នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្ត​ពីព្រះបរម​រតនកោដ្ឋ​ក្នុង​ការ​ពូន​ជ្រំ​ទំនាក់ទំនងរវាងកម្ពុជា និងចិន
សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម
ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត
សម្ដេចតេជោ ជំរុញឱ្យកម្ពុជា-កូរ៉េខាងត្បូងលើកកម្ពស់ទំនាក់ទំនងភាពជាដៃគូយុទ្ធសាស្រ្តគ្រប់ជ្រុងជ្រោយក្នុងឱកាសខួប៣០ឆ្នាំនៃទំនាក់ទំនងប្រទេសទាំងពីរ

នយោបាយ​ និង ការអភិវឌ្ឍន៍

របាយការណ៍៖ កូរ៉េខាងជើង រុះរើវិមាននិមិត្តរូបនៃការរួបរួមជាមួយកូរ៉េខាងត្បូង

2024/01/24 10:55:21 am        172
Facebook Telegram Linkin
ប្រទេសកូរ៉េខាងជើង បានរុះរើវិមានដ៏ធំមួយនៅក្នុងរដ្ឋធានីរបស់ខ្លួន ដែលជានិមិត្តរូបគោលដៅនៃការផ្សះផ្សាជាមួយកូរ៉េខាងត្បូង តាមបញ្ជារបស់មេដឹកនាំលោក គីម ជុងអ៊ុន ដែលកាលពីសប្តាហ៍មុនបានហៅកូរ៉េខាងត្បូង ថាជា «សត្រូវចម្បង» ហើយបាននិយាយថាការបង្រួបបង្រួមមិនអាចមានទៀតនោះទេ។រូបភាពពីផ្កាយរណបនៃទីក្រុងព្យុងយ៉ាង កាលពីថ្ងៃអង្គារ (២៣ មករា) បានបង្ហាញថាវិមានដែលជានិមិត្តរូបនៃក្តីសង្ឃឹមសម្រាប់ការបង្រួបបង្រួមកូរ៉េ ដែលត្រូវបានសាងសង់ឡើងបន្ទាប់ពីកិច្ចប្រជុំកំពូលអន្តរកូរ៉េក្នុងឆ្នាំ២០០០ លែងនៅទីនោះទៀតហើយ។ប្រព័ន្ធផ្សព្វផ្សាយផ្លូវការបាននិយាយថា លោក គីម បានហៅវិមាននេះថាជាកន្លែង «ទើសភ្នែក» នៅក្នុងសុន្ទរកថានៅឯសភាមេដឹកនាំកំពូលកាលពីថ្ងៃទី១៥ ខែមករា ជាទីដែលលោកបានបញ្ជាឱ្យធ្វើវិសោធនកម្មរដ្ឋធម្មនុញ្ញដើម្បីដាក់ ភាគខាងត្បូងគឺជា «សត្រូវទីមួយ និងជាសត្រូវចម្បងដែលមិនអាចផ្លាស់ប្តូរបាន»។ភាពតានតឹងបានផ្ទុះឡើងនៅលើឧបទ្វីបកូរ៉េ បន្ទាប់ពីសមយុទ្ធយោធាកាន់តែខ្លាំងឡើងដោយយោធាកូរ៉េខាងត្បូង និងសហរដ្ឋអាមេរិក ក្នុងការឆ្លើយតបទៅនឹងការសាកល្បងអាវុធដោយកូរ៉េខាងជើង ដែលបាននិយាយថា ខ្លួនកំពុងត្រៀមធ្វើ «សង្រ្គាមនុយក្លេអ៊ែរ» ជាមួយសត្រូវ៕

[BREAKING NEWS] មនុស្ស ១០នាក់ស្លាប់ក្នុងឧបទ្ទវហេតុធ្លាក់យន្តហោះនៅដែនដី ណសវេស ភាគខាងជើងកាណាដា

2024/01/24 10:43:18 am        389
Facebook Telegram Linkin
មនុស្ស ១០នាក់បានស្លាប់ ហើយអ្នកនៅរស់រានមានជីវិតតែម្នាក់ បានរងការរលាកធ្ងន់ធ្ងរនៅក្នុង​ការធ្លាក់​យន្តហោះខ្នាតតូច ប៊ីអេអ៊ី ជេតស្រ្ទីម (BAE Jetstream) ដែលមាន ១៩កៅអី នៅព្រឹក​ថ្ងៃអង្គារ (២៣ មករា) នៅភាគខាងជើងប្រទេសកាណាដា។ យន្តហោះ BAE Jetstream ១៩កៅអី ដែលដំណើរការដោយក្រុមហ៊ុនអាកាសចរណ៍ ណសវេស អ៊ែរលៀស (Northwestern Air Lease) នោះបានធ្លាក់ភ្លាមៗបន្ទាប់ពីការហោះហើរពីទីក្រុង ហ្វត ស្មីត (Fort Smith) នៅភាគអាគ្នេយ៍នៃដែនដី ណសវេស (Northwest Territories)។មន្ទីរ​ពេទ្យក្នុងតំបន់បានផ្តួចផ្តើមឱ្យមានការឆ្លើយតបចំពោះជនរងគ្រោះដ៏ច្រើន ប៉ុន្តែបាន​ឈប់​ទៅ​វិញ​នៅ​ពេល​ដែលព័ត៌មានលម្អិតនៃសោកនាដកម្មត្រូវបានបញ្ជាក់។ មានអ្នកដំណើរ ៩នាក់ និង​នាវិក ២នាក់ នៅលើយន្តហោះនោះ។ គេមិនទាន់ដឹងភ្លាមៗថា តើអ្នកនៅ​រស់រានមាន​ជីវិ​ត​នោះ​ជា​អ្នក​បើក​យន្តហោះ ឬជាអ្នកដំណើរនោះទេ។ បុគ្គលិករុករក និងជួយសង្គ្រោះយោធា​បានលោត​ឆ័ត្រ​​យោង​ចុះទៅកាន់កន្លែងកើតហេតុនោះនៅរសៀលថ្ងៃអង្គារ (២៣ មករា)។អាជ្ញាធរ​សេវាសុខភាព និងសង្គមនៃដែនដីណសវេស នៅភូមិ ហ្វតស្មីត នៃដែនដីនេះ បាននិយាយថា ខ្លួនបានបើកដំណើរការប្រតិបត្តិការ នៃគ្រោះថ្នាក់ដ៏ធំរបស់ខ្លួនបន្ទាប់​ពីការធ្លាក់​នៅ​ពេល​ព្រឹក។ ក្រុមប្រឹក្សាសុវត្ថិភាពរបស់ប្រទេសកាណាដា កំពុងបញ្ជូនអ្នកស៊ើប​អង្កេតទៅកាន់​ដែនដី​ណសវេស ដើម្បីស៊ើបអង្កេតលើការធ្លាក់យន្តហោះនេះ៕

