នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុនហ្វីលីពីន បង្ហាញការចាប់អារម្មណ៍ខ្ពស់ក្នុងការស្វែងរកកាលានុវត្តភាពវិនិយោគនៅកម្ពុជា
កម្ពុជា-ម៉ាឡេស៊ី ប្ដេជ្ញាជំរុញកិច្ចសហប្រតិបត្តិការទ្វេភាគីឱ្យកាន់តែស៊ីជម្រៅ និង ទូលំទូលាយបន្ថែមទៀត
សម្តេចធិបតីនាយករដ្ឋមន្ត្រី អនុញ្ញាតជូន ប្រធានសភាពាណិជ្ជកម្ម និងឧស្សាហកម្មហ្វីលីពីន ចូលជួបសំដែងការគួរសម និងពិភាក្សាការងារ
កម្ពុជា-ឡាវ-វៀតណាម ឯកភាពបន្តជំរុញកិច្ចសហប្រតិបត្តិការលើគ្រប់វិស័យឱ្យកាន់តែជិតស្និទ្ធ

នយោបាយ​ និង ការអភិវឌ្ឍន៍

សហភាពអឺរ៉ុប មិនសូវគាំទ្រគំនិតនៃការប្រើប្រាស់ទ្រព្យសម្បត្តិបង្កករបស់រុស្ស៊ី ជាទ្រព្យបញ្ចាំឲ្យអ៊ុយក្រែន

2024/02/07 03:02:18 pm        111
Facebook Telegram Linkin
ក្រុមមន្ត្រីអឺរ៉ុប បាននិយាយថាប្រទេសបែលហ្ស៊ិក បានស្នើទៅក្រុមប្រទេសទាំងប្រាំពីរ (G7) ដើម្បីប្រើប្រាស់ទ្រព្យសកម្មរបស់ធនាគារកណ្តាលរុស្ស៊ី ដែលជាប់គាំង ជាទ្រព្យបញ្ចាំដើម្បីបង្កើនបំណុលសម្រាប់ការកសាងអ៊ុយក្រែនឡើងវិញ ប៉ុន្តែគំនិតនេះមិនមានការគាំទ្រពីអឺរ៉ុបច្រើនទេ។បែលហ្ស៊ិក មិនមែនជាផ្នែកនៃក្រុម G7 ដែលរួមមានសហរដ្ឋអាមេរិក ជប៉ុន កាណាដា អង់គ្លេស បារាំង អាល្លឺម៉ង់ និងអ៊ីតាលី ទេ ប៉ុន្តែបានក្លាយជាផ្នែកមួយនៃការពិភាក្សាអំពីជំហានដែលត្រូវធ្វើ ជាមួយទ្រព្យសម្បត្តិរបស់រុស្ស៊ី ដែលត្រូវបង្កកដោយលោកខាងលិច បន្ទាប់ពីការលុកលុយរបស់ទីក្រុងមូស្គូ លើអ៊ុយក្រែន ព្រោះប្រាក់ភាគច្រើនត្រូវបានជាប់គាំងនៅបែលហ្ស៊ិក។យោងតាមគណៈកម្មាការអឺរ៉ុបបានឲ្យដឹងថា ទ្រព្យសម្បត្តិរុស្ស៊ីជាង ២៦៩ ពាន់លានអឺរ៉ូ ដែលស្មើនឹង ២៨៨.៨៥ពាន់លានដុល្លារ នៃទ្រព្យសម្បត្តិរបស់រុស្ស៊ីសរុប ត្រូវបានរារាំងនៅក្នុងបណ្ដាប្រទេស G7 សហភាពអឺរ៉ុប និងអូស្ត្រាលី ដែលក្នុងនោះប្រាក់ ២០០ ពាន់លានអឺរ៉ូស្ថិតនៅក្នុងសហភាពអឺរ៉ុប ហើយភាគច្រើននៅក្នុងប្រទេសបែលហ្ស៊ិក។កាលពីខែធ្នូ សហរដ្ឋអាមេរិក ដែលមិនអាចយល់ព្រមលើជំនួយហិរញ្ញវត្ថុថ្មីដល់អ៊ុយក្រែនទេដោយសារតែជម្លោះនយោបាយក្នុងប្រទេស បានលើកឡើងគំនិតនៃការរឹបអូសប្រាក់រុស្ស៊ី ដែលជាប់គាំងនេះ ហើយប្រគល់ប្រាក់ទាំងនោះទៅឲ្យទីក្រុងគីវ ដើម្បីចាប់ផ្ដើមគម្រោងសាងសង់ឡើងវិញរបស់ខ្លួន៕

