នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ

នយោបាយ​ និង ការអភិវឌ្ឍន៍

អាល្លឺម៉ង់ ទិញមីស៊ីលរយៈចម្ងាយឆ្ងាយរបស់អាមេរិក ចំពេលមានការគំរាមកំហែងពីរុស្ស៊ី

2024/03/20 12:33:15 pm        229
Facebook Telegram Linkin
កងទ័ពអាកាសរបស់អាល្លឺម៉ង់ បានបញ្ជាទិញមីស៊ីលតម្រង់គោលដៅអាមេរិកចំនួន ៧៥ដើម ក្នុងតម្លៃ៨ ពាន់លានអឺរ៉ូ ក្នុងកិច្ចខិតខំប្រឹងប្រែងចុងក្រោយបំផុត ក្នុងការកសាងប្រព័ន្ធការពាររបស់ទីក្រុងប៊ែរឡាំង ដើម្បីប្រឈមមុខនឹងសង្គ្រាមរុស្ស៊ី-ណាតូ ដែលអាចនឹងកើតឡើង។តាមការប៉ាន់ប្រមាណ មីស៊ីលJASSM-ER មានរយៈចម្ងាយ៩០០គីឡូម៉ែត្រ ដែលធ្វើឲ្យវាជិតស្មើនឹងប្រព័ន្ធមីស៊ីល Taurus ដែលអធិការបតីអាល្លឺម៉ង់ លោក អូឡាហ្វ សូល ( Olaf Scholz) បានបដិសេធមិនបញ្ជូនទៅកាន់អ៊ុយក្រែននោះ។ការបញ្ជាទិញនេះ កើតឡើង បន្ទាប់ពីលោក Boris Pistorius ជារដ្ឋមន្ត្រីការពារជាតិអាល្លឺម៉ង់ បានប្តេជ្ញា ធានាថា ប្រទេសរបស់ខ្លួន គឺត្រៀមខ្លួនជាស្រេចសម្រាប់សង្រ្គាមតាមរយៈការបង្កើនមូលនិធិនិងធនធានដ៏សំខាន់សម្រាប់កងទ័ពអាល្លឺម៉ង់។មានការព្រួយបារម្ភថា សង្គ្រាមរវាងរុស្ស៊ី និងអង្គការណាតូ អាចនឹងផ្ទុះ ឡើងក្នុងរយៈពេល ៥ ទៅ ៨ឆ្នាំ។ភ្លាមៗនោះពុំទាន់ច្បាស់ថាតើទីក្រុងប៊ែរឡាំង បានបញ្ជាទិញមីស៊ីលថ្មីសម្រាប់គោលបំណងស្តុកទុក ឬដើម្បីប្រើប្រាស់វាជំនួសសម្រាប់ការដឹកជញ្ជូនមីស៊ីលទៅប្រទេសមួយផ្សេងទៀតនោះទេ។ប្រព័ន្ធផ្សព្វផ្សាយអាល្លឺម៉ង់ បានរាយការណ៍ពីមុនថា លោកសូល បានពិភាក្សាជាមួយចក្រភពអង់គ្លេសលើ ការដោះដូរអាវុធគ្នា ដែលមីស៊ីល Taurus ត្រូវបានបញ្ជូនទៅចក្រភពអង់គ្លេស ហើយបន្ទាប់មកបញ្ជូនមីស៊ីល Storm Shadow ទៅកាន់អ៊ុយក្រែន។ទោះបីជារដ្ឋាភិបាលអាល្លឺម៉ង់ បានព្យាយាមបដិសេធរបាយការណ៍ទាំងនោះក៏ដោយ ទង្វើបែបនេះ នឹងអនុញ្ញាតឲ្យប្រទេសអាល្លឺម៉ង់ផ្តល់ដោយប្រយោលនូវមីស៊ីលរយៈចម្ងាយឆ្ងាយបន្ថែមទៀតដល់ទីក្រុងគីវដោយមិនបំពានខ្សែបន្ទាត់ក្រហមរបស់លោកសូលលើការប្រគល់មីស៊ីលTaurusនោះទេ។