ប្រសាសន៍សំខាន់ៗរបស់សម្តេចធិបតី ក្នុងខួបអនុស្សាវរីយ៍លើកទី២៥ ថ្ងៃបង្កើតបញ្ជាការដ្ឋានកងទ័ពជើងគោក

2024/01/24 10:23:49 am        226
Facebook Telegram Linkin
ភ្នំពេញ៖ សម្តេចធិបតីនាយឧត្តមសេនីយ៍ ហ៊ុន ម៉ាណែត នាយករដ្ឋមន្ត្រីនៃកម្ពុជា នៅព្រឹកថ្ងៃទី២៤ ខែមករា ឆ្នាំ២០២៤ បានអញ្ជើញជាអធិបតីក្នុងពិធីអបអរសាទរ ខួបអនុស្សាវរីយ៍លើកទី២៥ ថ្ងៃបង្កើតបញ្ជាការដ្ឋានកងទ័ពជើងគោក នៃកងយោធពលខេមរភូមិន្ទ (២៤ មករា ១៩៩៩ - ២៤ មករា ២០២៤)។*ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖-សម្តេចធិបតីនាយឧត្តមសេនីយ៍ ហ៊ុន ម៉ាណែត បានថ្លែងកោតសរសើរ និងអរគុណដោយស្មោះចំពោះយោធិនទាំងអស់ ដែលបានលះបង់អស់ពីកម្លាំងកាយចិត្ត លះបង់ក្រុមគ្រួសារដែលជានិច្ចកាលតែងតែបានខិតខំព្យាយាមជម្នះឧបសគ្គតូចធំ ប្រកៀកស្មាគ្នាយ៉ាងរឹងមាំ សាមគ្គីភាព ឯកភាពផ្ទៃក្នុង និងសហការបានល្អ ជាមួយបណ្តាគ្រប់កងឯកភាពទូទាំងកងយោធពលខេមរភូមិន្ទ ក្នុងកិច្ចការពារនូវសុខសន្តិភាព អធិបតេយ្យភាព បូរណភាពទឹកដីជាដើមនាពេលកន្លងមក។-សម្ដេចធិបតីនាយឧត្ដមសេនីយ៍ ហ៊ុន ម៉ាណែត៖ ៤៥ ឆ្នាំកន្លងមកនេះ បាន បង្ហាញឱ្យឃើញច្បាស់ថា កម្ពុជាកំពុងឈានទៅមុខឥតឈប់ឈរ និងត្រឹមត្រូវ។-សម្ដេចធិបតី៖ កងទ័ពជាកម្លាំងសំខាន់ ដែលអាចបង្កជាសង្គ្រាម ហើយកងទ័ពក៏អាចបញ្ចប់សង្គ្រាម នាំមកនូវសុខសន្តិភាពផងដែរ។-សម្តេចធិបតីនាយករដ្ឋមន្រ្តីនៃកម្ពុជា បានថ្លែងអំណរគុណដល់នាយទាហាន នាយទាហានរង ពលទាហានទាំងអស់នៃបញ្ជាការដ្ឋានកងទ័ពជើងគោក ដែលបានសហការគ្នាយ៉ាងល្អប្រសើរ ជាមួយ និងអាជ្ញាធរមូលដ្ឋាន ព្រមទាំងសមត្ថកិច្ចពាក់ព័ន្ធទាំងអស់ ក្នុងបុព្វហេតុការពារសន្តិភាព អធិបតេយ្យភាព បូរណភាពទឹកដី និងរួមចំណែកដល់ដំណើរការអភិវឌ្ឍជាតិនាពេលកន្លងមក ដែលពលិកម្មយ៉ាងធំធេង ដើម្បីជាតិមាតុភូមិ និងភាពសុខសាន្តរបស់ប្រជាជន និងប្រទេសជាតិទាំង មូល។-សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានរំលឹកថា ការបង្កើតបញ្ជាការដ្ឋានកងទ័ពជើងគោក កាលពីឆ្នាំ១៩៩៩ គឺមានសារសំខាន់បំផុត ខណៈកងទ័ពជើងគោក បានចូលរួមប្រតិបត្តិការយ៉ាងសកម្ម ក្នុងការប្រមូលផ្គុំកងទ័ពគ្រប់ភាគីទាំងអស់ ចូលរួមក្នុងការអនុវត្តប្រកបដោយជោគជ័យ នូវនយោបាយឈ្នះឈ្នះ រួមទាំងបានការពារនូវយន្តការជាច្រើនទៀត ធ្វើឱ្យកម្ពុជាមានសុខសន្តិភាព និងការអភិវឌ្ឍៃរហូតដល់សព្វថ្ងៃនេះ។-សម្តេចធិបតី ហ៊ុន ម៉ាណែត បានអំពាវនាវជាថ្មីម្តងទៀត ដល់នាយទាហាន នាយទាហានរង ពលទាហានទាំងអស់ត្រូវតែការពារនូវសុខសន្តិភាពឲ្យខាងតែបានគ្រប់កាលៈទេសៈទាំងអស់ ខណៈសន្តិភាពនេះហើយ ដែលធានាបាននូវការអភិវឌ្ឍប្រទេសជាតិរបស់យើង។-សម្ដេចធិបតី នាយករដ្ឋមន្ត្រី៖ កំណែទម្រង់កងទ័ព ត្រូវ ផ្អែកលើស្មារតីជាតិនិយម។-សម្ដេចធិបតីនាយករដ្ឋមន្ត្រី៖ ដើម្បីពង្រឹងសមត្ថភាពកងទ័ព ត្រូវពង្រឹងសាលា ដើម្បីពង្រឹងសាលា ត្រូវពង្រឹងយោធាចារ្យ។-សម្ដេចធិបតី៖ កម្ពុជានឹងកសាងសាលា ហ្វឹកហ្វឺនបន្ថែមទៀត ដោយផ្ដោតលើជំនាញរថក្រោះ, កាំភ្លើងធំ និងការពារអាកាស។-សម្ដេចធិបតី នាយឧត្ដមសេនីយ៍៖ កម្ពុជាមិនមានមហិច្ឆតារំលោភឈ្លានពានគេនោះទេ។ កម្ពុជាធ្វើទំនើបកម្មកងទ័ពដូចប្រទេសនានាដែរ។ នៅក្នុងពិភពលោក នេះ មិនមានច្បាប់ហាមឃាត់ប្រទេសណាមួយ មិនឱ្យធ្វើទំនើបកម្មកងទ័ពនោះឡើយ។-សម្ដេចធិបតី ហ៊ុន ម៉ាណែត បញ្ជាក់ថា រឿងសមុទ្ររាម កម្ពុជាមិនអនុញ្ញាតឱ្យមានមូលដ្ឋានកងទ័ពបរទេសនៅលើទឹកដីកម្ពុជាឡើយ ហើយកងទ័ពកម្ពុជាក៏គ្មានមូលដ្ឋាននៅលើដែនដីប្រទេសណាមួយដែរ លើកលែងតែកងកម្លាំងចូលរួមរក្សាសន្ដិភាពក្រោមឆត្រនៃអង្គការសហប្រជាជាតិ (UN) តែប៉ុណ្ណោះ។

