BTV NEWS

សម្តេចតេជោ ហ៊ុន សែន ជួបពិភាក្សាការងារតាមប្រព័ន្ធវីដេអូជាមួយប្រធានរដ្ឋសភា អាស៊ែបៃហ្សង់

គណៈប្រតិភូនៃសន្និសីទប្រធានសភានៃអន្តរសភា វាយតម្លៃខ្ពស់ចំពោះជោគជ័យនៃ «សន្និសីទប្រធានសភានៃអន្តរសភា លើកទី២» នៅកម្ពុជា

ប្រធានរដ្ឋសភាម៉ាឡេស៊ី ប្ដេជ្ញាបន្តលើកកម្ពស់កិច្ចសហប្រតិបត្តិការទ្វេភាគីជាមួយកម្ពុជាឱ្យកាន់តែរីកចម្រើន និងរឹងមាំ

ព្រីតថេន នឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

រដ្ឋមន្ត្រីយុត្តិធម៌ ស្នើមន្ត្រីតុលាការ ពង្រឹងសេវាយុត្តិធម៌និងកាត់បន្ថយការកកស្ទះសំណុំរឿង

វេទិកាកុមារអាស៊ានលើកទី ៦រៀបចំឡើងតាមប្រព័ន្ធអនឡាញដោយសារវិបត្តិជំងឺកូវីដ-១៩

ភ្នំពេញ៖ វេទិកាកុមារអាស៊ានលើកទី៦ បានរៀបចំឡើងនៅថ្ងៃទី១៣ ខែតុលាឆ្នាំ ២០២០ ដោយផ្លាស់ពីការរៀបចំវេទិកាដោយជួបគ្នាផ្ទាល់ ផ្លាស់មករៀបចំវេទិការតាមប្រព័ន្ធអនឡាញជំនួសវិញ។សម្រាប់វេទិកាកុមារអាស៊ាន គឺជាវេទិកាមួយដែលត្រូវបានរៀបចំឡើងជារៀងរាល់ឆ្នាំដែលតំណាងកុមារមកពីប្រទេសសមាជិកអាស៊ាន ត្រូវបានជ្រើសរើសឱ្យចូលរួមចែករំលែកយោបល់របស់ពួកគេ និងចូលរួមក្នុងការពិភាក្សាទាក់ទងនឹងបញ្ហាយុវជន និងដើម្បីទទួលបានអនុសាសន៍។ វេទិកានៅឆ្នាំ ធ្វើឡើងក្រោមប្រធានបទ ផលប៉ះពាល់លើកុមារនៃ COVID-១៩ និងផលប៉ះពាល់ជាបន្តបន្ទាប់នៃស្ថានភាពរាតត្បាត។ក្នុងឱកាសរៀបចំវេទិកានេះ ឯកឧត្តម សំហេង បុរស រដ្ឋលេខាធិការក្រសួងសង្គមកិច្ច បានលើកឡើងថា វេទិកានេះ ជាវេទិការបស់កុមារ និងយុវជន។ កុមារនិងយុវជន មានបញ្ហាជាច្រើនត្រូវគិតគូ ពីការផ្លាស់ប្តូរអាកាសធាតុរហូតដល់ការរីករាលដាលនៃជំងឺកូវីដ–១៩ និងអ្វីៗជាច្រើនទៀតនៅក្នុងពិភពលោកដែលកំពុងមានបញ្ហាដែលតែងតែផ្លាស់ប្តូរ។ យើងរស់នៅក្នុងអនាគតរបស់អ្នកហើយយើងពឹងផ្អែកលើអ្នកខ្លាំងណាស់ដើម្បីអាចអភិវឌ្ឍគំនិតវិជ្ជមានដែលនឹងជួយធ្វើឱ្យពិភពលោករបស់យើងក្លាយជា កន្លែងល្អប្រសើរសម្រាប់មនុស្សជាតិនាពេលអនាគត។វេទិកាកុមារអាស៊ានលើកទី ៦ នេះត្រូវបានគ្រោងទុកដំបូងថាជាវេទិកាដោយផ្ទាល់ដែលនឹងត្រូវរៀបចំឡើងនៅក្រុងសៀមរាបអង្គរប្រទេសកម្ពុជា តែត្រូវខកខានដោយសារជំងឺ កូវីដ១៩។ ឯកឧត្តមសង្ឃឹមថាយើងនឹងជួបអ្នកមួយចំនួនដោយផ្ទាល់នាពេលអនាគតដ៏ខ្លី ដើម្បីស្វែងយល់ពីទេសភាពនៅកម្ពុជា និងទស្សនាប្រាសាទបុរាណរបស់កម្ពុជា៕ អត្ថបទ៖ គឹមហុក

សប្បុរសជនចូលរួមជាមួយរាជរដ្ឋាភិបាល ដើម្បីសង្គ្រោះពលរដ្ឋរងគ្រោះគិតត្រឹមម៉ោង៦ល្ងាច មានទឹកប្រាក់ជាង ៥លាន៥សែនដុល្លារហើយ

