BTV NEWS

សម្តេចតេជោ ហ៊ុន សែន ជួបពិភាក្សាការងារតាមប្រព័ន្ធវីដេអូជាមួយប្រធានរដ្ឋសភា អាស៊ែបៃហ្សង់

គណៈប្រតិភូនៃសន្និសីទប្រធានសភានៃអន្តរសភា វាយតម្លៃខ្ពស់ចំពោះជោគជ័យនៃ «សន្និសីទប្រធានសភានៃអន្តរសភា លើកទី២» នៅកម្ពុជា

ប្រធានរដ្ឋសភាម៉ាឡេស៊ី ប្ដេជ្ញាបន្តលើកកម្ពស់កិច្ចសហប្រតិបត្តិការទ្វេភាគីជាមួយកម្ពុជាឱ្យកាន់តែរីកចម្រើន និងរឹងមាំ

ព្រីតថេន នឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

រដ្ឋមន្ត្រីការបរទេសចិន នឹងអញ្ជើញមកបំពេញទស្សនកិច្ចផ្លូវការនៅកម្ពុជាពីថ្ងៃ១១ដល់ថ្ងៃទី១២ ខែតុលាខាងមុខនេះ

ភ្នំពេញ៖ លោក វ៉ាង យី ទីប្រឹក្សារដ្ឋ និងជារដ្ឋមន្ត្រីការបរទេស នៃសាធារណរដ្ឋប្រជាមានិតចិន នឹងអញ្ជើញមកបំពេញទស្សនកិច្ចផ្លូវការ នៅព្រះរាជាណាចក្រកម្ពុជា នៅថ្ងៃទី១១–១២ ខែតុលា ឆ្នាំ២០២០។ នេះបើយោងតាមសេចក្តីប្រកាសព័ត៌មាន របស់ក្រសួងការបរទេស និងសហប្រតិបត្តិការអន្តរជាតិ នៅព្រលប់ថ្ងៃទី០៩ ខែតុលា ឆ្នាំ២០២០ នេះ។ក្នុងអំឡុងពេលទស្សនកិច្ចនេះ លោក វ៉ាង យី នឹងអញ្ជើញចូលជួបសម្តែងការគួរសម ចំពោះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជួបពិភាក្សាការងារជាមួយ ឯកឧត្តមឧបនាយករដ្ឋមន្ត្រី ហោ ណាំហុង។លោក វ៉ាង យី នឹងមានជំនួបប្រជុំផ្លូវការជាមួយឯកឧត្ដមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា ដើម្បីពិភាក្សាលើកិច្ចសហប្រតិបត្តិការទ្វេភាគីក្នុងវិស័យនានា ព្រមទាំងបញ្ហាតំបន់ និងអន្តរជាតិដែលជាប្រយោជន៍ និងកង្វល់រួម។សម្ដេចតេជោនាយករដ្ឋមន្ត្រី នឹងអញ្ជើញធ្វើជាសាក្សីក្នុងពិធីចុះហត្ថលេខាលើកិច្ចព្រមព្រៀងពាណិជ្ជកម្មសេរីកម្ពុជា-ចិន និងឯកសារសំខាន់០២ ទៀត រួមមាន លិខិតប្ដូរសារស្ដីពីការសិក្សាសមិទ្ធិលទ្ធភាពគម្រោងធ្វើឱ្យប្រសើរឡើងមន្ទីរពេទ្យបង្អែកខេត្តព្រះសីហនុ និងលិខិតប្ដូរសារស្ដីពីការសិក្សាសមិទ្ធិលទ្ធភាពគម្រោងអភិវឌ្ឍន៍ហេដ្ឋារចនាសម្ព័ន្ធប្រព័ន្ធលូ និងប្រព្រឹត្តកម្មទឹកកខ្វក់នៅខេត្តព្រះសីហនុ។ដំណើរទស្សនកិច្ចផ្លូវការរបស់ ឯកឧត្តម វ៉ាង យី មកកាន់កម្ពុជាលើកនេះ នឹងបន្តពង្រឹងបន្ថែមនូវចំណងមិត្តភាពជាប្រពៃណីដ៏យូរលង់ សាមគ្គីភាព ភាតរភាព និងកិច្ចសហប្រតិបត្តិការប្រកបដោយផ្លែផ្ការវាងកម្ពុជា និងចិន ក្នុងបរិបទនៃបញ្ហាប្រឈមជាសកលនៃជំងឺកូវីដ–១៩ ដែលពុំធ្លាប់មានពីមុន៕

អាជ្ញាធរ បានប្រមូលសំរាមចេញពីក្រុងភ្នំពេញប្រមាណពីរពាន់តោន ក្នុងមួយថ្ងៃ ខណៈកម្មករស៊ិនទ្រីបន្តធ្វើកូដកម្ម

