នៅរបស់ប្រជាពលរដ្ឋ ព្រមទាំងចុះសួរសុខទុក្ខដល់ចាស់ជរាឥតទីពឹង ជនទីទ័លក្រ ស្រី្តមេម៉ាយកូនច្រើនក្រីក្រ អ្នកកំពុងរស់នៅជាមួយមេរោគអេដស៍ អ្នកជំងឺអេដស៍ អ្នកមានជំងឺរ៉ាំរ៉ៃ ហើយមានជីវភាពទីទ័លក្រ កុមារកំព្រា ស្រី្តឆ្លងទន្លេ និងអ្នករងគ្រោះផ្សេងៗ ដោយមិនប្រកាន់ពូជសាសន៍ សាសនា ប្រពៃណី ឬនិន្នាការនយោបាយឡើយ គឺក្នុងគោលបំណងជួយដោះស្រាយសម្រាលនូវការលំបាកចំពោះមុខឱ្យបានទាន់ពេលវេលា និងមិនទុកឱ្យប្រជាពលរដ្ឋណាម្នាក់ស្លាប់ដោយសារការដាច់ស្បៀងអាហារឡើយ។ឯកឧត្តម បានអំពាវនាវដល់ប្រជាពលរដ្ឋ ឱ្យចូលរួមរក្សាអនាម័យឱ្យបានល្អ ពិសេសអនុវត្តឱ្យបានត្រឹមត្រូវតាមការណែនាំរបស់ក្រសួងសុខាភិបាល ជាងនេះទៀត ត្រូវអនុវត្តឱ្យបានខ្ជាប់ខ្ជួននូវវិធានការការពារជំងឺកូវីដ-១៩ របស់ប្រមុខរាជរដ្ឋាភិបាល សម្ដេចតេជោ រួមមាន ៖ ៣ការពារ ៣កុំ។អំណោយដែលសាខាកាកបាទក្រហមផ្ដល់ជូន រួមមានគ្រឿងឧបភោគបរិភោគ និងសម្ភារប្រើប្រាស់មួយចំនួន ព្រមទាំងថវិកា១០ម៉ឺនរៀល ចំពោះអ្នករបើកដំបូលដោយអន្លើ ដោយឡែកអ្នករបើកដំបូលធ្ងន់ធ្ងរ ថវិកា២០ម៉ឺនរៀល និងរលំផ្ទះទាំងស្រុង ទទួលបានបន្ថែមនូវ តង់កៅស៊ូមួយ និងថវិកា៥០ ម៉ឺនរៀលផងដែរ៕អត្ថបទ៖ សៅ យ៉ាម៉ង់

សម្តេចប្រធានរដ្ឋសភា និងសម្តេចធម្មវិសុទ្ធវង្សា សៅ ទី ហេង សំរិន អញ្ជើញចាក់វ៉ាក់សាំងការពារជំងឺកូវីដ-១៩ ដូសទី២ នៅវិមានរដ្ឋសភា

ភ្នំពេញ ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា និងសម្តេចធម្មវិសុទ្ធវង្សា សៅ ទី ហេង សំរិន បានអញ្ជើញចាក់វ៉ាក់សាំងកូវីដ-១៩ ដូសទី២ “COVIDSHIELD” AstraZeneca នៅវិមានរដ្ឋសភា នាព្រឹកថ្ងៃទី១០ ខែឧសភាឆ្នាំ២០២១។សម្តេចប្រធានរដ្ឋសភា បានថ្លែងអំណរគុណយ៉ាងជ្រាលជ្រៅដល់រាជរដ្ឋាភិបាលដែលបានខិតខំកៀរគរគ្រប់មធ្យោបាយដើម្បីទទួលបានវ៉ាក់សាំងមកចាក់ជូនប្រជាពលរដ្ឋ ដែលតាមគម្រោងឱ្យបានប្រមាណ១០លាននាក់ ដើម្បីបង្កើតភាព ស៊ាំសហគមន៍ ឈានទៅគ្រប់គ្រងបានលើវីរុសកូរ៉ូណា(កូវីដ-១៩) សំដៅស្តារសេដ្ឋកិច្ចនិងសង្គមជាតិឡើងវិញ ចេញពីវិបត្តិជាសកលនេះក្នុងពេលឆាប់ៗខាងមុខ។ឆ្លៀតឱកាសនោះ សម្តេចអគ្គមហាពញាចក្រី ក៏បានថ្លែងអំណរគុណផងដែរដល់បណ្តាប្រទេសជាមិត្ត ពិសេសសាធារណរដ្ឋប្រមានិតចិន និងដៃគូរអភិវឌ្ឍន៍ជាច្រើនទៀតដូចជាអង្គការសុខភាពពិភពលោក និងយន្តការកូវ៉ាក់ (COVAX) ជាដើម រួមទាំងសប្បុរសជនទាំងអស់ ដែលបានជួយឧបត្ថម្ភវ៉ាក់សាំងនិងផ្តល់ជំនួយបច្ចេកទេស សម្ភារៈវិទ្យាសាស្ត្រជាច្រើនដល់កម្ពុជានៅក្នុងការប្រយុទ្ធប្រឆាំងជំងឺកូវីដ-១៩ នាពេលកន្លងមក។សម្តេច បានអំពាវនិងលើកទឹកចិត្តដល់ប្រជាពលរដ្ឋ សូមអញ្ជើញទៅទទួលវ៉ាក់សាំងដោយឥតគិតថ្លៃនៅតាមមូលដ្ឋានរៀងៗខ្លួន ដើម្បីការពារអាយុជីវិត ក្រុមគ្រួសារ និងសហគមន៍របស់ខ្លួន។ជាមួយគ្នានេះសម្តេច បានអំពាវនាវដល់ប្រជាពលរដ្ឋបន្តអនុវត្តវិធានសុខាភិបាល «៣ការពារ ៣កុំ»ឱ្យបានខ្ជាប់ខ្ជូនគ្រប់ៗគ្នាទោះជាបានទទួលវ៉ាក់សាំងការពាររួចហើយក្តី។ សម្តេចប្រធានរដ្ឋសភា បានគូសបញ្ជាក់ថាជំងឺកូវីដ-១៩នៅតែបន្តគំរាមកំហែងពិភពលោកក៏ដូចជាកម្ពុជា ក្នុងសភាពខ្លាំងក្លានៅឡើយ។ ដូច្នេះដើម្បីការពារទប់ស្កាត់ជំងឺនេះកុំឱ្យឆ្លងរាលដាលកាន់តែខ្លាំងឡើង កត្តាសំខាន់បំផុតគឺការចូលរួមនិងការប្ដេជ្ញាចិត្តពីបុគ្គលម្នាក់ៗ ទើបសង្គមជាតិអាចគេចផុតពីជំងឺរាតត្បាតនេះបាន៕