ភ្នំពេញ៖ ក្នុងស្ថានភាពដែលបណ្តាខេត្តជាច្រើនប្រឈមយ៉ាងធ្ងន់ធ្ងរគ្រោះជំនន់ទឹកភ្លៀង សម្តេចតេជោ ហ៊ុន សែន នាយករដ្ឋមន្ត្រី បានអរគុណយ៉ាងជ្រាលជ្រៅដល់សប្បុរសជនដែលបានចូលរួមជាមួយរាជរដ្ឋាភិបាលបរិច្ចាគថវិកាផ្ទាល់ខ្លួនសម្រាប់ជួយសង្គ្រោះពលរដ្ឋរងគ្រោះដោយជំនន់ទឹកភ្លៀង។សម្ដេច បានបង្ហាញតាមរយៈហ្វេសប៊ុកនៅរសៀលថ្ងៃទី១៤តុលានេះថា គិតមកដល់ម៉ោង៦:០០នាទីល្ងាចថ្ងៃទី១៤តុលានេះថវិកាទទួលបាន មាន ៥លាន៥សែន៤ម៉ឺន ១ពាន់ដុល្លារហើយ។សម្តេច បានអរគុណចំពោះសប្បុរសជនដែលបានចូលរួមជាបន្តបន្ទាប់ដើម្បីជួយ ប្រជាជន ក្នុងគ្រោះជំនន់ទឹកភ្លៀងដែលកំពុង កើតមាននៅក្នុងប្រទេស។សម្តេច បានអះអាងថា ថវិកាដែលសប្បុរសជនចូលរួមនេះនឹងចាត់ចែងជួយសង្គ្រោះបន្ទាន់តាមរយៈគណៈកម្មាធិ ការជាតិគ្រប់គ្រងគ្រោះមហន្តរាយ។ សម្តេចបន្តថា ក្នុងករណីយមានសប្បុរសជនចង់ចូលរួមបន្ថែមទៀតនោះ សម្តេចបានអោយទាក់ទងទៅលោក សេង ទៀង រដ្ឋលេខាធិការទីស្តីការគណៈរដ្ឋមន្ត្រី។ សម្ដេច ក៏បានបង្ហាញនូវមោទនភាពជាតិថា ស្រឡាញ់គ្នាក្នុងគ្រាក្រ ស្គាល់មិត្តល្អក្នុងគ្រាលំបាក៕

សម្តេចតេជោ ហ៊ុន សែន ថ្វាយព្រះរាជកុសល ព្រះវិញ្ញាណក្ខន្ធ ព្រះបរមរតកោដ្ឋ យាងបដិសន្ធិក្នុងព្រះបរមសុគតិភពកុំបីឃ្លៀងឃ្លាតឡើយ !

ភ្នំពេញ ៖ នៅថ្ងៃទី១៥ ខែតុលា ឆ្នាំ២០២០នេះ ជាថ្ងៃខួប៨ឆ្នាំ នៃការយាងចូលព្រះទិវង្គត នៃព្រះករុណា ព្រះបាទសម្តេច នរោត្តម សីហនុ ព្រះបរមរតនកោដ្ឋ, ខណៈនេះ សម្តេចតេជោ ហ៊ុន សែន នាយករដ្ឋមន្ត្រី បានបង្ហោះសារថ្វាយព្រះរាជកុសល ថ្វាយព្រះវិញ្ញាណក្ខន្ធ ព្រះបរមរតនកោដ្ឋ សូមស្តេចយាងបដិសន្ធិ ក្នុងព្រះបរមសុគតិភពកុំបីឃ្លៀងឃ្លាតឡើយ។សម្តេចតេជោ ហ៊ុន សែន បានបង្ហោះសារក្នុង Facebook យ៉ាងដូច្នេះថា «ថ្ងៃទី១៥ ខែតុលា ឆ្នាំ២០២០ នេះ គឺជាខួប ទី៨ឆ្នាំ (១៥តុលា ២០១២–១៥តុលា ២០២០) នៃការយាងចូលព្រះទិវង្គត នៃព្រះករុណា ព្រះបាទ សម្តេច នរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ ព្រះបរមរតនកោដ្ឋ ជាទីគោរពសក្ការៈដ៏ខ្ពង់ខ្ពស់បំផុត ។ប្រជារាស្ត្រទូទាំងប្រទេស ព្រមទាំងមន្ត្រីរាជការ កងកម្លាំងប្រដាប់អាវុធគ្រប់ជាន់ថ្នាក់ សូមសម្តែងនូវការគោរពដឹងគុណដ៏ខ្ពង់ខ្ពស់បំផុតថ្វាយចំពោះ ព្រះបរមរតនកោដ្ឋ ដែលព្រះអង្គបានលះបង់ និងបូជាព្រះកាយពលដ៏ធំធេងបំផុតចំពោះជាតិមាតុភូមិកម្ពុជា។សូមថ្វាយព្រះរាជកុសល ថ្វាយព្រះវិញ្ញាណក្ខន្ធព្រះបរមសព ព្រះករុណា ព្រះបាទ សម្តេចព្រះ នរោត្តម សីហនុ សូមស្តេចយាងបដិសន្ធិ ក្នុងព្រះបរមសុគតិភពកុំបីឃ្លៀងឃ្លាតឡើយ»៕អត្ថបទ ៖ សុត

ថវិកាសប្បុរសជនចូលរួមជាមួយរាជរដ្ឋាភិបាលដើម្បីសង្គ្រោះពលរដ្ឋរងគ្រោះគិតត្រឹមម៉ោង៩:៥០នាទីព្រឹកនេះមានទឹកប្រាក់៥លាន៧សែន៩ម៉ឺន៥ពាន់ដុល្លារ និងប្រាក់រៀល២០៤លាន

