នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធានក្រុមការងារគណបក្សចុះមូលដ្ឋាន អញ្ជើញបើកការដ្ឋានសាងសង់​ផ្លូវលំ​ប្រវែង ៥.៧០០​ម៉ែត្រ ស្ថិតក្នុងស្រុកប្រាសាទបល្ល័ង្ក ខេត្តកំពង់ធំ
សម្ដេចតេជោ ចាត់ទុក អតីតរដ្ឋមន្ត្រីការពារជាតិវៀតណាម ជាមិត្តចាស់របស់កម្ពុជា
ឯកឧត្តម ចាយ បូរិន អញ្ជើញចុះសួរសុខទុក្ខនិងនាំយកអំណោយដ៏ថ្លៃថ្លារបស់ សម្តេចមហាបរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនឯកឧត្តម កង ណម នៅគេហដ្ឋាន
មន្ត្រីជាន់ខ្ពស់ក្រសួងអភិវឌ្ឍន៍ជនបទ ចុះត្រួតពិនិត្យ និងវាយតម្លៃលើ​ការងារ​ស្ថាបនា​ផ្លូវ នៅ​ទីតាំង​ដីសម្បទានសង្គមកិច្ច ខេត្តឧត្តរមានជ័យ

នយោបាយ​ និង ការអភិវឌ្ឍន៍

អនុរដ្ឋមន្រ្តីក្រសួងការបរទេសជប៉ុន ប្តេជ្ញាពង្រឹង និងពង្រីកកិច្ចសហប្រតិបត្តិការជប៉ុន-កម្ពុជា ឱ្យបានកាន់តែរីកចម្រើនបន្ថែមទៀត

2024/03/14 09:25:22 am        147
Facebook Telegram Linkin
នារសៀលថ្ងៃទី១៣ ខែមីនា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃ​ព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម កុមឹរ៉ា ម៉ាសាហ៊ីរ៉ូ (KOMURA Masahiro) អនុ​រដ្ឋមន្រ្តី ក្រសួងការបរទេសជប៉ុន ចូលជួបសម្តែងការគួរសម និងពិភាក្សាការងារ នៅ​វិមានសន្តិភាព។ក្នុងឱកាសនៃជំនួប ឯកឧត្តម កុមឹរ៉ា ម៉ាសាហ៊ីរ៉ូ បានថ្លែងអំណរគុណចំពោះ សម្តេចធិបតី ដែល​បាន​ឆ្លៀត​ពេល​វេលាដ៏មមាញឹកអនុញ្ញាតឱ្យរូបឯកឧត្តម និងគណៈប្រតិភូ ចូលជួប​សម្តែង​ការ​គួរ​សម និងពិភាក្សាការងារ។ ឯកឧត្តមអនុរដ្ឋមន្រ្តី ក៏បានគោរពជម្រាបជូនសម្តេចធិបតីថា ជប៉ុន​នឹង​បន្ត​ពង្រឹង និងពង្រីកកិច្ចសហប្រតិបត្តិការជាមួយរាជរដ្ឋាភិបាលកម្ពុជាបន្ថែមទៀត ស្រប​តាម​ស្មារតី នៃ​ការឯកភាពគ្នារវាងប្រមុខរដ្ឋាភិបាលទាំងពីរ នាពេលកន្លងមក លើវិស័យជាច្រើន ដូចជា​ វិស័យពាណិជ្ជកម្ម និងវិនិយោគ ឧស្សាហកម្ម ទេសចរណ៍ ឌីជីថល ការពារជាតិ និងសន្តិសុខ​។ ទន្ទឹម​នឹងនេះ ឯកឧត្តមអនុរដ្ឋមន្រ្តី ក៏បានគោរពជម្រាបជូន សម្តេចធិបតី ផងដែរថា ក្នុង​ដំណើរ​ទស្សន​កិច្ច​នៅ​ព្រះរាជាណាចក្រកម្ពុជានាឱកាសនេះ ឯកឧត្តមនឹងចុះហត្ថលេខាលើលិខិតប្តូរសារ និងឯកសារពាក់ព័ន្ធស្តីពីការផ្តល់ឥណទានសម្បទាន ដែលមានទឹកប្រាក់ប្រមាណ​​ ១៥០​លាន​ដុល្លារ​ សម្រាប់គម្រោងអភិវឌ្ឍន៍មន្ទីរពេទ្យក្នុងតំបន់ ​ព្រមទាំងចូលរួមក្នុងកិច្ចប្រជុំ ICC-Angkor / សំបូរ​ព្រៃគុក​ ដោយឯកឧត្តមបានលើកឡើងថា កិច្ចសហប្រតិបត្តិការនេះ គឺជា​កិច្ច​សហ​ប្រតិបត្តិការ​អន្តរជាតិ​គំរូមួយលើវិស័យអភិរក្ស និងការពារបេតិកភណ្ឌវប្បធម៌ផងដែរ។ជាការឆ្លើយតប សម្តេចធិបតី បានសម្តែងនូវការស្វាគមន៍ចំពោះឯកឧត្តម កុមឹរ៉ា ម៉ាសាហ៊ីរ៉ូ និង​គណៈ​ប្រតិភូ ដែលបានអញ្ជើញមកបំពេញទស្សនកិច្ចនៅព្រះរាជាណាចក្រកម្ពុជា ព្រមទាំង​បាន​ថ្លែង​អំណរគុណ និងវាយតម្លៃខ្ពស់ចំពោះកិច្ចសហប្រតិបត្តិការកម្ពុជា-ជប៉ុន ដែលជា​ទំនាក់​ទំនង​ស្ថិតក្នុ​ងក​ម្រិតល្អប្រសើរបំផុតក្នុងប្រវត្តិនៃទំនាក់ទំនងរវាងប្រទេសទាំងពីរ បន្ទាប់ពីការ​ដំឡើង​កម្រិត​ទំនាក់​ទំនងទៅជា “ភាពជាដៃគូយុទ្ធសាស្រ្តគ្រប់ជ្រុងជ្រោយ” ក្នុងឆ្នាំ ២០២៣។ សម្តេច​ធិបតី​ បានគូសបញ្ជាក់ជូនឯកឧត្តមអនុរដ្ឋមន្ត្រីផងដែរថា ក្នុងរយៈពេល៦ខែនេះ កម្ពុជា និងជប៉ុន បាន​សម្រេច​នូវសមិទ្ធផលរួមគ្នាជាច្រើន ដូចជា៖ ការសម្ពោធផ្លូវជាតិលេខ៥ ការ​សម្ពោធ​ស្ថានីយ​ប្រព្រឹត្ត​កម្ម​ទឹកកខ្វក់ ការពង្រីកកំពង់ផែស្វយ័តខេត្តព្រះសីហនុ និងការ​ជំរុញ​វិនិយោគ​ពី​ប្រទេស​ជប៉ុន​មក​កម្ពុជា​ជាដើម។ ក្នុងក្របខ័ណ្ឌនៃវិស័យការពារជាតិ និងសន្តិសុខ សម្តេចធិបតី បាន​វាយ​តម្លៃ​ខ្ពស់​ចំពោះកិច្ចសហប្រតិបត្តិការរវាងប្រទេសទាំងពីរ ក្នុងការ ដំឡើង​កម្រិត​នៃ​កិច្ច​ប្រជុំ​មន្ត្រី​ជាន់​ខ្ពស់​នៃប្រទេសទាំងពីរ និងការធ្វើសកម្មភាពរួមគ្នាមួយចំនួន ដូចជា ទស្សនកិច្ច​កងនាវានៃ​កង​កម្លាំង​ស្វ័យការពារជើងទឹកជប៉ុន ព្រមទាំង​ការធ្វើលំហាត់រួមគ្នាផងដែរ។ ជាងនេះទៅទៀត សម្ដេច​ធិបតី ក៏បានថ្លែងអំណរគុណចំពោះការជួយគាំទ្ររបស់ប្រទេសជប៉ុន តាមរយៈយន្តការ ICC-Angkor ដែលជាយន្តការមួយក្នុងការចូលរួមថែរក្សា និងអភិរក្ស​បេតិកភណ្ឌ នៃ​ព្រះរាជា​ណា​ចក្រ​កម្ពុជា ព្រមទាំងបានកត់សម្គាល់ពីភាពរីកចម្រើននៃយន្តការនេះ ដោយបាន​ពង្រីក​ដល់​ការ​អភិរក្ស​នៅ​តំបន់ប្រាសាទសំបូរព្រៃគុក និងការបន្តសុពលភាពនៃយន្តការនេះ រយៈពេល ១០​ឆ្នាំ​បន្ថែម​ទៀត​ផងដែរ។ មុននឹងបញ្ចប់ សម្ដេចធិបតី និងឯកឧត្តមអនុរដ្ឋមន្ត្រី ក៏បាន​បញ្ជាក់​អំពី​ការ​បន្ត​នូវ​កិច្ចសហប្រតិបត្តិការ ក្នុងតំបន់ និងអន្តរជាតិ ដើម្បីរួមចំណែកក្នុងការគាំពារដល់សន្តិភាព និង​វិបុលភាពនៅក្នុងតំបន់ និងអន្តរជាតិផងដែរ៕

