BTV NEWS

សម្តេចតេជោ ហ៊ុន សែន ជួបពិភាក្សាការងារតាមប្រព័ន្ធវីដេអូជាមួយប្រធានរដ្ឋសភា អាស៊ែបៃហ្សង់

គណៈប្រតិភូនៃសន្និសីទប្រធានសភានៃអន្តរសភា វាយតម្លៃខ្ពស់ចំពោះជោគជ័យនៃ «សន្និសីទប្រធានសភានៃអន្តរសភា លើកទី២» នៅកម្ពុជា

ប្រធានរដ្ឋសភាម៉ាឡេស៊ី ប្ដេជ្ញាបន្តលើកកម្ពស់កិច្ចសហប្រតិបត្តិការទ្វេភាគីជាមួយកម្ពុជាឱ្យកាន់តែរីកចម្រើន និងរឹងមាំ

ព្រីតថេន នឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

ក្រោមម្លប់សន្តិភាព ពលរដ្ឋរស់នៅស្រុកលើកដែក ខេត្តកណ្តាល រស់នៅមានក្តីសុខ និងជីវភាពធូរធារ

កណ្ដាល៖ ប្រពលរដ្ឋរស់នៅស្រុកលើកដែក ខេត្តកណ្តាល បានអះអាងថា ក្រោមម្លប់សន្តិភាព អ្នករស់នៅក្នុងស្រុកនេះ មានជីវភាពធូរធារជាងមុន និងរស់នៅមានសេចក្តីសុខ មិនដូចសម័យសង្គ្រាមនោះទេ។សមិទ្ធផលសន្តិភាពដែលមាននៅសព្វថ្ងៃ បានធ្វើអោយប្រជាពលរដ្ឋរស់នៅស្រុកលើកដែក ខេត្តកណ្តាល មានសេចក្តីសុខ និងមានជីវភាពធូរធារជាងមុន។ ពួកគាត់ថា ក្រោមការដឹកនាំរបស់សម្តេចតេជោ ហ៊ុន សែន នាយរដ្ឋមន្ត្រីកម្ពុជា បច្ចុប្បន្នប្រទេសជាតិមានសុខសន្តិភាពពេញបរិបូរណ៍ ប្រជាពលរដ្ឋអាចដើរហើរបានគ្រប់ទីកន្លែង មិនដូចសម័យសង្គ្រាមនោះទេ។ក្រៅពីនេះ ពួកគាត់បានកោតសរសើរចំពោះ ក្រុមការងាររបស់គណបក្សប្រជាជនកម្ពុជា ដែលមានឯកឧត្ដម ហេង រតនា ប្រធានក្រុមការងាររាជរដ្ឋាភិបាលចុះមូលដ្ឋាន ស្រុកលើកដែក និងថ្នាក់ដឹកនាំជាច្រើនរូបទៀត ដែលតែងតែបានចុះជួបសួរសុខទុក្ខប្រជាពលរដ្ឋ កសាងផ្លូវ សាលារៀន វត្តអារាម និងឧបត្ថម្ភថវិកាជាដើម។ជាមួយគ្នានេះ ឯកឧត្ដម ហេង រតនាប្រធានក្រុមការងាររាជរដ្ឋាភិបាល ចុះមូលដ្ឋានស្រុកលើកដែក បានប្រាប់BTV ក្រោយបញ្ចាប់កិច្ចប្រជុំបូកសរុបលទ្ឋផលការងារ០៩ខែឆ្នាំនេះ និងលើកទិសដៅបន្ត នាថ្ងៃទី០៨ខែតុលានេះថា ក្រោមការដឹកនាំរបស់សម្តេចតេជោហ៊ុន សែននាយរដ្ឋមន្ត្រីកម្ពុជា តែងតែគិតគូរដល់សុខទុក្ខប្រជាពលរដ្ឋគ្រប់កាលៈទេសៈមិនខ្លាចនឿយហត់នោះ។លើសពីនេះ ឯកឧត្តមបានបង្ហាញសម្មតិផលជាច្រើន ដែលក្រុមការងាររាជរដ្ឋាភិបាលចុះមូលដ្ឋានស្រុកលើកដែល ក្រោមការចង្អុបង្ហាញពីប្រមុខរាជរដ្ឋាភិបាល សម្រេចបានលទ្ឋផលជាច្រើនរួមមាន៖កសាងផ្លូវបេតុងក្នុងមូលដ្ឋានជាច្រើនខ្សែរ ស្តារព្រែកប្រឡាយជូនប្រជាពលរដ្ឋ ដាក់បង្គោលសូឡានៅតាមដងផ្លូវ និងដោះស្រាយរាល់បញ្ហារបស់ប្រជាពលរដ្ឋជាដើម។គួរបញ្ជាក់ដែរថា ក្រោមការដឹកនាំរបស់សម្តេចតេជោហ៊ុន សែននាយរដ្ឋមន្ត្រីកម្ពុជា បានរំដោះប្រទេសជាតិពីភ្នក់ភ្លើងសង្គ្រាម រហូតបច្ចុប្បន្ន មានការអភិវឌ្ឍន៍រីកចំរើនគ្រប់វិស័យ និងជាពិសេសប្រជាពលរដ្ឋរស់នៅក្នុងភាពសុខសាន្ត ដោយសារប្រទេសជាតិមានសុខសន្តិភាពពេញបរិបូរណ៍៕អត្ថបទ៖ ទូច សោភ័ណ

ឯកឧត្ដម លេង ផាលី៖ អំពាវនាវពលរដ្ឋរស់នៅស្រុកសណ្ដាន់ ចុះឈ្មោះបោះឆ្នោតរួចហើយ សូមពិនិត្យមើលឈ្មោះបោះឆ្នោត

