BTV NEWS

សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ

សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

សម្ដេចតេជោ អំពាវនាវដល់រាជរដ្ឋាភិបាលយកចិត្តទុកដាក់សាងសង់កន្លែងស្នាក់នៅសម្រាប់សិស្សជាស្ត្រី

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

នយោបាយ និង ការអភិវឌ្ឍន៍

ក្រុមសេដ្ឋកិច្ចក្រៅប្រព័ន្ធ ប្រកាសធ្វើយុទ្ធនាការរួមគ្នាកម្ចាត់នយោបាយខ្មៅកខ្វក់ចេញផុតពីកម្ពុជាទ្រង់ទ្រាយធំនាពេលខាងមុខ

ភ្នំពេញ៖ មួយរយៈពេលនេះគេសង្កេតឃើញថា មានក្រុមយុវជន អង្គការ សមាគម បានធ្វើយុទ្ធនាការឃោសនា និងធ្វើវេទិកាសាធារណៈ ជាច្រើនកន្លងមក មានដូចជា ការផ្សេព្វផ្សាយ សៀវភៅខៀវ លើកផ្លាកដដា វេទិកាតាមបណ្តាលខេត្ត ក្រុម ជាដើម។ រហូតមកដល់ពេលបច្ចុប្បន្ននេះ មានបណ្តាលអង្គការ សមាគម សង្គមស៊ីវិល នានា បានចេញសេចក្តីប្រកាសថ្កោលទោស ក្រុមប្រឆាំងជ្រុលនិយម និងធ្វើការំពាវនាវ ដល់បណ្តាលគណបក្សនយោបាយ នានា ប្រមូលកម្លាំងជាតិទាំងមូល ដើម្បីចូលរួមកម្ចាត់នយោបាយខ្មៅកខ្វក់ជ្រុលនិយម ដើម្បីបន្តរក្សាបាននូវសេ្ថរភាព សុខសន្តិភាព និងការអភិវឌ្ឍពេញលេញ។ យុវជន ហេង សំណាង តំណាងក្រុមសេដ្ឋកិច្ចក្រៅប្រព័ន្ធទាំង ១៦ ផែន និងជាប្រធានក្រុមយុវជនសង្គមស៊ីវិល នៃសមាគមយុវជនខ្មែរមហានគរ បានថ្លែងឲ្យដឹងថា នៅថ្ងៃទី១៨ ខែមករា ឆ្នាំ២០២៤នេះ បានអង្កេតឃើញថា មានបណ្តាលយុវជន អង្គការ សមាគម ជាច្រើន នាំគ្នាផ្សព្វផ្សាយ ធ្វើការអំពាវនាវ ដល់បណ្តាលគណបក្សនយោបាយ អង្គការ សមាគម រួមគ្នាលុបបំបាត់មនោគមវិជ្ជាជ្រុលនិយមចេញពីកម្ពុជា។លោកបន្តថា ក្រុមសេដ្ឋកិច្ចក្រៅប្រព័ន្ធ បានសម្តែងការសោកស្តាយ និងថោ្កលទោសចំពោះមេដឹកនាំក្រុមប្រឆាំងជ្រុលនិយមដែលតែងតែយក សមាជិក សមាជិកា របស់ខ្លួនមកចូលរួមធ្វើអំពើខុសច្បាប់ជាចរិកនយោយបាយ ដែលមិនបានហុចផលជូនសង្គមជាតិ ជាក់ស្តែងមានមេដឹកនាំក្រុមប្រឆាំងជាទណ្ឌិតរស់នៅក្រៅប្រទេស តែងតែញុះញង់បំបែកបំបាក់ លាបពណ៌ បង្កើតគោលនយោបាយ ភូតភរកុហក ប្រជាភិថុត បោកបញ្ឆោតសកម្មជនរបស់ខ្លួនឲ្យជឿលង់មនោគមវិជ្ជាខ្មៅកខ្វក់ បង្កើតបញ្ហាផ្សេងៗរាប់មិនអស់។ក្រុមយុវជនបានលើកឡើងថា នយោបាយក្រុមប្រឆាំង គឺរាប់សិបឆ្នាំមកនេះមិនដែលបានផ្តល់ផលចំណេញជូនជាតិនោះទេមានតែរាំងខ្ទប់ ការអភិវឌ្ឍជាតិ បំផ្លាញវប្បធម៌នយោបាយល្អៗហើយបង្កើតនូវវប្បធម៌នយោបាយអាក្រក់ក្នុងរូបភាពដដែលៗ។ កន្លងមកមុនការបោះឆ្នោតនីតិកាលទី៧ និងរហូតមកពេលបច្ចុប្បន្ននេះ ក្រុមប្រឆាំងជ្រុល បានចេញសារគំរាមក្នុងន័យនយោបាយទុច្ចរិកខ្មៅកខ្វក់ ទន្ទឹមប្រទេសកម្ពុជាកំពុងមាន សុខសន្តិភាព និងការអភិវឌ្ឍពេញលេញ ពិសេសការបង្កើតមហាព្រឹត្តការណ៍ ដ៏អស្ចារ្យក្នុង ប្រវត្តសាស្រ្តកម្ពុជាផងនោះ យើងគួរតែនាំគ្នាអបអរសាទរ និងចូលរួមលើវិថីសន្តិភាព។លោក ហេង សំណាង បានឲ្យដឹងថា ក្រុមសេដ្ឋកិច្ចក្រៅប្រព័ន្ធ នឹងចេញយុទ្ធនាការឃោសនាជាទ្រង់ទ្រាយធំ តែម្តង ហើយក៏សូមអំពាវនាវដល់ប្រជាជនគ្រប់មជ្ឍដ្ឋាន សិស្ស និស្សិត មន្រ្តីរាជការ ម្ចាស់អាជីវករ លក់ដូរ ជាដើម ចូលរួមទាំងអស់គ្នា ។ ក្នុងរយៈពេលនេះជារយៈពេលដ៏មានសារៈសំខាន់បំផុត ក្នុងការពង្រឹងមូលដ្ឋានគ្រឹះសម្រាប់ការអភិវឌ្ឍប្រកបដោយចីរភាព បរិយាបន្ន និងសមធម៌ ដើម្បីសម្រេចនូវចក្ខុវិស័យរយៈពេលមធ្យមរបស់កម្ពុជានៅឆ្នាំ ២០៣០ និងរយៈពេលវែងនៅឆ្នាំ២០៥០។លោកបន្តថា ក្នុងន័យនេះកម្ពុជា ត្រូវការប្រមូលកម្លាំងសរុបរបស់ជាតិទាំងមូល ដើម្បីកសាងប្រទេស និងការពារមាតុភូមិស្របតាមស្មារតីនៃរដ្ឋធម្មនុញ្ញ សំដៅសម្រេចគោលដៅរក្សាសន្តិភាព និងការអភិវឌ្ឍរយៈពេលវែង ការពារឯករាជ្យ អធិបតេយ្យ និងបូរណភាពទឹកដី, ការពារ លទ្ធិប្រជាធិបតេយ្យសេរី ពហុបក្ស និងនីតិរដ្ឋ ការពារសន្តិសុខ សណ្តាប់ធ្នាប់សង្គម និងរួមគ្នាកម្ចាត់ នយោបាយជ្រុលនិយមឱ្យចេញផុតពីកម្ពុជា៕