ភ្នំពេញ៖ អភិបាលរាជធានីភ្នំពេញ បានឱ្យដឹងថា អាជ្ញាធរបានប្រមូលសំរាមចេញពីក្រុងភ្នំពេញប្រមាណពីរពាន់តោនក្នុងមួយថ្ងៃ ខណៈកម្មករស៊ិនទ្រីបន្តធ្វើកូដកម្ម ប៉ុន្តែ ឯកឧត្ដម បានបញ្ជាក់ថា អាជ្ញាធរមិនរំពឹងកម្មករប្រមូលសំរាមទេ ប្រសិនមិនចូលធ្វើការ ព្រោះក្រុមហ៊ុនថ្មីនឹងចេញធ្វើការឆាប់ៗខាងមុខ។ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ បានបញ្ជាក់ឲ្យដឹងថា មកដល់ពេលនេះ ទាំង១៤ខណ្ឌ និងសង្កាត់ទាំង១០៥ បាននឹងកំពុងខិតខំទាំងយប់ ទាំងថ្ងៃ ដើម្បីធ្វើសកម្មភាពប្រមូលសំរាមនៅក្នុងរាជធានីភ្នំពេញ ដែលមកដល់ពេលនេះក្នុងមួយថ្ងៃអាជ្ញាធរប្រមូលសំរាមបាន ប្រមាណ ២០០០តោន ខណៈដែលនៅរាជធានីភ្នំពេញ ក្នុងមួយថ្ងៃមានសំរាមចំនួន ២៨៦៥តោន។មានន័យថា រដ្ឋបាលរាជធានីភ្នំពេញអាចគ្រប់គ្រងការប្រមូលសំរាមបានមួយកម្រិតធំហើយ។ ឯកឧត្ដម ឃួង ស្រេង ជឿជាក់ថា មិនយូរទេ ការប្រមូលសំរាមនឹងលែងជាបញ្ហា បើទោះបីកម្មករស៊ិនទ្រី ធ្វើកូដកម្មមិនប្រមូលសំរាមក៏ដោយ។ឯកឧត្ដម ឃួង ស្រេង បានបញ្ជាក់ផងដែរថា កិច្ចការងារប្រមូលសំរាមគឺបានគិតគូរតាំងពីឆ្នាំ២០១៩មក ដោយយើង បានចែកម៉ូតូកង់បីសំរាប់ដឹកសំរាមនៅតាមបណ្ដាខណ្ឌទាំង១៤ និងសង្កាត់ទាំង១០៥ ជាមួយនឹងការទិញរថយន្តដឹកសំរាមចំនួន ៧០គ្រឿង ដើម្បីដឹកជញ្ជូនសំរាមទៅចាក់ទីលានផងដែរ ហើយមកដល់ពេលនេះ ទាំងអគ្គស្នងការនគរបាលជាតិ ទាំងបញ្ជាការកងរាជអាវុធហត្ថ ក៏បានសន្យាបញ្ជូនកងកម្លាំងប្រដាប់អាវុធទាំងពីរភេទនេះ មួយពាន់នាក់ មកជួយលើការងារដឹកជញ្ជូន និងប្រមូលសំរាមនៅរាជធានីភ្នំពេញផងដែរ។ឯកឧត្ដម ឃួង ស្រេង ក៏បានអំពាវនាវដល់ប្រជាពលរដ្ឋទាំងអស់ មេត្តាទុកដាក់ វេចខ្ចប់សំរាមឲ្យបានល្អ កុំយកទៅបោះចោលនៅតាមទីសាធារណៈ អាចយកទៅដាក់នៅដេប៉ូ ចាក់សំរាមដែលរៀបចំឡើងដោយអាជ្ញាធរខណ្ឌ នៅក្នុងរាជធានីភ្នំពេញ ការធ្វើបែបនេះនិងជួយសម្រួលការងារច្រើនសម្រាប់ក្រុមការងារដឹកសំរាម ជញ្ជូនសំរាម៕ អត្ថបទ៖ ប្រាក់ វ៉ាន់ដា

លោកត្រាំ ចង់រៀបចំពិធីជួបជុំជាមួយក្រុមអ្នកគាំទ្រនៅរដ្ឋផ្ល័ររីដា នាថ្ងៃសៅរ៍នេះ

អាមេរិក៖ ប្រធានាធិបតីសហរដ្ឋអាមេរិក លោកដូណាល់ ត្រាំ បាននិយាយថា លោកចង់ជួបជុំជាមួយក្រុមអ្នកគាំទ្រនៅរដ្ឋផ្ល័ររីដា នាថ្ងៃសៅរ៍ស្អែកនេះ បើសិនជាពួកយើងមានពេលគ្រប់គ្រាន់ ដើម្បីជួបជុំគ្នា។ថ្លែងកាលពីយប់ថ្ងៃព្រហស្បតិ៍ នៅលើកញ្ចក់ទូរទស្សន៍ Fox News លោកត្រាំ បាននិយាយថា លោកអាចនឹងដង្ហែក្បួនផងដែរ នៅយប់បន្ទាប់នៅរដ្ឋផេនស៊ីលវ៉ានៀ។លោកបានបញ្ជាក់ពីបំណងរបស់លោក ដើម្បីចាប់ផ្តើមយុទ្ធនាការស្វែងរកសំឡេងឆ្នោតរបស់លោកជាថ្មីម្តងទៀត រយៈពេលប៉ុន្មានម៉ោងប៉ុណ្ណោះ ក្រោយគ្រូពេទ្យរបស់លោកអះអាងថា គាត់ជឿជាក់ថា លោកត្រាំ សុវត្ថិភាពក្នុងការវិលត្រឡប់មកជួបជុំជាសាធារណៈវិញនៅថ្ងៃសៅរ៍នេះ បន្ទាប់ពីការចេញរោគសញ្ញាជំងឺ COVID-19។លោកត្រាំ ចង់វិលត្រឡប់មកកាន់យុទ្ធនាការស្វែងរកសំឡេងឆ្នោតរបស់លោកវិញ ក្រោយការស្ទង់មតិបង្ហាញថា លោកនៅតែតាមពីក្រោយគូប្រជែងរបស់ខ្លួន គឺលោកចូ បៃដិន។លោកត្រាំ និយាយថា លោកនឹងធ្វើតេស្តរកជំងឺ COVID-19ម្តងទៀតនៅថ្ងៃសុក្រនេះ រយៈពេល៧ថ្ងៃក្រោយលោកធ្វើដំណើរទៅកាន់មន្ទីរពេទ្យយោធា Walter Reed ដើម្បីព្យាបាលជំងឺ COVID-19៕ អត្ថបទ៖ សារ៉ាត់

អង្គការក្រៅរដ្ឋាភិបាល ផ្តល់ការធ្វើតេស្តរកជំងឺ COVID-19ដោយឥតគិតថ្លៃ នៅក្នុងតំបន់និគមន៍ដ្ឋានប្រេស៊ីល