ភ្នំពេញ៖ ឯកឧត្ដម លេង ផាលី រដ្ឋលេខាធិការក្រសួងផែនការ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកសណ្តាន់ ខេត្តកំពង់ធំ បានអំពាវនាវពលរដ្ឋរស់នៅឃុំមានរិទ្ធ ស្រុកសណ្ដាន់ បានចុះឈ្មោះបោះឆ្នោតរួចហើយ សូមពិនិត្យមើលឈ្មោះបោះឆ្នោត។ការថ្លែងរបស់ឯកឧត្តម លេង ផាលី យ៉ាងដូច្នេះ ក្នុងឱកាសបើកវេទិកាសាធារណៈ ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងការអនុវត្តយុទ្ធសាស្ត្រចតុកោណ ដំណាក់កាលទី៤ របស់រាជរដ្ឋាភិបាលកម្ពុជា និងជំរុញសកម្មភាពកំណត់អត្តសញ្ញាណកម្មគ្រួសារក្រីក្រក្នុងអំឡុងពេលនៃការរីករាលដាលជំងឺកូវីដ–១៩ នៅឃុំមានរិទ្ធ ស្រុកសណ្តាន់ ខេត្តកំពង់ធំ ព្រឹកថ្ងៃទី០៨ តុលា ២០២០នេះ ដោយមានការចូលរួមពីឯកឧត្តម ពាង ផារ័ត្ន ឯកឧត្តម គិន ប៊ុនលី និងឯកឧត្តម សាន វណ្ណនេត លោកជំទាវ អស់លោក អ្នកស្រីជាប្រធាន អនុប្រធាន សមាជិកក្រុមការងារថ្នាក់ជាតិចុះមូលដ្ឋានស្រុក អាជ្ញាធរឃុំទាំង០៩ តំណាងមន្ទីរ កងកម្លាំងប្រដាប់អាវុធ ប្រមាណ៥៩នាក់។មានប្រសាសន៍ក្នុងពិធីបើកវេទិកា ឯកឧត្តម លេង ផាលី បានបញ្ជាក់ថា ប្រជាពលរដ្ឋទាំងអស់ ដែលគ្រប់អាយុ អញ្ជើញទៅចុះឈ្មោះបោះឆ្នោតចាប់ពីថ្ងៃទី០១ តុលា រហូតដល់ថ្ងៃទី១៩ តុលា ២០២០ និងពិនិត្យមើលបញ្ជីឈ្មោះបោះឆ្នោត នៅការិយាល័យចុះឈ្មោះបោះឆ្នោត តាម ឃុំ សង្កាត់ របស់ខ្លួនរៀងៗខ្លួន ឱ្យបានគ្រប់គ្នា ដើម្បីធានាដល់សិទ្ធិ ក្នុងការបោះឆ្នោត ក្នុងនាមជាប្រជាពលរដ្ឋល្អ នៅក្នុងសង្គម។ព្រោះថា ការចុះឈ្មោះបោះឆ្នោត និងទៅពិនិត្យបញ្ជីឈ្មោះបោះឆ្នោត នៅពេលនេះវាពិតជាមាន សារៈសំខាន់ណាស់ ព្រោះនៅក្នុងសង្គមប្រកាន់លទ្ធិប្រជាធិបតេយ្យ ប្រជាពលរដ្ឋជាម្ចាស់ប្រទេសជាម្ចាស់សិទ្ធិអំណាចជាអ្នកបោះឆ្នោត ជ្រើសរើស អ្នកដឹកនាំ ប្រទេសតាមការពេញចិត្ត និងសំដែងនូវឆន្ទៈរបស់ខ្លួន។ ជាការពិត វីរុសកូវីដ–១៩ គឺជាជំងឺដ៏កាចសាហាវ ក្នុងប្រវត្តិសាស្ត្រថ្មីៗរបស់មនុស្សជាតិ។ មកដល់ពេលនេះ មានមនុស្សជាច្រើនលាននាក់ ហើយនៅលើពិភពលោកទាំងមូលបានឆ្លងជំងឺកូវីដ១៩នេះ។នេះគឺជាសោកនាដកម្មដ៏អាក្រក់មួយ ដែលយើងគ្រប់គ្នាមិនចង់ជួប និងមិនចង់ឃើញកើតឡើងនោះទេ។ បច្ចុប្បន្ន ពិភពលោកនៅមិនទាន់រកឃើញនូវថ្នាំ និងវ៉ាក់សាំងសម្រាប់ព្យាបាល និងការពារជំងឺកូវីដ–១៩ នេះនៅឡើយទេ។សម្រាប់កម្ពុជា ទោះបីជាយើងអាចគ្រប់គ្រងសភាពការណ៍បានល្អប្រសើរ ក្នុងការទប់ស្កាត់ការឆ្លងក្នុងប្រទេស និងការនាំចូលជំងឺពីក្រៅប្រទេស តាមរយៈការដាក់ចេញនូវវិធានការម៉ត់ចត់ និងតឹងរ៉ឹង របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានគណៈកម្មការជាតិដើម្បីប្រយុទ្ធនឹងជំងឺកូវីដ–១៩ ទទួលបានលទ្ធផលល្អប្រសើរគួរជាទីមោទនៈ ដែលត្រូវបានទទួលស្គាល់ដោយអង្គការសុខភាពពិភពលោក (WHO) ថា ជាប្រទេសមួយក្នុងចំណោមប្រទេសមួយចំនួនតូច ដែលអាចគ្រប់គ្រងជំងឺកូវីដ–១៩ បានល្អប្រសើរ រហូតមកដល់ពេលនេះមិនទាន់មានការចម្លងចូលក្នុងសហគមន៍នៅឡើយទេ។ បន្ទាប់មក លោក អភិបាលស្រុកសណ្តាន់ ឲ្យដឹងថា ពាក់ព័ន្ធនឹងជំងឺកូវីដ១៩ នៅក្នុងតំបន់នេះទាំងមូល ប្អូនៗបងៗពលករ ដែលធ្វើការងារនៅប្រទេសថៃ បានត្រឡប់មកកាន់ស្រុកកំណើតវិញមានចំនួន២៨៩នាក់ ពេលពួកគាត់មកដល់ស្រុកកំណើតវិញ យើងបានឲ្យគាត់ធ្វើចត្តាឡីស័ក នៅមណ្ឌលសុខភាពមានជ័យ មុននឹងអាជ្ញាធរស្រុក បញ្ជូនគាត់មកកាន់លំនៅដ្ឋានវិញ។ទន្ទឹមនឹងនោះចំពោះការអប់រំ ផ្សព្វផ្សាយ អាជ្ញាធរបានចុះតាមលំនៅដ្ឋានរបស់បងប្អូន នៅតាមខ្នងផ្ទះទាំងមូល អំពីវិធានការទប់ស្កាត់ជំងឺកូវីដ១៩នេះ។ ក៏សូមអរគុណដល់ឯកឧត្តម លេង ផាលី ប្រធានក្រុមការងាររាជរដ្ឋាភិបាលចុះមូលដ្ឋានស្រុកសណ្តាន់ និងឯកឧត្តម លោកជំទាវ ដែលបានឧបត្ថម្ភម៉ាស់ អាល់កុល ថ្នាំពេទ្យ ដោយអាជ្ញាធរថ្នាក់ស្រុកយកទៅប្រើប្រាស់នៅកម្រិតមូលដ្ឋាន។ ទន្ទឹមនឹងនោះ ឯកឧត្តម លេង ផាលី បានជូនវេទិកាទៅអ្នកចូលរួមឱ្យឡើងមានយោបល់ ឬលើកជាសំណូមពរ។ក្នុងនោះមានការលើកឡើងពីសំណើរបស់ប្រជាពលរដ្ឋ បានសុំដីសង់ផ្ទះរស់នៅ សុំជួសជុលផ្លូវលំចំនួន០៥គីឡូម៉ែត្រ សុំឲ្យមានភ្លើងរដ្ឋប្រើប្រាស់ក្នុងភូមិ និងសុំធ្វើអត្តសញ្ញាណប័ណ្ឌថ្មី។ មុននឹងឆ្លើយតបដោះស្រាយជូនប្រជាជន ឯកឧត្តមបានស្នើ លោកអភិបាលស្រុក ប្រធានក្រុមការងារឃុំ នាយករដ្ឋបាលស្រុក និងតំណាងការិយាល័យជំនាញឡើងឆ្លើយបំភ្លឺជាបន្តបន្ទាប់។ បន្ទាប់ពីបានស្តាប់ការបកស្រាយរួចមក ឯកឧត្តម លេង ផាលី បានដោះស្រាយនូវបញ្ហាចំពោះរបស់ប្រជាពលរដ្ឋ ជោគជ័យទាំងស្រុង។ជាមួយគ្នានោះដែរប្រជាពលរដ្ឋ០២រូប ក្នុងចំណោមប្រជាពលរដ្ឋ៤០រូប ដែលចូលរួមក្នុងវេទិកាសាធារណៈ ទទួលបានការដោះស្រាយពីក្រុមការងារភ្លាមៗ ទិញដី និងសង់ផ្ទះជូន និងពលរដ្ឋ ទទួលបានការពិនិត្យព្យាបាលនិងថ្នាំពេទ្យ បង្ហាញចំណាប់អារម្មណ៍របស់ខ្លួនថា។ជាចុងក្រោយ ឯកឧត្តម លេង ផាលី រួមនឹងក្រុមការងារបានចែកអំណោយជូនប្រជាពលរដ្ឋក្រីក្រនៅឃុំមានរិទ្ធ ចំនួន៤០គ្រួសារ ក្នុងមួយគ្រួសារទទួលបានអង្ករសែនក្រអូប១០០%, ១ការ៉ុង, មី១កេស, ទឹកស៊ីអ៊ីវ ១យួរ, ទឹកត្រី១យួរ, ប៊ីចេង ១កញ្ចប់, សាប៊ូ២ដុំ, ពូជសំរាប់ដាំដំណាំចំនួន៥មុខ (ត្រឡាច,ត្រសក់ស្រូវ, ននោង, ស្ពៃ និង ល្ហុង) ថវិកាចំនួន២ម៉ឺនរៀល ចែកថ្នាំពេទ្យផ្នែកជំងឺផ្លូវចិត្តចំនួន១៥០នាក់ សរុបថវិកាអស់ចំនួន៣០លានរៀល។ តមកក្រុមការងារបានចុះត្រួតពិនិត្យការជួសជុលផ្លូវលំប្រវែង២៣គីឡូម៉ែត្រ ពីឃុំទំរីង មកឃុំសុចិត្រ តាមសំណូមពរពីប្រជាពលរដ្ឋនិងអាជ្ញាធរមូលដ្ឋាន សរុបថវិកាបណ្តោះអាសន្នអស់ចំនួន២៦លានរៀល៕ អត្ថបទ៖ រដ្ឋា

