BTV NEWS

សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ

សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

សម្ដេចតេជោ អំពាវនាវដល់រាជរដ្ឋាភិបាលយកចិត្តទុកដាក់សាងសង់កន្លែងស្នាក់នៅសម្រាប់សិស្សជាស្ត្រី

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

នយោបាយ និង ការអភិវឌ្ឍន៍

បេក្ខជនប្រជែងតំណែងប្រធានាធិបតីឥណ្ឌូនេស៊ីលេចធ្លោទាំង ៣រូប ទម្លាក់សន្លឹកឆ្នោតរបស់ខ្លួន

បេក្ខជនប្រជែងតំណែងប្រធានាធិបតីដ៏លេចធ្លោចំនួន ៣រូបរបស់ប្រទេសឥណ្ឌូនេស៊ី គឺលោក Prabowo Subianto លោក Ganjar Pranowo និងលោក Anies Baswedan បានចេញទៅទម្លាក់សន្លឹកឆ្នោតចូលទៅក្នុងធុងរៀងៗខ្លួន ខណៈការបោះឆ្នោតសកលរបស់ប្រទេសដែលមានសេដ្ឋកិច្ចធំជាងគេបំផុត នៅអាស៊ីអាគ្នេយ៍ បានចាប់ផ្ដើមដំណើរការហើយនៅថ្ងៃពុធ (ទី១៤ ខែកុម្ភៈ) នេះ។ការបោះឆ្នោតថ្ងៃទី១៤ ខែកុម្ភៈនេះ នឹងសម្រេចជ្រើសរើសអ្នកស្នងតំណែងបន្តពីប្រធានាធិបតីក្នុងតំណែងលោក Joko Widodo ដែលកំពុងបញ្ចប់អាណត្តិទី២ ពេញបរិបូរណ៍។ ហើយថ្ងៃពុធនេះ លោកប្រធានាធិបតី ដែលត្រូវបានគេស្គាល់ថា Jokowi និងដែលមិនអាចឈរឈ្មោះបានទៀតនោះ ក៏បានបង្ហាញវត្តមាននៅឯមណ្ឌលបោះឆ្នោត ដើម្បីបញ្ចេញសំឡេងគាំទ្ររបស់លោក ចំពោះបេក្ខជនសំណព្វជិត្តរបស់ខ្លួនដែរ។លោក Jokowi នៅមុននេះ បានគាំទ្រលោក Ganjar ដែលជាមិត្តរួមគណបក្ស PDI-P (Indonesian Democratic Party of Struggle) ឲ្យក្លាយជាអ្នកជំនួសតំណែងរបស់លោក ប៉ុន្តែបានប្តូរទៅធ្វើយុទ្ធនាការឲ្យអតីតទាហានលោក Subianto របស់គណបក្ស Gerindra។ កូនប្រុសច្បងរបស់លោក Jokowi គឺលោក Gibran Rakabuming Raka គឺជាមិត្តរួមការងាររបស់លោក Prabowo។បើតាមការស្ទង់មតិ នៅមុនការបោះឆ្នោតកើតឡើង បានបង្ហាញថា លោក Prabowo មានការគាំទ្រ ៥១,៨ភាគរយ និង ៥១,៩ភគារយ ដោយលោក Anies និងលោក Ganjar មាន ២៧ភាគរយ និង ៣១ភាគរយ រៀងគ្នា។ ដើម្បីទទួលបានសំឡេងភាគច្រើនដាច់ខាត បេក្ខជនត្រូវការសំឡេងគាំទ្រលើសពី ៥០ភាគរយ និងទទួលបានសន្លឹកឆ្នោត ២០ភាគរយ ពីបណ្ដាខេត្តនានាពាក់កណ្ដាលប្រទេស។ការបោះឆ្នោតរបស់ប្រទេសឥណ្ឌូណេស៊ីតែងតែត្រូវបានចាត់ទុកថា ជាការបោះឆ្នោតតែមួយថ្ងៃដ៏ធំ និងស្មុគស្មាញបំផុត នៅក្នុងពិភពលោក។ ប្រជាជនជាង ២០០លាននាក់ ក្នុងចំណោមប្រជាជន ២៧០លាននាក់មានសិទ្ធិបោះឆ្នោត៕

កងកម្លាំងការពារអ៊ីស្រាអែល ចែករំលែកវីដេអូរបស់មេដឹកនាំក្រុមហាម៉ាស រត់គេចខ្លួនតាមរផ្លូវរូងក្រោមដី

កងកម្លាំងការពារអ៊ីស្រាអែល (IDF)កាលពីថ្ងៃអង្គារ បានចែករំលែកវីដេអូរបស់មេដឹកនាំក្រុមហាម៉ាស លោក យ៉ាយ៉ា ស៊ីនវ៉ា ( Yahya Sinwar) រត់គេចខ្លួនតាមរយៈបណ្តាញផ្លូវរូងក្រោមដីមួយ នៅក្នុងប៉ុន្មានថ្ងៃបន្ទាប់ពីការវាយប្រហារដ៏ឃោរឃៅរបស់ក្រុមនេះ កាលពីថ្ងៃទី៧ ខែតុលា ទៅលើអ៊ីស្រាអែល។កងកម្លាំងការពារអ៊ីស្រាអែល បាននិយាយថា ខ្លួនទទួលបានវីដេអូនេះ ក្នុងរយៈពេលប៉ុន្មានថ្ងៃថ្មីៗនេះ បន្ទាប់ពីអង្គភាពពិសេស បានរកឃើញផ្លូវរូងក្រោមដីដែលមានជម្រៅរាប់សិបម៉ែត្រ នៅក្រោមដីក្នុងតំបន់ ខាន់យូនីស (Khan Yunis) នៃតំបន់ហ្កាហ្សាស្ទ្រីប។អង្គភាពពិសេស បានរកឃើញវីដេអូពីកាមេរ៉ាសុវត្ថិភាពរបស់ក្រុមហាម៉ាសដែលបានដំឡើង នៅក្នុងផ្លូវរូងក្រោមដី។ វីដេអូនោះ បង្ហាញពីលោកស៊ីនវ៉ា រត់គេចខ្លួនជាមួយកូនៗ និងប្រពន្ធរបស់ខ្លួនតាមរយៈបណ្តាញផ្លូវរូងក្រោមដី ដែលដឹកនាំដោយបងប្រុសរបស់លោក គឺ លោក អ៊ីប្រាហ៊ីម ស៊ីនវ៉ា( Ibrahim Sinwar)។ កងកម្លាំងការពារនេះ បាននិយាយថា គ្រួសារនេះ បានរត់គេចខ្លួនទៅកន្លែងសុវត្ថិភាពមួយដែលក្រុមហាម៉ាស បានសាងសង់រួចជាស្រេច។វីដេអូនេះ ត្រូវបានថតកាលពីថ្ងៃទី ១០ ខែតុលា ត្រឹមតែបីថ្ងៃ បន្ទាប់ពីក្រុមហាម៉ាស បានវាយលុកចូលទឹកដីអ៊ីស្រាអែល ដោយបានសម្លាប់មនុស្ស ១.២០០ នាក់ និងជាង ២៤០ នាក់ផ្សេងទៀត បានរងរបួស។