មេដឹកនាំកូរ៉េខាងជើងលោក Kim ពិនិត្យការសាកល្បងម៉ាស៊ីនមីស៊ីលល្បឿនលឿនជាងសំឡេងថ្មី

2024/03/20 12:29:02 pm        130
Facebook Telegram Linkin
ទូរទស្សន៍រដ្ឋ KRT បានរាយការណ៍នៅថ្ងៃពុធនេះថា មេដឹកនាំប្រទេសកូរ៉េខាងជើង លោក គីម ជុងអ៊ុន បានដឹកនាំការសាកល្បងម៉ាស៊ីនឥន្ធនៈរឹង សម្រាប់មីស៊ីលល្បឿនលឿនជាងសំឡេងរយៈចម្ងាយមធ្យមប្រភេទថ្មី ជាផ្នែកមួយនៃកម្មវិធីអភិវឌ្ឍសមត្ថភាពការពារជាតិ។ប្រព័ន្ធផ្សព្វផ្សាយ KRT បានរាយការណ៍ថា ជោគជ័យដ៏អស្ចារ្យនៃការសាកល្បង បានអនុញ្ញាតឱ្យគម្រោងដំណើរការក្រោមកាលវិភាគសម្រាប់ការបញ្ចប់ការអភិវឌ្ឍន៍មីស៊ីលបាលីស្ទីក រយៈចម្ងាយមធ្យមលឿនជាងសំឡេងថ្មី។ ព័ត៌មាន KRT បាននិយាយថា ការសាកល្បងនេះ ត្រូវបានធ្វើឡើងនៅស្ថានីយ៍បាញ់បង្ហោះផ្កាយរណប Sohae ដ៏សំខាន់របស់ប្រទេសកូរ៉េខាងជើង នៅជិតឆ្នេរភាគខាងលិចកាលពីថ្ងៃអង្គារ នៅពេលព្រឹក និងពេលរសៀល។ប្រទេសកូរ៉េខាងជើង បានធ្វើការសាកល្បងបាញ់មីស៊ីលល្បឿនលឿនជាងសំឡេងរយៈចម្ងាយមធ្យមកាលពីខែមករា ដែលខ្លួនបាននិយាយថា នៅពេលនោះបានប្រើប្រាស់ម៉ាស៊ីនឥន្ធនៈរឹងថ្មី ហើយក៏បានសាកល្បងប្រតិបត្តិការក្បាលគ្រាប់ដែលអាចគ្រប់គ្រងបានផងដែរ។

ទិវាវប្បធម៌ជាតិ៣មីនាលើកទី២៦ ក្រោមប្រធានបទ « យុវជនដើម្បីវប្បធម៌ជាតិ»ឆ្នាំ២០២៤

2024/03/20 11:51:48 am        115
Facebook Telegram Linkin
មន្ទីរវប្បធម៌ និងវិចិត្រសិល្បៈខេត្តឧត្តរមានជ័យ បានរៀបចំប្រារព្ធទិវាវប្បធម៌ជាតិ៣មីនា ខួបលើកទី២៦ ឆ្នាំ២០២៤ ក្រោមប្រធានបទ « យុវជនដើម្បីវប្បធម៌ជាតិ» បានប្រព្រឹត្តិធ្វើ​ឡើង នៅសាលប្រជុំមន្ទីរអប់រំយុវជន និងកីឡាខេត្តឧត្តរមានជ័យ ក្រោមអធិបតីភាព​លោក ឃិន ញាណ អភិបាលរងខេត្តឧត្តរមានជ័យ និងមានការចូលរួមពីមន្ទីរស្ថាប័នពាក់ព័ន្ធ សិស្សានុសិស្សជាច្រើនរូប នាព្រឹកថ្ងៃទី២០មិនាឆ្នាំ២០២៤នេះ។ក្នុងទិវាវប្បធម៌ជាតិនោះដែរ លោក ហុង យឿន ប្រធានមន្ទីរវប្បធម៌ និងវិចិត្រសិល្បៈ​ខេត្តឧត្តរមានជ័យ បានឱ្យដឹងថា ដោយមានការណែនាំចង្អុលបង្ហាញផ្ទាល់ពី​ឯកឧត្តមអភិបាលខេត្ត​លើទិសដៅយុទ្ធសាស្ត្ររបន្ថែមបស់ក្រសួងនូវគោលនយោបាយជាតិ ស្តីពីវិស័យវប្បធម៌​ក្រោម​ចក្ខុវិស័យ ដើម្បីអភិរក្ស និងអភិវឌ្ឍន៍វប្បធម៌ជាតិនោះ ​មន្ទីរវប្បធម៌និងវិចិត្រសិល្បៈខេត្ត បានខិតខំបំពេញតួនាទី ​ភារកិច្ចរបស់ខ្លួន ដើម្បីរួមចំណែក ក្នុងការអភិវឌ្ឍសេដ្ឋកិច្ច សង្គមទទួលបានលទ្ធផលល្អប្រសើរ ។ជាក់ស្តែងក្នុងឆ្នាំ២០២៣កន្លមកនេះ មន្ទីរវប្បធម៌និងវិចិត្រសិល្បៈខេត្តបានដំណើរការ​បើកវគ្គធ្វើការ​ផ្សព្វផ្សាយ ច្បាប់ លើកិច្ចការថែរក្សា ការពារ និងគ្រប់គ្រងបេតិកភណ្ឌ វប្បធម៌រូបី និងចុះ​បង្ហាត់​សិល្បៈនៅតាមសាលារៀន សហគមន៍ ឲ្យបានយល់ដឹងអំពីសីលធម៌សង្គម របៀបសំពះទាំង៥ ការស្លៀកពាក់តាមបែបប្រពៃណីជាដើមផងដែរ។ លោកបន្តទៀតថា ក្នុងនោះដែរមន្រ្តីជំនាញយើងបានបន្តការសិក្សាស្រាវជ្រាវ និង ប្រមែប្រមូល​រាល់វត្ថុបុរាណ​នៅលើទួលដែលជនល្មើសបាន​ជីកគាស់ ​យកមកចុះបញ្ជីរក្សាទុក​និងបានចងក្រង​ជា​បញ្ជីសៀវភៅសលាកប័ត្រវត្ថុសិល្បៈ ជាច្រើនសម្រាម់រក្សាទុកក្នុងសារៈមន្ទីរខេត្តផងដែរ។លោក ឃិន ញាណ អភិបាលរងខេត្តឧត្តរមានជ័យ បានថ្លែងថា ទិវាវប្បធម៌ជាតិ៣មីនា ខួបលើក​ទី២៦ ក្រោមប្រធានបទ «យុវជនដើម្បីវប្បធម៌» ពិតជាសារៈសំខាន់ខ្លាំង​ណាស់​សម្រាប់​មនុស្សជាតិគ្រប់រូបក្នុងការយល់ដឹងពីវប្បធម៌ជាតិ ។ បើគ្មានការរៀន​ និងបង្ហាត់ បង្ហាញ ពីគ្រូជំនាញ ក្នុងនោះក៏មានការទាមទាពេលវេលា​ និង​ឧបនិស្ស័យ​របស់ បុគ្គលម្នាក់ៗ ​និងមាន​ដុង្គ​ពី​កំណើត​ទើបយើងអាចចាប់បានការរៀនសូត្រពីវិស័យវប្បធម៌ និងសិល្បៈនេះបានព្រោះថា សិល្បៈគឺជាវិស័យគន្លឹៈមួយក្នុងការអភិរក្ស និងអភិវឌ្ឍន៍ផ្នែកប្រពៃណី ទំនៀមទំលាប់ ដោយឈរលើមូលដ្ឋាន ​សម្បត្តិបេតិកភណ្ឌ វប្បធម៌ រូបីនិងវប្បធម៌អរូបីដ៏សម្បូបែប​ក្នុងសង្គមជាតិខ្មែរយើង។លោក អភិបាលរងខេត្ត បានបញ្ជាក់ទៀតថា ក្នុងទិវាដ៏មានអត្ថន័យនេះដែរគឺ​មានគោលបំណង​ផ្សព្វផ្សាយ ជម្រុញ ផ្ទេរចំណេះដឹង ចំណេះធ្វើ បច្ចេកទេស ក៏ដូចជាការជួយក្រើនរំលឹក​និង​បំផុស​ស្មារតី មនសិកា ដល់ប្រជាពលរដ្ឋពិសេសប្អូនៗយុវជន និងយុវនារី ដែលជា​ទំពាំង​ស្នងឬស្សីឱ្យ​មានការតព្វកិច្ចក្នុងការចូលរួមថែរក្សាការពារវប្បធម៌ប្រពៃណីរបស់ជាតិឱ្យបានគង់វង្សនិងស្ថិតស្ថេរសម្រាប់កូនចៅជំនាន់ក្រោយៗទៀត៕ 

