BTV NEWS

សម្តេចតេជោ ហ៊ុន សែន ជួបពិភាក្សាការងារតាមប្រព័ន្ធវីដេអូជាមួយប្រធានរដ្ឋសភា អាស៊ែបៃហ្សង់

គណៈប្រតិភូនៃសន្និសីទប្រធានសភានៃអន្តរសភា វាយតម្លៃខ្ពស់ចំពោះជោគជ័យនៃ «សន្និសីទប្រធានសភានៃអន្តរសភា លើកទី២» នៅកម្ពុជា

ប្រធានរដ្ឋសភាម៉ាឡេស៊ី ប្ដេជ្ញាបន្តលើកកម្ពស់កិច្ចសហប្រតិបត្តិការទ្វេភាគីជាមួយកម្ពុជាឱ្យកាន់តែរីកចម្រើន និងរឹងមាំ

ព្រីតថេន នឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

ចំនួនអ្នកស្លាប់ ដោយសារលង់ទឹកបានកើតឡើងចំនួន១៨នាក់ហើយ ខណៈពលរដ្ឋជាង២១ម៉ឺននាក់រងផលប៉ះពាល់

ភ្នំពេញ ៖ ចំនួនអ្នកស្លាប់ ដោយសារជំនន់ទឹកភ្លៀង បានកើនឡើងចំនួន១៨នាក់ហើយ ក្នុងនោះក្មេងចំនួន៨នាក់ និងប្រជាពលរដ្ឋជាង២១ម៉ឺននាក់ បានរងផលប៉ះពាល់ ខណៈស្រូវរួមនឹងដំណាំផ្សំផ្សេងៗជិត២សែនហិកតា បានកំពុងលិចលង់។លោក ឃុន សុខា អ្នកនាំពាក្យរបស់គណៈកម្មាធិការជាតិគ្រប់គ្រង់គ្រោះមហន្តរាយ បានឲ្យដឹងនៅព្រឹកថ្ងៃទី១៦ ខែតុលានេះ ថា គិតត្រឹមព្រឹកថ្ងៃ ទី១៦ ខែតុលានេះ ទឹកជំនន់បានវាយលុកខេត្តចំនួន១៩ ដូចជាខេត្តពោធិ៍សាត់ បាត់ដំបង បន្ទាយមាន ជ័យ ប៉ៃលិន កំពង់ធំ ព្រះសីហនុ ព្រះវិហារ មណ្ឌលគិរី កំពង់ធំ កំពង់ចាម កំពង់ស្ពឺ ឧត្តរមានជ័យ សៀមរាប តាកែវ កណ្តាល ស្ទឹងត្រែង កំពង់ឆ្នាំង កោះកុង និងរាជធានីភ្នំពេញជាដើម។ ខេត្ត ដែលលិចខ្លាំងជាងគេគឺខេត្តបាត់ដំបង ពោធិ៍សាត់ បន្ទាយមានជ័យ និងរាជធានីភ្នំពេញ។អ្នកនាំពាក្យរូបនេះ បានបញ្ជាក់ទៀតថា «ចាប់តាំងពីថ្ងៃទី០១ ដល់ព្រឹកថ្ងៃទី១៦ ខែតុលានេះ ទឹកជំនន់ ដែលបានកើតឡើងក្នុង១៩រាជធានី-ខេត្តនេះ បានសម្លាប់មនុស្សចំនួន១៨នាក់ ខណៈមនុស្សជាង២១ម៉ឺននាក់ បានរងផលប៉ះពាល់ និងត្រូវបានជម្លៀសទៅកាន់ទីទួលសុវត្ថិភាព ចំនួនជាង២ម៉ឺននាក់។ ផ្ទះសម្បែងប្រជាពលរដ្ឋជាងប្រាំម៉ឺនខ្នង បានរងការប៉ះពាល់ និងសាលារៀនចំនួនជាងបួនរយអគារ បាននិងកំពុងលិចលង់ ផ្លូវជាតិ និងផ្លូវលំជិត២ពាន់គីឡូម៉ែត្របានប៉ះពាល់ និងស្ពានប្រហែល៣០កន្លែងបានលិច និងខូច។ ចំណែកដំណាំស្រូវ ចំនួនជិត១៤ម៉ឺនហិកតា បាននឹងកំពុងលិចលង់ និងដំណាំរួមផ្សំ ចំនួនជិតប្រាំមួយម៉ឺនហិកតា បានរងផលប៉ះពាល់»។ជាមួយគ្នានោះដែរ លោក ឃុន សុខា ក៏បានបន្តអំពាវនាវដល់បងប្អូនឲ្យមានការប្រុងប្រយ័ត្នខ្ពស់ចំពោះទឹកជំនន់នេះ ហើយអំពាវនាវដល់ពលរដ្ឋទាំងអស់គប្បីត្រូវចេះ តាមដានការព្យាករណ៍ពីក្រសួងធនធានទឹក និងឧតុនិយម ខណៈ មានការគំរាមកំហែងជាបន្តបន្ទាប់ពីព្យុះនានានោះ។លោក ក៏បានបញ្ជាក់ផងដែរថា ខណៈស្ថានភាពទឹកជំនន់កំពុងបន្តលិចនៅឡើយនោះ ក្រុមការងាររបស់គណៈកម្មាធិការជាតិគ្រប់គ្រងគ្រោះមហន្តរាយ បានសហការគ្នាជាមួយកាកបាទក្រហមកម្ពុជា អង្គការសង្គមស៊ីវិល សប្បុរសជន និងស្ថាប័នពាក់ព័ន្ធមួយចំនួនទៀត កំពុងរៀបចំស្បៀងចែកជូនដល់ជនរងគ្រោះ និងកងកម្លាំងប្រដាប់អាវុធជាង មួយពាន់នាក់ កំពុងត្រូវបានដាក់ពង្រាយ ដើម្បីត្រៀមជួយប្រជាពលរដ្ឋរងគ្រោះនៅទូទាំងខេត្ត ដែលបានប៉ះពាល់៕អត្ថបទ ៖ បាន ចក់

ទេសរដ្ឋមន្រ្តី លី ធុជ ចុះចែកគ្រឿងឧបភោគ-បរិភោគ ជូនដល់ពលរដ្ឋ រងគ្រោះដោយជំនន់ទឹកភ្លៀងនៅខេត្តពោធិ៍សាត់

