BTV NEWS

សម្តេចតេជោ ហ៊ុន សែន ជួបពិភាក្សាការងារតាមប្រព័ន្ធវីដេអូជាមួយប្រធានរដ្ឋសភា អាស៊ែបៃហ្សង់

គណៈប្រតិភូនៃសន្និសីទប្រធានសភានៃអន្តរសភា វាយតម្លៃខ្ពស់ចំពោះជោគជ័យនៃ «សន្និសីទប្រធានសភានៃអន្តរសភា លើកទី២» នៅកម្ពុជា

ប្រធានរដ្ឋសភាម៉ាឡេស៊ី ប្ដេជ្ញាបន្តលើកកម្ពស់កិច្ចសហប្រតិបត្តិការទ្វេភាគីជាមួយកម្ពុជាឱ្យកាន់តែរីកចម្រើន និងរឹងមាំ

ព្រីតថេន នឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

ពលរដ្ឋចំនួន៥០គ្រួសារ នៅក្នុងឃុំសាមឃួយ និងឃំកំភុន បានទទួលអំណោយពីព្រះសង្ឃ និងអាជ្ញាធរស្រុកសេសាន

ស្ទឹងត្រែង ៖ ព្រះសង្ឃ និងអាជ្ញាធរស្រុកសេសាន ចុះចែកអំណោយ ជូនដល់ប្រជាពលរដ្ឋ ជាចាស់ ទីទាល់ក្រចំនួន ៥០គ្រួសារ កាលពីថ្ងៃទី២២ខែមេសា ម្សិលមិញនេះ ។សូមបញ្ជាក់ថា លោកតា លោកយាយ ដែលមានជីវភាពលំបាក ទីទាល់ក្រនៅឃុំសាមឃួយ និងកំភុន ចំនួន៥០គ្រួសារ ត្រូវបានព្រះសង្ឃនិមន្តមកពីតាមបណ្ដាលវត្ត ដូចជា វត្តកំភុន វត្តបាដើម វត្តញើន និងវត្តសេសាន បានប្រមូលបច្ច័យសរុបរួម មានអង្ករ ១តោន ១២៥ គក មី ៥០ កេះ ប្រាក់ចំនួន១,៥០០,០០០ រៀលបានផ្ដល់តាមគ្រួសារនីមួយដល់ខ្នងផ្ទះ។លោក សុវណ្ណ ពិសេដ្ឋ អភិបាលស្រុកសេសាន បានឲ្យដឹងថា នៅក្នុងភូមិសាស្ត្រមួយចំនួន មានពលរដ្ឋខ្លះមានជីវភាពក្រលំបាកទីទាល់ក្រ អាជ្ញាធរស្រុកក៏បានគៀងគរដោយមានការចូលរួមពីព្រះសង្ឃតាមបណ្ដាលវត្តមួយចំនួន បានចូលរួមជាអង្ករ មី បច្ច័យ និងសម្ភារៈផ្សេងៗ យកផ្ដល់ជូន គ្រួសារលោកតា លោកយាយ ចំនួន៥០គ្រួសារដល់លំនៅឋាន។លោកអភិបាលស្រុក បន្ដថា ការផ្ដល់អំណោយជូនដល់គ្រួសារជួបការលំបាកនេះ ដោយទានទាំងអស់នេះ បានចែកជូនដល់គ្រួសារនីមួយ ទទួលបានអង្ករ២០គីឡូក្រាម មី១កេះ និងថវិកាគ្រួសារខ្លះទទួលបាន២០០០០រៀល និងខ្លះ៣០០០០រៀល។ក្នុងឱកាសនោះ ព្រះអង្ឃ និងអាជ្ញាធរ ក៏បានផ្ដាំផ្ញើប្រជាពលរដ្ឋ ឲ្យចូលរួមថែរក្សាអនាម័យ និងអនុវត្តតាមវិធានរបស់ក្រសួងសុខាភិបាល និងគោរពតាមអនុសាសន៍ដ៏ថ្លៃថ្លារបស់ប្រមុខរាជរដ្ឋាភិបាល គឺ៣ការពារ និង៣កុំ ឲ្យបានខ្ជាប់ខ្ជួន៕អត្ថបទ ៖ មាស ផល្លា

មន្រ្តីជំនាញមន្ទីរធនធានទឹក ជំរុញឲ្យការសាងសង់អាងទំនប់បង្ហៀរទឹករំចេក ធ្វើយ៉ាងណាឲ្យមានគុណភាពរឹងមាំ ឆាប់រួចក្នុងឆ្នាំ២០២១

