BTV NEWS

សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ

សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

សម្ដេចតេជោ អំពាវនាវដល់រាជរដ្ឋាភិបាលយកចិត្តទុកដាក់សាងសង់កន្លែងស្នាក់នៅសម្រាប់សិស្សជាស្ត្រី

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

នយោបាយ និង ការអភិវឌ្ឍន៍

សម្តេចធិបតី៖ ការដែលកម្ពុជាបង្កើនការអភិវឌ្ឍដឹកជញ្ជូនតាមផ្លូវទឹក គឺដើម្បីប្រកួតប្រជែងជាមួយប្រទេសក្នុងតំបន់

ក្នុងឱកាសជួបសំណេះសំណាលជាមួយបងប្អូនសហគមន៍ខ្មែររស់នៅប្រទេសអូស្រ្តាលី និងនូវែលហ្សេឡង់ នារសៀលថ្ងៃទី៣ ខែមីនា ឆ្នាំ២០២៤ម្សិលមិញនេះ នៅទីក្រុងម៉ែលប៊ន ប្រទេសអូស្រ្តាលី សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជាបានបញ្ជាក់បន្ថែមអំពីការអភិវឌ្ឍកំពង់ផែខេត្តព្រះសីហនុ ដោយសម្តេចអះអាងថាការអភិវឌ្ឍនូវកំពង់ផែនេះគឺដើម្បីប្រកួតប្រជែងការដឹកជញ្ជូនជាមួយប្រទេសក្នុងតំបន់ ខណៈបច្ចុប្បន្នកប៉ាល់ដឹកទំនិញ អន្តរជាតិគេទៅហួសមកហួសដោយសារតែកំពង់ផែកម្ពុជាយើងមានជម្រៅរាក់។សម្តេចធិបតីនាយករដ្ឋមន្រ្តី បានបញ្ជាក់ថា «កាលពីខែ១២ឆ្នាំ២០២៣កន្លងទៅខ្ញុំបានបុកគ្រឹះដើម្បីជំរុញការធ្វើកំពង់ផែខេត្តព្រះសីហនុរបស់យើងឥឡូវផែរបស់យើងវានៅទួចពេក អញ្ចឹងហើយកប៉ាល់ ដែលចូលមកយើងហ្នឹងត្រូវស្តារទំនិញនៅខាងក្រៅ ចូលបានតែជាង១០ភាគរយ ហើយអាជាង៨០ភាគ រយត្រូវយកកប៉ាល់ទៅសាង ដូច្នេះហើយវាថ្លៃ តែពេលណាថ្លៃគេមិនសូវចូលយើងគេទៅចូលនៅសិង្ហបូរី ចូលទៅថៃជាដើម។ អញ្ចឹងហើយយើងត្រូវបុកធ្វើវា អញ្ចឹងបន្ទាប់ពីធ្វើហើយដំណាក់កាលទី១នេះកប៉ាល់ ជាង៨០ភាគរយនៃទំនិញវាអាចចូលបាន ហើយបន្ទាប់ពីដំណាក់កាលទី៣ កប៉ាល់មួយរយភាគរយវានឹង ចូលបាននៅកន្លែងយើង ដូច្នេះហើយយើងលែងមានបញ្ហាបន្តទៅទៀតហើយ អញ្ចឹងកន្លែងយើងគឺជា កន្លែងប្រកួតប្រជែងទៅខាងមុខ ដោយការដឹកជញ្ជូនកាន់តែថោក កាន់តែប្រកួតប្រជែង សេដ្ឋកិច្ចកំពង់ផែ យើងកាន់តែរីកចម្រើន»។ជាមួយគ្នានោះដែរ សម្តេចធិបតី ហ៊ុន ម៉ាណែត នាយករដ្ឋមន្រ្តីក៏បានប្រកាសផងដែរថា នៅថ្ងៃទី ៦ ខែ៦ខាងមុខនេះសម្តេចនឹងអញ្ជើងញទៅសម្ពោធកំពង់ផែទឹកជ្រៅនៅខេត្តកំពត ហើយរាជរដ្ឋាភិបាលក៏កំពុងពិនិត្យមើលនៅកំពង់ផែទឹកសាបផងដែរ ដោយក្នុងនោះគម្រោងដែលធំជាងគេដែលរាជរដ្ឋាភិបាលកំពុង ព្យាយាមធ្វើការដឹកជញ្ជូនពីទឹកសាបទៅទឹកប្រៃ ដោយមានការជីកព្រែកមួយដែលហៅថា«ព្រែកជីកហ្វូណនតេជោ» ដោយធ្វើការតពីសមុទ្រនៅខេត្តកំពត ភ្ជាប់នឹងទន្លេបាសាក់។សម្តេចបានបញ្ជាក់បន្ថែមថា ក្រោយគម្រោងធ្វើ«ព្រែកជីកហ្វូណនតេជោ»រួចហើយនោះ ការដឹក ជញ្ជូនរបស់ប្រជាពលរដ្ឋខ្មែរតាមកប៉ាលនឹងកាន់តែងាយស្រួល ហើយមានតម្លៃថោក និងពិសេសទៅទៀត នោះប្រជាពលរដ្ឋដែលរស់នៅតាមមាត់ទឹកនៅពេលក្រោយនឹងក្លាយទៅជាតំបន់ឧស្សាហកម្មច្រើន ហើយ ប្រជាជននឹងមានការងារធ្វើច្រើន ចំណូលចូលកាន់តែច្រើនផងដែរ។ នេះហើយជាដង្ហើមសេដ្ឋកិច្ចដ៏ធំ របស់កម្ពុជាក្រោយធ្វើការដឹកជញ្ជូនផ្លូវទឹកនេះរួចជាស្ថាពរនោះ៕ អត្ថបទ៖ បាន ចក់

សម្តេចប្រមុខរដ្ឋស្តីទីទទួលសារតាំងពីឯកអគ្គរដ្ឋទូតតែងតាំងថ្មី នៃសាធារណរដ្ឋមីយ៉ាន់ម៉ា

