BTV NEWS

សម្តេចតេជោ ហ៊ុន សែន ជួបពិភាក្សាការងារតាមប្រព័ន្ធវីដេអូជាមួយប្រធានរដ្ឋសភា អាស៊ែបៃហ្សង់

គណៈប្រតិភូនៃសន្និសីទប្រធានសភានៃអន្តរសភា វាយតម្លៃខ្ពស់ចំពោះជោគជ័យនៃ «សន្និសីទប្រធានសភានៃអន្តរសភា លើកទី២» នៅកម្ពុជា

ប្រធានរដ្ឋសភាម៉ាឡេស៊ី ប្ដេជ្ញាបន្តលើកកម្ពស់កិច្ចសហប្រតិបត្តិការទ្វេភាគីជាមួយកម្ពុជាឱ្យកាន់តែរីកចម្រើន និងរឹងមាំ

ព្រីតថេន នឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

វិទ្យាស្ថានបច្ចេកវិទ្យាកម្ពុជា ត្រៀមខ្លួនផ្សារភ្ជាប់ប្រព័ន្ធបច្ចេកវិទ្យា ទៅរកវិស័យឧស្សាហកម្ម ៤.០

ភ្នំពេញ ៖ នាយកវិទ្យាស្ថានបច្ចេកវិទ្យាកម្ពុជា ថ្លែងថា ពាក់ព័ន្ធ និងការអភិវឌ្ឍន៍ប្រព័ន្ធបច្ចេកវិទ្យា វិទ្យាស្ថានបានត្រៀមខ្លួនរួចជាស្រេច ក្នុងការចូលរួមចំណែកនៃការផ្សារភ្ជាប់ ទៅរកការអភិវឌ្ឍ វិស័យឧស្សាហកម្ម ៤.០ ដើម្បីឲ្យកម្ពុជាប្រែក្លាយទៅជាប្រទេសមួយ មានលក្ខណៈស្វ័យប្រវត្តិកម្ម ស្របតាមគោលនយោបាយអភិវឌ្ឍន៍ ឧស្សាហកម្មកម្ពុជា ដែលជាសសរស្ដម្ភ មួយយ៉ាងសំខាន់សម្រាប់កំណើនសេដ្ឋកិច្ច។ឯកឧត្តមបណ្ឌិត អ៊ុម រម្យណី នាយកវិទ្យាស្ថានបច្ចេកវិទ្យាកម្ពុជា បានថ្លែងលើកឡើងនៅក្នុងកិច្ចសម្ភាសន៍ជាមួយ ភ្នាក់ងារអ្នកយកព័ត៌មាន BTV ស្តីពីការអភិវឌ្ឍ ប្រព័ន្ធបច្ចេកវិទ្យា និងការឈានចូលឧស្សាហកម្មទី៤ នៅថ្ងៃទី២២ ខែតុលា ឆ្នាំ២០២០នេះថា ជុំវិញនិងការអភិវឌ្ឍន៍ប្រព័ន្ធបច្ចេកវិទ្យា, វិទ្យាស្ថានបច្ចេកវិទ្យាកម្ពុជា មានតួនាទីសំខាន់ណាស់ ក្នុងការ កសាងធនធានមនុស្ស ប្រកបដោយសមត្ថភាព និងតម្លាភាព, ជាក់ស្តែងការផ្តល់ឱកាសដល់ និស្សិតចូលរៀននៅក្នុងវិទ្យាស្ថាន នេះ គឺជាកាតព្វកិច្ចសំខាន់របស់វិទ្យាស្ថាន ដើម្បីចូលរួមចំណែកការកសាងធនធានមនុស្ស សម្រាប់បម្រើទៅលើទីផ្សារ កំលាំងពលកម្មនៅក្នុងប្រទេស និងជាការចូលរួមចំណែកស្របតាមគោលនយោបាយរបស់រាជរដ្ឋាភិបាល ជាពិសេសគោល នយោបាយនៃការជំរុញអភិវឌ្ឍន៍វិស័យឧស្សាហកម្មនៅកម្ពុជា ។ឯកឧត្តមបណ្ឌិត បន្តថា ពាក់ព័ន្ធប្រព័ន្ធបច្ចេកវិទ្យានេះ វិទ្យាស្ថានបច្ចេកវិទ្យាកម្ពុជា បានបើកទូលាយនៅលើជំនាញ បច្ចេកទេសជាច្រើន ក្នុងនោះ ការបណ្តុះបណ្តាលនៃជំនាញបច្ចេកទេសត្រូវបានបែងចែកជា៨ផ្នែកធំៗ និងបានបែងចែកទៅ ជាមុខជំនាញតូចៗ ជាច្រើនទៀត ដែលជំនាញទាំងអស់កំពុងឆ្លើយតបទៅ នឹងតម្រូវការទីផ្សារ នៅក្នុងប្រទេសកម្ពុជាយើង។ ដូច្នេះទាក់ទង់និងការអភិវឌ្ឍ ប្រព័ន្ធបច្ចេកវិទ្យានេះ, វិទ្យាស្ថានបានត្រៀមខ្លួនរួមជាស្រេច ក្នុងការចូលរួមចំណែក លើការផ្សារភ្ជាប់ នៃការអភិវឌ្ឍន៍វិស័យឧស្សាហកម្ម ៤.០ ដើម្បីឲ្យកម្ពុជាប្រែក្លាយទៅជាប្រទេសមួយ មានលក្ខណៈស្វ័យប្រវត្តិកម្ម ស្របតាមគោលនយោបាយឧស្សាហកម្មកម្ពុជា ។ឯកឧត្តម បណ្ឌិត អ៊ុម រម្យណី បានបញ្ជាក់បន្ថែមថា ជុំវិញនិងការអភិវឌ្ឍន៍ប្រព័ន្ធបច្ចេកវិទ្យា ជាគោលដៅរបស់វិទ្យាស្ថាន គឺចង់ឲ្យនិស្សិត សិក្សាស្វែងយល់ និងរៀនឌីស្សាញ លើមុខជំនាញនីមួយៗឲ្យច្បាស់ និងកំណត់ពីចក្ខុវិស័យរបស់ខ្លួន ក្នុងពេលកំពុងសិក្សា និងទៅពេលអនាគត ក្នុងនោះ ប្រសិនបើពួកគាត់មានសមត្ថភាពគ្រប់គ្រាន់ ចេះផលិតផលឧបករណ៍ ណាមួយឲ្យច្បាស់ ពួកគាត់ នឹងទទួលបានជោគជ័យ នៅក្នុងជីវិត និងជាមូលដ្ឋានដ៏រឹងមាំ នៅពេកពួកគាត់ចេញទៅបំពេញ ការងារតាមបណ្តារោងចក្រ សហគ្រាសនានា, ដែលបញ្ហាទាំងអស់នេះ គឺជាការវិនិយោគ នៃការផ្សារភ្ជាប់ និងការតភ្ជាប់ ទៅរកវិស័យឧស្សាហកម្ម ៤.០ ខណៈដែលរាជរដ្ឋាភិបាលកម្ពុជាកំពុងជំរុញយកចិត្តទុកដាក់បំផុត ដើម្បីឈោងចាប់យក បដិវត្តឧស្សាហកម្មទី៤.០ នេះ ៕អត្ថបទ៖ សុន រ៉ាឌី