គណៈកម្មការភូមិមួយផលិតផលមួយ រៀបចំព្រឹតិការណ៍ពិព័រណ៍ផលិតផលនៅសួនស្ទឹងសែន

កំពង់ធំ៖ គណៈកម្មការភូមិមយយផលិតមួយរៀបចំព្រឹត្តិការណ៍តាំងពិព័រណ៍ផលិតផល «ភូមិមួយ ផលិតផលមួយ» នៅសួនស្ទឹងសែន ចាប់ពីថ្ងៃទី១៧ ដល់ថ្ងៃទី២៤ ខែមករា ស្ថិតនៅក្រុងស្ទឹងសែន ខេត្តកំពង់ធំ។ នៅថ្ងៃទី១៧ ខែមករា ឆ្នាំ២២០៤, គណៈកម្មការភូមិមួយផលិតផលមួយ រៀបចំបើកកម្មវិធីការដាក់តាំងពិព័រណ៍ផលិតផលក្នុងស្រុក «ភូមិមួយផលិតផលមួយ» នៅក្រុងស្ទឹងសែន ខេត្តកំពង់ធំ។ ក្នុងឱកាសនោះ លោក ជា វ៉ាន់ចាន់ អភិបាលរងខេត្តកំពង់ធំ លើកឡើងថា គោលនយោបាយជាតិសម្រាប់ជំរុញចលនាភូមិមួយផលិតផលមួយ បានយកចិត្តទុកដាក់យ៉ាងខ្លាំងលើអ្នកផលិតខ្នាតតូច និងមធ្យមដែលជាគោលដៅអាទិភាពដំបូង។ អ្នកផលិតខ្នាតតូចផ្នែកកែច្នៃ ស្បៀងអាហារ និងភេសជ្ជៈ ត្រូវមានការយកចិត្តទុកដាក់លើបញ្ហាអនាម័យ ដូចជាការស្តុកទុកវត្ថុធាតុដើម ផលិតផលសម្រេច និងការវេចខ្ចប់ឲ្យបានស្របតាមស្តង់ដារអនាម័យឧបករណ៍កែច្នៃ ជាពិសេសការគ្រប់គ្រងកាកសំណល់មិនអាចទទួលយកបាន។ លោកបន្តថា កន្លងមក គណៈកម្មការមួយផលិតមួយថ្នាក់ខេត្ត បានពិនិត្យ និងវាយតម្លៃ ជំវិញទំនិញ និងសេវាកម្ម សរុបចំនួន ២៦ប្រភេទ ដែលទំនិញមានចំនួន២២ប្រភេទ និងសេវា ចំនួន៤ ប្រភេទ ក្នុងចំណោមសំណើរទាំងអស់នេះ គណៈកម្មការជាតិភូមិមួយផលិតផលិតផលមួយ បានទទួលស្គាល់ទំនិញ ចំនួន ១៨ប្រភេទ និងសេវាកម្មចំនួន ៣ប្រភេទ ។ លោកបន្តថា ម្ចាស់សិប្បកម្ម សហគ្រាស ភោជនីយដ្ឋាន សហគមន៍ មានសិទ្ធិបំពេញពាក្យស្នើសុំ ចូលជាសមាជិកផលិតផលភូមិ មួយផលិតផលមួយបានផងដែរ ។ ក្នុងឱកាសនោះដែរ ឯកឧត្តម សួន រ៉ាស៊ី អគ្គលេខាធិការរងនៃគណៈកម្មាធិការជាតិជំរុញចលនាភូមិមួយផលិតផលមួយ មានប្រសាសន៍ដោយលើកឡើងថា ក្រោមគម្រោងលើកកម្ពស់ការអនុវត្តអនាម័យរបស់អ្នកផលិតអាហារ បានរៀបចំគោលការណ៍ ណែនាំស្តីពីសុវត្ថិភាព និងអនាម័យចំណីអាហារ មានគោលបំណងដើម្បីផ្តល់ជូននូវចំណេះដឹងដល់ប្រតិបត្តិករគ្រប់ទីកន្លែង ក្នុងការផលិតចំណីអាហារដែលបានទទួល ឬមិនទាន់បានទទួលអាជ្ញាប័ណ្ណ ត្រូវតែមានផែនការអនុវត្តន៍នូវគោលការណ៍ណែនាំស្តីពីសុវត្ថិភាព មានអនាម័យចំណីអាហារ ព្រមទាំងផ្តល់ការណែនាំ ដល់ប្រតិបត្តិករ សេវាករចំណីអាហារ ពាក់ព័ន្ធនឹងធាតុចាំបាច់នៃការការពារចំពោះសុវត្ថិភាព និងអនាម័យ ចំណីអាហារសម្រាប់កន្លែងផលិតឱ្យបានជាអតិប្បរមា។ ក្នុងនាម គណៈកម្មការភូមិមួយផលិតផលមួយ នៅតែបន្តលើកទឹកចិត្តដល់អ្នកផលិត ឬផលិតករ សេវាករម្ហូបអាហារទាំងអស់ ព្យាយាមពង្រីក ស្វែងយល់ចំណេះដឹងបន្ថែមទៀត ក្នុងចូលរួមជាមួយគ្នាក្នុងកាផលិត ទាំងបរិមាណ និងអនាម័យឲ្យកាន់តែប្រសើរឡើង ដើម្បីធានាបានថា ផលិតផលទាំងអស់រក្សាបានទាំងសុខភាព និងសុវត្ថិភាពម្ហូបអាហារ ទាំងអ្នកផលិត និងអ្នកបរិភោព៕

