នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ​ និង ការអភិវឌ្ឍន៍

សម្តេចធិបតី៖ ការងារអធិការកិច្ច គឺជាការពង្រឹងដល់អភិក្រមទាំងប្រាំរបស់សម្តេចតេជោ អតីតនាយករដ្ឋមន្រ្តី

2024/02/13 10:11:26 am        179
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា ការងារអធិការកិច្ច គឺជា ការពង្រឹងដល់អភិក្រមទាំងប្រាំរបស់សម្តេចតេជោ ហ៊ុន សែន អតីតនាយករដ្ឋមន្រ្តីនៃកម្ពុជា គឺ«ឆ្លុះកញ្ចក់ ងូតទឹក ដុសក្លែល ព្យាបាល និងវះកាត់» ហើយសម្រាប់ឆ្នាំ២០២៤នេះ គឺជាឆ្នាំពង្រឹងគ្រប់ក្រសួង ស្ថាប័នរដ្ឋទាំងអស់ តាមរយៈការធ្វើកំណែទម្រង់រចនា​សម្ព័ន្ធប្រកបដោយប្រសិទ្ធភាពបំផុត។ថ្លែងក្នុងឱកាសអញ្ជើញបិទសន្និបាតបូកសរុបការងារឆ្នាំ២០២៣ និងលើកទិសដៅការងារ​បន្តឆ្នាំ២០២៤ របស់ក្រសួងអធិការកិច្ច»នៅសណ្ឋាគារសុខាភ្នំពេញ នាថ្ងៃទី១៣ ខែកុម្ភៈ ឆ្នាំ២០២៤នេះ សម្តេចធិបតី ហ៊ុន ម៉ាណែត បានបញ្ជាក់ថា ក្រសួងអធិការកិច្ច គឺជាយន្តការមួយរបស់រាជរដ្ឋាភិបាល ដែលមានមុខងារធ្វើអធិការកិច្ចនៅក្នុងគ្រប់វិស័យទាំងអស់ ហើយសម្តេចបានចាត់ទុកថា ក្រសួងអធិការកិច្ចនេះគឺជាភ្នែក ត្រចៀករបស់រាជរដ្ឋាភិបាល ដូច្នេះគ្រប់ក្រសួង ស្ថាប័ន រដ្ឋបាលរាជធានី-ខេត្តទាំងអស់ត្រូវចូលរួម សហការជាមួយ​ក្រសួងអធិការកិច្ចដើម្បីកែលម្អការងារ ហើយសូមកុំរត់គេចពីការងារ​ធ្វើការអធិការកិច្ចនេះ ឲ្យសោះ។ជាមួយគ្នានោះដែរសម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា ក៏បានលើកឡើងផងដែរថា ក្រសួងអធិការកិច្ចមានតួនាទីគន្លឹះ ក្នុងការជួយរាជរដ្ឋាភិបាលអនុវត្តយុទ្ធសាស្រ្ត​បច្ចកោណ​ដំណាក់កាលទី១ សំដៅលើកកម្ពស់អភិបាលកិច្ច និងពង្រឹងភាពស្អាតស្អំក្នុងវិស័យសាធារណៈ ដោយផ្តោតអាទិភាពក្នុង ការពង្រឹងការគ្រប់គ្រង​ និងផ្តល់សេវាសាធារណៈ ការផ្តល់ការលើក​ទឹកចិត្តផ្អែកលើគុណាធិបតេយ្យ និង ការចាត់វិធានការម៉ឺងម៉ាត់តាមច្បាប់ ក្នុងការដាក់ទណ្ឌកម្ម វិន័យ វិធានការច្បាប់ចំពោះមន្រ្តីសាធារណៈ ដែលប្រព្រឹត្តបំពាន់ក្រមសីលធម៌វិជ្ជាជីវៈ ឬបំពាន​អំណាចនូវពេលអនុវត្តន៍តួនាទី និងភារកិច្ចរបស់ខ្លួនជា ជាដើមនោះ៕អត្ថបទបាន ចក់

អាមេរិក៖ ការវាយប្រហារលើក្រុង Rafah មិនត្រូវឱ្យប៉ះពាល់ដល់ការពិភាក្សាអំពីចំណាប់ថ្នូរនោះទេ