ប្រធាន IAEA សង្កត់ធ្ងន់លើការត្រួតពិនិត្យបន្ថែមទៀតនៃការបញ្ចេញទឹកសំណល់នុយក្លេអ៊ែរ ហ្វ៊ូគូស៊ីម៉ា

2024/03/14 09:04:50 am        93
Facebook Telegram Linkin
អគ្គនាយកទីភ្នាក់ងារថាមពលអាតូមិកអន្តរជាតិ (IAEA) លោក រ៉ាហ្វាអែល ហ្គ្រូស៊ី (Rafael Grossi) បានសង្កត់ធ្ងន់លើការបន្តកិច្ចខិតខំប្រឹងប្រែងដើម្បីត្រួតពិនិត្យការបង្ហូរទឹកសំណល់ដែលមានមេរោគនុយក្លេអ៊ែរចូលក្នុងមហាសមុទ្រ ចេញពីរោងចក្រថាមពលនុយក្លេអ៊ែរ ហ្វ៊ូគូស៊ីម៉ា ដៃអ៊ីឈី (Fukushima Daiichi) ដែលរងការខូចខាត របស់ប្រទេសជប៉ុន នេះបើតាមប្រព័ន្ធផ្សព្វផ្សាយក្នុងស្រុកបានរាយការណ៍កាលពីថ្ងៃពុធ (១៣ មីនា)។ប្រធានទីភ្នាក់ងារ IAEA រូបនេះបានរំលឹកឡើងវិញនូវការប្តេជ្ញាចិត្តរបស់អង្គការនេះក្នុងការត្រួតពិនិត្យបន្ថែមលើការបង្ហូរសំណល់ទឹក នៅពេលដែលលោកបានជួបជាមួយក្រុមអ្នកនេសាទក្នុងស្រុកនៅទីក្រុង អ៊ីវ៉ាគី (Iwaki) នៃខេត្តភាគឦសាន ហ្វ៊ូគូស៊ីម៉ា (Fukushima) ក្នុងអំឡុងពេលធ្វើដំណើររយៈពេលបីថ្ងៃនៅក្នុងប្រទេសជប៉ុន។លោក ហ្គ្រូស៊ី ដែលបានសង្កត់ធ្ងន់លើតួនាទីរបស់ទីភ្នាក់ងារ IAEA ជាអ្នកសង្កេតការណ៍ឯករាជ្យ បានរំលឹកឡើងវិញនូវជំហររបស់អង្គការនេះលើការបន្តប្រុងប្រយ័ត្នពេញមួយដំណើរការត្រួតពិនិត្យ។ខណៈពេលដែលរដ្ឋាភិបាលជប៉ុន និងប្រតិបត្តិកររោងចក្រអគ្គិសនីតូក្យូ (TEPCO) បានអះអាងពីសុវត្ថិភាព និងភាពចាំបាច់នៃការបញ្ចេញទឹកនេះ ការព្រួយបារម្ភជាច្រើនត្រូវបានលើកឡើងដោយបណ្ដាប្រទេសជិតខាង និងអ្នកពាក់ព័ន្ធក្នុងតំបន់ទាក់ទងនឹងផលប៉ះពាល់បរិស្ថានដែលអាចកើតមាន៕

