BTV NEWS

រដ្ឋមន្ត្រីក្រសួងអភិវឌ្ឍន៍ជនបទចុះពិនិត្យវឌ្ឍនភាពការងារសាងសង់ស្ពានភ្នំក្រវាញ និងផ្លូវកៅស៊ូក្នុងខេត្តពោធិ៍សាត់

BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់

សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់

ឯកឧត្តម ចាន់ ដារ៉ុង ដឹកនាំគណៈកម្មការអន្តរក្រសួងចុះពិនិត្យវាយតម្លៃបញ្ចប់សុពលភាពការងារថែទាំផ្លូវខួបចំនួន ៣កំណាត់ ក្នុងខេត្តពោធិ៍សាត់

នយោបាយ និង ការអភិវឌ្ឍន៍

មេដឹកនាំកូរ៉េខាងជើង ចុះពិនិត្យអង្គភាពរថក្រោះ និងអំពាវនាវឱ្យមានការត្រៀមខ្លួនប្រយុទ្ធផ្លូវអាកាស

ទូរទស្សន៍ KRT ដែលគ្រប់គ្រងដោយរដ្ឋ បានរាយការណ៍នៅថ្ងៃចន្ទ (២៥ មីនា) នេះថា មេដឹកនាំកូរ៉េខាងជើង លោក គីម ជុងអ៊ុន (Kim Jong Un) បានទៅត្រួតពិនិត្យអង្គភាពរថក្រោះមួយ និងបានអំពាវនាវឱ្យបង្កើនការត្រៀមខ្លួនប្រយុទ្ធផ្លូវអាកាសរបស់ខ្លួន រួមទាំង «អំណាចមនោគមវិជ្ជា និងផ្លូវចិត្ត»។ក្នុងអំឡុងពេលនៃដំណើរចុះពិនិត្យកាលពីថ្ងៃអាទិត្យ (២៤ មីនា) នោះ មេបញ្ជាការកងពលបានប្រាប់លោក គីម ដោយសង្ខេបអំពីផែនការប្រតិបត្តិការវាយប្រហារ និងការពាររបស់ខ្លួន ការពិនិត្យឯកសារ និងផ្តល់ទិសដៅនៃបេសកកម្មប្រយុទ្ធ និងការហ្វឹកហ្វឺនសម្រាប់កងទ័ព នេះបើយោងតាមរបាយការណ៍របស់ KRT ។ទូរទស្សន៍ KRT បានចេញផ្សាយរូបថតដែលលោក គីម ពិនិត្យមើលទីស្នាក់ការកណ្តាលរបស់អង្គភាពកងពលរថក្រោះ សេអ៊ូល រូឃ្យុងស៊ូ ហ្កាដ លេខ ១០៥ (Seoul Ryu Kyong Su Guards 105th) នៃកងទ័ពប្រជាជនកូរ៉េ (KPA) និងកងវរសេនាធំថ្មើរជើងរថពាសដែកទីមួយ រួមទាំងសមយុទ្ធរថក្រោះ។អង្គភាពនេះ គឺជាកងពលរថពាសដែកដំបូងគេរបស់កូរ៉េខាងជើង ដែលបានចាប់ផ្តើមនៅឆ្នាំ១៩៤៨ ហើយត្រូវបានគេស្គាល់ថាមានមូលដ្ឋាននៅក្នុងខេត្ត ណស ហ័ងអ្ហេ (North Hwanghae) ភាគខាងកើតនៃរដ្ឋធានីព្យុងយ៉ាង។ វាត្រូវបានគេដាក់ឈ្មោះតាមមេបញ្ជាការស្ថាបនិករបស់ខ្លួន ដែលក៏បានដឹកនាំអង្គភាពនេះផងដែរ នៅពេលដែលកងទ័ពកូរ៉េខាងជើង បានកាន់កាប់ទីក្រុងសេអ៊ូល ក្នុងអំឡុងសង្គ្រាមកូរ៉េឆ្នាំ ១៩៥០ ដល់ ១៩៥៣៕

បញ្ជាការយោធាសហរដ្ឋអាមេរិក ក្នុងប្រទេសជប៉ុន នឹងត្រូវរៀបចំឡើងវិញ

សារព័ត៌មាន FT បានរាយការណ៍កាលពីថ្ងៃអាទិត្យ (២៤ មីនា) ថា ប្រធានាធិបតីសហរដ្ឋអាមេរិក លោក ចូ បៃដិន (Joe Biden) និងនាយករដ្ឋមន្ត្រីជប៉ុន លោក ហ៊្វូមីអូ គីស៊ីដា (Fumio Kishida) នឹងបង្ហាញផែនការមួយនៅខែក្រោយ ក្នុងការរៀបចំរចនាសម្ព័ន្ធបញ្ជាការយោធាអាមេរិក នៅក្នុងប្រទេសជប៉ុនឡើងវិញ ដើម្បីប្រឈមមុខនឹងការព្រួយបារម្ភរួមគ្នាអំពីប្រទេសចិន។សារព័ត៌មាន FT បានរាយការណ៍ដោយសំអាងដល់ប្រភពដែលដឹងពីស្ថានភាពនេះថា ផែនការនេះនឹងពង្រឹងការធ្វើគម្រោងប្រតិបត្តិការ និងសមយុទ្ធយោធារវាងប្រទេសទាំងពីរ។ សារព័ត៌មាននេះបានបន្ថែមថា ផែនការនោះនឹងត្រូវប្រកាសនៅសេតវិមាននៅថ្ងៃទី១០ ខែមេសា នៅពេលដែលលោក បៃដិន គ្រោងនឹងធ្វើជាម្ចាស់ផ្ទះទទួលលោក គីស៊ីដា នៅក្នុងព្រឹត្តិការណ៍ផ្លូវការមួយ ដែលនឹងរួមបញ្ចូលអាហារពេលល្ងាចរដ្ឋ និងកិច្ចប្រជុំគោលនយោបាយ។ជប៉ុនជាសម្ព័ន្ធមិត្តជិតស្និទ្ធ និងជាសមាសធាតុសំខាន់នៃយុទ្ធសាស្ត្ររបស់អាមេរិកចំពោះចិន កូរ៉េខាងជើង និងបញ្ហាសន្តិសុខអាស៊ីផ្សេងទៀត។ ទីក្រុងវ៉ាស៊ីនតោន បានគាំទ្រយ៉ាងមុតមាំលើការកសាងយោធាដ៏ធំមួយដោយប្រទេសជប៉ុន ខណៈដែលសកម្មភាពយោធា និងសន្តិសុខរវាងសហរដ្ឋអាមេរិក និងសម្ព័ន្ធមិត្តអាស៊ីសំខាន់ៗរបស់ខ្លួនបានពង្រឹង៕