ប្រេស៊ីល៖ នៅក្នុងតំបន់និគមន៍ដ្ឋាន រ៉ូស៊ីនហា ដែលស្ថិតនៅក្នុងចំណោមតំបន់និគមន៍ដ្ឋានធំបំផុតនៅក្នុងទីក្រុងរីយ៉ូ ដឺ ចាណីរ៉ូ ប្រទេសប្រេស៊ីល អ្នកស្រុកមួយចំនួន ទទួលបានការធ្វើតេស្តរកជំងឺ COVID-19កាលពីថ្ងៃព្រហស្បតិ៍ ស្របពេលដែលក្រុមការងារសុខភាពមកពីអង្គការក្រៅរដ្ឋាភិបាល បានផ្តល់ការធ្វើតេស្តដោយឥតគិតថ្លៃ ក្រោយពីមិនសូវមានការយកចិត្តទុកដាក់ពីក្រោមអាជ្ញាធរ ខណៈដែលមានករណីឆ្លងជំងឺដ៏កាចសាហាវមួយនេះ កើនឡើងយ៉ាងឆាប់រហ័ស។ដោយសារករណីឆ្លងជំងឺ COVID-19 នៅក្នុងប្រទេសប្រេស៊ីល កើនឡើងដល់ជាង ៥លាននាក់ គិតត្រឹមថ្ងៃពុធនោះ ក្រុមអ្នកជំនាញជាច្រើន មានការជឿជាក់ថា ការធ្វើតេស្តមិនគ្រប់គ្រាន់ គឺជាដើមហេតុនាំឲ្យមានករណីឆ្លងកើនឡើងនៅក្នុងប្រទេសដែលមានពលរដ្ឋ ២០០លាននាក់មួយនេះ ។លោកតាម៉ារ៉ា ហ្គោម៉េស វ័យ៥៨ឆ្នាំ គឺជាម្ចាស់ធុរកិច្ចដែលទទួលបានការធ្វើតេស្តដោយឥតគិតថ្លៃពីអង្គការក្រៅរដ្ឋាភិបាល បាននិយាយថា គ្មានអ្វីធ្វើ ដើម្បីទប់ស្កាត់ការរីករាលដាលឆ្លងជំងឺ COVID-19នោះទេ។គួរឲ្យដឹងថា ប្រទេសប្រេស៊ីល ធ្លាប់រកឃើញករណីឆ្លងខ្ពស់បំផុតជាង ៤៥.០០០នាក់ និងករណីស្លាប់ ១ពាន់នាក់ ក្នុងរយៈពេល១ថ្ងៃ។ទោះបីជាយ៉ាងណាក៏ដោយ បច្ចុប្បន្នករណីឆ្លងជំងឺ COVID-19នៅប្រទេសប្រេស៊ីល បានធ្លាក់ចុះវិញហើយមកនៅត្រឹម ២៧.០០០នាក់ និងករណីស្លាប់ ៧០០នាក់ ក្នុងរយៈពេល១ថ្ងៃ៕ អត្ថបទ៖ សារ៉ាត់

គ.ជ.ប នឹងដកបេក្ខភាពភ្នាក់ងារបក្សនយោបាយអង្កេតការណ៍ ប្រសិនបន្តសួរព័ត៌មានលម្អិតពីពលរដ្ឋ ហួសតួនាទី

ភ្នំពេញ៖ ឯកឧត្តម ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការចុះឈ្មោះបោះឆ្នោត ហៅកាត់ថា គជប បានធ្វើការព្រមាននឹងដកបេក្ខភាពភ្នាក់ងារបក្សនយោបាយសង្កេតការណ៍ណា ដែលបន្តសួរព័ត៌មានលម្អិតអត្តសញ្ញាណរបស់ប្រជាពលរដ្ឋដែលបានចុះឈ្មោះបោះឆ្នោត ហួសតួនាទី។ការថ្លែងព្រមានរបស់មន្ត្រីជាន់ខ្ពស់ នៃគណៈកម្មាធិការជាតិរៀបចំការបោះឆ្នោតហៅកាត់ថា គ.ជ.ប ធ្វើឡើងក្នុងកិច្ចប្រជុំជាមួយភាគីពាក់ព័ន្ធ ស្តីពីការពិនិត្យបញ្ជីឈ្មោះបោះឆ្នោត និងបញ្ហាប្រឈមក្នុងដំណើរការចុះឈ្មោះបោះឆ្នោត នៅតាមឃុំ-សង្កាត់ ក្នុងកិច្ចប្រជុំ នៅថ្ងៃទី០៩ ខែតុលានេះ បានឲ្យដឹងថា ក្នុងដំណើរការចុះឈ្មោះបោះឆ្នោតរយៈពេលមួយសប្តាហ៍កន្លងទៅនេះ មានពាក្យបណ្តឹងដែលប្តឹងដោយគណបក្សនយោបាយចំនួន ៨បណ្តឹង ពាក់ព័ន្ធនឹងការអនុវត្តភារកិច្ចរបស់មន្ត្រីចុះឈ្មោះបោះឆ្នោត ដោយ គជប នឹងធ្វើការពិនិត្យ ណែនាំ ក៏ដូចជាដោះស្រាយទៅតាមនីតិវិធី នៃការចុះឈ្មោះបោះឆ្នោតជាដើម។ថ្លែងប្រាប់អ្នកសារព័ត៌មានក្រោយកិច្ចប្រជុំនេះ ឯកឧត្តម ហង្ស ពុទ្ធា បានមានប្រសាសន៍ថា ក្នុងនាមជាភ្នាក់ងារគណបក្សនយោបាយចូលរួមអង្កេតការណ៍ចុះឈ្មោះបោះឆ្នោត មិនមានសិទ្ធិប្រមូលទិន្នន័យលម្អិតពីអត្តសញ្ញាណរបស់ប្រជាពលរដ្ឋឡើយ ដោយសារតែទិន្នន័យទាំងអស់នេះមានសិទ្ធិគ្រប់គ្រងបានដោយ គជប តែប៉ុណ្ណោះ។តាមមាត្រា១៤២ នៃច្បាប់ចុះឈ្មោះបោះឆ្នោតរបស់ គជប ប្រសិនភ្នាក់ងារអង្កេតការណ៍គណបក្សនយោបាយបន្តសកម្មភាពមិនរាងចាល និងបន្តការរំខានដល់ដណើរការចុះឈ្មោះបោះឆ្នោត ឯកឧត្តម ហង្ស ពុទ្ធា បានព្រមាននឹងដកភា្នក់ងារតំណាងគណបក្សនយោបាយទាំងឡាយណា នោះចេញពីការចូលរួមអង្កេតការណ៍ចុះឈ្មោះបោះឆ្នោតនេះ។បើតាមរបាយការណ៍របស់គជប ក្នុងដំណើរការអង្កេតការណ៍ចុះឈ្មោះបោះឆ្នោតនេះមានគណបក្សនយោបាយចំនួន៦ រួមមាន គណបក្សប្រជាជនកម្ពុជា គណបក្សខ្មែររួបរួមជាតិ គណបក្សហ្វ៉ិនស៉ិនប៉ិច គណបក្សសម្ព័ន្ធដើម្បីប្រជាធិបតេយ្យ គណបក្សសំបុកឃ្មុំសង្គមប្រជាធិបតេយ្យ និងគណបក្សយុវជនកម្ពុជា។ដោយឡែក គិតត្រឹមរយៈពេលមួយសប្តាហ៍ នៃការចុះឈ្មោះបោះឆ្នោត នៅទូទាំងប្រទេសមានប្រជាពលរដ្ឋ ដែលបានចុះឈ្មោះបោះឆ្នោតថ្មីចំនួន ១០៤,៦៩១ នាក់ ខណៈតាមការប៉ាន់ស្មានសម្រាប់ការចុះឈ្មោះបោះឆ្នោតឆ្នាំ២០២០ របស់ គ.ជ.ប ចំនួនប្រជាពលរដ្ឋគ្រប់អាយុដែលត្រូវចុះឈ្មោះបោះឆ្នោតសរុបនៅទូទាំងប្រទេសមានចំនួនប្រមាណ ៣០ម៉ឺននាក់ ដោយការចុះបោះឆ្នោតនេះប្រព្រឹត្តទៅចាប់ពីថ្ងៃទី០១ រហូតដល់ថ្ងៃទី១៩ ខែតុលា ឆ្នាំ២០២០នេះ៕ អត្ថបទ៖ សេក ឧត្តម

