BTV NEWS

សម្តេចតេជោ ហ៊ុន សែន ជួបពិភាក្សាការងារតាមប្រព័ន្ធវីដេអូជាមួយប្រធានរដ្ឋសភា អាស៊ែបៃហ្សង់

គណៈប្រតិភូនៃសន្និសីទប្រធានសភានៃអន្តរសភា វាយតម្លៃខ្ពស់ចំពោះជោគជ័យនៃ «សន្និសីទប្រធានសភានៃអន្តរសភា លើកទី២» នៅកម្ពុជា

ប្រធានរដ្ឋសភាម៉ាឡេស៊ី ប្ដេជ្ញាបន្តលើកកម្ពស់កិច្ចសហប្រតិបត្តិការទ្វេភាគីជាមួយកម្ពុជាឱ្យកាន់តែរីកចម្រើន និងរឹងមាំ

ព្រីតថេន នឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

នគរបាលការពារព្រំដែនត្រូវត្រៀមខ្លួនជានិច្ច ក្នុងកិច្ចការពារអធិបតេយ្យភាព បូរណភាពទឹកដី

ភ្នំពេញ៖ អគ្គស្នងការរងនគរបាលជាតិ និងជាមេបញ្ជាការគណៈបញ្ជាការនគរបាលជាតិប្រចាំទិសភូមិភាគទី៣ ឧត្តមសេនីយ៍ឯក តេង សួន បានរំលឹកដល់នគរបាលការពារព្រំដែនទាំងអស់ ត្រូវត្រៀមខ្លួនជានិច្ចក្នុងកិច្ចការពារសន្តិសុខ សណ្ដាប់ធ្នាប់ អធិបតេយ្យភាព បូរណភាពទឹកដី និងបន្តការអនុវត្តន៍គោលនយោបាយភូមិ-ឃុំ មានសុវត្ថិភាព ហើយជាពិសេសទៅទៀតនោះ ត្រូវមានភក្ដីភាពការពាររដ្ឋធម្មនុញ្ញ និងការពារដាច់ខាតចំពោះព្រះមហាក្សត្រ ប្រមុខរាជរដ្ឋាភិបាល ក្រសួងមហាផ្ទៃ និងអគ្គស្នងការដ្ឋាននគរបាលជាតិ ទោះស្ថិតក្នុងកាលៈទេសៈបែបណាក៏ដោយ។ការលើកឡើងរបស់ ឯកឧត្ដម ឧត្តមសេនីយ៍ឯក តេង សួន អគ្គស្នងការរងនគរបាលជាតិ តំណាងនាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ក្នុងពិធីប្រគល់ទទួលម៉ូតូចំនួន៤៣គ្រឿង និងម៉ាស៊ីនភ្លើងចំនួន៣០គ្រឿង របស់សម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រី ក្រសួងមហាផ្ទៃ ជូនដល់ វរៈសេនាតូច និងប៉ុស្តិ៍នគរបាលការពារតាមព្រំដែនទឹក-គោក ចំណុះគណៈបញ្ជាការនគរបាលជាតិប្រចាំទិសភូមិភាគទី៣ នៅស្នងការដ្ឋាននគរបាលខេត្តតាកែវ នាថ្ងៃទី២៩ ខែកញ្ញា ឆ្នាំ២០២០នេះ។ឯកឧត្ដម ឧត្តមសេនីយ៍ឯក អគ្គស្នងការរងនគរបាលជាតិ បានមានប្រសាសន៍ទៀតថា «ចំពោះការងារព្រំដែន ក្នុងនាមយើងជានគរបាលត្រូវបន្តលើកកម្ពស់ស្មារតីសាមគ្គីភាពជាមួយកងយោធពលខេមរភូមិន្ទ, បន្តតាមដានស្រាវជ្រាវរកមុខសញ្ញាប្រព្រឹត្តបទល្មើស, បន្តជំរុញបើកវគ្គហ្វឹកហ្វឺនផ្ទៃក្នុង និងហ្វឹកហ្វឺនការងារព្រំដែន ដល់វរសេនាតូច និងបន្តសហការជាមួយស្ថាប័នផ្សេងៗ »។ឯកឧត្តមបានបន្តថា ត្រូវទប់ស្កាត់កុំអោយមានការរីករាលដាលនូវបញ្ហាគ្រឿងញៀន, ត្រូវបន្តផ្សព្វផ្សាយអប់រំ ដល់ប្រជាពលរដ្ឋអោយយល់ដឹងពីបញ្ហាគ្រឿងញៀន, ត្រូវចុះធ្វើការណែនាំជាប្រចាំដល់ ក្លិបកំសាន្ត កន្លែងសប្បាយដ្ឋាន ផ្ទះសំណាក់ សណ្ឋាគារ និងបន្តសហការជាមួយសមត្ថកិច្ចពាក់ព័ន្ធក្នុងការបង្ក្រាបមុខសញ្ញាជាដើមនោះ។ក្នុងឱកាសនោះដែរ ឧត្តមសេនីយ៍ឯក តេង សួន ក៏បានណែនាំដល់នគរបាលការពារព្រំដែនគោក និងទឹកទាំងអស់ឲ្យចូលរួមប្រយុទ្ធប្រឆាំងនឹងការរីករាលដាលនៃវីរុសកូវីដ១៩ ស្រមតាមការណែនាំរបស់រាជរដ្ឋាភិបាល ក៏ដូចជាក្រសួងសុខាភិបាល ដែលឲ្យពួកយើងទាំងអស់គ្រានត្រូវពាក់ម៉ាស ត្រូវលាងដៃនិងសាប៊ូ ត្រូវបាញ់អាល់កុល ឬជែ ត្រូវរក្សាគម្លាតពីគ្នា ត្រូវកាត់បន្ថយការជួបជុំគ្នាជាដើមនោះផងដែរ។ជាចុងក្រោយ ឯកឧត្តម ឧត្តមសេនីយ៍ឯក តេង សួន អគ្គស្នងការរងនគរបាលជាតិ បាននាំយកអំណោយរបស់ឯកឧត្តម នាយឧត្តមសេនីយ៍សន្តិបណ្ទិត នេត សាវឿន អគ្គស្នងការនគរបាលជាតិ ចំនួន៤លានរៀល ផ្តល់ជូនស្នងការដ្ឋាននគរបាលខេត្តតាកែវ៕ អត្ថបទ៖ បាន ចក់

កងទ័ពជើងគោកហ្វីលីពីនត្រៀមខ្លួនជានិច្ច ក្នុងការបង្ក្រាបភេរវកម្មជាមួយកងទ័ពជើងគោកកម្ពុជា