លោក Simon Harris ក្លាយជានាយករដ្ឋមន្ត្រីអៀរឡង់ ស្ថិតក្នុងការរង់ចាំ

លោក Simon Harris បានក្លាយជានាយករដ្ឋមន្ត្រីប្រទេសអៀរឡង់ កំពុងស្ថិតក្នុងការរង់ចាំ កាលពីថ្ងៃអាទិត្យ ដោយសន្យាថានឹងជួយអាជីវកម្មខ្នាតតូច ផ្តោតលើច្បាប់និងសណ្តាប់ធ្នាប់ និងដោះស្រាយការធ្វើអន្តោប្រវេសន៍បន្ទាប់ពីការបោះឆ្នោតដែលពុំមានការជំទាស់ ដើម្បីបន្តតំណែងពីលោក Leo Varadkar ជាមេដឹកនាំគណបក្ស ហ្វីនេ ហ្កាអ៊ែល(Fine Gael) ដែលកំពុងគ្រប់គ្រង។លោក Harris ជារដ្ឋមន្ត្រីវ័យ ៣៧ឆ្នាំ ដែលត្រូវបានគេស្គាល់ថាជាអ្នកជួយដឹកនាំការឆ្លើយតបដំបូងរបស់ប្រទេសចំពោះជំងឺ COVID-19 ត្រូវបានបោះឆ្នោតឱ្យធ្វើជានាយករដ្ឋមន្ត្រីវ័យក្មេងបំផុតមិនធ្លាប់មានរបស់ប្រទេសអៀរឡង់ នៅពេលដែលសភាបន្ទាប់នឹងបន្តនៅថ្ងៃទី ៩ ខែមេសា ដោយសារតែមានការគាំទ្រពីដៃគូចម្រុះ។លោកនឹងមានពេលមិនលើសពីមួយឆ្នាំនោះទេដើម្បីសង្គ្រោះក្រុមចម្រុះពីភាពបរាជ័យនៅក្នុងការបោះឆ្នោតសភា។ការបោះឆ្នោតស្ទង់មតិសម្រាប់រយៈពេលបីឆ្នាំចុងក្រោយនេះ បានដាក់ លោក Sinn Fein មកពីគណបក្សឆ្វេងនិយម ដែលគាំទ្រការបង្រួបបង្រួមជាមួយអៀរឡង់ខាងជើងដែលគ្រប់គ្រងដោយចក្រភពអង់គ្លេស ជាអ្នកមានការពេញចិត្តក្នុងការដឹកនាំរដ្ឋាភិបាលបន្ទាប់។ការទទួលតំណែងរដ្ឋាភិបាលចម្រុះបីភាគី នឹងធ្វើការកាត់បន្ថយកម្មវិធីគោលនយោបាយដែលបានព្រមព្រៀងគ្នា នឹងផ្តល់ឱ្យ លោក Harris នូវចន្លោះតួចសម្រាប់គំនិតផ្តួចផ្តើមគោលនយោបាយថ្មីសំខាន់ៗ។

ប្រទេសបារាំង បង្កើនការព្រមានអំពីភេរវកម្មដល់កម្រិតខ្ពស់បំផុត

នាយករដ្ឋមន្ត្រីបារាំង លោក ហ្កាប្រ៊ីយែល អាតតាល់ (Gabriel Attal) បាននិយាយកាលពីថ្ងៃអាទិត្យ (២៤ មីនា) បន្ទាប់ពីកិច្ចប្រជុំជាមួយមន្ត្រីសន្តិសុខ និងមន្ត្រីការពារជាតិជាន់ខ្ពស់ ព្រមទាំងជាមួយប្រធានាធិបតី អ៊ីម៉ានុយអែល ម៉ាក្រុង (Emmanuel Macron) ថា រដ្ឋាភិបាលបារាំង កំពុងបង្កើនការព្រមានអំពីភេរវកម្មដល់កម្រិតខ្ពស់បំផុតរបស់ខ្លួន បន្ទាប់ពីការបាញ់ប្រហារនៅទីក្រុងមូស្គូ។លោក អាតតាល់ បាននិយាយនៅក្នុងការបង្ហោះនៅលើបណ្ដាញសង្គម X ថា ការសម្រេច ដែលកើតឡើងប៉ុន្មានខែមុនពេលទីក្រុងប៉ារីសធ្វើជាម្ចាស់ផ្ទះកីឡាអូឡាំពិចនេះ ត្រូវបានធ្វើឡើង «ដោយមើលឃើញពីការអះអាងទទួលខុសត្រូវរបស់រដ្ឋអ៊ីស្លាមសម្រាប់ការវាយប្រហារនៅមូស្គូ និងលទ្ធភាពនៃការគំរាមកំហែងលើបារាំង»។ប្រព័ន្ធប្រកាសអាសន្នរបស់ប្រទេសបារាំងមានបីកម្រិត ហើយកម្រិតខ្ពស់បំផុតត្រូវបានធ្វើឱ្យសកម្ម នៅពេលមានការវាយប្រហារនៅក្នុងប្រទេសបារាំង ឬនៅក្រៅប្រទេស ឬនៅពេលដែលការគំរាមកំហែងមួយត្រូវបានចាត់ទុកថាជិតមកដល់។កម្រិតព្រមាននេះអនុញ្ញាតឱ្យមានវិធានការសន្តិសុខពិសេស ដូចជាការល្បាតដោយកងកម្លាំងប្រដាប់អាវុធនៅតាមទីសាធារណៈ ដូចជាស្ថានីយ៍រថភ្លើង អាកាសយានដ្ឋាន និងកន្លែងសាសនាជាដើម៕