គណ:កម្មការទី៣ នៃរដ្ឋសភា ទទួលជួបពិភាក្សាការងារជាមួយរដ្ឋមន្ត្រីក្រសួងបរិស្ថាន

2024/03/14 08:36:56 am        75
Facebook Telegram Linkin
គណៈកម្មការផែនការ វិនិយោគ កសិកម្ម រុក្ខាប្រមាញ់ នេសាទ អភិឌ្ឍន៍ជនបទ បរិស្ថាន ធនធានទឹក និងឧតុនិយម នៃរដ្ឋសភា ដឹកនាំដោយឯកឧត្តមសន្តិបណ្ឌិត ឡូយ សុផាត បានទទួលជួបពិភាក្សាការងារជាមួយឯកឧត្តម អ៊ាង សុផល្លែត រដ្ឋមន្ត្រីក្រសួងបរិស្ថានក្នុងបំណងស្វែងយល់ និងពិគ្រោះយោបល់លើការអនុវត្តកម្មវិធីនយោបាយនិងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលអាណត្តិទី៧ ពាក់ព័ន្ធនឹងវិស័យបរិស្ថាន។ជំនួបពិភាក្សាការងាររវាងគណៈកម្មការផែនការ វិនិយោគ កសិកម្ម រុក្ខាប្រមាញ់ នេសាទ អភិឌ្ឍន៍ជនបទ បរិស្ថាន ធនធានទឹក និងឧតុនិយម នៃរដ្ឋសភា ជាមួយគណ:ប្រតិភូក្រសួងបរិស្ថានបានធ្វើឡើងនៅព្រឹកថ្ងៃទី១៣ ខែមីនាឆ្នាំ២០២៤ នាសាលសន្និសីទបាយ័ន នៃវិមានរដ្ឋសភា ដោយមានការអញ្ជើញចូលរួមពីសំណាក់ ឯកឧត្តម លោកជំទាវ ជាតំណាងគណៈកម្មការជំនាញនៃរដ្ឋសភា។ឯកឧត្តមសន្តិបណ្ឌិត ឡូយ សុផាត បានមានប្រសាសន៍ថា កិច្ចប្រជុំនាពេលនេះគឺធ្វើឡើងក្នុងគោលបំណងសិក្សាស្វែងយល់នូវវិស័យការងារដែលជាសមត្ថកិច្ចទទួលខុសត្រូវរបស់គណៈកម្មការទី៣ នៃរដ្ឋសភា រួមសហការគ្នារវាងស្ថាប័ននីតិប្បញ្ញត្តិ និងស្ថាប័ននីតិប្រតិបត្តិ ជំរុញការអនុវត្តកម្មវិធីនយោបាយ និងយុទ្ធសាស្ត្របញ្ចកោណរបស់រាជរដ្ឋាភិបាលនីតិកាលទី៧ នៃរដ្ឋសភាឱ្យមានប្រសិទ្ធភាព។ ក្នុងឱកាសនោះដែរ ឯកឧត្តម អ៊ាង សុផល្លែត បានមានប្រសាសន៍ជម្រាបជូនគណៈកម្មការជំនាញទាំង១០ នៃរដ្ឋសភាថា រាជរដ្ឋាភិបាលនីតិកាលទី៧ នៃរដ្ឋសភា ដែលមានសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាជាប្រមុខ បានដាក់ចេញនូវយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលនីតិកាលទី៧ នៃរដ្ឋសភា ដោយបានអនុវត្តផែនការសកម្មភាព និងមានវិធានការដោះស្រាយច្បាស់លាស់លើបញ្ហាបរិស្ថាន ជាពិសេសគឺពង្រឹងច្បាប់លើកវិស័យព្រៃឈើដោយគ្មានយោគយល់នោះទេដោយអនុវត្តពីថ្នាក់ក្រោមរហូតដល់ថ្នាក់ជាតិដើម្បីរួមគ្នាថែរក្សាអនុផលព្រៃឈើឱ្យគង់វង់រក្សាសម្រស់ធម្មជាតិបៃតង និងទុកជាជម្រកសត្វព្រៃ។ នាពេលបច្ចុប្បន្នក្រសួងបរិស្ថានក៏បានធ្វើការផ្សព្វផ្សាយដល់សាធារណជនទូទាំងប្រទេសឱ្យយល់ពីការថែរក្សាបរិស្ថាន និងធ្វើការផ្សព្វផ្សាយលុបបំបាត់មិនឱ្យមានថង់ផ្លាស្ទីក ជាពិសេសក្រសួងបានដាក់ចេញនៅផែនការភាពស្អាតដោយបញ្ចូលភាពស្អាតបរិស្ថានជុំវិញខ្លួន បញ្ជ្រាបក្នុងផ្នត់គំនិតរបស់ប្រជាជន និងពិភពលោកឱ្យចូលរួមថែរក្សាបរិស្ថាន ដោយធ្វើការរស់នៅស្អាត ហូបស្អាតដែលជាកត្តាចាំបាច់ក្នុវការរស់នៅប្រចាំថ្ងៃ។ ឯកឧត្តមបន្តថាក្រសួងបានធ្វើការជម្រុញផ្សព្វផ្សាយដល់ប្អូនប្រជាពលរដ្ឋឱ្យចូលរួមដាំដើមឈើឱ្យបានច្រើនដើម្បីប្រែក្លាយទៅជាតំបន់បៃតងគ្រប់ទីកន្លែងជាពិសេសក្រសួងក៏នឹងមានគម្រោងធ្វើការចែកជូនកូនឈើដល់ប្រជាជនចំនួន១០ម៉ឺនដើមសម្រាប់ដាំដុះទៅតាមតម្រូវរបស់បងប្អូន។ ក្រសួងក៏មានគោលដៅមួយចំនួនទៀតធ្វើការកែប្រែតំបន់ការពារទៅជាគោលដៅលំហែបៃតងនៅតាមតំបន់សហគមមួយចំនួនដើម្បីធ្វើការចូលរួមទាក់ទាញនៅភ្ញៀវទេសចរណ៍មកកាន់តែច្រើនក្នុងកែប្រែជីវភាពរស់នៅរបស់បងប្អូនឱ្យកាន់តែប្រសើរឡើង។បន្ទាប់ពីបានស្តាប់នូវការរាយការណ៍របស់ឯកឧត្តមរដ្ឋមន្ត្រីរួចមក ឯកឧត្តមសន្តិបណ្ឌិត ឡូយ សុផាត ប្រធានគណៈកម្មការទី៣ នៃរដ្ឋសភា បានវាយតម្លៃខ្ពស់ចំពោះកិច្ចខិតខំប្រឹងប្រែង បំពេញការងាររបស់ក្រសួងក្រោមការដឹកនាំផ្ទាល់របស់ឯកឧត្តមរដ្ឋមន្រ្តី ដោយបានសម្រេចនូវសមិទ្ធផលសំខាន់ៗជាច្រើន ក្នុងក្របខ័ណ្ឌវិស័យបរិស្ថានដែលបានរួមចំណែកយ៉ាងធំធេងក្នុងការថែរក្សាបរិស្ថានឱ្យភាពល្អប្រសើរ ៕