ទួរគី យល់ព្រមលើសំណើចូលសមាជិកអង្គការ NATO របស់ស៊ុយអែត បន្ទាប់ពីការពន្យារពេលអស់ ២០ខែ

2024/01/24 08:59:58 am        119
Facebook Telegram Linkin
សភារបស់ប្រទេសទួរគី បានផ្តល់សច្ចាប័នលើសំណើសមាជិកភាពអង្គការណាតូ របស់ប្រទេសស៊ុយអែត កាលពីថ្ងៃអង្គារ (២៣ មករា) ដោយបានជម្រះឧបសគ្គដ៏ធំបំផុតដែលនៅសេសសល់ក្នុងការពង្រីកសម្ព័ន្ធយោធាលោកខាងលិចមួយនេះ បន្ទាប់ពីការពន្យារពេល ២០ខែ។មហាសន្និបាតរបស់ប្រទេសទួរគី ដែលសម្ព័ន្ធកាន់អំណាចរបស់លោកប្រធានាធិបតី ថាយីប អឺដូហ្គាន់ (Tayyip Erdogan) ទទួលបានសំឡេងភាគច្រើន បានបោះឆ្នោតគាំទ្រ ២៨៧សំឡេងទល់នឹងការប្រឆាំង ៥៥សំឡេង ដើម្បីអនុម័តលើពាក្យសុំដែលស៊ុយអែត បានធ្វើឡើងជាលើកដំបូងក្នុងឆ្នាំ២០២២ ដើម្បីពង្រឹងសន្តិសុខរបស់ខ្លួនជាការឆ្លើយតបទៅនឹងការឈ្លានពានពេញលេញរបស់រុស្ស៊ី លើអ៊ុយក្រែន។សមាជិកណាតូ ទាំងអស់ត្រូវយល់ព្រមលើពាក្យសុំពីប្រទេសដែលចង់ចូលរួមក្នុងសម្ព័ន្ធយោធានេះ។ នៅពេលដែលស៊ុយអែត និងហ្វាំងឡង់ បានស្នើសុំចូលរួមនៅឆ្នាំ២០២២ ទួរគីបានលើកឡើងពីការជំទាស់លើអ្វីដែលខ្លួនបាននិយាយថាជាការការពាររបស់ប្រទេសទាំងពីរនេះចំពោះក្រុមដែលខ្លួនចាត់ទុកថាជាក្រុមភេរវករ។ទួរគីបានគាំទ្រសមាជិកភាពរបស់ប្រទេសហ្វាំងឡង់ កាលពីខែមេសា ឆ្នាំមុន ប៉ុន្តែបានរួមគ្នាជាមួយប្រទេសហុងគ្រី ដោយទុកឲ្យស៊ុយអែតនៅរង់ចាំ។ លោក អឺដូហ្គាន់ ត្រូវបានគេរំពឹងថានឹងចុះហត្ថលេខាលើច្បាប់អនុម័តសំណើសមាជិកភាពនេះក្នុងរយៈពេលប៉ុន្មានថ្ងៃទៀត ដោយទុកឲ្យប្រទេសហុងគ្រី ដែលលោកនាយករដ្ឋមន្ត្រី វីកទ័រ អ័របាន (Viktor Orban) មានទំនាក់ទំនងមិត្តភាពជាមួយប្រធានាធិបតីរុស្ស៊ី លោក វ្លាឌីមៀ ពូទីន (Vladimir Putin) ជារដ្ឋសមាជិកតែមួយគត់ដែលមិនយល់ព្រមលើការចូលជាសមាជិករបស់ស៊ុយអែត៕