រដ្ឋាករទឹកស្វយ័តក្រុងភ្នំពេញ សម្រេចមិនយកថ្លៃប្រើប្រាស់ទឹកស្អាត០៣ខែ សម្រាប់កម្មករកម្មការិនី និងសិស្សនិស្សិត

ភ្នំពេញ៖ រដ្ឋាករទឹកស្វយ័តក្រុងភ្នំពេញ ប្រកាសថា ជួយសម្រួលបន្ទុកដោយជួយបង់ថ្លៃប្រើប្រាស់ទឹកស្អាតរយៈពេល០៣ខែ គឺចាប់ពីខែមីនា ដល់ខែឧសភាសម្រាប់កម្មករកម្មការិនី និងសិស្សនិស្សិត។ ក្នុងសេចក្ដីប្រកាសព័ត៌មានរបស់ខ្លួន រដ្ឋាករទឹកស្វយ័តក្រុងភ្នំពេញ បានរៀបរាប់ថា យោងតាមប្រសាសន៍អំពាវនាវរបស់សម្ដេចតេជោ នាយករដ្ឋមន្ត្រី ហ៊ុន សែន រដ្ឋាករទឹកស្វយ័តក្រុងភ្នំពេញ សម្រេចជួយសម្រួលដល់ការចំណាយលើថ្លៃប្រើប្រាស់ទឹកស្អាតរយៈពេល០៣ខែ គឺខែមីនា មេសា និងឧសភា ក្នុងអំឡុងពេលបិទខ្ទប់។ តាមសេចក្ដីប្រកាសដដែលនេះ ការជួយសម្រួលរបស់រដ្ឋាករទឹកស្វយ័តក្រុងភ្នំពេញនេះ សម្រាប់តែផ្ទះជួល កម្មករ កម្មការិនី សិស្ស និស្សិត ដែលស្ថិតនៅក្នុង ៨៧០ទីតាំងដែលបានចុះបញ្ជីជាមួយខ្លួនប៉ុណ្ណោះ និងស្ថិតនៅក្នុងតំបន់ក្រហមនៅក្នុងរាជធានីភ្នំពេញ និងក្រុងតាខ្មៅ នៃខេត្តកណ្ដាល៕

អគ្គលេខាធិការព្រឹទ្ធសភា អំពាវនាវដល់ពលរដ្ឋរស់នៅខណ្ឌជ្រោយចង្វាឲ្យមានការអត់ធ្មត់ខ្ពស់

ភ្នំពេញ ៖ អគ្គលេខាធិការព្រឹទ្ធសភា ឯកឧត្តម អ៊ុំ សារឹទ្ធ បានធ្វើការអំពាវនាវដល់ប្រជាពលរដ្ឋនៅខណ្ឌជ្រោយចង្វាទាំងអស់ ដែលកំពុងជួបវិបត្តិកូវីដ១៩ ឱ្យអត់ធ្មត់ខ្ពស់ និងត្រូវអនុវត្តវិធានការសុខាភិបាលឲ្យបានគ្រប់ពេល ដើម្បីទប់ស្កាត់ការឆ្លងរីករាលដាលបន្ថែមទៀត។ក្នុងឱកាសនាំយកអំណោយរបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា និងលោកជំទាវ ប្រគល់ជូនអាជ្ញាធរខណ្ឌជ្រោយចង្វា សម្រាប់ចែកជូនដល់ប្រជាពលរដ្ឋដែលមានជីវភាពខ្វះខាត និងកំពុងធ្វើចត្តាឡីស័ក ចំនួន៥០០គ្រួសារ កាលពីម្សិលមិញ ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានលើកឡើងថា ដោយមានការយកចិត្តទុកដាក់ពីថ្នាក់ដឹកនាំព្រឹទ្ធសភា និងដើម្បីចូលរួមសម្រួលដល់ការលំបាក របស់ប្រជាពលរដ្ឋក្នុងកំឡុងពេលនៃការរាតត្បាតជំងឺកូវីដ-១៩នោះ សម្តេច សាយ ឈុំ ប្រធានព្រឹទ្ធសភា បានផ្តល់ជូននៅគ្រឿងឧបភោគបរិភោគជូនដល់ពលរដ្ឋ សម្រាប់ដោះស្រាយជាបណ្តោះអាសន្ន។យ៉ាងណាក៏ដោយ ឯកឧត្តម បានសំណូមពរដល់អាជ្ញាធរ ឱ្យបន្តអំពាវនាវដល់ប្រជាពលរដ្ឋក្នុងមូលដ្ឋាន ឱ្យមានការអត់ធ្មត់ កុំបំពាន កុំប្រមាថ និងកុំធ្វេសប្រហែសឱ្យសោះ ទោះបីជាការបិទខ្ទប់រាជធានីភ្នំពេញ និងក្រុងតាខ្មៅ ត្រូវបានបិទបញ្ចប់ក៏ពិតមែន។ ប៉ុន្តែសម្រាប់តំបន់ ដែលប្រឈមខ្លាំង និងតំបន់ក្រហម អាជ្ញាធរ នៅតែបន្តបិទខ្ទប់ដដែល ហើយការសម្រេចបញ្ចប់ការបិទខ្ទប់នេះ មិនមែនមានន័យថា ជំងឺកូវវីដ១៩ លែងមាននោះទេ។ ដូច្នេះ ត្រូវប្រកាន់ខ្ជាប់នូវវិធានការការពារជំងឺកូវីដ-១៩គឺ ៣ការពារ ៣កុំ និង២ចូលរួម ព្រមទាំងអនុវត្តឱ្យបានតាមវិធានការនានារបស់អាជ្ញាធរ។អំណោយ ដែលសម្ដេច សាយ ឈុំ ប្រគល់ជូនអាជ្ញាធរខណ្ឌជ្រោយចង្វា រួមមាន៖ អង្ករចំនួន១០តោន ទឹកសុទ្ធ៥០០កេស និងឃីតចំនួន៥០០ ដែលក្នុងឃីតនោះ មានគ្រឿងឧបភោគបរិភោគ និងរបស់របរប្រើប្រាស់ផង៕អត្ថបទ៖ បាន ចក់