ភ្នំពេញ ៖ ក្នុងស្ថានភាពដែលបណ្តាខេត្តជាច្រើនបាននិងកំពុងប្រឈមយ៉ាងធ្ងន់ធ្ងរគ្រោះជំនន់ទឹកភ្លៀង សម្តេចតេជោ ហ៊ុន សែន នាយករដ្ឋមន្ត្រីបានអរគុណយ៉ាងជ្រាលជ្រៅដល់សប្បុរសជនដែលបានចូលរួមជាមួយរាជរដ្ឋាភិបាលបរិច្ចាគថវិកាផ្ទាល់ខ្លួនជាបន្តបន្ទាប់ សម្រាប់ជួយសង្គ្រោះប្រជាពលរដ្ឋដែលរងគ្រោះដោយជំនន់ទឹកភ្លៀង។សម្តេចបានបង្ហាញតាមរយៈហ្វេសប៊ុកនៅវេលាម៉ោង៩:៥០នាទីព្រឹកថ្ងៃថ្ងៃទី១៥តុលាថាគិត មកដល់ម៉ោង៩:៥០:នាទីថវិកាដែលទទួលបាន មាន ៥លាន៧សែន៩ម៉ឺន ៥ពាន់ដុល្លារនិង២០៤លានរៀល។សម្តេច បានអរគុណចំពោះសប្បុរសជនដែល បានចូលរួមជាបន្តបន្ទាប់ដើម្បីជួយ ប្រជាជន ក្នុងគ្រោះជំនន់ទឹកភ្លៀងដែលកំពុង កើតមាននៅក្នុងប្រទេស។សម្តេច បានអះអាងថា ថវិកាដែលសប្បុរសជនចូលរួមនេះនឹងចាត់ចែងជួយសង្គ្រោះបន្ទាន់តាមរយៈគណៈកម្មាធិការជាតិគ្រប់គ្រងគ្រោះមហន្តរាយ។ សម្តេច បន្តថា ក្នុងករណីមានសប្បុរសជនចង់ចូលរួមបន្ថែមទៀតនោះ សម្តេច បានណែនាំអោយទាក់ទងទៅលោក សេង ទៀង រដ្ឋលេខាធិការទីស្តីការគណៈរដ្ឋមន្ត្រី។ សម្តេច ក៏បានបង្ហាញនូវមោទនភាពជាតិថា ស្រឡាញ់គ្នាក្នុងគ្រាក្រ ស្គាល់មិត្តល្អក្នុងគ្រាលំបាក។សូមបញ្ជាក់ថា ម្សិលមិញរដ្ឋមន្ត្រីក្រសួងធនធានទឹក និងឧតុនិយមអមដោយមន្ត្រីជំនាញពាក់ព័ន្ធនឹងអាជ្ញាធរខេត្តកណ្ដាល បានចុះពិនិត្យតាមដាន និងវាយតម្លៃស្ថានភាពទឹកដើម្បីសម្រួលលំហូរបរិមាណជំនន់ទឹកភ្លៀងនៅភូមិសាស្ត្ររាជធានីភ្នំពេញ ខេត្តកណ្ដាល និងខេត្តកំពង់ស្ពឺ ព្រមទាំងត្រៀមលក្ខណៈកែលម្អបន្ថែមជាមុននឹងចាប់ផ្ដើមអនុវត្តគម្រោងប្រព័ន្ធស្រោចស្រព និងការពារទឹកជំនន់ស្ទឹងព្រែកត្នោត នៅរាជធានីខេត្តទាំង ៣ ខាងលើនាពេលដ៏ខ្លីខាងមុខ។ ស្ថានភាពទឹកជាក់ស្ដែងល្ងាចម្សិលមិញ គឺកម្ពស់ទ្វារទឹកទំនប់អាង ៧ មករា មានកម្រិតកម្ពស់ទ្វារទឹកខាងមុខ ៦,៥៤ម៉ែត្រ ហូរលើទ្វារទឹកកម្ពស់ ១,៧៤ម៉ែត្រ កម្ពស់ទ្វារទឹកក្រោយ ៩,៤៥ម៉ែត្រ ។កម្ពស់ទឹកនេះធៀបនឹងពេលព្រឹកបានកើនកម្ពស់ ០,២០ ម៉ែត្របន្ថែមដោយសារមានការបើកទ្វារទឹកនៅសំណង់ទ្វារទឹករលាំងជ្រៃ នៅខេត្តកំពង់ស្ពឺ។ក្រសួងធនធានទឹក និងឧតុនិយម ក៏បានអំពាវនាវឲ្យបងប្អូនប្រជាពលរដ្ឋរស់នៅតាមបណ្ដោយសណ្ដរទំនប់ស្ទឹងព្រែកត្នោត និងផ្នែកខាងក្រោមមេត្តា បន្តការប្រុងប្រយ័ត្ន និងត្រៀមលក្ខណៈបន្ថែមដើម្បីបញ្ចៀសនូវគ្រោះថ្នាក់ជាយថាហេតុពីជំនន់ទឹកភ្លៀងនេះ៕

មន្ត្រីរាជការ កងកម្លាំងប្រដាប់អាវុធ នៃស្ថាប័នជាតិនានា គោរពព្រះវិញ្ញាណក្ខន្ធ ព្រះបរមរតនកោដ្ឋ

