BTV NEWS

សម្តេចតេជោ ហ៊ុន សែន ជួបពិភាក្សាការងារតាមប្រព័ន្ធវីដេអូជាមួយប្រធានរដ្ឋសភា អាស៊ែបៃហ្សង់

គណៈប្រតិភូនៃសន្និសីទប្រធានសភានៃអន្តរសភា វាយតម្លៃខ្ពស់ចំពោះជោគជ័យនៃ «សន្និសីទប្រធានសភានៃអន្តរសភា លើកទី២» នៅកម្ពុជា

ប្រធានរដ្ឋសភាម៉ាឡេស៊ី ប្ដេជ្ញាបន្តលើកកម្ពស់កិច្ចសហប្រតិបត្តិការទ្វេភាគីជាមួយកម្ពុជាឱ្យកាន់តែរីកចម្រើន និងរឹងមាំ

ព្រីតថេន នឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

ឯកឧត្ដម អ៊ឹម ឈុនលឹម៖ មូលដ្ឋានគ្រឹះរដ្ឋធម្មនុញ្ញជាទុន ដើម្បីរក្សាបានស្ថិរភាព និងសន្តិភាព

ភ្នំពេញ៖ ក្នុងឱកាសអនុញ្ញាតឱ្យនិស្សិតជយលាភីអាហារូបករណ៍រដ្ឋាភិបាលអូស្ត្រាលី និងណូវ៉ែលហ្សេឡង់ជួបសម្តែងការគួរសម ឯកឧត្តម ទេសរដ្ឋមន្ត្រី អ៊ឹម ឈុនលឹម ប្រធានក្រុមប្រឹក្សាធម្មនុញ្ញ បានថ្លែងថា មូលដ្ឋានគ្រឹះរដ្ឋធម្មនុញ្ញជាទុន ដើម្បីរក្សាបានស្ថិរភាព និងសន្តិភាព។នៅថ្ងៃទី២៦ ខែតុលា ឆ្នាំ២០២០នេះ ឯកឧត្ដមកិត្តិនីតិកោសលបណ្ឌិត អ៊ឹម ឈុនលឹម ប្រធានក្រុមប្រឹក្សាធម្មនុញ្ញ បានអនុញ្ញាតឱ្យនិស្សិតជយលាភីអាហារូបករណ៍រដ្ឋាភិបាលអូស្ត្រាលី និងណូវ៉ែលហ្សេឡង់ ចំនួន២១រូប ជាមន្ត្រីរាជការ បុគ្គលិកក្រុមហ៊ុនឯកជន និងមន្ត្រីអង្គការមិនមែនរដ្ឋាភិបាល ដែលនឹងទៅសិក្សាបន្តថ្នាក់បរិញ្ញាបត្រជាន់ខ្ពស់នៅប្រទេសអូស្ត្រាលី និងណូវ៉ែលហ្សេឡង់ ចូលជួបសម្តែងការគួរសម ឯកឧត្តម អ៊ឹម ឈុនលឹម បាន សម្តែងការអបអរសាទរ និងកោតសរសើរជយលាភីទាំងអស់ ដែលបានទទួលជោគជ័យក្នុងការប្រលងយកអាហារូបករណ៍រដ្ឋាភិបាលអូស្ត្រាលី និងណូវ៉ែលហ្សេឡង់ ដែលជាកម្មវិធីមួយមានសារសំខាន់សម្រាប់ការអភិវឌ្ឍធនធានមនុស្សនៅកម្ពុជាក្នុងក្របខណ្ឌកិច្ចសហប្រតិ្តការអន្តរជាតិនៃប្រទេសទាំងបី គឺ ព្រះរាជាណាចក្រកម្ពុជា ប្រទេសអូស្ត្រាលី និងប្រទេសណូវ៉ែលហ្សេឡង់។ឯកឧត្តម អ៊ឹម ឈុនលឹម ក៏បានចាត់ទុកថា នេះគឺជាសមិទ្ធផលថ្មីបន្ថែមទៀត នៃទំនាក់ទំនងល្អរវាងប្រទេសទាំងបី។ ឯកឧត្តម អ៊ឹម ឈុនលឹម បានថ្លែងថា ដំណើរការនៃការចរចារបង្កើតកិច្ចព្រមព្រៀងទីក្រុងប៉ារីស ដែលជាមូលដ្ឋានគ្រឹះសំខាន់នាំឱ្យមានរដ្ឋធម្មនុញ្ញមួយទំនើបដូចសព្វថ្ងៃ ដើម្បីឱ្យនិស្សិតជយលាភីទាំងអស់បានយល់ដឹង និងជាទុនសម្រាប់ការសិក្សាបន្តនាពេលខាងមុខ។ក្នុងកិច្ចសំណេះសំណាលនេះ ឯកឧត្តម អ៊ឹម ឈុនលឹម បានចែករំលែកបទពិសោធន៍ផ្ទាល់ខ្លួនរបស់ឯកឧត្តម ដែលធ្លាប់បានបន្តការសិក្សា និងធ្វើការដកបទពិសោធន៍ការងារនៅបរទេសដូចជា បារាំង សហភាពសូវៀត និងបណ្តាប្រទេសនានានៅលើសាកលលោក ដើម្បីជាទុនគំនិតសម្រាប់ជ័យលាភីទាំងអស់យកទៅប្រើក្នុងការរស់នៅ និងបន្តការសិក្សារយៈពេល ២ឆ្នាំ នៅប្រទេសអូស្ត្រាលី និងប្រទេសណូវ៉ែលហ្សេឡង់។ឯកឧត្តម អ៊ឹម ឈុនលឹម បានបន្តថា ការកសាងនីតិរដ្ឋ ដោយឈរលើគ្រឹះដ៏រឹងមាំនៃរដ្ឋធម្មនុញ្ញ ដែលព្រះរាជាណាចក្រកម្ពុជា កំពុងតែខិតខំនិងសម្រេចបាន ដើម្បីសុខសន្តិភាព ស្ថិរភាព និងការអភិវឌ្ឍប្រទេសជាតិ។បន្ថែមលើសពីនេះ ឯកឧត្តម អ៊ឹម ឈុនលឹម បានធ្វើការណែនាំដល់និស្សិតទាំងអស់ត្រូវខិតខំយកចិត្តទុកដាក់រក្សាកិត្តិយសប្រទេសជាតិ និងអធិបតេយ្យជាតិ ដោយត្រូវយល់ដឹងអំពីច្បាប់ និងប្រពៃណីល្អរបស់ជាតិ ជួយផ្សព្វផ្សាយនូវអ្វីដែលជាប្រយោជន៍ដល់ជាតិយើង និងត្រូវចេះឆ្លើយតបរាល់ការចោទសួរពីសំណាក់និស្សិតបរទេសពីនយោបាយរបស់ផ្ទៃក្នុងរបស់កម្ពុជា៕ អត្ថបទ៖ ឧត្តម