អ៊ីរ៉ាក់ និងហូឡង់ ពិភាក្សាអំពីទំនាក់ទំនង និងកិច្ចសហប្រតិបត្តិការសន្តិសុខ

2024/02/07 02:55:48 pm        102
Facebook Telegram Linkin
មន្ត្រីជាន់ខ្ពស់អ៊ីរ៉ាក់កាលពីថ្ងៃអង្គារ បានផ្លាស់ប្តូរទស្សនៈជាមួយរដ្ឋមន្ត្រីការបរទេសហូឡង់ លោកស្រី ហានកេ ប្រូនអ៊ីន ស្លូត (Hanke Bruins Slot) ស្តីពីទំនាក់ទំនងទ្វេភាគី និងកិច្ចសហប្រតិបត្តិការសន្តិ សុខ។សេចក្តីថ្លែងការណ៍មួយពីការិយាល័យប្រព័ន្ធផ្សព្វផ្សាយរបស់ខ្លួន បាននិយាយថា នាយករដ្ឋមន្ត្រីអ៊ីរ៉ាក់លោក ម៉ូហាម៉េ សៀ អាល់-ស៊ុដានី ( Mohammed Shia al-Sudani) បានជួបជាមួយលោកស្រី ស្លូត និងគណៈប្រតិភូអមដំណើររបស់លោកស្រីនៅក្នុងការិយាល័យរបស់លោក ដែលជាកន្លែងដែលលោក បានសង្កត់ធ្ងន់លើសារៈសំខាន់នៃការពង្រឹងទំនាក់ទំនងទ្វេភាគីនៅកម្រិត និងវិស័យផ្សេងៗ។លោកអាល់ ស៊ុដានី បាននិយាយថា រដ្ឋាភិបាលអ៊ីរ៉ាក់ ចង់បន្តកិច្ចសហប្រតិបត្តិការជាមួយបេសកកម្មរបស់អង្គការសន្ធិសញ្ញាអាត្លង់ទិកខាងជើង (NATO) នៅក្នុងប្រទេសអ៊ីរ៉ាក់ ខណៈដែលប្រទេសហូឡង់ គ្រោងនឹងឡើងកាន់តំណែងជាប្រធានាធិបតី នៅពាក់កណ្តាលខែឧសភា។លោក បានសង្កត់ធ្ងន់លើតម្រូវការក្នុងការរក្សាទំនាក់ទំនងផ្ទាល់ជាមួយបេសកកម្មរបស់អង្គការណាតូ រួមជាមួយនឹងការចាប់ផ្តើមកិច្ចសន្ទនារវាងអ៊ីរ៉ាក់ និងក្រុមចម្រុះអន្តរជាតិដឹកនាំដោយសហរដ្ឋអាមេរិក ដែលមានគោលបំណងបញ្ចប់ភារកិច្ចរបស់ក្រុមចម្រុះ ក្នុងការជួយអ៊ីរ៉ាក់ប្រយុទ្ធប្រឆាំងនឹងក្រុមភេរវកររដ្ឋអ៊ីស្លាម (IS)។ សេចក្តីថ្លែងការណ៍នោះ បានឲ្យដឹងថា លោកអាល់ស៊ុដានី បានបញ្ជាក់ថា អ៊ីរ៉ាក់ក៏មានបំណងចង់បន្តការពិភាក្សា និងការសម្របសម្រួលជាមួយអង្គការណាតូ ដើម្បីសម្រេចចិត្តលើការហ្វឹកហ្វឺន និងផ្តល់ប្រឹក្សាដល់កងកម្លាំងសន្តិសុខអ៊ីរ៉ាក់ ជាពិសេសលើការកែលម្អយ៉ាងច្បាស់នូវសមត្ថភាពរបស់កងកម្លាំងប្រដាប់អាវុធអ៊ីរ៉ាក់ ដើម្បីកម្ចាត់ក្រុម IS ដែលនៅសេសសល់ បង្កការគំរាមកំហែងដល់អ៊ីរ៉ាក់។សេចក្តីថ្លែងការណ៍ បានបន្ថែមថា សម្រាប់ផ្នែករបស់ខ្លួននោះ លោកស្រី រដ្ឋមន្ត្រីការបរទេសហូឡង់ បានសម្តែងការគាំទ្ររបស់លោកស្រីសម្រាប់ការបន្តកិច្ចសន្ទនារវាងអ៊ីរ៉ាក់ និងក្រុមចម្រុះអន្តរជាតិ ដើម្បីបញ្ចប់បេសកកម្មរបស់ក្រុមចម្រុះ ហើយឈានទៅរកទំនាក់ទំនងទ្វេភាគីពេញលេញ។

ប្រទេសជប៉ុន នឹងបង្កើនវិធានការប្រឆាំងជំងឺប៉េសជ្រូកអាហ្វ្រិក

2024/02/07 02:50:08 pm        96
Facebook Telegram Linkin
ក្រសួងកសិកម្មរបស់ប្រទេសជប៉ុន បានសម្រេចបង្កើនវិធានការ ក្នុងគោលបំណងទប់ស្កាត់វីរុសសត្វជ្រូកដែលកំពុងរាលដាលនៅក្នុងប្រទេសកូរ៉េខាងត្បូង។ មន្ត្រីក្រសួង និយាយថា អ្នកចូលមកប្រទេសជប៉ុន នឹងត្រូវឲ្យបាញ់ថ្នាំស្បែកជើងរបស់ពួកគេនៅអាកាសយានដ្ឋាន និងកំពង់ផែសមុទ្រ ដើម្បីប្រឆាំងជំងឺប៉េសជ្រូកអាហ្រ្វិក។ ពួកគេនិយាយថា យានយន្តដែលមកតាមសាឡាង ក៏នឹងត្រូវធ្វើអនាម័យ។មន្ត្រីក្រសួង បាននិយាយថា វីរុសនេះ បានរាលដាលនៅក្នុងទីក្រុងប៊ូសាន ភាគអាគ្នេយ៍របស់ប្រទេសកូរ៉េខាងត្បូង ចាប់តាំងពីខែធ្នូ ឆ្នាំមុន។ សត្វជ្រូក និងសត្វជ្រូកព្រៃ ស្ទើរតែទាំងអស់ ដែលកើតជំងឺនេះបានងាប់ ទោះបីវាមិនបានឆ្លងមកមនុស្សក៏ដោយ។ ប្រទេសជប៉ុន មិនទាន់រាយការណ៍ពីករណីឆ្លងណាមួយនៅឡើយទេ។ ប៉ុន្តែការខ្វះខាតវ៉ាក់សាំងមានប្រសិទ្ធភាព បង្កើនឱ្យមានការព្រួយបារម្ភអំពីការបំផ្លាញដែលអាចកើតមាន ដែលការផ្ទុះឡើងវីរុសអាចនាំទៅដល់សត្វចិញ្ចឹម។មន្ត្រីក្រសួង និយាយថា ជ្រូកព្រៃដែលឆ្លងវីរុស ត្រូវបានរកឃើញនៅជិតចំណតសាឡាងរបស់ប្រទេសកូរ៉េខាងត្បូង ដែលតភ្ជាប់ទៅកាន់ទីក្រុង គីយូស្ស៊ុ(Kyushu) របស់ប្រទេសជប៉ុន និងគោលដៅផ្សេងៗទៀត។ ក្រសួង មានការព្រួយបារម្ភថា នៅថ្ងៃឈប់សម្រាកបុណ្យចូលឆ្នាំ នឹងឃើញមានភ្ញៀវទេសចរជាបន្តបន្ទាប់ ធ្វើដំណើរចូលទៅក្នុងប្រទេសជប៉ុន។ ក្រសួងនឹងធ្វើការជាមួយរដ្ឋាភិបាលខេត្ត ដើម្បីជំរុញអ្នកចិញ្ចឹមសត្វឱ្យមានការប្រុងប្រយ័ត្ន។រដ្ឋមន្ត្រីក្រសួងកសិកម្ម លោក សាកូម៉ូតុ តេតស៊ុស្សី(Sakamoto Tetsushi) បាននិយាយថា ហានិភ័យនៃជំងឺ ដែលចូលមកក្នុងប្រទេសជប៉ុន បានកើនឡើងដល់កម្រិតដែលមិនធ្លាប់មានពីមុនមក។ លោកនិយាយថា លោកនឹងធ្វើការដើម្បីការពារប្រឆាំងវីរុស ដោយការជំរុញការយល់ដឹងពីវិបត្តិនេះ។

អ្នកជំនាញ៖ បម្រែបម្រួលអាកាសធាតុ និងបាតុភូតអែលនីញ៉ូ គឺជាគន្លឹះដើម្បីយល់ពីចំហេះព្រៃនៅឈីលីខណៈ១៣១នាក់ស្លាប់