ប្រមុខការពារជាតិអាមេរិក ប្តេជ្ញាថា ទីក្រុងវ៉ាស៊ីនតោន មិនឲ្យអ៊ុយក្រែន បរាជ័យឡើយ

2024/03/20 11:35:56 am        75
Facebook Telegram Linkin
រដ្ឋមន្ត្រីការពារជាតិ លោក Lloyd Austin បានសន្យាកាលពីថ្ងៃអង្គារថា សហរដ្ឋអាមេរិក នឹងមិនឱ្យអ៊ុយក្រែន បរាជ័យក្នុងការប្រយុទ្ធជាមួយរុស្ស៊ីឡើយ ទោះបីជាជំនួយបន្ថែមទៀតនៅតែជាប់គាំងនៅក្នុងសភា ហើយកងកម្លាំងរបស់ទីក្រុងគីវ ប្រឈមមុខទៅនឹងការខ្វះអាវុធក៏ដោយ។សភាដែលដឹកនាំដោយគណបក្សសាធារណរដ្ឋ បានរារាំងជំនួយចំនួន ៦០ពាន់លានដុល្លារសម្រាប់ប្រទេសអ៊ុយក្រែន ហើយសហរដ្ឋអាមេរិក បានព្រមានថាកញ្ចប់ថវិកា ៣០០លានដុល្លារ កាលពីពេលថ្មីៗនេះ នឹងមានរយៈពេលត្រឹមតែពីរបីសប្តាហ៍ប៉ុណ្ណោះ។លោក Austin បាននិយាយនៅក្នុងពិធីបើកកិច្ចប្រជុំមួយនៅក្នុងប្រទេសអាល្លឺម៉ង់ ស្តីអំពីអ្នកគាំទ្រអន្តរជាតិសម្រាប់អ៊ុយក្រែនថា សហរដ្ឋអាមេរិកនឹងមិនអនុញ្ញាតឱ្យអ៊ុយក្រែនបរាជ័យឡើយ ដែលលោកកំពុងស្វែងរកដើម្បីទទួលបានជំនួយបន្ថែមទៀតសម្រាប់ទីក្រុងគីវ។លោក បាននិយាយថា យើងនៅតែប្តេជ្ញាចិត្តក្នុងការផ្តល់ឱ្យអ៊ុយក្រែននូវធនធាន ដែលប្រទេសនេះត្រូវការដើម្បីទប់ទល់ការឈ្លានពានរបស់វិមានក្រឹមឡាំង។ ទីក្រុងវ៉ាស៊ីនតោន បានប្រកាសផ្តល់ជំនួយចំនួន ៣០០លានដុល្លារអាមេរិកសម្រាប់ប្រទេសអ៊ុយក្រែន កាលពីសប្តាហ៍មុន។ប្រធានាធិបតីអ៊ុយក្រែន លោក Volodymyr Zelenskyy បាននិយាយនៅក្នុងសេចក្តីថ្លែងការណ៍មួយថា វាមានសារៈសំខាន់ខ្លាំងសម្រាប់ពួកយើង ដែលសភានឹងបញ្ចប់នីតិវិធីចាំបាច់ទាំងអស់ក្នុងពេលឆាប់ៗនេះ ហើយធ្វើការសម្រេចចិត្តចុងក្រោយលើជំនួយសម្រាប់ទីក្រុងគីវ។មន្ត្រីយោធាជាន់ខ្ពស់របស់សហរដ្ឋអាមេរិកម្នាក់ បានប្រាប់អ្នកសារព័ត៌មាន ដែលធ្វើដំណើរទៅកាន់កិច្ចប្រជុំស្តីពីអ៊ុយក្រែនថា កងទ័ពរបស់ទីក្រុងគីវ ត្រូវយកចិត្តទុកដាក់លើអត្រាផ្គត់ផ្គង់ និងរបៀបដែលពួកគេត្រូវធ្វើ ។

