នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម
សម្ដេចតេជោ អំពាវនាវដល់រាជរដ្ឋាភិបាលយកចិត្តទុកដាក់សាងសង់កន្លែងស្នាក់នៅសម្រាប់សិស្សជាស្ត្រី
សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

នយោបាយ​ និង ការអភិវឌ្ឍន៍

ហ្វីលីពីន បង្កើនភាពតានតឹងក្នុងជម្លោះជាមួយចិន ដោយប្តេជ្ញាប្រឆាំងនឹងការវាយប្រហារឆ្មាំល្បាតឆ្នេរ

2024/03/29 05:34:26 pm        116
Facebook Telegram Linkin
ប្រធានាធិបតីហ្វីលីពីន លោក ហ្វឺឌីណាន ម៉ាកូស ជូនៀ (Ferdinand Marcos Jr) បាននិយាយកាលពីថ្ងៃព្រហស្បតិ៍ (២៨ មីនា) ថា ហ្វីលីពីននឹងអនុវត្តវិធានការប្រឆាំងនឹង «ការវាយប្រហារខុសច្បាប់ បែបបង្ខិតបង្ខំ ឈ្លានពាន និងបង្កគ្រោះថ្នាក់» ពីឆ្មាំល្បាតឆ្នេររបស់ប្រទេសចិន ដែលនោះបានបង្កើនភាពតានតឹងបន្ថែមទៀតក្នុងជម្លោះដែលកំពុងកើនឡើងនៅក្នុងសមុទ្រចិនខាងត្បូង។ប្រទេសហ្វីលីពីន មានការខឹងសម្បារចំពោះអ្វីដែលខ្លួនហៅថា អរិភាពម្តងហើយម្តងទៀតដោយនាវាចិនជុំវិញដែនទឹកពិសេសដែលមានជម្លោះ នៅក្នុងតំបន់សេដ្ឋកិច្ចផ្តាច់មុខចម្ងាយជាង ៣០០ គីឡូម៉ែត្ររបស់ទីក្រុងម៉ានីល។ សហរដ្ឋអាមេរិក បានបន្តជាមួយនឹងការគាំទ្រខាងសីលធម៌សម្រាប់អតីតអាណានិគម និងសម្ព័ន្ធមិត្តយោធារបស់ខ្លួនលើបញ្ហានេះ។លោក ម៉ាកូស មិនបានបញ្ជាក់ពីអ្វីដែលជាវិធានការតបតដែលនឹងត្រូវអនុវត្តនោះទេ ប៉ុន្តែបាននិយាយថា វិធានការទាំងនោះនឹងដាក់ក្នុងប៉ុន្មានសប្តាហ៍បន្ទាប់ ហើយមានលក្ខណៈសមាមាត្រ ចេតនា និងសមហេតុផល ក្នុងការឆ្លើយតបទៅនឹងអ្វីដែលលោកហៅថា ការវាយប្រហារដោយបើកចំហ និងខ្លាំងក្លា។ភាពយ៉ាប់យ៉ឺនក្នុងទំនាក់ទំនងជាមួយចិន កើតឡើងនៅពេលដែលលោក ម៉ាកូស ស្វះស្វែងរកការពង្រឹងទំនាក់ទំនងផ្នែកការពារជាតិ ដោយបើកដៃឱ្យសហរដ្ឋអាមេរិក បង្កើនការចូលទៅកាន់មូលដ្ឋានយោធាហ្វីលីពីន និងពង្រីកសមយុទ្ធរួម ដើម្បីរួមបញ្ចូលការល្បាតតាមសមុទ្រ និងផ្លូវអាកាសលើសមុទ្រចិនខាងត្បូង ដែលធ្វើឱ្យទីក្រុងប៉េកាំង មិនពេញចិត្តជាខ្លាំង៕

គណៈកម្មាធិការសិទ្ធិមនុស្ស UN ជំរុញឱ្យចក្រភពអង់គ្លេស លុបចោលផែនការនិរទេសជនភៀសខ្លួនទៅរ៉្វាន់ដា

