នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី
TOP STORY | ខណៈព្រំដែនកំពុងមានការផ្ទុះអាវុធ, សម្តេចតេជោ ហ៊ុន សែន ប្រាប់ពលរដ្ឋឲ្យជឿទុកចិត្ត​លើ​រាជរដ្ឋាភិបាល និងកងទ័ព

នយោបាយ​ និង ការអភិវឌ្ឍន៍

សម្តេចធិបតី ហ៊ុន ម៉ាណែត៖ រាជរដ្ឋាភិបាល នីតិកាលទី៧ ប្តេជ្ញាបន្តអភិវឌ្ឍប្រព័ន្ធគាំពារសង្គមនៅកម្ពុជា ឱ្យមានលក្ខណៈប្រមូលផ្តុំ, សង្គតិភាព, ប្រសិទ្ធភាព, សមធម៌ និងចីរភាព ដោយឈរលើស្មារតី «មិនបោះបង់ពលរដ្ឋណាម្នាក់»

2024/02/06 12:24:25 pm        228
Facebook Telegram Linkin
នាព្រឹកថ្ងៃទី៦ ខែ កុម្ភៈ ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញជាអធិបតីក្នុងពិធីបិទសន្និបាតបូកសរុបការងារ ឆ្នាំ ២០២៣ និងលើកទិសដៅការងារ ឆ្នាំ ២០២៤ របស់ក្រសួងសង្គមកិច្ច អតីតយុទ្ធជន និងយុវនីតិសម្បទា នៅទីស្តីការក្រសួងសង្គមកិច្ច អតីតយុទ្ធជន និងយុវនីតិសម្បទា ។ មានប្រសាសន៍ក្នុងពិធីដ៏អធិកអធមនោះ សម្តេចធិបតីនាយករដ្ឋមន្ត្រី បានធ្វើការគូសបញ្ជាក់ថា រាជរដ្ឋាភិបាលនីតិកាលទី៧ នៃរដ្ឋសភា ប្តេជ្ញាបន្តអភិវឌ្ឍប្រព័ន្ធគាំពារសង្គមនៅព្រះរាជាណាចក្រកម្ពុជា ឱ្យមានលក្ខណៈប្រមូលផ្តុំ, សង្គតិភាព, ប្រសិទ្ធភាព, សមធម៌ និងចីរភាព ដោយឈរលើស្មារតី «មិនបោះបង់ពលរដ្ឋណាម្នាក់» តាមរយៈការផ្តោតកិច្ចអន្តរាគមន៍របស់រាជរដ្ឋាភិបាលលើគ្រួសារក្រីក្រ, ក្រុមជនងាយរងគ្រោះ និងគ្រួសារងាយរងហានិភ័យ ។ ជាក់ស្តែង នៅដើមនីតិកាលទី ៧ នៃរដ្ឋសភានេះ, រាជរដ្ឋាភិបាល បានកំណត់យក «ការធ្វើស្ថាប័នូបនីយកម្មកម្មវិធីជាតិជំនួយសង្គមសម្រាប់គ្រួសារក្រីក្រ ក្រុមជនងាយរងគ្រោះនៅក្នុងគ្រួសារក្រីក្រ និងគ្រួសារងាយរងហានិភ័យ នៅក្នុងគ្រាមានវិបត្តិសេដ្ឋកិច្ច និងគ្រាមានគ្រោះអាសន្ន» ជាកម្មវិធីគោលនយោបាយអាទិភាពទី ៣ ក្នុងចំណោមកម្មវិធីគោលនយោបាយអាទិភាពទាំង ៦ ដើម្បីជំរុញការកសាងប្រព័ន្ធជំនួយសង្គម សំដៅកសាងសង្គមកម្ពុជាមួយដែលមានភាពធន់ និងបរិយាប័ន្ន តាមរយៈការអភិវឌ្ឍមូលធនមនុស្ស, និងការលើកកម្ពស់សុខុមាលភាពប្រជាពលរដ្ឋក្រីក្រ ក្រុមជនងាយរងគ្រោះ និង គ្រួសារងាយរងហានិភ័យ ។ លើសពីនេះ សម្តេចធិបតី ក៏បានផ្តល់អនុសាសន៍ដល់ក្រសួងសង្គមកិច្ច អតីតយុទ្ធជន និងយុវនីតិសម្បទា និងគ្រប់ក្រសួង-ស្ថាប័នពាក់ព័ន្ធ ជាពិសេស រដ្ឋបាលថ្នាក់ក្រោមជាតិគ្រប់លំដាប់ថ្នាក់ ឱ្យបន្តជំរុញការអនុវត្តកម្មវិធីជំនួយសង្គមក្នុងកញ្ចប់គ្រួសារ និងកម្មវិធីកិច្ចគាំពារសង្គមឆ្លើយតបនឹងគ្រោះអាសន្ន ស្របតាមដែនសមត្ថកិច្ចរៀងៗខ្លួន ដែលមានវិសាលភាពគ្របដណ្តប់គ្រប់អ្នកទទួលផលទាំងអស់ ឱ្យទទួលបានលទ្ធផលតាមផែនការដែលបានគ្រោងទុក ។សម្តេចធិបតី បានបន្តទៀតថា កត្តាចម្បង គឺការមានទឹកចិត្តក្នុងការជួយដល់ប្រជាពលរដ្ឋដែលជាគ្រួសារក្រីក្រ, ក្រុមជនងាយរងគ្រោះ និងគ្រួសារងាយរងហានិភ័យ តាមរយៈការបន្តអនុវត្តនូវគោលនយោបាយជំនួយសង្គម និងការរៀបចំប្រព័ន្ធអន្តរាគមន៍នានា ហើយជាចក្ខុវិស័យរយៈពេលវែង របស់រាជរដ្ឋាភិបាល គឺការបន្តពង្រឹងការអភិវឌ្ឍប្រព័ន្ធគាំពារសង្គមនៅកម្ពុជាឱ្យកាន់តែរឹងមាំ សំដៅផ្តល់ការគាំពារជូនដល់ប្រជាពលរដ្ឋកម្ពុជាគ្រប់រូបពីអសន្តិសុខប្រាក់ចំណូល ក្នុងអំឡុងពេលប្រឈមនឹងហានិភ័យនានា ដែលអាចកើតមានឡើងនៅក្នុងវដ្ដជីវិតនីមួយៗ តាមរយៈការបន្តពង្រីកវិសាលភាពរបបសន្តិសុខសង្គម និងកម្មវិធីជាតិជំនួយសង្គមដែលមានស្រាប់ ទៅកាន់ក្រុមពលរដ្ឋដែលមិនទាន់ទទួលបានការគាំពារ ព្រមទាំង ពិនិត្យលទ្ធភាពដាក់ចេញនូវ របប ឬកម្មវិធីថ្មីៗ ទៅតាមភាពជាក់ស្តែងនៃការវិវឌ្ឍនៃសង្គម-សេដ្ឋកិច្ច ។ ជាចុងក្រោយ សម្តេចមហាបវរធិបតី បានកោតសរសើរដល់ថ្នាក់ដឹកនាំ និងមន្រ្តីរាជការនៃក្រសួងសង្គមកិច្ច អតីតយុទ្ធជន និងយុវនីតិសម្បទា, ក្រសួង-ស្ថាប័នពាក់ព័ន្ធ, ក្រុមប្រឹក្សាជាតិគាំពារសង្គម, រដ្ឋបាលថ្នាក់ក្រោមជាតិ, ដៃគូអភិវឌ្ឍន៍ និងភាគីពាក់ព័ន្ធនានា ចំពោះកិច្ចសហប្រតិបត្តិការល្អ និងការបំពេញការងារប្រកបដោយស្មារតីទទួលខុសត្រូវ និងគោរពតាមអភិក្រម «ជីវភាពនៃប្រព័ន្ធតួអង្គតែមួយ» និងបានកំពុងចូលរួមកែលម្អវិស័យសង្គមកិច្ច អតីតយុទ្ធជន និងយុវនីតិសម្បទា សំដៅជំរុញភាពធន់នៃសេដ្ឋកិច្ចគ្រួសារ, លើកកម្ពស់ជីវភាពប្រជាជន និងកាត់បន្ថយភាពក្រីក្រ តាមរយៈការគាំពារគ្រួសារក្រីក្រ, ក្រុមជនងាយរងគ្រោះ និងគ្រួសារងាយរងហានិភ័យ នៅកម្ពុជា ៕

