BTV NEWS

សម្តេចតេជោ ហ៊ុន សែន ជួបពិភាក្សាការងារតាមប្រព័ន្ធវីដេអូជាមួយប្រធានរដ្ឋសភា អាស៊ែបៃហ្សង់

គណៈប្រតិភូនៃសន្និសីទប្រធានសភានៃអន្តរសភា វាយតម្លៃខ្ពស់ចំពោះជោគជ័យនៃ «សន្និសីទប្រធានសភានៃអន្តរសភា លើកទី២» នៅកម្ពុជា

ប្រធានរដ្ឋសភាម៉ាឡេស៊ី ប្ដេជ្ញាបន្តលើកកម្ពស់កិច្ចសហប្រតិបត្តិការទ្វេភាគីជាមួយកម្ពុជាឱ្យកាន់តែរីកចម្រើន និងរឹងមាំ

ព្រីតថេន នឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

រដ្ឋមន្ត្រីក្រសួងធនធានទឹក ចុះពិនិត្យបណ្ដោយខ្នងទំនប់សណ្តរ ស្ទឹងព្រែកត្នោត ដែលកំពុងប្រឈមដោយជំនន់ទឹកភ្លៀង

កណ្ដាល ៖ ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងក្រុមការងារបច្ចេកទេសរបស់ក្រសួង នៅថ្ងៃទី១៣ ខែតុលា ឆ្នាំ២០២០ នេះ បានចុះពិនិត្យ និងបញ្ជាការងារអន្តរាគមន៍ផ្ទាល់ នៅលើបណ្ដោយខ្នងទំនប់សណ្តរ ស្ទឹងព្រែកត្នោត ដែលកំពុងប្រឈមដោយជំនន់ទឹកស្ទឹងព្រែកត្នោត ក្នុង ភូមិសាស្ត្រភាគខាងលិចរាជធានីភ្នំពេញ និងខេត្តកណ្តាល ។សូមបញ្ជាក់ថា ស្ថានភាពទឹកនៅទ្វារ ទំនប់ អាងទឹក ៧មករា ព្រឹកនេះទឹក មានកម្ពស់ 8,80 ម៉ែត្រ ធៀបនឹង ថ្ងៃម្សិលមិញមានការកើនឡើង 0,45ម៉ែត្របន្ថែម លើសកម្ពស់ឲ្យ មានការ ប្រុងប្រយ័ត្ន 7ម៉ែត្រ ធ្វើឲ្យកម្ពស់ទឹកក្នុងស្ទឹងឡើងជិតស្មើនឹងខ្នងទំនប់នៅតាមទីទំនាបមួយចំនួន ។ ពេលនេះក្រុមការងារបច្ចេកទេសរបស់ក្រសួង បាននិងកំពុងខិតខំជួសជុលបិតរូងនាគដែលបានលេចចេញជាបន្តបន្ទាប់ ដោយប្រើប្រាស់គ្រឿងចក្រកាយដីលើក និងបង្ហាប់ទំនប់ ព្រមទាំងច្រកបាវខ្សាច់ទប់លើកកម្ពស់ខ្នងទំនប់ និងជាការចូលរួមបន្ថែមរបស់ក្រសួងធនធានទឹក និងឧតុនិយម ឯកឧត្តមរដ្ឋមន្ត្រី បានឧបត្ថម្ភសំបកបាវចំនួន 3000 បាវ ជូនដល់ លោកស្រី គឹម ញឹម អភិបាលខណ្ឌដង្កោ ចាត់ចែងបន្ត ទៅ សង្កាត់ទាំង 03 ដើម្បីចូលរួមទប់ស្កាត់លំហូរទឹកលើតួទំនប់ទៅផ្នែកខាងក្រោមបង្កការលិចលង់ដល់លំនៅឋានប្រជាពលរដ្ឋ ។ចាប់តាំងពីថ្ងៃទី០៥ ខែតុលា ឆ្នាំ២០២០ រហូតមកដល់ពេលនេះ ក្រុមការងារបច្ចេកទេសក្រសួងធនធានទឹក បាន ប្រើប្រាស់ គ្រឿង ចក្រ ធុនធ្ងន់ ចំនួន ២៧គ្រឿង និងកម្លាំងពលកម្មប្រចាំការ24ម៉ោង និងជាពិសេសតាំងពីយប់ម្សិលមិញ រហូតដល់វេលាថ្ងៃត្រង់នេះ ក្រុមការងាររបស់ក្រសួងបានខិតខំអន្តរាគមន៍រហូតគ្រប់គ្រងសភាពការណ៍ស្ថានភាពទឹកជំនន់ដែលកំពុងយាយីបានទាំងស្រុងមកវិញ ។ជាមួយ គ្នា នេះ នាពេលដ៏ខ្លីខាងមុនក្រសួងធនធានទឹក និងឧតុនិយម នឹងចាប់ផ្តើមអនុវត្តគម្រោងប្រព័ន្ធស្រោចស្រព និងការពារទឹកជំនន់ស្ទឹងព្រែកត្នោត រាជធានីភ្នំពេញ ខេត្តកណ្តាល និងខេត្តតាកែវ ដែលទទួលបានជំនួយហិរញ្ញប្បទានពីសាធារណរដ្ឋប្រជាមានិតចិន៕

កាយរឹទ្ធិកម្ពុជាផ្សព្វផ្សាយអ្នកនាំសារសន្ដិភាព ក្រោមប្រធានបទ ការកសាងសន្តិភាពជាមួយគ្នា

