BTV NEWS

សម្តេចតេជោ ហ៊ុន សែន ជួបពិភាក្សាការងារតាមប្រព័ន្ធវីដេអូជាមួយប្រធានរដ្ឋសភា អាស៊ែបៃហ្សង់

គណៈប្រតិភូនៃសន្និសីទប្រធានសភានៃអន្តរសភា វាយតម្លៃខ្ពស់ចំពោះជោគជ័យនៃ «សន្និសីទប្រធានសភានៃអន្តរសភា លើកទី២» នៅកម្ពុជា

ប្រធានរដ្ឋសភាម៉ាឡេស៊ី ប្ដេជ្ញាបន្តលើកកម្ពស់កិច្ចសហប្រតិបត្តិការទ្វេភាគីជាមួយកម្ពុជាឱ្យកាន់តែរីកចម្រើន និងរឹងមាំ

ព្រីតថេន នឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

ជំងឺគ្រុនចាញ់ ក្នុងប្រទេសកម្ពុជា បានថយចុះជាង៧០% ក្នុងឆ្នាំ២០២០នេះ

ភ្នំពេញ ៖ ប្រធានមជ្ឈមណ្ឌលជាតិប្រយុទ្ធ នឹងជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្ត្រ លោកវេជ្ជបណ្ឌិត ហ៊ុយ រ៉េកុល បានបញ្ជាក់ថា ជំងឺគ្រុនចាញ់ ក្នុងប្រទេសកម្ពុជា បានថយចុះជាង៧០% ក្នុងឆ្នាំ២០២០នេះ បើប្រៀបធៀបនឹងរយៈពេលដូចគ្នាក្នុងឆ្នាំ២០១៩។លោកវេជ្ជបណ្ឌិត ហ៊ុយ រ៉េកុល បានឲ្យដឹងទៀតថា ចំនួនករណីគ្រុនចាញ់សរុបមានចំនួន៧៥២៤ ក្នុងនោះករណីជំងឺគ្រុនចាញ់ប្លាស្មូដ្យូមហ្វាល់ស៊ីប៉ារ៉ូម មានចំនួន៧៧៥ករណី និងប្លាស្មូដ្យូមវីវ៉ាក់ មានចំនួន៦៧៤៩ ក្នុងរយៈពេល៩ខែដើមឆ្នាំ២០២០នេះ។ ទោះស្ថិតក្នុងដំណាក់កាលប្រឈមនឹងបញ្ហាជំងឺកូវីដ១៩ យ៉ាងណា ក៏ក្រសួងសុខាភិបាល ជំរុញការងារលុបបំបាត់ជំងឺគ្រុនចាញ់ប្រភេទគ្រុនសន្ធំ សម្រាប់ជំហានចុងក្រោយនៃការសម្រេចគោលដៅឆ្នាំ២០២០ នៅក្នុងប្រទេសកម្ពុជា សំដៅលុបបំបាត់ជំងឺគ្រុនចាញ់ តាមគោលដៅដែលបានកំណត់នៅក្នុងផែនការយុទ្ធសាស្ត្រជាតិលុបបំបាត់ជំងឺគ្រុនចាញ់ឆ្នាំ២០១៦–២០២៥ របស់សម្តេចតេជោ ហ៊ុន សែន នាយករដ្ឋមន្ត្រី បានប្រគល់ផែនការយុទ្ធសាស្ត្រនេះ ក្រសួងសុខាភិបាល។ឯកឧត្តម សាស្ត្រាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល សូមលើកទឹកចិត្តដល់ប្រជាជនគ្រប់រូប ត្រូវបន្តចូលរួមអនុវត្តតាមវិធានការរបស់កម្មវិធីប្រយុទ្ធនឹងជំងឺគ្រុនចាញ់ ដែលកំពុងបានប្រតិបតិ្តការជាបន្តបន្ទាប់ឲ្យមានប្រសិទ្ធភាពខ្ពស់ ពិសេសសូមកុំភ្លេចយកមុងជ្រលក់ថ្នាំទៅតាមពេលចូលក្នុងព្រៃភ្នំ តំបន់ប្រឈមចម្លងជំងឺគ្រុនចាញ់ ត្រូវសំរាន្តក្នុងមុងជ្រលក់ថ្នាំជាប្រចាំ (ពិសេសពេលព្រលប់ និងយប់) ត្រូវស្វែងរកសេវាពិនិត្យ ព្យាបាលជំងឺគ្រុនចាញ់ ដែលនៅជិតបំផុត ដើម្បីពិគ្រោះជំងឺ ឬជោះឈាមរកមេរោគគ្រុនចាញ់ នៅរាល់ពេលបន្ទាប់ពីបានចូលទៅតំបន់ប្រឈមចម្លងជំងឺគ្រុនចាញ់ និងត្រូវទទួលការព្យាបាលត្រឹមត្រូវតាមការណែនាំរបស់ភ្នាក់ងារពិនិត្យ ព្យាបាលជំងឺគ្រុនចាញ់។ ទន្ទឹមនឹងនោះក្រសួងសុខាភិបាល នៅតែបន្តផ្តល់ជូនដោយមិនគិតថ្លៃទាំងមុងជ្រលក់ថ្នាំ និងការធ្វើតេស្ត និងព្យាបាលជំងឺគ្រុនចាញ់៕អត្ថបទ ៖ រដ្ឋា

សម្តេចកិត្តិព្រឹទ្ធបណ្ឌិត ចាត់មន្ត្រីជាន់ខ្ពស់កាកបាទក្រហម នាំយកអំណោយទៅប្រគេនព្រះសង្ឃវត្តក្រពើហា