សម្តេចធិបតីអះអាងថា រាជរដ្ឋាភិបាលមិនទុកឲ្យពលរដ្ឋណាម្នាក់ស្លាប់ ដោយសារតែខ្វះការយកចិត្តទុកដាក់ពីរដ្ឋនោះឡើយ

2024/02/06 10:09:08 am        280
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា រាជរដ្ឋាភិបាលមិនឲ្យបងប្អូន ប្រជាពលរដ្ឋណាម្នាក់ស្លាប់ដោយសារតែខ្វះការយកចិត្តទុកដាក់ពីរាជរដ្ឋាភិបាល និងរដ្ឋនោះ ឡើយ ខណៈទិសដៅរបស់រាជរដ្ឋាភិបាល អាណត្តិទី៧នេះនឹងបន្ត​ផ្តល់​ជំនួយ​សង្គមដល់​ប្រជាពលរដ្ឋ​ក្រីក្រ និងងាយរងគ្រោះបន្ថែមទៀត។ក្នុងឱកាសអញ្ជើញជាអធិបតីនៃពិធីបិទសន្និបាតបូកសរុបការងារប្រចាំឆ្នាំ របស់ក្រសួងសង្គមកិច្ច អតីត​យុទ្ធជន និងយុវនីតិសម្បទា នាព្រឹកថ្ងៃទី៦ ខែកុម្ភៈ ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋមន្រ្តីបានបញ្ជាក់ថា ដើម្បីចក្ខុវិស័យ និងក្តីស្រមៃ​របស់​ប្រជាពលរដ្ឋ​គ្រប់​រូប​នោះ រាជរដ្ឋាភិបាលអាណត្តិទី៧នេះ ក្រោមការដឹកនាំ​របស់​គ​ណបក្ស​ប្រជាជន​កម្ពុជា​ប្តេជ្ញា​បន្ត​អភិវឌ្ឍន៍​ប្រព័ន្ធគាំពារសង្គម ឲ្យមានលក្ខណៈប្រមូលផ្តុំ សុគតភាព ប្រសិទ្ធភាព សមធម៌ និង​ចេរភាព ដោយឈរលើស្មារតីមិនបោះបង់ប្រ ជាពរដ្ឋណាម្នាក់នោះឡើយ។ជាមួយគ្នានោះដែរ សម្តេចធិបតី ហ៊ុន ម៉ាណែត នាយករដ្ឋមន្រ្តី​នៃ​កម្ពុជា​បាន​ថ្លែង​អះ​អាង​ផង​ដែរ​ថា រាជរដ្ឋាភិបាលកម្ពុជាបានដោះស្រាយបញ្ហាចំទិសដៅ និងការអន្តរាគមន៍ជាច្រើន ដើម្បី​ដោះ​ស្រាយ​​ជីវភាពរស់នៅរបស់ប្រជាពលរដ្ឋ នៅក្នុង​អំឡុង​ពេល​ជួប​វិបត្តិសកល​ផ្ទួន​ៗ​នា​ពេល​កន្លង​មក ជាក់ស្តែងដូចជាបញ្ហាកូវីដ១៩ជាដើម ដោយរា​ជ​រដ្ឋាភិបាល​បាន​ចំណាយ​ថវិកា​រាប់​រយ​រាប់​ពាន់​លាន​ដុល្លារដើម្បីជួយដល់ ពលរដ្ឋរបស់ខ្លួន តាមរយៈបណ្ណសមធម៌ និងតាមរូបភាព​ផ្សេង​ៗ​មួយ​ចំនួន​ទៀត​៕ អត្ថបទ៖ បាន ចក់