នាព្រឹកថ្ងៃទី០៤ ខែមីនា ឆ្នាំ២០២៤ សម្តេចវិបុលសេនាភក្តី សាយ ឈុំ ប្រមុខរដ្ឋស្តីទី នៃព្រះរាជាណាចក្រកម្ពុជា បានអនុញ្ញាតឱ្យឯកឧត្ដម ច សូ មីន (Kyaw Soe Min) ឯកអគ្គរដ្ឋទូតតែងតាំងថ្មី នៃសាធារណរដ្ឋមីយ៉ាន់ម៉ា ចូលជួបជូនសារតាំង និងសម្តែងការគួរសម នៅវិមានព្រឹទ្ធសភា។ក្នុងព្រះបរមនាមព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងនាមព្រឹទ្ធសភា រដ្ឋសភា រាជរដ្ឋាភិបាលកម្ពុជា និងក្នុងនាមសម្តេចផ្ទាល់ សម្តេចវិបុលសេនាភក្តី សាយ ឈុំ បានសម្តែងអំណរសាទរស្វាគមន៍ចំពោះឯកឧត្ដម ច សូ មីន ដែលត្រូវបានឯកឧត្តមនាយឧត្តមសេនីយ៍ជាន់ខ្ពស់ ប្រធានក្រុមប្រឹក្សាភិបាលរដ្ឋ នាយករដ្ឋមន្ត្រី នៃសាធារណរដ្ឋសហភាពមីយ៉ាន់ម៉ា តែងតាំងឯកឧត្តមជាឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋមីយ៉ាន់ម៉ា ប្រចាំព្រះរាជាណាចក្រកម្ពុជា។សម្តេចប្រមុខរដ្ឋស្តីទី បានកត់សម្គាល់ដោយសេចក្តីរីករាយចំពោះទំនាក់ទំនង និងកិច្ចសហប្រតិបត្តិការដ៏ល្អរវាងប្រទេសទាំងពីរ។ កម្ពុជា-មីយ៉ាន់ម៉ា មានប្រវត្តិទំនាក់ទំនងជាប្រវត្តិសាស្ត្រយូរលង់មកហើយ ប្រទេស និងប្រជាជនទាំងពីរគោរពប្រតិបត្តិសាសនាព្រះពុទ្ធដូចគ្នា។សម្តេចមានជំនឿជឿជាក់ថា ក្នុងឋានៈឯកឧត្តមជាឯកអគ្គរដ្ឋទូតនៃសាធារណរដ្ឋមីយ៉ាន់ម៉ា ប្រចាំព្រះរាជាណាចក្រកម្ពុជា ឯកឧត្តមនឹងបន្តខិតខំពង្រឹងពង្រីកចំណងមិត្តភាព និងកិច្ចសហប្រតិបត្តិការលើគ្រប់វិស័យ រវាងប្រទេសទាំងពីរ និងប្រជាជនទាំងពីរឱ្យកាន់តែប្រសើរឡើងថែមទៀត។សម្តេចប្រមុខរដ្ឋស្តីទីបានគូសបញ្ជាក់ថា ព្រឹទ្ធសភា រដ្ឋសភា រាជរដ្ឋាភិបាល ក្រសួង ស្ថាប័នជាតិ នៃកម្ពុជា ត្រៀមខ្លួនជានិច្ចធ្វើកិច្ចសហប្រតិបត្តិការដ៏ជិតស្និទ្ធជាមួយឯកឧត្តមឯកអគ្គរដ្ឋទូត ដើម្បីលើកកម្ពស់ទំនាក់ទំនងមិត្តភាព និងកិច្ចសហប្រតិបត្តិការ នាំមកនូវផលប្រយោជន៍ដ៏ធំធេងទៅវិញទៅមក សម្រាប់ប្រជាជន និងប្រទេសទាំងពីរ។ក្នុងឱកាសនោះ ឯកឧត្ដម ច សូ មីន បានសម្តែងនូវការពេញចិត្ត និងវាយតម្លៃខ្ពស់ចំពោះទំនាក់ទំនង និងកិច្ចសហប្រតិបត្តិការដ៏ល្អប្រពៃរវាងប្រទេសទាំងពីរ។ ឯកឧត្តមមានជំនឿជឿជាក់ថា តាមរយៈបេសកកម្មការទូតរបស់ឯកឧត្តមនៅព្រះរាជាណាចក្រកម្ពុជា ឯកឧត្តមនឹងខិតខំរួមចំណែកពង្រឹងពង្រីកទំនាក់ទំនង មិត្តភាព និងកិច្ចសហប្រតិបត្តិការរវាងប្រទេសទាំងពីរឱ្យកាន់តែខ្លាំងក្លាថែមទៀត៕

លោក ហ្សេបាស ហ្សារីហ្វ ត្រូវបានជ្រើសតាំងជានាយករដ្ឋមន្ត្រីប៉ាគីស្ថាន ខណៈពលរដ្ឋមើលមិនឃើញការផ្លាស់ប្ដូរ

កាលពីថ្ងអាទិត្យ សភាទើបបង្កើតថ្មីរបស់ប៉ាគីស្ថាន បានតែងតាំងលោក លោក ហ្សេបាស ហ្សារីហ្វ (Shehbaz Sharif) ជានាយករដ្ឋមន្ត្រីជាលើកទី២ ៣សប្ដាហ៍បន្ទាប់ពីការបោះឆ្នោតសកលមិនច្បាស់លាស់បណ្ដាលឲ្យមានការពន្យាពេលក្នុងការបង្កើតរដ្ឋាភិបាលចម្រុះ។ លោកបានផ្ដួល លោក អូម៉ា អាយ៉ុប (Omar Ayub) បេក្ខជនគាទ្រដោយអតីតនាយករដ្ឋមន្ត្រី លោក អ៊ីម រ៉ានខាន់(Imran Khan)ដែលឈ្នះសំឡេងគាំទ្រចំនួន៩២អាសនៈ។ ពលរដ្ឋប៉ាគីស្ថានតាមដងផ្លូវនានានៃទីក្រុងការ៉ាជី (Karachi) និងឡាហ័រ (Lahore) បានបង្ហាញក្ដីបារម្ភអំពីជីវភាពរស់នៅរបស់ពួកគេ និងស្ថានភាពដ៏យ៉ាប់យ៉ឺនមួយចំនួន ដែលភាគច្រើននិយាយថា នាយករដ្ឋមន្ត្រីថ្មីនឹងមិនអាចកែប្រែស្ថានភាពឲ្យប្រសើរឡើងបានទេ។ ការប្រកាសនេះក៏បាននាំឲ្យមានការតវ៉ាដ៏ខ្លាំងក្លាពីគណបក្សក្រុមប្រឹក្សាអ៊ីតេហាដស៊ុនី(Sunni Ittehad Council)គាំទ្រដោយលោកខាន់។ក្រុមអ្នកតំណាងរាស្ត្របានអំពាវនាវឲ្យដោះលែងលោកខាន់ និងបានស្រែកពាក្យស្លោកចោទប្រកាន់លោកហ្សារីហ្វ ពីបទក្ដាប់អំណាចតាមរយៈការលួចបន្លំការបោះឆ្នោតកាលពីថ្ងៃទី៨កុម្ភៈ។ លោកហ្សារីហ្វ គឺជាប្អូនប្រុសរបស់អតីតនាយករដ្ឋមន្ត្រី៣ជំនាន់ លោក ណាវ៉ាស់ ហ្សារីហ្វ និងធ្លាប់ធ្វើជានាយករដ្ឋមន្ត្រី ពីខែមេសាឆ្នាំ២០២២ ដល់ខែសីហាឆ្នាំ២០២៣ បន្ទាប់ពីលោកខាន់ ត្រូវបានដកចេញពីតំណែង៕