ព្យុះទីហ្វុង Chan-hom កំពុងធ្វើដំណើរឆ្ពោះមកកាន់តំបន់ឆ្នេរសមុទ្រភាគខាងត្បូងប្រទេសជប៉ុន

ជប៉ុន៖ ក្រុមមន្ត្រី បាននិយាយនៅថ្ងៃសុក្រនេះថា ព្យុះទីហ្វូង Chan-hom កំពុងធ្វើដំណើរយឺតៗឆ្ពោះមកកាន់តំបន់ឆ្នេរសមុទ្រភាគខាងត្បូងប្រទេសជប៉ុន ធ្វើឲ្យមានសន្ទុះខ្យល់បក់ខ្លាំង និងភ្លៀងធ្លាក់នៅទូទាំងតំបន់ ហើយនិងអាចនាំឲ្យមានភ្លៀងធ្លាក់ខ្លាំងនៅទីក្រុងតូក្យូ នៅដើមសប្តាហ៍ក្រោយផងដែរ បើទោះបីជាគេមិនរំពឹងថា វានឹងបោកបក់មកដល់ដីគោកក៏ដោយ។ទោះបីជាយ៉ាងណាក៏ដោយ ក្រុមមន្ត្រីគ្រោះមហន្តរាយ បានជំរុញឲ្យអ្នកស្រុក គួរប្រុងប្រយ័ត្នឲ្យបានមុន។ ទីភ្នាក់ងារឧតុនិយមជប៉ុន បានរាយការណ៍ថា ព្យុះទីហ្វុង Chan-hom ស្ថិតនៅភាគខាងត្បូងកោះស៊ីកូគូ កាលពីរសៀលថ្ងៃសុក្រ ជាមួយនឹងល្បឿនខ្យល់បក់អតិតបរមា ១២៦គ.មក្នុង១ម៉ោង។ពួកគេបានបញ្ជាក់ថា ព្យុះមួយនេះ ធ្វើដំណើរតាមផ្លូវនៅឆ្ងាយពីតំបន់ឆ្នេរសមុទ្រជប៉ុន ហេតុដូច្នេះហើយ គេមិនរំពឹងថាវានឹងបោកបក់មកដល់ដីគោកនោះទេ។លោកហាឈីរ៉ូ អូកូណូហ្គី រដ្ឋមន្ត្រីក្រសួងគ្រប់គ្រងគ្រោះមហន្តរាយ បានជំរុញឲ្យអ្នកស្រុក ត្រៀមខ្លួនឲ្យបានមុន សម្រាប់រលកសមុទ្រខ្ពស់ និងទឹកជំនន់បង្កឡើងដោយសារព្យុះ ៕ អត្ថបទ៖ សារ៉ាត់

រុស្ស៊ី ត្រៀមខ្លួនសម្រុះសម្រួលជម្លោះរវាងអាមេនី និងអាស៊ែបៃហ្សង់ នៅតំបន់ណាហ្ក័រណូ-ការ៉ាបាក់

រុស្ស៊ី៖ ក្រសួងការបរទេសរុស្ស៊ី បាននិយាយកាលពីថ្ងៃព្រហស្បតិ៍ថា ទីក្រុងមូស្កូ ត្រៀមខ្លួនរួចរាល់ក្នុងការសម្រុះសម្រួលជម្លោះរវាងអាមេនី និងអាស៊ែបៃហ្សង់នៅតំបន់ណាហ្ក័រណូ-ការ៉ាបាក់។លោកស្រី ម៉ារៀ ហ្សាខារ៉ូវ៉ា គឺជាអ្នកនាំពាក្យក្រសួងការបរទេសរុស្ស៊ី បាននិយាយថា រដ្ឋាភិបាលរបស់លោកស្រី ចង់ប្រើប្រាស់ទីក្រុងមូស្កូ ជាវេទិការៀបចំជំនួបរវាងរដ្ឋមន្ត្រីការបរទេសរុស្ស៊ី អាមេនី និងអាស៊ែបៃហ្សង់ ដើម្បីស្វែងរកច្រកចេញក្នុងការបញ្ឈប់សកម្មភាពយោធានៅក្នុងតំបន់ជម្លោះ។កិច្ចប្រជុំនេះ នឹងរួមបញ្ចូលផងដែរក្រុមបំបែកខ្លួនមីនស្ក៍ និងអង្គការដើម្បីសន្តិសុខ និងសហប្រតិបត្តិការនៅអឺរ៉ុប(OSCE)។លោកស្រីម៉ារៀ បាននិយាយថា ក្រសួងការបរទេសរុស្ស៊ី នឹងពិគ្រោះយោបល់ជាមួយភាគីពាក់ព័ន្ធស្តីពីពេលវេលាចាប់ផ្តើមចរចា។ការប៉ះទង្គិចគ្នាចុងក្រោយរវាងកងកម្លាំងប្រដាប់អាវុធអាមេនី និងអាស៊ែបៃហ្សង់ បានចាប់ផ្តើមកាលពីថ្ងៃទី ២៧ ខែកញ្ញាកន្លងទៅ ធ្វើឲ្យភាពតានតឹងឡើងកម្តៅខ្លាំងបំផុតនៅក្នុងជម្លោះអូសបន្លាយពេលច្រើនទសវត្សរ៍កន្លងមកនេះ នៅតំបន់ ណាហ្គ័រណូ-ការ៉ាបាក់។តំបន់មួយនេះ ស្ថិតនៅក្នុងទឹកដីអាស៊ែបៃហ្សង់ ប៉ុន្តែ ស្ថិតក្រោមការគ្រប់គ្រងរបស់កងកម្លាំងជនជាតិដើមភាគតិចអាមេនី គាំទ្រដោយប្រទេសអាមេនី ចាប់តាំងពីដំណាច់សង្គ្រាមផ្តាច់ខ្លួនកាលពីពីឆ្នាំ១៩៩៤៕ អត្ថបទ៖ សារ៉ាត់