សម្តេចធិបតី៖ បញ្ហាគ្រឿងញៀន ការជួញដូរមនុស្ស និងការរំលោភបំពានកុមារទាមទារឲ្យ​រាជរដ្ឋាភិបាលដោះស្រាយ​ជាចាំបាច់បំផុត

2024/02/06 09:04:35 am        409
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា បញ្ហា​សេព​គ្រឿង​ញៀន​ក្នុង​សង្គម បញ្ហាការជួញដូរមនុស្ស អំពើហិង្សាលើគ្រួសារ បញ្ហាការរំលោភបំពានលើកុមារ និងប​ញ្ហាមួយចំនួនទៀត ទាមទារឲ្យរាជរដ្ឋាភិបាលត្រូវយកចិត្តទុកដាក់ និងធ្វើការ​ដោះស្រាយ​ខ្ពស់​បំផុត។សម្តេចធិបតីបានថ្លែងថា កម្ពុជាក៏ដូចជាប្រទេសនានានៅ​លើ​ពិភព​លោក​កំពុងរងឥទ្ធិពល នៃ​ជម្លោះ​ភូមិសាស្រ្ត​នយោបាយ, ការប្រជែកឥទ្ធិលរបស់ប្រទេសមហាអំណាច, សង្រ្គាម, ការប្រែ​ប្រួល​អាកាសធាតុ និងបញ្ហាផ្សេងៗជាច្រើនទៀត ខណៈបច្ច័យ​ទាំង​នេះ​ព្រម​ទាំង​ស្ថាន​ភាព​រង​គ្រោះ និងងាយរងគ្រោះដូចជាករណីសេពគ្រឿងញៀន ការជួញដូរមនុស្ស បញ្ហាហិង្សាលើគ្រួសារ និ​ង​ការរំលោភបំពានលើកុមារ សុទ្ធតែជាបញ្ហាកង្វល់ ដែល​ទាមទារ​ឲ្យ​រាជ​រដ្ឋាភិបាល​ត្រូវ​យក​ចិត្តទុកដាក់ និងដោះស្រាយខ្ពស់បំផុត។ការលើកឡើងរបស់សម្តេចធិបតីនេះ គឺបាន​ធ្វើ​ឡើង​ក្នុង​ឱកាស​អញ្ជើញ​ជា​អធិបតី​នៃ​ពិធី​បិទ​សន្និបាត​បូក​សរុបការងារប្រចាំឆ្នាំ របស់ក្រសួងសង្គមកិច្ច អតីតយុទ្ធជន និងយុវនីតិសម្បទា នា​ព្រឹក​ថ្ងៃទី៦ ខែកុម្ភៈ ឆ្នាំ២០២៤នេះ៕ អត្ថបទ៖ បាន ចក់

សម្តេចធិបតី៖ គ្រូឯកទេសអប់រំកាយទាំង១០០រូប ទើបប្រឡងជាប់ នឹងចូលរួមជាមួយរាជរដ្ឋាភិបាលក្នុងការកែទម្រង់វិស័យអប់រំ

2024/02/06 07:52:56 am        279
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា គ្រូឯកទេសអប់រំកាយ និងកីឡាទាំង១០០រូប ដែលទើបតែប្រឡងជាប់នាពេលប៉ុន្មានថ្ងៃកន្លងទៅ នឹងក្លាយជាកាតាលីករដ៏មានសក្តានុពល និងចូលរួមជាមួយរាជរដ្ឋាភិបាល នីតិកាលទី៧ក្នុងការពង្រឹងវិស័យអប់រំ ក៏ដូចជាកសាងនូវមូលធនមនុស្ស ខណៈគ្រូទាំង១០០នាក់ គឺបានឆ្លងកាត់នៃការប្រឡងប្រកបដោយគុណាធិបតេយ្យ តម្លាភាព យុត្តិធម៌ និងបរិយាបន្ននោះ។តាមរយៈបណ្តាញសង្គមហ្វេសបុក នាព្រឹកថ្ងៃទី៦ ខែកុម្ភៈ ឆ្នាំ ២០២៤នេះ សម្តេចធិបតី ហ៊ុន ម៉ាណែត នាយករដ្ឋមន្រ្តី បានលើកឡើងថា ក្រោយពីការប្រឡងប្រជែងប្រកបដោយ គុណាធិបតេយ្យ តម្លាភាព យុត្តិធម៌ បរិយាបន្ន និងប្រសិទ្ធភាព ដែលជាគោលការណ៍ចម្បងរបស់រដ្ឋាភិបាលក្នុងការអនុវត្តប្រព័ន្ធជ្រើសរើសមន្ត្រីចូលបម្រើការងារ, ក្រសួងមុខងារសាធារណៈ និងក្រសួងអប់រំ យុវជន និងកីឡា ជ្រើសរើសបាននូវគ្រូបង្រៀនឯកទេសអប់រំកាយ និងកីឡា ចំនួន ១០០នាក់ ជាស្ថាពរ ចេញពីបេក្ខជនប្រឡងប្រជែង ចំនួន ១ ៨៩២នាក់ (ស្រី្ត ៥៧៩នាក់) ។សម្តេចធិបតី លើកឡើងទៀតថា បេក្ខជនដែលជាប់ជាស្ថាពរទាំង ១០០ នាក់ ក្នុងគោលដៅ​ខេត្តចំនួន ២១ មានដូចជា កម្រិតបណ្តុះបណ្តាល ១២+២ ចំនួន ៧៥នាក់ (ស្រ្តី ០៧ នាក់) បែងបចែកតាមបណ្តាខេត្តចំនួន២០ ក្នុងនោះ មានវិទ្យាល័យចំនួន២១ និងអនុវិទ្យាល័យចំនួន៥៤។កម្រិតបណ្តុះបណ្តាល ១២+៤ ចំនួន ២៥នាក់ ( ស្ត្រី ០១ នាក់) បែងចែកតាមបណ្តាខេត្តចំនួន ១៣ ក្នុងនោះមាន វិទ្យាល័យ ចំនួន១៥ និងអនុវិទ្យាល័យ ចំនួន ១០។សម្តេចធិបតី បានបញ្ជាក់ថា«គ្រូបង្រៀនឯកទេសអប់រំកាយ និងកីឡាទាំង ១០០រូបត្រូវបំពេញ​តាមសេចក្តីណែនាំរបស់ក្រសួងមុខងារសាធារណៈ ដើម្បីអាចក្លាយជាកាតាលីករដ៏មានសក្តានុពល និងចូលរួមជាមួយរាជរដ្ឋាភិបាល ​នីតិកាលទី៧ ក្នុងការពង្រឹងវិស័យអប់រំ ក៏ដូចជាកសាង​នូវមូលធនមនុស្ស ក្លាយជាប្រជាជនសកល​ ពោរពេញដោយសក្តានុពល និងសមត្ថភាព ស្របតាមយុទ្ធសាស្ត្របញ្ចកោណ-ដំណាក់កាលទី១ ដែលបានដាក់ឱ្យអនុវត្តនាថ្ងៃទី២៤ សីហា ២០២៣ និងផ្នែកមួយដ៏សំខាន់ ដើម្បីសម្រេច​បាននូវចក្ខុវិស័យក្លាយជាប្រទេស​ដែលមាន​ចំណូលមធ្យមកម្រិតខ្ពស់ ក្នុងឆ្នាំ២០៣០ និងក្លាយជាប្រទេសអ្នកមាន ក្នុងឆ្នា២០៥០ជាដើម»៕អត្ថបទ៖ បាន ចក់