ឯកឧត្ដម ហោ ណាំហុង ស្នើឲ្យរុស្ស៊ីជួយជំរុញឲ្យមាន FTA រវាងកម្ពុជានិងសហព័ន្ធសេដ្ឋកិច្ចអឺរ៉ាស៊ី-អឺរ៉ុប

ភ្នំពេញ៖ ឯកឧត្ដមឧបនាយករដ្ឋមន្ត្រី ហោ ណាំហុង បានមានប្រសាសន៍ថា កម្ពុជា និងរុស្ស៊ី គួរបង្កើនកិច្ចសហប្រតិបត្តិការរវាងប្រទេសទាំងពីរ ឲ្យកាន់តែមានលក្ខណៈធំធេងថែមទៀតរួមទាំងពាណិជ្ជកម្មនិងការវិនិយោគ។ ឯកឧត្ដម ក៏បានស្នើឱ្យរុស្ស៊ី ជួយជំរុញឲ្យមានកិច្ចព្រមព្រៀងពាណិជ្ជកម្មសេរីរវាងកម្ពុជា និងសហព័ន្ធសេដ្ឋកិច្ចអឺរ៉ាស៊ី -អឺរ៉ុប ឲ្យកើតជារូបរាងផងដែរ។ការស្នើរបស់ឯកឧត្តមឧបនាយករដ្ឋមន្ត្រី ហោ ណាំហុង បែបនេះ បានធ្វើឡើងក្នុងអំឡុងពេលឯកឧត្តម បានអនុញ្ញាតឱ្យឯកឧត្តម អាណាតូលី បូរ៉ូវីក(Anatoly BOROVIK)ឯកអគ្គរដ្ឋទូតនៃសហព័ន្ធរុស្ស៊ីប្រចាំកម្ពុជាចូលជួបសម្តែងការគួរសម នៅទីស្តីការគណៈរដ្ឋមន្ត្រីនាព្រឹកថ្ងៃទី១៣តុលានេះ។ឯកឧត្តម ហោ ណាំហុង លើកឡើងថា សហព័ន្ធរុស្ស៊ី បានបង្កើតសហព័ន្ធសេដ្ឋកិច្ចអឺរ៉ាស៊ី -អឺរ៉ុប ហើយឯកឧត្តមស្នើឯកអគ្គរដ្ឋទូតរុស្ស៊ីឲ្យជួយធ្វើយ៉ាងណាជំរុញឲ្យមានកិច្ចព្រមព្រៀងពាណិជ្ជកម្មសេរី (FTA)រវាងកម្ពុជានិងសហព័ន្ធនេះ ដើម្បីកម្ពុជាអាចនាំចេញផលិតផលកសិកម្មនិងឧស្សាហកម្ម ក៏ដូចជាពាណិជ្ជកម្ម ជាមួយសហព័ន្ធដែលមានប្រទេសសមាជិកនៅអាស៊ីចំនួន៤ និងសហព័ន្ធរុស្ស៊ី។ឯកឧត្តមឧបនាយករដ្ឋមន្ត្រី បន្ថែមថា នៅឆ្នាំ ២០២០ សហព័ន្ធរុស្ស៊ី ជាប្រធានអង្គការកិច្ចសហប្រតិបត្តិការសៀងហៃ (SCO)ដែលមានប្រទេសសមាជិកនៅអាស៊ីចំនួន ៧ និងសហព័ន្ធរុស្ស៊ី ហើយឯកឧត្តមក៏ បានស្នើរដ្ឋាភិបាលសហព័ន្ធរុស្ស៊ីជួយឱ្យកម្ពុជាបានក្លាយជាប្រទេសសង្កេតការណ៍និងជាសមាជិកទៅថ្ងៃអនាគត។ឯកអគ្គរដ្ឋទូតរុស្ស៊ី បានសន្យាថា នឹងរាយការណ៍ទៅរដ្ឋាភិបាលទីក្រុងម៉ូស្គូ អំពីសំណើរបស់ឯកឧត្តម ហោ ណាំហុង ដែលសុំឲ្យរុស្ស៊ីជួយជំរុញឲ្យមានកិច្ចព្រមព្រៀងពាណិជ្ជកម្មសេរីរវាងកម្ពុជានិងសហព័ន្ធនេះ ហើយឯកឧត្តម ក៏បានសន្យាដែរថា នឹងរៀបចំឲ្យមានកិច្ចប្រជុំគណៈកម្មការអន្តររដ្ឋាភិបាលតាមប្រព័ន្ធអនឡាញដើម្បីជាការឆ្លើយតបនឹងសំណើរបស់ឯកឧត្តមឧបនាយករដ្ឋមន្ត្រី។នៅឆ្នាំ២០២១ ខាងមុខនេះ គឺជាខួបអនុស្សាវរីយ៍លើកទី ៦៥ឆ្នាំ នៃទំនាក់ទំនងការទូតរវាងកម្ពុជានិងសហព័ន្ធរុស្ស៊ី ឯកឧត្តមឧបនាយករដ្ឋមន្ត្រី ហោ ណាំហុង បានបង្ហាញការយល់ឃើញថា គួររៀបចំខួបនេះឲ្យបានល្អស្របនឹងទំនាក់ទំនងមិត្តភាព និងកិច្ចសហប្រតិបត្តិការជិតស្និទ្ធរវាងប្រទេសទាំងពីរ៕ អត្ថបទ៖ មុត សុទ្ធ