ភ្នំពេញ ៖ ខណៈវិបត្តិមេរោគកូវីដ–១៩ មិនទាន់ទៅណាឆ្ងាយ ដែលបណ្តាលឱ្យមានផលប៉ះពាល់ដល់សេដ្ឋកិច្ច-សង្គម នៅ រសៀលថ្ងៃទី៩តុលានេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានអនុញ្ញាត ឱ្យលោកជំទាវកិត្តិបណ្ឌិត អ៊ុក ម៉ាលី អគ្គហិរញ្ញិកកាកបាទក្រហមកម្ពុជា និងថ្នាក់ដឹកនាំមួយចំនួនទៀត នាំយកទេយ្យទានជាច្រើនមុខ ព្រមទាំងថវិកាចំនួន៤០លានរៀល និង ទឹកអាល់កុលចំនួន៦០លីត្រ ជាអំណោយរបស់កាកបាទក្រហមកម្ពុជាទៅប្រគេនព្រះសង្ឃនៅវត្តប្រជុំនទី(ក្រពើហារ) ស្ថិតនៅក្នុងសង្កាត់ព្រែកឫស្សី ក្រុងតាខ្មៅ ខេត្តកណ្តាល។នេះជាលើកទី២ហើយ ខណៈដែលកម្ពុជាបានទទួលឥទ្ធិពលពីសកលលោក ប្រឈមនឹងវិបត្តិកូវីដ–១៩ ធ្វើឱ្យប៉ះពាល់ដល់សេដ្ឋកិច្ច-សង្គមតាំងពីដើមឆ្នាំតរៀងមក។ព្រះឃោសមុនីវង្ស វ័ន្ត វណ្ណោ ព្រះចៅអធិការវត្តប្រជុំនទី(ក្រពើហា) និងជានាយកពុទ្ធិកៈអនុវិទ្យាល័យ និងពុទ្ធិកៈវិទ្យាល័យ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្រពើហា បានមានសង្ឃដីកាសំដែងនូវសេចក្តីត្រេកអរ និងអំណរគុណយ៉ាងជ្រាលជ្រៅបំផុត ចំពោះសម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា ដែលបានចាត់ឱ្យលោកជំទាវអគ្គហិរញ្ញិកកាកបាទក្រហមនាំយកអំណោយមកប្រគេនព្រះសង្ឃនៅវត្តក្រពើហា ជាថ្មីម្តងទៀត ។លោកជំទាវកិត្តិបណ្ឌិត អ៊ុក ម៉ាលី មានប្រសាសន៍ថា ជានិច្ចកាលសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន តែងតែនឹកឃើញនិងគិតគូរអំពីសុខទុក្ខលំបាករបស់ប្រជាពលរដ្ឋនៅគ្រប់ទីកន្លែង ដោយក្នុងនោះក៏បាននឹកគិតទៅ ដល់ចង្ហាន់របស់ព្រះសង្ឃផងដែរ។ លោកជំទាវ បន្តថា ទោះក្នុងកាលៈទេសៈណាក៏ដោយសម្ដេចតែងតែនឹកឃើញដល់សុខទុក្ខលំបាករបស់ប្រជាពលរដ្ឋនិងព្រះសង្ឃ ជាពិសេសវត្តក្រពើហា ដែលជាវត្តមួយមានពុទ្ធិកៈអនុវិទ្យាល័យ និងវិទ្យាល័យដែលបានបណ្ដុះបណ្ដាលធនធានព្រះសង្ឃរាប់រយអង្គក្នុងឆ្នាំៗ ដែលជាកោសិកានៃសង្គម។ ក្នុងបញ្ហានេះសម្តេចលោកតែងតែគិតគូរព្រះសង្ឃនៅតាមទីវត្តអារាមនានា ជាពិសេសវត្តក្រពើហានេះដែលយ៉ាងហោចណាស់ក្នុងមួយឆ្នាំនាំយកនូវទេយ្យទានមកប្រគេនឱ្យបានពីរដងផងដែរ។សូមបញ្ជាក់ថា ៖ បើតាមព្រះគ្រូចៅអធិការមានសង្ឃដីកាថា វត្តក្រពើហា មានព្រះសង្ឃនិមន្តមកពីទីអារាមនានាមកគង់នៅសិក្សារៀនសូត្រនៅពុទ្ធិកៈអនុវិទ្យាល័យ និង វិទ្យាល័យ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្រពើហាក្នុង១ឆ្នាំៗ ប្រមាណជិត៣០០អង្គ ជាពិសេសខណៈវិបត្តិកូវីដ១៩ ក៏ជួបនូវបញ្ហាប្រឈមផ្នែកចង្ហាន់ដល់ព្រះសង្ឃផងដែរ។អំណោយដែលនាំយកមកប្រគេនព្រះសង្ឃនៅវត្តប្រជុំនទីក្រពើហា ជាលើកទី២នេះ មានអង្ករចំនួន៣តោន, មី១០០កេសតូច, ត្រីខ១០កេស ,ទឹកក្រូច៣០កេស, ទឹកបរិសុទ្ធ៣០កេស, ទឹកដោះគោខាប់៥កេស ,កាហ្វេ ៣០កញ្ចប់ធំ, តែ៥គីឡូក្រាម,ស្ករស៥០គីឡូក្រាម ,ថវិកាចំនួន៤០លានរៀល ,អាល់កុល៦០លីត្រ និងម៉ាសចំនួន៥០០៕អត្ថបទ៖ មុត សុទ្ធ