ឯកឧត្តម គឹម រិទ្ធី អញ្ជើញជាអធិបតី ក្នុងពិធីបញ្ជុះបឋមសិលាសាងសង់អគារផ្ដល់ឈាមនៅមន្ទីរពេទ្យបង្អែក ១៦មករា

2024/02/05 05:26:27 pm        84
Facebook Telegram Linkin
នៅព្រឹកថ្ងៃទី០៥ ខែកុម្ភៈ ឆ្នាំ២០២៤ ឯកឧត្តម គឹម រិទ្ធី អភិបាលខេត្ត អញ្ជើញជាអធិប តីក្នុងពិធីបញ្ចុះបឋមសិលាសាងសង់អគារផ្តល់ឈាម ស្ថិតនៅក្នុងបរិវេណមន្ទីរពេទ្យបង្អែក១៦ មករាខេត្តព្រះវិហារ ដែលពិធីនេះ មានការចូលរួមពីលោកអភិបាលរងខេត្ត លោកអភិបាលក្រុង ប្រធាន អនុប្រធាន មន្ទីរអង្គភាពជុំវិញខេត្ត ព្រមទាំងលោកគ្រូ អ្នកគ្រូពេទ្យជាច្រើនរូប ។នាឱកាសនោះ ឯកឧត្តម គីម រិទ្ធី អភិបាលខេត្ត បានលើកឡើងថា ពិធីបញ្ចុះបឋមសិលានេះ គឺជា​សមិទ្ធផលគួរជាទីមោទនរបស់ប្រជាជនខេត្តព្រះវិហារ ទាំងមូល ដែលក្នុងមន្ទីរពេទ្យរបស់យើង​បាន​កសាងអគារផ្តល់ឈាមមួយក្នុងចំណោមសមិទ្ធផលថ្មីជាច្រើន ​ហើយអាគារផ្តល់ឈាមនេះ សម្រាប់​រក្សាទុកឈាមឲ្យបានល្អ ដើម្បីជួយសង្គ្រោះ អាយុជីវិតរបស់ប្រជាពលរដ្ឋ ដែលត្រូវការឈាម​សម្រាប់សង្គ្រោះបន្ទាន់ ។ លើសពីនេះទៅទៀតអគារផ្តល់ាឈាមនេះមានសារៈសំខាន់ខ្លាំងណាស់​ ក្នុងការផ្តល់ឈាម និង​រក្សាឈាមដែលយើង ទទួលបានពីគ្រប់មជ្ឈដ្ឋាន ដែលបានផ្តល់ឈាមជូនដល់មន្ទីរពេទ្យខេត្តរបស់​យើងពីសំណាក់ប្រជាពលរដ្ឋប្រកបដោយសុវត្ថិភាព និងប្រសិទ្ធភាពខ្ពស់ក្នុងការ​យកទៅផ្គត់ផ្គង់​ដល់បងប្អូន ​ដែលគាត់មានតម្រូវការឈាម ។គួបញ្ជាក់ថា អគារផ្តល់ឈាមថ្មីនេះមាន ទំហំ១៦ម៉ែត្រX៨ម៉ែត្រ ប្រក់ក្បឿងកម្ពស់មួយ ជាន់​តាមការគ្រោងទុក និងត្រូវបានបញ្ចប់ឲ្យបានរួចរាល់ដើមខែឧសភា​ ឆ្នាំ២០២៤ខាងមុខ ក្រោមការ​ឧបត្ថម្ភថវិកាផ្ទាល់​របស់ឯកឧត្តម គីម រិទ្ធី អភិបាលខេត្ត គឺសាងសង់​ដើម្បីធានានូវ ដំណើរការ​ផ្តល់ឈាម ដោយក្នុងនោះរួមមាន កន្លែងស្តុកឈាម ​បន្ទប់រងចាំ ​កន្លែងផលិត ផ្តល់ឈាម ក៏ដូចជា​បន្ទាប់សម្រាប់ទទួលអំណោយឈាម ។ ឈាមនិងសមាសសភាពឈាមមាន សារៈសំខាន់ណាស់ សម្រាប់​ជួយជិវិតមនុស្សឲ្យរួចផុតពីស្ថានភាពធ្ងន់ធ្ងរនៃជំងឺដូចជា៖ ​ការវះ កាត់ធំៗ ការសម្រាលកូន​មិនប្រក្រតី គ្រោះថ្នាក់ធ្ងន់ធ្ងរ ជំងឺមហារី ជំងឺខ្សោយតម្រងនោម ៕