ប្រភព៖ ការផ្តល់យោបល់របស់លោក ពូទីន ស្ដីពីបទឈប់បាញ់អ៊ុយក្រែន ត្រូវបានច្រានចោលដោយអាមេរិក

ប្រភពរុស្ស៊ី ចំនួនបីដែលមានចំណេះដឹងអំពីការពិភាក្សាបានប្រាប់សារព័ត៌មានរ៉យទ័រថា ការផ្ដល់យោបល់របស់លោកប្រធានាធិបតីរុស្ស៊ី វ្ល៉ាឌីមៀ ពូទីន ស្ដីពីបទឈប់បាញ់នៅអ៊ុយក្រែន ដើម្បីបង្កកសង្រ្គាម ត្រូវបានបដិសេធដោយសហរដ្ឋអាមេរិក បន្ទាប់ពីទំនាក់ទំនងរវាងអន្តរការី។ការបរាជ័យនៃវិធីសាស្រ្តរបស់លោក ពូទីន បានជំរុញទៅក្នុងឆ្នាំទី៣ នៃជម្លោះដ៏បង្ហូរឈាមបំផុតនៅអឺរ៉ុប ចាប់តាំងពីសង្រ្គាមលោកលើកទីពីរមក ហើយបង្ហាញឱ្យឃើញថាប្រទេសមហាអំណាចនុយក្លេអ៊ែរដ៏ធំបំផុតទាំងពីររបស់ពិភពលោកនេះនៅតែមិនត្រូវគ្នា។ប្រភពរុស្ស៊ីដដែលនោះបាននិយាយថា លោកពូទីន បានបញ្ជូនសញ្ញាទៅទីក្រុងវ៉ាស៊ីនតោន ក្នុងឆ្នាំ២០២៣ ជាសាធារណៈ និងឯកជនតាមរយៈអន្តរការី រួមទាំងតាមរយៈដៃគូអារ៉ាប់ របស់ទីក្រុងមូស្គូ នៅមជ្ឈិមបូព៌ា និងផ្សេងៗទៀតថា លោកបានត្រៀមខ្លួនរួចរាល់ហើយដើម្បីពិចារណាបទឈប់បាញ់នៅអ៊ុយក្រែន។លោក ពូទីន បានស្នើឱ្យបង្កកជម្លោះនៅសមរភូមិមុខបច្ចុប្បន្ន ហើយមិនចង់បោះបង់ទឹកដីអ៊ុយក្រែនណាមួយដែលគ្រប់គ្រងដោយរុស្ស៊ីនោះទេ ប៉ុន្តែសញ្ញានេះបានផ្តល់នូវអ្វីដែលអ្នកមួយចំនួននៅក្នុងវិមានក្រឹមឡាំងមើលឃើញថា ជាផ្លូវដ៏ល្អបំផុតឆ្ពោះទៅរកសន្តិភាពមួយរយៈ៕

កូរ៉េខាងជើង បានបាញ់មីស៊ីលតម្រង់គោលដៅជាច្រើនគ្រាប់ ក្នុងការធ្វើសមយុទ្ធបង្កើនកម្លាំងថ្មី

យោធាកូរ៉េខាងត្បូងបានអះអាងថា កូរ៉េខាងជើងនៅព្រឹកថ្ងៃពុធ (១៤ កុម្ភៈ) នេះបានបាញ់មីស៊ីលតម្រង់គោលដៅជាច្រើនគ្រាប់ចេញពីឆ្នេរសមុទ្រភាគខាងកើតរបស់ខ្លួន។ ការបាញ់បង្ហោះមីស៊ីលនៅថ្ងៃពុធនេះបានធ្វើឡើងនៅម៉ោងប្រហែល ៩ ព្រឹក (ម៉ោងក្នុងស្រុក) នៅខាងក្រៅទីក្រុងឆ្នេរសមុទ្រភាគខាងកើត វ៉ុនសាន (Wonsan) ដែលជាការសាកល្បងអាវុធចុងក្រោយបំផុតធ្វើឡើងដោយទីក្រុងព្យុងយ៉ាងក្នុងឆ្នាំនេះ។អគ្គសេនាធិការចម្រុះ (JCS) បាននិយាយនៅក្នុងសេចក្តីថ្លែងការណ៍មួយថា «យោធារបស់យើងបានរកឃើញមីស៊ីលតម្រង់គោលដៅជាច្រើនគ្រាប់ពីលើដែនទឹកភាគឦសាននៃទីក្រុង វ៉ុនសាន ប្រហែលម៉ោង ៩ព្រឹកថ្ងៃនេះ ហើយអាជ្ញាធរស៊ើបការណ៍កូរ៉េខាងត្បូង-អាមេរិក កំពុងធ្វើការវិភាគលម្អិត»។ ទីក្រុងព្យុងយ៉ាងមិនទាន់បញ្ជាក់ពីការអះអាងរបស់យោធាក្រុងសេអ៊ូលនៅឡើយទេ។គួរកត់សម្គាល់ថា នៅដើមសប្តាហ៍នេះ ប្រទេសកូរ៉េខាងជើងបានអះអាងថា ខ្លួនបានសាកល្បងប្រព័ន្ធគ្រប់គ្រងថ្មីសម្រាប់ការបាញ់បង្ហោះរ៉ូកែតច្រើនគ្រាប់ ដែលនឹងមានតួនាទី «ខ្លាំងជាមុន» ក្នុងសមរភូមិ។ ក្រុមអ្នកជំនាញជឿថា ការបាញ់បង្ហោះមីស៊ីលថ្មីនេះអាចត្រូវបានធ្វើឡើងដោយប្រើប្រព័ន្ធដែលកូរ៉េខាងជើងទើបតែបង្កើតនោះ៕

