នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត
សម្ដេចតេជោ ជំរុញឱ្យកម្ពុជា-កូរ៉េខាងត្បូងលើកកម្ពស់ទំនាក់ទំនងភាពជាដៃគូយុទ្ធសាស្រ្តគ្រប់ជ្រុងជ្រោយក្នុងឱកាសខួប៣០ឆ្នាំនៃទំនាក់ទំនងប្រទេសទាំងពីរ
ទូតកូរ៉េខាងត្បូងជម្រាបសម្ដេចតេជោថា ស្ពានមិត្តភាពកម្ពុជា-កូរ៉េខាងត្បូងនឹង​បើកការដ្ឋាន​សាង​សង់​នៅ​ឆ្នាំ២០២៦
គណៈកម្មការអន្តរក្រសួងចុះពិនិត្យវាយតម្លៃការងារថែទាំផ្លូវចំនួន៨ខ្សែ ក្នុងខេត្តពោធិ៍សាត់

នយោបាយ​ និង ការអភិវឌ្ឍន៍

ប្រធានសភាអាមេរិក និយាយថា លោកBiden ត្រូវតែបង្ហាញផែនការទាក់ទងនឹងជំនួយអ៊ុយក្រែន

2024/01/08 11:33:11 am        91
Facebook Telegram Linkin
ប្រធានសភាលោកលោក ម៉ៃ ចនសុន(Mike Johnson)បាននិយាយថា រដ្ឋបាលរបស់លោកប្រធានាធិបតីអាមេរិក Joe Biden ត្រូវតែគូសបញ្ជាក់ឲ្យបានច្បាស់នូវគោលដៅបញ្ចប់របស់ខ្លួននៅក្នុងជម្លោះអ៊ុយក្រែន និងថាតើថវិកាបន្ថែមទៀតនឹងត្រូវចំណាយដោយរបៀបណា ខណៈសេតវិមានត្រូវការការអនុម័តពីសភាជាចាំបាច់ ដើម្បីរក្សាលំហូរនៃអាវុធទៅកាន់ទីក្រុងគៀវ(Kiev)។ ប្រធានសភាមកពីគណបក្សសាធារណរដ្ឋ លោក Johnson បានបញ្ជាក់នៅក្នុងបទសម្ភាសន៍កាលពីថ្ងៃអាទិត្យជាមួយទូរទស្សនស៍ CBS ថាសហរដ្ឋអាមេរិកត្រូវតែធានាព្រំដែនរបស់ខ្លួនមុនពេលធានាដល់នរណាម្នាក់ផ្សេងទៀត។ បញ្ហានេះបានឆ្លុះបញ្ចាំងពីការផ្តោតសំខាន់នៃការប្រឆាំងរបស់សមាជិកសភាគណបក្សសាធារណរដ្ឋចំពោះកញ្ចប់ជំនួយរួមបញ្ចូលគ្នាដែលជំរុញដោយប្រធានាធិបតីលោក Biden កាលពីចុងខែតុលា ឆ្នាំ ២០២៣ ក្នុងនោះជាង៦០ ពាន់លានដុល្លារគឺសម្រាប់ទីក្រុងគៀវ។ ក្រុមគណបក្សសាធារណរដ្ឋនៅពេលនោះ បានទទូចលើការរារាំងការគាំទ្ររបស់ពួកគេសម្រាប់កញ្ចប់ជំនួយនៅពីក្រោយការផ្តល់មូលនិធិសម្រាប់ការគ្រប់គ្រងព្រំដែនដ៏តឹងរ៉ឹងជាមួយប្រទេសជិតខាង ម៉ិកស៊ិក។ ប្រធានសភា រូបនេះ បានពន្យល់ថា ការទប់ស្កាត់សំណើច្បាប់កាលពីឆ្នាំមុនគឺជា សាររបស់គណបក្សសាធារណរដ្ឋទៅកាន់សេតវិមាន ថាពួកគេពុំមានភាពច្បាស់លាស់ជាមួយប្រជាជនអាមេរិក ទេ។ លោក Johnson បានសង្កេតឃើញថា ដើម្បីបញ្ជូនប្រាក់បន្ថែមទៀតទៅកាន់ប្រទេសអ៊ុយក្រែន សហរដ្ឋអាមេរិក ត្រូវខ្ចីប្រាក់ពីកន្លែងផ្សេងប្រកបដោយប្រសិទ្ធភាព ដោយកត់សម្គាល់ថា បំណុលសហព័ន្ធបានកើនឡើងដល់ ៣៤ សែនកោដិដុល្លារ៕