ចិនព្រមានហ្វីលីពីន ប្រឆាំងសកម្មភាពបង្កហេតុ បន្ទាប់ពីឧប្បត្តិហេតុនៅសមុទ្រចិនខាងត្បូង

ក្រសួងការពារជាតិចិន កាលពីថ្ងៃអាទិត្យ (២៤ មីនា) បានព្រមានហ្វីលីពីន ប្រឆាំងនឹងសកម្មភាព «បង្កហេតុ» នៅសមុទ្រចិនខាងត្បូង ហើយបាននិយាយថា ប្រទេសចិន បេជ្ញាការពារអធិបតេយ្យភាព និងបូរណភាពទឹកដីរបស់ខ្លួន រយៈពេលមួយថ្ងៃបន្ទាប់ពីឧប្បត្តិហេតុនៅក្នុងដែនទឹកដែលមានជម្លោះនៃសមុទ្រចិនខាងត្បូង។ក្រសួងការពារជាតិ បានបន្ថែមនៅក្នុងសេចក្តីថ្លែងការណ៍មួយថា «ប្រសិនបើហ្វីលីពីន ប្រឆាំងនឹងខ្សែបន្ទាត់របស់ចិនម្តងហើយម្តងទៀត ប្រទេសចិននឹងបន្តចាត់វិធានការយ៉ាងម៉ឺងម៉ាត់ និងដាច់ខាត ដើម្បីការពារអធិបតេយ្យភាពដែនដី និងសិទ្ធិ និងផលប្រយោជន៍ដែនសមុទ្ររបស់ខ្លួន»។ការលើកឡើងនេះបានធ្វើឡើង បន្ទាប់ពីឆ្មាំល្បាតឆ្នេរបស់ប្រទេសចិនបាននិយាយថា ខ្លួនបានចាត់វិធានការប្រឆាំងនឹងនាវាហ្វីលីពីន នៅក្នុងដែនទឹកដែលមានជម្លោះក្បែរកោះ សេខិន ថូម៉ាស ស្ហូល (Second Thomas Shoal) និងប្រជុំកោះ ស្រ្ពាតលី (Spratly) មួយថ្ងៃមុននោះ ដែលជាសកម្មភាពដែលហ្វីលីពីនបានហៅថា «គ្មានការទទួលខុសត្រូវ និងបង្កហេតុ»។ក្រុមការងារហ្វីលីពីន ប្រចាំនៅសមុទ្រចិនខាងត្បូង បាននិយាយនៅក្នុងសេចក្តីថ្លែងការណ៍មួយកាលពីថ្ងៃសៅរ៍ថាឧបទ្ទវហេតុនេះរួមមានការប្រើប្រាស់កាណុងបាញ់ទឹកប្រឆាំងនឹងទូកស៊ីវិលដែលត្រូវបានជួលដើម្បីផ្គត់ផ្គង់កងទ័ពឡើងវិញ៕