កាកបាទក្រហមកម្ពុជាទទួលជំនួយពីសប្បុរសជន ០៤បន្ថែមទៀត ដើម្បីជួយដល់ជីវភាពជនរងគ្រោះ

ភ្នំពេញ៖ កាលពីរសៀលថ្ងៃទី២៦ តុលា ២០២០នេះ នៅទីស្នាក់ការកណ្តាលកាកបាទក្រហមកម្ពុជា លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា បានទទួលជួបសវនាការ និងទទួលអំណោយមនុស្សធម៌ពីសប្បុរសជនចំនួន៤បន្ថែមទៀត ១. ទទួលអំណោយពីសម្តេចព្រះអភិសិរីសុគន្ឋាមហាសង្ឃរាជាធិបតី កិត្តិឧទ្ទេសបណ្ឌិត បួរ គ្រី សម្តេចព្រះមហាសង្ឃរាជ នៃគណៈធម្មយុត្តិនិកាយ នៃព្រះរាជាកម្ពុជា ជាព្រះសាកលវិទ្យាធិការ នៃពុទ្ធកសាកលវិទ្យាល័យព្រះសីហមុនីរាជា នូវអង្ករ៤តោន ត្រីខ៤កេសធំ ស្ករស១០០គីឡូក្រាម ទឹកដោះគោ៣កេសធំ សម្ភារៈផ្ទះបាយ៧ឈុតធំ ទឹកផ្លែឈើ៣០កេសធំ និងជូនអាហារូបករណ៍១០០%សម្រាប់និស្សិតក្រីក្រឆ្នាំ២០២០នេះចំនួន១០០កន្លែង។ក្នុងនោះ មាន ៦ឯកទេស តាមរយៈ កាកបាទក្រហមកម្ពុជា,ទី២. អំណោយឯកអគ្គរដ្ឋទូតសាធារណៈ សិង្ហបុរី នូវអង្ករ១៥០០គីឡូក្រាម ទឹកបរិសុទ្ធ៤៥០កេស មី ៩៣៣៦កញ្ចប់ ដំឡូងចំណិត ៦០០០កញ្ចប់ ត្រីខ ៣០០០កញ្ចប់ សាច់ក្រកកំប៉ុង៨២កំប៉ុង នំប្រៃ៣៣កញ្ចប់ ទឹកសណ្តែក ១៨០០កំប៉ុង ភួយ៤០០ភួយ មុង៣០០ កាបូបស្ពាយ៣០០ និងសម្ភារៈមួយចំនួនទៀត ទី៣ អំណោយឯកឧត្តមវេជ្ជបណ្ឌិត វ៉េង ហេង ព្រមទាំងកូន នូវថវិកា ៣០០០ ដុល្លារអាមេរិក និង ទី៤ ក្រុមហ៊ុនទឹកបរិសុទ្ឋ សេង ហុកហេង ទឹកសុទ្ឋ១០០កេស សម្រាប់បម្រើដល់សកម្មភាពមនុស្សធម៌ ជួយដល់ប្រជាពលរដ្ឋជួបការលំបាក ដោយគ្រោះធម្មជាតិ និងគ្រោះមហន្តរាយផ្សេងៗ ជាពិសេសក្នុងស្ថានភាព គ្រោះទឹកជំនន់រហ័សនាពេលបច្ចុប្បន្ននេះ៕

ក្រសួងការបរទេស និងUNប្រចាំកម្ពុជា រៀបចំសន្និសីទអបអរសាទរខួបលើកទី៧៥ នៃអង្គការសហប្រជាជាតិ

ភ្នំពេញ ៖ ក្នុងឱកាសក្រសួងការបរទេសរៀបចំសន្និសីទអបអរសាទរខួបលើកទី៧៥ នៃអង្គការសហប្រជាជាតិ ឯកឧត្តម ប្រាក់ សុខុន ប្រមុខការទូតកម្ពុជា បានថ្លែងថា ពហុភាគីនិយមមានតួនាទីសំខាន់ក្នុងការបង្កើនសាមគ្គីភាពដោយឆន្ទៈ និងធនធានរួម ដើម្បីដោះស្រាយការគំរាមកំហែងដោយវិបត្តិជំងឺកូវីដ១៩។នៅថ្ងៃទី២៧ ខែតុលា ឆ្នាំ២០២០នេះ ឯកឧត្តម ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស បានអញ្ជើញចូលរួមសន្និសីទជាន់ខ្ពស់ក្រោមប្រធានបទ «អនាគតដែលយើងចង់បាន តួនាទី នៃពហុភាគីនិយមក្នុងពិភពលោកក្រោយជំងឺកូវីដ–១៩» ដើម្បីអបអរសាទរខួបលើកទី៧៥ នៃអង្គការសហប្រជាជាតិ ដោយពិធីនេះ មានការចូលរួមពីតំណាងស្ថាប័នក្រសួង អង្គសហប្រជាជាតិប្រចាំកម្ពុជា តំណាងអង្គការសុខភាពពិភពលោក និងអង្គការដៃគូជាច្រើនរូបផងដែរ។នាឱកាសនោះ ឯកឧត្តម ប្រាក់ សុខុន បានមានប្រសាសន៍ថា ប្រធានបទនៃសន្និសីទនេះពិតជា មានសារសំខាន់យ៉ាងខ្លាំង នៅក្នុងពិភពដែលកំពុងច្របូកច្របល់ដោយសារបញ្ហាសុខភាព ជាពិសេសជំងឺកូវីដ១៩។ ឯកឧត្តម ប្រាក់ សុខុន បានថ្លែងថា ស្ថិតក្នុងកាលៈទេសៈនេះពហុភាគីនិយមកំពុងមានតួនាទីល្អបំផុត ដែលអាចបង្កើតបានជាសាមគ្គីភាពឆន្ទៈ និងធនធានរួមដើម្បីដោះស្រាយការគំរាមកំហែងដោយវិបត្តិនៃបញ្ហាសុខភាពនេះ។ប្រមុខការទូតកម្ពុជា បានសង្កត់ធ្ងន់ថា នេះជាពេលវេលាដើម្បីពង្រឹងកេរ្តិ៍ ដំណែលនូវគោលការណ៍ពហុភាគីនិយមនេះឡើងវិញ ដោយបង្ហាញនូវ សាមគ្គីភាព និង កិច្ចសហប្រតិបត្តិការចម្រុះឲ្យបានកាន់តែច្រើន ។ក្រៅពីនេះ ប្រមុខការទូតកម្ពុជា បានគូសបញ្ជាក់ទៀថា គូប្រជែងនយោបាយភូមិសាស្ត្រនយោបាយខ្លាំងក្លាដែលមានព្រំប្រទល់ជាប់នឹងសង្គ្រាមត្រជាក់ថ្មីបានរារាំងកិច្ចខិតខំប្រឹងប្រែងដើម្បីដោះស្រាយការរីករាលដាលនៃវីរុស និងធ្វើឱ្យសេដ្ឋកិច្ចពិភពលោកកាន់តែធ្ងន់ធ្ងរឡើង។ដោយឡែក ដោយសារប្រទេសជាច្រើនកំពុងរងការគំរាមកំហែង ដោយគ្រោះមហន្តរាយនៃទឹកជំនន់ ប្រមុខការទូតកម្ពុជា បានថ្លែងបន្តថា ស្ថានភាពជាក់ស្តែងរបស់ប្រជាជនដែលរងគ្រោះក្រោមការរីករាលដាលនៃជំងឺរាតត្បាត ១៩ គឺមិនអាចធ្វេសប្រហែសចំពោះទុក្ខលំបាករបស់អ្នកដទៃដែលរងផលប៉ះពាល់ពីបាតុភូតទាក់ទងនឹង ការប្រែប្រួលអាកាសធាតុឡើយ។ឯកឧត្តម ឧបនាយករដ្ឋមន្ត្រី ប្រាក់ សុខុន បានបន្ថែមថា គ្មានប្រទេសណាមួយដែលអាចដោះស្រាយបញ្ហាបំរែបំរួលអាកាសធាតុបានទេ ពុំមានការប្រកាន់ខ្ជាប់នូវពហុភាគីនិយមនិយមដ៏រឹងមាំនិងមានប្រសិទ្ធភាពនោះទេ បណ្តាប្រទេសដែលរងការគំរាមកំហែងនឹងមិនអាចយកឈ្នះលើបញ្ហាគ្រោះមហន្តរាយធម្មជាតិបានដោយជោគជ័យឡើយ៕