ភ្នំពេញ៖ ឧត្តមសេនីយ៍ឯក ស៊ីរីលីតូ សូប៊ីហាណា (CIRILITO E. SOBEJANA) មេបញ្ជាការកងទ័ពជើងគោកហ្វីលីពីន បានអះអាងថា កងទ័ពរបស់លោក បានត្រៀមខ្លួនជានិច្ចក្នុងកិច្ចសហប្រតិបត្តិការទ្វេភាគីជាមួយកងទ័ពជើងគោកកម្ពុជា ដើម្បីទប់ស្កាត់ និងបង្ក្រាបអំពើភេរវកម្ម និងឧក្រិដ្ឋឆ្លងដែនផ្សេងៗនោះ។ការអះអាង របស់ឧត្តមសេនីយ៍ផ្កាយបីរបស់ប្រទេសហ្វីលីពីនរូបនេះ គឺបានធ្វើឡើងនៅក្នុងកិច្ចជំនួបសន្ទនាតាមរយៈវិដេអូ Virtual Conference ជាមួយឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក កាលពីល្ងាចថ្ងៃទី២៩ ខែកញ្ញា ឆ្នាំ២០២០ម្សិលមិញនេះ។នៅក្នុងកិច្ចសន្ទនានោះ លោកឧត្តមសេនីយ៍ឯក ស៊ីរីលីតូ សូប៊ីហាណា (CIRILITO E. SOBEJANA) បានលើកឡើងថា «កងទ័ពជើងគោកហ្វីលីពីនត្រៀមខ្លួនជានិច្ច នៅក្នុងការបន្តជំរុញកិច្ចសហប្រតិបត្តិការជាមួយកងទ័ពជើងគោក នៃកងយោធពលខេមរភូមិន្ទ នៅក្នុងផ្នែកនានាជាច្រើនដែលជាផលប្រយោជន៍រួម ដែលអាចមានដូចជា ការប្រយុទ្ធប្រឆាំងនឹងអំពើភេរវកម្ម, ឧក្រិដ្ឋកម្មឆ្លងដែន និងសកម្មភាពផ្លាស់ប្តូរទស្សនកិច្ចរបស់នាយទាហានរងជាដើមនោះ»។ថ្លែងនៅក្នុងកិច្ចសន្ទនានោះដែរ ឧត្តមសេនីយ៍ឯក ហ៊ុន ម៉ាណែត បានគាំទ្រចំពោះទស្សនវិស័យនៃការបង្កើនកិច្ចសហប្រតិបត្តិការរវាងកងទ័ពជើងគោក នៃប្រទេសទាំងពីរ និងបានបញ្ជាក់បន្ថែមថា ក្នុងចំណោមអាទិភាពនានា កងទ័ពជើងគោក នៃកងយោធពលខេមរភូមិន្ទ តែងបានផ្តោតការយកចិត្តទុកដាក់លើការពង្រឹង និងពង្រីកកិច្ចសហប្រតិបត្តិការជាមួយប្រទេសក្បែរខាងក្នុងតំបន់អាស៊ាន ដោយរួមទាំងកងទ័ពជើងគោកហ្វីលីពីនផងដែរ។ជាក់ស្តែង អនុលោមតាមស្មារតីនៃអនុស្សារណៈនៃការយោគយល់ (MOU) រវាងក្រសួងការពារជាតិកម្ពុជា-ហ្វីលីពីន កិច្ចសហប្រតិបត្តិការរវាងកងទ័ពជើងគោក នៃប្រទេសទាំងពីរ គឺជាទំនាក់ទំនងប្រកបដោយសក្តានុពល ដែលអាចមានវិសាលភាពទូលំទូលាយ ទាំងសម្រាប់ពេលបច្ចុប្បន្ន និងអនាគត។ក្នុងឱកាសនោះផងដែរ ភាគីទាំងពីរក៏បានពិភាក្សាផ្លាស់ប្តូរ និងចែករំលែកបទពិសោធន៍លើការងារប្រយុទ្ធនឹងជំងឺកូវីដ–១៩ ក៏ដូចជាអំពីវិធីសាស្ត្រផ្សេងៗពាក់ព័ន្ធនឹងការអនុវត្តរបៀបរបបការងារថ្មី ស្របតាមបរិបទថ្មីនៃជំងឺនេះ ដើម្បីធ្វើយ៉ាងណាឱ្យការងារហ្វឹកហ្វឺន និងប្រតិបត្តិការផ្សេងៗទៀតអាចដំណើរការទៅបានជាធម្មតា ដោយទាំងនេះ សុទ្ធសឹងជាមេរៀនដ៏ល្អសម្រាប់ការដកពិសោធន៍រៀនសូត្រពីគ្នាទៅវិញទៅមក។ថ្នាក់ដឹកនាំកងទ័ពជើងគោកទាំងពីរ ក៏បានកត់សម្គាល់អំពីភាពសំខាន់ចាំបាច់នៃនិរន្តរភាពនៃសន្តិភាព និងស្ថិរភាព ដើម្បីភាពសុខសាន្តរបស់ជាតិ និងប្រជាជន ក៏ដូចជាសម្រាប់តំបន់ទាំងមូល និងបានឯកភាពគ្នាបន្តជំរុញល្បឿន នៃកិច្ចសហប្រតិបត្តិការឱ្យកាន់តែសកម្ម ជាពិសេសការខិតខំពិនិត្យលទ្ធភាពក្នុងការសម្រេចឱ្យបាននូវការចុះអនុស្សរណៈ នៃការយោគយល់ (MOU) រវាងកងទ័ពជើងគោកកម្ពុជា-ហ្វីលីពីនក្នុងពេលឆាប់ៗខាងមុខនេះ៕ អត្ថបទ៖ បាន ចក់