ភ្នំពេញ ៖ ថ្ងៃទី១៥ខែតុលាឆ្នាំ២០២០ នេះ គឺជាខួប៨ឆ្នាំនៃការយាងសោយទិវង្គត ព្រះករុណាព្រះបរមរតនកោដ្ឋ ហើយដើម្បីតបស្នងចំពោះព្រះគុណូបការៈដ៏ឧត្ដុង្គឧត្ដម របស់ព្រះអង្គថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធនៃស្ថាប័ននានាសរុបចំនួន៥៦ ស្ថាប័ន អង្គភាពបានអញ្ជើញថ្វាយកម្រងផ្កាគោរពព្រះវិញ្ញាណក្ខន្ធរបស់ព្រះអង្គនៅមណ្ឌបព្រះបរមរូប ក្បែរវិមានឯករាជ្យគម្រប់៨ឆ្នាំ នៃការសោយព្រះទិវង្គតរបស់ព្រះអង្គ។ការយាងសោយទិវង្គតរបស់ព្រះបរមរតនកោដ្ឋ ព្រះករុណាព្រះបាទសម្តេចព្រះនរោត្តម សីហនុ ប្រៀបដូចជា ស្បៃអន្ធការដែលបាន ចូលមកគ្របដណ្តប់ លើផែនពសុធាដ៏ស្រស់បំព្រង នៃដែនសីមារបស់កម្ពុជាពោលគឺប្រជាពលរាស្ត្រខ្មែរទូទាំងប្រទេស បានបង្ហាញសេចក្តី សោក ស្តាយស្រណោះអាឡោះអាល័យ ជាពន់ពេក ចំពោះការបាត់បង់អង្គព្រះមហាក្សត្រ ដែលបានបន្សល់ទុក នូវស្នាព្រះហស្ត ដ៏ច្រើនសម្រាប់ជាតិមាតុភូមិកម្ពុជា។ស្នាព្រះហស្តធំៗដែលធ្វើឲ្យប្រជាពលរដ្ឋខ្មែរ នៅតែចងចាំជាប់មិនអាចបំភ្លេចបាននោះគឺការយាងបំពេញព្រះរាជបូជនីយកិច្ច យ៉ាងអង់អាចក្លាហានក្នុងការទាមទារ និងដណ្តើមសិទ្ធិសេរីភាព ជូនប្រជាពលរដ្ឋខ្មែរ ពីនឹមអនាគមបារាំងរហូតទទួលបានជោគជ័យនៅថ្ងៃទី៩ វិច្ឆិកា ឆ្នាំ១៩៥៣។ក្រោយការទាមទារឯករាជ្យពីបារាំង បានជោគជ័យហើយការបំពេញព្រះរាជកិច្ចដឹកនាំប្រទេស ក្នុងសម័យសង្គមរាស្ត្រនិយម (១៩៥៣–១៩៧០) ក៏បានធ្វើឲ្យប្រជាពលរដ្ឋខ្មែរស្ញប់ស្ញែង និងចងចាំមិនអាចបំភ្លេចបានចំពោះភាពរីកចម្រើន និងលិចធ្លោររបស់ជាតិកម្ពុជា។ក្រោមការដឹកនាំរបស់ព្រះមហាវីរក្សត្រព្រះបាទ នរោត្ដម សីហនុ ជាព្រះប្រមុខរដ្ឋរបបសង្គមរាស្ត្រនិយម ត្រូវបានចាត់ទុកថាជា «គុជអាស៊ី» ដោយ សារ មានការរីកចម្រើនលើគ្រប់វិស័យ។ ព្រះបរមរតនកោដ្ឋ ត្រូវបានប្រជារាស្ត្រខ្មែរចាត់ទុកជាអង្គព្រះមហាវីរក្សត្រ ដែលបានលះបង់ព្រះកាយពល និងព្រះបញ្ញាញាណពេញមួយព្រះជន្មរបស់ព្រះអង្គ ដើម្បីបុព្វហេតុជាតិមាតុភូមិ និងនាំមកនូវឧត្តមប្រយោជន៍សម្រាប់ប្រជារាស្ត្ររបស់ព្រះអង្គ។គំរូវីរភាពដ៏អង់អាចក្លាហាន ក្នុងការទាមទារឯករាជ្យពីបារាំង និងស្នាព្រះហស្តដឹកនាំកសាងសង្គមកម្ពុជា ក្នុងសម័យសង្គមរាស្ត្រនិយមឲ្យល្បីរន្ទឺនៅអាស៊ីនោះហើយ គឺជាការសាងនូវភាពល្បីល្បាញ ចងចាំបេះដូងរាស្ត្រខ្មែរគ្មានថ្ងៃបំភ្លេចបាន ។ បើទោះបីព្រះកាយរបស់ព្រះអង្គ បានរសាត់បាត់ពីភពផែនដី តែព្រះកិត្តិនាមរបស់ព្រះអង្គ នៅតែបន្តក្រអូប ឈ្ងុយឈ្ងប់ក្រាលគ្រប លើផែនពសុធា។សូមបញ្ជាក់ថា ព្រះករុណា ព្រះបាទសម្ដេចព្រះនរោត្ដម សីហនុ អតីតព្រះមហាក្សត្រនៃព្រះរាជាណាចក្រកម្ពុជា ព្រះអង្គប្រសូតនៅថ្ងៃអង្គារ ទី៣១ ខែតុលា ឆ្នាំ១៩២២ នៅរាជធានីភ្នំពេញ។ ទ្រង់យាងចូលទិវង្គតនៅថ្ងៃចន្ទ ទី១៥ខែតុលា ឆ្នាំ២០១២ វេលាម៉ោង ១៖២០នាទីយប់ នៅទីក្រុងប៉េកាំង ប្រទេសចិន ដោយព្រះជរាពាធ ក្នុងជន្មាយុ ៩០ព្រះវស្សា៕អត្ថបទ : មុត សុទ្ធ