ឧត្តរមានជ័យ ៖ លោក ញឺន កួន ប្រធានមន្ទីរធនធានទឹក នឹងឧតុនិយមខេត្តឧត្តរមានជ័យ បានជំរុញដល់មន្រ្តីក្រោមឱវាទទាំងអស់ នៃមន្ទីរធនធានទឹក នឹងឧតុនិយមខេត្ត ដែលកំពុងធ្វើ សាងសង់ អាងទំនប់បង្ហៀរទឹករំចេក មានទីតាំងស្ថិតនៅភូមិរំចេក ខាងលិច ឃុំអន្លង់វែង ខេត្តឧត្តរមានជ័យ ធ្វើយ៉ាងណាត្រូវពន្លឿនការសាងសង់អាងទំនប់បង្ហៀរទឹកមួយនេះ ឲ្យបានឆាប់រហ័ស នឹងមានគុណភាពរឹងមាំល្អ ដើម្បីជាប្រយោជន៍ជួយដល់ពលរដ្ឋដែលរស់នៅតំបន់នេះបានប្រភពទឹកប្រើប្រាស់ទាំងប្រាំង នឹងវស្សាសំរាប់ធ្វើការស្រោចស្រោពផលដំណាំកសិកម្មផងដែរ។លោកញឹន កួន បានបន្តឲ្យដឹងថា អាងទំនប់បង្ហៀរទឹករំចេក មានទទឹង៦ម៉ែត្របណ្តោយ ៦០ម៉ែត្រ អាចជួយផ្តល់ប្រភពទឹកដល់ពលរដ្ឋធ្វើកសិកម្មក្នុងភូមិរំចេកខាងលិចបានចំនួនជាង៤០០គ្រួសារ ក្នុងឃុំអន្លង់វែង ដោយកន្លងមកទំបន់នេះ នៅរដូវប្រាំងក៏ដូចជារដូវវស្សាប្រជាកសិកររស់នៅតំបន់នេះ មានការលំបាកខ្វះខាតប្រភពទឹកសំរាប់ធ្វើកសិកម្ម នឹងប្រើប្រាស់ស្រោចស្រោពផលដំណាំផ្សេងៗ។លោកបន្តថា មើលឃើញពីការលំបាកខ្វះខាតដូច្នេះហើយ ទើបឯកឧត្តមទេសរដ្ឋមន្រ្តី លឹមគានហោ រដ្ឋមន្រ្តីក្រសួងធនធានទឹក នឹងឧតុនិយម បានឲ្យក្រុមការងារ ជំនាញពិនិត្យធ្វើការសិក្សាដើម្បីធ្វើការសាងសងអាងទំនប់ទឹករំចេកនេះឡើងវិញ ដើម្បីជាប្រយោជន៍ជួយសម្រួលរាល់ការលំបាកផ្សេងៗ របស់ប្រជាពលរដ្ឋ ដែលរស់នៅតំបន់នោះ បានមានប្រភពទឹកសំរាប់ប្រកបការងារកសិកម្មប្រចាំថ្ងៃផងដែរ។កត្ដាទាំងអស់នេះហើយ គឺជាការយកចិត្តទុកដាក់ខ្ពស់របស់ថ្នាក់ដឹកនាំខេត្តក៏ដូចជាថ្នាក់ដឹកនាំក្រសួង ក្នុងការជួយសម្រាលដល់ការលំបាកនានារបស់ប្រជាពលរដ្ឋ នៅតំបនដាច់ស្រយាល ដើម្បីបានធ្វើកសិកម្មដោយមានប្រភពទឹកប្រើប្រាស់ស្រោចស្រោពគ្រប់គ្រាន់ក្នុងការធ្វើស្រែចំការ ដាំដំណាំ ក្នុងការលើកម្ពស់ជីវភាពកសិករនៅតំបន់នោះឲ្យមានភាពល្អប្រសើរឡើងផងដែរ៕អត្ថបទ ៖ ឃិនសារិទ្ធ

អគ្គនាយកនៃបុរីហ្គោលដិនផាក ឧបត្ថម្ភថវិកា៥ម៉ឺនដុល្លារ ជូនដល់ក្រុមគ្រូពេទ្យ (TYDA) ក្នុងការចូលរួមប្រយុទ្ធប្រឆាំងជំងឺកូវីដ-១៩