នគរបាលវៀតណាមផ្តល់សម្ភារៈ និងថវិកាមួយចំនួនសម្រាប់ប្រយុទ្ធប្រឆាំងកូវីដ១៩ ដល់នគរបាលកម្ពុជា

ភ្នំពេញ ៖ នគរបាលក្រុងហូជីមិញ និងខេត្តឡុង អាង ប្រទេសវៀតណាម បានឧបត្ថម្ភសម្ភារៈសុខាភិបាល និងថវិកា មួយចំនួនជូននគរបាលរាជធានីភ្នំពេញ នគរបាលខេត្តស្វាយរៀង និងខេត្តព្រៃវែង សម្រាប់ប្រើប្រាស់ប្រយុទ្ធប្រឆាំងជំងឺកូវីដ១៩ ខណៈសម្ភារៈទាំងនេះបានបង្ហាញនៅកិច្ចសហប្រតិបត្តិការរវាងនគរបាលប្រទេសទាំងពីរ កាន់តែល្អប្រសើរបន្ថែមទៀត។ពិធីប្រគល់ និងទទួលសម្ភារៈសុខាភិបាល ដែលជាជំនួយរបស់នគរបាលវៀតណាមនេះ គឺបានធ្វើឡើង នៅថ្ងៃទី៩ ខែឧសភានេះ នៅច្រកទ្វារព្រំដែនអន្តរជាតិព្រៃវលិ៍ល ខេត្តស្វាយរៀង និងច្រកទ្វារព្រំដែនអន្តរជាតិ ប៊ិន ហៀប ខេត្តឡុងអាង ដោយគណៈប្រតិភូនគរបាលរាជធានីភ្នំពេញ ខេត្តស្វាយរៀង និងខេត្តព្រៃវែង ដឹកនាំដោយ លោកឧត្តមសេនីយ៍ត្រី ជីវ លី ស្នងការរងនៃស្នងការដ្ឋាននគរបាលរាជធានីភ្នំពេញ តំណាងឧត្តមសេនីយ៍ឯក ស ថេត អគ្គស្នងរងនគរបាលជាតិ និងជាស្នងការនគរបាលរាជធានីភ្នំពេញ ចំណែកភាគីនគរបាលក្រុងហូជីមិញ និងនគរបាលខេត្ត ឡុង អាង ដឹកនាំដោយលោក ឧត្តមសេនីយ៍ត្រី កៅ ដាំងហឹក ស្នងការរងនគរបាលក្រុងហូជីមិញ។ថ្លែងនៅក្នុងពិធីប្រគល់ និងទទួលនោះ លោក ឧត្តមសេនីយ៍ត្រី កៅ ដាំងហឹក ស្នងការរងនគរបាលក្រុងហូជីមិញ បានលើកឡើងថា ការឧបត្ថម្ភនូវគ្រឿងសម្ភារៈសុខាភិបាល និងថវិកា នៅពេលនេះ គឺជាការបង្ហាញនូវការបង្កើនកិច្ចសហប្រតិបត្តិការរឹតចំណងមិត្តភាព សាមគ្គីភាព រវាងនគរបាលទាំងពីរ ឱ្យកាន់តែរឹងមាំ និងការចែករំលែកបទពិសោធន៍សម្រាប់ចូលរួមប្រយុទ្ធប្រឆាំងជំងឺកូវីដ-១៩ ដែលជំងឺកូវីដ១៩ កំពុងប្រឈមចំពោះមុខ នៃការរាតត្បាត នៅក្នុងប្រទេសទាំងពីរ។លោក ឧត្តមសេនីយ៍ត្រី ក៏បានលើកឡើងទៀតថា នគរបាលកម្ពុជា និងនគរបាល វៀតណាម កន្លងមក បានសហការគ្នាយ៉ាងល្អក្នុងការបង្ការទប់ស្កាត់ជំងឺឆ្លងកូវីដ១៩ មិនឱ្យឆ្លងចូលទៅវិញទៅមករវាងប្រទេសទាំងពីរនោះឡើយ ហើយជាងនេះថែមទៀត លោក ក៏បានជម្រាបជូនកម្ពុជាឱ្យដឹងអំពីសភាពការណ៍ជំងឺឆ្លងកូវីដ១៩ នៅក្នុងប្រទេសវៀតណាមបច្ចុប្បន្ននេះ នៅតែមានកត្តាស្មុគស្មាញច្រើន ហើយការឆ្លងចូលក្នុងសហគមន៍ អាចផ្ទុះឡើងគ្រប់ពេលនិងគ្រប់ទីកន្លែង ហើយកម្លាំងនគរបាលប្រទេសវៀតណាមទាំងមូលបាននៅឈរជួរមុខ ក្នុងការប្រយុទ្ធប្រឆាំងជំងឺកូវីដ១៩នេះ។ថ្លែងនៅក្នុងពិធីនោះដែរ លោកឧត្តមសេនីយ៍ត្រី ជីវ លី ស្នងការរងនៃស្នងការដ្ឋាននគរបាលរាជធានីភ្នំពេញ បានថ្លែងអំណរគុណចំពោះនគរបាលប្រទេសវៀតណាម ដែលបានបរិច្ចាគនូវសម្ភារៈសុខាភិបាល និងថវិកា មួយចំនួន ជូនដល់នគរបាល រាជធានីភ្នំពេញ និង នគរបាលខេត្តទាំង២ ស្វាយរៀង ព្រៃវែង ដើម្បីបំពេញតម្រូវការចាំបាច់សម្រាប់កងកម្លាំងនគរបាលកម្ពុជា ប្រើប្រាស់បង្ការកូវីដ១៩ ទន្ទឹមដែលនគរបាលរាជធានីភ្នំពេញ នគរបាលខេត្តស្វាយរៀង និងខេត្តព្រៃវែង កំពុងបំពេញភារកិច្ចយ៉ាងសកម្ម ចូលរួមប្រយុទ្ធប្រឆាំងជំងឺឆ្លងកូវីដ១៩ នៅក្នុងសហគមន៍នេះ។សូមបញ្ជាក់ថា សម្ភារៈសុខាភិបាលដែលនគរបាលក្រុងហូជីមិញ សហការជាមួយនគរបាលខេត្តឡុង អាង ឧបត្ថម្ភជូននោះរួមមាន ៖ ស្នងការដ្ឋាននគរបាលរាជធានីភ្នំពេញទទួលបានម៉ាស់ចំនួន១២កេសធំ ស្មើនឹង៣ម៉ឺនម៉ាស់ ថ្នាំសម្លាប់មេរោគចំនួន៣០ធុង ថវិកាចំនួន២០០លានដុង និងឯកសណ្ឋានមួយចំនួន។ ស្នងការដ្ឋាននគរបាលខេត្តស្វាយរៀង និងស្នងការដ្ឋាននគរបាលខេត្តព្រៃវែង ក្នុងមួយខេត្ត ទទួលបានម៉ាស់៤កេសធំ, ថ្នាំសម្លាប់មេរោគ២០ធុង និងថវិកា១០០លានដុង វៀតណាម៕អត្ថបទ៖ បាន ចក់