ពង្រាងសេចក្តីស្នើច្បាប់យោធារបស់អ៊ីស្រាអែល បង្កើតការប្រេះឆានៅក្នុងរដ្ឋាភិបាល

សមាជិកម្នាក់នៃគណៈរដ្ឋមន្ត្រីសង្គ្រាមរបស់អ៊ីស្រាអែល បាននិយាយកាលពីថ្ងៃអាទិត្យ (២៤ មីនា) ថាខ្លួននឹងចាកចេញពីរដ្ឋាភិបាលគ្រាអាសន្នជាតិ ប្រសិនបើសំណើច្បាប់ដែលបន្តលើកលែងជនជាតិជ្វីហ្វជ្រុលនិយមពីការបម្រើយោធាកាតព្វកិច្ច ត្រូវបានអនុម័តជាច្បាប់ពេញលេញ។រដ្ឋមន្ត្រីនៃគណៈរដ្ឋមន្ត្រីកណ្តាលនិយម លោក បេននី ហ្កាន់ស៍ (Benny Gantz) ដែលបានគំរាមលាលែងពីរដ្ឋាភិបាលគ្រាអាសន្ននេះបានបន្ថែមថា «សភាអ៊ីស្រាអែល មិនត្រូវបោះឆ្នោតឱ្យពង្រាងច្បាប់នេះទេ។ ច្បាប់ស្តីពីការអនុគ្រោះ ដែលត្រូវបានបង្កើតឡើងដោយរដ្ឋាភិបាលនេះ គឺជាការបរាជ័យខាងសីលធម៌ដ៏ធ្ងន់ធ្ងរដែលនឹងបង្កើតការប្រេះឆាដ៏ជ្រៅនៅក្នុងប្រទេស ស្របពេលដែលយើងត្រូវរួមគ្នាប្រយុទ្ធប្រឆាំងនឹងសត្រូវ»។គណបក្សរបស់លោក ហ្កាន់ស៍ តែមួយនឹងមិនអាចទម្លាក់រដ្ឋាភិបាលរបស់លោកនាយករដ្ឋមន្រ្តី បេនចាមីន ណេតាន់យ៉ាហ៊ូ បានឡើយ ប៉ុន្តែរដ្ឋមន្ត្រីការពារជាតិអ៊ីស្រាអែល ក៏បានចេញមុខប្រឆាំងនឹងពង្រាងច្បាប់នេះផងដែរ ដោយបង្ហាញពីការប្រឆាំងនៅក្នុងគណបក្ស លីគុត (Likud) ស្តាំនិយមរបស់លោក ណេតាន់យ៉ាហ៊ូ។សំណើច្បាប់នេះមិនត្រូវបានគេផ្សព្វផ្សាយជាសាធារណៈនោះទេ ប៉ុន្តែយោងទៅតាមប្រភពលេចធ្លាយដល់ប្រព័ន្ធផ្សព្វផ្សាយរបស់អ៊ីស្រាអែលបានឱ្យដឹងថា ច្បាប់នេះធ្វើឱ្យមានការលើកលែងផ្នែកយោធាដែលមានជម្លោះជាយូរមកហើយសម្រាប់ជនជាតិជ្វីហ្វជ្រុលនិយម និងថែមទាំងអាចពង្រីកបានទៀតផង៕

រុស្ស៊ី បង្ហូតទង់ជាតិពាក់កណ្ដាលដង កាន់ទុក្ខចំពោះអ្នកស្លាប់ជាង១០០នាក់ ក្នុងការវាយប្រហារនៅសាលប្រគំតន្ត្រី

រុស្ស៊ី បានបង្ហូតទង់ជាតិពាក់កណ្ដាលដងសម្រាប់ពេលវេលាកាន់ទុក្ខរយៈពេលមួយថ្ងៃ ហើយបានចោទប្រកាន់បុរសបួននាក់ដែលខ្លួនបានចោទប្រកាន់ថាបានបាញ់សម្លាប់មនុស្សដ៏រង្គាលនៅឯការប្រគំតន្ត្រីមួយនៅខាងក្រៅទីក្រុងមូស្គូកាលពីយប់ថ្ងៃសុក្រ ទី២២មីនាសប្ដាហ៍មុន ក្នុងការវាយប្រហារដ៏សាហាវបំផុតក្នុងទឹកដីរុស្ស៊ីក្នុងរយៈពេលពីរទសវត្សរ៍មិនធ្លាប់មាន។ លោក ប្រធានាធិបតី វ្ល៉ាឌីមៀ ពូទីន (Vladimir Putin) បានប្រកាសថ្ងៃអាទិត្យ ជាថ្ងៃកាន់ទុក្ខទូទាំងប្រទេសបន្ទាប់ពីបានសន្យាថានឹងដាក់ទោសអ្នកនៅពីក្រោយការវាយប្រហារសម្លាប់មនុស្ស ១៣៧នាក់ រួមទាំងកុមារ៣នាក់ និង១៨២នាក់បានរងរបួស។ មនុស្សជាង១០០នាក់កំពុងសម្រាកព្យាបាលនៅមន្ទីរពេទ្យ ខ្លះមានសភាពធ្ងន់ធ្ងរ។វីដេអូបានបង្ហាញលោក Putin ក្នុងទឹកមុខស្រងូតស្រងាត់ កំពុងអុជទៀននៅព្រះវិហារនៅគេហដ្ឋានរបស់លោកនៅខាងក្រៅក្រុងមូស្គូកាលពីល្ងាចថ្ងៃអាទិត្យ ដើម្បីគោរពវិញ្ញាណក្ខន្ធដល់អ្នកដែលបានស្លាប់។កាលពីព្រឹកថ្ងៃអាទិត្យ មនុស្សម្នាជាច្រើនបានដាក់ផ្កានៅឯសាលប្រគំតន្ត្រី ក្រូកាសស៊ីរីហល (Crocus City Hall) ជាសាលប្រគំតន្ត្រីដែលមានកៅអី ៦.២០០ នៅខាងក្រៅទីក្រុងមូស្គូ ជាកន្លែងដែលបុរសប្រដាប់អាវុធ ៤ នាក់បាន បើកការបាញ់ប្រហារ និងបំផ្ទុះគ្រឿងផ្ទុះ មុនពេលក្រុមតារារ៉ុកសម័យសូវៀត Picnic គ្រោងសម្តែងបទដែលមានចំណងជើងថា "Afraid of Nothing" ។ បុរសទាំងនោះបានបាញ់រះដោយប្រើអាវុធស្វ័យប្រវត្តិរបស់ពួកគេក្នុងរយៈពេលខ្លីទៅលើជនស៊ីវិលដែលបានស្រែកទ្រហោយំពោពេញដោយភាពស្លន់ស្លោរ។ ក្រុមរដ្ឋអ៊ីស្លាមបានអះអាងទទួលខុសត្រូវចំពោះការវាយប្រហារនេះ ប៉ុន្តែលោក Putin ពុំបាននិយាយជាសាធារណៈអំពីក្រុមសកម្មប្រយុទ្ធអ៊ីស្លាមពាក់ព័ន្ធនឹងក្រុមអ្នកវាយប្រហារនោះទេ ដែលលោកបាននិយាយថាពួកគេបានព្យាយាមរត់គេចខ្លួនទៅកាន់អ៊ុយក្រែន។ លោកបានលើកឡើងថា អ្នកមួយចំនួននៅខាងភាគីប្រទេសអ៊ុយក្រែន ត្រូវបានត្រៀមខ្លួនដើម្បីជំរុញឲ្យពួកខ្មាន់កាំភ្លើងឆ្លងកាត់ព្រំដែន៕