កូរ៉េខាងជើង ធ្វើសមយុទ្ធបាញ់គ្រាប់ពិតនៅជិតព្រំដែនសមុទ្រជាមួយកូរ៉េខាងត្បូង

2024/01/08 10:56:54 am        102
Facebook Telegram Linkin
យោធាទីក្រុងសេអ៊ូលបាននិយាយកាលពីថ្ងៃអាទិត្យ (០៧ មករា) ថាប្រទេសកូរ៉េខាងជើង បានធ្វើសមយុទ្ធបាញ់គ្រាប់ពិតនៅឆ្នេរសមុទ្រភាគខាងលិចរបស់ខ្លួន ដែលជាសមយុទ្ធយោធាថ្ងៃទីបីជាប់ៗគ្នានៅជិតព្រំដែនសមុទ្រដែលមានការប្រកួតប្រជែងជាមួយកូរ៉េខាងត្បូង។យោធារបស់ទីក្រុងសេអ៊ូលបាននិយាយថា កូរ៉េខាងជើងបានបាញ់កាំភ្លើងធំជាង ៩០ជុំនៅភាគខាងជើងនៃកោះ យ៉ុនព្យ៉ុង (Yeonpyeong)។ ពួកគេបានចោទប្រកាន់កូរ៉េខាងជើង ពី «ការបាញ់កាំភ្លើងធំម្តងហើយម្តងទៀត» នៅក្នុងតំបន់ការពារមួយដែលត្រូវបានបង្កើតឡើងក្នុងឆ្នាំ២០១៨ ក្រោមកិច្ចព្រមព្រៀងកាត់បន្ថយភាពតានតឹងដែលឥឡូវនេះត្រូវបានលុបចោល ដោយនិយាយថាការទម្លាក់គ្រាប់បែកបានបង្កជា «ការគំរាមកំហែងដល់សន្តិភាពនៅលើឧបទ្វីបកូរ៉េ»។យោធារបស់កូរ៉េខាងជើងបាននិយាយថា ខ្លួនបានអនុវត្ត «ការហ្វឹកហ្វឺនបាញ់គ្រាប់ពិតនៅសមុទ្រ» ជាមួយនឹងកាំភ្លើងធំចំនួន ៨៨ជុំ ប៉ុន្តែបាននិយាយថា សមយុទ្ធនេះគឺ «មិនទាក់ទងផ្ទាល់» ទៅនឹងព្រំដែនសមុទ្រនោះទេ។ សមយុទ្ធនេះ «មិនបានបង្កការគំរាមកំហែងដោយចេតនាណាមួយ» ដល់កូរ៉េខាងត្បូងឡើយ និងជាផ្នែកមួយនៃ «ប្រព័ន្ធហ្វឹកហ្វឺនធម្មតានៃយោធា» របស់កូរ៉េខាងជើងប៉ុណ្ណោះ។ក្រុមមន្ត្រីក្នុងតំបន់បាននិយាយថា អ្នកស្រុកនៅលើកោះ យ៉ុនព្យ៉ុង ព្រំដែនកូរ៉េខាងត្បូងត្រូវបានព្រមានឱ្យស្នាក់នៅខាងក្នុងផ្ទះកាលពីថ្ងៃអាទិត្យ ដោយសារតែសមយុទ្ធនេះ និងវិធានការតបតរបស់កូរ៉េខាងត្បូងដែលអាចកើតមាន៕

សម្តេចធិបតី ហ៊ុន ម៉ាណែត ប្រាប់ទៅក្រុមមួយចំនួនថា កុំយកនយោបាយបកស្រាយរឿងប្រវត្តិសាស្រ្ត គប្បីយកប្រវត្តិសាស្រ្ត បកស្រាយអំពីប្រវត្តិសាស្រ្ត

2024/01/08 10:47:01 am        130
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានផ្តាំទៅក្រុមមួយក្តាប់តូច ដែលតែងតែរិះគន់ឥតឈប់ឈរ រឿងថ្ងៃរំដោះជាតិ ៧មករា ឆ្នាំ១៩៧៩ថា សូមកុំយករឿងនយោបាយមកបកស្រាយ អំពីប្រវត្តិសាស្រ្តបន្តទៀត គប្បីសិក្សាឲ្យបានច្បាស់លាស់ ហើយត្រូវយករឿងប្រវត្តិសាស្រ្តមកបកស្រាយរឿងប្រវត្តិសាស្រ្តវិញ។ផ្ញើ​ចម្លើយ​ចេញ​ពីខេត្តកោះកុង ​សម្តេចធិបតី ហ៊ុន ម៉ាណែត នាយករដ្ឋមន្រ្តី បានប្រាប់ទៅកាន់ក្រុម អ្នកចេះដែលធ្វើល្ងង់​អំពីប្រវត្តិសាស្រ្តទាំងនោះថា ក្នុងសម័យរំដោះពលរដ្ឋចេញពីរបប ប៉ុល ពត នាឆ្នាំ១៩៧៩ ហេតុអ្វីមិនពឹងអង្គភាពសហប្រជាជាតិ បែជាទៅពឹងវៀតណាមទៅវិញ? សំណួរនេះត្រូវបានសម្ដេចនាយករដ្ឋមន្រ្តីឆ្លើយតបថា គឺដោយសារច្បាប់នាគ្រានោះ មិនអនុញ្ញាត​ឱ្យអង្គភាពសហប្រជាជាតិ មកជួយកម្ពុជាបានទាន់ឡើយ ហើយកម្ពុជា ក៏មិនមានជម្រើស​អ្វីផ្សេង​ក្រៅពីពឹងវៀតណាមនោះដែរ ពីព្រោះខ្មែរក្រហមនៅតែបន្តកាប់សម្លាប់​ពលរដ្ឋឥតឈប់ឈរ។ នេះហើយជាប្រវត្តិសាស្រ្តពិត ដែលត្រូវយក ប្រវត្តិសាស្រ្តមកអះអាង។យ៉ាងណាក៏ដោយសម្តេចធិបតី ហ៊ុន ម៉ាណែត ​នាយករដ្ឋមន្រ្តី ​ក៏បានបញ្ជាក់ជាថ្មីម្តងទៀត ផងដែរថា ជា​សច្ចធម៌​ពិតនៃប្រវត្តិសាស្រ្ត ​បើគ្មានថ្ងៃទី៧មករា​ ឆ្នាំ១៩៧៩ទេ គឺពិតជាគ្មានអ្វីគ្រប់​បែបយ៉ាង ​ដូចសព្វថ្ងៃនេះនោះឡើយ ខណៈថ្ងៃទី៧មករានេះហើយជាថ្ងៃកំណើតទីពីរបស់បងប្អូន​ខ្មែរគ្រប់រូបឲ្យរួច ​ផុតពីរបប​ដ៏​យង់ឃ្នង​របស់ប៉ុល ពត។ការលើកឡើងរបស់សម្តេចធិបតី ​នាយករដ្ឋមន្រ្តីនេះ ​គឺបានធ្វើឡើង​ក្នុងឱកាសអញ្ជើញ​សម្ពោធ​«ស្ពាន​សម្តេចតេជោ ​ហ៊ុន សែន កោះយ៉» ​និង​សំណេះសំណាល​ជា​មួយ​បងប្អូនកម្មករ និយោជិត​ជាង ១ម៉ឺននាក់ នៅក្នុងខេត្តកោះកុង ​នាព្រឹកថ្ងៃទី៨ ខែមករា ​ឆ្នាំ២០២៤នេះ៕អត្ថបទ៖ បាន ចក់