រដ្ឋបាលរាជធានីភ្នំពេញ កំពុងពិចារណាបង្រួមតំបន់ក្រហមពីកម្រិតភូមិទៅតាមខ្នងផ្ទះនីមួយៗនៃភូមិ

ភ្នំពេញ ៖ រដ្ឋបាលរាជធានីភ្នំពេញ កំពុងសិក្សា ដើម្បីបង្រួមតំបន់ក្រហម នៅក្នុងរាជធានីភ្នំពេញឲ្យកាន់តែតូចបន្ថែមទៀត ខណៈដែលអត្រាអ្នកឆ្លងជំងឺកូវីដ ១៩ ប្រចាំថ្ងៃ នៅភ្នំពេញបានថយចុះ។ ក្នុងពេលចុះពិនិត្យទីតាំងចាក់វ៉ាក់សាំងជូនប្រជាពលរដ្ឋរស់នៅតំបន់ក្រហមស្ថិតក្នុងសង្កាត់បឹងសាឡាង នៃខណ្ឌទួលគោក កាលពីថ្ងៃទី៩ ខែឧសភា ឆ្នាំ២០២១ ឯកឧត្តម ឃួង ស្រេង អភិបាលរាជធានីភ្នំពេញ បានថ្លែងថា នៅពេលនេះ ក្រុមអ្នកបច្ចេកទេសដែលពាក់ព័ន្ធ កំពុងធ្វើការពិចារណា ដើម្បីបង្រួមការគ្រប់គ្រង និងបិទខ្ទប់តំបន់ក្រហមពីសង្កាត់ មកត្រឹមភូមិ និងពីកម្រិតភូមិ មកតាមខ្នងផ្ទះប្រជាពលរដ្ឋ។ ឯកឧត្តម បានបញ្ជាក់ថា ការពិចារណាបង្រួមនេះ ដោយសាររដ្ឋបាលរាជធានីភ្នំពេញ បានវាយតម្លៃអត្រាអ្នកឆ្លងជំងឺកូវីដ-១៩ ក្នុងរាជធានីភ្នំពេញបានថយចុះពីចន្លោះ៥០០នាក់ មកត្រឹម២០០នាក់ កាលពីថ្ងៃទី០៩ ខែឧសភា ឆ្នាំ២០២១៕អត្ថបទ ៖ ជា ធីរិទ្ធ

ទេយ្យវត្ថុរបស់អ្នកឧកញ៉ា ព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី ប្រគេនជូនវត្តទាំង២៤ក្នុងស្រុក៨ នៃខេត្តកំពង់ឆ្នាំង