៦ខែបន្ទាប់ពីធ្វើជានាយករដ្ឋមន្រ្តី សម្តេច ទាក់ម៉ូយបានគម្រោងវិនិយោគ១៧២ ហើយទុនវិនិយោគជិត ៤ពាន់លានដុល្លារ

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងអះអាងថា ក្នុងរយៈពេល ៦ខែបន្ទាប់ពីកាន់តំណែងជានាយករដ្ឋមន្រ្តី សម្តេចបានដើរទាក់ម៉ូយទាំងក្នុង និងក្រៅប្រទេសបានចំនួន ១៧២គម្រោង ហើយទុនវិនិយោគសរុបជិតបួនពាន់លានដុល្លារអាមេរិក។ក្នុងឱកាសជួបសំណេះសំណាលជាមួយបងប្អូនសហគមន៍ខ្មែររស់នៅប្រទេសអូស្រ្តាលី និងនូវែល ហ្សេឡង់ នារសៀលថ្ងៃទី៣ ខែមីនា ឆ្នាំ២០២៤នេះ នៅទីក្រុងម៉ែលប៊ន ប្រទេសអូស្រ្តាលី សម្តេចធិបតី នាយករដ្ឋមន្រ្តី បានលើកឡើងថា ចាប់ខែថ្ងៃទី២២ ខែ៨ ឆ្នាំ២០២៣ រហូតដល់ ខែមករា ឆ្នាំ២០២៤នេះ សម្តេចបានដើរទាក់ម៉ូយគ្រប់ទីកន្លែង ទាំងក្នុង និងក្រៅប្រទេស ហើយពេលដែលគម្រោងខាងលើនេះត្រូវ បញ្ចប់នឹងបង្កើតការងារជូនដល់បងប្អូនប្រជាពលរដ្ឋខ្មែរបានជាង ១៩ម៉ឺនកន្លែងផងដែរ។សម្តេចធិបតី នាយករដ្ឋមន្រ្តីបានបញ្ជាក់បន្ថែមទៀតថា«ក្នុងរយៈពេលកន្លងមកនេះក្រុមហ៊ុនខ្លះ ដែលកំពុងផលិតក្នុងប្រទេសស្រាប់(ប្រទេសកម្ពុជា) គេទុកចិត្តនូវស្ថេរភាពរហូតដល់ពង្រីកទុន ដោយខ្លះ ពង្រីកពីរទៅបីរយលានដុល្លារអាមេរិក ខ្លះទៀតពង្រីកប្រាំទៅប្រាំមួយរយលានដុល្លារ ដាក់ពង្រីកទុនថែម ទៀតនៅក្នុងស្រុក ហើយបើគេមិនទុកចិត្តគេមិនពង្រីកនោះទេ... ហើយកាលណាពង្រីកទុនហើយគឺនឹង ពង្រីកការងារ បង្កើតចំណូលជូនប្រជាពលរដ្ឋ។ នេះគឺជានិរន្តរភាពក្នុងរយៈពេលប្រាំមួយខែមកនេះ»។នៅក្នុងចំពោះមុខបងប្អូនប្រជាពលរដ្ឋសហគមន៍ខ្មែរនៅអូស្រ្តាលី និងនូវែលហ្សេឡង់នោះដែរ សម្តេចធិបតី ក៏បានលើកឡើងផងដែរថា នៅថ្ងៃនេះឬថ្ងៃស្អែក សម្តេចក៏នឹងមានពិភាក្សាការងារជាមួយ វិស័យឯកជននៅប្រទេសអូស្រ្តាលីបន្ថែមទៀតផងដែរ ដើម្បីទាក់ម៉ូយបន្ថែមទៀត ដោយតាមគម្រោង សម្តេចនាយករដ្ឋមន្រ្តីនឹងជួបវិស័យឯកជនតាមរយៈវេទិកាធុរកិច្ចអូស្រ្តាលី-កម្ពុជា ដោយទាំងក្រុមហ៊ុនខ្មែរ និងអូស្រ្តាលីប្រហែលជាងពីររយក្រុមហ៊ុន។ជាមួយគ្នានោះដែរសម្តេចធិបតី ហ៊ុន ម៉ាណែត ក៏បានឆ្លើយតបចំពោះការរិះគន់ និងការលើក ឡើងរបស់បុគ្គលមួយចំនួនដែលតែងតែនិយាយថារាជរដ្ឋាភិបាលកម្ពុជា ដើរទាក់ទាញតែពួកអ្នកវិនិយោគចិននោះ គឺមិនមែនជាការពិតនោះទេ ដោយសម្តេចធិបតីនាយករដ្ឋមន្រ្តីអះអាងថា សម្តេចដើរទាក់ម៉ូយគ្រប់ទីកន្លែងទាំងអស់ដោយមិនគិតថាប្រទេសណានោះឡើយ គឺសម្តេចធិបតីស្វាគមន៍ជានិច្ចឲ្យតែទៅធ្វើការវិនិយោគនៅកម្ពុជា និងបានផលជូនដល់ប្រជាពលរដ្ឋកម្ពុជា៕ អត្ថបទ៖ បាន ចក់

បេសកជនអាមេរិក គ្រោងនឹងធ្វើទស្សនកិច្ចនៅទីក្រុងបេរូត ដើម្បីបន្តការចរចាបន្ធូរបន្ថយភាពតានតឹង