ឯកឧត្តម សាស្ត្រាចារ្យ ម៉ម ប៊ុនហេង អំពាវនាវពលរដ្ឋបង្កើនការថែទាំសុខភាព ក្នុងពេលជួបគ្រោះទឹកជំនន់

ភ្នំពេញ ៖ ឯកឧត្តម សាស្ត្រាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល បានអំពាវនាវដល់ប្រជាពលរដ្ឋទាំងអស់ ត្រូវបង្កើនការថែទាំសុខភាព ក្នុងពេលជួបគ្រោះទឹកជំនន់។ការថ្លែងរបស់ឯកឧត្តម សាស្ត្រាចារ្យ ម៉ម ប៊ុនហេង យ៉ាងដូច្នេះក្នុងឱកាសដែលឯកឧត្តម រួមនឹងក្រុមការងារ បាននាំយកអំណោយប្រគល់ជូនសាលាខណ្ឌដង្កោ សម្រាប់យកចែកជូនប្រជាពលរដ្ឋរងផលប៉ះពាល់ដោយសារទឹកជំនន់ក្នុងមូលដ្ឋាន និងដើម្បីជួយរំលែកការលំបាកជាមួយប្រជាពលរដ្ឋ, នាព្រឹកថ្ងៃទី១៥ តុលា ២០២០នេះ។ឯកឧត្តម សាស្ត្រាចារ្យ ម៉ម ប៊ុនហេង បានលើកឡើងទៀតថា ទោះបីជាមន្រី្តរបស់ក្រសួងសុខាភិបាល មមាញឹកក្នុង ការងារទប់ស្កាត់ នឹងជំងឺកូវីដ១៩ ក្តី ក៏ត្រូវឆ្លៀតពេលមកជួយការងាររងគ្រោះទឹកជំនន់។ អំណោយផ្តល់ជូនរួមមានអង្ករ ៥ តោន , ទឹកបរិសុទ្ធ ចំនួន៥០កេស, មី ជាតិ ចំនួន៥០កេស និងជូនថវិកាបុគ្គលិកពេទ្យ ប្រចាំការ ចំនួន៤០នាក់ ម្នាក់ៗទទួលបានថវិកា ៨០,០០០រៀល និងផ្គត់ផ្គង់ឱសថ បន្ថែមទៀតពិសេសផ្តល់ជូន ក្លរ៉ាមីន ថ្នាំដាក់ក្នុងទឹកសំលាប់មេរោគ និងថ្នាំប្រឆាំងពិសពស់ចឹក។ឯកឧត្តម សាស្ត្រាចារ្យ ម៉ម ប៊ុនហេង បានបញ្ជាក់ទៀតថា សម្រាប់ការផ្តល់សេវាជូនប្រជាពលរដ្ឋ ដែលកំពុងនៅតាមទីទួលមានសុវត្ថិភាព គឺយើងមានមន្រី្តសុខាភិបាលឈរជើងនៅទីនោះ ហើយក៏កាន់តែជិត សម្រាប់ឲ្យបងប្អូនប្រជាពលរដ្ឋមកទទួលសេវាសុខាភិបាល និងសូមកោតសរសើរដល់ការខិតខំប្រឹងប្រែងរបស់មន្រី្តសុខាភិបាល ដែលកំពុងធ្វើការងារបន្ទាន់ៗ ជាច្រើន ដូចជា ទប់ស្កាត់ជំងឺកូវីដ១៩ ទឹកជំនន់ និងជំងឺគ្រុនចាញ់នៅតាមតំបន់ និងចុះផ្តល់ថ្នាំបង្ការជូនប្រជាពលរដ្ឋ ជាពិសេសគឺចុះអប់រំផ្ទាល់ដល់បងប្អូនប្រជាពលរដ្ឋដែលកំពុងនៅតាមទីទួលមានសុវត្ថិភាព៕រូបភាព ៖ អត្ថបទ រដ្ឋា