យុទ្ធនាការក្តៅគគុក វាយប្រហារកោះតៃវ៉ាន់ នៅចុងសប្តាហ៍មុនការបោះឆ្នោត

2024/01/08 10:20:33 am        161
Facebook Telegram Linkin
មនុស្សរាប់ម៉ឺននាក់បានប្រមូលផ្តុំគ្នានៅភាគខាងត្បូងកោះតៃវ៉ាន់នៅថ្ងៃនេះសម្រាប់ការប្រមូលផ្តុំគ្នារបស់បេក្ខជនមេដឹកនាំចំនួន៣រូប ជាការជំរុញចុងសប្តាហ៍ចុងក្រោយ សម្រាប់ការបោះឆ្នោតមុនពេលការបោះឆ្នោតដ៏សំខាន់នៅថ្ងៃទី ១៣ ខែមករា សប្ដាហ៍នេះ។ ការបោះឆ្នោតដែលខិតកាន់តែជិត កំពុងត្រូវបានឃ្លាំមើលយ៉ាងដិតដល់នៅក្នុងទីក្រុងប៉េកាំង និងទីក្រុងវ៉ាស៊ីនតោន ដោយអ្នកឈ្នះ នឹងត្រូវកំណត់អនាគតនៃទំនាក់ទំនងរបស់កោះគ្រប់គ្រងដោយប្រជាធិបតេយ្យមួយនេះ ជាមួយប្រទេសចិន។ ប្រទេសចិនបានអះអាងសិទ្ធិគ្រប់គ្រងកោះតៃវ៉ាន់ ថាជាផ្នែកនៃទឹកដីរបស់ខ្លួន ហើយលោកប្រធានាធិបតីចិន Xi Jinping ក្នុងរយៈពេលប៉ុន្មានឆ្នាំថ្មីៗនេះបានបង្កើនវោហាសាស្ត្រអំពី ការជុំជាតិ ខណៈច្រានចោលការប្រើប្រាស់កម្លាំងក្រសោមយកកោះនេះមកដាក់នៅក្រោមការគ្រប់គ្រងរបស់ទីក្រុងប៉េកាំង នៅថ្ងៃណាមួយ។ បេក្ខជនឈានមុខ និងជាមេដឹកនាំលំដាប់ទី២ បច្ចុប្បន្ន គឺ លោក ឡៃ ឆឹង-ទ (Lai Ching-te)មកពីគណបក្សប្រជាធិបតេយ្យជឿនលឿន(DPP) ដែលកំពុងកាន់អំណាចបានហៅការបោះឆ្នោតនេះ ថាជាជម្រើស រវាងលទ្ធិប្រជាធិបតេយ្យ និងស្វ័យភាព ខណគូប្រជែងដ៏សំខាន់របស់ខ្លួន គឺ លោកហួ យូអ៊ី ( Hou Yu-ih) បានព្រមានថា គណបក្សប្រជាធិបតេយ្យជឿនលឿន នឹងនាំតៃវ៉ាន់ កាន់តែខិតទៅជិតទៅរកសង្រ្គាម។ លោក ហួ គឺជាបេក្ខជនសម្រាប់គណបក្សគូមីងតាង (Kuomintang) របស់កោះនេះ ដែលគាំទ្រទំនាក់ទំនងជិតស្និទ្ធជាមួយទីក្រុងប៉េកាំង។គួរម្លឹកថា កោះតៃវ៉ាន់បានដឹកនាំដោយលោកស្រី សៃអ៊ីងវិន (Tsai Ing-wen) អស់រយៈពេល៨ឆ្នាំមកនេះជាមេដឹកនាំដែលទីក្រុងប៉េកាំងមិនពេញចិត្តចំពោះជំហររបស់លោកស្រីលើការការពារអធិបតេយ្យភាពរបស់កោះនេះយ៉ាងម៉ឺងម៉ាត់៕

សម្តេចនាយករដ្ឋមន្រ្តីបញ្ជាក់ថា ការកំណត់យកថ្ងៃទី២៩ធ្នូជាទិវាសន្តិភាពនៅកម្ពុជា គឺដើម្បីរំលឹកដល់តម្លៃនៃសន្តិភាព