សេចក្តីព្រាងច្បាប់ហិរញ្ញវត្ថុឆ្នាំ២០២១.ការទូទាត់ថវិកា ទូទៅឆ្នាំ២០១៩និងគម្រោងអភិវឌ្ឍវារីអគ្គិសនី ១៥០ម៉េហ្កាវ៉ាត់ នៅស្រុកថ្មបាំងគណៈរដ្ឋមន្ត្រីសម្រេចអនុម័តហើយ

ភ្នំពេញ៖ គណៈរដ្ឋមន្ត្រីនៃព្រះរាជាណាចក្រកម្ពុជា នៅព្រឹកថ្ងៃទី២៣ ខែតុលា ឆ្នាំ២០២០ វេលាម៉ោង ៨និង៣០ នាទីបានបើកកិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់ សម្តេចអគ្គមហា សេនាបតីតេជោ ហ៊ុន សែន នាយករដ្ឋមន្ត្រីនៃ ព្រះរាជាណាចក្រកម្ពុជា ដើម្បីពិភាក្សាលើសេចក្តីព្រាងច្បាប់ ស្តីពីហិរញ្ញវត្ថុឆ្នាំ២០២១ រួមទាំងបញ្ហាផ្សេងៗមួយចំនួនទៀត។របៀបវារៈនៃកិច្ចប្រជុំនៅថ្ងៃនេះគឺ-សេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២១។-សេចក្តីព្រាងច្បាប់ ស្តីពីការទូទាត់ថវិកាទូទៅរបស់រដ្ឋសម្រាប់ការគ្រប់គ្រងឆ្នាំ២០១៩។-ការអភិវឌ្ឍគម្រោងវារីអគ្គិសនីស្ទឹងតាតៃលើអានុភាព១៥០មេហ្គាវ៉ាត់នៅស្រុកថ្មបាំង ខេត្តកោះកុង និង គម្រោងវិនិយោគអភិវឌ្ឍសាងសង់ខ្សែបណ្តាញបញ្ជូនអគ្គិសនី៥០០គីឡូវ៉ុល ពីរាជធានីភ្នំពេញទៅ ព្រំដែនកម្ពុជា-ឡាវ និងពីបាត់ដំបងទៅព្រំដែនកម្ពុជា-ថៃ។និង-បញ្ហាផ្សេងៗ។របៀបវារៈទាំងបីខាងលើនេះត្រូវបានគណៈរដ្ឋមន្ត្រីសម្រេចអនុម័តទាំងស្រុងហើយ។នៅក្នុងឱកាសដ៏សំខាន់នេះ សម្ដេច ក៏បាន មាន ប្រសាសន៍ ក្នុងនាម– រាជរដ្ឋាភិបាល ថ្លែងអំណរគុណដល់ក្រសួង ស្ថាប័នពាក់ព័ន្ធ រដ្ឋបាលរាជធានី ខេត្ត ព្រមទាំង កងកម្លាំងប្រដាប់អាវុធគ្រប់ប្រភេទ ដែលបាននិងកំពុង ជួយ សង្គ្រោះ ប្រជាពលរដ្ឋ ដែលរងគ្រោះក្នុងកំឡុងគ្រោះទឹកជំនន់រដូវវស្សាឆ្នាំ២០២០នេះ ពិសេសត្រូវបន្តបង្កើនការយកចិត្តទុកដាក់ប្រុងប្រយ័ត្នខ្ពស់ និងចាត់វិធានការចាំ បាច់នានាដើម្បី ជួយសង្គ្រោះអាយុជីវិត ប្រជាពលរដ្ឋ នៅតាមភូមិសាស្ត្រ ដែលទទួលខុសត្រូវ ឱ្យបានទាន់ពេលវេលា។– ក្រសួងស្ថាប័នពាក់ព័ន្ធ និងរដ្ឋបាលរាជធានី ខេត្តត្រូវយកចិត្តទុកដាក់លើការស្ដាឡើង វិញនួវហេដ្ឋារចនាសម្ព័ន្ធដែលបានខូចខាតដោយគ្រោះមហន្តរាយ ទឹកជំនន់ ជាអាទិ៍ផ្លូវជាតិផ្លូវខេត្តផ្លូវលំ និងប្រព័ន្ធធារាសាស្ត្រនានា ជាដើមនៅក្រោយពេលដែល ស្ថានភាពទឹកជំនន់មានភាពធូរស្រាល និងស្រកអស់ទៅ៕ អត្ថបទ៖ មុត សុទ្ធ

ព័ត៌មាន ជាតិនយោបាយ និង ការអភិវឌ្ឍន៍ អគារមជ្ឈមណ្ឌលវេជ្ជសាស្ត្រ The Olympia Medical Hub បើកយុទ្ធនាការបរិច្ចាគឈាម