កំពង់ឆ្នាំង៖ ឯកឧត្តម ឌី វីជ្ជា និងលោកជំទាវ ហ៊ុន ម៉ាណា បានអនុញ្ញាតអោយក្រុមការងារដឹកនាំដោយលោក ជិន ប៊ុនធឿន បាននាំយកទេយ្យវត្ថុរបស់អ្នកឧកញ៉ា ព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី មួយចំនួនធំមានជាស្បៀងអាហារ គ្រឿងឧបភោគ-បរិភោគជាច្រើនមុខយកទៅប្រគេនបណ្តាវត្តចំនួន ២៤ ក្នុងស្រុកចំនួន ០៨នៃខេត្តកំពង់ឆ្នាំង កាលពីថ្ងៃទី ០៨ និងទី០៩ ខែឧសភា ឆ្នាំ២០២១នេះ ។លោក ជិន ប៊ុនធឿន បាននាំនូវការផ្ដាំផ្ញើសួរសុខទុក្ខពីសំណាក់ឯកឧត្តម ឌី វីជ្ជា និងលោកជំទាវ ហ៊ុន ម៉ាណា ដល់ព្រះតេជគុណ ព្រះសង្ឃគ្រប់ព្រះអង្គទាំងអស់ដែលកំពុងទទួលរងផលប៉ះពាល់នូវការរីករាលដាលដោយសារជំងឺកូវីដ-១៩ ជាសាកលនាពេលនេះ។ ព្រោះក្នុងដំណាក់កាលនេះព្រះសង្ឃ មិនអាចបិណ្ឌបាត្រចង្ហាន់បាន និងប្រជាពុទ្ធបរិស័ទក៏មិនអាចយកចង្ហាន់មកប្រគេនដល់ព្រះសង្ឃដូចពេលមុនបានដែរ ទើបឯកឧត្តម និងលោកជំទាវបានគិតគូរអំពីទុក្ខលំបាករបស់ព្រះសង្ឃគ្រប់ព្រះអង្គតាមទីអារាមនានា ក្នុងប្រទេសកម្ពុជា។ ហើយការនាំយកទេយ្យវត្ថុមកប្រគេនជូននៅពេលនេះ អាចជួយសម្រាលនូវការលំបាករបស់ព្រះសង្ឃគ្រប់អង្គបានមួយរយៈផងដែរ ។ ម្យ៉ាងវិញទៀត លោក បានបន្ថែមថា ដើម្បីផ្តាច់ ឬសគល់នៃការចម្លងនៃជំងឺកូវីដ-១៩ចូលក្នុងសហគមន៍ យើងទាំងអស់គ្នាត្រូវចូលរួមអនុវត្តឱ្យបានខ្ជាប់ខ្ជួននូវវិធានសុខាភិបាល របស់រាជរដ្ឋាភិបាល ជាពិសេសរួមអនុវត្ត «៣ការពារ និង៣កុំ» ដើម្បីការពារខ្លួនយើង គ្រួសារយើង សង្គមជាតិយើង និងប្រជាជនយើង ។ក្នុងឱកាសនោះដែរ លោក ជិន ប៊ុនធឿន និងក្រុមការងារបានចែកជូនលោកយាយ លោកតាដែល បានអញ្ជើញចូលរួមក្នុងថ្ងៃនេះដោយម្នាក់ៗទទួលឃីដ មួយកញ្ចប់ ក្នុងនោះមានដូចជា ៖១-ថ្នាំដុះធ្មេញ ០១ប្រអប់ និងច្រាស់ដុះធ្មេញ ០១ដើម២-ជែលលាង ០១ កំប៉ុង៣-ខោអាវ ០១ សម្រាប់៤-ថ្នាំវីតាមីនសេ ០១ដប៥-សាប៊ូ ០១ដុំតូច និងព្រះសង្ឃ សាមណេ ចំនួន៤៩០អង្គក៏ទទួលបាន ស្លាដក ០១ ក្នុងមួយអង្គផងដែរ ។ទេយ្យវត្ថុក្នុងវត្តនីមួយៗទទួលបានរួមមាន ៖ ១-អង្ករចំនួន ០១តោន២-ត្រីខ ១កេស មាន ១០០ កំប៉ុង៣-មីចំនួន ១៨កេសតូច៤- ទឹកផ្លែឈើគ្រប់មុខចំនួន ១០កេស៥-ទឹកដោះគោខាប់ចំនួន ០២កេសធំ មាន ៩៦កំប៉ុង៦-កាហ្វេចំនួន ០៥កញ្ចប់ធំ មាន ២៥០កញ្ចប់៧-តែចំនួន ០២គីឡូក្រាម៨-ស្ករសចំនួន ០១បេ(មាន ២៥ គីឡូក្រាម)៩-អំបិលចំនួន ០១បេ(មាន១០គីឡូក្រាម)១០-ទឹកត្រីចំនួន ០៥យួរ មាន៣០ដប១១-ទឹកស៊ីអ៊ីវចំនួន ០៥យួរ មាន៣០ដប១២-ប៊ីចេងចំនួន ០១បេ(មាន២៥គីឡូក្រាម)១៣-ម៉ាស់ ២០ប្រអប់១៤-សាប៊ូ ៣០ដុំ១៥-ថ្នាំពេទ្យ ១កេស មាន ៨០ប្រអប់១៦-ថវិកា ២លានរៀល ដោយក្នុងស្រុកនីមួយៗមានវត្តចំនួន៖១-ស្រុកំពង់ត្រឡាចមានវត្តចំនួន ០៣២-ស្រុករលាប្អៀរមានវត្តចំនួន ០៣៣-សាមគ្គីមានជ័យមានវត្តចំនួន ០៣៥-ស្រុកជល់គីរីមានវត្តចំនួន ០៣៦-ស្រុកបរិបូរណ៍មានវត្តចំនួន ០៣៧-ស្រុកកំពង់លែងមានវត្តចំនួន ០៣៨-ស្រុកទឹកផុសមានវត្តចំនួន ០៣ ៕

ឯកឧត្តម ហ៊ុន ម៉ាណែត ទទួលអំណោយម៉ាស់សុខាភិបាល ពីសមាគមចំនួនបី សម្រាប់ទប់ស្កាត់ជំងឺកូវីដ-១៩

ភ្នំពេញ ៖ លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក បានទទួលអំណោយម៉ាស់សុខាភិបាលពីសមាគមខ្មែរ-ចិន នៅកម្ពុជា សមាគមត្រកូល លីម និងសមាគមសហព័ន្ធប្រជាជនចិននៅទីក្រុង ហ៊ូចូវ តាមរយៈនាយឧត្តមសេនីយ៍ មាស សុភា ទេសរដ្ឋមន្ត្រី ទទួលបន្ទុកបេសកកម្មពិសេសរបស់រាជរដ្ឋាភិបាល លើកិច្ចការមីន យុទ្ធភណ្ឌ មិនទាន់ផ្ទុះ និងវិស្វកម្ម នៃកងយោធពលខេមរភូមិន្ទ។ពិធីប្រគល់ និងទទួលបានធ្វើឡើងនៅស្នាក់ការសមាគមត្រកូល លីម មានទីតាំងខាងកើតស្ពានជ្រោយចង្វារ។ អំណោយរួមមាន ៖ ម៉ាស់ធម្មតាចំនួន ២៥០, ០០០ម៉ាស់ , ម៉ាស N95 ចំនួន ១០ ,០០០ម៉ាស់ និងនំសាកឺរាចំនួន ៦០កេស។ក្នុងនាមកងទ័ពជើងគោក លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក និងឧត្តមសេនីយ៍ មាស សុភា បានថ្លែងអំណរគុណចំពោះសមាគម ទាំង០៣ រួមមាន សមាគម ខ្មែរ-ចិន នៅកម្ពុជា សមាគមត្រកូល លីម និងសមាគម សហព័ន្ធប្រជាជនចិននៅទីក្រុង ហ៊ូចូវ។ ឧត្តមសេនីយ៍ឯក ហ៊ុន ម៉ាណែត បានបន្តទៀតថា អំណោយដ៏ថ្លៃថ្លានេះ ជាការចែករំលែកដ៏មានសារៈសំខាន់ ដើម្បីចូលរួមគាំទ្រដល់កងទ័ព ក្នុងការប្រយុទ្ធប្រឆាំងជំងឺឆ្លងរាតត្បាតកូវីដ-១៩ ៕