2024/01/08 10:08:55 am        174
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ឆ្លើយតបទៅកាន់ក្រុមអ្នករិះគន់មួយក្តាប់តូចថា ការកំណត់យកថ្ងៃទី២៩ ខែធ្នូ ជា«ទិវាសន្តិភាពនៅកម្ពុជា» គឺធ្វើឡើងសម្រាប់រំលឹកគុណបុគ្គលនេះ ឬប្រទេសណានោះ គឺមិនពិតនោះឡើយ ខណៈការកំណត់យកថ្ងៃទី២៩ ធ្នូ ឲ្យមានការឈប់សម្រាកជាសាធារណៈនេះ គឺដើម្បីរំលឹកដល់គុណតម្លៃនៃសន្តិភាពនៅកម្ពុជា និងដើម្បីប្រជាពលរដ្ឋខ្មែរទាំងអស់គ្នា ដែលស្រលាញ់នូវសុខសន្តិភាព និងការអភិវឌ្ឍរីកចម្រើន។ក្នុងឱកាសអញ្ជើញសម្ពោធ«ស្ពានសម្តេចតេជោ ហ៊ុន សែន កោះយ៉»និងសំណេះសំណាល​ជា​មួយបងប្អូនកម្មករ និយោជិតជាង១ម៉ឺននាក់​ នៅក្នុងខេត្តកោះកុង នាព្រឹកថ្ងៃទី៨ ខែមករា ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ​បានលើកឡើងថា ការកំណត់យកថ្ងៃ២៩ ធ្នូ ជា«ទិវាជាតិសន្តិភាព» គឺដើម្បីជាការំលឹកគុណតម្លៃនៃសន្តិភាព ដែល​ខិតខំរកបានយ៉ាងលំបាក ​ហើយក៏សម្រាប់ខ្មែរទាំងអស់គ្នា ​ដែលស្រលាញ់សន្តិភាព និង​ស្អប់សង្គ្រាមជាដើម ដូច្នេះសម្តេចបានផ្តាំទៅក្រុមប្រឆាំងថា បើអ្នកណាមិនពេញ ហើយជំទាស់​នឹងទិវាសន្តិភាពនេះ សូមអ្នកទាំងនោះកុំឈប់សម្រាកឱ្យសោះ។សម្តេចធិបតី នាយករដ្ឋមន្រ្តី បានបន្ថែមទៀតថា ​តម្លៃសន្តិភាពគឺមិនអាចអត់បាននោះទេ ហើយ​ប្រទេសមានការរីកចម្រើនលើគ្រប់វិស័យនាពេលនេះ គឺកើតចេញពីប្រទេសមានសុខ​សន្តិភាព​នេះហើយ ដូច្នេះបងប្អូនប្រជាពលរដ្ឋទាំងអស់គប្បីត្រូវថែរក្សានូវសុខសន្តិភាពនេះឲ្យខាងតែបាន មិនថាកាលៈទេសៈ ណានោះឡើយ៕អត្ថបទ៖ បាន ចក់

សម្តេចធិបតី៖ គោលនយោបាយ និងផែនការរបស់គណបក្សប្រជាជន គឺដើម្បីបម្រើ និងជំរុញសេដ្ឋកិច្ចពលរដ្ឋឲ្យកាន់តែប្រសើរ

2024/01/08 09:40:27 am        127
Facebook Telegram Linkin
នៅចំពោះមុខបងប្អូនកម្មករ និយោជិតជាងមួយម៉ឺននាក់នាខេត្តកោះកុង សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានអះអាងថា គោលនយោបាយ និងផែនការសកម្មភាពទាំងអស់របស់គណបក្សប្រជាជនកម្ពុជា ក៏ដូចជារាជរដ្ឋាភិបាលតំណាក់កាលទី៧នៃរដ្ឋសភានេះ គឺធ្វើឡើងដើម្បីបម្រើប្រជាពលរដ្ឋ និងរុញសេដ្ឋកិច្ចប្រជាពលរដ្ឋឱ្យកាន់តែប្រសើរបន្ថែមទៀត។ក្នុងឱកាសអញ្ជើញសម្ពោធ«ស្ពានសម្តេចតេជោ ហ៊ុន សែន កោះយ៉» និងសំណេះសំណាលជាមួយបងប្អូនកម្មករ និយោជិតជាង១ម៉ឺននាក់ នៅក្នុងខេត្តកោះកុង នាព្រឹកថ្ងៃទី៨ ខែមករា ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានលើកឡើងថា គណបក្សប្រជាជនកម្ពុជាគឺខុសពីរបបប្រល័យពូជសាសន៍ប៉ុល ពត ឆ្ងាយណាស់ ដោយគណបក្សប្រជាជនកម្ពុជា ទទួលបានអំណាចហើយគឺផ្តល់សិទ្ធិសេរីភាព និងបម្រើផលប្រយោជន៍គ្រប់បែបយ៉ាងដល់បងប្អូនប្រជាពលរដ្ឋគ្រប់រូបទាំងអស់ ដោយខុសពីសម័យប៉ុល ពត ទទួលបានអំណាចហើយកាប់សម្លាប់ប្រជាជនខ្លួនឯងទៅវិញ។ក្នុងឱកាសនោះដែរ សម្តេចធិបតី ហ៊ុន ម៉ាណែត ក៏បានប្រកាសថ្លែងអំណរអគុណ ដល់បងប្អូនប្រជាពលរដ្ឋ ក៏ដូចជាកម្មករ និយោជិតទាំងអស់នៅខេត្តកោះកុង ដែលបានបន្តបោះឆ្នោតជូន ដល់គណបក្សប្រជាជនកម្ពុជាឲ្យបន្តកាន់ដឹកនាំប្រទេសជាតិ ដោយសម្តេចធិបតី លើកឡើងថា តាមរយៈការបោះឆ្នោតអាណត្តិទី៧ នាពេលកន្លងទៅគឺបងប្អូន ប្រជាពលរដ្ឋបានបោះឆ្នោតជូនគណបក្សប្រជាជនកម្ពុជា រហូតដល់ជាង៨៥ ភាគរយ៕ អត្ថបទបាន ចក់

ប្រសាសន៍សំខាន់ៗរបស់សម្តេចធិបតី ក្នុងឱកាសសម្ពោធស្ពាន និងសំណេះសំណាលជាមួយកម្មករ និយោជិតជាង១ម៉ឺននាក់ ក្នុងខេត្តកោះកុង