2024/03/29 05:31:27 pm        109
Facebook Telegram Linkin
គណៈកម្មាធិការសិទ្ធិមនុស្សរបស់អង្គការសហប្រជាជាតិ កាលពីថ្ងៃព្រហស្បតិ៍ (២៨ មីនា) បានជំរុញចក្រភពអង់គ្លេស ឱ្យបោះបង់ចោលសេចក្ដីស្នើច្បាប់ដែលមានជម្លោះ ក្នុងការនិរទេសជនភៀសខ្លួនទៅកាន់ប្រទេសរ៉្វាន់ដា ដែលអាចក្លាយជាច្បាប់ពេញលេញនៅខែក្រោយ។នៅក្នុងការពិនិត្យឡើងវិញរបស់ខ្លួននៃចក្រភពអង់គ្លេស គណៈកម្មាធិការនេះបាននិយាយថា ខ្លួនមានការសោកស្តាយយ៉ាងខ្លាំងចំពោះការរៀបចំដែលបានធ្វើឡើងជាមួយប្រទេសទីបី ជាពិសេសប្រទេសរ្វ៉ាន់ដា ដើម្បីផ្ទេរអ្នកស្វែងរកសិទ្ធិជ្រកកោន ក៏ដូចជា «កិច្ចខិតខំប្រឹងប្រែងដើម្បីអនុម័តច្បាប់ស្តីពីសុវត្ថិភាពនៃប្រទេសរ្វ៉ាន់ដា លើសិទ្ធិជ្រកកោន និងអន្តោប្រវេសន៍ ទោះបីជាការសម្រេចរបស់តុលាការកំពូលចក្រភពអង់គ្លេស និយាយថា ការរៀបចំនេះនឹងមិនស្របតាមច្បាប់អន្តរជាតិក៏ដោយ»។គណៈកម្មាធិការនេះបាននិយាយថា ខ្លួនកំពុងអំពាវនាវឱ្យរដ្ឋាភិបាលអង់គ្លេសដកសេចក្ដីស្នើច្បាប់ ឬលុបចោលច្បាប់នោះ ប្រសិនបើត្រូវបានអនុម័ត។ រដ្ឋាភិបាលអភិរក្សនិយមរបស់នាយករដ្ឋមន្ត្រី រីស៊ី ស៊ូណាក់ (Rishi Sunak) ចង់ផ្លាស់ប្តូរទីលំនៅអ្នកស្វែងរកសិទ្ធិជ្រកកោនរាប់ពាន់នាក់ ដែលទៅដល់ចក្រភពអង់គ្លេសតាមទូកតូចៗជារៀងរាល់ឆ្នាំ ដើម្បីទៅរស់នៅក្នុងប្រទេសរ្វ៉ាន់ដាជំនួសវិញ ប៉ុន្តែបញ្ហាប្រឈមផ្នែកច្បាប់ជាច្រើនរហូតមកដល់ពេលនេះ បានរារាំងមិនឱ្យជនអន្តោប្រវេសន៍ណាម្នាក់ត្រូវបានបញ្ជូនទៅប្រទេសអាហ្វ្រិកខាងកើតមួយនេះឡើយ៕

វិមានក្រឹមឡាំង៖ រុស្ស៊ី បដិសេធតួនាទីក្នុងកិច្ចចរចាសន្តិភាពអ៊ុយក្រែន

2024/03/29 05:21:39 pm        121
Facebook Telegram Linkin
រុស្ស៊ីនឹងមិនពាក់ព័ន្ធក្នុងកិច្ចពិភាក្សាដែលកំពុងបន្តអំពីលទ្ធផលនៃគំនិតផ្តួចផ្តើមសន្តិភាពនៅក្នុងអ៊ុយក្រែនទេ ប៉ុន្តែកំពុងតាមដានព័ត៌មានលម្អិតបែបនេះយ៉ាងដិតដល់ នេះបើតាមអ្នកនាំពាក្យវិមានក្រឹមឡាំង លោក ឌីមីទ្រី ផេស្កូវ (Dmitry Peskov) បាននិយាយកាលពីថ្ងៃព្រហស្បតិ៍ (២៨ មីនា)។នៅព្រឹកថ្ងៃដដែលនោះ អធិការបតីអាល្លឺម៉ង់ លោក អូឡាហ្វ សូស (Olaf Scholz) បានលើកឡើងថា ប្រទេសជាច្រើនរួមទាំងអ៊ុយក្រែន បាននឹងកំពុងពិភាក្សាគ្នានៅកម្រិតនៃក្រុមទីប្រឹក្សាសន្តិសុខស្តីពីគំនិតផ្តួចផ្តើមដែលអាចនាំទៅរកដំណើរការសន្តិភាពក្នុងវិបត្តិអ៊ុយក្រែន។លោក ផេស្កូវ បាននិយាយថា វិធីសាស្រ្តនៃការញុះញង់ និងលើកទឹកចិត្តទីក្រុងគីវ ឱ្យ «បន្តប្រយុទ្ធរហូតដង្ហើមចុងក្រោយ» បានគ្រប់ដណ្ដប់ចិត្តមនុស្សនៅក្នុងទ្វីបអឺរ៉ុប ហើយពុំមានអ្វីបានផ្លាស់ប្តូរទេ ទោះបីជាមានទស្សនៈផ្សេងគ្នា ជាមួយនឹងភាពខុសប្លែកគ្នានៅក្នុងការបង្កើតនយោបាយអឺរ៉ុបក៏ដោយ។ អ្នកនាំពាក្យរូបនេះបាននិយាយថា បើទោះបីជាមានការចរចាពីផែនការសន្តិភាពក៏ដោយ ក៏អាល្លឺម៉ង់មានជាប់ពាក់ព័ន្ធយ៉ាងជ្រៅក្នុងវិបត្តិនេះ។ លោកបានបន្ថែមថា ទីក្រុងមូស្គូ មើលឃើញថា ប្រធានាធិបតីបារាំងលោក អ៊ីម៉ានុយអែល ម៉ាក្រុង (Emmanuel Macron) បានប្រកាន់ជំហរជ្រុលនិយមបំផុតក្នុងវិបត្តិ ដោយបានរំលឹកឡើងវិញនូវសំណើរបស់លោក ម៉ាក្រុង ក្នុងការបញ្ជូនកងកម្លាំងយោធាបរទេសទៅកាន់អ៊ុយក្រែនកាលពីខែកុម្ភៈ៕

ចិនជំរុញឲ្យអាមេរិកដើរតួនាទីស្ថាបនាក្នុងស្ថិរភាពសមុទ្រចិនខាងត្បូង និងឈប់កកូរកកាយបញ្ហាតៃវ៉ាន់ និងហុងកុង