ភ្នំពេញ ៖ លោកឧកញ៉ា តេង ហឿង ប្រធានអគ្គនាយកនៃបុរីហ្គោលដិនផាក និងលោកជំទាវ លឹម ឡាន ឧបត្ថម្ភថវិកា៥ម៉ឺនដុល្លារជូនដល់ក្រុមគ្រូពេទ្យស្ម័គ្រចិត្តយវជនសម្តេចតេជោ (TYDA) ក្នុងការចូលរួមប្រយុទ្ធប្រឆាំងជំងឺកូវីដ-១៩។សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) សូមថ្លែងអំណរគុណដល់សប្បុរសជនដែលបានចូលរួមសកម្មភាពមនុស្សធម៌ជាមួយសមាគមគ្រូពេទ្យស្ម័គ្រចិត្តយុវជនសម្តេតេជោ (TYDA) តាមរយៈការឧបត្ថម្ភថវិកា សម្ភារៈ ដើម្បីផ្តល់លទ្ធភាពឱ្យសមាគមបំពេញបេសកកម្មមនុស្សធម៌សម្រាប់ជាតិ និងមាតុភូមិ។ការចូលរួមនេះ គឺជាទឹកចិត្តនិងសប្បុរសធម៌ជួយគ្នានៅក្នុងគ្រាដែលប្រទេសជាតិកំពុងជួបគ្រោះអាសន្នដោយសារការរីករាលដាលនៃជំងឺកូវីដ-១៩ ខណ:ពេលបច្ចុប្បន្នដែលថ្នាក់ដឹកនាំ និងក្រុមការងារសមាគមគ្រូពេទ្យស្ម័គ្រចិត្តយុវជនសម្តេចតេជោ(TYDA) និងយុវជនស្ម័គ្រចិត្តប្រឆាំងកូវីដ-១៩ កំពុងបំពេញភារកិច្ចយ៉ាងសកម្មដើម្បីជាតិ និងប្រជាជនស្របពេលដែលប្រទេសកម្ពុជា មានការរីករាលដាលជំងឺកូវីដ-១៩ នៅក្នុងសហគមន៍ មានសព្វដោយសុគន្ធជាច្រើនបានចូលរួឧបត្ថម្ភថវិកា សម្ភារៈ ជូនដល់សមាគមTYDA ដើម្បីរួមចំណែកជាមួយសកម្មភាពមនុស្សធម៌ដើម្បីជាតិនិងប្រជាជន។សូមបញ្ជាក់ថា គិតត្រឹមថ្ងៃទី២២ ខែមេសា ឆ្នាំ២០២១នេះ ខណ:ដែលចំនួនអ្នកកើតជំងឺកូវីដ-១៩ កាន់តែមានចំនួនកើនឡើង មានសប្បុរសជនជាច្រើនបានចូលរួមឧបត្ថម្ភជាថវិកា ភេសជ្ជៈ អាហារ និងសម្ភារៈជូនដល់ក្រុមគ្រូពេទ្យស្ម័គ្រចិត្តយវជនសម្តេចតេជោ(TYDA) ដែលចូលរួមប្រយុទ្ធប្រឆាំងជំងឺកូវីដ-១៩ ដើម្បីជាការលើកទឹកចិត្តចំពោះកិច្ចខិតខំ ប្រឹងប្រែងចូលរួមក្នុងការទប់ស្កាត់ជំងឺកូវីដ-១៩កន្លងមក ៕

កងពលតូចលេខ៧០ ចាប់ផ្តើមចាក់វ៉ាក់សាំងការពារជំងឺកូវីដ-១៩ ដូសទី២ ជូនគ្រួសារយោធិន

ភ្នំពេញ ៖ នៅព្រឹកថ្ងៃទី២២ ខែមេសា ឆ្នាំ២០២១ កងពលតូចលេខ៧០ បានចាប់ផ្តើមចាក់វ៉ាក់សាំងការពារជំងឺកូវីដ-១៩ (ស៊ីណូហ្វាម)ដូសទី២ ជូនគ្រួសារយោធិននៅតាមបណ្តាខណ្ឌនៅក្នុងរាជធានីភ្នំពេញ។ក្នុងឱកាសនោះ ឃើញមានវត្ដមាន ឧត្តមសេនីយ៍ឯក ម៉ៅ សុផាន់ មេបញ្ជាការកងពលតូចលេខ៧០ បានអញ្ជើញចុះត្រួតពិនិត្យទីតាំងចាក់វ៉ាក់សាំងការពារជំងឺកូវីត-១៩ នៅតាមបណ្តាខណ្ឌ ដូចជា ៖១,ទីបញ្ជាការកងពលតូចលេខ៧០(ចោមចៅ) ២,ខណ្ឌចំការមន សាលាបឋមសិក្សាអ្នកឧកញ៉ាមហាភក្តី ហ៊ុន នាង ទួលទំពួងទី២ ៣, ខណ្ឌ៧មករា សាលាបឋមសិក្សាវឌ្ឍនវិជ្ជា ៤, ខណ្ឌទួលគោក សាលាមត្តេយ្យទួលគោក ៥, ខណ្ឌបឹងកេងកង វិទ្យាល័យជាស៊ីមបឹងកេងកង ៦, ខណ្ឌឬស្សីកែវ សាលបឋមសិក្សាច្រាំងចម្រេះ និង៧, ខណ្ឌមានជ័យ សាលាអន្តរជាតិ ACE ផ្លូវជាតិលេខ២ ។សូមជម្រាបថា ការចាក់ថ្នាំការពារជំងឺកូវីដ-១៩(ដូសទី២) ជូនគ្រួសារយោធិននេះ ចាប់ពីថ្ងៃទី២២ រហូតដល់ថ្ងៃទី២៨ ខែមេសា ឆ្នាំ២០២១ ។ ការចាក់វ៉ាក់សាំងការពារជំងឺកូវីដ-១៩ ទាំង ០៧ទីតាំងខាងលើនេះ ក្នុងគ្រា ដែល ប្រទេស កម្ពុជាបានបិទខ្ទប់ ភូមិសាស្រ្តរាជធានីភ្នំពេញ និងខេត្តកណ្តាល៕