កម្ពុជា កៀរគរប្រទេសតំបន់អាហ្រ្វិកចូលជារដ្ឋភាគីកិច្ចប្រជុំកំពូលអនុសញ្ញាអូតាវ៉ា នៅសៀមរាប-អង្គរ

ប្រធានអនុសញ្ញាអូតាវ៉ាឆ្នាំ២០២៤ បានអំពាវនាវឱ្យមានការគាំទ្រពីសាធារណរដ្ឋហ្គាណា និង ភាគីរដ្ឋចំនួន៥២ ផ្សេងទៀតនៅក្នុងទ្វីបអាហ្រ្វិក ដើម្បីកៀរគរប្រទេសបីទៀតរួមមាន អេហ្ស៊ីប លីប៊ី និងម៉ារ៉ុក ឱ្យបានក្លាយជារដ្ឋភាគី នៅក្នុង កិច្ចប្រជុំត្រួតពិនិត្យឡើងវិញលើកទី៥ នៃ អនុសញ្ញាអូតាវ៉ាដែលនឹងប្រព្រឹត្តទៅចាប់ពីថ្ងៃទី២៥ ដល់ ២៩ ខែ វិច្ឆិកា ឆ្នាំ២០២៤ ក្រោមអធិបតីភាពសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។ ការអំពាវនាវនេះខណះ ឯកឧត្តមបណ្ឌិត លី ធុជ ប្រធានអនុសញ្ញាអូតាវ៉ាឆ្នាំ២០២៤ ថ្លែងសុន្ទរកថាគន្លឹះក្នុងកម្មវិធីបើកសន្និសីទថ្នាក់តំបន់អាហ្រ្វិក ស្តីពីការដោះស្រាយផលប៉ះពាល់មនុស្សធម៌ដោយសារគ្រាប់មីនកែច្នៃ ក្នុងបរិបទអនុសញ្ញាអូតាវ៉ា នាថ្ងៃទី១៣ខែកុម្ភៈឆ្នាំ២០២៤ នៅទីក្រុងអាក្រានៃសាធារណរដ្ឋហ្គាណា។ ឯកឧត្តមបណ្ឌិត លី ធុជ បានថ្លែងថា សន្និសីទថ្នាក់តំបន់អាហ្រ្វិកនេះ គឺជាការបង្ហាញពីការប្តេជ្ញាចិត្តរួមគ្នាចំពោះបុព្វហេតុមនុស្សជាតិ និងជាឱកាស សម្រាប់បណ្តាប្រទេសក្នុងតំបន់អាហ្វ្រិកផ្តល់ជាធាតុចូលសម្រាប់ផែនការសកម្មភាពប្រាំឆ្នាំបន្ទាប់របស់អនុសញ្ញាអូតាវ៉ាហើយនឹងផ្តល់ឱកាសដ៏ល្អសម្រាប់ការបំពេញការងាររួមគ្នាចែករំលែកចំណេះដឹង និងការបង្កើតគំនិតថ្មីៗ ដើម្បីប្រឆាំងនឹងគ្រោះថ្នាក់ និងហានិភ័យបង្កដោយគ្រាប់មីនកែច្នៃ ក្នុងគោលបំណងកសាង និងលើកកម្ពស់សន្តិភាព សន្តិសុខ និងការអភិវឌ្ឍ។ ឯកឧត្តមសង្ឃឹមថា បណ្តាប្រទេសអាហ្វ្រិក អង្គការសង្គមស៊ីវិល និងអង្គការជំនាញៗនឹងរួមចំណែកអភិវឌ្ឍផែនការសកម្មភាពថ្មីៗសម្រាប់រដ្ឋភាគីនៃអនុសញ្ញាលើកកម្ពស់បទដ្ឋាន និងសកលភាវូបនីយកម្មនៃអនុសញ្ញា។ ឯកឧត្តមក៏ស្នើឱ្យមានការគាំទ្រពីសាធារណរដ្ឋហ្គាណា និងភាគីរដ្ឋចំនួន ៥២ ផ្សេងទៀតនៅក្នុងទ្វីបអាហ្រ្វិក ហើយបានកៀរគរប្រទេសបីទៀតរួមមាន អេហ្ស៊ីប លីប៊ី និងម៉ារ៉ុក ឱ្យបានក្លាយជារដ្ឋភាគី នៅក្នុងកិច្ចប្រជុំកំពូលនៅខេត្តសៀមរាប-អង្គរ និងសន្និសីទថ្នាក់តំបន់នេះ។ក្នុងឱកាសនោះ ឯកឧត្តម លី ធុជ បានថ្លែងអំណរគុណដល់រដ្ឋភាគីអនុសញ្ញាអូតាវ៉ាទាំងអស់ដែលបានផ្តល់ទំនុកចិត្ត បោះឆ្នោតជ្រើសតាំងកម្ពុជាជាប្រធាន និងម្ចាស់ផ្ទះរៀប ចំកិច្ចប្រជុំត្រួតពិនិត្យឡើងវិញលើកទី៥ នៃអនុសញ្ញាអូតាវ៉ា ដែលនឹងប្រព្រឹត្តទៅចាប់ពីថ្ងៃទី២៥ ដល់ ២៩ ខែ វិច្ឆិកា ឆ្នាំ២០២៤ ក្នុងខេត្តសៀមរាប ដែលសម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជាបានប្រសិទ្ធនាមកិច្ចប្រជុំនេះជាកិច្ចប្រជុំកំពូលសៀមរាប-អង្គរ ស្តីពីពិភពលោកមួយដែលគ្មានមីន។ កិច្ចប្រជុំកំពូលនេះ គឺជាព្រឹត្តិការណ៍មួយដ៏សំខាន់មួយក្នុងប្រវត្តិសាស្ត្រពិភពលោក ដោយរដ្ឋភាគីអនុសញ្ញាអូតាវ៉ាទាំង ១៦៤ នឹងអនុម័តសេចក្តីថ្លែងការណ៍នយោបាយសៀមរាប-អង្គរ និងដាក់ ចេញនូវផែនការសកម្មភាពសៀមរាប-អង្គរឆ្នាំ២០២៥ -២០២៩ ដែលជាផែនទីបង្ហាញផ្លូវដ៏សំខាន់សម្រាប់គាំទ្រដល់កិច្ចខិតខំប្រឹងប្រែងរួមគ្នា ក្នុងការបំពេញកាតព្វកិច្ច និងសម្រេចគោលបំណងរបស់អនុសញ្ញាអូតាវ៉ា៕ អត្ថបទ៖ ភារម្យ