សហភាពអឺរ៉ុប គ្រោងនឹងបញ្ជូនប្រាក់ចំណូលពីទ្រព្យបង្កករបស់រុស្ស៊ី ទៅឱ្យមូលនិធិអាវុធអ៊ុយក្រែន

2024/03/20 10:55:54 am        91
Facebook Telegram Linkin
ប្រធានគោលនយោបាយការបរទេស របស់ប្លុក EU លោក ចូសេប បូរ៉ែល (Josep Borrell) បានស្នើកាលពីថ្ងៃអង្គារ (១៩ មីនា) ថា សហភាពអឺរ៉ុប គួរតែយក ៩០ ភាគរយនៃប្រាក់ចំណូលពីទ្រព្យសម្បត្តិរបស់រុស្ស៊ី ដែលត្រូវបង្កកនៅអឺរ៉ុប ហើយផ្ទេរថវិកាទាំងនោះទៅមូលនិធិ ដែលគ្រប់គ្រងដោយសហភាពអឺរ៉ុប ដែលផ្តល់ហិរញ្ញប្បទានអាវុធសម្រាប់អ៊ុយក្រែន។លោក បូរ៉ែល បានប្រាប់អ្នកយកព័ត៌មាននៅទីក្រុងប្រ៊ុចសែលថា លោកនឹងដាក់សំណើជាផ្លូវការមួយទៅកាន់រដ្ឋាភិបាលសមាជិកទាំង ២៧ របស់សហភាពអឺរ៉ុបនៅថ្ងៃពុធនេះ មុនពេលកិច្ចប្រជុំកំពូលនៃមេដឹកនាំប្លុកនៅថ្ងៃព្រហស្បតិ៍ និងថ្ងៃសុក្រ។ លោកបានស្នើថាចំនួន ១០ ភាគរយនៃប្រាក់ចំណូលរឹបអូសដែលនៅសេសសល់ ត្រូវដាក់ចូលទៅក្នុងថវិកាកណ្តាលរបស់សហភាពអឺរ៉ុប ដើម្បីបង្កើនសមត្ថភាពការពារនៃឧស្សាហកម្មអ៊ុយក្រែន។ប្រហែល ៧០ ភាគរយនៃទ្រព្យសកម្មរុស្ស៊ីទាំងអស់ដែលជាប់គាំងនៅលោកខាងលិច គឺត្រូវបានរក្សាទុកនៅក្នុងឃ្លាំងមូលបត្រកណ្តាលរបស់ប្រទេសបែលហ្ស៊ិក យ៉ូរ៉ូឃ្លៀ (Euroclear) ដែលមានតម្លៃស្មើនឹង ១៩០ ពាន់លានអឺរ៉ូ (២០៦,១ ពាន់លានដុល្លារ) នៃមូលបត្រ និងសាច់ប្រាក់របស់ធនាគារកណ្តាលរុស្ស៊ីជាច្រើន។មន្ត្រីជាន់ខ្ពស់សហភាពអឺរ៉ុបមួយរូបបាននិយាយកាលពីសប្តាហ៍មុនថាទ្រព្យសម្បត្តិរបស់រុស្ស៊ី ដែលត្រូវបានបង្កកនៅក្នុងសហភាពអឺរ៉ុប ទំនងជាអាចរកបានពី ១៥ ពាន់លានទៅ ២០ ពាន់លានអឺរ៉ូ នៅក្នុងប្រាក់ចំណេញក្រោយការបង់ពន្ធរហូតដល់ឆ្នាំ២០២៧ អាស្រ័យលើអត្រាការប្រាក់សកល៕

លោក ពូទីន នឹងពិចារណាទៅទស្សនកិច្ចនៅចិន សម្រាប់ដំណើរលើកដំបូងរបស់ខ្លួនក្នុងអាណត្តិថ្មី