ភ្នំពេញ៖ អគារមជ្ឈមណ្ឌលវេជ្ជសាស្ត្រ The Olympia Medical Hub ដែលជាការផ្តួចផ្តើមដោយមជ្ឈមណ្ឌលវេជ្ជសាស្ត្រ Intercare Medical Center និងសហការជាមួយមជ្ឈមណ្ឌលជាតិផ្តល់ឈាម នាព្រឹកថ្ងៃទី២៣ តុលា ២០២០នេះ បានបើកយុទ្ធនាការបរិច្ចាកឈាម គឺសង្គ្រោះជីវិត។លោកវេជ្ជបណ្ឌិត ហៃកូ (Haiko) ប្រធានផ្នែកវេជ្ជសាស្ត្រ Intercare Medical Center បានឲ្យដឹងថា អ្នកជំងឺអាចត្រូវការឈាមក្នុងករណីមួយចំនួនដូចជា នៅពេលមានការវះកាត់ដែលអ្នកជំងឺអាចមានការបាត់បង់ឈាមច្រើន ឬនៅពេលគាត់មានជំងឺស្លេកស្លាំងធ្ងន់ធ្ងរដោយសារជួបឧបទ្ទវហេតុគ្រោះថ្នាក់ចរាចរណ៍ជាដើម។ ជាសំណាងមិនល្អ មជ្ឈមណ្ឌលផ្តល់ឈាមជាច្រើននៅជុំវិញពិភពលោក តែងតែមានបញ្ហាកង្វះខាតអ្នកស្ម័គ្រចិត្តបរិច្ចាគឈាម ហើយកម្ពុជាក៏ជួបវិបតិ្តនេះដូចគ្នា។ មនុស្សជាច្រើនបានស្លាប់ដោយសារវិបតិ្តនេះ ខណៈពេលដែលមនុស្សជាច្រើនទៀតអាចបន្តជួយសង្គ្រោះបាន ប្រសិនបើមានអ្នកស្ម័គ្រចិត្តបរិច្ចាគឈាមច្រើនជាងនេះ។បើតាមលោកស្រី អនុប្រធានមជ្ឈមណ្ឌលជាតិផ្តល់ឈាម បានឲ្យដឹងថា ៩ខែ ដើមឆ្នាំ២០២០ មជ្ឈមណ្ឌលជាតិផ្តល់ឈាម ទទួលអំណោយឈាមពីសប្បុរសជន មានចំនួន៥៤០០០នាក់។ ក្នុងស្ថានភាពជំងឺកូវីដ១៩ ឆ្នាំ២០២០ បានកើតឡើង យើងមានអ្នកស្ម័គ្រចិត្តបរិច្ចាកឈាម ថយចុះ គឺមានចំនួនតែ ១៥% នៃអ្នកស្ម័គ្រចិត្ត ប៉ុន្តែ ការបរិច្ចាគឈាម តាមរយៈក្រុមគ្រួសារ មានចំនួន៨៥%។លោកស្រី បានថ្លែងអំណរគុណអគារមជ្ឈមណ្ឌលវេជ្ជសាស្ត្រ The Olympia Medical Hub ដែលបានចូលរួមបរិច្ចាកឈាម ជាលើកដំបូងដោយស្ម័គ្រចិត្ត និងសង្ឃឹមថាតទៅមុខទៀត អគារមជ្ឈមណ្ឌលវេជ្ជសាស្ត្រ The Olympia Medical Hub និងបន្តយុទ្ធនាការបរិច្ចាកឈាម រៀងរាល់៣ ទៅ៦ខែម្តង សម្រាប់ទុកឈាមផ្តល់ជូនអ្នកជំងឺដែលត្រូវការឈាមទាំងអស់គ្នា៕អត្ថបទ៖ រដ្ឋា

រាជបណ្ឌិត្យសភាកម្ពុជា ផ្តើមបើកការបណ្តុះបណ្តាលគរុកោសល្យភាសាចិន ដើម្បីឆ្លើយតបកំណើនវិនិយោគចិន

ភ្នំពេញ៖ លោក សូត្រ សំណាង អគ្គលេខាធិការរង នៃរាជបណ្ឌិត្យសភាកម្ពុជា បានលើកឡើងថា ការបើកវគ្គបណ្ដុះបណ្ដាលគរុកោសល្យភាសាចិននៅកម្ពុជា គឺជាការឆ្លើយតបទនឹងកំណើនទេសចរណ៍ និងវិនិយោគចិននៅកម្ពុជា។ថ្លែងប្រាប់អ្នកសារព័ត៌មានក្រោយររៀបចំសិក្ខាសាល ស្តីពីការពិគ្រោះយោបល់លើការបណ្តុះបណ្តាលគរុកោសល្យភាសាចិននៅរាជបណ្ឌិត្យសភាកម្ពុជា នៅថ្ងៃទី២៣ ខែតុលា ឆ្នាំ២០២០នេះ លោក សូត្រ សំណាង បានមានប្រសាសន៍ថា សិក្ខាសាលពិគ្រោះយោបល់នេះជាឱកាសដ៏មានសារ:សំខាន់ក្នុងការស្វែងរកធាតុចូល ដើម្បីបង្ហាញអំពីកិច្ចសហប្រតិបត្តិការរវាងរាជបណ្ឌិត្យសភាកម្ពុជា និងមជ្ឈមណ្ឌលសហប្រតិបត្តិការផ្លាស់ប្តូរភាសាចិន-បរទេសទាក់ទងនឹងការបង្កើតជំនាញគរុកោសល្យភាសាចិនលើកទី១ នៅកម្ពុជា ស្របទៅតាមការរំពឹងទុករបស់រាជរដ្ឋាភិបាលប្រទសទាំង២។លោក សូត្រ សំណាង បានថ្លែងថា ការចាប់ផ្តើមនៃការបណ្តុះបណ្តាលគរុកោសល្យភាសាចិននេះ ក៏ជាពង្រឹង និងពង្រីកកិច្ចសហប្រតិបត្តិការរវាងរាជបណ្ឌិត្យសភាកម្ពុជាជាមួយស្ថានទូតចិនប្រចាំកម្ពុជា សមាគមន៍សម្ព័ន្ធខ្មែរចិន ក៏ដូចជាសមាគមពាណិជ្ជកម្មចិននានានៅកម្ពុជាជាដើម។លោក សូត្រ សំណាង បានបញ្ជាក់ថា កម្មវិធីបណ្ដុះបណ្ដាលគរុកោសល្យភាសាចិននេះនឹងឆ្លើយតបទៅនឹងកំណើនទេសចរណ៍ វិនិយោគចិននៅកម្ពុជាកាន់តែមានជំនាញត្រឹមត្រូវ និងស្របទៅតាមការចង់បានរបស់រាជរដ្ឋាភិបាលកម្ពុជា-ចិនផងដែរ។លោក សូ ត្រ សំណាង អគ្គលេខាធិការរង នៃរាជបណ្ឌិតសភាកម្ពុជាបានបន្តថា ក្នុងបរិបទនេះកម្ពុជាបានសង្កេតឃើញថា ការបង្រៀនភាសាចិន ដែលពឹងផ្អែកតែលើគ្រូបង្រៀនដែលជាជនជាតិចិន បានធ្វើឲ្យកម្ពុជាជួបបញ្ហាប្រឈមមួយចំនួនរួមមាន ចំនួនគ្រូបង្រៀនមនអាចឆ្លើយតបទៅនឹងបច្ចុប្បន្នភាព ដោយគ្រូស្ម័គ្រចិត្តជាជនជាតិចិនមួយចំនួនមិនបានឆ្លងកាត់គរុកោសល្យពិតប្រាកដឡើយ។ដើម្បីដោះស្រាយបញ្ហាបញ្ហាប្រឈមខាងលើនេះ លោក សូត្រ សំណាង បានបន្ថែមថា កម្មវិធីបណ្តុះបណ្តាលគរុកោសល្យភាសាចិន ដែលនឹងចាប់ផ្តើមនាខែវិច្ឆិកាខាងមុខនេះ នឹងជំរុញការកសាងសមត្ថភាពគ្រូបង្រៀនភាសាចិន ប្រកបដោយគុណភាព និងគរុកោសល្យខ្ពស់ស្របតាមស្តង់ដារអន្តរជាតិ ជាពិសេសកម្មវិធីបណ្តុះបណ្តាលនេះនឹងពង្រឹង ក៏ដូចជាពង្រីកភាសាចិនគ្រប់កម្រិត ដើម្បីបំពេញសេចក្តីត្រូវការរបស់កម្ពុជា និងក្នុងតំបន់ស្របតាមគោលការណ៍ ផ្លូវមួយ ខ្សែក្រវាត់មួយ៕ អត្ថបទ៖ សេក ឧត្តម