សេដ្ឋកិច្ចនៅតំបន់វេសបែងធ្លាក់ចុះ ខណៈដែលសង្រ្គាមនៅតំបន់ហ្កាហ្សានៅតែបន្ត

នៅតំបន់វេសបែងដែលគ្រប់គ្រងដោយអ៊ីស្រាអែល លោក ហាហ្វេត ហ្គាហ្សាវណេ (Hafeth Ghazawneh) រង់ចាំដោយស្ងាត់ស្ងៀម រង់ចាំអតិថិជនមកទិញអាហារនៅតូបFalafel របស់ខ្លួន ដែលត្រូវបានបោះបង់ចោល ចាប់តាំងពីការវាយប្រហាររបស់ពួកហាម៉ាស់ ថ្ងៃទី៧ ខែតុលា នៅអ៊ីស្រាអែល។ការផ្តល់អាហារពេលព្រឹក និងអាហារថ្ងៃត្រង់របស់លោក ត្រូវបានគេពេញនិយមសម្រាប់សិប្បករមកពីរោងជាងនៅជិតទីក្រុងអាល់ប៊ីរ៉េ (Al-Bireh) ដែលជាទីក្រុងភ្លោះនៃទីក្រុងរ៉ាម៉ាឡា (Ramallah) មុនពេលសង្រ្គាមអ៊ីស្រាអែល និងហាម៉ាស បានផ្ទុះឡើង។លោកហ្គាហ្សាវណេ បានប្រាប់សារព័ត៌មានAFP ថា៖«ឥឡូវនេះ ពួកគេកំពុងនាំយកអាហាររបស់ពួកគេពីផ្ទះ ដោយសារតែស្ថានភាព គឺពិបាកណាស់ ដោយភ័យខ្លាចថា ខ្លួននឹងត្រូវបិទហាង ប្រសិនបើសង្រ្គាមនៅហ្កាហ្សាស្ទ្រីប នៅតែបន្ត។លោកហ្គាហ្សាវណេ និយាយថា ប្រាក់ចំណូលរបស់ខ្លួន បានធ្លាក់ចុះពីប្រហែល ៧.០០០ សេកែល (១.៨៥០ ដុល្លារ) ក្នុងមួយខែមកត្រឹមតែ២.០០០ សេកែល (៥៣០ដុល្លារ)។ស្ថានភាពកាន់តែអាក្រក់របស់លោក ឆ្លុះបញ្ចាំងពីស្ថានភាពបច្ចុប្បន្ននៃសេដ្ឋកិច្ចវេសបែង ដែលស្ថិតក្នុងសភាពទ្រុឌទ្រោម ខណៈដែលសង្រ្គាមនៅហ្កាហ្សា កំពុងផ្ទុះឡើង។ជម្លោះនេះ បានផ្ទុះឡើង បន្ទាប់ពីក្រុមសកម្មប្រយុទ្ធហាម៉ាស បានវាយប្រហារប្រទេសអ៊ីស្រាអែលភាគខាងត្បូង កាលពីថ្ងៃទី៧ ខែតុលា ដែលបណ្តាលឲ្យមនុស្សប្រហែល ១.១៤០នាក់ បានស្លាប់នៅក្នុងប្រទេសអ៊ីស្រាអែល ដែលភាគច្រើនជាជនស៊ីវិល នេះបើយោងតាមតួលេខរបស់សារព័ត៌មានAFP ផ្អែកលើតួលេខចុងក្រោយរបស់អ៊ីស្រាអែល។

ការវាយប្រហាររបស់អ៊ីរ៉ង់ បង្ហាញមីស៊ីលបច្ចេកវិទ្យាទំនើប ដែលអាចបាញ់ដល់អ៊ីស្រាអែល

ការវាយប្រហារមីស៊ីលឆ្លងព្រំដែនរបស់អ៊ីរ៉ង់ បានបង្ហាញពីផ្នែកថ្មីនៃឃ្លាំងអាវុធចម្ងាយឆ្ងាយរបស់សាធារណរដ្ឋអ៊ីស្លាម ជាលើកដំបូង ជាមួយនឹងអាវុធដែលមានសមត្ថភាពអាចវាយប្រហារអ៊ីស្រាអែលដោយផ្ទាល់។ទីភ្នាក់ងារសារព័ត៌មាន Tasnim បានរាយការណ៍ថា កងឆ្មាំបដិវត្តន៍អ៊ីស្លាម (IRGC) បានបាញ់បង្ហោះមីស៊ីលបាលិស្ទិក Khaibar-Shekan ឬ Khaibar-Breaker ដែលអាចកំណត់គោលដៅជាក់លាក់ ក្នុងសប្តាហ៍នេះ ក្នុងការវាយប្រហារចម្ងាយ ១.៣០០ គីឡូម៉ែត្រ (៨០០ម៉ាយ) លើក្រុមអាយស៊ីស ( ISIS) នៅក្នុងប្រទេសស៊ីរីពីភាគនិរតីនៃប្រទេសអ៊ីរ៉ង់។ នោះនឹងធ្វើឲ្យវាក្លាយជាការវាយប្រហារដ៏ឆ្ងាយបំផុត ក្នុងប្រវត្តិសាស្ត្ររបស់កងឆ្មាំបដិវត្តន៍។ចម្ងាយនេះ គឺស្ទើរតែដូចគ្នាទៅនឹងអ្វីដែលតម្រូវឲ្យវាយប្រហារទីក្រុងតែលអាវីវ (Tel Aviv) ហើយកន្លងទៅ អ៊ីរ៉ង់ បានភ្ជាប់ការអភិវឌ្ឍមីស៊ីលរបស់ខ្លួនទៅនឹងសត្រូវដ៏យូរអង្វែងជាមួយអ៊ីស្រាអែល។ ជាទូទៅ អ៊ីរ៉ង់បានប៉ះទង្គិចជាមួយអ៊ីស្រាអែលតាមរយៈក្រុមតំណាងរបស់ខ្លួន ដូចជាក្រុមហាម៉ាស ជាជាងបើកការវាយប្រហារដោយផ្ទាល់។ទីក្រុងតេអេរ៉ង់ អះអាងថា មីស៊ីល Khaibar-Shekan មានរយៈចម្ងាយអតិបរមា ១.៤៥០ គីឡូម៉ែត្រ ហើយវាអាចគេចពីប្រព័ន្ធការពារប្រឆាំងមីស៊ីលរបស់អ៊ីស្រាអែល។ ឈ្មោះមីស៊ីលនេះ ហាក់ដូចជាសំដៅទៅលើការតាំងទីលំនៅ នៅក្នុងប្រទេសអារ៉ាប៊ីសាអ៊ូឌីតសម័យទំនើប ដែលព្យាការីមូស្លីម មូហាម៉ាត់ បានប្រយុទ្ធនឹងជនជាតិជ្វីហ្វ នៅក្នុងសមរភូមិសតវត្សរ៍ទី៧។