2024/03/20 10:53:10 am        107
Facebook Telegram Linkin
ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយកាលពីល្ងាចថ្ងៃអង្គារ (១៩ មីនា) ថា លោកនឹងពិចារណាទៅទស្សនកិច្ចនៅប្រទេសចិន សម្រាប់ដំណើរទៅក្រៅប្រទេសលើកដំបូងរបស់ខ្លួនក្នុងអំឡុងពេលអាណត្តិប្រធានាធិបតីថ្មី ដែលលោកទទួលបាននៅក្នុងការបោះឆ្នោតចុងសប្តាហ៍។កាលពីថ្ងៃអង្គារ ទីភ្នាក់ងារសារព័ត៌មាន រ៉យទ័រ បានរាយការណ៍ផ្តាច់មុខថា លោក ពូទីន នឹងធ្វើដំណើរទៅកាន់ប្រទេសចិន ក្នុងខែឧសភា ដើម្បីពិភាក្សាជាមួយលោក ស៊ី ជីនពីង ក្នុងអ្វីដែលអាចជាដំណើរទៅក្រៅប្រទេសលើកដំបូងរបស់ប្រមុខវិមានក្រឹមឡាំងនៃអាណត្តិប្រធានាធិបតីថ្មីរបស់លោក។ទីភ្នាក់ងារសារព័ត៌មានរដ្ឋ TASS របស់រុស្ស៊ីបានរាយការណ៍ថា នៅក្នុងកិច្ចប្រជុំជាមួយក្រុមសភាកាលពីថ្ងៃអង្គារ មេដឹកនាំបក្សកុម្មុយនិស្តរុស្ស៊ី លោក ហ្គេនណាឌី ហ្យ៉ូហ្កានូវ (Gennady Zyuganov) បានស្នើឱ្យលោក ពូទីន ជ្រើសរើសទីក្រុងប៉េកាំង សម្រាប់ការធ្វើដំណើរទស្សនកិច្ច ហើយលោក ពូទីន បានសន្យាថានឹងពិចារណាលើដំណើរនេះ។រដ្ឋាភិបាលលោកខាងលិច កាលពីថ្ងៃចន្ទ បាននាំគ្នាថ្កោលទោសការទទួលជ័យជម្នះក្នុងការបោះឆ្នោតកាលពីចុងសប្តាហ៍របស់លោក ពូទីន ថាជារឿងអយុត្តិធម៌ និងមិនមានលទ្ធិប្រជាធិបតេយ្យ ប៉ុន្តែប្រទេសចិន និងកូរ៉េខាងជើង បានអបអរសាទរមេដឹកនាំរុស្ស៊ីជើងចាស់ ក្នុងការបន្តគ្រប់គ្រងរបស់លោករយៈពេលប្រាំមួយឆ្នាំបន្ថែមទៀត៕

តុលាការកំពូលរបស់សហរដ្ឋអាមេរិក អនុញ្ញាតឱ្យរដ្ឋតិចសាស់ អនុវត្តច្បាប់អន្តោប្រវេសន៍ដ៏ចម្រូងចម្រាស

2024/03/20 10:48:58 am        49
Facebook Telegram Linkin
តុលាការកំពូលរបស់សហរដ្ឋអាមេរិក កាលពីថ្ងៃអង្គារ (១៩ មីនា) បានអនុញ្ញាតឱ្យច្បាប់រដ្ឋតិចសាស់ (Texas) ដែលគាំទ្រដោយគណបក្សសាធារណរដ្ឋ ចូលជាធរមាន ដែលអនុញ្ញាតឱ្យអាជ្ញាធរអនុវត្តច្បាប់របស់រដ្ឋចាប់ខ្លួនមនុស្សដែលសង្ស័យថាបានឆ្លងកាត់ព្រំដែនសហរដ្ឋអាមេរិក-ម៉ិកស៊ិកដោយខុសច្បាប់ ដោយបដិសេធកិច្ចខិតខំប្រឹងប្រែងដើម្បីរារាំងច្បាប់នេះដោយរដ្ឋបាលរបស់ប្រធានាធិបតី ចូ បៃដិន (Joe Biden)។តុលាការមានសំឡេងគាំទ្រភាគច្រើនពីក្រុមអភិរក្សនិយម ៦ ទល់នឹង៣ សំឡេង ហើយក្រុមយុត្តិធម៌សេរីទាំងបីរូបរបស់ខ្លួនបានជំទាស់ ដោយនិយាយថា ការអនុញ្ញាតច្បាប់នេះនឹងធ្វើឱ្យការអនុវត្តច្បាប់អន្តោប្រវេសន៍ប៉ះពាល់ដល់រដ្ឋ។ជាលទ្ធផល ច្បាប់របស់រដ្ឋនេះនៅតែអាចចូលជាធរមានបាន ខណៈពេលដែលវិវាទនៅតែបន្តនៅក្នុងតុលាការថ្នាក់ក្រោម មានន័យថាការតស៊ូផ្លូវច្បាប់មិនទាន់ចប់ទេ ហើយច្បាប់នៅតែត្រូវអាចរារាំងនៅពេលក្រោយបាន។ អភិបាលរដ្ឋតិចសាស់ លោក ហ្គ្រេក អាបបុត (Greg Abbott) បានសាទរចំពោះដីការបស់តុលាការ ដោយហៅវាថាជា «ការវិវឌ្ឍន៍ដ៏វិជ្ជមាន»។អ្នកនាំពាក្យមានសេតវិមាន លោកស្រី ខាតារីន ហ្សង់ព្យែរ (Karine Jean-Pierre) បាននិយាយនៅក្នុងសេចក្តីថ្លែងការណ៍មួយថា ច្បាប់នេះ «នឹងមិនត្រឹមតែធ្វើឱ្យសហគមន៍ក្នុងរដ្ឋតិចសាស់ មិនសូវមានសុវត្ថិភាពប៉ុណ្ណោះទេ វាថែមទាំងនឹងដាក់បន្ទុកលើការអនុវត្តច្បាប់ និងបង្កភាពចលាចល និងការភាន់ច្រឡំនៅព្រំដែនភាគខាងត្បូងរបស់អាមេរិកផងដែរ»៕