2024/03/29 05:09:33 pm        191
Facebook Telegram Linkin
ប្រទេសចិនបានជំរុញឱ្យសហរដ្ឋអាមេរិកដើរតួនាទីប្រកបដោយការស្ថាបនាក្នុងការការពារសន្តិភាព និងស្ថិរភាពនៅសមុទ្រចិនខាងត្បូង ក្នុងអំឡុងពេលការសន្ទនាតាមទូរស័ព្ទនាពេលថ្មីៗនេះរវាងអ្នកការទូតជាន់ខ្ពស់របស់ប្រទេសទាំងពីរ។ អនុរដ្ឋមន្ត្រីការបរទេសចិន លោក ម៉ា ចាវស៊ូ (Ma Zhaoxu) បាននិយាយជាមួយអនុរដ្ឋមន្ត្រីការបរទេសអាមេរិក លោក ខត ខេមបេល (Kurt Campbell) តាមទូរស័ព្ទ តបតាមសំណើរបស់ភាគីអាមេរិកកាលពីថ្ងៃពុធ។ អ្នករាយការណ៍ព័ត៌មានអំពីការសន្ទនាទូរសព្ទនេះ និងជាអ្នកនាំពាក្យក្រសួងការបរទេសចិនបានលោក លីន ជៀន (Lin Jian) និយាយនៅថ្ងៃសុក្រសប្ដាហ៍នេះថា ភាគីទាំងពីរបានផ្លាស់ប្តូរយោបល់គ្នាទៅវិញទៅមកស្តីពីទំនាក់ទំនងរវាងចិន-សហរដ្ឋអាមេរិក នាពេលបច្ចុប្បន្ន និងបញ្ហាអន្តរជាតិ និងតំបន់ដែលផ្ដល់ផលប្រយោជន៍ទៅវិញទៅមក។ លោក Lin បាននិយាយថា ក្នុងអំឡុងកិច្ចពិភាក្សានេះ លោក Ma បានរៀបរាប់លម្អិតអំពីជំហររបស់ចិនចំពោះកោះតៃវ៉ាន់ ទីក្រុងហុងកុង សមុទ្រចិនខាងត្បូង និងបញ្ហាសេដ្ឋកិច្ច ពាណិជ្ជកម្ម វិទ្យាសាស្ត្រ និងបច្ចេកវិទ្យា។យោងតាមអ្នកនាំពាក្យ ខាងលើ លោក Ma បានស្នើឱ្យភាគីអាមេរិក គោរពឲ្យបានខ្ជាប់ខ្ជួននូវគោលការណ៍ចិនតែមួយ និងសេចក្តីថ្លែងការណ៍រួមបីចំណុច រវាងចិន-អាមេរិក និងគោរពផលប្រយោជន៍ស្នូលរបស់ចិន។លោកក៏បានអំពាវនាវឱ្យសហរដ្ឋអាមេរិកបញ្ឈប់ការអូសទាញបញ្ហាសេដ្ឋកិច្ច ពាណិជ្ជកម្ម វិទ្យាសាស្ត្រ និងបច្ចេកវិទ្យា ប្រឡូកប្រឡាក់ក្នុងបញ្ហានយោបាយ និងសន្តិសុខ ហើយបញ្ឈប់កកូរកកាយដោយគ្មានការទទួលខុសត្រូវចំពោះទីក្រុងហុងកុងទៀត ៕

ក្រុមសិទ្ធិមនុស្ស៖ នៅក្នុងប្រទេសម៉ាលី ទាហានស៊ីឈ្នួលWagnerរបស់រុស្ស៊ី កំពុងជួយកងទ័ពសម្លាប់ជនស៊ីវិល