សហរដ្ឋអាមេរិក កំពុងពិនិត្យរបាយការណ៍នៃការបង្កគ្រោះថ្នាក់ដល់ជនស៊ីវិលដោយអ៊ីស្រាអែល

អ្នកនាំពាក្យក្រសួងការបរទេសអាមេរិក លោក ម៉ាធូ មីលឡឺ (Matthew Miller) បាននិយាយកាលពីថ្ងៃអង្គារ (១៣ កុម្ភៈ) ថាសហរដ្ឋអាមេរិក កំពុងពិនិត្យមើលរបាយការណ៍ ដែលថាអ៊ីស្រាអែលបានបង្កគ្រោះថ្នាក់ដល់ជនស៊ីវិលនៅក្នុងសង្គ្រាមរបស់ខ្លួននៅតំបន់ហ្កាហ្សា ក្រោមការណែនាំមួយក្នុងគោលបំណងធានាឱ្យប្រទេសនានាដែលទទួលអាវុធរបស់សហរដ្ឋអាមេរិក ធ្វើប្រតិបត្តិការយោធាស្របតាមច្បាប់មនុស្សធម៌អន្តរជាតិ។រដ្ឋបាលលោកប្រធានាធិបតី បៃដិន បានប្រឈមមុខនឹងការរិះគន់ចំពោះការបន្តផ្គត់ផ្គង់អាវុធដល់អ៊ីស្រាអែល ខណៈដែលមានការចោទប្រកាន់ថា អាវុធដែលផលិតដោយអាមេរិកត្រូវបានប្រើប្រាស់ក្នុងការវាយប្រហារដែលបានសម្លាប់ជនស៊ីវិល ឬបង្ករបួស។លោក មីលឡឺ បានប្រាប់អ្នកយកព័ត៌មានថា ដំណើរការមួយកំពុងធ្វើឡើងក្រោមការណែនាំនៃការឆ្លើយតបគ្រោះថ្នាក់ជនស៊ីវិល (CHIRG) របស់ក្រសួងការបរទេសដើម្បីវាយតម្លៃឧប្បត្តិហេតុនៅក្នុងជម្លោះបច្ចុប្បន្ន។យោងតាមលោក មីលឡឺ បានឲ្យដឹងថា ដំណើរការនោះ «មិនមានបំណងដើរតួជាយន្តការឆ្លើយតបរហ័សនោះទេ»។ លោកបានពន្យល់ថា វាត្រូវបានបង្កើតឡើងដើម្បី «វាយតម្លៃជាប្រព័ន្ធនូវឧប្បត្តិហេតុបង្កគ្រោះថ្នាក់ដល់ជនស៊ីវិល និងបង្កើតការឆ្លើយតបគោលនយោបាយសមស្រប ដើម្បីកាត់បន្ថយហានិភ័យនៃឧប្បត្តិហេតុបែបនេះដែលកើតឡើងម្តងទៀតនាពេលអនាគត»៕

ជប៉ុន ពិចារណាបន្ធូរបន្ថយការរឹតត្បិតការធ្វើដំណើរទៅអ៊ុយក្រែន សម្រាប់ក្រុមហ៊ុនមួយចំនួន