ការបង់ពន្ធ គឺវិនិយោគ ដើម្បីប្រជាជន និងដើម្បីអភិវឌ្ឍន៍ប្រទេសជាតិ

ភ្នំពេញ៖ តំណាងអគ្គនាយកដ្ឋានពន្ធដារ និយាយថា ការដាក់ឲ្យប្រើប្រាស់ប្រព័ន្ធស្វ័យប្រវត្តិកម្មផ្ទេរកម្មសិទ្ធយានជំនិះ គឺជាកាតលីករថ្មី នៃការធ្វើបច្ចុប្បន្នភាពព័ត៌មាន ការពង្រឹងវប្បធម៌នៃការបង់ពន្ធ ឬការចូលរួមបង់ពន្ធ គឺជាការវិនិយោគដើម្បីខ្លួនឯង ដើម្បីប្រជាជន និងដើម្បីការចូលរួមអភិវឌ្ឍន៍ប្រទេសជាតិយើងទាំងអស់គ្នា។ឯកឧត្តម កែន សម្បត្តិ អគ្គនាយករង នៃអគ្គនាយកដ្ឋានពន្ធដារ បានលើកឡើងនៅក្នុងពិធីបើកឲ្យដំណើរការជាផ្លូវការ ប្រព័ន្ធស្វ័យប្រវត្តិកម្មផ្ទេរកម្មសិទ្ធយានជំនិះ និងមជ្ឍមណ្ឌលសេវាសាធារណៈថ្មី នៅថ្ងៃទី៣០ ខែកញ្ញា ឆ្នាំ២០២០ នេះថា បច្ចុប្បន្នអគ្គនាយកដ្ឋានពន្ធដារ បានធ្វើកំណែទម្រង់ប្រព័ន្ធបច្ចេកវិទ្យាជាច្រើន និងទទួលបានជោគជ័យជាបន្តបន្ទាប់ ក្នុងការប្រមូលចំណូល ដោយមានការកំណើនកើនឡើងលើសផែនការជាប់ជាប្រចាំ ជាក់ស្តែងនៅក្នុងឆ្នាំ២០១៩ កន្លងមក អគ្គនាយកដ្ឋានពន្ធដារ ប្រមូលចំណូលលើសផែនការជាង ២៣% ដែលបញ្ហាទាំងនេះ គឺកើតឡើងក្រោមការខិតខំប្រឹងប្រែង ការធ្វើទំនើបកម្មប្រព័ន្ធបច្ចេកវិទ្យា ដែលបានដាក់ឲ្យដំណើរការប្រព្រឹត្តទៅដោយរលូន។ឯកឧត្តម បន្តទៀតថា ចំណែកការដាក់ឲ្យប្រើប្រាស់ប្រព័ន្ធស្វ័យប្រវត្តិកម្មផ្ទេរកម្មសិទ្ធយានជំនិះ រវាងក្រសួងសាធារណការ និងដឹកជញ្ជូន ជាមួយអគ្គនាយកដ្ឋានពន្ធដារនៅពេលនេះ គឺជាកាតលីករថ្មីមួយទៀត នៃការធ្វើនៃការធ្វើបច្ចុប្បន្នភាពព័ត៌មាន ក្នុងគោលដៅជំរុញប្រកបដោយតម្លាភាព និងការផ្តល់ភាពងាយស្រួលដល់បងប្អូនប្រជាពលរដ្ឋ ក៏ពង្រឹងវប្បធម៌នៃការបង់ពន្ធ ឬការចូលរួមបង់ពន្ធ គឺជាការវិនិយោគដើម្បីខ្លួនឯង ដើម្បីប្រជាជន និងដើម្បីការចូលរួមអភិវឌ្ឍន៍ប្រទេសជាតិយើងទាំងអស់គ្នា, ប្រទេសជាតិរីកចម្រើន ពិតជាចៀសមិនផុតពីចូលបង់ពន្ធពីប្រជាពលរដ្ឋនោះឡើយ។ជុំវិញបញ្ហាប្រមូលចំណូល តាមរយៈការចុះបញ្ជី និងការផ្ទេរកម្មសិទ្ធផ្សេងៗ, ឯកឧត្តម ឈួន វ៉ន់ អគ្គនាយក នៃអគ្គនាយកដ្ឋានដឹកជញ្ជូនផ្លូវគោក លើកឡើងថា ចាប់តាំងពីឆ្នាំ១៩៩០ ដល់ឆ្នាំ ២០២០ នេះ យានយន្តដែលបានចុះបញ្ជីមានចំនួនជិត ៦លានគ្រឿង ដោយឡែកទោចក្រយានយន្តជិត ៥ លានគ្រឿង ក្នុងនោះ សម្រាប់រថយន្តមាន៖ រថយន្តធុនស្រាលជាង ៥០ម៉ឺនគ្រឿង រថយន្តធុនធ្ងន់ ២៥ ម៉ឺនគ្រឿង។ចំណែកការផ្តល់ប័ណ្ណបើកបរបានចំនួនជិត ២ លានប័ណ្ណ ភាគច្រើនប្រភេទឡានទេសចរ, ចំពោះការផ្ទេរកម្មសិទ្ធពីឆ្នាំ២០១៧ ដល់ ២០២០ វិញ មានចំនួន ១០ ម៉ឺនគ្រឿង ដែលបញ្ហាទាំងនេះគឺជាការប្រមូលចំណូលសម្រាប់ចូលថវិកាជាតិ ដើម្បីចូលរួមអភិវឌ្ឍន៍សង្គមយើងផងដែរ៕ អត្ថបទ៖ សុន រ៉ាឌី

រដ្ឋមន្ត្រីក្រសួងសាធារណការ ប្រកាសធ្វើប័ណ្ណបើកបរខ្នាតអន្តរជាតិ ដែលអាចធ្វើបើកបរបាន ៩៩ប្រទេស