បណ្ដាបេក្ខជនប្រធានាធិបតីឥណ្ឌូនេស៊ី ហាក់មានភាពផ្សះផ្សានៅក្នុងការជជែកដេញដោលមុនការបោះឆ្នោត

2024/02/05 02:44:35 pm        51
Facebook Telegram Linkin
បេក្ខភាពប្រធានាធិបតីរបស់ប្រទេសឥណ្ឌូនេស៊ី ហាក់មានការផ្សះផ្សាគ្នាខុសប្លែកពីធម្មតានៅក្នុងការជជែកដេញដោលតាមទូរទស្សន៍ចុងក្រោយបង្អស់ ខណៈដែលការប្រកួតប្រជែងដ៏ក្តៅគគុកដើម្បីដឹកនាំប្រទេសប្រជាធិបតេយ្យដ៏ធំបំផុតទីបីរបស់ពិភពលោកមួយនេះឈានចូលដល់ដំណាក់កាលចុងក្រោយរបស់ខ្លួន។នៅមុនការបោះឆ្នោតថ្ងៃទី១៤ ខែកុម្ភៈ រដ្ឋមន្ត្រីការពារជាតិ និងបេក្ខជនប្រធានាធិបតីនាំមុខ លោក ប្រាបូវ៉ូ ស៊ូបៀនតូ (Prabowo Subianto) អតីតអភិបាលក្រុងហ្សាកាតា លោក អានីស៍ បាស្វេដាន (Anies Baswedan) និងអតីតអភិបាលខេត្តជ្វា លោក ហ្កានចា ប្រាណូវ៉ូ (Ganjar Pranowo) បង្ហាញភាពស្និទ្ធស្នាល មិនដូចការជជែកដេញដោលគ្នាពីមុន ដែលការវាយប្រហារពាក្យសម្ដីយ៉ាងខ្លាំងក្លាចង្អុលទៅលើបេក្ខជននាំមុខ។លោករដ្ឋមន្ត្រី ប្រាបូវ៉ូ កំពុងប្រកួតក្នុងការបោះឆ្នោតជាមួយកូនប្រុសរបស់ប្រធានាធិបតីដែលជិតផុតអាណត្តិ លោក ចូកូ វីដូដូ (Joko Widodo) ដែលជាការពិតមួយបានធ្វើឱ្យប្រជាជនឥណ្ឌូនេស៊ីព្រួយបារម្ភអំពីការជ្រៀតជ្រែកផ្នែកនយោបាយ និងការងើបឡើងវិញនៃនយោបាយរាជវង្សនៅក្នុងលទ្ធិប្រជាធិបតេយ្យវ័យក្មេងមួយនេះ។លោកអតីតអភិបាលខេត្តជ្វា ហ្កានចា បានជំរុញអ្នកបោះឆ្នោតឱ្យប្រយុទ្ធប្រឆាំងនឹងនយោបាយរាជវង្ស ដោយនិយាយថាផលប្រយោជន៍របស់គ្រួសារត្រូវបានផ្តល់អាទិភាពលើសពីបញ្ហាប្រទេសជាតិ។ ទន្ទឹមនឹងនេះ លោកអតីតអភិបាលក្រុងហ្សាកាតា អានីស៍ បានរិះគន់អ្វីដែលលោកពណ៌នាថាជានយោបាយនៃកម្មវិធីជំនួយសង្គមរបស់រដ្ឋាភិបាលរបស់លោក ប្រាបូវ៉ូ ប៉ុន្តែរដ្ឋាភិបាលបានបដិសេធថាមិនមានបេក្ខជនណាម្នាក់ដែលទទួលបានអត្ថប្រយោជន៍ពីកម្មវិធីនេះ៕

ចិន រំពឹងថា នឹងមើលឃើញកំណើនអ្នកធ្វើដំណើរចូល និងចេញពីប្រទេសខ្ពស់ ក្នុងឱកាសពិធីបុណ្យចូលឆ្នាំចិនខាងមុខ