សហភាពអឺរ៉ុប ផ្ដល់ការគាំទ្រសម្រាប់ការបើកសាលារៀនឡើងវិញ ប្រកបដោយសុវត្ថិភាពនៅកម្ពុជា

ភ្នំពេញ ៖ សហភាពអឺរ៉ុប បានផ្ដល់ថវិកា២លានអឺរ៉ូ សម្រាប់កិច្ចដំណើរការបើកសាលារៀនឡើងវិញ ប្រកប ដោយសុវត្ថិភាព និងបន្តផ្ដល់សេវាអប់រំដល់កុមារផងដែរ ដែលជាផ្នែកមួយនៃការគាំទ្រ ឆ្លើយតប និង សម្រាប់ស្ដារវិស័យអប់រំនៅកម្ពុជាឡើងវិញ ចេញពីវិបត្តិកូវីដ១៩។រដ្ឋមន្ត្រីក្រសួងអប់រំ យុវជន និងកីឡា សហភាពអឺរ៉ុប និងយូនីសេហ្វ បានធ្វើដំណើរទៅខេត្តសៀម រាប កាលពីថ្ងៃទី១៤ ខែតុលាម្សិលមិញ ដើម្បីពិនិត្យមើលអំពីវឌ្ឍនភាពលើដំណើរការអនុវត្តកម្មវិធីបើកសាលារៀនឡើងវិញ ប្រកបដោយសុវត្ថិភាពនៅកម្ពុជា ដែល ឯកឧត្តម ហង់ជួន ណារ៉ុន បានថ្លែងថា កម្ពុជា សូមស្វាគមន៍ចំពោះ ការឧបត្ថម្ភបន្ថែមពីសហភាពអឺរ៉ុប ដល់សាលារៀន និងសិស្សានុសិស្សនៅទូទាំងប្រទេស ក្នុងគ្រាដ៏ពិបាក នេះ។ ជំនួយគាំទ្រសម្រាប់ការបើកទ្វារសាលារៀនឡើងវិញ ប្រកបដោយសុវត្ថិភាពនេះ នឹងធ្វើឱ្យប្រជាសហគមន៍មានទំនុកចិត្តថា សិស្សានុសិស្ស ដែលជាកូនចៅរបស់ពួកគេ នឹងអាចវិលត្រឡប់ទៅសាលារៀនវិញ ក្នុងបរិយាកាសសិក្សាប្រកបដោយសុវត្ថិភាព។ឯកឧត្ដម បានបញ្ជាក់ថា តាមរយៈការគាំទ្រនេះ យុទ្ធនាការត្រឡប់ចូលរៀនវិញរបស់សិស្ស នៅ ក្នុងទូទាំងប្រទេសកម្ពុជា ត្រូវបានអនុវត្តដោយក្រសួងអប់រំ យុវជន និងកីឡា និងយូនីសេហ្វ ដើម្បីផ្ដល់ការ ណែនាំដល់កុមារ មាតាបិតា អាណាព្យាបាលសិស្ស លោកគ្រូ អ្នកគ្រូ និងបុគ្គលិកសាលារៀន អំពីរបៀបធ្វើ ឱ្យមានសុវត្ថិភាពបំផុត កាត់បន្ថយហានិភ័យ នៃការចម្លងជំងឺកូវីដ១៩។ យុទ្ធនាការនេះ នឹងបន្តរហូតដល់ ឆ្នាំ២០២១ និងអាចពង្រីកវិសាលភាពបន្ថែមទៀត។ លើសពីនេះ សម្ភារអនាម័យសំខាន់ៗ ក៏ត្រូវបានចែក ជូនសាលាមត្តេយ្យ និងសាលាបឋមសិក្សាជាង១ម៉ឺនកន្លែងទូទាំងប្រទេស។ឯកឧត្ដម បានបញ្ជាក់ថា ការរួមចំណែករបស់សហភាពអឺរ៉ុប នៅក្នុងកិច្ចខិតខំប្រឹងប្រែងទាំងនេះ គឺ តាមរយៈមូលនិធិភាពជាដៃគូសម្រាប់អភិវឌ្ឍសមត្ថភាពវិស័យ អប់រំ (CDPF) ដែលជាមូលនិធិទទួលបាន ថវិកាគាំទ្រពីអ្នកផ្ដល់ជំនួយជាច្រើន និងគ្រប់គ្រងដោយយូនីសេហ្វ ព្រមទាំងមានការបំពេញបន្ថែមពីដៃគូ CDPF ដទៃទៀត ដូចជាប្រទេសស៊ុយអែត ទីភ្នាក់ងារសហរដ្ឋអាមេរិកដើម្បីអភិវឌ្ឍន៍អន្តរជាតិ និងភាពជា ដៃគូសកលសម្រាប់ការអប់រំ៕

ថ្នាក់ដឹកនាំព្រឹទ្ធសភា ចុះពិនិត្យស្ថានភាពទឹកជំនន់ ដែលកំពុងគំរាមកំហែងដល់ពលរដ្ឋនៅខណ្ឌដង្កោ

ភ្នំពេញ ៖ នៅថ្ងៃទី១៥ ខែតុលា ឆ្នាំ២០២០ ឯកឧត្តមកិត្តិនីតិកោសលបណ្ឌិត ស៊ឹម កា ប្រធានស្តីទីព្រឹទ្ធសភា និងឯកឧត្តមកិត្តិសង្គហបណ្ឌិត ទេព ងន អនុប្រធានទី២ ព្រឹទ្ធសភា នៃព្រះរាជាណាចក្រកម្ពុជា បានអញ្ជើញចុះពិនិត្យស្ថានភាពទឹកជំនន់ ដែលកំពុងគំរាមកំហែងដល់ប្រជាពលរដ្ឋរស់នៅក្នុងភូមិសាស្ត្រសង្កាត់រលួស ខណ្ឌដង្កោ រាជធានីភ្នំពេញ។ក្នុងឱកាសនោះ ឯកឧត្តម បានកោតសរសើរ ដល់អាជ្ញាធរ និងកងកម្លាំងទាំងអស់ ដែលបានខិតខំ ជួយសង្គ្រោះប្រជាពលរដ្ឋ បានទាន់ពេលវេលា។ ជាមួយគ្នានេះ ឯកឧត្តម ក៏ផ្ដាំផ្ញើឲ្យ អាជ្ញាធរ និងកងកម្លាំងគ្រប់ប្រភេទត្រូវបន្តខិតខំជួយសង្គ្រោះ និងផ្សព្វផ្សាយដល់ប្រជាពលរដ្ឋរងគ្រោះទាំងអស់ ឲ្យថែរក្សាសុខភាពឲ្យបានល្អ និងសម្អាតភូមិ លំនៅឋានរបស់ខ្លួន នៅពេលបងប្អូនប្រឡប់មកកាន់លំនៅឋានវិញបន្ទាប់ពីទឹកជំនន់បានស្រកចុះ៕