ពោធិ៍សាត់ ៖ ព្រឹកថ្ងៃទី១៦ ខែតុលា ឆ្នាំ២០២០ ឯកឧត្តម ទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន និងឯកឧត្តម ម៉ៅ ធនិន អភិបាលខេត្តពោធិ៍សាត់ បានចុះចែកគ្រឿងឧបភោគ–បរិភោគ និងថវិកាមួយចំនួនជូនដល់ប្រជាពលរដ្ឋចំនួន១០០គ្រួសារ ស្ថិតក្នុងឃុំលាចស្រុកភ្នំក្រវាញខេត្ត ពោធិ៍សាត់ ។ គ្រឿងឧបភោគ–បរិភោគ នាថ្ងៃនេះ មានការចូលរួមចំណែកពីសមាគមជួយសង្គ្រោះប្រជាជននៅកម្ពុជា ផងដែរ។ឆ្លៀតក្នុងឱកាសនោះ ឯកឧត្តម ទេសរដ្ឋមន្រ្តី បានពាំនាំនូវសេចក្ដីសួរសុខទុក្ខ ការអាណិតអាសូរ និងការសោកស្ដាយរបស់សម្តេចតេជោ និងសម្តេចកិត្តិព្រឹទ្ធ ជូនចំពោះបងប្អូនប្រជាពលរដ្ឋទូទាំង ខេត្តពោធិ៍សាត់ ក៏ដូចជាប្រជាពលរដ្ឋក្នុងស្រុកភ្នំក្រវាញ ។ លោក បន្តទៀតថា សម្តេច ទាំងទ្វេ មិន ដែលបោះបង់ បងប្អូនជនរួមជាតិណាម្នាក់ឡើយ ។ទន្ទឹមនឹងនោះ ឯកឧត្តមទេសរដ្ឋមន្រ្តី បានអញ្ជើញចូលរួមចែកអំណោយជាមួយកាកបាទក្រហមកម្ពុជាដឹកនាំ ដោយ ឯកឧត្តម អ៊ុយ សំអាត ប្រធាននាយកដ្ឋានគ្រប់គ្រងគ្រោះមហន្តរាយ នៃ កាកបាទក្រហមកម្ពុជា តំណាងដ៏ខ្ពង់ខ្ពស់របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធាន កាកបាទក្រហមកម្ពុជា នៅឃុំបាក់ចិញ្ចៀន ស្រុកភ្នំក្រវាញផងដែរ៕

ក្រោយទឹកជន់ហូរច្រោះដី ប្រទះឃើញគ្រាប់មីនជាច្រើនគ្រាប់ នៅស្រុកសំឡូត ខេត្តបាត់ដំបង

បាត់ដំបង៖ នៅថ្ងៃទី១៦ ខែតុលា ឆ្នាំ២០២០ នេះ ក្រុមការងារ CMAC បានប្រទះឃើញគ្រាប់មីន និងគ្រាប់មិនទាន់ផ្ទុះជាច្រើនគ្រាប់នៅ ឃុំកំពង់ល្ពៅ ស្រុកសំឡូត ខេត្តបាត់ដំបង។ឯកឧត្តម ហេង រតនា នាយកមជ្ឈមណ្ឌលសកម្មភាពកម្ចាត់មីននៅកម្ពុជា CMAK បានបង្ហោះសារលើបណ្ដាញសង្គមហ្វ៊េសប៊ុកថា គ្រាប់មីន និងគ្រាប់មិនទាន់ផ្ទុះនេះ មិនមែនហូរតា មទឹកទេតែក្រោយទឹកហូរច្រោះអស់ដី ចេញគ្រាប់មីននិងគ្រាប់មិនទាន់ផ្ទុះហ្នងនៅតាមផ្លូវ។ឯកឧត្ដម បានបន្តអំពាវនាវចំពោះបងប្អូនរស់នៅតំបន់ទឹកជំនន់និងជាតំបន់គ្រាប់មីន សូមមេត្តាប្រុងប្រយ័ត្ន ! និងករណីមានឃើញគ្រាប់មីនឬគ្រាប់មិនទាន់ផ្ទុះ សូមរាយការណ៍ជូនប៉ូលិសមូលដ្ឋាន ឬកម្លាំងស៊ីម៉ាក់ជាបន្ទាន់៕

មេធាវីស្ម័គ្រចិត្តសម្តេចតេជោ បង្កើនសមាជិកភាព ដើម្បីជួយការពារសិទ្ធផ្លូវច្បាប់ដល់ស្ត្រីខ្វះលទ្ធភាព