មន្ត្រីជាន់ខ្ពស់លីបង់ បាននិយាយកាលពីថ្ងៃអាទិត្យថា បេសកជនអាមេរិក លោក Amos Hochstein គ្រោងនឹងធ្វើទស្សនកិច្ចនៅទីក្រុងបេរូត( Beirut) នៅថ្ងៃចន្ទនេះ ដើម្បីបន្តកិច្ចខិតខំប្រឹងប្រែងការទូត សំដៅកាត់បន្ថយជម្លោះ នៅទូទាំងព្រំដែនលីបង់ និងអ៊ីស្រាអែល និងនាំមកនូវស្ថិរភាព។ក្រុមហេសបូឡាដែលគាំទ្រដោយប្រទេសលីបង់ និងអ៊ីស្រាអែល បានជាប់គាំងក្នុងអរិភាពអស់ជាច្រើនខែ ស្របទៅនឹងសង្រ្គាមហ្កាហ្សា។ ក្រុមនេះ បានសម្គាល់ជម្លោះដ៏អាក្រក់បំផុតរវាងសត្រូវប្រដាប់ដោយអាវុធធុនធ្ងន់ ចាប់តាំងពីសង្គ្រាមឆ្នាំ ២០០៦ ដែលជំរុញឲ្យមានការភ័យខ្លាចដល់ការប្រឈមមុខដាក់គ្នាកាន់តែធំឡើង។អនុប្រធានសភានៃប្រទេសលីបង់ លោក Elias Bou Saab ជាមន្ត្រីមួយរូបដែលត្រូវជួបជាមួយលោក Hochstein បានប្រាប់សារព័ត៌មានរ៉យទ័រថា លោកជឿថា ពេលវេលានៃដំណើរទស្សនកិច្ចរបស់លោកបានចង្អុលបង្ហាញពីវឌ្ឍនភាពក្នុងកិច្ចខិតខំប្រឹងប្រែង ដើម្បីទទួលបានបទឈប់បាញ់ហ្កាហ្សា«ក្នុងរយៈពេលប៉ុន្មានម៉ោង ឬប៉ុន្មានថ្ងៃខាងមុខនេះ»។លោកបាននិយាយថា៖«ប្រសិនបើរឿងនេះ កើតឡើង ខ្ញុំជឿថា ដំណើរទស្សនកិច្ចរបស់ Hochstein លើកនេះ នឹងមានសារៈសំខាន់ខ្លាំង ក្នុងការតាមដានបទឈប់បាញ់ នៅព្រំដែនភាគខាងត្បូងរបស់យើង និងដើម្បីពិភាក្សាអំពីអ្វីដែលត្រូវការសម្រាប់ស្ថិរភាព និងការបញ្ចប់លទ្ធភាពនៃការពង្រីកសង្រ្គាមជាមួយប្រទេសលីបង់។ ទីក្រុងវ៉ាស៊ីនតោន បានទទូចថា កិច្ចព្រមព្រៀងបទឈប់បាញ់នៅក្នុងសង្គ្រាមនៅតំបន់ហ្កាហ្សា គឺជិតដល់ហើយ ហើយគួរតែចូលជាធរមាន នៅដើមខែបុណ្យរ៉ាម៉ាដាន មួយសប្តាហ៍ទៀត។

រថយន្តបំពាក់ទូត្រជាក់ច្រើនគ្រឿងដឹកទំនិញឆ្លងដែនចូលកម្ពុជា តាមច្រកអូរស្មាច់ ត្រូវពលរដ្ឋសង្ស័យដឹកបំណែកសាច់បង្កក

ក្នុងមួយថ្ងៃៗត្រូវបានគេសង្កេតឃើញថា មានរថយន្តប្រភេទទូឃ្លុបបំពាក់ដោយម៉ាស៊ីនត្រជាក់ ឬទូក្លាសេតូចធំប្រមាណជាង ១០គ្រឿង បានធ្វើសកម្មភាពដឹកជញ្ជូនទំនិញឆ្លងដែនចូលកម្ពុជា តាមច្រកទ្វារព្រំដែនអន្តរជាតិអូរស្មាច់ ស្ថិតនៅក្នុងភូមិសាស្រ្តខេត្តឧត្តរមានជ័យ ដោយពុំឃើញមានសមត្ថកិច្ចជំនាញប្រចាំការនៅច្រកទ្វារនោះត្រួតពិនិត្យឬឆែកឆេឡើយ ដែលករណីនេះ ត្រូវប្រជាពលរដ្ឋសង្ស័យថា មានដឹកបំណែកសាច់បង្កក ដែលពួកគាត់ចាត់ទុកថា ជាសាច់ច្បាប់ហាមឃាត់ ឬខុសច្បាប់។ជាក់ស្តែង នៅព្រឹកថ្ងៃទី២៩ ខែកុម្ភៈ ឆ្នាំ២០២៤ ម្សិលមិញនេះ ភ្នាក់ងារទូរទស្សBTV Newsបានទៅផ្តិតយករូបភាពពីច្រកទ្វារព្រំដែនអន្តរជាតិអូរស្មាច់ គឺបានឃើញមានរថយន្តប្រភេទទូឃ្លុបបំពាក់ដោយម៉ាស៊ីនត្រជាក់តូចធំប្រមាណជាង១០គ្រឿង ដូចការលើកឡើងរបស់ប្រជាពលរដ្ឋពិតមែន និងបានដឹងទៀតថា រថយន្តខាងលើគឺដឹកទំនិញបែបនេះ ចូលតាមច្រកទ្វារអូរស្មាច់ ឆ្ពោះទៅផែស្ងួតដែលនៅចម្ងាយប្រមាណ ៦គីឡូម៉ែត្រពីទីតាំងច្រកទ្វារ គឺស្ថិតនៅភូមិអូរពក សង្កាត់កូនក្រៀល ក្រុងសំរោង ប៉ុន្តែមិនបានដឹងថា ជាទំនិញអ្វីឱ្យប្រាកដនោះទេ។ ដោយឡែក ប្រភពពីមន្ត្រីមួយចំនួននៅក្នុងខេត្តឧត្តរមានជ័យ បានបង្ហើបដោយសុំមិនបញ្ចេញអត្តសញ្ញាណ បានឱ្យដឹងថា រថយន្តប្រភេទបំពាក់ទូម៉ាស៊ីនត្រជាក់ខាងលើនេះ គឺដឹកបំណែកសាច់បង្កក ជ្រូក មាន់ ទា ចូលកម្ពុជាជារៀលរាល់ថ្ងៃ និងគ្មានអ្នកហ៊ានពិនិត្យពិតមែន។ ជាក់ស្តែង ភ្នាក់ងារទូរទស្សBTV Newsបានសាកសួរទៅលោក ឯម បញ្ញារិទ្ធ ប្រធានច្រកទ្វារព្រំដែនអន្តរជាតិអូរស្មាច់ កាលពីថ្ងៃទី២៩ ខែកុម្ភៈ ឆ្នាំ២០២៤ លោកបានឆ្លើយតបថា ពាក់ព័ន្ធនឹងករណីខាងលើនេះ លោកពុំមានជំនាញក្នុងការត្រួតពិនិត្យអ្វីនោះទេ ចំពោះករណីនេះ លោកបានត្រឹមតែសម្លឹងមើលរថយន្តដែលដឹកឆ្លងកាត់តែប៉ុណ្តោះ ព្រោះវាជាជំនាញរបស់សមត្ថិកិច្ចពាក់ព័ន្ធ ជាអ្នកត្រួតពិនិត្យ។ចំណែកលោក វ៉ាន់ ក្តេរ ប្រធានគយច្រកទ្វារព្រំដែនអន្តរជាតិអូរស្មាច់ បានប្រាប់តាមទូរស័ព្ទយ៉ាងដូច្នេះថា ករណីខាងលើលោកមិនអាចឆ្លើយ ឬអត្ថាធិប្បាយបានទេ តែបើចង់ដឹងច្បាស់ សូមប្អូនសួរទៅខាងអគ្គនាយកដ្ឋានគយ និងរដ្ឋករចុះ។ ចំណែកអគ្គនាយក នៃអគ្គនាយកដ្ឋានគយ និងរដ្ឋាករកម្ពុជា ឯកឧត្តម គន់ ញឹម បានប្រាប់តាមទូរសព្ទ កាលពីថ្ងៃទី២៩ ខែកុម្ភៈ យ៉ាងខ្លីថា ចាំលោកពិនិត្យ និងសួរនាំករណីនេះសិន!។ដោយឡែក ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រក្ខាប្រមាញ់ និងសេសាទ បាប្រាប់ពាក់ព័ន្ធនឹងករណីខាងលើនេះដែរថា បច្ចុប្បន្ននេះ យើងមិនទាន់មានការហាមឃាត់ការនាំចូលសាច់បង្កកនោះទេ ប៉ុន្តែនឹងមានការហាមឃាត់បំណែកនៃសាច់បង្កករយៈពេល៦ខែជាបណ្តោះអាសន្ន ដែលនឹងចាប់ពីខែមីនា ឆ្នាំ២០២៤នេះទៅ។អគ្គនាយកដ្ឋានគយ និងរដ្ឋាករកម្ពុជា បានចេញប្រកាសមួយកាលពីថ្ងៃទី២៣ ខែកុម្ភៈ ឆ្នាំ២០២៤ ដោយផ្អាកជាបណ្តោះអាសន្នលើការនាំចូលគ្រឿងក្នុងសត្វ និងបំណែកសាច់បង្កករយៈពេល៦ខែ ចាប់ពីថ្ងៃទី១២ ខែមីនាដល់១២ កញ្ញាឆ្នាំ២០២៤។ ការផ្អាកការនាំចូលប្រភេទទំនិញទាំងនេះ គឺដោយសារតែកន្លងមកសមត្ថកិច្ចចាប់បានគ្រឿងក្នុងសត្វ និងសាច់បង្កកដែលនាំចូលពីក្រៅប្រទេស មានខូចគុណភាព និងរក្សាទុកមិនបានត្រឹមត្រូវ ដែលប៉ះពាល់ដល់សុខភាពអ្នកបរិភោគ និងពលរដ្ឋអ្នកចិញ្ចឹមកម្ពុជា៕