អាជ្ញាធរក្រុងស្ទឹងសែន អំពាវនាវឲ្យសិស្សានុសិស្សទាំងអស់ ដែលគ្រប់អាយុបោះឆ្នោត ទៅចុះឈ្មោះបោះឆ្នោត

កំពង់ធំ៖ អាជ្ញាធរក្រុងស្ទឹងសែន អំពាវនាវដល់សិស្សានុសិស្សទាំងអស់ដែលគ្រប់អាយុបោះឆ្នោត ត្រូវទៅពិនិត្យឈ្មោះក្នុងបញ្ជីឈ្មោះបោះឆ្នោត និងបន្តចុះឈ្មោះបោះឆ្នោតឲ្យបានគ្រប់ៗគ្នា ត្រឹមថ្ងៃទី១៩ ខែតុលា ឆ្នាំ២០២០ ខាងមុខនេះ។នៅរសៀលថ្ងៃទី១៣ ខែតុលា ឆ្នាំ២០២០, លោក ម៉ាក់ ប៊ុនហុង អភិបាលក្រុងស្ទឹងសែន ខេត្តកំពង់ធំ ដឹកនាំសហការីចុះជួបសំណេះសំណាល ជាមួយសិស្សានុសិស្សនៅវិទ្យាល័យកំពង់ធំ។ ក្នុងឱកាសនោះដែរ លោកអភិបាលក្រុង អំពាវនាវដល់សិស្សានុសិស្សទាំងអស់ឲ្យបំពេញកាតព្វកិច្ចជាយុវជន និងជាពលរដ្ឋល្អ ដែលត្រូវទៅធ្វើការពិនិត្យឈ្មោះ និងចុះឈ្មោះឆ្នោត។លោកអភិបាលក្រុងបន្តថា ការចូលរួមរបស់យុវជន គ្រប់រូបក្នុងការបោះឆ្នោតជ្រើសថ្នាក់ដឹកនាំគ្រប់លំដាប់ថ្នាក់ គឺជាការបំពេញកាតព្វកិច្ចក្នុងនាមជាយុវជនល្អ និងជាពលរដ្ឋល្អស្របទៅគោលនយោបាយរបស់រាជរដ្ឋាភិបាលដែលប្រកាន់យករបបលទ្ធិប្រជាធិបតេយ្យ សេរីពហុបក្ស! ផ្តោតសំខាន់លើបោះឆ្នោតប្រកបដោយ សេរី សម្ងាត់ សុក្រឹត និងយុត្តិធម៌។ហើយប្រទេសកម្ពុជាបាន និងកំពុងអនុវត្តកិច្ចការនេះប្រកបដោយតម្លាភាព មានការទទួលស្គាល់ពី ស្ថាប័នជាតិ និងអន្តរជាតិ។ កិច្ចការទាំងអស់នេះ បានធ្វើឲ្យប្រទេសសកម្ពុជាអាចរក្សាបាន សន្តិសុខ សណ្តាប់ធ្នាប់ សិទ្ធិ និងសេរីភាពជូនប្រជាពលរដ្ឋទូទៅ ឲ្យមានសិទ្ធិស្មើរមុខស្មើរមាត់ដូចជនជាតិដ៏ទៃនៅលើកលលោក។ លោកបញ្ជាក់ថា កិច្ចការចំពោះមុខដែលជាកាតព្វកិច្ចរបស់ប្រជាពលរដ្ឋគ្រប់រូប ជាពិសេសយុវជន ត្រូវតែទៅពិនិត្យឈ្មោះក្នុងបញ្ជីឈ្មោះបោះឆ្នោត និងចុះឈ្មោះបោះឆ្នោតសម្រាប់យុវជនដែលគ្រប់អាយុ បោះឆ្នោតយ៉ាងយូរបំផុតត្រឹមថ្ងៃទី១៩ ខែតុលា ឆ្នាំ២០២០ ខាងមុខនេះ ឲ្យបានគ្រប់ៗគ្នា។ក្នុងនោះ ប្រជាពលរដ្ឋដែលមានអត្តសញ្ញាណប័ណ្ណសញ្ជាតិខ្មែរផុតកំណត់ និងយុវជនគ្រប់អាយុធ្វើ អន្តសញ្ញាណប័ណ្ណសញ្ជាតិខ្មែរ ត្រូវទៅធ្វើអន្តសញ្ញាណប័ណ្ណប្រភេទថ្មីឲ្យបានគ្រប់គ្នា ព្រោះអន្តសញ្ញាណ ប័ណ្ណសញ្ជាតិខ្មែរ មានអត្ថប្រយោជន៍មិនត្រឹមតែក្នុងការបោះឆ្នោតប៉ុណ្ណោះនោះទេ, ប៉ុន្តែក៏បានបញ្ជាក់បុគ្គល គ្រប់រូបជាពលរដ្ឋខ្មែរ មានសញ្ជាតិខ្មែរ និងសម្រាប់ប្រើប្រាស់ក្នុងជីវភាពប្រចាំថ្ងៃផងដែរ។លោកអភិបាលក៏អំពាវនាវឲ្យប្រជាពលរដ្ឋទាំងអស់ ទៅពិនិត្យឈ្មោះក្នុងបញ្ជីឈ្មោះបោះឆ្នោត និងបន្តផ្សព្វផ្សាយដល់ប្រជាពលរដ្ឋផ្សេងទៀតឲ្យបំពេញកាតព្វកិច្ចជាពលរដ្ឋល្អទាំងអស់គ្នា៕