រុស្ស៊ី ចិន និងអ៊ីរ៉ង់ ចាប់ផ្ដើមដំណាក់កាលដ៏សកម្មនៃសមយុទ្ធកងទ័ពជើងទឹករួមគ្នាក្នុងសមុទ្រអូម៉ង់

2024/03/14 08:09:52 am        164
Facebook Telegram Linkin
យន្តហោះ និងនាវារបស់ប្រទេសរុស្ស៊ី អ៊ីរ៉ង់ និងចិន បានចូលក្នុងដំណាក់កាលដ៏សកម្មនៅឈូងសមុទ្រ អូម៉ង់ (Oman) សម្រាប់សមយុទ្ធកងទ័ពជើងទឹករួមគ្នា។ ក្រសួងការពារជាតិរុស្ស៊ីបាននិយាយថា បេសកកម្មសម្រាប់ថ្ងៃនេះ រួមមានការរំដោះនាវាឈ្មួញដឹកទំនិញដែលចាប់បានដោយចោរសមុទ្រ ការដាក់ពង្រាយឧទ្ធម្ភាគចក្រ និងអង្គភាពស្វែងរក និងជួយសង្គ្រោះ។ យោងតាមក្រសួងបានឲ្យដឹងថា សមយុទ្ធដែលមានឈ្មោះ Maritime Security Belt 2024 នឹងបន្ត រហូតដល់ថ្ងៃទី ១៥ ខែមីនា រួមទាំងការអនុវត្តការបាញ់គ្រាប់ពិតលើគោលដៅដែលត្រាប់តាមយន្តហោះនិងយានដ្រូន នៅលើដែនសមុទ្រ។ ភាគីរុស្ស៊ីមាននាវាបង្ហាញទិស វ៉ាយ៉ាក (Varyag) និងនាវាចម្បាំង ម៉ាសាល សាផូស្នីកូវ (Marshal Shaposhnikov)។ប្រទេសចិន បានផ្តល់នាវាពិឃាតបំពាក់មីស៊ីល អ៊ូរ៉ាំគី (Urumqi) នាវាចម្បាំងបំពាក់ដោយមីស៊ីល លីនយី (Linyi) និងនាវាផ្គត់ផ្គង់ដ៏ធំ តុងភីងហ៊ូ(Dongpinghu)។ចំណែកប្រទេសអ៊ីរ៉ង់ បានដាក់ពង្រាយជាផ្នែកមួយនៃមីស៊ីលបំបាំងកាយ កាតាម៉ារ៉ាន(Catamaran)ចុងក្រោយបំផុតរបស់ខ្លួន ដែលបានចូលបម្រើសកម្មភាពយោធាកាលពីខែមករា។ សមយុទ្ធនេះកើតឡើងនៅពេលកងកម្លាំងអាមេរិក និងអង់គ្លេស បន្តការវាយប្រហារតាមអាកាសទៅលើក្រុមហ៊ូទីនៅប្រទេសយេម៉ែន ដែលវាយប្រហារលើនាវាពាណិជ្ជករអន្តរជាតិ និងការប៉ុនប៉ងវាយប្រហារទៅលើគោលដៅកងទ័ពជើងទឹករបស់លោកខាងលិចនៅក្នុងតំបន់៕

កិច្ចប្រជុំក្រុមការងារវាយតម្លៃទីក្រុងស្អាតខេត្តព្រះវិហារ

2024/03/13 01:55:54 pm        40
Facebook Telegram Linkin
នៅរសៀលថ្ងៃទី១២ ខែមីនា ម្សិលមិញនេះ នៅអគារសាលាខេត្ត ជាន់ទី៣ មានរៀបចំ កិច្ចប្រជុំក្រុមការងារវាយតម្លៃទីក្រុងស្អាតខេត្តព្រះវិហារ ក្រោមអធិបតីភាព លោក សុខ សាន្ត តារ៉ា អភិបាលរងខេត្តព្រះវិហារ និងមានការចូលរួមពីសំណាក់ លោក លោកស្រី ជាថ្នាក់ដឹកនាំ មន្ទីរអង្គភាពជុំវិញខេត្ត កងកម្លាំងទាំង៣ ព្រមទាំងថ្នាក់ដឹកនាំទីចាត់ការ សាលាខេត្ត និងមន្ត្រីនៃ មន្ទីរទេសចរណ៍ខេត្តជាច្រើនរូប។នៅក្នុងឱកាសនោះលោក សុខ សាន្តតារ៉ា បានឱ្យដឹងថា ខេត្តព្រះវិហារ ក្រោមការដឹកនាំរបស់​ឯកឧត្តម គីម រិទ្ធី ជាអភិបាលនៃគណៈអភិបាលខេត្ត បានខិត ខំប្រឹងប្រែងយកចិត្តទុកដាក់​អភិវឌ្ឍន៍​លើគ្រប់វិស័យ ក្នុងនោះក្រុងព្រះវិហារ ត្រូវបានយក ចិត្តទុកដាក់ អភិវឌ្ឍន៍​អោយក្លាយជាទីក្រុងប៉ៃតង និងបានគិតគូរ លើកកម្ពស់ សោភ័ណភាព បរិស្ថាន អនាម័យ ពិសេសបញ្ហាសម្រាម។ អាស្រ័យហេតុនេះ កិច្ចប្រជុំនាថ្ងៃនេះពិតជាមាន សារៈសំខាន់ណាស់ ដើម្បី​ពិនិត្យនិងពិភាក្សាទៅលើសេចក្តីណែនាំ ស្តីពីកិច្ចសហប្រតិបត្តិការ អនុវត្តបណ្តុំប្តេជ្ញាចិត្តដើម្បី​ប្រឡងប្រណាំង​ទីក្រុងស្អាត ដែលនឹងធ្វើបទបង្ហាញដោយមន្ទីរ ទេសចរណ៍ខេត្ត ព្រមទាំងពិភាក្សាទៅលើ សំណើរបស់ សាលាក្រុង ដែលមិនទាន់បានចេញជា ផ្លែផ្កាដូចអ្វីដែលយើងបានគ្រោងទុក។លោកក៏បានស្នើអោយ លោក លោកស្រី ដែលជា ក្រុមការងារវាយតម្លៃទីក្រុងស្អាតខេត្តព្រះវិហារ ដែលបានចូលរួមក្នុងអង្គប្រជុំ មេត្តាចូលរួមលើក ឡើងនូវមតិយោបល់ ក៏ដូចជាសំណូមពរ​មកកាន់​ក្រុមការងារ ដើម្បីធ្វើការពិភាក្សាទៅលើបញ្ហា ខាងលើ អោយបានផុសផុល​ដើម្បីធានាដល់​ការចូលរួម អនុវត្តក្នុងចលនា ប្រឡងប្រណាំង ទីក្រុងស្អាត ប្រកបដោយស្មារតីទទួលខុសត្រូវខ្ពស់ ដែលអាចឈានទៅទទួលបាន ជ័យលាភី ផ្ការំដួលកាន់តែខ្ពស់ សម្រាប់កិត្តិយសបេក្ខភាព ក្រុងព្រះវិហាររបស់យើង។បន្ថែមពីនេះ លោកក៏បានស្នើដល់ក្រុមការងារត្រូវត្រៀមលក្ខណៈ ក្នុងការរៀបចំកម្មវិធី ​បញ្ជ្រាប​ការយល់ដឹងនិងការសម្អាតទីក្រុង ដើម្បីចូលរួមអបអរសាទរទិវាជាតិទីក្រុងស្អាត លើកទី ១២ ឆ្នាំ២០២៤ ដែលនឹងប្រព្រឹត្តទៅនៅថ្ងៃទី២១ ខែមីនា ខាងមុខនេះ ក្រោមប្រធានបទ “ទីក្រុងស្អាតដើម្បីទេសចរណ៍”។ លោកអភិបាលរងខេត្តក៏បានតម្រូវឱ្យ គ្រប់បណ្តាមន្ទីរអង្គភាព ត្រូវរៀបចំពាក្យស្លោកចំនួនម្នាក់មួយផ្ទាំងផងដែរ៕