សម្ដេចតេជោ ជំរុញឱ្យអាជ្ញាធរមូលដ្ឋាន និងពលរដ្ឋប្រឹងប្រែងស្ដារជីវភាព និងការខូចខាតក្រោយទឹកជំនន់

បន្ទាយមានជ័យ ៖ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអំពាវនាវ ដល់ប្រជាពលរដ្ឋ អាជ្ញាធរដែនដីគ្រប់ជាន់ថ្នាក់នៅទូទាំងប្រទេស បន្ទាប់ពីទឹកស្រកទៅវិញ ត្រូវយកចិត្តទុកដាក់ប្រឹងប្រែង ស្តារជីវភាព និងការខូចខាតឡើងវិញ។ក្នុងឱកាសបន្តបេសកកម្មសួរសុខទុក្ខ និងចែកអំណោយសង្គ្រោះបន្ទាន់ជូនប្រជាពលរដ្ឋរងគ្រោះ ដោយជំនន់ទឹកភ្លៀងក្នុង ខេត្តបន្ទាយមានជ័យ នៅព្រឹកថ្ងៃទី២៤ ខែតុលានេះ សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានជំរុញឱ្យអាជ្ញាធរ និងប្រជាពលរដ្ឋ យកចិត្តទុកដាក់ប្រឹងប្រែងការស្ដារ ជីវភាព និងការខូចខាតហេដ្ឋារចនា សម្ព័ន្ធនានា ជាពិសេសសាលារៀន ត្រូវត្រួតពិនិត្យមើលឱ្យបានត្រឹម ត្រូវ ចៀសវាងមានការបែកបាក់បង្កគ្រោះថ្នាក់ដល់សិស្ស ពេលបើកសាលារៀនចូលសិក្សាឡើងវិញ។ខេត្តបន្ទាយមានជ័យ ជាខេត្តមួយដែលបានរងគ្រោះធ្ងន់ធ្ងរជាងគេ ក្នុងចំណោមរាជធានីខេត្តចំនួន ១៩ ដោយសារជំនន់ទឹកភ្លៀង ដែលក្នុងស្ថានភាពដ៏គួរឱ្យអាណិតអាសូរនេះ សម្ដេចតេជោ និងសម្តេចកិត្តិព្រឹទ្ធបណ្ឌិត និងថ្នាក់ដឹកនាំគ្រប់ជាន់ថ្នាក់គណបក្សប្រជាជនកម្ពុជា អាជ្ញាធរ កងកម្លាំងប្រដាប់អាវុធគ្រប់ ប្រភេទ បាននឹងកំពុងយកចិត្តទុកដាក់ទាំងថ្ងៃទាំងយប់ ដើម្បីដោះស្រាយទុក្ខលំបាករបស់ប្រជាពលរដ្ឋ៕អត្ថបទ៖ មុត សុទ្ធ

មន្ត្រីជាន់ខ្ពស់ក្រសួងមហាផ្ទៃ ជំរុញដល់អាជ្ញាធរស្រុកគាស់ក្រឡ ទាំងអស់សាមគ្គីគ្នាចុះជួយពលរដ្ឋរងគ្រោះដោយសារទឹកជំនន់