ភ្នំពេញ៖ រដ្ឋមន្ត្រីក្រសួងសាធារណការ និងដឹកជញ្ជូន ប្រកាសធ្វើប័ណ្ណបើកបរថ្មី ខ្នាតអន្តរជាតិ ដោយប័ណ្ណអាចធ្វើបើកបរបានចំនួន ៩៩ ប្រទេស និងមានសុពលភាពរយៈពេលមួយឆ្នាំ ដើម្បីបង្កលក្ខណៈកាន់តែងាយស្រួល ក្នុងការធ្វើដំណើររបស់បងប្អូនប្រជាពលរដ្ឋទៅកាន់បរទេស។ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានថ្លែងឲ្យដឹង នៅក្នុងពិធីបើកឲ្យដំណើរការជាផ្លូវការ ប្រព័ន្ធស្វ័តប្រវត្តិកម្មផ្ទេរកម្មសិទ្ធយានជំនិះ និងមជ្ឍមណ្ឌលសេវាសាធារណៈថ្មី នៅថ្ងៃទី ៣០ ខែកញ្ញា ឆ្នាំ២០២០ នេះថា ក្រៅពីសមិទ្ធផលសម្រេចបានផ្លែផ្កាជាច្រើន នៅក្នុងវិស័យសាធារណការ និងដឹកជញ្ជូន ក្នុងនោះ ដើម្បីឆ្លើយតបនិងតម្រូវការបន្ថែម និងស្របពេលដែលប្រទេសកម្ពុជា, បានចូលជាសមជិកអង្គការរអន្តជាតិនោះ ក្រសួងសូមប្រកាសជាផ្លូវការ អំពីការធ្វើប័ណ្ណបើកបរថ្មីខ្នាតអន្តរជាតិ ជូនប្រជាពលរដ្ឋទូទៅ ដែលប័ណ្ណបើកបរនេះ អាចធ្វើការបើកបរបានចំនួន ៩៩ប្រទេស មានសុពលភាពរយៈពេលមួយឆ្នាំ ក្នុងនោះបងប្អូនមកធ្វើប័ណ្ណនេះបាន នៅអគ្គនាយដ្ឋាន ឬនៅតាមមន្ទីររាជធានីខេត្ត និងនៅមជ្ឍមណ្ឌលសេវាសាធារណៈថ្មី ស្ថិតនៅផ្សារទំនើបជីបម៉ុង ណូរ៉ូម៉ល នេះបាន ដែលបញ្ហាទាំងនេះ ជាការបង្ករលក្ខណៈកាន់តែងាយស្រួល សម្រាប់បងប្អូនប្រជាពលរដ្ឋ ធ្វើដំណើរកាន់បរទេស។ឯកឧត្តម ទេសរដ្ឋមន្ត្រី បានបញ្ជាក់ថា សម្រាប់ការធ្វើប័ណ្ណបើកបរថ្មីនេះ គឺជាប័ណ្ណស្តង់ដារអន្តរជាតិរបស់ពិភពលោក ចំណែកបងប្អូនដែលកំពុងប្រើប្រាស់ប័ណ្ណបើកបរសព្វថ្ងៃនេះ ប្រសិនមានបំណងចង់ប្តូរប័ណ្ណបើកបរខ្នាតអន្តរជាតិ អាចយកប័ណ្ណនោះមកដូរបាន នៅគ្រប់កន្លែងដែលផ្តល់សេវាកម្ម ដោយគិតតម្លៃសេវាចំនួនប្រមាណ ២៥ ម៉ឺនរៀល ដែលតម្លៃនេះគឺជាតម្លៃសមរម្យ ពោល គឺយកត្រឹមមធ្យម សម្រាប់ប្រទេសនៅក្នុងអាស៊ានប៉ុណ្ណោះ៕ក្រៅពីការផ្តលប័ណ្ណខាងលើ, ឯកឧត្តម ស៊ុន ចាន់ថុល បញ្ជាក់បន្ថែមថា៖ ការបើកឲ្យដំណើរការជាផ្លូវការ ប្រព័ន្ធស្វ័តប្រវត្តិកម្មផ្ទេរកម្មសិទ្ធយានជំនិះ និងមជ្ឍមណ្ឌលសេវាសាធារណៈថ្មី នៅផ្សារទំនើបជីបម៉ុង នេះ គឺជាផ្តល់សេវាឲ្យកាន់តែខិតជិតប្រជាពលរដ្ឋ ដើម្បីបង្ករលក្ខណៈងាយស្រួល និងងាយស្វែងរកក្នុងផ្ទេរកម្មសិទ្ធយានយន្តគ្រប់ប្រភេទ និងការពន្យាប័ណ្ណបើកបរ ការស្នើសុំឈៀកឡានជាដើម និងអនុវត្តន៍តបតាមអនុសាសន៍ដ៏ខ្ពស់ខ្ពស់របស់ សម្តេចតេជោ នាយករដ្ឋមន្ត្រី គឺយើងជាអ្នកបម្រើរាស្ត្រ ត្រូវតែផ្តល់សេវាសាធារណៈ សេវាចាំបាច់ជូនប្រជាពលរដ្ឋ ធ្វើឲ្យមានតម្លាភាព ធ្វើឲ្យមានប្រសិទ្ធភាព ធ្វើឲ្យបានឆាប់រហ័ស៕ អត្ថបទ៖ សុន រ៉ាឌី

ស៊ីងហ្គាពួរ ក្លាយជាដៃគូរក្នុងការផ្តល់អត្ថប្រយោជន៏សុខភាព ដល់បុគ្គលិកលីហួរ គ្រុប

ភ្នំពេញ៖ ក្រុមហ៊ុន ស៊ីងហ្គាពួរ មេឌីខល សេនធ័រ និងក្រុមហ៊ុន លីហួរ គ្រុប បានចុះហត្ថលេខាលើអនុស្សារណៈយោគយល់លើកិច្ចសហប្រតិបត្តិការ ដើម្បីផ្តល់នួវអត្ថប្រយោជន៏មួយ ក្នុងចំណោមអត្ថប្រយោជន៏ផ្សេងទៀតរបស់ លីហួរ សម្រាប់ជាកាដូរដល់បុគ្គលិក ជាពិសេសជាផ្នែកមួយក្នុងការទាក់ទាញបុគ្គលិកឆ្នើមក្នុងបរិបទនៃទីផ្សារប្រកួតប្រជែងក្នុងប្រទេស។ពិធីចុះហត្ថលេខានេះ បានប្រព្រឹត្តទៅកាលពីរសៀលថ្ងៃទី២៩ កញ្ញា ឆ្នាំ២០២០កន្លងទៅ នៅទីក្រុងភ្នំពេញ រវាងលោកឧកញ៉ា សៀ ឫទ្ធី ប្រធាននាយកប្រតិបត្តិនៃមណ្ឌលវេជ្ជសាស្ត្រ ស៊ីងហ្គាពួរ មេឌីខន សិនធ័រ និងលោកឧកញ៉ា លី ហួរ ប្រធាននាយកប្រតិបត្តិក្រុមហ៊ុន លីហ៊ួរ គ្រុប។នៅក្នុងពិធី លោកឧកញ៉ា លី ហ៊ួរ បានឱ្យដឹងថា បច្ចុប្បន្នក្រុមហ៊ុនលោក មានក្រុមហ៊ុនបុត្រសម្ពន្ធ័ចំនួន៨ ដែលមានបុគ្គលិកសរុបចំនួនប្រមាណ ២ពាន់នាក់។ លោកបន្តថា បន្ទាប់ពីការចុះហត្ថលេខា បុគ្គលិកទាំងអស់របស់ក្រុមហ៊ុន លីហួរ នឹងទទួលបានអត្ថប្រយោជន៏នូវការពិនិត្យសុខភាពដោយមិនគិតថ្លៃដោយមានការជួយឧបត្ថមពីមូលនិធិលីហួរ គ្រុប។ មូលនិធិលី ហួរ គ្រុបនេះត្រូវបានបង្កើតឡើងក្នុងគោលបំណងជួយសំរួលទុក្ខលំបាកដល់បុគ្គលិកទាំងអស់របស់ក្រុមហ៊ុនទាំងមូល។លោកឧកញ៉ា សៀ ឫទ្ធី បានបញ្ជាក់ថា ស៊ីងហ្គាពួរ មេឌីខល សេនធ័រ ត្រូវបានបង្កើតឡើងដោយមានគោលដៅចម្បងក្នុងការផ្ដល់នូវបទដ្ឋានវេជ្ជសាស្ត្រប្រកបដោយឧត្តមភាពជូនដល់ប្រជាជនកម្ពុជា ហើយមណ្ឌលនេះ គឺជាវេជ្ជសាស្ត្រដំបូងគេនៅកម្ពុជា ដែលបានសហការជាមួយនឹងក្រុមវេជ្ជបណ្ឌិតឯកទេសមកពីសឹង្ហបុរី ដែលមានផ្តល់សេវាកម្ម ដូចជា៖ការពិនិត្យសុខភាពជំងឺទូទៅ សុខភាពស្ត្រី ការពិគ្រោះជំងឺតាមប្រព័ន្ធឌីជីថល និងការវះកាត់ទូទៅ។ល៕ អត្ថបទ៖ ឈិត បូរ៉ាវី

