នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម
សម្ដេចតេជោ អំពាវនាវដល់រាជរដ្ឋាភិបាលយកចិត្តទុកដាក់សាងសង់កន្លែងស្នាក់នៅសម្រាប់សិស្សជាស្ត្រី
សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

នយោបាយ​ និង ការអភិវឌ្ឍន៍

មានព្រឹត្តិការណ៍ជាច្រើន ក្នុងខួប២ឆ្នាំចាប់តាំងពីការរំដោះបានទីក្រុង Bucha របស់អ៊ុយក្រែន ពីការគ្រប់គ្រងរបស់រុស្ស៊ី

2024/04/01 08:23:53 pm        219
Facebook Telegram Linkin
ប្រជាជននៅក្នុងទីក្រុង Bucha របស់អ៊ុយក្រែន បានចូលរួមព្រឹត្តិការណ៍ជាច្រើន កាលពីថ្ងៃអាទិត្យដើម្បីប្រារព្ធខួប២ឆ្នាំនៃការរំដោះទីក្រុងនេះពីការគ្រប់គ្រងរបស់រុស្ស៊ី។ អាជ្ញាធរក្នុងតំបន់ បាននិយាយថា ជនស៊ីវិលចំនួន ៥០៩នាក់ រួមទាំងកុមារ ១២ នាក់ ត្រូវបានសម្លាប់ នៅថ្ងៃដំបូងនៃការឈ្លានពានមកលើអ៊ុយក្រែន។ ក្រុមសិល្បៈករ បានរំលឹកដល់ជនរងគ្រោះដោយការប្រគំតន្ត្រីនៅព្រះវិហារ ជាកន្លែងដែលសាកសពជាច្រើនត្រូវបានគេរកឃើញ បន្ទាប់ពីកងកម្លាំងរុស្ស៊ីបានដកខ្លួនចេញពីទីក្រុងដែលមានទីតាំងនៅជិតរដ្ឋធានីគីវ។ អ្នកចូលទស្សនា បានដាក់ផ្កានៅវិមានមួយកន្លែងដែលមានសរសេរឈ្មោះអ្នកដែលត្រូវបានគេសម្លាប់ក្នុងអំឡុងពេលចូលកាន់កាប់។ស្ត្រីម្នាក់ ដែលប្អូនប្រុសរបស់គាត់ត្រូវបានកងកម្លាំងរុស្ស៊ីសម្លាប់ក្នុងអាយុ ៣៤ ឆ្នាំ បាននិយាយថា ប្អូនប្រុសគាត់បានបាត់ខ្លួន៣៩ថ្ងៃ បន្ទាប់ពីចេញទៅទិញទឹក។ លោកស្រីនិយាយថា ការបាត់ខ្លួនរបស់ប្អូនប្រុសលោកស្រី បានបន្សល់ទុកកូនតូចៗពីរនាក់ ហើយក្រុមគ្រួសារពុំទាន់ដឹងពីការស្លាប់របស់ប្អូនប្រុសគាត់នៅឡើយ។ អ្នកចូលរួម រួមមានមន្ត្រីមកពីបរទេស ព្រមទាំងទីភ្នាក់ងារសហប្រតិបត្តិការអន្តរជាតិជប៉ុន និងអង្គការជំនួយផ្សេងៗទៀត ដែលបាននិងកំពុងគាំទ្រដល់កិច្ចខិតខំប្រឹងប្រែងក្នុងការកសាងទីក្រុងនេះឡើងវិញ។បុរសម្នាក់ដែលកូនប្រុសពេញវ័យរបស់គាត់ ត្រូវទាហានរុស្ស៊ីធ្វើទារុណកម្មរហូតដល់ស្លាប់ បានប្រដូចពួកគេទៅនឹងគ្រោះកាចដ៏ចង្រៃ។ លោកបាននិយាយថា គ្រោះកាចនេះនឹងរាលដាលពាសពេញពិភពលោក ប្រសិនបើសហគមន៍អន្តរជាតិ បរាជ័យក្នុងការជួយប្រទេសអ៊ុយក្រែន។

ការវាយប្រហារជាបន្តបន្ទាប់របស់រុស្ស៊ី មានគោលបំណងកាត់ផ្តាច់ចរន្តអគ្គិសនីរបស់អ៊ុយក្រែន

