BTV NEWS

សម្តេចតេជោ ហ៊ុន សែន ជួបពិភាក្សាការងារតាមប្រព័ន្ធវីដេអូជាមួយប្រធានរដ្ឋសភា អាស៊ែបៃហ្សង់

គណៈប្រតិភូនៃសន្និសីទប្រធានសភានៃអន្តរសភា វាយតម្លៃខ្ពស់ចំពោះជោគជ័យនៃ «សន្និសីទប្រធានសភានៃអន្តរសភា លើកទី២» នៅកម្ពុជា

ប្រធានរដ្ឋសភាម៉ាឡេស៊ី ប្ដេជ្ញាបន្តលើកកម្ពស់កិច្ចសហប្រតិបត្តិការទ្វេភាគីជាមួយកម្ពុជាឱ្យកាន់តែរីកចម្រើន និងរឹងមាំ

ព្រីតថេន នឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

អបអរសាទរទីក្រុងសៀមរាប ត្រូវបានជ្រើសរើសជាទីក្រុងវប្បធម៌អាស៊ាន សម្រាប់ឆ្នាំ ២០២១-២០២២

សៀមរាប ៖ ទីក្រុងសៀមរាប នៃព្រះរាជាណាចក្រកម្ពុជា ត្រូវបានប្រកាសជា ទីក្រុងវប្បធម៌អាស៊ាន ក្នុងកិច្ចប្រជុំលើកទី៩ រដ្ឋមន្ត្រីអាស៊ាន ទទួលបន្ទុកវប្បធម៌ និងសិល្បៈ។ ការជ្រើសរើសទីក្រុងសៀមរាប ជាទីក្រុងវប្បធម៌អាស៊ាន សម្រាប់ឆ្នាំ២០២១–២០២២ គឺដោយសារទីក្រុងសៀមរាប គឺជាអតីតរាជធានី នៃចក្រភពខ្មែរ សម្បូរទៅដោយមរតកវប្បធម៌ទាំងរូបី និងអរូបី និងជាគោលដៅទេសចរណ៍វប្បធម៌ ធម្មជាតិដ៏ល្បីល្បាញពាសពេញពិភពលោក របស់ព្រះរាជាណាចក្រកម្ពុជា។ នេះបើតាមការបញ្ជាក់ពីក្រសួងវប្បធម៌ និងវិចិត្រសិល្បៈ នាថ្ងៃទី ២២ ខែតុលា ឆ្នាំ២០២០ នេះ។ចាប់ពីឆ្នាំ២០០៨ មក នៅក្នុងកិច្ចប្រជុំរដ្ឋមន្ត្រីអាស៊ាន ទទួលបន្ទុកវប្បធម៌ និងសិល្បៈបានឯកភាពគ្នាឲ្យប្រទេសនីមួយដែលជាប្រធានប្តូរវេនដឹកនាំកិច្ចប្រជុំ ជ្រើសរើសទីក្រុងមួយរបស់ខ្លួនដើម្បីស្នើដាក់ជាទីក្រុងវប្បធម៌អាស៊ាន។ការកំណត់ទីក្រុងវប្បធម៌អាស៊ាន គឺធ្វើឡើងដើម្បីបង្ហាញពីអត្តសញ្ញាណអាស៊ាន និងភាពផ្សេងគ្នានៃវប្បធម៌របស់ប្រទេសនីមួយៗ ដែលជាសមាជិកអាស៊ាន។ ការជ្រើសរើសនេះ មានសុពលភាពរយៈពេល០២ឆ្នាំ។ទីក្រុងវប្បធម៌អាស៊ាន ដែលបានជ្រើសរើសកន្លងមករួមមាន១. ទីក្រុង Cebu នៃប្រទេសហ្វីលីពីន ចាប់ពីឆ្នាំ ២០១០ –២០១១២. ទីក្រុង Singapore នៃប្រទេស សិង្ហបុរី ចាប់ពីឆ្នាំ ២០១២–២០១៣៣. ទីក្រុង Hue នៃប្រទេសវៀតណាម ចាប់ពីឆ្នាំ ២០១៤–២០១៥៤. ទីក្រុង Bandar Seri Begawan នៃប្រទេសប្រ៊ុយណេ ចាប់ឆ្នាំ ២០១៦–២០១៧

ក្រុមហ៊ុនដីឡូត៍និងលំនៅឋាន ផ្ដល់ជំនួយប្រជាពលរដ្ឋដែលរងគ្រោះដោយសារទឹកជំនន់ នៅក្នុងស្រុកបន្ទាយស្រី

សៀមរាប៖ ក្រុមហ៊ុនអភិវឌ្ឍន៍ដីឡូត៍ និងលំនៅឋាន ស្រុកបន្ទាយស្រី គម្រោងបុរីអង្គរលែនម៉ាក្ស បានចូលរួមផ្ដល់ជំនួយមនុស្សធម៌ជាច្រើនសន្ធឹកសន្ធាប់ ដល់ប្រជាពលរដ្ឋដែលរងគ្រោះ ដោយសារទឹកជំនន់ នៅក្នុងស្រុកបន្ទាយស្រី ខេត្តសៀមរាប។ ការផ្ដល់ជំនួយសប្បុរសធម៌នេះធ្វើឡើងកាលពីថ្ងៃទី២១ខែតុលា ឆ្នាំ២០២០ តាមរយៈលោក ឃឹម ហ្វីណង់ អភិបាលស្រុកបាល ដើម្បីជួយដោះទុក្ខលំបាករបស់ប្រជាពលរដ្ឋ។លោកសាស្ដ្រាចារ្យ ទូស សាភឿន អគ្គនាយកគម្រោងបុរីអង្គរលែនម៉ាក្ស បានមានប្រសាសន៍ថា សប្បុរសធម៌នេះ មានថវិការ10,800,000 រៀល អង្ករ ទំងន់25គក ចំនួន100 បេ មីកញ្ចប់ «មីជាតិ» ចំនួន: 100កេស ត្រីខកប៉ុង ចំនួន: 300កំប៉ុង ទឹកត្រី និង ទឹកស៊ីអ៊ីវ: 300ដប សាប៊ូដុសខ្លួនចំនួន 504ដុំ. (42ឡូតិ)។ជាមួយគ្នានោះ លោក ហេង ចំរុង និងភរិយា ជាភ្នាក់ងារលក់អចលនទ្រព្យ ក៏បានចូលតាមរយៈ បុរី អង្គរលែនម៉ាក្សចំនួនទឹកប្រាក់ 800,000រៀលផងដែរ។លោកបានបន្ដថា គ្រោងបុរីអង្គរលែនម៉ាក្ស បន្ទាយស្រី តែងតែចូលរួមគ្រប់សកម្មភាព អភិវឌ្ឍសង្គម និង សហគមន៏ មូលដ្ឋាន ផ្សារភ្ជាប់ការចែករំលែក តាមរយះការធ្វើសប្បុរសធម៌ជួយដល់ប្រជាជនក្រីក្រ និងមានទុកលំបាកដោយកត្តាផ្សេងៗ។ជាពិសេសការផ្ដល់មនុស្សធម៌នេះ បានជួយដល់ប្រជាពលរដ្ឋរងគ្រោះដោយទឹកជំនេះ មានចំនួនជាង៩០គ្រួសារ ។សូមជម្រាបថា ក្រុមហ៊ុនដីឡូត៍និងលំនៅឋាន បុរីអង្គរលែនម៉ាក្សនេះ ទីតាំងស្ថិតនៅ ភូមិខ្នារសណ្តាយ ឃុំខ្នារសណ្តាយ ស្រុកបន្ទាយស្រី និងមានគម្រោងជួយដល់ពលរដ្ឋក្រីក្រ និងជួបទុក្ខលំបាកបន្ដទៀត។បុរីអង្គរលែន បែបវប្បធម៏ ទេសចរណ៍ និងធម្មជាតិ ដោយការរស់នៅពោរពេញទៅដោយសុភមង្គល និង ផាសុខភាពក្នុងគ្រួសារ៕