អភិបាលខេត្តមណ្ឌលគិរី ជំរុញអាជ្ញាធរមូលដ្ឋាន និងជំនាញពាក់ព័ន្ធទប់ស្កាត់បទល្មើសធនធានធម្មជាតិ

មណ្ឌលគិរី ៖ អភិបាលខេត្តមណ្ឌលគិរី បានដាក់បទបញ្ជាទៅមន្ត្រីជំនាញពាក់ព័ន្ធទាំងអស់ អាជ្ញាធរមូលដ្ឋាន ត្រូវសហការគ្នាទប់ស្កាត់ឱ្យបាន នូវបទល្មើសព្រៃឈើ បទល្មើសធនធានធម្មជាតិគ្រប់រូបភាព។នៅក្នុងពិធីប្រកាសផ្ទេរភារកិច្ចតែងតាំងមុខតំណែងថ្មី របស់អភិបាលក្រុងសែនមនោរម្យ និងនាយករដ្ឋបាលសាលា ខេត្តមណ្ឌលគិរី កាលពីថ្ងៃទី០៩ ខែតុលា ម្សិលមិញ ឯកឧត្ដម ស្វាយ សំអ៊ាង អភិបាលខេត្ត បានបញ្ជាទៅមន្ត្រីជំនាញទាំងអស់ ត្រូវរួមគ្នា លុបបំបាត់ចោលកុងត្រូលជជុះ ដែលមានដាក់ពង្រាយនៅតាមដងផ្លូវក្នុងខេត្ត និងត្រូវសហការគ្នាថែរក្សាសន្តិភាព សន្តិ សុខសណ្ដាប់ធ្នាប់ ដើម្បីលើកកម្ពស់វិស័យទេសចរណ៍ ការពារប្រជាជនដោយយុត្តិធម៌ និងទប់ស្កាត់បទល្មើសគ្រឿងឱ្យ ខាងតែបានផងដែរ។លោក ហៀក សុផាន អភិបាលក្រុងសែនមនោរម្យ ដែលទើបតែងតាំងបានធ្វើការប្ដេជ្ញាចិត្តយ៉ាង ម៉ឺងម៉ាត់ក្នុងការបំពេញតួនាទីភារកិច្ចប្រកបដោយតម្លាភាព ប្រសិទ្ធភាព ដោះស្រាយបញ្ហាជូនប្រជាពលរដ្ឋឲ្យបានទាន់ ពេលវេលា ពង្រឹង សាមគ្គីភាពផ្ទៃក្នុង សហការជិតស្និទ្ធជាមួយ នឹងកងកម្លាំងប្រដាប់អាវុធ មន្ត្រីជំនាញ ក្នុងការការពារទប់ស្កាត់បង្ក្រាបបទ ល្មើសផ្សេងៗ ដែលកើតមាននៅក្នុងសមត្ថកិច្ចរបស់ខ្លួន និងរក្សាសន្តិសុខសណ្តាប់ធ្នាប់សាធារណៈ និងអភិវឌ្ឍហេដ្ឋា រចនាសម្ព័ន្ធទីក្រុង ឱ្យមានរបៀបរៀបរយ និងស្រស់បំព្រង ព្រមទាំងទទួលយកវិវាទដីធ្លី ចំនួន៤១ករណី ដែល អភិបាល ក្រុងចាស់ ដោះស្រាយមិនទាន់ចប់ មកដោះស្រាយបន្តផងដែរ ។ពិធីនេះ ត្រូវបានប្រកាសផ្ទេរភារកិច្ច លោក ហៀក សុផាន អតីតនាយករដ្ឋបាលសាលាខេត្តឱ្យ ចូលកាន់តំណែង ជាអភិបាលក្រុងសែនមនោរម្យ ជំនួសលោក ឡុង វិបុល ដែលត្រូវផ្ទេរភារកិច្ចទៅបម្រើការងារក្នុងសាលាខេត្តមណ្ឌលគិរី និងប្រកាសតែងតាំងលោក ស៊ន សារុន ឱ្យចូលកាន់តំណែងជានាយករដ្ឋបាលសាលាខេត្តមណ្ឌលគិរី ជំនួសលោក ហៀក សុផាន វិញ ៕អត្ថបទ៖ អ៊ិត ភីរុណ

ក្រសួងកសិកម្ម ដាក់ចេញវិធាន៩ចំណុច ដើម្បីធានាសន្តិសុខស្បៀង និងការនាំចេញស្រូវអង្ករទៅបរទេស