2024/02/07 02:44:43 pm        91
Facebook Telegram Linkin
យោងតាមអ្នកវិទ្យាសាស្ត្រ និងអ្នកវិភាគ បានឲ្យដឹងថា បម្រែបម្រួលអាកាសធាតុ និងបាតុភូតអែលនីញ៉ូ( El Nino) គឺជាគន្លឹះដើម្បីស្វែងយល់ពីចំហេះព្រៃដ៏ខ្លាំងក្លានៅប្រទេសឈីលី ដែលបានឆក់យកជីវិតមនុស្ស ១៣១នាក់ ជាគ្រោះមហន្តរាយធម្មជាតិអាក្រក់បំផុតរបស់ប្រទេសឈីលី ក្នុងរយៈពេលជាច្រើនឆ្នាំ មកនេះ។អ្នកវិទ្យាសាស្ត្រ និយាយថា កត្តាជំរុញចម្បងគឺសាមញ្ញ ព្រោះតែសីតុណ្ហភាពកាន់តែឡើងកម្តៅខ្លាំង។ អ្នកជំនាញនិយាយថា នេះជាផ្នែកនៃមូលហេតុដែលចំហេះព្រៃ បានរាលដាលរហូតមកដល់ពេលនេះ ហើយយ៉ាងលឿន មានខ្យល់បក់ខ្លាំង។លោក រ៉ូល ខ ឌឺរ៉ូ(Raul Cordero) អ្នកជំនាញអាកាសធាតុនៅសាកលវិទ្យាល័យ Santiago និយាយថា ខ្យល់រដូវក្តៅបក់ខ្លាំង គឺជារឿងធម្មតានៅភាគកណ្តាលប្រទេសឈីលី ប៉ុន្តែសីតុណ្ហភាពបច្ចុប្បន្ន កាន់តែឡើងខ្ពស់ ជាងច្រើនទសវត្សរ៍កន្លងទៅនេះ។លោកណាហ៊ូអ៊ែល អារេណាស់(Nahuel Arenas) ប្រធានការិយាល័យអង្គការសហប្រជាជាតិទទួលបន្ទុកការកាត់បន្ថយហានិភ័យគ្រោះមហន្តរាយនៅទ្វីបអាមេរិក និងតំបន់សមុទ្រការ៉ាអ៊ីប បានកត់សម្គាល់ថា តំបន់នេះកំពុងឆ្លងកាត់ដោយបាតុភូតអែលនីញ៉ូ(El Nino) នៅពេលដែលសីតុណ្ហភាពទឹកក្តៅខុសប្រក្រតី នៅឆ្នេរសមុទ្រប៉ាស៊ីហ្វិកនៅអាមេរិកខាងត្បូង ធ្វើឱ្យប៉ះពាល់ដល់គំរូអាកាសធាតុសកល ដែលរួមចំណែកធ្វើឱ្យសីតុណ្ហភាពកាន់តែក្តៅឡើង។

កម្ពុជា និងថៃ ឯកភាពដំឡើងកម្រិតទំនាក់ទំនងទ្វេភាគីពី “ការពង្រឹងភាពជាដៃគូដើម្បីសន្ដិភាព និងវិបុលភាព” ទៅជា “ភាពជាដៃគូយុទ្ធសាស្ត្រ”