2024/01/08 09:33:34 am        65
Facebook Telegram Linkin
កោះកុង៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី៨ មករា ២០២៤ បានអញ្ជើញជាអធិបតី សម្ពោធដាក់ឱ្យប្រើប្រាស់ជាផ្លូវការ “ស្ពានសម្តេចតេជោ ហ៊ុន សែន កោះយ៉” និងជួបសំណេះសំណាលជាមួយ “បងប្អូនកម្មករ និយោជិតចំនួន ១១ ០០០នាក់ ក្នុងស្រុកមណ្ឌលសីមា ខេត្តកោះកុង” ។ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖ -សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ថ្លែងអំណរគុណដល់ប្រជាពលរដ្ឋនៅក្នុងខេត្តកោះកុង ដែលកាលពីអំឡុងពេលបោះឆ្នោត ជឿជាក់ និងបានបោះឆ្នោតគាំទ្រគណបក្សប្រជាជនកម្ពុជាប្រមាណ ៨៥,៧៥ ភាគរយ ក្នុងចំណោមប្រជាពលរដ្ឋនៅទូទាំងខេត្ត។-សម្ដេចធិបតី ហ៊ុន ម៉ាណែត ថ្លែងថា បើគ្មានសន្ដិភាព គឺមិនអាចឱ្យប្រជាពលរដ្ឋរស់នៅប្រកបដោយសេចក្ដីសុខបានទេ។ សន្ដិភាពនេះ គឺកើតឡើងតាមរយៈនយោបាយ ឈ្នះ ឈ្នះ របស់សម្ដេចតេជោ ហ៊ុន សែន ដូច្នេះកាលពីថ្ងៃទី១ ខែមករា ឆ្នាំ២០២៤ រាជរដ្ឋាភិបាលបានចេញអនុក្រឹត្យយកថ្ងៃទី ២៩ ខែធ្នូ ជា «ទិវាសន្តិភាពនៅកម្ពុជា» ថ្ងៃឈប់សម្រាក១ថ្ងៃនៅទូទាំងប្រទេស។

សម្តេចធិបតី ហ៊ុន ម៉ាណែត អញ្ជើញសម្ពោធស្ពាន និងសំណេះសំណាលជាមួយកម្មករ និយោជិតជាង១ម៉ឺននាក់ ក្នុងខេត្តកោះកុង

2024/01/08 09:27:32 am        274
Facebook Telegram Linkin
កោះកុង៖ នៅព្រឹកថ្ងៃទី៨ ខែមករា ឆ្នាំ២០២៤នេះ សម្ដេចមហាបវធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា អញ្ជើញសម្ពោធស្ពានបេតុង និងសំណេះសំណាលជាមួយកម្មករ និយោជិតសរុបជាង១ម៉ឺននាក់ នៅក្នុងខេត្តកោះកុង។ស្ពានបេតុងដែលសម្ពោធដាក់ឱ្យប្រើប្រាស់នេះ មានឈ្មោះថា «ស្ពានសម្តេចតេជោ ហ៊ុន សែន កោះយ៉»។ ស្ពាននេះជាសមិទ្ធផលថ្មីមួយទៀត សម្រាប់ប្រជាពលរដ្ឋរស់នៅឃុំប៉ាក់ខ្លង ស្រុកមណ្ឌលសីមា ខេត្តកោះកុង ជាអំណោយរបស់សម្តេចតេជោ ហ៊ុន សែន តាមរយ:អ្នកឧកញ៉ា លី យ៉ុងផាត់ សមាជិកព្រឹទ្ធសភា និងភរិយា។ ស្ពាននេះមានប្រវែង ១២០ ម៉ែត្រ ទទឹង ១១ ម៉ែត្រ ចំណាយថវិកាសាងសង់ជាង ១,៣ លានដុល្លារអាមេរិក។ស្ពាននេះសាងសង់ឡើងដើម្បីសម្រួលចរាចរណ៍ប្រជាពលរដ្ឋ ក៏ដូចជាភ្ញៀវទេសចរបានធ្វើដំណើរ បន្ទាប់ពីស្ពានបេឡេ ដែលឆ្លងកាត់ព្រែកកោះយ៉មានសភាពចាស់ទ្រុឌទ្រោម។

លោកស្រីនាយករដ្ឋមន្ត្រី បង់ក្លាដែស ឈ្នះការបោះឆ្នោតជាថ្មី ក្រោយការបោះឆ្នោតដោយគ្មានបក្សប្រឆាំង