មេទ័ពអ៊ុយក្រែន៖ យានដ្រូនគឺជាគន្លឹះដើម្បីទទួលបានផលប្រយោជន៍ពីប្រទេសរុស្ស៊ី

2024/03/19 12:14:37 pm        161
Facebook Telegram Linkin
មេបញ្ជាការអ៊ុយក្រែន លោក Oleksandr Syrskyi បាននិយាយកាលពីយប់ថ្ងៃចន្ទថា ការអភិវឌ្ឍប្រព័ន្ធគ្មានមនុស្សបើក ឬយានដ្រូន គឺជាគន្លឹះក្នុងការផ្តល់អត្ថប្រយោជន៍ដល់ទីក្រុងគីវលើកងកម្លាំងរុស្ស៊ីក៏ខ្លាំងពូកែ។" លោក Syrskyi បាននិយាយនៅលើបណ្តាញសង្គមTelegram បន្ទាប់ពីជួបជាមួយអនុប្រធានរបស់ខ្លួន លោក Vadym Sukharevskyiថា៖«ការអភិវឌ្ឍនៃការប្រើប្រាស់ប្រព័ន្ធគ្មានមនុស្សបើក គឺជាអាទិភាពរបស់ខ្ញុំ»។ «យើងកំពុងស្វែងរកដំណោះស្រាយមិនស្មើភាព ដើម្បីទទួលបានអត្ថប្រយោជន៍ប្រកបដោយគុណភាពលើគូប្រជែងដ៏ខ្លាំងពូកែនោះ។ការបង្កើនការប្រើប្រាស់យានដ្រូនដោយភាគីទាំងពីរ បាននិងកំពុងផ្លាស់ប្តូរជម្លោះឆ្ងាយពីសមរភូមិទៅជាការវាយប្រហារលើផ្នែកយោធា ថាមពល និងហេដ្ឋារចនាសម្ព័ន្ធដឹកជញ្ជូនរបស់គ្នាទៅវិញទៅមក។ដោយសារយោធាអ៊ុយក្រែន អស់កាំភ្លើង និងគ្មានកងទ័ពនៅសមរភូមិ កងកម្លាំងរបស់ទីក្រុងមូស្គូ បាននិងកំពុងបង្កើនសម្ពាធនៅតាមបណ្តោយជួរមុខទាំងមូល និងបង្កើនការរុលទៅមុខបន្តិចម្តងៗ។លោកប្រធានាធិបតី វ្ល៉ាឌីមៀ ពូទីន ដែលកាលពីថ្ងៃអាទិត្យ បានទទួលអំណាចគ្រប់គ្រងរយៈពេល៦ឆ្នាំទៀត បន្ទាប់ពីឈ្នះការបោះឆ្នោតប្រធានាធិបតីរុស្ស៊ី បាននិយាយថា កងកម្លាំងទីក្រុមូស្គូ មានប្រៀបលើសមរភូមិអ៊ុយក្រែន ហើយបានប្តេជ្ញាថា នឹងបន្តប្រតិបត្តិការយោធារបស់លោកតទៅទៀត។ប្រធានាធិបតីអ៊ុយក្រែន លោកវ៉ូឡូមៀ ហ្សេឡិនស្គី (Volodymyr Zelenskiy) ជាផ្នែកនៃកំណែទម្រង់យោធារបស់លោក បានបញ្ជាកាលពីខែកុម្ភៈឲ្យបង្កើតសាខាដាច់ដោយឡែកនៃកងកម្លាំងប្រដាប់អាវុធរបស់អ៊ុយក្រែនសម្រាប់ការវាយប្រហារដោយយានដ្រូន។ លោកSukharevskyi ត្រូវបានចាត់តាំងឲ្យទទួលបន្ទុកក្នុងការអភិវឌ្ឍប្រព័ន្ធគ្មានមនុស្សបើក និងការប្រើប្រាស់របស់ទាហាន។

ឯកឧត្តមបណ្ឌិត អ៊ាង សុផល្លែត អញ្ជើញសម្ពោធឆ្លងមហាកុដិ និងសមិទ្ធផលនានា ក្នុងវត្តជ្រៃបិទមាស ខេត្តត្បូងឃ្មុំ