រដ្ឋបាលខេត្តព្រះវិហារ បើកសិក្ខាសាលាឆ្លុះបញ្ចាំងប្រចាំឆ្នាំ ស្ដីពីការអនុវត្តការងារគណនេយ្យភាពសង្គមឆ្នាំ២០២៣ និងលើកទិសដៅអនុវត្តបន្តឆ្នាំ២០២៤

2024/03/13 01:43:43 pm        201
Facebook Telegram Linkin
រដ្ឋបាលខេត្តព្រះវិហារ នៅថ្ងៃទី១២ ខែមីនាម្សិលមិញនេះ បានរៀបចំសិក្ខាសាលា ឆ្លុះបញ្ចាំងប្រចាំឆ្នាំ ស្ដីពីការអនុវត្តការងារគណនេយ្យភាពសង្គមឆ្នាំ២០២៣ និងលើកទិសដៅ អនុវត្តបន្តឆ្នាំ២០២៤ នៅសាលប្រជុំសាលាខេត្តជាន់ទី៣ ក្រោមអធិបតីភាពលោក មិន ស៊ីថា អភិបាលរងខេត្ត និងមានការអញ្ជើញចូលរួមពីសំណាក់ អភិបាលរងក្រុង/ស្រុក មន្ទីរអង្គភាព ពាក់ព័ន្ធ អង្គការដៃគូ និងមេឃុំ/ចៅសង្កាត់ជាច្រើនរូប។នាឱកាសនោះ លោក មិន ស៊ីថា បានឱ្យដឹងថា សិក្ខាសាលានាថ្ងៃនេះធ្វើឡើងក្នុងគោលបំណង ដើម្បីឆ្លុះបញ្ចាំង ស្តីពីការ អនុវត្តការងារ គណនេយ្យភាពសង្គម ឆ្នាំ២០២៣ និងលើកទិសដៅ​ឆ្នាំ២០២៤ ដើម្បីធានាបាន ប្រសិទ្ធភាព និរន្តរភាព នៃការអនុវត្តគម្រោងគណនេយ្យភាពសង្គម តាមរយៈការចែករំលែក ​បទពិសោធន៍ល្អៗដល់ឃុំផ្សេងៗ ដែលបានគាំទ្រថវិកាដល់គម្រោង​គណនេយ្យភាពសង្គម។លោកបានបន្ថែមថា សម្រាប់ខេត្តព្រះវិហារការអនុវត្តគណនេយ្យភាពសង្គម បានអនុវត្ត លើ៣វិស័យ គឺសេវារដ្ឋបាលឃុំ មណ្ឌលសុខភាព និងសាលាបឋមសិក្សា ដែលមានវិសាលភាព គ្របដណ្តប់តំបន់គោលដៅលើឃុំសង្កាត់ចំនួន៥១ សាលាបឋមសិក្សាចំនួន២១៦ និងមណ្ឌល សុខភាពចំនួន៣០។ បានអនុវត្តផ្តល់សេវាដល់រដ្ឋបាលស្រុកចំនួន២ គឺស្រុករវៀង និងស្រុកឆែប ក្នុងចំណោម៨ក្រុង/ស្រុកទូទាំងខេត្តព្រះវិហារ។ ហើយត្រូវបានអនុវត្តជា២ ផ្នែកគឺ ទីមួយ ផ្នែកផ្គត់ផ្គង់ គឺជាតួអង្គរដ្ឋ ដែលសំដៅលើអ្នកផ្តល់សេវានៅរដ្ឋបាលថ្នាក់ក្រោមជាតិ ទីពីរ ផ្នែកតម្រូវការ គឺជាក្រុមប្រជាពលរដ្ឋដែលសំដៅទៅលើតួអង្គមិនមែនរដ្ឋ និងមានការជួយ សម្របសម្រួលដោយអង្គការសង្គមស៊ីវិល ជាដៃគូនិងជាអ្នកគាំទ្រអនុវត្តផ្នែកជាដៃគូ និងជាអ្នក គាំទ្រអនុវត្តផ្នែកតម្រូវការ ដែលបានដឹកនាំធ្វើសកម្មភាពដោយគម្រោងឆ្នៃប្រឌិតថ្មី សម្រាប់ គណនេយ្យភាពសង្គម នៅក្នុងប្រទេសកម្ពុជាហៅកាត់ថា(ISAC)។ជាមួយនេះផងដែរ លោកក៏បានសង្ឃឹមថា សិក្ខាសាលា និងទទួលបាននូវលទ្ធផល ល្អប្រសើរ ស្របតាមការរំពឹងទុកស្របតាមការរំពឹងទុក ហើយនិងទទួលបានការគាំទ្រ ពីសំណាក់​អង្គការជាដៃគូ មកដល់រដ្ឋបាលខេត្ត ក្រុង/ស្រុក ឃុំ/សង្កាត់ បន្ថែមទៀត ពិសេសគឺការ គាំទ្រឱ្យមានផ្នែកតម្រូវការសម្រាប់ចូលរួមក្នុងដំណើរការអនុវត្តការងារ គណនេយ្យភាពសង្គម សម្រាប់ឆ្នាំបន្តបន្ទាប់ទៀត ព្រមទាំងធ្វើការពង្រីកវិសាលភាពទៅកាន់ស្រុកគោលដៅបន្ថែមទៀត របស់ខេត្តព្រះវិហារ។ បន្ទាប់មក អង្គសិក្ខាសាលាក៏បានស្តាប់នូវបទបង្ហាញជាបន្តបន្ទាប់ទៅតាម កម្មវិធីដែលបានគ្រោងទុក៕