បាត់ដំបង ៖ រដ្ឋលេខាធិការក្រសួងមហាផ្ទៃ ឯកឧត្តម ប៊ុន ហុន និងជាប្រធានក្រុមការងារថ្នាក់កណ្ដាល ចុះជួយស្រុកគាស់ក្រឡ បានជំរុញដល់អាជ្ញាធរស្រុក និងមូលដ្ឋាន រួមទាំងសមាជិក-សមាជិកា នៃគណបក្សប្រជាជនកម្ពុជានៅ ស្រុកគាស់ក្រឡទាំងអស់ សាមគ្គីគ្នាចុះជួយដល់បងប្អូនប្រជាពលរដ្ឋឲ្យបានទាន់ពេលវេលា ខណៈពួកគាត់ជួបទុក្ខលំបាកដូចជារងគ្រោះទឹកជំនន់ និងបញ្ហាអ្វីផ្សេងៗ ជាដើម។ថ្លែងនៅក្នុងកម្មវិធីតែងតាំង និងសម្រួលសមាសភាព ក្រុមការងារចុះជួយគណបក្សប្រជាជនកម្ពុជា ចុះជួយ ឃុំ និងស្រុកគាស់ក្រឡ ខេត្តបាត់ដំបង នៅព្រឹកថ្ងៃទី២៤ ខែតុលា ឆ្នាំ២០២០នេះនៅសាលាស្រុកគាស់ក្រឡ ឯកឧត្តម ប៊ុន ហុន បានលើកឡើងថា ក្នុងនាមយើងជាមន្ត្រី ត្រូវរួមគ្នាឲ្យបានសកម្មបន្ថែមទៀត ក្នុងការជួយដល់បងប្អូនប្រជាពលរដ្ឋគ្រប់ពេលវេលាទាំងអស់ ដោយមិនត្រូវប្រកាន់និន្នាការអ្វីនោះឡើយ ហើយមួយវិញទៀតធ្វើយ៉ាងណាកុំឲ្យពួកគាត់មានការថ្នាំងថ្នាក់នឹងយើងឲ្យសោះ។ឯកឧត្តម បានសង្កត់ធ្ងន់ថា«សូមបងប្អូនជាសមាជិក-សមាជិកាគណបក្សប្រជាជនទាំងនៅឃុំ ស្រុកគាស់ក្រឡទាំងអស់ ត្រូវបន្តសាមគ្គីគ្នាចុះជួយប្រជាពលរដ្ឋ ដែលរង់គ្រោះដោយសារទឹកជំនន់ឲ្យបានគ្រប់ៗគ្នា ហើយក្រៅពីការងារមនុស្សធម៌ចុះជួយពលរដ្ឋនេះត្រូវខិតខំបម្រើបងប្អូនប្រជាពលរដ្ឋ ជាពិសេស សេវាសាធារណៈ ដោយមិនត្រូវឲ្យគាត់អាក់អន់ស្រពន់ចិត្តអ្វីនោះឡើយ»។ថ្លែងនៅក្នុងពិធីនោះដែរ ឯកឧត្តម ឡាំ ជា រដ្ឋលេខាធិការក្រសួងមហាផ្ទៃ និងជាអនុប្រធានទី១ ក្រុមការងារថ្នាក់កណ្ដាលចុះជួយស្រុកគាស់ក្រឡ ក៏បានអំពាវនាវដល់ក្រុមការងារទាំងអស់ ពេលចុះធ្វើវេទិកា សាធារណៈជាមួយបងប្អូនប្រជាពលរដ្ឋគប្បីត្រូវស្រង់ស្ថិតិបញ្ហារបស់ពួកគាត់ឲ្យបានគ្រប់ចំណុច ដែលពួកគាត់លើកមក ហើយបើបញ្ហាណាដែលយើងត្រូវដោះស្រាយបានភ្លាមៗគប្បីដោះស្រាយជូនពួកគាត់ និងបញ្ហាណា ដែលពិបាកត្រូវរាយការណ៍មកថ្នាក់លើដើម្បីពិចារណា នឹងធ្វើការដោះស្រាយជូនពួកគាត់៕អត្ថបទ ៖ បាន ចក់

ក្រុមគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ចុះប្រគល់អំណោយជូនពលរដ្ឋរងគ្រោះដោយជំនន់ទឹកភ្លៀង នៅស្រុកឱរ៉ាល់ ខេត្តកំពង់ស្ពឺ