កម្ពស់ស្ទឹងពោធិ៍សាត់ បន្តស្រកចុះនៅថ្ងៃនេះ តែប្រព័ន្ធសម្ពាធទាបបន្ត គ្របដណ្តប់លើខេត្តពោធិ៍សា

ពោធិ៍សាត់៖ គិតត្រឹមល្ងាចថ្ងៃទី១២ ខែតុលា ឆ្នាំ២០២០ ផ្ទៃមេឃនៅក្នុងខេត្តពោធិ៍សាត់ នៅតែមានសភាពអ័ព្ទអួ ហើយការជន់លិចតំបន់មួយចំនួននៅតែបន្ត។ នៅក្នុងចំណោមស្រុកក្រុងដែលបានទទួលការជន់លិចនោះក្រុងពោធិ៍សាត់ និងស្រុកកណ្តៀង នៅតែជាតំបន់ដែលមានការលិចលង់ខ្លាំងជាងគេ។ ទឹកស្ទឹងពោធិ៍សាត់ បានពេញព្រៀបច្រាំងនៅក្នុងក្រុងពោធិ៍សាត់ ហើយ នៅបន្ត ហូរបែកវាល ចូលទៅក្នុងភូមិឋាន ស្រែចម្ការរបស់ពលរដ្ឋក្នុងស្រុកកណ្តៀង។លោក កែវ វ័យ ប្រធានមន្ទីរធនធានទឹក និង ឧតុនិយម ខេត្តពោធិ៍សាត់ បានឱ្យដឹងថា ក្រុមការងាររបស់លោកនៅតែបន្តបើកទ្វារទឹកជាច្រើនកន្លែង ដើម្បីបន្ថយកម្ពស់ទឹក ចេញពីស្ទឹងពោធិ៍សាត់ និង រំដោះទឹកភ្លៀងចេញពីក្រុង។ថ្លែងពីស្ថានីយ៍ប្រព័ន្ធធារាសាស្ត្រដំណាក់អំពិល លោកប្រធានមន្ទីធនធានទឹកដដែលបានលើកឡើងថា បើសិនយប់ថ្ងៃទី ១២ តុលានេះ និង ថ្ងៃ ១៣តុលាខាងមុខមិនមានភ្លៀងទេនោះ ទឹក នឹងបន្តស្រកជាបន្តទៀត។គិតត្រឹម ថ្ងៃ១២ខែតុលា ឆ្នាំ២០២០ នេះ កម្ពស់ទឹកស្ទឹងពោធិ៍សាត់ គឺបានឋិតក្នុងកម្រិតកម្ពស់ ៥.៤៦ម៉ែត្រ ពោលគឺបានធ្លាក់ចុះអស់ ៧ហ៊ុន នេះបើធៀបនឹងថ្ងៃទី ៩តុលា ដែលកម្ពស់ទឹកស្ទឹងពោធិ៍សត្វ មានកម្ពស់ដល់ទៅ ៥.៥៣ម៉ែត្រ។ទោះជាមានការថយចុះនូវកម្ពស់ទឹកបន្តិចមែនប៉ុន្តែ កម្ពស់ទឹកស្ទឹងពោធិ៍សាត់នៅតែ ខ្ពស់ជាងកម្រិតប្រកាសអាសន្ន ដែលត្រូវបានកំណត់ត្រឹម ៥.០០ម៉ែត្រ។ គិតចាប់តាំងពីអំឡុងពេលភ្ជុំបិណ្ឌ រហូតដល់ពេលនេះ ពោធិ៍សាត់ បានជួបប្រទះជំនន់ទឹកភ្លៀង ៣លើកហើយ។លើកចុងក្រោយ ដែលទឹកចាប់ផ្តើមឡើងខ្លាំង កាលពីថ្ងៃ ៩តុលានោះ បានប៉ះពាល់ដល់ប្រជាពលរដ្ឋជាង ៩៩៩០ គ្រួសារ (តួលេខបឋម) និង មានមនុស្សពីរនាក់បានស្លាប់ ក្នុងនោះ មានយុវនារីម្នាក់វ័យ ២១ឆ្នាំ បានបាត់បង់ជីវិតដោយលង់ទឹក ក្នុង ភូមិ ស្ថានីយ៍ ឃុំស្វាយអាត់ ក្រុងពោធិ៍សាត់ ក្នុងយប់ថ្ងៃទី ១១តុលា ឆ្នាំ២០២០៕ អត្ថបទ៖ សំនៀង

ព្រះនាងតូច នរោត្តម ជេនណា បានប្រកាសជា ព្រះរាជទូតសុឆន្ទៈ ប្រចាំ អ & អេហ្វ ប្រផឹធី (ខេមបូឌា)