បច្ចុប្បន្ន ACU កំពុងដំណើរការរឿងក្តីពុករលួយមួយចំនួន ដែលជាប់ពាក់ព័ន្ធទំហំថវិការាប់លានដុល្លារ

ភ្នំពេញ៖ នៅថ្ងៃទី០៨ ខែតុលានេះ ឯកឧត្តម ទេសរដ្ឋមន្ត្រី ឱម យិនទៀង ប្រធានអង្គភាពប្រឆាំងអំពុករលួយACU និងអង្គភាពចំនួន១៩ស្ថាប័នរដ្ឋផ្សេងទៀត បានបើកសិក្ខាសាលា ស្តីពី ការគ្រប់គ្រង ការចាត់ចែងនិងការរឹបអូសផលនៃបទល្មើស។ ថ្លែងបើកអង្គការសិក្ខាសាលា ឯកឧត្តមទេសរដ្ឋមន្ត្រី ឱម យិនទៀង ថា គ្រប់សំណុំរឿងពាក់ព័ន្ធពុករលួយ ភាគច្រើនគឺបានចាត់ការបញ្ជូនតុលាការលឿន ហើយភាគច្រើនគឺមានជាប់ពាក់ព័ន្ធថវិការាប់លានដុល្លារអាមេរិក។ឯកឧត្ដម ទេសរដ្ឋមន្ត្រី ឱម យិនទៀង បានថ្លែងថា ចាប់ពីដើមឆ្នាំ២០២០មកដល់បច្ចុប្បន្ន ករណីបទល្មើសសំអាតប្រាក់ និងហិរញ្ញប្បទានដែលក្រុមនគរបាលបើកប្រតិបត្តិការស៊ើបអង្កេត គឺមានប្រមាណជាង១៤០ករណី ក្នុងសំណុំរឿង នៅក្នុងផ្នែកពុករលួយមានប្រមាណ១០ករណី ហើយគ្រប់សំណុំរឿងទាំងអស់ គឺមានជាប់ពាក់ព័ន្ធនឹងថវិការាប់លានដុល្លារ តែទោះយ៉ាងយ៉ាងណាសម្រាប់ ទំហំថវិកាជាក់ស្តែងដែលបានពីផលនៃបទល្មើស គឺក្រសួងសេដ្ឋកិច្ចនិងហិរញ្ញវត្ថុ ជាអ្នកវាយតំលៃដាក់ចូលថវិការដ្ឋ។ឯកឧត្ដម ទេសរដ្ឋមន្ត្រី ឱម យិនទៀង បន្តថា ទោះយ៉ាងណា នៅក្នុងចំណោមសំណុំរឿងដែលACUទទួល និងបានយកមកដោះស្រាយចំនួនជាង១០០ គឺACUបានចាត់ការលឿន មានភស្តុតាងច្បាស់ និងមិនមានសំណុំរឿងណាធ្វើអោយយើងបរាជ័យនៅក្នុងតុលាការនោះទេ។ឯកឧត្តម បន្តថា ជាក់ស្តែងការរៀបចំសិក្ខាសាលាការគ្រប់គ្រង ការចាត់ចែងនិងការរឹបអូសផលនៃបទល្មើស គឺធ្វើឡើងដើម្បីពង្រឹងសមត្ថភាពជំនាញក្នុងការប្រឆាំងបទល្មើសសំអាតប្រាក់ ហិរញ្ញប្បទានភេវរកម្ម ការកំណត់អត្តសញ្ញាណទ្រព្យសម្បត្តិពាក់ព័ន្ធនឹងបទល្មើស ការចាប់យកការឃាត់ទុក ការបង្កក ការគ្រប់គ្រងចាត់ចែង និងការរឹបអូសផលនៃបទល្មើស ដែលជាអនុសាសន៍ចំណុចទី៨ ចំណោមអនុសាសន៍១៤ចំណុច ដែលអង្គការក្រុមអាស៊ីប៉ាស៊ិភិច APG និងក្រុមការងារហិរញ្ញវត្ថុ FATF ដែលស្ថាប័នដ៏ធំរបស់អន្តរជាតិតម្រូវអោយអនុវត្ត។ឯកឧត្តម ទេសរដ្ឋមន្ត្រី ឱម យិនទៀង បានបញ្ជាក់ថា សម្រាប់បទល្មើសសំអាតប្រាក់ និងហិរញ្ញប្បទានដែលកម្ពុជា ត្រូវចាត់ការបង្ក្រាបអោយខាងតែបាននោះគឺមានដូចជា បទល្មើសឆបោក ព្រៃឈើ សត្វព្រៃ ការជួញដូរមនុស្ស គ្រឿងញៀន អំពើរត់ពន្ធ និងអំពើពុករលួយ និងបទល្មើសពាក់ព័ន្ធនានាជាច្រើនទៀត ស្ថិតក្នុងវិស័យធនាគារ វិស័យផ្ទេរប្រាក់ កាស៊ីណូ និងវិស័យអចលទ្រព្យជាដើម ហើយតាមរយៈការមានចំណាត់ការនេះ បានធ្វើអោយអង្គការ APG វាយតំលៃកម្ពុជាស្ថិតក្នុងពណ៌ប្រផេះឈានទៅរកពណ៌ស ដែលជាចំណុចវិជ្ជមានមួយក្នុងការជម្រុញប្រទេសកម្ពុជា មានសេដ្ឋកិច្ចល្អប្រសើរ៕ អត្ថបទ៖ ស៊ុម សុខជា