កោះតៃវ៉ាន់រាយការណ៍ថា មានសកម្មភាពយោធាទ្រង់ទ្រាយធំលើកដំបូងរបស់ចិន ក្រោយការបោះឆ្នោត

អាជ្ញាធរការពារជាតិកោះតៃវ៉ាន់បាននិយាយថា ខ្លួនបានរកឃើញយន្តហោះរបស់កងទ័ពអាកាសចិនចំនួន ១៨គ្រឿង ដែលកំពុងប្រតិបត្តិការជុំវិញកោះតៃវ៉ាន់ និងអនុវត្ត «ការល្បាតត្រៀមប្រយុទ្ធរួមគ្នា» ជាមួយនាវាចម្បាំងរបស់ចិនកាលពីថ្ងៃពុធ (១៧ មករា) ដែលជាសកម្មភាពយោធាទ្រង់ទ្រាយធំលើកដំបូងបន្ទាប់ពីការបោះឆ្នោតតៃវ៉ាន់។ប្រទេសចិន ដែលចាត់ទុកកោះតៃវ៉ាន់ជាទឹកដីរបស់ខ្លួន ក្នុងរយៈពេល ៤ឆ្នាំកន្លងមកនេះ ជាទៀងទាត់បានបញ្ជូនយន្តហោះចម្បាំង និងនាវាចម្បាំងទៅកាន់ដែនអាកាស និងដែនទឹកជុំវិញកោះនេះ ខណៈដែលខ្លួនព្យាយាមអះអាងអធិបតេយ្យភាព ដែលរដ្ឋាភិបាលទីក្រុងតៃប៉ិ បដិសេធ។កោះតៃវ៉ាន់បានបោះឆ្នោតឲ្យលោក ឡៃ ឈីងតឺ (Lai Ching-te) របស់គណបក្សប្រជាធិបតេយ្យដែលកំពុងកាន់អំណាចជាមេដឹកនាំបន្ទាប់របស់ខ្លួនកាលពីថ្ងៃសៅរ៍ ដោយលោកឡៃ ជាអ្នកដែលទីក្រុងប៉េកាំងបានរិះគន់ម្តងហើយម្តងទៀតថាជាអ្នកផ្ដាច់ខ្លួនដ៏គ្រោះថ្នាក់ និងជាអ្នកនាំឲ្យមានសង្រ្គាម។អាជ្ញាធរការពារជាតិតៃវ៉ាន់បាននិយាយថា ចាប់ផ្តើមនៅម៉ោងប្រហែល ៧:៥០នាទីយប់ (ម៉ោងក្នុងស្រុក) កាលពីថ្ងៃពុធ ខ្លួនបានរកឃើញយន្តហោះចំនួន ១៨គ្រឿង រួមទាំងយន្តហោះចម្បាំង Su-30 ដែលកំពុងប្រតិបត្តិការនៅភាគខាងជើង និងកណ្តាលកោះតៃវ៉ាន់ និងទៅកាន់ភាគនិរតីនៃកោះនេះ។អាជ្ញាធរដដែលនេះបានបន្ថែមថា យន្តហោះចំនួន ១១គ្រឿង បានឆ្លងកាត់ខ្សែបន្ទាត់មេដ្យានរបស់ច្រកសមុទ្រតៃវ៉ាន់ ឬតំបន់ដែលនៅជិតនោះ ដោយធ្វើការជាមួយនាវាចម្បាំងចិន ដើម្បីអនុវត្ត «ការល្បាតត្រៀមប្រយុទ្ធរួមគ្នា»៕

ប៉ាគីស្ថាន កោះហៅបេសកជនពីប្រទេសអ៊ីរ៉ង់ បន្ទាប់ពីការវាយប្រហារដោយមីស៊ីល

ប្រទេសប៉ាគីស្ថាន បានកោះហៅឯកអគ្គរដ្ឋទូតរបស់ខ្លួនពីប្រទេសជិតខាងអ៊ីរ៉ង់ កាលពីថ្ងៃពុធ (១៧ មករា) ដើម្បីតវ៉ាចំពោះ «ការរំលោភអធិបតេយ្យភាពរបស់ខ្លួន» បន្ទាប់ពីទីក្រុងតេអេរ៉ង់ បាននិយាយថាខ្លួនបានបើកការវាយប្រហារដោយមីស៊ីលទៅលើមូលដ្ឋានសកម្មប្រយុទ្ធនៅភាគនិរតីប៉ាគីស្ថាន។រដ្ឋមន្ត្រីការបរទេសអ៊ីរ៉ង់បាននិយាយថា ខ្លួនបានវាយប្រហារក្រុមសកម្មប្រយុទ្ធក្នុងការវាយប្រហារដោយ «មីស៊ីល និងយានដ្រូន»។ ប្រព័ន្ធផ្សព្វផ្សាយរដ្ឋបាននិយាយថា មីស៊ីលរបស់អ៊ីរ៉ង់បានវាយប្រហារមូលដ្ឋានចំនួនពីរទីតាំងនៃក្រុមមូស្លីមនិកាយស៊ុននី ចាអ៊ីស អាល់អាឌែល (Jaish al-Adl) ដែលត្រូវបានកំណត់ថាជា «អង្គការភេរវករបរទេស» ដោយក្រសួងការបរទេសសហរដ្ឋអាមេរិក។ប្រទេសប៉ាគីស្ថានដែលមានអាវុធនុយក្លេអ៊ែរបាននិយាយថា ការរំលោភលើដែនអាកាសរបស់ខ្លួនបានបណ្តាលឲ្យកុមារពីរនាក់ស្លាប់ ប៉ុន្តែមិនបានបញ្ជាក់ពីលក្ខណៈនៃការរំលោភបំពាននោះ ឬទីតាំងនៃការវាយប្រហារឡើយ។រដ្ឋមន្ត្រីការបរទេសអ៊ីរ៉ង់ លោក ហូសេន អាមីរ៉ាបឌូលឡាសអៀន (Hossein Amirabdollahian) បាននិយាយនៅទីក្រុងដេវ៉ូស (Davos) ប្រទេសស្វីស ជាទីដែលលោកកំពុងចូលរួមវេទិកាសេដ្ឋកិច្ចពិភពលោក ដោយចោទប្រកាន់ថាការវាយប្រហារទាំងនោះមានទំនាក់ទំនងនឹងអ៊ីស្រាអែល។ប៉ាគីស្ថាន និងអ៊ីរ៉ង់ កាលពីអតីតកាលមានទំនាក់ទំនងដ៏រកាំរកូស ប៉ុន្តែការវាយប្រហារនេះគឺជាការឈ្លានពានឆ្លងព្រំដែនខ្ពស់បំផុតក្នុងរយៈពេលប៉ុន្មានឆ្នាំចុងក្រោយនេះ៕