ភ្នំពេញ ៖ ក្នុងបំណងធានាបានសន្តិសុខស្បៀង និងឈានទៅសម្រេចបានគោលនយាយជំរុញ ផលិតកម្មស្រូវ និងការនាំចេញអង្ករទៅបរទេសនោះ ក្រសួងកសិកម្ម រុក្ខាប្រមាញ់ និងនេសាទ បានដាក់ចេញវិធានការ៩ចំណុច ដើម្បីឲ្យមន្ត្រីក្រោមឱវាទនិងអ្នកពាក់ព័ន្ធអនុវត្តតាម។ក្រសួងកសិកម្មរុក្ខាប្រមាញ់ និងនេសាទ នៅពេលថ្មីៗនេះ បានចេញសារាចណែនាំមួយ ស្តីពីការថែទាំស្រូវរដូវវស្សាឆ្នាំ២០២០ និងត្រៀមលក្ខណៈសម្រាប់ផលិតកម្មស្រូវប្រាំង ឆ្នាំ២០២០–២០២១។ ក្នុងសារាចរនោះ ក្រសួងកសិកម្ម បានដាក់ចេញវិធានការ០៩ចំណុច ក្នុងបំណងធានា សន្តិសុខស្បៀង និងឈានទៅសម្រេចបានគោលនយោបាយជំរុញផលិតកម្មស្រូវ និងការនាំចេញអង្ករទៅបរទេស ដែលតម្រូវឲ្យមន្ត្រីក្រោមឱវាទនិងអ្នកពាក់ព័ន្ធចូលរួមអនុវត្តតាម។ វិធានការ៩ចំណុចរួមមាន ៖ទី១.ត្រូវចុះណែនាំកសិករឲ្យយកចិត្តទុកដាក់ពិនិត្យស្រែជាប្រចាំ ជាពិសេសត្រូវបិទភ្លឺ រក្សាទឹកទុកក្នុងស្រែឲ្យល្អ ដើម្បីជៀសវាងការខ្វះទឹកនៅចុងរដូវ ដែលអាចបណ្តាលឲ្យត្រូវស្កក និងប៉ះពាល់ទិន្នផល។ទី២.ត្រូវចុះណែនាំបច្ចេកទេសថែទាំ បំប៉នជី និងត្រួតពិនិត្យសមាសភាពចង្រៃនៅក្នុងស្រែ ដើម្បីចាត់វិធានការ កម្ចាត់ទាន់ពេលវេលា និងមានប្រសិទ្ធភាព ក្នុងករណីមានការរាតត្បាតដោយសត្វចង្រៃ និងជំងឺ។ទី៣.ត្រូវចុះពិនិត្យតំបន់ដាំដុះស្រូវបង្កើនរដូវ ដែលអាចនឹងប្រមូលផលរួច ព្រមទាំងពិនិត្យមើលស្ថានភាពទឹក ដើម្បីឈានទៅរកការចាប់ផ្តើមការដាំដុះជាលើកទី០២។ទី៤.ត្រូវចុះវាយតម្លៃឲ្យបានច្បាស់លាស់អំពីស្ថានភាពទឹក រួមមានប្រភពទឹក និងលទ្ធភាពដែលអាចផ្គត់ផ្គង់ដល់ការដាំដុះស្រូវប្រាំង ហើយកំណត់ទីតាំងផលិតកម្មដែលមានសក្ដានុពល។ទី៥.ត្រូវជូនដំណឹងដល់កសិករអំពីតំបន់ដែលអាចដាំដុះស្រូវប្រាំង ដោយមានប្រភពទឹកគ្រប់គ្រាន់ និងតំបន់ដែលមានហានិភ័យខ្ពស់ ដែលអាចប្រឈមនឹងផលិតកម្មស្រូវប្រាំង ដើម្បីមានវិធានការជាមុន និងណែនាំឲ្យកសិករដាំដុះ មុខដំណាំដែលត្រូវការទឹកតិច នៅតំបន់ដែលមានលក្ខណៈសមស្រប។ទី៦.ត្រូវណែនាំកសិករឲ្យត្រៀមឧបករណ៍ សម្ភារៈ និងគ្រាប់ពូជស្រូវរយៈពេលខ្លីដែលមានគុណភាពល្អ និងផ្តល់ការណែនាំបច្ចេកទេសសមស្របសម្រាប់ផលិតកម្មស្រូវប្រាំង។ទី៧.ត្រូវជំរុញការដាំដុះស្រូវប្រដេញទឹកតាមមាត់បឹង និងទន្លេដែលមានប្រភពទឹកគ្រប់គ្រាន់ ដោយកសិករចាប់ផ្តើមដាំដុះឲ្យបានលឿន ដើម្បីបង្ការកង្វះទឹកចុងរដូវ។ទី៨.ដោយសារឆ្នាំនេះ កម្ពស់ទឹកបឹងមានកម្រិតទាប ហើយទឹកភ្លៀងតិចមិនអាចលិចដីស្រែ ជាហេតុនាំឲ្យសត្វកណ្តុរ និងសត្វល្អិតកើតឡើងច្រើន អាចបង្កបញ្ហាដល់ផលិតកម្មដំណាំស្រូវប្រាំង។ ដូច្នេះត្រូវអប់រំកសិករអំពីការគ្រប់គ្រងកត្កាចង្រៃទាំងនោះ និងត្រៀមលក្ខណៈអន្តរាគមន៍ឲ្យទាន់ពេលវេលា និងមានប្រសិទ្ធភាព។និងទី៩. ត្រូវជំរុញដល់អ្នកប្រមូលទិញស្រូវ រោងម៉ាស៊ីនក៏ដូចជាអ្នកនាំចេញអង្ក ក្នុងការត្រៀមលក្ខណៈដូចជា ៖ ថវិកា មធ្យោបាយដឹកជញ្ជូន ឡសម្ងួត និងឃ្លាំស្តុកស្រូវ សម្រាប់ប្រមូលទិញអស់លទ្ធភាព ដើម្បីទប់ស្កាត់ការហូរស្រូវចេញទៅក្រៅប្រទេស៕អត្ថបទ៖ទូច សោភ័ណ