ភ្នំពេញ៖ ក្រុមមេធាវីស្ម័គ្រចិត្តសម្តេចតេជោ បានបើកកិច្ចប្រជុំដើម្បី ដាក់បញ្ចូលសមាជិកថ្មី បន្ថែមចំនួន ៧១រូបបន្ថែម ដែលធ្វើអោយមេធាវីស្ម័គ្រចិត្តសម្តេចតេជោ សរុបឡើងដល់ ១៣៨រូប ដើម្បីបន្តជួយ ដល់ប្រជាពលរដ្ឋជាពិសេសស្ត្រីដែលខ្វះលទ្ធភាព ការពារសិទ្ធិ តាមផ្លូវច្បាប់។កិច្ចប្រជុំនេះ រៀបចំឡើងក្រោមវត្តមាន របស់ឯកឧត្ដម គី តិច ប្រធានក្រុមមេធាវីស្ម័គ្រចិត្តសម្តេចតេជោ និងដោយមានការចូលរួមពីអនុប្រធាន រួមនឹងសមាជិកទាំង១៣៨រូប នៅទីស្តីការគណៈរដ្ឋមន្ត្រីនៅល្ងាច ថ្ងៃទី១៥ ខែតុលា ម្សិលមិញ។ឯកឧត្តម គី តិច បានមានប្រសាសន៍ថា ដោយមើលឃើញ ពីតម្រូវការចាំបាច់នៃសេវា ផ្លូវច្បាប់ដូចជា ការប្រឹក្សាយោបល់ ការការពារក្តី ការតំណាងដោយអាណត្តិ ដល់ស្ត្រី ដែលជាជនរងគ្រោះ ហើយខ្វះលទ្ធភាពជួលមេធាវី ។ ឯកឧត្តម បន្តថា មេធាវីស្ម័គ្រចិត្ត សម្តេចតេជោកន្លងមក បានសហការជាមួយស្ថាប័ន ជំនាញពាក់ព័ន្ធក៏ដូចជាប្រព័ន្ធ តុលាការ ហើយជាពិសេសនៅតាមបណ្តាពន្ធនាគារនៅទូទាំងប្រទេស ដើម្បីស្នើសុំនូវ របាយការណ៍ហើយក៏ស្នើសុំនូវទិន្នន័យច្បាស់លាស់ តើមានករណីឃុំ ខ្លួនលើសពីនីតិវិធី ទេ? តើមានករណីបំពានច្បាប់ក្នុងការបំពេញតួនាទីរបស់អាជ្ញាធរមានសមត្ថកិច្ចនោះទេ ដើម្បីជំរុញនូវនីតិវិធីទាំងអស់នោះ ឲ្យពួកគាត់ទទួលបាននូវការការពារស្របច្បាប់ មួយ ឲ្យសមស្របទៅតាមស្តង់ដារ នៃការសម្រេចសេចក្កីដែលមានការគាំពារ ត្រឹម ត្រូវតាម ច្បាប់ រួមនឹងការសហការជាមួយតុលាការ ដើម្បីជំរុញនីតិវិធី ប្រសិន បើមានការឃុំ ខ្លួនលើស ស្នើសុំឲ្យតុលាការ ធ្វើការជំរុញនីតិវិធីចំពោះករណីឃុំខ្លួនលើស។ការបន្ថែមសមាសភាពសមាជិកថ្មីបន្ថែមនេះក៏មានការកែសម្រួលនូវ តួនាទី ភារកិច្ច មួយចំនួនដូចជា ការបន្ថែមតួនាទីអនុប្រធានឡើងដល់១០រូប ដែលត្រូវទទួលបន្ទុកតាមរាជធានីខេត្ត រួមនឹងការបែងចែកអោយមានក្រុមការងារស្រាវជ្រាវច្បាប់ និងពិគ្រោះយោបល់ ក្រុមអន្តរាគមន៍ និងក្រុមការងារប្រចាំ២៥រាជធានីខេត្ត។សូមរំលឹកថា ក្រុមមេធាវីស្ម័គ្រចិត្តសម្ដេចតេជោសែន ត្រូវបានបង្កើតឡើង ដោយ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា កាលពីថ្ងៃទី២៧ខែ កុម្ភៈឆ្នាំ២០១៩ ដើម្បីជួយការពារក្តីតាមផ្លូវច្បាប់ដល់ជនរងគ្រោះជាស្ត្រី ដោយសារការ រំលោភបំពាននានាជាដើម ដោយពុំគិតកម្រៃសេវានោះឡើយ៕អត្ថបទ៖ ដាវណ្ណ

កាកបាទក្រហមកម្ពុជាទទួលសវនាការ និងទទួលអំណោយមនុស្សធម៌ ពីសប្បុរសជន

ភ្នំពេញ៖ កាលពីព្រឹកថ្ងៃទី១៦ តុលា ២០២០នេះ នៅទីស្នាក់ការកណ្តាល កាកបាទក្រហមកម្ពុជា លោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា បានទទួលជួបសវនាការ និងទទួលអំណោយមនុស្សធម៌ពីសប្បុរសជនចំនួន៣ក្រុមហ៊ុន រួមមានអង្ករ និងថវិកា ទី១ ពីកញ្ញា មាស ពួយហ្កិច អគ្គនាយិការងក្រុមហ៊ុនផលិតបំពង់ទីបជ័រ KAP ដែលបានឧបត្ថម្ភថវិកាចំនួន ១០,០០០,០០០រៀល (ដប់លានរៀល) និងអង្ករចំនួន១០តោន, ទី២ ទទួលពីឧបាសិកា ឌុក នឿន នូវថវិកា៥០០ដុល្លារ និងអង្គរ១តោន, និងទី៣ទទួលពីក្រុមហ៊ុន SIGNARE JEWELLRY CO.,LTD នូវអង្ករ៣តោត សម្រាប់បម្រើដល់សកម្មភាពមនុស្សធម៌ ជួយដល់ប្រជាពលរដ្ឋជួបការលំបាក ដោយគ្រោះធម្មជាតិ និងគ្រោះមហន្តរាយផ្សេងៗ ជាពិសេសក្នុងស្ថានភាពគ្រោះទឹកជំនន់រហ័សនាពេលបច្ចុប្បន្ននេះ។ក្នុងឱកាសជួបសំណេះសំណាលនោះដែរ លោកជំទាវអគ្គលេខាធិការរងទី១ បានពាំនាំប្រសាសន៍របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលផ្តាំផ្ញើសួរសុខទុក្ខ និងថ្លែងអំណរគុណយ៉ាងជ្រាលជ្រៅចំពោះម្ចាស់អំណោយទាំងអស់ ដែលបាននាំយកអំណោយទាំងនេះ មកឧបត្ថម្ភដល់កាកបាទក្រហមកម្ពុជា ដើម្បីបន្តចែកជូនប្រជាពលរដ្ឋងាយរងគ្រោះ ជាពិសេសប្រជាពលរដ្ឋរងគ្រោះដោយសារគ្រោះទឹកជំនន់ នៅតាមបណ្តាខេត្តមួយចំនួននៅក្នុងប្រទេសកម្ពុជា។ឆ្លើយតបនឹងគ្រោះទឹកជំនន់ ដែលកំពុងយាយីនាពេលបច្ចុប្បន្ននេះ លោកជំទាវអគ្គលេខាធិការរងទី១ បានគូសបញ្ជាក់ថា កាកបាទក្រហមកម្ពុជា ក្នុងនាមជាជំនួយការឱ្យអាជ្ញាធរសាធារណៈ រួមជាមួយ គណៈកម្មាធិការជាតិគ្រប់គ្រងគ្រោះមហន្តរាយ អាជ្ញាធរគ្រប់លំដាប់ថ្នាក់ បាននិងកំពុងប្រើប្រាស់ នូវកម្លាំងសរុប មធ្យោបាយសរុប ដើម្បីជួយ សង្គ្រោះប្រជាពលរដ្ឋ ឱ្យរួចផុតពីគ្រោះថ្នាក់ និងទៅដល់ទីទួលសុវត្ថិភាព។ក្រៅពីការជួយសង្គ្រោះប្រជាពលរដ្ឋដល់ទីទួលសុវត្ថិភាព កាកបាទក្រហមកម្ពុជា ដែលមានកម្លាំងយុវជន និងអ្នកស្ម័គ្រចិត្ត បានធ្វើការអប់រំផ្សព្វផ្សាយដល់ពលរដ្ឋ ឱ្យបង្កើនការប្រុងប្រយ័ត្ន និងរស់នៅមានអនាម័យស្អាត បរិភោគទឹកឆ្អិន ឬអាហារដែលចម្អិនបានល្អ ចៀសវាងជំងឺរាតត្បាតនានាដែលបង្កឡើងដោយទឹក និងប្រុងប្រយ័ត្នពីសត្វអាសិរពិសគ្រប់ប្រភេទ។សូមប្រុងប្រយ័ត្នខ្ពស់ចំពោះគ្រោះថ្នាក់លង់ទឹក ជាពិសេសកុមារ ៗ ដែលងាយប្រឈមនឹងគ្រោះថ្នាក់នេះ និងសូមបន្តទប់ស្កាត់ជំងឺកូវីដ–១៩ នៅក្នុងសហគមន៍ ដោយអនុវត្តតាមវិធានការនានារបស់ក្រសួងសុខាភិបាល និងទម្លាប់រស់នៅតាមបែបគន្លងថ្មី សូមប្រុងប្រយ័ត្ន និងការពារកុំឱ្យកើតមានជំងឺគ្រុនឈាម និងគ្រុនឈីក។ទន្ទឹមនឹងនេះដែរ ម្ចាស់អំណោយទាំង៣ខាងលើ បានថ្លែងអំណរគុណចំពោះកាកបាទក្រហមកម្ពុជា ដែលបានអនុញ្ញាតឱ្យចូលរួមចំណែកការងារមនុស្សធម៌ និងចែករំលែកក្តីស្រឡាញ់ជាមួយកាកបាទក្រហមកម្ពុជា ក្នុងការជួយសម្រាលការលំបាកដល់អ្នក ដែលត្រូវការជំនួយជាចាំបាច់ ជាពិសេសអ្នកដែលរងគ្រោះដោយគ្រោះទឹកជំនន់ និងគ្រោះមហន្តរាយផ្សេងៗ៕ អត្ថបទ៖ សម ងីម