រដ្ឋមន្ត្រីក្រសួងធនធានទឹក ចុះពិនិត្យសកម្មភាពអន្តរាគមន៍លើទំនប់សណ្តរស្ទឹងព្រែកត្នោត ខណៈកំពុងប្រឈមខ្លាំង

ភ្នំពេញ៖ រដ្ឋមន្ត្រីក្រសួងធនធានទឹក និងឧតុនិយម ឯកឧត្តម លឹម គានហោ នៅព្រឹកថ្ងៃទី ១៣ ខែតុលា ឆ្នាំ ២០២០ បានដឹកនាំក្រុមការងារបច្ចេកទេសរបស់ក្រសួង ចុះពិនិត្យ និងបញ្ជាការងារអន្តរាគមន៍ផ្ទាល់ នៅលើបណ្តោយខ្នងទំនប់សណ្តរស្ទឹងព្រែកត្នោត ស្ថិតនៅក្នុងភូមិសាស្ត្រភាគខាងលិចរាជធានីភ្នំពេញ និងខេត្តកណ្តាល ខណៈដែលពេលនេះ កំពុងមានការប្រឈមខ្លាំងពីការវាយលុកដោយសារជំនន់ទឹកភ្លៀងពីផ្នែកខាងលើ ចូលរាជធានីភ្នំពេញ។ឯកឧត្តម លឹម គានហោ បានមានប្រសាសថា ដោយសារតែទំនប់សណ្តរស្ទឹងព្រែកត្នោតនេះ កំពុងមានការប្រឈមខ្លាំង ក្រុមការងារបច្ចេកទេសនៃក្រសួងក្រសួងធនធានទឹក និងឧតុនិយម បាននិងចុះកំពុងអន្តរាគមន៍ ២៤ម៉ោងលើ២៤ម៉ោង អស់រយៈពេលជា ១សប្តាហ៍កន្លងមកហើយ តាមរយៈការតាមដាន ការទប់បាវខ្សាច់ ការបិទសន្តនាគហូរច្រោះទំនប់ និងការត្រៀមគ្រឿងចក្រ និងកម្លាំងជាច្រើននាក់។ការប្រឈមខ្លាំងនាពេលនេះ គឺដោយសារតែស្ថានភាពស្ទឹងកាន់តែគោករាក់ ផ្ទៃស្ទឹងផ្នែកខាងក្រោមកាន់តែរួមតូច និងដោយសារមានភ្លៀងធ្លាក់ច្រើនជាគំហុក និងម្យ៉ាងទៀត ទំនប់សណ្តរស្ទឹងព្រែកត្នោតនេះ មានអាយុកាលជាច្រើនឆ្នាំណាស់មកហើយ។ប៉ុន្តែទោះជាយ៉ាងណា ក្នុងពេលដ៏ខ្លីខាងមុខនេះ ក្រសួងធនធានទឹក និងឧតុនិយម នឹងចាប់ផ្តើមអនុវត្តគម្រោងប្រព័ន្ធស្រោចស្រព និងការពារទឹកជំនន់ស្ទឹងព្រែកត្នោតរាជធានីភ្នំពេញ ខេត្តកណ្តាល និងខេត្តតាកែវនេះ ឲ្យបានល្អប្រសើរ និងរឹងមាំ តាមរយៈជំនួយហិរញ្ញប្បទានពីសាធារណរដ្ឋប្រជាមានិតចិន ។សូមបញ្ជាក់ថា ស្ថានភាពទឹកនៅទ្វារទំនប់អាងទឹក ៧មករា ស្ទឹងព្រែកត្នោតនៅព្រឹកមិញនេះ ទឹកមានកម្ពស់ ៨.៨0ម៉ែត្រ ធៀបនឹងថ្ងៃម្សិលមិញមានការកើនឡើង 0.៤៥ម៉ែត្របន្ថែមទៀត ខណៈដែលទឹកលើសកម្ពស់ឲ្យមានការប្រុងប្រយ័ត្នត្រឹម ៧ម៉ែត្រ ហើយនៅពេលនេះកម្ពស់ទឹកនៅក្នុងស្ទឹងព្រែកត្នោត បានហក់ឡើងដល់ជិតស្មើនឹងខ្នងទំនប់ នៅតាមទីទំនាបមួយចំនួន។ប៉ុន្តែទោះជាយ៉ាងណាក៍ដោយ ក្រោមការចុះកំពុងអន្តរាគមន៍ ២៤ម៉ោងលើ២៤ម៉ោង តាមរយៈការតាមដាន ការទប់បាវខ្សាច់ ការបិទសន្តនាគហូរច្រោះទំនប់ និងការត្រៀមគ្រឿងចក្រ និងកម្លាំងជាច្រើននាក់ ក្នុងរយៈពេលជា១សប្តាហ៍មកដល់ពេលនេះ មិនទាន់មានអ្វីជាបញ្ហាបន្តទៀតទេ ស្របពេលដែលអាកាសធាតុបានធូរស្រាលបន្តិចឡើងវិញនេះ៕

ប្រធានកាកបាទក្រហមកម្ពុជា សម្រេចផ្តល់ថវិកាដល់សាខាកាកបាទក្រហមបីខេត្តដែលរងគ្រោះដោយជំនន់ទឹកភ្លៀង