ពលរដ្ឋរងគ្រោះទឹកជំនន់ ១៥៤៥គ្រួសារ នៅខេត្តប៉ៃលិន និងបាត់ដំបងទទួលអំណោយពីលោកជំទាវ ពេជ ចន្ទមុន្នី

ប៉ៃលិន៖ នៅថ្ងៃទី២២ តុលានេះ ដើម្បីជាការចូលរួមចំណែកជាមួយរាជរដ្ឋាភិបាល និងជួយគ្នាក្នុងគ្រាមានអាសន្ន លោកជំទាវ ពេជ ចន្ទមុន្នី ហ៊ុនម៉ាណែត អនុប្រធានក្រុមប្រឹក្សាភិបាល នៃសមាគមគ្រូពេទ្យស្ម័គ្រចិត្ត យុវជនសម្តេចតេជោ និងក្រុមការងារ សហការជាមួយអាជ្ញាធរខេត្តប៉ៃលិន និងខេត្តបាត់ដំបង បានអញ្ជើញ សួរសុខទុក្ខ និងនាំអំណោយមនុស្សធម៌ចែកជូនប្រជាពលរដ្ឋរងគ្រោះទឹកជំនន់ ១៥៤៥គ្រួសារ ក្នុងនោះ មកពីឃុំស្ទឹងត្រង់ ស្រុកសាលាក្រៅ ខេត្តប៉ៃលិន ៧៧៦គ្រួសារ និងពលរដ្ឋមកឃុំតាម៉ឺន និងឃុំអូតាគី ខេត្តបាត់ដំបង ៧៦៩គ្រួសារ ដោយក្នុងមួយគ្រួសារ ទទួលបាន អង្ករ៥០គីឡូក្រាម, ទឹកបរិសុទ្ធ១កេស,មី២កេស, ប្រេងខ្យង២ដប, ភួយ១,សារ៉ុង១, ថ្នាំដុសធ្មេញ១,ប្រេងកូឡា១, សាប៊ូដុសខ្លួន១ដុំ,ថ្នាំពេទ្យ១កញ្ចប់ និងថវិកា៥ម៉ឺនរៀល។ក្នុងឱកាសនោះ លោកជំទាវបានពាំនាំនូវប្រសាសន៍របស់ សម្តេចតេជោ និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ដាំផ្ញើសួរសុខទុក្ខប្រជាពលរដ្ឋរងគ្រោះ និងសូមអោយពលរដ្ឋទាំអស់ បង្កើនការប្រុងប្រយ័ត្ន និង រស់នៅមានអនាម័យស្អាត បរិភោគទឹកឆ្អិន ឬអាហារដែលចម្អិនបានល្អ ចៀសវាងជំងឺរាតត្បាតនានាដែលបង្កឡើងដោយទឹក និងប្រុងប្រយ័ត្នពីសត្វអាសិរពិសគ្រប់ប្រភេទ។ត្រូវមានការប្រុងប្រយ័ត្នខ្ពស់ចំពោះគ្រោះថ្នាក់លង់ទឹក ជាពិសេសកុមារតូចៗដែលងាយប្រឈមនឹងគ្រោះថ្នាក់នេះ និងសូមបន្តទប់ស្កាត់ជំងឺកូវីដ–១៩ នៅក្នុងសហគមន៍ ដោយអនុវត្តតាមវិធានការនានារបស់ក្រសួងសុខាភិបាល និងការពារជំងឺគ្រុនឈាម និងគ្រុនឈីក។លោកជំទាវ បានអោយដឹងថា គ្រោះធម្មជាតិគ្មានប្រទេសណា ឬនរណាអាចទប់ស្កាត់ បានឡើយ ។ ក៏ប៉ុន្តែ អ្វីដែលយើងអាចធ្វើបាននៅពេលនេះ គឺការជួយសង្គ្រោះប្រជាពលរដ្ឋមិនអោយលិចលង់ ដោយប្រើប្រាស់នៅ មធ្យោបាយ សរុបកម្លាំងសរុប គ្រប់ប្រភេទរួមមានកងទ័ពកងរាជអាវុធហត្ថ ប៉ូលិស អាជ្ញាធរមូលដ្ឋានគ្រប់លំដាប់ថ្នាក់ រួមនិងកម្លាំងយុវជនស្ម័គ្រចិត្ត ដែលបានចូលរួមយ៉ាងសកម្ម។ លើសពីនោះ បានចែកជូនជាអំណោយសម្ភារប្រើប្រាស់ ស្បៀងអាហារ ជូនជនរងគ្រោះដោយមិនអោយនណាម្នាក់ស្លាប់ដោយអត់អាហារនោះទេ រួមទាំងនិងថ្នាំ សង្កូវ ព្យាបាលដល់ពួកគាត់ ទៀតផង។ប្រជាពលរដ្ឋដែលទទួលបាននូវអំណោយមនុស្សធម៌ទាំងនេះ ម្នាក់ៗបានថ្លែងអំណគុណយ៉ាងជ្រាវជ្រៅចំពោះម្នាស់អំណោយ ដែលបានជួយសម្រាល ក្នុងជីវភាពរបស់ពួកគាត់ ដែលកំពុងតែមានការលិចលុង ពីគ្រោះទឹកជំនន់នេះ។លោកជំទាវ បាន ស្រីមុំ តំណាងរាស្ត្រខេត្តប៉ៃលិ និងឯកឧត្តម ងួន រតនះ អភិបាលខេត្តបាត់ដំបង បានថ្លែងអំណរគុណយ៉ាងជ្រាវជ្រៅចំពោះទឹកចិត្តសប្បុរសធម៌ របស់លោកជំទាវ ពេជ ចន្ទមុន្នី អនុប្រធានក្រុមប្រឹក្សាភិបាលសមាគម TYDA ចំពោះប្រជាពលរដ្ឋដែលរងគ្រោះទឹកជំនន់ទាំងអស់ ដែលលោកតែងតែរួមសុខ រួមទុក្ខជាមួយប្រជាពលរដ្ឋគ្រប់ពេលវេលា ក្នុងគ្រាមានគ្រោះអាសន្ន។គួរបញ្ជក់ថានៅក្នុងឆ្នាំ២០២០នេះ ព្យុះបានបក់បោកមកពីបណ្តាប្រទេសផ្សេងៗ បាននាំមកនូវភ្លៀងធ្លាក់ជាប់ៗគ្នាជាបន្តបន្ទាប់ ដែលបង្កអោយមានការជន់ស្ទើរតែទូទាំងប្រទេសកម្ពុជា អស់រយះពេលជាង២សប្តាហ៍មកហើយ ដោយធ្វើអោយប៉ះពាល់ដល់ជីវភាពរស់របស់ប្រជាពលរដ្ឋ៕ អត្ថបទ៖ សម ងីម