សម្តេចធិបតី និងលោកជំទាវបានបញ្ចប់ការងារនៅប្រទេសស្វីស និងបន្តទស្សនកិច្ចផ្លូវការនៅបារាំង

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវបណ្ឌិត ពេជ ចន្ទមុនី ហ៊ុនម៉ាណែត នៅវេលាម៉ោងប្រមាណ ៨ យប់ថ្ងៃទី១៧ ខែមករា ឆ្នាំ២០២៤ ម៉ោងនៅប្រទេសបារាំង ត្រូវនឹងម៉ោង ២ ទៀបភ្លឺថ្ងៃទី១៨ ខែមករា ម៉ោងនៅកម្ពុជា បានដឹកនាំគណៈប្រតិភូអញ្ជើញដល់ទីក្រុងប៉ារីស ប្រទេសបារាំងប្រកបដោយសុខសុវត្ថិភាពដើម្បីបំពេញទស្សនកិច្ចជាផ្លូវការតបតាមការអញ្ជើញរបស់ប្រធានាធិបតីបារាំង។ ដំណើរអញ្ជើញដល់ព្រលានយន្តហោះក្នុងទីក្រុងប៉ារីស ប្រទេសបារាំង សម្តេចធិបតី និងលោកជំទាវបណ្ឌិត បានទទួលបានការស្វាគមន៍ និងបដិសណ្ឋារកិច្ចយ៉ាងកក់ក្តៅពីសំណាក់ លោក Paul FURIA អនុប្រធានពិធីការរដ្ឋ ទទួលបន្ទុកការងារពិធីការរបស់បារាំង ព្រមទាំងឯកអគ្គរាជទូតកម្ពុជាប្រចាំប្រទេសបារាំង។សម្តេចធិបតី នាយករដ្ឋមន្រ្ដីបានអញ្ជើញបំពេញទស្សនកិច្ចផ្លូវការរយៈពេលពីរថ្ងៃនៅប្រទេសបារាំង គឺនៅថ្ងៃទី១៨-១៩ ខែមករា ឆ្នាំ ២០២៤នេះ តបតាមការអញ្ជើញរបស់ឯកឧត្តម អេម៉ានូអែល ម៉ាក្រុង ប្រធានាធិបតីបារាំង។ក្នុងដំណើរបំពេញទស្សនកិច្ចជាផ្លូវការនេះ សម្ដេចធិបតីនឹងត្រូវទទួលស្វាគមន៍ និងមានជំនួបផ្លូវការជាមួយឯកឧត្តមប្រធានាធិបតី ម៉ាក្រុង នៅវិមានអេលីហ្សេ។ ជំនួបកំពូលនេះនឹងផ្ដល់ឱកាសដ៏ប្រសើរសម្រាប់រដ្ឋាភិបាលនៃប្រទេសទាំងពីរ និងបញ្ជាក់ជាថ្មីនូវការប្ដេជ្ញាចិត្តរួមក្នុងការលើកកម្ពស់ទំនាក់ទំនងជាប្រពៃណីនៃមិត្តភាពដ៏ស្និទ្ធស្នាល និងល្អប្រសើរឱ្យឈានដល់កម្រិតថ្មី ដាក់ចេញផែនការសកម្មភាពដើម្បីពង្រឹង និងពង្រីកកិច្ចសហប្រតិបត្តិការដែលផ្តល់ប្រយោជន៍ទៅវិញទៅមក ក្នុងក្របខ័ណ្ឌទ្វេភាគី និងពហុភាគី ព្រមទាំងរួមគ្នាដោះស្រាយបញ្ហាប្រឈមសកល និងរក្សាសណ្ដាប់ធ្នាប់ពិភពលោកដែលផ្អែកលើច្បាប់ ឯកសារកិច្ចសហប្រតិបត្តិការមួយចំនួននឹងត្រូវចុះហត្ថលេខាក្នុងអំឡុងពេលទស្សនកិច្ចនេះ។ក្នុងអំឡុងពេលស្នាក់នៅប្រទេសបារាំង សម្ដេចធិបតី ក៏នឹងចូលជួបសម្តែងការគួរសមជាមួយ លោក Gérard ARCHER ប្រធានព្រឹទ្ធសភា និងលោកស្រី Yaël Braun-Pivet ប្រធានរដ្ឋសភាបារាំងផងដែរ។សូមបញ្ជាក់ថា នាអំឡុងបំពេញទស្សនកិច្ចផ្លូវការនៅប្រទេសស្វីសសម្តេចធិបតី នាយករដ្ឋមន្រ្ដី និងលោកជំទាវបណ្ឌិត បានអញ្ជើញបំពេញការងារនៅប្រទេសស្វីសរយៈពេលពីរថ្ងៃ ចាប់ពីថ្ងៃទី១៦ និង១៧ ខែមករា ឆ្នាំ ២០២៤នេះ។ ការងារស្នូលនៅក្នុងប្រទេសស្វីស គឺការអញ្ជើញចូលរួមកិច្ចប្រជុំប្រចាំឆ្នាំនៃវេទិកាសេដ្ឋកិច្ចពិភពលោក។ ក្រៅពីការអញ្ជើញចូលរួមកិច្ចប្រជុំនៃវេទិកាសេដ្ឋកិច្ចពិភពលោក សម្តេចធិបតី ក៏បានឆ្លៀតជួបជាមួយនាយករដ្ឋមន្ត្រីថៃ វៀតណាម មេដឹកនាំអង្គការអន្តរជាតិនានា មេដឹកនាំអង្គការដៃគូអភិវឌ្ឍន៍ ព្រមទាំងមេដឹកនាំក្រុមហ៊ុននានា សរុបដល់ទៅជាង ២០ កម្មវិធី៕ អត្ថបទ៖ វ៉ន ដារ៉ា

យុវជនសង្គមស៊ីវិលខេត្តព្រៃវែងអំពាវនាវរួមគ្នាលុបបំបាត់មនោគមវិជ្ជាខ្មៅកខ្វក់ចេញពីកម្ពុជា និងផ្សព្វផ្សាយអំពី «សៀវភៅខៀវ»