ភ្នំពេញ៖ នៅព្រឹកថ្ងៃទី១៤ ខែតុលា ឆ្នាំ២០២០ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានសម្រេចផ្តល់ថវិកាទៅដល់សាខាកាកបាទក្រហមកម្ពុជាចំនួន៣ខេត្តរួមមាន៖ ខេត្តបាត់ដំបង ខេត្តពោធិ៍សាត់ និងខេត្តបន្ទាយមានជ័យ។ នេះបើការតាមការបញ្ជាក់ពី លោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា បញ្ជាក់ប្រាប់ទូរទស្សន៍ព័ត៌មាន BTV នៅព្រឹកថ្ងៃទី១៤ តុលានេះ។លោកជំទាវ មានប្រសាសន៍បន្តថា ថវិកាដែលត្រូវបែងចែកទៅដល់សាខាកាកបាទក្រហមកម្ពុជា ទាំងបីខេត្តនោះ ក្នុងមួយសាខាទទួលបានថវិកា ១០០លានរៀល ដើម្បីទិញស្បៀង និងសម្ភារៈប្រើប្រាស់ចាំបាច់ជួយដល់ប្រជាពលរដ្ឋរងគ្រោះ និងងាយរងគ្រោះដោយជំនន់ទឹកភ្លៀង ដោយគ្រួសាររងគ្រោះនីមួយៗទទួលបានអង្ករ មី ត្រីខ និងទឹកស៊ីអ៊ីវ និងសម្ភារៈប្រើប្រាស់មួយចំនួនទៀត។ទន្ទឹមនោះដែរ កាកបាទក្រហមកម្ពុជា ក៏បានចាត់មន្ត្រីថ្នាក់កណ្តាល ចុះទៅខេត្តពោធិ៍សាត់ និងបន្ទាយមានជ័យ ដែលជាទីតាំងដែលអាចធ្វើដំណើរតាមរថយន្តទៅបាន ដោយឡែក ខេត្តបាត់ដំបង បានប្រគល់ភារកិច្ចជូនទៅ ឯកឧត្តម ប៊ុត គឹមសៀន អភិបាលរងខេត្ត និងជាប្រធានគណកម្មការសាខាកាកបាទក្រហមកម្ពុជា ខេត្តបាត់ដំបង ដើម្បីចាត់ចែងផ្តល់ស្បៀង និងសម្ភារៈប្រើប្រាស់ចាំបាច់ជួយដល់ប្រជាពលរដ្ឋរងគ្រោះ និងងាយរងគ្រោះដោយជំនន់ទឹកភ្លៀង៕

បុរាណវត្ថុនៅអំឡុងសតវត្សរ៍ទី១២ ជាច្រើនត្រូវបានព្រះសង្ឃរក្សាទុក យកប្រគល់ឱ្យអាជ្ញាធរអប្សរា

សៀមរាប ៖ បំណែកបដិមា និងថ្មចម្លាក់ចំនួន៤១ដុំ ត្រូវបានបានព្រះចៅអធិការវត្តព្រះឥន្ទទេព ព្រះនាម សែម សំ ពេញព្រះទ័យប្រគល់ជូនអាជ្ញាធរជាតិអប្សរាថែរក្សា ក្រោយពីព្រះអង្គរបានប្រមូលយកទៅរក្សាទុកបណ្ដោះអាសន្ននៅក្នុងបរិវេណវត្តដែលស្ថិតនៅជ្រុងអាគ្នេយ៍នៃប្រាសាទបាយ័ន្ត។ទាក់ទង នឹងការរក្សាវត្ថុបុរាណនេះទុក តាមព្រះចៅអធិការ សែម សំ មានសង្ឃដីកានៅថ្ងៃទី១២ ខែតុ លាថា ដើមឡើយបំណែកចម្លាក់ទាំង៤១ដុំនេះ ស្ថិតនៅរាយប៉ាយក្នុងបរិវេណវត្តព្រះឥន្ទទេព ហើយខ្លះទៀតនៅផ្នែកខាងក្រោយនៃខឿនព្រះអង្គទេព។ ដូច្នេះ ដើម្បីឱ្យមានសុវត្ថិភាព ព្រះអង្គក៏បានប្រមូលយកមករក្សាទុកនៅក្នុងរោងផ្នែកខាងត្បូងវត្ត ការពារការបាត់បង់ និងខូចខាតដោយប្រការផ្សេងៗ។លោក ឈូក សុម៉ាឡា មន្ត្រីក្រុមចុះបញ្ជីសារពើភណ្ឌនៃនាយកដ្ឋានអភិរក្សប្រាសាទក្នុងឧទ្យានអង្គរនិ ងបុរាណវិទ្យាបង្ការ នៃអាជ្ញាធរជាតិអប្សរា បានឱ្យដឹងថា ក្នុងចំណោមចម្លាក់ទាំងនេះ មានមួយចំនួនធំជាព្រះពុទ្ធបដិមាដែលនៅសល់តែព្រះភ្នែននិងបល្ល័ង្គផ្កាឈូក ឯខ្លះទៀតឃើញមានត្រឹមព្រះបាទទ្រង់ឈរលើជើងទម្រប៉ុណ្ណោះ។ តាមការពិនិត្យឃើញថា ព្រះពុទ្ធបដិមាទាំងនេះ មានខ្លះស្ថិតនៅក្នុងរចនាបថបាយ័ន្ត ប្រហែលនាចុងសត វត្សរ៍ទី១២ ទៅដើម១៣ និងខ្លះទៀតស្ថិតនៅក្នុងរចនាបថសម័យកណ្តាល ប្រហែលជានៅសត វត្សរ៍ទី១៥ ឬ ទី១៦។បន្ទាប់ពីបានទទួលដំណឹងពីក្រុមសមត្ថកិច្ចការពារបេតិកភណ្ឌតំបន់អង្គរ ក្រុមចុះបញ្ជីសារពើភណ្ឌ នាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ និងអាជ្ញាធរអប្សរាបានចុះទៅទទួលបំណែកបដិមាទាំងនេះ មករក្សាទុកនៅការិយាល័យនាយកដ្ឋាន នៃអាជ្ញាធរជាតិអប្សរា ដើម្បីចុះបញ្ជី ថតរូប និងពិពណ៌នាទុកជាឯកសារសម្រាប់ជួសជុលនៅថ្ងៃក្រោយ៕អត្ថបទ ៖ ឈិត សាវី