ក្នុងដំណាក់ទី៤ គ្រួសារក្រីក្ររងផលប៉ះពាល់ ដោយជំងឺកូវីដ១៩ជិត ៨០ម៉ឺនគ្រួសារ នឹងទទួលបានប្រាក់ឧបត្ថម្ភ

ភ្នំពេញ៖ ឯកឧត្តម ថេង បញ្ញាថន មន្ត្រីជាន់ខ្ពស់ នៃក្រសួងផែនការបានឲ្យដឹងថា ក្នុងដំណាក់កាលទី៤នេះតាមរយៈការអនុវត្តកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះដោយសារជំងឺកូវីដ១៩ មានគ្រួសារក្រីក្រដែលក្រសួងផែនការបន្តកំណត់អត្តសញ្ញាណប្រមាណជិត៨០ម៉ឺនគ្រួសារនឹងទទួលបានសាច់ប្រាក់ឧបត្ថម្ភពីរាជរដ្ឋាភិបាល។ថ្លែងក្នុងសន្និសីទសារព័ត៌មានដែលរៀបចំដោយអង្គភាពរាជរដ្ឋភិបាល ស្តីពី កម្មវិធីវិនិយោគសាធារណៈ៣ឆ្នាំរំកិល នៅថ្ងៃទី២២ ខែតុលា ឆ្នាំ២០២០នេះ ឯកឧត្តម ថេង បញ្ញាធន ប្រតិភូរាជរដ្ឋាភិបាលទទួលបន្ទុកអគ្គនាយកនៃអគ្គនាយកដ្ឋានផែនការបានមានប្រសាសន៍ថា គិតត្រឹមខែតុលានេះជាដំណាក់កាលទី៤ ហើយដែលរាជរដ្ឋាភិបាលបានបន្តពន្យារការអនុវត្តកម្មវិធីសាច់ប្រាក់ឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះដោយជំងឺកូវីដ១៩ ដោយក្នុងនោះបើតាមរបាយការណ៍របស់ក្រសួងផែនការបានកំណត់អត្តសញ្ញាណគ្រួសារក្រីក្រមានចំនួនប្រមាណជាង៧០ម៉ឺនគ្រួសារ ដែលបន្តទទួលបានថវិកាតាំងពីដំណាក់ទី១ចាប់ពីខែមិថុនាកន្លងទៅ។ឯកឧត្តម ថេង បញ្ញាធន បានបញ្ជាក់ថា ក្នុងដំណាក់កាលទី៤នេះ មានគ្រួសារក្រីក្រដែលប្រឈមអំឡុងជំងឺកូវីដ–១៩ប្រមាណជាង៧០ម៉ឺនគ្រួសារ ស្នើនឹង ២,៨លាននាក់ កំពុងទទួលបានថវិកាឧបត្ថម្ភពីរាជរដ្ឋាភិបាល ខណៈក្រសួងផែនការបានកំណត់អត្តសញ្ញាណគ្រួសារក្រីក្រថ្មីបន្ថែមប្រមាណ៧ពាន់គ្រួសារ។ជាមួយគ្នានេះ ដោយសារតែកម្ពុជាកំពុងប្រឈមដោយជំងឺកូវីដ១៩ និងទឹកជំនន់ផង ឯកឧត្តម ថេង បញ្ញាធន បានគូសបញ្ជាក់ទៀតថា ប្រសិនមានប្រជាពលរដ្ឋដែលបានជួបប្រទះបញ្ហាប្រឈមបញ្ហាទាំងឡាយខាងលើនេះ ដែលធ្វើឲ្យប៉ះពាល់ដល់ជីវភាពប្រចាំថ្ងៃអាចដាក់ពាក្យស្នើសុំពីមេឃុំ ឬចៅសង្កាត់ក្នុងការកំណត់អត្តសញ្ញាណគ្រួសារក្រីក្រ ដើម្បីទទួលបានថវិកាឧបត្ថម្ភពីរាជរដ្ឋាភិបាលផងដែរ។សូមជម្រាបជូនថា សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាបានប្រកាសដាក់ឲ្យអនុវត្តកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះអំឡុងជំងឺកូវីដ១៩ កាលពីថ្ងៃទី២៤ ខែមិថុនាកន្លងទៅ ដោយគិតមកថ្ងៃទី២៤ ខែតុលានេះ ជាំដំណាក់កាលទី៤ ដែលគ្រួសារក្រីក្រប្រមាណជាង៧០ម៉ឺនគ្រួសារហើយបានទទួលថវិកា ដើម្បីសម្រាលការលំបាកផ្សេងៗក្នុងពេលស្ថានភាពជំងឺកូវីដនៅបន្តរាតត្បាតលើបណ្តាប្រទេសស្ទើរទូទាំងសកលលោក៕ អត្ថបទ៖ ឧត្តម

ប្រមុខការទូតកម្ពុជា៖ បញ្ហាកូវីដ១៩ បានជំរុញឲ្យអាស៊ាន រួមគ្នាប្ដេជ្ញាចិត្តខ្ពស់ ក្នុងការលើកស្ទួយពហុភាគីនិយម