កងកម្លាំងថាហ៊ានពលីគ្រប់យ៉ាង ក្នុងការជួយសង្គ្រោះប្រជាពលរដ្ឋឱ្យមានសុវត្ថិភាព

ភ្នំពេញ៖ សម្រាប់ឱកាសបំពេញបេសកកម្មជួយសង្គ្រោះប្រជាពលរដ្ឋចេញពីទឹកជំនន់ នៅក្នុងខណ្ឌដង្កោកងកម្លាំងចម្រុះជាច្រើន បានអះអាងថា ខ្លួនហ៊ានពលីគ្រប់យ៉ាង ដើម្បីជួយសង្គ្រោះប្រជាពលរដ្ឋរងគ្រោះ ឱ្យមានសុវត្ថិភាពរួចផុតពីគ្រោះថ្នាក់។ ពួកគាត់មិនរុញរានឹងគ្រោះថ្នាក់ រឺភាពហត់នឿយនោះទេ ព្រោះវាជាកាតព្វកិច្ចរបស់កងកម្លាំង។រយៈពេលប៉ុន្មានថ្ងៃក្នុងការជួយជម្លៀសប្រជាពលរដ្ឋរងគ្រោះទឹកជំនន់ក្នុងខណ្ឌ ដង្កោ រាជធានីភ្នំពេញ មកទីទួលសុវត្ថិភាពរហូតមកដល់ថ្ងៃទី១៦ តុលាឆ្នាំ២០២០នេះកងកម្លាំងចម្រុះជាច្រើន នៅតែប្រចាំការ និងចេញទៅជួយសង្គ្រោះប្រជាពលរដ្ឋដែលត្រូវការជំនួយ រកទីសុវត្ថិភាពស្នាក់នៅ។ សម្រាប់សកម្មភាពចេញទៅជួយសង្គ្រោះនៅថ្ងៃនេះផ្ទាល់ ពុំមានភាពមមាញឹកនោះទេ ព្រោះប្រជាពលរដ្ឋរងគ្រោះជាច្រើន បានជម្លៀសមកទីសុវត្ថិភាព តាំងពីថ្ងៃទី១៤និងថ្ងៃទី១៥មកម្ល៉េះ។ខណៈពេលដែលកំពុងប្រចាំការនៅទីតាំងផ្លូវ២១៧ ក្នុងសង្កាត់ស្ពានថ្ម ខណ្ឌដង្កោ កងកម្លាំងបញ្ជាក់ថា បញ្ហារបស់ពលរដ្ឋគឺជាបញ្ហារបស់កងកម្លាំង។ ក្នុងនាមជាកងកម្លាំងគឺហ៊ានពលីគ្រប់យ៉ាងដើម្បីជួយសង្គ្រោះប្រជាពលរដ្ឋឱ្យមានសុខសុវត្ថិភាព។សម្រាប់ថ្ងៃទី១៦ តុលាឆ្នាំ ២០២០នេះ សម្ដេចពិជ័យសេនា ទៀ បាញ់ ក៏បានចុះមកពិនិត្យមើលស្ថានភាពទឹកជំនន់ សួរសុខទុក្ខប្រជាពលរដ្ឋរងគ្រោះ និងលើកទឹកចិត្តកងកម្លាំងចម្រុះទាំងអស់ ក្នុងការលះបង់កម្លាំងកាយចិត្ត ជំនះឧបសគ្គគ្រប់យ៉ាងក្នុងការជួយសង្គ្រោះប្រជាពលរដ្ឋគ្រប់រូបឱ្យគេចផុតពីគ្រោះថ្នាក់។សម្រាប់ការចូលរួមរបស់កងកម្លាំង ជាក់ស្ដែងបានចុះជួយសង្គ្រោះជីវិតប្រជាពលរដ្ឋឱ្យរួចផុតពីគ្រោះទឹកជំនន់គ្រប់ទីកន្លែង។ ក្នុងការជួយសង្គ្រោះប្រជាពលរដ្ឋរងគ្រោះគ្រប់ទិសទី ការសង្គ្រោះប្រជាពលរដ្ឋមកទីទួលសុវត្ថិភាព ក្នុងរាជធានីភ្នំពេញទាំងមូល ក៏សម្រេចបានជោគជ័យ និងសង្គ្រោះបានជាង ៥ពាន់គ្រួសារមកទីមានសុវត្ថិភាពផងដែរ នេះបើតាមការលើកឡើងរបស់ ឯកឧត្តម ឃួង ស្រេង អភិបាលរាជធានីភ្នំពេញ៕ អត្ថបទ៖ គឹមហុក