សម្តេចធិបតី៖ ពលរដ្ឋចេញព្យាបាលនៅក្រៅប្រទេសមានតិចទេ តែការព្យាបាលនៅក្នុងស្រុកមានទំហំច្រើន

2024/03/13 01:35:33 pm        227
Facebook Telegram Linkin
ថ្លែងក្នុងពិធីសម្ពោធដាក់ឱ្យប្រើប្រាស់ជាផ្លូវការនូវមន្ទីរពេទ្យតេជោកោះធំ នាព្រឹកថ្ងៃទី១៣មីនានេះ សម្ដេចធិបតី ហ៊ុន ម៉ាណែត នាយករដ្ឋមន្ត្រី ​នៃកម្ពុជាបានមានប្រសាសន៍ថា វិស័យសុខាភិបាល​នៅ​ព្រះរាជាណាចក្រកម្ពុជា យើងសព្វថ្ងៃរីកចម្រើនគួរជាទីមោទនៈ បើទោះបីជាមានពលរដ្ឋខ្លះ​បានចេញទៅរកសេវាព្យាបាលនៅក្រៅប្រទេសក៏ដោយ ប៉ុន្តែការចេញទៅរកការ​ព្យាបាល​នៅក្រៅប្រទេសមានតិចទេ ​តែការព្យាបាលនៅក្នុងប្រទេសគឺមានទំហំច្រើនណាស់។សម្ដេច បានគូសបញ្ជាក់ថា អ៊ីចឹងហើយបានជា​ សមិទ្ធផល ​យើងនៅថ្ងៃនេះគឺសំខាន់ណាស់ ដែលមិនមែនគ្រាន់តែជាអគារទំនើប ​ដែលមានលទ្ធភាពអាចជួយដល់ពលរដ្ឋចំនួន៦០ម៉ឺននាក់ ក្នុង​ឆ្នាំ២០២៤ទេ ប៉ុន្តែ ​ជានិមិត្តរូបក្នុងការដើរទៅមុខនិងជាចលករនៅក្នុងការជំរុញសេដ្ឋកិច្ច ការ​ចាប់ផ្ដើម​ជម្រុញ​សុខភាពរបស់ពលរដ្ឋឲ្យរឹងមាំនិងមានសុភមង្គល ហើយសម្ដេចក៏បានបង្ហាញ​នូវមោទនភាព​ចំពោះវឌ្ឍនភាពនៃវិស័យសុខាភិបាល។សម្ដេច បានគូសបញ្ជាក់ថា បើទោះបីជានៅមានការឆកល្វែង ប៉ុន្តែ បញ្ហានេះនៅឯណាក៏មានដែរ ចំពោះបញ្ហាឆកល្វែងលើការព្យាបាល វះកាត់ ដែលមិនអាច ជួយអាយុជីវិតអ្នកជំងឺបាន 100% ប៉ុន្តែ ឥឡូវនេះយើងមានពេទ្យមកដល់មូលដ្ឋានដែលមានសមត្ថភាព អាចជួយបានច្រើន ដែលយើងត្រូវបន្តខិតខំបន្ថែមទៀត៕

សម្ដេចធិបតី ណែនាំដល់គ្រូពេទ្យទាំងអស់ត្រូវពង្រឹងក្រមសីលធម៌ និងសមត្ថភាពរបស់ខ្លួន

2024/03/13 01:24:47 pm        250
Facebook Telegram Linkin
សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានផ្ដល់អនុសាសន៍ និងណែនាំ​ដល់គ្រូពេទ្យទាំងអស់ត្រូវខិតខំពង្រឹងនូវក្រមសីលធម៌ វិជ្ជាជីវៈ សមត្ថភាព និងផ្ដល់សេវាល្អទៅ​ដល់ប្រជាពលរដ្ឋនៅគ្រប់មជ្ឈដ្ឋាន ដែលមកទទួលសេវាព្យាបាលនៅតាមមន្ទីរពេទ្យ ឬមណ្ឌលសុខភាពនានានៅទូទាំងប្រទេស។ក្នុងឱកាសនោះ សម្តេចធិបតីនាយករដ្ឋមន្រ្ដីមានប្រសាសន៍បញ្ជាក់បែបនេះ ក្នុងឱកាសអញ្ជើញ​ជាអធិបតី «ពិធីសម្ពោធមន្ទីរពេទ្យតេជោសែនកោះធំ» នៅថ្ងៃទី១៣ ខែមីនា ឆ្នាំ២០២៤ ស្ថិតនៅស្រុកកោះធំ ខេត្តកណ្ដាល។ ក្នុងឱកាសនោះសម្ដេចធិបតី បានមានប្រសាសន៍កោតសរសើរចំពោះវឌ្ឍនភាព​ការងាររបស់​ក្រសួងសុខាភិបាល ដែលបានខិតខំក្នុងការបំពេញការងារព្យាបាលជំងឺដល់ពលរដ្ឋ។ សម្ដេច មានប្រសាសន៍ថា សមិទ្ធផលជាច្រើន ដែលរាជរដ្ឋាភិបាល សម្រេចបានក្នុងការ អភិវឌ្ឍ-សង្គមសេដ្ឋកិច្ចកម្ពុជា ក្នុងអំឡុងពេលជាង ២ទស្សវត្សចុងក្រោយ គឺមិនអាចកើតឡើងបានឡើយ ប្រសិនបើកម្ពុជា មិនមានសន្ដិភាពពេញលេញ​ ស្ថិរភាពនយោបាយ និងសន្ដិសុខ សង្គម។ ពីព្រោះកត្តាទាំងនេះ ទើបអាចធ្វើឲ្យកម្ពុជាមានការអភិវឌ្ឍលើ គ្រប់វិស័យ ក្នុងនោះ ក៏មានវិស័យសុខាភិបាលផងដែរ។សម្ដេចធិបតី ហ៊ុន ម៉ាណែត នាយករដ្ឋមន្រ្ដីផ្ដល់អនុសាសន៍ឱ្យរដ្ឋមន្រ្ដីក្រសួងសុខាភិបាល​ត្រូវ​ជ្រើសរើសថ្នាក់ដឹកនាំផ្នែកសុខភិបាល ​ដូចជាប្រធានមណ្ឌលសុខភាព ឬនាយកមន្ទីរពេទ្យដោយ​ផ្ដោតសំខាន់ទៅលើមន្រ្ដីដែលមានបទពិសោធផ្នែកសុខភិបាលជាពិសេសធ្លាប់ធ្វើកិច្ចការងារសុខភិបាលនេះពីថ្នាក់ក្រោមរហូតមកដល់លើ។ សម្ដេចបញ្ជាក់ថា ប្រធានមណ្ឌលសុខភាពនៅតាមរាជធានី-ខេត្ត គឺពិតជាមានតួនាទីសំខាន់ណាស់ ដូច្នេះទើបសម្ដេច បានឯកភាពផ្ដល់គោលការណ៍ និងសិទ្ធិទៅ​ឱ្យអភិបាលខេត្ត​ក្នុងការជ្រើសរើស​ប្រធាន​មណ្ឌលសុខភាពតែម្ដង ​ដើម្បីធានានូវសុគត្តភាព​ និងស្ដង់ដាលើការផ្ដល់សេវាសុខាភិបាល និង​ការដឹកនាំល្អផ្នែកសុខាភិបាលនៅមូដ្ឋាន៕អត្ថបទ៖ វ៉ន ដារ៉ា