2024/04/01 08:18:20 pm        253
Facebook Telegram Linkin
នៅកណ្តាលទីក្រុងខាគីវ ( Kharkiv) អ្នកឮសំឡេងម៉ាស៊ីនភ្លើង នៅគ្រប់ផ្លូវ។ រយៈពេល១០ថ្ងៃកន្លងទៅ ទីក្រុងទី២របស់អ៊ុយក្រែន បានធ្លាក់ចូលទៅក្នុងភាពងងឹតដោយសារការវាយប្រហារដោយមីស៊ីលរបស់រុស្សីដែលកំណត់គោលដៅទៅលើប្រព័ន្ធថាមពល ជាការដ៏ធំបំផុត ចាប់តាំងពីការចាប់ផ្តើមនៃសង្រ្គាមពេញទំហឹង។នៅពេលដែលទីក្រុងខាគីវ ធ្វើការដើម្បីស្តារថាមពលឡើងវិញ មានរលកនៃការវាយប្រហារបន្ថែមនៅទូទាំងប្រទេស ដោយកំណត់គោលដៅទៅលើការផ្គត់ផ្គង់ថាមពល។លោកប្រធានាធិបតី វ៉ូឡូមៀ ហ្សេឡិនស្គី (Volodymyr Zelensky) បានថ្កោលទោសអ្វីដែលលោកហៅថា ជា«ភេរវកម្មមីស៊ីល»របស់រុស្ស៊ី។លោកប្រធានាធិបតីអ៊ុយក្រែន ក៏បានអំពាវនាវជាថ្មីដល់សម្ព័ន្ធមិត្តរបស់ប្រទេសលោកសម្រាប់ប្រព័ន្ធការពារដែនអាកាសបន្ថែមទៀត ដើម្បីយកមកការពារ។អាជ្ញាធរនៅទីក្រុងអូដេសា ( Odesa) នៅលើសមុទ្រខ្មៅ នៅភាគខាងត្បូងនៃប្រទេស បាននិយាយថា ប្រព័ន្ធថាមពលនៅទីនោះ គឺជាចុងក្រោយបំផុតដែលត្រូវបានវាយប្រហារនៅពេលយប់ជាមួយនឹងមីស៊ីល និងយានដ្រូនដែលបានបណ្តាលឲ្យដាច់ភ្លើងមួយផ្នែក។នៅទីក្រុងខាគីវភាគខាងជើង ការវាយប្រហារនោះ បានឲ្យខូចខាតយ៉ាងធ្ងន់ធ្ងរ។អភិបាលក្រុងខាគីវ លោក Igor Terekhov បាននិយាយថា វានឹងចំណាយពេលជាច្រើនសប្តាហ៍ ដើម្បីស្តារការផ្គត់ផ្គង់ពេញលេញឡើងវិញ ហើយប្រសិនបើកងកម្លាំងប្រដាប់អាវុធរបស់រុស្ស៊ី មិនវាយប្រហារគោលដៅដដែល ម្តងទៀតទេ។

បក្សប្រឆាំងឥណ្ឌារួមគ្នាប្រឆាំងការចាប់ខ្លួននៅមុនការបោះឆ្នោត ដោយបន្ទោសនាយករដ្ឋមន្ត្រី លោក Modi

2024/04/01 08:07:33 pm        103
Facebook Telegram Linkin
គណបក្សប្រឆាំងប្រទេសឥណ្ឌា បានមកប្រមូលផ្តុំគ្នានៅក្នុងការជួបជុំមួយក្នុងទីក្រុង ញូ ដេលី (New Delhi) កាលពីថ្ងៃអាទិត្យ ដើម្បីតវ៉ាប្រឆាំងការចាប់ខ្លួនអ្នករិះគន់ លោក Modi ដ៏លេចធ្លោ មួយសប្តាហ៍មុនការបោះឆ្នោតរបស់ប្រទេស។នៅក្នុងការបង្ហាញសាមគ្គីភាព មេដឹកនាំគណបក្សប្រឆាំង បានកាន់ដៃគ្នាក្នុងអំឡុងពេលនៃការជួបជុំនេះ ខណៈអ្នកគាំទ្របានបង្ហាញផ្ទាំងបដាដោយមានរូបភាពរបស់ប្រធានរដ្ឋមន្រ្តីប្រចាំក្រុង Delhi លោក អាវីន កេជរីវ៉ាល(Arvind Kejriwal) ជាអ្នកដែលត្រូវបានចាប់ខ្លួនកាលពីថ្ងៃទី ២១ ខែមីនា ពីបទប្រព្រឹត្តអំពើពុករលួយលើការផ្តល់អាជ្ញាប័ណ្ណផលិតផលស្រា។លោក Kejriwal គឺជាអ្នករិះគន់ លោក Modi ដ៏ខ្លាំងក្លាម្នាក់ អ្នកគាំប្រឆាំងអំពើពុករលួយ និងជាមេដឹកនាំជាន់ខ្ពស់នៃប្លុកប្រឆាំងនៅឥណ្ឌាដែលមានសមាជិក ២៧នាក់។ មេដឹកនាំគណបក្ស Congress លោក រ៉ាហ៊ុល ហ្គានឌី(Rahul Gandhi) បាននិយាយទៅកាន់ការជួបជុំគ្នានេះថា ប្រសិនបើគណបក្ស បារ៉ាទីយ៉ា ចាណាតា (Bharatiya Janata) (BJP) របស់លោក Narendra Modi ឈ្នះការបោះឆ្នោត និងផ្លាស់ប្តូររដ្ឋធម្មនុញ្ញ ប្រទេសទាំងមូលនឹងឆាបឆេះ។ថ្លែងទៅកាន់ហ្វូងមនុស្ស ភរិយារបស់ លោក Kejriwal គឺលោកស្រី Sunita Kejriwal បាននិយាយថា «លទ្ធិហ្វាស៊ីសនិយម នឹងមិនដំណើរការទេ» នៅក្នុងប្រទេសឥណ្ឌា។ យោងតាមការស្ទង់មតិមតិ បានឲ្យដឹងថា លោក Modi ត្រូវបានគេរំពឹងយ៉ាងទូលំទូលាយថា នឹងទទួលជ័យជម្នះអាណត្តិទី ៣ ជាប់ៗគ្នាក្នុងអំឡុងពេលការបោះឆ្នោតសកល នៅខែមេសានេះ ។