សម្តេចតេជោ លើកទឹកចិត្តឱ្យប្រទេសទាំងអស់រៀបចំបញ្ចប់ និងដាក់ជូនរបាយការណ៍រួមចំណែក របស់ជាតិខ្លួន ដើម្បីដោះស្រាយការប្រែប្រួលអាកាសធាតុ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅវេលាម៉ោង ៨យប់ថ្ងៃទី០៧ ខែតុលា ឆ្នាំ២០២០ បានអញ្ជើញចូលរួមព្រឹត្តិការណ៍ថ្នាក់ដឹកនាំ នៃវេទិកាភាពងាយរងគ្រោះនៃអាកាសធាតុ ដែលធ្វើឡើងតាមប្រព័ន្ធវីដេអូនៅវិមានសន្តិភាព។ នៅក្នុងវេទិកាដ៏មានសារៈសំខាន់នោះ សម្តេចបានលើកទឹកចិត្តឱ្យប្រទេសទាំងអស់រៀបចំបញ្ចប់ និងដាក់ជូននូវរបាយការណ៍ រួមចំណែករបស់ជាតិខ្លួន ដើម្បីដោះស្រាយការប្រែប្រួលអាកាសធាតុ។សម្តេចតេជោប្រមុខរាជរដ្ឋាភិបាលកម្ពុជា បានថ្លែងសុន្ទរកថា ដោយគូសបញ្ជាក់ថា៖ឆ្នាំ២០២០នេះ ជាឆ្នាំដ៏លំបាកសម្រាប់ការអភិវឌ្ឍសេដ្ឋកិច្ចសង្គមដោយសារកូវីដ១៩ ហើយបន្ថែមលើនេះការប្រែប្រួលអាកាសធាតុ ក៏ជាបញ្ហាដ៏គួរឱ្យបារម្ភ។ក្នុងបញ្ហានេះ សម្តេចបញ្ជាក់ថា ទោះបីកម្ពុជាជាប្រទេសតូច ប៉ុន្តែបានបំពេញកាតព្វកិច្ច ប្រកាន់យកការទប់ទល់នឹងការប្រែប្រួលអាកាសធាតុក្នុងគោលនយោបាយអភិវឌ្ឍជាតិ ហើយសម្តេចក៏បាន លើកទឹកចិត្តឱ្យប្រទេសទាំងអស់រៀបចំបញ្ចប់និងដាក់ជូនរបាយការណ៍រួមចំណែក របស់ជាតិខ្លួន ដើម្បីដោះស្រាយការ ប្រែប្រួលអាកាសធាតុប្រកបដោយមហិច្ឆតា ហើយសម្តេចថាកម្ពុជាក៏បានប្រឹងប្រែងចូលរួមយ៉ាងសកម្មផងដែរដើម្បីឆ្លើយតប ទៅនឹងការប្រែប្រួលអាកាសធាតុពិភពលោក។សូមបញ្ជាក់ថាវេទិកាភាពងាយរងគ្រោះនៃអាកាសធាតុនេះ គឺធ្វើឡើងតាមការអញ្ជើញរបស់លោកស្រី សេក្ខ ហាស៊ីណា នាយករដ្ឋមន្ត្រីនៃសាធារណរដ្ឋប្រជាមានិត បង់ក្លាដែស និងជាប្រធានវេទិកាភាពងាយ រងគ្រោះ អាកាសធាតុ។ក្នុងនាមជាវេទិកាពិភពលោកដ៏សំខាន់មួយសម្រាប់កិច្ចសហប្រតិបត្តិការរវាងប្រទេសកំពុងអភិវឌ្ឍន៍ ដែលងាយរងគ្រោះដោយការប្រែប្រួលអាកាសធាតុ ព្រឹត្តិការណ៍ថ្នាក់ដឹកនាំរបស់វេទិកាភាពងាយរងគ្រោះនៃអាកាសធាតុ មានការចូលរួមពីសំណាក់អគ្គលេខាធិការអង្គការសហប្រជាជាតិ ប្រមុខររដ្ឋ និងរដ្ឋាភិបាល ក៏ដូចជាដៃគូសំខាន់ៗផងដែរ។ ព្រឹត្តិការណ៍ថ្នាក់ដឹកនាំនេះ គូសបញ្ជាក់ពីភាពបន្ទាន់នៃការធ្វើសកម្មភាព និងតម្រូវការឲ្យប្រទេសទាំងអស់ ធ្វើបច្ចុប្បន្នភាពអំពីការចូលរួមចំណែករបស់ជាតិក្នុងការអនុវត្តកិច្ចព្រមព្រៀងទីក្រុងប៉ារីស។វេទិកានេះ ក៏សង្កត់ធ្ងន់លើសារៈសំខាន់ចាំបាច់ក្នុងពង្រឹងកិច្ចប្រឹងប្រែងកសាងភាពធន់នឹងអាកាសធាតុ ព្រមគ្នានឹងការការឆ្លើយតបចំពោះការរាតត្បាតនៃជំងឺកូវីដ–១៩ និងការស្ដារឡើងវិញក្រោយពីវិបត្តិនេះ ដើម្បីរក្សាកម្លាំងសន្ទុះនៃការងារពង្រឹងភាពសាំ និងកាត់បន្ថយការខូចខាត និងការបម្លាស់ទីជម្រកបង្កឡើងដោយគ្រោះធម្មជាតិ៕ អត្ថបទ៖ មុត សុទ្ធ