2024/02/05 02:36:55 pm        23
Facebook Telegram Linkin
រដ្ឋបាលអន្តោប្រវេសន៍ជាតិ (NIA) បាននិយាយកាលពីថ្ងៃអាទិត្យថា ប្រទេសចិនត្រូវបានគេរំពឹងថានឹងមើលឃើញការកើនឡើងនៃការធ្វើដំណើរទាំងចូលក្នុង និងចេញក្រៅប្រទេសនេះ ក្នុងអំឡុងពេលថ្ងៃឈប់សម្រាកនៃពិធីបុណ្យនិទាឃរដូវ ឬពិធីបុណ្យចូលឆ្នាំចិន នាពេលខាងមុខ ដោយត្រលប់ទៅកម្រិតមុនការរាតត្បាតជំងឺCOVID -19 កាលពីឆ្នាំ ២០១៩ ។ យោងរដ្ឋបាលអន្តោប្រវេសន៍ជាតិខាងលើ ចិនដីគោកនឹងមើលឃើញការធ្វើដំណើរជាមធ្យមប្រចាំថ្ងៃចំនួន១,៨ លាននាក់ទាំងចូល និងចេញពីប្រទេស អំឡុងពេលថ្ងៃឈប់សម្រាកចាប់ពីថ្ងៃទី ១០ ដល់ថ្ងៃទី ១៧ ខែកុម្ភៈឆ្នាំនេះ ដែលជាការកើនឡើងប្រហែល ៣,៣ ដងបើធៀបនឹងឆ្នាំមុន។ ប្រភពដដែល ប៉ាន់ប្រមាណថា លំហូរអ្នកដំណើរខ្ពស់បំផុតនៅកំពង់ផែអាកាសយានដ្ឋានអន្តរជាតិសំខាន់ៗនឹងកើតឡើងនៅចន្លោះថ្ងៃទី ៨ និង ១១ ខែកុម្ភៈ ក៏ដូចជាថ្ងៃទី ១៦ និង ១៧ ខែកុម្ភៈ ខណៈ កំពង់ផែដីគោកក្បែរនឹងតំបន់រដ្ឋបាលពិសេសហុងកុង និងតំបន់រដ្ឋបាលពិសេសម៉ាកាវ ត្រូវបានរំពឹងទុកនឹងហក់ដល់កម្រិតខ្ពស់បំផុតចាប់ពីថ្ងៃទី ១១ ដល់ ១៥ ខែកុម្ភៈ។ ដើម្បីជួយសម្រួលដល់ការធ្វើដំណើរចេញ-ចេញ ប្រកបដោយប្រសិទ្ធភាពក្នុងអំឡុងពេលថ្ងៃឈប់សម្រាក ភ្នាក់ងារអធិការកិច្ចព្រំដែនត្រូវបានណែនាំឱ្យពង្រឹងការត្រួតពិនិត្យលំហូរអ្នកដំណើរ និងបញ្ចេញព័ត៌មានពាក់ព័ន្ធឱ្យបានទាន់ពេលវេលាសម្រាប់ជាឯកសារយោងរបស់អ្នកធ្វើដំណើរ។ រដ្ឋបាលអន្តោប្រវេសន៍ជាតិ បានបន្ថែមថា បុគ្គលិកគ្រប់គ្រាន់ ត្រូវបានដាក់ពង្រាយដើម្បីធានាថា ពលរដ្ឋចិន ឆ្លងកាត់ជួរគយក្នុងរយៈពេលមិនលើសពី ៣០ នាទីឡើយ ។ លើសពីនេះ ភ្នាក់ងារត្រួតពិនិត្យព្រំដែនត្រូវបានស្នើសុំឱ្យសម្របសម្រួលជាមួយអង្គភាពពាក់ព័ន្ធ និងនាយកដ្ឋានមូលដ្ឋាន ដើម្បីគ្រប់គ្រងសកម្មភាពរបស់អ្នកដំណើរ ពង្រីកម៉ោងបោសសំអាតគយ និងផ្តល់ជំនួយចរាចរណ៍ក្នុងអំឡុងពេលធ្វើដំណើរដ៏មមាញឹកបំផុត៕

លោកស៊ី ពិនិត្យមើលកងទ័ពដែលឈរជើងនៅទីក្រុងធានជីន និងស្វាគមន៍ដល់ទាហានទាំងអស់ នៅមុនពិធីបុណ្យចូលឆ្នាំ

2024/02/05 01:56:19 pm        48
Facebook Telegram Linkin
ប្រធានាធិបតីចិន លោក ស៊ី ជីនពីង (Xi Jinping) កាលពីថ្ងៃសុក្រ បានត្រួតពិនិត្យកងទ័ពដែលឈរជើងនៅទីក្រុងធៀនជីន ( Tianjin) ភាគខាងជើងប្រទេសចិន នៅមុនពិធីបុណ្យនិទាឃរដូវ ឬបុណ្យចូលឆ្នាំ ចិន។លោកស៊ី ក៏ជាអគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តចិន (CPC) និងជាប្រធានគណៈកម្មាធិការយោធាមជ្ឈិម (CMC) បានស្វាគមន៍ដល់បុគ្គលិកបម្រើការនៃកងទ័ពរំដោះប្រជាជន និងកងកម្លាំងនគរបាលប្រដាប់អាវុធរបស់ប្រជាជន បុគ្គលិកស៊ីវិល ដែលបានបម្រើការនៅក្នុងកងកម្លាំងយោធា និងសមាជិកនៃកងជីវពល និងកងកម្លាំងបម្រុង ក្នុងនាមគណៈកម្មាធិការកណ្តាល (CPC) និង គណៈកម្មាធិការយោធាមជ្ឈិម (CMC)។នៅព្រឹកថ្ងៃសុក្រ លោកប្រធានាធិបតីស៊ី បានជួបជាមួយក្រុមតំណាងនៃទីបញ្ជាការយោធភូមិភាគធានជីន ហើយបានថតរូបក្រុមជាមួយពួកគេ។លោកបានថ្លែងថា កងទ័ពដែលឈរជើងក្នុងទីក្រុងធានជីន បានអនុវត្តយ៉ាងម៉ឺងម៉ាត់នូវសេចក្តីសម្រេចនិងការណែនាំរបស់គណៈកម្មាធិការមជ្ឈិមបក្សកុម្មុយនីស្តចិន(CPC) និង គណៈកម្មាធិការយោធាមជ្ឈិម (CMC) ក្នុងរយៈពេលមួយឆ្នាំកន្លងមក ដោយបានធ្វើឲ្យមានភាពជឿនលឿនជាក់ស្តែង ក្នុងវិស័យផ្សេងៗនៃការងារ និង បានបំពេញភារកិច្ចសំខាន់ៗបានល្អប្រសើរ។ដោយសរសើរដល់ការបំពេញការងាររបស់កងទ័ពក្នុងការជួយគាំទ្រដល់ទីក្រុងធានជីន ក្នុងកិច្ចខិតខំប្រឹងប្រែងជួយសង្គ្រោះទឹកជំនន់របស់ខ្លួន លោកស៊ី បាននិយាយថា ការរួមចំណែករបស់ពួកគេ មានសារៈសំខាន់ចំពោះការការពារអាយុជីវិត និងទ្រព្យសម្បត្តិរបស់ប្រជាជន។សម្រាប់ឆ្នាំថ្មីនេះ លោក បានជំរុញឲ្យការអនុវត្តពេញលេញនៃការគិតរបស់គណបក្សនេះលើការពង្រឹងយុទ្ធសាស្ត្រយោធា និងយោធាសម្រាប់យុគសម័យថ្មី និងការខិតខំប្រឹងប្រែង ដើម្បីសម្រេចបាននូវគោលដៅដែលបានកំណត់សម្រាប់ខួបមួយសតវត្សរ៍នៃកងទ័ពរំដោះប្រជាជនចិន នៅឆ្នាំ ២០២៧។លោកប្រធានាធិបតីស៊ី ក៏បានសង្កត់ធ្ងន់ថា នៅពេលដែលពិធីបុណ្យនិទាឃរដូវឆ្នាំ២០២៤ ខិតជិតមកដល់ កងកម្លាំងប្រដាប់អាវុធរបស់ប្រទេស គួរតែពង្រឹងការត្រៀមខ្លួនប្រយុទ្ធ ការពារសន្តិសុខជាតិ និងរក្សាស្ថិរភាពសង្គម ដើម្បីធានាឲ្យប្រជាជនមានពិធីបុណ្យនិទាឃរដូវដ៏រីករាយ និងសន្តិភាព។