2024/02/13 10:03:03 am        142
Facebook Telegram Linkin
មន្ត្រីអាមេរិកមួយរូបបាននិយាយកាលពីថ្ងៃចន្ទ (១២ កុម្ភៈ) ថាការវាយប្រហារតាមអាកាសរបស់អ៊ីស្រាអែល ទៅលើទីក្រុងរ៉ាហ្វា (Rafah) មិនត្រូវឲ្យប៉ះពាល់ដល់ការចរចាឆ្ពោះទៅរកកិច្ចព្រមព្រៀងរវាងអ៊ីស្រាអែល និងក្រុមសកម្មប្រយុទ្ធប៉ាឡេស្ទីនហាម៉ាស លើការដោះលែងចំណាប់ថ្នូរនោះទេ មុនពេលដែលការពិភាក្សាបន្ថែមទៀតត្រូវបានរំពឹងទុករវាងប្រមុខចារកម្មនៅក្នុងប្រទេសអេហ្ស៊ីប។ក្រុមមន្ត្រីជាន់ខ្ពស់មកពីសហរដ្ឋអាមេរិក អេហ្ស៊ីប អ៊ីស្រាអែល និងកាតា ត្រូវបានគេរំពឹងថានឹងចាប់ផ្តើមការចរចាឡើងវិញនៅថ្ងៃអង្គារ (១៣ កុម្ភៈ) នេះនៅទីក្រុងគែរ ដើម្បីធ្វើការលើក្របខ័ណ្ឌកិច្ចព្រមព្រៀងបីដំណាក់កាល ដែលនឹងមើលឃើញមានការដោះលែងចំណាប់ថ្នូរ និងសម្រេចបាននូវការផ្អាកប្រយុទ្ធបន្ថែមទៀត នេះបើតាមប្រភពដែលដឹងពីបញ្ហានេះ។កិច្ចពិភាក្សាក្នុងសប្តាហ៍នេះដែលពាក់ព័ន្ធនឹងនាយកទីភ្នាក់ងារចារកម្មអាមេរិក CIA លោក ប៊ីល ប៊ឺនស៍ (Bill Burns) និងនាយករដ្ឋមន្ត្រីកាតា លោក សេអ៊ីក ម៉ូហាម៉េដ (Sheikh Mohammed) ក្នុងចំណោមអ្នកផ្សេងទៀតនឹងប្រព្រឹត្តទៅ ទោះបីជាមានការបដិសេធដោយអ៊ីស្រាអែលកាលពីសប្តាហ៍មុននៃសំណើប្រឆាំងក្រុមហាម៉ាសក៏ដោយ។ជម្លោះកាន់តែខ្លាំងឡើងក្នុងទីក្រុងរ៉ាហ្វា បានជំរុញឱ្យមានការព្រួយបារម្ភថា ការវាយលុករបស់អ៊ីស្រាអែលលើតំបន់ចុងភាគខាងត្បូងហ្កាហ្សា ជាទីដែលជនស៊ីវិលប្រហែល ១ លាននាក់បានស្វែងរកការជ្រកកោនពីការទម្លាក់គ្រាប់បែករបស់អ៊ីស្រាអែលជាច្រើនខែ អាចរារាំងការចរចាចំណាប់ថ្នូរ៕

អ៊ុយក្រែន ជំរុញឱ្យមានវិធានការប្រឆាំងនឹងកសិករប៉ូឡូញ ជុំវិញការធ្វើឱ្យខូចខាតគ្រាប់ធញ្ញជាតិ

2024/02/13 09:52:36 am        205
Facebook Telegram Linkin
ទីក្រុងគីវ បានជំរុញទីក្រុងវ៉ាសូវី កាលពីថ្ងៃចន្ទ (១២ កុម្ភៈ) ឱ្យចាត់វិធានការ និងឱ្យកសិករប៉ូឡូញ «ទទួលខុសត្រូវ» សម្រាប់ការបញ្ឈប់រថយន្តដឹកទំនិញចំនួនបីគ្រឿងនៅច្រកព្រំដែនរវាងប៉ូឡូញ និងអ៊ុយក្រែន ហើយបានធ្វើឲ្យកំពប់គ្រាប់ធញ្ញជាតិអ៊ុយក្រែន ដែលកំពុងដឹកនៅលើរថយន្ដនោះ។ឧប្បត្តិហេតុកាលពីថ្ងៃអាទិត្យ នៅជិតប៉ុស្តិ៍ត្រួតពិនិត្យ យ៉ាហូឌី-ដូរ៉ូហាស (Yahodyn-Dorohusk) ដែលត្រូវបានរាយការណ៍ដោយទីភ្នាក់ងារព័ត៌មានប៉ូឡូញ PAP បានកើតឡើងក្នុងអំឡុងពេលការតវ៉ាកាន់តែទូលំទូលាយដោយកសិករប៉ូឡូញ ប្រឆាំងនឹងគោលនយោបាយកសិកម្មរបស់សហភាពអឺរ៉ុប រួមទាំងការអនុញ្ញាតឱ្យមានការនាំចូលគ្រាប់ធញ្ញជាតិតម្លៃថោកពីអ៊ុយក្រែន។តំណាងពាណិជ្ជកម្មអ៊ុយក្រែន លោក ថារ៉ាស ខាចខា (Taras Kachka) បាននិយាយនៅលើបណ្ដាញសង្គមហ្វេសប៊ុកថា គ្រាប់ធញ្ញជាតិដែលត្រូវកំពប់និងខូចខាតទាំងនោះ ដើមឡើយគឺកំពុងធ្វើដំណើរទៅកាន់ប្រទេសលីទុយអានី ហើយបានជំរុញឱ្យរដ្ឋាភិបាលប៉ូឡូញ ធានាសុវត្ថិភាពនៃទំនិញអ៊ុយក្រែន។ រដ្ឋអាជ្ញាក្នុងតំបន់ លោកស្រី អានីស្កា ខេបខា (Agnieszka Kepka) បានប្រាប់សារព័ត៌មានរ៉យទ័រថា ការស៊ើបអង្កេតមួយត្រូវបានបើកលើបញ្ហានេះជុំវិញ «ការដកត្រាគយ និងការបំផ្លិចបំផ្លាញទ្រព្យសម្បត្តិ»។ទីក្រុងវ៉ាសូវី បានគាំទ្រអ៊ុយក្រែនក្នុងអំឡុងពេលការឈ្លានពានរបស់រុស្ស៊ី ប៉ុន្តែទំនាក់ទំនងត្រូវបានប៉ះពាល់ដោយការមិនសប្បាយចិត្តនៅក្នុងប្រទេសប៉ូឡូញ ប្រឆាំងនឹងអ្វីដែលកសិករ និងអ្នកដឹកជញ្ជូនមើលឃើញថាជាកំណើនការនាំចូលគ្រាប់ធញ្ញជាតិ និងអាហារពីអ៊ុយក្រែន និងការប្រកួតប្រជែងមិនសមរម្យ៕