អ្នកនាំពាក្យសាលារាជធានី បញ្ជាក់ថា ផ្សារចំនួន១៥ហើយ ត្រូវបានផ្អាកដំណើរការជាបណ្ដោះអាសន្នរហូតដល់ថ្ងៃនេះ

ភ្នំពេញ៖ អ្នកនាំពាក្យសាលារាជធានីភ្នំពេញ លោក ម៉េត មាសភក្ដី បានឱ្យដឹងថា រហូតមកដល់ថ្ងៃនេះ ផ្សារចំនួន ១៥ហើយនៅទូទាំងរាជធានីភ្នំពេញ ត្រូវបានបិទជាបន្តបន្ទាប់ ដើម្បីទប់ស្កាត់ការឆ្លងរីករាលដាលនៃមេរោគកូវីដ១៩។អ្នកនាំពាក្យសាលារាជធានីភ្នំពេញរូបនេះ បានបញ្ជាក់ដូច្នេះនៅលើហ្វេសប៊ុករបស់លោកនៅរសៀលថ្ងៃនេះ។បើតាមលោក ម៉េត មាសភក្ដី ផ្សារទាំង ១៥នោះ ត្រូវបានបិទផ្អាកដំណើរការជាបណ្ដោះអាសន្នជាបន្តបន្ទាប់នៅក្នុងភូមិសាស្ត្ររាជធានីអំឡុងពេលអនុវត្តវិធានការបិទខ្ទប់ភូមិសាស្ត្រមួយនេះ។ការផ្អាកជាបណ្ដោះអាសន្ននូវដំណើរការផ្សារទាំងអស់នេះ បានកើតឡើងបន្ទាប់ពីការឆ្លងរីករាលដាលនៃមេរោគកូវីដ១៩ បានផ្ទុះឡើងខ្លាំងនៅរាជធានីភ្នំពេញក្នុងរយៈពេលប៉ុន្មានសប្ដាហ៍ចុងក្រោយមកនេះ៕

អាជ្ញាធរស្រុកគិរីសាគរ ហាមប្រាមដល់អ្នកនេសាទ១៤នាក់ ឡើងលើគោកដាច់ខាត

កោះកុង ៖ អាជ្ញាធរ មន្រ្តីសុខាភិបាល និងកម្លាំងសមត្ថកិច្ចស្រុកគិរីសាគរ ខេត្តកោះកុង បានហាមប្រាមដាច់ខាតចំពោះក្រុមអ្នកនេសាទចំនួន១៤នាក់ ឡើងលើភូមិកោះស្តេច គ្រាពួកគេត្រូវបានដាក់ការសង្ស័យទើបតែមកពីប្រទេសថៃ។ទូកចំនួន២គ្រឿង និងអ្នកនេសាទចំនួន១៤នាក់ កំពុងដាក់សង្ស័យថា ពួកគេបានធ្វើដំណើរតាមព្រំដែនផ្លូវទឹកមកពីប្រទេសថៃ កាលពីម៉ោង៧ព្រឹកថ្ងៃទី២១ មេសានេះ ទោះបីជាជាពលរដ្ឋរស់នៅក្នុងភូមិស្តេចកោះក៏ដោយ ប៉ុន្តែអាជ្ញាធរសមត្ថកិច្ចតម្រូវអនុវត្តសុខាភិបាលទប់ស្កាត់ជំងឺកូវីដឆ្លងចូលសហគមន៍។លោក ចេង មុនីរិទ្ធិ អភិបាលស្រុកគិរីសាគរ បានឱ្យដឹងនៅរសៀលថ្ងៃទី២២ ខែមេសា ២០២១ នេះថា មកទល់ម៉ោងនេះ អាជ្ញាធររបស់លោកដឹកនាំដោយលោក ទួន ឪទី អភិបាលរងស្រុកបញ្ជាប្រាប់ពួកគេចតទូកមុខកោះស្តេចបណ្តោះអាសន្ន មិនឱ្យចូលចំណតកំពុងផែឡើងលើគោកដាច់ខាត។ ពោលគឺរង់ចាំថ្ងៃស្អែក មានក្រុមការងារខេត្តចុះមកយកសំណាកធ្វើតេស្តរកវីរុសកូវីឌ១៩៕

អាជ្ញាធរជាតិអប្សរា សហការជាមួយប្រទេសអាល្លឺម៉ង់ ជួសជុល និងអភិរក្សក្បាច់ចម្លាក់នៅកំពូលប្រាសាទអង្គរវត្ត