លោក Bukele របស់ប្រទេសអែលសាវ៉ាឌ័រ ប្រកាសខ្លួនឯងថា ជាអ្នកទទួលជ័យជម្នះក្នុងការបោះឆ្នោតប្រធានាធិបតី

2024/02/05 01:43:34 pm        71
Facebook Telegram Linkin
ប្រធានាធិបតី លោក Nayib Bukele កាលពីថ្ងៃអាទិត្យ បានប្រកាសថាខ្លួនលោក ថាជាអ្នកទទួលជ័យជម្នះភ្លូកទឹកភ្លូកដី ក្នុងការបោះឆ្នោតប្រទេស អែល សាវ៉ាឌ័រ ដោយអះអាងថា លោកទទួលបានច្រើនជាង ៨៥ ភាគរយនៃសន្លឹកឆ្នោត ទោះបីជាមន្ត្រីបោះឆ្នោត ពុំទាន់បានបញ្ចេញលទ្ធផលណាមួយក៏ដោយ។លោក Bukele ទទួលបានការគាំទ្រខ្លាំង ក្នុងការទទួលជ័យជម្នះអាណត្តិ៥ឆ្នាំទៀត ខណៈអ្នកបោះឆ្នោតភាគច្រើនបានទុកមួយឡែកនូវការព្រួយបារម្ភ អំពីការបាត់បង់លទ្ធិប្រជាធិបតេយ្យ ដើម្បីផ្តល់ឱកាសដល់លោកសម្រាប់ការបង្ក្រាបក្រុមជនអន្ធពាលដ៏ឃោឃៅ ដែលបានធ្វើអោយសន្តិសុខប្រសើរឡើង នៅក្នុងប្រទេសអាមេរិកកណ្តាលមួយនេះ។ លោក Bukele អាយុ ៤២ ឆ្នាំបាននិយាយថាគណបក្ស ញូវ អាយឌៀ(New Ideas) របស់លោក ក៏បានទទួលតួនាទីតំណែងយ៉ាងហោចណាស់ ៥៨អសនៈ នៅក្នុងសភានីតិប្បញ្ញត្តិដែលមាន ៦០ អាសនៈរបស់ប្រទេសអែលសាវ៉ាឌ័រ ដោយលើកឡើងពីព័ត៌មានមិនទាន់ជាក់លាក់ ដែលលោកទទួលបាន។ មន្ត្រីរៀបចំការបោះឆ្នោត ពុំទាន់ធ្វើអត្ថាធិប្បាយអំពីលទ្ធផលនេះនៅឡើយ។ មណ្ឌលបោះឆ្នោត បានបិទនៅម៉ោង៥ល្ងាច ប្រហែលពីរម៉ោងមុនពេល លោក Bukele អះអាងទទួលបានជ័យជម្នះ។ បច្ចុប្បន្ន លោក Bukele ហាក់ទំនងជាត្រៀមខ្លួនដើម្បីក្លាយជាប្រធានាធិបតីអែលសាវ៉ាឌ័រ ដំបូងគេក្នុងរយៈពេលជិតមួយសតវត្សរ៍មកនេះ ដែលបានជាប់ឆ្នោតជាថ្មី។លោក Bukele មានប្រជាប្រិយភាពខ្លាំង បានធ្វើយុទ្ធនាការលើភាពជោគជ័យនៃយុទ្ធសាស្រ្តសន្តិសុខរបស់លោក ដែលអាជ្ញាធរ បានផ្អាកសេរីភាពស៊ីវិល ដើម្បីចាប់ខ្លួនពលរដ្ឋអែលសាវ៉ាឌ័រ ជាង ៧៥.០០០នាក់ ដោយគ្មានបទចោទប្រកាន់។ ការឃុំខ្លួន បាននាំឱ្យមានការថយចុះយ៉ាងគំហុក នៃអត្រាឃាតកម្មនៅទូទាំងប្រទេស និងបានប្រែក្លាយប្រទេសមានប្រជាជន ៦,៣ លាននាក់ ដែលធ្លាប់ជាប្រទេសគ្រោះថ្នាក់បំផុតលើពិភពលោក។

លោកស្រី នីគីហាលី ព្រមានថាអាមេរិក នឹងមិនអាចរស់បានឡើងសម្រាប់រយៈពេល៤ឆ្នាំនៃសកម្មភាពចលាចលរបស់លោក Trump