ប្រទេសជាតិដំណើរការអភិវឌ្ឍបាន លុះត្រាសេដ្ឋកិច្ចមានការរីកចម្រើនមានធនធានហិរញ្ញវត្ថុគ្រប់គ្រាន់

ភ្នំពេញ ៖ រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ថ្លែងថា ប្រទេសជាតិមួយអាចដំណើរការនៃការអភិវឌ្ឍទៅបាន លុះត្រាសេដ្ឋកិច្ចនៃប្រទេសមួយនោះ មានការរីកចំរើន និងមានធនធានហិរញ្ញវត្ថុគ្រប់គ្រាន់ ទើបការអភិវឌ្ឍអាចប្រព្រឹត្តទៅបាន។ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មការមូលបត្រកម្ពុជា បានលើកឡើងនៅក្នុង ពិធីកាត់ខ្សែបូរសម្ពោធដាក់ឱ្យដំណើរការជាផ្លូវការ អគារថ្មីនៃគណៈកម្មកាមូលបត្រកម្ពុជា នៅថ្ងៃទី១៦ ខែ តុលា ឆ្នាំ ២០២០ ម្សិលមិញនេះថា អគារថ្មីនៃគណៈកម្មការមូលបត្រកម្ពុជា ដែលបានសម្ពោធដាក់ឱ្យប្រើប្រាស់នាពេលនេះ ជាទីកន្លែងធ្វើការដ៏ស័ក្ដិសម សម្រាប់មន្ត្រីបំពេញការងារ ក្នុងនាមជាអាជ្ញាធរក្នុងវិស័យមូលបត្រឱ្យកាន់តែល្អប្រសើរឡើងថែមទៀត ដូច្នេះ មន្ត្រីរាជការគ្រប់លំដាប់ថ្នាក់ នៃគណៈកម្មការ មូលបត្រកម្ពុជាទាំងអស់ សូមបន្តកិច្ចខិតខំប្រឹងប្រែងបន្ថែមទៀត ក្នុងការបំពេញតួនាទី ភារកិច្ចរបស់ខ្លួន ដែលក្រសួងបានប្រគល់ជូន ដើម្បីប្តូរមកវិញនូវផលប្រយោជន៍សម្រាប់ការអភិវឌ្ឍជាតិ ជំរុញកំណើនសេដ្ឋកិច្ចនៅកម្ពុជា ដែលជាទិសដៅអាទិភាពរបស់រាជរដ្ឋាភិបាល ក្រោម ការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រី ដែលសម្តេច មានទស្សនៈវិស័យច្បាស់លាស់ ក្នុងការជំរុញនូវកំណើនសេដ្ឋកិច្ច ដែលជាបច្ច័យដ៏ចម្បង នៃការអភិវឌ្ឍជាតិ ប្រែក្លាយជីវភាពពលរដ្ឋឱ្យកាន់តែប្រសើរឡើង ជាពិសេសការកាត់បន្ថយនូវអត្រានៃភាពក្រីក្រនៅកម្ពុជា។ឯកឧត្តម ឧបនាយករដ្ឋមន្ត្រី គូសបញ្ជាក់ថា ប្រទេសជាតិមួយអាចដំណើរការនៃការអភិវឌ្ឍបាន ល្គឹកណាសេដ្ឋកិច្ចនៃប្រទេសមួយនោះមានការរីកចំរើន មានធនធានហិរញ្ញវត្ថុគ្រប់គ្រាន់ ទើបការអភិវឌ្ឍអាចប្រព្រឹត្តទៅបាន ។ ដូច្នេះមន្ត្រីទាំងអស់ មិនថាតែមន្ត្រីនៅគណៈកម្មការ មូលបត្រកម្ពុជានេះទេ ពោលគឺ មន្ត្រីនៅគ្រប់ក្រសួង-ស្ថាប័នរដ្ឋទាំងអស់ ត្រូវតែខិតខំបំពេញការងាររបស់ខ្លួនបន្ថែមទៀត ដើម្បីបំរើប្រទេសជាតិស្របតាមគោលនយោបាយរបស់រាជរដ្ឋាភិបាល ដែលមានសម្តេចតេជោ នាយករដ្ឋមន្ត្រី ជាប្រមុខដឹកនាំដ៏ស្វាហាប់ក្នុងការដឹកនាំប្រទេស ឆ្ពោះទៅរកការរីកចម្រើនឥតឈប់ឈរ ៕អត្ថបទ៖ សុន រ៉ាឌី

រដ្ឋមន្ត្រីក្រសួងឧស្សាហកម្ម ស្នើដល់តំណាងរោងចក្រ បង្កើនការផលិតសម្ភារៈបរិក្ខារការពារ Covid-19