សៀមរាប ៖ អាជ្ញាធរជាតិអប្សរា ទទួលបន្ទុកដោយនាយកដ្ឋានអភិរក្សប្រាសាទក្រៅឧទ្យានអង្គរ និងបុរាណវិទ្យាបង្ការ ក្រោមកិច្ចសហប្រតិបត្តិការជាមួយស្ថាប័ន GARCP (German Apsara Restoration Conservation Project) ប្រទេសអាល្លឺម៉ង់ ជួសជុល អភិរក្សក្បាច់ចម្លាក់នៅជ្រុងខាងជើងឈៀងខាងកើត រួតទី២នៃកំពូលប្រាសាទអង្គរវត្ត និងសង្គ្រោះបន្ទាន់នូវផ្នែកមួយចំនួនទៀតរបស់ប្រាសាទនេះ។ការជួសជុលអភិរក្សក្បាច់ចម្លាក់នៅកំពូលប្រាសាទអង្គរវត្តនេះ បានចាប់ផ្តើមតាំងពីពាក់កណ្តាលឆ្នាំ២០១៩ មកដល់ពេលបច្ចប្បន្ន អនុវត្តបានប្រមាណ៤០ភាគរយ និងគ្រោងបញ្ចប់នៅពាក់កណ្ដាលឆ្នាំ២០២៣ខាងមុខ៕

មិត្តចិន ផ្ដល់វ៉ាក់សាំងការពារជំងឺអុតក្ដាមគោក្របីចំនួន១០ ម៉ឺនកម្រិត ដល់កម្ពុជា

ភ្នំពេញ ៖ ប្រទេសចិន កាលពីថ្ងៃទី២១ ខែមេសា ម្សិលមិញនេះ បានផ្ដល់វ៉ាក់សាំង អុតក្ដាមចំនួន 10 ម៉ឺនកម្រិតដល់កម្ពុជាដើម្បីការពារការឆ្លង រាលដាលនៃជម្ងឺអុតក្ដាមលើគោក្របីនៅកម្ពុជា ។វ៉ាក់សាំងនេះ បានដឹកជញ្ជូនតាមជើងយន្តហោះចេញពីអាកាសយាន្តដ្ឋានអន្តរជាតិឡានស៊ូ ស៊ុងចួន ប្រទេសចិនមកដល់អាកាសយានដ្ឋានអន្តរជាតិភ្នំពេញ នៅថ្ងៃដដែលនេះ យកមករក្សាទុកនៅអគ្គនាយកដ្ឋានសុខភាពសត្វ និងផលិតកម្មសត្វ។វ៉ាក់សាំងនេះ បានផលិតដោយក្រុមហ៊ុនចិនឈ្មោះក្រុមហ៊ុនបច្ចេកវិទ្យាកសិកម្មនិងបសុជីវវិទ្យា មានទីតាំងនៅឡានស៊ូ ចាប់ផ្ដើមផលិតវ៉ាក់សាំងនេះ ចាប់តាំងពីថ្ងៃទី១ ខែមីនា ឆ្នាំ ២០២១ មក។អាជ្ញាធរចិនបានធ្វើតេស្តនិងធានាអំពីប្រសិទ្ធភាព និងសុវត្ថិភាពរបស់វ៉ាក់សាំងនេះរួចហើយ។សូមបញ្ជាក់ផងដែរថា ការផ្ដល់វ៉ាក់សាំងអុតក្ដាមនេះ គឺផ្នែកមួយនៃកម្មវិធី ផ្ដល់វ៉ាក់សាំងជាជំនួយឥតសំណង របស់ភាគីមិត្តចិន ក្នុងបរិមាណសរុបមក 20 ម៉ឺនកម្រិត កាលពីថ្ងៃទី 12 ខែមករា ឆ្នាំ២០២១កន្លងមក កម្ពុជាបានទទួលវ៉ាក់សាំងសារទឹក សម្រាប់ចាក់ការពារជំងឺសារទឹកគោក្របី ចំនួន១០ម៉ឺនកម្រិតដែរ។លទ្ធផលខាងលើជាការឆ្លើយតប ទៅនឹងសំណើរសុំការគាំទ្រពីក្រសួងកសិកម្មរុក្ខាប្រមាញ់ និងនេសាទកម្ពុជា កាលពីខែធ្នូ ឆ្នាំ ២០២០ កន្លងមក។ ការគាំទ្ររបស់ភាគីមិត្ដចិន ឆ្លុះបញ្ចាំងអំពីមិត្តភាពនិងការគាំទ្រយូរអង្វែងរវាងកម្ពុជា និងប្រទេសចិន ដែលមានកន្លងមក និងឆ្ចុះបញ្ចាំងអំពីការយកចិត្តទុកដាក់របស់ឯកឧត្តម វេន សាខុន រដ្ឋមន្ដ្រីក្រសួងកសិកម្មរុក្ខាប្រមាញ់ និងនេសាទ ដែលតែងតែយកចិត្តទុកដាក់ប្រឹងប្រែង និងគាំទ្រ វិស័យចិញ្ចឹមសត្វ និងទប់ស្ដាត់ ការឆ្លងរាលដាលជំងឺសត្វកន្លងមក។ វ៉ាក់សាំងទាំងនេះ និងចូលរួមចំណែកក្នុងការកាត់បន្ថយការឆ្លងរាលដាលជំងឺសត្វគោក្របីរបស់កសិករ ជាពិសេសនៅក្នុងរដូវវស្សាខាងមុខនេះ ៕