រដ្ឋាភិបាលប្រទេសជប៉ុន កំពុងពិចារណាថាតើត្រូវបន្ធូរបន្ថយការរឹតត្បិតការធ្វើដំណើរទៅកាន់ប្រទេសអ៊ុយក្រែនឬយ៉ាងណា សម្រាប់ក្រុមហ៊ុនជាច្រើន ដែលនឹងជួយស្តារប្រទេសនេះឡើងវិញ។រដ្ឋាភិបាល មានផែនការគាំទ្រដល់ការខិតខំប្រឹងប្រែងស្តារឡើងវិញរបស់វិស័យសាធារណៈ និងឯកជន។ នៅថ្ងៃចន្ទ ក្នុងទីក្រុងតូក្យូ នឹងមានការបើកសន្និសីទជប៉ុន-អ៊ុយក្រែន សម្រាប់ការជំរុញការកសាងសេដ្ឋកិច្ចឡើងវិញ។ប៉ុន្តែក្រុមហ៊ុនរបស់ប្រទេសជប៉ុនមួយចំនួន បានត្អូញត្អែរថាការរឹតត្បិតការធ្វើដំណើរនៅតែបន្ត ទៅកាន់ប្រទេសអ៊ុយក្រែន ដែលបច្ចុប្បន្នត្រូវបានកំណត់ក្នុងកម្រិតខ្ពស់បំផុត កំពុងរារាំងពួកគេ មិនឱ្យធ្វើពាណិជ្ជកម្មនៅទីនោះ។មន្ត្រីរដ្ឋាភិបាល កំពុងពិភាក្សារកវិធីបន្ធូរបន្ថយការរឹតត្បិតសម្រាប់ក្រុមហ៊ុននានាដែលជាប់ពាក់ព័ន្ធ។ មន្ត្រីភាគច្រើន មានភាពអវិជ្ជមានចំពោះការបន្ថយកម្រិតព្រមានក្នុងការធ្វើដំណើរទៅកាន់ប្រទេសនេះ ខណៈការវាយប្រហាររបស់រុស្ស៊ី នៅតែបន្តកើតមាននៅក្នុងប្រទេសអ៊ុយក្រែន។ ពួកគេ សង្ឃឹមថានឹងរក្សាការណែនាំអំពីការជម្លៀសខ្លួននៅពេលបច្ចុប្បន្ន។រដ្ឋាភិបាល កំពុងពិចារណាអនុញ្ញាតឱ្យក្រុមហ៊ុនជាច្រើនស្នាក់នៅក្នុងរយៈពេលជាក់លាក់មួយ បន្ទាប់ពីការពិនិត្យមើល ថាតើសុវត្ថិភាពរបស់ពួកគេនៅក្នុងប្រទេសអ៊ុយក្រែន អាចត្រូវបានធានាដែរឬទេ។

ប្រទេសហ្ស៊កដានី នឹងទទួលរងផលប៉ះពាល់ខ្លាំងប្រសិនបើមូលនិធិទីភ្នាក់ងារ UNRWA មិនបន្ត

ប្រធានប្រចាំប្រទេសរបស់ទីភ្នាក់ងារ UNRWA បាននិយាយកាលពីថ្ងៃអង្គារថា សេដ្ឋកិច្ចដែលកំពុងជួបបញ្ហារួចទៅហើយរបស់ប្រទេសហ្ស៊កដានី នឹងប្រឈមមុខពេលវេលាកាន់តែលំបាក ប្រសិនបើម្ចាស់ជំនួយជាច្រើនបន្តផ្អាកការផ្តល់មូលនិធិដល់ទីភ្នាក់ងារអង្គការសហប្រជាជាតិសម្រាប់ជនភៀសខ្លួនប៉ាឡេស្ទីន ហើយការបម្រើសេវារបស់ទីភ្នាក់ងារនេះត្រូវបិទ ឬត្រូវកាត់បន្ថយ។ ទីភ្នាក់ងារ UNRWA ដែលផ្តល់សេវាថែទាំសុខភាព ការអប់រំ និងសេវាផ្សេងៗទៀត បានធ្លាក់ចូលទៅក្នុងវិបត្តិ ចាប់តាំងពីអ៊ីស្រាអែល បានចោទប្រកាន់ថាបុគ្គលិកចំនួន ១២នាក់ ក្នុងចំណោមបុគ្គលិក ១៣.០០០នាក់ របស់ខ្លួននៅតំបន់ហ្កាហ្សា បានជាប់ពាក់ព័ន្ធក្នុងការវាយប្រហារកាលពីថ្ងៃទី ៧ ខែតុលា ដឹកនាំដោយក្រុមហាម៉ាស លើប្រទេសអ៊ីស្រាអែលដែលបានបង្កឱ្យកើតមានសង្រ្គាមអ៊ីស្រាអែលនិងក្រុមហាម៉ាស ហើយការចោទប្រកាន់នេះ បានជំរុញឱ្យម្ចាស់ជំនួយធំៗ ផ្អាកការផ្តល់មូលនិធិ។ ប្រទេសហ្ស៊កដានី ដែលជាចំណុចស្នូលនៃជម្លោះអារ៉ាប់-អ៊ីស្រាអែល បានទទួលជនភៀសខ្លួនប៉ាឡេស្ទីន ២,៤លាននាក់ ដែលជាចំនួនជនភៀសខ្លួនច្រើនបំផុតក្នុងចំណោមប្រទេសជិតខាងរបស់អ៊ីស្រាអែល។ នាយកទីភ្នាក់ងារផ្តល់ជំនួយនិងការងាររបស់អង្គការសហប្រជាជាតិប្រចាំប្រទេសហ្សកដានី លោក Olaf Becker បាននិយាយថា ទីភ្នាក់ងារ UNRWA បានជួយដល់សេដ្ឋកិច្ចរួចហើយសម្រាប់បុគ្គលិកចំនួន ៧.០០០នាក់លើបញ្ជីប្រាក់បៀវត្សរ៍ ដែលបានធ្វើឱ្យទីភ្នាក់ងារក្លាយជានិយោជកធំបំផុតមួយនៅក្នុងព្រះរាជាណាចក្រនេះ ដោយបានបញ្ចូលប្រាក់ខែជាង ១២០លានដុល្លារទៅក្នុងសេដ្ឋកិច្ចជារៀងរាល់ឆ្នាំ។ លោក Becker និយាយថា ការបម្រើសេវា របស់ទីភ្នាក់ងារ បានគាំទ្រជនភៀសខ្លួនប៉ាឡេស្ទីនជាងមួយលាននាក់ នៅក្នុងព្រះរាជាណាចក្រនេះ ដោយមានការចំណាយជាមធ្យម ២០ភាគរយ ទាបជាងរដ្ឋ ក្នុងការផ្តល់សេវាដែលអាចប្រៀបធៀបបាន។ប្រទេសហ្ស៊កដានី ជាសម្ព័ន្ធមិត្តដ៏រឹងមាំរបស់សហរដ្ឋអាមេរិក បាននិយាយថា វាមានសារៈសំខាន់ខ្លាំងក្នុងការបន្តផ្តល់អំណាចដល់ទីភ្នាក់ងារ UNRWA ដែលត្រូវបានបង្កើតឡើងក្នុងឆ្នាំ ១៩៤៩ ក្រោមកាតព្វកិច្ចរបស់អង្គការសហប្រជាជាតិ នៅពេលសង្រ្គាមអារ៉ាប់-អ៊ីស្រាអែល ដំបូង។