យុវជន ជាមូលធនមនុស្សប្រកបដោយសក្ដានុពល ក្នុងកិច្ចការងារលើកស្ទួយ និងការពារតម្លៃសិល្បៈវប្បធម៌

ភ្នំពេញ៖ ឯកឧត្ដម ស្រី សួន រដ្ឋលេខាធិការក្រសួងវប្បធម៌ និងវិចិត្រសិល្បៈ បានលើកឡើងថា យុវជន ជាមូលធនមនុស្សប្រកបដោយសក្ដានុពល ក្នុងកិច្ចការងារលើកស្ទួយ និងការពារតម្លៃសិល្បៈវប្បធម៌ជាតិខ្មែរ ទាំងពេលបច្ចុប្បន្ន និងទៅអនាគត។ការថ្លែងរបស់ឯកឧត្ដម ស្រី សួន យ៉ាងដូច្នេះ ក្នុងពិធីបិទវគ្គបណ្ដុះបណ្ដាលការងាររដ្ឋបាល និងការគ្រប់គ្រងដំណាក់កាលទី២ (ភាពជាអ្នកដឹកនាំ រយៈពេល០៣ថ្ងៃ) រសៀលថ្ងៃទី៣០ កញ្ញា ២០២០នេះ, រៀបចំដោយសាលាបណ្ដុះបណ្ដាលក្របខណ្ឌវប្បធម៌ នៃក្រសួងវប្បធម៌ និងវិចិត្រសិល្បៈ។ឯកឧត្ដម បន្តទៀតថា ការបំពាក់ចំណេះដឹង និងចំណេះធ្វើនៅកន្លែងធ្វើការ គឺជាផែនការយុទ្ធសាស្ត្រអាទិភាពដែលក្រសួងវប្បធម៌ និងវិចិត្រសិល្បៈ តែងគិតគូរអភិវឌ្ឍន៍សមត្ថភាព និងធនធានមនុស្សក្នុងវិស័យរដ្ឋបាល និងជំនាញវិជ្ជាជីវៈដែលបម្រើឲ្យវិស័យសិល្បៈ និងវប្បធម៌ និងដើម្បីឲ្យដើរស្របទៅតាមបរិបទ នៃសកលភាវូបនីយកម្ម និងភាពរីកចម្រើនរបស់សង្គមជាតិនាពេលបច្ចុប្បន្ននេះ។ឯកឧត្ដម ស្រី សួន បានសង្កត់ធ្ងន់ថា ការចូលរួមរបស់យុវជន និងការងារស្ម័គ្រចិត្ត បានរួមចំណែកច្រើនក្នុងការការពារសុខសន្តិភាព និងការអភិវឌ្ឍរបស់ប្រទេសជាតិ និងក្នុងនាមថ្នាក់ដឹកនាំក្រសួង ឯកឧត្ដម សូមលើកទឹកចិត្តដល់សិក្ខាកាមជាយុវជន ទាំង៦០រូប ដែលបានសិក្សាចប់វគ្គបណ្ដុះបណ្ដាលភាពជាអ្នកដឹកនាំនាថ្ងៃនេះ សូមបន្តខិតខំបំពេញកិច្ចការងារប្រចាំថ្ងៃផង និងរួមចំណែកធ្វើការងារសង្គមផង ដើម្បីរួមចំណែកការលើកកម្ពស់សិល្បៈ និងវប្បធម៌ជាតិ ទប់ស្កាត់អំពើហិង្សា ទប់ស្កាត់ការប្រើប្រាស់គ្រឿងញៀន លើកស្ទួយសីលធម៌សង្គម និងលើកកម្ពស់សមធម៌សង្គមប្រកបដោយបរិយាប័ន្ន និងរួមចំណែកជាមួយរាជរដ្ឋាភិបាលខិតខំថែរក្សាសុខសន្តិភាពនេះឲ្យមានជាអមតៈតរៀងទៅ។បើតាមលោក តន សុវណ្ណឧត្តម នាយកសាលាបណ្តុះបណ្តាលក្របខណ្ឌវប្បធម៌ បានឲ្យដឹងថា វគ្គបណ្តុះបណ្តាលលើកនេះ សាលាបានកំនត់យកមុខវិជ្ជាធំៗចំនួន០៤ ក្នុងនោះរួមមាន៖ ការគ្រប់គ្រង និងប្រើប្រាស់បណ្តាញសង្គម, សិល្បៈ នៃការទំនាក់ទំនង និងការនិយាយនៅសាធារណៈ, ភាពជាអ្នកដឹកនាំ និងសមធ៌ និងបរិយាប័ន្ន ដែលក្នុងនោះសាលាបានកំនត់ជ្រើសយកសិក្ខាកាមជាយុវជនសកម្ម សរុបចំនួន ៦០រូប ក្នុងនោះសិក្ខាកាមជាស្រី្ត មានចំនួន២៣រូប មកពីបណ្តានាយកដ្ឋានក្នុងអង្គភាព ថ្នាក់កណ្តាលក្រសួង។ ក្រោយការបណ្តុះបណ្តាលយើងអាចគណនាសមត្ថភាព នៃការយល់ដឹងរបស់សិក្ខាកាមទាំងអស់មានការយល់ដឹងកើនឡើងគួរជាទីមោទនៈ និងទទួលបានការវាយតម្លៃសមត្ថភាព នៃការយល់ដឹងដូចខាងក្រោម កម្រិតមធ្យម មានការថយចុះមកត្រឹមចំនួន២៥%, កម្រិតល្អបង្គួរមានការកើនឡើងមកត្រឹមចំនួន៥៣% និងកម្រិតល្អ មានការកើនឡើងមកត្រឹម២២%។ជាពិសេស វគ្គបណ្ដុះបណ្ដាលនេះ គឺជាលទ្ធផលថ្មីមួយដ៏ល្អ ដែលថ្នាក់ដឹកនាំក្រសួងបានខិតខំប្រឹងប្រែងបំពេញភារកិច្ច ក្នុងការបណ្ដុះបណ្ដាលធនធានមនុស្ស ផ្តល់ចំណេះដឹងដល់មន្រី្តរាជការទាំងអស់ឲ្យមានការទទួលខុសត្រូវក្នុងការងារ។ នេះជាកាតព្វកិច្ចរបស់មន្ត្រីរាជការក្នុងការបំពេញការងារបម្រើផលប្រយោជន៍ជាតិ ជំរុញឲ្យការងារក្នុងវិស័យវប្បធម៌ និងវិចិត្រសិល្បៈកាន់តែរីកចម្រើនប្រសើរឡើងថែមទៀត៕ អត្ថបទ៖ រដ្ឋា