ភ្នំពេញ ៖ រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ស្នើដល់តំណាងរោងចក្រផលិតសម្ភារៈបរិក្ខារ ការពារ Covid-19 បង្កើនការផលិតសម្ភារៈឲ្យបានកាន់តែច្រើន សម្រាប់ផ្គត់ផ្គង់ ឲ្យគ្រប់តម្រូវការទីផ្សារ ខណៈដែលមេរោគនេះ នៅគំរាមកំហែងពិភពលោកនៅឡើយ ។ឯកឧត្តមកិត្តិសេដ្ឋាបណ្ឌិត ទេសរដ្ឋមន្ត្រី ចម ប្រសិទ្ធ រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានលើឡើងនៅក្នុងជំនួបពិភាក្សាការងារ ជាមួយលោក Clement Yang ប្រធានក្រុមហ៊ុនរោងចក្រ MEDTECS Cambodia នៅថ្ងៃទី ១៦ ខែ តុលា ម្សិលមិញថា ក្រុមហ៊ុនរោងចក្រ MEDTECS ជាក្រុមហ៊ុនវិនិយោគទទួលបានជោគ ជ័យមួយនៅកម្ពុជា មានរយៈពេល ២១ ឆ្នាំមកហើយ ក្នុងនោះ ក្រុមហ៊ុនក៏បានរួមចំណែកនៅក្នុងសេដ្ឋកិច្ច ទីផ្សារការងារ និងការទទួលខុសត្រូវនៅក្នុងសង្គមកម្ពុជាផងដែរ, ជាក់ស្តែងការចូលរួមឧបត្ថម្ភសម្ភារៈបរិក្ខារការពារ Covid-19 គឺជាកាយចវិការបង្ហាញនូវទឹកចិត្តដ៏ប្រពៃ ខណៈដែលកម្ពុជាកំពុងជួបប្រទះ។ពាក់ព័ន្ធរោគរាតត្បាតនៃជំងឺកូវីដ–១៩ នេះ, ឯកឧត្តម ទេសរដ្ឋមន្ត្រី ក៏បានស្នើដល់លោក Clement Yang ប្រធានក្រុមហ៊ុន MEDTECS បង្កើនការយកចិត្តទុកដាក់ និងជំរុញផលិតសម្ភារៈ បរិក្ខារការពារ Covid-19 ឲ្យបានកាន់តែច្រើនថែមទៀតដូចជា ម៉ាស់ និងសំលៀកបំពាក់ពេទ្យជាដើម សម្រាប់ផ្គត់ផ្គង់ឲ្យគ្រប់តម្រូវការទីផ្សារ ចំពោះបញ្ហាទាំងអស់នេះ គឺជាចូលរួមចំណែកដ៏សំខាន់ផងដែរ នៅក្នុងការបង្ការ និងទប់ស្កាត់ នៃការរីករាលដាលជំងឺកូវីដ១៩ នេះ ។ក្នុងជំនួបនេះ, លោក Clement Yang ប្រធានក្រុមហ៊ុនរោងចក្រ MEDTECS Cambodia បានបង្ហាញនូវការពេញចិត្ត ចំពោះការវិនិយោគវិស័យរោងចក្រនៅកម្ពុជា ។ ចំណែកការចូលរួមទប់ស្កាត់នៃជំងឺកូវីដ ១៩ លោកសន្យា នឹងឧបត្ថម្ភសម្ភារៈបរិក្ខារ ការពារមេរោគ Covid-19 បន្ថែមទៀតដល់កម្ពុជា តាមរយៈកាកបាទក្រហមកម្ពុជា និងប្រគល់ថវិកាឧបត្ថម្ភចំនួន ២ ម៉ឺនដុល្លារអាមេរិក ដល់រាជរដ្ឋាភិបាល សម្រាប់សម្រាលបន្ទុកការងាររងគ្រោះដោយជំនន់ទឹកភ្លៀងនៅកម្ពុជា តាមរយៈឯកឧត្តមកិត្តិសេដ្ឋាបណ្ឌិត ទេសរដ្ឋមន្ត្រី ចម ប្រសិទ្ធ ដោយផ្ទាល់ នៅសប្តាហ៍ក្រោយនេះផងដែរ ៕អត្ថបទ ៖ សុន រ៉ាឌី

ទឹកជំនន់ទន្លេ មិនទាន់បង្កប៉ះពាល់ដល់បណ្តាពលរដ្ឋរស់នៅតាមដងទន្លេ ខេត្តកណ្តាលនោះទេ

កណ្ដាល ៖ បើតាមមន្ទីរធនធានទឹក និងឧតុនិយម ខេត្តកណ្តាល បានឲ្យដឹងថា ជំនន់ទឹកភ្លៀង និងជំនន់ទឹកទន្លេមេគង្គមិនទាន់បង្កការប៉ះពាល់ផ្ទះសំបែង និងដំណាំចំការរបស់របស់ប្រជាពលរដ្ឋនៅតាមដងទន្លេនោះទេ ហើយនៅពេលនេះទៀត ដីស្រែចំការមួយចំនួនដែលត្រូវការទឹកហូរពន្លិច គឺមិនទាន់បានលិចនោះទេ។បើតាមលោក យ៉ាវ ម៉េងសែ មន្ត្រីតាមដានកម្ពស់ទឹកទន្លេ នៃមន្ទីរធនធានទឹក និងឧតុនិយម ខេត្តកណ្តាល បានថ្លែងប្រាប់ BTV នៅថ្ងៃទី ១៧ ខែតុលានេះថា នៅពេលនេះ បើទោះខេត្តចំនួន១៦ បានកំពុងរងគ្រោះដោយសារទឹកជំនន់ទឹកភ្លៀងផង និងទឹកជំនន់ទន្លេមេគង្គ ក៏យើងសង្កេតឃើញថា កម្ពស់ទន្លេទឹកទន្លេមេគង្គ និងទន្លេបាសាក់ មិនទាន់បានហក់ឡើងក្នុងខ្ពស់ ធ្វើអោយយើងមានការព្រួយបារម្ភឡើយ។លោក យ៉ាវ ម៉េងសែ ថ្លែងថា គិតត្រឹមព្រឹកថ្ងៃទី១៧ ខែតុលានេះ កំពស់ទឹកទន្លេមេគង្គនៅស្ថានីយអ្នកលឿងមានកំពស់៤.៩៧ម៉ែត្រ កម្ពស់ទឹកនៅព្រឹកព្រែកក្តាមមាន៥.៨៣ម៉ែត្រ កំពស់ទឹកចតុមុខ ៦.៨៣ម៉ែត្រ និងកម្ពស់ទឹកស្ថានីយកោះខែល មានកំពស់៦.១៩ម៉ែត្រ ខណៈដែលកម្ពស់ប្រកាសអាសន្ន គឺមានកំពស់ចាប់ពី៧.៤០ម៉ែត្រ រហូតដល់១០.៥០ម៉ែត្រ។លោក បន្តថា តាមរយៈកម្ពស់នៅក្នុងកម្រិតនេះ គឺបានធ្វើអោយដីស្រែចំការដែលបានប្រមូលផលហើយ នៅក្នុងផ្នែកខាងក្រោម គឺកំពុងត្រូវការទឹកច្រើន ដើម្បីពន្លិចដីស្រែចំការរបស់គេ។បើតាមលោកប្រធានមន្ទីរធនធានទឹក និងឧតុនិយម ខេត្តកណ្តាល បានថ្លែងថា នៅពេលនេះ មានបណ្តាព្រែកមួយចំនួននៅក្នុងស្រុកកោះធំ គឺទើបតែមានទឹកហូរចូល ហើយការមានទឹកតិចតួចហូរដីស្រែនេះ វាបង្កអោយប្រជាពលរដ្ឋមួយចំនួនពិបាកធ្វើស្រែចំការ៕អត្ថបទ ៖ ស៊ុម សុខជា