រដ្ឋអាជ្ញារបស់តុលាការ ICC ព្រួយបារម្ភយ៉ាងខ្លាំងចំពោះស្ថានភាពនៅក្រុងរ៉ាហ្វា របស់តំបន់ហ្កាហ្សា

2024/02/13 09:49:09 am        145
Facebook Telegram Linkin
រដ្ឋអាជ្ញានៃតុលាការព្រហ្មទណ្ឌអន្តរជាតិ លោក ខារីម ខាន់ (Karim Khan) បាននិយាយកាលពីថ្ងៃចន្ទ (១២ កុម្ភៈ) ថាលោកមានការព្រួយបារម្ភយ៉ាងខ្លាំងអំពីរបាយការណ៍នៃការទម្លាក់គ្រាប់បែក និងលទ្ធភាពនៃការលុកលុយដោយកងកម្លាំងអ៊ីស្រាអែល នៅក្នុងទីក្រុងរ៉ាហ្វា (Rafah) ភាគខាងត្បូងតំបន់ហ្កាហ្សា។លោក ខាន់ បានបង្ហោះនៅលើបណ្ដាញសង្គម X បែបនេះ បន្ទាប់ពីការវាយប្រហារតាមអាកាសនៅក្នុងទីក្រុងដែលជាជម្រកចុងក្រោយរបស់ជនស៊ីវិលភៀសខ្លួនប្រហែលមួយលាននាក់។ រដ្ឋអាជ្ញារូបនេះបាននិយាយថា តុលាការកំពុងស៊ើបអង្កេតយ៉ាងសកម្មនូវឧក្រិដ្ឋកម្មណាមួយដែលត្រូវចោទប្រកាន់ថាបានប្រព្រឹត្តនៅក្នុងតំបន់ហ្កាហ្សា ហើយនឹងរក «អ្នកដែលបំពានច្បាប់ឲ្យទទួលខុសត្រូវ»។អ៊ីស្រាអែល មិនមែនជាសមាជិកនៃតុលាការដែលមានមូលដ្ឋាននៅទីក្រុងឡាអេ នេះទេហើយមិនទទួលស្គាល់យុត្តាធិការរបស់ខ្លួនឡើយ ប៉ុន្តែលោក ខាន់ បាននិយាយកាលពីខែតុលាថា តុលាការមានយុត្តាធិការលើឧក្រិដ្ឋកម្មសង្រ្គាមដែលអាចកើតមានដោយពួកសកម្មប្រយុទ្ធប៉ាឡេស្ទីនហាម៉ាស នៅអ៊ីស្រាអែល និងដោយជនជាតិអ៊ីស្រាអែល នៅតំបន់ហ្កាហ្សាស្ទ្រីប។អ៊ីស្រាអែលបដិសេធថាមិនបានប្រព្រឹត្តអំពើឃោរឃៅក្នុងការវាយប្រហាររបស់ខ្លួនលើតំបន់ហ្កាហ្សា ដែលបានកើតឡើងបន្ទាប់ពីការវាយឆ្មក់ឆ្លងព្រំដែនរបស់ក្រុមហាម៉ាស លើអ៊ីស្រាអែលភាគខាងត្បូងនោះទេ។ ជាងបួនខែមកនេះ ដែនដីហ៊ុមព័ទ្ធដែលមានប្រជាជនរស់នៅច្រើនយ៉ាងក្រាស់ក្រែលនៅលើសមុទ្រមេឌីទែរ៉ាណេនេះត្រូវបានបំផ្លាញ ដោយជនជាតិប៉ាឡេស្ទីនជាង ២៨.៣០០ នាក់បានស្លាប់ និងមនុស្សជិត ៦៨.០០០ នាក់បានរងរបួស៕