សម្តេចធិបតី ណែនាំឱ្យអគ្គស្នងការនគរបាលជាតិ ពង្រឹងការពិនិត្យជាតិអាល់កុលបន្ថែមទៀត នៅតាមដងផ្លូវ

2024/01/23 04:44:29 pm        304
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ណែនាំឱ្យនាយឧត្តមសេនីយ៍ ស ថេត អគ្គស្នងការនគរបាលជាតិ ពិនិត្យ និងរឹតបណ្តឹងបន្ថែមទៀត ចំពោះជាតិអាល់កុលនៅតាមដងផ្លូវ ខណៈបញ្ហាចរាចរណ៍ បានកើតឡើងយ៉ាងរន្ធត់ ក្នុងរយៈពេលប៉ុន្មានថ្ងៃមកនេះ គឺដោយសារតែគ្រឿងស្រវឹង។ក្នុងឱកាសអញ្ជើញជាអធិបតីក្នុងពិធីបិទសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងព័ត៌មាន នាថ្ងៃទី២៣ ខែមករា ឆ្នាំ២០២៤ សម្តេចធិបតី ហ៊ុន ម៉ាណែត បានបញ្ជាក់ថា បញ្ហាចរាចរណ៍ដែលបានកើតឡើង​ដោយសារគ្រឿង​ស្រវឹង​ក្នុងរយៈពេលប៉ុន្មានថ្ងៃមកនេះ​គួរឲ្យរន្ធត់យ៉ាងខ្លាំង ជាក់ស្តែងដូចករណី​ដែលបានបុក​មនុស្សស្លាប់ ​និងរងរបួសជាច្រើននាក់នៅស្ពានឫស្សីកែវ កាលពីប៉ុន្មានថ្ងៃកន្លងទៅថ្មីៗនេះ ដោយ​សារតែគ្រឿងស្រវឹងនេះតែម្តង ​ដូច្នេះត្រូវតែអនុវត្តន៍ ពិនិត្យជាតិអាល់កុល​ចំពោះអ្នកបើកបរ​តាម​ដងផ្លូវ​បន្ថែមទៀត ​ចាប់ពីពេលនេះតទៅ។ជាមួយគ្នានោះដែរសម្តេចធិបតី ហ៊ុន ម៉ាណែត នាយករដ្ឋមន្រ្តី ​ក៏បានអំពាវដល់បណ្តាប្រព័ន្ធផ្សព្វ ផ្សាយទាំងអស់ធ្វើការផ្សព្វផ្សាយ​ពាណិជ្ជកម្មស្រាបៀ គប្បីត្រូវមានកម្រិត​ដោយ​មិនត្រូវ​ឲ្យពិធីករ ពិធីការិនី ឬប្រជាពលរដ្ឋ ​ជាពិសេសគឺយុវជន-យុវនារី​ គាស់​កំប៉ុង​ភ្លក់​ស្រាបៀ​ដែល​កំពុង​មានការ​ឡាយ ​ក្នុងកម្មវិធីអ្វីនោះឡើយ ខណៈរូបភាព​ដែលបង្ហាញ​ពី​យុវជនឲ្យមានការភ្លក់​ស្រាបៀ​នៅលើប្រព័ន្ធផ្សព្វផ្សាយទៅកាន់មហាជននោះ វាជះឥទ្ធិពលអាក្រក់ដល់សង្គមទាំងមូល។យ៉ាងណាក៏ដោយក្រោយមានការផ្ទុះការរិះគន់​ចំពោះ​ប្រព័ន្ធផ្សព្វផ្សាយ ទាក់ទង​នឹងស្រាបៀ​នោះ​សម្តេច ធិបតី ហ៊ុន ម៉ាណែត ​នាយករដ្ឋមន្រ្តី​ក៏បានកោះប្រជុំជាមួយថ្នាក់ដឹកនាំ​ប្រព័ន្ធផ្សព្វផ្សាយ​នានា​ផងដែរ ដោយកិច្ចប្រជុំនោះ​ត្រូវបាន​សម្តេច អះអាងថា ម្ចាស់​ក្រុមហ៊ុន​ប្រព័ន្ធផ្សព្វផ្សាយ​ទទួល​ការ​សំណូមពរពីសម្តេច ហើយពួកគេនឹងធ្វើការ​ផ្សព្វផ្សាយ​ដូចអ្វីដែល​នាយករដ្ឋមន្រ្តី បាន​ណែនាំយ៉ាងដូច្នេះដែរ៕អត្ថបទ៖ បាន ចក់

សម្តេចធិបតី៖ វិស័យព័ត៌មានមានសារសំខាន់បំផុត ក្នុងការចូលរួមថែរក្សាសុខសន្តិភាពជូនប្រជាជន និងប្រទេសជាតិ

2024/01/23 04:28:53 pm        139
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា អំណាចនៃវិស័យព័ត៌មាន គឺជាអំណាចទី៤ ហើយប្រសិនបើប្រើប្រាស់ត្រូវវិស័យនេះ គឺមានសារសំខាន់បំផុតក្នុងការចូលរួមថែរក្សានូវសុខសន្តិភាព ជូនប្រជាពលរដ្ឋ ក៏ដូចជាប្រទេសជាតិទាំងមូល។ក្នុងឱកាសអញ្ជើញជាអធិបតី ក្នុងពិធីបិទសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងព័ត៌មាន នាថ្ងៃទី២៣ ខែមករា ឆ្នាំ២០២៤ សម្តេចធិបតី ហ៊ុន ម៉ាណែត នាយករដ្ឋមន្រ្តី បានលើកឡើងថា អ្នកសារព័ត៌មាន គឺជាប្រតិបត្តិករសំខាន់ណាស់ក្នុងការផ្ដល់ព័ត៌មានពិតត្រឹមត្រូវមានវិជ្ជាជីវៈទៅដល់ប្រជាពលរដ្ឋ និងសាធារណៈជន ដូច្នេះកុំធ្វើអ្វីឲ្យខុសវិជ្ជាជីវៈរបស់ខ្លួន ដោយត្រូវនាំមកនូវព័ត៌មានពិត មិនត្រូវប្រឌិត ដែលនាំឲ្យប៉ះពាល់ដល់សង្គមជាតិ។ជាមួយគ្នានោះដែរ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ក៏បានលើកឡើងផងដែរ ថា អ្នកសារព័ត៌មានមួយចំនួនមានចំណេះដឹងនៅមានកម្រិតនៅឡើយ ដូច្នេះទាមទារ​ឲ្យពួកគេបន្ត​ធ្វើការបណ្តុះបណ្តាលជំនាញបន្ថែមទៀត ​ខណៈអ្នកសារព័ត៌មានខ្លះបានដើរហួសវិជ្ជាជីវៈរបស់ខ្លួន ដែលនាំ​ឲ្យប៉ះពាល់ដល់ស្ថិរភាព ​និង​សន្តិសុខ​សង្គម ​ដូច្នេះសម្តេចក៏បាន ណែនាំ​ឲ្យ​រដ្ឋមន្រ្តី​ក្រសួងព័ត៌មាន​ពិនិត្យ​មើល​ចំពោះការ​ឡាយផ្ទាល់​របស់អ្នកសារព័ត៌មានខ្លះ ដែលនាំឲ្យ​មាន​ផលប៉ះពាល់ផ្ទាល់ដល់ជីវិតផ្ទាល់ខ្លួនរបស់គេ ខណៈការឡាយទាំងនោះ​បាន​បង្ហាញនូវមុខ​គេជាពិសេសគឺស្រ្តីតែម្តង៕អត្ថបទ៖ បាន ចក់

កិច្ចប្រជុំកំពូលភាគខាងត្បូងលើកទី៣ អំពាវនាវឱ្យបញ្ចប់ជម្លោះរវាងអ៊ីស្រាអែល-ប៉ាឡេស្ទីន

2024/01/23 02:19:39 pm        92
Facebook Telegram Linkin
កិច្ចប្រជុំកំពូលភាគខាងត្បូងលើកទី ៣ បានបញ្ចប់កាលពីថ្ងៃចន្ទ នៅក្នុងរដ្ឋធានី Kampala ប្រទេសអ៊ូហ្គង់ដា ដោយមានមេដឹកនាំជាច្រើនចូលរួម អំពាវនាវឱ្យមានបទឈប់បាញ់បន្ទាន់នៅតំបន់ហ្កាហ្សា និងការការពារជនស៊ីវិល។ កិច្ចប្រជុំកំពូលរយៈពេលពីរថ្ងៃ ដែលបានមកជួបជុំមេដឹកនាំនៃក្រុមសមាជិកចំនួន ៧៧ប្រទេស ហើយប្រទេសចិន បានជំរុញឱ្យក្រុមប្រឹក្សាសន្តិសុខអង្គការសហប្រជាជាតិ អនុវត្តកិច្ចខិតខំប្រឹងប្រែងអនុវត្តសេចក្តីសម្រេចរបស់ខ្លួន ដើម្បីបញ្ចប់ជម្លោះអ៊ីស្រាអែលនិងប៉ាឡេស្ទីន ដោយមិនពន្យារពេល។ កិច្ចប្រជុំកំពូលភាគខាងត្បូង គឺជាស្ថាប័នធ្វើសេចក្តីសម្រេចចិត្តជាន់ខ្ពស់របស់ក្រុមប្រទេសចំនួន ៧៧ ដែលមានសមាជិកចំនួន ១៣៤នាក់។ តំណាងជាន់ខ្ពស់នៃប្រទេសជិត ១០០ និងប្រធានទីភ្នាក់ងារអង្គការសហប្រជាជាតិ ក៏បានចូលរួមក្នុងកិច្ចប្រជុំនេះ។ ក្រុមមេដឹកនាំ បាននិយាយនៅក្នុងឯកសារលទ្ធផលនៃកិច្ចប្រជុំថា យើងក៏បានបញ្ជាក់ឡើងវិញនូវការទាមទាររបស់យើងសម្រាប់ការដកចេញបន្ទាន់ និងពេញលេញនៃការបិទផ្លូវរបស់អ៊ីស្រាអែល ដែលបានដាក់នៅតំបន់ហ្កាហ្សា ដែលបង្កើតជាការដាក់ទណ្ឌកម្មរួមដ៏ធំ។ ពួកគេបានអំពាវនាវ ឱ្យមានការរុះរើទាំងស្រុង និងបញ្ឈប់ជាបន្ទាន់នូវរាល់សកម្មភាពតាំងទីលំនៅខុសច្បាប់របស់អ៊ីស្រាអែល នៅក្នុងដែនដីប៉ាឡេស្ទីនដែលកាន់កាប់ រួមទាំងទីក្រុងហ្សេរុយសាឡឹមខាងកើត និងតំបន់ Golan Heights របស់ប្រទេសស៊ីរីដែលកាន់កាប់។ ក្រុមមេដឹកនាំ បាននិយាយថា អ៊ីស្រាអែលកំពុងបំពានធម្មនុញ្ញរបស់អង្គការសហប្រជាជាតិ និងច្បាប់អន្តរជាតិ សម្រាប់ការវាយប្រហាររបស់ខ្លួនលើហេដ្ឋារចនាសម្ព័ន្ធស៊ីវិលស៊ីរី រួមទាំងអាកាសយានដ្ឋានស៊ីវិល ដែលគំរាមកំហែងដល់ជីវិតរស់នៅរបស់ជនស៊ីវិល រារាំងប្រតិបត្តិការមនុស្សធម៌របស់អង្គការសហប្រជាជាតិ និងធ្វើឱ្យប៉ះពាល់ដល់សុវត្ថិភាពអាកាសចរណ៍ស៊ីវិល។ កិច្ចប្រជុំកំពូលនេះ ត្រូវបានធ្វើឡើងក្រោមប្រធានបទ «មិនទុកនរណាម្នាក់រងគ្រោះនៅពីក្រោយឡើយ»។ ប្រទេសអ៊ូហ្គង់ដា បានកាន់តួនាទីជាប្រធាននៃកិច្ចប្រជុំកំពូលពីប្រទេសគុយបា។ នេះជាលើកទីមួយហើយដែលកិច្ចប្រជុំកំពូលភាគខាងត្បូង ត្រូវបានធ្វើឡើងនៅ អាហ្វ្រិក។ កិច្ចប្រជុំកំពូលពីរលើកកាលពីពេលមុន ត្រូវបានធ្វើឡើងនៅទីក្រុងឡាហាវ៉ាន ប្រទេសគុយបា ក្នុងឆ្នាំ ២០០០ និងនៅទីក្រុងដូហា ប្រទេសកាតា ក្នុងឆ្នាំ ២០០៥។