អាល្លឺម៉ង់ រាយការណ៍ការហក់ឡើងខ្ពស់ នូវករណីឆ្លងថ្មីជំងឺ COVID-19

អន្ដរជាតិ៖ អាល្លឺម៉ង់ បានរាយការណ៍ការហាក់ឡើងខ្ពស់ករណីឆ្លងថ្មីជំងឺ COVID-19 ដែលជាសញ្ញាមួយបង្ហាញថា ការរីករាលដាលឆ្លងសកល នឹងកើតឡើងម្តងទៀតនៅក្នុងប្រទេសនេះ។វិទ្យាស្ថាន Robert Koch ដែលជាទីភ្នាក់ងារគ្រប់គ្រងជំងឺជាតិ បានរាយការណ៍ករណីឆ្លងថ្មី ៤.០៥៨នាក់ និងករណីស្លាប់ ១៦នាក់ ក្នុងរយៈពេល ២៤ម៉ោងចុងក្រោយ នៅថ្ងៃព្រហស្បតិ៍នេះ។ករណីឆ្លងថ្មីនេះដែរ បានធ្វើឲ្យករណីឆ្លងនៅអាល្លឺម៉ង់កើនឡើងដល់ ៣១០.១៤៤នាក់ និងករណីស្លាប់ ៩.៥៧៨នាក់។លោកឡូថា វីលឺ គឺជាប្រធានវិទ្យាស្ថាន Robert Koch បាននិយាយថា មាននូវការរីករាលឆ្លងតាមផ្ទះមនុស្សចាស់ មណ្ឌលថែទាំមនុស្សចាស់ និងតាមមន្ទីរពេទ្យ ដែលនេះមានន័យថា នឹងមានអ្នកជំងឺចូលសម្រាកព្យាបាលក្នុងមន្ទីរពេទ្យច្រើនជាងមុន ។លោកបាននិយាយប្រាប់ក្រុមអ្នកសារព័ត៌មានអំឡុងសន្និសីទកាសែតនាថ្ងៃព្រហស្បតិ៍នេះដែរថា មនុស្សវ័យក្មេង បានឆ្លងច្រើនជាងកាលពីប៉ុន្មានខែមុន។ខណៈពេលនោះដែរ ក្រុមអាជ្ញាធរ បានជំរុញពលរដ្ឋមិនឲ្យធ្វើដំណើរចេញពីតំបន់ ឬទៅកាន់តំបន់ដែលមានករណីឆ្លងថ្មី ៥០នាក់។ដោយឡែក រដ្ឋមន្ត្រីក្រសួងសុខាភិបាលអាល្លឺម៉ង់ លោកហ្សង់ ស្ប៉ាញ បានកើតសរសើរផងដែរ ដល់ពលរដ្ឋអាល្លឺម៉ង់ ដែលអាចបន្តគ្រប់គ្រងការីករាលដាលឆ្លងជំងឺដ៏កាចសហាវមួយនេះបាន ៕ អត្ថបទ៖ សារ៉ាត់

ក្រុមសិទ្ធិមនុស្សចោទប្រកាន់រដ្ឋាភិបាលមីយ៉ាន់ម៉ា ថាបានបង្ខាំងជនភាគតិចរ៉ូហ៊ីងយ៉ានៅក្នុងជំរំកខ្វក់

ថៃ៖ នៅថ្ងៃព្រហស្បតិ៍នេះ ក្រុមគាំទ្រសិទ្ធិមនុស្សអន្តរជាតិ បានចោទប្រកាន់សហភាពមីយ៉ាន់ម៉ា ថាបានឃាត់ខ្លួនសមាជិកជនជាតិភាគតិចរ៉ូហ៊ីងយ៉ា ១៣ម៉ឺននាក់ នៅក្នុងជំរំភៀសខ្លួនកខ្វក់ ហើយសហគមន៍អន្តរជាតិ គួរតែដាក់សំពាធមកលើរដ្ឋាភិបាលលោកស្រី អ៊ុងសាន ស៊ូជី ឲ្យស្តាឡើងវិញនូវសេរីភាព និងសេចក្តីថ្លែថ្នូ របស់ជនមូល្លីមភាគតិចមួយនេះ។នៅក្នុងរបាយការណ៍ចំនួន ១៦៩ទំព័រ ក្រុមឃ្លាំមើលសិទ្ធិមនុស្ស បាននិយាយថា ស្ថានភាពអមនុស្សធម៌ នៅក្នុងជំរំជនភៀសខ្លួនដែលមានការរឹតត្បិតខ្លាំង ២៤កន្លែង និងតំបន់សហគមន៍បិទសិទ្ធិ នៅរដ្ឋភាគខាងលិចរ៉ាឃីន បានគំរាមកំហែងដល់សិទ្ធិរស់រាន និងសិទ្ធិដទៃទៀតរបស់ជនភាគតិចរ៉ូហ៊ីងយ៉ា ដែលបានប្រឈមនឹងការរើសអើងជាតិសាសន៍ជាយូរមកហើយ។របាយការណ៍ដែលមានឈ្មោះថា “គុកឥតជញ្ជាំងដោយគ្មានទីបញ្ចប់” បានសរសេររៀបរាប់ពីការរឹតត្បឹតខ្លាំងលើការរស់នៅប្រចាំថ្ងៃ ការធ្វើដំណើរ ការអប់រំ ការថែទាំងសុខភាព ទីជម្រក និងចំណីអាហារមិនគ្រប់គ្រាន់។ដោយសារតែការរឹតត្បិតទាំងអស់នេះ បានធ្វើឲ្យអ្នករស់នៅក្នុងជំរំ ប្រឈមនឹងអត្រាខ្ពស់នៃកង្វះអាហារូបត្ថម្ភ ជំងឺអាសន្នរោគ ហើយអត្រាមរណភាពមាតា និងទារក ខ្ពស់ជាងតំបន់ជិតខាងក្នុងរដ្ឋរ៉ាឃីន។សូមបញ្ជាក់ថា ជំរំជនភៀសខ្លួនទាំងអស់នេះ ត្រូវបានកសាងឡើងសម្រាប់ជនភាគតិចរ៉ូហ៊ីងយ៉ាដែលបានរត់គេចចេញពីអំពើហិង្សាកាលពីឆ្នាំ ២០១២ រវាងជនមូស្លីម និងពុទ្ធសាសនិកនៅរដ្ឋរ៉ាឃីន ៕ អត្ថបទ៖ សារ៉ាត់

មន្ត្រីជំនាញ បញ្ជាក់ថា ប្រាង្គប្រាសាទក្នុងតំបន់អង្គរ មិនប្រឈមនឹងបញ្ហាខ្វះទឹក សម្រាប់ទ្រទ្រង់ប្រាសាទ នោះទេ