លោក Biden និយាយថា លោកកំពុងជំរុញឱ្យមានការផ្អាកប្រយុទ្ធនៅហ្កាហ្សារយៈពេល៦សប្តាហ៍

2024/02/13 09:43:48 am        145
Facebook Telegram Linkin
ប្រធានាធិបតីសហរដ្ឋអាមេរិក លោក Joe Biden បាននិយាយកាលពីថ្ងៃចន្ទថា សហរដ្ឋអាមេរិក កំពុងជំរុញឱ្យមានការផ្អាកប្រយុទ្ធគ្នារវាងអ៊ីស្រាអែល និងក្រុមហាម៉ាស នៅតំបន់ហ្កាហ្សារយៈពេល៦សប្តាហ៍ ជាជំហានឆ្ពោះទៅរកបទឈប់បាញ់រយៈពេលកាន់តែយូរ។ លោក Biden និងមហាក្សត្រ Abdullah របស់ប្រទេសហ្ស៊កដានី បានលើកឡើងពីបញ្ហានេះបន្ទាប់ពីសម្ព័ន្ធមិត្តយូរអង្វែងទាំងពីរ បានពិភាក្សាគ្នានៅវិមានសេតវិមាន។ ការពិភាក្សា បានគ្របដណ្ដប់លើបញ្ជីបញ្ហាប្រឈមដ៏គួរឱ្យព្រួយបារម្ភ រួមមានទាំងការវាយលុកជើងគោករបស់អ៊ីស្រាអែល ដែលកំពុងកើតឡើងនៅភាគខាងត្បូងតំបន់ហ្កាហ្សា និងការគំរាមកំហែងនៃមហន្តរាយមនុស្សធម៌ ក្នុងចំណោមជនស៊ីវិលប៉ាឡេស្ទីន។ លោក Biden បានបង្ហាញពីការខឹងសម្បារកាន់តែខ្លាំងឡើងជាមួយនាយករដ្ឋមន្ត្រីអ៊ីស្រាអែល លោក Benjamin Netanyahu ចំពោះការមិនយកចិត្តទុកដាក់តាមការណែនាំរបស់លោក ដោយបាននិយាយថា សហរដ្ឋអាមេរិកកំពុងធ្វើការជាមួយសម្ព័ន្ធមិត្តនៅក្នុងតំបន់លើកិច្ចព្រមព្រៀងមួយដើម្បីផ្អាកការប្រយុទ្ធគ្នា និងអនុញ្ញាតឱ្យចំណាប់ថ្នូរនៅតំណន់ហ្កាហ្សា ត្រូវបានដោះលែង ព្រមទាំងមានលំហូរជំនួយមនុស្សធម៌កើនឡើង។ លោក Biden បាននិយាយថា «យើងមិនអាចឈរនៅស្ងៀម ហើយទុកឲ្យរឿងនេះនៅបន្តទៀតនោះទេ។ យើងត្រូវការបទឈប់បាញ់យូរអង្វែងនៅពេលនេះ។ សង្រ្គាមនេះត្រូវតែបញ្ចប់។ លោក Biden បានសន្ទនាជាមួយលោក Netanyahu ដែលសេតវិមានបាននិយាយថា លោកបានបញ្ជាក់ថា ប្រតិបត្តិការយោធានៅទីក្រុង Rafah មិនគួរកើតឡើងដោយគ្មានផែនការអាចទុកចិត្តបាន និងអាចធ្វើប្រតិបត្តិការទៅបានចំពោះការធានាសុវត្ថិភាព និងការគាំទ្រប្រជាជនជាងមួយលាននាក់ដែលកំពុងជ្រកកោននៅទីនោះ។ មុនពេលចាប់ផ្តើមដំណើរទស្សនកិច្ចទៅកាន់រដ្ឋធានីភាគខាងលិច មហាក្សត្រ Abdullah បានយាងចូលរួមក្នុងការទម្លាក់ជំនួយមនុស្សធម៌ទៅកាន់តំបន់ហ្កាហ្សា ជាសកម្មភាពដែលបង្ហាញពីតួនាទីរបស់ព្រះរាជាណាចក្ររបស់លោក ក្នុងការជំរុញអ៊ីស្រាអែលឱ្យបញ្ឈប់ការរឹតបន្តឹងកិច្ចខិតខំប្រឹងប្រែងដើម្បីការពារជំងឺ ភាពអត់ឃ្លាន និងគ្រោះទុរ្ភិក្សនៅក្នុងតំបន់ហ៊ុមព័ទ្ធមួយនេះ។

នាយករដ្ឋមន្ត្រីចាំផ្ទះប៉ាគីស្ថាន ច្រានចោលការរៀបចំលទ្ធផលបោះឆ្នោត និងការស៊ើបអង្កេត

2024/02/13 09:39:23 am        167
Facebook Telegram Linkin
គណបក្សនយោបាយធំៗពីររបស់ប្រទេសប៉ាគីស្ថានកាលពីថ្ងៃចន្ទទី១២ខែកុម្ភៈ បានឈ្លោះប្រកែកគ្នាអំពីថាតើអ្នកណានឹងក្លាយជានាយករដ្ឋមន្ត្រី បន្ទាប់ពីការបោះឆ្នោតមិនពេញលេញកាលពីសប្តាហ៍មុន បានបង្ខំឱ្យពួកគេរួមកម្លាំងគ្នា និងព្យាយាមបង្កើតបក្សចម្រុះនៅក្នុងសភាដែលគ្រប់គ្រងដោយក្រុមឯករាជ្យ។ការឈ្លោះប្រកែកគ្នា ទំនងជាធ្វើឱ្យមានការព្រួយបារម្ភកាន់តែខ្លាំងអំពីស្ថិរភាពរបស់ប្រទេសនេះ ដែលបានជាប់គាំងនៅក្នុងវិបត្តិសេដ្ឋកិច្ច និងការប្រយុទ្ធប្រឆាំងការកើនឡើងនៃអំពើហិង្សារបស់ក្រុមសកម្មប្រយុទ្ធ។បណ្ដាគណបក្សនយោបាយ និងបេក្ខជនជាច្រើន បានអំពាវនាវឱ្យមានការតវ៉ាប្រឆាំងនឹងលទ្ធផល ហើយអ្នកគាំទ្រគណបក្ស PTI បានបិទចរាចរណ៍នៅក្នុងទីក្រុង ផេសាវ៉ា(Peshawar) ភាគខាងជើងកាលពីថ្ងៃអាទិត្យ។នាយករដ្ឋមន្ត្រីចាំផ្ទះលោក អាន់វ៉ា អាល់ ហាក កាការ(Anwaar-ul-Haq Kakar) បានច្រានចោលការចោទប្រកាន់នេះ ហើយបាននិយាយថា មិនមានការបំភ្លៃលទ្ធផល និងគ្មានសម្ពាធលើគណៈកម្មាធិការរៀបចំការបោះឆ្នោត ដើម្បីផ្តល់លទ្ធផលជាក់លាក់ណាមួយឡើយ។លោកបាននិយាយថា ប្រទេសប៉ាគីស្ថាននឹងមិនស៊ើបអង្កេតលើការចោទប្រកាន់អំពីភាពមិនប្រក្រតីនៃការបោះឆ្នោតនោះទេ ដោយសារតែរដ្ឋធានីបរទេសមួយចំនួន បានស្វែងរកការស៊ើបអង្កេត ហើយប៉ាគីស្ថានមានច្បាប់ផ្ទាល់ខ្លួន ដើម្បីដោះស្រាយរាល់បញ្ហាប្រឈមនានា៕