ភ្នំពេញ៖ ព្រះនាងតូច នរោត្ដម ជេនណា ទ្រង់យាងមកកាន់ទីតាំងគម្រោងរបស់ក្រុមហ៊ុន អ & អេហ្វ ប្រផឹធី (ខេមបូឌា) ដើម្បីចុះហត្ថលេខាជាផ្លូវការ ប្រកាសតែងតាំងជាព្រះរាជទូតសុឆន្ទៈ ប្រចាំក្រុមហ៊ុន អ & អេហ្វ ប្រផឹធី (ខេមបូឌា) ក្នុងនោះផងដែល ក៏មានការដាក់បង្ហាញនូវអាគារថី្មមួយដែលមាន ឈ្មោះថា MIRO(មីរ៉ូ), កាលពីថ្ងៃទី១០តុលា កន្លងទៅនេះ។លោក Xu Wenshui អគ្គនាយកក្រុមហ៊ុន អ &អេហ្វ ប្រផឹធី (ខេមបូឌា) ឲ្យដឹងថា កិច្ចសហប្រតិបត្តិការជាមួយព្រះនាងតូច នរោត្ដម ចេនណា បានធើ្វឱ្យប្រជាជនទីក្រុងភ្នំពេញ និងពិភពលោកស្វែងយល់កាន់តែច្បាស់អំពីផលិតផលថ្មីរបស់គម្រោង បុរី អ & អេហ្វ។ ព្រះនាងតូច នរោត្តម ជេនណា បានធ្វើការចុះហត្ថលេខាលើឯកសារកិច្ចសន្យាដោយផ្ទាល់ជាមួយលោក Xu Wenshui ដែលជាអគ្គនាយក ក្រុមហ៊ុន អ &អេហ្វ។ព្រមជាមួយគ្នា ក៏មានធ្វើពិធីទម្លាក់ខ្សាច់មាស ដែលជានិមិត្តរូប នៃកិច្ចសហប្រតិបត្តិការយល់ព្រមជាផ្លូវការ នាពេលអនាគត។ ព្រះនាងតូចនឹងបន្តចូលរួមនៅក្នុងគម្រោងនេះក្នុងនាមជារាជទូតសុឆន្ទៈ នៃក្រុមហ៊ុន អ &អេហ្វ ប្រផឹធី (ខេមបូឌា)។ ព្រះនាងតូច នរោត្តម ជេនណា មានទេពកោសល្យក្នុងការសម្តែង រាំ និងច្រៀង។ព្រះនាងបានបកស្រាយចម្រៀងចំនួន២បទនៅលើឆាក ដែលបទទី1 មានចំណងជើងថា “ភ្នំពេញ” និងបទទី2 មានចំណងជើងថា A Whole New World រួមជាមួយនិងការបង្ហាញនូវក្បាច់រាំដ៏អស្ចារ្យគឺបទ Ice Cream របស់ក្រុម Blackpink។ ក្នុងនោះក៏មានការប្រកួតផ្គុំរូប MIRO នៅក្នុងកម្មវិធី ជាមួយក្រុមព្រះនាងតូច និងក្រុមតារារបស់យើង។ក្រុមហ៊ុន អ &អេហ្វ ប្រផឹធី (ខេមបូឌា) បានប្តេជ្ញាចិត្ត ដើម្បីក្លាយជាក្រុមហ៊ុនអន្តរជាតិឈានមុខគេក្នុងវិស័យអចលនទ្រព្យ។ ក្រុមហ៊ុន បាននាំយកមកនូវផលិតផលអាផាតមិន ដ៏ល្អប្រណិតមួយដែលមានទំហំប្រហែល ៣៨–៥០ ម៉ែត្រការ៉េ ក្នុងមួយបន្ទប់ ដែលមានឈ្មោះថា MIRO ។MIRO ប្តេជ្ញាកសាង ប្រព័ន្ធជីវិតដ៏ស្រស់ស្អាតចំនួន6 ដើម្បីបំពេញតំរូវការរបស់អតិថិជនក្នុងការរស់នៅ និងប្រកបអាជីវកម្ម។ ក្នុងអាផាតមិនMIRO បានបំពាក់ដោយឧបករណ៍ផ្ទះឆ្លាតវៃគ្រប់ជ្រុង និងគ្រឿងបរិក្ខារស្តង់ដាខ្ពស់ ក្នងនោះមានដូចជា អាងហែលទឹក 270° SKY BAR, កន្លែងហាត់ប្រាណបែប Panoramic សួនច្បារនៅជាន់ខាងលើកំពូលអគារ និងការិយាល័យរួម ដែលមានទំហំ៥០០ម៉ែត្រការ៉េ មិនតែប៉ុណ្ណោះទេ អតិថិជនក៏អាចរីករាយជាមួយការ គយគន់ទេសភាពនៃទន្លេបាសាក់ផងដែរ៕ អត្ថបទ រដ្ឋា