សម្តេចធិបតី៖ អាណត្តិនេះរដ្ឋាភិបាលកំពុងធ្វើវិមជ្ឈការវិស័យសុខាភិបាល គ្របដណ្ដប់ទូទាំងប្រទេស

2024/03/13 01:13:19 pm        205
Facebook Telegram Linkin
សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា មានប្រសាសន៍ថា នៅក្នុងអាណត្តិទី៧នេះ រាជរដ្ឋាភិបាលកំពុងធ្វើវិមជ្ឈការវិស័យសុភាពសារធារណៈ ឬវិស័យសុខាភិបាលឱ្យគ្រប់ដណ្ដប់ទៅដល់ទូទាំងប្រទេស ដោយពង្រាយសេវា និងពង្រឹងមូលដ្ឋានសេវាសុខាភិបាលឱ្យនៅតាមមណ្ឌលសុខភាពទាំងអស់រយៈពេល ២៤ ម៉ោងលើ ២៤ ម៉ោង។សម្តេចធិបតី នាយករដ្ឋមន្រ្ដីបានមានប្រសាសន៍ ក្នុងឱកាសអញ្ជើញជាអធិបតី «ពិធីសម្ពោធមន្ទីរពេទ្យតេជោសែនកោះធំ» នៅថ្ងៃទី១៣ ខែមីនា ឆ្នាំ២០២៤ ស្ថិតនៅស្រុកកោះធំ ខេត្តកណ្ដាល។ ក្នុងឱកាសនោះសម្តេចធិបតី បានថ្លែងថា ការធ្វើវិមជ្ឈការវិស័យសុខភាព​សាធារណៈគឺជាការងារចាំបាន ដែលជួយសង្គ្រោះដល់អាយុជីវិត​មនុស្ស ដោយមិនអាចរង់ចាំ​បានទេ ដូចនេះការធ្វើវិមជ្ឈការលើវិស័យ​សុខាភិបាល ពិតជាសំខាន់ណាស់ ហើយត្រូវតែអនុវត្តឱ្យលឿន​ជូនដល់ប្រជាពលរដ្ឋ។ សម្តេចធិបតី បានបន្តថា ការដាក់ចេញគោលនយោបាយរបស់រាជរដ្ឋាភិបាលគឺត្រូវ​ទទួលខុសត្រូវលើប្រជាពលរដ្ឋ រុញការផ្ដល់សេវាឱ្យទៅដល់គោលដមូលដ្ឋាន ដូចជាការបង្កើតឱ្យ​មានប៉ុស្តិ៍សុខភាព និងពេទ្យបង្អែកជាដើម។ ប៉ុន្ដែសម្រាប់អាណត្តិនេះ រាជរដ្ឋាភិបាលផ្ដោតសំខាន់​លើការពង្រឹង ប្រសិទ្ធភាព គុណភាពនៅគ្រប់ក្រសួង ស្ថាប័នរបស់រដ្ឋ។ ក្នុងឱកាសនោះសម្ដេចធិបតីនាយករដ្ឋមន្រ្ដី បានបញ្ជាក់បន្ថែមថា គោលដៅរបស់រាជរដ្ឋាភិបាល​អាណត្តិទី៧នេះ គឺពង្រាយសេវា និងពង្រឹងមូលដ្ឋាន សេវាសុខាភិបាលឱ្យគ្របដណ្ដប់ដល់​ប្រជាពលរដ្ឋ នៅតាមមណ្ឌលសុខភាពទាំងអស់នៅមូលដ្ឋានក្នុង ២៤ ​ម៉ោងលើ២៤ម៉ោង ហើយត្រូវផ្ដល់សេវាសុខាភិបាលនេះដល់ពលរដ្ឋឱ្យបានល្អ៕អត្ថបទ៖ វ៉ន ដារ៉ា

សម្តេចធិបតី៖ រាជរដ្ឋាភិបាលខិតខំដាក់ចេញសមិទ្ធផលជាក់ស្តែងលើដី ដើម្បីបម្រើផលប្រយោជន៍ពលរដ្ឋ