2024/03/29 04:58:08 pm        140
Facebook Telegram Linkin
ក្រុមសិទ្ធិមនុស្ស បាននិយាយនៅក្នុងរបាយការណ៍ពីខែធ្នូដល់ខែមីនាដែលបានចេញផ្សាយ នៅសប្តាហ៍នេះថា ក្រុមស៊ីឈ្នួលរុស្ស៊ីដែលគេស្គាល់ថា ជាWagner កំពុងជួយកងកម្លាំងរដ្ឋាភិបាល នៅភាគ កណ្តាល និងភាគខាងជើងប្រទេសម៉ាលី ធ្វើការវាយឆ្មក់ និងវាយប្រហារដោយយានដ្រូន ដែលបានសម្លាប់ជនស៊ីវិលជាច្រើននាក់ រួមទាំងកុមារជាច្រើនផងដែរ។ ប្រទេសម៉ាលី រួមជាមួយនឹងប្រទេសជិតខាងប៊ួគីណាហ្វាសូ និងនីហ្សេអស់រយៈពេលជាងមួយទសវត្សរ៍បានប្រយុទ្ធនឹងការបះបោរដែលបង្កឡើងដោយក្រុមជីហាដ រួមទាំងសម្ព័ន្ធមិត្តមួយចំនួនជាមួយអាល់កៃដា និងក្រុមរដ្ឋឥស្លាម។ បន្ទាប់ពីរដ្ឋប្រហារយោធានៅក្នុងប្រទេសទាំងបី ក្នុងរយៈពេលប៉ុន្មានឆ្នាំចុងក្រោយនេះ របបយោធាដែលកំពុងកាន់អំណាច បានបណ្តេញកងកម្លាំងបារាំង ហើយងាកទៅរកអង្គភាពទាហានស៊ីឈ្នួលរបស់រុស្ស៊ីសម្រាប់ជំនួយផ្នែកសន្តិសុខជំនួសវិញ។អំពើហិង្សា បានកើនឡើងនៅក្នុងប្រទេសម៉ាលី ចាប់តាំងពីទាហានស៊ីឈ្នួលរុស្ស៊ី បានទៅដល់ទីនោះបន្ទាប់ពីរដ្ឋប្រហារក្នុងឆ្នាំ២០២១។ របបយោធាដែលកំពុងកាន់អំណាចរបស់ខ្លួន បានបង្កើនប្រតិបត្តិការដោយបានធ្វើការវាយប្រហារដោយយានដ្រូនទៅលើការប្រមូលផ្តុំជនស៊ីវិល និងការវាយឆ្មក់អមដោយទាហានស៊ីឈ្នួលរុស្ស៊ីដែលបានសម្លាប់ជនស៊ីវិលយ៉ាងច្រើន។អ្នកស្រុកនៃតំបន់សាហែល ( Sahel) ដែលរាប់បញ្ចូលទាំងប្រទេសម៉ាលី បាននិយាយថា វត្តមានរបស់ រុស្ស៊ីហាក់ដូចជាមិនផ្លាស់ប្តូរ ចាប់តាំងពីមេដឹកនាំ Wagner លោក Yevgeny Prigozhin បានស្លាប់នៅក្នុងការធ្លាក់យន្តហោះគួរឲ្យសង្ស័យ កាលពីឆ្នាំមុន។ក្នុងសេចក្តីថ្លែងការណ៍មួយកាលពីថ្ងៃព្រហស្បតិ៍ អ្នកស្រី Ilaria Allegrozzi អ្នកស្រាវជ្រាវជាន់ខ្ពស់តំបន់សាហែលនៅអង្គការឃ្លាំមើលសិទ្ធិមនុស្ស(HRW)ថា៖«រដ្ឋាភិបាលយោធាអន្តរកាលរបស់ម៉ាលីដែលគាំទ្រដោយប្រទេសរុស្ស៊ី មិនត្រឹមតែប្រព្រឹត្តការរំលោភបំពានដ៏គួរឲ្យរន្ធត់ប៉ុណ្ណោះទេ ថែមទាំងកំពុងធ្វើការដើម្បីលុបបំបាត់ការត្រួតពិនិត្យលើស្ថានភាពសិទ្ធិមនុស្សរបស់ខ្លួនទៀតផង។

សម្តេចតេជោ ហ៊ុន សែន ជជែកពិភាក្សាទ្វេភាគីជាមួយអនុប្រធានគណៈកម្មការយោធាមជ្ឈឹមបក្សចិន

2024/03/29 03:24:00 pm        143
Facebook Telegram Linkin
សម្តេចអគ្គមហាសេនាបតីតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ នៃ​ព្រះរាជា​ណាចក្រកម្ពុជាបានអញ្ជើញជំនួបទ្វេភាគីជាមួយឯកឧត្តម នាយឧត្តមសេនីយ៍ ហឺ វ័យទុង សមាជិក​ការិយាល័យនយោបាយមជ្ឈឹមបក្ស និងជាអនុប្រធានទី២ នៃ​គណៈកម្មការ​យោធា​មជ្ឈឹម​បក្ស​ នាព្រឹកថ្ងៃទី២៩ ខែមីនា ឆ្នាំ២០២៤នេះ ក្នុងឱកាសអញ្ជើញចូលរួមវេទិការបូអាវ ឆ្នាំ២០២៤ នៅក្រុងបូអាវ ខេត្តហៃណាន ប្រទេសចិន។ នៅក្នុងជំនួបនេះសម្តេចតេជោ ហ៊ុន សែន និងឯកឧត្តមនាយឧត្តមសេនីយ៍ អនុប្រ​ធាន​គណៈកម្មកា​រ​យោធាមជ្ឈឹមបក្ស​ចិន បានជជែកពិភាក្សា​ទៅ​លើកា​រ​ពង្រឹង​កិច្ច​សហ​ប្រតិបត្តិការ​លើ​ការ​បណ្តុះ​បណ្តាល ការផ្លាស់ប្តូរព័ត៌មាន ការចែករំលែកបទពិសោធន៍ និងការដោះមីន។ សម្តេចតេជោ ហ៊ុន សែន និងឯកឧត្តមនាយឧត្តមសេនីយ៍ អនុប្រធាន​គណៈកម្មការ​យោធា​មជ្ឈឹមបក្ស​ចិន បានបង្ហាញ​ការពេញ​ចិត្ត​ចំពោះ​ការ​រីក​ចំរើន​ទំនាក់​ទំនង​កិច្ច​សហប្រតិបត្តិការ​លើ​គ្រប់​វិស័យ​រវាង​កម្ពុជា និងចិន៕

កិច្ចប្រជុំផ្សព្វផ្សាយខ្លឹមសារសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅការងារ ឆ្នាំ២០២៤ របស់ក្រសួងអភិវឌ្ឍន៍ជនបទ