អ៊ីរ៉ង់កំពុងបញ្ជូនដ្រូនវាយប្រហារទៅឲ្យយោធាស៊ូដង់

មន្ត្រីអាមេរិក និងអារ៉ាប់ ប្រាប់សារព័ត៌មាន Semafor ថា អ៊ីរ៉ង់កំពុងបង្កើនការដឹកជញ្ជូនយានដ្រូនវាយប្រហារទៅឲ្យយោធាស៊ូដង់ ដោយបានធ្វើសង្គ្រាមស៊ីវិលរបស់ប្រទេសអាហ្រ្វិកខាងជើងនេះមានលក្ខណៈជាអន្តរជាតិ និងផ្តល់ឲ្យទីក្រុងតេអេរ៉ង់យ៉ាងសំខាន់នូវសម្ព័ន្ធមិត្តថ្មី តាមរយៈការដាក់ពង្រាយអាវុធ ទៅក្នុងសមុទ្រក្រហម។កងកម្លាំងប្រដាប់អាវុធស៊ូដង់ (SAF) ត្រូវបានជាប់គាំង នៅក្នុងជម្លោះរយៈពេលជិតមួយឆ្នាំ ជាមួយកងកម្លាំងគាំទ្ររហ័សរបស់ក្រុមឧទ្ទាម (RSF) ដែលបានបំបែកប្រទេសនេះ និងបានហៀរចូលទៅក្នុងប្រទេសជិតខាងដូចជាប្រទេសឆាដ និងស៊ូដង់ខាងត្បូង។ សង្រ្គាមនេះ បានផ្តល់ឲ្យអ៊ីរ៉ង់នូវឱកាសកាលពីខែតុលាឆ្នាំមុន ដើម្បីបង្កើតទំនាក់ទំនងការទូតឡើងវិញជាមួយរដ្ឋាភិបាលទីក្រុងខាទុំ (Khartoum) ជាលើកដំបូង ចាប់តាំងពីឆ្នាំ ២០១៦ ហើយអាចបញ្ចប់ការផ្លាស់ប្តូរយុទ្ធសាស្រ្តរបស់ស៊ូដង់ឆ្ពោះទៅរកលោក ខាងលិច។ប្រទេសដែលពីមុនត្រូវបានសហរដ្ឋអាមេរិកចាត់ទុកជារដ្ឋឧបត្ថម្ភដល់អំពើភេរវកម្ម បានធ្វើឲ្យប្រសើរឡើងយ៉ាងខ្លាំងនូវទំនាក់ទំនងរបស់ខ្លួនជាមួយទីក្រុងវ៉ាស៊ីនតោន ក្នុងអំឡុងពេលរដ្ឋបាលរបស់លោកត្រាំ ហើយបានយល់ព្រមក្នុងឆ្នាំ២០២០ ដើម្បីបង្កើតទំនាក់ទំនងការទូតជាមួយអ៊ីស្រាអែល។ ទោះបីជាយ៉ាងណាក៏ដោយ សង្គ្រាមស៊ីវិលកាន់តែអាក្រក់របស់ប្រទេសស៊ូដង់ ដែលរាប់បញ្ចូលទាំងការកំណត់គោលដៅទៅលើជនស៊ីវិល បានបញ្ឈប់ជំហានទាំងនេះឆ្ពោះទៅរកភាពប្រក្រតីឡើងវិញ ហើយរដ្ឋបាលលោកបៃដិន បានដាក់ទណ្ឌកម្មថ្មីទាំងកងកម្លាំងប្រដាប់អាវុធស៊ូដង់ (SAF) និងកម្លាំងគាំទ្ររហ័សរបស់ក្រុមឧទ្ទាម (RSF) ក្នុងប៉ុន្មានខែថ្មីៗនេះ។មន្ត្រីអាមេរិក និងអារ៉ាប់ ដែលបានដឹងពីព័ត៌មានចារកម្ម បានប្រាប់សារព័ត៌មាន Semaforថា ជាផ្នែកមួយនៃការពង្រីកទំនាក់ទំនងរបស់អ៊ីរ៉ង់ជាមួយទីក្រុងខាទុំ ទីក្រុងតេអេរ៉ង់ បានចាប់ផ្តើមបញ្ជូនយានដ្រូនវាយប្រហារទៅឲ្យកងកម្លាំងប្រដាប់អាវុធស៊ូដង់ ក្នុងរយៈពេលប៉ុន្មានខែថ្មីៗនេះ។ កងកម្លាំងប្រដាប់អាវុធស៊ូដង់ ត្រូវបានគេរំពឹងថា នឹងដាក់ពង្រាយយានដ្រូន Mohajer-6 ដើម្បីព្យាយាម និងរារាំងប្រតិបត្តិការវាយលុករបស់កម្លាំងគាំទ្ររហ័សរបស់ក្រុមឧទ្ទាមដែលបានគ្រប់គ្រងផ្ទៃដីដ៏ធំនៃភាគកណ្តាល និងភាគខាងលិចស៊ូដង់ ក៏ដូចជាទីក្រុងខាទុំកាលពីឆ្នាំមុន។ បច្ចុប្បន្ននេះ រដ្ឋាភិបាលស៊ូដង់ និងមេបញ្ជាការកងកម្លាំងប្រដាប់អាវុធស៊ូដង់ លោកឧត្តមសេនីយ៍ Abdel Fattah al-Burhan ភាគច្រើនមានមូលដ្ឋាន នៅក្រៅកំពង់ផែស៊ូដង់នៅលើសមុទ្រក្រហម។