ភ្នំពេញ៖ ក្នុងកិច្ចប្រជុំកិច្ចប្រជុំរដ្ឋមន្ត្រីការបរទេសអាស៊ាន-អង្គការសហប្រជាជាតិ តាមរយៈប្រព័ន្ធវីដេអូ កាលពីថ្ងៃទី២១ ខែតុលានេះ ឯកឧត្តម ឧបនាយករដ្ឋមន្ត្រី ប្រាក់ សុខុន បានថ្លែងថា បញ្ហាជំងឺកូវីដ១៩បានជំរុញឲ្យអាស៊ាន និងអង្គសហប្រជាជាតិ រួមគ្នាប្តេជ្ញាចិត្តខ្ពស់ក្នុងការលើកស្ទួយពហុភាគីនិយម។យោងតាមសេចក្តីប្រកាសព័ត៌មានរបស់ក្រសួងការបរទេសចេញនៅថ្ងៃទី២១ ខែតុលា ឆ្នាំ២០២០នេះ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេសកម្ពុជា បានអញ្ជើញចូលរួមកិច្ចប្រជុំរដ្ឋមន្ត្រីការបរទេសអាស៊ាន-អង្គការសហប្រជាជាតិ តាមរយៈប្រព័ន្ធវីដេអូ ដោយកិច្ចប្រជុំនេះរដ្ឋមន្ត្រីការបរទេសនៃសាធារណរដ្ឋសង្គមនិយមវៀតណាម បានធ្វើជាប្រធានដឹកនាំកិច្ចប្រជុំនេះ និងមានការចូលរួមពីរដ្ឋមន្ត្រីការបរទេសអាស៊ាន អគ្គលេខាធិការអាស៊ាន អគ្គលេខាធិការអង្គការសហប្រជាជាតិ និងប្រធានសម័យប្រជុំលើកទី៧៥ នៃមហាសន្និបាតអង្គការសហប្រជាជាតិ។ ថ្លែងនៅក្នុងកិច្ចប្រជុំនោះ ឯកឧត្តម ប្រាក់ សុខុន បានបញ្ជាក់ថា កម្ពុជាគាំទ្រយ៉ាងពេញទំហឹង ចំពោះតួនាទីដ៏សំខាន់របស់អង្គការសហប្រជាជាតិក្នុងការដឹកនាំកិច្ចខិតខំប្រឹងប្រែងរួមបង្កើននូវទំនាក់ទំនង កិច្ចសហប្រតិបត្តិការនានា ស្របពេលប្រទេសស្ទើរទូទាំងសកល លោកកំពុងប្រឈមបញ្ហាមិនធ្លាប់មានពីមុន ដែលបណ្តាលមកពីការរាតត្បាតជាសកលនៃជំងឺកូវីដ–១៩នេះ ទើបអាចស្គាល់ពីកិច្ចខិតខំប្រឹងប្រែងរួមរបស់អាស៊ាន និងអង្គការសហប្រជា– ជាតិ និងការប្តេជ្ញាចិត្តខ្ពស់ក្នុងការលើកស្ទួយពហុភាគីនិយម និងតំបន់និយម ព្រមទាំងបានសង្កត់ធ្ងន់លើសារសំខាន់នៃការពង្រឹងកិច្ចសហប្រតិបត្តិការអន្តរជាតិ ក្នុងការដោះស្រាយផលប៉ះពាល់យ៉ាងធ្ងន់ធ្ងរនៃជំងឺកូវីដ–១៩ និងរិះរកមធ្យោបាយរួមគ្នាក្នុងការស្តារសេដ្ឋកិច្ច-សង្គមឡើងវិញក្រោយវិបត្តិនៃជំងឺនេះ។ ដោយឡែកក្នុងរបៀបវារៈស្តីពីសន្តិភាព ឯកឧត្តម ប្រាក់ សុខុន បានរំលឹកឡើងវិញនូវការគាំទ្រយ៉ាងមុតមាំរបស់អាស៊ានចំពោះគំនិតផ្តួចផ្តើមរបស់ឯកឧត្តមអគ្គលេខាធិការ ស្តីពីសកម្មភាពសម្រាប់ ថែរក្សាសន្តិភាព(A4P) ។ ជាមួយគ្នានេះ ដើម្បីអបអរសាទរខួប២០ឆ្នាំនៃសេចក្តីសម្រេចលេខ ១៣២៥ របស់ក្រុមប្រឹក្សាសន្តិសុខអង្គការសហប្រជាជាតិ ស្តីពីរបៀបវារៈស្ត្រី សន្តិភាព និងសន្តិសុខ (WPS) ឯកឧត្តម ប្រាក់ សុខុន បានគូសបញ្ជាក់អំពីការរួមចំណែករបស់កម្ពុជានៅក្នុងកិច្ចខិតខំប្រឹងប្រែងជា អន្តរជាតិនេះ តាមរយៈការបង្កើនការចូលរួមរបស់ស្ត្រីកម្ពុជាក្នុងសកម្មភាពមនុស្សធម៌ និងប្រតិបត្តិការ ថែរក្សាសន្តិភាពនៅតាមតំបន់មួយចំនួននៅលើពិភពលោក បើទោះបីជាមានការគំរាមកំហែងដោយសារការរីករាលដាលនៃជំងឺរាតត្បាតកូវីដ–១៩ ក្តី។ សូមជម្រាបជូនបន្ថែមថា កិច្ចប្រជុំខាងលើនេះបានកត់សម្គាល់ការអនុវត្តប្រកបដោយជោគជ័យនៃផែនការសកម្មភាពអាស៊ាន-អង្គការ សហប្រជាជាតិ (២០១៦–២០២០) និងបានអនុម័តផែនការសកម្មភាពថ្មីសម្រាប់ឆ្នាំ២០២១–២០២៥។ កិច្ចប្រជុំនេះ បានអះអាងជាថ្មីម្តងទៀតនូវកិច្ចខិតខំប្រឹងប្រែងរួមរវាងអាស៊ាន និងអង្គការសហប្រជាជាតិ ក្នុងការធ្វើឱ្យសម្រេចបាននូវចក្ខុវិស័យសហគមន៍អាស៊ានឆ្នាំ២០២៥ និងរបៀបវារៈសម្រាប់ការអភិវឌ្ឍប្រកបដោយចីរភាពឆ្នាំ២០៣០៕ អត្ថបទ៖ ឧត្តម

សម្ដេចកិត្តិព្រឹទ្ធបណ្ឌិត ថ្លែងអំណរព្រះគុណ សម្ដេចព្រះមហាក្សត្រី ដែលព្រះរាជទានថវិកា សម្រាប់ជួយពលរដ្ឋរងគ្រោះដោយជំនន់

ភ្នំពេញ៖ នៅថ្ងៃទី២២ ខែតុលា ឆ្នាំ២០២០ នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានទូលថ្វាយសារលិខិត ថ្លែងអំណរព្រះរាជគុណ សម្តេចព្រះមហាក្សត្រី នរោត្តមមុនិនាថសីហនុ ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ដែលព្រះអង្គសព្វព្រះរាជហឫទ័យប្រោសព្រះរាជូបត្ថម្ភនូវព្រះរាជទ្រព្យចំនួន ៣ពាន់ដុល្លារ ជាអំណោយរបស់ជំទាវ សរ សាវរ៉ុត ជូនចំពោះកាកបាទក្រហមកម្ពុជា សម្រាប់ជួយបងប្អូនប្រជាពលរដ្ឋ ដែលរងគ្រោះដោយទឹកជំនន់ឆ្នាំ២០២០។ក្នុងសារលិខិតសម្តេចព្រមទាំងសហការីទាំងអស់ នៃកាកបាទក្រហមកម្ពុជា បានសំដែងនូវសេចក្តីរីករាយ ដោយបានទទួលអំពីសម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត នូវថវិកាចំនួន ៣.០០០ USD (បីពាន់ដុល្លារអាមេរិក) ជាអំណោយរបស់លោកជំទាវ សរ សាវរ៉ុត សម្រាប់ជួយបងប្អូនប្រជាពលរដ្ឋ ដែលរងគ្រោះដោយទឹកជំនន់ នៅរាជធានីភ្នំពេញ និងនៅតាមខេត្តមួយចំនួន នៃព្រះរាជាណាចក្រកម្ពុជា។តាងនាមថ្នាក់ដឹកនាំសមាជិក សមាជិកា មន្ត្រី បុគ្គលិកទាំងអស់ នៃកាកបាទក្រហមកម្ពុជា សម្តេចបានសូមព្រះបរមរាជានុញ្ញាតថ្លែងអំណរព្រះរាជគុណដ៏ខ្ពង់បំផុតថ្វាយ សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការដ៏ខ្ពង់ខ្ពស់បំផុត ព្រះអង្គតែងតែសព្វព្រះរាជហឫទ័យប្រោសព្រះរាជូបត្ថម្ភដល់សកម្មភាពមនុស្សធម៌របស់កាកបាទក្រហមកម្ពុជា គ្រប់ពេលវេលា និងសូមថ្លែងអំណរគុណ លោកជំទាវ សរ សាវរ៉ុត ដែលបានជួយឧបត្តម្ភដល់សកម្មភាពមនុស្សធម៌របស់កាកបាទក្រហមកម្ពុជា។សម្តេច បានបួងសួងដល់គុណបុណ្យព្រះរតនត្រ័យ វត្ថុសក្ដិសិទ្ធិនានាក្នុងលោក ទេវតារក្សាព្រះមហាស្វេតច្ឆត្រ ព្រះបារមីនៃព្រះវិញ្ញាណក្ខន្ធអតីតព្រះមហាក្សត្រ ព្រះមហាក្សត្រិយានីខ្មែរគ្រប់ព្រះអង្គ ជាពិសេស ព្រះវិញ្ញាណក្ខន្ធ ព្រះករុណា ព្រះបរមរតនកោដ្ឋ សូមព្រះមេត្តាប្រោសព្រះរាជទានព្រះពរជ័យ បវរមហាប្រសើរថ្វាយ សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការដ៏ខ្ពង់ខ្ពស់បំផុត សូមព្រះអង្គមានព្រះបរមសុខគ្រប់ប្រការ គង់ប្រថាប់ជាមហាម្លប់ដ៏ត្រជាក់ សម្រាប់ប្រជារាស្ត្រទូទាំងព្រះរាជាណាចក្រកម្ពុជា ជាកូនចៅ ចៅទួត របស់ព្រះអង្គជ្រកកោន តរៀងទៅ។»ខាងក្រោមនេះ ជាខ្លឹមសារទាំងស្រុងនៃសារលិខិតរបស់ សម្តេចកិត្តិព្រឹទ្ធបណ្ឌិត ទូលថ្លែងអំណរព្រះរាជគុណ សម្តេចព្រះមហាក្សត្រី ព្រះវររាជមាតាជាតិខ្មែរ ៖