វិស័យធនាគារនៅតែបន្តពង្រីកខ្លួនបើទោះបីក្នុងដំណាក់កាលកូវីដ១៩

កំពង់ធំ៖ វិស័យធនាគារជាគ្រឹះស្ថានឯកជនដែលជាដៃគូរអាជីវកម្ម និងជាតម្រូវការចាំបាច់សម្រាប់អតិថិជន គ្រប់ស្រទាប់វណ្ណៈ ដើម្បីយកទៅពង្រីកអាជីវកម្ម និងបំពេញតម្រូវការនានា នៅតែបន្តពង្រីកខ្លួនពង្រីកខ្លួន ទោះបីក្នុងដំណាក់កាលកូវីដ១៩។ផ្តើមចេញពីពាក្យ “អគុណសន្តិភាព” , នៅថ្ងៃទី១០ ខែតុលា ឆ្នាំ២០២០, ឯកឧត្តមឧត្តមសេនីយ៍ឯក ហ៊ុន ម៉ានិត អគ្គនាយកដ្ឋានស្រាវជ្រាវចារកិច្ចក្រសួងការពារជាតិ អញ្ជើញសម្ភោធដាក់ឲ្យដំណើរការ ជាផ្លូវការ ធនាគារវឌ្ឍនៈ សាខាខេត្តកំពង់ធំ។ក្នុងឱកាសនោះលោកជំទាវឧកញ្ញា ឈុន លាង បណ្ណាធិការ នៃធនាគារវឌ្ឍនៈ លើកឡើងថា “សន្តិភាព” បានផ្តល់ឱកាសដល់វិស័យឯកជននៅកម្ពុជាមានលទ្ធភាព គ្រប់គ្រាន់ក្នុងការអភិវឌ្ឍខ្លួនឲ្យកាន់តែមានភាពរឹងមាំជាលំដាប់ និងមានឱកាសចូលរួមអភិវឌ្ឍន៍សង្គម ជំរុញកំណើនសេដ្ឋកិច្ចឲ្យកាន់តែប្រសើរបើទោះបីជា កម្ពុជា ក៏ដូចជាពិភពលោកកំពុងរងផលប៉ះពាល់ ដោយសារជំងឺកូវីដ១៩ក្តី។លោកជំទាវឧកញ្ញាបន្តថា បច្ចុប្បន្នធនាគារវឌ្ឍនៈមានបុគ្គលិកបម្រើការងារសរុប ចំនួន៦០៣នាក់ និងមានសាខាសរុបចំនួន២០ទីតាំង ក្នុងនោះនៅរាជធានីភ្នំពេញចំនួន១២ទីតាំង និងតាមបណ្តាខេត្តចំនួន០៨ទីតាំង រាប់បញ្ចូលទាំងក្នុងខេត្តកំពង់ធំ។នៅចុងខែ តុលា ឆ្នាំ២០២០នេះដែរ ធនាគារវឌ្ឍនៈ គ្រោងនឹងសម្ភោធដាក់ឲ្យដំណើរការសាខាថ្មីចំនួនពីរទៀត នៅក្រុងប៉ោយប៉ែត ខេត្តបន្ទាយមានជ័យ និងខេត្តប៉ៃលិន! ហើយការពង្រីកសាខាបន្ថែម ធនាគារវឌ្ឍនៈ ក្នុងក្រុងស្ទឹងសែន ខេត្តកំពងធំ គឺមិនត្រឹមតែឆ្លើយតបទៅនឹងតម្រូវការចាំបាច់នានារបស់អ្នកវិនិយោគ អាជីវករ ក៏ដូចជា ប្រជាពលរដ្ឋទូទៅលើសេវាហិរញ្ញវត្ថុ ជាដៃគូរអាជីវកម្មស្មោះត្រង់ប្រកបដោយវិជ្ជាជីវៈ និងទំនុកចិត្តខ្ពស់ នោះទេ, ប៉ុន្តែថែមទាំងរួមចំណែកជំរុញការអភិវឌ្ឍ តាមរយៈសំណង់ហេដ្ឋារចនាសម្ព័ន្ធរូបវន្តទំនើប ការផ្តល់ការងារ និងលើកកម្ពស់ធនធានមនុស្សរបស់ខេត្តកំពង់ធំ។ នេះជាការរួមចំណែកជាវិជ្ជមាន ដល់ការអភិវឌ្ឍសង្គម និងសេដ្ឋកិច្ចកម្ពុជាក្រោមក្រោមម្លប់សន្តិភាព។លោកជំទាវឧកញ្ញាបញ្ជាក់ថា ធនាគារវឌ្ឍនៈកំពុងដំណើរការភាពជោគជ័យថ្មីមួយទៀតនៃវឌ្ឍនភាពផ្នែកបច្ចេកវិទ្យាព័ត៌មានវិទ្យាក្នុងបដិវត្តន៍ឧស្សាហកម្មជំនាន់៤.០ នោះគឺ “សេវាធនាគារចល័ត ធនាគារវឌ្ឍនៈ” ដែលបង្កើតឡើងដោយស្នាដៃ កូនខ្មែរ។សេវាធនាគារចល័ត ធនាគារវឌ្ឍនៈ បច្ចុប្បន្នកំពុងទទួលបានការពេញនិយមគាំទ្រយ៉ាងខ្លាំងពី សំណាក់អតិថិជន ព្រោះជាកម្មវិធីដែលអាចធ្វើប្រតិបត្តិការហិរញ្ញវត្ថុតាមរយៈស្មាតហ្វូនបានដោយ ងាយស្រួល ឆាប់រហ័ស និងមានសុវត្ថិភាពខ្ពស់បំផុត ទទួលស្គាល់ពីក្រុមហ៊ុន ថាលេស (Thales) ដែលជាក្រុមហ៊ុនអន្តរជាតិលើផ្នែកសេវាវាយតម្លៃសុវត្ថិភាពទិន្នន័យ និងបច្ចេកវិទ្យាព័ត៌មានវិទ្យាផងដែរ៕ អត្ថបទ: សុង ស៊ីន

កម្លាំងអន្តរាគមន៍របស់យោធភូមិភាគទី៥ បន្តចុះជួយសង្គ្រោះប្រជាពលរដ្ឋដែលរងគ្រោះដោយជំនន់ទឹកភ្លៀង

ក្រសួងសុខាភិបាល អំពាវនាវឱ្យពលរដ្ឋបង្កើនការប្រុងប្រយ័ត្ន លើបញ្ហាសុខភាពអំឡុងទឹកជំនន់នេះ