2024/02/07 02:30:52 pm        234
Facebook Telegram Linkin
នាព្រឹកថ្ងៃទី០៧ ខែកុម្ភៈ ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានជួបប្រជុំពិភាក្សាការងារទ្វេភាគីជាមួយ ឯកឧត្តម សេដ្ឋា ថាវីស៊ីន (Srettha Thavisin) នាយករដ្ឋមន្រ្តី នៃព្រះរាជាណាចក្រថៃ ក្នុងឱកាសនៃដំណើរបំពេញទស្សនកិច្ចផ្លូវការ នៅព្រះរាជាណាចក្រថៃ។ក្នុងជំនួបនេះ ឯកឧត្តម សេដ្ឋា ថាវីស៊ីន បានសម្តែងនូវកិច្ចស្វាគមន៍ចំពោះការអញ្ជើញបំពេញទស្សនកិច្ចផ្លូវការជាលើកទី១ ក្នុងនាមជានាយករដ្ឋមន្ត្រីរបស់ សម្តេចធិបតី ហ៊ុន ម៉ាណែត និងគណៈប្រតិភូជាន់ខ្ពស់ នៃរាជរដ្ឋាភិបាលកម្ពុជា នៅក្នុងព្រះរាជាណាចក្រថៃ។ ទន្ទឹមនឹងនេះ ឯកឧត្តមនាយករដ្ឋមន្ត្រី បានធ្វើការគូសបញ្ជាក់ថា តាមរយៈដំណើរទស្សនកិច្ចរបស់ សម្តេចធិបតី នាឱកាសនេះ ទំនាក់ទំនងទ្វេភាគីកម្ពុជា-ថៃ នឹងកាន់តែរីកចម្រើនរឹងមាំ។ សម្តេចធិបតី បានសម្តែងនូវក្តីរីករាយចំពោះជំនួបពិភាក្សាការងារទ្វេភាគីនេះ និងបានថ្លែងអំណរគុណ ឯកឧត្តមនាយករដ្ឋមន្ត្រីថៃ ដែលបានទទួលបដិសណ្ឋារកិច្ចស្វាគមន៍យ៉ាងកក់ក្តៅចំពោះដំណើរទស្សនកិច្ចផ្លូវការលើកទី១ របស់ សម្តេចធិបតី ក្នុងនាមជានាយករដ្ឋមន្ត្រី នៅព្រះរាជាណាចក្រថៃ នាឱកាសនេះ។ សមភាគីទាំងពីរ បានវាយតម្លៃខ្ពស់លើលទ្ធផលនៃកិច្ចសហប្រតិបត្តិការទ្វេភាគីកន្លងមក និងបានផ្លាស់ប្ដូរយោបល់ពីការពង្រឹង និងពង្រីកកិច្ចសហប្រតិបត្តិការរវាងប្រទេសទាំងពីរ លើវិស័យជាច្រើន ដែលរួមមាន៖ វិស័យនយោបាយ សេដ្ឋកិច្ច ការពារជាតិ សន្ដិសុខ ពាណិជ្ជកម្ម វិនិយោគ ទេសចរណ៍ ការងារ និងវិស័យថាមពល។ ក្នុងក្របខ័ណ្ឌ នៃការពង្រឹងទំនាក់ទំនងនយោបាយ និងការទូត សមភាគីទាំងពីរ បានឯកភាពលើការតំឡើងកម្រិតទំនាក់ទំនងទ្វេភាគី ពី “ការពង្រឹងភាពជាដៃគូដើម្បីសន្ដិភាព និងវិបុលភាព” ទៅជា “ភាពជាដៃគូយុទ្ធសាស្ត្រ” ដើម្បីផលប្រយោជន៍ទៅវិញទៅមក សម្រាប់ជាតិ និងប្រជាជននៃប្រទេសទាំងពីរ។ ទន្ទឹមគ្នានេះ សមភាគីទាំងពីរ ក៏បានពិភាក្សាអំពីកិច្ចការក្នុងតំបន់ និងសកល ដោយបានបង្ហាញនូវការពេញចិត្តចំពោះការគាំទ្រគ្នាទៅវិញទៅមកនៅលើវេទិកាអន្តរជាតិ និងការជំរុញកិច្ចសហប្រតិបត្តិការក្នុងការប្រយុទ្ធប្រឆាំងនឹងឧក្រិដ្ឋកម្មឆ្លងដែន ការបោកប្រាស់តាមប្រព័ន្ធអនឡាញ និងការកសាងព្រំដែនប្រទេសទាំងពីរទៅជាព្រំដែនសន្ដិភាព និងវិបុលភាព។ដោយឡែក នៅក្នុងឱកាសនៃជំនួបនេះផងដែរ ថ្នាក់ដឹកនាំទាំងពីរក៏បានអញ្ជើញចូលរួមជាអធិបតី ក្នុងពិធីចុះ​ហត្ថលេខា​ និងផ្លាស់ប្តូរឯកសារកិច្ចសហប្រតិបត្តិការចំនួន ៥ រួមមាន៖ ១-អនុស្សរណៈនៃការយោគយល់គ្នាស្តីពីកិច្ចសហប្រតិបត្តិការលើវិស័យនៃការកាត់បន្ថយហានិភ័យគ្រោះមហន្តរាយ និងការឆ្លើយតបគ្រោះអាសន្ន រវាងគណៈកម្មាធិការជាតិគ្រប់គ្រងគ្រោះមហន្តរាយកម្ពុជា និងក្រសួងមហាផ្ទៃថៃ; ២-អនុស្សរណៈនៃការយោគយល់គ្នាស្តីពីកិច្ចសហប្រតិបត្តិការលើវិស័យសិក្សាធិការ វិទ្យាសាស្រ្ត និងបច្ចេកវិទ្យា រវាងក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍កម្ពុជា និងក្រសួងឧត្តមសិក្សា វិទ្យាសាស្រ្ត ស្រាវជ្រាវ និងនវានុវត្តន៍ថៃ; ៣-អនុស្សរណៈនៃការយោគយល់គ្នាស្តីពីទំនិញឆ្លងកាត់ រវាងអគ្គនាយកដ្ឋានគយ និងរដ្ឋាករកម្ពុជា និងនាយកដ្ឋានគយថៃ; ៤-អនុស្សរណៈនៃការយោគយល់គ្នារវាងសភាពាណិជ្ជកម្មកម្ពុជា និងធនាគារនាំចេញ-នាំចូលថៃ; ៥-អនុស្សរណៈនៃការយោគយល់គ្នារវាងសភាពាណិជ្ជកម្មកម្ពុជា និងគណៈកម្មាធិការពាណិជ្ជកម្មថៃ ៕

នាយករដ្ឋមន្ត្រីកម្ពុជា-ថៃ អញ្ជើញជាអធិបតីភាព ក្នុងពិធីចុះអនុស្សរណៈយោគយល់គ្នា លើឯកសារចំនួន ៥

2024/02/07 01:34:33 pm        267
Facebook Telegram Linkin
នាព្រឹកថ្ងៃទី៧ ខែកុម្ភៈ ឆ្នាំ២០២៤ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងឯកឧត្តម សេដ្ឋា ថាវីស៊ីន (Srettha Thavisin) នាយករដ្ឋមន្ត្រីនៃព្រះរាជាណាចក្រថៃ បានអញ្ជើញជាអធិបតីភាព ក្នុងពិធីចុះអនុស្សរណៈយោគយល់គ្នា លើឯកសារ ចំនួន ៥ រួមមាន៖ ១- អនុស្សរណៈនៃការយោគយល់គ្នាស្តីពី កិច្ចសហប្រតិបត្តិការ លើវិស័យកាត់បន្ថយហានិភ័យគ្រោះមហន្តរាយ និងការឆ្លើយតប គ្រោះអាសន្ន រវាង គណៈកម្មាធិការជាតិគ្រប់គ្រងគ្រោះមហន្តរាយកម្ពុជា និងក្រសួងមហាផ្ទៃថៃ២- អនុស្សរណៈនៃការយោគយល់គ្នាស្តីពី កិច្ចសហប្រតិបត្តិការ លើវិស័យ សិក្សាធិការ វិទ្យាសាស្ត្រ និងបច្ចេកវិទ្យា រវាង ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍កម្ពុជា និងក្រសួងឧត្តមសិក្សា វិទ្យាសាស្ត្រ ស្រាវជ្រាវ និងនវានុវត្តន៍ថៃ៣- អនុស្សរណៈនៃការយោគយល់គ្នាស្តីពី ទំនិញឆ្លងកាត់ រវាង អគ្គនាយកដ្ឋានគយ និងរដ្ឋាករកម្ពុជា និងនាយកដ្ឋានគយថៃ៤- អនុស្សរណៈនៃការយោគយល់គ្នារវាង សភាពាណិជ្ជកម្មកម្ពុជា និងធនាគារនាំចេញ-នាំចូលថៃ៥- អនុស្សរណៈនៃការយោគយល់គ្នារវាង សភាពាណិជ្ជកម្មកម្ពុជា និងគណៈកម្មាធិការពាណិជ្ជកម្មថៃ

យុវជនសង្គមស៊ីវិល អំពាវនាវឲ្យប្រុងប្រយ័ត្តខ្ពស់ចំពោះក្រុមទណ្ឌិតខុសច្បាប់ជ្រុលនិយមមួយចំនួន