សម្តេចពញាចក្រី ហេង សំរិន ផ្តល់ស្បៀង និងថវិកា ដល់រាជធានីភ្នំពេញ សម្រាប់ចែកជូនពលរដ្ឋកំពុងអនុវត្តវិធានការទប់ស្កាត់ជំងឺកូវីដ-១៩

ភ្នំពេញ ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា បានផ្តល់អំណោយជាស្បៀងអាហារ មានអង្ករ គ្រឿងឧបភោគបរិភោគ រួមនិងថវិកា ដល់រដ្ឋបាលរាជធានីភ្នំពេញ សម្រាប់ចែកជូនប្រជាពលរដ្ឋដែលជួបការខ្វះខាត នៅក្នុងពេលកំពុងអនុវត្តវិធានការការពារទប់ស្កាត់ជំងឺកូវីដ-១៩ នាព្រឹកថ្ងៃទី៨ ខែឧសភា ឆ្នាំ២០២១នេះ។អំណោយសម្តេចដែលបានផ្តល់ជូនថ្នាក់ដឹកនាំរដ្ឋបាលរាជធានីភ្នំពេញនាពេលនេះ មានថវិកា២០លានរៀល អង្ករចំនួន ១១,២៤០គីឡូក្រាម រួមនឹងគ្រឿងឧបភោគបរិភោគជាច្រើនទៀតដូចជា ត្រីខកំប៉ុង មី រួមនិងសម្ភារៈអនាម័យ មានអាល់កុល សាប៊ូ ថ្នាំដុសធ្នេញជាដើម។ក្នុងឱសកាសនេះ សម្តេចប្រធានរដ្ឋសភា បានសម្តែងការសោកស្តាយនិងចូលរួមមរណទុក្ខចំពោះក្រុមគ្រួសារដែលមានសមាជិកបានស្លាប់បាត់បង់អាយុជីវិត ដោយសារជំងឺកូវីដ-១៩ និងបានជូនពរដល់ប្រជាពលរដ្ឋដែលកំពុងសម្រាកព្យាបាលជំងឺ នៅតាមមន្ទីរពេទ្យ និងមណ្ឌលព្យាបាល ទំាងអស់បានឆាប់ជាសះស្បើយក្នុងពេលឆាប់ៗនេះ ហើយបានវិលត្រឡប់ទៅជួបជុំក្រុមគ្រួសារវិញ។សម្តេចអគ្គមហាពញាចក្រី ហេង សំរិន បានបន្តអំពាវនាវដល់ប្រជាពលរដ្ឋអនុវត្តវិធានការរដ្ឋបាល និងសុខាភិបាល ឲ្យបានខ្ជាប់ខ្ជួនមិនគួរធ្វេសប្រហែសឡើយ ព្រោះថាជំងឺកូវីដ-១៩ នៅតែបង្កហានិភ័យខ្ពស់ ដដែលនៅកម្ពុជា ក៏ដូចជាពិភពលោកទំាងមូល បើទោះបី ពេលនេះ រាជរដ្ឋាភិបាលបានបញ្ចប់វិធានការបិទខ្ទប់នៅរាជធានីភ្នំពេញ និងក្រុងតាខ្មៅ ខេត្តកណ្តាលយ៉ាងណាក្តី។សម្តេច បានលើកទឹកចិត្តដល់ពលរដ្ឋ សូមអញ្ជើញទៅទទួលវ៉ាក់សំាងការពារជំងឺកូវីដ-១៩ ដែលរាជរដ្ឋាភិបាលផ្តល់ជូនដោយឥតគិតថ្លៃ ដើម្បីការពារខ្លួននិងបង្កើតភាពស៊ាំក្នុងសហគមន៍ ជាការការពារទប់ស្កាត់កុំឲ្យជំងឺដ៏កាចសាហាវនេះ យាយីសង្គមជាតិកាន់តែធ្ងន់ធ្ងរឡើង។ សម្តេច បានលើកឡើងថា ប្រទេសជាច្រើននៅលើពិភពលោកបានកំពុងជំរុញការចាក់វ៉ាក់សំាងដល់ប្រជាពលរដ្ឋរៀងៗខ្លួន ដើម្បីទប់ស្កាត់ជំងឺកូវីដ-១៩ និងដើម្បីឆាប់បានស្តារសង្គម និងសេដ្ឋកិច្ចប្រទេសជាតិពីវិបត្តិជំងឺរាតត្បាតនេះឡើងវិញ។ សម្តេចអគ្គមហាពញាចក្រី ហេង សំរិន បានថ្លែងអំណរគុណចំពោះរាជរដ្ឋាភិបាល អាជ្ញាធររាជធានីខេត្តទូទំាងប្រទេស កងកម្លំាងប្រដាប់អាវុធ ជាពិសេសក្រុមក្រុមគ្រូពេទ្យជួរមុខទំាងអស់ ដែលបានដាក់ចេញវិធានការបន្តបន្ទាប់ ហើយបានខិតខំទប់ស្កាត់ការពារ គ្រប់មធ្យោបាយបានទាន់ពេលវេលាប្រកបដោយស្មារតីទទួលខុសត្រូវចំពោះសុខុមាលភាពប្រជាពលរដ្ឋ ដោយមិនគិតពីពេលវេលានិងការនឿយហត់នោះឡើយ។ សម្តេចបានបានកោតសរសើរផងដែរ ដល់សកម្មភាពមនុស្សធម៌នានា ដែលបានកើតឡើងយ៉ាងផុលផុសនៅគ្រប់កន្លែង គ្រប់តំបន់ ដើម្បីជួយគ្នាទៅវិញទៅមកនៅគ្រាលំបាកនេះ ដែលជាវប្បធម៌និងប្រពៃណីដ៏ថ្លៃថ្នា ក្នុងសង្គមកម្ពុជាតំាងពីដើមមក។ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ ដែលបានដឹកនាំគណៈប្រតិភូរដ្ឋបាលរាជធានីភ្នំពេញ ទទួលអំណោយដ៏ថ្លៃថ្លារបស់សម្តេចប្រធានរដ្ឋសភា នាឱកាសនេះ បានថ្លែងអំណរគុណយ៉ាងជ្រាលជ្រៅជូនសម្តេច និងសម្តេច ធម្មវិសុទ្ធវង្សា សៅ ទី ហេង សំរិន ដែលជានិច្ចកាលសម្តេចទំាងទ្វេបានយកចិត្តទុកដាក់ដល់សុខទុក្ខនិងជីវភាពប្រជាពលរដ្ឋនៅគ្រប់កាលៈទេសៈនិងតំាងពីដើមមក។ឯកឧត្តមអភិបាល បានបញ្ជាក់ថា អំណោយទាំងអស់នេះ រដ្ឋបាលរាជធានីភ្នំពេញ នឹងយកទៅចែកជូនប្រជាពលរដ្ឋ ដែលមានជីវភាពខ្វះខាតនៅក្នុងអំឡុងពេល នៃការផ្ទុះរាលដាលជំងឺកូវីដ១៩ ក្នុងព្រឹត្តិការណ៍ "សហគមន៍ ២០កុម្ភៈ" នៅរាជធានីភ្នំពេញ៕