ក្រសួងអប់រំ គ្រោងស្នើវ៉ាក់សាំងកូវីដ-១៩បន្ថែម ចាក់ជូនបុគ្គលិកអប់រំរដ្ឋ និងឯកជន ជំហានទី២

ភ្នំពេញ ៖ ឯកឧត្តម រស់ សុវាចា អ្នកនាំពាក្យក្រសួងអប់រំយុវជន និងកីឡា ថ្លែងតាមរយៈ BTV ព័ត៌មាន នាព្រឹកថ្ងៃទី២១ មេសា ២០២១នេះថា ក្រសួងអប់រំ គ្រោងស្នើសុំវ៉ាក់សាំងកូវីដ-១៩បន្ថែមពីគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស និងក្រសួងសុខាភិបាល សម្រាប់ចាក់វ៉ាក់សាំងកូវីដ-១៩ នៅជំហ៊ានទី២ ក្នុងបរិមាណប្រមាណ៥៥០០០នាក់ បន្ថែមទៀត ជូនបុគ្គលិកអប់រំ សាធារណៈ និងឯកជន។ឯកឧត្តម រស់ សុវាចា បន្តថា ក្រសួងអប់រំ យុវជន និងកីឡា បានចាប់ផ្តើមដំណើរការចាក់វ៉ាក់សាំងកូវីដ-១៩ ដូសលើកទី២ ជំហ៊ានទី១ ប្រភេទស៊ីណូវ៉ាក់ (Sinovac) ជូនដល់បុគ្គលិកអប់រំសាធារណៈ និងឯកជន ទៅតាមការគ្រោងទុក ដែលបានចាប់ផ្តើមពីថ្ងៃទី២០ ខែមេសា ឆ្នាំ២០២១។ ហើយសម្រាប់ការត្រៀមខ្លួន ទទួលការចាក់វ៉ាក់សាំងកូវីដ-១៩ ស៊ីណូវ៉ាក់ ជូនដល់បុគ្គលិកអប់រំសាធារណៈ និងឯកជននេះ គឺបានប្រព្រឹតិ្តទៅដោយមានការសហការពីគ្រប់ភាគីពាក់ព័ន្ធ ជាពិសេសក្រសួងសុខាភិបាល ខាងក្រុមការងារគ្រូពេទ្យស.ស.យ.ក ក្រុមគ្រូពេទ្យធីតា ក៏ដូចជាអាជ្ញាធរមូលដ្ឋាន ហើយនិងគណៈគ្រប់គ្រងមនី្ទរអប់រំ យុវជន និងកីឡា ក៏ដូចជាគណៈគ្រប់គ្រងនៅតាមគ្រឹះស្ថានសិក្សា។ ដោយឡែកនៅទីតាំងរាជធានីភ្នំពេញ មានទីតាំងចាក់វ៉ាក់សាំងកូវីដ-១៩ ចំនួន១៥មណ្ឌល ដើម្បីផ្តល់សេវាជាបន្តទៀតជូនបុគ្គលិកអប់រំសាធារណៈ និងឯកជន ហើយនៅកម្រិតទូទាំងប្រទេស ក៏មានការរៀបចំនៅតាម២៥ខេត្ត-រាជធានី ដើម្បីផ្តល់ជូនការចាក់វ៉ាក់សាំងកូវីដ-១៩ ដូសលើកទី២ ជូនទៅដល់បុគ្គលិកអប់រំរដ្ឋ និងឯកជនផងដែរ។ជាចុងក្រោយឯកឧត្តម រស់ សុវាចា អ្នកនាំពាក្យក្រសួងអប់រំ យុវជន និងកីឡា បានអំពាវនាវបុគ្គលិកអប់រំ លោកគ្រូ អ្នកគ្រូ ដែលបានទទួលការចាក់វ៉ាក់សាំងកូវីដ-១៩ ដូសលើកទី១រួចហើយ នៅក្នុងជំហ៊ានទី១នេះ សូមបន្តរួសរាន់មកទទួលការចាក់វ៉ាក់សាំងកូវីដ-១៩ ដូសលើកទី២ នៅក្នុងជំហ៊ានទី១ នៅតាមបណ្តាខណ្ឌដែលខ្លួនរស់នៅ ដោយមិនអនុញ្ញាតឲ្យឆ្លងខណ្ឌនោះទេ៕អត្ថបទ រដ្ឋា

ឯកឧត្តម ហ៊ុន ម៉ាណែត អំពាវនាវឲ្យគោរពគោលការណ៍បិទខ្ទប់រយៈពេលខ្លី ដើម្បីឈានដល់ការបញ្ចប់ជំងឺកូវីដ១៩ ឲ្យបានឆាប់រហ័ស