ប្រព័ន្ធផ្សព្វផ្សាយរដ្ឋចិន ញុះបន្ថែមលើការចោទប្រកាន់ ដែលថាមេដឹកនាំកោះតៃវ៉ាន់ នឹងរត់គេចពីសង្គ្រាម ក្រោយលែងកាន់អំណាច

2024/04/01 07:58:38 pm        178
Facebook Telegram Linkin
យោងតាមរបាយការណ៍ពុំបានបញ្ជាក់ ដែលបានចេញផ្សាយជាលើកដំបូងក្នុងឆ្នាំ២០២១ និងឆ្លុះបញ្ចាំងពីការបោះឆ្នោតជ្រើសរើសមេដឹកនាំរបស់កោះនេះ កាលពីខែមករា ឆ្នាំ២០២៤ មេដឹកនាំកោះតៃវ៉ាន់ លោកស្រី សៃអ៊ីងវិន (Tsai Ing-wen) គ្រោងនឹងភៀសខ្លួនតាមយន្តហោះទៅសហរដ្ឋអាមេរិក ប្រសិនបើសង្គ្រាមផ្ទុះឡើងជាមួយប្រទេសចិន។ រឿងមួយទៀតបាននិយាយថា លោកស្រី Tsai បានផ្តល់សំបុត្រ VIP ដល់មនុស្សដែលលោកស្រី ទុកចិត្ត ក្នុងការរត់គេចខ្លួន ។ យោងតាមការវិភាគដែលធ្វើឡើងសម្រាប់សារព័ត៌មាន Reuters ដោយមជ្ឈមណ្ឌលស្រាវជ្រាវបរិស្ថានព័ត៌មាន (IORG) ដែលជាអង្គការមិនមែនរដ្ឋាភិបាលមានមូលដ្ឋាននៅកោះតៃវ៉ាន់ ពួកគេស្ថិតក្នុងចំណោមក្រុមមនុស្សជាច្រើន ដែលគ្មានការគាំទ្រនៃការរៀបចំរបស់លោកស្រី Tsai ដើម្បីគេចពីគ្រោះថ្នាក់ ដែលត្រូវបានហូរចូលទៅក្នុងកោះនេះ ដោយប្រព័ន្ធផ្សព្វផ្សាយរដ្ឋរបស់ចិន។ ការវិភាគរបស់ IORG បានបង្ហាញថា ការនិទានរឿងដែលថា លោកស្រី Tsai គ្រោងនឹងភៀសខ្លួន ប្រសិនបើសង្គ្រាមផ្ទុះឡើងជាមួយប្រទេសចិន ហើយសមយុទ្ធយោធារបស់តៃវ៉ាន់គឺជាការហាត់សមសម្រាប់រឿងនេះ ដែលមានប្រភពចេញពីសារព័ត៌មានគ្រប់គ្រងដោយបក្សកុម្មុយនិស្តចិន (CCP) ក្នុងខែមិថុនា ឆ្នាំ ២០២១ ហើយត្រូវបានធ្វើម្តងទៀតយ៉ាងឆាប់រហ័ស ដោយប្រភពព័ត៌មានផ្លូវការរបស់ចិនផ្សេងទៀត។ទីក្រុងតៃប៉ិ(Taipei) បាននិយាយជាថ្មីថារបាយការណ៍នោះគឺមិនពិតទេ។ រដ្ឋាភិបាលពុំបានលម្អិត ជាសាធារណៈអំពីផែនការរបស់ខ្លួនសម្រាប់ការដឹកនាំក្នុងករណីមានជម្លោះនោះទេ។ សារព័ត៌មាន Reuters មិនអាចកំណត់ដោយឯករាជ្យអំពីអាទិភាពនៃផែនការរត់គេចខ្លួនបែបនេះបានទេ។ សារព័ត៌មានReuters បានស្នើឱ្យ IORG វិភាគប្រភពដើមនៃរឿងរ៉ាវអំពីសមយុទ្ធយោធារបស់តៃវ៉ាន់ ព្រោះសមយុទ្ធនេះបានទាក់ទាញកំហឹងពីចិន និងគ្របដណ្តប់ជាអន្តរជាតិយ៉ាងសំខាន់៕