ពលរដ្ឋរងគ្រោះ១១៦០គ្រួសារ នៅខេត្តបាត់ដំបង ទទួលអំណោយពីលោកជំទាវ ពេជ ចន្ទមុន្នី

បាត់ដំបង ៖ នៅព្រឹកថ្ងៃទី២៣ ខែតុលានេះ ប្រជាពលរដ្ឋរងគ្រោះដោយជំនន់ទឹកភ្លៀង ១ ១៦០ គ្រួសារ បន្ថែមទៀត ក្នុងនោះ មកពីឃុំកំពង់ព្រះ និងឃុំកំពង់ព្រៀង ស្រុកសង្កែ ៨៣០គ្រួសារ និងមកពីឃុំឫស្សីក្រាំង ស្រុកមោងឫស្សី នៃខេត្តបាត់ដំបង ៣៣០គ្រួសារ ពីលោកជំទាវ ពេជ ចន្ទមុន្នី ហ៊ុនម៉ាណែត អនុប្រធានក្រុមប្រឹក្សាភិបាល នៃសមាគមគ្រូពេទ្យស្ម័គ្រចិត្ត យុវជន សម្តេចតេជោ។នេះជាការចូលរួមចែករំលែកក្តីអាណិតស្រឡាញ់ និងរួមសុខរួមទុក្ខ ជាមួយប្រជាពលរដ្ឋដែលកំពុងតែត្រូវការជំនួយ ជួយសម្រាលការលំបាក ស្របពេលដែលពួកគាត់កំពុងតែលិចលង់ ដោយគ្រួសារនីមួយៗ ទទួលបាន អង្ករ៥០គីឡូក្រាម, ទឹកបរិសុទ្ធ១កេស,មី២កេស, ប្រេងខ្យង២ដប, កាហ្វេ១កញ្ចប់ធំ,ភួយ១,សារុង ១, ថ្នាំដុសធ្មេញ១, ប្រេងកូឡា១, សាប៊ូដុសខ្លួន១ដុំ,ថ្នាំពេទ្យ១កញ្ចប់ និងថវិកា៥ម៉ឺនរៀល។ថ្លែងក្នុងឱកាសជួបសួរសុខទុក្ខលោកជំទាវ បានពាំនាំនូវប្រសាសន៍របស់ សម្តេចតេជោ និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ដាំផ្ញើសួរសុខទុក្ខ ប្រជាពលរដ្ឋរងគ្រោះទាំងអស់ និងចូលរួមសោក ស្តាយ នូវការខូចខាត បាត់បង់ នូវទ្រព្យសម្បត្តិ ផលដំណាំ និងហេដ្ឋារចនាសម្ព័ន្ធផ្សេងៗ។ តែទោះជាយ៉ាងណាសម្តេចទាំងទ្វេរ នៅតែបន្តជួយដល់ប្រជាពលរដ្ឋដែលរងគ្រោះគ្រប់ពេលវេលា ដោយមិនទុក្ខឲ្យពលរដ្ឋណាម្នាក់ស្លាប់ ដោយអត់អាហារនោះទេ សូមបងប្អូនកុំអស់សង្ឃឹម ត្រូវបន្តបង្កបង្កើនផលទៀត បន្ទាប់ពីទឹកស្រក។ និងសូមអោយពលរដ្ឋទាំអស់ បង្កើនការប្រុងប្រយ័ត្ន និង រស់នៅមានអនាម័យស្អាត បរិភោគទឹកឆ្អិន ឬ អាហារដែលចម្អិនបានល្អ និងចៀសវាងជំងឺរាតត្បាតនានាដែលបង្កឡើងដោយទឹក និងប្រុងប្រយ័ត្នពីសត្វអាសិរពិសគ្រប់ប្រភេទ ប្រុងប្រយ័ត្នខ្ពស់ចំពោះគ្រោះថ្នាក់លង់ទឹក និងសូមចូលរួមបន្តទប់ស្កាត់ជំងឺកូវីដ–១៩ នៅក្នុងសហគមន៍ ដោយអនុវត្តតាមវិធានការនានារបស់ក្រសួងសុខាភិបាល។លោកជំទាវ បានកោតសរសើរចំពោះកងកម្លាំងគ្រប់ប្រភេទរួមមាន កងទ័ព កងរាជអាវុធហត្ថ ប៉ូលិស ប៉េអិម អាជ្ញាធរមូលដ្ឋាន គ្រប់លំដាប់ថ្នាក់ រួមនិងកម្លាំងយុវជន អ្នកស្ម័គ្រចិត្ត ដែលបានចូលរួមយ៉ាងសកម្មក្នុងការងារមនុស្សមួយនេះ។ និងសូមថ្លែងអំណរគុណដល់បណ្តាសប្បុរសជន ទាំងក្នុង និងក្រៅប្រទេស តែងតែជួយឧបត្ថម្ភគាំទ្រ ដល់សមាគម TYDA នូវសម្ភារប្រើប្រាស់ ស្បៀងអាហារ សម្រាប់ជូនដល់ជនរងគ្រោះ។ប្រជាពលរដ្ឋដែលទទួលបាននូវអំណោយមនុស្សធម៌ទាំងនេះ ម្នាក់ៗបានថ្លែងអំណរគុណយ៉ាងជ្រាវ ជ្រៅចំពោះម្ចាស់អំណោយ ដែលបានជួយសម្រាល ក្នុងជីវភាពរបស់ពួកគាត់ ដែលកំពុងតែមានការលិចលង់ ពីគ្រោះទឹកជំនន់នេះ។ឯកឧត្តម ងួន រតនៈ អភិបាលនៃគណៈអភិបាលខេត្តបាត់ដំបង បានថ្លែងអំណរគុណ ចំពោះទឹកចិត្តសប្បុរសធម៌របស់លោកជំទាវ ពេជ ចន្ទមុន្នី ហ៊ុនម៉ាណែត អនុប្រធានក្រុមប្រឹក្សាភិបាល នៃសមាគម TYDA ដែលបានចំណាយពេលវេលា កម្លាំងកាយចិត្ត ក្នុងការនាំយកអំណោយទាំងនេះ ប្រគល់ដល់ដៃបងប្អូនប្រជាពលរដ្ឋ ដោយមិនគិតពីការនឿយហត់ ទោះបីផ្លូវធ្វើដំណើរលំបាកយ៉ាងណា អោយតែបានរួមសុខ រួមទុក្ខជាមួយប្រជាពលរដ្ឋ ក្នុងគ្រាមានគ្រោះអាសន្ន អោយបានទាន់ពេលវេលា៕អត្ថបទ ៖ សម ងីម