ពលរដ្ឋនៅរដ្ឋប៉េនស៊ីលវ៉ានៀ ខកចិត្តនឹងការជជែកដេញដោលប្រធានាធិបតីសហរដ្ឋអាមេរិក

អាមេរិក៖ ប្រតិកម្មដំបូងពីអ្នកទស្សនាមួយចំនួនលើការជជែកដេញដោលប្រធានាធិបតីសហរដ្ឋអាមេរិក នៅរដ្ឋប៉េនស៊ីលវ៉ានៀ បានផ្តោតសំខាន់លើការតម្លើងពាក្យសម្តីគ្នា រវាងលោកដូណាល់ ត្រាំ និងគូរប្រជែងចូ បៃដិន។រយៈពេលជាង១ឆ្នាំនៃការប៉ះសម្តីគ្នា លោកត្រាំ ដែលជាគូប្រជែងមកពីគណបក្សសាធារណរដ្ឋ និងលោកបៃដិន គូប្រជែងមកពីគណបក្សប្រជាធិបតេយ្យ បានជួបគ្នានៅលើវេទិកានៃការជជែកដេញដោល កាលពីយប់ថ្ងៃអង្គារ នៅរដ្ឋអូហាយយ៉ូ ដែលជាការជជែកដេញដោលប្រធានាធិបតីលើកដំបូងដ៏វឹកវរ និងតានតឹងខុសពីប្រក្រតី មុនការបោះឆ្នោតឆ្នាំ២០២០។ក្រោយពីទស្សនាការជជែកដេញដោលនេះ ពលរដ្ឋអាមេរិកមួយរូប បាននិយាយថា វាដូចឆ្កួត អញ្ចឹង។ លោកគិតថា គ្មាននរណាម្នាក់ក្នុងចំណោមអ្នកទាំង២ គោរពគ្នានោះទេ។ដោយឡែកស្ត្រីម្នាក់ទៀត បាននិយាយដែរថា ការជជែកដេញដោលនេះ ធ្វើឲ្យប៉ះពាល់អារម្មណ៍ខ្លាំងណាស់ ហើយនាងគិតថា គ្មានបេក្ខជនរូបណានឹងឈ្នះការបោះឆ្នោតនោះទេ៕ អត្ថបទ៖ សារ៉ាត់

វិធានការទប់ស្កាត់ជំងឺ COVID-19ធ្វើឲ្យប៉ះពាល់ដល់ការរៀបចំពិធីសាសនានៅនេប៉ាល់

នេប៉ាល់៖ ទីធ្លានៅជុំវិញវត្តវាំងចាស់ ដែលធ្លាប់មានមនុស្សច្រើនកុះកររាប់ម៉ឺននាក់ជារៀងរាល់ឆ្នាំ អំឡុងពិធីបុណ្យឥន្ទ្រ:ចាត្រានោះ ត្រូវបានគេទុកចោល ស្របពេលដែលវត្តមួយនេះ បានបិទទ្វារ ហើយរាល់ការប្រារព្ធពិធីសាសនាទាំងអស់ ត្រូវបានហាមប្រាមដោយរដ្ឋាភិបាលនេប៉ាល់ ដើម្បីទប់ស្កាតការរីករាលដាលឆ្លងជំងឺ COVID-19។បច្ចុប្បន្ន គឺជារដូវបុណ្យទាននៅក្នុងប្រទេសនេប៉ាល់ដែលភាគច្រើន នៃពលរដ្ឋពលរបស់ពួកគេកាន់សាសនាហិណ្ឌ ជាកន្លែងដែលការប្រារព្ធពិធីសាសនា គឺជាផ្នែកមួយដ៏ធំនៅក្នុងជីវិតរស់នៅប្រចាំថ្ងៃរបស់ពួកគេ ប៉ុន្តែ ក្នុងឆ្នាំនេះ ពលរដ្ឋនេប៉ាល់ ប្រារព្ធពិធីនៅផ្ទះជំនួសវិញ ។ប្រជាពលរដ្ឋនេប៉ាល់ មានជំនឿថា ពួកគេនឹងធ្វើឲ្យព្រះខឹងសម្បារនៅពេលដែលពួកគេមិនប្រារព្ធពិធីសាសនា ដែលវានឹងបង្កឲ្យមានគ្រោះមហន្តរាយជាក់ជាពុំខាននោះឡើយ។ខណៈពេលនោះដែរ ការប៉ះទង្គិចគ្នាដោយហិង្សា បានកើតមានឡើង រវាងក្រុមនគរបាល និងក្រុមអ្នកប្រារព្ធពិធីសាសនា ដែលរឹងទទឹងនឹងបទបញ្ជារបស់រដ្ឋាភិបាលនេប៉ាល់ អំឡុងការប្រារព្ធពិធីសាសនានៅភាគខាងត្បូង ទីក្រុងកដ្ឋម៉ាន់ឌូ។ក្រុមអាជ្ញាធរ នេប៉ាល់ បានបិទប្រទេសកាលពីខែមីនាកន្លងទៅ និងបានដកចេញវិធានការរឹតត្បឹតឡើងវិញ កាលពីខែកក្កដា។សូមបញ្ជាក់ថា មនុស្សជាង ៧៦.០០០នាក់ បានឆ្លងជំងឺ COVID-19នៅក្នុងប្រទេសនេប៉ាល់ និងមនុស្សជាង ៤៩០នាក់ បានស្លាប់៕ អត្ថបទ៖ សារ៉ាត់