សៀមរាប ៖ មន្ដ្រីជំនាញនៃអាជ្ញាធរជាតិអប្សរា បាននឹងកំពុងនឹងមមាញឹកក្នុងការបង្វែរទឹកចេញពីតំបន់អង្គរ ទៅតាមបណ្ដោយផ្លូវទឹកបុរាណនានា ឆ្ពោះទៅកាន់ស្ទឹងស្រុកពួក និងស្ទឹងស្រុកប្រាសាទបាគង ដើម្បីបង្ហូរទៅក្នុងបឹងទន្លេសាប ខណៈដែលក្នុងតំបន់អង្គរបានបង្ហូរចូលគ្រប់គ្រាន់។លោក ភឿន សុឃីម អនុប្រធាននាយកដ្ឋានគ្រប់គ្រងទឹកនៃអាជ្ញាធរជាតិអប្សរា បានឱ្យដឹងកាលពីថ្ងៃទី០៧ ខែតុលាថា ស្ថានភាពទឹកភ្លៀងនៅរដូវវស្សាឆ្នាំនេះធ្លាក់យឺតជាងឆ្នាំមុន ប៉ុន្តែបរិមាណទឹកច្រើនជាងឆ្នាំមុន ដោយសារមានទឹកភ្លៀងហូរធ្លាក់ពីតំបន់ខាងជើងនៃបឹងទន្លេសាប ជាពិសេសធ្លាក់លើភ្នំគូលេន។ លោក បន្ដថា មន្ត្រីជំនាញគ្រប់គ្រងទឹកនៃអាជ្ញាធរជាតិអប្សរាបានចាត់ចែង និងប្រមូលទឹកភ្លៀងទាំងនោះតាមប្រព័ន្ធផ្លូវទឹកបុរាណ ដើម្បីបញ្ជូនទឹកទៅរក្សាទុកក្នុងក្នុងឧទ្យានអង្គរ រួមមានបារាយណ៍ខាងជើង បារាយណ៍លលៃ កសិន្ធុអង្គរវត្ត កសិន្ធុក្រុងអង្គរធំ បារាយណ៍ខាងលិច កសិន្ធុប្រាសាទចៅស្រីវិបុល និងអាងស្តុកផ្សេងៗទៀតស្ទើរគ្រប់តម្រូវការហើយ។លោក បន្ថែមថា នៅពេលដែលពេលទឹកបញ្ចូលគ្រប់គ្រាន់តាមត្រូវការក្នុងតំបន់អង្គរហើយនោះ មន្ត្រីជំនាញបាននឹងកំពុងបញ្ចៀសទឹកតាមប្រព័ន្ធផ្លូវទឹកបុរាណផ្សេងៗ ដើម្បីទម្លាក់ទៅបឹងទន្លេសាបតាមស្ទឹងពួក ស្ទឹងព្រះស្រុក និងស្ទឹងសៀមរាប ស្ទឹងនៅស្រុកប្រាសាទបាគង ដើម្បីកុំមានផលប៉ះពាល់លិចក្រុងសៀមរាប ខណៈដែលស្ថានភាពទឹកធំដូចកាលពីឆ្នាំ២០១១ ក៏ដោយ។លោក ភឿន សុឃីម បានបញ្ជាក់ថា តាំងពីអាជ្ញាធរជាតិអប្សរាបានស្តារប្រព័ន្ធផ្លូវទឹក បុរាណចាប់តាំងពីឆ្នាំ២០១២មក តំបន់អង្គរ និងក្រុងសៀមរាបមិនដែលលិចលង់ដោយ សារទឹកជំនន់នោះទេ ដែលនេះ បង្ហាញថា ប្រព័ន្ធផ្លូវទឹកបុរាណពិតជាមានប្រសិទ្ធភាពបញ្ចៀសទឹកជំនន់ចេញពីក្រុងសៀមរាបបានល្អណាស់។ លោក បានបន្ថែមថា ការបញ្ចូលទឹកនៅក្នុងតំបន់អង្គរបណ្ដោះអាសន្ននេះជិតគ្រប់តម្រូវការ ប៉ុន្ដែបើសិនទឹកស្រកខុសពីបរិមាណតម្រូវការទៅវិញនឹងមានការបញ្ចូលបន្ថែមទៀតនៅខែខាងមុខទៀត។លោក បានបន្តថា សម្រាប់ស្ថានភាពទឹកនៅរដូវវស្សាឆ្នាំនេះ មានផលល្អដោយមន្ដ្រីជំនាញ ក៏ដូចជាអាជ្ញាធរជាតិអប្សរាមិនព្រួយបារម្ភពីកង្វះទឹកនៅក្នុងតំបន់អង្គរនោះទេ។ មន្ដ្រីជំនាញរូបនោះ បានបន្ដថា នៅក្នុងតំបន់អង្គរដែលមានត្រូវការទឹកដល់ទៅជាង១រយលានម៉ែត្រគុប សម្រាប់ទ្រទ្រង់ប្រាសាទ និងការងារអភិរក្សនៅរដូវប្រាំង៕អត្ថបទ ៖ ឈិត សាវី

សម្តេចតេជោ បញ្ជាឱ្យអាជ្ញាធរខេត្តទាំងអស់ត្រៀមដោះស្រាយឆ្លើយតបគ្រោះជំនន់ទឹកភ្លៀង

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានដាក់បញ្ជាទៅកាន់អភិបាលខេត្តទាំងអស់ ជាពិសេសខេត្តបាត់ដំបង ត្រូវត្រៀមដោះស្រាយឆ្លើយតបនឹងគ្រោះធម្មជាតិជំនន់ទឹកភ្លៀង ខណៈដែលប្រទេសកម្ពុជា បាននឹងកំពុងរងឥទ្ធិពលបម្រែបម្រួលអាកាសធាតុ។ខណៈពេលដឹកនាំកិច្ចប្រជុំគណៈរដ្ឋមន្ត្រី នៅព្រឹកថ្ងៃថ្ងៃទី០៩ ខែតុលា នេះ សម្តេចតេជោ ហ៊ុន សែន នាយករដ្ឋមន្ត្រី បានដាក់បញ្ជាឱ្យអភិបាលខេត្តទាំងអស់ ពិសេសខេត្តបាត់ដំបង ត្រៀមគ្រប់លក្ខណៈ ឱ្យបានល្អប្រសើរ ដើម្បីជួយដល់ប្រជាពលរដ្ឋ ខណៈខេត្តបាត់ដំបង និងខេត្តមួយចំនួនទៀត កំពុងរងការ លិចលង់ដោយសារជំនន់ទឹកភ្លៀង។មកដល់ពេលនេះ ជំនន់ទឹកភ្លៀង បាននឹងកំពុងតែជន់លិចតំបន់ខ្លះ នៃរាជធានី-ខេត្តមួយចំនួន ដោយសារតែមានភ្លៀងធ្លាក់ច្រើននៅចុងរដូវវស្សា ពិសេស គឺខេត្តបាត់ដំបង ដែលបានធ្វើឱ្យប៉ះពាល់ស្រូវ បង្កើនរដូវ នៅស្រុកបវេល ចំនួនជាងពីរពាន់ហិកតា។ ទន្ទឹមនឹងការលិចលង់នេះ មន្ត្រីជំនាញក៏បានបង្ហាញ នូវការព្រួយបារម្ភអំពីការខ្វះខាតទឹក ដែលអាចនឹងកើតឡើងនៅអំឡុងខែវិច្ឆិកា ដោយបានអំពាវនាវដល់ កសិករឱ្យនាំគ្នាប្រើប្រាស់ទឹកដោយប្រុងប្រយ័ត្ន កុំខ្ជីខ្ជា។បើតាមសេចក្តីជូនដំណឹងរបស់ក្រសួងធនធានទឹក និងឧតុនិយមជាបន្តបន្ទាប់ បានឱ្យដឹងថា សម្រាប់ខែតុលានេះ ភ្លៀងនៅតែបន្តធ្លាក់រាយប៉ាយ ហើយក្រសួង បានអំពាវនាវដល់ពលរដ្ឋ មានការប្រុងប្រយ័ត្នពីបាតុភូផ្សេងៗ៕អត្ថបទ ៖ មុត សុទ្ធ