ព្រៃវែង៖ លោក ពៅ សុជាតិ ប្រធានក្រុមយុវជនសង្គមស៊ីវិល នៃសមាគមយុវជនខ្មែរមហានគរ ប្រចាំខេត្តព្រៃវែង នៅថ្ងៃទី១៨ ខែមករា ឆ្នាំ២០២៤ នេះ បានធ្វើយុទ្ធនាការអំពាវនាវដល់បណ្តាលគណបក្សនយោបាយ អង្គការ សមាគម រួមគ្នាលុបបំបាត់មនោគមវិជ្ជាជ្រុលនិយមចេញពីកម្ពុជា។ក្រុមយុវជនសង្គមស៊ីវិលបានលើកឡើងថា ពួកគេទាំងអស់គ្នាជា បណ្តុំអង្គការសង្គមស៊ីវិល សិស្ស និស្សិត ក្រុមសេដ្ឋកិច្ចក្រៅប្រព័ន្ធនានា បានសម្តែងការសោកស្តាយ និងថោ្កលទោសចំពោះមេដឹកនាំក្រុមប្រឆាំងជ្រុលនិយមដែលតែងតែយក សមាជិក សមាជិកា របស់ខ្លួនមកចូលរួមធ្វើអំពើខុសច្បាប់ជាចរិកនយោយបាយ ដែលមិនបានហុចផលជូនសង្គមជាតិ ជាក់ស្តែងមានមេដឹកនាំក្រុមប្រឆាំងជាទណ្ឌិតរស់នៅក្រៅប្រទេស តែងតែញុះញង់បំបែកបំបាក់ បង្កើតគោលនយោបាយ ភូតភរកុហក ប្រជាភិថុត បោកបញ្ឆោតសកម្មជនរបស់ខ្លួនឲ្យជឿលង់មនោគមវិជ្ជាខ្មៅកខ្វក់ បង្កើតបញ្ហាផ្សេងៗរាប់មិនអស់។ក្រុមយុវជនបានលើកឡើងថា នយោបាយក្រុមប្រឆាំង គឺរាប់សិបឆ្នាំមកនេះមិនដែលបានផ្តល់ផលចំណេញជូនជាតិនោះទេមានតែរាំងខ្ទប់ ការអភិវឌ្ឍជាតិ បំផ្លាញវប្បធម៌នយោបាយល្អៗហើយបង្កើតនូវវប្បធម៌នយោបាយអាក្រក់ក្នុងរូបភាពដដែលៗ។ កន្លងមកមុនការបោះឆ្នោតនីតិកាលទី៧ និងរហូតមកពេលបច្ចុប្បន្ននេះ ក្រុមប្រឆាំងជ្រុល បានចេញសារគំរាមក្នុងន័យនយោបាយទុច្ចរិកខ្មៅកខ្វក់ ទន្ទឹមប្រទេសកម្ពុជាកំពុងមាន សុខសន្តិភាព និងការអភិវឌ្ឍពេញលេញ ពិសេសការបង្កើតមហាព្រឹត្តការណ៍ ដ៏អស្ចារ្យក្នុង ប្រវត្តសាស្រ្តកម្ពុជាផងនោះ យើងគួរតែនាំគ្នាអបអរសាទរ និងចូលរួមលើវិថីសន្តិភាព។លោក ពៅ សុជាតិ ថ្លែងថា ក្នុងរយៈពេលនេះជារយៈពេលដ៏មានសារៈសំខាន់បំផុត ក្នុងការពង្រឹងមូលដ្ឋានគ្រឹះសម្រាប់ការអភិវឌ្ឍប្រកបដោយចីរភាព បរិយាបន្ន និងសមធម៌ ដើម្បីសម្រេចនូវចក្ខុវិស័យរយៈពេលមធ្យមរបស់កម្ពុជានៅឆ្នាំ ២០៣០ និងរយៈពេលវែងនៅឆ្នាំ២០៥០។លោកបន្តថា ក្នុងន័យនេះកម្ពុជា ត្រូវការប្រមូលកម្លាំងសរុបរបស់ជាតិទាំងមូល ដើម្បីកសាងប្រទេស និងការពារមាតុភូមិស្របតាមស្មារតីនៃរដ្ឋធម្មនុញ្ញ សំដៅសម្រេចគោលដៅរក្សាសន្តិភាព និងការអភិវឌ្ឍរយៈពេលវែង ការពារឯករាជ្យ អធិបតេយ្យ និងបូរណភាពទឹកដី, ការពារ លទ្ធិប្រជាធិបតេយ្យសេរី ពហុបក្ស និងនីតិរដ្ឋ ការពារសន្តិសុខ សណ្តាប់ធ្នាប់សង្គម និងរួមគ្នាកម្ចាត់ នយោបាយជ្រុលនិយមឱ្យចេញផុតពីកម្ពុជា។ក្រុមយុវជនសង្គមស៊ីវិលក៏បានអំពាវនាវដល់ សកម្មជនប្រឆាំង បែរមកចូលរួមជាមួយរាជរដ្ឋាភិបាល ដើម្បីមានឱកាសកសាងសង្គមជាតិរួមគ្នា កុំបណ្តោយខ្លួនឲ្យជាក្លាយជាឈ្នាន់នយោបាយដែរ អាចបណ្តាលឲ្យក្លាយជាជនរងគ្រោះដល់ខ្លួនឯង ក្រុមគ្រួសារ និងសង្គមជាតិ។ ពិសេសអំពាវនាវដល់បណ្តាលគណបក្សនៅក្នុងប្រទេសកម្ពុជាទាំងអស់រួបរួមគ្នាលុបបំបាត់នយោបាយបំបែកបំបាក់ ទុច្ចរិត និងខ្មៅកខ្វក់របស់ក្រុមប្រឆាំងជ្រុលនិយមឲ្យអស់ចេញពីកម្ពុជា៕

នាយករដ្ឋមន្រ្តីកម្ពុជា និងរដ្ឋមន្រ្តីក្រសួងបរិវត្តកម្មឌីជីថលនៃប្រទេសជប៉ុន បានពិភាក្សាគ្នាជាច្រើនទាក់ទងវិស័យឌីជីថល