2024/01/08 08:38:42 am        146
Facebook Telegram Linkin
ក្រុមមន្ត្រីបាននិយាយថា លោកស្រីនាយករដ្ឋមន្ត្រីបង់ក្លាដែស សេក ហាស៊ីណា (Sheikh Hasina) បានឈ្នះការបោះឆ្នោតជាថ្មីសម្រាប់អាណត្តិទី៥កាលពីថ្ងៃអាទិត្យ ទី៧ មករា បន្ទាប់ពីការធ្វើពហិការ ដឹកនាំដោយគណបក្សប្រឆាំង ដែលលោកស្រី ហៅថាជា អង្គការភេរវកម្ម ។ អ្នកនាំពាក្យគណៈកម្មាធិការរៀបចំការបោះឆ្នោតមួយរូបបានប្រាប់សារព័ត៌មាន AFP នៅព្រឹកថ្ងៃចន្ទនេះបន្ទាប់ពីការបោះឆ្នោតដែលរបាយការណ៍បឋមបានលើកឡើងថាមានអ្នកទៅបោះឆ្នោតតិចជាង៤០ ភាគរយថា គណបក្សសម្ព័ន្ធ អាវ៉ាមី (Awami League)ដែលកំពុងកាន់អំណាចរបស់លោកស្រីហាស៊ីណា(Hasina)បានឈ្នះការបោះឆ្នោត។ លោកស្រីបានដឹកនាំកំណើនសេដ្ឋកិច្ចនៅក្នុងប្រទេសមួយនេះ ដែលធ្លាប់ត្រូវបានរួបរឹតដោយភាពក្រីក្រ ប៉ុន្តែរដ្ឋាភិបាលរបស់លោកស្រីត្រូវបានចោទប្រកាន់ពីបទរំលោភសិទ្ធិមនុស្សធ្ងន់ធ្ងរ និងការបង្រ្កាបដ៏ឃោរឃៅលើក្រុមប្រឆាំង។ គណបក្សរបស់លោកស្រីស្ទើរតែគ្មានគូប្រជែងដ៏មានប្រសិទ្ធភាពនៅក្នុងអាសនៈដែលខ្លួនប្រកួតប្រជែងនោះទេ ប៉ុន្តែបានបញ្ចៀសការចុះឈ្មោះបេក្ខជននៅក្នុងមណ្ឌលមួយចំនួន ក្នុងកិច្ចខិតខំប្រឹងប្រែងជាក់ស្តែង ដើម្បីជៀសវាងសភា ដែលត្រូវបានចាត់ទុកថាជាស្ថាប័នឯកបក្ស។ គណបក្សប្រឆាំងជាតិនិយមបង់ក្លាដែស (BNP) ដែលចំណាត់ថ្នាក់របស់ពួកគេត្រូវបានកាត់បន្ថយដោយការចាប់ខ្លួនដ៏ធំ ដែលហៅថាកូដកម្មសកល ហើយរួមជាមួយមនុស្សរាប់សិបនាក់ផ្សេងទៀតបានបដិសេធមិនចូលរួមក្នុង ការបោះឆ្នោតដែលពួកគេហៅថាជាការបោះឆ្នោតគ្មានការអៀនខ្មាស់។ ស្របពេលលទ្ធផលចុងក្រោយ និងតួលេខពិតប្រាកដនឹងត្រូវបានប្រកាសជាផ្លូវការនៅក្នុងពិធីមួយនៅពេលក្រោយនៅថ្ងៃចន្ទនេះ មន្ត្រីគណៈកម្មាធិការរៀបចំការបោះឆ្នោតបាននិយាយថា គណបក្សរបស់លោកស្រីហាស៊ីណា បានឈ្នះប្រហែលបីភាគបួននៃអាសនៈយ៉ាងហោចណាស់ ២២០ នៃចំនួន អាសនៈសរុប៣០០៕

សម្តេច ឃួន សុដារី លើកទឹកចិត្តសមាជិកគណបក្សប្រជាជនកម្ពុជាចុះជួយស្រុកលើកដែកបន្តចុះជាប់ និងដោះស្រាយសំណូមពរពលរដ្ឋឆ្លើយតបជំនឿទុកចិត្តមិនឱ្យខកបំណង