2024/03/13 01:04:26 pm        273
Facebook Telegram Linkin
សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា មានប្រសាសន៍ថា រាជរដ្ឋាភិបាល បានខិតខំដាក់ចេញនូវសមិទ្ធផលជាក់ស្ដែងនៅលើដីនៅលើគ្រប់វិស័យ ដើម្បីបម្រើដល់ផលប្រយោជន៍របស់ប្រជាពលរដ្ឋ ខណៈនៅពេលខាសងមុខ សមិទ្ធផល២កន្លែងធំជាងគេជាប្រវត្តិសាស្ត្រក្នុងប្រទេសកម្ពុជា រួមមាន ព្រលានយន្តហោះអន្តរជាតិតេជោ នៅខេត្តកណ្តាល និងគម្រោងព្រែកជីកហ្វូណនតេជោ នឹងបង្ហាញរូបរាងនៅក្នុងភូមសាស្រ្ដខេត្តកណ្ដាលនេះ។ សម្តេចធិបតី នាយករដ្ឋមន្រ្ដីបានមានប្រសាសន៍ ក្នុងឱកាសអញ្ជើញជាអធិបតី «ពិធីសម្ពោធមន្ទីរពេទ្យតេជោសែនកោះធំ» នៅថ្ងៃទី១៣ ខែមីនា ឆ្នាំ២០២៤ ស្ថិតនៅស្រុកកោះធំ ខេត្តកណ្ដាល។ សម្តេចធិបតី បានថ្លែងថា កាលពេលពីរឆ្នាំមុន គឺអាចនឹងមានប្រជាពលរដ្ឋមួយចំនួនគិតថា គម្រោងកសាងមន្ទីរពេទ្យធំតេជោសែនកោះធំ មិនដឹងពេលណាបានរួចរាល់នោះទេ ជួនកាលអាច១០ឆ្នាំ ប៉ុន្តែតាមការពិត មិនដល់២ឆ្នាំផង ការសាងសង់បានសម្រេចការសាងសង់អគារមួយនេះរួចរាល់ និងបំពាក់ទៅដោយឧបករណ៍ទំនើបៗអស់ប្រមាណទឹកប្រាក់ប្រមាណ៤លានដុល្លារ។ សម្តេចធិបតីបន្តថា តម្រូវការរបស់ប្រជាពលរដ្ឋ គឺត្រូវការទំនើបកម្មបច្ចេកវិទ្យា និងការ​ដោះស្រាយ​បានលឿន ដូច្នេះទើបរាជរដ្ឋាភិបាលខិតខំដាក់ចេញគោលនយោបាយ មិនមែនមានតែនៅលើ​ក្រដាសនោះទេ។ ប៉ុន្តែត្រូវធ្វើយ៉ាងណាខិតខំឱ្យទៅជាសមិទ្ធផល​លើដីជាក់ស្តែងលើដី​ជូនប្រជាពលរដ្ឋ។ក្នុងឱកាសនោះសម្តេចធិបតី នាយករដ្ឋមន្ត្រី បានបញ្ជាក់ថា សមិទ្ធផលធំជាងគេជាប្រវត្តិសាស្ត្រ​ក្នុងប្រទេសកម្ពុជា ​ពីរកន្លែងទៀត រួមមាន ព្រលានយន្តហោះអន្តរជាតិតេជោ និងគម្រោងព្រែកជីកហ្វូណន តេជោ ក៏នឹងលេចរូបរាងនៅក្នុងភូមិសាស្រ្ដ​ខេត្តកណ្ដាល​នាពេលខាងមុខផងដែរ។ សម្តេចបញ្ជាក់ថា ខេត្តកណ្តាល គឺជាខេត្តមួយមានផ្ទៃដីធំ អំណោយផលដល់ការអភិវឌ្ឍ វិស័យដឹកជញ្ជូន ផ្លូវទឹក ផ្លូវអាកាស និងវិស័យសុខាភិបាល។ ទាំងអស់នេះគឺជាសមិទ្ធផលដ៏ធំ ហើយដរាបណាប្រជាពលគាំទ្រគណបក្សប្រជាជនកម្ពុជាឱ្យនៅបម្រើប្រជាពលរដ្ឋ នោះរាជរដ្ឋាភិបាលនឹងខិតខំបង្កើននូវសមិទ្ធផលថ្មីៗជាប្រវត្តិសាស្ត្របន្ថែមទៀតជូនដល់ប្រជាពលរដ្ឋទូរទាំងប្រទេស៕អត្ថបទ៖វ៉ន ដារ៉ា

បណ្ដាញសង្គម

ព័ត៌មានថ្មីៗ

ដំណោះស្រាយ វិវាទក្រៅប្រព័ន្ធតុលាការ នៅតែជាជម្រើសល្អសម្រាប់ពលរដ្ឋ និង សង្គម
05/01/2026 07:05 PM
Facebook Telegram Linkin
កម្លាំងអាជ្ញាធររាជធានី បន្តឆ្មក់ចុះបង្ក្រាប Online Scams នៅខណ្ឌមានជ័យ ឃាត់ជនបរទេស១២នាក់
05/01/2026 06:05 PM
Facebook Telegram Linkin
រដ្ឋមន្ត្រី៖ប្រទេសលីបង់ត្រូវការថវិកាចំនួន ៧ ពាន់លានដុល្លារ ដើម្បីស្តារតំបន់ដែលត្រូវបានបំផ្លាញដោយសង្គ្រាម
05/01/2026 06:05 PM
Facebook Telegram Linkin
បារាំងនឹងធ្វើជាម្ចាស់ផ្ទះនៃកិច្ចប្រជុំអន្តរជាតិស្តីពីជម្លោះអ៊ីស្រាអែល-ប៉ាឡេស្ទីន នៅក្នុងខែមិថុនា
05/01/2026 06:05 PM
Facebook Telegram Linkin
លោក MERZ និយាយថា អាល្លឺម៉ង់ប្តេជ្ញាបញ្ចប់ការបិទច្រកសមុទ្រហ័រមូស
05/01/2026 06:05 PM
Facebook Telegram Linkin
រដ្ឋមន្ត្រីការបរទេសបារាំង៖ សម្ព័ន្ធភាពថ្មីរបស់អាមេរិកមិនប្រកួតប្រជែងជាមួយបេសកកម្មដឹកនាំដោយ បារាំងនិងអង់គ្លេសទេ
05/01/2026 06:05 PM
Facebook Telegram Linkin
អង្គការ ILO៖ ការគោរពសិទ្ធិកម្មករ និយោជិត និងកម្មករជំនាញនៅកម្ពុជាមានភាពរីកចម្រើន
05/01/2026 05:05 PM
Facebook Telegram Linkin
រដ្ឋមន្ត្រីក្រសួងយុត្តិធម៌បញ្ជាក់អំពីវិធានការចំនួនបីដែលនឹងត្រូវដាក់ឱ្យអនុវត្តចំពោះករណីក្មេងទំនើង
05/01/2026 04:05 PM
Facebook Telegram Linkin
ពុទ្ធបរិស័ទមូលមីនាំគ្នាទៅធ្វើបុណ្យ និងយកចង្ហាន់ប្រគេនព្រះសង្ឃតាមវត្តអារាមក្នុងថ្ងៃបុណ្យវិសាខបូជា
05/01/2026 04:05 PM
Facebook Telegram Linkin
កម្មករនិយោជិតអរគុណរដ្ឋាភិបាលដែលលើកកម្ពស់បរិយាកាសនៅកន្លែងការងារកាន់តែល្អប្រសើរ
05/01/2026 04:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.