រដ្ឋមន្ត្រីការពារជាតិ៖ ប្រទេសបារាំង នឹងបញ្ជូនរថពាសដែករាប់រយគ្រឿង ទៅឲ្យអ៊ុយក្រែន

2024/04/01 07:53:16 pm        91
Facebook Telegram Linkin
រដ្ឋមន្ត្រីការពារជាតិបារាំងលោក Sébastien Lecornu បាននិយាយថា ប្រទេសបារាំង នឹងប្រគល់រថពាសដែករាប់រយគ្រឿងទៅឲ្យអ៊ុយក្រែននៅដើមឆ្នាំក្រោយ ដែលជាផ្នែកនៃកញ្ចប់ជំនួយយោធាថ្មីសម្រាប់ប្រទេសដែលទើបតែឈានចូលដល់ឆ្នាំទី៣នៃសង្គ្រាម ចាប់តាំងពីការឈ្លានពានពេញទំហឹងរបស់រុស្ស៊ី។នៅក្នុងបទសម្ភាសន៍ជាមួយសារព័ត៌មានបារាំង La Tribune កាលពីថ្ងៃអាទិត្យ លោក Lecornu បាននិយាយថា៖«ដើម្បីរក្សាសមរភូមិជួរមុខដ៏ទូលំទូលាយបែបនេះ កងទ័ពអ៊ុយក្រែន ត្រូវការនាវាផ្ទុកពាសដែករបស់យើង។ វាពិតជាសំខាន់ណាស់សម្រាប់ការចល័តទ័ព»។លោក Lecornu បានថ្លែងថា បច្ចុប្បន្ននេះ យោធាបារាំង កំពុងជំនួសរថពាសដែក VABចាស់ៗរបស់ខ្លួន ដែលបានចូលបម្រើការងារក្នុងឆ្នាំ១៩៧៩ ជាមួយនឹងរថពាសដែកជំនាន់ថ្មី។ «ឧបករណ៍ចាស់ទាំងនេះ នៅអាចប្រើប្រាស់បាន កំពុងដំណើរការដោយផ្ទាល់ទៅកាន់អ៊ុយក្រែន ក្នុងបរិមាណដ៏ច្រើន។ យើងកំពុងនិយាយអំពីយានយន្តរាប់រយក្នុងឆ្នាំ ២០២៤ និងដើមឆ្នាំ ២០២៥។ លោក Lecornu ក៏បានបញ្ជាក់ផងដែរថា ប្រទេសបារាំង នឹងផ្តល់ឲ្យអ៊ុយក្រែននូវមីស៊ីលប្រឆាំងយន្តហោះបន្ថែមទៀត។ការសម្រេចនេះ កើតឡើងនៅពេលដែលរដ្ឋាភិបាលបារាំង កំពុងជំរុញឧស្សាហកម្មយោធារបស់ខ្លួន ក្នុងការជំរុញផលិតកម្ម ដើម្បីបំពេញតម្រូវការបន្ទាន់របស់ទីក្រុងគីវនូវគ្រាប់រំសេវ។កាលពីថ្ងៃអង្គារ លោក Lecornu បាននិយាយថា ប្រទេសបារាំង នឹងអាចបញ្ជូនយន្តហោះចម្បាំង Caesar ចំនួន ៧៨គ្រឿង ទៅឲ្យអ៊ុយក្រែនក្នុងពេលឆាប់ៗ ហើយនឹងបង្កើនការផ្គត់ផ្គង់គ្រាប់រំសេវរបស់ខ្លួន។

ធនាគារកណ្តាលអ៊ីស្រាអែល ព្រមានពីការខូចខាតសេដ្ឋកិច្ច បើបុរសជ្វីហ្វជ្រុលនិយម មិនចូលបម្រើយោធា