កំពង់ស្ពឺ ៖ ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី បានចុះប្រគល់អំណោយជូនប្រជាពលរដ្ឋរងផលប៉ះពាល់ ដោយជំនន់ទឹកភ្លៀង និងអប់រំប្រជាពលរដ្ឋអំពីវិធានការ ការពារទប់ស្កាត់ជំងឺកូវីដ–១៩ និងជំងឺផ្សេងៗនៅតំបន់ដាច់ស្រយាល ស្ថិតក្នុងឃុំរស្មីសាមគ្គី ស្រុកឱរ៉ាល់ ខេត្តកំពង់ស្ពឺ កាលពីរសៀលថ្ងៃទី២៤ តុលា ២០២០។ក្នុងគោលដៅចូលរួមចំណែកជាមួយរាជរដ្ឋាភិបាលក្នុងការទប់ស្កាត់ប្រយុទ្ធ នឹងជំងឺកូវីដ–១៩ និងដោះស្រាយបញ្ហាជីវភាពរបស់ប្រជាពលរដ្ឋដែលរងផលប៉ះពាល់ដោយសារគ្រោះជំនន់ទឹកភ្លៀងនាពេល កន្លងមកនេះ គឺក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ចំនួន៣៦រូប ដឹកនាំដោយឯកឧត្តម ពាង ផារ័ត្ន ឯកឧត្តម សាន វណ្ណេត លោកវេជ្ជបណ្ឌិត សាយ ឫទ្ធី អនុប្រធានប្រតិបត្តិក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី អនុប្រធានក្រុមការងារថ្នាក់កណ្តាលចុះជួយស្រុកឱរ៉ាល់ តំណាងឯកឧត្តម លេង ផាលី ប្រធានប្រតិបត្តិក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី និងជាអនុប្រធានទី១ក្រុមការងារថ្នាក់កណ្តាល ចុះជួយស្រុកឱរ៉ាល់ ទទួលបន្ទុកចំនួន៣ឃុំ សហការជាមួយឯកឧត្តមកិត្តិសេដ្ឋាបណ្ឌិតទេសរដ្ឋមន្ត្រី ឆាយ ថន ប្រធានក្រុមការងាររាជរដ្ឋាភិបាលចុះជួយខេត្តកំពង់ស្ពឺ សាខាសកម្មជនក្រុមការងារយុវជនគណបក្សរាជធានីភ្នំពេញ សហភាពសហព័ន្ធយុវជនកម្ពុជាស្រុកឱរ៉ាល់ និងអាជ្ញាធរមូលដ្ឋានស្រុកឱរ៉ាល់ បានបន្តចុះអប់រំ ណែនាំ អំពីវិធានការទប់ស្កាត់ប្រយុទ្ធ នឹងជំងឺកូវីដ–១៩ ដោយបង្រៀនប្រជាពលរដ្ឋឲ្យយល់ដឹងអំពីការរស់នៅស្អាតប្រកបដោយអនាម័យល្អ ដោយលាងសម្អាតដៃនឹងអាកុល ឬសាប៊ូ ពាក់ម៉ាស់ឲ្យបានត្រឹមត្រូវនៅពេលចាំបាច់ ហូបស្អាត គេងស្អាត វិធីបង្ការគ្រុនចាញ់ , គ្រុនឈាម ព្រមទាំងពាំនាំការសួរសុខទុក្ខ យកអំណោយដ៏ថ្លៃថ្លារបស់ឯកឧត្តម ហ៊ុន ម៉ានី តំណាងរាស្ត្រ នៃព្រះរាជាណាចក្រកម្ពុជា ប្រធានសហភាពសហព័ន្ធយុវជនកម្ពុជា និងប្រធានកិត្តិយសក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី រួមមាន ពិនិត្យព្យាបាលជំងឺទូទៅ ជំងឺផ្តាសាយ សន្លាក់ឆ្អឹង ក្រពះ ពោះវៀន ចែកថ្នាំ មុលទីវីតាម៉ីន វីតាម៉ីនសេ ចែកអាល់កុល ជូនប្រជាពលរដ្ឋក្រីក្រចំនួន១០០គ្រួសារ ស្មើចំនួន១០៨នាក់ ដោយមួយគ្រួសារៗ ទទួលបាន អង្ករ ស្មើ ៥ គីឡូក្រាម , មី១កេស ៥០កញ្ចប់, ត្រីខ ១ យួ ស្មើនឹង ១០កំប៉ុង, ទឹកត្រី ៣ដប, ប្រេងឆា ១ដប ស្មើ ២លីត, ថវិកា ២ ម៉ឺនរៀល, ភួយម្នាក់១, ចែល ម្នាក់១ដប ជូនថវិកាដល់មូលដ្ឋានស្រុកចំនួន៤០ម៉ឺនរៀល ដើម្បីចាត់ចែងដល់អាជ្ញាធរមូលដ្ឋានភូមិឃុំ សរុបជាថវិកាអស់ចំនួន២៣លានរៀល។ឯកឧត្តម ពាង ផារ័ត្ន បានថ្លែងថា ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី តែងតែគិតគូរពីសុខុមាលភាព និងសុខទុក្ខរបស់ប្រជាពលរដ្ឋទូទាំងរាជធានី ខេត្ត និងចុះពិនិត្យព្យាបាលជំងឺជូនប្រជាពលរដ្ឋដោយឥតគិតថ្លៃគ្រប់ទីកន្លែង ដោយទទួលការណែនាំរបស់ឯកឧត្តមប្រធាន ហ៊ុន ម៉ានី ដែលលោកតែងតែខ្វល់ខ្វាយគិតគូរ និងរួមសុខរួមទុក្ខជាមួយប្រជាពលរដ្ឋដែលជួបការលំបាកគ្រប់កាលៈទេសៈ។ ប្រាកដណាស់បញ្ហាការរាតត្បាតជំងឺកូវីដ១៩ និងប្រជាពលរដ្ឋកំពុងរងផលប៉ះពាល់ដោយសារជំនន់ទឹកភ្លៀងផងនោះ បានបណ្ដាលឱ្យប្រជាពលរដ្ឋរងផលប៉ះពាល់ដល់សុខភាព និងសេដ្ឋកិច្ចនៅក្នុងគ្រួសារ ដូច្នេះ ទើបក្រុមការងារគ្រូពេទ្យស្ម័គ្រចិត្ត របស់ឯកឧត្តម ហ៊ុន ម៉ានី ចុះមកជួយបងប្អូនប្រជាពលរដ្ឋនាពេលនេះ។ទន្ទឹមគ្នានោះដែរ សមាជិកសហភាពសហព័ន្ធយុវជនកម្ពុជា ស្រុកឱរ៉ាល់ លោក ស៊ិន ហេងទ្រី បានលើកឡើងថា ក្នុងស្ថានភាពកូវីដ១៩ យើងបានចុះអប់រំផ្សព្វផ្សាយពីវិធានការទប់ស្កាត់ជំងឺកូវីដ១៩ គ្រប់ភូមិ ឃុំ ជូនបងប្អូនប្រជាពលរដ្ឋ ដែលយើងកំពុងតែទប់ស្កាត់ជំងឺកូវីដ១៩ បែរជាមកជួបនឹងគ្រោះជំនន់ទឹកភ្លៀងទៀត។ជាមួយគ្នានោះដែរ ប្រជាពលរដ្ឋ ០៣រូប ក្នុងចំណោមប្រជាពលរដ្ឋចំនួន១០៨នាក់ ដែលរងគ្រោះដោយសារជំនន់ទឹកភ្លៀង មកទទួលអំណោយ និងថវិកា បាននិយាយស្រដៀងគ្នាថា គាត់ពិតជាមានក្តីរំភើបកក់ក្តៅឥតឧបមា និងសូមថ្លែងអំណរគុណយ៉ាងខ្លាំងចំពោះសកម្មភាពមនុស្សធម៌នេះ៕អត្ថបទ ៖ រដ្ឋា

សម្ដេចតេជោ នឹងអញ្ជើញបើកការដ្ឋានសាងសង់ស្ពានបេតុងខ្សែកាបតភ្ជាប់ពីទីក្រុងរណបកោះពេជ្រ ឆ្លងកាត់គម្រោងអភិវឌ្ឍន៍កោះនរា នៅថ្ងៃស្អែកនេះ