សិស្សបឋមសិក្សាជាង៩០% បានចូលរៀនឡើងវិញក្នុងដំណាក់កាលទី២ អំឡុងវិបត្តិកូវីដ១៩

ភ្នំពេញ ៖ គិតមកទល់ពេលនេះ សិស្សបឋមសិក្សាទូទាំងប្រទេសប្រមាណជាង ៩០% ហើយ បានចូលរៀនឡើងវិញ ក្នុងដំណាក់កាលបើកសាលារៀនលើកទី២ ដែលបានចាប់ផ្ដើមបានរយៈពេលជាង១ខែមកនេះ។ នេះជាការលើកឡើងរបស់ ឯកឧត្តម រស់ សុវាចា អ្នកនាំពាក្យក្រសួងអប់រំ។សម្រាប់ការបើកសាលារៀនជាថ្មីក្នុងដំណាក់កាលទី២ ដែលបានចាប់ផ្ដើមតាំងពីថ្ងៃទី ៧ កញ្ញា មកដល់បច្ចុប្បន្ន ក្រៅពីសិស្សថ្នាក់ទី ៩ និងសិស្សថ្នាក់ទី ១២ ដែលបានចូលរៀនពេញផ្ទៃប្រទេសនោះ សិស្សក្នុងថ្នាក់បឋមសិក្សាប្រមាណជាង ៩០% បានចូលរៀនជាថ្មីវិញផងដែរ។ នេះជាការបញ្ជាក់របស់ ឯកឧត្តម រស់ សុវាចា អ្នកនាំពាក្យក្រសួងអប់រំ។ឯកឧត្តម បញ្ជាក់បន្ថែមថា សិស្សថ្នាក់បឋមសិក្សានាពេលបច្ចុប្បន្ននេះ គឺពុំសិក្សានៅថ្នាក់រៀនពេញមួយសប្ដាហ៍នោះទេ។ ការសិក្សាអនុវត្តតាមបែបចម្រុះ ដោយសិក្សានៅក្នុងថ្នាក់រៀនខ្លះ និងសិក្សានៅតាមប្រព័ន្ធអនឡាញខ្លះ។ រីឯសិស្សថ្នាក់ទី ៩ និងសិស្សថ្នាក់ទី១២វិញ អាចមកសិក្សានៅថ្នាក់រៀន បានពេញមួយសប្ដាហ៍ ដើម្បីត្រៀមខ្លួនសម្រាប់ការប្រឡងសញ្ញាបត្រ។ស្របពេលកំពុងអនុវត្តការបើកសាលារៀនឡើងវិញក្នុងដំណាក់កាលទី២នេះ ក្រសួងអប់រំរួមជាមួយអន្តរក្រសួងក៏កំពុងបន្តត្រួតពិនិត្យ វាយតម្លៃដំណើរការសិក្សា ដើម្បីឈានទៅការស្នើសុំរាជរដ្ឋាភិបាល ដើម្បីបើកសាលារៀនក្នុងដំណាក់កាលទី៣ ក្នុងកំឡុងខែវិច្ឆិកា ផងដែរ។យ៉ាងណាម៉ិញ ការបើកសាលារៀនឡើងវិញក្នុងដំណាក់កាលទី៣ ក៏តម្រូវឱ្យសាលារៀនត្រូវតែមានលទ្ធភាព គោរពតាមគោលការណ៍ប្រតិបត្តិស្តង់ដារសម្រាប់ដំណើរការសាលារៀនឡើងវិញ ក្នុងបរិបទកូវីដ ១៩ ព្រោះនេះ ជារឿងចាំបាច់ដើម្បីធានាសុវត្ថិភាពសម្រាប់ទាំងសិស្ស និងបុគ្គលិកអប់រំ។ នេះជាការបញ្ជាក់បន្ថែមរបស់ ឯកឧត្តមអ្នកនាំពាក្យ។ការបើកសាលារៀនឡើងវិញ ក្នុងដំណាក់កាលទី២ដែលកំពុងអនុវត្តនេះ គឺអនុញ្ញាតឱ្យសិស្សថ្នាក់ទី ៩និងសិស្សថ្នាក់ទី ១២ នៃសាលារៀនរដ្ឋទូទាំងប្រទេសចូលរៀនឡើងវិញ ដើម្បីត្រៀមខ្លួនប្រឡងសម្រាប់ការប្រឡងសញ្ញាបត្រ។ លើសពីនេះ ក៏អនុញ្ញាតឱ្យសិស្សគ្រប់កម្រិតសិក្សា នៅទីរួមខេត្តចំនួន ៤ ដែលមានហានិភ័យទាប អាចចូលរៀនបានផងដែរ ក្នុងនោះ រួមមាន ទីរួមខេត្តស្ទឹងត្រែង ទីរួមខេត្តរតនគិរី ទីរួមខេត្តមណ្ឌលគិរី និងទីរួមខេត្តក្រចេះ។ រីឯកម្រិតផ្សេងទៀតរបស់សាលារដ្ឋ គឺបើកក្នុងទ្រង់ទ្រាយតូច និងឆ្លាស់វេនគ្នា៕អត្ថបទ៖ គឹមហុក

បណ្ដាញសង្គម

ព័ត៌មានថ្មីៗ

រដ្ឋមន្ត្រីក្រសួងការពារជាតិកម្ពុជា ដឹកនាំគណៈប្រតិភូទៅអូស្ត្រាលីដែលជាធ្វើទស្សនកិច្ចផ្លូវការ និងជាលើកដំបូងក្នុងប្រវត្តិសាស្ត្រ

ប្រទេសអឺរ៉ុបចំនួនប្រាំស្វែងរកកិច្ចព្រមព្រៀងដើម្បីបញ្ជូនជនអន្តោប្រវេសន៍ចេញពីសហភាពអឺរ៉ុប

ជនជាតិចិនម្នាក់ត្រូវបានជួយសង្គ្រោះទាំងនៅមានជីវិតពីផ្លូវរូងក្រោមដីវារីអគ្គិសនីនេប៉ាល់ខណៈអ្នកស្លាប់ឡើងដល់ ១.៣៤២នាក់

ទីក្រុងស៊ីដនី របស់អូស្ត្រាលីញាំញីដោយរលកកម្ដៅខ្លាំងក្នុងនិទាឃរដូវ ខណៈប្រឈមនឹងហានិភ័យភ្លើងឆេះព្រៃធ្ងន់ធ្ងរ

វិមានក្រឹមឡាំង ទាត់ចោលការព្រមានរបស់អ៊ុយក្រែនលើសុវត្ថិភាពដែនអាកាសរុស្ស៊ី

ប្រព័ន្ធផ្សព្វផ្សាយរុស្ស៊ី៖បេសកជនលោក Trump គឺលោក Witkoff និងលោក Kushner បានទៅដល់ទីក្រុងមូស្គូហើយ