2024/04/01 06:47:18 pm        105
Facebook Telegram Linkin
ធនាគារអ៊ីស្រាអែល កាលពីថ្ងៃអាទិត្យ (៣១ មីនា) បានព្រមានពីការខូចខាតផ្នែកសេដ្ឋកិច្ចរបស់ប្រទេស ប្រសិនបើបុរសជនជាតិជ្វីហ្វជ្រុលនិយមកាន់តែច្រើនមិនចូលរួមក្នុងយោធា ដោយដាក់បន្ទុកកាន់តែធ្ងន់លើបញ្ហាដ៏ចម្រូងចម្រាស ដែលបានបង្កឱ្យមានការបែកបាក់នៅក្នុងរដ្ឋាភិបាលសម័យសង្រ្គាមរបស់លោកនាយករដ្ឋមន្ត្រី បេនចាមីន ណេតាន់យ៉ាហ៊ូ (Benjamin Netanyahu)។នៅក្នុងរបាយការណ៍ប្រចាំឆ្នាំ ២០២៣ របស់ខ្លួន ធនាគារកណ្តាលបាននិយាយថា សង្រ្គាមរបស់អ៊ីស្រាអែល ប្រឆាំងនឹងក្រុមអ៊ីស្លាមប៉ាឡេស្ទីន ហាម៉ាស នៅតំបន់ហ្កាហ្សា ដែលបានចាប់ផ្តើមកាលពីថ្ងៃទី០៧ ខែតុលា បានបង្ហាញពីតម្រូវការបុគ្គលិកយោធា ហើយបានបន្ថែមបន្ទុកដល់សេដ្ឋកិច្ចដោយសារតែចំនួនថ្ងៃនៃការបម្រើយោធាកើនឡើងយ៉ាងខ្លាំង ដែលនឹងត្រូវបានទាមទារសម្រាប់ទាំងទាហានកាតព្វកិច្ច និងទាហានបម្រុង ហើយនេះបានធ្វើឱ្យប៉ះពាល់ដល់ទិន្នផលសេដ្ឋកិច្ចផ្ទាល់របស់ទាហាន។រដ្ឋាភិបាលរបស់លោក ណេតាន់យ៉ាហ៊ូ បាននិយាយកាលពីខែកុម្ភៈថា ខ្លួននឹងស្វែងរកមធ្យោបាយដើម្បីបញ្ចប់ការលើកលែងបម្រើយោធាសម្រាប់ជនជាតិជ្វីហ្វជ្រុលនិយម ដែលមានតាំងពីការបង្កើតអ៊ីស្រាអែលក្នុងឆ្នាំ ១៩៤៨ មក ដើម្បីចែករំលែកបន្ទុកក្នុងសម័យសង្គ្រាមនៅទូទាំងសង្គមឱ្យកាន់តែយុត្តិធម៌។ ប៉ុន្តែការសម្រេចនេះបានជួបជាមួយនឹងប្រតិកម្មតបវិញពីភាគីជ្វីហ្វជ្រុលនិយម និងបានបង្កើតការប្រេះឆាយ៉ាងជ្រៅនៅក្នុងក្រុមចម្រុះរបស់រដ្ឋាភិបាល៕

រុស្ស៊ី ចង់បានការធ្វើបត្យាប័នប្រធានសេវាសន្តិសុខអ៊ុយក្រែន ខណៈអ៊ុយក្រែន បដិសេធការទាមទារនេះ

2024/04/01 06:43:34 pm        104
Facebook Telegram Linkin
ក្រសួងការបរទេសរុស្ស៊ី បាននិយាយកាលពីថ្ងៃអាទិត្យ (៣១ មីនា) ថា ប្រទេសរុស្ស៊ី កំពុងទាមទារឱ្យអ៊ុយក្រែនប្រគល់មនុស្សទាំងអស់ដែលមានទំនាក់ទំនងជាមួយអំពើភេរវកម្មដែលបានប្រព្រឹត្តនៅក្នុងប្រទេសរុស្ស៊ី រួមទាំងប្រធានសេវាសន្តិសុខ SBU របស់ប្រទេសនេះផងដែរ។សេវាសន្តិសុខអ៊ុយក្រែន SBU បានច្រានចោលភ្លាមៗនូវការទាមទាររបស់រុស្ស៊ី ថាជារឿង «គ្មានន័យ» ហើយបាននិយាយថា ក្រសួងរុស្ស៊ី «បានភ្លេច» ហើយថាមេដឹកនាំវិមានក្រឹមឡាំងរបស់ខ្លួន លោក វ្ល៉ាឌីមៀ ពូទីន គឺជាកម្មវត្ថុនៃដីកាចាប់ខ្លួនអន្តរជាតិ។សេចក្តីថ្លែងការណ៍របស់ក្រសួងការបរទេសរុស្ស៊ី បានរាយបញ្ជីឧប្បត្តិហេតុហឹង្សាជាច្រើនដែលបានកើតឡើងនៅរុស្ស៊ី ចាប់តាំងពីកងកម្លាំងរបស់វិមានក្រឹមឡាំង បានឈ្លានពានអ៊ុយក្រែន ក្នុងខែកុម្ភៈ ឆ្នាំ ២០២២ មក រួមទាំងការបោកគ្រាប់បែក ព្រមទាំងឧប្បត្តិហេតុផ្សេងទៀត។ក្រសួងរុស្ស៊ីនេះបាននិយាយថាការស៊ើបអង្កេតលើឧប្បត្តិហេតុទាំងនេះបានបង្ហាញថា «ដាននៃឧក្រិដ្ឋកម្មទាំងនោះនាំទៅដល់អ៊ុយក្រែន»។ ក្នុងចំណោមអ្នកមានឈ្មោះបញ្ជីនៅក្នុងសេចក្តីថ្លែងការណ៍ដែលត្រូវប្រគល់ខ្លួននោះ មានប្រធានសេវាសន្តិសុខអ៊ុយក្រែន SBU លោក វ៉ាស៊ីល ម៉ាលូក (Vasyl Maliuk) ដែលបានទទួលស្គាល់ថាសេវាកម្មរបស់ខ្លួននៅពីក្រោយការវាយប្រហារលើស្ពានដែលភ្ជាប់តំបន់ គ្រីម៉េ (Crimea) ទៅដីគោករបស់រុស្ស៊ី ចាប់តាំងពីការឈ្លានពានរបស់វិមានក្រឹមឡាំងលើអ៊ុយក្រែនមក៕