នៅក្នុងកិច្ចជំនួបទ្វេភាគី កាលពីថ្ងៃទី១៧ ខែមករា ឆ្នាំ២០២៤ម្សិលមិញ ក្នុងឱកាសអញ្ជើញចូលរួមក្នុងវេទិកាសេដ្ឋកិច្ចពិភពលោកឆ្នាំ២០២៤នៅទីក្រុងដាវ៉ូសសហព័ន្ធស្វីសសម្តេចធិបតី ហ៊ុន ម៉ាណែត នាយក រដ្ឋមន្រ្តីនៃកម្ពុជា និងលោក Kono Taro រដ្ឋមន្ត្រីក្រសួងបរិវត្តកម្មឌីជីថល នៃប្រទេសជប៉ុន បានពិភាក្សា គ្នាជាច្រើនទាក់ទងនិងវិស័យឌីជីថល ខណៈភាគីទាំងពីរចាត់ទុកថា វិស័យឌីជីថលនេះមានតួនាទីយ៉ាងសំ ខាន់ក្នុងការអភិវឌ្ឍប្រទេសឲ្យកាន់តែរីកចម្រើនខ្លាំងក្លាបន្ថែមទៀត។ថ្លែងនៅក្នុងកិច្ចជំនួបនោះលោក Kono Taro បានថ្លែងអំណរគុណយ៉ាងជ្រាលជ្រៅចំពោះសម្ដេចធិបតី ដែលបានអនុញ្ញាតឱ្យលោក និងសហការីបានជួបពិភាក្សាការងារ ហើយលោកបានវាយតម្លៃខ្ពស់ចំពោះការរីកចម្រើននៃកិច្ចសហប្រតិបត្តិការរវាងកម្ពុជា-ជប៉ុន ជាពិសេសលើវិស័យឌីជីថល ពាណិជ្ជកម្ម និងវិស័យអាទិភាពផ្សេងៗទៀតជាដើមនោះ។លោករដ្ឋមន្ត្រីបានជម្រាបជូនសម្ដេចធិបតីថា ក្នុងយុគសម័យឌីជីថល ទិន្នន័យពិតជាមានសារៈសំខាន់ ហើយលោកបានគូសបញ្ជាក់ថា រដ្ឋាភិបាលជប៉ុនបានរៀបចំគំនិតផ្ដួចផ្ដើមស្ដីពីទិន្នន័យអង្គការOECD ដែលគ្របដណ្ដប់លើវិស័យជាច្រើន និងអាចប្រើប្រាស់សម្រាប់ការរៀបចំកសាង និងអភិវឌ្ឍគោលនយោបាយប្រកបដោយប្រសិទ្ធភាព និងដើម្បីជំរុញ និងលើកម្ពស់កម្រិតជីវភាពរស់នៅរបស់ប្រជាពលរដ្ឋ។ ថ្លែងនៅក្នុងកិច្ចជំនួបនោះដែរសម្ដេចធិបតី ហ៊ុន ម៉ាណែត បានសម្ដែងនូវការស្វាគមន៍ និងក្ដីសោមនស្សរីករាយ ដែលបានជួបពិភាក្សាការងារជាមួយ លោករដ្ឋមន្ត្រី និងសហការី និងបានគូសបញ្ជាក់ថា ទំនាក់ទំនងកម្ពុជា-ជប៉ុន ឡើងដល់កម្រិត «ភាពជាដៃគូយុទ្ធសាស្រ្តគ្រប់ជ្រុងជ្រោយ» ដែលជាកម្រិតល្អប្រសើរបំផុតក្នុងប្រវត្តិនៃទំនាក់ទំនងកម្ពុជា-ជប៉ុន។ សម្ដេចធិបតីក៏បានប្រកាសអរគុណចំពោះរដ្ឋាភិបាល និងប្រជាជនជប៉ុន ដែលតែងតែជួយគាំទ្រដល់កម្ពុជា ចាប់តាំងពីដំណាក់កាលកម្ពុជាស្វែងរកសន្ដិភាព រហូតដល់កម្ពុជាមានការអភិវឌ្ឍនរីកចម្រើនលើគ្រប់វិស័យដូចសព្វថ្ងៃនេះផងដែរ។ សម្ដេចធិបតីនាយករដ្ឋមន្រ្តីក៏បានប្រាប់ដល់រដ្ឋមន្រ្តីជប៉ុនរូបនេះផងដែរថា រាជរដ្ឋាភិបាលកម្ពុជាបានផ្តល់អាទិភាពលើបច្ចេកវិទ្យាឌីជីថល ដែលជាសមាសធាតុដ៏សំខាន់នៃការជំរុញប្រភពកំណើនសេដ្ឋកិច្ចថ្មី ព្រមទាំងសម្រេចបានចក្ខុវិស័យនៃការប្រែក្លាយប្រទេសកម្ពុជា ទៅជាប្រទេសចំណូលខ្ពស់នៅឆ្នាំ២០៥០ផងដែរ។ក្នុងកិច្ចជំនួបនោះដែរសម្ដេចធិបតី ហ៊ុន ម៉ាណែត ក៏បានឯកភាពចំពោះការលើកឡើងរបស់លោករដ្ឋមន្ត្រីអំពីសារៈសំខាន់នៃទិន្នន័យឌីជីថលសម្រាប់ការកសាង ក្របខ័ណ្ឌគោលនយោបាយ ហើយរាជរដ្ឋាភិបាលកម្ពុជាបានចាត់ទុកទិន្នន័យនេះជាផែនទីបង្ហាញផ្លូវ និងជាត្រីវិស័យ ដែលជួយឱ្យធ្វើការសម្រេចបានត្រឹមត្រូវ។ ក្រៅពីនេះ សម្ដេចធិបតីបានគូសបញ្ជាក់បន្ថែមអំពីការវិវត្តនៃបច្ចេកវិទ្យាហិរញ្ញវត្ថុនៅកម្ពុជា ដែលបច្ចុប្បន្ន ធនាគារជាតិនៃកម្ពុជាបាននិងកំពុងដាក់ឱ្យប្រើប្រាស់តាមរយៈប្រព័ន្ធទូទាត់អនឡាញ ឆ្លងដែនដើម្បីសម្រួលដល់វិនិយោគិន,ពាណិជ្ជករ,និងប្រតិបត្តិការអាជីវកម្មរបស់សហគ្រាសធុនតូចនិងមធ្យមផងដែរ៕អត្ថបទបាន ចក់

USAIDសន្យាផ្ដល់ជំនួយបន្តទៀតដល់កម្ពុជា សម្រាប់ជួយវិស័យអប់រំ ,បរិស្ថាន និងវិស័យមួយចំនួនទៀត