អាស៊ានបើកកិច្ចប្រជុំ ស្តីពីការលើកកម្ពស់ សុខភាព និងសុវត្ថិភាពការងារក្នុងតំបន់

ភ្នំពេញ ៖ នេះគឺជាឆ្នាំទី២១ហើយ ដែលក្រសួងការងារ និងបណ្តុះបណ្តាលវិជ្ជាជីវៈកម្ពុជា ចូលរួមកិច្ចប្រជុំប្រចាំឆ្នាំរបស់អាស៊ាន ហៅកាត់ថា អូស្ហណេត ដែលរៀបចំដោយប្រទេសឡាវ ក្នុងនាមជាប្រធាននៃកិច្ចប្រជុំ សហការជាមួយលេខាធិការដ្ឋានអាស៊ាន ដែលប្រព្រឹត្តនៅថ្ងៃទី១៥ តុលា ឆ្នាំ២០២០ នេះ តាមរយៈប្រព័ន្ធវីដេអូ។កិច្ចប្រជុំនេះ ជាវេទិកាបើកចំហសម្រាប់សមាជិកអាស៊ាន ដើម្បីផ្លាស់ប្ដូរបទពិសោធន៍ និងទស្សនៈពាក់ព័ន្ធ នឹងផែនការសកម្មភាពរបស់អាស៊ាន ស្តីពី បញ្ហាសុខភាព និងសុវត្ថិភាពការងារ ព្រមទាំងផ្តល់ឱកាសដល់ប្រទេសដៃគូ និងអង្គការដៃគូដើម្បីបង្កើនកិច្ចសហប្រតិបត្តិការរួមគ្នាក្នុងការអភិវឌ្ឍសុខភាព និងសុវត្ថិភាពការងារនៅក្នុងតំបន់អាស៊ាន រួមមាន បណ្តាប្រទេសអាស៊ានទាំង១០ អង្គការអន្តរជាតិខាងការងារ, សមាគមអធិការកិច្ចការងារអន្តរជាតិ, អង្គការសុវត្ថិភាព និងសុខភាពការងារអាស៊ី-ប៉ាស៊ីហ្វិក, រដ្ឋការ នៃរដ្ឋបាលផ្នែកសុវត្ថិភាពការងារ នៃសាធារណៈរដ្ឋប្រជាមានិតចិន, ក្រសួងសុខាភិបាល ការងារ និងសុខុមាលភាពនៃប្រទេសជប៉ុន, ទីភ្នាក់ងារសុវត្ថិភាព និងសុខភាពការងារ នៃសាធារណៈរដ្ឋកូរ៉េ និងវិទ្យាស្ថានដើម្បីការអភិវឌ្ឍន៍នៃសាធារណៈរដ្ឋកូរ៉េ។អង្គប្រជុំ បានពិនិត្យមើលឡើងវិញនូវលទ្ធផលការងារនៃការអនុវត្តផែនការសកម្មភាពអាស៊ាន អូស្ហណេត សម្រាប់ឆ្នាំ២០១៦–២០២០ និងបានអនុម័តលើផែនការសកម្មភាពរបស់អាស៊ានអូស្ហណេត សម្រាប់ឆ្នាំ២០២១–២០២៥ ដោយប្រទេសកម្ពុជាបានលើគម្រោងក្នុងការរៀបចំសិក្ខាសាលា និងចងក្រងឯកសារស្តីពីការអនុវត្តល្អៗ ផ្នែកសុវត្ថិភាព និងសុខភាពការងារនៅក្នុងសហគ្រាស ខ្នាតតូច និងមធ្យម កន្លែងធ្វើការក្នុងសេដ្ឋកិច្ចក្រៅប្រព័ន្ធ និងការដ្ឋានសំណង់ខ្នាតតូច ដែលនឹងត្រូវដាក់ចូលនៅក្នុងរបៀបវារៈនៃកិច្ចប្រជុំរដ្ឋមន្ត្រីខាងការងារអាស៊ាននាពេលខាងមុខ៕អត្ថបទ ៖ ឈិត បូរ៉ាវី

បណ្ដាញសង្គម

ព័ត៌មានថ្មីៗ

ទេយ្យវត្ថុដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវបណ្ឌិត ត្រូវបានប្រគេនដល់វត្តចំនួន៤ បន្ថែមទៀត នៅស្រុកចន្ទ្រា ខេត្តស្វាយរៀង

NPIC ជំរុញទូរគមនាគមន៍ដោយផ្តល់ឱកាសឱ្យសិស្សអនុវត្តផ្ទាល់លើប្រព័ន្ធផ្កាយរណប និងរ៉ាដា

រាជរដ្ឋាភិបាលនឹងទម្លាក់កញ្ចប់ថវិកា ៥៣ លានដុល្លារ សម្រាប់បន្តអភិវឌ្ឍន៍ជំនាញគាំទ្រ MSMEs

លោក ហែម សុវត្ថិ ប្រធានក្រុមការងាររាជរដ្ឋាភិបាលចុះមូលដ្ឋានឃុំកោះសូទិន ផ្តល់រង្វាន់លើកទឹកចិត្តម៉ូតូសរុប ៤គ្រឿង ដល់សិស្សដែលជាប់និទ្ទេស A នៅក្នុងឃុំកោះសូទិន