មេដឹកនាំជីហាដឥស្លាមប៉ាឡេស្ទីន អរគុណអ៊ីរ៉ង់ចំពោះ ការគាំទ្រផ្នែកយោធា

2024/04/01 06:40:00 pm        152
Facebook Telegram Linkin
មេដឹកនាំក្រុមភេរវកម្មប៉ាឡេស្ទីនឥស្លាមជីហាដ (PIJ) ដែលជាប់ពាក់ព័ន្ធក្នុងការវាយប្រហារដែលមិនធ្លាប់មានពីមុនមកដឹកនាំដោយក្រុមហាម៉ាសក្នុងប្រទេសអ៊ីស្រាអែលកាលពីថ្ងៃទី៧ ខែតុលា បានថ្លែងអំណរគុណដល់អ៊ីរ៉ង់ចំពោះការគាំទ្រផ្នែកយោធារបស់ខ្លួន។លោក ហ្ស៊ីយ៉ាដ អាល់ ណាខាឡា (Ziyad al-Nakhalah) មេដឹកនាំ PIJ បាននិយាយនៅក្នុងទីក្រុង តេអេរ៉ង់កាលពីថ្ងៃសៅរ៍ថា៖«វាមិនងាយស្រួលទេសម្រាប់ប្រជាជនប៉ាឡេស្ទីនក្នុងការសម្រេចបាននូវស្ថិរភាពដ៏ពិសិដ្ឋនេះ ក្នុងការប្រយុទ្ធដើម្បី[ប្រតិបត្តិការ] al-Aqsa ដោយគ្មានការគាំទ្រច្បាស់លាស់និងជាបន្តរបស់អ៊ីរ៉ង់ ក្នុងប៉ុន្មានឆ្នាំថ្មីៗនេះ នៅគ្រប់កម្រិតនយោបាយ និងយោធា...។ អង្គការជ្រុលនិយមប៉ាឡេស្ទីនហាម៉ាស ( Hamas) ដែលគ្រប់គ្រងតំបន់ហ្កាហ្សាស្ទ្រីប និងក្រុមភេរវកម្មផ្សេងទៀត បានដាក់ឈ្មោះការវាយប្រហារថ្ងៃទី៧ ខែតុលា លើទឹកដីអ៊ីស្រាអែលភាគខាងត្បូងថា កិច្ចប្រតិបត្តិការ Operation al-Aqsa Flood ដែលសំដៅទៅលើវិហារឥស្លាម al-Aqsa ក្នុងទីក្រុងហ្ស៊េរុយសាឡឹម ដែលជាកន្លែងដ៏ពិសិដ្ឋបំផុតមួយនៅក្នុងសាសនាឥស្លាម។ពួកគេ បានសម្លាប់មនុស្សប្រហែល ១.២០០នាក់ ដែលភាគច្រើនជាជនស៊ីវិលនៅថ្ងៃនោះ ហើយបានចាប់ពង្រត់ប្រហែលមនុស្ស ២៥០នាក់ផ្សេងទៀត ទៅកាន់តំបន់ហ្កាហ្សា ដែលបង្កឲ្យមានសង្រ្គាម ដែលកំពុងបន្តរវាងអ៊ីស្រាអែល និងក្រុមហាម៉ាស នៅក្នុងតំបន់ឆ្នេរនេះ។បច្ចុប្បន្ននេះ លោក អាល់ណាខាឡា កំពុងស្ថិតនៅក្នុងរដ្ឋធានីអ៊ីរ៉ង់សម្រាប់ការចរចា ក្នុងពេលជាមួយនឹងមេដឹកនាំក្រុមហាម៉ាសលោក អ៊ីស្មេល ហានីយេ (Ismail Haniyeh)។ក្រៅពីអ្នកនយោបាយសំខាន់ៗ មេដឹកនាំឥស្លាមទាំងពីររូប ក៏បានជួបមេដឹកនាំសាសនារបស់អ៊ីរ៉ង់ អាយ៉ាតូឡា អាលី ខាមីណេ (Ayatollah Ali Khamenei) ផងដែរ។

ចិន ប្រឆាំងការរំលោភលើសន្តិសុខជាតិរបស់អាមេរិក ខណៈបន្ថែមការរឹតបន្តឹងការនាំចេញបន្ទះឈីប