ភ្នំពេញ ៖ លោកជំទាវ វេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល ព្រឹកថ្ងៃទី១២ តុលា ២០២០នេះ បានអំពាវនាវដល់ប្រជាពលរដ្ឋទាំងអស់ ត្រូវបង្កើនការប្រុងប្រយ័ត្ន ពីបញ្ហាសុខភាព ដែលរងគ្រោះដោយសារទឹកជំនន់។លោកជំទាវ វេជ្ជបណ្ឌិត បន្តថា ស្របពេលដែលមានបណ្តាខេត្តមួយចំនួនកំពុងរងគ្រោះដោយទឹកជន់លិច ក្នុងនោះក្រសួងសុខាភិបាល បានធ្វើការណែនាំដល់មន្ទីរសុខាភិបាលទូទាំងរាជធានី-ខេត្ត តាំងពីមុនពេលមានទឹកជំនន់កើតឡើង ដើម្បីត្រៀមលក្ខណៈសម្បត្តិគ្រប់គ្រាន់ សម្រាប់ជួយសង្គ្រោះបងប្អូនប្រជាពលរដ្ឋជាបន្ទាន់។លោកជំទាវ វេជ្ជបណ្ឌិត ឱ វណ្ណឌីន បានបញ្ជាក់ទៀតថា តាមរយៈការណែនាំរបស់ក្រសួងសុខាភិបាល គឺមនី្ទរសុខាភិបាល បានអន្តរាគមន៍ជូនដល់ប្រជាពលរដ្ឋលើផ្នែកសុខភាព ដោយមានក្រុមគ្រូពេទ្យយាមប្រចាំការនៅតាមទីទួលមានសុវត្ថិភាព ព្រមទាំងផ្តល់សេវាកម្មថែទាំសុខភាពជូនប្រជាពលរដ្ឋ។ ទន្ទឹមនឹងនោះ ក្រុមគ្រូពេទ្យ បានចុះទៅដល់មូលដ្ឋាន ដើម្បីផ្តល់ការអប់រំសុខភាពជូនដល់បងប្អូនប្រជាពលរដ្ឋ ព្រោះថា នៅពេលមានទឹកជំនន់បានចូលមក វាតែងកើតមានឡើងនូវជំងឺឆ្លង និងមានពលរដ្ឋមួយចំនួនលង់ទឹកជាដើម។ ដូច្នេះមន្ត្រីសុខាភិបាលរបស់យើង ត្រូវចុះទៅអប់រំភ្លាមៗ ក្រៅពីនោះមន្ត្រីសុខាភិបាល បានចែកមុងជ្រលក់ថ្នាំ ដើម្បីឲ្យបងប្អូនប្រជាពលរដ្ឋសម្រានក្នុងមុង ជៀសវាងកើតជំងឺឆ្លង ដូចជា ៖ ជំងឺគ្រុនចាញ់ គ្រុនឈាម គ្រុនឈីក និងជំងឺឆ្លងដទៃទៀត ដែលបង្ករឡើងដោយសារមូសខាំ។ដោយឡែកដើម្បីការពារអនាម័យ កុំឲ្យរាករូស និងបញ្ហាសុខភាពមួយចំនួនដែលអាចកើតមានឡើង លើបងប្អូនប្រជាពលរដ្ឋដោយសារការប្រើប្រាស់ និងបរិភោគទឹកមិនស្អាត ក្នុងពេលទឹកជំនន់នេះ មន្រី្តសុខាភិបាលបានផ្តល់ថ្នាំខ្លរ៉ាមីន ដើម្បីឲ្យបងប្អូនប្រជាពលរដ្ឋ យកថ្នាំនោះដាក់ក្នុងទឹក ដើម្បីធ្វើឲ្យទឹកនោះស្អាត អាចយកទៅប្រើប្រាស់បានដោយគ្មានការចម្លងមេរោគ។ ជាពិសេសក្រសួងសុខាភិបាល បានត្រៀមក្រុមគ្រូពេទ្យឆ្លើយតបបន្ទាន់ ដើម្បីជួយសហការជាមួយអាជ្ញាធរមូលដ្ឋាន និងជួយបានទាន់ពេលវេលា ចំពោះបញ្ហាសុខភាពរបស់ប្រជាពលរដ្ឋ។ យើងក៏បានត្រៀមសម្ភារៈ បរិក្ខាពេទ្យ និងឱសថ ដើម្បីផ្តល់ការពិនិត្យ ព្យាបាលជំងឺជូនប្រជាពលរដ្ឋ ឲ្យបានទាន់ពេលវេលាផងដែរ៕អត្ថបទ ៖ រដ្ឋា

កាកបាទក្រហមកម្ពុជា ត្រៀមជំនួយសង្គ្រោះរួចរាល់ ខណៈពលរដ្ឋជាង១២ ០០០ គ្រួសារប៉ះពាល់ធ្ងន់ធ្ងរ ដោយទឹកជំនន់

ភ្នំពេញ ៖ បន្ទាប់ពីអាជ្ញាធរតាមបណ្តាប្រកាសស្វែងរកជំនួយជំនួយដល់បណ្តាបងប្អូនប្រជាពលរដ្ឋដែលជួបការរងគ្រោះដោយសារទឹកជំនន់ នៅពេលនេះ កាកបាទក្រហមកម្ពុជាស្នាក់ការកណ្តាល និងកាកបាទក្រហមកម្ពុជា នៅតាមបណ្តាខេត្តរាជធានីភ្នំពេញ នានា គឺបានត្រៀមខ្លួនរួចរាល់អស់ហើយ ក្នុងនាំអំណោយជំនួយសង្គ្រោះនានា ចែកជូនបងប្អូនប្រជាពលរដ្ឋដែលខ្វះខាត ខណៈដែលបច្ចុប្បន្ន ពលរដ្ឋជួបការរងគ្រោះធ្ងន់ធ្ងរដោយទឹកជំនន់កើនដល់១២០០០គ្រួសារ។បើតាមលោកជំទាវ ម៉ែន នារីសុភ័ក្ត្រ អគ្គលេខាធិការរងទី១ កាកបាទក្រហមកម្ពុជា ប្រាប់BTV នៅថ្ងៃទី១២ ខែតុលានេះថា នៅពេលនេះ បណ្តាខេត្តឆ្ងាយៗ ដែលបាននិងកំពុងជួបរងគ្រោះដោយសារទឹកជំនន់ខ្លាំងជាងគេ គឺមានដូចជាខេត្តពោធិ៍សាត់ បាត់ដំបង ខេត្តប៉ៃលិន ឧត្តរមានជ័យ និងបណ្តាខេត្តនានា តាមដងទន្លេមេគង្គមួយចំនួន ហើយពេលនេះដែរកាកបាទក្រហមកម្ពុជា និងកាកបាទក្រហមកម្ពុជា នៅតាមបណ្តាខេត្តនានា បាននាំអំណោយយកទៅដាក់ក្នុងឃ្លាំង នៅតាមបណ្តាខេត្តរួចរាល់អស់ហើយ ដើម្បីយកចែកជូនពលរដ្ឋជួបការរងគ្រោះដោយទឹកជំនន់។លោកជំទាវ ម៉ែន នារីសុភក្ត្រ បន្តថា នៅពេលនេះ កាកក្រហមកម្ពុជា ក្រៅពីធ្វើការងារជាជំនួយការអោយអាជ្ញាធរមូលដ្ឋាន គ្រប់បណ្តាកងកម្លាំងយុវជនស្ម័គ្រចិត្តរបស់កាកបាទក្រហមកម្ពុជា ក៏ចូលរួមចំណែកជាមួយអាជ្ញាធរមូលដ្ឋាន ចុះប្រជាពលរដ្ឋជួបការរងគ្រោះមកកាន់ទទួលសុវត្ថិភាព ជួយរៀបចំកន្លែងស្នាក់នៅផងដែរ ជូនចំពោះប្រជាពលរដ្ឋ។ទោះយ៉ាងណានៅក្នុងអំឡុងពេលនេះ លោកជំទាវ ក៏បានអំពាវនាវប្រជាពលរដ្ឋបង្កើនការប្រុងប្រយ័ត្នការពារខ្លួនអោយរួចពីគ្រោះទឹកជំនន់ ជាពិសេសត្រូវខិតខំធ្វើអនាម័យខ្លួន ការពារសត្វពស់ និងជំងឺកាចសាហាវនានាទៀត។បើតាមអ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ ឯកឧត្តម ឃុន សុខា បានថ្លែងថា មកដល់ថ្ងៃនេះ ខេត្តដែលជួបរងគ្រោះដោយសារទឹកជំនន់គឺមានចំនួន១១ខេត្ត ហើយខេត្តដែលរងការប៉ះពាល់ ធ្ងន់ធ្ងរជាងគេ គឺមានខេត្តពោធិ៍សាត់ បាត់ដំបង ប៉ៃលិន ហើយសម្រាប់ពលរដ្ឋដែលជួបការប៉ះពាល់ ដោយសារគ្រោះទឹកជំនន់នេះ គឺមានប្រមាណជាង ១២៥០០គ្រួសារ និងមានគ្រួសារប្រជាពលរដ្ឋត្រូវបញ្ជូនទៅទីទួលសុវត្ថិភាព គឺមានចំនួនជាង១០០០គ្រួសារ។ឯកឧត្តម បន្តថា នៅក្នុងអំឡុងពេលនេះ មានកងកំលាំង រួមមាន គណៈកម្មាធិការគ្រប់គ្រងគ្រោះមហន្តរាយ កងទ័ព កងអាវុធហត្ថ នគរបាល អាជ្ញាមូលដ្ឋាននៅថ្នាក់ខេត្ត ឃុំសង្កាត់ ព្រមទាំងកម្លាំងយុវជនកាកបាទក្រហមកម្ពុជា និងអ្នកពាក់ព័ន្ធនានាទៀត បានចូលច្រើនជួយសង្គ្រោះ៕អត្ថបទ ៖ ស៊ុម សុខជា