ប្រសាសន៍សំខាន់ៗរបស់សម្តេចធិបតី ក្នុងពិធី “បិទសន្និបាតបូកសរុបការងារឆ្នាំ២០២៣ និងលើកទិសដៅការងារបន្តឆ្នាំ២០២៤ របស់ក្រសួងអធិការកិច្ច

2024/02/13 08:59:28 am        216
Facebook Telegram Linkin
ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅព្រឹកថ្ងៃទី១៣ ខែកុម្ភៈ ឆ្នាំ២០២៤នេះ បានអញ្ជើញជាអធិបតីក្នុងពិធី “បិទសន្និបាតបូកសរុបការងារឆ្នាំ២០២៣ និងលើកទិសដៅការងារបន្តឆ្នាំ២០២៤ របស់ក្រសួងអធិការកិច្ច នៅសណ្ឋាគារសុខាភ្នំពេញ ។ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖-សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងកោតសរសើរ​ចំពោះការ​ខិតខំប្រឹងប្រែងរបស់ក្រសួង អធិការកិច្ចក្នុងការធ្វើកំណែទម្រង់នូវតាមក្រសួង ស្ថាប័ននានា ខណៈការខិតខំនេះគឺបានឆ្លុះបញ្ចាំងឲ្យឃើញកាន់តែច្បាស់នូវឆន្ទៈដោយឥតងាករេរបស់រាជរដ្ឋាភិបាលសម្រាប់អាណត្តិទី៧នេះ។-សម្តេចធិបតី ហ៊ុន ម៉ាណែត បានថ្លែងថា ក្រសួងអធិការកិច្ច គឺជាយន្តការ មួយរបស់រាជរដ្ឋាភិបាល ដែលមានមុខងារធ្វើអធិការកិច្ចនៅតាមគ្រប់វិស័យទាំងអស់ ហើយសម្តេចបានចាត់ទុកថា ក្រសួងអធិការកិច្ចនេះ គឺជាភ្នែក ត្រចៀករបស់រាជរដ្ឋាភិបាល។-សម្ដេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានបញ្ជាក់ថា កិច្ចការងារអធិការកិច្ចនេះ រាជរដ្ឋាភិបាលអាណត្តិទី៧ ក៏ដូចជាអាណត្តិកន្លងទៅ បានចាត់ទុកជាស្នូលធំបំផុត គឺកិច្ចការងារអធិការកិច្ចមានន័យថា រៀបចំផ្ទះខ្លួនឯងឱ្យស្អាត ទើបអាចចេញទៅបម្រើប្រជាពលរដ្ឋបាន។ ក្នុងន័យនេះក្រសួងអធិការកិច្ចបានដើរតួនាទីសំខាន់ ដើម្បីបញ្ជាក់ពីការពង្រឹងកិច្ចការអភិបាលកិច្ចនេះទាំងនៅថ្នាក់ជាតិ និងថ្នាក់ក្រោមជាតិ។ សម្ដេចធិបតីថ្លែងថា៖«បើរដ្ឋមិនទាន់គ្រប់គ្រងខ្លួនឯងបានទេ សួរថាតើរដ្ឋអាចទៅធ្វើអ្វីបាន»។-សម្ដេចធិបតី ហ៊ុន ម៉ាណែត បានចាត់ទុកកិច្ចការងារអធិការរកិច្ចនេះ គឺជាកិច្ចការងារសំខាន់ ប៉ុន្ដែកិច្ចការងារនេះ ក្រសួងអធិការកិច្ចត្រូវមើលផ្ទះខ្លួនឯង និងត្រូវមើលលើកិច្ចការងាររដ្ឋឱ្យស្អាតជាមុន។-សម្ដេចធិបតី នាយករដ្ឋមន្រ្ដី មានប្រសាសន៍ថា បច្ចុប្បន្នរាជរដ្ឋាភិបាលបានបង្កើតនូវយន្តការតាមដានសមិទ្ធកម្មផ្សេងៗនៅតាមក្រសួង ស្ថាប័នដើម្បីត្រួតពិនិត្យ និងវាយតម្លៃលើការអនុវត្តកិច្ចការងារនៅតាមបណ្ដាក្រសួង ស្ថាប័ន ទាំងថ្នាក់ជាតិ និងក្រោមជាតិ ដើម្បីធ្វើយ៉ាងណាអនុវត្តការងារឱ្យមានប្រសិទ្ធភាពទៅដល់ប្រជាពលរដ្ឋ។-សម្ដេចធិបតី ហ៊ុន ម៉ាណែត ឱ្យក្រសួងស្ថាប័នពាក់ព័ន្ធពិនិត្យរៀបចំបង្កើតយន្តការមួយច្បាស់លាស់ ដែលជាអ្នកតាមដានត្រួតពិនិត្យបន្ថែមទៀត លើការអនុវត្តកិច្ចការងារអធិការកិច្ចនេះ ដើម្បីធ្វើយ៉ាងណាឱ្យការងារអធិការកិច្ច និងសវនាកម្មនេះ មានរបៀបរៀបរយ មានស្ដង់ដាល្អ និងមានប្រសិទ្ធភាព មិនអនុវត្តជាន់គ្នា។-សម្ដេចធិបតី ហ៊ុន ម៉ាណែត នាយករដ្ឋមន្ត្រី៖ ស្នើសុំកុំឱ្យមានការចុះត្រួតពិនិត្យការងារជាន់ គ្នា ជាពិសេសការងារអធិការកិច្ច ដើម្បីបញ្ចៀសការខាតបង់ពេលវេលា ថវិកា និងអនុវត្តជាន់តួនាទីគ្នា ជាដើម។-សម្ដេចធិបតី នាយករដ្ឋមន្រ្ដី បានបញ្ជាក់ថា ការអនុវត្តការងារអធិការកិច្ច គឺជាការអនុវត្តអភិបាក្រម ឆ្លុះកញ្ចក់ ងូតទឹក ដុះក្អែល និងព្យាបាល មិនមែនជាការវះកាត់នោះទេ ដូច្នេះក្រសួង ស្ថាប័ននានា ត្រូវចូលរួមសហការលើការអនុវត្តកិច្ចការងារនេះ។ សម្ដេចធិបតីថ្លែងថា៖«យើងអនុវត្តមិនមែនប៉ះដៃកាត់ដៃ ប៉ះជើងកាត់ជើងនោះទេ ប៉ុន្ដែគឺជាការកែសម្រួលលើការអនុវត្តកិច្ចការងារដែលនៅមានការខ្វះខាត»។