2024/04/01 06:36:10 pm        154
Facebook Telegram Linkin
ប្រទេសចិនបានប្រឆាំងយ៉ាងដាច់ខាត ចំពោះច្បាប់ដែលបានកែប្រែចុងក្រោយរបស់សហរដ្ឋអាមេរិក ដែលធ្វើឱ្យប្រទេសចិនជួបផលពិបាកកាន់តែខ្លាំងក្នុងការទទួលបានបន្ទះឈីប និងឧបករណ៍សម្រាប់ផលិតបន្ទះឈីបបញ្ញាសិប្បនិម្មិត ឬ (AI) របស់សហរដ្ឋអាមេរិក ដោយបញ្ជាក់ថា អាមេរិក នឹងរំខានដល់ទីផ្សារ បន្ទះឈីបពាក់កណ្ដាលចម្លងអន្តរជាតិ ក៏ដូចជាកិច្ចសហប្រតិបត្តិការក្នុងចំណោមសហគ្រាសនានា។ ការអត្ថាធិប្បាយ ដែលធ្វើឡើងដោយក្រសួងពាណិជ្ជកម្មរបស់ប្រទេសចិន (MOFCOM) កាលពីល្ងាចថ្ងៃអាទិត្យបានកត់សម្គាល់ថា ការពិនិត្យឡើងវិញចុងក្រោយបំផុតនៃការត្រួតពិនិត្យការនាំចេញ បន្ទះឈីបពាក់កណ្ដាលចម្លង បានកើតមានឡើងតិចជាង៥ខែ ចាប់តាំងពីសហរដ្ឋអាមេរិក បានដាក់ចេញច្បាប់នេះ។ ក្រុមអ្នកជំនាញចិន ក៏បានថ្កោលទោសទង្វើនេះថាជាការប៉ុនប៉ងមួយទៀតរបស់អាមេរិកក្នុងការបង្រ្កាបចិនក្នុងវិស័យបច្ចេកវិទ្យាដ៏រីកចម្រើនដោយឥតឈប់ឈរ ដោយបានលះបង់ផលប្រយោជន៍ក្រុមហ៊ុននានារបស់សហរដ្ឋអាមេរិក។ ច្បាប់ថ្មី កម្រាស់១៦៦ ទំព័រ នឹងចូលជាធរមាននៅថ្ងៃទី ៤ ខែមេសាឆ្នាំ២០២៤នេះ ហើយច្បាប់ទាំងនោះ បានបន្ថែមការរឹតបន្តឹងចំពោះកុំព្យូទ័រយួរដៃ ឬ laptops ដែលមានបន្ទះឈីប AI ទាំងនោះ។ សហរដ្ឋអាមេរិកបានរឹតបន្តឹងការនាំចេញបន្ថែមទៀតលើបន្ទះឈីបដែលទាក់ទងនឹង AI និងឧបករណ៍ពាក់កណ្ដាលចម្លង ទៅកាន់ប្រទេសចិនកាលពីខែតុលា ឆ្នាំ ២០២៣ ដោយព្យាយាមបញ្ឈប់ការដឹកជញ្ជូនបន្ទះឈីបបញ្ញាសិប្បនិម្មិត AI កម្រិតខ្ពស់បន្ថែមទៀត ដែលផលិតឡើងដោយ ក្រុមហ៊ុន អេន វីឌីយ៉ា (Nvidia) និងក្រុមហ៊ុនផ្សេងទៀត។ ទីភ្នាក់ងារព័ត៌មាន Reuters បានរាយការណ៍កាលពីថ្ងៃព្រហស្បតិ៍សប្ដាហ៍មុនថា សហរដ្ឋអាមេរិកក៏កំពុងរៀបចំបញ្ជីរោងចក្រផលិតបន្ទះឈីបទំនើបរបស់ចិនផងដែរ ដែលត្រូវបានរារាំងមិនឱ្យទទួលបានឧបករណ៍សំខាន់ៗពីសហរដ្ឋអាមេរិក។ ជាការឆ្លើយតប អ្នកនាំពាក្យក្រសួងការបរទេសចិន លោក លីន ជៀន (Lin Jian) កាលពីថ្ងៃសុក្រ សប្ដាហ៍មុន បានជំរុញឱ្យសហរដ្ឋអាមេរិក កែតម្រូវកំហុសរបស់ខ្លួនជាបន្ទាន់ និងបញ្ឈប់ការដាក់ទណ្ឌកម្មឯកតោភាគីខុសច្បាប់ និងយុត្តាធិការអាវុធវែងប្រឆាំងក្រុមហ៊ុនរបស់ប្រទេសចិន ៕