មេដឹកនាំកូរ៉េខាងជើង ចូលរួមកិច្ចប្រជុំគណៈកម្មាធិការមជ្ឈិមបក្ស ស្តីពីជំងឺ COVID-19

កូរ៉េខាងជើង៖ កាលពីថ្ងៃអង្គារម្សិលមិញ គណៈកម្មាធិការមជ្ឈិមបក្សកូរ៉េខាងជើង បានរៀបចំកិច្ចប្រជុំ ដឹកនាំដោយលោក គីម ជុងអ៊ុន នៅទីក្រុងព្យុងយ៉ាង ដើម្បីពិភាក្សាលើបញ្ហាជំងឺ COVID-19។កិច្ចប្រជុំគណៈកម្មាធិការមជ្ឈិមបក្សនេះ ត្រូវបានរាយការណ៍ដោយទីភ្នាក់ងារព័ត៌មានរដ្ឋ KCNAកាលពីព្រឹកថ្ងៃពុធ ជាមួយនឹងការបង្ហោះរូបភាពហ្វឹក ៦សន្លឹករបស់លោកគីម នៅលើវែបសាយរបស់ពួកគេ។ទីភ្នាក់ងារព័ត៌មាន KCNA បានរាយការណ៍ថា កិច្ចប្រជុំនេះ បានលើកឡើងពីកំហុសឆ្គងមួយចំនួន ដែលបានរកឃើញនៅក្នុងការការពារការរាតត្បាតជំងឺ COVID-19 និងបានពិភាក្សាយ៉ាងស៊ីជម្រៅលើបញ្ហាធ្វើឲ្យប៉ះពាកល់ដល់ការងារប្រយុទ្ធប្រឆាំងនឹងការរីករាលដាលឆ្លងសកលនៃជំងឺដ៏កាចសាហាវមួយនេះ។ទោះបីជាយ៉ាងណាក៏ដោយ គេមិនបានដឹងច្បាស់នោះទេ ថាតើមានករណីឆ្លងជំងឺ COVID-19ដែរឬទេនៅកូរ៉េខាងជើង ស្របពេលដែលគ្មានសេចក្តីរាយការណ៍ផ្លូវការពីករណីឆ្លងនោះ។គួរឲ្យដឹងថា កូរ៉េខាងជើង បានបិទផ្លូវអន្តរជាតិរបស់ខ្លួន កាលពីចុងខែមករា ដើម្បីបញ្ឈប់ជើងហោះហើរដឹកអ្នកដំណើរទាំងអស់ តាមក្រុមហ៊ុនអាកាសចរណ៍រដ្ឋ Air Koryo៕ អត្ថបទ៖ សារ៉ាត់

អង្គការ NASA ត្រៀមយកសំណាកពីផ្កាយព្រះគ្រោះ Bennuមកកាន់ផែនដី

អន្តរជាតិ៖ នេះគឺជាលើកដំបូងហើយដែលអង្គការ NASAរបស់អាមេរិក គ្រោងនឹងយកសំណាកពីផ្កាយព្រះគ្រោះ Bennu មកកាន់ផែនដី។ គេរំពឹងថា យានអវកាស នឹងនាំយកសំណាកផ្កាយព្រះគ្រោះមួយនេះ មកដល់ផែនដី នៅក្នុងឆ្នាំ ២០២៣ខាងមុខ។ក្រុមអ្នកវិទ្យាសាស្ត្រ ចង់សិក្សាវត្ថុបានមកពីផ្កាយព្រះគ្រោះដែលសម្បូរសារធាតុកាបូន ដូចជាផ្កាយព្រះគ្រោះ Bennu ដែលអាចមានភស្តុតាងបញ្ជាក់ថា វាមានអាយុកាលចាប់តាំងពីការកកើតឡើងប្រព័ន្ធព្រះអាទិត្យរបស់ពួកយើង កាលពីរយៈពេល ៤.៥ពាន់លានឆ្នាំមុនមកម្ល៉េះ ។គួរឲ្យដឹងថា ផ្កាយព្រះគ្រោះ Bennu ត្រូវបានគេចាត់ទុកថាជាផ្កាយព្រះគ្រោះគ្រោះថ្នាក់បំផុត ដែលនេះមានន័យថា វានឹងអាចបុកផែនដីយើង នៅពេលណាមួយក្នុងពេលអនាគត ។ម្យ៉ាងវិញទៀត ផ្កាយព្រះគ្រោះមួយនេះ នឹងបង្កើតបានជាមាត់ភ្នំភ្លើង អំឡុងពេលបង្កហេតុការណ៍អាក្រក់នារយៈពេល ១៥០ឆ្នាំទៀត ។សូមបញ្ជាក់ថា អង្គការ NASAធ្លាប់យកធូលីផ្កាយដុះកន្ទុយ និងភាគល្អិតខ្យល់ពន្លឺព្រះអាទិត្យកាលពីមុនមក ប៉ុន្តែពួកគេមិនធ្លាប់ដែលយកសំណាកផ្កាយព្រះគ្រោះនោះទេ៕ អត្ថបទ៖ សារ៉ាត់

បណ្ដាញសង្គម

ព័ត៌មានថ្មីៗ

គណៈមេធាវីនៃព្រះរាជាណាចក្រកម្ពុជា និងក្រសួងទេសចរណ៍បង្កើនកិច្ចសហប្រតិបត្តិការលើកកម្ពស់ការយល់ដឹង និងការអនុវត្តច្បាប់ក្នុងវិស័យទេសចរណ៍

ប្រធានក្រុមការងារទទួលបន្ទុកជួសជុល និងសាងសង់ឡើងវិញអគារសិក្សាដែលជាអំណោយរបស់សម្ដេចតេជោដឹកនាំក្រុមការងារចុះពិនិត្យ សិក្សា និងវាយតម្លៃស្ថានភាពអគារសិក្សានៅតាមសាលារៀនចំនួន ៩ ក្នុងឃុំរវៀង និងឃុំសំរោង ស្រុកសំរោង ខេត្តតាកែវ

វិធានការបែងចែកទឹកចាប់ផ្តើមនៅតំបន់ Medellin របស់កូឡុំប៊ី ខណៈកើតមានផលប៉ះពាល់ពីបាតុភូតអែល នីញ៉ូ

ជប៉ុនបញ្ជូនជំនួយ និងក្រុមអ្នកជំនាញទៅកាន់ប្រទេសនេប៉ាល់ ដើម្បីជួយកំណត់អត្តសញ្ញាណជនរងគ្រោះ

ក្រុមបរិស្ថានម៉ាឡេស៊ី អំពាវនាវឲ្យមានការទទួលខុសត្រូវចំពោះផ្សែងអ័ព្ទឆ្លងព្រំដែនពីឥណ្ឌូនេស៊ី

មេដឹកនាំមីយ៉ាន់ម៉ា បំពេញទស្សនកិច្ចនៅវៀតណាម ជាការធ្វើដំណើរការទូតឡើងវិញ

មនុស្សរាប់ពាន់នាក់ ត្រូវបានជម្លៀសចេញ ក្រោយព្យុះទីហ្វុង Saudel នាំមកនូវភ្លៀងធ្លាក់ខ្លាំងនៅតំបន់ឆ្នេរប្រទេសចិន

សិស្សសាលាលីបង់រាប់ពាន់នាក់ បន្តជម្លៀសខ្លួន ដោយសារសង្រ្គាមរវាងអ៊ីស្រាអែល និងក្រុមហេសបូឡា

[UPDATE] អាជ្ញាធរ៖ អ្នកស្លាប់ ក្នុងទឹកជំនន់នៅនេប៉ាល់ កើនឡើងដល់ជិត ១.៣០០នាក់ និងអ្នកបាត់ខ្លួន លើស ៥.០០០នាក់

ឯកឧត្តម យក់ ប៊ុនណា បង្ហាញផែនការសកម្មភាព ១០ចំណុច ជំរុញទំនើបកម្មរដ្ឋបាលសាធារណៈតាមរយៈ «បណ្តាញអគ្គលេខាធិការ»