រដ្ឋាភិបាលអាល្លឺម៉ង់ បង្កើនជំនួយមនុស្សធម៌សម្រាប់តំបន់ហ្កាហ្សាចំនួន២០លានអឺរ៉ូ

រដ្ឋមន្ត្រីការបរទេសអាល្លឺម៉ង់ លោកស្រី អានណាឡេណា បែបក់ (Annalena Baerbock) បាននិយាយកាលពីថ្ងៃព្រហស្បតិ៍ថា រដ្ឋាភិបាលអាល្លឺម៉ង់ កំពុងបង្កើនជំនួយមនុស្សធម៌ចំនួន២០លានអឺរ៉ូ (២១,៦ លានដុល្លារ)បន្ថែមទៀតសម្រាប់ប្រជាជននៅតំបន់ហ្កាហ្សាស្ទ្រីបដែលបិទជិត ស្ថិតនៅក្រោមការការវាយប្រហារឥតឈប់ឈេររបស់អ៊ីស្រាអែលអស់រយៈពេលជាច្រើនខែហើយនោះ។ ប្រមុខការទូតរបស់ប្រទេសអាល្លឺម៉ង់ បានសង្កត់ធ្ងន់ថា ទោះបីជាយ៉ាងណាក៏ដោយ រហូតមកដល់ពេលនេះ វាមិនគ្រប់គ្រាន់ ដើម្បីបំពេញតម្រូវការរបស់ប្រជាជនហ្កាហ្សាទេ។ លោកស្រីបែបក់ បានបន្ថែមថា ចំនួននៃរថយន្តដឹកទំនិញដែលដឹកស្បៀងអាហារសង្គ្រោះជីវិត ថ្នាំពេទ្យ និងការផ្គត់ផ្គង់ជំនួយផ្សេងទៀតទៅកាន់តំបន់ហ្កាហ្សា បានធ្លាក់ចុះយ៉ាងខ្លាំង ក្នុងប៉ុន្មានសប្តាហ៍ថ្មីៗនេះ។ «នេះមិនអាចទទួលយកបានទេ។ រដ្ឋាភិបាលអ៊ីស្រាអែល ត្រូវតែអនុញ្ញាតឲ្យជំនួយមនុស្សធម៌ចូលទៅកាន់តំបន់ហ្កាហ្សាដោយគ្មានការរារាំង មានសុវត្ថិភាព និងជាបន្ទាន់។យោងតាមការិយាល័យការបរទេសអាល្លឺម៉ង់ ទីក្រុងប៊ែរឡាំង បានផ្តល់ប្រាក់សរុបចំនួន ២០៦,៥ លានអឺរ៉ូដល់ទីភ្នាក់ងារជំនួយ និងការងាររបស់អង្គការសហប្រជាជាតិសម្រាប់ជនភៀសខ្លួនប៉ាឡេស្ទីន នៅតំបន់ជិតបូព៌ា (UNRWA) ក្នុងឆ្នាំហិរញ្ញវត្ថុចុងក្រោយ។ ក្នុងចំណោមនោះ ៨៣លានអឺរ៉ូ បានផ្តល់ប្រយោជន៍ដល់ប្រជាជននៅតំបន់ហ្កាហ្សា។UNRWA បានរងការរិះគន់ក្នុងប៉ុន្មានសប្តាហ៍ថ្មីៗនេះ បន្ទាប់ពីមានការចោទប្រកាន់របស់អ៊ីស្រាអែលថា បុគ្គលិករបស់ខ្លួនមួយចំនួន បានជាប់ពាក់ព័ន្ធក្នុងការវាយប្រហារកាលពីថ្ងៃទី៧ ខែតុលា ទៅលើអ៊ីស្រា អែល។ប្រទេសសរុបចំនួន១៦ រួមទាំងប្រទេសអាល្លឺម៉ង់ បានចាប់ផ្តើមផ្អាកផ្តល់ជំនួយដល់ UNRWA បន្ទាប់ពីមានការចោទប្រកាន់នោះ។

មេដឹកនាំតំបន់បាល់កង់ ព្រមព្រៀងកាត់បន្ថយការចំណាយហិរញ្ញវត្ថុ ដោយសម្លឹងទៅរកទីផ្សារតែមួយរបស់អឺរ៉ុប