មនុស្សជិត៦០ម៉ឺននាក់ ត្រូវបានជម្លៀសដោយសារភ្លៀងធ្លាក់ខ្លាំងពីព្យុះទីហ្វុង Saudel នៅចិនភាគខាងកើត

ប្រទេសម៉ាឡេស៊ីប្រកាសស្ថានភាពគ្រាអាសន្ននៅរដ្ឋសារ៉ាវ៉ាក់ ខណៈផ្សែងអ័ព្ទពីឥណ្ឌូនេស៊ីកាន់តែធ្ងន់ធ្ងរ

រយៈពេលជាង ៥ខែ កម្ពុជាបណ្តេញជនបរទេសចេញជិត ៣ម៉ឺននាក់ និងជិត ២ពាន់នាក់ទៀតត្រៀមបណ្តេញចេញ ពាក់ព័ន្ធករណី Online Scams និងការប្រព្រឹត្តបទល្មើសផ្សេងៗ

ប្រភព៖ប្រធានាធិបតីចិនសម្លឹងរកការនាំក្រុមគណៈប្រតិភូដ៏ច្រើនអមដំណើរលោកទៅទស្សនកិច្ចអាមេរិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

រដ្ឋមន្ត្រីការបរទេសចិន នឹងអញ្ជើញមកបំពេញទស្សនកិច្ចផ្លូវការនៅកម្ពុជាពីថ្ងៃ១១ដល់ថ្ងៃទី១២ ខែតុលាខាងមុខនេះ

អាជ្ញាធរ បានប្រមូលសំរាមចេញពីក្រុងភ្នំពេញប្រមាណពីរពាន់តោន ក្នុងមួយថ្ងៃ ខណៈកម្មករស៊ិនទ្រីបន្តធ្វើកូដកម្ម

លោកត្រាំ ចង់រៀបចំពិធីជួបជុំជាមួយក្រុមអ្នកគាំទ្រនៅរដ្ឋផ្ល័ររីដា នាថ្ងៃសៅរ៍នេះ

អង្គការក្រៅរដ្ឋាភិបាល ផ្តល់ការធ្វើតេស្តរកជំងឺ COVID-19ដោយឥតគិតថ្លៃ នៅក្នុងតំបន់និគមន៍ដ្ឋានប្រេស៊ីល

គ.ជ.ប នឹងដកបេក្ខភាពភ្នាក់ងារបក្សនយោបាយអង្កេតការណ៍ ប្រសិនបន្តសួរព័ត៌មានលម្អិតពីពលរដ្ឋ ហួសតួនាទី

ព្យុះទីហ្វុង Chan-hom កំពុងធ្វើដំណើរឆ្ពោះមកកាន់តំបន់ឆ្នេរសមុទ្រភាគខាងត្បូងប្រទេសជប៉ុន

រុស្ស៊ី ត្រៀមខ្លួនសម្រុះសម្រួលជម្លោះរវាងអាមេនី និងអាស៊ែបៃហ្សង់ នៅតំបន់ណាហ្ក័រណូ-ការ៉ាបាក់

អភិបាលខេត្តមណ្ឌលគិរី ជំរុញអាជ្ញាធរមូលដ្ឋាន និងជំនាញពាក់ព័ន្ធទប់ស្កាត់បទល្មើសធនធានធម្មជាតិ

ក្រសួងកសិកម្ម ដាក់ចេញវិធាន៩ចំណុច ដើម្បីធានាសន្តិសុខស្បៀង និងការនាំចេញស្រូវអង្ករទៅបរទេស

សិស្សបឋមសិក្សាជាង៩០% បានចូលរៀនឡើងវិញក្នុងដំណាក់កាលទី២ អំឡុងវិបត្តិកូវីដ១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

លោក​ត្រាំ ចង់​រៀបចំ​ពិធី​ជួបជុំ​ជាមួយ​ក្រុម​អ្នកគាំទ្រ​នៅ​រដ្ឋ​ផ្ល័​រ​រី​ដា នា​ថ្ងៃ​សៅរ៍​នេះ​

ព្យុះ​ទី​ហ្វុ​ង Chan-hom កំពុងធ្វើដំណើរ​ឆ្ពោះ​មកកាន់​តំបន់​ឆ្នេរ​សមុទ្រ​ភាគខាងត្បូង​ប្រទេស​ជប៉ុន​

អភិបាលខេត្ត​មណ្ឌលគិរី​ ជំរុញ​អាជ្ញាធរ​មូលដ្ឋាន​ និង​ជំនាញ​ពាក់ព័ន្ធ​ទប់ស្កាត់​បទល្មើស​ធនធាន​ធម្មជាតិ​

ក្រសួងកសិកម្ម​ ដាក់​ចេញ​វិធាន​៩​ចំណុច ​ដើម្បី​ធានា​សន្តិសុខ​ស្បៀង និង​ការនាំចេញ​ស្រូវ​អង្ករ​ទៅ​បរទេស

សិស្ស​បឋមសិក្សា​ជាង​៩០% បាន​ចូលរៀន​ឡើងវិញ​ក្នុង​ដំណាក់កាល​ទី​២ ​អំឡុង​វិបត្តិ​កូ​វីដ​១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

លោកត្រាំ ចង់រៀបចំពិធីជួបជុំជាមួយក្រុមអ្នកគាំទ្រនៅរដ្ឋផ្ល័ររីដា នាថ្ងៃសៅរ៍នេះ

ព្យុះទីហ្វុង Chan-hom កំពុងធ្វើដំណើរឆ្ពោះមកកាន់តំបន់ឆ្នេរសមុទ្រភាគខាងត្បូងប្រទេសជប៉ុន

អភិបាលខេត្តមណ្ឌលគិរី ជំរុញអាជ្ញាធរមូលដ្ឋាន និងជំនាញពាក់ព័ន្ធទប់ស្កាត់បទល្មើសធនធានធម្មជាតិ

ក្រសួងកសិកម្ម ដាក់ចេញវិធាន៩ចំណុច ដើម្បីធានាសន្តិសុខស្បៀង និងការនាំចេញស្រូវអង្ករទៅបរទេស

សិស្សបឋមសិក្សាជាង៩០% បានចូលរៀនឡើងវិញក្នុងដំណាក់កាលទី២ អំឡុងវិបត្តិកូវីដ១៩