អាជ្ញាធរខេត្តបាត់ដំបង ចុះចែកអំណោយកម្មករប្រមូលសំរាម

បាត់ដំបង៖ នៅថ្ងៃទី១៤ ខែតុលា ឆ្នាំ២០២០ លោ ណុប ដារ៉ា អភិបាលរងខេត្ត លោក ផេងសិទ្ធី អភិបាលក្រុង យុវជន ស.ស.យ.ក. ខេត្តបាត់ដំបង និងសហការី បានចុះសួរសុខទុក្ខ និងនាំយកអំណោយរបស់ ឯកឧត្តម ស សុខា និងលោកជំទាវជូនដល់បងប្អូនភ្នាក់ងាររើសសំរាមរបស់ក្រុមហ៊ុន ស៊ីន ទ្រី ខេត្តបាត់ដំបង ៨២ គ្រួសារ។ក្នុងនោះដែរ លោកអភិបាលរងខេត្ត បានវាយតម្លៃខ្ពស់ និងកោតសរសើរដល់បងប្អូនភ្នាក់ងារប្រមូលសំរាមដែលបានយកចិត្តទុកដាក់កិច្ចការប្រមូលសំរាមក្នុងក្រុង–ស្រុក នៃខេត្តបាត់ដំបងនាពេលកន្លងមក។ លោក បានបន្ថែមថា ខ្លួនលោកផ្ទាល់ និងថ្នាក់ដឹកនាំខេត្ត ទាំងមូលសូមថ្លែងអំណរគុណយ៉ាងខ្លាំងដល់បងប្អូនភ្នាក់ងារប្រមូលសំរាម ដែលបានបំពេញការងារបានយ៉ាងល្អ ។គួររំលឹកផងដែរថា នាពេលថ្មីៗនេះ ខេត្តបាត់ដំបង ទទួលបានការកោតសរសើរគួរជាទីមោទនភាពពីមជ្ឈដ្ឋានទូរទាំង ប្រទេសថា មានអនាម័យល្អ នៅពេលលិចទឹកជំនន់កន្លងមក តែគ្មានសំរាមអណ្តែតសោះ ៕អត្ថបទ ៖ សារិទ្ធ

កម្ពុជាត្រូវការថវិកា ៣៣ លានដុល្លារ ដើម្បីស្តារវិស័យទេសចរណ៍ ដែលប៉ះពាល់ដោយវិបត្តិកូវីដ១៩