2024/03/19 12:05:08 pm        80
Facebook Telegram Linkin
ត្បូងឃ្មុំ៖ ឯកឧត្តបណ្ឌិត អ៊ាង សុផល្លែត ប្រធានក្រុមការងាររាជរដ្ឋភិបាល ចុះមូលដ្ឋានខេត្តត្បូងឃ្មុំ និងជាតំណាងសម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា នៅព្រឹកថ្ងៃទី១៩ ខែមីនា ឆ្នាំ២០២៤ បានអញ្ជើញសម្ពោធឆ្លងមហាកុដិ និងសមិទ្ធផលនានា ក្នុងវត្តជ្រៃបិទមាស ក្នុងភូមិសាស្រ្តសង្កាត់សួង ក្រុងសួង ខេត្តត្បូងឃ្មុំ។នាឱកាសនោះ ឯកឧត្តមបណ្ឌិត អ៊ាង សុផល្លែត បានថ្លែងថា សមិទ្ធផលកើតឡើងថ្មីៗបន្ថែមទៀត នៅពេលបច្ចុប្បន្ននេះ គឺកិច្ចខិតខំប្រឹងប្រែងរបស់រាជរដ្ឋាភិបាល អាជ្ញាធរគ្រប់លំដាប់ថ្នាក់ និងប្រជាជននៅទូទាំងប្រទេស និយាយជារួម និងនិយាយដោយឡែកសម្រាប់ពុទ្ធបរិស័ទចំណុះជើងវត្តជ្រៃបិទមាស ក៏ដូចជាសប្បុរសជននានា ដែលបានចូលមករួមចំណែកដើម្បីធ្វើបុណ្យធ្វើទាន នៅក្នុងវត្តជ្រៃបិទមាសនេះ ហើយផ្តល់លទ្ធភាពឱ្យវត្តកសាងបាននូវសមិទ្ធផលដ៏ល្អសម្រាប់ការគោរពបូជា។ឯកឧត្តម បន្តថា រាជរដ្ឋាភិបាលនៅក្នុងនីតិកាលទី៧ បាននឹងកំពុងបន្តការងារពីរាជរដ្ឋាភិបាល​​អាណត្តិមុន ក្រោមការដឹកនាំរបស់សម្តេចតេជោ ហ៊ុន សែន អតីតនាយករដ្ឋមន្ត្រី និងជាប្រធាន​ឧត្តមក្រុមប្រឹក្សាព្រះមហាក្សត្រ ក្នុងបេសកកម្ម ជាឧត្តមប្រយោជន៍ជូនជាតិ និងដើម្បីសម្រេចឱ្យបាននូវ គោលនយោបាយធំៗ ជាអាទិភាពរួមមានទី១៖ ការពារសន្តិភាព ស្ថិរភាពនយោបាយ និងរាល់សមិទ្ធផលសង្គមជាតិឱ្យរឹងមាំ ស្ថិតស្ថេរគង់វង្ស, ២៖ លើកកម្ពស់ជីវភាពប្រជាជនគ្រប់រូប ទាំងខាងសម្ភារៈ និងស្មារតីឱ្យបានសមរម្យប្រកបដោយភាព ថ្លៃថ្នូរ ទី៣៖ ការពាររបបរាជានិយម លើកស្ទួយលទ្ធិប្រជាធិបតេយ្យ សិទ្ធិសេរីភាពប្រជាជន និងពង្រឹងនីតិរដ្ឋ ទី៤៖ ពង្រឹង រដ្ឋបាលសាធារណៈនៅគ្រប់ថ្នាក់ ជារដ្ឋបាលប្រជាជន និងបម្រើផលប្រយោជន៍ប្រជាជន និងទី៥៖ បន្តជំរុញការកទម្រង់ ដើម្បីអភិបាលកិច្ចល្អ និងក្លាយជាអារ្យប្រទេសជឿនលឿនមួយក្នុងតំបន់ជាមួយនឹងស្នាមញញឹម និងក្តីសង្ឃឹមរបស់ប្រជាជន៕អត្ថបទ៖ទូច សោភ័ណ

ប្រជាជនឥណ្ឌូនេស៊ីតវ៉ាប្រឆាំងជ័យជម្នះក្រៅផ្លូវការរបស់លោក ប្រាបូវ៉ូ ក្នុងការបោះឆ្នោតប្រធានាធិបតី ដោយចោទប្រកាន់ថាមានការក្លែងបន្លំ