មន្រ្តីច្រកទ្វារព្រំដែនអន្តរជាតិប៉ោយប៉ែត បើកកិច្ចប្រជុំពិភាក្សា ដើម្បីរៀបចំការសម្របសម្រួលចំពោះពលរដ្ឋ និងលំហូរពលករឆ្លងដែន ក្នុងឱកាសបុណ្សចូលឆ្នាំថ្មីខាងមុខ

នៅព្រឹកថ្ងៃទី២៤ ខែមីនា ឆ្នាំ២០២៤ នេះប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត ខេត្តបន្ទាយមានជ័យ បានបើកកិច្ចប្រជុំពិភាក្សារៀបចំផែនការ ដើម្បីធ្វើការសម្របសម្រួលចំពោះលំហូររបស់ប្រជាពលរដ្ឋ និងពលករខ្មែរដែលធ្វើដំណើរឆ្លងដែន ចេញ-ចូលមកប្រទេសកម្ពុជា តាមច្រកទ្វារព្រំដែនអន្តរជាតិប៉ោយប៉ែត ក្នុងឱកាសរដូវបុណ្សចូលឆ្នាំថ្មីប្រពៃណីជាតិខ្មែរ ខាងមុខនេះ។ ពិធីបានប្រព្រឹត្តិទៅក្រោមអធិបតីភាពឯកឧត្ដម សេង សក្ដា អគ្គនាយក នៃអគ្គនាយកដ្ឋានការងារ និងឯកឧត្តមឧត្តមសេនីយ៍ឯក សុខ វាសនា អគ្គនាយក នៃអគ្គនាយកដ្ឋានអន្តោប្រវេសន៍រួមទាំងមានការអញ្ជើញចូលរួមពីលោក ង៉ោ ម៉េងជ្រួន អភិបាលរងខេត្តបន្ទាយមានជ័យ និងឯកឧត្ដម លោកជំទាវទីព្រឹក្សាក្រសួងការងារ នាយឧត្ដមសេនីយ៍ ឧត្ដមសេនីយ៍ អគ្គនាយករង អនុប្រធាននាយកដ្ឋាន អគ្គកុងស៊ុលកម្ពុជាប្រចាំខេត្តស្រះកែវ និង នាយ នាយរងប៉ុស្តិ៍ជាប់ព្រំដែនថៃទាំង ៨ប៉ុស្តិ៍ និងស្ថាប័នពាក់ព័ន្ធជាច្រើនរូបផងដែរ។ក្នុងឱកាសនោះដែរឯកឧត្តម សេង សក្តា អគ្គនាយក នៃអគ្គនាយកដ្ឋានការងារ និងឯកឧត្តម ឧត្តមសេនីយ៍ឯក សុខ វាសនា អគ្គនាយក នៃអគ្គនាយកដ្ឋានអន្តោប្រវេសន៍ បានលើកឡើងថា ក្នុងឱកាសពិធីបុណ្សចូលឆ្នាំប្រពៃណីជាតិខ្មែរដែលនិងខិតជិតមកដល់នៅពេលខាងមុខនេះ ធ្វើយ៉ាងណាមន្រ្តីប្រចាំការច្រកទ្វារព្រំដែនអន្តរជាតិប៉ោយប៉ែត ត្រូវបង្កើនធ្វើការសម្របសម្រួលនិងរកទីតាំងសម្រាប់ការរងចាំ និងសម្រួលរាល់បញ្ហាបែបបទផ្សេងៗ ជូនដល់បងប្អូនពលករឆ្លងដែន ក៏ដូចជាអ្នកធ្វើដំណើរឆ្លងដែនផ្សេងៗឲ្យបានឆាប់រហ័ស និងទាន់ពេលវេលាឲ្យបានល្អប្រសើរដោយការទទួលខុសត្រូវខ្ពស់ក្នុងដែនសមត្ថិកិច្ចរបស់ខ្លួន។ឯកឧត្តម បានបញ្ជាក់ថា ពាក់ព័ន្ធបញ្ហាវិធានការរៀបចំទាំងអស់នេះហើយអស់លោកត្រូវអនុវត្តការងារឲ្យបានខ្ជាប់ខ្ជួនដើម្បីបម្រើដល់ប្រជាពលរដ្ឋក៏ដូចជាពលករឆ្លងដែន ក្នុងឱកាសពិធីបុណ្សចូលឆ្នាំថ្មីប្រពៃណីជាតិខ្មែរឲ្យបានប្រសើរ។យ៉ាងម៉ិញបន្ទាប់ពីការពិភាក្សាការងារត្រូវបានបញ្ចប់ ក្រុមការងាររួមទាំងសមាសភាពភាគីពាក់ព័ន្ធកម្ពុជាថៃបានអញ្ជើញចុះត្រួតពិនិត្យលើទីតាំងកន្លែងសម្រាប់បញ្ជរប្រថាប់ត្រានិងលិខិតឆ្លងដែន រួមទាំងប័ណ្ណព្រំដែនចេញ-ចូល លើទីតាំងដែលត្រូវសាងសង់រោងត្រៀមសម្រាប់ទទួល និងចែកវត្ថុអនុស្សាវរីយ៍ ដូចជានំប៉័ង ទឹកសុទ្ធសម្រាប់ជាកន្លែងត្រៀមទទួលពលករក្នុងបរិវេណច្រកទ្វារ ព្រំដែនអន្តរជាតិប៉ោយប៉ែត ប្រកបដោយភាពកក់ក្តៅផងដែរ។ ពិសេសនោះសម្រាប់ពលករដែលគ្មានឯកសារធ្វើដំណើរនៅស្ថានីយរថភ្លើងប៉ោយប៉ែត គឺធ្វើយ៉ាងណាត្រូវជួយសម្របសម្រួលដល់ពួកគាត់រាល់បញ្ហាបំពេញបែបបទផ្សេងៗឲ្យបានឆាប់រហ័ស និងផ្តល់ភាពងាយស្រួលជូនដល់ពួកគាត់ផងដែរ៕