2024/02/05 01:40:37 pm        126
Facebook Telegram Linkin
បេក្ខជនប្រធានាធិបតីមកពីគណបក្សសាធារណរដ្ឋលោកស្រី នីគី ហាលី (Nikki Haley) បានរៀបចំព្រឹត្តិការណ៍ប្រមូលផ្ដុំមួយនៅក្នុងទីក្រុង ឆាឡេស្ទូន(Charleston)នៃរដ្ឋ South Carolina ដែលរដ្ឋកំណើតរបស់លោកស្រីកាលពីថ្ងៃអាទិត្យ ទី៤ខែកុម្ភៈ ។ បន្ទាប់ពីត្រូវបានរំខានមួយសន្ទុះដោយសាធារណជនម្នាក់ចេញពីការជួបជុំ លោកស្រីហាលី បានបន្តសុន្ទរកថាដោយផ្ដោតលើការវាយប្រហារប្រឆាំងនឹងលោក Donald Trump និងលោកប្រធានាធិបតី Joe Biden ដែលក្លាយជាការរិះគន់ចំៗ អំពីវ័យរបស់លោកទាំង២។ លោកស្រី បាននិយាយថា លោកស្រី នឹងមិនទៅណាទេ គូប្រជែងចុងក្រោយរបស់លោក Trump ដែល ខឹងសម្បារ ចំពោះអតីតប្រធានាធិបតីរូបនេះ ដោយការច្រានចោលការទម្លាក់ចោលការប្រកួតប្រជែងរបស់លោកស្រី បន្ទាប់ពីជំន័យជម្នះរបស់លោកនៅរដ្ឋ អាយអូវ៉ា (Iowa) និងរដ្ឋ ញូវហែមស៊រ ( New Hampshire)បានហុចឱកាសឲ្យលោកាន់តែណែន លើការតែងតាំងជាបេក្ខភាពនិង ទំនងជាត្រូវបានកំណត់ថារូបលោកនឹងក្លាយជាគូប្រជែងជាថ្មីក្នុងការបោះឆ្នោតសកលជាមួយលោក ប្រធានាធិបតី Joe Biden មកពីគណបក្សប្រជាធិបតេយ្យនៅខែវិច្ឆិកាខាងមុខនេះ។ លោកស្រីហាលី បន្តការវាយប្រហារបន្ថែមទៀតលើអតីតប្រធានាធិបតីរូបនេះ ដោយការព្រមានពីភាពចលាចលដោយសាររូបលោក ក្នុងរយៈពេល៤ឆ្នាំ ហើយថាសហរដ្ឋអាមេរិក នឹងមិនអាចរស់បានទេ ប្រសិនបើលោក Trump ត្រូវបានជាប់ឆ្នោតក្លាយជាប្រធានាធិបតីអាមេរិកនោះ៕

បណ្ដាញសង្គម

ព័ត៌មានថ្មីៗ

ឯកឧត្តម គីម វីរៈ ដឹកនាំក្រុមការងារចុះពិនិត្យ និងនាំស្បៀងមួយចំនួនចែកជូនពលរដ្ឋភៀសសឹក ក្នុងខេត្តព្រះវិហារ
07/27/2025 12:07 AM
Facebook Telegram Linkin
TOP STORY | ឯកឧត្តម ហេង រតនា៖ ចោរសៀមចិញ្ចឹមចិត្ត បើអញលួចប្លន់ប្រាសាទព្រះវិហារមិនបានទេ គឺត្រូវបំផ្លាញ និងកម្ទេចចោលតែម្តង!
07/26/2025 11:07 PM
Facebook Telegram Linkin
TOP STORY | ក្រសួងការពារជាតិកម្ពុជា ប្រកាសច្រានចោល និងថ្កោលទោសយ៉ាងដាច់អហង្ការ ចំពោះការចោទប្រកាន់មិនពិត និងមានចរិតព្យាបាទពីសំណាក់ថៃ
07/26/2025 09:07 PM
Facebook Telegram Linkin
TOP STORY | អ្នកនាំពាក្យសម្ដេចតេជោ៖ ថ្ងៃទី៣នៃសត្រូវឈ្លានពាន តេជោសែន បន្តផ្តល់ប្រឹក្សាយុទ្ធសាស្រ្តយោធាដល់សម្តេចធិបតី និងបណ្តាមេទ័ពដើម្បីវាយខ្មាំងដោយភាពហានក្លា
07/26/2025 08:07 PM
Facebook Telegram Linkin
ឯកឧត្តម ឌិត ទីណា បន្តសួរសុខទុក្ខប្រជាពលរដ្ឋជម្លៀសពីតំបន់ព្រំដែនអូរបីជាន់
07/26/2025 06:07 PM
Facebook Telegram Linkin
ក្រុមយុវជននាំគ្នារៀបចំចម្អិនម្ហូបជូនជនភៀសសឹក ដែលគេចពីតំបន់សមរភូមិវាយប្រហាររបស់កងទ័ពថៃ ក្នុងខេត្តឧត្តរមានជ័យ
07/26/2025 06:07 PM
Facebook Telegram Linkin
សិក្ខាកាមវគ្គអប់រំនយោបាយកម្រិត១វគ្គជំនាន់៨១របស់គណបក្សប្រជាជនកម្ពុជានាំយកអំណោយចែកជូននគរបាលការពារបេតិកភណ្ឌប្រាសាទព្រះវិហារ
07/26/2025 05:07 PM
Facebook Telegram Linkin
ប្រធាន IAEA ត្រូវលើកទឹកចិត្តដោយការសម្រេចចិត្តរបស់អ៊ីរ៉ង់ ឲ្យមកទស្សនកិច្ចប្រទេសនេះ នៅប៉ុន្មាន សប្តាហ៍ខាងមុខ
07/26/2025 05:07 PM
Facebook Telegram Linkin
មនុស្សយ៉ាងតិច ៨នាក់ បានស្លាប់ និង ១៣នាក់ បានរងរបួស នៅក្នុងការវាយប្រហារ «ភេរវកម្ម» នៅភាគអាគ្នេយ៍អ៊ីរ៉ង់
07/26/2025 05:07 PM
Facebook Telegram Linkin
ខ្មែរជួយខ្មែរ៖ ក្រសួងកសិកម្ម បន្តនាំយកបន្លែចំនួន ៣តោនបន្ថែមទៀតជូនប្រជាពលរដ្ឋនៅជំរុំភៀសសឹកខេត្តឧត្ដរមានជ័យ
07/26/2025 05:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.