WHO ប្តេជ្ញាចិត្តសហការជំរុញការប្រព័ន្ធផ្តល់សេវាសុខាភិបាលជូនពលរដ្ឋកម្ពុជានៅតំបន់ដាច់ស្រយាលឱ្យបានល្អប្រសើរ

ព្រះវិហារ ៖ នៅក្នុងដំណើរទស្សនកិច្ច ត្រួតពិនិត្យការងារផ្តល់សេវាសុខាភិបាលរយៈពេល២ថ្ងៃនៅខេត្តព្រះវិហារ របស់ប្រតិភូក្រសួងសុខាភិបាល និងអង្គការសុខភាពពិភពលោក WHO នៅថ្ងៃទី២២ ខែតុលាម្សិលមិញ លោកជំទាវ លី អាយឡែន តំណាងអង្គការសុខភាពពិភពលោកប្រចាំកម្ពុជា បានបង្ហាញការប្តេជ្ញាចិត្តសហការជាមួយក្រសួងសុខាភិបាល ជំរុញអាជ្ញាធរមូលដ្ឋាន ប្រព័ន្ធផ្តល់សេវាសុខាភិបាលអោយបានល្អប្រសើរជូនដល់ប្រជាពលរដ្ឋនៅឆ្ងាយៗ ពិបាកទៅទទួលសេវាសុខាភិបាលនេះ។ដើម្បីជំរុញការត្រៀមលក្ខណៈធ្វើផែនការនៅក្នុងតំបន់ ឆ្លើយតបទាន់ពេលវេលាចំពោះបញ្ហាការរាតត្បាតនៃមេរោគ COVID-១៩ គ្រោះទឹកជំនន់ និងគ្រោះធម្មជាតិផ្សេងៗ នៅពេលនេះ លោកជំទាវ លី អាយឡែន តំណាង WHO ប្រចាំនៅកម្ពុជា បានប្រមូលនូវធាតុចូលជាច្រើន ពីតាមមន្ទីរសុខាភិបាល និងមូលដ្ឋានសុខាភិបាលមួយចំនួននៅតាមជនបទ ក្នុងខេត្តព្រះវិហារ និងខេត្តផ្សេងៗទៀត អំពីបញ្ហាប្រឈម និងភាពល្អប្រសើរនៃការផ្តល់សេវាសុខាភិបាល ដើម្បីយកទៅសហការរៀបចំផែនការជាមួយក្រសួងសុខាភិបាលជំរុញអោយអាជ្ញាធរមូលដ្ឋាន ពង្រឹងការផ្តល់សេវាសុខាភិបាលល្អប្រសើរ ជាពិសេសការផ្តល់សេវាសុខាភិបាលសម្រាប់ប្រជាពលរដ្ឋចាស់ជរា និងស្ត្រី ដែលនៅឆ្ងាយៗ ពិបាកទៅមូលដ្ឋានសុខាភិបាល។ទោះយ៉ាងណាក៏ដោយ នៅក្នុងដំណើរទស្សនកិច្ចសិក្សាវិស័យសុខាភិបាល នៅខេត្តព្រះវិហានេះ លោកជំទាវ លី អាយឡែន បានមើលឃើញពីវិជ្ជមានជាច្រើន ដូចជាខេត្តបានខិតខំប្រយុទ្ធប្រឆាំងលុបបំបាត់ជំងឺគ្រុនចាញ់ បានសម្រេចគោលដៅមុនការរំពឹងទុក ខេត្តបានប្រុងប្រយ័ត្នបង្ការទប់ស្កាត់មេរោគ COVID-19 បានល្អប្រសើរ ហើយ WHO នឹងជួយចូលរួមជម្រុញអោយខេត្តគិតពិចារណាអំពីគំនិតផ្ដួចផ្ដើមធ្វើផែនការក្នុងតំបន់អោយបាន ដើម្បីផែនការវិស័យសុខាភិបាលមានភាពល្អប្រសើរ។សូមបញ្ជាក់ថា ក្នុងដំណើរទស្សនកិច្ចនៅខេត្តព្រះវិហារ ពិនិត្យនិងស្វែងយល់ពីការផ្តល់សេវាសុខាភិបាលនៅតាមតំបន់ដាច់ស្រយាលនិងព្រំដែនរបស់កម្ពុជា គណៈប្រតិភូក្រសួងសុខាភិបាលនិងWHO ក៏បានមើលឃើញពីការផ្តល់សេវាសុខាភិបាលប្រកបដោយគុណភាព និងមានប្រុងប្រយ័ត្នខ្ពស់នៅតាមបណ្តាមណ្ឌលសុខភាពហើយ ក្រៅពីការពិនិត្យសុខភាពអោយប្រជាពលរដ្ឋខ្មែរក្នុងនោះក៏យើងសង្កេតឃើញថា ប្រជាជនឡាវ នៅជាប់តំបន់ព្រំដែនបានឆ្លងដែនមកស្វែងរកសេវាពិនិត្យ និងព្យាបាលជំងឺផ្សេងៗ នៅតាមបណ្តាមូលដ្ឋានសុខាភិបាលកម្ពុជា នៅតាមព្រំដែនកម្ពុជា ឡាវ ជាពិសេស មណ្ឌលសុខភាពកំពង់ស្រឡៅ និងប៉ុស្តិ៍សុខភាពកំពង់ព្រះឥន្ទ នៅក្នុងស្រុកឆែប ខេត្តព្រះវិហារជាដើម៕អត្ថបទ ៖ ស៊ុម សុខជា

សភាពាណិជ្ជកម្មអឺរ៉ុប នឹងអញ្ជើញវាគ្មិនអន្តរជាតិ ចូលរួមកិច្ចប្រជុំអាស៊ី-អឺរ៉ុប នៅកម្ពុជានាពេលខាងមុខ