សម្តេចធិបតីផ្ដល់អនុសាសន៍ ៥ចំណុចដល់ក្រសួង-ស្ថាប័ន ក្នុងការអនុវត្តលើវិស័យវិទ្យាសាស្រ្ដ និងបច្ចេកវិទ្យា

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅព្រឹក ថ្ងៃទី២៤ ខែមីនា ឆ្នាំ២០២៤នេះ បានអញ្ជើញបើក «ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍» លើកទី២។ក្នុងឱកាសនោះសម្តេចធិបតី ហ៊ុន ម៉ាណែត បានលើកឡើងថា ដើម្បីជំរុញការចូលរួម អនុវត្តវិស័យវិទ្យាសាស្ត្រ បច្ចេកវិទ្យា និង នវានុវត្តន៍ ជាមួយនឹង ការពង្រឹងក្រុមប្រឹក្សាជាតិ វិទ្យាសាស្ត្រ បច្ចេកវិទ្យា និង នវានុវត្តន៍ ឲ្យកាន់តែរឹងមាំ, សម្តេចបានផ្ដល់អនុសាសន៍ណែនាំ ដល់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និង ក្រសួង-ស្ថាប័ន ពាក់ព័ន្ធសម្រាប់អនុវត្តបន្តរួមមាន៖ទី១៖ បន្តពង្រឹងអភិបាលកិច្ចលើវិស័យវិទ្យាសាស្ត្រ បច្ចេកវិទ្យា និង នវានុវត្តន៍ ស្របតាមបទដ្ឋានគតិយុត្តជាធរមាន។ ខណៈនេះ យើងមានក្រសួងឧស្សាហកម្ម វិទ្យាសាស្ត្រ បច្ចេកវិទ្យា និង នវានុវត្តន៍ និង ក្រុមប្រឹក្សាជាតិវិទ្យាសាស្ត្រ បច្ចេកវិទ្យា និងនវានុវត្តន៍ ជាស្ថាប័នមានសមត្ថកិច្ចគតិយុត្តលើវិស័យនេះ។ ដូច្នេះ សម្ដេចសូមដាក់ចេញនូវការណែនាំ ប្តូរទម្លាប់ពីការធ្វើការជាលក្ខណៈសាយឡូ ដោយឡែករៀងៗខ្លួន (Working in Silos) មកធ្វើការរួមគ្នា ដោយប្រកាន់ ស្មារតីសហការគ្នា ក្នុងអភិក្រម «ជីវភាពនៃប្រព័ន្ធតួអង្គតែមួយ» ដែលជាកត្តាមិនអាចខ្វះបាន ក្នុងការអភិវឌ្ឍប្រព័ន្ធនវានុវត្តន៍ជាតិមួយ ប្រកបដោយការប្រកួតប្រជែងក្នុងតំបន់ និងសកល។ទី២៖ បន្តជំរុញបរិវត្តកម្មបច្ចេកវិទ្យាដល់វិស័យឧស្សាហកម្ម, សហគ្រាសធុនតូច និង មធ្យម ដើម្បីឆ្លើយតបទៅនឹងបដិវត្តន៍ឧស្សាហកម្មទី ៤.០ ក្នុងគោលដៅចាប់យក ឲ្យបានលឿននូវបច្ចេកវិទ្យាចុងក្រោយ ទាំងឡាយ ដើម្បីបង្កើនផលិតភាពសហគ្រាស និង ជំរុញសហគ្រាស បុរាណ ក្នុងស្រុក ចាប់យកឲ្យបានទាន់ពេលវេលា និងពេញលេញ នូវវឌ្ឍនភាពនៃវិទ្យាសាស្ត្រ បច្ចេកវិទ្យា និងនវានុវត្តន៍។ទី៣៖ បន្តជំរុញឲ្យមាននូវថ្នាលបច្ចេកវិទ្យាចម្រុះថែមទៀត ដើម្បីគាំទ្រដល់ដៃគូពាក់ព័ន្ធ, ជាពិសេស វិស័យឯកជន ក្នុងការស្វែងរកទីផ្សារ ចាប់យកនូវខ្សែច្រវាក់ផ្គត់ផ្គង់តំបន់ និង សកល។ ថ្នាលបច្ចេកវិទ្យានេះ ត្រូវឈរលើយន្តការកិច្ចសហការរវាងវិស័យសាធារណៈ, វិស័យអប់រំ និង វិស័យឯកជន តាមគំរូម៉ូដែលត្រីវ័ណ្ឌ (Triple Helix model) ដោយមានការចូលរួមយ៉ាងសកម្ម រវាងតួអង្គពាក់ព័ន្ធ ក៏ដូចជា ដៃគូអភិវឌ្ឍ ដើម្បីអប់រំ, បណ្តុះបណ្តាល, ស្រាវជ្រាវ និង អភិវឌ្ឍ ឆ្លើយតបទៅនឹងតម្រូវការសង្គម ក្នុងបរិការណ៍នៃបដិវត្តឧស្សាហកម្មទី៤។ទី៤៖ អនុវត្តយន្តការតាមដានត្រួតពិនិត្យ និង វាយតម្លៃឲ្យបានម៉ឺងម៉ាត់ នូវការអនុវត្តរបស់ ក្រសួង-ស្ថាប័នពាក់ព័ន្ធ តាមសូចនាករ ដែលបានកំណត់ក្នុងផែនទីបង្ហាញផ្លូវផ្នែកវិទ្យាសាស្ត្រ បច្ចេកវិទ្យា និងនវានុវត្តន៍ ឆ្នាំ២០៣០។ សម្ដេចសូមឲ្យក្រសួង-ស្ថាប័នពាក់ព័ន្ធទាំងអស់ ត្រូវសហការជាមួយស្មារតីទទួលខុសត្រូវខ្ពស់ ក្នុងការសម្រេចបញ្ជូនរាល់ព័ត៌មាន និងសូចនាករ ដែលបានកំណត់ក្នុងផែនទីបង្ហាញផ្លូវ ប្រកបដោយតម្លាភាព និងប្រសិទ្ធភាព។ទី៥៖ ណែនាំគ្រឹះស្ថានអប់រំ បណ្តុះបណ្តាលស្រាវជ្រាវ និងវិស័យឯកជន ជាពិសេសសហគ្រាសធុនតូច និងមធ្យម ត្រូវសហការគ្នាជាមួយក្រសួង-ស្ថាប័នរាជរដ្ឋាភិបាល ដើម្បីបង្កើតនូវ មូលដ្ឋានរឹងមាំផ្នែកវិទ្យាសាស្ត្រ បច្ចេកវិទ្យា និង នវានុវត្តន៍ លើគ្រប់វិស័យ។ គោលដៅនេះ, អាចសម្រេចទៅបានអាស្រ័យលើការផ្លាស់ប្ដូរផ្នត់គំនិត, របៀបរបបចាត់ចែង, ការគ្រប់គ្រងការងារ និងធុរកិច្ច ជាមួយនឹងការវិយោគ ទាំងផ្នែកមូលធន និងការបណ្តុះធនធានមនុស្ស។សូមជម្រាបថា «ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍» ត្រូវបានផ្តួចផ្តើមរៀបចំឡើងពីសំណាក់សម្តេចតេជោ ហ៊ុន សែន អតីតនាយករដ្ឋមន្ត្រីកម្ពុជា ដោយកំណត់យកថ្ងៃទី២៦ ខែមីនា ជាថ្ងៃសម្រាប់ប្រារព្ធទិវានេះឡើង។ «ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍» លើកទី១ ត្រូវបានប្រារព្ធឡើងនៅឆ្នាំ២០២៣ ក្រោមអធិបតីភាពសម្តេចតេជោ ហ៊ុន សែន។ «ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍» លើកទី២ បន្តរៀបចំឡើងនៅមជ្ឈមណ្ឌលសន្និបាត និងពិព័រណ៍កោះពេជ្រ រយៈពេល៣ថ្ងៃ។ទិវានេះប្រព្រឹត្តិទៅរយៈពេល៣ថ្ងៃ ចាប់ពីថ្ងៃទី២៤ ដល់២៦ ខែមីនា ឆ្នាំ២០២៤ ដោយបើកជូនសាធារណជន ជាពិសេសអាជីវករដែលជាតំណាងមកពីសហគ្រាសធុនតូច និងមធ្យមជាដើម។ ស្តង់តាំងពិព័រណ៍មានចំនួន ២២៨ និងស្តង់ម្ហូបអាហារ និងភេសជ្ជៈចំនួន ១៥។ អ្នកចូលរួមតាំងពិព័រណ៍រួមមាន៖ ស្ថាប័ន សាធារណៈ វិស័យឯកជន ដែលមានភាគច្រើនជាសហគ្រាសធុនតូច និងមធ្យម គ្រឹះស្ថានអបរំ និងឧត្តមសិក្សា ធុរកិច្ចថ្មី និងដៃគូអភិវឌ្ឍន៍៕