2024/03/28 11:30:08 pm        217
Facebook Telegram Linkin
រសៀលថ្ងៃទី២៧ ខែមីនា ម្សិលមិញនេះ នៅសាលប្រជុំប្រាសាទព្រះវិហារ អគាររដ្ឋបាលសាលា ខេត្តជាន់ទី៣មានរៀបចំកិច្ចប្រជុំផ្សព្វផ្សាយខ្លឹមសារសន្និបាតបូកសរុបលទ្ធផលការងារឆ្នាំ២០២៣ និង លើកទិសដៅការងារ ឆ្នាំ២០២៤ របស់ក្រសួងអភិវឌ្ឍន៍ជនបទ។ពិធីនេះ ធ្វើឡើងក្រោមអធិបតីភាពឯកឧត្ដមបណ្ឌិត ចាន់ ដារ៉ុង រដ្ឋលេខាធិការក្រសួងអភិវឌ្ឍន៍ជនបទ លោក អ៊ុក គឹមសាន អភិបាលរងខេត្តព្រះវិហារ នឹងមានការ​អញ្ជើញ​ចូលរួមពីសំណាក់លោកលោកស្រីប្រធានអនុប្រធានមន្ទីរអង្គភាពពាក់ព័ន្ធ ជុំវិញខេត្ត មន្រ្ដីរនៃមន្ទីរអភិវឌ្ឍន៍ជនបទជាច្រើនរូបផងដែរ។ឯកឧត្តបណ្ឌិតរដ្ឋលេខាធិការ បានថ្លែងថា បច្ចុប្បន្ននេះ ស្ថានភាពសេដ្ឋកិច្ច និងនយោបាយ​សកលលោកស្ថិតក្នុងភាពផុសស្រួយ ដោយសារឥទ្ធិពល នៃកូវិបត្តិជំងឺកូវីដ-១៩ សង្គ្រាម​រុស្សី -អ៊ុយក្រែន អ៊ីស្រាអែល ហាម៉ាសប៉ាឡេស្ទីន និងការ​ប្រែប្រួល​អាកាស​ធាតុ​ជា​សាកល។ កត្តាទាំង នេះកំពុងជះឥទ្ធិពលយ៉ាងខ្លាំងមក លើព្រះរាជាណាចក្រកម្ពុជា ដែលតម្រូវឲ្យមានដំណោះ ស្រាយប្រកប​ដោយភាពប៉ិនប្រសព្វ។ ជា​ភ័ព្វសំណាង​ កម្ពុជារក្សាបានសន្តិភាព សម្តេច​អគ្គ​មហា​សេនាបតីតេជោ ហ៊ុន សែន អតីតនាយករដ្ឋមន្រ្តី ដែលបានផ្តល់ឱកាសសម្រាប់ការ អភិវឌ្ឍន៍​ប្រទេសជាតិ​ស្របតាម​ ក្រមខណ្ឌយុទ្ធសាស្រ្ត​ចតុកោណដំណាក់កាលទី៤៖ ​កំណើនការ​ ងារ​សមធម៌ និង​ប្រសិទ្ធភាព។ឯកឧត្តម បានបន្តថា នៅ​ក្នុងបុព្វហេតុ ​នៃការអភិវឌ្ឍប្រទេសឲ្យកាន់តែរីកចម្រើន​ រាជរដ្ឋាភិបាល​កម្ពុជា​ក្នុងនីតិកាលទី៧ ​នៃរដ្ឋសភា ​ដឹកនាំដោយសម្តេចមហាបវរធិបតី ​ហ៊ុន ម៉ាណែត នាយករដ្ឋមន្រ្តី ​បានបន្តយកចិត្តទុកដាក់ថែរក្សាសន្តិភាព ​និងស្ថេរភាពនយោបាយនៅក្នុងផ្ទៃប្រ ទេសព្រមទាំងពង្រឹង និងពង្រីកកិច្ចសហប្រតិបត្តិការអន្តរជាតិ ដើម្បីស្ថេរភាពនយោបាយ និង ការអភិវឌ្ឍសេដ្ឋកិច្ចសង្គម។ ជាមួយគ្នានេះ រាជរដ្ឋាភិបាលបាន ដាក់ចេញនូវយុទ្ធសាស្រ្តបញ្ចកោណ ដំណាក់កាលទី១៖ កំណើនការងារសមធម៌ ប្រសិទ្ធភាព ​និងចីរភាព​ព្រមទាំងបានកំណត់អាទិភាព គន្លឹះចំនួន៥ ​គឺមនុស្ស ផ្លូវ ទឹក ភ្លើង ​និងបច្ចេកវិទ្យា ​ដែលជា​មូលដ្ឋានសម្រាប់ ការរៀបចំគោល​នយោបាយ ​និងផែនការយុទ្ធសាស្រ្តតាមវិស័យ​ ក្នុងគោលដៅអភវឌ្ឍន៍​កម្ពុជាឲ្យ ទៅជា​ប្រទេស​មានប្រាក់ចំណូលមធ្យម ​កម្រិតខ្ពស់នៅឆ្នាំ២០៣០ ​និងជាប្រទេសមានចំណូល ខ្ពស់នៅឆ្នាំ២០៥០។ជាមួយនឹងចក្ខុវិស័យ និងយុទ្ធសាស្រ្តខាងលើនេះ ក្រសួងអភិវឌ្ឍន៍ជនបទ​ បានដាក់ចេញ នូវគោល​នយោបាយអភិវឌ្ឍន៍​ជនបទ ​ដែលមានគោលបំណងប្រែក្លាយ ជតំបន់អភិវឌ្ឍន៍រីក ចម្រើន​ប្រកប​ដោយបរិយាបន្ត ​និងមាននិរន្តភាព។ នៅក្នុងន័យនេះ ​ក្រសួងបានដាក់ចេញនូវ ​ផែនការយុទ្ធសាស្រ្ត អភិវឌ្ឍន៍​ជនបទរយៈពេល៥ឆ្នាំ ​ជាបន្តបន្ទាប់​ ជាអាទិ៍ផែនការ​យុទ្ធសាស្រ្ត​ អភិវឌ្ឍន៍​ជនបទ៥ឆ្នាំ (២០១៩-២០២៣) ​មានគោលបំណង ​“ លើក​កម្ពស់គុណភាព​ និង​ គុណតម្លៃនៃជីវិតរស់នៅ របស់​ប្រជាជន​នៅតំបន់ជនបទ ​ប្រកប​ដោយ​បរិយាបន្តទាំងផ្នែក​ សេដ្ឋកិច្ច​សង្គមកិច្ច ​និងវប្បធម៌” ដោយបានកំណត់យុទ្ធសាស្រ្តចំនួន៤ គឺ៖១. អភិវឌ្ឍន៍​ហេដ្ឋារចនា សម្ព័នរូបវ័ន ​និងគមនាគមន៍ ២. លើកកម្ពស់លក្ខខណ្ឌ ​នៃការរស់នៅរបស់សហគមន៍ជនបទ ៣. ធ្វើពិពិធកម្មសកម្មភាព​សេដ្ឋកិច្ច​ជនបទ និង៤. ពង្រឹងសេវាគាំទ្ររដ្ឋបាល ​និងកិច្ចការទូទៅ ​ក្នុងគោលដៅលើកកម្ពស់សមត្ថភាព ធនធានមនុស្ស និងស្ថាប័ន៕