ភ្នំពេញ ៖ នៅព្រឹកថ្ងៃទី ១៤ ខែតុលានេះ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានបើកកិច្ចប្រជុំរៀបចំសេចក្តីព្រាងផែនទីចង្អុលផ្លូវ ស្តីពីផែនការស្តារ និងលើកស្ទួយវិស័យទេសចរណ៍កម្ពុជា ក្នុងបរិបទកូវីដ-19 ។ នៅក្នុងកិច្ចប្រជុំនេះ ឯកឧត្តម ថោង ខុន មានប្រសាសន៍ថា មកដល់ពេលនេះវិបត្តិកូវីដ គឺនៅតែបន្តបង្កការប៉ះពាល់ ធ្ងន់ធ្ងរដល់វិស័យទេសចរណ៍ ខណៈនៅពេលនេះ ក្រសួង ត្រូវការថវិកាប្រមាណ៣៣លានដុល្លារ អាមេរិកដើម្បីស្តារវិស័យទេសចរណ៍ពីវិបត្តិCOVID-19។នៅក្នុងដំណើរការអនុវត្តផែនទីចង្អុលផ្លូវ ស្តីពីផែនការស្តារនិងលើកស្ទួយវិស័យទេសចរណ៍កម្ពុជា នៅក្នុងនិងក្រោយវិបត្តិកូវីដ ឯកឧត្តម ថោង ខុន បានថ្លែងថា ក្រសួងមានផែនការទិសដៅយុទ្ធសាស្ត្រអនុវត្តចំនួន៩ សកម្មភាពយុទ្ធសាស្ត្រ ៤៩ គម្រោងស្តារវិនិយោគធំៗចំនួន១៦ ដែលត្រូវការថវិកាអនុវត្តប្រមាណពី៣១ទៅ៣៣លានដុល្លារ អាមេរិកសម្រាប់អនុវត្តរយៈពេល៥ឆ្នាំ ឆ្នាំ២០២០ ដល់ឆ្នាំ២០២៥។ឯកឧត្តម បន្តថា នៅក្នុងឆ្នាំ បន្តបន្ទាប់ខាងមុខ ដើម្បីជំរុញទទួលបានកំណើននៃភ្ញៀវអន្តរជាតិចេញដើរទស្សនាកម្សាន្តនៅក្រៅប្រទេសច្រើន គឺយើងមានតែរួមគ្នាអនុវត្តតាមផែនទីចង្អុលផ្លូវ និងអនុវត្តការព្រមព្រៀងតាមគោលការណ៍ Travel Bubble ពោលគឺការនាំភ្ញៀវទេសចរអន្តរជាតិពីតំបន់ដែលសុវត្ថិភាពពីកូវីដ ទៅដើរកម្សាន្តនៅក្នុងតំបន់ទេសចរណ៍ដែលមានសុវត្ថិភាពពីកូវីដ។ឯកឧត្តម បន្តថា ស្ថានភាពទេសចរណ៍នៅកម្ពុជា នៅក្នុងអំឡុងពេលនេះ គឺមានការពឹងផ្អែកខ្លាំងតែលើភ្ញៀវទេសចរជាតិនិងអន្តរជាតិ ដែលមានស្រាប់នៅក្នុងស្រុក ប៉ុន្តែបើពឹងផ្អែកលើភ្ញៀវទេសចរអន្តរជាតិមកពីក្រៅប្រទេស គឺយើងមិនមាននោះទេ។ឯកឧត្តម ថោង ខុន បន្តថា សម្រាប់ការធ្វើដំណើរចេញទស្សនាកម្សាន្តនៃភ្ញៀវទេសចរអន្តរជាតិ នៅពេលបច្ចុប្បន្ននេះ គឺបណ្តាប្រទេសនានា នៅតែបន្តអនុវត្តគោលការណ៍ធ្វើចត្តាឡីស័កចំនួន៧ថ្ងៃ ទៅ១៤ថ្ងៃ ដែលបញ្ហានេះវាបង្កការរំខានខ្លាំងធ្វើអោយភ្ញៀវទេសចរអន្តរជាតិមិនចង់ចេញដើរកម្សាន្តនៅក្រៅប្រទេសនោះទេ។តាមរបាយការណ៍របស់ក្រសួងទេសចរណ៍ មកដល់បច្ចុប្បន្ននេះ វិបត្តិកូវីដ ប៉ះពាល់ដល់ដំណើរការអាជីវកម្មទេសចរណ៍បិទទ្វារសរុប២៤០៥ ទីតាំង និងប៉ះពាល់ ការងារផ្ទាល់ក្នុងវិស័យទេសចរណ៍ សរុបជិត៤ម៉ឺននាក់ស្មើនឹង ៣៥%៕អត្ថបទ ៖ ស៊ុម សុខជា

អាជ្ញាធរមីនរៀបចំសិក្ខាសាលាបូកសរុបលទ្ធផលការងារឆ្នាំ២០២០ និងលើកទិសដៅឆ្នាំ២០២១

សៀមរាប៖ នៅព្រឹកថ្ងៃទី២៧ ខែតុលា ឆ្នាំ២០២០ ឯកឧត្តមនាយឧត្តមសេនីយ៍ សែម សុវណ្ណនី អនុប្រធានទី២ អាជ្ញាធរមីន បានអញ្ជើញជាអធិបតីភាពក្នុងពិធីបបើកកិច្ចសិក្ខាសាលាបូកសរុបលទ្ធផលការងារឆ្នាំ២០២០ និងលើកទិសដៅឆ្នាំ២០២១ ដោយមានការចូលរួមពីថ្នាក់ដឹកនាំ មន្ត្រី បុគ្គលិករបស់អាជ្ញាធរមីន តំណាងអង្គការ UNDP និង DFID។ឯកឧត្តមនាយឧត្តមសេនីយ៍ សែម សុវណ្ណនី បានមានប្រសាសន៍កោតសរសើរ និងវាយតម្លៃខ្ពស់ចំពោះការខិតខំរបស់ថ្នាក់ដឹកនាំ មន្ត្រី បុគ្គលិក ទាំងអស់ដែលបានបំពេញការងារប្រកបដោយប្រសិទ្ធភាព និងប្រសិទ្ធផលខ្ពស់នាពេលកន្លងមក។ក្នុងឱកាសនោះ ឯកឧត្តមបានផ្តល់នូវអនុសាសន៍មួយចំនួនដូចខាងក្រោម៖១. បង្កើនស្មារតីទទួលខុសត្រូវ តម្កល់ប្រយោជន៍ជាតិខ្ពស់ សមូហភាពដឹកនាំបុគ្គលទទួលខុសត្រូវ តាមតួនាទីភារកិច្ចដែលប្រមុខរាជរដ្ឋាភិបាលប្រគល់ឱ្យ២. ពិភាក្សាស៊ីជម្រៅ រកអោយឃើញចំនុចខ្លាំង ពិសេសចំនុចខ្សោយ ដើម្បីរួមគ្នាដោះស្រាយ៣. ត្រូវចែករំលែកបទពិសោធន៍ រវាងបុគ្គល និងបុគ្គល រវាងនាយកដ្ឋាននិងនាយដ្ឋាន ពិសេស បទពិសោធន៍នៃការដឹកនាំពីបណ្តាប្រទេសជឿនលឿនលើពិភពលោក ដែលជាយន្តការដោះស្រាយងាយៗក្នុងការរួមចំណែកនៃការដឹកនាំប្រកបដោយចីរភាព៤. រួមគ្នា និងសហការល្អ ជាមួយបណ្តាប្រទេសជាមិត្ត នឹងដៃគូអភិវឌ្ឍន៍ អង្គការនានា កៀរគររកជំនួយ ជាថវិកា មធ្យោបាយសម្ភារៈ និងការបណ្តុះបណ្តាលធនធានមនុស្ស សម្រាប់បម្រើឱ្យវិស័យសកម្មភាពមីន៥. ពិចារណា លើការរៀបចំគម្រោងផែនការ MoU ជាមួយបណ្តាប្រទេសជាមិត្ត ដើម្បីផ្លាស់ប្តូរបទពិសោសធន៍ និងការផ្លាស់ប្តូរទស្សនកិច្ចពីគ្នាទៅវិញទៅមក៦. យកចិត្តទុកដាក់សុខទុក្ខរបស់មន្រ្តីនៅក្រោមឱវាទ ពិសេសបញ្ហាជីវភាពរស់នៅ ទាំងមន្រ្តីជំនាន់ក្រោយ និងរៀមច្បងជំនាន់មុន៧. បន្តរួមគ្នាប្រយុទ្ធប្រឆាំងមេរោគ COVID-19 ដែលនាំចូលសុទ្ធសាធពីខាងក្រៅ ដើម្បីខ្លួនយើង ដើម្បីគ្រួសារ ពិសេសដើម្បីប្រទេសជាតិយើងទាំងមូល៨. ត្រូវព្រួតដៃគ្នាបន្តការពារសន្តិភាពឱ្យខានតែបាន ពិសេសសមិទ្ធផលនានា ក្រោមការដឹកនាំដ៏ឈ្លាសវៃរបស់សម្តេចតេជោ ហ៊ុន សែន នាយករដ្ឋមន្ត្រី និងជាប្រធានអាជ្ញាធរមីន៕