អភិបាលខេត្តកណ្តាល ចុះមកពិនិត្យស្ថានភាពជំនន់ទឹកភ្លៀង ក្នុងភូមិសាស្ត្រ ស្រុកអង្គស្នួល

កណ្ដាល ៖ ឯកឧត្តម គង់ សោភ័ណ្ឌ អភិបាលខេត្តកណ្តាល អញ្ជើញចុះមកពិនិត្យស្ថានភាពជំនន់ទឹកភ្លៀង ក្នុងភូមិសាស្ត្រ ស្រុកអង្គស្នួល ខេត្តកណ្ដាល កាលពី រសៀលថ្ងៃទី១១ ខែតុលា ម្សិលមិញនេះ ។លោក ខុន សេរីរដ្ឋា អភិបាលស្រុកអង្គស្នួល បានឱ្យដឹងថា ឃុំពើក ស្ថានភាពទឹកបច្ចុប្បន្ន កំពុងជន់លិច លើកំណាត់ផ្លូវ ក្នុងភូមិប្រវែងជាង៤០០ម៉ែត្រ លើប្រវែងផ្លូវ សរុប៤០០០ម៉ែត្រ ប៉ះពាល់មិនធ្ងន់ធ្ងរ ដល់លំនៅដ្ឋានប្រជាពលរដ្ឋឡើយ។ ដោយឡែកចំណុចអូរធំ និងចំណុចប្រឡាយសម្តេចតេជោ ស្ថិតក្នុងភូមិសាំងដំរី ឃុំឆក់ឈើនៀង ជាប្រឡាយយុទ្ធសាស្ត្រ សម្រាប់ការរំដោះជំនន់ទឹកភ្លៀងពី ភូមិសាស្ត្រឃុំទាំង៥ ដែលស្ថិតប៉ែកខាងជើងស្រុកអង្គស្នួល ហូរទម្លាក់ឆ្ពោះទៅកាន់បឹងតាមោក រាជធានីភ្នំពេញ៕

កិច្ចព្រមព្រៀងពាណិជ្ជកម្មសេរីកម្ពុជា-ចិនព្រមទាំងកិច្ចព្រមព្រៀងសំខាន់ៗចំនួន៣ផ្សេងទៀត ត្រូវបានចុះហត្ថលេខា

ភ្នំពេញ៖ កម្ពុជា-ចិន បានចុះហត្ថលេខារួមគ្នាលើកិច្ចព្រមព្រៀងពាណិជ្ជកម្មសេរីកម្ពុជា-ចិន ដែលកិច្ចព្រមព្រៀងនេះ ត្រូវបានគេ មើលឃើញថា កម្ពុជា នឹងទទួលបានផលប្រយោជន៍យ៉ាងច្រើន ពិសេសកម្ពុជាក៏មានឱកាសពង្រឹងអំណាចកំណត់ថ្លៃដោយខ្លួនឯងគ្រប់មុខទំនិញ។ជាមួយគ្នានេះ ក្រៅតែពីការចុះកិច្ចព្រមព្រៀងពាណិជ្ជកម្មសេរីកម្ពុជា-ចិន កិច្ចព្រមព្រៀងសំខាន់ៗចំនួន៣ផ្សេងទៀត ក៏ត្រូវបានចុះហត្ថលេខាផងដែរ ។កិច្ចព្រមព្រៀងពាណិជ្ជកម្មសេរីកម្ពុជា-ចិន ដែលបានចុះហត្ថលេខា នៅព្រឹកថ្ងៃទី១២ ខែតុលា ឆ្នាំ២០២០នេះ គឺធ្វើឡើងក្រោមការអញ្ជើញចូលរួម ពីប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន និង ឯកឧត្តម វ៉ាង យី ទីប្រឹក្សារដ្ឋ និងជារដ្ឋមន្រ្តីការបរទេសចិន។សម្រាប់កិច្ចព្រមព្រៀង និងឯកសារសំខាន់ៗចំនួន៣ផ្សេងទៀតរួមមាន៖ទី១- កិច្ចព្រមព្រៀងស្តីពីកិច្ចសហប្រតិបត្តិការសេដ្ឋកិច្ច និងបច្ចេកទេសសម្រាប់ការផ្តល់ហិរញ្ញប្បទានឥតសំណង ទឹកប្រាក់ ៩៥០លានយ័ន។ទី២- លិខិតប្តូរឯកសារស្តីពីការសិក្សាសមិទ្ធលទ្ធភាពគម្រោងធ្វើឱ្យប្រសើរឡើងមន្ទីរពេទ្យបង្អែកខេត្តព្រះសីហនុ។និងទី៣-លិខិតប្តូរសារស្តីពី ការសិក្សាសមិទ្ធលទ្ធភាពគម្រោងអភិវឌ្ឍន៍ហេដ្ឋារចនាសម្ព័ន្ធប្រព័ន្ធលូ និងប្រព្រឹត្តកម្មទឹកកខ្វក់នៅខេត្តព្រះសីហនុ៕