សម្ដេចតេជោ សំណូមពរជាថ្មីដល់ម្ចាស់ផ្ទះជួល អគ្គិសនី និងរដ្ឋករទឹក ផ្អាកយកថ្លៃឈ្នួល និងតម្លៃទឹកភ្លើងពីកម្មករ កម្មការិនី ក្នុងតំបន់បិទខ្ទប់

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី បានអំពាវនាវជាថ្មីដល់ម្ចាស់ផ្ទះជួលទាំងឡាយសូមបញ្ចេញកាយវិកាមនុស្សធម៌ សម្រាប់កម្មករ កម្មការិនីនៅតំបន់ក្រហម និងតំបន់បិទខ្ទប់ អំពីតម្លៃឈ្នួលផ្ទះ ខណៈថៅកែរោងចក្រមិនទាន់បើកលុយអោយផង។ សម្ដេច ក៏បានអំពាវនាវអោយរដ្ឋករទឹកស្វយ័ត និងអគ្គិសនីកម្ពុជា បញ្ចេញនូវកាយវិកាមនុស្សធម៌ចំពោះកម្មករ កម្មការិនីដែលបានប្រើប្រាស់ទឹកភ្លើងនៅក្នុងតំបន់បិទខ្ទប់ និងតំបន់ក្រហម។ជាមួយនេះ សម្កេច ក៏សូមម្ចាស់រោងចក្រកុំបំភ័យកម្មករដែលថាមិនទាន់បានចាក់វ៉ាក់សាំង មិនអោយចូលធ្វើការនោះ ពេលវេលានេះ មិនមែនជាពេលវេលាដែលត្រូវយកវ៉ាក់សាំងមកធ្វើសមភាព សមធម៌ ហើយធ្វើជាលក្ខខណ្ឌ ដើម្បីដោះស្រាយការងារធ្វើនោះទេ រង់ចាំទីក្រុងភ្នំពេញ និងខេត្តកណ្ដាល ឬប្រទេសទាំងមូល បានចាក់វ៉ាក់សាំងរួចរាល់ហើយ អ្នកដែលបដិសេធមិនចាក់វ៉ាក់សាំង អ្នកនោះច្បាស់ណាស់ នឹងអស់ការងារធ្វើ ឬរកការងារធ្វើមិនបាន ដោយសារតែការជឿការឃោសនាអកុសលពីមនុស្សមួយចំនួន ដែលថាចាក់វ៉ាក់សាំងហើយស្លាប់ ឬកើតជំងឺនេះ ឬជម្ងឺនោះ ។ដូច្នេះសម្តេច បានអំពាវនាវចំពោះបងប្អូនទាំងអស់មេត្តាយោគយល់ចំពោះសភាពការណ៍ទាំងឡាយ ហើយអ្នកដែលមានលទ្ធភាពហើយ សូមកុំមកដណ្ដើមយកជំនួយដែលអ្នកត្រូវការជួយកំពុងតែទាមទារឲ្យជួយក្នុងពេលដែលយើងមានជំនួយ មិនគ្រប់គ្រាន់ហើយបែរជាមានការទាមទារសមធម៌ ដែលនេះ ជាការគួរឲ្យខ្មាស់អៀនសម្រាប់អ្នកដែលមាន លទ្ធភាព។ទោះជាកន្លងទៅ មានម្ចាស់ផ្ទះជួលមួយចំនួនសម្រេចមិនយកថ្លៃជួលផ្ទះពីកម្មករ កម្មការិនី ក្នុងរយៈពេលមួយ ឬក៏បានបញ្ចុះ ថ្លៃនិងមានមួយចំនួនទៀតឱ្យប្រើប្រាស់រហូតដល់រយៈពេលវែងដែលសម្ដេច បានធ្វើលិខិត ថ្លែងអំណរគុណរួចហើយនោះ ប៉ុន្តែក៏នៅមានសេសសល់បងប្អូនមួយចំនួន ដែលខ្វះការយោគយល់និងបង្កើតឲ្យមានបញ្ហាឡើងដែលម្សិលមិញបានប្រញាប់ប្រញាល់ធ្វើការដោះស្រាយនៅទីកន្លែងនោះ។ដូច្នេះ សម្តេច បានសំណូមពរជាថ្មី សូមអោយម្ចាស់ផ្ទះជួលមានការយោគយល់អោយផ្អាកមួយរយៈសិន ឬបញ្ចុះថ្លៃ ឬលើកលែង រយ:ពេលខ្លះ សម្រាប់កម្មករកម្មការិនី នៅតំបន់បិទខ្ទប់ ឬតំបន់ក្រហម ពិតណាស់ម្ចាស់ផ្ទះជួល ឬ ផ្ទះសំណាក់ខ្លះ មានការលំបាកដូចគ្នាដោយខ្ចីលុយពីធនាគារមកសាងសង់ ប៉ុន្តែសង្ឃឹមថា ម្ចាស់ផ្ទះជួលទាំងអស់ នឹងអាចយល់បាននូវការលំបាករបស់កម្មករ កម្មការិនី ហើយស្ថានភាពនេះ មិនមែនគ្រាន់តែនៅទីក្រុងភ្នំពេញទេ បើអាចធ្វើបានសុំធ្វើនៅគ្រប់ទីកន្លែងទាំងអស់៕អត្ថបទ មុត សុទ្ធ