2024/02/07 01:06:45 pm        315
Facebook Telegram Linkin
ក្រុមយុវជនសង្គមស៊ីវិល និងក្រុមពលរដ្ឋនៅសេដ្ឋកិច្ចក្រៅប្រព័ន្ធ អំពាវនាវឲ្យប្រុងប្រយ័ត្តខ្ពស់ចំពោះក្រុមប្រឆាំងទណ្ឌិតខុសច្បាប់ និងក្រុមសង្គមស៊ីវិល (NGOs) ជ្រុលនិយមមួយចំនួនដែលកំពុងធ្វើសម្មភាពផ្ទុយនឹងច្បាប់ និងរួមគ្នាកម្ចាត់មនោគមវិជ្ជាខ្មៅកខ្វក់ចេញពីកម្ពុជា។ក្រុមយុវជនសង្គមស៊ីវិល និងតំណាងក្រុមសេដ្ឋកិច្ចក្រៅប្រព័ន្ធបានចេញសេចក្តីថ្លែងការណ៍ថ្កោលទោស ក្រុមប្រឆាំងជ្រុលនិយម និងធ្វើការំពាវនាវដល់បណ្តាលគណបក្សនយោបាយនានា ប្រមូលកម្លាំងជាតិ ទាំងមូលដើម្បីចូលរួមកម្ចាត់នយោបាយខ្មៅកខ្វក់ជ្រុលនិយម ដើម្បីបន្តរក្សាបាននូវស្ថិរភាពសុខសន្តិភាព និងការអភិវឌ្ឍពេញលេញរបស់កម្ពុជា។ លោក ហេង សំណាង ប្រធានបណ្ដុំអង្គការសង្គមស៊ីវិល និងតំណាងក្រុមសេដ្ឋកិច្ចក្រៅប្រព័ន្ធនៃសមាគមយុវជនខ្មែរមហានគរបានប្រកាសថ្កោលទោសលើទណ្ឌិតភៀសខ្លួនក្រៅប្រទេសខុសច្បាប់ តែងតែធ្វើសកម្មភាពនយោបាយ និយាយញុះញង់ឲ្យអ្នកគាំទ្រធ្វើសកម្មភាពខុសច្បាប់រាប់សិបឆាំមកនេះ។ លោក ពៅ សុជាតិ តំណាងយុវជនសង្គមស៊ីវិលប្រចាំខេត្តព្រៃវែង បានលើកឡើងថា ក្នុងរយៈពេលកន្លងមកក្រុមប្រឆាំងនៅក្រៅស្រុក និងបក្សពួកបានបណ្តុះនូវចិត្ត គំនិត ឲ្យខ្មែរនិងខ្មែរស្អប់គ្នា និយាយលាបពណ៌បង្កើតការរើសអើងជាតិសាសន៍ជាដើម។ ឥទ្ធិពលអាក្រក់ទាំងអស់នេះបានជ្រាបចូលដល់ប្រជាជនខ្មែរមួយចំនួនដែលបណ្តាលឲ្យពួកគេក្លាយជាជនរងគ្រោះ ឬអ្នកជាប់ទោសទណ្ឌដោយសារមនោគមវិជ្ជាខ្មៅកខ្វក់ជ្រុលនិយមរបស់ក្រុមប្រឆាំង។ក្រុមយុវជនសង្គមស៊ីវិលបានអំពាវនាវដល់បណ្តាលមហាជនទូទៅ សិស្ស និស្សិត បញ្ញវន្ត ចូលរួមយុទ្ធនាការ «រួមគ្នាកម្ចាត់នយោបាយខ្មៅកខ្វក់របស់ក្រុមប្រឆាំងជ្រុលនិយមឲ្យចេញផុតពីកម្ពុជា»។ ក្រុមយុវជនអស់គ្នាដែលធ្លាប់ជាជនរងគ្រោះដោយសារតែអំពើញុះញង់របស់ក្រុមប្រឆាំង និងរងគ្រោះដោយសារនយោបាយទុច្ចរិតទាំងអស់គ្នា ប្រកាសថ្កោលទោសយ៉ាងដាច់អហង្ការចំពោះអ្នកនយោបាយ បុគ្គល ឬក្រុមណាមួយ ដែលមានចិត្តគំនិតបំបែកបំបាក់ និងធ្វើឲ្យប្រទេសជាតិកម្ពុជា អស្ថិរភាព អសន្តិសុខ៕អត្ថបទ៖វ៉ន ដារ៉ា

អ្នកនាំពាក្យរាជរដ្ឋាភិបាល ច្រានចោលចំពោះការចោទប្រកាន់របស់ប្រធានគណបក្សភ្លើងទៀនមកលើរាជរដ្ឋាភិបាល