2024/01/07 07:28:05 pm        52
Facebook Telegram Linkin
កណ្ដាល៖សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា​ សមាជិកាគណៈអចិន្ត្រៃយ៍គណៈកម្មាធិការកណ្តាលគណបក្សប្រជាជនកម្ពុជា និងជាប្រធានគណៈអចិន្រ្តៃយ៍ក្រុមការងារគណបក្សប្រជាជនកម្ពុជាថ្នាក់កណ្តាល ចុះមូលដ្ឋានស្រុកលើកដែក បានលើកទឹកចិត្តសមាជិកគណបក្សចុះជួយស្រុកលើកដែកគ្រប់លំដាប់ថ្នាក់ បន្តបម្រើឆ្លើយតបសេវាតម្រូវការ និងសេវាសំណូមពរនានា ជូនប្រជាពលរដ្ឋឆ្លើយតបនឹងជំនឿទុកចិត្ត កុំឱ្យខកបំណងដែលប្រជាពលរដ្ឋបានបោះឆ្នោតជូនគណបក្សប្រជាជនកម្ពុជា ក្នុងការដឹកនាំប្រទេសជារហូតមកនិងបន្តបន្ទាប់ទៅអនាគតទៀត។ការជំរុញនិងលើកទឹកចិត្តនេះ បានលើកឡើងក្នុងឱកាស សម្តេចរដ្ឋសភាធិបតី អញ្ជើញជាអធិបតីភាពដ៏ខ្ពង់ខ្ពស់ក្នុងពិធីផ្សព្វផ្សាយលទ្ឋផលមហាសន្និបាតវិសាមញ្ញតំណាងទូទាំងប្រទេស របស់គណបក្សប្រជាជនកម្ពុជា នៅស្រុកលើកដែក ខេត្តកណ្តាល នាព្រឹកថ្ងៃសៅរ៍​ ទី៦ ខែមករា ឆ្នាំ២០២៤។មានប្រសាសន៍ទៅកាន់សមាជិកចូលរួមប្រមាណ៣០០នាក់ សម្តេចរដ្ឋសភាធិបតី ឃួន សុដារី បាននាំយកនូវការផ្តាំផ្ញើសាកសួរសុខទុក្ខ និងការថ្លែងអំណរគុណ ពីថ្នាក់ដឹកនាំគណបក្សគ្រប់ជាន់ថ្នាក់ ជាពិសេសពី​ សម្តេចតេជោ ហ៊ុន សែន ប្រធានគណបក្ស ជូនប្រជាពលរដ្ឋនៅស្រុកលើកដែក ក៏ដូចជាប្រជាពលរដ្ឋនៅទូទំាងប្រទេស ដែលបានបោះឆ្នោតជូនគណបក្សកាលពីខែកក្កដា កន្លងមកនេះ មានរហូតដល់ជាង៨២% ក្នុងចំណោមប្រជាពលរដ្ឋបានចេញទៅបោះឆ្នោត ដែលជាចំនួនច្រើនលើសលប់ មិនធ្លាប់មានតំាងពីឆ្នាំ១៩៩៣ មក។សម្តេចរដ្ឋសភាធិបតី បានគូសបញ្ជាក់ថា ការចូលរួមក្នុងដំណើរការបោះឆ្នោត និងការគាំទ្រដ៏ច្រើនសន្ធឹកសន្ធាប់ពីសំណាក់ប្រជាជនបែបនេះ ជាកត្តាសត្យានុម័តជួយឱ្យដំណើរការផ្ទេរអំណាចពីឥស្សរជនថ្នាក់ដឹកនាំជំនាន់មុន មកឥស្សរជនជំនាន់ក្រោយជាអ្នកបន្តវេន បានប្រព្រឹត្តទៅដោយរលូន ជាព្រឹត្តិការណ៍ប្រវត្តិសាស្រ្ត មិនធ្លាប់មានក្នុងរយៈពេលប្រមាណ៥០០ឆ្នាំកន្លងមកនេះ នៅកម្ពុជា។ រាជរដ្ឋាភិបាលអាណត្តិទី៧ នៃរដ្ឋសភា បានដាក់ចេញនូវ “យុទ្ធសាស្ត្របញ្ចកោណដំណាក់កាលទី១ ” ដើម្បីកំណើនការងារ សមធម៌ ប្រសិទ្ធភាព និងចីរភាព សំដៅស្តារឡើងវិញនូវសេដ្ឋកិច្ចសង្គម ប្រកបដោយភាពធន់ និងបរិយាប័ន្ន។សម្តេចរដ្ឋសភាធិបតី ឃួន សុដារី បានបញ្ជាក់ថា មហាសន្និបាតវិសាមញ្ញតំណាងទូទាំងប្រទេសរបស់គណបក្សកាលពីថ្ងៃទី៩​ និងទី១០ ខែធ្នូ ឆ្នាំ២០២៣ បានប្រារព្ធធ្វើឡើងក្រោមវត្តមានដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ប្រធានគណបក្ស សម្តេចអគ្គមហាពញាចក្រី ហេង សំរិន ប្រធានកិត្តិយសគណបក្ស បានសម្រេចជ្រើសតាំងសម្ដេចមហាបវរធិបតី ហ៊ុន ម៉ាណែត ជាអនុប្រធានគណបក្សប្រជាជនកម្ពុជា​ និងសម្រេចបោះឆ្នោតជ្រើសតាំងបន្ថែមសមាជិកគណៈកម្មាធិការកណ្ដាលចំនួន៤៩៦រូប ធ្វើឱ្យសមាជិកគណៈកម្មាធិការកណ្ដាលរបស់គណបក្សប្រជាជនកម្ពុជា មានចំនួនសរុប ១៣១២រូប និងការសម្រេចបញ្ចូលសមាជិកគណៈអចិន្ត្រៃយ៍នៃគណៈកម្មាធិការកណ្តាលរបស់គណបក្សចំនួន២៣រូបបន្ថែមទៀតផងដែរ។នៅក្នុងឱកាសនោះ សម្តេចរដ្ឋសភាធិបតី បានលើកឡើងពីតម្លៃសន្តិភាព ដំណើរការលទ្ធិប្រជាធិបតេយ្យ កំណើនសេដ្ឋកិច្ច ស្ថិរភាពសង្គម និងស្ថានភាពវឹកវររបស់សកលលោកដែលកំពុងកើតមាន។ សម្តេចរដ្ឋសភាធិបតី ក៏បានជម្រាបអង្គពិធីពីលទ្ធផលដឹកនាំរបស់រាជរដ្ឋាភិបាលនីតិកាលទី៧ នៃរដ្ឋសភា ក្រោមការដឹកនាំរបស់ សម្តេចមហាបវរធិបតី ហ៊ុន ម៉ាណែត ផងដែរ។សម្តេចប្រធានគណៈអចិន្រ្តៃយ៍ ក្រុមការងារគណបក្សចុះមូលដ្ឋានស្រុកលើកដែក បានលើកឡើងថា រាជរដ្ឋាភិបាល អាណត្តិទី៧ មានសមាសភាពគណៈរដ្ឋមន្រ្តី ភាគច្រើនជាយុវជន មានអាយុក្រោម៦០ឆ្នាំ មានទំាងចំណេះដឹងនិងសីលធម៌ ពោរពេញដោយថាមពល បានកំពុងបម្រើប្រទេសជាតិ ប្រកបដោយភាពស្វាហាប់។ នៅក្នុងរយៈពេលប្រមាណ៤ខែមកនេះ រាជរដ្ឋាភិបាលអាណត្តិទី៧ សម្រេចបានលទ្ឋផលជាច្រើនជាទីមោទកភាពយ៉ាងក្រៃលែង បន្ទាប់ពីបានដាក់ចេញនូវយុទ្ធសាស្ត្របញ្ចកោណដំណាក់កាលទី១ ដើម្បីកំណើនការងារ សមធម៌ ប្រសិទ្ធភាព និងនិរន្តរភាព ដោយកំំណត់អាទិភាពគន្លឹះ ៥ គឺមនុស្ស ផ្លូវ ទឹក ភ្លើង និងបច្ចេកវិទ្យា។សម្តេចរដ្ឋសភាធិបតី ឃួន សុដារី បានមានប្រសាសន៍បន្ថែមថា មហាសន្និបាតគណបក្សប្រជាជនកម្ពុជា គាំទ្រពេញទំហឹងចំពោះរាជរដ្ឋាភិបាលនីតិកាលទី ៧ នៃរដ្ឋសភា ដើម្បីអនុវត្តដោយជោគជ័យនូវកម្មវិធីនយោបាយរបស់ខ្លួន សំដៅការពារ ថែរក្សា ពួនជ្រំ សមិទ្ធិផលជាតិ ជំរុញសន្ទុះកំណើនសេដ្ឋកិច្ច ធ្វើឱ្យប្រទេសកម្ពុជា ប្រែក្លាយជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសអភិវឌ្ឍន៍មានចំណូលខ្ពស់ នៅឆ្នាំ២០៥០ ។ក្រោយពីបានស្តាប់របាយការណ៍របស់គណៈកម្មាធិការកណ្ដាល ស្ដីពីសភាពការណ៍ទូទៅ និងការងារគណបក្សឆ្នាំ ២០២៣ និងទិសដៅភារកិច្ចឆ្នាំ២០២៤ សេចក្ដីសម្រេចចិត្តនៃមហាសន្និបាតវិសាមញ្ញតំណាងទូទាំងប្រទេសរបស់គណបក្សប្រជាជនកម្ពុជា និងសេចក្ដីសម្រេច ស្ដីពីផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ អាណត្តិទី៤ ឆ្នាំ២០២៤រួចមក​ សម្តេចរដ្ឋសភាធិបតី ឃួន សុដារី ក៏ដូចជាសមាជិកសមាជិកាគណបក្សទាំងអស់ បានប្តេជ្ញារួមគ្នាយ៉ាងមុតមាំ នៅក្នុងអនុវត្តឱ្យសម្រេចនូវរាល់សេចក្តីសម្រេច ផែនការ និងទិសដៅរបស់គណបក្សប្រជាជនកម្ពុជាឱ្យទទួល បានជោគជ័យ មានប្រសិទ្ធភាពខ្ពស់ ជាពិសេសការទទួលជ័យជម្នះ នៅក្នុងការបោះឆ្នោតបន្តបន្ទាប់ នៅពេលអនាគតទៀត៕