មេដឹកនាំនៃរដ្ឋតំបន់បាល់កង់ខាងលិចទាំងប្រាំមួយ កាលពីថ្ងៃព្រហស្បតិ៍ បានព្រមព្រៀងកាត់បន្ថយការចំណាយ លើប្រតិបត្តិការហិរញ្ញវត្ថុ នៅទូទាំងតំបន់នៅចុងឆ្នាំនេះ ដែលនឹងក្លាយជាជំហានដំបូង ឆ្ពោះទៅរកដំណើរការចូលទៅកាន់ទីផ្សារសហភាពអឺរ៉ុបតែមួយ។ មេដឹកនាំនៃប្រទេសតំបន់បាល់កង់ខាងលិចទាំងប្រាំមួយមាន ប្រទេសអាល់បានី បូស្នី កូសូវ៉ូ ម៉ុងតេណេហ្គ្រោ ម៉ាសេដូនខាងជើង និងប្រទេសស៊ែប៊ី បានជួបប្រជុំគ្នានៅទីក្រុង Tirana ប្រទេសអាល់បានី ដើម្បីពិភាក្សាអំពីកំណែទម្រង់ ដែលត្រូវការដើម្បីចូលទៅដំណើរការផែនការកំណើន ៦ពាន់លានអឺរ៉ូ របស់សហភាពអឺរ៉ុប ដែលត្រូវបានបង្ហាញកាលពីខែតុលាមុន។ ផែនការកំណើនរបស់សហភាពអឺរ៉ុប សម្រាប់តំបន់នេះ នឹងរួមមានការបើកទីផ្សាររួមរបស់ខ្លួន ទៅកាន់បណ្តាប្រទេសនៅតំបន់បាល់កង់ខាងលិច នៅក្នុងវិស័យជាច្រើនដូចជា ការបញ្ជូនទំនិញ និងសេវាកម្មដោយសេរី ការដឹកជញ្ជូននិងថាមពល។ ប៉ុន្តែជាថ្នូរមកវិញ ប្រទេសទាំងអស់ ចាំបាច់ត្រូវអនុវត្តកំណែទម្រង់ និងដោះស្រាយរាល់បញ្ហាឈានមុខដែលនៅសេសសល់ជាមួយប្រទេសជិតខាង។ ស្នងការសហភាពអឺរ៉ុប លោក អូលីវ័រ វ៉ាហេលីយី(Oliver Varhelyi) បាននិយាយថា ការកាត់បន្ថយការចំណាយលើប្រតិបត្តិការហិរញ្ញវត្ថុក្នុងចំណោមប្រទេសទាំងប្រាំមួយ ក្នុងឆ្នាំ ២០២៤ ពុំមែនជាការលំបាកធំនោះទេ ព្រោះធនាគារនៅក្នុងប្រទេសទាំងនោះ ភាគច្រើនដំណើរការដោយធនាគារអឺរ៉ុប ដែលអាចអនុវត្តច្បាប់ដូចគ្នា។ លោក Varhelyi បាននិយាយថា បញ្ហាប្រឈមនឹងស្ថិតនៅត្រង់ថាតើច្បាប់ទាំងនោះ អាចអនុវត្តបានលឿនប៉ុណ្ណានៅក្នុងបណ្តាប្រទេសតំបន់បាល់កង់។ ប្រទេសស៊ែប៊ី និងម៉ុងតេណេហ្គ្រោ គឺជាប្រទេសដំបូងគេនៅក្នុងតំបន់ ដែលចាប់ផ្តើមកិច្ចចរចាសមាជិកភាពសហភាពអឺរ៉ុប ហើយប្រទេសអាល់បានី និងម៉ាសេដូនខាងជើង បានចាប់ផ្តើមកិច្ចចរចាជាមួយទីក្រុងប្រ៊ុចសែល ក្នុងឆ្នាំ ២០២២។ ប្រទេសបូស្នី និងកូសូវ៉ូ នៅពីក្រោយឆ្ងាយពីប្រទេសជិតខាងខ្លួនក្នុងដំណើរការនេះ។

កោះតៃវ៉ាន់ប្រឈសម្ពាធឥតឈប់ឈរ ខណៈចិនបង្កើនសកម្មភាពយោធាមុនពិធីស្បថចូលកាន់តំណែងនៅកោះនេះ

កោះតៃវ៉ាន់កំពុងប្រឈមសម្ពាធពីប្រទេសចិនឥតឈប់ឈរមុនពិធីស្បថចូលកាន់តំណែងមេដឹកនាំបន្ទាប់របស់ខ្លួន នៅថ្ងៃទី២៤ខែឧសភា ដោយក្នុងនោះក្រុមមន្ត្រីក្នុងទីក្រុងតៃប៉ិ បារម្ភថាទីក្រុងប៉េកាំងនឹងដាក់សម្ពាធថែមទៀតតាមរយៈការធ្វើសមយុទ្ធទ្រង់ទ្រាយធំដែលពិបាកនឹងបញ្ចៀសជម្លោះដោយផ្ទាល់បាន។ ចាប់តាំងពីមេដឹកនាំលំដាប់ទី២ បច្ចុប្បន្នលោក ឡៃ ឆឹង-ទ (Lai Ching-te) បានឈ្នះតំណែងជាមេដឹកនាំកាលពីនៅខែមករា ប្រទេសចិនចាត់ទុកលោក ឡៃ ជាអ្នកបំបែកខ្លួន ទីក្រុងប៉េកាំងបានដណ្តើមយកសម្ព័ន្ធមិត្តការទូត ផ្លាស់ប្តូរផ្លូវអាកាសនៅច្រកសមុទ្រតៃវ៉ាន់ដ៏តូចចង្អៀត និងបានចាប់ផ្តើមការល្បាតឆ្មាំឆ្នេរសមុទ្រជាទៀងទាត់ជុំវិញតំបន់កោះ គីនមិន (Kinmen)គ្រប់គ្រងដោយកោះតៃវ៉ាន់ ដែលជាឆ្នេរសមុទ្រធំបំផុតរបស់ប្រទេសចិន។ចិន អះអាងសិទ្ធិកាន់កាប់លើកោះតៃវ៉ាន់ គ្រប់គ្រងតាមបែបប្រជាធិបតេយ្យ ថាជាទឹកដីរបស់ខ្លួនទោះមានការបដិសេធយ៉ាងដាច់អហង្ការពីកោះនេះក៏ដោយ។ដោយបានធ្វើដំណើរទស្សនកិច្ចទៅកាន់ទីក្រុងតៃប៉ិកាលពីសប្តាហ៍មុន តំណាងរាស្ត្រសហរដ្ឋអាមេរិកលោក ម៉ៃ ហ្គាឡាហ័រ (Mike Gallagher) បាននិយាយថា ការល្បាតរបស់ទីក្រុងប៉េកាំងនៅជុំវិញទីក្រុង Kinmen ដែលជាការជិះនាវាឆ្វែលចុះឆ្វែលឡើងពីទីក្រុងសាយមិន(Xiamen)និងទីក្រុងខ្វាងចូវ (Quanzhou)របស់ប្រទេសចិន គឺជាផ្នែកមួយនៃគំរូការដាក់សម្ពាធឥតឈប់ឈរលើកោះតៃវ៉ាន់។ មន្ត្រីបរទេសម្នាក់ដែលតាមដានបញ្ហាសន្តិសុខក្នុងតំបន់ បានពណ៌នាអំពីអ្វីដែលកំពុងកើតឡើងថាជា ការដាក់សម្ពាធឥតឈប់ឈរ ដោយរក្សាសារដែលថាទីក្រុងប៉េកាំងមិនចូលចិត្តលោកឡៃ ប៉ុន្តែដោយមិនបានរៀបចំល្បែងសង្គ្រាម ដូចដែលប្រទេសនេះបានធ្វើសកម្មភាពយោធាពីរដងនៅជុំវិញកោះកាលពីមួយឆ្នាំកន្លះកន្លងទៅ ឬបង្ខំឱ្យមានការប្រឈមដាក់គ្នាដោយយោធាដោយផ្ទាល់នោះឡើយ។ប្រទេសចិននិយាយថា សកម្មភាពល្បាតឆ្នេរ គឺដើម្បីធានាសុវត្ថិភាពរបស់អ្នកនេសាទរបស់ខ្លួន។ អ្នកនេសាទជនជាតិចិនពីរនាក់បានស្លាប់កាលពីខែមុន ព្រោះតែព្យាយាមរត់គេចពីឆ្មាំល្បាតឆ្នេររបស់កោះតៃវ៉ាន់ បន្ទាប់ពីចូលទៅជិតកូនកោះ Kinmen ដែលមានការយាមកាមដ៏តឹងតែង៕