2024/02/07 12:24:23 pm        194
Facebook Telegram Linkin
អ្នកនាំពាក្យរាជរដ្ឋាភិបាលនៅព្រឹកថ្ងៃទី៧ ខែកុម្ភៈ ឆ្នាំ២០២៤នេះ បានចេញសេចក្តីថ្លែងការណ៍ ច្រានចោលចំពោះការចោទប្រកាន់របស់ប្រធានគណបក្សភ្លើងទៀន តាមរយៈបទសម្ភាសន៍ជាមួយសារព័ត៌មានបរទេសដែលមានលក្ខណៈជាការចោទប្រកាន់មកលើរាជរដ្ឋាភិបាលទាំងបំពាន និងដោយខុសពីការពិត។សេចក្តីថ្លែងការណ៍ឱ្យដឹងថា ការលើកឡើងរបស់ លោក ទាវ វណ្ណុល ប្រធានគណបក្សភ្លើងទៀនកាលពីថ្ងៃទី០៥ ខែកុម្ភៈ ឆ្នាំ២០២៤ ជាមួយសារព័ត៌មាន Nikkei Asia របស់ជប៉ុន និងផ្សាយបន្តដោយវិទ្យុបារាំងអន្តរជាតិ RFI ជាខេមរភាសាដោយខ្លឹមសារនៃបទសម្ភាសន៍នោះមានលក្ខណៈជាការចោទប្រកាន់មកលើរាជរដ្ឋាភិបាលទាំងបំពាន និងដោយខុសពីការពិត។អ្នកនាំពាក្យរាជរដ្ឋាភិបាល បានឱ្យដឹងថា តាមរយៈការដកស្រង់សម្ដីរបស់សារព័ត៌មានទាំងពីរប្រធានបក្សរូបនេះ បានអះអាងថា រាជរដ្ឋាភិបាលបាន ដាក់កាំមេរ៉ានៅមុខផ្ទះរបស់លោកដើម្បីឃ្លាំមើលសកម្មភាព ២៤ម៉ោង។ លោក ទាវ វណ្ណល ក៏បាននិយាយទៀតថា រាជរដ្ឋាភិបាលដឹកនាំដោយសម្តេចមហាបវរធិបតី ហ៊ុន ម៉ាណែត កាន់តែអាក្រក់ទៅទាក់ទងនឹង ប្រជាធិបតេយ្យដោយបានបន្តចាប់ខ្លួនក្រុមប្រកួតប្រជែងនយោបាយ និងប្រជាពលរដ្ឋដែលរិះគន់រាជរដ្ឋាភិបាល។អ្នកនាំពាក្យរាជរដ្ឋាភិបាលប្រកាសបដិសេធទាំងស្រុងចំពោះការអះអាងរបស់ លោក ទាវ វណ្ណល និង បញ្ជាក់ជូនសាធារណមតិជាតិ និងអន្តរជាតិថា ទី១៖គ្មានការដាក់កាមេរ៉ាដើម្បីឃ្លាំមើលសកម្មភាពរបស់ លោក ទាវ វណ្ណល ដូចការអះអាងមួលបង្កាច់ របស់គាត់ឡើយ។ កាមរ៉ានានាដែលត្រូវបានបំពាក់នៅតាមទីសាធារណៈទូទាំងប្រទេស ក៏ដូចជានៅក្នុងភូមិសាស្ត រាជធានីភ្នំពេញគឺ ក្រោមមូលហេតុសន្តិសុខ សុវត្ថិភាព សណ្ដាប់ធ្នាប់សាធារណៈ និងចរាចរណ៍ជូនប្រជាពលរដ្ឋ ហើយក៏គ្មានគោលការណ៍ដាក់កាមេរ៉ាដោយឡែកដើម្បីឃ្លាំមើលសកម្មភាពរបស់បុគ្គលណាមួយទូទៅតែប៉ុណ្ណោះ នោះឡើយ។ទី២៖ ការអនុវត្តច្បាប់ត្រូវបានធ្វើឡើងចំពោះជនទាំងឡាយណាដែលបានប្រព្រឹត្តល្មើសច្បាប់ដោយគ្មាន ការបែងចែកថា អ្នកនោះមានឋានៈ តួនាទីអ្វី ឬជាអ្នកនយោបាយនោះឡើយ។ នៅកម្ពុជាគ្មានទេ អ្នកទោសនយោបាយ គឺមានតែអ្នកនយោបាយដែលប្រព្រឹត្តខុសច្បាប់ហើយត្រូវបានច្បាប់ផ្តន្ទាទោស។ទី៣៖ ការអនុវត្តច្បាប់គឺជាការងារសំខាន់ចាំបាច់ដើម្បីពង្រឹងនីតិរដ្ឋ។ នៅគ្រប់ប្រទេសទាំងអស់ ជាពិសេស ក្នុងបណ្តាប្រទេសប្រជាធិបតេយ្យជឿនលឿន ការពង្រឹងនីតិរដ្ឋគឺជារឿងមិនអាចខ្វះបានដើម្បីឱ្យប្រជាធិបតេយ្យ ដំណើរការនិងរីកលូតលាស់ទៅមុខ។ គ្មានការគោរពច្បាប់ គ្មានប្រជាធិបតេយ្យ តែវាជាប្រភពនៃភាពអនាធិបតេយ្យ ទៅវិញទេ ពោលគឺប្រជាធិបតេនិងសិទ្ធិសេរីភាពរបស់បុគ្គលត្រូវតែស្ថិតនៅក្រោមច្បាប់។ទី៤៖ រដ្ឋធម្មនុញ្ញនៃព្រះរាជាណាចក្រកម្ពុជា មាត្រា៤១ ចែងថា ប្រជាពលរដ្ឋខ្មែរមានសេរីភាពខាងការ បញ្ចេញមតិរបស់ខ្លួន សេរីភាពខាងសារព័ត៌មាន សេរីភាពខាងការបោះពុម្ពផ្សាយ និងសេរីភាពខាងការជួបជុំ។ ជនណាក៏ដោយមិនអាចឆ្លៀតប្រើសិទ្ធិនេះ ដោយរំលោភបំពាននាំឱ្យប៉ះពាល់ដល់កិត្តិយសអ្នកដទៃ ដល់ទំនៀម ទម្លាប់ល្អរបស់សង្គមដល់សណ្តាប់ធ្នាប់សាធារណៈ និងដល់សន្តិសុខជាតិបានឡើយ។ របបសារព័ត៌មានត្រូវរៀបចំឡើងដោយច្បាប់។ទី៥៖ នៅកម្ពុជា ការបញ្ចេញមតិដែលស្ថិតនៅក្នុងក្របខណ្ឌនៃរដ្ឋធម្មនុញ្ញដូចបានលើកឡើងខាងដើម និង ការរិះគន់ដោយស្ថាបនា ត្រូវបានគោរពនិងធានាយ៉ាងខ្ជាប់ខ្ជួន។ ប៉ុន្តែ ការបញ្ចេញមតិដោយរំលោភបំពានលើអ្នកដទ ដែលត្រូវបានហាមដោយរដ្ឋធម្មនុញ្ញ គឺជាអំពើខុសច្បាប់ ហើយការអនុវត្តច្បាប់មិនត្រូវបានបកស្រាយថា ជាការ បំបិទសិទ្ធិបញ្ចេញមតិ ឬការធ្វើទុក្ខបុកម្នេញឡើយ។អ្នកនាំពាក្យរាជរដ្ឋាភិបាល យល់ឃើញថា ការលើកឡើងរបស់ លោក ទាវ វណ្ណល ពិតជាមានចេតនាអាក្រក់ ដើម្បីបង្អួចកេរ្តិ៍ឈ្មោះរបស់រាជរដ្ឋាភិបាល ខណៈដែលការបោះឆ្នោតជ្រើសតាំងសមាជិកព្រឹទ្ធសភាខិតជិតចូលមកដល់ ហើយនេះគឺជាការសម្ដែងរបស់ លោក ទាវ វណ្ណល ដើម្បីទាក់ទាញការអាណិតអាសូរពីសាធារណមតិប៉ុណ្ណោះ។ នេះគឺជាភស្តុតាងមួយ ដែលបញ្ជាក់ពីការបញ្ចេញមតិដោយរំលោភបំពានធ្វើឱ្យប៉ះពាល់ដល់កិត្តិយសអ្នកដទៃដែល ច្បាប់រដ្ឋធម្មនុញ្ញបានហាមឃាត់។ជាថ្មីម្ដងទៀត អ្នកនាំពាក្យរាជរដ្ឋាភិបាលបញ្ជាក់ជូនសាធារណមតិជាតិ និងអន្តរជាតិជ្រាបថា រាជរដ្ឋ ភិបាលដឹកនាំដោយ សម្តេចមហាបវរធិបតី ហ៊ុន ម៉ាណែត បាននិងកំពុងបន្តការងារពីរាជរដ្ឋាភិបាល សម្ដេចតេជោ ហ៊ុន សែន ក្នុងការធ្វើកំណែទម្រង់ច្បាប់ និងប្រព័ន្ធយុត្តិធម៌ ក៏ដូចជាការដាក់ចេញគោល នយោបាយនិងយុទ្ធសាស្ត្រនានាដើម្បីពង្រឹងនីតិរដ្ឋនិងប្រជាធិបតេយ្យនៅកម្ពុជា ក៏ដូចជាដើម្បីធានាសុខសន្តិភាព និងការអភិវឌ្ឍប្រទេសឆ្ពោះទៅសម្រេចចក្ខុវិស័យកម្ពុជាឆ្នាំ ២០៥០ ក្លាយជាប្រទេសដែលមានចំណូលខ្ពស់។ នេះគឺជាគោលជំហរដ៏ម៉ឺងម៉ាត់ និងឥតងាកររបស់រាជរដ្ឋាភិបាល ដឹកនាំដោយគណបក្សប្រជាជនកម្ពុជា៕ 