បណ្ដាញសង្គម

ព័ត៌មានថ្មីៗ

មន្ត្រី៖ មានឱកាសខ្ពស់ ដែលកម្មករជាប់ក្នុងរោងចក្រវារីអគ្គិសនីរបស់នេប៉ាល់ នៅមានជីវិត

អេស្តូនីជ្រើសរើសមន្ត្រីទទួលពាក្យបណ្ដឹងពលរដ្ឋ លោកស្រី Madise ជាប្រធានាធិបតីបន្ទាប់របស់ប្រទេស

លោក Tusk ព្រមានថា ប៉ុន្មនានខែខាងមុខ អាចសម្រេចអនាគតរបស់អ៊ុយក្រែន និងសន្តិសុខរបស់អឺរ៉ុប

មនុស្ស ១០នាក់បាត់ខ្លួន ខណៈនាវាដឹកទំនិញទួរគីលិច បន្ទាប់ពីបុកគ្នានៅឆ្នេរសមុទ្រក្បែរទីក្រុងអ៊ីស្តង់ ប៊ុល

រដ្ឋមន្ត្រីការបរទេស៖ ក្រសួងការបរទេសអាល្លឺម៉ង់កោះអញ្ជើញបេសកជនរុស្ស៊ីជុំវិញឧប្បត្តិហេតុដ្រូននៅទីក្រុង Leipzig

សារព័ត៌មាន៖ អ៊ីស្រាអែលនឹងវាយប្រហារទីតាំងនុយក្លេអ៊ែររបស់អ៊ីរ៉ង់ ប្រសិនបើទីក្រុងតេអេរ៉ង់បង្កើនភាពតានតឹង

លោក Putin បញ្ជាក់ថា រុស្ស៊ីកំពុងជោគជ័យ នៅសមរភូមិ ហើយនឹងមិនចរចាជាមួយ «ភេរវករ» ទេ

របាយការណ៍៖ ការរីកចម្រើនមីស៊ីលរបស់អ៊ីរ៉ង់ធ្វើឲ្យមូលដ្ឋានទ័ពអាមេរិកនៅទូទាំងមជ្ឈិមបូព៌ា ស្ថិតនៅក្រោមសម្ពាធកាន់តែខ្លាំងឡើង

លោក Trump បញ្ជាក់ថា មិនបង្ខំអ៊ីរ៉ង់ឱ្យចូលតុចរចា និងអំពាវនាវឱ្យប្រជាជនអ៊ីរ៉ង់ «ក្រោកតស៊ូ»

ក្រសួងអធិការកិច្ច បង្ហាញសមិទ្ធផលក្នុងនីតិកាលទី៧ នៃរដ្ឋសភា គិតត្រឹមឆមាសទី១ ឆ្នាំ២០២៦ ដោយបានចុះធ្វើអធិការកិច្ច ២,៨០៧ អង្គភាព និងដោះស្រាយបណ្តឹងបញ្ចប់ ១៨៨ ករណី ក្នុងឱកាសជួបពិភាក្សាការងារជាមួយគណៈកម្មការទី១ នៃរដ្ឋសភា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ពលរដ្ឋរងគ្រោះដោយខ្យល់កន្ត្រាក់១១គ្រួសារ នៅស្រុកមុខកំពូល ទទួលបានអំណោយពីកាកបាទក្រហម

អគ្គលេខាធិការព្រឹទ្ធសភា អំពាវនាវដល់ពលរដ្ឋរស់នៅខណ្ឌជ្រោយចង្វាឲ្យមានការអត់ធ្មត់ខ្ពស់

នគរបាលវៀតណាមផ្តល់សម្ភារៈ និងថវិកាមួយចំនួនសម្រាប់ប្រយុទ្ធប្រឆាំងកូវីដ១៩ ដល់នគរបាលកម្ពុជា

រដ្ឋបាលរាជធានីភ្នំពេញ កំពុងពិចារណាបង្រួមតំបន់ក្រហមពីកម្រិតភូមិទៅតាមខ្នងផ្ទះនីមួយៗនៃភូមិ

ឯកឧត្តម ហ៊ុន ម៉ាណែត ទទួលអំណោយម៉ាស់សុខាភិបាល ពីសមាគមចំនួនបី សម្រាប់ទប់ស្កាត់ជំងឺកូវីដ-១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ពលរដ្ឋ​រងគ្រោះ​ដោយ​ខ្យល់​កន្ត្រាក់​១១​គ្រួសារ នៅ​ស្រុក​មុខកំពូល ​ទទួលបាន​អំណោយ​ពី​កាក​បាទក្រហម

អគ្គលេខាធិការ​ព្រឹទ្ធសភា ​អំពាវនាវ​ដល់​ពលរដ្ឋ​រស់នៅ​ខណ្ឌ​ជ្រោយចង្វា​ឲ្យ​មានការ​អត់ធ្មត់​ខ្ពស់​

ឯកឧត្តម ​ហ៊ុន ម៉ា​ណែ​ត ទទួល​អំណោយម៉ាស់​សុខាភិបាល ​ពី​សមាគម​​ចំនួន​បី​ សម្រាប់​ទប់ស្កាត់​ជំងឺ​កូ​វីដ​-១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ពលរដ្ឋរងគ្រោះដោយខ្យល់កន្ត្រាក់១១គ្រួសារ នៅស្រុកមុខកំពូល ទទួលបានអំណោយពីកាកបាទក្រហម

អគ្គលេខាធិការព្រឹទ្ធសភា អំពាវនាវដល់ពលរដ្ឋរស់នៅខណ្ឌជ្រោយចង្វាឲ្យមានការអត់ធ្មត់ខ្ពស់

ឯកឧត្តម ហ៊ុន ម៉ាណែត ទទួលអំណោយម៉ាស់សុខាភិបាល ពីសមាគមចំនួនបី សម្រាប់ទប់ស្កាត់ជំងឺកូវីដ-១៩