លោក ត្រាំ ប្រឈមនឹងគូប្រជែងចុងក្រោយរបស់ខ្លួន ខណៈការបោះឆ្នោតបឋមនៅរដ្ឋ New Hampshire ខិតកាន់តែជិត

2024/01/23 02:12:22 pm        110
Facebook Telegram Linkin
អ្នកបោះឆ្នោតនៅរដ្ឋ ញូវហែមស៊ៀ (New Hampshire) របស់សហរដ្ឋអាមេរិក នឹងធ្វើដំណើរទៅបោះឆ្នោតនៅថ្ងៃអង្គារ (២៣ មករា) នេះ ខណៈដែលលោក ដូណាល់ ត្រាំ (Donald Trump) ប្រឈមមុខនឹងគូប្រជែងខាងគណបក្សសាធារណរដ្ឋដែលនៅសល់ចុងក្រោយគឺលោកស្រី នីកគី ហាលី (Nikki Haley) នៅក្នុងការបោះឆ្នោតបឋមនេះ។ អតីតប្រធានាធិបតីអាមេរិករូបនេះសង្ឃឹមថាលទ្ធផលឆ្នោតនឹងផ្ដល់វាយលុកដ៏ធំដល់យុទ្ធនាការរបស់អតីតអភិបាលរដ្ឋ សៅ ខារ៉ូឡាញណា (South Carolina) លោកស្រី នីកគី ហាលី។លោកស្រី ហាលី សង្ឃឹមថា ប្លុកអ្នកបោះឆ្នោតឯករាជ្យរបស់រដ្ឋដែលសម្បូរដោយថ្មក្រានីតមួយនេះ នឹងជួយលោកស្រី យកជ័យជម្នះដ៏ខកចិត្តសម្រាប់លោកត្រាំ នៅក្នុងការប្រជែងតំណែងសេតវិមានរបស់សាធារណរដ្ឋ។ ការប្រកួតលើកទីពីរនេះ ធ្វើឡើងបន្ទាប់ពីការឈ្នះដ៏លើសលប់របស់លោក ត្រាំ កាលពីសប្តាហ៍មុននៅរដ្ឋ អ៊ីអូវ៉ា (Iowa)។បេក្ខភាពគណបក្សសាធារណរដ្ឋចុងក្រោយនឹងប្រជែងជាមួយបេក្ខភាពរបស់គណបក្សប្រជាធិបតេយ្យ ដែលទំនងជាលោកប្រធានាធិបតី ចូ បៃដិន (Joe Biden) ក្នុងការបោះឆ្នោតសកលនៅខែវិច្ឆិកា។ គណបក្សប្រជាធិបតេយ្យក៏កំពុងបោះឆ្នោតនៅក្នុងការបោះឆ្នោតបឋមរបស់ពួកគេនៅរដ្ឋ ញ៉ូវហែមស៊ៀ នៅថ្ងៃអង្គារ នេះដែរប៉ុន្តែដោយសារតែជម្លោះរវាងក្រុមមន្ត្រីគណបក្សជាតិ និងមូលដ្ឋាន លោក បៃដិន គឺជាប្រធានាធិបតីកំពុងកាន់តំណែងដំបូងគេដែលមិនបង្ហាញខ្លួននៅលើសន្លឹកឆ្នោត។លោក ត្រាំ វ័យ ៧៧ឆ្នាំ បាននាំមុខក្នុងពិន្ទុពីរខ្ទង់រួចហើយនៅក្នុងការស្ទង់មតិជាច្រើនដែលបានធ្វើឡើងនៅរដ្ឋ ញ៉ូវហែមស៊ៀ មុនពេលការបោះបង់របស់អភិបាលរដ្ឋហ្ល្វរីដា លោក រ៉ន ដឺសេនធីស (Ron DeSantis)។ ការស្ទង់មតិភាគច្រើនបង្ហាញថាក្រុមអ្នកគាំទ្ររបស់លោកអភិបាលរដ្ឋហ្ល្វរីដា រូបនេះភាគច្រើនចាត់ទុកលោក ត្រាំ ជាជម្រើសបន្ទាប់ដ៏ល្អបំផុត៕