បណ្ដាញសង្គម

ព័ត៌មានថ្មីៗ

អ៊ីរ៉ង់បញ្ជាក់ថា ខ្លួនបានបាញ់ទម្លាក់យានដ្រូន MQ-9 ផលិតនៅអាមេរិក នៅខេត្ត Hormozgan

សមាជិកសភាកោះតៃវ៉ាន់ អនុម័តថវិកាឆ្នាំ២០២៦ ក្រោយពន្យារពេលយ៉ាងយូរបំផុត

ចៅក្រមសម្រេចឃុំខ្លួនបណ្ដោះអាសន្នស្ដ្រីដែលជេរប្រមាថកងទ័ព

អ្នកបើកបាត់បង់ជីវិត បន្ទាប់ពីឧទ្ធម្ភាគចក្រធ្លាក់នៅភាគខាងកើតអាល្លឺម៉ង់

មន្ត្រី៖ អាមេរិកចង់ឱ្យលោក Netanyahu ថ្កោលទោសការឡោមព័ទ្ធរបស់អ្នកតាំងលំនៅ ក្នុងភូមិប៉ាឡេស្ទីន

ការលេចធ្លាយឧស្ម័នពុល បណ្ដាលឱ្យកម្មករយ៉ាងតិច ៨នាក់ស្លាប់ នៅរោងចក្ររុះរើនាវារបស់បង់ក្លាដែស

រុស្ស៊ីច្រានចោលគំនិតឱ្យមានបទឈប់បាញ់ នៅសមុទ្រខ្មៅ ក្រោយអ៊ុយក្រែនលើកឡើង

លោក Marcos មើលឃើញលទ្ធភាពមានកិច្ចព្រមព្រៀងប្រេង និងឧស្ម័នរួមជាមួយចិន តែមិនផ្តល់ពេលវេលាជាក់លាក់

រយៈពេល២ឆ្នាំ បទល្មើសឆ្លងដែនពីវៀតណាម ឡាវ មកកម្ពុជាមាន ១៣៥៥ករណី និងឃាត់ខ្លួនជនល្មើសជាង ២ពាន់នាក់

មជ្ឈមណ្ឌលបណ្តុះធុរកិច្ចថ្មីតេជោ ដាក់ឱ្យដំណើរការកម្មវិធីរដូវកាលទី៦ ដើម្បីប្រកួតប្រជែងប្រាក់លាន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្តេចប្រមុខរដ្ឋស្តីទីទទួលសារតាំងពីឯកអគ្គរដ្ឋទូតតែងតាំងថ្មី នៃសាធារណរដ្ឋមីយ៉ាន់ម៉ា

លោក ហ្សេបាស ហ្សារីហ្វ ត្រូវបានជ្រើសតាំងជានាយករដ្ឋមន្ត្រីប៉ាគីស្ថាន ខណៈពលរដ្ឋមើលមិនឃើញការផ្លាស់ប្ដូរ

៦ខែបន្ទាប់ពីធ្វើជានាយករដ្ឋមន្រ្តី សម្តេច ទាក់ម៉ូយបានគម្រោងវិនិយោគ១៧២ ហើយទុនវិនិយោគជិត ៤ពាន់លានដុល្លារ

បេសកជនអាមេរិក គ្រោងនឹងធ្វើទស្សនកិច្ចនៅទីក្រុងបេរូត ដើម្បីបន្តការចរចាបន្ធូរបន្ថយភាពតានតឹង

អ៊ីរ៉ង់កំពុងបញ្ជូនដ្រូនវាយប្រហារទៅឲ្យយោធាស៊ូដង់

រដ្ឋាភិបាលអាល្លឺម៉ង់ បង្កើនជំនួយមនុស្សធម៌សម្រាប់តំបន់ហ្កាហ្សាចំនួន២០លានអឺរ៉ូ

មេដឹកនាំតំបន់បាល់កង់ ព្រមព្រៀងកាត់បន្ថយការចំណាយហិរញ្ញវត្ថុ ដោយសម្លឹងទៅរកទីផ្សារតែមួយរបស់អឺរ៉ុប

កោះតៃវ៉ាន់ប្រឈសម្ពាធឥតឈប់ឈរ ខណៈចិនបង្កើនសកម្មភាពយោធាមុនពិធីស្បថចូលកាន់តំណែងនៅកោះនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សម្តេចប្រមុខរដ្ឋស្តីទីទទួលសារតាំងពីឯកអគ្គរដ្ឋទូតតែងតាំងថ្មី នៃ​សាធារណរដ្ឋមីយ៉ាន់ម៉ា

លោក ហ្សេបាស ហ្សារីហ្វ ត្រូវបានជ្រើសតាំងជានាយករដ្ឋមន្ត្រីប៉ាគីស្ថាន ខណៈពលរដ្ឋមើលមិនឃើញការផ្លាស់ប្ដូរ

៦ខែបន្ទាប់ពីធ្វើជានាយករដ្ឋមន្រ្តី សម្តេច ទាក់ម៉ូយបានគម្រោងវិនិយោគ១៧២ ហើយទុនវិនិយោគជិត ៤ពាន់លានដុល្លារ

បេសកជនអាមេរិក គ្រោងនឹងធ្វើទស្សនកិច្ចនៅទីក្រុងបេរូត ដើម្បីបន្តការចរចាបន្ធូរបន្ថយភាពតានតឹង

អ៊ីរ៉ង់កំពុងបញ្ជូនដ្រូនវាយប្រហារទៅឲ្យយោធាស៊ូដង់

រដ្ឋាភិបាលអាល្លឺម៉ង់ បង្កើនជំនួយមនុស្សធម៌សម្រាប់តំបន់ហ្កាហ្សាចំនួន២០លានអឺរ៉ូ

មេដឹកនាំតំបន់បាល់កង់ ព្រមព្រៀងកាត់បន្ថយការចំណាយហិរញ្ញវត្ថុ ដោយសម្លឹងទៅរកទីផ្សារតែមួយរបស់អឺរ៉ុប

កោះតៃវ៉ាន់ប្រឈសម្ពាធឥតឈប់ឈរ ខណៈចិនបង្កើនសកម្មភាពយោធាមុនពិធីស្បថចូលកាន់តំណែងនៅកោះនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

សម្តេចប្រមុខរដ្ឋស្តីទីទទួលសារតាំងពីឯកអគ្គរដ្ឋទូតតែងតាំងថ្មី នៃសាធារណរដ្ឋមីយ៉ាន់ម៉ា