អូស្រ្តាលី បង្កើតមូលនិធិ ៦៥៣លានដុល្លារ ដើម្បីពង្រីកការផលិតបន្ទះស្រូបពន្លឺព្រះអាទិត្យ

2024/03/28 10:03:41 pm        110
Facebook Telegram Linkin
នាយករដ្ឋមន្រ្តីអូស្រ្តាលីលោក Anthony Albanese និយាយនៅថ្ងៃព្រហស្បតិ៍នេះថា ប្រទេសរបស់លោកនឹងបង្កើតមូលនិធិ ១ពាន់លានដុល្លារអូស្រ្តាលី(ស្មើនឹង ៦៥៣លានដុល្លារសហរដ្ឋអាមេរិក)ដើម្បីជួយពង្រីកការផលិតបន្ទះស្រូបពន្លឺព្រះអាទិត្យ(បន្ទះសូឡា)នៅក្នុងស្រុក ស្របពេលដែលពួកគេបង្កើនការផ្លាស់ប្តូរពីការប្រើប្រាស់ថាមពលធ្យូងថ្ម មកប្រើប្រាស់ថាមពលកកើតឡើងវិញ ។ រដ្ឋាភិបាលពលករនិយមកណ្តាល-ឆ្វេងរបស់លោក Albanese បានបង្កើនការចំណាយ ដើម្បីធានាដល់គម្រោងថាមពលខ្យល់ ពន្លឺព្រះអាទិត្យ និងអាគុយ ជាមួយនឹងការវិនិយោគទុនជាង ៤០ពាន់លានដុល្លារអូស្រ្តាលី ចាប់តាំងពីលោកបានឡើងកាន់អំណាចកាលពីឆ្នាំ ២០២២ ។ រដ្ឋាភិបាលរបស់លោក Albanese មានគោលដៅសម្រចឲ្យបានថាមពលកកើតឡើងវិញចំនួន ៨២ភាគរយនៅឆ្នាំ ២០៣០ ពោលគឺកើនឡើងពីចំនួនបច្ចុប្បន្ន ៤០ភាគរយ ។ លោក Albanese និយាយថា គំនិតផ្តួចផ្តើមនេះនឹងរួមបញ្ចូលការឧបត្ថម្ភធនផលិតកម្ម និងជំនួយឥតសំណង និងជួយដល់ការផលិតបន្ទះស្រូបពន្លឺព្រះអាទិត្យនៅអតីតស្ថានីយ៍ថាមពល Liddell របស់ក្រុមហ៊ុន AGL Energy ដែលជាក្រុមហ៊ុនថាមពលកំពូលរបស់អូស្រ្តាលី ។ លោកបន្តថា ពួកយើងមានធនធានពន្លឺព្រះអាទិត្យល្អបំផុតនៅលើពិភពលោក ដែលជាថាមពលឥតគិតថ្លៃ ហើយពួកយើងមានធនធានថាមពលខ្យល់ល្អបំផុត ។ ពួកយើងមានផងដែរធនធានមនុស្សល្អបំផុត ដូច្នេះហើយអូស្រ្តាលី ឈានមុខគេក្នុងនវានុវត្តន៍ ៕

មេដឹកនាំរបបសឹក មីយ៉ាន់ម៉ា៖ លោកកាន់អំណាចបណ្ដោះអាសន្ន ក្នុងបំណងពង្រឹងលទ្ធិប្រជាធិបតេយ្យ