សប្បុរសជននានា និងបុរីKP ម៉ន ដានី នាំអំណោយជួយដល់ប្រជាពលរដ្ឋជាងបួនពាន់គ្រួសារ រងគ្រោះដោយជំនន់ទឹកភ្លៀង

ពោធិ៍សាត់៖ បន្ទាប់ពីប្រទេសកម្ពុជាជួបគ្រោះមហន្តរាយដោយទឹកជំនន់ នៅតាមរាជធានី និងខេត្តមួយចំនួននោះ សប្បុរសជននានា ដែលដឹកនាំដោយអ្នកស្រី ម៉ន ដានី អគ្គនាយិកាក្រុមហ៊ុន បុរី ម៉នដានី រៀលអ៊ី ស្ទេត ឯកឧត្ដម និងស្វាមី ផង់ផាន់ ឃុនថាវង្ស នៅថ្ងៃទី១៥ដល់ថ្ងៃទី១៨ ខែតុលា ឆ្នាំ២០២០នេះ បាននាំអំណោយជាច្រើនយកទៅចែកជូនបងប្អូនប្រជាពលរដ្ឋជាងបួនពាន់គ្រួសារនៅខេត្តពោធិ៍សាត់ និងបាត់ដំបង ដែលកំពុងជួបបញ្ហាទឹកជំនន់នោះ។អំណោយទាំងអស់នោះរួមមាន៖ អង្ករ ២០តោន ត្រីខ ៩.៨០០កំប៉ុង មី ៤.០៧៦កេស ទឹកបរិសុទ្ធ ៤.០០០កេស ទឹកត្រី ៣២យួរ និង ទឹកស៊ីអ៉ីវ៣០យួរ។អ្នកស្រី ម៉ន ដានី បានលើកឡើងថា «ការផ្តល់ជូនអំណោយទាំងនេះ គឺកើតឡើងដោយសារទឹកចិត្តអាណិតស្រលាញ់ ក្នុងនាមជាប្រជាជាតិខ្មែរមិនប្រកាន់ឋានៈបក្ខពួក ឬនិន្នាការនយោបាយអ្វីទាំងអស់ ហើយការជួយនេះ គឺមិនមែនតែបងប្អូនប្រជាពលរដ្ឋនៅខេត្តទាំងពីរខាងលើនេះទេ គឺនឹងបន្តជួយនៅតាមខេត្តផ្សេងៗទៀតដែលអាចធ្វើទៅបាន ខណៈពួកគាត់កំពុងជួបបញ្ហាលំបាកនេះ។»បន្ទាប់ពីធ្វើការចែកអំណោយដល់បងប្អូនប្រជាពលរដ្ឋរងគ្រោះដោយសារទឹកជំនន់នោះ អភិបាលនៃគណៈអភិបាលខេត្តពោធិ៍សាត់ ឯកឧត្ដម ម៉ៅ ធនិន និងឯកឧត្ដមអភិបាលខេត្តបាត់ដំបង បានថ្លែងអំណរគុណចំពោះទឹកចិត្តសប្បុរសធម៌នេះ ដែលស្តែងឲ្យឃើញអំពីការជួយគិតគូរ និងក្តីអាណិតស្រលាញ់ ចំពោះប្រជាពលរដ្ឋដោយឈរលើបុព្វហេតុជាតិ សាមគ្គីជាធ្លុងមួយ ក្នុងស្មារតីជួយគ្នាទៅវិញទៅមកនៅក្នុងកាលៈទេសៈដែលប្រទេសជាតិបាន និងកំពុងជួបទុក្ខលំបាកនោះ។ឯកឧត្ដមអភិបាលខេត្តទាំងពីរក៏បាន លើកឡើងផងដែរថា សមានចិត្តដ៏ល្អរបស់ថ្នាក់ដឹកនាំ និងបុគ្គលិកបុរី KP ម៉ន ដានី រួមទាំងសប្បុរសជននានានេះនឹងត្រូវបានចងចាំទុកដោយរាជរដ្ឋាភិបាល រដ្ឋបាលខេត្តពោធិ៍សាត់ និងបាត់ដំបង និងប្រជាពលរដ្ឋកម្ពុជាទាំងអស់ដែលបានទទួលនូវអំណោយទាំងនេះ៕ អត្ថបទបាន ចក់

បណ្ដាញសង្គម

ព័ត៌មានថ្មីៗ

កម្ពុជាដាក់ចេញវិធានការបន្ទាន់ ដើម្បីទប់ការកើនឡើងនៃសម្ពាធអតិផរណា រក្សាស្ថិរភាពម៉ាក្រូសេដ្ឋកិច្ចជាតិ

Gianni Infantino បញ្ជាក់ជំហរបន្តឈរឈ្មោះជាប្រធាន FIFA

ស.ស.យ.ក ជាស្ត្រី បរិច្ចាគថវិកា ៣០,០០០,០០០រៀល សម្រាប់ប្រជាពលរដ្ឋនៅភូមិរង់ចាំ

គ.ជ.ប នឹងធ្វើបច្ចុប្បន្នភាពទិន្នន័យជីវមាត្រអ្នកចុះឈ្មោះបោះឆ្នោតឆ្នាំ២០១៦-២០១៧

រាជរដ្ឋាភិបាលបញ្ចេញថវិកាជាង ៥៣លានដុល្លារឧបត្ថម្ភដល់ស្ត្រីមានផ្ទៃពោះ និងកុមារអាយុក្រោម ២ ឆ្នាំ ដែលជាក្រុមគោលដៅ