ភ្នំពេញ ៖ ឯកឧត្តម ហ៊ុន ម៉ាណែត បានអំពាវនាវជាថ្មី ដល់ពលរដ្ឋនោទូទាំងប្រទេស ឲ្យចូលរួមក្នុងការអនុវត្តឲ្យបានខ្ជាប់ខ្ជួននូវវិធានសុខាភិបាល ក៏ដូចជាការទៅទទួលការចាក់វ៉ាក់សាំងការពារជំងឺកូវីដ១៩ និងការគោរពគោលការណ៍អនុវត្តក្នុងការបិទខ្ទប់មួយរយៈពេលខ្លី ដើម្បីរួមគ្នាទប់ស្កាត់ការរីករាលដាល និងឈានដល់ការបញ្ចប់ជំងឺកូវីដ១៩ ឲ្យបានឆាប់រហ័ស។តាមរយៈបណ្តាញសង្គមហ្វេសប៊ុក ឯកឧត្តម ហ៊ុន ម៉ាណែត ប្រធានក្រុមប្រឹក្សាភិបាល សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) នៅថ្ងៃទី២១ ខែមេសា ឆ្នាំ២០២១នេះ បានកូសបញ្ជាក់ថា បន្ទាប់ពីបញ្ចប់ការរៀបចំមណ្ឌលព្យាបាលកូវីដ១៩ កម្រិតស្រាលនៅកោះពេជ្រជំហានទី២ ដែលបង្កើនចំនួនគ្រែសម្រាប់ព្យាបាលអ្នកជំងឺកូវីដ១៩ នៅមណ្ឌលកោះពេជ្រដល់ប្រមាណជិត២៦០០គ្រែ ក្រុមការងារបានបន្តទៅរៀបចំមណ្ឌលព្យាបាលជំងឺកូវីដ១៩ មួយកន្លែងទៀតនៅក្នុងខណ្ឌដង្កោ ដើម្បីត្រៀមទទួលព្យាបាលអ្នកជំងឺកូវីដ១៩ ក្នុងករណីមានតម្រូវការចាំបាច់។ ឯកឧត្តម បានមានប្រសាសន៍ទៀតថា រូបលោកផ្ទាល់ និងក្រុមការងារសង្ឃឹមថា ការឆ្លងនិងរីករាលដាលនៃជំងឺកូវីដ១៩ នឹងត្រូវបញ្ចប់នៅក្នុងពេលឆាប់គ្រប់មុខ ហើយទីតាំងដែលយើងរៀបចំទាំងនេះ នឹងមិនមានតម្រូវការប្រើប្រាស់នោះទេ។ ប៉ុន្តែទោះជាយ៉ាងណា ក៏យើងនឹងខិតខំប្រឹងប្រែងរៀបចំមណ្ឌលព្យាបាលជំងឺកូវីដ១៩ ទាំងនេះ ឲ្យបានឆាប់រហ័ស និងបានល្អ ក្នុងករណីមានតម្រូវការចាំបាច់ក្នុងការទទួលព្យាបាលបងប្អូនប្រជាពលរដ្ឋដែលឆ្លងជំងឺកូវីដ១៩។បន្ថែមបីលើនេះ ឯកឧត្តម ហ៊ុន ម៉ាណែត ក៏បានអំពាវនាវឲ្យបងប្អូនប្រជាពលរដ្ឋទាំងអស់ ចូលរួមក្នុងការអនុវត្តឲ្យបានខ្ជាប់ខ្ជួននូវវិធានសុខាភិបាល (៣កុំ ៣ ការពារ) ក៏ដូចជាក្នុងការទទួលចាក់វ៉ាក់សាំងការពារជំងឺកូវីដ១៩ និងការគោរពគោលការណ៍អនុវត្តន៍ក្នុងការបិទខ្ទប់មួយរយៈពេលខ្លី ដើម្បីយើងរួមគ្នាទប់ស្កាត់ការរីករាលដាល និងឈានដល់ការបញ្ចប់ជំងឺកូវីដ១៩ នៅក្នុងប្រទេសរបស់យើងបានឆាប់រហ័ស៕

បណ្ដាញសង្គម

ព័ត៌មានថ្មីៗ

បេក្ខជនពិការភាពប្រឡងជាប់បាក់ឌុបសម្លឹងជំនាញ ITសម្រាប់ជាអាជីពទៅថ្ងៃអនាគត

ក្រសួងមហាផ្ទៃ សម្រេចផ្អាកការងារនគរបាលសេដ្ឋកិច្ចខេត្តស្វាយរៀងចំនួន ២រូប និងចាប់ខ្លួនបុគ្គលម្នាក់ពាក់ព័ន្ធយកប្រាក់ពីពាណិជ្ជករ ៩ពាន់ដុល្លារ

កាកបាទក្រហមកម្ពុជាជួបសំណេះសំណាល និងផ្តល់អនុសាសន៍ដល់និស្សិតអាហារូបករណ៍១៩រូប មុនចេញទៅសិក្សានៅបរទេស

ក្រសួងការពារជាតិកម្ពុជា ធ្វើបទបង្ហាញជូនអនុព័ន្ធយោធាបរទេសពីស្ថានភាពតាមបណ្តោយព្រំដែនកម្ពុជា-ថៃ