សភាអាមេរិក ច្រានចោលកិច្ចប្រឹងប្រែងដឹកនាំដោយគណបក្សសាធារណរដ្ឋ ដើម្បីអនុម័តសេចក្តីស្នើច្បាប់ផ្តល់ជំនួយដល់អ៊ីស្រាអែល

2024/02/07 12:16:49 pm        92
Facebook Telegram Linkin
សភាសហរដ្ឋអាមេរិក បានច្រានចោលសេចក្តីស្នើច្បាប់ដឹកនាំដោយគណបក្សសាធារណរដ្ឋ កាលពីថ្ងៃអង្គារ ដែលនឹងផ្តល់ជំនួយចំនួន ១៧,៦ពាន់លានដុល្លារដល់ប្រទេសអ៊ីស្រាអែល ខណៈសមាជិកគណបក្សប្រជាធិបតេយ្យ បាននិយាយថាពួកគេចង់បានការបោះឆ្នោតជំនួសវិញលើវិធានការដ៏ទូលំទូលាយដែលនឹងផ្តល់ជំនួយដល់អ៊ុយក្រែន មូលនិធិមនុស្សធម៌អន្តរជាតិ និងថវិកាថ្មីសម្រាប់សន្តិសុខព្រំដែន។ជំនួយសម្រាប់អ៊ីស្រាអែល ជាអ្នកទទួលជំនួយធំបំផុតមួយនៃជំនួយបរទេសរបស់សហរដ្ឋអាមេរិក ដែលបានទទួលការគាំទ្រទ្វេបក្សយ៉ាងខ្លាំងក្លានៅក្នុងសភា។ ប៉ុន្តែអ្នកប្រឆាំងជាច្រើន បានចាត់ទុកការស្នើច្បាប់នៅសភាថាជាផែនការនយោបាយរបស់គណបក្សសាធារណរដ្ឋ ដើម្បីបង្វែរការប្រឆាំងរបស់ពួកគេចំពោះសេចក្តីស្នើច្បាប់ព្រឹទ្ធសភាចំនួន ១១៨ពាន់លានដុល្លារ ដែលរួមបញ្ចូលនូវការផ្លាស់ប្តូរគោលនយោបាយអន្តោប្រវេសន៍របស់សហរដ្ឋអាមេរិក និងការផ្តល់មូលនិធិថ្មី សម្រាប់សន្តិសុខព្រំដែន ជាមួយនឹងជំនួយបន្ទាន់រាប់ពាន់លានដុល្លារសម្រាប់ប្រទេសអ៊ុយក្រែន អ៊ីស្រាអែល និងដៃគូនៅក្នុងតំបន់ឥណ្ឌូប៉ាស៊ីហ្វិក។ លោក Rosa DeLauro សមាជិកជាន់ខ្ពស់គណបក្សប្រជាធិបតេយ្យ នៃគណៈកម្មាធិការតម្លាភាពសភា ជំរុញឱ្យមានការប្រឆាំងចំពោះសេចក្តីស្នើច្បាប់ដែលផ្តល់ជំនួយតែមួយគត់ដល់អ៊ីស្រាអែល។ សម្ព័ន្ធមិត្តរបស់យើងកំពុងប្រឈមមុខទៅនឹងការគំរាមកំហែងអត្ថិភាព ហើយមិត្តភ័ក្តិ និងសត្រូវរបស់យើងនៅជុំវិញពិភពលោកកំពុងតាមដានមើល ដោយរង់ចាំមើលថាតើសហរដ្ឋអាមេរិក នឹងឆ្លើយតបបែបណា។ ប្រធានាធិបតីគណបក្សប្រជាធិបតេយ្យ លោក Joe Biden ដែលគាំទ្រសេចក្តីស្នើច្បាប់នៅព្រឹទ្ធសភា បានសន្យាប្រើសិទ្ធវេតូ នូវចំណាត់ការរបស់សភាដែលផ្តល់ជំនួយឲ្យសម្រាប់តែអ៊ីស្រាអែលប៉ុណ្ណោះ។

បណ្ដាប្រេសិតបរទេសផ្ញើសារជូនពរ និងស្វាគមន៍ដល់រដ្ឋាភិបាល និងប្រជាជនចិន ក្នុងឱកាសបុណ្យចូលឆ្នាំចិន