2024/03/28 09:07:04 pm        116
Facebook Telegram Linkin
ប្រមុខរបបយោធាមីយ៉ាន់ម៉ា ឧត្តមសេនីយ៍ Min Aung Hlaing បាននិយាយកាលពីថ្ងៃពុធ ទី២៧ ខែមីនាថា របបយោធាកំពុងកាន់អំណាចបណ្តោះអាសន្នក្នុងគោលបំណង ពង្រឹងលទ្ធិប្រជាធិបតេយ្យ ហើយបានអំពាវនាវឱ្យមានឯកភាពជាតិក្នុងចំណោមប្រជាជន និងយោធាដើម្បីប្រយុទ្ធប្រឆាំងនឹងក្រុមប្រដាប់អាវុធ ដែលលោកបាននិយាយថាកំពុងព្យាយាមបំផ្លាញផែនការបោះឆ្នោត។ ថ្លែងទៅកាន់ក្បួនព្យុហយាត្រាទិវាកងកម្លាំងប្រដាប់អាវុធប្រចាំឆ្នាំ ដែលបានផ្សាយតាមទូរទស្សន៍សហភាពមីយ៉ាន់ម៉ា ឧត្តមសេនីយកំពុងកាន់អំណាចដែលបានដឹកនាំរដ្ឋប្រហារនៅឆ្នាំ២០២១ 2021 បាននិយាយថា ក្រុមគូប្រជែងរបស់លោកកំពុងទទួលបានការគាំទ្រពីបរទេស និងព្យាយាមបំផ្លាញប្រទេស និងរារាំងផែនការវិលត្រឡប់របស់សហភាពមីយ៉ាន់ម៉ាទៅកាន់របបគ្រប់គ្រងតាមបែបប្រជាធិបតេយ្យ។របបសឹកនេះកំពុងប្រឈម បញ្ហាដ៏ធំបំផុតរបស់ខ្លួនចាប់តាំងពីការឡើងកាន់អំណាចលើកដំបូងនៅក្នុងអតីតអាណានិគមអង់គ្លេសកាលពីឆ្នាំ ១៩៦២ មក ដោយបានប្រយុទ្ធគ្នានៅតាមសមរភូមិមុខជាច្រើន ដើម្បីទប់ស្កាត់ការបះបោរនៅក្នុងផ្នែកជាច្រើននៃប្រទេសនេះ និងរក្សាស្ថិរភាពសេដ្ឋកិច្ចដែលដួលរលំចាប់តាំងពីរដ្ឋប្រហារមកនោះ ។លោក Min Aung Hlaing បានរំលឹកឡើងវិញថា យោធាបានដណ្តើមអំណាច ដោយសារតែការបោះឆ្នោតឆ្នាំ២០២០ ពោពេញដោយការក្លែងបន្លំ ដោយមានសន្លឹកឆ្នោតជិត ៣០% ខុសប្រក្រតី ។ គណបក្សរបស់លោកស្រី អ៊ុងសាន ស៊ូជី ដែលបានឈ្នះការបោះឆ្នោតដ៏ច្រើនលើសលប់ បានទាត់ចោល ការចោទប្រកាន់នោះ។ បច្ចុប្បន្នលោកស្រី ស៊ូជី កំពុងជាប់ពន្ធនាគារ ដោយកាត់ទោសឲ្យជាប់ពន្ធនាគារ ២៧ ឆ្នាំពីបទល្មើសផ្សេងៗ។ មេដឹកនាំយោធារូបនេះបានលើកឡើងថា ការបោះឆ្នោតនៅពេលបន្ទាប់ ដែលលោកពុំបានកំណត់ពេលវេលា នឹងត្រូវធ្វើឡើងក្រោមប្រព័ន្ធតំណាងសមាមាត្រសមាជិកចម្រុះ ដែលនឹងរួមបញ្ចូលកាន់តែច្រើន៕

សម្ព័ន្ធមិត្តរបស់លោកពូទីន មិនជឿថា អ៊ុយក្រែនជាប់ពាក់ព័ន្ធក្នុងការវាយប្រហារភេរវកម្ម នៅទីក្រុងមូស្គូ