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

នគរបាលការពារព្រំដែនត្រូវត្រៀមខ្លួនជានិច្ច ក្នុងកិច្ចការពារអធិបតេយ្យភាព បូរណភាពទឹកដី

កងទ័ពជើងគោកហ្វីលីពីនត្រៀមខ្លួនជានិច្ច ក្នុងការបង្ក្រាបភេរវកម្មជាមួយកងទ័ពជើងគោកកម្ពុជា

ការបង់ពន្ធ គឺវិនិយោគ ដើម្បីប្រជាជន និងដើម្បីអភិវឌ្ឍន៍ប្រទេសជាតិ

រដ្ឋមន្ត្រីក្រសួងសាធារណការ ប្រកាសធ្វើប័ណ្ណបើកបរខ្នាតអន្តរជាតិ ដែលអាចធ្វើបើកបរបាន ៩៩ប្រទេស

ស៊ីងហ្គាពួរ ក្លាយជាដៃគូរក្នុងការផ្តល់អត្ថប្រយោជន៏សុខភាព ដល់បុគ្គលិកលីហួរ គ្រុប

យុវជន ជាមូលធនមនុស្សប្រកបដោយសក្ដានុពល ក្នុងកិច្ចការងារលើកស្ទួយ និងការពារតម្លៃសិល្បៈវប្បធម៌

ពលរដ្ឋនៅរដ្ឋប៉េនស៊ីលវ៉ានៀ ខកចិត្តនឹងការជជែកដេញដោលប្រធានាធិបតីសហរដ្ឋអាមេរិក

វិធានការទប់ស្កាត់ជំងឺ COVID-19ធ្វើឲ្យប៉ះពាល់ដល់ការរៀបចំពិធីសាសនានៅនេប៉ាល់

មេដឹកនាំកូរ៉េខាងជើង ចូលរួមកិច្ចប្រជុំគណៈកម្មាធិការមជ្ឈិមបក្ស ស្តីពីជំងឺ COVID-19

អង្គការ NASA ត្រៀមយកសំណាកពីផ្កាយព្រះគ្រោះ Bennuមកកាន់ផែនដី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

នគរបាល​ការពារ​ព្រំដែន​ត្រូវ​ត្រៀមខ្លួន​ជានិច្ច ​ក្នុង​កិច្ចការពារ​អធិបតេយ្យភាព បូរណភាព​ទឹកដី​

កងទ័ពជើងគោក​ហ្វីលីពីន​ត្រៀមខ្លួន​ជានិច្ច​ ក្នុង​ការ​បង្ក្រាប​ភេរវកម្ម​ជាមួយ​កងទ័ពជើងគោក​កម្ពុជា​

ការ​បង់ពន្ធ គឺ​វិនិយោគ​ ដើម្បី​ប្រជាជន និង​ដើម្បី​អភិវឌ្ឍន៍​ប្រទេសជាតិ​

រដ្ឋ​មន្ត្រីក្រសួង​សាធារណការ ប្រកាស​ធ្វើ​ប័ណ្ណបើកបរ​ខ្នាត​អន្តរជាតិ ដែល​អាច​ធ្វើ​បើកបរ​បាន ៩៩ប្រទេស

ស៊ីងហ្គាពួរ ក្លាយ​ជា​ដៃគូរ​ក្នុង​ការ​ផ្តល់​អត្ថ​ប្រ​យោ​ជ​ន៏​សុខភាព ​ដល់​បុគ្គលិក​លី​ហួរ គ្រុប​

យុវជន ជា​មូលធន​មនុស្ស​ប្រកបដោយ​សក្ដានុពល ក្នុង​កិច្ច​ការងារ​លើកស្ទួយ និង​ការពារ​តម្លៃ​សិល្បៈ​វប្បធម៌​

ពលរដ្ឋ​នៅ​រដ្ឋ​ប៉េ​ន​ស៊ី​ល​វ៉ា​នៀ ខក​ចិត្តនឹង​ការ​ជជែក​ដេញដោល​ប្រធានាធិបតី​សហរដ្ឋអាមេរិក

វិធានការ​ទប់ស្កាត់​ជំងឺ COVID-19​ធ្វើ​ឲ្យ​ប៉ះពាល់​ដល់​ការរៀបចំ​ពិធី​សាសនា​នៅ​នេប៉ាល់

មេដឹកនាំ​កូរ៉េខាងជើង ចូលរួម​កិច្ចប្រជុំ​គណៈកម្មាធិការ​មជ្ឈិមបក្ស ​ស្តីពី​ជំងឺ COVID-19

អង្គការ NASA​ ត្រៀម​យក​សំណាក​ពី​ផ្កាយព្រះគ្រោះ Bennu​មកកាន់​ផែនដី​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

នគរបាលការពារព្រំដែនត្រូវត្រៀមខ្លួនជានិច្ច ក្នុងកិច្ចការពារអធិបតេយ្យភាព បូរណភាពទឹកដី

កងទ័ពជើងគោកហ្វីលីពីនត្រៀមខ្លួនជានិច្ច ក្នុងការបង្ក្រាបភេរវកម្មជាមួយកងទ័ពជើងគោកកម្ពុជា

ការបង់ពន្ធ គឺវិនិយោគ ដើម្បីប្រជាជន និងដើម្បីអភិវឌ្ឍន៍ប្រទេសជាតិ

រដ្ឋមន្ត្រីក្រសួងសាធារណការ ប្រកាសធ្វើប័ណ្ណបើកបរខ្នាតអន្តរជាតិ ដែលអាចធ្វើបើកបរបាន ៩៩ប្រទេស

ស៊ីងហ្គាពួរ ក្លាយជាដៃគូរក្នុងការផ្តល់អត្ថប្រយោជន៏សុខភាព ដល់បុគ្គលិកលីហួរ គ្រុប

យុវជន ជាមូលធនមនុស្សប្រកបដោយសក្ដានុពល ក្នុងកិច្ចការងារលើកស្ទួយ និងការពារតម្លៃសិល្បៈវប្បធម៌

ពលរដ្ឋនៅរដ្ឋប៉េនស៊ីលវ៉ានៀ ខកចិត្តនឹងការជជែកដេញដោលប្រធានាធិបតីសហរដ្ឋអាមេរិក

វិធានការទប់ស្កាត់ជំងឺ COVID-19ធ្វើឲ្យប៉ះពាល់ដល់ការរៀបចំពិធីសាសនានៅនេប៉ាល់

មេដឹកនាំកូរ៉េខាងជើង ចូលរួមកិច្ចប្រជុំគណៈកម្មាធិការមជ្ឈិមបក្ស ស្តីពីជំងឺ COVID-19

អង្គការ NASA ត្រៀមយកសំណាកពីផ្កាយព្រះគ្រោះ Bennuមកកាន់ផែនដី