ភ្នំពេញ ៖ នៅព្រឹកថ្ងៃច័ន្ទ ទី២៦ ខែតុលា ឆ្នាំ ២០២០នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញជាអធិបតីក្នុងពិធីបើកការដ្ឋានសាងសង់ស្ពានបេតុងខ្សែកាបតភ្ជាប់ពីទីក្រុងរណបកោះពេជ្រ ឆ្លងកាត់គម្រោងអភិវឌ្ឍន៍កោះនរា ទៅកាន់ផ្លូវជាតិលេខ១ ។សូមបញ្ជាក់ថា គម្រោងសាងសង់ស្ពានខ្សែកាបតភ្ជាប់ពីទីក្រុងរណបកោះពេជ្រ ទៅកាន់គម្រោងអភិវឌ្ឍន៍កោះនរា-ប្រវែងសរុប ៨២៤ម ទទឹង ២៤.៥ម៉ែត្រ-បណ្តោយស្ពានបេតុងអារមេ ប្រវែង ៤៨៣ ម៉ែត្រ-សសរស្ពានមានគម្លាត ២០ម+២១ម+១០៨ម+១៨០ម+១០៨ម+២៣ម+២៣ម-ផ្លូវតភ្ជាប់ក្បាលស្ពានត្រើយខាងកោះពេជ្រ ប្រវែង ២៤៩ម៉ែត្រ-ផ្លូវតភ្ជាប់ក្បាលស្ពានកោះនរា ប្រវែង ៩២ម៉ែត្រ-ជាស្ពានចរាចរទ្វេរទិស មានគន្លងសម្រាប់រថយន្តចំនួន ២ទៅ និងគន្លងចំនួន ២មក ដែល១គន្លងមានទទឹង ៣.២៥ម៉ែត្រ និងមានគន្លងសម្រាប់ទោចក្រយានយន្តចំនួន ១ទៅ និងគន្លងចំនួន ១មក ដែលមានទទឹង ១.២៥មសងខាង-ល្បឿនសុវត្ថិភាព ៤០គ.ម/ម៉ោង-ជម្រាលទទឹងស្ពាន ២%-សសរសម្រាប់ព្យួរខ្សែកាបមានកម្ពស់ ៦០ម គិតពីផ្ទៃតួស្ពានទៅលើអាកាស-សសរស្ពានសម្រាប់ព្យួរខ្សែកាបមានចំនួន ២ ដែលសសរស្ពាននីមួយៗប្រើប្រាស់គ្រឹះខួងខំនួន ១៨ដើម មានទំហំអង្កត់ផ្ចិត ២ម៉ែត្រ-គ្រឹះខួងសសរទី១មានជម្រៅ ៥៩.៤០ម៉ែត្រ និងសសរទី២មានជម្រៅ ៧៣.៤០ ម៉ែត្រ-ផ្នែកខាងកោះពេជ្រមានសសរចំនួន ៣ និងផ្នែកខាងកោះនរាមានសសរចំនួន ៣-ជើងតាងស្ពានមានទំហំ ២៤.៣មx១៧.៧មx៤.៥ម៉ែត្រ-កំពស់អតិបរមានាវាឆ្លងកាត់ក្រោមស្ពាន ៨ម នៅរដូវវស្សានីវ៉ូទឹកខ្ពស់បំផុត-កំពស់អតិបរមានាវាឆ្លងកាត់ក្រោមស្ពាន ១៨ម នៅរដូវប្រាំងនីវ៉ូទឹកទាបបំផុត-គម្លាតពីសរសរស្ពានខ្សែកាប មានប្រវែង ១៨០ម៉ែត្រ-សសរស្ពានខ្សែកាបនីមួយៗមានខ្សែកាបចំនួន១ជួរ ១៦ដើមសងខាង ក្នុង១ដើមមានភ្ជាប់ខ្សែកាបតូចៗពី ២៧ដើម ទៅ៣១ដើម ដែលមានអង្កត់ផ្ចឹត ១៥.២មម-សសរស្ពានខ្សែកាបទាំង២ មានឆ្លាក់ចម្លាក់រចនាបទខ្មែរ-មានបំពាក់បង្គោលភ្លើងបំភ្លឺស្ពាន-រៀបចំបណ្តាញលូអមសងខាងផ្លូវក្បាលស្ពាន-ដាក់ស្លាកសញ្ញាចរាចរ និងលាបគំនូសចរាចរ-គម្រោងចំណាយសាងសង់ ៣៨.០០០.០០០ដុល្លារ អាមេរិក-រយៈពេលសាងសង់ ៣៥ខែ-សាងសង់ដោយក្រុមហ៊ុនវិនិយោគទុនអាណិកជនកម្ពុជា OCIC+អំពីគម្រោងសាងសង់ស្ពានបេតុងអារមេតភ្ជាប់ពីកោះនរា ទៅផ្លូវជាតិលេខ ១-បណ្តោយស្ពានសរុបប្រវែង ៦០ម៉ែត្រ-ទទឹងស្ពាន ២១ម៉ែត្រ-បណ្តោយស្ពានបេតុង ៤៥ម-ផ្លូវគល់ស្ពានសងខាង ១៥ម៉ែត្រ-រយៈពេលសាងសង់ ១២ខែ៕

សម្តេចតេជោ ហ៊ុន សែន អញ្ជើញបើកការដ្ឋានសាងសង់ស្ពានបេតុងខ្សែកាប្លិ៍ឆ្លងកាត់ទន្លេបាសាក់ ពីតំបន់កោះពេជ្រ ទៅកាន់ទីក្រុងរណបកោះនរា និងពីកោះនរាទៅផ្លូវជាតិលេខ១

ភ្នំពេញ៖ នៅព្រឹកថ្ងៃទី២៦ ខែតុលា ឆ្នាំ២០២០នេះ សមិទ្ធផលថ្មីជាប្រវត្តិសាស្ត្រលើទឹកដីរាជធានីភ្នំពេញមួយទៀត ចាប់ផ្តើមបើកការដ្ឋានដំណើរការសាងសង់ហើយក្រោមអធិបតីភាពដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា។សមិទ្ធផលថ្មីដែលបើកការដ្ឋានសាងសង់ថ្ងៃនេះ គឺស្ពានបេតុងខ្សែកាប្លិ៍ឆ្លងកាត់ទន្លេបាសាក់ តភ្ជាប់រាជធានីភ្នំពេញ ពីទីក្រុងកោះពេជ្រ ទៅកាន់ទីក្រុងរណបកោះនរា និងពីកោះនរា ឆ្ពោះទៅផ្លូវជាតិលេខ១ ក្នុងភូមិសាស្ត្រ សង្កាត់និរោធ ខណ្ឌច្បារអំពៅ រាជធានីភ្នំពេញ។ស្ពានតភ្ជាប់ពីកោះពេជ្រ ទៅកោះនរា មានប្រវែង ៨២៤ម៉ែត្រ មានទទឹង ២៤.៥០ម៉ែត្រ។ ផ្លូវនេះគ្រោងចំណាយពេលសាងសង់ ៣៥ខែ ដោយចំណាយថវិកា ៣៨លានដុល្លារ។ដោយឡែកស្ពានភ្ជាប់ពីក្រុងរណបកោះនរា ទៅកាន់ផ្លូវជាតិលេខ១ មានប្រវែង ៦០ម៉ែត្រ ទទឹង ២១ម៉ែត្រ គ្រោងចំណាយពេលសាងសង់ ១២ខែ និងចំណាយថវិកា ១,៦០៦,៣៥៣ដុល្លាអាមេរិក។ស្ពានបេតុងខ្សែកាប្លិ៍១ខ្សែនេះ នៅពេលសាងសង់រួច នឹងចូលរួមចំណែកជួយសម្រួលការធ្វើដំណើររបស់ប្រជាពលរដ្ឋពីរាជធានីភ្នំពេញ ឆ្ពោះទៅកាន់ផ្លូវជាតិលេខ១។ ជាពិសេសជួយកាត់បន្ថយការកកស្ទះ នៅស្ពានព្រះមុនីវង្ស។សូមបញ្ជាក់ថា នៅកោះនរា ស្ថិតក្នងភូមិសាស្ត្រសង្កាត់និរោធ ខណ្ឌច្បារអំពៅ ត្រូវបានរាជរដ្ឋាភិបាលអនុញ្ញាតឱ្យក្រុមហ៊ុន OCIC ធ្វើជាទីក្រុងរណបថ្មីលើផ្ទៃដីជាង ១០០ហិកតា។ គម្រោងនេះនឹងត្រូវរៀបចំអភិវឌ្ឍន៍ ដូចទៅនឹងទីក្រុងកោះពេជ្រនាពេលបច្ចុប្បន្នដែរ៕