សម្តេចតេជោ អះអាងថា EBA នឹងបាត់បង់នៅថ្ងៃណាមួយ ប៉ុន្តែព្រមព្រៀងពាណិជ្ជកម្មសេរីកម្ពុជា ចិន គឺនៅជារៀងរហូត

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញមានប្រសាសន៍ប្រាប់ មិត្តចិនថា បញ្ហាEBA វានឹងបាត់បង់នៅថ្ងៃណាមួយ ប៉ុន្តែកិច្ចព្រមព្រៀងពាណិជ្ជកម្មសេរី កម្ពុជា ចិន គឺនៅជារៀងរហូត គឺមិនមានការបាត់បង់នោះទេ។ការអះអាងរបស់សម្តេចតេជោ ប្រមុខរាជរដ្ឋាភិបាលកម្ពុជា យ៉ាងដូច្នេះ ខណៈអនុញ្ញាតឱ្យឯកឧត្តម វ៉ាង យី ទីប្រឹក្សារដ្ឋ និងជារដ្ឋមន្ត្រីការបរទេសចិន ចូលជួបសំដែងការគួរសម នៅវិមានសន្តិភាព នាព្រឹកថ្ងៃទី១២តុលានេះ។ក្រោយជំនួបបញ្ចប់ ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោ បានបញ្ជាក់យ៉ាងដូច្នេះថា៖ ឯកឧត្តម វ៉ាង យី បានកោតសរសើរជំពោះទឹកចិត្តដ៏ធំទូលាយរបស់សម្តេចតេជោ ចំបោះការអនុញ្ញាតឱ្យនាវាដែលគេខ្លាចរឿងបញ្ហាកូវីដ–១៩ បានចូលចតនៅខេត្តព្រះសីហនុ ហើយក៏បានជំរាបជូនសម្តេចអំពីលទ្ធផល នៃជំនួបរវាងឯកឧត្តម ជាមួយឧបនាយករដ្ឋមន្ត្រី ហោ ណាំហុង និងឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេសកម្ពុជា ដែលបានពិភាក្សាយ៉ាងទូលំទូលាយលើគ្រប់វិស័យ ដែលកិច្ចពិភាក្សា បានឈានទៅដល់ការយល់ព្រមរវាងភាគីទាំងពីរថា នឹងជំរុញកិច្ចសហប្រតិបត្តិការឱ្យកាន់តែស៊ីជម្រៅថែមទៀត ហើយចិននៅតែបន្តគាំទ្រកម្ពុជា យ៉ាងរឹងមាំជាជាទីបំផុត ធ្វើយ៉ាងណាឱ្យកម្ពុជា រក្សាឱ្យបាននូវអធិបតេយ្យ និងសេចក្តីថ្លែថ្នូររបស់កម្ពុជា។ សម្តេចក៏បាន អំណរគុណយ៉ាងជ្រាលជ្រៅចំពោះមិត្តចិន ដែលបានផ្តល់ជំនួយដល់កម្ពុជា ហើយសម្តេចបានបញ្ជា្កក់ថា អះអាងថា EBA គឺគង់តែបាត់បង់នៅថ្ងៃណាមួយ ប៉ុន្តែ កិច្ចព្រមព្រៀងទីផ្សារសេរីកម្ពុជា ចិន គឺនៅជារៀងរហូត។សម្តេចតេជោ នាយករដ្ឋមន្ត្រី ក៏បានសាទរចំពោះកិច្ចពិភាក្សាប្រកបដោយផ្លែផ្កា រវាងឯកឧត្តម ជាមួយឧបនាយករដ្ឋមន្ត្រី ហោ ណាំហុង និងឧបនាយករដ្ឋមន្ត្រី ប្រាក់ សុខុន និងបានជំរាបជូនឯកឧត្តម វ៉ាង យី ដោយសង្ខេប អំពីដំណើរការ នៃ ការទប់ស្កាត់កូវីដ–១៩ ក៏ដូចជាដំណើរការសេដ្ឋកិច្ចរបស់កម្ពុជា ជាពិសេសការទប់ស្កាត់កូវីដ១៩ បានជោគជ័យ គឺប្រជាជនកម្ពុជាបានអនុវត្តតាមគោលការណ៍របស់រាជរដ្ឋាភិបាល ក្រសួងសុខាភិបាលដែលមានគោលការណ៍ច្បាស់លាស់។សម្តេចតេជោ នាយករដ្ឋមន្ត្រី ក៏បានអញ្ជើញធ្វើជាសាក្សីក្នុងពិធីចុះហត្ថលេខាលើកិច្ចព្រមព្រៀងពាណិជ្ជកម្មសេរីកម្ពុជា-ចិននិងឯកសារសំខាន់០២ ទៀត រួមមាន លិខិតប្ដូរសារស្តីពីការសិក្សាសមិទ្ធិលទ្ធភាព គម្រោងធ្វើឱ្យប្រសើរឡើងមន្ទីរពេទ្យបង្អែកខេត្តព្រះសីហនុ និងលិខិតប្ដូរសារស្តីពីការសិក្សាសមិទ្ធិលទ្ធភាព គម្រោងអភិវឌ្ឍន៍ហេដ្ឋារចនាសម្ព័ន្ធប្រព័ន្ធលូ និងប្រព្រឹត្តកម្មទឹកកខ្វក់នៅ ខេត្តព្រះសីហនុ។កិច្ចព្រមព្រៀងលិខិតប្តូរសារដែលចុះហត្ថលេខាក្រោមអធិបតីភាពសម្តេចតេជោ នៅថ្ងៃនេះរួមមាន ៖កិច្ចព្រមព្រៀងពាណិជ្ជកម្មសរីរវាងព្រះរាជាណាចក្រកម្ពុជា និងសាធារណរដ្ឋប្រជាមានិតចិន។ កិច្ចព្រមព្រៀងស្តីពីកិច្ចសហប្រតិបត្តិការសេដ្ឋកិច្ច និង បច្ចេកទេសសំរាប់ការផ្តល់ហិរញ្ញប្បទានឥតសំណង។ លិខិតប្ដូរសារស្តីពីការសិក្សាសមិទ្ធិលទ្ធភាព គម្រោងធ្វើឲ្យប្រសើរឡើងមន្ទីរពេទ្យបង្អែកខេត្តព្រះសីហនុ។ លិខិតប្ដូរសារស្តីពីការសិក្សា សមិទ្ធិលទ្ធភាពគម្រោងអភិវឌ្ឍន៍ហេដ្ឋារចនាសម្ព័ន្ធ ប្រព័ន្ធលូ និងប្រព្រឹត្តកម្មទឹកកខ្វក់នៅខេត្តព្រះសីហនុ-និងពិធីប្រគល់ និងទទួលជំនួយបរិក្ខារវេជ្ជសាស្ត្រ ។ដើម្បីចូលរួមលើកស្ទួយវិស័យ សុខាភិបាល និងដោយឈរលើមូលដ្ឋានជំនួយកន្លងមក សាធារណរដ្ឋប្រជាមានិតចិន បានផ្តល់នូវជំនួយឧបករណ៍វេជ្ជសាស្ត្រចំនួន ១០,០០០ (មួយម៉ឺន) ឈុត ដល់ព្រះរាជាណាច្រកកម្ពុជា។ឯកឧត្តម វ៉ាង វិនធាន (Wang Wentian) ឯកអគ្គរដ្ឋទូតចិនប្រចាំកម្ពុជា ក៏បានប្រគល់ជំនួយឧបករណ៍វេជ្ជសាស្ត្រជូន ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាលនៃព្រះរាជាណាចក្រកម្ពុជា។ដំណើរទស្សនកិច្ចផ្លូវការ របស់ ឯកឧត្តម វ៉ាង យី មកកាន់កម្ពុជាលើកនេះ នឹងបន្តពង្រឹងបន្ថែម នូវចំណង មិត្តភាពជាប្រពៃណីដ៏យូរ លង់ សាមគ្គីភាព ភាតរភាព និងកិច្ចសហប្រតិបត្តិការ ប្រកបដោយ ផ្លែផ្ការវាងកម្ពុជា និងចិន ក្នុងបរិបទនៃបញ្ហាប្រឈមជាសកលនៃជំងឺកូវីដ–១៩ ដែលពុំធ្លាប់មានពីមុន៕អត្ថបទ៖ មុត សុទ្ធ