លោក Biden រិះគន់ការអត្ថាធិប្បាយពីគ្រោះថ្នាក់សម្ព័ន្ធណាតូរបស់លោក Trump ដោយបញ្ជាក់ពីតម្រូវការថវិការបស់អ៊ុយក្រែន

ប្រធានាធិបតីអាមេរិកលោក Joe Biden កាលពីថ្ងៃអង្គារ ថ្ងៃទី១៣ ខែកុម្ភៈ បានរិះគន់ការអត្ថាធិប្បាយរបស់អ្នកកាន់តំណែងមុនរបស់លោកគឺលោក Donald Trumpលើសម្ព័ន្ធយោធាណាតូ ដោយនិយាយថាពួកគេបានបង្កើនភាពជាប់គាំងសម្រាប់សភាក្នុងការអនុម័តការផ្តល់មូលនិធិថ្មីគាំទ្រអ៊ុយក្រែន។ លោក Biden បានហៅការអត្ថាធិប្បាយរបស់លោក Trump ថា "គ្រោះថ្នាក់" និង "មិនមែនអាមេរិក" ថា នឹងមិនចង់ការពារសមាជិកណាតូពីការវាយប្រហារនាពេលអនាគតពីប្រទេសរុស្ស៊ីទេ ប្រសិនបើការរួមចំណែករបស់ប្រទេសទាំងនោះចំពោះសម្ព័ន្ធភាពការពារជាតិនេះ មានភាពយឺតយ៉ាវ។ នៅឯសេតវិមាន គណបក្សប្រជាធិបតេយ្យបានស្តីបន្ទោសយ៉ាងខ្លាំងចំពោះការអត្ថាធិប្បាយរបស់លោក Trump កាលពីចុងសប្តាហ៍ ដោយចោទសួរអំពីឆន្ទៈរបស់សហរដ្ឋអាមេរិកក្នុងការគាំទ្រសមាជិកនៃសម្ព័ន្ធការពារលោកខាងលិច ប្រសិនបើពួកគេត្រូវបានរងការវាយប្រហារ។លោក Biden បាននិយាយថា ការអត្ថាធិប្បាយរបស់លោក Trump រុញឱ្យស្ថានការណ៍កាន់តែបន្ទាន់ដែលសភាអនុម័តសំណើផ្តល់មូលនិធិដែលជាប់គាំងជាយូរមករបស់លោកដើម្បីគាំទ្រការការពាររបស់អ៊ុយក្រែនប្រឆាំងនឹងរុស្ស៊ី។ លោកបាននិយាយថា ភាពជាប់គាំងស្ថិតកម្រិតខ្ពស់ស្រាប់រួចទៅហើយសម្រាប់សន្តិសុខអាមេរិក មុនពេលច្បាប់នេះត្រូវបានអនុម័តនៅក្នុងព្រឹទ្ធសភាកាលពីយប់មិញ។ប៉ុន្តែក្នុងរយៈពេលប៉ុន្មានថ្ងៃថ្មីៗនេះ ឧបសគ្គៈទាំងនោះបានកើនឡើង ហើយនោះក៏ដោយសារតែអតីតប្រធានាធិបតីរូបនេះ បានបញ្ជូនសញ្ញាដ៏គ្រោះថ្នាក់ និងគួរឱ្យភ្ញាក់ផ្អើលដែលស្មានមិនដល់របស់អាមេរិកទៅកាន់ពិភពលោក។កាលពីថ្ងៃសៅរ៍ លោក Trump មកពីគណបក្សសាធារណរដ្ឋបានត្អូញត្អែរអំឡុងការប្រមូលផ្ដុំនយោបាយនៅរដ្ឋ South Carolina អំពីអ្វីដែលលោកហៅថាការបង់ប្រាក់ "ខុសឆ្គង" ដោយសមាជិកណាតូ ហើយបានរំលឹកឡើងវិញនូវអ្វីដែលលោកបាននិយាយថា ជាការសន្ទនាអតីតកាលជាមួយប្រមុខនៃប្រទេសធំមួយ អំពីលទ្ធភាពនៃការវាយប្រហារពីប្រទេសរុស្ស៊ី៕

ព្រះមហាក្សត្រ យាងសួរសុខទុក្ខ និងប្រទានព្រះរាជអំណោយដល់បុគ្គលិក កម្មករ ផ្នែកប្រមូលសំរាម និងប្រកាសទិវាជាតិនៃទីក្រុងស្អាត

ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃ ព្រះរាជាណាចក្រកម្ពុជា បានស្តេចយាងជាព្រះរាជាធិបតីដ៏ខ្ពង់ខ្ពស់បំផុតសួរសុខទុក្ខ និងប្រោសប្រទានព្រះរាជអំណោយដល់បុគ្គលិក កម្មករផ្នែកប្រមូលសំរាម និងសំអាតទីក្រុងក្នុងរាជធានីភ្នំពេញ និងប្រកាសទិវាជាតិ នៃទីក្រុងស្អាត។ក្នុងព្រះរាជពិធីដែលធ្វើនៅកោះនរា នាព្រឹកថ្ងៃទី១៤កុម្ភៈនេះ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញបានថ្វាយរបាយការណ៍ដោយគូស បញ្ជាក់ថា បច្ចុប្បន្ននេះ រដ្ឋបាលរាជធានីភ្នំពេញ មានភាពល្អប្រសើរ ធ្វើការងារគ្រប់គ្រង និងអភិវឌ្ឍន៍លើហេដ្ឋារចនាសម្ព័ន្ធរូបវ័ន្ដ ព្រមទាំងថែរក្សាអនាម័យ បរិស្ថានទីក្រុងស្អាត ពោលគឺ ក្រោយពេល ដែលរាជរដ្ឋាភិបាល បានធ្វើកំណែទម្រង់ លើការងារគ្រប់គ្រង សំរាមសំណល់រឹង ទៅទូទាំងប្រទេសក្នុងនោះនៅរាជធានីភ្នំពេញ បានរៀបចំនីតិវិធី ដេញថ្លៃប្រកួតប្រជែង ជាលក្ខណៈអន្តរជាតិ ដោយបានជ្រើសរើស បានក្រុមហ៊ុនចំនួន៣ ដើម្បីផ្ដល់ សេវាប្រមូល និងដឹកជញ្ជូនសម្រាម ក្នុងរាជធានី ។ក្រុមហ៊ុនទាំង៣ បានចាប់ផ្តើមតាំងពីថ្ងៃទី១ ខែកក្កដា ឆ្នាំ២០២១ រហូតមកដល់ពេលនេះ ដោយទទួលបានការសាទរ តម្លៃខ្ពស់ពីគ្រប់មជ្ឈដ្ឋានថា ផ្ដល់សេវាមានគុណភាពល្អប្រសើរជាងមុន មានមធ្យោបាយ សំភារៈប្រើប្រាស់ថ្មីទំនើប ចំនួនបុគ្គលិក កម្មករឆ្លើយតបទៅនឹងទំហំការងារ។ទោះជាយ៉ាងណា នៅមានបញ្ហាប្រឈមមួយចំនួនដែលប្រជាពលរដ្ឋមួយចំនួនទុកដាក់សំរាមមិនទាន់បានត្រឹមត្រូវដែលទាមទារឱ្យមានការចូលរួមទាំងអស់គ្នា។ព្រះករុណា ព្រះបាទ សម្ដេចព្រះបរមនាថ នរោត្តម សីហមុនី ព្រះមហាក្សត្រ បានសព្វព្រះរាជហឫទ័យ រីករាយដែលរដ្ឋបាលរាជធានីភ្នំពេញបានប្រារព្ធព្រះរាជពិធីសួរសុខទុក្ខ និងប្រោសប្រទានព្រះរាជអំណោយដល់បុគ្គលិក កម្មករផ្នែកប្រមូលសំរាម និងសំអាតទីក្រុងក្នុងរាជធានីភ្នំពេញ និងប្រកាសទិវាជាតិនៃទីក្រុងស្អាតនៅថ្ងៃនេះ។ជាមួយនឹងការនាំមកនូវ ព្រះរាជបណ្ដាំផ្ញើ សួរសុខទុក្ខនិងសេចក្តីនឹករលឹក ដ៏ជ្រាលជ្រៅបំផុត និងពរជ័យដ៏មហាប្រសើរពីសម្តេច ព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុតជូនឯកឧត្តម លោកជំទាវ លោកលោកស្រី បងប្អូន កម្មករ កម្មការនីទាំងអស់ព្រះអង្គសព្វព្រះរាជហឫទ័យដែលរដ្ឋបាលរាជធានីភ្នំពេញបានបង្ហាញពីការរីកចម្រើន រួមទាំងសកម្មភាព នៃការចូលរួមរបស់បងប្អូនកម្មករ កម្មការនីផ្នែកប្រមូលសំរាមក្នុងរយៈពេលជាច្រើនឆ្នាំមកនេះបានខិតខំចូលរួមសំអាតទីក្រុងបានយ៉ាងល្អថែរក្សាភាពស្អាតទីក្រុងជាពិសេស ក្នុងស្ថានភាពរីកចម្រើនក្នុងរាជធានីភ្នំពេញ។ ព្រះអង្គបានគូសរំលេចថា រាជរដ្ឋាភិបាលកម្ពុជាបានកំណត់យកថ្ងៃទី២៧ខែកុម្ភៈជារៀងរាល់ឆ្នាំ ដើម្បីប្រារព្ធទិវាជាតិទីក្រុងស្អាត សំដៅរួមចំណែកបំផុស និងលើកទឹកចិត្តដល់បងប្អូនប្រជាពលរដ្ឋនៅទូទាំងប្រទេសព្រមទាំងជំរុញ និងយកចិត្តទុកដាក់ខ្ពស់ក្នុងការលើកកម្ពស់ការអភិវឌ្ឍបៃតង ការប្តូរនូវបដិសណ្ឋារកិច្ចល្អដែលរួមចំណែកដល់ការអភិវឌ្ឍវិស័យទេសចរណ៍ និងការរីកចម្រើនរបស់សង្គមជាតិ។ ទីក្រុងស្អាត ផ្សាភ្ជាប់ទៅនឹងទីក្រុងឆ្លាត ដែលមានភាពទាក់ទាញ មានលក្ខណៈប្រកួតប្រជែងទាំងសេដ្ឋកិច្ចបរិស្ថាន ប្រកបដោយចីរភាព និងការទទួលខុសត្រូវ ដើម្បីលើកកម្ពស់គុណភាពរស់នៅ របស់ប្រជាជនប្រកបដោយសុខមាលភាព សុខភាព សន្តិសុខ វិបុលភាព និងផ្តល់ភាពកក់ក្តៅដល់ភ្ញៀវទេសចរជាតិ និងអន្តរជាតិ ជាពិសេសបំផុសឱ្យមានការចូលរួមយ៉ាងសកម្ម ពីប្រជាពលរដ្ឋគ្រប់រូបតាមរយៈការពង្រឹងការអនុវត្តនូវផែនការទីក្រុងស្អាត ប្រកបដោយបរិស្ថានល្អ ស្អាត ឆ្លាត និងបៃតង។ក្រោមការដឹកនាំ ដ៏វៃឆ្លាតប្រកបដោយគតិបណ្ឌិត របស់សម្ដេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជាក្នុងការប្រតិបត្តិការងារដ៏ល្អប្រពៃ និងប្រកបដោយនយោបាយដ៏ថ្លៃថ្លា រាជរដ្ឋាភិបាលបានដឹកនាំសង្គមជាតិយើងទាំង ទីក្រុងនិងជនបទ ទទួល បានសេចក្តីសុខ សន្តិភាពនិងការអភិវឌ្ឍ ចម្រើនលូតលាស់លើគ្រប់វិស័យ និងបានកោតសរសើរដល់អភិបាលរាជធានីភ្នំពេញដែលបានចូលរួមចំណែកដឹកនាំកែលម្អសោភណ្ឌភាព ទីក្រុងភ្នំពេញឲ្យមានភាពស្រស់បំព្រងល្អស្អាត តាមគោលនយោបាយ និងយុទ្ធសាស្ត្រអភិវឌ្ឍជាតិនានារបស់រាជរដ្ឋាភិបាល។ព្រះករុណាបាន អំពាវនាវឱ្យគ្រប់ក្រសួង ស្ថាប័ន រាជធានី ខេត្ត ក្រុងអាជ្ញាធរគ្រប់លំដាប់ថ្នាក់ កងកម្លាំងប្រដាប់អាវុធ វិស័យឯកជន អង្គការសង្គមស៊ីវិល ព្រះសង្ឃ លោកគ្រូ អ្នកគ្រូសិស្ស និស្សិត យុវជន យុវនារី មន្ត្រីរាជការ និងបងប្អូន ជនរួមជាតិទាំងអស់ សូមចូលរួមឲ្យបានផុលផុសក្នុងស្មារតី ទទួលខុសត្រូវខ្ពស់ក្នុងការថែរក្សា បរិស្ថានឱ្យបានល្អស្អាត និងបៃតង ទីក្រុងស្អាត រមណីយដ្ឋានស្អាត សេវាល្អ បដិសណ្ឋារកិច្ចល្អ ដើម្បីឲ្យព្រះរាជាណាចក្រកម្ពុជាក្លាយជាគោលដៅទេសចរណ៍ប្រកបដោយគុណភាព និងភាពទាក់ទាញខ្ពស់ សម្រាប់ភ្ញៀវទេសចរជាតិ និងអន្តរជាតិ ជាពិសេសការបំពេញទស្សនកិច្ចរបស់គណៈប្រតិភូជាន់ខ្ពស់ជាផ្លូវរដ្ឋ ជាផ្លូវការ ជាមិត្តភាពជាមួយប្រទេសកម្ពុជា៕