ប្រជាជនឥណ្ឌូណេស៊ី រាប់ថយក្រោយសម្រាប់ការបោះឆ្នោតសកល ដែលមិនអាចទាយទុកមុនបាន

2024/02/13 08:13:33 am        204
Facebook Telegram Linkin
អ្នកក្រុងចាកាតារបស់ប្រទេសឥណ្ឌូនេស៊ីកាលពីថ្ងៃចន្ទ ១២ កុម្ភៈ បាននិយាយថា ពួកគេកំពុងទន្ទឹងរង់ចាំថ្ងៃបោះឆ្នោតប្រធានាធិបតី និងសភា ត្រឹមតែពីរថ្ងៃ មុនពេលម្ចាស់ឆ្នោតទៅបោះឆ្នោតទូទាំងប្រទេស។ ការបោះឆ្នោតដែលនឹងប្រព្រឹត្តទៅនៅថ្ងៃពុធ ទី១៤កុម្ភៈ គឺជាការប្រកួតប្រជែងដ៏តឹងតែងរវាងឧត្តមសេនីយចូលនិវត្តន៍ និងបេក្ខជនលេចធ្លោរដែលបានចូលរួមប្រកួត៣លើក លោកប្រាបូវ៉ូ ស៊ូបៀនតូ ( Prabowo Subianto) អតីតអភិបាលក្រុងចាកាតា លោក អានីស បាស្វេដាន (Anies Baswedan) និងអភិបាលខេត្តជ្វាកណ្ដាល(Central Java) លោក ហ្កានចា ប្រាណូវ៉ូ (Ganjar Pranowo)។ការស្ទង់មតិបានបង្ហាញដដែលៗថាលោក ប្រាបូវ៉ូ (Prabowo)គឺជាបេក្ខភាពដែលនឹងឈ្នះ ដោយមានការនាំមុខរហូតដល់២៨ពិន្ទុនៅក្នុងការស្ទង់មតិបានចេញផ្សាយកាលពីចុងសប្តាហ៍មុន ដែលព្យាករណ៍ថាលោកឈ្នះភាគច្រើន ដោយមានសំឡេងគាំទ្រចំនួន៥១,៨% និង៥១,៩%ជាប់ៗគ្នា។ លោកអេឌី ស៊ូប្រ៊ីយ៉ាឌី (Edi Supriyadi)ជាអ្នករស់នៅទីក្រុងចាកាតា និងជាអ្នកបើកបររថយន្តឈ្នួលបាននិយាយថា សំឡេងអ្នកបោះឆ្នោតត្រូវបានបែងចែកនៅពេលនេះ ពួកគេផ្លាស់ប្តូរសន្លឹកឆ្នោតរបស់ខ្លួនពីបេក្ខជនមួយទៅបេក្ខជនមួយទៀត។ ដូច្នេះកាន់តែរំភើប និងមិនអាចទាយលទ្ធផលទុកមុនបានឡើយ។ លោក អាយ៉ា ហ្វើណាដេស (Arya Fernandes) អ្នកស្រាវជ្រាវនៅមជ្ឈមណ្ឌលសម្រាប់ការសិក្សាយុទ្ធសាស្ត្រ និងអន្តរជាតិ បាននិយាយថា ការបោះឆ្នោតនៅឆ្នាំនេះនឹងក្លាយជា "ការសាកល្បង" សម្រាប់លទ្ធិប្រជាធិបតេយ្យរបស់ប្រទេសឥណ្ឌូនេស៊ី ដោយសារលោកប្រធានាធិបតី Joko Widodo ដែលជិតផុតអាណត្តិគឺ ជាប់ពាក់ព័ន្ធយ៉ាងជ្រៅក្នុងការជះឥទ្ធិពលលើអារម្មណ៍ និងអាកប្បកិរិយារបស់អ្នកបោះឆ្នោត៕

រដ្ឋមន្រ្តីក្រសួងបរិស្ថាន ត្រៀមដាក់ចេញយុទ្ធនាការសំអាតបឹងទន្លេសាប ០១ មីនា ២០២៤ ដើម្បីការពារត្រីដែលជាប្រភព​អាហារូបត្ថម្ភ​របស់ប្រជាពលរដ្ឋ