ជំនន់ទឹកភ្លៀងកំពុងវាយប្រហារលើតំបន់មួយចំនួនក្នុងខេត្តស្ទឹងត្រែង

ស្ទឹងត្រែង ៖ ភូមិចំនួន១៤ ស្ថិតក្នុងឃុំចំនួន៦ របស់ស្រុកថាឡាបរិវ៉ាត់ ខេត្តស្ទឹងត្រែង បាននឹងកំពុងរងផលប៉ះ ពាល់ដោយសារជំនន់ទឹកភ្លៀង។ឯកឧត្ដម ម៉ុម សារឿន អភិបាលខេត្តស្ទឹងត្រែង បានណែនាំឱ្យប្រជាពលរដ្ឋ ដែលរស់នៅតំបន់ផ្លូវ ទឹក ឬតំបន់ទំនាប ធ្លាប់ទទួលរងការជន់លិច ត្រូវមានការប្រុងប្រយ័ត្នឱ្យបានខ្ពស់ ពិសេសគឺយកចិត្តទុក ដាក់មើលថែទាំកូនចៅតូចៗ ក្រែងកើតមានករណីលង់ទឹកជាយថាហេតុ ណាមួយកើតឡើង ពិសេស ត្រូវប្រុងប្រយ័ត្នចំពោះសត្វអាសិរពិស ជាដើម បើមានករណីសត្វទិច ឬខាំ ត្រូវប្រញាប់ទៅមណ្ឌលសុខភាព ឬមន្ទីរពេទ្យ ដើម្បីធ្វើការព្យាបាល ឱ្យបានទាន់ពេលវេលា និងត្រូវប្រកាន់ខ្ជាប់នូវការហូបស្អាត ផឹកស្អាត រស់នៅស្អាត ប្រកបដោយអនាម័យខ្ពស់ផងដែរ។ឯកឧត្ដម បានណែនាំដល់អាជ្ញាធរតាមមូលដ្ឋាន ត្រូវយកចិត្តទុកដាក់ចំពោះប្រជាពលរដ្ឋ ដែល រងគ្រោះដោយសារជំនន់ទឹកភ្លៀង និងត្រៀមរួចជាស្រេចនូវឧបករណ៍ ឬសម្ភារសម្រាប់សង្គ្រោះបន្ទាន់ ក្នុង ករណីជំនន់ទឹកភ្លៀងកើនឡើង ដើម្បីជួយសង្គ្រាះពលរដ្ឋ នៅមូលដ្ឋានឱ្យបានទាន់ពេលវេលា។ មកទល់ពេលនេះ នៅក្នុងខេត្តស្ទឹងត្រែង ប្រជាពលរដ្ឋ ដែលបានរងផលប៉ះពាល់ពីជំនន់ទឹកភ្លៀង មានចំនួនជាង៧០០គ្រួសារ និងត្រូវបានជម្លៀស ចំនួន៥៥គ្រួសារ ទៅទីទួលសុវត្ថិភាព ក្នុងនោះផ្ទះ ដែល បានលិចទឹក មានចំនួនជិត៧០០ខ្នង៕អត្ថបទ៖ មាស ផល្លា

បណ្ដាញសង្គម

ព័ត៌មានថ្មីៗ

លោក Putin បញ្ជាឲ្យផ្អាកវាយប្រហារទីក្រុងគីវ មុនដំណើរទស្សនកិច្ចរបស់លោក Witkoff និងលោក Kushner

លោក Putin និងប្រេសិតពិសេសសហរដ្ឋអាមរិក ពិភាក្សាលើសំណើរបស់លោក Trump ដើម្បីបញ្ចប់សង្រ្គាមអ៊ុយក្រែន