បណ្ដាញសង្គម

ព័ត៌មានថ្មីៗ

លោក Trump យកពន្ធ ១៩% លើទំនិញឥណ្ឌូនេស៊ី ក្នុងកិច្ចព្រមព្រៀងចុងក្រោយ ខណៈប្លុកអឺរ៉ុប ត្រៀមខ្លួនសងសឹក
07/16/2025 09:07 AM
Facebook Telegram Linkin
អតិផរណានៅសហរដ្ឋអាមេរិក ហក់ឡើងក្នុងខែមិថុនា ខណៈពន្ធចាប់ផ្តើមបញ្ចេញផលប៉ះពាល់
07/16/2025 09:07 AM
Facebook Telegram Linkin
អ៊ីស្រាអែលសម្លាប់មនុស្សជាង៦០នាក់ទៀត នៅហ្កាហ្សា ខណៈអង្គការសហប្រជាជាតិព្រមានពីការកើនឡើងនៃកង្វះអាហារូបត្ថម្ភ
07/16/2025 08:07 AM
Facebook Telegram Linkin
សហភាពអឺរុប ពុំបានឯកភាពទណ្ឌកម្មថ្មីលើរុស្ស៊ីទេ លោក Trump ព្រមានលោក Putin ឲ្យបញ្ចប់សង្គ្រាមអ៊ុយក្រែន
07/16/2025 08:07 AM
Facebook Telegram Linkin
ប្រភព៖ លោក Putin មិនញញើតនឹងការគំរាមរបស់លោក Trump ទេ ហើយនឹងបន្តវាយយកទឹកដីអ៊ុយក្រែនបន្ថែម
07/16/2025 08:07 AM
Facebook Telegram Linkin
សម្តេចធិបតីព្រមានផ្លាស់ប្តូរ ឬបញ្ចប់តំណែងចំពោះសមត្ថកិច្ចណាមិនសហការបង្រ្កាបបទល្មើសតាមអនឡាញ
07/16/2025 07:07 AM
Facebook Telegram Linkin
សម្ដេចធិបតី ហ៊ុន ម៉ាណែត ដាក់ចេញបទបញ្ជា ៩ ចំណុច ស្តីពីយុទ្ធនាការបោសសម្អាតការឆបោកតាមប្រព័ន្ធបច្ចេកវិទ្យា
07/15/2025 10:07 PM
Facebook Telegram Linkin
សម្តេចប្រធានរដ្ឋសភាកម្ពុជាចែករំលែកអនុសាសន៍៥ចំនុច ក្នុងការលើកកម្ពស់វប្បធម៌សន្ទនា កសាងសុខសន្តិភាព ដល់កិច្ចប្រជុំ AIPA
07/15/2025 08:07 PM
Facebook Telegram Linkin
សហគមន៍ជនបទយេម៉ែនកំពុងជួបការលំបាកខ្លាំង ស្របពេលដែលគ្រោះរាំងស្ងួតកាន់តែធ្ងន់ធ្ងរទៅ
07/15/2025 08:07 PM
Facebook Telegram Linkin
ប៉េរ៉ូបើកឡើងវិញតំបន់បុរាណវិទ្យាអាយុកាល ៣.៨០០ឆ្នាំ Penico ដល់ភ្ញៀវទេសចរ
07/15/2025 08:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.