2024/02/13 07:41:06 am        201
Facebook Telegram Linkin
ត្រីជាប្រភព​អាហារូបត្ថម្ភ​ដ៏ចម្បងរបស់ប្រជាពលរដ្ឋកម្ពុជា ហើយដើម្បីការពារនូវប្រភពទ្រទ្រង់​សុខភាព​ប្រជាពលរដ្ឋ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថានបានត្រៀម​ដាក់ចេញនូវយុទ្ធនាការសំអាតបឹងទន្លេសាប នៅថ្ងៃទី០១ ខែមីនា ឆ្នាំ២០២៤ខាងមុខនេះ បន្ទាប់ពីទទួលបានជោគជ័យក្នុងជំហានទី១នៃការកាត់បន្ថយសំណល់ប្លាស្ទិកនៅលើគោក តាមរយៈយុទ្ធនាការ «ថ្ងៃនេះ! ខ្ញុំមិនប្រើប្រាស់ថង់ប្លាស្ទិកទេ» ដែលមានប្រជាពលរដ្ឋ និងសិស្សានុសិស្សចូលរួមជាង៤លាននាក់។ ការថ្លែងឡើងរបស់ឯកឧត្តមរដ្ឋមន្រ្តីក្រសួងបរិស្ថាន ធ្វើឡើងនៅក្នុងជំនួបសម្តែងការគួរសម និងស្វែងយល់អំពីការងារអាទិភាពរបស់ក្រសួងបរិស្ថាន ដើម្បីពង្រឹងកិច្ច​សហប្រតិបត្តិការ​ឱ្យកាន់តែល្អប្រសើររវាងអង្គការសហប្រជាជាតិសម្រាប់សេវាកម្មគម្រោង(UNOPS) និងក្រសួងបរិស្ថាន នៅទីស្តីការក្រសួង នាសៀលថ្ងៃទី ១២ ខែកុម្ភៈ ឆ្នាំ២០២៤។កញ្ញា អ៊ីដា ក្រាចា (Eda Kraja) អ្នកគ្រប់គ្រងប្រចាំប្រទេសកម្ពុជា-ឡាវនៃការិយាល័យ​អង្គការ​សហប្រជាជាតិសម្រាប់សេវាកម្មគម្រោង UNOPS បានជម្រាបជូនឯកឧត្តមរដ្ឋមន្រ្តី​អំពីវត្ថុបំណងនៃជំនួប ដើម្បីបន្ត និងពង្រឹងកិច្ចសហប្រតិបត្តិការជាមួយក្រសួងបរិស្ថាន អនុលោមតាមយុទ្ធសាស្រ្តចក្រាវិស័យបរិស្ថានឆ្នាំ២០២៣-២០២៨។ លើសពីនេះកញ្ញា អ៊ីដា ក្រាចា (Eda Kraja) ក៏ចង់ស្វែងយល់បន្ថែមដែរអំពី ការងារអាទិភាពដើម្បីផ្សារភ្ជាប់​ជាមួយគម្រោង​ជាសកលផ្សេងៗទៀតរបស់ UNOPS តាមរយៈការសម្របសម្រួលគម្រោងការងារ​ជាមួយ​ដៃគូជាច្រើនដូចជា មូលនិធិអាកាសធាតុបៃតង(GCF), ភាពជាដៃគូ(NDC partnership), UNEP មជ្ឈមណ្ឌលអាកាសធាតុទីក្រុងCopenhagen។ស្របជាមួយគ្នានេះ ឯកឧត្តមរដ្ឋមន្រ្តីបានអរគុណចំពោះដៃគូអភិវឌ្ឍន៍​ដែលកន្លងមកបានរួមចំណែក​ជាមួយវិស័យបរិស្ថាន និងបានបង្ហាញជូនអំពីភាពជោគជ័យនៃការប្រែប្រួល​ឥរិយាបថ​របស់​សិស្សានុសិស្ស និងប្រជាពលរដ្ឋកម្ពុជាចំពោះការកាត់បន្ថយការប្រើប្រាស់ប្លាស្ទិក ការរៀបចំទុក​ដាក់​សំរាម និងការបែងចែកសំរាមបានត្រឹមត្រូវដើម្បីធានា​បាននូវភាពស្អាតពីបរិវេណជុំវិញផ្ទះ សាលារៀន វត្តអារាម រួមនឹងសហគមន៍មូលដ្ឋាន។ ជាមួយភាពស្អាតដែលកើតចេញពីសាមគ្គីភាព និងកម្លាំងនៃការរួបរួមចិត្តជាធ្លុងមួយនេះ នឹងធ្វើឱ្យ​កម្ពុជា​ស្អាត​គឺទាំងនៅលើគោក ក្នុងទឹក និងអាកាស ហើយមរតកស្អាតនឹងបន្តទៅអ្នក​ជំនាន់ក្រោយ​ហើយសាយភាយទៅប្រទេសជុំវិញក្នុងតំបន់អាស៊ី៕

ការចុះឈ្មោះប្រជែងតំណែងប្រធានាធិបតីរុស្ស៊ី បានបិទ ដោយមានលោក ពូទីន និងបេក្ខជនបីរូបទៀត