រដ្ឋមន្ត្រីក្រសួងការពារជាតិកម្ពុជា ដឹកនាំគណៈប្រតិភូទៅអូស្ត្រាលីដែលជាធ្វើទស្សនកិច្ចផ្លូវការ និងជាលើកដំបូងក្នុងប្រវត្តិសាស្ត្រ

ប្រទេសអឺរ៉ុបចំនួនប្រាំស្វែងរកកិច្ចព្រមព្រៀងដើម្បីបញ្ជូនជនអន្តោប្រវេសន៍ចេញពីសហភាពអឺរ៉ុប

ជនជាតិចិនម្នាក់ត្រូវបានជួយសង្គ្រោះទាំងនៅមានជីវិតពីផ្លូវរូងក្រោមដីវារីអគ្គិសនីនេប៉ាល់ខណៈអ្នកស្លាប់ឡើងដល់ ១.៣៤២នាក់

ទីក្រុងស៊ីដនី របស់អូស្ត្រាលីញាំញីដោយរលកកម្ដៅខ្លាំងក្នុងនិទាឃរដូវ ខណៈប្រឈមនឹងហានិភ័យភ្លើងឆេះព្រៃធ្ងន់ធ្ងរ

វិមានក្រឹមឡាំង ទាត់ចោលការព្រមានរបស់អ៊ុយក្រែនលើសុវត្ថិភាពដែនអាកាសរុស្ស៊ី

ប្រព័ន្ធផ្សព្វផ្សាយរុស្ស៊ី៖បេសកជនលោក Trump គឺលោក Witkoff និងលោក Kushner បានទៅដល់ទីក្រុងមូស្គូហើយ

មនុស្សជិត៦០ម៉ឺននាក់ ត្រូវបានជម្លៀសដោយសារភ្លៀងធ្លាក់ខ្លាំងពីព្យុះទីហ្វុង Saudel នៅចិនភាគខាងកើត

ប្រទេសម៉ាឡេស៊ីប្រកាសស្ថានភាពគ្រាអាសន្ននៅរដ្ឋសារ៉ាវ៉ាក់ ខណៈផ្សែងអ័ព្ទពីឥណ្ឌូនេស៊ីកាន់តែធ្ងន់ធ្ងរ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ជំងឺគ្រុនចាញ់ ក្នុងប្រទេសកម្ពុជា បានថយចុះជាង៧០% ក្នុងឆ្នាំ២០២០នេះ

សម្តេចកិត្តិព្រឹទ្ធបណ្ឌិត ចាត់មន្ត្រីជាន់ខ្ពស់កាកបាទក្រហម នាំយកអំណោយទៅប្រគេនព្រះសង្ឃវត្តក្រពើហា

វិស័យធនាគារនៅតែបន្តពង្រីកខ្លួនបើទោះបីក្នុងដំណាក់កាលកូវីដ១៩

កម្លាំងអន្តរាគមន៍របស់យោធភូមិភាគទី៥ បន្តចុះជួយសង្គ្រោះប្រជាពលរដ្ឋដែលរងគ្រោះដោយជំនន់ទឹកភ្លៀង

ក្រសួងសុខាភិបាល អំពាវនាវឱ្យពលរដ្ឋបង្កើនការប្រុងប្រយ័ត្ន លើបញ្ហាសុខភាពអំឡុងទឹកជំនន់នេះ

កាកបាទក្រហមកម្ពុជា ត្រៀមជំនួយសង្គ្រោះរួចរាល់ ខណៈពលរដ្ឋជាង១២ ០០០ គ្រួសារប៉ះពាល់ធ្ងន់ធ្ងរ ដោយទឹកជំនន់

អភិបាលខេត្តកណ្តាល ចុះមកពិនិត្យស្ថានភាពជំនន់ទឹកភ្លៀង ក្នុងភូមិសាស្ត្រ ស្រុកអង្គស្នួល

សម្តេចតេជោ អះអាងថា EBA នឹងបាត់បង់នៅថ្ងៃណាមួយ ប៉ុន្តែព្រមព្រៀងពាណិជ្ជកម្មសេរីកម្ពុជា ចិន គឺនៅជារៀងរហូត

ជំនន់ទឹកភ្លៀងកំពុងវាយប្រហារលើតំបន់មួយចំនួនក្នុងខេត្តស្ទឹងត្រែង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ជំងឺគ្រុនចាញ់ ក្នុងប្រទេស​កម្ពុជា បាន​ថយ​ចុះ​ជាង​៧០% ​ក្នុង​ឆ្នាំ​២០២០​នេះ​

វិស័យធនាគារនៅតែបន្តពង្រីកខ្លួនបើទោះបីក្នុងដំណាក់កាលកូវីដ១៩

ក្រសួងសុខាភិបាល ​អំពាវនាវ​ឱ្យ​ពលរដ្ឋ​បង្កើន​ការប្រុងប្រយ័ត្ន ​លើ​បញ្ហា​សុខភាព​អំឡុង​ទឹកជំនន់​នេះ

អភិបាលខេត្តកណ្តាល ​ចុះ​មកពិនិត្យស្ថានភាពជំនន់ទឹកភ្លៀង​ ក្នុងភូមិសាស្ត្រ ​ស្រុកអង្គស្នួល

ជំនន់​ទឹកភ្លៀង​កំពុង​វាយប្រហារ​លើ​តំបន់​មួយ​ចំនួន​ក្នុង​ខេត្តស្ទឹងត្រែង​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ជំងឺគ្រុនចាញ់ ក្នុងប្រទេសកម្ពុជា បានថយចុះជាង៧០% ក្នុងឆ្នាំ២០២០នេះ

ក្រសួងសុខាភិបាល អំពាវនាវឱ្យពលរដ្ឋបង្កើនការប្រុងប្រយ័ត្ន លើបញ្ហាសុខភាពអំឡុងទឹកជំនន់នេះ

អភិបាលខេត្តកណ្តាល ចុះមកពិនិត្យស្ថានភាពជំនន់ទឹកភ្លៀង ក្នុងភូមិសាស្ត្រ ស្រុកអង្គស្នួល

ជំនន់ទឹកភ្លៀងកំពុងវាយប្រហារលើតំបន់មួយចំនួនក្នុងខេត្តស្ទឹងត្រែង