សម្តេចក្រឡាហោម ស ខេង ជំរុញឲ្យគណៈមេធាវីបង្កើនការដោះស្រាយបណ្តឹងជូនដល់ពលរដ្ឋ

តំបន់ដែលតែងប្រឈមនឹងគ្រោះរាំងស្ងួតនៅបាត់ដំបង កំពុងត្រូវជំនន់ទឹកភ្លៀងវាយលុក

បាត់ដំបង ៖ បញ្ហាជំនន់ទឹកភ្លៀង នាចុងរដូវវស្សា ក្នុងឆ្នាំ២០២០នេះ មិនត្រឹមតែបង្កឲ្យមានការជន់លិចនៅតាមបណ្ដាស្រុកជាប់នឹងស្ទឹងធំៗក្នុងខេត្ត ឬស្រុកជាប់ព្រំដែនថៃនោះទេ វាក៏បានបង្កឲ្យមានការលិចលង់ និងប៉ះពាល់ដល់ស្រុកគាស់ក្រឡ ដែលជាស្រុកមួយតែងជួបបញ្ហាគ្រោះរាំងស្ងួតសឹងរាល់ឆ្នាំ និងមានស្ថានដីខ្ពស់មិនងាយមានទឹកជំនន់ហូរដល់ស្ទើរតែគ្រប់ឃុំ។ដោយទឹកជំនន់ហូរដល់ស្រុកគាស់ក្រឡនេះ គឺហូរចេញពីស្រុកសង្កែ និងស្រុកបាណន់ ព្រោះថា ស្រុកទាំងពីរនេះ កំពុងជួបបញ្ហាគ្រោះទឹកជំនន់ធ្ងន់ធ្ងរផងដែរ ក្នុងចំណោមបណ្ដាក្រុង និងស្រុកមួយចំនួនទៀត។ លោក ញឹក សារ៉ែន អភិបាលស្តីទីស្រុកគាស់ក្រឡ បានលើកឡើងថា ទឹកជំនន់នាពេលនេះ បានប៉ះពាល់ខ្លាំងនៅក្នុងឃុំហប់ រហូតដល់មានការលិចលង់ផ្ទះពលរដ្ឋចំនួន៧៩គ្រួសារ និងត្រូវបានអាជ្ញាធរ និងកងកម្លាំងទាំង៣ បានជួយអន្តរាគមន៍យកមកកាន់ទីទួលសុវត្ថិភាព ដោយមិនមានអ្នកគ្រោះថ្នាក់ដល់អាយុជីវិតនោះទេ ។លោកអភិបាលស្រុកស្តីទី បានបញ្ជាក់ថា ចំពោះទឹកជំនន់នេះ ក៏បានហូរចូលក្នុងស្រះទឹកធំៗក្នុងស្រុកទាំងមូល ដើម្បីទុកសម្រាប់ឲ្យពលរដ្ឋប្រើប្រាស់ក្នុងរដូវប្រាំងនាពេលខាងមុខ ហើយកម្រិតទឹកដែលចូលក្នុងស្រះទឹកទាំងអស់នោះ នឹងធ្វើឲ្យស្រុកគាស់ក្រឡ ដោះស្រាយបញ្ហាខ្វះខាតទឹកប្រើប្រាស់បានមួយផ្នែកធំផងដែរ ។ ពលរដ្ឋជួបគ្រោះទឹកជំនន់ រស់នៅក្នុងឃុំហប់ បានលើកឡើងថា ក្នុងតំបន់ពួកគាត់រស់នៅមិនដែលជួបបញ្ហាគ្រោះទឹកជំនន់ដូចឆ្នាំនេះទេ ដោយវាបានឡើងខ្លាំងជាងឆ្នាំ២០១៣ ទៅទៀត និងបណ្ដាលឲ្យមានការលិចលង់ផ្ទះសម្បែង ស្រែចម្ការ រួមទាំងផ្លូវមួយចំនួន ធ្វើឲ្យពួកគាត់ពិបាកក្នុងការធ្វើដំណើរ ប៉ុន្តែយ៉ាងណាក៏អរគុណដល់អាជ្ញាធរស្រុក និងកងកម្លាំងនានា ដែលបានជួយអន្តរាគមន៍នាំពួកគាត់មកកាន់ទីទួលសុវត្ថិភាព ។ក្នុងពេលចុះចែកស្បៀងសង្គ្រោះបឋមដល់ពលរដ្ឋរងគ្រោះដោយជំនន់ទឹកភ្លៀង ក្នុងស្រុកគាស់ក្រឡ និងស្រុកសង្កែ នៅថ្ងៃទី១២ ខែតុលា ឯកឧត្តម ងួន រតនៈ អភិបាលខេត្តបាត់ដំបង បានអំពាវនាវដល់ពលរដ្ឋទាំងអស់ត្រូវមានការប្រុងប្រយ័ត្នខ្ពស់ចំពោះកូនចៅដោយត្រូវហាមមិនឲ្យលេងទឹកផ្ដេសផ្ដាស ដែលអាចបណ្ដាលឱ្យមានគ្រោះថ្នាក់ជាយថាហេតុ និងត្រូវនាំគ្នាថែរក្សាសុខភាព។ ឯកឧត្តម បានបញ្ជាក់ថា ចំពោះទឹកជំនន់នៅខេត្តបាត់ដំបង គិតត្រឹមថ្ងៃទី១២ តុលា មានស្រុកមួយចំនួនបានធូរស្បើយ ខណៈមួយចំនួនទៀតនៅធ្ងន់ធ្ងរនៅឡើយ ពិសេសស្រុកនៅខាងក្រោមៗស្ទឹងធំៗ ដោយអាជ្ញាធរខេត្ត កំពុងជួយសង្គ្រោះពលរដ្ឋ នាំទៅកាន់ទីទួលសុវត្ថិភាព រួមទាំងផ្ដល់នូវស្បៀងអាហារ និងថ្នាំសង្កូវជូនដល់ពលរដ្ឋ ហើយចំពោះស្ថានភាពទឹកជំនន់នៅស្ទឹងសង្កែ ក៏បានស្រកបន្តិចដែរ ៕អត្ថបទ ៖ បាន សុខរិទ្ធ

មន្ត្រីជំនាញខេត្តតាកែវ ស្នើកុំឱ្យមានការដាក់លក់ឱសថ ៤ប្រភេទ ដែលអាចបង្កគ្រោះថ្នាក់ដល់ជីវិតពលរដ្ឋ

តាកែវ ៖ អនុប្រធានមន្ទីរសុខាភិបាលខេត្តតាកែវ និងជាប្រធានគណៈឱសថការីខេត្តតាកែវ លោកឱសថ ការី ផាន់ វ៉ាន់ បានណែនាំដល់ឱសថស្ថានដែលជាសមាជិករបស់ឱសថការីទូទាំងខេត្តតាកែវទាំងអស់មិនត្រូវដាក់លក់ឱសថ៤មុខ ដែលក្រសួងសុខាភិបាល បានហាមឃាត់ ដែលក្នុងនោះរួមមាន ថ្នាំគ្រុនចាញ់ ថ្នាំរបេង ថ្នាំអេដស៍ និងឧបករណ៍ត្រួតពិនិត្យតេស្តរកជំងឺកូវីដ១៩ ។ថ្លែងនៅក្នុងឱកាសចូលរួមសិក្ខាសាលាផ្សព្វផ្សាយក្របខណ្ឌនិយ័ត កម្មគោលការណែនាំស្តីពីការអភិវឌ្ឍវិជ្ជាជីវៈបន្តសម្រាប់ឱសថការី ការផ្តល់ជូនវិញ្ញាបនបត្របញ្ជិកា ឱសថការីកម្ពុជា និងលិខិតថ្លែងអំណរគុណ(កូវីដ១៩ ) ដល់សមាជិកខេត្តតាកែវ នៅថ្ងៃទី១២ ខែតុលា លោកឱសថការី ផាន់ វ៉ាន់ អនុប្រធានមន្ទីរសុខាភិបាលខេត្តតាកែវ បានដាស់តឿន និងណែនាំដល់បងប្អូនដែលជាសមាជិកឱសថការីសម្រាប់ខេត្តតាកែវ ត្រូវគោរពតាមការណែនាំរបស់ក្រសួងសុខាភិបាល ដែលបានហាមដាច់ខាតនៅតាមកន្លែងលក់ថ្នាំពេទ្យ ឬ ហ្វាម៉ាស៊ីនិងគ្លីនិច ឯកជនមិនឲ្យមានការដាក់លក់ឱសថបួនមុខ ដែលមានដូចជាថ្នាំគ្រុនចាញ់ ថ្នាំរបេង ថ្នាំអេដស៍ និងឧបករណ៍ត្រួតពិនិត្យតេស្តរកជំងឺកូវីដ១៩ ជាដាច់ខាត ប្រសិនបើឱសថស្ថានណាមួយដាក់លក់ថ្នាំហាមឃាត់ទាំងអស់នេះ គឺត្រូវទទួលខុសត្រូវដោយខ្លួនឯងចំពោះច្បាប់ ។លោក បន្តថា មូលហេតុដែលក្រសួងហាមឃាត់នៅការដាក់លក់ឱសថទាំងនេះ គឺដើម្បីការពារសុខុមាលភាព ជូនបងប្អូនប្រជាពលរដ្ឋរបស់យើងដែលនាំគ្នាទៅឱសថទិញពីកន្លែងលក់តាមគ្លីនិក ហ្វាម៉ាស៊ី ឬកន្លែងលក់ថ្នាំពេទ្យផ្សេងៗ ដែលមិនមានជំនាញច្បាស់លាស់ និងមិនបានត្រួតពិនិត្យអំពីសុខភាពជូនបងប្អូនប្រជាពលរដ្ឋបានត្រឹមត្រូវ ដែលនាំអោយមានផលប៉ះពាល់ចំពោះសុខភាព និងអាយុជីវិតរបស់អ្នកប្រើប្រាស់ ។ លោក ឱសថការរី ផាន់ វ៉ាន់ ក៏បានអំពាវនាវឲ្យបងប្អូនប្រជាពលរដ្ឋដែលមានការសង្ស័យថា ខ្លួនមានអាការៈ ឬជំងឺណាមួយនោះសូមឲ្យទៅពិនិត្យអោយបានច្បាស់លាស់ជា មួយគ្រូពេទ្យដែលមានជំនាញ ឬនៅតាមមណ្ឌលសុខភាព និងមន្ទីរពេទ្យបង្អែករដ្ឋដែលជិតកន្លែងរស់នៅរបស់បងប្អូន ព្រោះថា នៅតាមទីតាំងទាំងនោះយើងមានគ្រូពេទ្យជំនាញ និងព្យាបាលជូនដោយមិនមានការគិតលុយនោះទេ៕អត្ថបទ ៖ គុជ វិភាគ