អាជ្ញាធរខណ្ឌ៧មករា បន្តសកម្មភាពប្រមូលសំរាម ខណៈកម្មករស៊ីនទ្រី នៅបន្តធ្វើកូដកម្ម

ភ្នំពេញ ៖ ខណៈកម្មករប្រមូលសំរាមនៅបន្តធ្វើកូដកម្មផ្អាកប្រមូលសំរាមក្នុងទីក្រុងភ្នំពេញអស់ជាច្រើនថ្ងៃហើយនោះ អាជ្ញាធរខណ្ឌ៧មករា នៅតែបន្តសកម្មភាពប្រមូលសំរាមជំនួសកម្មករទាំងនេះ ក្នុងបំណងធ្វើអោយទីក្រុងមានសោភ័ណភាពស្រស់ ស្អាត។មានប្រសាសន៍ប្រាប់BTV នៅថ្ងៃទី១០ ខែតុលានេះលោក ហៀក ចាន់លាង អភិបាលរងខណ្ឌ៧មករា បានឲ្យដឹងថា ខណៈកម្មករប្រមូលសំរាមក្រុមហ៊ុនស៊ិនទ្រី ធ្វើកូដកម្មផ្អាកប្រមូលសំរាមក្នុងទីក្រុងភ្នំពេញ អស់ជាច្រើនថ្ងៃហើយនោះ អាជ្ញាធរខណ្ឌ៧មករា នៅតែបន្តសកម្មភាពប្រមូលសំរាមជំនួសកម្មករទាំងនេះ ក្នុងបំណងធ្វើអោយទីក្រុងមានសោភ័ណភាពស្រស់ស្អាត និងមិនមានការរំខាន់ដល់ប្រជាពលរដ្ឋរស់នៅ។លោក ថា គិតមកដល់ពេលនេះ សំរាមដែលកកស្ទុះនៅក្នុងខណ្ឌគឺអាជ្ញាធរបានដោះស្រាយរួចរាល់ហើយ ក្នុងការប្រមូលសំរាមយកទៅចាក់ចោល និងសល់សំរាមដែលប្រជាពលរដ្ឋយកមកដាក់ថ្មីប៉ុណ្ណោះ។ជាមួយគ្នានេះ ប្រជាពលរដ្ឋរស់នៅខណ្ឌ៧មករា បានលើកឡើងដែរថា បន្ទាប់ពីកម្មករក្រុមហ៊ុនស៊ិនទ្រី ផ្អាកប្រមូលសំរាមក្នុងទីក្រុង បានធ្វើអោយសំរាមកកស្ទុះជាច្រើនកន្លែងមានក្លិនស្អុយ ពិបាករស់នៅ ប៉ុន្តែនៅពេលអាជ្ញាធរខណ្ឌដើរប្រមូលបែបនេះ មានភាពល្អជាងមុន។ លើសពីនេះ ពួកគាត់បានអំពាវនាវដល់អ្នកពាក់ព័ន្ធ និងកម្មករស៊ិនទ្រី ឆាប់ត្រូវរ៉ូវគ្នាវិញ ដើម្បីឲ្យការប្រមូលសំរាមដំណើរការជាធម្មតាវិញ។មុននិងមានដំណោះស្រាយរួមជាមួយកម្មករប្រមូលសំរាម ខណៈនេះរដ្ឋបាលរាជធានីបានកំពុងដោះស្រាយបញ្ហាសំរាម ដោយបានដាក់ចេញវិធានការសំខាន់ៗដូចជា ៖ សម្របសម្រួលជាមួយអ្នកកំពុងធ្វើកូដកម្ម ចុះអន្តរាគមន៍បឋមប្រើយន្តការកម្លាំងប្រជាការពារសង្កាត់ ខណ្ឌ ប្រមូលសំរាមសិន បន្ថែមមធ្យោបាយបច្ចុប្បន្ន ដែលមានឡាន ៧០គ្រឿង និងកំពុងបន្ថែមទៀត ព្រមទាំងរៀបចំយន្តការដោះស្រាយយូរអង្វែង គឺជ្រើសរើសក្រុមហ៊ុន ៣ ធ្វើប្រតិបត្តិការ ៣តំបន់ផ្សេងៗគ្នាក្នុងទីក្រុងភ្នំពេញ៕អត្ថបទ៖ទូច សោភ័ណ

ការប៉ះទង្គិចគ្នា បានផ្ទុះឡើងអំឡុងបាតុកម្មប្រឆាំងនឹងច្បាប់ការងារថ្មីនៅឥណ្ឌូនេស៊ី

ឥណ្ឌូនេស៊ី៖ ក្រុមបាតុករ បានប៉ះទង្គិចគ្នាជាមួយក្រុមនគរបាល ក្នុងទីក្រុងហ្សាកាតា ខណៈពេលដែលក្រុមសិស្សសាលា និស្សិត និងក្រុមកម្មកររាប់ម៉ឺននាក់ បាននាំគ្នាដង្ហែរក្បួននៅទូទាំងប្រទេសឥណ្ឌូនេស៊ី នាថ្ងៃព្រហស្បតិ៍នេះ ដើម្បីតវ៉ាប្រឆាំងនឹងច្បាប់ការងារថ្មី ដែលធ្វើឲ្យប៉ះពាល់ដល់សិទ្ធិពលកម្ម និងបរិស្ថាន។ច្បាប់បង្កើតការងារដែលអនុម័តឡើងដោយសភាកាលពីថ្ងៃចន្ទ នឹងធ្វើឲ្យផ្លាស់ប្តូរប្រព័ន្ធការងារ និងការគ្រប់គ្រងធនធានធម្មជាតិ។វាបានធ្វើកំណែរទម្រង់ច្បាប់ចាស់ចំនួន ៧៩ច្បាប់ និងមានគោលដៅធ្វើឲ្យល្អប្រសើរឡើងនូវប្រសិទ្ធភាពការិយាល័យធិបតេយ្យ ដែលជាផ្នែកមួយនៃកិច្ចខិតខំរបស់រដ្ឋបាលលោកប្រធានាធិបតី ចូកូ វីដូដូ ដើម្បីទាក់ទាញ់ការវិនិយោគទុនបន្ថែមទៀតមកកាន់ប្រទេសរបស់លោក ។ក្រុមបាតុករ បាននិយាយថា ច្បាប់ថ្មីនេះនឹងធ្វើឲ្យប៉ះពាល់ដល់កម្មករ តាមរយៈការកាត់បន្ថយប្រាក់បំណាច់ ដកចេញការរឹតត្បិតពលកម្មដោយដៃជំនួសដោយកម្មករបរទេស បង្កើនការប្រើប្រាស់កម្លាំងពលកម្មខាងក្រៅ និងកែប្រែប្រាក់ខែមកជាប្រាក់ម៉ោងវិញ ។ខណៈពេលនោះដែរ ក្រុមនគរបាល បានរារាំងក្រុមកម្មករពីការដង្ហែរក្បួនទ្រង់ទ្រាយធំនៅមុខសភា ហើយពួកគេ បានឃាត់ខ្លួនសិស្សវិទ្យាល័យយ៉ាងហោច ២០០នាក់ ដែលព្យាយាមសម្រុកចូលទៅក្នុងបរិវេនសភា៕ អត្ថបទ៖ សារ៉ាត់