ភ្នំពេញ ៖ ឆ្លើយតបនឹងការស្នើចូលរួមក្នុងវេទិកាធុរកិច្ចនានា នៅក្នុងកិច្ចប្រជុំអាស៊ី-អឺរ៉ុប (ASEM) លើកទី១៣ ពេលខាងមុខ សភាពាណិជ្ជកម្មអឺរ៉ុបនៅកម្ពុជា បានយល់ព្រមក្នុងការជួយរៀបចំលើការងារនេះ និងអញ្ជើញវាគ្មិនអន្តរជាតិមកចូលរួមក្នុងវេទិកានេះផងដែរ។ក្នុងជំនួបការងារជាមួយលោក ថាស៊ីឡូ ព្រីនសឺ (Tassilo Brinzer)ប្រធានថ្មី នៃសភាពាណិជ្ជកម្មអឺរ៉ុបប្រចាំនៅកម្ពុជា កាលពីថ្ងៃទី២២ តុលា ឆ្នាំ២០២០ ឯកឧត្តម ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម បានលើកទឹកចិត្តឲ្យសភាពាណិជ្ជកម្មអឺរ៉ុប ចូលរួមកម្មវិធី ឬព្រឹត្តិការណ៍ពិព័រណ៍ពាណិជ្ជកម្ម និងជំនួបពាណិជ្ជកម្ម ជាមួយអ្នកធុរកិច្ចកម្ពុជា ដើម្បីបង្កើនកិច្ចសហប្រតិបត្តិការ ឱ្យកាន់តែល្អប្រសើរថែមទៀត។ ជាមួយគ្នានេះ ឯកឧត្តមរដ្ឋមន្ត្រី បានជម្រាបជូននូវកិច្ចសហប្រតិបត្តិការដ៏ល្អ រវាងក្រសួងពាណិជ្ជកម្ម និងសភាពាណិជ្ជកម្មអឺរ៉ុបប្រចាំនៅកម្ពុជាកន្លងមក ក៏ដូចជាធ្វើបច្ចុប្បន្នភាពជូនអំពីការអនុម័តច្បាប់ថ្មីៗ ដូចជា ច្បាប់ស្ដីពីពាណិជ្ជកម្មតាមប្រព័ន្ធអេឡិចត្រូនិក ច្បាប់ការពារអ្នកប្រើប្រាស់ និងការរៀបចំសេចក្ដីព្រាងច្បាប់ប្រកួតប្រជែងជាដើម។លើសពីនេះ ឯកឧត្តម ក៏បានជម្រាបជូនភ្ញៀវ អំពីកិច្ចព្រមព្រៀងពាណិជ្ជកម្មសេរីដែលកម្ពុជាបានបញ្ចប់ជាមួយភាគីចិន កិច្ចព្រមព្រៀងពាណិជ្ជកម្មសេរី ដែលកម្ពុជាកំពុងចរចាជាមួយកូរ៉េ និងការត្រៀមចរចាជាមួយប្រទេសជាដៃគូសំខាន់ៗដទៃទៀតជាដើម។ជាកិច្ចឆ្លើយតប លោកប្រធានសភាពាណិជ្ជកម្មអឺរ៉ុបប្រចាំនៅកម្ពុជា បានវាយតម្លៃខ្ពស់ចំពោះការខិតខំប្រឹងប្រែង និងលទ្ធផលដ៏ល្អ ដែលកម្ពុជាទទួលបានការអនុម័តច្បាប់ខាងលើនេះ ដែលនឹងក្លាយជាមូលដ្ឋានគ្រឹះ ដើម្បីធានាភាពជឿជាក់សម្រាប់អ្នកធុរកិច្ច និងវិស័យពាណិជ្ជកម្មនៅកម្ពុជានាពេលអនាគត។ឯកឧត្តមរដ្ឋមន្ត្រី បានស្នើឲ្យសភាពាណិជ្ជកម្មអឺរ៉ុបប្រចាំនៅកម្ពុជា បន្តកិច្ចសហប្រតិបត្តិការជាមួយក្រសួងពាណិជ្ជកម្ម ដើម្បីរៀបចំវេទិកាធុរកិច្ចនានា នៅក្នុងកិច្ចប្រជុំអាស៊ី-អឺរ៉ុបនាពេលខាងមុខនេះ៕អត្ថបទ ៖ ឈិត បូរ៉ាវី

សម្តេចតេជោ ផ្តល់ផ្ទះ ១៧៣ខ្នង ដល់អតីតយុទ្ធជនក្នុងខេត្តកំពង់ធំ

កំពង់ធំ៖ គិតចាប់តាំងពីឆ្នាំ២០១៦ដល់ឆ្នាំ២០២០ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជនកម្ពុជា ផ្តល់ផ្ទះដល់អតីតយុទ្ធជនក្នុងខេត្តកំពង់ធំ ចំនួន ១៧៣ខ្នង តាមរយៈសមាគមអតីតយុទ្ធជនកម្ពុជា ខេត្តកំពង់ធំ។នៅថ្ងៃទី២២ ខែតុលា ឆ្នាំ២០២០ លោកឧត្តមសេនីយ៍ទោ សោម ស៊ុន ប្រធានសមាគមអតីតយុទ្ធជនកម្ពុជាខេត្តកំពង់ធំ បានប្រគល់ផ្ទះខ្នងទី១៧៣ ជាអំណោយរបស់សម្តេចតេជោ ជូនអតីតយុទ្ធជន នៅឃុំត្បែង ស្រុកកំពង់ស្វាយ ខេត្តកំពង់ធំ។លោកឧត្ដមសេនីយ៍ទោបញ្ជាក់ថា អតីតយុទ្ធជនទទួលបានផ្ទះថ្មីឈ្មោះ ឈួន ម៉ន អាយុ ៦៣ឆ្នាំ បានចូលបម្រើក្នុងជួរកងទ័ពនៅឆ្នាំ១៩៨៣ នៅអង្គភាព កងពលលេខ៥ចាស់ បានត្រូវរបួសពិការ នៅខែមេសា១៩៩៨ នៅសមរភូមិអន្លង់វែង បច្ចុប្បន្នប្រកបមុខរបរធ្វើស្រែ និងមានកូនក្នុងបន្ទុកចំនួន៤នាក់ មានដីលំនៅដ្ឋាន តែគ្មានលទ្ធភាពសាងសង់ផ្ទះសមរម្យ។ចំពោះ មុខនេះ ការយកចិត្តទុកដាក់របស់សម្តេចតេជោ តាមរយៈសមាគមអតីតយុទ្ធជនកម្ពុជា ខេត្តកំពង់ធំ ផ្តល់ផ្ទះថ្មីមួយខ្នងទំហំ ៤មx៦ម ធ្វើអំពីឆ្អឹងដែក ដំបូលប្រក់ស័ង្កសីកិនភ្លី ជញ្ជាំងស្មាតប៊ត និងរនាបក្តារ ជណ្តើរកាច់ សង់ខ្ពស់ផុតពីដី។ក្នុងឱកាសនោះផងដែរ លោកឧត្តមសេនីយ៍ទោ បានពាំនាំនូវការផ្ដាំផ្ញើសាកសួរសុខទុក្ខពីសំណាក់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ដែលជានិច្ចកាលសម្តេចទាំងទ្វេ តែងតែយកចិត្តទុក្ខដាក់ដល់បងប្អូនអតីតយុទ្ធជន នៅគ្រប់ទីកន្លែង និងបានលើកឡើងថា ទាំងនេះជាការដឹងគុណដ៏ធំធេង ដល់អតីតយុទ្ធជនក្នុងការបូជាសាច់ស្រស់ ឈាមស្រស់របស់បងប្អូនដែលបានចូលរួមចំណែកជាមួយសម្តេច ក្នុងបុព្វហេតុធ្វើឲ្យប្រទេសជាតិមានសុខសន្តិភាព និងការអភិវឌ្ឍដូចសព្វថ្ងៃនេះ។ ហើយនៅឆ្នាំ២០២១ខាងមុខនេះ សម្តេចនឹងតម្លើងប្រាក់បៀវត្សរ៍បន្ថែមជូនដល់អតីតយុទ្ធជន ដែលចូលនិវត្តន៍មុនៗឲ្យបានទទួលប្រាក់ខែប្រហាក់ប្រហែលនិងអតីតយុទ្ធជនដែលទើបចូលនិវត្តន៍ផងដែរ។ទន្ទឹមជាមួយគ្នានេះ លោកឧត្តមសេនីយ៍ទោ បាននាំយកនូវអំណោយគ្រឿងឧបភោគបរិភោគរបស់ ឯកឧត្តមឧត្តមសេនីយ៍ឯកបណ្ឌិត ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងទ័ពជើងគោកផ្តល់ជូនបន្ថែមរួមមាន÷ អង្ករ ចំនួន ៥០ គ.ក្រ , មីចំនួន ០២កេស ,ទឹកបរិសុទ្ធ ចំនួន ០២កេស, ទឹកត្រី ទឹកស៊ីអ៊ីវចំនួន ០២ យួរ មុងជ្រលក់ថ្នាំចំនួនមួយ និងថវិកាមួយចំនួនផងដែរ៕