មន្រី្តក្រសួងវប្បធម៌ អះអាងថា ការអភិរក្ស និងអភិវឌ្ឍវិស័យសិល្បៈវប្បធម៌ ត្រូវផ្សារភ្ជាប់ទៅនឹងខឿនវប្បធម៌

ភ្នំពេញ ៖ ឯកឧត្តម ឡុង ប៉ុណ្ណាស៊ីរីវត្ថ រដ្ឋលេខាធិការក្រសួងវប្បធម៌ និងវិចិត្រសិល្បៈ បានអះអាងថា ការអភិរក្ស និងអភិវឌ្ឍវិស័យសិល្បៈវប្បធម៌ ត្រូវផ្សារភ្ជាប់ទៅនឹងខឿនវប្បធម៌ ប្រពៃណីបន្តមតក ពីបុព្វបុរស ដូនតាយើង ដែលឆ្លុះបញ្ចាំងឲ្យឃើញនូវពណ៌សម្បុរ អត្តសញ្ញាណ និងព្រលឹងជាតិ។ការថ្លែងរបស់ឯកឧត្តម ឡុង ប៉ុណ្ណាស៊ីរីវត្ថ យ៉ាងដូច្នេះ ក្នុងពិធីបើកសិក្ខាសាលាពិគ្រោះយោបល់លើ សេចកី្តព្រាងប្រកាសស្តីពី ការគ្រប់គ្រង និងលើកស្ទួយសិល្បៈទស្សនីយភាព, រយៈពេល០២ថ្ងៃ ចាប់ពីថ្ងៃទី១៣–១៤ ខែតុលា ឆ្នាំ២០២០ រៀបចំដោយនាយកដ្ឋាននីតិកម្ម នៃក្រសួងវប្បធម៌ និងវិចិត្រសិល្បៈ។ឯកឧត្តម ឡុង ប៉ុណ្ណាស៊ីរីវត្ថ បានបន្តទៀតថា ជាទស្សនៈវិស័យទៅអនាគត ការអភិវឌ្ឍវិស័យសិល្បៈវប្បធម៌ ត្រូវផ្អែកលើខឿនវប្បធម៌បុរាណ និងប្រពៃណី ប៉ុន្តែត្រូវមានភាពជឿនលឿនស្របតាមពាក្យស្លោកថា បុរាណមិនយឺត ទំនើបមិនបរទេស។ ដូច្នេះក្រសួងវប្បធម៌ និងវិចិត្រសិល្បៈ ក្រោមការដឹកនាំរបស់លោកជំទាវ បណ្ឌិតសភាចារ្យ ភឿង សកុណា តែងបានយកចិត្តទុកដាក់អនុវត្តភារកិច្ច ដោយការទទួលខុសត្រូវក្នុងការប្រមូលគៀងគរ និងសហការយ៉ាងជិតស្និទ្ធជាមួយបណ្តាដៃគូអភិវឌ្ឍ និងវិស័យឯកជន ដែលកំពុងប្រតិបតិ្តការលើវិស័យសិល្បៈវប្បធម៌ ឲ្យចូលរួមក្នុងការអភិរក្ស និងលើកតម្កើងបេតិកភណ្ឌវប្បធម៌អរូបី របស់ជាតិស្របតាមគោលការណ៍ច្បាស់លាស់គឺ រដ្ឋគាំទ្រ ដៃគូឯកជនជាអ្នកអនុវត្ត មានន័យថា រដ្ឋជាអ្នកគ្រប់គ្រងផ្នែកច្បាប់ ផ្នែកជំនាញ ទទួលខុសត្រូវលើក្បួនខ្នាត រចនាបថ ការពង្រឹងអត្តសញ្ញាណជាតិ ឯដៃគូឯកជនជាអ្នកអនុវត្តដោយផ្ទាល់ ជាអ្នកស្វែងរកប្រភពទុនអភិវឌ្ឍ និងជួយបំពេញនៅកន្លែងខ្វះចន្លោះដែលរដ្ឋមិនទាន់បានអនុវត្តពេញលេញ។បើតាមឯកឧត្តម ធៀង វណ្ណដារ៉ុង និងឯកឧត្តម ចំរើន វ៉ាន់ថា ដែលបានដឹកនាំតាក់តែងសេចកី្តព្រាងប្រកាសសី្តពីការគ្រប់គ្រង និងលើកស្ទួយសិល្បៈទស្សនីយភាពនេះ បានឲ្យដឹងដែរថា ការធ្វើសេចកី្តប្រកាសនេះឡើង គឺដើម្បីផ្តល់ផលប្រយោជន៍ជូនសិល្បករ សិល្បការិនីក្នុងការសម្តែង។ជាមួយគ្នានោះដែរ លោក កាង បូរ៉ាមី ប្រធាននាយកដ្ឋាននីតិកម្ម ក៏បានស្នើសុំសិក្ខាកាមទាំងអស់ ជួយបំពេញនូវភាពគ្រប់ជ្រុងជ្រោយលើសេចកី្តព្រាងប្រកាសនេះ ក្នុងគោលបំណងធានាបាននូវការអនុវត្តប្រកបដោយប្រសិទ្ធភាព និងប្រសិទ្ធផលខ្ពស់។ ក្នុងន័យនេះ បទប្បញ្ញត្តិដែលចែងក្នុងសេចកី្តព្រាងប្រកាសនេះ បានឆ្លើយតបយ៉ាងពេញលេញទៅនឹងតម្រូវការជាសារវន្ត ដើម្បីកំណត់អំពីសមត្ថកិច្ចគ្រប់គ្រង ការបណ្តុះបណ្តាល ការបង្កើតស្នាដៃសិល្បៈទស្សនីយភាព និងកិច្ចការពារផលប្រយោជន៍របស់អ្នកសិល្បៈតាមរយៈកិច្ចសន្យា។ ជាការពិតណាស់ នៅពេលដែលលិខិតបទដ្ឋានគតិយុត្តិទាំងនេះចូលជាធរមាន ការទទួលបាននូវការសម្របសម្រួល ជ្រោមជ្រែង និងកិច្ចការពារដោយក្រសួងវប្បធម៌ និងស្ថាប័នពាក់ព័ន្ធផ្សេងទៀតលើលក្ខខណ្ឌការងារ សិទ្ធិទទួលបាននូវអត្ថប្រយោជន៍ថែទាំសុខភាពពីរាជរដ្ឋាភិបាល សិទិ្ធឈប់សម្រាកពីការងារក្នុងករណីចាំបាច់ដែលកំណត់ដោយច្បាប់រដ្ឋ និងអត្ថប្រយោជន៍ជាច្រើនទៀតដែលមានបញ្ញត្តិ ក្នុងប្រកាសនេះ៕អត្ថបទ ៖ រដ្ឋា