បណ្ដាញសង្គម

ព័ត៌មានថ្មីៗ

ក្រសួងប្រៃសណីយ៍ បើកសិក្ខាសាលាស្តីពី «កម្មវិធីប្រកួតប្រជែងសរសេរកូដបញ្ជារ៉ូបូតនៅលើស្ថានីយលំហអាកាសអន្តរជាតិ លើកទី៧» ដើម្បីបញ្រ្ជាបការយល់ដឹងសិស្ស-និស្សិត និងទាញអត្ថប្រយោជន៍ពីបច្ចេកវិទ្យានេះ សម្រាប់អភិវឌ្ឍន៍ប្រទេសជាតិ

វប្បធម៌ចែករំលែក៖ សភាពាណិជ្ជកម្មកម្ពុជា នាំថវិកាជាង១លានដុល្លារ ជូនកាកបាទក្រហមកម្ពុជា

អ៊ីរ៉ង់នៅប្រកាន់តឹងចំពោះច្រកសមុទ្រ ខណៈលោក Trump ប្រាប់ពលរដ្ឋអាមេរិកទទួលយកតម្លៃប្រេងខ្ពស់

រញ្ជួយដីកម្រិត៧,៧រ៉ិចទ័រវាយប្រហារនៅឆ្នេរសមុទ្រឥណ្ឌូនេស៊ី ហើយការព្រមានអំពីរលកយក្សស៊ូណាមិ ត្រូវបានចេញ

អ្នកទេសចរជប៉ុនម្នាក់ ត្រូវបានយុវជនថៃ៦នាក់វាយប្រហារ និងប្លន់ នៅជិតអាកាសយានដ្ឋាន Makkasan ទីក្រុងបាងកក

អ៊ីរ៉ង់បញ្ជាក់ថា ខ្លួនបានបាញ់ទម្លាក់យានដ្រូន MQ-9 ផលិតនៅអាមេរិក នៅខេត្ត Hormozgan

សមាជិកសភាកោះតៃវ៉ាន់ អនុម័តថវិកាឆ្នាំ២០២៦ ក្រោយពន្យារពេលយ៉ាងយូរបំផុត

ចៅក្រមសម្រេចឃុំខ្លួនបណ្ដោះអាសន្នស្ដ្រីដែលជេរប្រមាថកងទ័ព

អ្នកបើកបាត់បង់ជីវិត បន្ទាប់ពីឧទ្ធម្ភាគចក្រធ្លាក់នៅភាគខាងកើតអាល្លឺម៉ង់

មន្ត្រី៖ អាមេរិកចង់ឱ្យលោក Netanyahu ថ្កោលទោសការឡោមព័ទ្ធរបស់អ្នកតាំងលំនៅ ក្នុងភូមិប៉ាឡេស្ទីន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