2024/02/07 12:12:49 pm        92
Facebook Telegram Linkin
ស្របពេលពិធីបុណ្យចូលឆ្នាំចិន ឬពិធីបុណ្យនិទាឃរដូវខិតជិតមកដល់ បណ្ដាឯកអគ្គរដ្ឋទូត នៃប្រទេសអ៊ីស្លង់ ទួរគី កូឡុំប៊ី និងទុយនេស៊ី បានផ្ញើសារជូនពរឆ្នាំថ្មីតាមចន្ទគតិរបស់ខ្លួនចំពោះប្រទេសចិន ក៏ដូចជាប្រជាជនចិនផងដែរ។ពិធីបុណ្យនិទាឃរដូវឆ្នាំ ២០២៤នេះ ប្រព្រឹត្តិទៅនៅថ្ងៃសៅរ៍ ទី១០សប្ដាហ៍នេះ ឈានចូលឆ្នាំរោគ ឬនាគ ដែលស្ថិតនៅជួរទីប្រាំ តាមរាសីចក្ររបស់ចិន។ លោក ថូរី អ៊ីសេន (Thorir Ibsen)ឯកអគ្គរដ្ឋទូតនៃប្រទេសអ៊ីស្លង់ប្រចាំប្រទេសចិន បាននិយាយថា លោកសូមជូនពរប្រជាជនចិនជួបតែសំណាងល្អ និងប្រាជ្ញាឈ្លាសវៃក្នុងឆ្នាំនាគខាងមុខនេះ។ លោកអ៊ីស្មេលហាគីមូសា (Ismail Hakkı Musa) ឯកអគ្គរដ្ឋទូតទួរគីប្រចាំប្រទេសចិន បាននិយាយ សួរស្ដីអ្នកទាំងអស់គ្នា។ ខ្ញុំឯកអគ្គរដ្ឋទូតទួរគីប្រចាំនៅសាធារណរដ្ឋប្រជាមានិតចិន។ ខ្ញុំសូមជូនពរដល់អ្នកទាំងអស់គ្នាឲ្យជួបប្រទះតែសុភមង្គលក្នុងឆ្នាំថ្មី ហើយខ្ញុំសង្ឃឹមថាឆ្នាំថ្មីនេះនឹងនាំមកនូវសន្តិភាព ភាពរីករាយ សុខភាព និងសុភមង្គលដល់យើងទាំងអស់គ្នា។ ចំណែកឯកអគ្គរដ្ឋទូតនៃប្រទេសកូឡុំប៊ីប្រចាំប្រទេសចិន វិញបាននិយាយថា ខ្ញុំ ហ្សឺជីអូ ចាប្រ៊ីរ៉ា ( Sergio Cabrera) នៅទីនេះខ្ញុំសូមផ្ញើការជូនពរនិងការបួងសួងរបស់ខ្ញុំទៅកាន់អ្នកទាំងអស់គ្នា។ សួស្តីឆ្នាំថ្មី! ពោរពេញដោយភាពស្វាហាប់។ ឯកអគ្គរដ្ឋទូតទុយនីស៊ីប្រចាំនៅប្រទេសចិន លោកអាឌេលអេឡាប៊ី(Adel Elarbi)បានសង្កត់ធ្ងន់លើភាពសម្បូរបែបនៃអរិយធម៌ចិន និងឥទ្ធិពលសកលរបស់ប្រទេសចិននៅក្នុងការស្វាគមន៍របស់លោក។លោកបាននិយាយថា ខ្ញុំបានទៅទស្សនាតំបន់ផ្សេងៗ និងកន្លែងប្រវត្តិសាស្ត្រជាច្រើន។ ខ្ញុំភ្ញាក់ផ្អើលយ៉ាងខ្លាំងចំពោះភាពសម្បូរបែបនៃអរិយធម៌ចិន ដែលបានបន្សល់ទុកក្នុងគន្លងនៃប្រវត្តិសាស្ត្រវប្បធម៌ពិភពលោក។ ឆ្នាំខាងមុខនេះ គឺជាឆ្នាំនាគ សម្រាប់ប្រទេសចិន ខ្ញុំសង្ឃឹមថានឹងក្លាយជាឆ្នាំដ៏រីករាយ ជា ឆ្នាំពោពេញដោយសុខសន្តិភាព និងប្រកបដោយផ្លែផ្កា ។ សូមជូនពរអ្នកប្រកបដោយភាពស្វាហាប់ រីករាយឆ្នាំថ្មី!៕

បណ្ដាញសង្គម

ព័ត៌មានថ្មីៗ

សម្ដេចតេជោ ហ៊ុន សែន៖ ត្រូវបង្កើនការយកចិត្តទុកដាក់ផ្ដល់អាហារូបករណ៍ដល់កូនៗ អតីតយុទ្ធជន និងយុទ្ធជនឈរជើងនៅសមរភូមិមុខ
05/09/2026 12:05 PM
Facebook Telegram Linkin
សម្ដេចធិបតី៖ ការប្រើប្រាស់កម្លាំង និងការបង្កើតអង្គហេតុសម្រេចលើទីតាំងជាក់ស្តែង (Faits accomplis) ដើម្បីផ្លាស់ប្តូរខ្សែបន្ទាត់ព្រំដែន គឺជាការណ៍មួយដែលកម្ពុជា មិនអាចទទួលយកបានជាដាច់ខាត
05/09/2026 11:05 AM
Facebook Telegram Linkin
សម្ដេចធីបតី៖ អាស៊ាននៅតែជាគំរូនៃពហុភាគីនិយមផ្អែកលើច្បាប់ និងជាកម្លាំងសម្រាប់សន្តិភាព ស្ថិរភាព កិច្ចសន្ទនា និងកិច្ចសហប្រតិបត្តិការប្រកបដោយស្ថាបនា
05/09/2026 11:05 AM
Facebook Telegram Linkin
យុវជនគណបក្សថ្នាក់កណ្តាល រៀបចំវេទិកាពិភាក្សាជាមួយយុវជនគណបក្សក្រសួង/ស្ថាប័ន នៅវិមាន៧មករា
05/09/2026 11:05 AM
Facebook Telegram Linkin
រោងចក្រចម្រាញ់ប្រេងធំបំផុតរបស់ប្រទេសលីប៊ី ផ្អាកប្រតិបត្តិការខណៈមានការប្រយុទ្ធគ្នាជាមួយក្រុមប្រដាប់អាវុធ
05/09/2026 10:05 AM
Facebook Telegram Linkin
ចារកម្មអាមេរិក៖ មេដឹកនាំកំពូលអ៊ីរ៉ង់ មិនត្រូវបានគេឃើញជាសាធារណៈទេ ប៉ុន្តែកំពុងបង្កើតយុទ្ធសាស្ត្រសង្គ្រាម
05/09/2026 10:05 AM
Facebook Telegram Linkin
លោកTrump៖ អាមេរិក អាចនឹងបន្តប្រតិបត្តិការដើម្បីដឹកនាំនាវាឆ្លងកាត់ច្រកសមុទ្រ Hormuz
05/09/2026 10:05 AM
Facebook Telegram Linkin
សម្តេចតេជោ ហ៊ុន សែន ជំរុញដល់អ្នកផលិតអំបិលទាំងអស់ ចូលរួមធានាការផ្គត់ផ្គង់ និងទទួលខុសត្រូវលើសុខុមាលភាពពលរដ្ឋ
05/09/2026 10:05 AM
Facebook Telegram Linkin
លោក Trump ប្រកាសបទឈប់បាញ់រយៈពេលបីថ្ងៃរវាងអ៊ុយក្រែន និងរុស្ស៊ី
05/09/2026 08:05 AM
Facebook Telegram Linkin
សម្តេចតេជោ ហ៊ុន សែន ជួបសំណេះសំណាលជាមួយក្រុមប្រឹក្សា និងមន្ត្រីនៃមន្ទីរអង្គភាពជុំវិញខេត្តកំពត និងខេត្តកែប
05/09/2026 08:05 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.