2024/03/28 08:21:35 pm        157
Facebook Telegram Linkin
តាមសេចក្តីរាយការណ៍ សម្ព័ន្ធមិត្តជិតស្និទ្ធរបស់លោក វ្ល៉ាឌីមៀ ពូទីន បានបដិសេធមិនជឿការអះអាងរបស់គាត់ដែលថាអ៊ុយក្រែនមានជាប់ពាក់ព័ន្ធក្នុងការវាយប្រហារភេរវកម្មនៅទីក្រុងមូស្គូកាលពីសប្តាហ៍មុន ដែលបានបណ្តាលឲ្យមនុស្សយ៉ាងហោចណាស់ ១៣៧ នាក់ស្លាប់។អាជ្ញាធររុស្ស៊ី បាននិយាយកាលពីថ្ងៃពុធថា ចំនួនអ្នកស្លាប់ដោយសារការវាយប្រហារនៅសាលប្រគុំតន្ត្រីនៅទីក្រុងមូស្គូកាលពីសប្តាហ៍មុននោះ បានកើនឡើងដល់ ១៤៣នាក់។ មនុស្សប្រហែល ៨០នាក់ផ្សេងទៀត បានរងរបួស នៅក្នុងការឡោមព័ទ្ធរបស់ក្រុមខ្មាន់កាំភ្លើង កំពុងសម្រាកព្យាបាល នៅមន្ទីរពេទ្យ។សារព័ត៌មាន Bloomberg បានរាយការណ៍ ដោយដកស្រង់សម្តីមនុស្ស៤នាក់ ដែលមានទំនាក់ទំនងជិតស្និទ្ធនឹងវិមានក្រឹមឡាំងថា មន្ត្រីវិមានក្រឹមឡាំងមានការភ្ញាក់ផ្អើលចំពោះការបរាជ័យនៃសេវាសន្តិសុខ ដើម្បីការពារការសម្លាប់រង្គាលកាលពីថ្ងៃសុក្រសប្តាហ៍មុន នៅពេលដែលបុរស៤នាក់ បានបើកការបាញ់ប្រហារទៅលើអ្នកទស្សនាការប្រគុំតន្ត្រី នៅឯសាលប្រគុំតន្ត្រី Crocus City Hall។ របាយការណ៍ បាននិយាយថា ប៉ុន្តែស្ទើរតែគ្មាននរណាម្នាក់ នៅក្នុងក្រុមឥស្សរជននយោបាយ ឬធុរកិច្ចរបស់រុស្ស៊ី ជឿថា ទីក្រុងគីវ ជាអ្នកនៅពីក្រោយការវាយប្រហារនេះ ទោះបីជាលោក ពូទីន អះអាងម្តងហើយម្តងទៀតថា បុរសទាំងនោះ កំពុងព្យាយាមភៀសខ្លួនឆ្លងព្រំដែនចូលអ៊ុយក្រែន នៅពេលពួកគេ ត្រូវបានគេចាប់ខ្លួនក៏ដោយ។យោងតាមប្រភពមួយដែលមិនបញ្ចេញឈ្មោះ លោក ពូទីន មានវត្តមាននៅក្នុងការពិភាក្សាដែលក្រុមមន្ត្រីបានយល់ព្រមថា មិនមានទំនាក់ទំនងជាមួយទីក្រុងគីវទេ។កាលពីថ្ងៃចន្ទ លោក ពូទីន បានទទួលស្គាល់ថា ក្រុមឥស្លាមជ្រុលនិយម បានធ្វើការវាយប្រហារភេរវកម្មដ៏អាក្រក់បំផុត នៅក្នុងប្រទេសរុស្ស៊ីក្នុងរយៈពេលពីរទសវត្សរ៍មកនេះ ប៉ុន្តែបានអះអាងម្តងហើយម្តងទៀតថា អ៊ុយក្រែន ក៏ជាប់ពាក់ព័ន្ធផងដែរ។

បណ្ដាញសង្គម

ព័ត៌មានថ្មីៗ

អ៊ីរ៉ង់បញ្ជាក់ថា ខ្លួនបានបាញ់ទម្លាក់យានដ្រូន MQ-9 ផលិតនៅអាមេរិក នៅខេត្ត Hormozgan
08/14/2026 08:08 PM
Facebook Telegram Linkin
សមាជិកសភាកោះ​តៃវ៉ាន់ អនុម័តថវិកាឆ្នាំ២០២៦ ក្រោយ​ពន្យារពេលយ៉ាង​យូរ​បំផុត​
08/14/2026 08:08 PM
Facebook Telegram Linkin
ចៅក្រមសម្រេចឃុំខ្លួនបណ្ដោះអាសន្នស្ដ្រីដែលជេរប្រមាថកងទ័ព
08/14/2026 08:08 PM
Facebook Telegram Linkin
អ្នកបើកបាត់​បង់ជីវិត បន្ទាប់​ពី​​ឧទ្ធម្ភាគចក្រធ្លាក់​នៅភាគខាងកើតអាល្លឺម៉ង់
08/14/2026 08:08 PM
Facebook Telegram Linkin
មន្ត្រី៖ អាមេរិកចង់ឱ្យលោក Netanyahu ថ្កោលទោសការឡោម​ព័ទ្ធ​របស់​អ្នកតាំងលំនៅ ក្នុងភូមិប៉ាឡេស្ទីន
08/14/2026 08:08 PM
Facebook Telegram Linkin
ការលេចធ្លាយឧស្ម័នពុល បណ្ដាល​ឱ្យ​កម្មករយ៉ាងតិច​ ៨នាក់ស្លាប់ នៅរោងចក្រ​រុះរើ​​នាវារបស់​បង់ក្លាដែស
08/14/2026 07:08 PM
Facebook Telegram Linkin
រុស្ស៊ីច្រានចោលគំនិតឱ្យ​មាន​បទឈប់បាញ់ នៅសមុទ្រខ្មៅ ក្រោយ​អ៊ុយក្រែន​លើកឡើង​
08/14/2026 07:08 PM
Facebook Telegram Linkin
លោក Marcos មើលឃើញលទ្ធភាពមាន​កិច្ចព្រមព្រៀងប្រេង និងឧស្ម័នរួមជាមួយចិន តែ​មិនផ្តល់ពេលវេលាជាក់លាក់​
08/14/2026 07:08 PM
Facebook Telegram Linkin
រយៈពេល២ឆ្នាំ បទល្មើសឆ្លងដែនពីវៀតណាម ឡាវ មកកម្ពុជាមាន ១៣៥៥ករណី និងឃាត់ខ្លួនជនល្មើសជាង ២ពាន់នាក់
08/14/2026 07:08 PM
Facebook Telegram Linkin
មជ្ឈមណ្ឌលបណ្តុះធុរកិច្ចថ្មីតេជោ ដាក់ឱ្យដំណើរការកម្មវិធីរដូវកាលទី៦ ដើម្បីប្រកួតប្រជែងប្រាក់លាន
08/14/2026 07:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.