ប្រធានគ្រប់គ្រងទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិ ដែលហៅកាត់ថាUSAID លោកស្រីSamantha Power បានសន្យាបន្តផ្តល់ជំនួយដល់កម្ពុជាបន្ថែមទៀតសម្រាប់លើកស្ទួយវិស័យអប់រំ បរិស្ថាន និងវិស័យមួយចំនួនទៀតដើម្បីលើកកម្ពស់ជីវភាពដល់សហគមន៍ជាដើម។នៅក្នុងកិច្ចជំនួបជាមួយសម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជានាថ្ងៃទី១៧ ខែមករា ឆ្នាំ២០២៤នេះ ក្នុងឱកាសអញ្ជើញចូលរួមក្នុងវេទិកាសេដ្ឋកិច្ចពិភពលោក ឆ្នាំ២០២៤ នៅទីក្រុងដាវ៉ូស សហព័ន្ធស្វីស លោកស្រី Samantha Power បាន បានបញ្ជាក់ពីការបន្តកិច្ចសហប្រតិបត្តិការដែលមានស្រាប់ និងការបន្តការផ្ដល់ជំនួយលើវិស័យអប់រំ និងបរិស្ថាន ដែលផ្តោតលើការអភិរក្សជីវៈចម្រុះ ការការពារប្រព័ន្ធអេកូឡូស៊ី និងការលើកកម្ពស់ជីវភាពសហគមន៍នៅកម្ពុជា។ក្នុងឱកាសនោះដែរ ប្រធានទីភ្នាក់ងារ USAID បានថ្លែងអំណរគុណជូនចំពោះ សម្តេចធិបតី ដែលបានអនុញ្ញាតឱ្យលោកស្រី និងសហការី បានចូលជួបសម្តែងការគួរសម និងពិភាក្សាការងារ ហើយលោកស្រីបានគោរពជម្រាបជូនសម្តេចធិបតី អំពីវឌ្ឍនភាពការងាររបស់ USAID នៅកម្ពុជា ពិសេសក្នុងកិច្ចសហប្រតិបត្តិការលើវិស័យអប់រំ និងការការពារកុមារតូចតាមរយៈកិច្ចសហប្រតិបត្តិការរវាងUSAID និងក្រសួងអប់រំ យុវជន និងកីឡា ក្នុងការលើកកម្ពស់កម្មវិធីអប់រំ អនាម័យ និងបរិក្ខាសិក្សានៅតាមសាលារៀនសម្រាប់កុមារតូចជាដើម។ ឆ្លៀតក្នុងឱកាសនោះលោកស្រីក៏បានកោតសរសើរ ដល់រាជរដ្ឋាភិបាលកម្ពុជាដែលបានខិតខំប្រឹងប្រែងក្នុងការកាត់បន្ថយអត្រាជំងឺឆ្លង និងកាត់បន្ថយអត្រាមរណភាពរបស់ទារក និងកុមារតូចក្រោមអាយុ៥ឆ្នាំផងដែរ។ ថ្លែងនៅក្នុងកិច្ចជំនួបនោះដែរ សម្តេចធិបតី នាយករដ្ឋមន្រ្តីកម្ពុជា បានសម្តែងនូវក្តីរីករាយ ចំពោះគម្រោងកិច្ចសហប្រតិបត្តិការរបស់ USAIDនៅកម្ពុជា នាពេលកន្លងមក និងបានវាយតម្លៃខ្ពស់ចំពោះការគាំទ្រ និងជំនួយរបស់USAID ដែលបានរួមចំណែកដល់ការអភិវឌ្ឍ និងការរីកចម្រើនសង្គម-សេដ្ឋកិច្ច របស់កម្ពុជា។ជាមួយគ្នានោះសម្តេចនាយករដ្ឋមន្រ្តីក៏បានរំលឹក និងថ្លែងអំណរគុណចំពោះការសម្រេចចិត្តរបស់រដ្ឋាភិបាលសហរដ្ឋអាមេរិកក្នុងការបន្តផ្តល់ជំនួយចំនួន១៨ លានដុល្លារអាមេរិក តាមរយៈ USAID ដល់កម្ពុជា ក្នុងពេលសម្តេចធិបតីបានទទួលជួបពិភាក្សាការងារជាមួយនឹងលោកជំទាវ Victoria Nuland អនុរដ្ឋមន្រ្តីការបរទេសសហរដ្ឋអាមេរិក នាឱកាសអញ្ជើញបំពេញទស្សនកិច្ចទៅចូលរួម មហាសន្និបាតអង្គការសហប្រជាជាតិលើកទី៧៨នៅបុរីញូយ៉កន្លងមកផងដែរ៕អត្ថបទបាន ចក់

បណ្ដាញសង្គម

ព័ត៌មានថ្មីៗ

លោកLavrov ៖រុស្ស៊ីបង្កើនកិច្ចខិតខំប្រឆាំងការគាំទ្រលោកខាងលិចសម្រាប់អ៊ុយក្រែន

[UPDATE] ចំនួនអ្នកស្លាប់ពីគ្រោះរញ្ជួយដីនៅឥណ្ឌូនេស៊ីនឡើងដល់ ៣៨នាក់ ខណៈក្រុមជួយសង្គ្រោះកំពុងប្រញាប់ប្រញាល់បញ្ជូនអ្នករងរបួសទៅកាន់មន្ទីរពេទ្យ

គ្រោះរាំងស្ងួតក្នុងប្រទេសបូស្នី ធ្វើឲ្យសត្វសេះព្រៃនៅតំបន់ខ្ពស់រាប Kruzi បោលស្វែងរកទឹកផឹក

លោក TRUMP និយាយថា លោកនឹងប្រកាសច្រកសមុទ្រហ័រមូសថា ជាផ្នែកមួយនៃទឹកដីអាមេរិក នាពេឆាប់ៗនេះ

ផ្សែងអ័ព្ទគ្របដណ្តប់រដ្ឋ Sarawak របស់ម៉ាឡេស៊ី ខណៈភ្លើងឆេះព្រៃបង្ខំឲ្យសាលារៀនបិទទ្វារ

មេដឹកនាំក្រុមហេសបូឡាបានច្រានចោលកិច្ចព្រមព្រៀងក្របខណ្ឌលីបង់-អ៊ីស្រាអែលដែលសម្របសម្រួលដោយអាមេរិក

កម្ពុជាតវ៉ាប្រឆាំងសកម្មភាពបែងចែកដីខុសច្បាប់របស់ថៃនៅភូមិជោគជ័យ

រដ្ឋហាវ៉ៃ សហរដ្ឋអាមេរិក ប្រកាសគ្រាអាសន្ន ពេលព្យុះត្រូពិក Lala ខិតជិតមកដល់

ក្រុមហ៊ុនប្រេងរដ្ឋរបស់អារ៉ាប់រួមនិយាយថា នាវាមួយគ្រឿង ត្រូវបានវាយប្រហារនៅច្រកសមុទ្រហ័រមូស

ប្រធានគណៈកម្មការផ្សះផ្សាសម្រាប់ដំណើរការ UNCLOS ត្រូវបានជ្រើសរើស

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