2024/02/12 02:07:33 pm        209
Facebook Telegram Linkin
សារព័ត៌មាន TASS បានរាយការណ៍កាលពីថ្ងៃអាទិត្យ (១១ កុម្ភៈ) ថាការចុះឈ្មោះបេក្ខជនរបស់រុស្ស៊ី សម្រាប់ការបោះឆ្នោតប្រធានាធិបតីខែមីនា បានបិទ ជាមួយនឹងបញ្ជីឈ្មោះរួមមានលោកប្រធានាធិបតី វ្ល៉ាឌីមៀ ពូទីន ដែលរំពឹងថានឹងទទួលជ័យជម្នះ និងអ្នកនយោបាយបីរូបដែលគាំទ្រសង្គ្រាមទីក្រុងមូស្គូ នៅអ៊ុយក្រែន។បញ្ជីនេះមិនរាប់បញ្ចូលបេក្ខភាពប្រឆាំងសង្រ្គាមរុស្ស៊ី លោក បូរីស ណាដេសឌីន (Boris Nadezhdin) ទេ បន្ទាប់ពីគណៈកម្មាធិការរៀបចំការបោះឆ្នោតកណ្តាល (CEC) បានរារាំងលោកពីការឈរឈ្មោះកាលពីថ្ងៃព្រហស្បតិ៍ ដោយនិយាយថាខ្លួនបានរកឃើញកំហុសឆ្គងនៅក្នុងការប្រមូលហត្ថលេខា ដែលត្រូវការសម្រាប់ការគាំទ្របេក្ខភាពរបស់លោក។កម្មាធិការរៀបចំការបោះឆ្នោត CEC បានចុះឈ្មោះ លោក វ្ល៉ាឌីស្លាវ ដាវ៉ានខូវ (Vladislav Davankov) ដែលជាអនុប្រធានសភារបស់រុស្ស៊ី និងជាសមាជិកនៃគណៈកម្មាធិការប្រជាជនថ្មី លោក លីអូនីត ស្លាត់ស្គី (Leonid Slutsky) មេដឹកនាំគណបក្សប្រជាធិបតេយ្យសេរីនិយម-ជ្រុលនិយម របស់វិមានក្រឹមឡាំង (LDPR) និងអ្នកតែងតាំងរបស់បក្សកុម្មុយនិស្តមួយនេះ លោក នីខូឡៃ ខារីថូនៅ (Nikolai Kharitonov)។លោក ពូទីន វ័យ ៧១ឆ្នាំ ដែលបានជ្រើសរើសឈរឈ្មោះជាឯករាជ្យជាជាងជាបេក្ខជននៃគណបក្សរួបរួមរុស្ស៊ី ដែលកាន់អំណាច និងជាមេដឹកនាំកំពូលរបស់រុស្ស៊ី តាំងពីឆ្នាំ២០០០ ព្រមទាំងគ្រប់គ្រងគ្រប់ផ្នែកទាំងអស់របស់រដ្ឋ ត្រូវបានគេរំពឹងថានឹងឈ្នះការបោះឆ្នោតនៅខែក្រោយយ៉ាងងាយស្រួល៕

បណ្ដាញសង្គម

ព័ត៌មានថ្មីៗ

ទាហានខ្មែរ១៨នាក់ដែលទាហានថៃចាប់ទៅមានសុវត្ថិភាព ខណៈកម្ពុជា​បន្ត​ចរចា​យក​ចិត្ត​ទុក​ដាក់​ដើម្បី​ឲ្យ​ថៃប្រគល់មកវិញឆាប់ៗ
08/02/2025 12:08 PM
Facebook Telegram Linkin
ប៉ូឡូញ ចុះកិច្ចព្រមព្រៀងទិញរថក្រោះប្រយុទ្ធរបស់កូរ៉េខាងត្បូងបន្ថែមទៀត
08/02/2025 11:08 AM
Facebook Telegram Linkin
អាមេរិក៖ កិច្ចព្រមព្រៀងពាណិជ្ជកម្មជាមួយចិន អាចឈានដល់ក្រោយការចរចាក្នុងទីក្រុង
08/02/2025 11:08 AM
Facebook Telegram Linkin
លោក Trump និយាយថា លោកបានទទួលដំណឹងថា ឥណ្ឌានឹងឈប់ទិញប្រេងពីរុស្ស៊ី
08/02/2025 11:08 AM
Facebook Telegram Linkin
អ៊ីស្រាអែល «បង្កើតផែនការសម្លាប់រង្គាល» ខណៈពលរដ្ឋប៉ាឡេស្ទីនកាន់តែច្រើនស្រេកឃ្លានដល់ស្លាប់នៅហ្កាហ្សា
08/02/2025 11:08 AM
Facebook Telegram Linkin
បេសកជនអាមេរិកលោក Witkoff ពិនិត្យប្រតិបត្តិការផ្តល់ជំនួយនៅហ្កាហ្សាដែលត្រូវបានUNច្រានចោល
08/02/2025 10:08 AM
Facebook Telegram Linkin
​វេទិកាស្តីពីសុវត្ថិភាពលើប្រព័ន្ធអនឡាញ ឆ្នាំ២០២៥ លើក​ទី២ រៀបចំឡើងក្រោមមូលបទ ​“កសាងទំនុកចិត្តក្នុងយុគសម័យបញ្ញាសិប្បនិម្មិត”
08/02/2025 10:08 AM
Facebook Telegram Linkin
លោក Putin ប្រឈមកាលបរិច្ឆេទកំណត់របស់លោកTrump ខណៈគ្មានសញ្ញាផ្លាស់ប្តូរជំហររបស់រុស្ស៊ីចំពោះអ៊ុយក្រែន
08/02/2025 10:08 AM
Facebook Telegram Linkin
ក្រុមអ្នកតវ៉ាដុតរូបសំណាកលោក Trump បន្ទាប់ពីលោកដំឡើងពន្ធ៥០% លើការនាំ​ចូល​ពី​ប្រេស៊ីល
08/02/2025 09:08 AM
Facebook Telegram Linkin
ប្រទេសឥណ្ឌា រង្គោះរង្គើដោយការដំឡើងពន្ធរបស់លោក Trump ប៉ុន្តែ​ផ្នែក​មួយ​ចំនួន​នៅ​អាស៊ី​មាន​ភាព​ធូរស្រាល
08/02/2025 09:08 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.