អាជ្ញាធរ និងគ្រូបង្រៀន កំពុងសហការគ្នាបូមទឹកចេញពីសាលារៀន ដែលជន់លិច

ភ្នំពេញ ៖ ភ្លៀងធ្លាក់ជាច្រើនថ្ងៃ នៅក្នុងក្របខ័ណ្ឌទូទាំងប្រទេស បង្កជំនន់ទឹកភ្លៀងប៉ះពាល់ ដល់បណ្តាខេត្តរាជធានីចំនួន១៦ ហើយមានសាលារៀនមួយចំនួនបានជន់លិច និងផ្អាកដំណើរការជាបណ្តោះអាសន្នសិន។ សម្រាប់បញ្ហានេះ ក្រសួងអប់រំយុវជន និងកីឡា បានជំរុញថ្នាក់ដឹកនាំសាលារៀនសហការជាមួយអាជ្ញាធរមូលដ្ឋានរៀបចំរំដោះទឹកចេញពីសាលា និងសូមប្រុងប្រយ័ត្នឲ្យបានខ្ពស់ ។របាយការណ៍គណៈកម្មាធិការជាតិគ្រប់គ្រងគ្រោះមហន្តរាយ នៅថ្ងៃនេះ បានឲ្យដឹងថា ឥទ្ធិពលព្យុះទី១១ បានបង្កប៉ះពាល់ ខេត្តរាជធានីចំនួន១៦ និងបានបង្កជាទឹកភ្លៀងជន់លិច សាលារៀនប្រមាណ៥៥កន្លែង នៅទូទាំងប្រទេស។អ្នកនាំពាក្យក្រសួងអប់រំ ឯកឧត្តម រស់ សុវាចា ណែនាំឲ្យ បណ្តាសាលារៀនមួយចំនួនដែលជន់លិច សហការជាមួយអាជ្ញាធរមូលដ្ឋាន បូមរំដោះទឹកចេញពីសាលារៀន ដើម្បីអោយសិស្សានុសិស្សចូលរៀនសូត្រវិញអោយបានលឿន។ ឯកឧត្តម ក៏បានអំពាវនាវអោយបណ្តាសិស្សានុសិស្សនិងលោកគ្រូអ្នកគ្រូបង្កើនការប្រុងប្រយ័ត្នក្នុងរដូវភ្លៀងនេះ ដោយត្រូវថែទាំសុខភាព និងត្រូវអនុវត្តវិធានសុវត្ថិភាពទាំងអស់គ្នា ដើម្បីអោយខ្លួនរួចពីការឆ្លងរោគា និងគ្រោះថ្នាក់នានា។លោក ស្រី ស្រឿន នាយករងវិទ្យាល័យហ៊ុនសែនសេរីភាពនៅក្នុងក្រុងតាខ្មៅ ខេត្តកណ្តាល និងអាជ្ញាធរមូលដ្ឋាននៅទីនេះ បានប្រាប់BTV នៅថ្ងៃទី១៣ ខែតុលានេះថា ដោយសារក្នុងរយៈពេល២ថ្ងៃនេះ កម្ពុជា មានភ្លៀងធ្លាក់២ថ្ងៃជាប់គ្នា អាជ្ញាធរ និងក្រុមការងារវិទ្យាល័យហ៊ុនសែនសេរីភាព បានបូមទឹកចេញពីសាលារៀន និងផ្នែកខ្លះនៃក្រុងតាខ្មៅ គឺបានស្រកចុះជាងពាក់កណ្តាលហើយសិស្សានុសិស្ស ក៏បានចូលរៀនវិញជាបណ្តើរហើយដែរ។ដោយឡែក ខណៈដែលសាលារៀនមួយចំនួន កំពុងជន់លិចដោយជំនន់ទឹកភ្លៀងនេះ កាលពីថ្ងៃទី ១២ ខែតុលាក្រសួងអប់រំយុវជននិងកីឡា បានសម្រេចអនុញ្ញាតអោយគ្រឹះស្ថានឧត្តមសិក្សាសាធារណៈទាំងអស់បើកដំណើរការឡើងវិញផងដែរ បន្ទាប់ពីការអនុវត្តបើកសាលារៀនឡើងវិញ ក្នុងដំណាក់កាលទី ២ នៅក្នុងរយៈពេលជាង១ខែកន្លងមកនេះ គឺមានសិស្សថ្នាក់ទី ៩ និងសិស្សថ្នាក់ទី ១២ ទូទាំងប្រទេសបានចូលរៀន ដើម្បីត្រៀមប្រឡង៕អត្ថបទ ៖ ស៊ុម សុខជា

បណ្ដាញសង្គម

ព័ត៌មានថ្មីៗ

វិចារណកថា៖ ស្រះតូចមួយ គឺជាសហគមន៍នៃជីវិត

ជំនួយការវិមានក្រឹមឡាំង៖ លោក Putin និងប្រេសិតអាមេរិកមាននូវជំនួបដ៏មានប្រយោជន៍ឆ្ពោះទៅរកការបញ្ឈប់សង្រ្គាមអ៊ុយក្រែន

លោក Putin បញ្ជាឲ្យផ្អាកវាយប្រហារទីក្រុងគីវ មុនដំណើរទស្សនកិច្ចរបស់លោក Witkoff និងលោក Kushner

លោក Putin និងប្រេសិតពិសេសសហរដ្ឋអាមរិក ពិភាក្សាលើសំណើរបស់លោក Trump ដើម្បីបញ្ចប់សង្រ្គាមអ៊ុយក្រែន

រដ្ឋមន្ត្រីក្រសួងការពារជាតិកម្ពុជា ដឹកនាំគណៈប្រតិភូទៅអូស្ត្រាលីដែលជាធ្វើទស្សនកិច្ចផ្លូវការ និងជាលើកដំបូងក្នុងប្រវត្តិសាស្ត្រ