ហ្វីលីពីនពង្រឹងសន្តិសុខដែនសមុទ្រ ខណៈភាពតានតឹងជាមួយប្រទេសចិន កើនឡើងខ្លាំង

2024/04/01 06:32:27 pm        89
Facebook Telegram Linkin
លោកប្រធានាធិបតីហ្វីលីពីន ហ្វឺឌីណានម៉ាកូស ជូនៀរ(Ferdinand Marcos Jr) បានបញ្ជាឲ្យរដ្ឋាភិបាលពង្រឹងការសម្របសម្រួលលើសន្តិសុខដែនសមុទ្រដើម្បីទប់ទល់ការប្រឈមកាន់តែធ្ងន់ធ្ងរចំពោះ អធិបតេយ្យភាពដែនដី និងសន្តិភាព ខណៈជម្លោះជាមួយប្រទេសចិនរីកកាន់តែធំ។ បទបញ្ជាដែលត្រូវបានចុះហត្ថលេខាកាលពីថ្ងៃចន្ទ និងបានចេញផ្សាយជាសាធារណៈកាលពីថ្ងៃអាទិត្យ ពុំបាននិយាយឈ្មោះប្រទេសចិន ទេ ក្រោយការប្រឈមដែនសមុទ្រទ្វេភាគីជាបន្តបន្ទាប់ និងការចោទដាក់គ្នាទៅវិញទៅមក ជុំវិញតំបន់មានជម្លោះនៅក្នុងសមុទ្រចិនខាងត្បូង ។ ក្រសួងកិច្ចការបរទេសចិន ពុំបានឆ្លើយតបទៅនឹងសំណើសុំការអត្ថាធិប្បាយរបស់សារព័ត៌មាន Reuters កាលពីថ្ងៃអាទិត្យទេ។ ទីក្រុងប៉េកាំង បានអះអាងសិទ្ធិគ្រប់គ្រងស្ទើរទាំងស្រុងនៅសមុទ្រចិនខាងត្បូង ជាផ្លូវទឹកមួយសម្រាប់ផ្លូវពាណិជ្ជកម្មជាង៣ពាន់លានដុល្លារក្នុងមួយឆ្នាំ ។ ប្រទេសចិន អះអាងសិទ្ធិគ្រប់គ្រងត្រួតស៊ីគ្នា ជាមួយ ហ្វីលីពីន វៀតណាម ឥណ្ឌូនេស៊ី ម៉ាឡេស៊ី និងប្រ៊ុយណេ ។ ភាពតានតឹងចុងក្រោយបានកើតឡើងកាលពីចុងសប្ដាហ៍មុននៅពេលកងទ័ពចិន ប្រើកាណុងបាញ់ទឹក ដើម្បីបង្អាក់បេសកកម្មផ្គត់ផ្គង់ឡើងវិញរបស់ហ្វីលីពីន ទៅកាន់តំបន់ជម្លោះ Second Thomas Shoal សម្រាប់កងទ័ពរបស់ខ្លួន កំពុងយាមកាមនៅនាវាសល់ពីសម័យសង្រ្គាម ដែលតាំងមូលដ្ឋាននៅលើថ្មប៉ប្រះទឹករយៈពេល២៥ឆ្នាំមកហើយ៕

បណ្ដាញសង្គម

ព័ត៌មានថ្មីៗ

អ៊ីរ៉ង់បញ្ជាក់ថា ខ្លួនបានបាញ់ទម្លាក់យានដ្រូន MQ-9 ផលិតនៅអាមេរិក នៅខេត្ត Hormozgan
08/14/2026 08:08 PM
Facebook Telegram Linkin
សមាជិកសភាកោះ​តៃវ៉ាន់ អនុម័តថវិកាឆ្នាំ២០២៦ ក្រោយ​ពន្យារពេលយ៉ាង​យូរ​បំផុត​
08/14/2026 08:08 PM
Facebook Telegram Linkin
ចៅក្រមសម្រេចឃុំខ្លួនបណ្ដោះអាសន្នស្ដ្រីដែលជេរប្រមាថកងទ័ព
08/14/2026 08:08 PM
Facebook Telegram Linkin
អ្នកបើកបាត់​បង់ជីវិត បន្ទាប់​ពី​​ឧទ្ធម្ភាគចក្រធ្លាក់​នៅភាគខាងកើតអាល្លឺម៉ង់
08/14/2026 08:08 PM
Facebook Telegram Linkin
មន្ត្រី៖ អាមេរិកចង់ឱ្យលោក Netanyahu ថ្កោលទោសការឡោម​ព័ទ្ធ​របស់​អ្នកតាំងលំនៅ ក្នុងភូមិប៉ាឡេស្ទីន
08/14/2026 08:08 PM
Facebook Telegram Linkin
ការលេចធ្លាយឧស្ម័នពុល បណ្ដាល​ឱ្យ​កម្មករយ៉ាងតិច​ ៨នាក់ស្លាប់ នៅរោងចក្រ​រុះរើ​​នាវារបស់​បង់ក្លាដែស
08/14/2026 07:08 PM
Facebook Telegram Linkin
រុស្ស៊ីច្រានចោលគំនិតឱ្យ​មាន​បទឈប់បាញ់ នៅសមុទ្រខ្មៅ ក្រោយ​អ៊ុយក្រែន​លើកឡើង​
08/14/2026 07:08 PM
Facebook Telegram Linkin
លោក Marcos មើលឃើញលទ្ធភាពមាន​កិច្ចព្រមព្រៀងប្រេង និងឧស្ម័នរួមជាមួយចិន តែ​មិនផ្តល់ពេលវេលាជាក់លាក់​
08/14/2026 07:08 PM
Facebook Telegram Linkin
រយៈពេល២ឆ្នាំ បទល្មើសឆ្លងដែនពីវៀតណាម ឡាវ មកកម្ពុជាមាន ១៣៥៥ករណី និងឃាត់ខ្លួនជនល្មើសជាង ២ពាន់នាក់
08/14/2026 07:08 PM
Facebook Telegram Linkin
មជ្ឈមណ្ឌលបណ្តុះធុរកិច្ចថ្មីតេជោ ដាក់ឱ្យដំណើរការកម្មវិធីរដូវកាលទី៦ ដើម្បីប្រកួតប្រជែងប្រាក់លាន
08/14/2026 07:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.