កាណាដា កាត់បន្ថយទិដ្ឋាការនិស្សិតបរទេស ដើម្បីបន្ធូរបន្ថយសម្ពាធលំនៅដ្ឋាន ខណៈថ្លៃចំណាយកើនឡើង

2024/01/23 02:07:28 pm        71
Facebook Telegram Linkin
ប្រទេសកាណាដា កាលពីថ្ងៃចន្ទ (២២ មករា) បានប្រកាសកាត់បន្ថយលើទិដ្ឋាការនិស្សិតអន្តរជាតិរយៈពេលពីរឆ្នាំ ដើម្បីបន្ធូរបន្ថយសម្ពាធលើលំនៅដ្ឋាន ការថែទាំសុខភាព និងសេវាកម្មផ្សេងទៀតនៅពេលដែលមានការធ្វើអន្តោប្រវេសន៍ដ៏ច្រើនលើសលប់ក្នុងកំណត់ត្រា និងកំណើនថ្លៃចំណាយក្នុងការរស់នៅប្រចាំដ៏ខ្ពស់។រដ្ឋមន្ត្រីអន្តោប្រវេសន៍លោក ម៉ាក មីលឡឺ (Marc Miller) បាននិយាយថានឹងមានការកាត់បន្ថយ ៣៥ភាគរយនៃទិដ្ឋាការសិក្សាថ្មីនៅឆ្នាំ២០២៤ នេះ។ លោកបាននិយាយថាកម្មវិធីនិស្សិតអន្តរជាតិត្រូវបានរងផលប៉ះពាល់ដោយបណ្ដាស្ថាប័នដែលផ្តល់សញ្ញាប័ត្រ «ក្លែងក្លាយ» ដោយដាក់សម្ពាធលើលំនៅដ្ឋាន និងការថែទាំសុខភាព។ចំនួនទិដ្ឋាការថ្មីដែលត្រូវបានចេញនឹងត្រូវកំណត់ត្រឹម ៣៦៤.០០០ច្បាប់ប៉ុណ្ណោះ ដែលទិដ្ឋាការបែបនេះមានចំនួនជិត ៥៦០.០០០ច្បាប់ត្រូវបានចេញកាលពីឆ្នាំមុន។ កិច្ចប្រជុំគណៈរដ្ឋមន្ត្រីរបស់លោកនាយករដ្ឋមន្ត្រី ចាស្ទីន ទ្រូដូ (Justin Trudeau) នៅទីក្រុងម៉ុនត្រេអាល់ (Montreal) នៅសប្តាហ៍នេះ នឹងផ្តល់អាទិភាពដល់លទ្ធភាពនៃការទទួលបានសេវាកម្មផ្សេងៗ និងលំនៅដ្ឋាន នេះបើយោងតាមសេចក្តីថ្លែងការណ៍របស់រដ្ឋាភិបាល។រដ្ឋាភិបាលបាននិយាយថាមាននិស្សិតបរទេសប្រហែល ១លាននាក់ ក្នុងប្រទេសឥឡូវនេះ ហើយបើមិនមានការអន្តរាគមន៍ណាមួយនោះទេ ចំនួននេះនឹងបន្តកើនឡើងទៀត។ លោករដ្ឋមន្ត្រីអន្តោប្រវេសន៍ មីលឡឺ បាននិយាយថា ក្រុមមន្ត្រីបាននិងកំពុងធ្វើការលើការរក្សាស្ថិរភាពចំនួនប្រជាជនដែលចូលប្រទេសជារៀងរាល់ឆ្នាំ ខណៈដែលសម្ពាធលំនៅដ្ឋានកើនឡើងខ្លាំង៕

រុស្ស៊ី កំពុងធ្វើសកម្មភាពរារាំងការវាយប្រហាររបស់អ៊ុយក្រែន លើជនស៊ីវិល និងហេដ្ឋារចនាសម្ព័ន្ធ