តស់! ចប់បាក់ឌុបហើយបន្តរៀនអ្វី? វិទ្យាស្ថានជាតិពហុបច្ចេកទេសអង្គរបើកទ្វារ ៧ជំនាញ សម្រាប់យុវជនជ្រើសរើស

អតីតសិស្សធ្លាក់បាក់ឌុប ប្រែក្លាយការខកចិត្ត និងការឈឺចាប់ថៃឈ្លានពាន ខំសិក្សាប្រឡងជាប់និទ្ទេសA

និស្សិតបច្ចេកទេស ធីវ៉េត រួមគ្នាបង្កើតស្នាដៃលំដាប់ស្តង់ដារ ដើម្បីត្រៀមខ្លួនចូលទីផ្សារការងារកម្រិតខ្ពស់

ក្រសួងកិច្ចការនារី គាំទ្រកម្មវិធីបណ្តុះបណ្តាលផ្នែកសំអាងកាយក្នុងការបើកឱកាសសេដ្ឋកិច្ចដល់យុវនារី

ឯកឧត្តម ហ៊ុន ម៉ានី ចាត់ទុកវេទិកាកម្ពុជា ៤.០ លើកទី៦ ស្ដីពី «ឥទ្ធិពលនៃ AI លើទីផ្សារការងារ និងអនាគតនៃការងារ» បង្ហាញពីវឌ្ឍនភាពនៃការចាប់យក និងប្រើប្រាស់បច្ចេកវិទ្យា AI នៅកម្ពុជា

ក្រសួងសាធារណការ ដាក់ឱ្យដំណើរការជាផ្លូវការសេវាស្នើសុំពិនិត្យឆៀកតាមប្រព័ន្ធបច្ចេកវិទ្យាឌីជីថល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ពលរដ្ឋចំនួន៥០គ្រួសារ នៅក្នុងឃុំសាមឃួយ និងឃំកំភុន បានទទួលអំណោយពីព្រះសង្ឃ និងអាជ្ញាធរស្រុកសេសាន

កងពលតូចលេខ៧០ ចាប់ផ្តើមចាក់វ៉ាក់សាំងការពារជំងឺកូវីដ-១៩ ដូសទី២ ជូនគ្រួសារយោធិន

អ្នកនាំពាក្យសាលារាជធានី បញ្ជាក់ថា ផ្សារចំនួន១៥ហើយ ត្រូវបានផ្អាកដំណើរការជាបណ្ដោះអាសន្នរហូតដល់ថ្ងៃនេះ

អាជ្ញាធរស្រុកគិរីសាគរ ហាមប្រាមដល់អ្នកនេសាទ១៤នាក់ ឡើងលើគោកដាច់ខាត

អាជ្ញាធរជាតិអប្សរា សហការជាមួយប្រទេសអាល្លឺម៉ង់ ជួសជុល និងអភិរក្សក្បាច់ចម្លាក់នៅកំពូលប្រាសាទអង្គរវត្ត

មិត្តចិន ផ្ដល់វ៉ាក់សាំងការពារជំងឺអុតក្ដាមគោក្របីចំនួន១០ ម៉ឺនកម្រិត ដល់កម្ពុជា

ក្រសួងអប់រំ គ្រោងស្នើវ៉ាក់សាំងកូវីដ-១៩បន្ថែម ចាក់ជូនបុគ្គលិកអប់រំរដ្ឋ និងឯកជន ជំហានទី២

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ពលរដ្ឋចំនួន៥០គ្រួសារ នៅក្នុងឃុំសាមឃួយ និងឃំកំភុន បាន​ទ​ទួលអំណោយពីព្រះសង្ឃ ​និងអាជ្ញាធរស្រុកសេសាន

កងពលតូចលេខ៧០ ចាប់ផ្តើមចាក់វ៉ាក់សាំងការពារជំងឺកូវីដ-១៩ ដូសទី២ ជូនគ្រួសារយោធិន

អាជ្ញាធរស្រុកគិរីសាគរ ហាមប្រាមដល់អ្នកនេសាទ១៤នាក់ ឡើងលើគោកដាច់ខាត

មិត្តចិន​ ផ្ដល់​វ៉ាក់សាំង​ការពារជំងឺអុតក្ដាមគោក្របីចំនួន​១០​ ម៉ឺនកម្រិត​ ដល់កម្ពុជា

ក្រសួងអប់រំ គ្រោងស្នើវ៉ាក់សាំងកូវីដ-១៩បន្ថែម ចាក់ជូនបុគ្គលិកអប់រំរដ្ឋ និងឯកជន ជំហានទី២

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ពលរដ្ឋចំនួន៥០គ្រួសារ នៅក្នុងឃុំសាមឃួយ និងឃំកំភុន បានទទួលអំណោយពីព្រះសង្ឃ និងអាជ្ញាធរស្រុកសេសាន

មិត្តចិន ផ្ដល់វ៉ាក់សាំងការពារជំងឺអុតក្ដាមគោក្របីចំនួន១០ ម៉ឺនកម្រិត ដល់កម្ពុជា