បណ្ដាញសង្គម

ព័ត៌មានថ្មីៗ

រដ្ឋមន្ត្រីក្រសួងការពារជាតិកម្ពុជា ដឹកនាំគណៈប្រតិភូទៅអូស្ត្រាលីដែលជាធ្វើទស្សនកិច្ចផ្លូវការ និងជាលើកដំបូងក្នុងប្រវត្តិសាស្ត្រ

ប្រទេសអឺរ៉ុបចំនួនប្រាំស្វែងរកកិច្ចព្រមព្រៀងដើម្បីបញ្ជូនជនអន្តោប្រវេសន៍ចេញពីសហភាពអឺរ៉ុប

ជនជាតិចិនម្នាក់ត្រូវបានជួយសង្គ្រោះទាំងនៅមានជីវិតពីផ្លូវរូងក្រោមដីវារីអគ្គិសនីនេប៉ាល់ខណៈអ្នកស្លាប់ឡើងដល់ ១.៣៤២នាក់

ទីក្រុងស៊ីដនី របស់អូស្ត្រាលីញាំញីដោយរលកកម្ដៅខ្លាំងក្នុងនិទាឃរដូវ ខណៈប្រឈមនឹងហានិភ័យភ្លើងឆេះព្រៃធ្ងន់ធ្ងរ

វិមានក្រឹមឡាំង ទាត់ចោលការព្រមានរបស់អ៊ុយក្រែនលើសុវត្ថិភាពដែនអាកាសរុស្ស៊ី

ប្រព័ន្ធផ្សព្វផ្សាយរុស្ស៊ី៖បេសកជនលោក Trump គឺលោក Witkoff និងលោក Kushner បានទៅដល់ទីក្រុងមូស្គូហើយ

មនុស្សជិត៦០ម៉ឺននាក់ ត្រូវបានជម្លៀសដោយសារភ្លៀងធ្លាក់ខ្លាំងពីព្យុះទីហ្វុង Saudel នៅចិនភាគខាងកើត

ប្រទេសម៉ាឡេស៊ីប្រកាសស្ថានភាពគ្រាអាសន្ននៅរដ្ឋសារ៉ាវ៉ាក់ ខណៈផ្សែងអ័ព្ទពីឥណ្ឌូនេស៊ីកាន់តែធ្ងន់ធ្ងរ

រយៈពេលជាង ៥ខែ កម្ពុជាបណ្តេញជនបរទេសចេញជិត ៣ម៉ឺននាក់ និងជិត ២ពាន់នាក់ទៀតត្រៀមបណ្តេញចេញ ពាក់ព័ន្ធករណី Online Scams និងការប្រព្រឹត្តបទល្មើសផ្សេងៗ

ប្រភព៖ប្រធានាធិបតីចិនសម្លឹងរកការនាំក្រុមគណៈប្រតិភូដ៏ច្រើនអមដំណើរលោកទៅទស្សនកិច្ចអាមេរិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ក្រោមម្លប់សន្តិភាព ពលរដ្ឋរស់នៅស្រុកលើកដែក ខេត្តកណ្តាល រស់នៅមានក្តីសុខ និងជីវភាពធូរធារ

ឯកឧត្ដម លេង ផាលី៖ អំពាវនាវពលរដ្ឋរស់នៅស្រុកសណ្ដាន់ ចុះឈ្មោះបោះឆ្នោតរួចហើយ សូមពិនិត្យមើលឈ្មោះបោះឆ្នោត

បច្ចុប្បន្ន ACU កំពុងដំណើរការរឿងក្តីពុករលួយមួយចំនួន ដែលជាប់ពាក់ព័ន្ធទំហំថវិការាប់លានដុល្លារ

អាល្លឺម៉ង់ រាយការណ៍ការហក់ឡើងខ្ពស់ នូវករណីឆ្លងថ្មីជំងឺ COVID-19

ក្រុមសិទ្ធិមនុស្សចោទប្រកាន់រដ្ឋាភិបាលមីយ៉ាន់ម៉ា ថាបានបង្ខាំងជនភាគតិចរ៉ូហ៊ីងយ៉ានៅក្នុងជំរំកខ្វក់

សម្តេចតេជោ បញ្ជាឱ្យអាជ្ញាធរខេត្តទាំងអស់ត្រៀមដោះស្រាយឆ្លើយតបគ្រោះជំនន់ទឹកភ្លៀង

អាជ្ញាធរខណ្ឌ៧មករា បន្តសកម្មភាពប្រមូលសំរាម ខណៈកម្មករស៊ីនទ្រី នៅបន្តធ្វើកូដកម្ម

ការប៉ះទង្គិចគ្នា បានផ្ទុះឡើងអំឡុងបាតុកម្មប្រឆាំងនឹងច្បាប់ការងារថ្មីនៅឥណ្ឌូនេស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ក្រោម​ម្លប់​សន្តិភាព ពលរដ្ឋ​រស់នៅ​ស្រុក​លើកដែក ខេត្តកណ្តាល រស់នៅ​មាន​ក្តី​សុខ និង​ជីវភាព​ធូរធារ​

អាល្លឺម៉ង់ ​រាយការណ៍​ការ​ហក់​ឡើង​ខ្ពស់ ​នូវ​ករណី​ឆ្លង​ថ្មី​ជំងឺ COVID-19

សម្តេច​តេ​ជោ បញ្ជា​ឱ្យ​អាជ្ញាធរ​ខេត្ត​ទាំងអស់​ត្រៀម​ដោះស្រាយ​ឆ្លើយតប​គ្រោះ​ជំនន់​ទឹកភ្លៀង

អាជ្ញាធរ​ខណ្ឌ​៧​មករា ​បន្តសកម្មភាព​ប្រមូល​សំរាម ​ខណៈ​កម្មករ​ស៊ីន​ទ្រី​ នៅ​បន្តធ្វើ​កូដកម្ម

ការ​ប៉ះទង្គិច​គ្នា​ បាន​ផ្ទុះឡើង​អំឡុង​បាតុកម្ម​ប្រឆាំង​នឹង​ច្បាប់​ការងារ​ថ្មី​នៅ​ឥណ្ឌូនេស៊ី​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ក្រោមម្លប់សន្តិភាព ពលរដ្ឋរស់នៅស្រុកលើកដែក ខេត្តកណ្តាល រស់នៅមានក្តីសុខ និងជីវភាពធូរធារ

អាល្លឺម៉ង់ រាយការណ៍ការហក់ឡើងខ្ពស់ នូវករណីឆ្លងថ្មីជំងឺ COVID-19

សម្តេចតេជោ បញ្ជាឱ្យអាជ្ញាធរខេត្តទាំងអស់ត្រៀមដោះស្រាយឆ្លើយតបគ្រោះជំនន់ទឹកភ្លៀង

អាជ្ញាធរខណ្ឌ៧មករា បន្តសកម្មភាពប្រមូលសំរាម ខណៈកម្មករស៊ីនទ្រី នៅបន្តធ្វើកូដកម្ម

ការប៉ះទង្គិចគ្នា បានផ្ទុះឡើងអំឡុងបាតុកម្មប្រឆាំងនឹងច្បាប់ការងារថ្មីនៅឥណ្ឌូនេស៊ី