សម្តេចតេជោ ហ៊ុន សែន ព្រមានធ្ងន់ៗលោក ហូរ វ៉ាន់ អតីតក្រុមបក្សប្រឆាំងអំពីរឿងធ្វើបាតុកម្មនៅមុខស្ថានទូតចិន

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានព្រមានធ្ងន់ៗចំពោះលោក ហូរ វ៉ាន់ អតីតគណបក្សប្រឆាំងដែលថ្មីៗនេះបានដឹកនាំធ្វើបាតុកម្មនៅមុខស្ថានទូតចិនទាមទារឲ្យមានការដកកងទ័ពចិនចេញពីកម្ពុជា ខណៈដែលកម្ពុជាមិនមានកងទ័ពចិនគឺមានតែអ្នកវិនិយោគចិននោះ។សម្ដេចបានបញ្ជាក់ដោយហៅ ទៅកាន់ ហូរ វ៉ាន់ បើឈប់បានឈប់ទៅ។សម្ដេចបានបន្តថា ហូ វ៉ាន់ ជាមេខ្លោងអំពើក្បត់ ហើយរាជរដ្ឋាភិបាលចាត់ការពួកនៅខាងក្នុងក៏ជាការត្រឹមត្រូវ តាមច្បាប់ព្រោះមេចោររត់គេចខ្លួន។ដូច្នេះការបញ្ជាកូនចោរធ្វើសកម្មភាពបែបនេះអាកូនចោលក៏ត្រូវជាប់គុក៕

បណ្ដាញសង្គម

ព័ត៌មានថ្មីៗ

មន្រ្តីជាន់ខ្ពស់ គ.ជ.គ.ម. ចុះពិនិត្យការងារគ្រោះមហន្តរាយ និងសួរសុខទុក្ខភៀសសឹក ក្នុងខេត្តបន្ទាយមានជ័យ និងខេត្តឧត្តរមានជ័យ

ពលរដ្ឋអេក្វាឌ័ររាប់ម៉ឺននាក់បោះបង់ចោលផ្ទះសម្បែងរបស់ខ្លួនស្របពេលអំពើហិង្សាជនអន្ធពាលកើនឡើង

លោកLavrov និយាយប្រាប់សមភាគីអារ៉ាប៊ីសាអ៊ូឌីតថា រុស្ស៊ីត្រៀមខ្លួនរួចរាល់ ដើម្បីជួយដោះស្រាយស្ថានភាពនៅមជ្ឈិមបូព៌ា

ជ័យជម្នះរបស់គណបក្ស AfD ធ្វើឱ្យរបៀបវារៈកំណែទម្រង់របស់លោក Merz កាន់តែមិនច្បាស់លាស់

រដ្ឋមន្រ្តីការបរទេសគុយបាច្រានចោលការចរចារបស់អាមេរិក បើទោះបីជាមានការបិទច្រកក៏ដោយ

ប៉ាគីស្ថានបង្ហាញប្រព័ន្ធមីស៊ីលដែលអាចជារបស់ចិន ខណៈទំនាក់ទំនងកាន់តែស៊ីជម្រៅ

កោះហាវ៉ៃប្រកាសដាក់រដ្ឋក្នុងគ្រាអាសន្ន ខណៈព្យុះសង្ឃរា Lowell បោកបក់ជិតមកដល់

អូស្រ្តាលីប្រឈមនឹងរដូវភ្លើងឆេះព្រៃខ្លួនឯងបន្ទាប់ពីរដូវក្តៅដ៏ក្តៅគគុកនៅអឺរ៉ុប

រដ្ឋមន្ត្រីការបរទេសអ៊ីរ៉ាក់ និងសម្ព័ន្ធអារ៉ាប់ ពិភាក្សាអំពីច្រកសមុទ្រហ័រមូស និងភាពតានតឹងក្នុងតំបន់

ក្រុមហ៊ូទីអះអាងថា ខ្លួនបានវាយប្រហារទ្រង់ទ្រាយធំដោយមីស៊ីល និងដ្រូនលើគោលដៅនៅអារ៉ាប៊ីសាអ៊ូ ឌីត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

វិទ្យាស្ថានបច្ចេកវិទ្យាកម្ពុជា ត្រៀមខ្លួនផ្សារភ្ជាប់ប្រព័ន្ធបច្ចេកវិទ្យា ទៅរកវិស័យឧស្សាហកម្ម ៤.០

ព័ត៌មាន ជាតិនយោបាយ និង ការអភិវឌ្ឍន៍ អគារមជ្ឈមណ្ឌលវេជ្ជសាស្ត្រ The Olympia Medical Hub បើកយុទ្ធនាការបរិច្ចាគឈាម

រាជបណ្ឌិត្យសភាកម្ពុជា ផ្តើមបើកការបណ្តុះបណ្តាលគរុកោសល្យភាសាចិន ដើម្បីឆ្លើយតបកំណើនវិនិយោគចិន

សម្ដេចតេជោ ជំរុញឱ្យអាជ្ញាធរមូលដ្ឋាន និងពលរដ្ឋប្រឹងប្រែងស្ដារជីវភាព និងការខូចខាតក្រោយទឹកជំនន់

សម្តេចតេជោ ហ៊ុន សែន ព្រមានធ្ងន់ៗលោក ហូរ វ៉ាន់ អតីតក្រុមបក្សប្រឆាំងអំពីរឿងធ្វើបាតុកម្មនៅមុខស្ថានទូតចិន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ព័ត៌មាន ជាតិនយោបាយ​ និង ការអភិវឌ្ឍន៍ អគារ​មជ្ឈមណ្ឌល​វេជ្ជសាស្ត្រ The Olympia Medical Hub បើក​យុទ្ធនា​ការ​បរិច្ចាគ​ឈាម​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ព័ត៌មាន ជាតិនយោបាយ និង ការអភិវឌ្ឍន៍ អគារមជ្ឈមណ្ឌលវេជ្ជសាស្ត្រ The Olympia Medical Hub បើកយុទ្ធនាការបរិច្ចាគឈាម