ប្រជានេសាទខ្មែរ២នាក់ ត្រូវបានដោះលែងមកកម្ពុជា តាមច្រកទ្វារព្រំដែនចាំយាម

កម្ពុជាប្រកាន់ជំហរដោះស្រាយបញ្ហាព្រំដែនដោយសន្តិវិធី និងគោរពពេញលេញបទឈប់បាញ់រវាងកម្ពុជា-ថៃ

គណៈកម្មការទី៦ នៃរដ្ឋសភា ឯកភាពលើសេចក្តីព្រាងច្បាប់សំខាន់ៗចំនួន ៣ ដោយរក្សាខ្លឹមសារដើមទាំងស្រុង ត្រៀមបញ្ជូនទៅគណៈកម្មាធិការអចិន្ត្រៃយ៍

ជប៉ុនបានកៅអីជុំផ្ដាច់ព្រ័ត្រ AFC U20 នៅចិន ខណៈកម្ពុជាបានត្រឹមសោកស្ដាយ

មន្រ្ដីជាន់ខ្ពស់រដ្ឋសភាកម្ពុជា ចែករំលែកបទពិសោធរបស់កម្ពុជា ក្នុងដំណើរការស្វែងរកសន្តិភាពគ្រប់ជ្រុងជ្រោយនៅក្នុងសម័យប្រជុំនៃសន្និសីទសកលលើកទី១២ នៃសមាជិកសភាវ័យក្មេង IPU

តំបន់ទេសចរណ៍ធម្មជាតិនៅប្រទេសកម្ពុជា បានក្លាយជាគោលដៅដ៏ទាក់ទាញក្នុងរដូវកាលបៃតង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

រដ្ឋមន្ត្រីយុត្តិធម៌ ស្នើមន្ត្រីតុលាការ ពង្រឹងសេវាយុត្តិធម៌និងកាត់បន្ថយការកកស្ទះសំណុំរឿង

វេទិកាកុមារអាស៊ានលើកទី ៦រៀបចំឡើងតាមប្រព័ន្ធអនឡាញដោយសារវិបត្តិជំងឺកូវីដ-១៩

មន្ត្រីរាជការ កងកម្លាំងប្រដាប់អាវុធ នៃស្ថាប័នជាតិនានា គោរពព្រះវិញ្ញាណក្ខន្ធ ព្រះបរមរតនកោដ្ឋ

ឯកឧត្តម សាស្ត្រាចារ្យ ម៉ម ប៊ុនហេង អំពាវនាវពលរដ្ឋបង្កើនការថែទាំសុខភាព ក្នុងពេលជួបគ្រោះទឹកជំនន់

សហភាពអឺរ៉ុប ផ្ដល់ការគាំទ្រសម្រាប់ការបើកសាលារៀនឡើងវិញ ប្រកបដោយសុវត្ថិភាពនៅកម្ពុជា

ថ្នាក់ដឹកនាំព្រឹទ្ធសភា ចុះពិនិត្យស្ថានភាពទឹកជំនន់ ដែលកំពុងគំរាមកំហែងដល់ពលរដ្ឋនៅខណ្ឌដង្កោ

អាស៊ានបើកកិច្ចប្រជុំ ស្តីពីការលើកកម្ពស់ សុខភាព និងសុវត្ថិភាពការងារក្នុងតំបន់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

​រដ្ឋមន្ត្រី​យុត្តិធម៌​ ស្នើ​មន្ត្រី​តុលាការ ​ពង្រឹង​សេវា​យុត្តិធម៌​និង​កាត់បន្ថយ​ការ​កកស្ទះ​សំណុំរឿង

វេទិកា​កុមារ​អាស៊ាន​លើក​ទី ៦​រៀបចំឡើង​តាម​ប្រព័ន្ធ​អន​ឡាញ​ដោយសារ​វិបត្តិ​ជំងឺ​កូ​វីដ​-១៩

សហភាព​អឺរ៉ុប ​ផ្ដល់​ការ​គាំទ្រ​សម្រាប់​ការ​បើក​សាលារៀន​ឡើងវិញ​ ប្រកបដោយ​សុវត្ថិភាព​នៅ​កម្ពុជា

អាស៊ាន​បើក​កិច្ចប្រជុំ ​ស្តីពី​ការ​លើកកម្ពស់ ​សុខភាព ​និង​សុវត្ថិភាព​ការងារ​ក្នុង​តំបន់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

រដ្ឋមន្ត្រីយុត្តិធម៌ ស្នើមន្ត្រីតុលាការ ពង្រឹងសេវាយុត្តិធម៌និងកាត់បន្ថយការកកស្ទះសំណុំរឿង

វេទិកាកុមារអាស៊ានលើកទី ៦រៀបចំឡើងតាមប្រព័ន្ធអនឡាញដោយសារវិបត្តិជំងឺកូវីដ-១៩

សហភាពអឺរ៉ុប ផ្ដល់ការគាំទ្រសម្រាប់ការបើកសាលារៀនឡើងវិញ ប្រកបដោយសុវត្ថិភាពនៅកម្ពុជា

អាស៊ានបើកកិច្ចប្រជុំ ស្តីពីការលើកកម្ពស់ សុខភាព និងសុវត្ថិភាពការងារក្នុងតំបន់