ប្រទេសអឺរ៉ុបចំនួនប្រាំស្វែងរកកិច្ចព្រមព្រៀងដើម្បីបញ្ជូនជនអន្តោប្រវេសន៍ចេញពីសហភាពអឺរ៉ុប

ជនជាតិចិនម្នាក់ត្រូវបានជួយសង្គ្រោះទាំងនៅមានជីវិតពីផ្លូវរូងក្រោមដីវារីអគ្គិសនីនេប៉ាល់ខណៈអ្នកស្លាប់ឡើងដល់ ១.៣៤២នាក់

ទីក្រុងស៊ីដនី របស់អូស្ត្រាលីញាំញីដោយរលកកម្ដៅខ្លាំងក្នុងនិទាឃរដូវ ខណៈប្រឈមនឹងហានិភ័យភ្លើងឆេះព្រៃធ្ងន់ធ្ងរ

វិមានក្រឹមឡាំង ទាត់ចោលការព្រមានរបស់អ៊ុយក្រែនលើសុវត្ថិភាពដែនអាកាសរុស្ស៊ី

ប្រព័ន្ធផ្សព្វផ្សាយរុស្ស៊ី៖បេសកជនលោក Trump គឺលោក Witkoff និងលោក Kushner បានទៅដល់ទីក្រុងមូស្គូហើយ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ឯកឧត្ដម អ៊ឹម ឈុនលឹម៖ មូលដ្ឋានគ្រឹះរដ្ឋធម្មនុញ្ញជាទុន ដើម្បីរក្សាបានស្ថិរភាព និងសន្តិភាព

កាកបាទក្រហមកម្ពុជាទទួលជំនួយពីសប្បុរសជន ០៤បន្ថែមទៀត ដើម្បីជួយដល់ជីវភាពជនរងគ្រោះ

ក្រសួងការបរទេស និងUNប្រចាំកម្ពុជា រៀបចំសន្និសីទអបអរសាទរខួបលើកទី៧៥ នៃអង្គការសហប្រជាជាតិ

កម្ពស់ស្ទឹងពោធិ៍សាត់ បន្តស្រកចុះនៅថ្ងៃនេះ តែប្រព័ន្ធសម្ពាធទាបបន្ត គ្របដណ្តប់លើខេត្តពោធិ៍សា

ព្រះនាងតូច នរោត្តម ជេនណា បានប្រកាសជា ព្រះរាជទូតសុឆន្ទៈ ប្រចាំ អ & អេហ្វ ប្រផឹធី (ខេមបូឌា)

សម្តេចក្រឡាហោម ស ខេង ជំរុញឲ្យគណៈមេធាវីបង្កើនការដោះស្រាយបណ្តឹងជូនដល់ពលរដ្ឋ

តំបន់ដែលតែងប្រឈមនឹងគ្រោះរាំងស្ងួតនៅបាត់ដំបង កំពុងត្រូវជំនន់ទឹកភ្លៀងវាយលុក

មន្ត្រីជំនាញខេត្តតាកែវ ស្នើកុំឱ្យមានការដាក់លក់ឱសថ ៤ប្រភេទ ដែលអាចបង្កគ្រោះថ្នាក់ដល់ជីវិតពលរដ្ឋ

មន្រី្តក្រសួងវប្បធម៌ អះអាងថា ការអភិរក្ស និងអភិវឌ្ឍវិស័យសិល្បៈវប្បធម៌ ត្រូវផ្សារភ្ជាប់ទៅនឹងខឿនវប្បធម៌

អាជ្ញាធរ និងគ្រូបង្រៀន កំពុងសហការគ្នាបូមទឹកចេញពីសាលារៀន ដែលជន់លិច

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ឯកឧត្ដម អ៊ឹម ឈុនលឹម​៖ មូលដ្ឋានគ្រឹះ​រដ្ឋធម្មនុញ្ញ​ជា​ទុន ​ដើម្បី​រក្សា​បាន​ស្ថិរភាព និង​សន្តិភាព​

កាកបាទក្រហមកម្ពុជា​ទទួល​ជំនួយ​ពី​សប្បុរសជន​ ០៤​បន្ថែមទៀត ​ដើម្បី​ជួយ​ដល់​ជីវភាព​ជនរងគ្រោះ​

ក្រសួងការបរទេស និង​UN​ប្រចាំ​កម្ពុ​ជា ​រៀបចំ​សន្និសីទ​អបអរសាទរ​ខួប​លើក​ទី​៧៥ ​នៃ​អង្គការ​សហប្រជាជាតិ

ព្រះ​នាង​តូច នរោត្តម ជេន​ណា បាន​ប្រកាស​ជា ព្រះរាជ​ទូត​សុ​ឆន្ទៈ ប្រចាំ អ & អេ​ហ្វ ប្រ​ផឹ​ធី (​ខេ​ម​បូ​ឌា​)

សម្តេច​ក្រឡាហោម ស ខេង ជំរុញ​ឲ្យ​គណៈមេធាវី​បង្កើន​ការ​ដោះស្រាយ​បណ្តឹង​ជូន​ដល់​ពលរដ្ឋ

តំបន់​ដែល​តែង​ប្រឈម​នឹង​គ្រោះ​រាំងស្ងួត​នៅ​បាត់ដំបង ​កំពុង​ត្រូវ​ជំនន់​ទឹកភ្លៀង​វាយលុក​

អាជ្ញាធរ​ និង​គ្រូបង្រៀន ​កំពុង​សហការ​គ្នា​បូម​ទឹក​ចេញពី​សាលារៀន​ ដែល​ជន់​លិច

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ឯកឧត្ដម អ៊ឹម ឈុនលឹម៖ មូលដ្ឋានគ្រឹះរដ្ឋធម្មនុញ្ញជាទុន ដើម្បីរក្សាបានស្ថិរភាព និងសន្តិភាព

កាកបាទក្រហមកម្ពុជាទទួលជំនួយពីសប្បុរសជន ០៤បន្ថែមទៀត ដើម្បីជួយដល់ជីវភាពជនរងគ្រោះ

ក្រសួងការបរទេស និងUNប្រចាំកម្ពុជា រៀបចំសន្និសីទអបអរសាទរខួបលើកទី៧៥ នៃអង្គការសហប្រជាជាតិ

ព្រះនាងតូច នរោត្តម ជេនណា បានប្រកាសជា ព្រះរាជទូតសុឆន្ទៈ ប្រចាំ អ & អេហ្វ ប្រផឹធី (ខេមបូឌា)

សម្តេចក្រឡាហោម ស ខេង ជំរុញឲ្យគណៈមេធាវីបង្កើនការដោះស្រាយបណ្តឹងជូនដល់ពលរដ្ឋ

តំបន់ដែលតែងប្រឈមនឹងគ្រោះរាំងស្ងួតនៅបាត់ដំបង កំពុងត្រូវជំនន់ទឹកភ្លៀងវាយលុក

អាជ្ញាធរ និងគ្រូបង្រៀន កំពុងសហការគ្នាបូមទឹកចេញពីសាលារៀន ដែលជន់លិច