បណ្ដាញសង្គម

ព័ត៌មានថ្មីៗ

គណបក្សប្រជាជនកម្ពុជា បន្តរៀបចំបាឋកថាជាសេរី "កេរដំណែលរស់៖ គុណតម្លៃ ៧មករា" ប្រធានបទ «វេទិកាបើកចំហដំណើរជីវិត និងបទពិសោធពិតរបស់ ឯកឧត្តម ខៀវ កាញារីទ្ធ»

មនុស្ស២នាក់ស្លាប់ ពេលយន្តហោះចម្បាំង F-4 ធ្លាក់ អំឡុងពិព័រណ៍អាកាសចរណ៍នៅប្រទេសក្រិក

ផ្ទុះរថយន្តដឹកប្រេងនៅតំបន់ភាគខាងលិចប្រទេសអ៊ីរ៉ង់សម្លាប់មនុស្សយ៉ាងហោច ១០នាក់

អ៊ីរ៉ង់ ៖ ការវាយប្រហារលើនាវាយោធា នឹងកើនឡើង បើសិនជាការបិទច្រករបស់អាមេរិកនៅតែបន្ត

វិចារណកថា៖ ស្រះតូចមួយ គឺជាសហគមន៍នៃជីវិត

ជំនួយការវិមានក្រឹមឡាំង៖ លោក Putin និងប្រេសិតអាមេរិកមាននូវជំនួបដ៏មានប្រយោជន៍ឆ្ពោះទៅរកការបញ្ឈប់សង្រ្គាមអ៊ុយក្រែន

លោក Putin បញ្ជាឲ្យផ្អាកវាយប្រហារទីក្រុងគីវ មុនដំណើរទស្សនកិច្ចរបស់លោក Witkoff និងលោក Kushner

លោក Putin និងប្រេសិតពិសេសសហរដ្ឋអាមរិក ពិភាក្សាលើសំណើរបស់លោក Trump ដើម្បីបញ្ចប់សង្រ្គាមអ៊ុយក្រែន

រដ្ឋមន្ត្រីក្រសួងការពារជាតិកម្ពុជា ដឹកនាំគណៈប្រតិភូទៅអូស្ត្រាលីដែលជាធ្វើទស្សនកិច្ចផ្លូវការ និងជាលើកដំបូងក្នុងប្រវត្តិសាស្ត្រ

ប្រទេសអឺរ៉ុបចំនួនប្រាំស្វែងរកកិច្ចព្រមព្រៀងដើម្បីបញ្ជូនជនអន្តោប្រវេសន៍ចេញពីសហភាពអឺរ៉ុប

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍

កាយរឹទ្ធិ​កម្ពុជា​ផ្សព្វផ្សាយ​អ្នក​នាំសារ​សន្ដិភាព ​ក្រោម​ប្រធានបទ ​ការកសាង​សន្តិភាព​ជាមួយគ្នា

បុរាណវត្ថុ​នៅ​អំឡុង​សតវត្សរ៍​ទី​១២ ​ជាច្រើន​​ត្រូវបាន​ព្រះសង្ឃ​រក្សាទុក ​យក​ប្រគល់ឱ្យ​អាជ្ញាធរ​អប្សរា

អាជ្ញាធរ​ខេត្តបាត់ដំបង ​ចុះចែក​អំណោយ​កម្មករ​ប្រមូល​សំរាម

​កម្ពុជា​ត្រូវការ​ថវិកា ៣៣ លាន​ដុល្លារ ដើម្បី​ស្តារ​វិស័យ​ទេសចរណ៍ ​ដែល​ប៉ះពាល់​ដោយ​វិបត្តិ​កូ​វីដ​១៩

អាជ្ញាធរ​មីន​រៀប​ចំសិក្ខា​សាលា​បូក​សរុ​បល​ទ្ធផល​ការងា​រឆ្នាំ​២០២០​ និង​លើក​ទិស​ដៅឆ្នាំ​២០២១