បណ្ដាញសង្គម

ព័ត៌មានថ្មីៗ

ពលរដ្ឋអេក្វាឌ័ររាប់ម៉ឺននាក់បោះបង់ចោលផ្ទះសម្បែងរបស់ខ្លួនស្របពេលអំពើហិង្សាជនអន្ធពាលកើនឡើង

លោកLavrov និយាយប្រាប់សមភាគីអារ៉ាប៊ីសាអ៊ូឌីតថា រុស្ស៊ីត្រៀមខ្លួនរួចរាល់ ដើម្បីជួយដោះស្រាយស្ថានភាពនៅមជ្ឈិមបូព៌ា

ជ័យជម្នះរបស់គណបក្ស AfD ធ្វើឱ្យរបៀបវារៈកំណែទម្រង់របស់លោក Merz កាន់តែមិនច្បាស់លាស់

រដ្ឋមន្រ្តីការបរទេសគុយបាច្រានចោលការចរចារបស់អាមេរិក បើទោះបីជាមានការបិទច្រកក៏ដោយ

ប៉ាគីស្ថានបង្ហាញប្រព័ន្ធមីស៊ីលដែលអាចជារបស់ចិន ខណៈទំនាក់ទំនងកាន់តែស៊ីជម្រៅ

កោះហាវ៉ៃប្រកាសដាក់រដ្ឋក្នុងគ្រាអាសន្ន ខណៈព្យុះសង្ឃរា Lowell បោកបក់ជិតមកដល់

អូស្រ្តាលីប្រឈមនឹងរដូវភ្លើងឆេះព្រៃខ្លួនឯងបន្ទាប់ពីរដូវក្តៅដ៏ក្តៅគគុកនៅអឺរ៉ុប

រដ្ឋមន្ត្រីការបរទេសអ៊ីរ៉ាក់ និងសម្ព័ន្ធអារ៉ាប់ ពិភាក្សាអំពីច្រកសមុទ្រហ័រមូស និងភាពតានតឹងក្នុងតំបន់

ក្រុមហ៊ូទីអះអាងថា ខ្លួនបានវាយប្រហារទ្រង់ទ្រាយធំដោយមីស៊ីល និងដ្រូនលើគោលដៅនៅអារ៉ាប៊ីសាអ៊ូ ឌីត

សិស្សពីគ្រួសារវីរកងទ័ពពលីនៅខេត្តកំពត ទទួលបានម៉ាស៊ីនកិនកាហ្វេ សម្ភារៈសេវាកម្មសម្អាងកាយ និងថវិការបស់សម្តេចបវរធិបតី ហ៊ុន ម៉ាណែត និងលោកជំទាវបណ្ឌិត សម្រាប់បង្កើតមុខរបរផ្គត់ផ្គង់ជីវភាពគ្រួសារ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

អបអរសាទរទីក្រុងសៀមរាប ត្រូវបានជ្រើសរើសជាទីក្រុងវប្បធម៌អាស៊ាន សម្រាប់ឆ្នាំ ២០២១-២០២២

ក្រុមហ៊ុនដីឡូត៍និងលំនៅឋាន ផ្ដល់ជំនួយប្រជាពលរដ្ឋដែលរងគ្រោះដោយសារទឹកជំនន់ នៅក្នុងស្រុកបន្ទាយស្រី

ពលរដ្ឋរងគ្រោះទឹកជំនន់ ១៥៤៥គ្រួសារ នៅខេត្តប៉ៃលិន និងបាត់ដំបងទទួលអំណោយពីលោកជំទាវ ពេជ ចន្ទមុន្នី

ក្នុងដំណាក់ទី៤ គ្រួសារក្រីក្ររងផលប៉ះពាល់ ដោយជំងឺកូវីដ១៩ជិត ៨០ម៉ឺនគ្រួសារ នឹងទទួលបានប្រាក់ឧបត្ថម្ភ

ពលរដ្ឋរងគ្រោះ១១៦០គ្រួសារ នៅខេត្តបាត់ដំបង ទទួលអំណោយពីលោកជំទាវ ពេជ ចន្ទមុន្នី

សភាពាណិជ្ជកម្មអឺរ៉ុប នឹងអញ្ជើញវាគ្មិនអន្តរជាតិ ចូលរួមកិច្ចប្រជុំអាស៊ី-អឺរ៉ុប នៅកម្ពុជានាពេលខាងមុខ

សម្តេចតេជោ ផ្តល់ផ្ទះ ១៧៣ខ្នង ដល់អតីតយុទ្ធជនក្នុងខេត្តកំពង់ធំ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

អបអរសាទរ​ទីក្រុង​សៀមរាប ត្រូវ​បាន​ជ្រើសរើស​ជាទី​ក្រុង​វប្បធម៌​អាស៊ាន ​សម្រាប់​ឆ្នាំ ២០២១-២០២២

ពលរដ្ឋ​រងគ្រោះ​១១៦០​គ្រួសារ​ នៅ​ខេត្តបាត់ដំបង​ ទទួល​អំណោយ​ពី​លោកជំទាវ ពេ​ជ ចន្ទ​មុន្នី​

សម្តេច​តេ​ជោ ​ផ្តល់​ផ្ទះ​ ១៧៣​ខ្នង ដល់​អតីត​យុទ្ធជន​ក្នុង​ខេត្តកំពង់ធំ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

អបអរសាទរទីក្រុងសៀមរាប ត្រូវបានជ្រើសរើសជាទីក្រុងវប្បធម៌អាស៊ាន សម្រាប់ឆ្នាំ ២០២១-២០២២

ពលរដ្ឋរងគ្រោះ១១៦០គ្រួសារ នៅខេត្តបាត់ដំបង ទទួលអំណោយពីលោកជំទាវ ពេជ ចន្ទមុន្នី

សម្តេចតេជោ ផ្តល់ផ្ទះ ១៧៣ខ្នង ដល់អតីតយុទ្ធជនក្នុងខេត្តកំពង់ធំ