2024/03/19 11:47:23 am        97
Facebook Telegram Linkin
ការបោះឆ្នោតប្រធានាធិបតីឥណ្ឌូនេស៊ីអាចនឹងបញ្ចប់ ប៉ុន្តែបាតុកម្មប្រឆាំងនឹងលទ្ធផលក្រៅផ្លូវការនៅតែបន្ត។នគរបាលត្រូវបានដាក់ពង្រាយនៅមុខគណៈកម្មការរៀបចំការបោះឆ្នោតសកលរបស់ប្រទេសឥណ្ឌូនេស៊ី (KPU) ដើម្បីធានាថាការតវ៉ាបែបនេះមិនក្លាយជាហិង្សាទេ។ ក្រុមអ្នកតវ៉ាកំពុងទាមទារឱ្យអាជ្ញាធររៀបចំការបោះឆ្នោតបញ្ឈប់មេដឹកនាំជួរមុខត្រៀមក្លាយជាប្រធានាធិបតីឥណ្ឌូនេស៊ី និងជាអតីតរដ្ឋមន្ត្រីការពារជាតិ លោក Prabowo Subianto ពីការឡើងកាន់តំណែងជាប្រធានាធិបតីបន្ទាប់របស់ប្រទេសនេះ។ ពួកគេក៏កំពុងអះអាងផងដែរថាមានការលួចបន្លំការបោះឆ្នោតនេះ។ទោះបីកម្ដៅផ្នែកនយោបាយកំពុងកើនឡើងខ្លាំងក៏ដោយ នគរបាលនៅតែអាចគ្រប់គ្រងការធ្វើបាតុកម្មបាន។ KPU ត្រូវបានគេរំពឹងថានឹងប្រកាសលទ្ធផលផ្លូវការនៃការបោះឆ្នោតប្រធានាធិបតីកាលពីខែមុននៅថ្ងៃពុធ ២០ មីនាស្អែកនេះ ។ ការរាប់សន្លឹកឆ្នោតរហ័សដែលធ្វើឡើងដោយក្រុមស្ទង់មតិឯករាជ្យ និងក្រុមអ្នកស្រាវជ្រាវ បានបង្ហាញថា លោក Prabowo ដែលជាអតីតយុទ្ធជនយោធាដ៏ចម្រូងចម្រាស បាននាំមុខលើគូប្រជែងរបស់លោកគឺអតីតអភិបាលក្រុង ហ្សាកាតា លោក អាបានី បាស្វេដាន (Anies Baswedan) និងអតីតអភិបាលខេត្ត ជ្វាកណ្ដាល (Central Java) លោកកាន់ចា ប្រាណូវ៉ូ( Ganjar Pranowo) ។ លទ្ធផលក្រៅផ្លូវការបង្ហាញថា លោក Prabowo ទទួលបានសំឡេងឆ្នោតប្រហែល ៥៨ ភាគរយក្នុងការបោះឆ្នោតកាលពីថ្ងៃទី១៤ខែកុម្ភៈឆ្នាំ២០២៤ ។ លោក Anies ទទួលបានសំឡេងគាំទ្រប្រហែល ២៥ ភាគរយ ចំណែកលោក Ganjar Pranowo ទទួលបានសំឡេងគាំទ្រប្រហែល១៧ភាគរយ។ ប្រធានាធិបតីកំពុងកាន់អំណាចនៅឡើយ លោក Joko Widodo ក៏ត្រូវបានចោទប្រកាន់ដែរពីបទជ្រៀតជ្រែកការបោះឆ្នោត និងបង្ហាញការពេញចិត្តចំពោះលោក Prabowo និងមិត្តរួមតំណែង ត្រូវជាកូនប្រុសច្បងរបស់លោក Jokowi គឺលោកជីប្រានរ៉ាកាប៊ូមីង រ៉ាកា (Gibran Rakabuming Raka)៕

បណ្ដាញសង្គម

ព័ត៌មានថ្មីៗ

សម្តេចតេជោ ហ៊ុន សែន អញ្ជើញចូលរួមអបអរសាទរខួបលើកទី៨០ឆ្នាំ ទិវាឯករាជ្យរបស់វៀតណាម
08/21/2025 08:08 PM
Facebook Telegram Linkin
បេឡារុស៖ របៀបបំពាក់ប្រព័ន្ធមីស៊ីលជាមួយនឹងក្បាលគ្រាប់នុយក្លេអ៊ែរ កំពុងត្រូវបានស្វែងយល់
08/21/2025 08:08 PM
Facebook Telegram Linkin
រដ្ឋមន្ត្រីការបរទេស៖ ចិនសម្លឹងដល់កិច្ចសហប្រតិបត្តិការផ្នែកកសិកម្ម និងជីករ៉ែ ជាមួយប៉ាគីស្ថាន
08/21/2025 08:08 PM
Facebook Telegram Linkin
រដ្ឋាភិបាល៖ អង្គការណាតូនឹងបង្កើតមូលដ្ឋានភស្តុភារ នៅស៊ុយអែត
08/21/2025 08:08 PM
Facebook Telegram Linkin
​ការថែទាំផ្លូវមានសារៈសំខាន់ណាស់ ដើម្បីលើកកម្ពស់ជីវភាពរស់នៅរបស់ប្រជាជននៅជនបទ
08/21/2025 08:08 PM
Facebook Telegram Linkin
រុស្ស៊ីធ្វើសមយុទ្ធបាញ់មីស៊ីល នៅសមុទ្រជប៉ុន
08/21/2025 07:08 PM
Facebook Telegram Linkin
​ ផ្នែកខ្លះរបស់រុស្ស៊ី ប្រឈមនឹងកង្វះប្រេងសាំង បន្ទាប់ពីអ៊ុយក្រែនវាយប្រហាររោងចក្រចម្រាញ់ប្រេង
08/21/2025 07:08 PM
Facebook Telegram Linkin
សរទរដូវជិតមកដល់ ប៉ុន្តែកូរ៉េខាងត្បូង នៅតែស្ថិតក្នុងអាកាសធាតុក្តៅហួតហែង
08/21/2025 07:08 PM
Facebook Telegram Linkin
អតីតពលការិនីត្រឡប់មកពីប្រទេសថៃ បីនាក់បងប្អូន ទទួលបានការងារធ្វើភ្លាមៗ នៅក្នុងខេត្តស្វាយរៀង ដោយម្នាក់ៗទទួលបានប្រាក់ឈ្នួលប្រចាំខែជិត ៥០០ដុល្លាអាមេរិក
08/21/2025 06:08 PM
Facebook Telegram Linkin
ឯកឧត្តម ឃឹម ហ្វីណង់៖ទោះបីជាថ្លៃស្រូវបច្ចុប្បន្ននៅតែបន្តជាបញ្ហាប្រឈមតែការចូលរួមប្រមូលទិញស្រូវពីរោងម៉ាស៊ីនដៃគូពិតជាបានជួយកាត់បន្ថយយ៉ាងច្រើនដល់ការកកស្ទះនៅតាមទីវាល
08/21/2025 06:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.