សម្ដេចធិបតី៖ វិស័យវិទ្យាសាស្ត្រ បច្ចេកវិទ្យា និងនវានុវត្តន៍នឹងជួយពន្លឿនបរិវត្តកម្មរចនាសម្ព័ន្ធចាំបាច់ នៃការអភិវឌ្ឍសេដ្ឋកិច្ច-សង្គមឌីជីថលកម្ពុជា

ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃព្រះរាជាណាចក្រកម្ពុជា មានប្រសាសន៍ថា វិស័យវិទ្យាសាស្ត្រ បច្ចេកវិទ្យា និងនវានុវត្តន៍ នឹងជួយបង្កើនបរិយាកាស និងពន្លឿនបរិវត្តកម្មរចនាសម្ព័ន្ធ ដែលជាតម្រូវការចាំបាច់ក្នុងការលើកកម្ពស់វិបុលភាព សន្តិសុខ សុវត្ថិភាព ការអភិវឌ្ឍសេដ្ឋកិច្ច-សង្គមឌីជីថល និងគុណភាពជីវិតរបស់ប្រជាពលរដ្ឋឱ្យកាន់តែប្រសើរឡើង។ សម្តេចធិបតីនាយករដ្ឋមន្ត្រី មានប្រសាសន៍បែបនេះ ក្នុងឱកាស អញ្ជើញចូលរួមពិធីបើក ទិវាជាតិ វិទ្យាសាស្ត្រ បច្ចេកវិទ្យា និងនវានុវត្តន៍លើកទី២ ក្រោមប្រធានបទ “ សហគ្រាសធុនតូច និងមធ្យម ឆ្ពោះទៅវិទ្យាសាស្ត្រ បច្ចេកវិទ្យា និងនវានុវត្តន៍” នៅព្រឹកថ្ងៃទី២៤ ខែមីនា ឆ្នាំ២០២៤។សម្ដេចធិបតីថ្លែងថា «វិស័យវិទ្យាសាស្ត្រ បច្ចេកវិទ្យា និងនវានុវត្តន៍ នឹងជួយបង្កើនបរិយាកាស និងពន្លឿនបរិវត្តកម្មរចនាសម្ព័ន្ធ ដែលជាតម្រូវការចាំបាច់ក្នុងការលើកកម្ពស់វិបុលភាព សន្តិសុខ សុវត្ថិភាព ការអភិវឌ្ឍសេដ្ឋកិច្ច-សង្គមឌីជីថល និងគុណភាពជីវិត ឱ្យកាន់តែប្រសើរឡើងសម្រាប់ជាតិមាតុភូមិ ជាពិសេសការបង្កើនល្បឿនដើម្បីលើកកម្ពស់ផលិតភាព គុណភាព និងភាពប្រកួតប្រជែងក្នុងវិស័យកសិ-ឧស្សាហកម្ម, ឧស្សាហកម្ម និងសហគ្រាសធុនតូច និងមធ្យមនៅកម្ពុជា»។ សម្ដេចនាយករដ្ឋមន្រ្ដីបន្តថា ការពង្រឹងសមត្ថភាពបច្ចេកវិទ្យា និងការលើកកម្ពស់សមិទ្ធកម្មនវានុវត្តន៍របស់សហគ្រាស គឺជាកត្តាគន្លឹះកំណត់ការសម្រេចឱ្យបាននូវការចាប់យកខ្សែច្រវ៉ាក់ផ្គត់ផ្គង់ក្នុងតំបន់ និងសាកល។សម្ដេចបញ្ជាក់ថា ក្នុងទិសដៅនេះ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងក្រុមប្រឹក្សាជាតិ វិទ្យាសាស្ត្រ បច្ចេកវិទ្យា និងនវានុវត្តន៍ ត្រូវបានរាជរដ្ឋាភិបាលប្រគល់ភារកិច្ចជាសេនាធិការដើម្បីសម្រេចឱ្យបាននូវការកសាងមូលដ្ឋានគ្រឹះឆ្ពោះទៅសម្រេចចក្ខុវិស័យកម្ពុជា ឆ្នាំ២០៥០។សូមជម្រាបថា ក្នុងយុទ្ធសាស្ត្របញ្ចកោណ-ដំណាក់កាលទី១ របស់រាជរដ្ឋាភិបាល ជាពិសេសការអនុវត្តអាទិភាពគោលនយោបាយសំខាន់ៗ និងវិធានការកែទម្រង់ជាក់ស្តែងនានា ដែលត្រូវបានដាក់ឱ្យអនុវត្តជាបន្តបន្ទាប់ចាប់ពីដើមនីតិកាលទី៧ នៃរដ្ឋសភា ឱ្យសម្រេចបាននូវលទ្ធផលផ្លែផ្កា និងសម្រេចជោគជ័យ ដើម្បីឆ្លើយតបទៅនឹងសំណូមពរ សេចក្តីត្រូវការ និងការរំពឹងទុករបស់ប្រជាជនកម្ពុជាដែលជាម្ចាស់ឆ្នោត នៅក្នុងដំណាក់កាលថ្មីនៃការអភិវឌ្ឍ៕

បណ្ដាញសង្គម

ព័ត៌មានថ្មីៗ

ព្រឹកនេះកម្ពុជា-ថៃ បន្តបើកកិច្ចប្រជុំ RBC ជាលើកទី៣ ខណៈកិច្ចប្រជុំនេះ ជាសញ្ញាវិជ្ជមានក្នុងការអនុវត្តបទឈប់បាញ់

អនុប្រធានាធិបតីអាមេរិក៖ រុស្ស៊ី ធ្វើសម្បទានសំខាន់ៗឆ្ពោះទៅរកកិច្ចព្រមព្រៀងសន្តិភាពអ៊ុយក្រែន

អ៊ីរ៉ង់ ហៅបញ្ហាជាមួយអាមេរិក ថា «មិនអាចដោះស្រាយបាន» ស្របពេលភាពតានតឹងនុយក្លេអ៊ែរ

ប៉ាឡេស្ទីន៖ ទីជម្រកនៅហ្កាហ្សា បានដួលរលំ មិនអាចទ្រាំទ្រដល់ការជម្លៀសជនស៊ីវិលថែមទៀតទេ

រដ្ឋមន្ត្រីការបរទេសរុស្ស៊ី និយាយថា គ្មានជំនួបរវាងលោក Putin និងលោក Zelenskyy ទេ

អ៊ីស្រាអែលទម្លាក់គ្រាប់បែកជាយទីក្រុងហ្កាហ្សា ដោយប្តេជ្ញាបន្តវាយប្រហារថ្មើរជើងបន្ថែមទៀត

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទេយ្យវត្ថុដល់វត្តចំនួន៥ និងចែកអំណោយជូនប្រជាពលរដ្ឋចំនួន៥០០គ្រួសារ នៅខេត្តស្វាយរៀង

ប្រព័ន្ធការពារដែនអាកាសរបស់រុស្ស៊ី បានបំផ្លាញយានដ្រូនអ៊ុយក្រែនជាង ៩០គ្រឿង កាលពីយប់ថ្ងៃសៅរ៍

រុស្ស៊ី គ្រោងជួលជនជាតិឥណ្ឌាមកបម្រើការ នៅក្នុងវិស័យគ្រឿងយន្ត និងគ្រឿងអេឡិចត្រូនិច

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