2024/01/23 02:00:54 pm        83
Facebook Telegram Linkin
វិមានក្រឹមឡាំង បាននិយាយកាលពីថ្ងៃចន្ទ (២២ មករា) ថារុស្ស៊ី កំពុងចាត់វិធានការចាំបាច់ទាំងអស់ដើម្បីការពារពលរដ្ឋរបស់ខ្លួន និងហេដ្ឋារចនាសម្ព័ន្ធសំខាន់ៗពីការវាយប្រហាររបស់អ៊ុយក្រែន រយៈពេលមួយថ្ងៃបន្ទាប់ពីទីក្រុងមូស្គូ បានចោទប្រកាន់កងកម្លាំងរបស់ទីក្រុងគីវ ថាបានសម្លាប់មនុស្ស ២៧នាក់ ក្នុងការបាញ់ផ្លោងលើទីក្រុងដែលគ្រប់គ្រងដោយរុស្ស៊ី នៅភាគខាងកើតប្រទេសអ៊ុយក្រែន។កាលពីថ្ងៃអាទិត្យផងដែរ ក្រុមហ៊ុនរុស្ស៊ីឈ្មោះ ណូវ៉ាថេក (Novatek) ត្រូវបានបង្ខំឱ្យផ្អាកប្រតិបត្តិការមួយចំនួននៅឯស្ថានីយនាំចេញឥន្ធនៈនៅសមុទ្របាល់ទិកដ៏ធំមួយ បន្ទាប់ពីអ្វីដែលប្រព័ន្ធផ្សព្វផ្សាយអ៊ុយក្រែនបាននិយាយថា គឺជាការវាយប្រហារចុងក្រោយបង្អស់នៃយានដ្រូនរបស់អ៊ុយក្រែន ទៅលើរោងចក្រថាមពលរុស្ស៊ី។ក្រុមមន្ត្រីដែលដំឡើងដោយរុស្ស៊ីនៅទីក្រុងដូណិតស្ក៍ (Donetsk) បាននិយាយថា ការវាយប្រហារដែលបានធ្វើឱ្យមនុស្ស ២៥នាក់រងរបួសផងដែរនោះ បានវាយប្រហារលើតំបន់មមាញឹកមួយជាទីដែលហាងនានា និងផ្សារមួយស្ថិតនៅ។ កងកម្លាំងអ៊ុយក្រែនបាននិយាយកាលពីថ្ងៃអាទិត្យថា ពួកគេមិនទទួលខុសត្រូវចំពោះការស្លាប់របស់ប្រជាជននៅលើទឹកដីដែលកាន់កាប់នោះទេ ហើយបានស្តីបន្ទោសរុស្ស៊ីចំពោះការបណ្ដាឲ្យបាត់បង់ជីវិតមនុស្សយ៉ាងធ្ងន់ធ្ងរ។ជនស៊ីវិលអ៊ុយក្រែនរាប់ពាន់នាក់ត្រូវបានសម្លាប់ ឬរងរបួសដោយការវាយប្រហារតាមអាកាស និងការបាញ់ផ្លោងរបស់រុស្ស៊ី ចាប់តាំងពីលោកប្រធានាធិបតី វ្ល៉ាឌីមៀ ពូទីន បានបញ្ជូនទាហានរាប់ម៉ឺននាក់ចូលទៅក្នុងអ៊ុយក្រែនកាលពីជិតពីរឆ្នាំមុនមក៕

បណ្ដាញសង្គម

ព័ត៌មានថ្មីៗ

អ៊ីស្រាអែល បើកការវាយប្រហារផ្លូវអាកាសដ៏ខ្លាំងក្លាលើរដ្ឋធានីស៊ីរី ដោយប្តេជ្ញាការពារជនជាតិ Druze
07/17/2025 08:07 AM
Facebook Telegram Linkin
ក្រុមផ្តល់ជំនួយហ្កាហ្សាបន្ទោសក្រុមប្រដាប់អាវុធហាម៉ាសថាជាដើមហេតុបណ្ដាលឲ្យមនុស្ស២០នាក់ ស្លាប់ក្នុងការប្រជ្រៀតជាន់គ្នា
07/17/2025 08:07 AM
Facebook Telegram Linkin
ឧបនាយករដ្ឋមន្រ្តី កើត រិទ្ធ៖យប់នេះក្រសួងយុត្តិធម៌មានភាពចាំបាច់ផ្អាកជាបណ្តោះអាសន្នមុខងាររបស់ព្រះរាជអាជ្ញារងឈ្មោះ គ្រី សីហា ដែលដោះលែងដោយរំលោភអំណាចនូវជនល្មើស
07/16/2025 10:07 PM
Facebook Telegram Linkin
សម្តេចរដ្ឋសភាធិបតី ឃួន សុដារី ៖ កិច្ចប្រជុំក្រុមអ្នកនយោបាយអន្តរសភាអាស៊ានលើកទី១៦បានផ្លាស់ប្តូរនូវទស្សនៈយ៉ាងសកម្មក្នុងការជំរុញការទូតសភា កិច្ចសហប្រតិបត្តិការ និងភាពជាដៃគូដើម្បីប្រជាពលរដ្ឋ
07/16/2025 10:07 PM
Facebook Telegram Linkin
កុមារជួបកង្វះអាហារូបត្ថម្ភទទួលការព្យាបាលនៅមន្ទីរពេទ្យ Nasser ស្ថិតក្នុងតំបន់ហ្កាហ្សា
07/16/2025 08:07 PM
Facebook Telegram Linkin
តើហេតុអ្វីបានជាអឺរ៉ុបប្រឈមនឹងរលកកម្តៅបំបែកកំណត់ត្រា?
07/16/2025 08:07 PM
Facebook Telegram Linkin
កងកម្លាំងសន្តិសុខស៊ីរី ត្រូវបានដាក់ពង្រាយទៅកាន់ទីក្រុង Sweida របស់ជនជាតិភាគតិច Druze
07/16/2025 08:07 PM
Facebook Telegram Linkin
សភាអ៊ុយក្រែនគាំទ្រការបង្កើនជិត ១០ពាន់លានដុល្លារដល់ការចំណាយលើវិស័យការពារជាតិ ខណៈសង្រ្គាមបន្តមាន
07/16/2025 08:07 PM
Facebook Telegram Linkin
អ៊ីតាលីអាចនឹងដោះលែងអ្នកទោស ១០.០០០នាក់ ដើម្បីសម្រាលភាពចង្អៀត ក្នុងពន្ធនាគារ
07/16/2025 08:07 PM
Facebook Telegram Linkin
អង់គ្លេសដកចេញការរឹតត្បិតលើក្រុមហ៊ុនអាកាសចរណ៍ប៉ាគីស្ថាន ក្រោយបំរាមរយៈពេល ៥ឆ្នាំ
07/16/2025 08:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.