មន្ទីរបរិស្ថានខេត្តមណ្ឌលគិរី ថ្កោលទោសចំពោះបុគ្គលដែលបានគប់គិតប្រមូលបក្សពួកធ្វើការបំផ្លាញហេដ្ឋារចនាសម្ព័ន្ធសាធារណៈ ដោយវាយកម្ទេច និងដុតបំផ្លាញទីស្នាក់ការរងស្រែជ្រៃ

ទេយ្យវត្ថុដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវបណ្ឌិត ត្រូវបានប្រគេនដល់វត្តចំនួន៤ បន្ថែមទៀត នៅស្រុកចន្ទ្រា ខេត្តស្វាយរៀង

NPIC ជំរុញទូរគមនាគមន៍ដោយផ្តល់ឱកាសឱ្យសិស្សអនុវត្តផ្ទាល់លើប្រព័ន្ធផ្កាយរណប និងរ៉ាដា

រាជរដ្ឋាភិបាលនឹងទម្លាក់កញ្ចប់ថវិកា ៥៣ លានដុល្លារ សម្រាប់បន្តអភិវឌ្ឍន៍ជំនាញគាំទ្រ MSMEs

លោក ហែម សុវត្ថិ ប្រធានក្រុមការងាររាជរដ្ឋាភិបាលចុះមូលដ្ឋានឃុំកោះសូទិន ផ្តល់រង្វាន់លើកទឹកចិត្តម៉ូតូសរុប ៤គ្រឿង ដល់សិស្សដែលជាប់និទ្ទេស A នៅក្នុងឃុំកោះសូទិន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ចំនួនអ្នកស្លាប់ ដោយសារលង់ទឹកបានកើតឡើងចំនួន១៨នាក់ហើយ ខណៈពលរដ្ឋជាង២១ម៉ឺននាក់រងផលប៉ះពាល់

ទេសរដ្ឋមន្រ្តី លី ធុជ ចុះចែកគ្រឿងឧបភោគ-បរិភោគ ជូនដល់ពលរដ្ឋ រងគ្រោះដោយជំនន់ទឹកភ្លៀងនៅខេត្តពោធិ៍សាត់

ក្រោយទឹកជន់ហូរច្រោះដី ប្រទះឃើញគ្រាប់មីនជាច្រើនគ្រាប់ នៅស្រុកសំឡូត ខេត្តបាត់ដំបង

មេធាវីស្ម័គ្រចិត្តសម្តេចតេជោ បង្កើនសមាជិកភាព ដើម្បីជួយការពារសិទ្ធផ្លូវច្បាប់ដល់ស្ត្រីខ្វះលទ្ធភាព

កាកបាទក្រហមកម្ពុជាទទួលសវនាការ និងទទួលអំណោយមនុស្សធម៌ ពីសប្បុរសជន

កងកម្លាំងថាហ៊ានពលីគ្រប់យ៉ាង ក្នុងការជួយសង្គ្រោះប្រជាពលរដ្ឋឱ្យមានសុវត្ថិភាព

ប្រទេសជាតិដំណើរការអភិវឌ្ឍបាន លុះត្រាសេដ្ឋកិច្ចមានការរីកចម្រើនមានធនធានហិរញ្ញវត្ថុគ្រប់គ្រាន់

រដ្ឋមន្ត្រីក្រសួងឧស្សាហកម្ម ស្នើដល់តំណាងរោងចក្រ បង្កើនការផលិតសម្ភារៈបរិក្ខារការពារ Covid-19

ទឹកជំនន់ទន្លេ មិនទាន់បង្កប៉ះពាល់ដល់បណ្តាពលរដ្ឋរស់នៅតាមដងទន្លេ ខេត្តកណ្តាលនោះទេ

សប្បុរសជននានា និងបុរីKP ម៉ន ដានី នាំអំណោយជួយដល់ប្រជាពលរដ្ឋជាងបួនពាន់គ្រួសារ រងគ្រោះដោយជំនន់ទឹកភ្លៀង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ក្រោយ​ទឹក​ជន់​ហូរ​ច្រោះ​ដី ប្រទះឃើញ​គ្រាប់មីន​ជាច្រើន​គ្រាប់ ​នៅ​ស្រុក​សំឡូត ខេត្តបាត់ដំបង​

កាកបាទ​ក្រហមកម្ពុជា​ទទួល​សវនាការ និង​ទទួល​អំណោយ​មនុស្សធម៌ ពី​សប្បុរសជន

កងកម្លាំង​ថា​ហ៊ាន​ពលី​គ្រប់យ៉ាង ​ក្នុង​ការ​ជួយសង្គ្រោះ​ប្រជាពលរដ្ឋ​ឱ្យ​មាន​សុវត្ថិភាព​

រដ្ឋ​មន្ត្រីក្រសួង​ឧស្សាហកម្ម ​ស្នើ​ដល់​តំណាង​រោងចក្រ ​បង្កើន​ការផលិត​សម្ភារៈ​បរិក្ខារ​ការពារ ​Covid-19

ទឹកជំនន់​ទន្លេ ​មិនទាន់​បង្ក​ប៉ះពាល់​ដល់​បណ្តា​ពលរដ្ឋ​រស់នៅ​តាម​ដង​ទន្លេ​ ខេត្តកណ្តាល​នោះ​ទេ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ក្រោយទឹកជន់ហូរច្រោះដី ប្រទះឃើញគ្រាប់មីនជាច្រើនគ្រាប់ នៅស្រុកសំឡូត ខេត្តបាត់ដំបង

កាកបាទក្រហមកម្ពុជាទទួលសវនាការ និងទទួលអំណោយមនុស្សធម៌ ពីសប្បុរសជន

កងកម្លាំងថាហ៊ានពលីគ្រប់យ៉ាង ក្នុងការជួយសង្គ្រោះប្រជាពលរដ្ឋឱ្យមានសុវត្ថិភាព

រដ្ឋមន្ត្រីក្រសួងឧស្សាហកម្ម ស្នើដល់តំណាងរោងចក្រ បង្កើនការផលិតសម្ភារៈបរិក្ខារការពារ Covid-19

ទឹកជំនន់ទន្លេ មិនទាន់បង្កប៉ះពាល់ដល់បណ្តាពលរដ្ឋរស់នៅតាមដងទន្លេ ខេត្តកណ្តាលនោះទេ